جحيم في السرير الجزء 14 والأخير

الطريق كلها غاديين ساكتين..كتشوف من الزاج وهو مرة مرة يشوف جيهتها..ماقادر يخرج تا كلمة..بقى يلوم راسو ..علااش ماقالهاش تاهو شنو عانى فغيابها؟...علااش ماحسسهاش قداش كيبغيها؟؟ علااش خلاها تحس بلي بصااح كان عايش حياتو عادي فغيابها..وهو ماقدر يمس تا بنت المرا فاش تفارق معاها!!..تنهد وسكت...خلاا كلشي فقلبو...مابقات الهضرة تنفع بوالو فهاد اللحظة...ماحسو بالطريق تا لقاو راسهم وصلو حدا الدار ديال رشيد...حبس الطوموبيل وهي خرجت بلا هضرة بلا كلام...طلعت فالدروج وهو متبعها بعينيه ..دقت فلباب حل ليها رشيد..غي شافها فداك الحالة كحز ليها دخلت وهو هز جاكيطتو وهبط بزربة...

إكرام وقفت قبالتها خايفة منها ولكن سرعان ما مشات نجلاء عندها بزربة وعنقتها كتبكي...إكرام بادلاتها التعنيقة...كتسمعها كتشهق مخليااها تخرج لي فقلبها...

رشيد هبط كيجري لقى طوموبيل د أوس مازالة واقفة...ركب بزربة قدامو...

أوس شافيه ورجع تكى راسو على لكوسان...

رشيد بهدوء:شنو وقع ء خوويا!!

أوس شحال وهو ساكت عاد نطق:تمشي معايا؟؟

رشيد شاف فالعمارة ورجع تقاد فالجلسة:ياله...

ديمارا أوس الطوموبيل بزربة ومشاو....

شحال وهي جالسة كتبكي فحضن صاحبتها:كون سحابلي غتبكي هكاا كون كااع مادرت هادشي كامل؟؟..ندمتتت ..ماتقلقييش مني عافااك..

نجلاء مسحت عينيها وشافت فيها:ف فين كرم؟؟

إكرام بسمت:ناعس بحال الملائكة...ديناه لعب وجينا نعس فالطريق...راه فلبيت ديال نغم...

نجلاء هزت راسها بالايحاب وجمعت شعرها كعكة لفوق:انا نوض نغسل وجهي ونجي...

إكرام بصوت خافت:اوك حبيبة...

مشات نجلاء للحمام شافت وجهها فالمراية ولاا كلو حمر وعينيها حومر...غسلاتو وعاودت..كدوز يديها على وجهها وتفكر كفاش كان شادها...حطت صبعانها على شنايفها...حست ببوستو فشنايفها..غمضت عينيها بلا ماتحس كتذكر داك اللحظة...ورجعت حلتهم كضرب وجهها بالمااا باش تحاول تنسى كااع شنو داز....خرجت بعدما مسحت وجهها ومشات عند صاحبتها جلست قدامها..

إكرام:دبا شوية؟؟

نجلاء:اه...(مسحت على وجهها).

إكرام قربت حداها:باغية تهضري؟؟(حطت يديها على كتفها)انا كنسمعك الى بغيتي؟؟

نجلاء بصوت خافت:مازال كيفكر فيااا..مازال باغي نكونو بجوج..وحسيت بلي مازال كيبغيني..

إكرام فرحت:اوووه...هادا خبر زوين...و ولكن نتي علااش وصلتي لهاد الحالة مين عرفتي هادشي؟؟

نجلاء بهدوء:كان يسحابلي بحالك...الى قالي بلي كيبغيني غنقدر نسى كلشي فرمشة عين....ولكن للأسف..غي جبد الماضي لقيت راسي غارقة فالدموع والألم وطلي داز عليااا(شافت فصاحبتها وبريق الدموع والاسى فعينيها)..تفكرت كلشي...حسيت بلي ياله عشتو...ماقديتش نسمحلو ء إكرام...ماقدييييتش...

إكرام كدوز يديها على شعرها:واخة..اه..من حقك..خودي كااع وقتك احبيبة مادوزتيش قليل..

نجلاء بألم:خايفة يكون هاد الوقت طويل...الجرح فقلبي كبير بزاااف ء إكرام...ماراضياش نرجعلو...ولا حتى نقول حدا عائلتي بلي بعد كااع المعاناة لي دوزو معايااا...وكااع الدموع وكااع المشاكيل...غنرجعلو بسهولة غي رجع...صعيب بزاااف...

إكرام تنهدت:آه عارفة..و ولكن ماتنسايش...بيناتكم كرم...وكانظن من حقو عليكم أنكم ضحيو ولو شوية على ودو...

نجلاء تكات راسها على لفوطوي:راسي غيطرطق..والله..(رجعت تقادات فالجلسة)خصني نوض نمشي...

إكرام:ماغتمشي فين...غتباتي هنا...مانخليكش تمشي فهاد الساعة وبهاد الحالة..

نجلاء شافت فيها مطولاا وسكتت يعني موافقة..

...

أوس ورشيد جالسين فنايت كلوب كيشربو...

رشيد:اوا هضر ..شنو طرا؟؟

أوس هبط على كاسو:عرفتي ء رشيد..(شافيه بجدية)...أنا صدقت كنشبه لسمية ومافخباريش...

رشيد غوبش:شنو هاد الهضرة لي كتقول؟؟

أوس بسم بألم:دائما الانسان لي كنكرهو طبااعو وتصرفاتو بزاااف وكتعقدنا...فالتالي كنطلعو كنشبهو ليه...

رشيد حاط يديه كيحاول يفهم:ءءءءء؟؟

أوس تنهد:جرحتها بزااف...عرفتي فاش عاودت لياا حسيت براسي أحقر انسان فهاد العالم..

رشيد شافيه بأسى:اوا حاول تصلح ء صاحبي..

أوس:ماعرفت..حاس بلي مابقى عندي ماندير...

رشيد:بالعكس..هي مادام عاتباتك دونك راها مازالة كتبغيك..

أوس شاف بنت جات جلست حداه وكتبسملو..دور وجهو منها وشاف فرشيد:يكون خير...(غمزو)نوض نمشيو بحالنا...

رشيد شافيها عاق بيه:يكون حسن..

ناضو بجوج ركبو فالطوموبيل وهو رشيد يوصلو مساج "بب ماتجيش للدار نجلاء غتبات معايا...".

رشيد جاوبها "نيت مانخليش صاحبي بوحدو..بونوي"..

رشيد شاف فصاحبو:جرات عليااا المداام..

أوس باستغراب:علاش؟؟

رشيد بهدوء:نجلاء غتبات معاها...

أوس:ياك بعدت هي لاباس؟؟

رشيد:اه غتكون لاباس غي رتااح..

حركو الطوموبيل ومشاو للدار....

إكرام حطت لعشا وعيطت لنجلاء لي كانت كطمن ماماها عليها وعلمتها بلي غتبات مع صاحبتها....

جلسو فالطبلة..ماقدتش تاكل..

نجلاء:رشيد شفتو تعطل..

إكرام:ماغيجيش..ماقدش يخلي أوس بوحدو...

نجلاء تخلعت:علاش مال أوس؟؟

إكرام بسمت:غي بالشوية عليك...مافيه والو غي حيت زعما انا وياك نباتو هنا وهو مابغاش يخلي صاحبو..وصاافي...

نجلاء حنات راسها:اممم اوك..(ناضت)أنا شبعت..ماقديتش ناكل...

إكرام خلاتها على خاطرها...وراتها فين تنعس وجمعت هي داكشي...

أوس جلس هو ورشسد فالصالون..بقاو يهضرو ويتفرجو أبخي ناض كل واحد لبيت ينعسو....

أصبحنا وأصبح الملك لله..

فاقت نجلاء على يديدات كرم لي ناعس قدامها...

كرم:م مامااا ماااماا..

نجلاء حلت عينيها وهي تشوفو بسمت وعنقاتو:صبااح النور لحبيب ديالي..

كرم:صباح النووول مامااا..فين حنا؟؟هادي ماسي دالنا..

نجلاء باستو:نتا نعستي عند خالتو إكرام...ومابغيتش نفيقك..قلت نباتو هنا...

كرم حل عينيه:اناا نمسي نسوف نغم..

نجلاء بسمت:هاي هااي على نغم هههه...انا نغسلك هاد الوجيه ونمشيو نشوفوهم...

كرم:اوكي مامييي..

ناضو غسلتلو وجهو وتا هي غسلت وخرجو لقاو إكرام ياله فاقت...صبحو عليها ونغم ناعسة فالكونة ديالها...مشى كيشوفيها وكيسكتهم فاش كيهضرو بالجهد تا قتلهم بالضحك...

فدار أوس كان داخل للدار تا لقى رشيد خارج من الدوش:افين كنتي؟؟

أوس:درت سبور شوية وصافي...

رشيد:اهاه..مزياان..

أوس:أنا ندخل ندوش ونجي...

رشيد:اوك هانا نوجد قدامك الفطور...

دخل أوس دوش وخرج فطرو بجوج...لبسو حوايجهم وخرج رشيد باتجاه خدمتو...

نجلاء فطرت وناضت ترجع لدارها هي وولدها...

.....

فالفيرما كانت لينا كتفطر تا وقف عند راسها جاد:وجدي راسك غنمشيو دبا!!

لينا باستغراب:فين؟؟

جاد:الطبيب كيساينااا...

طه بسم:آه...نمشيو!!

لينا توترت:ص صافي واخة ..

جاد بسم:اوا فطري مالك حطيتي من يديك...

لينا تلفت:ص صافي شبعت...

طه:أنا نوض نوجد راسي..خصنا نمشيو....

لينا حطت من يديها ودورت الكرسي:واخة...نمشيو دباا...

جاد جرها بالكرسي:مزياااان..نيت الوقت قرب..

وقفو على برا حدا الطوموبيل...هزها ودخلها للطوموبيل حطها لور وهي بقات تشوفيه:غنولي لاباااس!!

جاد بسم فوجهها:ان شاءلله...

وصلت نجلاء للدار...مشى كرم كيجري يلعب مع باسيدو وجداتو وهي سلمت عليهم وطلعت لبيتها...دوشت وبدلت حوايجها..عاد هبطت عندهم..

.....

لينا جلست على الباياص...كيقلبها الطبيب وجاد واقف قبالتها كيحفزها...وباباها شادلها فيديها...

الطبيب بقى يفحصها شحال:دبا خصنا نديرو ليك أشعة وعاد نحكمو ..

لينا هزت راسها:واخة...

دارو ليها كااع الامور اللازمة...

وعاد تجمعو كاملين عند الطبيب فالمكتب ديالو:كنظن بلي جا لوقت باش نديرو العملية...

لينا توترت وجاد شدلها فيديها تا شافت فيه:حنا مستاعدين ء دكتور...لمهم بعدا شحال نسبة نجاح العملية؟؟

الطبيب:80% ...حيت راك عارف كيبقى كل جسم وكفاش كيتقبل العلاج...

طه:مايكون غي لخير...

جاد:دونك نحددو شي موعد قريب يااك ء لينا؟؟

لينا شافت فيهم تالفة وخايفة:ل لي بغيتو!!

جاد بسم فوجهها:نشوفو السيمانة الجاية..شنو رأيك؟؟

لينا شافت فباباها وفيه:و واخة صاافي...

طه:الى ماقديتيش نأجلو شوية...

لينا هزت راسها بجدية:ل لاا لوقت هو هاداك...بلا مانزيدو نطولو...

تافقو مع الطبيب وحددو الوقت مزيان...وواخة لينا كانت خايفة..تحفيز عائلتها ليها خلاها تشجع باش دير هاد العملية...كماعلله تقدر تمشي على رجليها من جديد...

....

مرت الايام...أوس كيصوني على علي كيطلب يشوف ولدو...اما كيخرج معاهم ولا كيجي كيشوفو فالدار واحد المدة....نجلاء كانت كتشوفو من السرجم دبيتها فاش كتكون...كتحاول ماتلاقاهش..وتا هو ماكيحاولش يتلاقاها..توحشها وتمنى يشوفها ولكن بغى يخلي الامور تمشي على ماهي عليه...كلما كرم كيجبد ليها سيرتو كتحس بقلبها كيتخطف ولكن مازالة ماقادة تسمح ليه...

ليوم النهار لي قبل من عملية لينا...كانت تالفة وماشي صافا...في ساهية وكتفكر...كلهم كيحاولو يحفزوها ويشجعوها ولكن هي كترجع بسرعة لحالتها...جالسين مجموعين تا دخل علي هو وكرم...كانو جايين بعدما تلاقاو أوس على برا...

نجلاء غي شافتهم تنهدت...جا كرم عندها كيجري:ماامييي توحستك..

نجلاء بابتسامة:تا أنا...

علي سلم عليهم وجلس مقابل بنتو كيشوفيها...لاحظت أنه كيدير فيها شي شوفات فشكل سولاتو..

نجلاء:بابا...كاين شي حاجة؟؟

علي بهدوء:والو ء بنتي ..بلاتي ونهضرو..

نجلاء بتوتر:ياك لاباس؟؟

علي:ماتخلعيييش...عادي غي شي هضرة وصافي...

نجلاء هزت راسها بالايجاب واخة راسها كيدي ويجيب فالافكار...

جاد بسم فوجه لينا:خايفة!!(طولت فيه الشوفة)ماتخافيش...حنا كلنا معاك..

لينا عينيها دمعو:الى مانجحتش العملي..

قاطعها:شوووت...ماغاديش تفشل العملية...ان شاءلله غتنجح..غي كوني هانية..الطبيب طمنااا ..ولكن أهم حاجة هي نتي تكوني عارفاها غتنجح...ويكون يقينك فالله كبير.. حيت ماكاينش لي غيعاونك بحالو...

لينا بهدوء:ونعم بالله...

حطو العشا كلاو مجموعين...طلعت نجلاء نعست ولدها وهبطت جلست مع باباها تهضر معاه:كنسمعك ء بابا...

علي تنهد وشافيها:ليوم...أوس هضر معايا عليك(تشوكاات)..فالصراحة ماتقبلتش هضرتو فلول ولكن ....هو طلب أنك ترجعيلو (خرجت عينيها ورجعت حنات راسها حشمانة)....هو قال بلي الظروف فرقتكم من قبل ودبااا ماكرهش ترجعو لبعضياتكم...نيت راه بيناتكم ولد...لمهم...انا سمعتلو ولكن القرار كيرجع ليك ء بنتي...شنو رأيك؟؟

نجلاء تزيرت...حدرت راسها للأرض..

علي:بنتي...الى كنتي باغية ترجعيلو حنا راك عارفة ماغنوقفوش فطريقك..

نجلاء عينيها دمعو وشافت فيه:مازال مانسيت اش داز عليااا ..

علي تنهد:ولكن هو مامشاش من راسو ..انا عاقل بلي بقى شحال معاك كيطلبك نتي مابغيتيش...

نجلاء دورت عينيها:شنو زعما كان خصني نبقى معاه واخة كااع شنو دار؟؟

علي مسح على وجهو:شوف ء بنتي...الى جينا نشوفو راه هو مادار فيها مايصلاح...ولكن..نتي عارفة أوس مسكين...عانى فحياتو كلها...دوز المشاكيل والحرمان...هادشي علااش كنهضر أنا هكااا...اكيد نتي بنتي ونتي لي غنخاف عليك كثر من أي واحد...

نجلاء دموعها هبطو:ماعرفتش...فالصراحة قلبي مازال ضارني..مازال ماقاداش نشوف فوجهو...

علي قرب عندها:عرفتي شنو قالي؟؟(نجلاء شافت فيه بتركيز)..قالي بلي "غلطت بزااف معاها ..ودرت لي مايديرو حد...ولكن نتا أعمي عارفني...انا ماشي واحد تزوج وخان وهرب...أنا كثر من داكشي...أقسم بالله عمرني فكرت نآذيها فاش عرفتو حقيقتي...ولكن هادشي لي كتب الله...تا انا ياما عانيت فداك الغربة ..وعمرني دوزت نهار بلا مانفكر فيهم هي وكرم.. كنت خايف رجع لقاها نساتني...ولا ماتعاملنيش مزيان...تا أنا كنت مقصح...مارضيتش مين رغبتها شحال وخلاتني واخة عارفاني عايش أسوء لحظاتي ..ولكن دبااا رجعت ومتمني أن داكشي نتجاوزوه ونبداو من جديد...تا الى ماكانش على ودنا يكون على ولدنااا..."

نجلاء بقات كتشوف عينيها مدمعين:واخة هكاك ماقاداش نسامحو...خليها للوقت ..

علي بسم فوجهها:عندك الخق ء بنتي....اوا الله يصاوب...

ناضو بجوج كل واحد ينعس فبيتو....

كانت ليلة طويلة أغلب الناس ماقدوش ينعسو...نجلاء وأوس معمر بالهم مشكلتهم...لينا الخوف والرهبة من العملية ..وطه خوفو على بنتو لي مطيرة النعاس من عينيه....

وأخيرا جااا الصباح...

كلهم ناضو ومشاو مع لينا للسبيطار...كان خصهم يوقفو معاها فهاد الظروف...نجلاء دات ولدها معاها..معنقاه وجالسين...اما لينا متكية فالبيت كل مرة يدخل عندها وا تهضر معاه....دخل باها وعمها ومها لعندها...

طه خرج عينيه مدمعين:بنتي نجلاء!!(طلعت عينيها فيه)لينا بغات تهضر معاك...

نجلاء وقفت:واخة اعمي..(حطت كرم)..جلس ء ماما حدا لميمة هانا جاية..

كرم هز راسو:واخة ماميييي..

دخلت نجلاء وشدت لباب...جلست حداها مبتسمة:شنو ء الزين!! كتفشي علينا من دبااا؟؟

لينا بسمت والخوف باين عليها:نجلااء ..سمحيليي..

نجلاء تبدلو ملامحها:علااش شنو درتيلي باش نسمحلك(شدتلها يد بجوج يديها)..

لينا بهدوء:يمكن أنا لي بدلتلك حياتك...كون مادخلتش فيها كون را...

نجلاء حبستها:لينااا..نعلي الشيطان..كلشي مقدر ومكتوب...نتي غي سبب لا أكثر...

لينا:ولكن أنا دمرت حياتك بطيشي وقباحتي...

نجلاء بسمت:دمرتييي حيااتي؟؟هههه..حرام عليك تقولي هكااا...كرم أحسن حاجة فحياتي..وحمدلله عايشة بيخير..

لينا:و ولكن...انا السبب باش تزوجتي أوس خوياا و...

نجلاء قاطعتها:أوس واخة كلشي كان حاجة زوينة فحياتي...(شافت فالفراغ)..وتا الى رجع بيا الزمان واخة عارفة هادشي كلو كنت غنختار نتزوجو...

لينا بسمت:يعني مامقلقاااش مني!!

نجلاء حنات باستها:جااامي...الله يخرجك من العملية بالسلامة...ماديريش لماضي فدماغك...واخة...

لينا رتاحت:لهلااا يخطيك...شوفي قولي لجاد يدخل بغيت نهضر معاه...

نجلاء:واخة...انا نقولهالو...

خرجت نجلاء عيطت لجاد وهو دخل عندها بزربة:لينااا!!..

لينا تقادات فالنعسة وهو يعاونها:شكرا جاد..

جاد بسم:هانية..شنو باغية توادعي معاناا(كيضحك)انا بعدااا غنتهنى منك الله على راحة هههه..

لينا بسمت وعينيها دمعو:سمحلي ء جاد...

جاد تبدلو ملامحو:علاش غنسمحلك!!.

لينا بهدوء:انا لي وقفتلك فطريق سعادتك..(شافيها بجدية)وقفت بينك وبين حب حياتك...سمحلي بزااف كنت أنانية وماكنفكرش مزياان..

جاد تنهد:دبا علااش كتفكري هكاا.."قل لن يصيبنا الا ماكتب الله لنا"...ماديريش فراسك...كلشي دبا داز وسالا وأنا نسيت..

لينا شدتلو فيديه:جاد..نتا كنتي هو الحب الحقيقي فحياتي كلها(شاف فيديها وتلف)..أقسم بالله عمرني بغيت كيفما بغيتك... يمكن كنت طايشة وقبيحة وهضرتي كانت كلها كذوب..ولكن الحاجة الوحيدة لي كانت بصااح هي المشاعر لي كنت كنحسهم اتجاهك...خصوصاا بعدما وقع لي وقع ووقفتي معايا نتا ونجلاء وكلشي واخة كااع شنو درت فيكم اهئ اهئ..حسيت براسي أسوء مخلوقة على وجه الأرض...و ولكن عذروني...انا تربيت فجو ماكيعرفش معنى الحب...كان هدفنا الوحيد هو الفلوس وارضاء الرغبات هادشي علاش طلعت هكااا..

جاد كالماها:شووت ماتبكيش...انا مسامحك...ونتي راك عارفة عزيزة عليا بزااف..و ولكن...مين نتي كتبغيني بصااح..علاش مين عرضت عليك الزواج رفضتي!! مافهمتش؟؟

لينا مسحت دموعها:نتا كنتي باغي تزوجني تصلح غلط...وحاس بالشفقة اتجاهي..ولكن أنا كنت باغية نحس بحبك لياا...و واخة كون حسيتك كتبغيني كنت غرفض(حنات راسها وهو مستغربها)حيت مانبغيش نربط بيا وانا عاجزة بهاد الشكل...

جاد تأزم:لينااا..انا مافكرتش هكااا غ...

لينا:بلا ماتشرحلي انا فاهمة...كنت باغية غي نقولك شنو فقلبي وصاافي..

جاد بسم:ان شاءلله غتولي بيخير وتولي تجري وتسبقيني..

لينا:ان شاءلله..شكراا بزااف ..وتا الى مانجحتش العملية غنكون درت لي عليااا...وجربت...

جاد:مايكون غي لخير..(ناض يخرج)ياله انا نخرج دبااا لايشكوو فيناا هههه.

لينا بسمت:واخة...

خرج جاد من عندها طالع ليه الدم...خايف عليها ولكن ماكيبينش...ونجلاء شادة ولدها كتشوف فالفراغ وتفكر...

كرم دار على غفلة شاف أوس جاي حيد يد ماماه ونطق:بابااا...

كلهم شافو لجيهتو منهم تا نجلاء لي تفاجئت..

أوس وقف حداهم:سلام عليكم ..

كلشي:وعليكم السلام...

سلم على كلشي ومد يدبه بزربة لنجلاء سلمت عليه حامية راسها وخدا كرم من عندها...

أوس:ولدي الزوين..موااح...

كرم:تا انا بابييي..

أوس باسو من جديد:جلس مع ماماك..انا نشوف عمتو ليناا ونجي..

كرم بسم:اوك بابييي...

مشى عند ماماه وأوس دخل عند ختو..لقى باباها واقف حداها سلم عليه وطه ختار يخرج..اما لينا تفاجئت بزيارتو..

أوس جلس وشافيها:كيدايرة!!

لينا بهدوء:حمدلله..ونتا؟؟

أوس:حمدلله..هاد الساعة نتي أهم...ان شاءلله تخرجي من العملية على خير..

لينا بسمت متفاجئة:علاش جيتي؟؟

أوس بهدوء:حيت نتي ختي...وضروري نوقف معاه فبحال هاد المواقف...

لينا فرحت:لهلا يخطيك ء خوياا...

أوس بسم:محتاجة شي حاجة؟؟

لينا دورت راسها بالسلب:باراكة غير جيتي عندي..

أوس ناض:ياله..نخليك دبا...نتشاوفو فاش تخرجي ان شاءلله...

لينا بسمت وعطاها طاقة ايجابية:واخة ا خوياا...

خرج أوس من عندها وهو الطبيب يجي:غناخدو دبا المريضة..

كلهم تخلعو وأوس قرب قدامو:دكتور ديرو جهدكم عافاك...

الطبيب بسم:مايكون غي لخير....

جابو لباياص هزو فيه لينا...خرجت حداهم خايفة ولكن كلهم مشجعينها...تا غابت على عينيهم ودخلت للبلوك...

كرم بهدوء:ماما..عمتو لينا غتبلااا يااك؟؟

نجلاء بألم:دعيلها ء ولدي...قول ياربي تشافيها...

كرم هز يديداتو:ياربي تسافي عمتو ليناا..

كلهم سمعوه وتأثرو:آميييين...

كلشي مجموعين فالكولوار...كيساينو شنو غيوقع...أوس صونا ليه التيلي بزااف دالمرات ولكن كان كيقطع وفالتالي طفاه فمرة...ماعزيزش عليه الضغط..وتا الحالة لي هو فيها خلاتو يقرر أنه يخوي السيكتور...مشى بلا هضرة تا بقات نجلاء كتشوفيه..عارفاه كفاش داير..تنهدت وعنقت ولدها التوتر راكبها من ساسها لراسها...

دازت تقريبا ساعة..لاخبر لا والو...كلهم مترقبين...ساعة خرااا..نفس الشي...اخيرا أوس دخل متمني يسمع خبر زوين...ولكن والو...كيحاول يتفادى عيون نجلاء ولكن هي ماقاداش تحبس راسها تراقبو...تصرفاتو كلها تبدلت...وقف حدا طه كيحاول يكالميه..

أوس:ماغيكون غي لخير...تهدن..

طه تنفس قلبو غيفلت:ياربي ء ولدي...

عيات تحاول تخبي وتبعد عينيها ماقدتش...ناضت من بلاصتها..وخلات كرم عند ماماها..

مليكة:فين غادية؟؟

نجلاء بهدوء:غنشم لهوااا تخنقت هناا ء ماما...

تمشات قدامهم وأوس شافيها بنص عينيه ورجع دور وجهو باتجاه البلوك...

خرجت برااا كتنفس وتحاول ترتاح...

ساعة خراا ووالو...

كرم مشى عنق باباه وهو يهزو عندو:باباا...فين ماما؟؟

أوس تنهد:هاهي شوية وتجي ء ولدي...

كرم ببرائة طالع ليه الدم:ديني عندها...بغيت ماما...

أوس شافيهم ورجع هز ولدو وخرجو:واخة ..

بقاو يقلبو على برا تا كتبان ليهم جالسة بوحدها على واحد المقعد...

كرم:راها راااها...

أوس بهدوء حطو:سير عندها!!

كرم مشى كيجري عندها:ماااميييي...

نجلاء شافتو تفاجئت:ك كرم...كيدرتي جيتي هنا!!(دورت وجهها وكرم كيجاوبها)

كرم:زابني باباااا..

نجلاء كانت شافتو وهو غي شافت فيه تم راجع:عيط لباباااا قولو يجي..

كرم بغوات:باباااا..

أوس دار شافيه لقى نجلاء واقفة كتشوفيه وكرم كيغوت:ازيييي...

أوس مشى باتجاههم بخطى مترددة كيشوف فولدو مستغرب...

كرم:مامييي كالتلي نكولك ازييي...

أوس علا حاجبو وشافيها وهي كتحاول تبدا لهضرة:ا الله يشافيلك ختك لينا...

أوس خدا من عندها كرم لي كان باغي يجي عندو:آمييين...شكراا...

بقات كدور فعينيها مافاهماش اش كدير...تزنكت والتوتر باين عليها..وهو سهلها عليها...

أوس بهدوء:واقيلا هضرتي مع باباك؟؟

نجلاء تنهدت:اممم..هضرنا لبارح...م ميي(حكت عنقها)كنظن ماشي دبا وقت هاد الهضرة!!..

أوس وافقها الرأي بسم فوجه ولدو:نطلعو؟

كرم:آه..

نجلاء بهدوء:ماكاين تا خبار؟

أوس كيشوفيها:مازال..

نجلاء هربت من عينيه:اوك نطلعو حسن كنظن...

أوس:سبقيني نتي وكرم...(استغربت فيه)مابغيتش نحطك فشي موقف قبيح حداهم..

نجلاء بعفوية:لااا عادي...ماكاين تا موقف قبيح غي نطلعو كاملين...

أوس بلا مايحس وجهو تنور حس باحساس زوين...بحالا الطريق بدات تحل فوجهو....تحركو بهدوء بحال أي عائلة..مجموعين لأول مرة..أب وأم وابن...وما احلى هاد الاحساس...تا قربو وهما يوقفو مستغربين..

أوس دار حيت سمع شي حد كينادي عليه ..صوت ماغريبش وتا نجلاء سمعت ودارت باغية تعرف شكون..

وغي قربت جيهتهم عرفها وتصدم:س سااارة!!(نجلاء كتشوفيها وفيه بدات تزير)..

سارة بفرحة ماداياهاش فلوخرين واخة شافتهم:ايتس ميي"هذه أنا".(بلا سابق انذار قربت عندو وباستو فخدو)..ميييس يووو(توحشتك)..

نجلاء خرجت عينيها فيهم وأوس تصدم ..

أوس تزير...

ونجلاء خدات ولدها من عندو تلفاتو:اجيي ء ولدي..(تمت غادية وسارة فرحانة...تا شدها من يديها).

أوس علا حواجبو فيها:سااارة...اش جابك هنا؟؟(نجلاء واقفة مخنزرة كتحاول تحيد يديها منو...وجه ليها الهضرة)رصااااي ..

سارة شافتو كفتش دايرلها وماباغيهاش تمشي:اوا ماقديتش نكمل فالميريكان بلا بيك..(نجلاء كطلع وتهبط بالالوان)..اجي معايا نهضرو بجوج...عندي مانقولك...

أوس تعصب مسح على وجهو:هضري هنااا..تاواحد مابراني(شاف فنجلاء لي طالع ليها الزمر لاغية تفك منو ماحاملاش تبان عليها الغيرة..حنات راسها وصاقرة)..هادي مراتي نجلاء(سارة تصدمت ونجلاء علات عينيها فيه مشوكيا)وهدا ولدي كرم...يعني تا واحد مابراني(رجع شاف فسارة لي عينيها عمرو دموع)..اه ونسيت(وجه لهضرة لنجلاء لي مازال ما استوعبت اش طرا)هادي سارة بنت سي عامر صاحب الشركة لي كنت خدام فيها...بحال ختي الصغيرة(سارة كتزيد تصدم)..مخطوبة لميكاييل ولد صاحب باهااا...

نجلاء خنزرت فيها وسارة حاولت تصلح الموقف:ماقولتيليش راك مزوج!

أوس رجع شاف فنجلاء بهدوء:ماكنتش مزوج ولكن فاش رجعت...رديت مراتي...

سارة شافت فيهم:مبروك عليكم...هادا ولدك؟؟

أوس بسم:كيشبهلي يااك؟؟

نجلاء كتشوفيها عرفتها كتبغيه..وسارة بسمت:اممم...شوية...وواخد تا من ماماه(مدت يديها ليها)تشرفت بمعرفتك...

نجلاء سلمت عليها بهدوء:شكرا...

سارة شاف فيه بجدية:ياك لاباس؟؟علاش نتوما هنا؟؟انا تا وصلت لعندك للدار وكنتي جاي هنا...تبعتك ولكن ماعرفتش فبن كاين..قلت نساينك تا تخرح ومين شفتك هنا جيت نهضر معاك..

أوس هز راسو فاهم:اه...ختي كدير عملية...

سارة باستغراب:ختك؟؟(شافت فنجلاء)فالصراحة صدقنا ماعرفين عليك والو...

أوس ببرود:طبيعي..حيت هنا حياااتي..وأكيد هنا عائلتي ماشي تما..

سارة بهدوء:ويمكن حيت ماكنتي كتفتح قلبك لتاشي حد...

أوس:ممكن..

سارة حدرت راسها وطلعاتو:انا دباا غنمشي...تالمنبعد ونصونيلك نجي نشوف ختك ان شاءلله...نتمنى تنوض على خير...

أوس بسم:شكرا ء سارة...

سارة مدت ليه يديها:هانية..بسلامة(لعبت فخد كرم لي غي ساكت كيشوف ومشات قدامهم)..

أوس خلاها تا مشات وشاف فنجلاء لقاها واقفة مخنزرة:شنو نطلعو؟؟

نجلاء خنزرت فيه ومشات هازة ولدها بلا ماتجاوبو دليل على أنها مقلقة...هز يديه تا لسما ولتخها معصب..

أوس:شنووو غندير معاككك...شنووو؟؟

نجلاء ماكانتش مقلقة...ولكن طبيعي أي مرا تشوف حبيبها جاية عندو بنت وباستو يعني واخدة عليه...غتقلق وغيبقى فيها الحال...اصلا تقليقتها كانت كتخبي بيها فرحتها على أنه عرفهم على أنهم أزواج...عضت شنافتها وهي زايدة للقدام...حاسة بلي حققت انجاز...اما هو موراها مسكين كيفكر كفاش غيفك هاد المشكل من جديد...

وصلو لحدا البلوك...لقاو الطبيب واقف مع العائلة...جراو بسرعة كيسمعو آخر حديث...

الطبيب:دبااا نتسناو نشوفو العلاج الفيزيائي آش يدير...

أوس زاد لقدام:اه زعما شنو واش نجحت العملية ولا لا؟؟

الطبيب بسم ولوخرين كيساينو يفهمو مزيان:نجحت...حمدلله...

كلهم غوتوو:اووووه...واخيرااا هههه...حمدلله...

بداو يتعانقو ..وكلشي فرحان...أوس شاف فنجلاء ومشى عندها جرها من يديها وعنقها بلا مايحس..

نجلاء غي تخشات فصدرو حست بداكشي لي كانت كتحس بيه من قبل...نفس الحضن...نفس الريحة...نفس الاحاسيس الزوينة لي كانت تحسها من قبل...هزت يديها وحطتها بالخف على ظهرو ..ورجعت بزربة حاولت تبعدو تا شافيها...شافت فالارجاء وهو فهم وبعد...كان عاجبها لحال وهي كتشوفو مزنك وكيحك فعنقو...حست أنها وصلاتو للطوب...وأن مازال قربها منو كيأثر عليه ويخليه يفقد توازنو...بسمت ومشات هنأت عمها وعنقت باباها وهو رامي عليها العين كيحاول يبرد....

خرجت لينا قدامهم من البلوك..ناعسة وماحاسة بوالو...تبعوها لبيتها...دخلوها حطوها على الباياص وعاد دخلو عندها...

جاد طول فترة العملية وهو كيتفكر هضرة لينا ليه...حبها لكبير ليه بان فآخر كلمات قالتهم...حس براسو مامرتاحش وهي لداخل...ودبا هاهو كيشوفها ناعسة قبالتو فداك الحالة...قلبو ضرو عليها...بقى واقف ساكت وهادئ كيفما كان...

الطبيب طمنهم وخرج خلاهم كيساينوها تفيق....

....

داز تقريبا ساعة عاد بدات تفيق قدامهم..

كرم شافها:ع عمتووو لييينااا فااكت...

كلهم قفزو من بلاصتهم..جاد وقف قبالتها وباباها حداها وتا أوس قرب عندهم...بدات تحل عينيها بالشوية وهي تشوفهم...

نجلاء:علا سلامتك ء حبيية..

لينا:الله يسلمكم..اخخخ...

طه:خليك ابنتي..غي بالشوية عليك..ياله خرجتي من العملية...

لينا بهدوء:ش شنو وقع!!(شافو فيها مبسمين)..ن نجحت العملية؟؟

أوس بسم بهدوء:حمدلله نجحت...(لينا عينيها دمعو شادة لباباها فيديه)..وان شاءلله غتوقفي على رجليك...

لينا غلبوها دموعها بقات تبكي...وباباها عنقها..من بعد عمها وجات نوبة أوس باسلها راسها..وهي فرحت بيه...جااد واقف شحال كيساين ايمتا تجي نوبتو..تا سلمت عليها نجلاء بالبكاوات والتعناق والتهنيء عاد جات نوبتو...مشى عندها وباسلها راسها...

جاد بهدوء:على سلامتك..

لينا بفرحة:الله يسلمك...

جاد قرب حدا وذنيها:خفت عليك بزااف..(لينا تزيزنت شافت فعينيه)..

ناض من حداها وغمزها بهدوء ومشى لهيه وهي متبعاه بعينيها...

طلعو كرم حداها باسها:نتي زوينة ء عمتووو..وحستك..

لينا كتبوسو وضحك:تا أنا توحشتك ا حبيب عمتووو..يخليك ليلي مووواااح...

أزس واقف مع الحيط كيهضر مع علي وطه ومرة مرو يشوف جيهة نجلاء وهي كتحس بيه..كتشوف وتولي تحيد عينيها متوترة.....داز وقت طويل...مشاو كلاو والممرضات جاو قادو للينا..جاو رشيد وإكرام لي خلات بنتها مع ماماها...طلو على لينا وتمناو ليها الشفاء وعاد مشاو...

تا جا الليل...

جاد قرب عند لينا:كنت باغي نبقى معاك ولكن...باباك غيبقى هنا هو وعمي..

لينا بسمت:صافي..سير ارتاح تالغدا...وشكرا على كلشي..

جاد تنهد ماعاجبوش لحال:اووف ماكرهتش نبقى...(بسمت بفرحة)صاافي غدا على الصبح تلقايني حدااك..

لينا:واخة...

سلمت نجلاء وكلشي عليها...هبطو لتحت مجموعين وأوس هاز ولدو...

كرم وقف حدا طوموبيل ديال ماماه:بابا ياله معانا..

أوس ماشافش جيهة نجلاء..بسم:دبا نجي ء ولدي الزوين..دبا عندي لخدمة ..

كرم:اوك بابا..

نجلاء شافت فيه:ياله ء ولدي..دير باي باي لباباك..

كرم:باي باااي...

أوس شيرلهم ومشى لطوموبيلتو ونجلاء متبعاه بعينيها...مستغربة أنه ماقالها والو...ركبت طوموبيلتها وتحركت معاها ماماها وجاد...

وصلت للدار بالها معاه..ومع شنو قالها..تمنات لو يصوني فتيلي ديالها..كانت فرحانة...قلبها كيضرب...تخشات فبلاصتها كتفصل وتخيط وعاجبها الحال حيت أخيرا بدات تحس أنو كاين أمل...

مع مرور الوقت..لينا فالسبيطار..كلهم كيزوروها...كيساينو ايمتا تعافى...جاد ماكيقدرش يخليها ومايشوفهاش شي نهار...حالتها بدات تحسن..ولكن مازال كيساينها وقت طويل باش تعالج علاج فيزيائي..كانو كلهم كيحفزوها...عاطيينها الامل أنها غتولي تمشي على رجليها...نجلاء وأوس ماكاينش بيناتهم حوارات خاصة...كانت مخلية لوقت يحكم بيناتهم....

....

ليوم خرجت من السبيطار....خرجها أوس وجاد وطه وداوها للدار....كانت مليكة ونجلاء كيوجدو لغدا عائلي...تجمعو كلهم فرحانين وتاهي بسمتها لي شحال ماشافوها عاد بدات تبان...

أوس جلس معاهم وتم غادي...

مليكة:فين غادي ء ولدي؟؟

نجلاء كتشوفيه وماباغياهش يمشي ولكن ماقدتش تهضر...

أوس:خصني نمشي..صافي شفت لينا غدا عاد نولي نشوفها...

مليكة:لا ماجاتش...نتا خوها وخصك تجلس معانا...خو لينا بحالها(بلعاني ما اشارتش لعلاقتو بنجلاء ولا كرم)..

أوس شافيهم وكرم نقز عندو:بااابييي...بكى معاااياا..

أوس هزو مبسم:ص صافي واخة...

حطو لغدا كلاو فجو زوين...ولكن أوس جاه مساج تلفو...نجلاء حست بيه..حيت مراقباه عارفة فاش كيتشغل بالو..

أوس هضر مع علي بالشوية وهو فهم...هزلو راسو...وهو ينوض يهضر فالتيلي...

علي هضر حدا كلشي:الصديقة ديال أوس غتجي تشوف لينا من هنا شوية ..

نجلاء تزيرت حدرت راسها وبقات ساكتة...

مليكة:شكون هادي؟؟

علي:بنت مول الشي...جات هنا وعرفت ختو مريضة وفكرت تجي طل عليها..طلب اذني وقلتلو مرحبا بيها...بابنا مفتوح لأي واحد ..

نجلاء هزت ولدها عندها كتحاول تخبي تقليقتها...ولكن غي دخلت سارة معاه..تقلب ليها المزاج...سلمت عليهم وجلست...وأوس مرة مرة يشوف جيهة نجلاء كيلقاها ماكتشوفش جيهتو...

سارة عطات بوكي دالورد للينا:ان شاءلله تولي بيخير..

لينا بهدوء:شكرا...

سارة بقات تحاول تجبد مواضيع وأوس كيجاوبها...شرلت كاس د أتاي والحلوى وبقات ساكتة وفالتالي حست بلي خصها وتنوض...سلمت عليهم وأوس مشى معاها...

نجلاء عطات ولدها لمليكة:أنا نجمع هادشي...

مليكة بسمت عايقة بيها:واخة ابنتي...

مشات بزربة...حطت داكشي وخرجت تابعاهم مور لباب...

سارة واقفة كتشوف فأوس:عندك عائلة زوينة!!

أوس:شكرا..

سارة بألم:تا مراتك زوينة..(بسمت)عاد فهمت علاش ماعمرني شفتك مع شي بنت خرااا..

أوس تنهد:نجلاء هي المرا الوحيدة لي بغيتها وماغاديش نبغي من غيرها...(نجلاء فرحت وكتشد راسها بزز)..

سارة هزت راسها:سعداتها...دبا قدرت نفهم قداش كتبغيها..باينة غي من عينيك...تما كنتي ديما كاين حزن فعينيك...وغامض تا واحد ماكيغرف شنو بيك...ولكن هنا كلشي تبدل...حسيت بلي رجعت فيك الروح من جديد...هادشي علااش غنوصيك باش ماضيعهاش من يديك مرة خرا...

أوس بسم بهدوء:داكشي لي عوال نيت...تا نتي الله يسهل عليك فلي بغاه قلبك..

سارة قربت عندو وعنقاتو والدموع فعينيها..طبطب عليها بتوتر وتا نجلاء ماتقلقتش حيت فهمتها...دغيا خرجت راسها ومشات كتجري للطوموبيل لي كراتها مين وصلت للمغرب..أوس بقى حاضيها تا مشات ودار يدخل وهي تخرج قبالتو نجلاء تا تشوكا....بقاو شحال كيشوفو فبعضياتهم...وبلا تأخير مشات كتجري عندو وشداتو من عنقو وباستو فشنايفو بالجهد ..لاصقة فيه مغمضة عينيها ماهمها تا واحد يشوفها لمهم أنها تعبر على باش حاسة....بوسة وحدة خلات كااع الاحاسيس تفسر بسهولة...حيدت شنايفها وشافت فيه لقاتو مبسم...

أوس بفرح:كنبغيييييك...

نجلاء تشبطت فيه بحب:تا أناااا كنبغييييك...كنبغييييك بزااااف...

أوس مازال مامثيقش:خصنااا نقولوها لكلشي...خصهم يعرفو باش نرجعو لبعضياتنا...

نجلاء هزت راسها بالايجاب:اه ولكن نخليو من بعد..

أوس علا حواجبو فيها:من بعد!!

نجلاء:اه زعما يتقادو الامور والظروف...

أوس:ياااك(جرها من يديها...دخلها بزربة وهي كتحاول تحبسو)..

نجلاء:اويلي...أوس...حشومة ..

أوس ماداهاش فيها..ماحبس تا وقف حداهم..كلهم هزو عينيهم كتبان ليهم نجلاء حانية راسها وأوس شاد فيها والفرحة باينة فعينيه..

علي استغرب وكلهم تفاجئو أما مليكة ضحكت عجبها لحال...

أوس بجدية:جيت نعلمكم بلي أنا ونجلاء تصالحنااا(لينا فرحت حلت فمها بالدهشة وجاد بسم بهدوء..اما واحد نجلاء صاقرة كتموت بالحشمة يد أوس ميتة على يديها بحالا حلف يطلقها)..بغيت نقولهالكم..حيت أخيرا قبلت عليااا(نجلاء شافت فيه وهو مبسم فوجهها)..وأنا أكيد ماغاديش نزيد نضيع لوقت...ماكرهتش نوجدو للعرس فأقرب وقت...

نجلاء بصدمة:عرس؟؟

أوس:اه..عرس...مادرناهش فأول مرة ودبا غنديروه...

مليكة ناضت:الله يكمل بالخير...

علي وقف كيشوف بلا ملامح...كلهم سكتو كيساينوه يهضر..تا نطق...

علي:على سلامتكم لي فهمتو راسكم(أوس بسم وشاف فنجلاء لي شدتها الخلعة وهضرت باباها عاد طمنتها)..ريوسكم قاصحين...الله يحظر السلامة...(حل يديه زعما يعنقهم وهما بسمو ومشاو عندو)الاه يكمل عليكم بالخير...

كثر التهافت..كلشي كيهنئ ويبارك..

جاد قرب حدا أوس:مبروك عليكم..

أوس بابتسامة:شكرا ء خويا...

لينا ونجلاء متعانقين:مبروك فرحتلكم بزااف..

نجلاء بسمت:عقبالك ء زين ديالي...

كرم غي كيدور فرحان اخيرا شاف ماماه وباباه متشادين...هزوه بجوج بيناتهم وهو كيبوس فيهم...

طه:اوا ندخلو الفرحة للدار من جديد..صافي نوجدو للعرس باش نشطو شوية...

أوس بسم:نديرو 10 ايام...

نجلاء شافت فيه:مايكفيناش لحال...

أوس بثقة:يكفي يكفييي هههه..

بقاو جالسين مجموعين..قولها وضحك عليها...أوس ماضيعش لوقت...عيط لرشيد لي طار بالفرحة...وطلبو يشوفلو شي تريتور يتكلف بالعرس من لول لتالي...وماتأخرش رشيد أنه يعاون فعرس أعز أصحابو وأعز صحابات مراتو...

جا الليل وكان ضروري خصو يمشي...طلعت نعست كرم لي عيى باللعب والتنقاز..وهبطت وصلت أوس للباب...

أوس بتفكير:كيبان ليا زدت فيه ياك!!(شافت فيه باستغراب)10 ايام بزاااف ...كون غي قلت شي 5 ايام باراكة...

نجلاء خرجت عينيها:أويلي على خمس أيام..

أوس بفرحة:اوا شنووو دبا انا غنعس 10 ايام بلا بيك 🙄..

نجلاء تحشمت ورجعت شافت فيه بهدوء:صبرتي 3 سنين..10 ايام راها والو...

أوس غوبش فيه وضربها لنيفها:نسااي لي داز...ماتبقايش تفكري فيه...تفاهمنا!!

نجلاء عضت شنافتها:واخة صافي...

أوس غي عضت شنايفها تزير شدها من خدها:راني حاالف فيك..غي بقاي تعضيهم...(قرب باسها من خدها بزربة ومشى فرحان)..

نجلاء شيرتلو ناشطة وهو يصوني تيلي فتحت لقات إكرام...عرفت لخبار وصل جاوبتها ..

إكرام:يووويووويووووووو...مبررروك ههههه..

نجلاء شدت وذنيها كضحك:يخليك ليلي كرووومة هههه..الله يبارك فيك...

لينا دخلها باباها لبيتها...وجاد معاهم..قرب وهزها حطها على لفراش وبسم فوجهها..قادها وطه واقف حداهم...

طه:خصك شي حاجة ا بنتي!!

لينا حركت راسها بالسلب:لأ شكراا..

طه:ياله انا غنمشي نعس..تصبحو على خير...

جاد ولينا:تصبح على خير..

خرج طه كلو أمل تقاد أمورها مع جاد...حاس بلي كاين شي حاجة داكشي علااش عطاهم فرصة يبقاو بجوج..

لينا شافت فجاد وهو مد يديه لخدها:غتكوني عييتي...خصك ترتاحي...

لينا بسمت:ماشي مشكل..النعاس ملحوق عليه..

جاد تنفس وجا يهضر:ل لينا أنااا...

لينا قاطعاتو:جاد..(شافيها مسغرب)..ماتقول والو عافااك..(تنهد)أنا مابغيتش تخرج شي حاجة من فمك قبل ماتكون متأكد منها...عاافااك خلينا نرتاحو نفسيا وعاد تجي أي حاجة...

جاد بسم:اوك...عندك لحق...ياله تصبحي على خير...

لينا بهدوء:بونوي...

خرج جاد وشد موراه لباب...لينا كانت مرتاحة كثر..دبا الى قال شي حاجة غتشك أنه كيشفق عليها...اما هي باغيااه يبغيها د بصاااح...

......

جا وقت التحضيرات...مليكة ولينا كيتصرفو كأن نجلاء غتزوج أول مرة...يشريو ويتقداو ليها من جديد...أما أوس الفرحة ماقاداهش..تاهو غي كيوجد ويقاد...أول حاجة دارها عيط لعامر وقدم استقالتو...واكيد عرض عليهم لعرسو...طلب من المساعدة ديالو تصافطلو حوايجو لي بقاو وشرا فيلا زوينة وحدقة...فيها بارك واعرة عوال يعمرها بوليداتو من نجلاء...الدار ديالو ماغتبقاش كافياهم..واخة كانت شاهدة على بداية حبهم..غتبقى أكيد لبلاصة لي يهربو ليها باش يحييو الماضي....وبطبيعة الحال هادشي ماكانش فخبار نجلاء.....علاقة لينا وجاد كتحسن شوية بشوية...وكيزيدو يتقربو من بعضياتهم..بدات رحلة العلاج..وهو أكيد باغي يكون معاها...

......

جات ليلة العرس...كان كلشي واجد والقاعة روعة مغطية حيت البرد دخل...أوس كان كيساينها ايمتا تخرج باش يمشيو حدا الناس...نجلاء ختارت تلبس لاغوب وصافي...خرجت عندو...ميك اب طبيعي وشعر مموج ونازل مجموع بطريقة عصرية من لقدام باش يتحط عليه الثاج.. غي شافها زير على شنافتو التحتانية بسنانو ومد يديه شداتها..حنى باسلها يديها بفرحة..

أوس بهدوء:جيتي كتحمقي...😍😍

نجلاء بفرحة وحشمة:فعويناتك...

أوس زاد باسلها راسها:الله يخليك ليااا...

نجلاء بسمت وماماها ولينا وإكرام معاها...شد فيها وغي جاو يدخلو حبسها...تا تفاجئت...دخلو قدامها عربة كتحمق مرصعة بالاحجار والورد...سقفها عريان وعالية نن الارض ..سايقينها 2 ديال الخيل..وراجل لابس جلابة..مد يديه وطلعها ليها وهي خرجت عينيها فرحانة...وقفو موراهم عيساوة وغي طلعو دخلو للقاعة...كلشي تفاجئ ووقفو وهما داخلين دخلة ملكية للقاعة....كانت غطير بالفرحة...

شافت فيه فرحانة:ع علاش ماقولتيليش هادشي؟.

أوس بابتسامة:مفاجئة ء حبيبة...

نجلاء:أحسن مفاجئة هههه..

وصلو لوسط القاعة حبسات العربة...وهبط وهبطها معاه...وقفو فالوسط العائلة دايرين بيهم وبداو يشطحو بجوج...هو غي كيدورها وهي عاجبها الحال وكتشطح..اما سي كرم هازو جدو وعاحبو الحال...مشى عندهم هزو أوس ونجلاء كتشطح معاهم بجوج...تا شبعو نشاط عاد جلسو...بدا كلشي يبارك ليهم...

الحفلة كانت نايضة...كلهم ناشطين وعاجبهم الحال...أوس عينيه غي مع لحبيبة ديالو...مرة مرة يهضر فوذنيها..

أوس باعجاب:سعداتي بهاد الزين كامل..

نجلاء:شتي شتييي...حمدلله لي فهمتي هههه..

أوس:ههههه وا بااز....دبا نخرج من مك هادشي كلووو...غي ساينييي....

الحفلة نايضة والنشاط خدام....جاد جر لينا بالكرسي وهي كتشطح بيديها وتضحك...إكرام ورشيد دخلو للوسط وأوس نوضاتو مليكة هو ومراتو...دخلو كيشطحو فرحانين ...نجلاء عنقت أوس ومبسمة وهو كيشوفيها بحب..

أوس:فوقاااش غيسالي هاد العرس؟!

نجلاء بسمت:صبر ء حبيبة مابقى والو..

أوس تنهد بالجهد وهي كضحك عليه...

العرس داز زوين بزاااف وكلشي فرحان...وأخيرا تسالات الحفلة..أوس شد مراتو وهي حبساتو لاحت الورد...طاح فالأرض هزو جاد ومشى عطاه للينا وكلشي صفق عليهم...باسلها راسها ومليكة وعلي وطه عجبهم الحال.. عرفو بلي بيناتهم شي حاجة...

نجلاء شافت المنظر فرحت ولكن أوس ماعطاهاش وقت...مشاو كيجريو بلا مايسلمو على تا واحد..خرجو على برا...طوموبيلتو كانت واجدة...ركبو فيها دغيا...

نجلاء:كنخاف غي كرم يفيق مايلقانيش يبكي...

أوس:راه مع عائلتو...زايدون داك الماسخ شبع شطيح ولعب مايفيق تالصبح هههه..

نجلاء بسمت ودارت كتشوف فالطريق:فين غاديين!!

أوس بسم:سيغبخييييز...

نجلاء تنفست بالجهد:كثرو مفاجئاتك غي الله يستر...

أوس كيضحك:ناااري على تعبير عندك...دبا نوري مك...نوصلو على خير وتشوفي وجهي لاخر!!

نجلاء باستهزاء:غي وجهك؟؟

أوس عض شنايفو وبسم:لا ماشي غي وجهي ء حبي...

نجلاء حشمت واخة لسانها طويل كتحشم من هاد الهضرة...

بعد مدة وصلو للدخلة...كلاكصونا تفتحت لباب ونجلاء كتشوف فالاضواء القلال المشعولين...تحلت لباب ودخلو حطو الطوموبيل وخرجو...

أوس مد يديه وهي تشد فيه...

لحق عليهم العساس:مرحبا بيكم...

نجلاء وأوس:الله يبارك فيك...(كمل أوس) شد لباب وسير تنعس ء عمي عبد الغفور...

العساس:واخة ء ولدي...تصبحو على خير...

مشى ونجلاء مازالة متفاجئة..شد يديها وحل لباب...هزها بين يديه ودخلها وهي كضحك...شعل الضو وهي تخرج عينيها...كانت فيلا محدقة...كتحمق بكل المقاييس...الأثاث عصري والديكور روعة...دخلها وشد لباب وحطها تمشى على رجليها...

نجلاء بصدمة:ش شنو اممم..

أوس قاطعها:هادي دارنا الجديدة(نجلاء شافت فيه)..دارنا لي غنكبرو فيها ولادنا وغنعيشو فيها أحلى أيام حياتنا..

نجلاء عنقاتو فرحانة وهو زير عليها كيدور بيها بقات تضحك بالجهد..دغيا هزها بين يديه وتم طالع...

أوس بجدية:ماعندناش الوقت لي نضيعو...

نجلاء لوات يديها على عنقو وهو مطلعها فالدروج...عاجبها لحال وهو ضاحك ناشط...

نجلاء:غتبقى تهزني ديما؟؟

أوس كيفكر:امممم...ماحدك خفيفة غنهزك...

نجلاء ضرباتو:ياااك...

أوس:هههههه(فتح لباب ودخل)وهادا هو بيتناااا...

نجلاء كتشوف وهو هازها تا وصلها للفراش وحطها...حمقها لبيت..

علات عينيها شافت فأوس:ذوقك زوين..

أوس جلس على ركابيه قبالتها:سمحيلي كنت باغيك تختاري معايا ولكن كانت غتخسر المفاجئة..بغيتي تبدلي شي حاجة ماعنديش مشكل..

نجلاء بسمت وحطت يديها على عنقو:كلشي عجبني(قربت حداه وهضرت بصوت خافت)لهلا يخطيك علياا..

أوس داخ قرب لشنايفها باسهم بهدوء وهي مستمتعة..دغيا حيد وهي حلت عينيها...

أوس مقرب منها:كنبغيك بزااف..

نجلاء بفرحة:تا أنا...ياله خليني نوض نبدل حوايجي ونجي...

أوس حبسها:بلا ماتبدليهم(شافت فيه)غنحيدوهم غنحيدوهم هههه...(نجلاء تزنكت وهو مد يديه لظهرها كيقرب عندها..حطها على جيهة السنسلة وبدا يفتحها)..توحشتكككك(بصوت سخون)توحشتك بزااف...

نجلاء مدت يديها لعنقو كتحل ليه الكرافاط..وهو يشوفيها وبسم...بدات تفتح لي بوطون وهو حيد لفيست ولاح الشوميز...وناض حداها...ووقفها بقات كتشوف فجسمو العريان ملفوق..قربها وباسها فعمقها تا غمضت عينيها ويديه كيهبطو السنسلة...هبط السوينطات وغادي كيبوس جيهتهم...هي عضت شنايفها مخلياه يدير لي باغي...وتاهي بدورها ككدوز يديها على ظهرو العريان..طلوع ونزول بلمسات خفاف...هيجاتو بحالا كتهرو ولكن هو مرفوع مع كتيفاتها..تا هبط السنسلة فمرة ودفع لاغوب طاحت للأرض...خشى يديه لظهرها ولصقها فيه بالجهد تا حست بذاتو...حنى لعندها وباسها بوسة شوية بشوية جهدها كيتزاااد...بدا ينهد ويعض بالشوية وهي شدت فيه من عنقو مزيرة عليه..بقى غادي بيها لجيهة لفراش تا وصلها...هبطها وهو جا فوق منها...كيبوس فيها ماحاسش براسو...وهي بدات تغرز ظفرانها فظهرو...هبط يديه جيهة سروالو..حيدو بزربة وبقى بالبوكسر...قلبها فوق منو وصدرها هبط عندو..شدو بيديه وبقى مكمل معاه فسلسة بوسات ورجع هبطها تحت منو...وبقى هابط مع صدرها بالبوسات..تا وصل للسترينغ...حيدو بسنانو وخشى راسو تمااا كيبوسها ويلحس فالمركز ديالها تا تزيرت وبدات تنين بصوت مسموع...غمضت عينيها وبدات تلوى فوق الفراش حطت يديها على راسو كتزيرو تمااا وتغوت "آه أوس...آههههه...أييي"..

أوس حس براسو جهل...ناض نصل البوكسر وتخشى وسط رجليها حنى عليها وطلع فخيداتها ودخلو بزربة فيها..غوتت حيت شحال مادارت علاقة جنسية...وهو زيرها عندو كيدخلو ويخرجو شادها من كتيفاتها وهي كتغوت"احححح بالشوية آهههه"..

ومع دي وجيب دغيااا جابو وبقى معاها شوية تا حسها جابتو حيت غوتت بالجهد...عاد حنى على شنايفها باسها وتلاح فرحان...عنقها عندو...

أوس:كنمووت عليك ء بب..مواااح...بصحتك...

نجلاء عضت شنايفها:تا نتا بصحتك...

أوس بفرحة:اممم شحال زوينة لحبيبة ديالي...

نجلاء علات راسها شافت فيه:أوس!!

أوس:أح قلبي...والله حتى توحشت نسمع سميتي منك...(بسمت)شنو ء لكبيدة ديال أوس!

نجلاء:الدار لولا بعتيها؟؟

أوس بسم:آه...ماعندنا مانديرو بيها..(نجلاء غوبشت)دار صغيرة ماعندنا مانديرو بيها...(نجلاء حنات راسها وهو يطلعولها)واش مابغيتينش نبيعها؟؟

نجلاء بهدوء:لأ..

أوس:علاش زعما؟؟

نجلاء:حيت ديك الدار هي لي عشنا فيها أول أيام زواجنا...واخة دوزنا شي ذكريات قباح ولكن كتبقى عندها معزة كبيرة فقلبي...

أوس بابتسامة وصوت خافت:هادشي علااش تا أنا مابعتهاش!!

نجلاء بصدمة:مادوخنيش..قولتي بعتيها...

أوس ضحك:ههههه كذبت عليك...

نجلاء هزت يديها ضرباتو لصدرو وهو كيضحك..بقات شحال تا زير ليها يديها وطيحها تحت منو..شد كل يد ديالها بيد...وشافيها بثقة..

أوس:تسالات صلابتك هههه..

نجلاء كتحاول تدافع معاه:ءه ءه حشومة عليك...

أوس ضحك:ههههه.(حنى على شنايفها باسها وهي ترخى بين يديه)..دغيااا كندوخ مك ههه..

نجلاء كتلعب فشعرو:حيت نتا الوحيد لي بغيت فحياتي...

أوس تفكر جاد:متأكدة؟؟

نجلاء بسمت عاقت بيه:آه..متأكدة..(يديه كتلعب فخدها وهي شاداها)نتا هو لي بغيت بصاااح..أما أي حاجة من قبلك غي اعجاب...

أوس باس كتفها:الله يخليك ليااا ء حبي....

نجلاء بسمت:وليا ء حبي...

عنقها عندو ونعسو بجوج...حيت كانو عياو بتمارة دالعرس...

أصبحنا وأصبح الملك لله..

مغمض عينيه تاحس ببوسات خفاف فشنايفو..بسم مغمض عينيه وجرها لعندو...

نجلاء بهدوء:ء نوووض...باركة من النعاس...

أوس بصوت ناعس:شوووت...خلينا ناعسين شوية..

نجلاء شافتو زرب عليها بغات تحمقو...بدات تخشي يديها مع جنابو..وكدوز ظفرانها بالشوية...حس بيها حل نص عين كيشوفها كتلحس شنايفها وتضحك سيلونص....بقات تلعب فظهرو كتساينو يفيق وهو حابس راسو بزز تا كتحس براسها تعلات للسما وجات فوق منو...

أوس مغوبش:مالنا على هاد الازعااج...

نجلاء عنقاتو كضحك:هههه لمهم فيقتك ..

أوس:راك ماشي فيقتيني...راك فيقتي حوايج خرين..

نجلاء حنات عليه بالشوية وهضرت حدا وذنيه:داكشي نيت لي بغيت...

أوس سخن بزربة من هاد التصرف...عضاتلو وذنيه وهو يطلعو معاها ماعطلهاش ..بقات فوق منو كطلع وتهبط...كتغوت وهو طلسها وشادها من صدرها..عينيها تقلبو والسخفة شداتها...تا تزير هو وجابو فيها كيغوت معاها...وهي تلاح فوق منو والعضو ديالو مازال فيها...تسخست..وهو يقلبها وخرجو...

أوس باسها جنب فمها:جا وقت الدوش...

هزها ودخلها معاه يدوشو...

فاقو العائلة الكريمة...تجمعو للفطور وكرم كيسول عليهم...مليكة طمناتو وقالتلو غي خدمة....

أوس ونجلاء خرجو من الدوش لبسو حوايجهم وهبطو...نجلاء ماقدتش تصبر بلا ولدها وكان خصهم يمشيو يجيبوه لعندهم...تاهو مارفضش حيت ماباغيش يضيع وقت آخور بعيد على ولدو ..

دازو فطرو فالزنقة فطور خفيف ومشاو للدار.....تلاقاوهم بالثمر والحليب...كانو فرحانين بيهم..والزغارت معمرين الدار...مرم غي شافهم تخشى بيناتهم كيبوسهم عاجبو لحال...

حطو الغدا...تغداو مجموعين...وبعد الغدا جمعو من جديد...

جاد جلس أخيرا هو وأوس بوحدهم..كان أكيد شوية ديال التوتر ولكن جاد حاول يصاح الموقف...

جاد:مزيان لي ختاريتي تبقى هنا...بعدا تا كرم مايبعدش على عائلتو...

أوس بسم:آه أكيد..مايعجبنيش نبعد

كرم ونجلاء على حياتهم...

جاد بهدوء:وتا لينا خصها ماتبقاش بوحدها بلا بيك...كتبقى نتا خوها الوحيد...

أوس شافيه:عزيزة عليك لينااا ؟؟(جاد تلف)..

جاد تقاد فالجلسة:فالصراحة...هادشي نيت لي كنت باغي نهضر معاك فيه...

أوس شافيه بجدية:كنسمعك..

جاد تنفس بالجهد:فالصراحة باغي نخطب لينا..(أوس علاا حواجبو)وماكرهتش نتزوجو فأقرب وقت و ولكن...

أوس باستغراب:ولكن شنو؟

جاد بهدوء:هي كتقول بلي مانهضرو فوالو دبا...

أوس:علااش؟

جاد:زعما على الوضع ديالها..

أوس تنفس:آه..فهمت...

جاد شاف جيهتها فين جالسة:ولكن أنا ماكرهتش نقربو من بعضياتنا وكلشي يعرفو...

أوس:الى كتبغيها..خليك معاها تا تقبل بيك...ياك هي كتبغيك؟

جاد بسم:هادشي لي كنحس بيه...

أوس ضحك:اوا الله يكمل بالخير...

جاد بسم:شكرا خويااا...

.....

خداو حوايج كرم...وتحركو باتجاه دارهم...مليكة وعلي أكثر ناس حسو بالفراغ...بلاصة نجلاء وكرم كبيرة فالدار...دونك خصهم وقت طويل باش يقدرو يولفو بلا بيهم....

مرت الايام...والشهور...لينا كان قرارها واضح...باغية تمشي على رجليها..وهادشي عندها أولوية....كانت مواضبة على العلاج واخة لقات صعوبات بزااف كل مرة كلن واحد فعائلتها كيحفزها..وكان أكيد وجود جاد حداها محفز ليها وعاطيها القوة...تقريبا كلشي حاسين بشنو بيناتهم ولكن مخليينهم على خاطرهم تا يقررو يعلنو كلشي...

نجلاء كانت حايرة بين كرم وأوس...كل واحد كيجرها من جيهة...كتحاول تعدل بيناتهم ولكن غيحمقوها..كرم ولف اهتمامها ليه بوحدو مين تولد...وفاش كيشوفها مع باباه معنقاه ولا كتبوسو كيتخشى وسطهم..ماكيتهنى تا كياخد ماماه ويمشي هههه...اما أوس كيحاول يصبر مي شي مرات كيتعصب من ولدو ويرجع يبرد أعصابو..خصوصااا فاش كيجي ينعس وسطهم.. أوس كيبقى يطلع ويهبط بالالوان ونجلاء غي كضحك عليه..مرة كينعسوه وعاد كيهزو أوس وينعس مع مراتو...ومرة كرم ماكينعس تا كينعسهم بجوج ههه...وواخة هكاك الحياة حلوة معاه...كلما كيرجع اوس من الخدمة لي أسسها كيلقى ولدو كيساينو...كيهزو فرحان بيه ونجلاء كتفرح بزااف فاش كتشوفهم هكاك ..كتعرف بلي دارت مزيان فاش حاولت تنسى الماضي وتبدا مع أوس من جديد...

أوس دخل هاز ولدو فيديه:سلام ماماا..

نجلاء بسمت:اهلاا(فبلاصة ماتبوس أوس لي كيساين باست كرم...أوس عوج سيفتو وهي دوز لعند أوس)على سلامتك بابااا..

أوس ببرود:عاد تفكرتي!!(كيعيب وجهو وهو كيشوفها كضحك)هيهيييهي..

كرم:ماميي فين لكاطو؟

نجلاء:هاهووو...سبقوني للصالون وانا جاية..اممم كيشهي...

أوس شاف داكشي عجبو:اممم تشهيتو هو وحاجة خرا...

نجلاء سكتاتو خشات ليه فريزة ففمو وغمزاتو على كرم باش يحشم...

أوس:لفريز من عند لفريز هههه...

نجلاء دورت عينيها كضحك وكرم خدا لفريز تاهو كياكل مامسوقش...

أوس هز طبسيل صغير:هاك..دي هادة للطبلة ء ولدي...عاون ماماك...

كرم فرح:واخة بابييي ههه...

مشى دغيا وأوس لصقها مع البوطاجي كتدفع فيه:توحشتك ا بب..موااح(كيخطف بوسات من فمها وهي كتزنك ومرة فعنقها مرة فيديها لي كتشدو بيها)..

نجلاء:أويلي ء حبيبة...هاهو غيجي دباا كرم..

أوس تالف:خليه يشوف باباه كيبوس ماماه...باش يطلع راجل بحاال باباه هههه...

نجلاء ضحكت:اويلي واش من نيتك هههه...

أوس كيحلف كيشوف فشنايفها:والله والله ..

نجلاء دفعاتو:كون تحشم...بعد بعد راه غيجي دبااا...

أوس:والله مانبعد..تا تبوسيني شي بوسة مادايراش...

نجلاء بقات تشوف وهي تقرب باستو وبغات ترجع لور وهو يشدها ماطلقها..زير على لمؤخرة ديالها وكيمص فشنايفها ويتبنن...تا دخل كرم مافهمش...

كرم:انا ديتها والله...

نجلاء دفعت أوس ودارو كيشوفو فيه:مزيان برافو عليك..

أوس هز طبسيل آخور:هاك دي هادا تا هو...(نجلاء شافت فيه)وصلو بالشوية عليك...

كرم خداه ومشى وأوس رجع دار لعند نجلاء كيبوسها ويموتو بالضحك...

جا الصيف...لينا ولات قادرة تمشي بالشوية على رجليها...كانت أحسن حاجة طرات فحياتها...طلبها جاد للزواج وقبلت بيه...كلشي كان فرحان بيهم...دارو عرس كبير...كانت مرة تجلس مرة يهزها مرة توقف وتحرك...اما جاد كان فرحان بيها واحساسو ليها كيكبر يوم بعد يوم....

....

ليوم نجلاء قررت تخرج هي وأوس يتعشاو برااا....جلسو فالريسطو...كانت لابسة ومقادة ولكن مستورة حيت ولا يغير عليها بزااف...جالسين متقابلين شادليها فيديها والاضواء والشموع والموسيقى رومانسية..

أوس:شنو سبب هاد العراضة ههه..(نجلاء بسمت)جاد ديتيه لداركم وغنبقاو بوحدنا...هادشي بزااف عليا هههه...

نجلاء علات راسها وشافت فالكارصون جا...حط ليهم كااطو وأوس مستغرب:باش كنحتافلو؟؟

نجلاء بسمت وشافت فالكاطو وهو يشوفيه شكل صبيبط صغير..خدا وقت باش يفهم عاد حل عينيه على الجهد...

أوس بصدمة:ن نتي حاملة؟؟؟

نجلاء عضت شنافتها فرحانة:اممم...فشهر ونص...

أوس غوت بأعلى جهدو:وااايلي...(وقف هزها عندو كيدور بيها والناس كيشوفو فيهم بلا مايحس بدا يغوت)حااملة حاملةة!!

نجلاء حشمت:اه اه...شوهتينااا هههه...

الناس بداو يصفقو ويقولو مبروك وهما كيجاوبو خاشيها فصدرو وعينيه كيلمعو...الفرحة ديالو كانت كبيرة شحال وهو كيتمنى تحمل باش يعوضها على حبالتها لولاا...باغي يعيش معاها لحظة بلحظة...باغي يفششها ويعيشها شنو ماعاشتش معاه فلول وأخيرا تحقق حلمو.....كلاو لكاطو بزربة وخلص وخرجو من الريسطو...نجلاء طلباتو يتمشاو حدا لاكوط وهو مارفضش...تمشاو تما معانقين...كيضحكو ويتهادو وهو متمني تجيه بنت كتشبه ليها...

...شحال وهما تمااا تا حبست وا الطوموبيل على غفلة دارت صوت الروايض محكوكين...دارو كيشوفو تا لقاو بنت تلاحت منها...والطوموبيل مشات..أوس ونجلاء خرجو عينيهم ومشاو بزربة باتجاهها..لبنت كانت كتبكي ومقصحة فيديها...

أوس قرب عندها:ختي نتي بيخير!!

علات راسها وهما يتصدمو بجوج:ن نسرين!!

نسرين تشوكات فاش شافتهم:أ أوس؟؟

أوس ناض جمع الوقفة ونجلاء تعصبت كتغزز شنايفها:ياله نمشيو...

نسرين وقفت بزز:س سمعووني...(أوس جر مراتو غاديين وهي تنطق بالجهد)داك الليبة ماوقع والو...(وقفو بجوج وهي تكمل)..أ أوس نتا جيتي عندي و ولكن ماطرا بيني وبينك والو اهئ اهئ..(دارو شافو فبعضياتهم وعاد شافو فيها) .أنا حيدت حوايجي وتخشيت قدامك باغية نتاقم منك...نتا أصلا نعستي وجريتي عليااا من لبيت ماحاملنيش..كان باين قداش كتبغي مراتك...س سمحوولي اهئ اهئ...

نجلاء دموعها هبطو بصدمة:الله ياخد فيك الحق اهئ اهئ...علااش درتي فينا هكااا!

نسرين بألم:هانا كندفن الثمن...

أوس تم غادي باغي يضربها ونجلاء شداتو:ماتوسخش يديك فيها...باراكة الوسخ لي عايشة فيه(نسرين كتبكي)..

أوس تعصب بدا يغوت:كفااش باغيااني نصبر...هادي ضيعتلنا 3 سنين من حياتنا...حرمتني نشوف ولدي وهو كيتولد...وهو كيكبر وهو كيقول بابا أول مرة...بعداتني عليك(نجلاء كتبكي)..خلاتني نتحرم منك ديك المدة كلها...

نجلاء بهدوء وكتمسح عينيها:كلشي مقدر ومكتوب...يمكن داك الجحيم لي عشناه هو سبب السعادة لي عايشين فيها دباا...(زيرت على يديه)خليهااا..مازال دبااا يحاسبها الله هنا وفالاخرة...ولكن حنا حمدلله...حياتنا وولادنا كيساينونااا(خنزرت فيها وعنقاتو)خليها لمولاهاا ..

أوس تكالما بهضرتها وتبع مراتو مكمل طريقو...الى جات دباا باش تخسر شنو بناو هو غيخدم عقلو وماغيخليهاش هاد المرة تدمر حياتو..زير على يد نجلاء وكملو طريقهم مخليينها كتبكي الدم....

النهاية..

مرحبا بتعاليقكم وآراءكم...نتمنى القصة تكون نالت اعجابكم...بسلامة الى قصة اخرى ان شاءلله...