جاد هز راسو:شكرا جدي...(علا عينيه بلا مايحس جيهة نجلاء لقاها مفيكسيا فيه الشوفة بصدمة وعتاب وعينيها عامرين دموع ماقدرش يطول مازال فيها الشوفة...رجع شاف فلينا وهي تبسم فرحانة ردلها التبسيمة...
مليكة بهدوء:مبروك عليكم...تواتيييتو فالصراحة...
لينا ميلت فمها حست بحشيان لهضرة ولكن علات فيها حواجبها زعما حنا ربحنا....
أما جاد جاوبها تالف:لهلا يخطيك ء مرات خالي...
نجلاء وقفت كتحاول تبت راسها:مبروك عليكم...والله يجعل كلشي مبارك ومسعود....(ماعطاتهمش فرصة يجاوبوها)بابا انا نطلع نجيب صاكي ونجي...
علي:واخة ابنتي...(شافيهم)بانليا هدا أسبوع الخطابات...شتي كون وافقتي انجلاء على سي أوس كون درنا ليكم عرس واحد هههه(نجلاء هزت راسها بابتسامة مجروحة وجاد شاف ف علي مزير كيسمع على قلبو...نجلاء طلعت دغيا)لمهم صباح زوين هادا لي فرحنا فيه بيكم...مبروك اوليداتي..نيت تجيو مع بعضياتكم تباركلله..
لينا بفخر:شكرا عمي...(جاد بلع المسران بزبلو)...
....لفوق كانت نجلاء واقفة فالسرجم..دموعها هابطين وكتشهق فصمت...جاتها حكرة دغيا تقلب عليها وعواج لراسو..شوية وهي تمسح عينيها ومازال كينزلو دموعها...ودارت فبالها بلي مايستاهلهاش...دارت نظاظر الشمس وهبطت هازة الصاك فيديها...
جاد بسم بالخف:مزياان(ناض)..انا خارج شوية نتشاوفووو...
خرج مقلق كيحك راسو مازال ماتفهملو اش طرااا...اما لينا فرحانة...خططها جات فمحلها.. بلعاني لصقاتو فلحظة ضعف ولعبت لعبتها..خلاتو يستنجد بيها وهاهي حاوطاتو من كل جيهة..وفبلاصة ماينقذ راسو غرق وسط العائلة ومن المستحيل دبا يتراجع...خرج معصب غي كيسوط...قلبو مزير عليه...شوفاتها فيه مازال لحد الان مأثرين عليه...كفاش قدر يقصحها بهضرتو لبارح ودار داك التصرف واخة عارفها رفضت الشخص...كفاش ماتحرك فيه والو وهي كتحاول تشرحلو اش طراا..كان مشحون والشحن ديالو داه لطريق لا رجعة فيه...تزطم وزرب ووقع فيما لايحمد عقباه..دماغو وقف وتفكيرو تبلوكااا...صافي كلشي سالا!!صافي مابقاش ممكن يكون مع نجلاء مرة خراا...لا مايمكنش...مايمكنش يتقبل أنه غيفقدها للأبد...انه خصو ينساها بمرة وأنه كان هو السبب فهادشي كامل...حس بقلبو كيتحرق ولقى رجليه واخدينو للسد لي قريب...كيتخيل اش عاشو داك النهار وشنو دوزو...علااش انجرف مع الظروف...علاش نسى بزربة حلاوة العلاقة لي بيناتهم...وعلاش ما استغلش الفرصة وخطفها قبل كون راها محسوبة عليه دبا وعمرو يتفرق عليها...علاااش وعلاااش وعلاااش...أسئلة بزااف دارت فدماغو ومن الأفضل أنه يحاول ينسى باش مايحماقش...
وصلت نجلاء وباباها للخدمة...دخلو للمكتب وهي ساكتة..كتفكر تخدم وتخدم وتخدم باش تخوي دماغها....والمفاجئة كانت زوينة فاش لقات زبناء جاو يديرو معاهم كونطرا خاصة بالحديد...عرفو الشركة عن طريق اعلاناتها...الشي لي فرحها وحسسها أنها بعدا ناجحة فالمجال العملي ...
مرت يومان..الحال على حالو...الحاجة لي تبدلت أن ليوم كلشي مجموع فالدار...عوالين يديرو لخطابة لجاد ولينا فالدار...وأكيد بلا موسيقى حيت خو أحمد ياله مات...
نجلاء كانت دافنة راسها فالخدمة...كدخل للدار تالعشية وكتلقى كلشي كيوجدو للخطابة...كتهرب وكطلع لبيتها بذريعة أنها عياات وخصها ترتاح...كان هروبها مفروش..خصوصا بالنسبة للينا وماماها وزيد عليهم فاطمة وولدها وعلي ومليكة...ولكن هي ختارت تبعد مافيها لي تشوف ولا تسمع شي حاجة تجرحها...
كانت جالسة فمكتبها خدامة فلبيسي تا سمعت الدقان:دخل(مازالة مركزة على لخدمة)..
هو:سلااام...
نجلاء شافتو تشوكات:س سلااام..مرحبااا سي أوس تفضل...
أوس دخل بتبات ورجولة كيهضر جدي بحالا عمر شي حاجة ماكانت:جيت سولت قالولي بلي نتي بوحدك لي هنا..(مد يديه لقاصحين وسلم عليها)
نجلاء سلمت عليه:ويي..انا هنا وفالخدمة...تفضل(شيرتلو يجلس)باش نقدر نعاونك!
أوس:بالعكس نتي فيك الكافية تباركلله(بسمت بهدوء)عارف بلي نتي لي كنت كنتعامل معاها من قبل واخة ماكنتيش باينة فالصورة...السمعة ديالك سابقاك..
نجلاء بتقدير لكلامو:شكرا على الكلمة الطيبة...نقدرو ندخلو فالموضوع..
أوس بسم كيشوفيها:تباركلله عليك(شافت فيه)كيعجبوني النساء لي قادات بشغالهم(تزنكت وحدرت راسها)س سمحيلي ماقصدتش شي حاجة..ولا زعما كنغازلك...ولكن مزياان مين جابتها الفرصة(كيهضر بجدية ومرزن)بغيت نوضحلك بلي الخدمة خدمة شنو ماوقع..عادي داكشي مكاتيب(ناض)...ياله نخليك دبا...وموعدنا نهار السبت انشاءلله...
نجلاء وقفت سلمت عليه:انشاءلله..
خرج أوس بنفس عنفوانو مبتسم وهي متبعاه بعينيها مستفربة هاد الشخصية..كفاش ماتقلبش فاش رفضاتو ومازال كيتعامل عادي...يمكن غلطت فاش حكمت عليه بسرعة فلول...بالعكس هو شخص كيقدر عمل المرأة وكيشجعو وهادشي كبرو فعينيها...
فالدار كانت نايضة الحيحا والتوجاد...كيقادو خصوصا سمية لي منفخة وفاطمة لي غطير بالفرحة...
سمية خنزرت فيها بشياكة:كفاش باغيااني نفرحليك...ونتي باغية ضربي هاد التزويجة...فبلاصة مادبري على راسك...شوفي نجلاء بنت العروبي شكون جا خطبها وماقبلاتش...ونتي مزروبة على هاد الزمر...
سمية شداتها من كتافها:شوفي ابنتي...راه انا بغيت غير مصلاحتك...شتي سخونية الراس وداك الحب الباسل كيطير مع لوقت...سوليني انااا(شافت بعيد)اخخخخخ...الزربة قبيحة ابنتي ومابغيتكش تعيشي بحالي...
لينا حيدت ليها يديها:انا ماشي هي نتي ..راني كنخطط ونفهم لراسي...دونك غي ماتخافيش...شحال من حاجة فبالي وغتقاد مع لوقت ونولي لالة لينا مرات سي جاد...
سمحت فيها ودخلت وسمية كدور راسها بالسلب بمعنى أنها مامقتانعاش...
وصلت لعشية...
نجلاء كانت رجعت من الخدمة...طلعت لبيتها لبست حوايج عاديين ووقفت قبالت السرجم كطلل على الجردة لي غيتجمعو فيها...حست بقلبها مشوط الدموع واقفين على طرف عينيها وحاسة بقهرة شديدة...الانسان باش يشوف حب حياتو كيتزوج قدام عينو بشخص آخور صعيبة بزاااف..واخة يكون جبل راه يتهد......
تنهدت ونفخت على عينيها يبردو:أنا قوية...انا قوية...غنكون لاباس...غنصبر...غنصبر....
خرجت بزربة من لبيت باش ماتعطيش لراسها فرصة تبكي...هبطت بسروال كحل وشوميز صفرا خفيفة..جامعة شعرها لفوق وخاشية يديها فالجياب ومبتسمة فصمت...
سمية:وجدي راسك راه شوية ويعيطو ليك...بابات جاد جااا..
لينا بسمت:اوك اووك...شوية ونهبط....
لتحت كان جاد جالس مرفوع...نبرة صوت نجلاء وهي كتقولو "مبروك" مابغاش يحيد من بالو...حاس بلي هنا ماشي بلاصتو...بلي هادشي لي كيوقع ماباغيهش..كلشي فيه كيساين نجلاء تجي وتطلس حداه ويخطبها هي ماشي شي واحدة خرا...
هبطت لينا ومشات عادي حداهم:سلااام...
كلشي شافو فيها على داك الجرأة لي فيها..مشات سلمت على باين جاد وبسمت فوجهو وجلست حدا جاد وهو مصدوم فيها...
طه خنزر فيها شوكاتو من هاد التصرف...اما أحمد ماعلقش حنى راسو وسكت واخة هادشي ماشي من عوايدهم...بقاو جالسين شحال..شوية التحقو بيهم العيالات جلسو معاهم....أما نجلاء غسلت وجهها وبردت شوية عاد هبطت لتحت...
جاد:سمحولي هانا جاي..
ناض جاد ولينا متبعاه بعينيها فرحانة حاسة بلي ربحات فالاخير...وهو يدخل لداخل بانت ليه نجلاء هابطة وهو يتخبى ليها تحت الدروج...غي وصلت قدامو جرها وتخباو مور الصور وهي تخرج عينيها فيه بصدمة...
نجلاء:ج جاااد!!!اش كديررر؟؟
جاد بعيون كلهم حب وغرام:كنبغيك نتي...(صدمها)وبغيتك نتي دبا ماشي هي...
نجلاء بصوت صعيب يخرج:ن نتااا دبا خطبتيها هي ماشي انا...ونتا لي بغيتي هادشي...
جاد:غنكون مسطي الى خليتك مرة خراا...ياله معايا ا نجلاء...كنواعدك نعوضك على كااع لي داز...
نجلاء دورت راسها بالسلب:لاااا..(بعدت عليه)سير عند خطيبتك لي ختاريتي...انا عمرني ندير هكااا...عمرني نكون سمية ونتا طه ..نسى هاد الهضرة لي قلتي وتحمل مسؤولية قرارك....
مشات وخلاتو واقف وهو بقى مشوكي...كيمسح على وجهو معصب منها ومن نفسو ومن كلشي....حس بالدنيا دارت بيه...بين ليلة ونهار تبدل كلشي..غمض عينيه ورجع حلهم ورجع لبلاصتو فين خصو يكون...
خرج حداهم وجلس معاهم مرفوع...وهو باه يبدا يخطب لينا...جاد جالس حاني راسو كيفكر ويعاود يفكر و والو مالقى تا حل...حاول يتقبل الموقف ويكمدها فقلبو ويسكت...
تراجعت لور واقفة بزز..صعيب تحس بلي فقدتي الشخص لي كتبغي...ومابقاش تا من حقك تسلم عليه ولا تقولو لي جا فخاطرك وباش كتحس...
تسالات لخطابة...فرقو الحلوة وتجمعو كاملين وهو يصوني تيلي ل طه...
ناض يجاوب مبتسم وفرحان:ألووو..
صوت غريب:شفتك صقرتي على لكريدي(طه بانو فيه كااع الالوان..دار شافيهم واش منتابهين ليه مي لقاهم كيتهاودو مشغولين)..
طه:ص صبر عليا شوية ء صاحبي..
الشخص:الصبر تقادا...اما تحظر لفلوس ولا غنوصلو لشي حاجة ماكايناش(طه توتر والخلعة بانت عليه)عندك من هنا لبعد غدا...الى ماحضرتش لفلوس غي وجد راسك للمصائب وان لله وانا اليه راجعون....
تييييط تتتتييييييط....
طه شاف فتيلي لخلعة باينة عليه و قلبو وقف من الهضرة لي سمع...تنهد بالجهد كيحاول يتكالمااا..بعد شوية دار راسو مازال كيهضر ووقف بعيد كياخد نفس وهي توقف عليه سمية..
سمية:ء مالك..شكون عيط ليك؟؟
طه شافيه والرعب باين عليه:موصيييييبة...
.....دازت الليلة بعدما تعشاو ودارو كااع طقوس الخطابة منهم فيهم....وطلع كل واحد لبيتو...
سمية غادية جاية فلبيت...الخلعة شاداها والخوف لاعب بيها...
سمية:و ودبااا شنو!!غيقتلونااا يااك غيقتلووونا...
طه متوتر حاط رجل على رجل وكيزعزها مامرتاحش:ماعرفتش...ماعرفتش اسمية...هاد الناس ماكيلعبوش والديون لي علينا كثار...
طه تنهد رتاح ومارتاحش..لمهم انه طرق لمسمار وهادشي نيت لي كان باغي...
خرج طه هو وباه من المكتب...حس براسو خسيس...
طه:انا نغسل يدي ونتبعك...
أحمد بابتسامة:واخة اولدي...
غي مشى أحمد فالدورة كانت مخبية سمية جراتو عندها:أمدرااا...سنى!!
طه بألم:اممم...سنى...
سمية عوجت فمها:وعلاش كتقولها راخي شنايفك؟؟
طه تأزم:هو ثايق فيا وانا كنخونو...
سمية دارت يديها على جنابها:اوا مين غيبقى فيك كون قولتيلو يعطيك تخلص ديون القمر ..(طه خنزر فيها)زيد زيد تغدا...ونتا لاعب عليا عزة نفسي مابتسمحلي...
مشات خلاتو واقف مقلق وراسو غيتفركع...
جلسو فالطبلة مجموعين اما علي ونجلاء كانو فالخدمة وغيتغداو تمااا...
علي دخل عند بنتو ببواطات الماكلة:بنتي الزوينة جاعت!!
نجلاء بسمت ودارت عندو:ماشي بزااف مي ناكل معاك..
علي:بز منك تاكلي ههه..
نجلاء ضحكت:هههه ربي يخليك ليا بابا...
علي بابتسامة:اوا شنو..ساليتي الخدمة؟؟
نجلاء:مازال كنكتب التقرير وصافي..
علي:اوا ناكلو وكملي...
نجلاء:واخة بابا...
ناضت ومشات جلست قبالتو وهو يمد ليها:لبارح فاش جااا سي أوس فاش هضرتو؟؟
نجلاء توترت:فالخدمة وصافي...
علي شافيها:ماجبدش عليك داك الموضوع؟؟
نجلاء حنات راسها:ل لاا غي هو قالي بلي زعما الخدمة كتبقى خدمة..وواخة يوقع لي وقع غيبقى كيفما كان...
علي كيمضغ:ولد الناس هاداك..(نجلاء شافت فيه)ماتشوفيش فيا..انا ماباغيش نأثر عليك...غي قلت باش كنحس...شحال من حمار كيبغي يبان راجل وهو غي حمار...وكاين لي راجل وبتصرفاتو هو بصاح راجل...
نجلاء دخلت معاها لهضرة حست بيه كيدق على جاد:اوا لي فيها الخير ربي يآتييينا بيها...
علي ختار يشد السيجي...كملو ماكلتهم وبدلو الموضوع...
بدات تغيب شمس العشية...طه جالس مرفوع دماغو ماشي معاه تا صونا ليه تيلي..وهو ينوض طافج من بلاصتو...بعد عليهم ووقف بوحدو..
طه:ألووو..
ش:وجدتي لفلوس!!
طه:تقريبااا..
ش:كفاش تقريبا...كتفلا عليااا؟؟
طه:عندي لفلوس ولكن على شكل أراضي...
ش دار كيشوف فواحد معاه شرحلو وهو يهز راسو:اممم اوك...لمهم يكونو ساويين لفلوس...
طه:2 أراضي على الشانطي..
ش:اممم...غدا مع 12 نتلاقاو وناخدو الكونطرا من عندك ونسجلوها بسميتنا بيع وشرا...
قطع معاهم قلبو كيبكي دم...خلا باه يسني على تنازل على 2 من أحسن الاراضي ديالو وسط داك الوراق ديال المشروع....قداش هو حقير فنظر نفسو...باع باه على ود الفلوس والديون...خيت ماشي راجل وحيت المرا لاعبة ليه بالدماغ وصل لهاد المواصل...مابقاش عندو الجهد يجلس ويقابل الناس...ختار يخرج على برااا..لمهم يهرب من عيونهم لي كتحسسو قداش هو أناني وشرير ومايسواا واالو....
وفري جااا الصباح...ناض طه مازال مابردش...فطر مبدل والصمت سايد...استأذن منهم ومشى وهي تبعو مرتو..
سمية وقفت مفقوصة كتغزز ظفارها:ولد الزلط يبقى فالزلط يييخ على بشاااار...كان نهار كحل فاش تبعتك 🤨😠...
فأرض واسعة واقف طه مخنزر داير نظاظر الشمس وكيشوف فالفراغ تا وصلو قدامو جوج رجال بالطوموبيل..دور وجهو واقف عندو لوراق فيديه...
ش سلم عليه:على سلامتك لي غتخلص دينك...
طه تنهد:لمهم انا دبا غنخلصو ومبغي مانشوف تا حد فيكم من بعد...
ش:واخة..لمهم يكون داكشي لي قلتي يستاهل...
طه كيشير بيديه:هانتا كتشوف...الارض ساوية الزبابل دالفلوس...ولكن دبا وهو جا السمسار دالاراضي ويقدر ثمنها...باش الى كانت زايدة عل. الدين تخلصوني فلي باقي...
ش غوبش:واش نتا مريض ولا مالك!!زايدها كتشرط..
طه خنزر:سحابلك مقلوبة عليا القفة...انا بعدا مانزيدكم تا ريال على شنو كتسالوني...
ش تنهد:اوا عندك الزهر...(طه شافيه)حيت كاين شاري لأرضك... وهو لي غيفكنا...
طه باستغراب:غيشريهم بجوج؟؟
ش:اه..ومستعد يعطي داكشي لي غتجيبو الارض ..
تسمع صوت الطوموبيل جاي وهما يدورو لقاو السمسار جاي..طه فكر يجيب سمسار بعيد على المنطقة باش مايوصلش لخبار لباه...
السمسار:سلااام..تعطلت عليكم؟؟
طه:لااا..لمهم بدا خدمتك...
تحرك السمسار كيحسب ويدير شغالو ويقدر الثمن وهو يدور عندهم...
خرج طه وهما كيضحكو عليه ملور ..سحابلو راه مطور زعما وكيفهم فالبيع والشرا...صدقو زطموه وبيعوه بالقفا على ظهرو...ومن الطبيعي يوقعلو هكااا حيت طه بو وذينة وديما غي تابع..بوحدو صعيب يزطط راسو..
أوس ضحك من قلبو...فرحان ناشط ومرتاح حيت اخيرا دار شي حاجة هي هاديك...
جات لعشية ..نجلاء كانت كتشرف على لخدمة ديالهم...السلعة تقريبا وجدات...وصات العمال يساليو ويمشيو للدار وحميد كان واقف عليهم وحاضي لخدمة ..خلات كلشي بين يديه...اما هي صافي سالات خدمتها وخصها ترجع...
دخلت للدار مع باباها...سلمو على لجميع وتمات طالعة تبدل حوايجها وهي تلقى لينا وجاد هابطين من الدروج...
نجلاء بلعت ريقها وقالت بصوت خافت:سلاام...
لينا زيرت على يد جاد وهو يشدلها يديها كثر..ونطقو بجوج:سلام..
لينا واقفة كضرب بصباطها العالي وكتساين تا بانت ليها نجلاء هابطة جاتها الضحكة عليها...لوخرا لابسة كسيوة حمرا خفيفة وصباط كحل عالي وبوشيط صغير وكتشوف نجلاء سامبل بزااف ولا علاقة بيها...
لينا باستهزاء:هكا نتي واجدة!!
نجلاء شافت فراسها:اممم..ياله..
جاد شافيها ودار:اوك زيدو....
سلمو على كلشي ونجلاء خدات الاذن من ماماها وباباها..وخرجو برا..لينا ركبت لقدام ونجلاء حلت لباب وتنهدت...جلست لور كتشوف فالزاج...
طلق جاد لموسيقى فالطوموبيل ونجلاء لور ساكتة...
لينا جهدت لموسيقى وكتشطح بيديها:كنموت على هاد الاغنية احبيبة...
جاد:اممم مزياان(كيشوف فالمرايا جيهة نجلاء وهي دور وجهها لجيهة السرجم)..
نجلاء فنفسها"علااش جيت معاهم علاااش؟؟"..
دازت كثر من ساعة فالطريق وجاد مازال ماوصل للبلاصة لي باغية لينا..
جاد مخنزر:فين هاد البلاصة!!واش ماغنوصلوش ليوم!!
لينا شدتلو فيديه وتكات عليه:قريب ا بب...فالدخلة ديال لمدينة ..
أوس دار عندو وتقاد قدامو:بإينا صفة كتهضر معاها هكا...انا لي عارفو نجلاء بنت راشدة وناضجة وعارفة اش دير مامحتاجاش لشي حد يكون وصي عليها...
جاد زاد قرب عندو:ونتا سووووقك...اش دخلك بيناتنااا...
نجلاء جرات ودخلت وسطهم:عافااكم بلا صداع...
لينا جرت جاد:صاافي خليها...بغات تمشي معاه تمشي مالك مصدع راسك!
جاد خنزر فلينا وأوس شاف فنجلاء وتراجع لور...
جاد جر نجلاء عندو:ياله..زيدي قدامي...
نجلاء قصحها:طلق مني...
أوس قرب وعطى كروشية لجاد تا طاح للارض:ماتحطش يديك عليها...(شافيها)سمحيلي ماقديتش نصبر(نجلاء مصدومة وحالة عينيها اما لينا حنات عند جاد تالفة ومخلوعة)...اجي معايا نوصلك...
شدها ومشى بيها وهي بالها مع جاد..واخة عصبها مابغاتوش ياكل لعصى...خلاتو مليوح وسكتت ومشات..حيت تاهو مادار فيها مايصلاح...فتحليها أوس لباب دخلت كتشوف لهيه ومشى دخل تا هو للطوموبيل...وقلع.....
لينا نوضات جاد بمساعدة جوج دراري تما وهو يدفعهم:مامحتاج لتا واحد باش نوض ..
لينا شيرت للدراري مشاو وهي تنطق:نتا صافا!!
جاد بعصبية:ولد الق*** غفلنيي...مي والله لا بقات فيه الزا** لاخور...
لينا:اوا تا نتا شاد فيها...خليها تمشي معاه..هي أصلا عينيها فيه...
جاد تعصب وخنزر فيها:ماتسكتيناااش!!تحركي قدامي نتي اصلا سبب هادشي كامل...كون ماجبتينا هنا مانوقعوش فهاد الصداع...
لينا بصدمة:ياااك ..اوا سري انا لي نستاهل...
سبقها وهي تبعاتو للطوموبيل غادي كيقيص حنكو ويحركو باش مايزراق...
مليكة مسحت ليها دموعها:نتي تا لخرا ديالك ساوي كثر منهم بجوج...انا وباباك عارفينك كفاش دايرة..ومثيقينك...
نجلاء مسحت دموعها:لهلا يخطيكم عليا..
مليكة بسمت:بلاتي بلاتي عاوديلي على داك أوس ..(عوجت فمها باعجاب)ضرب جاد على ودك خخخخ..
نجلاء شافت فيها:اممم مي جاد زاد فيه..بقى يهضر ويحشي لهضرة ويقصح راسو..عيى صابرلو وفالتالي ضربو حيت جاد شدني من يدي وقصحني عييت فيه "طلق مني" مابغاش...
مليكة:يعطيه القطيعة...اوا وفاش وصلك..شنو وقع...
نجلاء بسمت على فضول ماماها وعاودت ليها كلشي...
مليكة حطت يديها تحت خدها:يا سلاام...راجل ونص...عجبني فجاد هههه ..
نجلاء تنهدت:واخة هكاك ماكانش خصو يضربووو...
مليكة:هو زاد فيه وتا انا فبلاصة أوس نشوف شي حد كيتزايد مع حبيبتي نقتل باباه...
نجلاء باستغراب:حبيبتو!!
مليكة بسمت:اه...السيد طلبك للزواج...وواخة ماقبلتيش بيه مازال كيعاملك فوق بيخير...وشوفي خاف عليه ووصلك وحماك من داك الزغبي ديال جاد...السيد ولد الناس وباغيك...والحب باين فتصرفاتو...
نجلاء بألم:ولكن أنا ماااا...
مليكة حبستها:انا مافرضتش عليك ابنتي حبيبتي...انا غي بينتلك بلي لي كيبغي شي حد تصرفاتو كتفرشو وكتبين المعدن ديالو...اما لي ماكيعرفش يبغي راه تا هو باين...اذن خوي دماغك من لي مايستاهلكش...
نجلاء حدرت راسها للارض وهي مليكة تبوسليها راسها:تصبحي على خير ..
نجلاء:بونوي ماما...
مليكة خرجت من ابيت وخلات نجلاء حايرة فتخمامهااا..فري هضرة ماماها كلها على صواب ولكن المشكل فقلبها...لي رغم كل تصرفات جاد المبرهشة ولي لا تمت للرجولة بصلة...مازال ماقدرت تحيدو من قلبها...مازال كتفكرلو الزوين...الايام لي وقف معاها لي خرجها من حالة الحزن...فاش عمر عليها حياتها وبداو يخططو لمستقبلهم...ولكن هاهو دبا كيخطط لمستقبلو مع بنت خرااا وخصها تنساااه حيت فري مايستاهلهاااش...
أصبحنا وأصبح الملك لله....
صباح ممل بالنسبة للثلاثي...كلهم مازال مانساو اش طرا..ولكن بزز منهم غيتجمعو فطبلة وحدة...
أوس دخل ساكت شد لباب عليه وزاد قبالت المراية...علا عينيه بتخنزيرة وشرار خارج من عينيه.....الدم سخن فراسو والعافية شاعلة فيه مالقى كيدير يطفيها...
أوس بصوت مبحوح:كيقولك لمدااام ء أوس...كيقولها وعاجبو لحال..😠مفتاخر بمرتووو الغزالة..سمية التيجاااني(هضر تحت سنانو)..مرتو لي ولداتك قبل ماتعرفو أصلااا..مرتو لي لاحت كلشي موراها وهربت معاه...و ولكن من حقوووو...😡😡هي لي سمحت فولدها على ودووو...خلات قلبها وكبدتها بلا ماتفكر تولي تسول....امممم مشات بلا رجعة....ولكن ....بيميني تا ندمكم كاملين على هادشي وعمرني غنسى تا نحرقكم بالنار لي من شحال هادي وانا محروق بيهاااا....(ضرب بيديه شنو فوق لافابو بالاعصاب)..غي ساينو ء عائلة بن عياااد...ماززال لخير لقداااام😤😤..
تنهد بصت مسموع...غسل وجهو ويديه...فزك عنقو كيحاول يرجع طبيعي ومسح وخرج من الحمام..
لقى مليكة خارجة كتدي الطباسل:مرحبا بيك اولدي...زيد دخل للصالون...
أوس شافيها بهدوء:شكراا...لهلا يخطيك ء خالتي...
مليكة بسمت فوجهو ومشات كتقاد الطبلة...ورجعت للكوزينة عند فاطمة لي حايرة فالشلايض والروينة...
فاطمة عوجت فمها وسكتت....اما مليكة صابرة ليها على هبالها حيت عارفها المعدن ديالها طيب...الظروف لي تبدلت هي لي تلفتها شوية....
نجلاء لبست كيطمااا وهبطت لتحت عندهم:نعاونكم!!
مليكة:اه اجي ابنتي دي هادشي...
نجلاء هزت لبلاطو وبقات استف وداتهم وهي تخرج فيها لينا فالكولوار:مايتسالك!(ضحكة مستفزة)دخلتيه تالدار هههه..
نجلاء بقوة:ماغنجاوبكش...حيت لي بحالك كااع ماكيديو عليهم الناس...
مشات خلاتها مفقوصة:بنت الحرام...طاحت واقفة ..شوفلك من جاد لهاد خينااا كيحمق بالزين ولاباس عليه ..الله يعطينا زهر الشينااات....
ضربت الدورة ومشات تخشات حدا جاد لي كيخنزر فيها باش تحشم والو ماكتديهاش فيه...وعينيها غياكلو أوس كفاش جالس وشنو لابس...كتفليه من شعرو لصباع رجليه الصغير...اما نطلاء كتقاد الطباسل عينيها فالارض..سالات ومشات وأوس حاول مايشوفش فيها باش مايبانش خفيف حدا عائلتها...
مشات نجلاء كضحك على ماماها لي مصدرااها للسيد....حطت الطبسيل فوق الطبلة ونطقت بصوت حشمان:تفضلووو...قولو بسم الله...
علي:اجي حدايا ا بنتي الزوينة ..جلسي...
أوس بسم وكيشوف فكااع الظروف ولات فصالحو...تا العائلة باغيينو وخصهم يدخل بيناتهم بأي طريقة...
لينا كتاكل وتقطع لجاد وهو كيتزنك بالحشمة من جدو وعمامو..حمدلله لي مشى باه بحالو كون راه زاد غراق فحوايجو...فاطمة ختارت تبقى مع مليكة واخة عيات فيها تمشي...اما سمية خرجت من الحمام غاسلة يديها وجلست معاهم...أوس شافها تزير والماكلة مابغاتش تهبط ليه...وهي كتبين فراسها ومرة مرة تشوفيه حاضياه ومستخسراه فنجلاء...تمنات كون طلب بنتها تعطيهالو بلا منازع...
أوس شافيهم حس بالحكرة..شاف كفاش كيهضرو ويضحكو بجوج...وهو لي تحرم من هادشي طول حياتو...زير على يديه بلا مايشوفوه وحاول يشتت تفكيرو حيت الى بقى هكاك غيدير شي فضيحة....
سمية شافت فيه وبلا مقدمات سولاتو:اوا اولدي...فين عايشين واليديك؟؟؟
أوس سكت للحظة وعلي وأحمد ماعجبهمش الحال عارفين واليديه ميتين...حط لكاس من يديه وشافيها بصوت قاصح غالب عليه الحزن الحقيقي:ماتووو(صدمها وتا طه خنزر فيها عرفها فضولية كثر من لقياس)..لواليدة مين كنت صغير ولواليد تا كبرت شوية...
سمية شافت مع جنابها:اوا الله يرحمهم اولدي سمحليا فكرتك...
أوس بجدية:مانسيتهمش باش تفكريني (سمية صقرت عرفات جواباتو قاصحين...وهو ينوض)ياله نخليكم دبااا...شكرا على كلشي وسمحولي من عذابكم...
علي:ماتقولش هاد الهضرة...مرحبا بيك فأي وقت اولدي...
أوس:لهلاا يخطيك شكرا...
سلم عليهم ونجلاء نطقت انا غنوصلو للباب...جاد بغى يموت حس بسكين طعنو فقلبو...بقى ساكت ولكن كيغلي ودمو سخون...
أوس هز راسو بالايجاب..وهي تخرج معاه لبرا وصلاتو حدا الطوموبيل اما جاد ماقدرش يصبر وقف قبالت السرجم حاضيهم...
نجلاء بصوت بريء:ماتقلقش عافاك من لهضرة ديال مرات عمي سمية...هي هكاك دايرة غتكون ماجاتها فيها والو...
أوس كيبرد:لااا ماوقع والو..عادي الانسان كيتعرف من عائلتو وهي يمكن مبليااا بهادشي...
نجلاء بسمت:اممم بحال داكشي...
أوس شافيها بابتسامة ساحرة:تهلاي فراسك تا نتشاوفو انشاءلله ..
نجلاء هزت راسها بالايجاب ودماغها تالف مع التفكير...مشى قدام عينيها حل لباب وهي تنطق..
نجلاء بصوت كيترعد:سي أوس...اممم أوس..(أوس دار مبسم وهي تقرب عندو كتشوفيه وهو كيشوفيها)اممم(كيساينها تنطق)م ماازال باغي تزوج بيااا!!!
أوس علاا ليها راسها تا شافت فيه مزنكة:تقبلي تزوجي بيااا!!
جاد لداخل كيشوف كيغلي حس بلي شي إن تمااا ولكن مافيديه مايدير...مايقدرش يتدخل بعد شنو وقع وبعد ما باعها وخلا واحد آخوور يتقرب منها وهو مايقدر يدير والو....
نجلاء علات راسها بالايجاب وهو يعض شنافتو التحتانية بفرح...جرها من عنقها وباسليها راسها تا غمضت عينيهاا خايفة ومافاهماش اش طرا وشنو دارت...فلحظة حكمت على راسها تزوج واحد ماكتبغيهش غي باش ترضي عائلتها وتبعد على لمحيط لي ولااا مشكل ليها مشكل...الحكرة والظلم والألم والفراق والخذلان...مشاعر تقدر دفعك دير أي حاجة فلحظة ضعف...عرس جاد ولينا كيشكل ليها مشكل...ماقادراش تخيل أنه يتزوج قبالت عينيها ببنت خرااا...بغات تبعد وتحاول تبدا من جديد..وفنفس لوقت أوس فرصة لا تعوض..ولكن رجولتو معاها وقلبو لي حنين وحرمانو من عائلتو وحب عائلتها ليه كلها عوامل خلاتها تفكر فيه بجدية وتوكل عالله واخة مازال قلبها مع شخص آخووور....
جاد طلق الستارة لي كان معلي وعرف بلي صافي كلشي ضاع من يديه...بقى واقف شحال والصدمة باينة عليه...
نجلاء علات راسها فأوس:نتزوجو ولكن بشرط...
أوس بسم:آمرييي ء لالة(ابتسامة مجهولة)..
نجلاء:نتزوجو فأقرب وقت..
أوس صغر عينيه وجاتو على الطبطاااب:اممم موافق..تا انا هادشي نيت لي باغي...شنوو ندخلو نعلموهم بلي كاين...
نجلاء بصدمة:د دباا!!
أوس شبك يديه معاها:نضربو لحديد ماحدو سخون...
جرها فيديه وهي مرفوعة...حشمانة..خايفة ومرعوبة من لي جااي...
أوس رجع دفع لباب ماشي باتجاه الصالون وهي طلق منو عرفها حشمت...دخل وقف قبالتهم وكلشي يتفاجئ...
علي وقف مستغرب:ولدي...رجعتي!!
أوس شاف جيهة نجلاء وبسم:جيت نعلمكم بلي أخيرا نجلاء وافقات تزوج بيااا وهادشي بعد الاذن ديالكم أكيد...
علي حل عينيه بفرحة ومليكة كانت جاية للصالون جاتها مفاجئة... أحمد بسم عاجبو لحال...سمية ولينا تزيرو ماحملوهاش ليها...اما جاد حنى راسو ماطلعو..حس بنفس احساس نجلاء فاش هو خطب لينا وعرف قداش جرحها...غمض عينيه وحلهم وطلع عينيه شاف فنجلاء لي واقفة راسمة ابتسامة مخبياا خوف وألم وحزن على لي فات....
فاطمة جات كتشوفيهم وسولت مليكة لي مشات كتجري عنقت بنتها:مبروك عليك ابنتي...الله يتاويكم بجوج ويجعل سعدكم حسن منكم ..
علي قرب من أوس:ليوم ولاا عندي ولد آخووور(أوس تأثر لأول مرة)مرحبا بيك بيناتنا والله يكمل عليكم بالخير...الله على خبر قدااش زوين..
أحمد:اللهم بارك...الله يكثر الافرااح...
فاطمة شافت فولدها لقاتو حاني الراس وساكت عرفت مازال عينيه تا فنجلاء مشات عندها وعنقتها:الله يجعل كلشي مبارك ومسعود...
نجلاء علات عينيها فيها ببريق حزن:شكرا عمتي...
أوس دار عندها ورجع شافيهم:أنا ماكرهتش نديرو العرس فأقرب وقت..
مليكة:لاواااه اولدي...خلينا بعدا نوجدو راسنا ..راه بنت وحدة لي عندي...
نجلاء نطقت بصوت حشمان:لا انا مابغيت والو...(شافو فيها كاملين)باسيدي ياله مات ةمابغيت لا عرس لا تاحاجة..
علي شاف فبنتو حس أنها مقهورة وساكتة...خاف لاتكون مليكة فرضت عليها الزواج...
جاد معلي عينيه فيه واكل الدقة كيبلع ريقو وحاس بيها...علااش الدنيا مامقاداش!!علااش مايتزوجش هو بيها ويخليها أسعد وحدة!!..باين عليها التعاسة بزااف...باين بلي باغية غي تخوي الدار وتهنى...حس بذنب كبير وهي واقفة ساكتة قدامو...وهي تجي لينا لوات يديها عليه...
لينا بصوت خافت:ماتهنات تا طيراتو...
جاد حيد ليها يديها:طيري من قدامي ولا نطيرك نتي نيت...
لينا تزواات بقات غي كدور فعينيها مشوكيا..وهو وقف متمر ماباغي يدير والو من غير يسكت ويسمع....
أوس بتباتة:صافي اذن...نديرو العقد بعد جوج سيمانات...منها توجد راسها ومنها نقاد داري تا اناا..
علي تنهدت وشاف فبنتو:الى كان هدا اختياركم حنا ماعندنا مانديرو...نيت الى بغينا لعرس خصنا نصبرو شي شهراين ولا كثر عاد نديروه..دونك غنصدقو معطلين الزواج بزااف....
تعانقو وأوس عاجبو لحال اخيرا حقق داكشي لي باغي يوصل ليه...
جاد قرب عندهم ومد يديه لأوس:مبروك عليكم...
أوس جاوبو بهدوء:الله يبارك فيك..
جاد دار جيهة نجلاء لي ماقدتش طول فيه الشوفة:الله يسعدك ابنت خالي...
نجلاء عينيها دمعو وصبرت:شكراا ليك ا ولد عمتي...
جاد تزير وضرب الدورة ومشى...
جات موراه لينا سلمت عليهم بزز:مبروك...
أوس طول فيها الشوفة وجاوبها:شكرا..
نجلاء هزت ليها غي راسها وماجاوبتش..
سمية قربت حدا أوس وسلمت عليه:مبروك اولدي...نشاءلله يكون داكشي لي باغي..
أوس خنزر فيها وجاوبها بزز منو:شكراا..
علي:اوا جلسو..دبا وليتي منااا أولدي أوس...
أوس بسم:لااا ...خصني نمشي...تا نتافقو على كلشي غدا ونجيب صاحبي معاياا حيت هو لي عندي...
أحمد:مرحبااا اولدي...تشرفونااا...
خرج أوس وهما مليكة وعلي يتبعوه اما نجلاء سلمت عليه وطلعت لبيتها...أول ما دخلت شدت لباب عليها وتلاحت على فراشها...ناعسة على كرشها وكتبكي فصمت...الدنيا كحالت فعينيها ولكن صاافي...ختارت طريقها وصعيب انها تراجع...
بعدما ودع علي ومليكة أوس شدها على جنب:واش فرضتي على لبنت شي حاجة!!
رشيد شرب كاسو مألم على صاحبو:شتي اش قلت ليك...خوي داك السيكتور...داك المرا ماتوليش تفكر فيها...رجع كمل حياتك فين خليتيها وقلب على الدرب...
أوس تقاد فالجلسة:لاااا...مايمكنش نتراجع...داك العائلة هي سبب هادشي لي حنا فيه...لو مابانش داك طه فحياة سمية وخلاها تهرب معاه....لو ماتقبلوهاش عائلتو بسهولة وهي مطلقة وسامحة فلولد...لو وقفولو صباط وماخلاوهش يدير لي بغى كون يمكن راا..
رشيد قاطعو:كون راها هربت مع راجل آخووور(أوس عينيه عمرو شر)اه...علااش كتحملهم المسؤولية...هي لي منها كلشي وسمحلي اصاحبي...
أوس:كلهم مايسواوش والى كانت هي سمحت فالواليد على ود طه بن عياد لي عندهم مناااش...انا غنزلهم للارض وغنخليها تمنى الريال ماتلقاه... ونشوفو داك الساع شكون غيبقى لفوق وشكون غينزل أسفل السافلين...
رشيد تنهد:ونجلااء...اش دارت ليك!!علاش باغي تخرج عليها؟؟
أوس بصوت قاصح:هي السبب فشل كااع مخططاتي...هي لي وقفتلي فطريق انتقامي..وهي لي رفضتني نهار طلبتها بالعز...هاهي دبا جاات بين يدي مذلولة طايحين مناخرها للأرض...ومااازال نطيحهم لدينمها كثر...نوريها لي يرفض أوس ويعكلو خدمتو شنو غيطرا ليه...
جحيم في السرير الجزء الرابع
محتوى القصة
التنقل بين الأجزاء