سراج النهار كامل وهو طالع ليه الدم...حس بأن لينا مايلة لجاد...ماقواش وماتقبلهاش...قرر انه يمشي يسافر عند ولد عمتو صهيب"ماعندو دماغ للعائلة...ديما مخيم ومسافر فوقت العطلة..حتى من العزو عزاهم فتيلي ومهني راسو" يفوجو شوية ومايبقاش جالس معاهم...
......
ففيلا كبيرة فيها لابيسين كانت اكرام واقفة مع صحاباتها كيشطحو وعاجبهم لحال...معلوم حيت اليوم عيد ميلادها ..السيدة عاطياها للنشاط وفرحانة براسها كملت 26 عام ..مرة مرة دور وتشوف فصاحبها رشيد لي من أيام لافاك وهما بجوج...
ص :اوا ء اكرام فين صاحب صاحبك داك تيتيز؟؟
اكرام كتحرك عينيها بماعرفت:أنا عرضت عليه ولكن واش يجي ولا لا والله ماعرفت..
ص :اوف بغينا ندوزو ليلة زوينة...كيحمقني ياختي...
اكرام:فرقي عليك هاداك...راه غي ديال الزهو...ماعندو غرض لا بزواج ولا بحب..
ص :خسارتو ياختي...هاداك لي غتديه ماعرفت كفاش غتكون!!
اكرام عوجت فمها:تا يتزوج بعدا...
ص :اوا على هاد القبل نتي غتكوني هي لمستفيدة لولا الى تزوج..
اكرام باستغراب:علااش؟؟
ص:حيت الى بقى عزابي وتزوجتي نتي ورشيد راه يخرجولك على الطريق هههههه...
اكرام دخلت معاها:ل لاا مادخليليش الشك...(تنفست بالجهد)أصلا شكون عرف فوقاش نتزوج انا ورشيد...
حبست الموسيقى وطفاو الضو وهي تخلع تا ضرب فيها ضو خفيف موجه ليها بوحدها..تا درفت عينيها العسليين...
اكرام:اش هادشي !!
دارت على غفلة لقات رشيد موراها..بسم فوجهها ونطق بلا مقدمات:تزوجي بيا؟؟؟
اكرام حلت فمها وصحاباتها كيصفقو ويضحكو اما أوس دخل نيشان نع اللقطة..
ضحك باستهزاء:عنيبة لاخور....
مشى باتجاه لبوفي وخدا كاس يشربو...
اكرام مازال حالة فمها ورشيد شدولها:ماغتجاوبيش ههه؟؟
خرجت نجلاء مقلقة من عندو...حست بلي ماكاينش ثقة فخدمتها....حلت باب بيتها وحاولت تنعس واخة مامرتاحاش....
.......
جا يوم التسليم....
كلشي كان تالف...كيقادو السلعة ويجمعوها على النبوري باش تحرك وتمشي عند مولاها...نجلاء واقفة حاضية هي وحميد...كتحسب وتسجل تا صوناو عليهم فالديبو...مشى حميد يجاوب ورجع عند نجلاء دغيا...
حميد:بنتي نجلاء:تكلمي...قالك طلعي عندهم للمكتب..
نجلاء باستغراب:دباااا..
حميد:اه...
حطت داكشي من يديها وعطاتهم استراحة وطلعت عندهم دقت ودخلت للمكتب لقات جدها وباباها واقفين وباين بلي ماشي على خاطرهم....
الطيب:اوا الى كان حنا لي غنوصلوها راه اكيد ماتوصلش هههه..وماتحافش...راه كااع صحابي لي بحالي فالدومين تاصلت بيهم وقلت ليهم مايقبلو يديو تا سلعة ليوم...ولكن فالاصل كلهم مشغولين ولي عندو شي نقل واخد حجز من شحال هادي...دونك مشات على عينيهم ضبابة خخخ..
أوس فرح من قلبو:براافو عليك وعلى هاد التصرف الزوين لي درتي غنزيدك الربع دالفلوس لي تافقنا عليها ..
الطيب بابتسامة:شكرا...وحنا دايما فالخدمة ا سي أوس...
أوس قطع معاه فرحان وناشط ..سحت بالكرسي وقرب للمكتب كيطقطق ستيلو فوق الطبلة:ليوم نتفرج فيكم ء بن عياد ..واخيرا قلبي غيبرد فيكم(ابتسامة شر)...
ليوم لينا صبحت ناشطة وعاجبها لحال...لبست كسيووة قصيورة كحلا وطلقت سوالفها وقادات وجهها مع صندالة دالفرشي بالسميطات..وهبطت لتحت باغية يشوفها جاد بأي طريقة ونيت عوالة ليه على بروكرام زوين...ماتهنات تا لقاتو فالصالون كيفرج فتيلي ديالو...
لينا حطت يديها على شعرو تا هز عينيه فيها مصدوم:لينا!!
رجعت شيرتلو تبعها...خرج لقاها كتركب طوموبيل د بااها مي هي لي غتسوق..ماعلقش حيت ماشي طوموبيلتو...ركب واخة مايعجبوش بنت تسوق بيه...
لينا:لمهم نتا لجيد ديالي ههه..
جاد بسم:ياله سير عالله ..
حركت لينا الطوموبيل ومشاو بجوج كطلق الموسيقى وتغني معاها تحت أنظارو...
بعد مدة كانت نجلاء عمرت كااع الشاحنات لي جاو ينقلو السلعة ..تأكدو من كااع المعلومات وتحركو من قدامهم باتجاه الديبو ديال أوس...أول خدمة ليها..أول انجاز...ولكن مايكمل تا توصل السلعة بيخير وعلى الخير عندو....
لينا بقات غادية تا بانت ليها جردة كبيرة زوينة والسد كيبان ملفوق...جاد غي شاف البلاصة تفكر نهار مشى هو ونجلاء لتماك...مشاو بالو لشحال من حاجة داروها تما...بسم بالخف...
جاد بهدوء:هاد البلاصة زوينة الى بغيتي نجلسو فيها شوية...
فالمصنع طلعت نجلاء للمكتب...جلسو كيقادو لي باقي فلخدمة...
أحمد:اوا داك 60طن لي بقات اش نديرو فيها؟؟الى بقات عندنا السيزي هو هاداك...
نجلاء بسمت:ياك دايرين كونطرا مع الراجل شهراين!!
علي:اه ابنتي...علاش؟؟
نجلاء:اوا الى طولت كاااع تبقى هاد السلعة شهراين عندنا..حيت ماغتكونش اخر طلبية ليهم كون متأكد...بعدا الى فاش يبغيو يكون عندنا السوكور فالديبو..
علي بسم:فين تعلمتي هادشي؟؟
أحمد بجدية:صلي عالنبي...غتعينها...
نجلاء طلقت ضحكة:ههههه عليه الصلاة والسلام...لمهم شوفو انا غندير باج على الشركة ديالنا..نكبروها نشاءلله ويجيونا طلبيات كثر اوك...غي لمهم يدوز هاد النهار على خير...
أحمد شدلها يديها:مايكون غي لخير...
وصلت لينا لحدا مطعم زوين جاي على لوطوغوت...سطالات الطوموبيل وخرجو بجوج...غادية عاجبها لحال معاه...مشات خدات طبلة جاية فالواجهة...عزيز عليها البيانة ..وهو جلس مقابلة معاها...
فاطمة بسمت بزز منها...واخة هكاك كتبقى نجلاء عزيزة عليها لأنها حضرت على صغرها كامل...ولكن دبا مع توسويس سمية ولينا لي كتبغي غي تبين راسها بدات تميل جيهتهم بلا ماتحس...
أوس بقى كيشرب وهي قربت باستو فخدو ومشات....وبعد لحظات قدموها وطلعت نصلت البينوار لي لابسة ودخلت كتشطح بلباس الشطيح...وهو مرفوع ماكيفكر فوالو من غير كفاش يخرج عليهم بطريقة خرا...الجو والصداع فرعولو دماغو..ناض هاز سوارتو وخرج من داك البار متوجه لدارو...مين ماكتكون عندو كانة ماكيبغي يجلس حدا تا واحد من الافضل يبعد على العالم ويعيش الوحدة ديالو...
فالفيرما كانو كيحتافلو كاملين...غي كلاو الحلوة وسالاو ناض كل واحد لبيتو ينعس....
نجلاء تمنات ليهم ليلة سعيدة وناضت تطلع لبيتها وهو جاد ناض موراها تبعها...اما لينا متبعاهم وكتفرك صبعانها غتموت بالفقصة ومزنكة...الشر خارج من عينيها...
جاد تحت الدروج:نجلااء!!!
نجلاء دارت شافتو:شنو ء جاد؟؟
جاد طلع جوج درجات:مالك؟؟واش حنا مدابزين؟؟
نجلاء هبطت عندو مقصحة:لااا علاش كتسول؟؟
جاد:شفتك مابقيتيش تهضري معايا بحال لول...
نجلاء بسمت بألم:علاش نتا باقي كيف لول؟؟
جاد تصدم:امم يمكن ولكن خصك تفهمي علاش تبدلت ء لينا!!
نجلاء عينيها دمعو:نجلاء(صدماتو وحس براسو زبلها)ن ج لا ء...(قربت حداه)عقل على سميتي مزيااان...
نجلاء طلعت كتجري لبيتها وهو وقف معصب من راسو غيطرطق...جرحها دغيا بلا مايحس...بدا يحس بمعاملتو ليها قداش كانت قبيحة...اه هي كثرت عليه وضايقاتو بشكها فيه وغيرتها ولكن ماتوصلش أنه يتقلب عليها فمرة ونهار حتاجت أنه يبين علاقتو بيها حدا ماماها بين أن مابيناتهم والو...ضرب الدورة ومشى لبيتو..تحت أنظار لينا لي عرفات بلي شي حاجة ماشي هي هاديك وقعت بيناتهم...
اما نجلاء طلعت لبيتها بقات تبكي...جاتها قهرة عيطلها بسمية لينا...لينا لي جات موراها وخلاتو يحفظ سميتها لدرجة مايبقاش عاقل عليها...حطت راسها طامعة تنعس ولكن استعصى عليها النعاس...شحال وهي فايقة عاد غفات بلا ماتحس....
تجمعو العائلة على الطبلة...كيفطرو مجموعين...نجلاء كتحاول تركز غي على لخدمة...باش تنسى اي حاجة خرا...اما جاد حاضيها ماقادرش يبعد عينيه عليها ..
نجلاء وقفت:شنو نمشيو؟؟
أحمد:واخة ياله ابنتي...
علي باس راس مرتو وبسم:بسلامة عليكم...
مليكة بابتسامة:الله يعاونكم(شافت فسمية كانت مخنزرة غي شافت فيها ضحكت ليها ضحكة صفرا حست بيها وحدرت راسها)...
جاد تبعهم بعينيه ولكن نجلاء ماشافتش كااع لجيهتو...مشاو باتجاه لخدمة...كل واحد لبوسط ديالو...تا عيطو لنجلاء تمشي لمكتب جدها...حطت الحسابات لي فيديها ومشات عندهم...دقت فلباب ودخلت وهي تفاجئ بيه جالس...
أوس وقف بآداب ومد يديه ليه:سلام..انسة نجلاء ياك؟؟
نجلاء بسمت:اه...سي أوس؟
أوس بابتسامة كدوخ:هو انا نيت ههه..
نجلاء بهدوء:متشرفين...
أحمد وعلي جالسين...
أوس جلس مقاد على الكرسي بكل رجولة ونطق:فالصراحة عجبتني لخدمة معاكم..تباركلله عليكم..الوقت هو لوقت والخدمة مثقونة..
أحمد:الفضل كلو يرجع لحفيدتي الزوينة نجلاء(أوس كيطلعها ويهبطها...لابسة سروال جينز وصبيبط وكبيبط كوحل طويل مغطي المؤخرة ديالها وظافرة شعرها جنب بلا ميك اب جاية سامبل)..هي لي وقفت على هاد الشغل من لول لتالي..
أوس بشوفات خطار:ليا الشرف نخدم معاها اكيد...
نجلاء حدرت راسها مخبعة من شوفاتو:شكرا ليك..
أوس استدرك:اممم هادشي علاش جيت(كيشوفو فيه)قررت نزيد طلبية خرا من عندكم...ولكن المشكل أني مزروب بيها...يعني 3 ايام وخصني تكون واجدة...
خرج أوس متأكد أنه غيغلبهم هاد المرة...بسم وركب طوموبيلتو كيصفر....
علي مقابل بنتو:ماغاديش لحقو...
نجلاء بتحفيز:غادي لحقوو انشاءلله...
أحمد:راه 120 طن ..كثر كااع من شنو خدمنا من قبل ..
نجلاء بسمت:نسيتي بلي النص عندنا ديجا...راه 60 موجودة فالديبو خصنا غي 60 خرا..
أحمد تنهد:و60 يكفينا ليها ثلثيام!!
نجلاء تنفست بعمق:غيكفينا انشاءلله..لمهم خصنا على الاقل شي 10 العمال زايدين...
علي:انا معاك ابنتي...يحظرو فالحين...انا نسول الشركات لي قدامنا ونجيبو لي خاصنا...
نجلاء وقفت:ياله مابقاش لوقت بزاااف خصنا نبداو من دبا...
خرجت نجلاء وجدها كيدعي ليها بالتيسير...كان الحمل ثقيل عليها ولكن بزز منها خصها تكون قدو...هبطت دارت اجتماع لكااع العمال فالمصنع...
نجلاء بصوت رقيق:ليوم جاتنا طلبية جديدة...60 طن ولكن فظرف ثلثياام...(العمال بداو يهضرو ويتناقشو ويدورو وجههم بالسلب دليل على أنهم ماغيقدوش يكملو هادشي فهاد لوقت....ونجلاء تغوت بالجهد)راه غنقدو....لي قدر يكمل 160 طن فظرف سيمانة غيقدر يدير 60 طن فثلثيام ...ماصعيباش...ثيقو بيا...غنزيدو عدد العمال...غنخدمو سوايع اضافية...وغتخلصو عليهم اكيد وغنكونو فالموعد...شنووو واش نتوما معايا ولا لا؟؟(بقاو شحال كيشوفو فيها وبدا واحد مور واحد كيهز يديه"انا معاك...تا انا معاك..تا انا....تا اناااا...."كثرو الهتاف عليها وهي تبتسم وشجعتهم...)ياااله الى العمل...ربي عوييينااااا...
مشى العمال للخدمة كيقادوها ويسولوها على السلعة دالخدمة...بداو يقضيو بلي كاين علاما يجي الماطيرييل لي غيحتاجو....وفري علي ما أخرهمش...ودخلو كاملين يخدمو....
بعد ساعات قلال كانت اصوات الالات خدامين...شي غادي شي جاي شي حاضي الانتاج...شي كيقاد السلعة شي كيستف الاحتياجات..لمهم الدنيا مرونة ونجلاء واقفة لفوق حاضية وكتحسب كيف عادتها تا وقف عليها باها..
علي كيدور وجهو:بنتي...جبتلك 10 العمال كيف طلبتي...هاهما خصهم غي يعرفو اش يديرو...
نجلاء بسمت:شكرا سي علي(بسم)انا غنعيط لسي حميد ونشوفو كفاش نوزعوهم على الخدمة...
علي هز يديه بتحية:الله يعاون...
مشى ونجلاء هبطت عند حميد...شافو البلايص لي فيهم خصاص وفرقو عليهم العمال...
وهو واحد ينطق:لالة نجلاء..
نجلاء شافت فيه:نجلاء بلا داك لالة...
هز راسو بجدية:واخة...ولكن انا بغيت نقولك بلي كنعرف نقابل لماكينة لي كتبريصي الحديد...الى كان ممكن نخدم فيها...
نجلاء شافت فيه ودارت وشيرتلو يتبعها...مشات وقفت على الماكينة لقات واحد حاير:اوك...هاهو هادا غيعاونك ا عمي واخة...
الراجل كبير مسؤول:اه واخة ابنتي ..الله يرضي عليك...
مشات وخلاتهم كتشوف الخدمة غادية بحال الساعة وهادشي نيت لي تاهي باغية...ولكن لمهم يقدرو يلحقو لوقت ويقضيو شغالهم...ماكانش ممكن تمشي للدار بكري...جابو ليهم العشا هي وباها وجدها مازالين حايرين فالخدمة...
علي كياكل ويسولها:علاش ابنتي قبلتي بهادشي..كون قلتي لا ماعلينا ذنب...
نجلاء كتمضغ:اولا مايمكنش نرفضو طلبية بحال هادي حيت غربحو منها بزاااف...وثانيا الى رفضناها غنكونو ماشي قد المصنع لي دايرين وقيمتنا غطيح...وثالثااا راه كاين بنذ فالكونطرا كيقول بلي الى ماوافقناش على شي طلبية راه غيتلغى العقد فمرة...
علي تصدم:بصااح كاين هادشي ..
نجلاء:اممم...كان عليكم ماتسرعوش وتمضيو...الشروط خصها تكون فالمتناول وانا لي حسيتو فداك الكونطرا أننا كيفما درنا نقدرو نوحلو...
أحمد:الله ياربي...وبناقص من هادشي كامل ..لي بنيناه نقدرو نريبوه فدقيقة...
نجلاء:لا ء باسيدي...ثيق فيا انشاءلله ماغيوقع والو..وزايدون عندنا شهراين نطلبو الله دوز على خير وبيخير...
جاد كان جالس فالدار حاس بالقنطة....القنطة لي مين جا لهنا ماحس بيها...فكر أنه يسافر ويبدل لجو..ولكن فنفس لوقت ماقدرش يبعد..بقى حاير....اما لينا حاولات تقرب منو وتهضر معاه وحساتو بلي ناشف ..بعدت شوية زعما كدير لقيمة لراسها كماعلله يرجع عندها لراسو...
تعطل لوقت وتاواحد مازال مارجع...جاد عيى صابر وسول عليهم وهو هدفو يسول غي على نجلاء...
جاد قرب حدا مو:فين كلشي؟.
فاطمة:اوا قالك جاتهم شي خدمة مزروبة وغيتعطلو شوية....
جاد استغرب:وزعمة لخدمة ماتساينش!!
فاطمة:اوا هدااا عليا اولدي...ماعرفت...
جاد تنهد:اوك...صافي انا داخل نعس تصبحو على خير...
دخل جاد طالع ليه الدم...كان باغي يشوف نجلاء ولكن مازال ماجات...حط راسو على لمخدة وزاد مخدة خرا على راسو كيحاول يجيب نعاس بزز...
نجلاء:لا ء باسيدي...حنا اهم حاجة عندنا هي الجودة دالانتاج...والى خليتهم كثر غنضيعو هاد البوان فوغ ديالنا....
أحمد:ديري شغالك ابنتي..انا ثايق فيك..
نجلاء بسمت وجراتو:الله يخليني ديما قد ثقتكم...
علي كيتكسل:شنو مشينا؟؟
نجلاء هزت راسها:اه ياله رتاحو شوية...
ركبو الطوموبيل وتحركو باتجاه الدار منهكين خصهم غي لمخدة وينعسو..
....
فالدار كان ناعس أوس على ظهرو ونسرين مخشية فيه عريانة...نزل عينيه شافيها مخنزر وناض من بلاصتو..خرجة على برااا عايفها وماحاملش تبقى مازال حداه...هذا طبعو..كيدوز أوقات حميمية مع لبنات ولكن بمجرد ماكدوز داك اللحظة كيكرههم ومايبقاش حامل يشوفهم..
الحركة لي دار أوس فاش ناض فيق نسرين..حلت عينيها وقلبت عليه مالقاتوش...ناضت لبست سوفيطنا ديالو وخرجت عندو لقاتو جالس عريان ملفوق وحاط لبيسي على رجليه وكيكمي...
نسرين واخة بنت متحررة فيها النفس شوية:اوك...دونك انا غنوض نمشي..
أوس ببرود كيسوط الدخان من فمو:اوك...تا نتشاوفو لمرة الجاية..
نسرين بابتسامة خفيفة:اوك بب(باستو فخدو ومشات دغيا لبسات عليها وخرجت من الدار)...
غي خرجت هبط لبيسي...طفى الكارو وناض من بلاصتو مشى باتجاه لبالكون كيتبرد:اوووف..على جنس حوااااء اوووف....
أصبحنا وأصبح الملك لله...
فاقت نجلاء مدوخة ولكن خصها بزز تفيق...خرجت هي وباباها وجدها بكري من الدار...ومشاو للمصنع..لقاو العمال بداو من جديد..طلبو لفطور وفطرو تما مقابلين خدمتهم....
دارت تقريبا 9 دالصبح..
فاق أوس نشيط..من شيمو انه واخة ماينعسش مزيان كيفيق أليز..وجد قهوتو..كمى كارو ديالو وقلى لبيض على شكل اومليط حطو كلاه بالفورشيط والسكين وناض لخدمتو...كان خصو يصافط الحديد للمشروع لي بادي فيه...ولكن قسم من داك الحديد غيبقالو فالديبو حيت فالاصل ماكانش محتاج داكشي كامل وماكانش متوقع انهم بداك الالات البساط يقدرو يكملو الانتاج فوقت بسيط بحال هاداك ..وهاهو دبا غرقهك بخدمة جديدة ومتأكد كل التأكيد أنهم ماغاديش يكملو ..
جات لعشية...جاد عيطلو خوه باش يلحق عليهم للسفر ..قرر انه يمشي نيت مامستافد والو..جمع حوايجو وقرر أنه يمشي يسلم على جدو وعمو...اححمم على نجلاء زعما غي ماكيرضاش يبين لا حدا الناس ولا حدا نفسو...
لينا شافتو هاز حوايجو:غتخليني بوحدي فالدار؟😞😞..
جاد بسم بهدوء:اوا نمشي نبدل جو تا انا شوية..
لينا بعفوية وقلة تفكير:نمشي معاك؟؟
جاد خنزر:كفاش تمشي معاياا ..واش كتهضري من نيتك(تزنكت)حنا غاديين غي رجال مع بعضياتنا..اش تمشي ديري نتي تما...
لينا تحشمت:ء امم ع عارفة غييي..
جاد تم غادي:بسلامة عليك...
مشى خلاها مشوكيااا..سلم على مو وكلشي وخرج من الدار غادي للمصنع يسلم ويشد الطريق للشمال...
نجلاء كانت جالسة فمكتبها تا دخل عندها حميد مصدوم وتالف:مووصيبة ابنتي...
نجلاء وقفت مرعوبة:اش كاين؟؟
حميد:الماكينة لي كتبريصي لحديد...
نجلاء:م مالها؟؟
حميد بألم:وقفت ابنتي وقفت...
نجلاء خرجت عينيها:كفاااش!!!
هبطو مزروبين لتحت...كيحاولة يخدموها...هاداك لي مسؤول عليها..عيى يحاول يخدمها والو مابغاتش تقاد.. لمشكلة لوقت تعطل...وتاواحد ماقادر يصلحها.. والى ماتصلحتش الانتاج كلو غيوقف...عيطو لديباناج عيطو لوكالات الاصلاح والو...ماكاينش لي يقدر يجي...كلشي كيقول تالصبح...والى بقى داكشي للصبح مشات الطلبية ومابقالها ماتكمل....الصدمة كانت عامة...توقف العمل والناس مصدومين...ماكاين تاشي حل...
نجلاء دماغها وقف:ك كفاش وقع ليكم؟؟
المسؤول:ماعرفت ابنتي...كانت خدامة تاوقفت لراسها..
المساعد ديالو:مافهمتش...كنت كنقضي حاجتي تا جيت لقيتها حابسة...
نجلاء شدت فراسها كتعصرو وتحاول تفكر:ضروري يكون شي حل...ضروري...
أحمد جلس على الكرسي:قدر الله وماشاء فعل...
علي واقف داير صبعو ففمو عاض عليه وساكت...كيفما فكر كتشدلو فوجهو تكره...
نجلاء:شحال فالغارانطي ديال هاد الماشين؟؟
المسؤول:10 سنين...
نجلاء:عيطو للشركة لي خديتوها منها..وشوفو لا تلقى لينا شي حل...
علي:هاد الماكينة من ألمانيا...جابها واحد المدير كان معانا ومشى بحالو...وألمانيا دبا تكون فايتانا بشي ساعتاين...هنا 10 دليل وتما 12 شكون غيجاوبنا...
نجلاء تعصبت:لا مايمكنش...مايمكنش فينما حطينا يدينا كنحبسو...شي حاجة ماشي تالهيه هنااا...اووف يا ربي اوووف..
تمت غادية وهي تلاقا جاد...شافها حمرا فوجهها ومعصبة..
جاد بخوف:نجلاء مالك؟؟شنو كاين؟؟
نجلاء حست بالحكرة:مووصيبة ا جااد اوووف ياربي(بنبرة بكاء وهو كيتصنت ليها مخرج عينيه)ماكينة مهمة دالحديد خسرااات...
جاد خرج عينيه:كفاااش!!!كيوقعلها؟؟
نجلاء كتمسح على وجهها مفقوصة:ماعرفتش ماعرفتش!!اوووف ..
جاد شدها من كتفها:شووت صافي تهدني...اجي نشوفو...
رجعو لجيهة الماكينة وهو جاد يوقف عليهم:السلام عليكم..
نجلاء جلست كتفكر:زعما كاين بحال هاد الناس لي محسادين وقلبهم قاصح هكااا!!
جاد تنهد:لاحول ولا قوة الا بالله...الدنيا فيها كلشي غي حظي راسك....
نجلاء:لمهم انا نهبط نشوف لي يستفو لينا السلعة فالديبو...
جاد:اوك أنا نمشي معاك...
هبطو لتحت بقاو متبعين السلعة وهي كتستف فالسطوك...ونجلاء كتحسب وتقيد وتلصق الارقام للكراطن لي غيتم التحميل ديالهم...
...ليلة دازت طويلة ومتعبة ..بمشقة الانفس باش صبح الصباح...نجلاء ناعسة على لمكتب مهدودة وجاد مكتي على كرسي قبالتها...فسابع نومة...تا دخل علي وفيديه القهوة...دق فلباب تا فاقو...
جاد تنهد:بهاد الطريقة دالخدمة وديري هادشي!!آمبوووسيبل...
نجلاء:وا غي دبا لي كاين هاد الضغط..ابخي كولشي يولي نورمال...
جاد ماعجبوش لحال:اوا ربي يسر الامور...(شافت فيه وسكتت حيت مافيها لي يبدا يهضر ويقنع على النبوري.)..
دخلو للدار كلشي ناعس...جاد مشى باتجاه بيتو ونجلاء تمت طالعة لبيتها وهي تحس بالعطش مشات باتجاه للكوزينة لي قريبة بزااف لبيتو...غي حل لباب وهو يتصدم...بقى كيمسح عينيه مصدوم...وشد لباب بزربة...
نجلاء بردت ورتاحت:صافي واخة...سمحليا حيت شي مرات كنت كنرجع عليك اللوم ونتا ماداير والو...
جاد بسم وغمزها:عارف لي كاين...غي لغيرة دارتها ليك وصافي ههههه..
نجلاء دفعاتو:خرج عليااا...قالك لغيرة...
جاد كيضحك:رتاحي تا نعسو شوية ونرجع نوصلك للمصنع عاد نسافر....مواااح(صافطلها بوسة فالهوا وهي كتخرجو...وشدت لباب خلاتو مبسم وهي تكات على لحيط عاضة على شنافتها التحتانية وفرحانة..)..
لينا لتحت كانت حاسة بالدمار...كفاش خلاها كيف شي بلاكة وطلع مور نجلاء يشرح ليها...حست بلي خسرت كااع شنو دارت هادي مدة...قلبها تزير عليها ودخلت لبيتها مفقوصة غطرطق...
.....
بعد 3سوايع تقريبا كانت العائلة الكريمة كلهم فايقين...اما جاد ونجلاء فسابع نومة...كانت مازال باغية تنعس ولكن الغيفيي فيقها..طفاتو كتمسح عينيها وناضت تغسب وجهها كتجر فرجليها...تحت عينيها زراق بقلة النعاس...مي فهاد لوقت خصها ضروري توقف على رجليها وتعاون عائلتها لي محتاحين ليها...طرفت حالتها ولبست لي لقاتو قدامها وخرجت من بيتها...
جرها عندو وعنقها بلا عياقة وهي تزنك وخرجت بزربة من الطوموبيل...تبعها ولاح ليها السوارت ومشى كيدور وجهو جيهتها فرحان بالاحساس لي تملكو فهاد المدة القصيرة مع نجلاء...
اما نجلاء دخلت بزربة للخدمة...دغيا اندامجت مع الشغال...ليوم هو لي بقى ليهم وخصهم يساليو لخدمة بكري باش العمال يقدرو يرتاحو ...
داز لوقت...النهار كامل عامر خدمة وتعب ولكن غي أذن لفجر كانو العمال كيجمعو السلعة وسالاو....
نجلاء مامثيقاش...واقفة بفرحة وفخر تجاههم..حمدلله قدرت من جديد تجاوز مشكل كبير كان غيطرا للعائلة...جمعو كلشي حطوه فالديبو وهرجو من المصنع محتاجين راحة كثر من أي حاجة...خبرتهم يجيو تال 12 باش يفرغو السلعة ويحطوها فالشاحنات دالنقل باش توصل قبل الخمسة دالعشية......
أحمد وعلي منهكين فالطوموبيل ونجلاء لور ناشطة... فرحانة..نسبة الادرينالين عالية فجسمها عاطياها شحنة تبقى فايقة تالصبح ..وصلو للدار...مرتاحين نفسيا ان كلشي هو هاداك وطلعو لبيوتهم ينعسو ويحاولو يعطيو لجسمهم الراحة لي محتاجها...
أصبحنا وأصبح الملك لله...
مليكة وفاطمة وجدو لفطور...كلاو كاملين وطه كان مزروب خصو يمشي يقضي شي شغال فالفيلاج...بقات سمية لاصقاه تا داها معاه...
تقريبا دارت داك 9 فاق أحمد حيت ماكيقدرش ينعس كثر من هكا...وبعد ساعة تقريبا فاق علي....
اما نجلاء فيقها جاد بمساج قصير "صباااحو...انا وصلت للشمال..هنت لجو زوين بزااف ماكرهتش كون راحنا بجوج والله"...بابتسامة مشرقة استقبلت أحسن مساج يقدر يجي لأي بنت وينسيها تعب وتمارة شهور ماشي غي ايام...ردت عليه"تا انا ماكرهتش...مي راك عارف لخدمة والظروف..اما كون راني مصدعاك دوز وقت زوين ومرة مرة تفكرني هههه"....
هبط علي لابس ومقاد يفطر وموراه بنتو نجلاء لي متحمسة عاوتاني تصافط السلعة وتاخد فلوسها هههه...
دغيا كلاو ووجدو راسهم وساينو تا لوقت الشحن ومشاو للمصنع.....
أوس مسح على وجهو كيدور ويرجع يدور تا برد شوية:عيط لصحابنا قولهم يجيو ياخدو هاد الزبل من هنا ..مانحملش نشوفو مازال قدامي...لمهم سلكو بأي طريقة...
كمال شافو معصب:واخة صافي كون هاني ا سي أوس...
أوس ركب طوموبيلتو مغزف...غادي والعروق د راسو غيطرطقو..كفاش تا لحقهم لحال وهو كان فخبارو نهار الثاني ياله كملو 20 طن...منين جابو التاباقي...فكر أنهم يكونو شراوه من قنت آخووور...وهنا يقدر يلعب لعبتو..ضرب الدورة ورجع للديبو بلا هضرة بلا كلام...دخل لكراطن الحديد وبدا يقلب على الجيهة لي فيها الطبعة ديال الشركة...لكارطون لول لقات fer "ديالهم"..مشى معصب وجبد الثاني...نفس الشي...غادي وكيحل وهما مافاهمينش غي كيشوفو فيه...سالا والعروقات كتصبب عليه..خرج وطلب منهم يخويو الديبو عاد مشى ساخط..ماداروش تلاعب ولكن لي فاقصو كفاش دارو ليها!!!
فالدار كانو مجموعين محتافلين بالخدمة لي كملت على خير وبيخير....اما لينا جالسة صاقرة حاسة بالموت دالقنط من داك الموضوع...كتزيد غي تكره فنجلاء وتحقد عليها...
نجلاء بسمت:صباح النور بابا(مشات باستو وهو عنقها)..
علي:شنو نمشيو للخدمة ولا غترتاحي ليوم!!
نجلاء علات حاجبها:تخليتو على خدماتي!!؟
علي ضحك:ههه لااا ..
نجلاء بسمت:اوا سايني نبدل ونمشيو كاملين...
علي قرصها من حنيكاتها ومشى:ماتعطليش...
هبط علي تلاقا مليكة فالكولوار:صباح النور...
مليكة:صباح لخير...
بغات تدخل للكوزينة قرب عندها وشدلها الطريق:ليوم عارض عليك نمشيو نتعشاو فشي بلاصة...
مليكة تفاجئت:علاااش!!
علي بسم بهدوء:بغيت...ضروري تكون مناسبة!!
مليكة مستغربة:ل لاا ولكن..غي حشومة حداهم وصافي..
علي عقد حجبانو:مايهمك من تا واحد...نتي مراتي وبغينا نخرجو..لمهم وجدي راسك فليل نمشيو...
مليكة بهدوء:واخة..
....بعد الفطور مشاو العائلة الكريمة للخدمة...ليوم لخدمة خفيفة ولكن ضروري يكون الريزيرف باش مايوقعش شي مشكل...
اما أوس رجع للدار عرقان وجهو حمر دخل نيشان للحمام طلق لما ودوش...خرج خفيف مشى يختار شنو يلبس وهو ملوي عليه لفوطة فنصو.....ختار شوميز بلوماغيين وسروال مارو وهز فيست لون الشوميز...خرج من دارو معطر وركب طوموبيلتو...الطريق كلها وهو طالق موسيقى كالم كيحاول يرتب أفكارو....
فالمصنع كاان جالس أحمد فالمكتب ديالو تا دق عليه حميد:لحاج...
أحمد:دخل...
دخل حميد ولكن ماشي بوحدو:سي أوس جا يشوفك...
أحمد وقف:اهلاا اهلااا ولدي ..دخل...
أوس بسم بهدوء:شكرا(سلم عليه)..
أحمد:تفضل جلس...مرحبااا بيك..ياكما كاين شي مشكل فلا كوموند!!.
أوس بسم كيرتجل لكلام:أنا فالصراحة جاي طالب راغب فحفيدتك نجلااء الى قبلتو عليااا...
أحمد خرج عينيه حيت ماتوقعاش ابدااا😳😳...
أحمد مازال ماعارف مايقول:ماعرفت اولدي...(بسم)انا الى جات عليا مرحبااا نزيدكم غي الصلاة على النبي...ولكن صاحبة الشأن هي لي رأيها أهم وزيد باباها...راك عارف ..
أوس بجدية:اه عارف ء لحاج...غي حيت نتا هو رب الاسرة قلت نسبق بيك نتا هو لول...اما عارف بلي ماكاينش شي زواج كيوقع بلا موافقة البنت...
أحمد:انا نعيط لباها دابا ونشوفو اش يقول...
أوس:يكون حسن...
أحمد عيط لولدو فتيلي ديالو دغيا حضر...دخل سلم على أوس باستغراب وجلس مقابل معاه...
أحمد سبق للحديث:سي أوس جا ليوم وطالب يد بنتك نجلاء على سنة الله ورسوله(علي تشوكا وشاف فأوس لي جالس حداه متبت)شنو رأيك ء ولدي؟..
علي:انا مانقدر نقول تا كلمة...بنتي عندها القرار الاول والاخير فبحال هادشي...
أوس بهدوء:عارف...ولكن يهمني نعرف رأيك نتا ء سي علي..
علي تنهد وشاف فباه:انا الى بنتي وافقت عليك ماعندي تا مانع...
أوس بسم:اوك..ودبا شنو واش نجي نطلبها منكم ولا هنا كافي...
علي:مازال تالدبا ماعارفين والو عليك...
أوس:اهاه من حقكم...نعرفكم...أنا أوس الطاهري 29 سنة...(حدر راسو)الوالد ديالي توفى الله يرحمو(تأسفو وهو برك على الهضرة)والواليدة تبعاتو ..
علي بسم فوجهو:ربي يدير لي فيها لخير...وثيقني الى دخلتي لعائلتنا غنكونو فرحانين..باين فيك ولد الناس...حيت لي بحالك كيدخلو للدار من باباها قلالو بزااف خصوصا الى كانو عايشين ظروف مزيانة...
أوس بتباتة:اوا لي هرب للزواج هرب للطاعة...والانسان اللهم يدير وليداتو على بكري ويربيهم وهو مازال صغير...
أحمد عجبو:ونعم الاخلاق...الله يكملك بعقلك اولدي...وكيفما قال علي..الله يدير لي فيها لخير...
حطت الشغال من يديها وناضت بزربة تا دقت ودخلت:سلاام...
أحمد:سلام...
علي:جلسي ا بنتي..
نجلاء بابتسامة خفيفة:علاش طلبتيني ابابا؟؟
علي حنحن صوتو:احم...ياله جا سي أوس ومشى...
نجلاء بتساؤل:علااش!!ياكما شي مشكل في الخدمة؟؟
علي:لا كلشي هو هاداك...غي...
نجلاء تنهدت:عاوتاني خدمة جديدة!!
علي:لااا ا بنتي...سي أوس ماجاش على ود لخدمة(نجلاء ؟؟) جااا طلب يتناسب معانا...
نجلاء باستغراب:يتناسب!!
علي جاتو فشكل وهو أحمد يسهلها عليه:شوفي ابنتي...أوس الطاهري جا وخطبك من عندنا...شنو رأيك!!
نجلاء بصدمة:كفاااش!!!
نجلاء ساكتة كتسمع لباباها بصدمة وحشمة نازل عليها الزيت...
علي:اوا شنو قلتي ابنتي!!
نجلاء توترت وحدرت راسها كتفرك صبعانها من التوتر:انا ماموافقاش على هاد الزواج...
أحمد شافيها:علاش ابنتي!!
نجلاء وقفت:هكاك...مارتاحيتش لهاد الانسان وصافي..
أحمد:لااا ابنتي...الا هادي..السيد دخل من لباب وجا خطبك بلا تا مايشرك معاك الهضرة...ومربي وباينة فيه ولد الناس...فكر فالزواج والمعقول فبلاصة التفلية...هادشي كلو وكتقولي مارتاحيتيش ليه!!
خرجت مزروبة هربانة من شوفاتهم وهضرتهم واقناعهم...حانية الراس حاسة بالصداع ناض فراسها...شدت عليها لباب معصبة..
نجلاء متكية على لباب:تفووو منين تسلط عليا هادا عاوتاني..ياربي السلامة....
تندهت ومشات جلست بلاصتها كتشغل راسها بالخدمة...
أحمد تأفف:اش بانلك؟؟
علي جلس:اوا راك سمعتي ا بااا...الزواج عمرو كان بالغصب..
أحمد ماعجبوش لحال:اه ولكن...الولد مايتعابش و1000 وحدة تمناه...
علي تنهد:ولكن بنتي مابغاتوش..وانا ماغاديش نبزز عليها...غدا الصبح نعيطلو نقولو لي كاين...
أحمد:وهكا نقدرو نحسروه فالخدمة...
علي ناض:الى كان على سبة الله يعاونو...ماولدتش بنتي باش نتكرفص عليها....
خرج من لمكتب كيدور السينتا فدماغو...هو عارف بلي قلب بنتو مع شخص آخوور..شخص فينما كيكون حداها كتكون معمرة عينيها بيه ومرتاحة معاه...ولكن متمني أن هاد الشخص يكون قد المسؤولية وراجل بمعنى الكلمة ويدير نيت داكشي لي خصو يدار....
ش:راه استفسرت وسولت..عرفت بلي طه عندو ديون بزااف مع داك الشخص لي تلاقاه لبارح هو ومرتو..(أوس كيغزز شنافتو التحتانية ويفكر)ودبا راه واحل ماعندو منين يسددها...
قطع أوس كيهضر بوحدو:نوبتك ء طه جايااا...(كسيرا بالطوموبيل أسرع)...
جااات العشية...
مليكة لبست جلابة دالخيط فالشيبي وفولار فيها بزااف ديال لي ديكراضي ديالهم وصباط عالي فالمارو وصاكو...
دخل عندها علي بابتسامة:واجدة!!
مليكة بسمت ليه:اه واجدة...
علي مدلها يديه ومشاو:ياله...
خرجو حدا كلشي لي كانو جالسين فالصالون...تمناو ليهم ليلة سعيدة ومشاو ونجلاء فرحتها عارمة بداك المنظر...غي مشاو باست باسيدها وطلعت للبيت تهضر هي وجاد أبيل فيديو..يتهاودو ويعاودو لبعضياتهم على لجديد....اما واحد لينا جالسة قنطانة ماحاملة تا حاجة...دخلت نعست بكري ماكاين نيت فمن تشد...
نجلاء بقات تفكر شحال واش تقول لجاد شي حاجة مي فالتالي ختارت ماتقولش اللهم تنسى لموضوع حيت نيت راه تشد...
جلست مليكة وعلي فريسطو زوينة كاينة فالطريق الوطنية...طلبو لماكلة وبقاو يتهاودو وتما فاش جبدو موضوع زواج نجلاء...مليكة توقعت ردة فعل نجلاء حيت عارفاها كتبغي جاد وحست أنهم تصالحو...ني فنظرها جاد مازال ماشي راجل تعول عليه وموقفها منو مازال ماتبدل....ختارت انها تخلي لاختيار لبنتها ولكن مابغاتهاش تسرع وواعدات راجلها انها تجلس وتهضر معاها وتحاول تبين ليها شحال من حاجة..خصوصا ان هاد العريس مايترفضش وماخصهاش ضيع فرص على ود واحد مازال مازاد تا خطوة لقدام معاها...
اما طه وسمية دخلو للبيت...هاد الايام ساكتة..ماكتفشر ماكتهضر حيت واكلة المسران بزبلو..الديون تابعينهم تالهنا...وخصهم فأقرب وقت يلقاو ليها الحل....
جاد ونجلاء سالاو هضرتهم حطو راسهم ونعسو...ولكن لينا قصرت مع صحاباتها فالسوشيل ميديا..تا تعطل لحال ناضت تجيب لما من لكوزينة..شربت وهي تسمع صوت لباب تحل عرفت الاحبة ياله رجعو...
لينا خارجة من لكوزينة وهي تسمع مليكة:شووف لمهم خلي كلشي عليااا..نتا ماتوليش تفاتحها فالموضوع بلا ماتحشموها واخة...
علي:لااا كوني هانية..انا مانفرض عليها والو..وقولتها ليها..رأيها هو الاهم..واخة لعريس فالصراحة خسارة يضيع..تباركلله راجل وخدمتو وسمعتو سابقينو(لينا غورت عينيها حاسة بالحقد تجاه نجلاء مي ماعرفتش علامن هاضرين)..
مليكة:تا بنتي غزالة وخدمتها مزيانة...اصلا بسباب لخدمة لي دارتها معاه غتكون عجباتو...لمهم يصبح ويفتح...غدا نهضرو معاها ونشوفو واش تبدل رأيها...
طلعو لبيتهم ولينا طلت عليهم شافتهم طلعو عوجت فمها:كتفشش...صوفيا لورين حاسبة راسها هههه...جيتي بين يدي ء نجلاااء....
أصبحنا وأصبح الملك لله...
كان الجو زوين...نجلاء لبست حوايجها عوالة تهبط تفطر تا كتسمع الدقان:دخل...
مليكة بابتسامة:صباح النور بنتي..
نجلاء بابتسامة:صباح لخير ماما...
مليكة جرتها:اجي ابنتي بغيت نهضر معاك فشي حاجة...
نجلاء جلست بتباتة:شنو ا ماما...
مليكة تنهدت وشافت فيها:سمعت بلي جوك عريس...
نجلاء بحدة:رفضتو اماما..
مليكة بهدوء:وعلااش!!
نجلاء تنفست بالجهد وناضت:مابغيتوش...عادي..
مليكة سكتت شحال وجاوبت:فخبارك هادشي لي كديري راه مامنوش...راه ماكنجيوش ونرفضو...بعدا على الاقل جلسي معاه وعرفيه عاد حكمي عليه..
اما سمية دخلت للبيت تفكر وتعاود فهاد الحريرة لي هما فيها...الديون كثيرة عليهم وخصهم ضروري يتفكو منها...شوية وهي تجيها فكرة لراسها...حلات عينيها على الجهد وناضت كتجري تعلم طه....
بعد لحظات كان جالس قدامها مخنزر...ناض معصب:وااش نتي تسطيتي...هادشي لي كتقولي عمرو يوقع...
سمية شداتو:واش باغي دخل للحبس ولا باغيهم يقتلوك!!راه خصك تخلص دينك...وتاخد شي فلوس نمشيو بحالنا من هنا ..
طه بغوات:ولكن ماشي بهاد الطريقة...
سمية مغلغلة:اوا شوفلي نتا طريقة خرا...ياك طلبتيه بالتي هي أحسن ومابغاش...
أوس علا عينيه فيه معصب:قالك داك القح** ماوافقتش تزوج بيا(رشيد رجع راسو لور صاقر)...اناااا لي لبنات يتمناو غي شوفة مني تقولي لااا..ينعلدينمها هي ولمخير فقبيلتها...
مشى معصب وهو رشيد يتبعو:ا فين غادي ا صاحبي كالم طوااا هادشي كيوقع...
أوس:خليني عليك...راه ماشي لاصال دو بوكس...
رشيد خلاه يمشي عرفو وصلات بيه للطوب وخصو يبرد فالضرب...
دخل أوس لاصال مشى نيشان كيضرب فداك ومغزف كيتخيلها قدامو وكيضرب فيها...كرهاتو فيها كثر من مرة ودباا زاد مابقاش حاملها كون لقى كون قتلها...بقى يضرب ويعاود تا تزنك...عروقو غيطرطقو ويديه مزير عليهم حمارو ووجهز كيتصبب بالعرق...ماحبس تا حس بلي برد شوية...عاد نصل سوفيطما ديالو ودخل نيشان للدوش...
رشيد كان مدوش وواقف كيساينو يخرج...تا خرج قدامو لابس سوفيطما كحلا وسروال كيطما نفس اللون..وهاز صاكو على كتفو وغي كيشوف فالفراغ...
رشيد:شنو نمشيو نفطرو..
أوس بهدوء:اوك...
جلسو فالريسطو رشيد طلب لماكلة اما أوس خدا قهوة كحلا وبقى يكمي كارو مور كارو...
رشيد بتحذير:هادشي لي كدير ماشي فالصالح ديالك...كاين شي حد يلعب سبور وابخي يعطي للكارو عشرة لزيرو !!(أوس تأفف كيسوط ويشوف بعيد)..شوف ا صاحبي لبنت مابغاتش صافي...انا ثايق فتفكيرك..والى ماصدقتش هاد الطريق كاين طرقان خرين...
نجلاء تقهرت:ديما كديرلي هكاا..(عينيها تعمرو دموع)نهار حتاجيتك حدا ماما قلبتي وجهك عليااا..ودبا شوف كفاش كتصرف...كتخلي بنادم يدخل بيناتنا على والو...ولا يمكن نتا باغيه يدخل...
جاد وقف معصب:فرعتيلي كري بهاد جوج كلمات...(تصدمت فيه)فينما تنوضي..اه حقى حشمتيني حدا ماما ولواه كدخل بنادم.....نتي دايراها قد راسك ومرجعاني انا لي قبيح..خطبك السيد وجالسة دوريها فدماغك واش صالح ليك ولا لا!! كتشوفي بؤ مسلكاك بعدا...اوا من عندي ء لالة سيري تزوجي شكون بحالك(دموعها هبطو)السيد بفلوسو بلا ماتزيدي تفكري وتحمقي راسك..اصلا نيت ماكاين والو يمنعك...
وقفت قبالتو:ماشي سوقك فحياتي..ندير لي بغيت بلا ماتحتاج تقولي..وزايدون نتا مالك...ماكتعرف دير تا خطوة لقدام...ديما خصني انا لي نفهم ونستوعب ونتا ماكدير على ودي والو...لي باغي شي حاجة كيدير لمستحيل باش يوصليها فهمتييي...
جاد قرب معصب:اه ماكنعرف ندير تا خطوة...وتا نتي من دبا لفوق ماسوقكش فحياتي...نهضر معامن بغيت وندير لي بغيت..عيشي حياتك وباراكة مادخليلي فحياتي وتمرضي دينمي...فهمتييييي(خنزر فيها ودخل فيها بكتافو وداز)..
نجلاء جلست مصدومة كتبكي وتشهق..فعلاا انسان ماكيتفاهمش وماكيعطيهاش تا فرصة باش تشرحلو..تكرهت وحست بلي غلطت نهار شافت فيه غي الزوين...مي فنفس لوقت قلبها كيتقطع ملداخل...تاقالت بلي تقربت من حبيب قلبها صدقو تخاصمو من جديد...
خرج جاد معصب وهو لينا تبعو كتجري...هو غادي على برا وهي تابعاه...مابغاتش تفاك منو ..كتجري ولاصقاه تا وقف كيسوط وهي تشد فيه..
لينا قربت حداه:باغية غي نشوفك بيخير...(مطول فيها الشوفة)من نهار حطيت رجلي هنا كنتي نتا السبب لي خلاني نبغي لبلاصة ونولف بيها..وفنفس لوقت ولفت بيك...ولكن(عينيها تغرغرو)حاولت نتقرب منك حسيتك ماباغيش قلت نبقاو أمي واخة قلبي كان كيتقطع ملداخل(هضرة بصوت مبحوح)ماكرهتش كون كنت ظهرت فحياتك من شحال هادي يمكن كون بغيتيني كيفما كنبغيك(تصدم فيها)وثيقني كون كان عندي داك الزهر كون راني أسعد وحدة فالعالم..مي دووومااااج اهئ اهئ...
جاد بقى يشوفيها كتبكي مد يديه ومسحلها دموعها:لينااا (شافت فيه وهو ينطق) تزوجي بياااا؟؟
لينا خرجت عينيها فيه مشوكيا وفرحانة وكلشي مخلط عليها:ءءءءء!!!
جحيم في السرير الجزء الثالث
محتوى القصة
التنقل بين الأجزاء