واقفة قبالت المراية مافاهماش اش طرا ليهم...قلبها كيضرب وماعارفاش كيفاش تقدر تحلل داكشي لي وقع...تنهدت وحيدت ليزار ودخلت تحت الدوش...غسلت بزربة وتلوات فبينوارها وخرجت...أوس كان واقف فالبالكوو غي شافها خرجت تم داخل..قرب حداها وهي كتشوفيه وباسها فشنايفها...
أوس بصوت حنين:بصحتك...
واقف علي وأحمد حدا كاتب فالسجل العقاري تا جاوبهم بهدوء:الأرض مابقاتش فسميتك ء سي أحمد...
أحمد شد فولدووو حيت شداتو الدوخة:ش شنو!!
علي بصدمة:ل لااا لااا...مايمكنش...شكون باع الارض ديالنا...هادا باينة اما شي غلط ولا شي نصب واحتيال...
الكاتب:أنا هنا مكتوب عندي هنا بلي الارض باعها سي طه بن عياد...
أحمد خرج عينيه بصدمة:كفااش!!
علي مسح غطا وجهو بيديه مصدوم:ل لاا لا مايمكنش يكون طه باع الارض...
الكاتب شد الملف:هادشي لي مسجل هنا...
أحمد شد فولدو:ي ياله اولدي نمشيو ياااله..
خرجو مقطوعين النفس...مصدومين...مامستوعبينش اش دار طه بلا خبارهم...كيدار ليها وكفاش تا قدر يدير لباه هاد الفعلة!!!..الطريق كلها وأحمد صاقر...واكل الدقة وقلبو مقهور...ولدو لي هادي سنين وهو محروم منووو هاهو جااا ودارلو أكبر صدمة...كثر من صدمة الماضي..
...
لبست كسيوة خضرا الصدر فيها باين وقصيورة..وصندالة وسرحت شعرها...قادات وجهها وهو يخرج من الدوش..غي شافها علا حواجبو..
علي كيحاول يفيق بااه..وفاطمة ومليكة كيبكيو...جاتهم قاصحة الفعلة لي دار طه...بقاو عند راس باهم وهو غايب على الوعي ماحاس بوالووو...
وصلو للريسطو...طلبو الفطور...كلاو وناضو خرجو ضربو دويرة بالطوموبيل..كيكتاشفو الاماكن وعاجبهم لحال لا دباز لا صداع لا والو...
....
وصلت لومبيلونص...دخلو هزو أحمد لي كانو حاطينو على لفراش ماكيتحرك ما كيتكلم...غايب وماحاس بوالووو...داوه وطلع معاه علي...أما طه غادي جااي..مشى للطوموبيل وفاطمة ومليكة وجاد ركبو معاه...
الطريق كلها وعلي شاد يد باه...هما كيديرولو العلاج اللازم وهو مسكين ماحاس بوالو .....وصلو دغيا للسبيطار...طلعوه للمستعجلات...علي تالف غي كيدور فالكولوار تا وصلو عندو باقي العائلة...
علي غي شاف خوه خنزر فيه:علااش جاي هنااا!!ءءءء علااش جيتي؟؟
طه بعد وفاطمة وقفتلو فوجهو:ص صافي ء خوياا..لمهم دبا بااا...
علي بقى كيسوط ومراتو شاداه:برد ء علي برددد...نشاءلله عمي يبرااا اهئ اهئ...
جاد واقف متكي على الحيط كيساين وهو عاد يتفكر لينا لي ماجاتش...صونا ليها ماجاوباتوش...خبع تيلي ورجع نطق..
جاد:ماغتقولوهاش لنجلاء!!(شافو فيه)خصها تعرف...
علي تنهد:خلينا نطمنو بعدا..نتمناو من الله يبرا بلا مانخلعوها...
نجلاء بسمت:زعما أنا حبيبتك...ولا كتقولها غي على ود حاجتك؟؟
أوس عض شنافتو:كفاش حاجتي؟؟
نجلاء دورت وجهها منو:ماجاوبتينيش؟؟
أوس جرها من راسها وباسها فشنايفها مطولااا...متبغاش يطلق تا بدات هي تبعدو..
أوس:اممم..كيجاك هاد الجواب...
نجلاء تزنكت ورشاتو بالما تا طلقها ومشات وهو تكى على لحيط كيتفرج فيها وعاجبو لحال...
....
خرج الطبيب من المستعجلات وهو علي يتلاقا ليه..
علي:دكتور...طمنااا الله يخليك..؟؟
الدكتور تنهد:للأسف..(كلهم تخلعو) السيد نزلت عليه المادة...
فاطمة غوتت:اويلييي بااااا😭😭😭..
مليكة تا هي بدات تبكي وكلشي تصدمو...صوت البكى والشهيق كيتسمع من بعيد...طه قلبو تزير ودموعو نزلو بلا مايحس...اما علي واقف وذنيه كيسوطو مازال ما استوعب داكشي لي سمع...
الدكتور:الله يشافيه ليكم..
جاد حبس الدكتور:كاين أمل يرجع كيف كان؟؟
الدكتور:المريض باين أنه تعرض لصدمة عصبية كبيرة...خلاتو الباحات المسؤولة عن الحركة دالشق الايسر تبلوكااا...نتمناو مع الادوية والعلاج يقدر يرجع كيف كااان...ولكن تالدبا مانقدر نقول والو...تا يفيق المريض ونشوفو حالتو كيف دايرة..
جاد تنهد:واخة..شكراا..
مشى الدكتور وبقاو العائلة فحالة قبيحة بزااف...
....
الثنائي المرح..شبعو لعب فالما...مرة يشدها مرة يتراشو...تا زيرها مع الحيط ولصق فيها تا داخت...عنقها وباسها فكتفها ...علا ليها يديها دارها على عنقو..وشافيها..حنى على الشنيفات كيبوس بشغف وشوق...تا طيبهم ليها..ولكن هي هاد المرة ماكانتش مستسلمة...بالعكس...بدات تجاوب معاه...تاهي باستو وحست بلي باغية من كل قلبها تكون معاه هاد اللحظة...حيد ليها الدوبياس وتخشى وسط صدرها كيبوس ويمص ومرة مرة يرجع يخطف بوسة من شنايفها...هبط الشورط وطلعو معاه وهي تبدا تنهد "اححح اححح...اييي بالشوية عاافااااك"...أوس كان هايج..لمهم عندو هو يريح الحنكليس...بقى شحال كيطلع ويهبط تا حس بالسخونية بزااف بدا تا هو يغوت "اممم...اححححح احح اححح اححح"..تقصحت ولكن فنفس اللحظة مستمتعة...عضاتو فكتفو بقوة الشهوة تا جابوه بجوج وهما فلابيسين ..حست بالسخفة وهو يحيد لمعلم...عنقها عندو وجر الفوطة طلعو فالدروج ولواها فيها...عاد حطها فوق الكرسي وجلس حداها...
أوس كيرجعلها شعرها لور:عييتي؟؟
نجلاء:اممم شوية...
جا يجاوب وهو يصوني ليها التيلي...جبداتو وشافت لقات ماماها جاوبت...
نجلاء بابتسامة:ألوو ماماااا...(طالت مدة سكاتها تا غوتت على غفلة)..أويليييي اهئ اهئ...هانا جاية دبااا..
نجلاء جاوباتو بصمتها عرفها ماقاداش مازال تهضر...اما هو مشى ميجمع كلشي لبسو وهبطو خلصو وشدو الطريق...الطريق كلها وهي تبكي..قلبها مقهور...حاسة براسها مخنوقة...غادية وكتبكي..اما أوس ماشي صافاا..حاس باحساس قبيح بزاااف...ماعمرو حسو من قبل...مافاهمش اش طاري ليه...بقات فيه بزااف وماعندو تا حل باش يقدر يواسيها...نيت ماكيعرفش يوااسي ومامولفش يواسي أصلا شي حد...
......
بعد مدة طويلة من الصمت والخوف والألم...كتبان نجلاء جاية كتجري فالكولوار...مليكة وقفت وعلي تلاقاها...عنقها هي كتبكي وهو براسو ماقدرش يصبر تزنك ودموعو هبطو...
نجلاء كتشهق:كي يوقعلو اهئ اهئ و واش بصاااح داكشي لي قولتوو؟؟
مليكة كدوز يديها على شعر بنتها وتبكي معاها وأوس وصل..كيشوفيهم ساكت أما جاد حاضي نجلاء ومربع يديه فيها...متفاجئ فيها وفطريقة لباسها...كانت لابسة كسيوة غوز بلا كمام وحد الركبة..هادي هي لكسيوة لي كان ممكن تلبس...وفهاد اللحظة أوس دار شافيه...تعصب وبقى مخنزر فيه تا شافو وهو يحني الراس و حشم...
نجلاء عنقت ماماها وهي تنطق:بنتي ..علا سلامتك...
نجلاء:قولولي دباا!! اش طرا؟؟كفاش وقع لباسيدي؟؟
مليكة:من بعد ابنتي من بعد..(شافت ف طه كان كيغزز ظفارو ومفقوص)..
علي بألم:نشاءلله يكون خير..
نجلاء:اه...باسيدي راجل قوي ونشاءلله غيولي بيخير..
مليكة دارت ومشات سلمت على أوس تا تصدم:ولدي...علا سلامتكم...
أوس شافيها:الله يسلمك ء خالتي..الله يشوف من حال سي أحمد..
مليكة:آمييين اولدي...دوز تجلس...راكم جايين على طريق...
أوس هز راسو ومشاو جلسو ..
نجلاء مشات سلمت على عمها ومن بعد مدت يديها بزربة لجاد ورجعت مشات بزربة...أوس معلي حجبانو وحاضيهم...
طه كحز عليهم كيصوني على مرتو وبنتو...والو ماكيجاوبوهش ..
طه بفقصة:فينكم فييينكمممم ...اوووف ..
مدة وهما يساينو تما..أحمد مانعين عليه الزيارة..وكلشي باقي تمت يساين شي خبار دالخير....
مليكة مفقوصة:اوا خلا باسيدك يسني على شي وراق ووسطهم التنازل(نجلاء شدت على فمها وعينيها خرجو بالصدمة) ..اوا و باع الارض ب 300 مليون فبلاصة مليار لي كتسوا(نجلاء كتزيد تصدم)ومشى خلص لكريديااات لي جابوه هنا...وجلس مع راسو لا عين شافت لا قلب وجع...
نجلاء بعدم تصديق:لااا لاااا مايمكنش بنادم تكون مشات من قلبو الرحمة والشفقة...مايمكنش عمي يكون دار هكااا فباااه...اويلي مازال ماثاب!!مازال غي مازايد فيه...(تعصبت وجاتها حكرة)علااش دار فباسيدي هكاا؟؟الى هو عندو الفلوس مهمين حناا حياة باسيظي عندنا بالدنيا ومافيها اهئ اهئ..مايمكنش نصبر غنمشي نهضر معاه ..
علي بأسف وكيخنزر فخوه:اوا شنو غنقولك ء ولدي ..شي مرات القريب منك هو لي كيطعنك فظهرك(أوس تزير وبقى صاقر)وكتجي قاصحةةةة وبزااف...وصعيييب تقدر تنساهالووو اولا تسامحووو فشي يوم.....
جالسين على برا بعدما حاول أوس يخرج علي من داك الوسط كماعلله يبرد شوية ..
علي بصوت عياان:خويااا شقيقي ..لي تا هو باه هو أحمد..دار فينا هاد الحالة...(أوس كيشوفيه ومرة مرة يشوف بعيد ساكت)..ضيع راسمالنا ورزقنا بين ليلة ونهار...مسكين بااا...مالحقش يستوعب داكشي...دغيا رجعت عليه الفقصة...طااح على طولتو...(علي شاف فراجل بنتو)..على ود ديونو باع أرضنا ..تخلى علينااا..(مسح على وجهو)مافهمتش...والله مافهمت...هاد بنادم كيف داير والله..
أوس حط يديه على كتف علي:رجوع لله..رجوع لله أعمي...
علي تنهد:سمحلي اولدي..ولكن والله حتى حسبتك ولدي وكنعاود ليك..
أوس بسم بهدوء:خود راحتك اعمي...
علي:والمشكلة تا خدمتك ماكملتش...(أوس شافيه)..ولكن حمدلله لي وقع هادشي...باش نعرفوه اش داير...
أوس تنهد:لمشكل دالخدمة غ...
علي حبسو:فلوسك غتوصلك اولدي...انا غي فشيت عليك قلبي وخلاص ..
طه تم خارج قدامهم تا وقف معصب:من قبايلا وانا نصوني لسمية ولينا ماكيجاوبوش...
أوس خنزر كارههم وعلي جاوبو:غيكونو فالدار..
طه:انا غنصافط جاد يشوفهم ويجيبهم معاه..
علي:بلا ماتجيبهم بزز منهم..لي بغى يشوف شي حد ماكايساينش لي يجيبو...
ناض سمح فيهم وأوس حدر راسو وتبع علي تا صونا ليه التيلي..
أوس:ألووو..
طه واقف لتحت كيصوني على جاد يهبط عندو ماشدلوش الريزو تكره وتم تابعو...
أوس بهدوء ووقف مع الجنب:لااا..عاندااك يعرفو..مابغيتش تعرف لهوية ديالي قدامهم..
المحامي:راه صعيب تخبى مدة طويلة...حيت العائلة الى بحثو عليك غيقدرو يوصلولك..
أوس تنهد:وشنو الحل؟؟انا هاد الساعة ماباغيش نبان فالصورة..
المحامي:كاين حل واحد..هو تكتب الارض فسمية شي حد آخور...ونعطيوهم طعم..
أوس علا حواجبو:انا ماكنثيف فحد...وأصلا الارض مزيانة بزااف مانقدرش نغامر بيها..ماقلت باش خديتها بطرف ثمن من داك المكلخ ديال طه...ووصلت لداكشي لي باغي...ودبا نكتبها لشي حد آخوور...شووف أنا بلغي غي بعدا هاد الفترة مانبانش أنا صاحب دعوتهم.. فهمتي...من بعد الى عرفو بلي أنا لي شريت الارض غنكون وصلت بنقطة النهاية...أجل شوية وصافي ..
المحامي بهدوء:واخة غنحاول...
قطع أوس معاه وخشى تيلي فجيبو عاد طلع...وغي تحرك بان موراه طه لي كان كيسمع كلشي...تصدم وبقى مخرج عينيه..تا صونا ليه جاد وطلبو يمشي يشوف بنتو ومرتو اش بيهم...طلع تابع أوس ومازال مامثيقش آش سمع...
وقفو مجموعين وأوس حنى على نجلاء:دبا شوية!!
نجلاء بهدوء:لمهم باسيدي...
جا الطبيب وعطاهم نبذة على حالة أحمد..وهو يتعصب علي ودار شاف فخوه...
علي:الله ياخد فيك الحق...نتا سبب كلشييي..
طه بألم وعصبية:ماشي أنا بصااح لي خصك تاخد فيا الحق..
علي بتخنزيرة:علاش شكون من غيرك داير المشاكيل!!
طه دار وشاف جيهة أوس:نسيبك...أوس...
كلشي تشوكا وأوش عقد حجبانو مافاهمش علااش تقالت هاد الهضرة..
علي:شنو كتخربق!!😡
جاد كان فالباب غيركب الطوموبيل وهو يشوف لينا وسمية جايين فطاكسي..رجع باللور ووقف كيساينهم..
جاد فاش وصلو قدامو:فين كنتو!...ياله كنت جاي موراكم..
لينا ببرود:غ غي...لمهم دبا خلينا نطلعو..
سمية سبقاتهم وهو يشد لينا:اش كاين؟؟
لينا خنزرت فيه:اش غيكون..زيد نطلعو نشوفو باسيدي..
جاد طلق منها وهضر باستهزاء:باسيدك😏..
...
لفوق كان شي كيشوف فشي وهو طه ينطق:سول نسيبك هو يجاوبك!!
أوس دخلت معاه:شنو كتقصد!!واش بصااح كتهضر معايا(شير لراسو)أنااا!!
علي قرب عند خوه:لا لاااا زدتييي فيه نتا!!..واش ماغاديش تحشم؟؟
طه غوت:سولووو(شافيه)هاهو يقولك(علي شاف فأوس لقاه على حالو مبرد وهادئ بطريقة غريبة)ياله سمعتو دبااا(نجلاء ومليكة تصدمو)سمعتو بوذني كيوصي المحامي يخلي سميتو مجهولة قدامنااا(قرب حدا أوس وهضر)تنكر...ءءء تنكر بلي نتا لي شريتي أرضنا بطرف ثمن بلا حيا بلا حشمة؟؟؟
علي تصدم ونجلاء مشوكيااا كتساينو يهضر ويكذب عمها ولكن لااا...أوس علاا فيه عينيه وبسم بهدوء...وفهاد اللحظة وصلو جاد ولينا وسمية كيبان ليهم الجو مكهرب..
أوس ببرود:علاا أنا لي شريتها بطرف ثمن ولا نتا لي بعتيها بلا ماتعرف آش كتسواااا؟؟(كلشي تصدمو فيه ..نجلاء عينيها دمعو والصدمة قضات عليها وتاباقي حالين فمهم كيساينو يفهمو)يااااله...جاوبني نتاا(طه خنزر فيه)كاين شي حد كيبيع شي أرض بلا مايقدر ثمنها بصااح!!
طه شنق عليه وكلشي كيشوف:حتارم راسك...واش مازال مابغيتي تحشم!!دايرها قد راسك وساكت!!
أوس هز يديه وحيدلوو اليدين لي شانق بيهم عليه زير عليهم بالجهد وبقى شادهم:تحرك يديك جيهتي مرة خراا تعرف شكون هو أوس الطاهري دبصاااح!!!
سمية خرجت عينيها بصدمة:ء الطاهريييي؟؟
أوس دار شافيها كيطلعها ويهبطها:أوس الطاهري ولد عبد القادر الطاهري..(عينيها دمعو وبقات مشوكيااا...كلشي واقفين مافاهمين والو الا طه لي تصدم مين سمع سمية عبد القادر)..
سمية بنبرة بكاء وكلشي كيشوفيها:م مااايمكنششش...
أوس شافيها بعينين حومر:(هز راسو بالايجاب قبالتها)اه...أناااا ..أوس ولد عبد القادر...
علي بعدم فهم:شي حد يشرحلينا آش طاري!!
أوس دار شافيهم معصب وكيهضر بهدوء:أنا لي شريت الأرض...(صدمهم خصوصا نجلاااء)وأنااا لي ضحكت على هاد المغفل(شير ل طه)..لعبت عليه وخديت الأرض بنص ثمن...(جاد ونجلاء مبلوكيين)..درت هادشي عن قناعة(خنزر فيهم وشير من علي تال سمية لي واقفين على شكل دائرة)..كنت باغي نطيحكم كاملين...كنت باغي نشوف يومكم الأسود..كيفما شفتو أنا من صغري...
أوس بسم جنب وماطولش فيها الشوفة:حيت نتومااا بن عيااد...لي سرقتو طفولتي!!(سمية كتبكي وطه مصدوم ومخرج عينيه فيها)نتوما لي تسببتو فموت الطفل لي كان لداخل(كيشير لقلبو مفقوص)نتوماا لي هرستو راجل كانت الشوفة فيه تخلع...طيحتوه للفراش واضطر يودع الحياة ويخلي ولدو الصغير بين يدين ناس مايسواو مايصلاحو....نتوما لي دمرتو كااع باش كنت كنحلم...دار...واليدين...قلب...مستقبل...حيااة........نتووومااا اههه...وتستاهلو ماكثر...
جاد بعصبية:واش نتاا مرييض!!غتبقى تهضر هكااا بزااف...اش دارو ليك باش دير فعايل الشمايت !!
أوس خنزر فيه:الشماتة هو نتااا!! الى مافاهمش سكت ومانسمعش حسك...بلا مانتفركع على دينمك...
لينا شافت فماماها:اش وااقع ء مااماا قولي!!
أوس باستهزاء:كتبكي!!بقيت فيك ولا ندمتي ولا مابغيتيش تسمعي هادشي؟؟؟(قرب حداها بخطوات خفاف)بقى فيك الحال...سمعتي اش طرااا لولدك فهروبك منووو ءءءء!!!
مليكة بصدمة:ولدك!!!
كلشي خرجو عينيهم وهو يشوفيهم:اه...انا ولدهااا..ولدها لي سمحت فيه....(كلهم كيشوفو جيهتها وهي كتنهار..طه حنى راسو كيحاول يفهم بلي كان مكلخ بزااف من قبل ولينا دارت يديها على فمها مازال ما استوعبت اش سمعت)..ولدها لي خلاتو طرف ديال اللحم لباه وهربت لعند راجل آخووور...(نجلاء هبطو دموعها ومليكة بقى فيها فكرها فشنو وقعلها تا هي فالماضي)..هربت لعند عائلة خرااا رحبت بيها وبعدتها على عائلتها الحقيقية..
أوس قاطعها:تا نتييي! كنتي جزء من انتقامي(صدمها)..نتي كنتي الطريقة الوحيدة لي تخليني ندخل هاد العائلة المنحوسة ونفرتكها....(هبطو دموعها مصدومة فيه)بغيت نشوفكم كتموتو عرق بعرق...بغيت نبين لهاد المرا(شير لسمية وهي غتخوطر بالبكى)بلي فضلتي العائلة الغلط...العائلة لي غطيح شوية بشوية....وهادشي كلكم شفتوه بعينيكم...
علي حل عينيه فيه:مرتاااح دباا!!(أوس مخنزر)صاافي برد قلبك!!. اوا راك انتاقمتي من الناس الغلط(أوس ماعاطيش لكلام علي اعتبار)..مك من نهار تلاقات بخويا..هربو بجوج وعاشو بعيد عليناا...ياله هاد العام باش تجمعنا كاملين...كنا كاملين ماعارفينش تا شكون هي...ولا حياتها من قبل...طه بغاها وتزوجها ضد تا فباه..اذن حنا ماعندنا تا دخل وضيعتي وقتك وجهدك على لخاوي...
أوس مابغاش يدخل لهضرة لدماغو وهو طه ينطق:أنا أصلااا ماكامش فخباري بلي سمية عندها ولد...(أوس دار شافيه)الحاجة الوحيدة لي كنت عارف أنها كانت غطلق من راجلها حيت كيضربها وكرهاتو ومابقاتش غتعيش معاه ..(أوس تزير)بحالي بحالك...ياله كتاشفت بلي مراتي عندها ولاد من غير لينا بنتناااا...(أوس دار شاف فسمية بصدمة غي ماكيزيد يكرهها ويحقد عليها)..
علي بألم:عرفتيي دبااا بلي غلطتي فالعنوااان(نجلاء كتبكي مامثيقاش اش طراا وأوس حدر راسو للارض)ودبااا من الافضل تخرج من حياتنا..(نجلاء شافت فباباها كتبكي وماماها جرتها عندها)خود مك معاك وفضيو مشاكيلكم بعيد عليناا...بنتي غترجع لدارها..ونتا نسى عائلة بن عيااد فمرة...وحقى ماتخافش فلوسك وكلشي غيوصلوك..سواءا لي عطيتي لبنتي أو لي كتسالهم من الشركة...حنا عمرنا ضيعنا ولا كلينا حق شي حد..وماغاديش نديروها دبااا...
أوس طلع راسو فيه وعينيه كيف الجمر:وشكون قالك غترجع بنتك لدارك؟؟(نجلاء علات راسها فيه ومليكة مصدومة)بنتك. دارها وحياتها معاياا أنا...فهمتييي!!..
جا بغى يتدخل وهو علي يحبسو وهضر بهدوء ورزانة:كيفما متعوذ نخلي لبنتي الاختيار...غنسولها دبا قدامك..(دار شافيها وهي دموعها هابطين)..بنتييي..شنو قابلة ترجعي تعيشي مع هاد السيد لي ياله عرفناه ليوم...
أوس كيشوفيها وهي ننطق بصوت متقطع:ه هاد السيد قالها بفمو ء باباا..أنا كنت جزء من انتقامو ..(أوس زير على شنايفو)ودبا حيت كلشي تفرش ..وحيت انتقامو تحقق وتسالا..تا علاقتنا اذن تسالات...(أوس تزير بقى شحال كيشوفيها مطولا وهي تبادلو نفس الشوفة)أناا سميتيي نجلاء بن عيااد(قربت قدامو كتهضر بحدة)ولي قاص عائلتي غي قد هكااا(حطت ظفرها على آخر جزء فالسبابة)كأنو قاصني أناا...(أوس كيشوفيها وتحديها ليه)هادشي علااش نتلاقاو فالمحاكم....
ضربت فيه ودازت...مشات من قدامهم وكلهم كيشوفو فيها...بقات غادية مصبرة راسها وساكتة ولكن سرعان ما بقات غادية كتجري باش تبعد وتهرب من كلشي...دفعت لباب ودخلت للطواليط...شدت عليها لباب وبقات تبكي على الجهد وتغوت..
علي شافيه متأسف:كنظن سمعتي الجواب...دبا الى سمحتي مابغيناكش مازال دور بساحتنااا...
جاد قرب حداه:الى قرب نيت غنوريوه دار بن عياد علاياش قادين...
أوس ماحسش تا دار وعطى كروشية لجاد طيحو حداهم وهما يتصدمو وأوس معصب ركلو تا بغاو يشدوه دفعهم...
علي بغوات:عيطو لسيكيريتي..خرج علينااا..سير مابقيناش باغيين نشوفوك...
أوس بقى كينهج...خنزر فيهم وتم خارج...
وهي تبعو سمية:أ أوس...
أوس دار شافيها بدمااار:ماتجبديش سميتي على فمك(بقات كتبكي وهما كيشوفو)بزااف عليك تكوني أم...وخسارة فيك كاااع داكشي لي درت...لا نتي لا هاد العائلة لي فضلتي عليااا...
مليكة زيرت عليها كتبكي معاها كتشوف بلي حياة بنتها صدقت كفس منها ..تدمرت لأقصى حد...عانات بزااف دالمرات فحياتها العاطفية وصعيب أنها طلع من هاد الحالة لي هي فيها...
دخل للدار معصب...لاح السوارت..ودخل للبيت...جلس على طرف الفراش كيسرح عنقو وشاف فجيهتها لي كانت موالفة تنعس فيها...تنهد بالجهد ..تكى وحط راسو على لمخدة عيااان...تعب السفر والمشاكيل والماضي رجعو عليه...ندم حيت واجههم ..مازال ماكانش مستاعد..كلمة وحدة كانت كارن فوذنيه "نتلاقاو فالمحاكم"....
جالسة وسطهم مرفوعة...كثرو عليها الهموم...مابقات عارفة شنو دير..ساهية ماقادة تشوف فتاواحد..حاسة بلي خدات أكبر مقلب فحياتها...ياله فالصبح كانت حاسة بالسعادة...كانت فرحانة وناشطة ومستمتعة بالحياة...ودبااا هاهي جالسة مصدومة...علي غي كيشوفيها هو ومليكة لي جالسة قدامها حاضياها..
جاد دايرين ليه القطن فنيفو وتحت عينيه زرق..مي واخة هكاك فرحان...وسط هاد المشاكيل والصداع...كان باغي يتهنى من أوس بأي طريقة ولكن دبا ماشي غي تهنى منو...كرهوه كااع العائلة ..
طه وسمية ولينا كانو لتحت حيت حالة سمية كانت قبيحة بزااف...مافكرتش تالمرة بلي داك أوس يقدر يكون ولدها...توقعت أن السمية كثيرة..ماجاتهاش لبال أنه يرجع بعد 25 سنة باش ينتاقم...
طه واقف عند راسها وهي مصدومة:كاان عندك ولدك وخبيتي عليااا كااع هاد السنين؟؟ءءءء!!كنتي كتفلاي عليااا...ماقولتيليش الحقيقة...(تعصب)شتي فين وصلتينااا...شتييي!!!
لينا غي كتشوف وتخمم بوحدها...خرجلها أخ من الجنب...ولكن إينا أخ....مال وجاه وكلشي مجموع فيه...
سمية حانية راسها مأزمة وبدات تبكي:ماكنت قادة نقول بلي عندي ولد اهئ اهئ وماجاتش فبالي غيطرا هادشي كامل 😖😖..
طه بغوات:وشنو كان سحابلك...هادشي غيبقى مخبي ديما!!ءءء!! سحابلك بلي الاسرار كتبقى مستورة مدى الحياة؟؟؟هانتي كتشوفي..ماكاينش شي سر كيبقى مخبي فهاد الدنيا...غي لوكان كنت عارف بعدا نديرو بحسابنا....(رجع قرب كيشيرلها بصبعو)وزايدون نتي ولدك..لحمك ودمك ونسيتيه!!..(طلعت عينيها فيه حومر)كيدرتيلها!!علاش عمرك قلبتي عليه ولا سولتي فيه؟؟تصدمت فيك والله ..
لينا عوجت فمها:عاد تفكرتيه؟(صدمتها)عاد فاقت الامومة ديالك...ء نوووضي نمشيو وخرجي من باب وااسع...لا لفوق ولا عند أوس غيتقبلونااا مرة خراا..ياله نبداو من جديد...
سمية وقفت وغوتت عليها:حتارمي راسك...أنا راه ماماك..واش مابغيتيش تحشمي!!
لينا بغوات:ومااشي وقت هادشي...زيدو نسلو الشوكة بلا دم..
طه مصدوم فبنتو:تا نتي!!..الله يخليها سلعة فين طحت أناا...بنتي الوحيدة طالعة نسخة طبق الأصل من مهاا لي ماتسوا ماتصلاح(صدمهم)يااله...سيرووو..درقو كمامركم...مابقيتش مازال باغي نشوفكم...
لينا حبساتو:ياله معانا ء بابا..حنا جينا هنا على ودك...باسيدي وعمي وتا عمتي عمرهم يسمحولك مازال...ياله نبداو من جديد...حنا كنا غاديين قبايلا ولكن فكرنا مانمشيوش ونخليوك...
طه طلع فيهم وهبط:حياتي مشات خسارة وأنا تابعكم...ودباا مابقيت بغيت والو من غير رضاة بااا وخوتي...سيرووو...يمكن الشر يمشي معاكم فمرة!!
سمية مسحت دموعها:غتخليناا تا نتا!!
طه بألم:نتوما لي خليتوني!!ويمكن هكاا يكون حسن...
لينا بقلة حياا:الطوموبيل!!
طه زاد تكره فيها...لاح ليها السوارت باغي غي يتفك منهم كره لي يجي من جيهتهم...طلع وخلاهم واقفين ولينا تشوف فماماها:مابقاش لوقت...الى جا داك الزمر د جاد غنوحلو هنااا ياله نمشيو...
طه علا راسو فخوه وفاطمة كتمسح عينيها...ناض عند خوه ومشى حنى على ركابيه غيبوسلو رجليه وهو علي يجرو وطلعو..
طه بألم:سمحلي ء خوووياااا...سمحليييي 😭😭..
علي طلعو وتعانقو:الله يسامح ء خوووياا الله يسامح..😖😖...
العائلو كلها بداو يبكيو ونجلاء كتشوفيهم ودموعها هابطين فصمت...عينيها طابو بالبكى..ولكن يمكن هادا قدرها...دموع وألم وجحيمممم...
تعانقو الخوت وتصالحو...اما جاد فرح فرحة عجيبة فاش عرف بلي تهنى من لينا فمرة...رتاح وبسم بلا مايشعر...كأن الظروف لصالحو هاد المرة...والحواجز بدات تحيد بينو وبين حبيبة قلبو لي باين أنها مستحيل ترجع لراجلها...دونك الأمل ضروري يتزرع فيه من جديد بزز منو....
بردو الخوت شوية عاد مشى علي يطلب يشوفو أحمد...والطبيب تعاطف معاهم ولكن عطاهم كل واحد 5 الدقايق...وأكيد دخلت نجلاء فلول ..
نجلاء لبست حوايج العناية...ودخلت عندو...شافتو فداك الحالة..شدتها الدوخة...بقى فيها وهو راقد فالفراش بحال شي جثة..قربت حداه وجلست على ركابيها..شدت يدو كتبوسها وتبكي...مالقات ماتقول ..دموعها عبرو على ألمها...بكااات تاشبعت وهي فنفسها كطلب الله يرأف بيه ويرجعو ليهم...ماحست تالقات الفرملية كتنوضها..شافت فيها وخرجت عينيها على جدها..عاونتها تحيد الحوايج...عاد مسحت وجهها ..وخرجت برا...شدتها مليكة وجلستها..صفارت بزااف قلة الماكلة والفقصة والعيى سخسخوها...دغيا شافت مليكة عمها وشدت بنتها داوها للدار..جاد عاونهت ومشى معاهم فداك الليل...اما الخوت بثلاثة بقاو تما...
نجلاء عياات فالطريق غمضت عينيها شاداها الدوخة والسخفة...غي وصلو طلعت لبيتها..ماقاداش توقف..حطت راسهت على لمخدة وهي مليكة تجيبلها كاس عصير..
نجلاء شافت فماماها وشربت النص فالكاس بزز منها وحطت راسها...مليكة حنات عليها باستلها راسها وطفات الضو...خرجت لقات جاد واقف قبالت الباب..
جاد:نعست؟؟
مليكة تنهدت:عياات بزااف..شوية وتنعس..
جاد زير على يدبه مغزف:ولد الحرام...دارها طريق...الله ياخد فيه الحق...
مليكة شافت بعيد:الهضرة ساهلة ولكن كااع بنادم لي كتوقف عليه كااع ماكتلقاااه(صدماتو)منهم عدد...
مشات خلاتو واقف..عارف راسو زبلها...عارف هو سباب كااع المشاكيل...تنهد ومشى لبيتو يطلق عظامو حيت تا هو عيى وبزااف...
.....
أصبحنا وأصبح الملك لله...
فاقت مليكة بكري...طلعت لبيت نجلاء تطمن عليها لقاتها ناعسة فبلاصتها...رجعت ردت الباب وهبطت لتحت توجد الفطور...
...
فدار أوس كانت الدنيا مرونة...غي ضربت أشعة الشمس فالصالون فاق خاسر بكل مافي الكلمة من معنى...شنايفو يابسين وكوحل...شعرو مخربق وجهو مخسر..لمهم الحمدلله لي راه بوحدو ولا كون برد جنونو فشي حد...دخل دوش وخرج لبس لي لقاه قدامو...ماعندو خاطر لا لخدمة ولا لشغال...مشى للصالون جمع داك الروينة وعاد حل لباب وخرج....
بعد تقريبا نص ساعة كان واقف فلباب كيساين تا كيبان رشيد هابط عندو مستغرب...
دغيا وصلو لمكان مقطوع...حبس الطوموبيل وخرج جلس على واحد المقعد...رشيد شافيه مطولا وتبعو..وجلس قدامو..
رشيد بعدما تنهد وهما كيشوفو فالبحر:آش تما!!(أوس تنفس الصعداء ماعندو جهد للهضرة واخة هو باغي يهضر ويخرج)...صافي تفرش اللعب يمكن؟؟(أوس عض على شنافتو وبقى على نفس البوزيسيون)...
رشيد بعصبية:وااش من نيتك!! قولتيلها بلي درتيها طريق للانتقام...حراام عليك..درتيلها أكبر فرشة...
طه:بااا ء باااا اهئ اهئ سمحليااا...أنا مانسواش لي درت فيك هاد الحالة 😖😖..مصاب كون كنت بلاصتك...حسن ماتكون نتا هكااا(حنى على ركابيه حدا بااه وكيبكي على يدو لي ماقاداش تحرك)سمحلي ء بااا سمحليييي...
أحمد بقى كيأن بصوت عالي وكلشي قدامو كيبكيو...ماحسو تا سمعو صوت شي حد طاااح..كيدورو على غفلة كيلقاو نجلاء طايحة فالارض ومغمى عليها...
مليكة بخلعة:ب بنتي!!
علي مشى كيجري وهو جاد يهزها خايفين عليها...دموعها على خدها ووجهها صفر..
فاطمة:خرجوها دغيا..وشوفو مع الطبيب..
جاد هز راسو مخلوع عليها وخرج دغيا كيعيط للطبيب:عتقووونا عافااكم...
ناعسة على لفراش ماحاسة بوالو والطبيب دارلها كااع الفحوصات..علقو ليها السيروم وخرجو وهما يتلاقاوه جاد وعلي ومليكة مخلوعين...
علي:أمدرا دكتور؟؟
الطبيب:تهدنو...راه طاحت ليها نسبة السكر فالدم..هادشي علاش وقعلها هكاا...(تنهدو)علقنا ليها السيروم وخليناها تنعس شوية حيت تا أعصابها مضغوطين...غدا عاد تفيق انشاءلله...
مليكة كتبكي: نقدر ندخل نشوف بنتي اهئ اهئ!
الطبيب:اه واخة...الله يزيد فراحتها...
دخلت مليكة وتبعها علي أما جاد مأزم عقلو وقلبو معاها...حاس بلي هو سبب كلشي...كون كاان خدم راجل كون راه هو خطبها وقريب يتزوجو وكون مالقى أوس منين يدخل عندهم....تنهد وتبعهم...
أوس هضرتها دخلت من وذن وخرجت من لوخرا وهي تقرب بدون استأذان غادية لشنايفو وهو صاقر تا ضرب فيه نفسها وهو يشوف نجلاء قبالت عينو كحز يزربة على نسرين ودار تا تشوكات مافهمت والو...
سمعت نسرين صوت لباب رجعت كتجري وتعيط:أوس...أوسسسس فينك؟؟
قلبت تاعيات وهي تحط لكاس من يديها معصبة ومشات طلل بان ليها ركب طوموبيلتو وغادي...هزت تيلي وصونات ليه...واالو ماجاوبهاش زادت تعصبت...أما أوس غادي عينيه حومر معصب غيطرطق..طفى تيلي باش ماتزيدش مابيه نسرين وتصدعلو دماغو ومشى لدار......وصل حل لباب كيشوف فالأرجاء...شاف جيهة الكوزينة كيتخيل فاش كانت كطيب...شاف فالصالون تفكر فاش نعست فيه...جيهة صال ء مونجي ريحتها باقية تما...راسو بغى يتفركع...دخل للبيت حوايجها وروايحها وكلشي مازال كيفما خلاتهم قبل ماتسافر....تكى راسو على الفراش...ولكن...مازوينش كيفما كان...بلاصتو ماموريحاش...ناقصو شي حاجة...مافهمش شنو هي...حس باحساس غريب عمرو حسو...هو أنه توحشها...آهه بصااح خلات بلاصتها فالدار وفحياتو ككل...أوس لي عمرو توحش شي بنت...أوس لي كان كيدوز معاهم لوقت ويلوحهم ويقلب عليهم غي وقت حاجتووو هاهو دبا توحش نجلاء ولكن المشكل أنه صعيييب يولي يشوفها....وهاد الفكرة هي لي كتقتلو ملداخل وشاعلة فيه النار....
ناض بدل حوايجو...كيحاول ينسي راسو..ماراضيش يعتارف..باغي يقنع راسو بلي بحالها بحال غيرها...ولكن ماقدرش...مابغاش يدوش حيت غيطيرلو النعاس...لبس شورط وتكى فبلاصتو...غمض عينيه كيشوفها قدامو ..رجع حل عينيه معصب..جر لمخدة دارها على وجهو..شم ريحتها فيه...هزها وبقى يشوفيها وبلا مايحس عنقها وتقلب على جنبو كيشوف فبلاصتها الخاوية..تفكر اللحظة لي قال داك الكلام الجارح"نتي كنتي جزء من انتقامي..نتي كنتي الطريقة الوحيدة لي تخليني ندخل لهاد العائلة المنحوسة"...شوفتها فيه...دموعها وخيبة أملها مابغاوش يحيدو ليه من راسو...تعصب مابقاش قاد يعاقب راسو كثر...حيت الندم على حاجة غلطتي فيها..هو أصعب حاجة ممكن تواجه الانسان...كيبغي يخرج على عقلو وهو كيفكر كفاش تا دار هكاك ..وكفااش غيقدر يصلحو من بعد...
ناض من بلاصتو حاس بالدار صغيرة عليه...تخنق وعروقاتو هابطين...عينيه حومر بقلة النعاس والتفكير والسكرة والعيى وتا بالندم....هز لكارو ومشى يكمي..كيحاول يفش غلو فيه...والووو...لبس عليه تيشورط وهز سوارتو وهبط مع الدروج هارب...آه...هارب من كلشي...هارب من لبلاصة لي معمراها هي بذكرياتها القليلة ولكن لي أثرت فيه بزااف...ركب طوموبيلتو وكسيراا بزربة...
....
نعس أحمد بتأثير الأدوية وهو يخرج طه وفاطمة ومشاو طمنو على نجلاء...
طه كيحاور خوه:شوية دبا؟؟
علي:ماعرفت..الطبيب قال خصها تنعس تالغدا باش ترتاح...
طه كيبردو:حسن حسن ء خوياا..تنعس باش ترجع قوتها وراحتها..
علي بألم:ومنين غتجي هاد الراحة؟؟ بنتي لي ماعندها ذنب..دخلت فهاد الصداع كامل..(شافيه بأسف)علااش ظلمها؟؟علااش دار فيها هكااا؟؟..هرسها ء خويا ملداخل...ولكن حنا السبب!! زيناه ليها وحسسناها بلي هو راجل مزياان...تزطمنااا وزطمناها معانااا..
طه حط يديه على كتف خوه:برد ء خويااا...برد...ربي كبير..ويمكن داك السيد تا هو مظلوم...
طه:لا حول ولا قوة الا بالله...(جاد وقف مع الجنب كيتصنت وساكت)..ولكن تقدر تكون كتبغيه.(جاد تصدم)اش غدير داك الساع؟؟
علي شافيه:داكشي لي دار أوس بين بلي عمرو مابغى بنتي...وأنا بنتي ماشي شايطة عليااا..مي الى هي كانت كتبغيه بزااف وقابلة بيه وطلبها ترجعلو..أنا نخليها هي تختار...عمرني نفرض رأيي عليها...
طه تنهد:اوا الله يصاوب...
جاد مع دماغو:ل لااا لاااا مايمكنش تكون كتبغيه...أصلا فوقاش غتبغيه!!كانت كتبغيني أنا...وصعيييب تنساااني...لاااا ماكتبغيهش...هااء واخة تكون كتبغيه راهة تكرهو على شنو دار وشنو قاليها...طيح بيها حدا كلشي ..لااا ماغاديش ترجع ليه..مستحيييل...
....
دق بززاف فلباب...
رشيد حل كيحك عينيه وهو يتفاجئ:ء أوس!!!
أوس واقف مخربق:فيقتك!!
رشيد مستغرب:آه اممم لااا....دخل ء صاحبي دخل...
دخل أوس للصالون...جلس وجر المخدة دارها على حجرو..
رشيد وقف مقابلو:صافا!!(أوس شافيه بحال شي دري صغير)ياله تفارقنا قبايلا...دغيا توحشتيني؟(كيحاول يلطف لجو ولكن ملامح أوس ماتبدلوش..جمع الضحكة وجلس على الطبلة مقابلو)ماالك!..ياك لاباس؟؟
أوس حنى راسو مزير على داك المخدة ورجع شاف فصاحبو:ماقديتش نجلس فالدار وهي ماكايناش فيها!!..
رشيد تشوكا ورجع باللور:مافهمتش ..
أوس تعصب:شنو ماافهمتيش ء بنادم...الدار فينما درت كتبان ليا...فينما جلست كنشوفها...كنتفكر لي جيست لي كانت دير..الفعايل لي دارتهم فيا...الايام لي دوزنا اونسومبل...ماقديتش نبقى تمااا..ريحتها فكل بلاصة ..(رشيد كيشوفيه مصدوم...وهو يمسح على شعرو معصب)م ماافهمتش ..علااش مابغاتش تحيد ليا من بالي!!..علاش مازال كنتفكر اللحظة لي واجهتها حدا عائلتها وصدمتها كثر!!..علاش ماراضيش على نفسي ومامرتاحش!!..علااش ماقادرش نعيش حياتي كيف كنت عايشها من قبل!!..علااش ء صاحبي علاااش؟؟
رشيد بهدوء:حيت كتبغيها...(أوس تصدم وكينهج)..اه...كتبغيها..هادشي لي قولتي انا ومازال ماوصلتلو مع اكرام..اما نتا وصلتي للسطاج للخر ههه..
أوس خنزر فيه:ماكنتفلاوش هنااا..
رشيد:ماكنتفلاش..نتا كتبغيها..هادشي علااش ماقادرش تنساها...وماقادش تعيش بلا بيها...
أوس تزنك:ل لااا لااا مايمكنش ..نجلاء بقات فياا اه..كنعتارف..ولفتها شوية فالدار..ممكن..ندمت حيت جرحتها..سي بوسيبل ولكن باش نبغيها زدتي فيه وبززااف(ترخى متكي ظهرو على لفوطوي)..
رشيد شافيه ومابغاش يحكر عليه:أنا قلتلك لي فهمتو من هضرتك...هادشي علااش جاوبتك هكاك..
أوس مسح على راسو:لااا هادشي ماكاينش...تا أنا نيت غنجمع ليها حوايجها نصافطهم لدارها..ونتهنى..ومع لوقت غنرجع لحياتي الطبيعية...
أوس كيبرر:وا غي مافيا لي يسوق دباا..نعس وفالصباح نمشي..
رشيد خنزر فيه:زدتي فيه...جلس ء صاحبي باراكة من الهضرة...ونوجدو هاد القهوة نقصرو على شي فيلم اش تابعنااا كااع...
أوس بابتسامة:هانتا هضرتي...
مشى رشيد يوجد القهوة وأوس تكى كيدور لهضرة فدماغو:لااا...مايمكنش أنا عمرني بغيت ولا غنبغي...خصوصا من داك العائلة....نصافطلها حوايجها ونطلقها باش نرجع كيف كنت فلول..ونرتااح مع كري 😌😌..
نجلاء هزت راسها بالايجاب غي خرجت هبطت دمعة من عينيها بحسرة...حاسة بألم فشكل...عمرها حست بيه من قبل..بحالا حياتها تقلبت سفاها على علااها وموحال تولي تقاد....دخلت ماماها وهي تبسم بزز باش ماتزيدش تفقصهم..
....
فاق من نعاسو..شاف قبالتو كيبان ليه رشيد ناعس على لفوطوي...ناض من بلاصتو بلا حس ودخل غسل وجهو وفمو وطرف حالتو...وهز سوارت الطوموبيل وهبط...دماغو مقلوب..حرك الطوموبيل وداز خدا كافي ومشى لدارو كيشرب فالطريق باش يفيق ....طلع لدارو...حل لباب ودخل...كيحاول يمحي أي حاجة من بالو...دخل للبيت..مشى يجبد حوايج الخدمة وهو يشوف حوايجها المعلقين حدا حوايجو...عض شنافتو وبدا كيهزهم بعلالقهم وكيحط فوق الناموسية...ماحسش براسو وبدا غي كيجمع...صبابط..صنادل..صيكان..تا ملابس داخلية...لمهم ماباغي يخلي والو...حل كااع البلاكارات لي تماا..هز الحوايج وهو يفتح أعلى درج لقى كتاب قديم على شكل مذكرة بتاريخ 1995...عقد غوباشتو..
جحيم في السرير الجزء الثامن
محتوى القصة
التنقل بين الأجزاء