جاد عجبو طريقة تصرفها بسم بلا مايشعر اما سراج حال فمو فيها..الوحيدة لي كانت حاسة فشكل هي نجلاء وفهاد اللحظة بالضبط حست بلي هي لي مامزياناش حيت كتعامل بنت عمها بغلط عمها...
تنهدت وجاوبتها:انشاءلله...
لينا كتسوف فالارجاء:الدنيا هنا زوينة...خاصها شي فوطو واعرة...
سراج:اه هنا الطبيعة زوينة بزااف...
لينا جبدت لاكام من صاكها وبعدت عليهم شوية شاداها مع عينيها وكتصور بالفلاش..غي وقفتها وحركتها خلات الدراري متبعينها بعينيهم ونجلاء كتشوف فجاد كفاش داير فيها...بقات مطولة فيه الشوفة...تا دار على غفلة لقاها حاضياه وشافت جيهة لينا...
جاد عض على شنافتو شايفها داخلة طالع ليها الدم...حس براسو زبلها..بغى يتبعها ولكن سراج معاهم وخاف يحس بيه...بقى واقف معاهم وبالو لداخل..كيفكر فشي سبة كيدير باش يدهل يهضر معاها...
نجلاء أول ما دخلت حاسة بقهرة فقلبها...مشات نيشان للصالون..لقاتهم مجموعين ..قررت أنها ماتدخلش فالماضي..حيت كلشي داز...مايمنعش بلي هي مامرتاحاش لهاد الناس وحاساهم سرقو فرحة ماماها فاش هرب طه من العرس...وسرقو حق ماماها فالحزن على جدها فاش جاو فهاد الوقت الغير مناسب...
نجلاء قاطعتها:انا عرفت كلشي...(مليكة تصدمت)بالصدفة ء ماما...لمهم خصك تخرجي...حيت هادشي لي كديري عيب فحقك ونتي لي غتباني قبيحة...(مليكة تنهدت كتشوف بعيد)عمي دار خصلة معاك قبيحة...ولكن داز وقت طويل وبابا حمدلله عوضك...(مليكة تنهدت)دونك خرجي عطيهم صوابهم..حاولي تعاملي عادي...
مليكة شبه اقتانعت..ونيت تا علي يعرف بلي مراتو دايرالو بقيمتو حدا الناس...
نجلاء نوضتها:نوضي..راه ماشي شي حاجة صعيبة...سلمي عليهم وغترتاحي تا نتي...
مليكة قادات الشال ديالها وصفارت فلونها...نلضت من بلاصتها تحت أنظار نجلاء وخرجت من لبيت وشدات لباب...
نجلاء تكات على راسها كتنفس بالجهد:ياربي تريح قلب ماما...
حطت راسها كتحاول تنعس وغمضت عينيها...
مليكة مشات حادرة الراس كتفكر وتعاود تفكر ولكن فري الهضرة لي قالت بنتها فالصميم...وضروري خصها تواجه...الى ماكان دبا غيكون من بعد...
مليكة دخلت للصالون:سلام...
سمية أول ماوقفت قدامها طلعتها وهبطتها مزيااان وشافت فراجلها...
طه وقف غرقان فحوايجو...باين عليه الاحراج وكلشي مراقبو كفاش كيدير ...التوتر والاسف باين عليه..لدرجة هضر بصوت خافت وحنين..
طه:ختي مليكة(شافت فيه بدون ملامح)لباراكة فراسك...
مليكة بالشوفة لي شافت فيه رجعت بيها السنين لور بزاااف ..حست بلي ياله لبارح كان قدامها...بحالا مازوش هاد السنين كاملة...طه هو طه..مازال ماتبدل فيه والو من غير شوية دالشيب حدا وذنيه وتجاعيد خفيفة فجبهتو...
مليكة جاوباتو بصوت مبحوح:اوا حمدلله على قدر الله...ربي بغاه(غلبت عليها البكية وسادة راسها)ماعندنا مانديرو...
طه هز راسو بالايجاب:ونعم بالله...
مليكة دغيا شافت فمرات طه لي حاضياها وكتوزنها من قبايلا لدرجة نسات تعزيها:هادي مولات الدار ياك اخويا؟؟؟
طه شافيها:ء اه...سمية مرتي...
سمية عاد تواكضت:ء اممم لباركة فراسك اختي مليكة...
مليكة شافت فيها كفاش دايرة الشعر مطلوق مغطياه بزز بشال خفيف على ود الموت...الحجبان والوجه مقاد..واخة كبرت مازال الزين باينين حروفو..فمهت علااش سمح فيها ليلة عرسها...حست بلي كانت المنافسة ماشي فصالحها..حركت راسها بهدوء..
فاطمة شافت فيه وبسمت بلا ماتحس:راها عيات دخلت ترتاح فلبيت دماماها...
جاد عقد حجبانو معصب وتأفف غي مع راسو ومو متبعاه وعاجبها لحال...بقاو شحال جالسين ساكتين وهو يستأذن بحجة التيلي وناض من حداهم...لينا بقات متبعاه بعينيها تا غاب....
جاد متردد ماعارف واش هادشي لي كيدير فيه مزيان ولا لا...غمض عينيه..ماحاولش يفكر بزااف وهو يخل لباب بزربة ودخل وسدها مورااه....دور وجهو وهي تبان ليه ناعسة على لفراش بجلابتها والشال ملاوح حداها...غارقة فنعاسها والتعب باين عليها ..قرب حداها وجلس على طرف لفراش..
جاد بتنهيدة من القلب وصوت حنين:والله حتى قلبي ضارني عليك😞..
مليكة بدموع فعينيها:مساامحااك..صاافي كيف قلتي نسااو...(هزتلو يديه باستها تا تبنج)نتا دبا وليتي هو كلشي عندي بعد بااا الله يرحمو...خويا وبا وصتحبي وراجلي وظهري.. الله يخليك ليا اهئ اهئ..
علي عنقها وتنهد:من ديما كنت وغنبقى معاك...عمرك تنساي هادشي...
* فلاش باك...*
مليكة واقفة فالحمام بعدما لبست الشوميز دونوي ديالها...حاسة بقلبها غيخرج لبلاصتو...كفاش هي كانت لواحد ودبا تزوجت بواحد آخور. .وشكون ؟؟خوووه...لي كان غيكون لوسها وبحال خوها...عمرها شافت فيه من غير أنه خوها وخو الراجل لي غيكون راجلها...بقاو دموعها هابطين بلا ماتحس وماقاداش تعتب باب الحمام...تا سمعت الدقان وهي تقفز متشوف فلمرايا كلها كترجف...
علي بصوت هادئ:مليكة...نتي بيخير؟؟
مليكة بقات ساكتة كتشوف فلباب وتولي تشوف جيهة المرايااا...اما علي توتر بدا يسولها ويعاود..خاف تكون دارت شي حاجة فراسها..
اما هو تنهد وقرب حداها..جلس قدامها:انا ماتزوجتكش باش نفرض عليك ديري شي حاجة ماباغياهاش...انا تزوجت بيك حيت مابغيت تا ولد المرا يحل فمو عليك...بغيت نهنيك من لهضرة بزااف ومابغيت تا حاجة ضرك...نتي دبا مراتي ولكن كلشي فيديك...نهار تبغي هاد الزواج يكون بصااح غتلقايني كنساينك...بغيتي نتفارقو مانوقفش فطريقك...لمهم عندي هي راحتك نتي!!.
جاد مشى للغابة..ضرب دويرة وشم لهوا ومن بعد مدة رجع للدار حيت عارف لغدا قريب...
دخل وهي تجي عندو لينا:فين غبرتي؟؟
جاد بصوت ناشف:غي هنا..
لينا استغربت:مالك ء جاد؟؟صافا؟؟
جاد بجدية:صافا...
مشى خلاها واقفة ومشى جلس فالطبلة وقبالتو نجلاء..علات فيه عينيها وهو مخنزر..ماحست تا بسمت ليه بزز منها وهو يعض شنافتو وعاد حل عينيه فيها كأنو كيحلفيها على شنو كدير فيه....
راكب طوموبيلتو...سايق بيد وحدة...كيبان غي كتفو العريض..ونظاظرو دالرايين عاطيين للشعا مع الشمس لي ضاربة فيه...طالق موسيقى هادئة والهوا كيداعب شعرو....سمع تيلي كيصوني.. فتح لبلوتوت وجاوب بصوت عالي...
السيد:ألووو..
هو:ألووو...أمدرااا!!
السيد:والو اسيدي...انا مازال كنحاول...
هو تنفس بالجهد:بففف..وعلاش معيط مين والو!!
السيد:كنت بغيت نسولك واش عارف شي حاجة خرا ولا لا حيت المعلومات لي عندنا ماكافياش...
هو بعصبية:واش هادي مدة وانا نساين فيك وفالتالي كتقولي ناقصين لقلا**...جمع عليا الى ماقادش بالشغل عطا الله لي ينفعني...
نجلاء ناضت:مرات عمي سمحيلي كنت كنقلب على ماما محتاجاها...من بعد ونكملو...
ناضت خلاتها مشوكيا:تفووو على جنس..كملينا غي نعرفو شكاين فالورث وسيري...ولكن بنت مليكة وضروري تشبه فمها...وجوه الزلط تفوووو...
خرجت نجلاء من الكوزينة غطرطق..حست بلي كانت فجلسة استنطاق..طلعليها الدم..حيت حست من خلال الهضرة بلي سمية باغية تستفسر على شنو كيملك جدها وبدات تفهم علاش ماحملتهمش من لول...مشات كتقلب على ماماها تا لقاتها لفوق فلبيت...
نجلاء بعصبية:فري..داك العائلة ماتماااش..
مليكة كطوي الحوايج..اينا عائلة ا بنتي؟؟
نجلاء جلست قدامها كتشزفيها وتهضر وتعبر بيديها:السيدة جالسة تسول على شنو عند باسيدي...(مليكة حطت لحوايج وكتصنت بتركيز)بقات عليا..شنو عند جدك..حقى بغيت نعرف وشي هضرة وشي مرض ..واش هي من دبا كتسول على رزق باسيدي..سوقها فيه؟؟
مليكة تأففت:لا حول ولا قوة الا بالله...بنادم طماااع..تفووو...
نجلاء كتغزز ظفارها...تجمعو عليها الاعصاب ليوم...
مليكة:صافي..ماتديهاش فيها...هاديك راها مريضة..هاد المرة الى سولاتك قولها تسول راجلها وخرجي من باب واسع...
نجلاء تنهدت:جايين بعجاجتهم..اوووف تا دارنا مابقيناش على راحتنا فيها تفووو...
مليكة:صبري ابنتي ماعندنا مانديرو...
نجلاء:ونتي اماما...مابقيتيش مقلقة منهم؟؟
مليكة بسمت:لأ..بالعكس..رتاحيت الحمدلله وعرفت قيمتك باباك لي طول عمرو وهو معايا وماخلاني محتاجة لتاشيحد...
نجلاء بسمت:اوا الحمدلله..الله يخليكم على خير ويخلينا مجموعين...
مليكة باست بنتها:ويخليك لينا ء لقطيطة ديالي...
بسمت نجلاء ببرائة ودورت وجهها كتفكر فحريرتها مع جاد..كفاش دير تصالحو ...واخة قصحها بالهضرة تا هي مادارت فيها مايصلاح...
سراج ناض:انا نجيب شنو نشرب..نجيبلكم شي حاجة؟؟
لينا:كاس دالما عافااك..
سراج:مرحبااا..
جاد:انا والو شكرا...
دخل سراج للكوزينة وهي لينا تشوفيه:سمحليا الى سببتلك شي مشكل...والله ماقصدت..
جاد شافيها مبرد كيلعب فتيلي:ماكاين لا مشكل لا والو...
لينا حنات راسها مقلقة:ماعرفتش علاش ديما كنحاول نتقرب من نجلاء كتصدني..كيبقى فيا الحال فبلاصة مانكونو بحال الخواتات كنحس بيها ماحاملانيش والله ..
جاد تنهد:اوا ماتديش عليها..هي قلبها بيض ولكن شي مرات كتعصب...
لينا:ماكندير ليها والو انا...ماعرفتش اصلا كنحس بلي ماباغياانيش نكون هنا فالدار...كنكون مع باسيدي ولا وسطكم ولا مع عمتي..ولا مع عمي كنحس بيها غادي تقتلني...مافهمتش علاش هاد الكره كامل...(شافيها)مي والله ماندي عليها..دبر راسها..انا لمهم كنعاملها مزيان وسوقها هاداك...كل واحد ربي يخلصو بنيتو...
جاد:داكشي لي كاين...
.....
جات لعشية تجمعو كاملين فالدار...جاد دايرها زكارة وجالس غي مع لينا ونجلاء ماقادرة دير تا حاجة واخة قلبها كيضرها فاش كتشوفهم كيضحكو بجوج كيبغيو الدموع ينزلو ليها...
علي نطق:طه !!جا شي حد بيوم للدار عندك؟.
طه باستغراب:لا علااش؟؟
علي:ماعرفت!!غي شفت شي طوموبيل غريبة راجعة من الدار وحنا داخلين...
طه:لا ماشفت حد..
علي:ونتوماا..جا عندكم شي حد ء الدراري؟؟
جاد وسراج:لااا..
علي:اوا فشكل هادشي!!
نجلاء تفكرت وهي تنطق:واش ء بابا طوموبيل رانج روفر بيضة؟؟
علي باستغراب:اه!!واش كتعرفي شكون مولاها؟؟
كلشي شافيها منهم جاد وهي تجاوب:لأ...غي انا قبايلا تمشيت حدا الدار وهي تبان ليا...واقفة تما وشي حد لداخل...جاتني الهيبة ورجعت للدار حيت حسيت بحالا شي حد حاضينااا...
علي علا حاجبو:وايلييي...شكون غيكون؟؟؟
جاد بلا مايحس نطق:ونتي مابانش ليك شكون تما؟؟
نجلاء جاوباتو عادي:لااا..دخلت دغيا بحالي...
طه باستغراب:ماعرفت(حاول يدارك)نساو..يقدر يكون شي حد غالط...وصافي...
سمية:اه داكشي لي يكون..ماتعمروش دماغكم..
....
راجع فالطوموبيل ساكت غي كيفكر...اخيرا عرف لبلاصة لي من شحال هادي وهو يقلب عليها...تنهد وشعل تيلي لي كان طافيه.لقى بزااف ديال ليزابيل..وهو يصوني ل عبير...
هو:ألو..
عبير بتوتر:ألو سيدي...شحال وانا كنصوني عليك و..
هو:شنو كاين قولي...
عبير:مندوبين شركة الحديد سحبو تعاملهم معانا...
حبس الطوموبيل بالجهد معصب:كفااش!!
عبير:هادشي حيت جاو مالقاوكش ..حسو بحالا مادايرش ليهم قيمة ومشاو حيت جاتهم اهانة فحقهم ماتحضرش اجتماع مهم بحال هكاك..
قطع تيلي ولاحو قدامو معصب..ضرب الفولون حيت دار تصرف بلا تفكير وضيع عليه خدمة مهمة..شركة فير للحديد وافقو يخدمو معاه بعد مدة وكانو عاطيينو بزااف ديال الافضليات وهاهو بلا مايحس خسرهم بسهولة...هز تيلي باغي يصوني ليهم مي مارضاش عاد يعيط ويسول...رجع حط تيلي ودور الفولون مكمل طريقو..غادي ودماغو خدام..يخطط ويفصل على خاطرو...تا وصل للبار لي موالف يسهر فيه...رمى السوارت لسيكيريتي ودخل..جلس فالطبلة لي موالف يجلس فيها فالراس والقنت مطرف على الناس....جبد تيلي صافط للمخبر ديالو يصافطلو المعلومات على داك العائلة من طاقطاق للسلام عليكم...وخبع تيلي فاش شافها جاية عندو ببذلة رقص كلها شبكة والمساعدة ديالها عطاتها بينوار خفيف دارتو عليها وجلست...
فيفي:حبي(حنات باستو وجلست لاصقة فيه)توحشتك...
هو:عاد شفتيني..دغيا توحشتيني!!(ضحكة جنب)..
فيفي ضحكت بالجهد:نتا هنا معايا وموحشاك...ماعرفت اش داير لياا؟؟
شدها من شعرها بالجهد:ومازال ندير لدينمك..
فيفي:احححح ماكرهتش..
طلق منها وهز كاسو كيشرب...وهو يجي كارصون جديد ياله بدا الحرفة..
لكارصون:فيفي!!
فيفي شافت فيه وهي متكية على كتف حبيبها:وي...
لكارصون كيشير ليها:داك الراجل لي فالطبلة 5 طالب تجلسي معاه...
فيفي عيبت وجهها:اووف..
هو بصوت خشن:سير قولو ماغاتجيش...
فيفي شافت فيه عاجبها لحال والكارصون جاوب:اه ولكن....
جاوبو بحدة:تحرك....
مشى لكارصون بزربة وفيفي عينيها ترسمو فيهم قلوبة اما هو حاني كيشعل كارو اخور ويشرب...
شوية وكيوقف عليهم داك الراجل وكشاكشو خارجين:شكون تكون نتا باش تمنع فيفي تجلس معايا!!(بسم بشر وحنى عينيه)فيفي ديالنا كاملين هنا وانا مريزيرفي هادي سيمانة...
وقف كيقاد سروالو وشوميز ديالو:كنظن تا نتا ماكتعرفنيش داكشي علاش مازال مابغيتي تفهم راسك..
زاد عندو داك الراجل مغزف ودفعو من كتفو:تكون شكون مابغيتي...ماكتهمنيش انا كتهمني غي فيفي...
دار شاف ففيفي لي خرجت عينيها عرفاتو ناوي الشر ....دار على غفلة وهز كروشيا من تحت وعطاهالو لنيفو طيحو بدماياتو..
فيفي ناضت مخلوعة كتشدو والكارد جاو كيهزو هاداك ويهدنوه....وهو حيدهم وقرب عند داك الراجل لي هازينو بزز باش حال عينيه...
كيهضر تحت سنانو وصوتو قوي مسموع:أوس...أنا أوس..سول عليااا وغادي تعرفني مزيان...هادشي الى كنتي مازال ماعرفتيني.....
جرو الكارد داك الراجل وهو متبعهم بعينيه ومول البار كيهدن فيه ويعتاذر منو عاد رجع جلس بلاصتو مبرد أعصابو كيجغم من كاسو..وفيفي كتهلس عليه باش تردلو المزاااج....
فالدار جمعت مليكة وفاطمة الطبلة وكل واحد فين....
جاد مازال شاد الضد مع نجلاء جالس مع لينا وسراج كيتهاودو وهي تنوض وتجلس معاهم...
نجلاء:شنو بانليكم لعبو كارطا...كانت كوبي...شنو ؟؟
لينا باستغراب:كانت كوبي؟؟
نجلاء بدات تشرح ليها:هي لعبة كتجمعي فيها رقم منو ربعة وكتكوني نتي وشي حد فرقة وحدة..فاش تجمعي كديري شي حركة كتخليه هز يقولك كانت...اوا و الى حسيتي بالفريق لاخور جمع كتقولي كوبي ..
لينا:والى جمعنا بجوج؟؟
نجلاء:كتقولي ضوبل كانت هههه...
لينا:اوك مشااات..
سراج:انا لاعب...
نجلاء شافت ف جاد:اوك تا انا لاعب...
نجلاء:لعبو هنا ولا فالجردة؟؟
لينا:ياله نخرجو للجردة...
ناضو كاملين خرجو حطو الطبلة وهو سراج يجر لينا:لعبو انا وياك فرقة وحدة!!.
لينا ماعجبهاش لحال ولكن مابغاتش تبان قبيحة:اوك...
سراج جلس قبالتها ونجلاء قبالت جاد...
سراج وقف:اه حقى اجي نتافقو على الاشارت لي نديرلك فاش نجمع...
عاود جمع سراج الوراق ورجع ضمس وفرق عليهم...بقاو لاعبين وجاد مرة مرة يبسم فوجهها وهي كدوخ وتقلد شعرها وتحك عنقها بقوة التوتر من شوفاتو...شوية جاد حس برجليه زطمو عليها سحابلو نجلاء هي لي دارتها...
جاد:كانت!!
نجلاء استغربت:ل لااا...علاش قولتيها؟؟
جاد:بلا ضحك ياك نتي لي زطمتي على رجلي؟؟
نجلاء خنزرت وشافت جيهة لينا وهي تنطق:ء اممم سمحولي انا لي قصتك ء جاد...
فيفي:أوووووف ماكلفش راسو تا يوصلني...مي واخة هكاك وكنموت على دين حسو تفووو على قلب عندي تفوووو..
.....
حطات راسها على المخدة...طالعليها الدم...بحالا علاقتها مع جاد تقلبت سفاها على علاها...هي بدات تولفو فحياتها واحساسها بيه كيزيد يوم بعد يوم...ولكن هادشي لي كيوقعليها مع لينا كيعصبها وكيخليها دابز مع جاد واخة مايكون عندو تا دخل...جلست فبلاصتها وتقادات كتفكر بوحدها"دبا هو ماداير والو...وانا كنتخاصم معاه..تفوووو واش ماعندي دماااغ...والى كانت كديرهالي بلعاني!!ناااري تزطمت...مي والله لابقات فيها..الى بغات الحرب هاحنا نديروها كاملين...🤨🤨🤨"...
.....
تعطل لوقت... ناض أوس خرج للبالكون كيطلل ويتمنظر فأضواء لمدينة...
تنفس بالجهد ونطق بصوت رجولي خافت:هانا جاااي ليكم ء عائلة بن عياد.....
أصبحنا وأصبح الملك لله..
أحمد جالس على الطبلة هو ولدو كيفطرو...تا بداو يتجمعو على الطبلة...
بعد مدة وصلو أحمد وعلي للمصنع...دخلو للمكتب وهو يجي عندهم حميد(مكلف بالمصنع)..
حميد:مزيان لي جيتي ا سي أحمد...ليوم جااي شي حد باغي يشوف الحديد والى عجبو غياخد من عندنااا طلبية لخدمتو...
أحمد:اهاه...مرحبا بيه...نيت هادي مدة والحديد مجمع لينا فداك السطوك..عالله يخوا شوية ونتفكو منووو...
علي:معاياش يجي؟؟
حميد:من هنا ساعة داير معانا...
أحمد:يكون خير...
بعد مرور ساعة وقفت سيارة ميرسيدس كحلا كتبري اخر طراز...وخرج منها أوس لابس فيست زرقا فلون الجينز وسروال جينز مغلوق وتيشورط كول في بيض...حيد نظاظر الشمس..ودخل بكل ثقة للمصنع...
لينا بسمت وعضت شنافتها كتشوفيها:هوو نيت لي كان فبالي..ميغسي عاونتيني ..
جاد بسم كيشوفيها:هانية..
لينا:ياله اجي معايا..نقلبو على نجلاء اوك...
جاد:اوك...ياله...
مشاو بجوج باتجاه الكوزينة تا وقفو حدا لباب وسمعو لهضرة...
🔙🔙...
لينا دارت شافت فجاد راسمة شوفة خيبة أمل على وجهها...هزت الكوليي وحطاتو ليه فيديه ومشات كتجري وهو بقى واقف مصدوم ومكره فنجلاء لدرجة كبيرة...ولا يشوف نجلاء خبيثة وماعزيز عليها حد وبالمقارنة لينا بنت ظريفة وقلبها كبير وعامر خير...عيب سيفتو وتنهد بالجهد ودخل للكوزينة تا وقف عليهم مخنزر...اما نجلاء غي شافتو تزنكت ومليكة كتشوفيهم بجوج...
جاد كيشوفيها مخنزر:فخبارك هضرتك كلها سمعاتها لينا...
نجلاء خرجت عينيها بصدمة...
ومليكة جاوبت:شوف اولدي...نتا غتكون سمعتي كلشي ولكن خصك تعرف بلي بنتي ماجاتش وقالت هكاك..راه وقعو حوايج خلاوها تهضر بهاد الطريقة...
جاد مد ليها الكوليي:شوفي هي شنو كانت جايبة ليك(معلي حاجبو فيها)ونتي شنو كتقولي عليها...(تصدمو بجوج وهو يغوت عليها)انا بعدا كنشوفها ماكتجبدكش بالعيب...نتي لي ديما كتخلقي مشكل من لا مشكل....
نجلاء عينيها غرغرو بالدموع جابلها الشك فراسها....
مليكة وقفت مخنزرة فيه:شووف ا جاد...ماوصلناش لدرجة تغوت على بنتي وانا قدامك بلا مايكون عندك تا صفة(صدماتو ونجلاء زادت تزيرت حيت جاد تزنك)...الى كاينة شي حاجة حنا لكبار ماعارفينهاش صارحني و اجيني نيشان..اما الى ماكان والو راه هادشي ولا غي تخربيق...
نجلاء شافت فيه كتساينو يعتارف بحبو ليها وبالمشاعر لي كتحس أنو كيكنها ليها...واقفة قلبها كيضرب والخلعة شاداها...
جاد صدرو طالع هابط والغضب باين عليه..نطق بلا مايفكر:ماكاين والو...
دور وجهو ومشى ونجلاء تصدمت..بغات تمشي تبعو وهي مليكة تشدها:خليه يمشي...مايستاهلكش ابنتي...
طه دخل للدار معاه سراج..مشاو يتقضاو من السوق شي حاجة:السلام ..
كلشي:سلام...
أوس علا عينيه فيهم وأحمد نطق:هادا ولدي طه..
أوس وقف متبت وكيفرز فيه:أهلااا سي طه ..
طه:مرحبااا اولدي ..
أوس حنى راسو وجلس صاقر....
علي رجع بعدما بداو يحطو الماكلة:ياله اجيو لبيت لماكلة...
ناضو كاملين مشاو وجلسو على الكراسا والطبلة مزوقة ومشكلة بأنواع الاطمعة...جلسو الرجال كيتغداو ويهضرو مرة مرة...أوس كياكل وحاضي كل تفصيل..وكل حركة...تا سالاو الماكلة....
فالكوزينة كانت سمية ولينا تا هما زعما دايرين يديهم مع فاطمة ومليكة كتشوف فداك الضحك بينهم...حست بحالا مطرفينها مابغاتش تهضر خلاتهم وكتخدم شغالها بوحدها مي بقى فيها الحال من فاطمة لي بدات تبدل عليها....
سالاو الرجال وجا جاد ياخد الديسير ..مداتو ليه لينا وهو يضحك معاها وتا لينا مبسمة عاجبها الحال...
مليكة بقات كتشوف حست بنفس الاحساس القديم...خافت بزااف على بنتها من الصدمة لي هي مجرباها...ولكن حكم الله كيتصرف...
بعدما كلاو الرجال الديسير ناضو يغسلو يديهم...وصاوبو ليهم أتاي. شربوه كيداكرو ومن بعد ناضو يرجعو للخدمة...
أوس وقف فلباب:شكرا على كلشي وسمحولي من عذابكم..
أحمد:ماتجيكش تالبال...مرحبا بيك والدار داركم...
أوس:شكرااا...
خرجو على برا شدو الطريق للمصنع وتما غيتلاقاو بالمحامي باش يديرو الكونطرا...
جاد دخل للكوزينة لقاهم كيتغداو مجموعين مامعاهمش نجلاء..تزير عليه خاطرو...بسم فوجههم ومشى لبيتو ينعس شوية....
وصلو للمصنع قضاو الغرض ولكن تافقو بطلب من أوس على شرط جزائي الى وقع شي تأخير قيمتو 100مليون...علي ماعجبوش هاد الشرط ولكن قرر يخلي باه يتكلف ومايوقفش فطريقهم...
أوس ناض سلم عليهم:مبروك علينا...
أحمد:مبروك علينا اولدي...
خرج أوس والمحامي ديالو من المصنع...
المحامي:انا غنتكلف بالباقي اسيدي...
أوس:اوك شكرا(سلم عليه ودخل طوموبيلتو)...
ركب فاتجاه دارو كان تفكيرو غي فكفاش يزيد يوطد العلاقة مع هاد العائلة....هاهو بدااا ولكن مازال خصو يزيد يكمل...
أوس عيط فتيلي:ألو...فينك؟؟
رشيد(صاحبو)لقيتيني فالدار مريح ا صاط...
أوس:اوك تا انا مازال فالطريق...بغيت نتشاوفو...
رشيد:عرفتي شنو...دوز عندي نريحو هنا اوك!!
أوس:اهاه اوك...هانا ندوز عندك نيشان...
قطع وحط تيلي..نيت خصو معامن يتقاسم هاد اللحظات وماغيلقاش حسن من صاحبو من أيام الاعدادي رشيد...زاد فالسرعة وكمل طريقو....
جالس عند صاحبو كيكمي كارو ويطفي فالطفاية وساكت...
رشيد بعد صمت طويل:اوا هانتا درتي لي فراسك...رتاحيتي دباا!!
أوس عينيه حومر:ماازااال...
رشيد ربع يديه وتكى فظهرو على الفوطوي:شنو مازال؟؟
أوس بقسوة وحقد:مازال نشوف داك العائلة كتنهار واحد بواحد...
رشيد خنزر فيه:حيت قلتلك هادشي لي بادي فيه ماتماش وخايف عليك منو...
أوس موقف كيشير بيديه غيطرطق:واش من نيتك ا نمي...واش نبقى نهضر ونعاود!!(رشيد دار يديه على راسو ودور وجهو منو)واش باغيني نخلي حقي لي ضعت فيه من زمان....شوووف انا بعد هاد الوقت كامل وصلت اخيرا لداكشي لي كنت ناوي ..ودبا تاواحد ماغيوقفني...
رشيد تقاد فالجلسة:جلس اصاحبي...جللللس...
أوس نثر يديه:ماجالسش..سوق مك نتا!!
رشيد ووقف:دماغك قاصح...صافي جلس ماتندمنيش لي هضرت...(أوس مخنزر كيشوف فالفراغ)صافي ا ز** جلس ماتمرضنيش...راه خوفي عليك لي دارها...
أوس:تخاف عليا مالي انا ختك...
رشيد تأفف ودفهو تا جلس:دبا خلينا فموضوعنا...شنو عوال دير مازال؟؟
أحمد بسم:انا بعدا موافق...بنتي نجلاء ذكية وطاقة الشباب لي فيها مافيا لا انا ولا نتا اولدي ههههه...
علي بسم وعنقها:ها انا غنثيق ونخدمك هههه...
نجلاء بفرحة:وانا غنشرفك انشاءلله...
جاد بقى كيشوفيها ولكن مازال مانساش ليها داك التصرفات القباح ديالها...ولا كيجيب ليه الله بلي تزطم فيها...وهي مامزياناش كيفما كان سحابلو...بالعكس قلبها قبيح وماكتعاملش مع الناس كاملين بنفس الطريقة...
.....
فالطريق كان راجع أوس بطوموبيلتو وكيفكر ..حيت هو ماعندو غرض بالزواج...وماكيفكرش أصلا...بالنسبة ليه لبنات صالحين غي للمتعة وتضياع الوقت ..مي الى كانت هاديك هي الطريقة الوحيدة لي تخليه يتقرب من داك العائلة...فهو اكيد غيديرها...
.....
أصبحنا وأصبح الملك لله...
فاقت ليوم نجلاء على أمل أنها تصالح مع جاد..ناضت نشيطة منها غتمشي للمصنع مع باباها باش تشوف الخدمة كيدايرة...لبست كسيوة صفرا طويلة ودارت مقيبطات مع جنب شعرها وخلاتو مطلوق...وصبيبط بلا كحل...هبطت بزربة..لقات كلشي مجموع على لفطور...
بسمت بهدوء:صباح النور...
كلشي:صباح لخير...
جاد على عينيه فيها شافيها شحال...بسمتلو بسملها بالخف وحنى راسو ورجع شاف ف لينا لي كانت ساكتة وهادئة...بقى بالو معاها ماموالفاش تكون فهاد الحالة...
نجلاء حست بيه مبدل..حنات راسها وكلات بلا ماتولي تركز معاه...
نجلاء بصوت دافئ:جاد..مين نرجع بغيت نهضرو عافاااك...(جاد دماغو مرفوع)بغيت نوضحلك شحال من حاجة و....
جاد قاطعها غادي:من بعد ا نجلاء من بعد....
نجلاء تشوكات من لا مبالاة ديالو...حست بيه تبدل عليها...حيت فاش كيكون الانسان كيصطنع قلة الاهتمام كيكون باين ومين كيكون بصااح مامهتمش راه باين عاوتاني...بلا ماتشعر تبعاتو فين غادي...كانت باغية تشوف هادشي لي شاغلو عليها..واش عندو شي مشكل ولا كفاش ...خرجت طلت عليه وهي تسمر فبلاصتها...لقاتو جالس قبالت لينا كيشوفيها ويتصنت ليها مركز معاها ...صاافي تحرقت بكل مافي الكلمة من معنى...بحالا شي خنجر وتخشى فقلبها...دموعها كانو قراب دغيا هبطو..ماثدرتش مازال تصبر مسحت عينيها بزربة وتراجعت...وخرجت عند باباها بعدما تنفست بعمق ورسمت ابتسامة بداية اليوم...واخة لي فيها عالم بيه غير الله ...تحرك علي بالطوموبيل وتوكلو على الله....
لينا بسمت بحشمة وناضت بزربة من حداه وهو متبعها وكيضحك عليها.....تخبعت مور باب الجردة كضحك وتنقز...
لينا:اوووه هههههه يا سلااام...قصف مباشر...
هزت تيلي وصونات لصاحبتها:ألو...الخطة ديال الخدمة نجحاات ههههه...ناري يا ختي ولا مهتم بيا غي انا من الصبح وهو يحفزني وينسيني...مافخباروش بلي جراو عليامن الخدمة قبل تا ما نجي هنا هههههه....
وصلت نجلاء للخدمة..كتحازل تعرف على الناس وكتسول وكتستفسر.ومن بعد دخلت للمكتب عند باباها وباسيدها..
نجلاء كتسجل المعلومات:فوقاش أول طلبية عندكم؟؟
علي:السيمانة الجاية..
نجلاء:وشحال القيمة ديالها؟؟
علي:هاد الساعة طالبين 100طن...
نجلاء:شحال كاين فالسطوك؟؟
علي شاف فأحمدلي جاوب:تقريبا تكون شي 20طن...
نجلاء بتفكير:امممم....دونك اول حاجة خصنا نضاعفو النص ديال الطلبية...يعني على ااقل يكون واجد عندنا 160طن دالحديد...
علي:بزااف ابنتي...عاوتاني لماكن عندنا على قد الحال...
نجلاء:سي علي(شافيها وبسم وهي كملت)خصك ثيق فخدمتي...ضروري يكون عندنا الزايد ..نقدرو نحتاجو كثر...والطوارئ لابد تكون داير بحسابهم..ثانياااااا وهذا أهم...الشرط الجزائي لي دايرين خطير بزاااف...انا بعدا بغيت نفهم علاش وافقت عليه؟؟
علي شاف ف باه:اوة ابنتي قلت غنقدرو نوصلوه فالموعد...
نجلاء بجدية:الله ينجينا من الافات ا سي أحمد...
أحمد:باسيدي قالا سي أحمد هههه..
نجلاء:وقت لخدمة دبااااا...(شافو فبعضياتهم)لمهم...نبقاو فموضوعنا...باش نكونو فأمان خصنا نتافقو مع جوج د شركات النقل...
علي استغرب:اوا ابنتي...كاينة وحدة ديما كنخدمو معاها علاش هاد الثانية؟؟
نجلاء:الثقة حرام ا سيدي...نديرو معاهم بجوج حسن ماتخوي بينا شي شركة ونصدقو مأخرين و100مليون طير...
نجلاء بسمت:ياله ا سيادنا...لخدمة تبدا من دبا...خصنا نضوبلو تقريبا الطللية باش نتفاداو اي تأخير..
أحمد:انا ابنتي ثايق فيك...سير عالله....
نجلاء:ونعم بالله...
مشاو وصاو العمال يخدمو ساعات متواصلة واكيد يزيدوهم فلخلصة...كان هدفهم يوصلو الانتاج فالوقت حيت التأخير ممنوع ويقدر يسبب ليهم مشكل كبير...
بعد يوم متعب وحسابات قامو بيها باش يجيبو السبعة باش يحركو الماكينات باش يخلصو شركة النقل...كلشي كانت نجلاء كتحسبو أسرع من حميد لي عندو مدة فالحرفة...حيت القراية ماشي كنقراوها غي هكاك...ضروري كتفيدك فالمجال لي نتا فيه...
رجعو للدار..نجلاء كانت عيانة باغية تاكل وتنعس ..ولكن غي دخلت للدار شافت جاد من جديد تفكرت الصبح وبقات ساكتة...طلعت لبيتها تبدل حوايجها ودوش باش تخفاف اما أحمد وعلي ماسالاوش بالهضرة عليها...جاد كان كيسمع وعجباتو بشنو دارت اما سمية جالسة وتناز فراجلها...
طه:بااا..بغيت نهضر معاك فشي موضوع...
أحمد:ياك لاباس اولدي...
طه:تا يسالي العشا انشاءلله ..
أحمد:واخة اولدي...
هبطت نجلاء وتلاقات ب لينا حدا باب الكوزينة..مخرجة بلاطو فيها الماكلة داياها للطبلة..ماحست تاحبستها...
نجلاء بهدوء:لينا...سمحيلي بزااف..(لينا كدير راسها مقلقة)انا ماعرفتش اش كان واقعلي...من حقك تقلقي مني...مي حاولي تنساي واخة...نقولو نبداو دفتر جديد حسن كااع من صفحة جديدة...
جحيم في السرير الجزء الثاني
محتوى القصة
التنقل بين الأجزاء