رشيد بتردد:واش باغي ترجع نجلاء ولا غطلقها كيفما كنتي ناوي!!(أوس شافيه ماعارف مايقول)حيت الى كنتي غطلقها...مايهمكش هادشي...بحالا ماعرفتيهش..غتبدا من الزيرو وتنسى...أمااا الى كنتي باغي ترجعها راا...
أوس جلس كيتنهد:اشمن نرجعها!!..انا ماقلت باش تفكيت منهم..
رشيد بهدوء:اوا مزيااان...فيها خير هنية وراحة...(أوس بقى كيشوفيه مامرتاحش)..صافي نوض جمع ليها حوايجها وصافطهم...باش يفهمو بلي غطلقها ..(أوس دور وجهو مقلق ورشيد كيشوفيه بلعاني عارفو كيقول شي حاجة ماغاديش يقدر يديرها)...شنووو...شفتك مازال جالس! مالك؟؟
أوس حدر راسو:ماعرفت والله..
رشيد بسم:نقولك شنو كاين!!(شافيه)نتا ماباغيش طلقها(أوس تنهد)..وندمان على شنو درتي معاها ومع عائلتها..وباغي تصلح الامور لي خصرتي يااك؟؟(أوس مسح على شعرو ودور وجهو ماراضيش)..عارفك ماراضيش ولكن هادشي لي كاين...حاول..طلب منهم السماحة واعتارف بخطئك..الانسان بطبعو خطاااء...
خرجت مليكة وعلي كان كيطل على باه..اما جاد كان لتحت كيشرب كاس دالقهوة....
دازت مدة تقريبا ووصل أوس لباب السبيطار...طلع باتجاه بيت أحمد مالقاهش تما...هبط سول فالريسيبسيون..ومشى باتجاه لبيت...دق فلباب وهو يلقى علي وفاطمة وأحمد متكي...
كلهم تصدهو فاش شافوه..
أوس بهدوء:سلااام..
علي وقف وفاطمة بقات مخنزرة فيه اما أحمد مسكين غي كيشوف وماقادش يهضر...
أوس قرب حدا لفراش:لحاج ..الله يشافيك ويعافيك...
علي مصدوم كيشوفيه اما أحمد جاوبو بصوت على شكل أنين:امممم...
أوس شافيهم بحشمة:يااله عرفت بلي هضرتكم صحيحة(شافو فبعضياتهم)..طه هرب مع سمية نهار عرسو ب بخالتي مليكة...(علي تزنك)..س سمحولي...ماقاصدش نفكركم فالماضي..و ولكن تا أنا معذور...تحكرت فطفولتي وظنيت أنكم تقبلتو سمية بسهولة واخة عندها ولد وكانت مزوجة...وسرقتوها مني...هادشي علاش حقدت عليكم كاملين...(مليكة تنهدت وقلبها حن عليه حيت بقى فيها كيهضر مقصح بزااف)تا انا حالي ماكانش حسن منكم...ظروفي كانت قاسية ولواليد مات وخلاني..بقيت يتيم من جميع الجوايه...(تنهد كيشوف بعيد وهما كيتصنتو ليه)الله لي كيعلم بلي فالقلب..
علي بنفس طويل:لا حول ولا قوة الاا بالله...تا طه شكى علينا...(أوس طلع عينيه حومر فيه)راه ماكانش عارف بلي عندها ولد ..هو قالتلو بلي مطلقة..وبغاها واخة هكاك ..ماقصد لا يخطفها منك ولا من بااك..غي يمكن ظروفك خلاتك تفكر بداك الطريقة وترسم أحداث من خيالك...
أوس تنهد:أنا عارف سمية هي سباب كلشي...هادشي علااش جيت نعتاذر منكم..ومن تااا...(تزير وجاتو فشكل)من نجلاء..على كاع داكشي لي درت فيها..
مليكة شافت فيه:أحياني على بنتي...طاحت ليها صحتها والفقصة كملت عليها ..
أوس بخوف:ع علااش مالها؟؟
علي بجدية:لبارح وقعليها مشكل وطاحت لينا هنا...(أوس خرج عينيه)حمدلله لي صدقنا فالسبيطار...علقو ليها السيروم ونعسوها فبيت...
أوس بصدمة:ب بغيت نشوفها..الى جات على خاطركم...
مليكة:ياله معايا...
علي شد من ذراعو:مايجيبلكش الله بلي سمحت ليك..(أوس ساكت ولكن دمو كيغلي ملداخل خايف على نجلاء)و ولكن...الظروف هنا هي لي دايراها...
أوس بتلفة:ع عارف عارف...مع الوقت كلشي يتقاد انشاءلله...
مشات مليكة و هما تبعوها دغيا....
....
جاد طلع من الريسطو وهو يمشي نيشان عند عند نجلاء يطمن عليها...
دق فلباب ودخل:صباح لخير...دبا شوية!
نجلاء ببرود:حمدلله..
دفع لباب ودخل كيشوفيها شحال وهي متكية:تا واحد مايستاهل ديري هكا على ودو...وهاداك لي ظلمك أنا لي غنتفاهم معاه و....
مليكة:وشنو فيها الى سمحتيلووو تة هو تظلم فحياتو بزااف و...
نجلاء قاطعتها:مابغيت نسمع عليه والو...هو مايستاهلنيش بعد كااع شنو دار وشنو قال!! وأنا مستحيل نسمحلو حيت عارفاه كيداير وعارفة بلي الى رجعتلو غيجرحني كثر...اللهم نبعدو من دبا على حياتي ونحاول نبدا من جديد الى قدرت اهئ اهئ...
مليكة عنقتها:شوووت..صافي ابنتي نتي مريضة...بلا ماتزيدي تمرضي راسك...صبري احبيبة قلبي...ربي عندو كل خير...وكيفما تشابكت هكاا ربي فدقيقة يقدر يحلها ..
نجلاء بقلة حيلة:مابغيتش نولي نشوفو..مابغيتش يولي يدخل لحياتي...صاافي يطلقني باش نتهنى اهئ اهئ ..
...
علي مشى لهيه وهو يتلاقا بجاد خنزر فيه...
جاد:خ خالي...أمدرااا اش طراا؟؟
علي ببرود:داكشي بين الراجل ومرتو وتاواحد ماسوقو فيه...
جاد تقمع:ص صافي..دغيا سمحتو ليه واخة كااع داكشي لي دار؟؟
علي طلع فيه وهبط:تا تكون راجل بحال كااع الرجال وأجي نتفاهمووو...
سمح فيه خلاه كيطلع ويهبط...ماعرف باش تبلا...خالو ماعاطيهش صفة راجل...وأكيد أنه عاق بشنو كان بينو وبين نجلاء فاش سمح فيها وخطب لينا...عرف راسو مكبتها وطريق الرجعة لنجلاء بحال شي جبل عاالي صعيب يطلعليه بسهولة ..حيت كاع الطرقات تشدت فوجهو...
طه رجع للسبيطار كان فالدار كيبدل عليه...دخل للبيت د باه لقى غي ختو وباه على حالو...باسلو يديه وجلس...
طه:علي عند بنتو؟؟
فاطمة تنهدت:اودي غي سكت...ماشي ولد سمية جا لهنااا!!
طه بصدمة:ا أوس رجع هنا؟؟
وصل للخدمة...لي مدة هادي ماداها فيها..مشى نيشان للمكتب..عيط على السكريتير...دخلت عندو...
أوس:جيبيلي كااع التقارير الخاصة بهاد 2 سيمانات لي فاتو...
السكريتير:اه واخة ء سيدي..شوية ونوجدهم ليك..
أوس تقاد فالجلسة وخنزر فيها:كفاش شوية وتوجديهم!!واش تا خدمتكم ماكتعرفوش ديروها!!😤...نورمالمووو هادشي خصو يكون موجود فوقما طلبتو نلقاه...
س. تزيرت:اوك اوك سي أوس...نوجدو فالحين...سمحلياا...
خرجت كتجري وكتقادو بزربة وتجمع لوراق شاداها لخلعة...عارفاه معصب بزااف ويقدر يدير ما لا يحمد عقباه..
....
فالسبيطار كان طه خرج من بيت باه ومشى كيقلب على خوه تا بان ليه جاي..
طه بجدية:شوف ا خوياا..مانكذبش عليك..الانسان مين يخرج منو العيب مرة من الافضل تحتاط منوو..
علي شافيه:اه أنا أكثر انسان عارف..(طه تزير)لمهم..راه نيت مشى..نجلاء مابغاتش تهضر معاه...
طه بهدوء:من حقها..الثقة تهرست وأصلا الثقة هي أهم حاجة فالعلاقات الزوجية ..
علي بقى مطول فيه الشوفة ونطق:واش بصااح ماكنتيش عارف بلي سمية عندها ولد؟؟
طه تزنك:أقسم بالله لي كيحلفو بيه المؤمنين الى ماكنت عارف...واش أنا حقير تا لدرجة نسرق أم من ابنها..ندير كلشي وكلكم عارفين ولكن باش ندير هاد الفعلة لااا..
علي مسح على وجهو:صافي ثيقتك..انا نمشي نشوف لواليد...
طه:اوك..نجيب قهيوة ولحق عليك..
مشاو فطرق متعاكسة...
نجلاء متكية فبلاصتها حاسة براسها مخربقة...نص فيها كيقولها علاش ماسمعتيهش ..ونص كيقولها عبرتي عليه...ليوم ومع ماماها بالضبط تأكدت بلي بدات تبغي من جديد وشخص مية فالمية غلط ..استغربت وكرهت راسها...السيد ماخلا مادوز عليها...ألم..حكرة..قصوحية...سبان...ومعاشرة بالغصب...كفاش قدرت طيح فيه وتبغيه..واش زعما ديما خصو يطبق داك المثل المصري لي كيقول "القط مايحبش الا خناقو" !! تنهدت وبقات على حالها...أما ماماها جالسة مع الجنب تا دخل خوها سراج وولد عمتها صهيب...سلمو عليها مخلوعين..
مليكة بعصبية:هادشي كلو باش تجيو تشوفو جدكم لي بين الحياة والموت...لا بزااف على هاد الاستهتار..عيقتو...الصيف كامل غابرين..شنو هاد الحالة؟؟
سراج تنهد:صافي ء لواليدة..كنا بعاااد وأصلا راك عارفة جو العائلو وداكشي دالمشاكيل ماعندناش معاه..هاحنا نشوفو جدي ونبقاو هنا فترة...نيت راه خدمنا فالشمال وطلبنا غي 3 ايام ونرجعو عاوتاني...اللهم نجمعو مصروف ولا نبقاو عاطيينها للنعاس هنا...
مليكة خنزرت فيهم وحنات راسها:كنحرق الضو على لخاوي...
رشيد بصدمة:ف فييين؟؟؟واش من نيتك..ياك خليتك غادي لدار نسابك!!
أوس تعصب وكيبرد:هادشي لي طرااا..
رشيد من نبرة صاحبو فهم بلي صافا بااا:نتا فينك دبا نجي عندك..ولا نتلاقاو؟؟
أوس:أنا فالمكتب...خدام...دوز الى بغيتي...
رشيد بقلة صبر:هانا جااي...
علي دخل لمكتب الطبيب..جلس باغي يعرف حالة باه:طمني ء دكتور..
الطبيب:الحمدلله..لي كيبان لياا أن الحاج تجاوز مرحلة الخطر...ولكن مازال خصو علااج فيزيائي باش يقدر يرجع كيف كان...
علي:وكاين أمل ء دكتور؟؟
الطبيب:ماحدنا تحت رحمة الله ديما كاين أمل...ماغاديش نكذب عليك...هز محتاج فترة طويلة من العلاج باش يقدر يرجع كيف كان...خصو صبر وقوة وعزيمة باش يولي بيخير...اذن خصكم نتوما تكونو ديما معاه..تشجعوه وتوقفو بجنبو..ومايكون غي لخير..
علي بسم بارتياح:انشاءلله..شكرا بزااف دكتور..
الطبيب ناض وسلم عليه:هادا واجب...
خرج علي متفائل كيطلب الله يرجعلو باه على خير وبيخير..وقرر يمشي يفرح العائلة..
....
رشيد وصل عند أوس للمكتب...لقى كااع لي خدامين مشاو باقي غي هو...
رشيد حل لباب:سلاام..
أوس:سلام..
رشيد قرب وجلس كيشوفيه متردد يسولو كيبان أوس غارق فالخدمة وماعندوش غرام ديال الكانة..
أوس شد لبيسي وتفرغ ليه:نسابي ماقالو والو..تقبلو هضرتي..
رشيد:و ونجلاء؟؟
أوس بسم جنب:مابغاتش تسمعني...كتردلي الصرف...
رشيد تنهد:من حقها..
أوس تعصب:كفاش من حقها!! أنا ماشي تالتماا ونزلت من نفسي واعتاذرت لباها ومها وشرحت ليهم اش طرااا وغي سمعتها مريضة وناعسة فالسبيطار تخلعت عليها و...
رشيد حبسو:خفتي عليها؟؟
أوس تقلق:شنو غتحبسني على لكلمة(رشيد دارلو علامة بيديه زعما كمل وشاداه الضحكة)..وفالتالي..مابغاتش تصنت لياا..
رشيد:واش شفتيها بعدا؟؟
أوس كيتفكر:اممم..وجالس داك ميخي د ولد عمتها وكيتعنب عليها ..بيميني ومادرت بحساب النساب كون دخلت فيه طول وعرض كيفما موالف...تفووو على جنس..لدينمو حاط على مرا مزوجة😤😡..
رشيد:ب بلاتي بلاتي..خلطتي عليا العرارم..اش داا ولد عمتها للهضرة!!
أوس كيسوط:دخلت لقيتو جالس معاها فالشومبر وكيقولها داك الهضرة دوالو "حتاجيتي شي حاجة انا هنا وعلى ودك نتي وداك الزبل لاخور..."
رشيد:وهي؟؟
أوس بغوات:ساكتة..عاطياه فرصة...لمشكلة كانو كيبغيو بعضياتهم بجوج..وزعما دبا صافي غتسوسني وترجعلو(تعصب تا بانو عروقو)ولكن بيميني لا خليتها...
رشيد:شنو غدير؟؟
أوس:غندير أي حاجة غي باش نهرس لمها زنافرها وترجع للدار بزز منها...وندوز عليها لكرفي كتر من لول...باش نعلمها ترفض وتفشش عليااا..
رشيد:شتي ء خويا هاد الحقد ديالك وأفكارك السلبيين هما لي موصلينك ديما لبحال هادشي...برد تقدر تكون مقلقة منك على شنو قلتي..مي نتا ماخصك تبادلها بالعناد...طلبها عاوتاني وعتاذر وكنظن غتسمحليك..
أوس خنزر فيه:شنو هووواااا...نطلبها؟؟ مالني مزوج أنجلينا جولي..راها بنت العروبية طارت ولا نزلت وغترجع بزز منها للدار...
#بعد_مرور_أسبوعين...
هبطو دغيا لباب الدار غي سمعو صوت الطوموبيل داخلة...تحلت لباب والزغارت عمرت الدنيا...ليوم سي أحمد خرج من السبيطار وولادو جايبينو برفقة جاد أما لعيالات موجدين لصدقة دايرينها حيت باهم رجع بالسلامة...خرجوه من الطوموبيل..وبتعاون بيناتهم كاملين..جلسوه على كرسي متحرك ودفعوه باش يدخلوه للدار...كلشي كيسلم عليه وهو مسكين ساكت...نصو ماكيتحركش والنص لاخور كيشير بيه ويأن مرة مرة بصوتو ويحاول يعبر على شنو باغي...
خرجت من الطوموبيل مكرهة وغي شدت لباب مشى طاير...فبحال هاد المواقف كان كيطلع ويستمتع بوقتو ويفرغ غريزتو ودبا هادي مدة ماقادر يدير والو...كيحاول يرجع لحياتو لولا ولكن عاجز....وهو فالطريق صونا ليه صاحبو وعرض عليه يخرجو مع كليكاا ديالهم..فيها اكرام وشي دراري وشي بناات...وافق وفكر أنها ممكن تكون بداية جديدة ليه....وصل للدار بدل حوايجو ورتاح..كيساين داكشي لي فبالو يتحقق...
....
جات العشية...
الدار ديال بن عياد عمرت ناس...نجلاء كانت لابسة عباية فالشيبي بارد وواقفة كتسلم على الناس...ولي شافها كيسولها على راجلها...كتزير...كتحاول تخبي وتقول راه مسافر ولا عندو خدمة ولا مالقى كيدير يجي...كيدخلو وهي كتبقى حايرة فتخمامها...وفنفس الوقت كان أوس جالس مع الصحاب وكيهضرو ويضحكو...
علي تنهد:راك عارف لي كاين..لمهم غنساينك فالعشية...واخة..
أوس:اوك ..غنكون عندك انشاءلله..
قطع معاه ورجع عندهم:صافي غيجي وغنهضرو...
نجلاء تعصبت حيت غيجي طلعت لبيتها تحت أنظار الجميع...دخلت للبيت شدت عليها الباب وعطاتها للبكى..اه تصرفو كيبين بلي متشبت بيها ولكن ماشي حيت باغيها..حيت باغي يردلها الصرف...باغي يكمل انتقامو..هي عارفاه كفاش كيفكر ومتأكدة بلي تصرفو ماداروش غي هكاك ..هادشي علااش رافضة ترجعلو...تلتخت على الفراش وتمنات لو أنه طلبها بالتي هي أحسن...ساعا ديما كيخيب ظنها فيه...
مليكة:شووف انا بنتي ماغاديش ترجعلو...صافي ماباغياهش راه ماغنفرضش عليها...
علي بهدوء:اه عارف..يكون خير...
طه:بردو اللعب..انشاءالله ربي يدير شي تاويل...
علي:ونعم بالله..
....
أوس كمل خدمتو وكيساين فوقاش تجي العشية باش يمشي عندهم...
..
جاد كان جالس على اعصابو...خايف تصلح الامور ويفقد نجلاء مرة خرا...تمنى أنها تعكس معاه وماتبغيش ترجعلو باش تبقى على الاقل قدام عينيه...
جات لعشية...علي كان فالدار كيساين ايمتا يطل مولاي السلطان لي تأخر شوية...نجلاء فبيتها حاضية من السرجم فوقاش يجي وتسمع اش يقول...وماهي الا لحظات تا دخلت رانج روفر بيضة تا عقدت حجبانها مافهمتش..شوية وهو يخرج منها أوس تا تشوكات وحلت فمها..
نجلاء:ل لاا مايمكنش يكون هو...(تعصبت)تفووووو...(تذكرت نهار كانت مقلقة من جاد وخرجت كتمشى وشافا هاد الطوموبيل واقفة قبالت الدار تا جاتها الهيبة وحست بالخوف..رجعت للدار بزربة...دبا تأكدت بلي كان مراقبهم ومتوعد ليهم...)...
أوس دق..حلو ليه لباب:سلاام..
مليكة:سلام ولدي...
أوس احساسو اتجاه مليكة مختالف..كيحس بلي مرا طيبة وماكتدخلش فالمشاكيل كااع...بالعكس تا هي حقها مهدور من نهار خلاها طه نهار عرسها ..ماعارفش بلي هاديك كانت بداية حياة زوينة مع علي لي صدق راجل كثر من خوه ألف مرة...
أوس:كيبقيتي ء خالتي؟؟
مليكة:حمدلله ء ولدي...
دخل أوس للصالون لقى علي كيساينو بوحدو...وقف وسلم عليه...
نجلاء علات عينيها فيه بقسوة:أنا بغيت نطلقو...(قصحاتو)مابغيتش نعيش معاك...(تبدلو ملامحو)واش بالسيف ولا شنو!!(بدا صوتها كيتعالى)هادشي هضرنا فيه قبل واش خصنا نبقاو غي كنعاودو ولا شن...
قاطعها بيديه وهو حاني راسو:ماتغوتيييش!!(طلع عينيه فيها بتخنزيرة حيت عصباتو بزااف وصابر بزز منو)عندك يوماين ترجعي للدار..مارجعتيش غنرجعك بأسلوبي...
نجلاء وقفت:كتهددني!! اوا دير لي بغيتي؟؟انا ماااراجعااش ليك...
أوس جا يهضر وهو يدخل جاد معصب:واش مازال مابغيتي تفهم بلي مابقاتش باغيااك؟؟بااز النفس والووو..
أوس الجنون لي فيه خرجهم فيه قرب عندو وشنق عليه:ونتا سوق دينمك!!ءءء (نجلاء تخلعت وشافت أوس معصب بزااف يديه جمدو على جاد والعرق كيتصبب عليه)داكشي لي فراس دينمك عمرو غيكون غي نسىى فهمتييي!! والله تا نصفيها للزا** لي ولدك...
نجلاء بدات تفك وجاد كيدفعو والو عينيه حمارو وتعصب...تا تسمع غواتهم وخرج علي كيجري من الكوزينة تابعاه مليكة مخلوعة...
علي تصدم:طلقوو ء ولديي طلقووو...
مليكة جرت أوس بالشوية:الله يهديك ء ولدي..نعل الشيطان...
نجلاء بعصبية فاش شافت أوس طلق جاد:اوووف...عييت انا من هاد الصداع ..(خنزرت فجاد)واش أصلا طلبتك تعاوني...انا قادة بشغالي...ماتدخلش من دبا لفوق(أوس خنزر فيه وفرح حيت دارت نجلاء فيه)تا الى تدخل شي حد غيكونو واليدياا فهمتييي...
جاد قاد شوميزتو:أنا عارف ماخصنيش نتدخل ولكن ماقدرتش...بنادم مابغاش يحشم...
أوس تم زايد عندو وهو علي يشدو:حشم غي نتا وبدل الساعة بخرا...(جاد تعصب)ياااله...
مشى جاد وبقاو الاسرة مع بعضياتهم...
علي تنهد:لاحول ولا قوة الاا بالله...
(أوس كيسوط)شنو؟؟ هضرتووو ؟؟
أوس هضر بقصوحية:انا عطيتها يوماين ترجع لدارها...منها تكون رتاحت ومنها ماطولش...
نجلاء مخنزرة فيه وهو علي يجاوبو:صافي...بعد يوماين يتوضح كلشي...
نجلاء جات تهضر مليكة غمزتها سكتت..
أوس مسح على جبهتو لعرق:ياله...هانا مشيت...تصبحو على خير ..
علي حبسو:لا اجي بغيت نهضرو فواحد الموضوع..
أوس هز راسو باه ومشاو على براا...
خرج من قدامهم معصب..ماشافش جيهة نجلاء وهي طرطق:واش هادا مريض!!ماحاملنيش وكيدير هاد الفعايل!!ماغاديش يبعد مني!!
مليكة بسمت بهدوء:ولكن بعدا كيغير عليك..(نجلاء 😳😳)
علي واقف قبالت أوس وكيوجهلو لهضرة:انا بغيت نهضرو فمسألة لفلوس(أوس ؟؟)..نتا راك عارف بلي الشرط الجزائي كبير بزااف(أوس تنهد عاد فهم..عصبيتو خلاتو ينسى هاد الموضوع)داكشي علاش فكرت نسددوها على شكل خدمة...يعني نخدمو لحديد قياس داك الفلوس ونسددو بيها الدين...
أوس ربع يديه:اينا دين؟؟
علي مستغرب:حنا ماوصلناش الطلبية فوقتها هادشي علااش...
قاطعو باحترام:ماكاين لا دين لا والو...داكشي كلو كان داخل فالخطة(علي عقد غوباشتو)أنا كنت باغي نطيحكم بأي طريقة...(هضر بلا تفكير)داكشي علاش خديت منكم كااع العمال داك النهار بلش ماتكملوش الطلبية(علي تصدم)ودبا صاافي ..كتاشفت بلي انا لي غالط..دونك نتوما ماعليكم والو..عتابر داك العقد ملغي..وسمحلي مرة خراا..
علي بحدة:قلبتيناا حياتنا سفاها على علااها..لاحول ولا قوة الا بالله ..
أوس تنهد:هادشي لي طرا دباا...كنعتاذر على أي تخريب درتو وكنواعدك غنصلح كلشي ..
تم غادي وهو يهضر علي:نتمنى ما دخلش بنتي فخططك..(أوس وقف)حيت ماغنسمحلكش تجرحها..والى ماكانتش باغيااك ماغاديش ترجعلك..
أوس طول فيه الشوفة ونطق:فهاد اليوماين يبان كلشي...ولكن الى جات على خاطرك..ماتقولش لنجلاء على لقضية دالشرط..
علي باستغراب:علااش؟؟
أوس بهدوء:بغيتها ترجع حيت هي باغية ماشي تأدية واجب...
علي هز راسو بالايجاب عاد مشى أوس باتجاه طوموبيلتو وركب وديماراا..
علي مع نفسو"مازال ماعرفت المعدن ديالك الحقيقي ..تلفتيني أولد سمية..."..
مشات لمركز التحاليل...دخلت لعند لبنت سولتها وهي تعطيها الاختيار بين تحليل الدم والبول..وهاد المرة ختارت تحلل بالدم حيت النتيجة مضبوطة مية فالمية...دخلت لمكان التحاليل...مدت يديها للبنت وخدات منها شوكة ديال الدم..دارتها فالقرعة وطلبت منها تخرج على برااا...خرجت شادة فذراعها والسخفة فيها ولكن توترها وخوفها نساوها فالترويعة لي حاسة بيها..جلست كتساين...كان مطلوب منها تبقى شي ساعة عاد تخرج النتيجة...
.....
مشى أوس للخدمة...ماراضيش على شنو دار ولكن عارف بلي راه غادي فالاتجاه الصحيح..وغدا أكيد غترجع نجلاء للدار..حيت عارف أنها مايمكنش تخلى على عائلتها فبحال هاد الموقف...
....
مليكة استغربت تأخير نجلاء الزايد على اللزوم...طلعت للبيت تفيقها...دفت فلباب ودخلت..كتفاجئ بحوايجها مرميين فالارض وماكايشدن أثر ليهم...عقدت حجبانها وهبطت دغيا كتقلب على تيلي ديالها باش تصوني ليها ...
....
جالسة حاسة بالساعة طويلة بزااف..أول مرة تحس بلي فري راها عايشة ساعة فالجحيم...تا كتشوف تيلي ديالها كيصوني...
نجلاء مابغاتش تقبلها:ء آه ولكن ...هادي جوج أسابيع كنت فلوبيطال ومرضت وماعرفونيش راني حاملة ..كفاش زعما؟؟
لبنت شافت فالتحليل:هنا مكتوب بلي مازال ماكملتي تا ثلاثة أسابيع..يعني داك الساع كان مازال مايبان والو...الحمل فالدم كيبان انطلاقا من ليوم الثالث دالاخصاب..مكتوب هنا تقريبا عندك 17 ليوم..راك داخلة فالاسبوع الثالث ودبا عاد ممكن يتأكد حملك...
نجلاء تصدمت:ف فهمت..(خدات التحاليل من عند لبنت)شكراا..
لبنت:مبروك عليك...
نجلاء بسمت بصدمة ووجهها صفر وخرجت الشمس مقابلة عينيها المغرغرين...غادية فالطريق مرفوعة...حاسة بلي عاوتاني دخلت لدوامة صعيب أنها تخرج منها ..جلست مع واحد الجنب كتفكر وتحسب...لقات على هضرة الفرملية أنها غتكون حملت من آخر علاقة حميمية دارتها مع أوس...(تفكرت وتعصبت)ديال لابيسين....كرهاتو وكرهت راسها حيت ثاقت واستسلمت ليه بكل سهولة..عينيها تعمرو بالدموع...وبقات تبكي وتفاجي على قلبها فالهواء الطلق...لي ماعندو زهر يتعزا فأيامو.....
ناضت ووقفت على رجليها...مشات خدات طرونسبور ورجعت للدار...
....
طه لبس باه وعاونو وداه فالطوموبيل للعلاج الفيزيائي باش يحاول يرجع كيف لول....
بعد لحظات رجعت للدار بحال شي شمعة مطفية ..الألم والحزن باينين عليها...كتفكر سنو غدير فحريرتها...هي مايمكنس تفكر طيح لبيبي ولكن قاصحة عليها ترجع من ثاني لأوس الأناني لي كيستغل أي فرصة باش يآذيها...عارفاه ماغيخليهاش على خاطرها...عارفة بلي الى عرفها حاملة غيبقى موراها تا ترجع للدار....
حلت لباب وهي تشوف مليكة خارجة بزربة من الكوزينة...
نجلاء عيات صابرة ودغيا دموعها يهبطو بقات تبكي...ماقدتش تعبر ولا تقول شي كلمة...تخلطو عليها الحشمة والألم والصدمة والظروف..تمنات لو أن هاد الحمل جا فشي ظروف ماحسن...تكون فرحانة بيه وتقولها وهي مبتسمة ولكن الغالب الله...
مليكة دخلتها لبيتها وشدت لباب وجلستها على الفراش وهي مازالة كتبكي بحرقة...علات ليها راسها لعندها بصدمة..
مليكة بتردد:واش ح حااملة؟؟
نجلاء رجعت حنات راسها وزادت فوثيرة لبكى ومليكة جلست على لفراش بلا ملامح..الخبر كان مفاجئ ليها وحالة بنتها كتأكدو...
مليكة دارت يديها على فمها مصدومة..وغي شافت بنتها فداك الحالة عنقتها وبقات تهدنها:شووووت...ماتبكيش ء بنتي ماتبكيش!!
نجلاء بألم ودموع:ع علااش اهئ اهئ...علاااش ء ماما؟؟ كنت باغية نبعد عليه وماتبقى تا حاحة رابطاني بيه!! علااش وقع هكا اهئ اهئ!!
مليكة كتكالميها:أستغفر الله ابنتي ..أستغفر الله ماتقوليش هكااا..تهدني..راه الله عندو حكمة فهادشي...
نجلاء بقات تبكي:ياربي تسمحلي اهئ اهئ...
مليكة مسحتلها دموعها وخلاتها تا تراجعت عاد شدتها من يديها بهدوء:و ودبا شنو عوالة ديري ابنتي؟؟
رجع من لخدمة ..لقى الدار خاوية..دخل للبيت بدل عليه ورجع خرج...مابقاش كيحمل يبقى فالدار...مشى نيشان للبار لي موالف يسكر فيه...جلس مع الجنب ماباغي يهضر مع حد...كانو مع جنابو بزااف دالبنات ماسوقش ليهم...شرب شحال وتعطل بيه لوقت عاد ناض يرجع للدار...
أوس ركب فالطوموبيل...هز تيلي وصوناا فيه...شحال وهو كيصوني عاد سمع الجواب...
نجلاء كانت ناعسة غي شافت نمرتو تفلاشات جاوباتو:ألووو...
أوس بصوت ناشف:ألووو...
بقاو ساكتين بجوج وهي تنطق بزربة:شنو بغيتي!!
أوس بلا تفكير:ماتوحشتينيش؟؟(نجلاء تبلوكات بقات ساكتة)جااوبي مالك ساكتة..
نجلاء بهدوء:شارب؟؟
أوس كيعض شنايفو:شارب الهم...
نجلاء:أوس شنو بغيتي فهاد الليل؟؟
أوس:بغيتك ترجعي للدار..
نجلاء باستهزاء:علااش باش تكمل انتقامك عاوتاني...ولا داير شي خطة جديدة؟..
أوس تعصب:ماكاين لا خطة لا نمي...صافي نتي بلاصتك فدارك...اش باغية ديري تمااا ولا عزيز عليك تبقاي حدا حبيب القلب!!
أوس رخى راسو وكيجاوب بكل صراحة:جيت عندك حيت عصبتني هي وصافي...
نسرين دموعها بقاو هابطين:ياااك...دايرني طريق...
أوس ناض كيتزحول:غنمشي أنا ..
نسرين شداتو حيت كان غيطيح:نعس نعس تالصباح وسير...
أوس خنزر فيها:ياله...خرجي خليني نعس...
نسرين خنزرت فيه:واخة...غي تكي وحيد حوايجك أنا غنعس لهيه...
أوس بلا تفكير حيد صباطو وطااح كااو على الناموسية...عمرو ماوصل لهاد الدرجة ولكن فقصتو كانت كبيرة...
نسرين بقات واقفة كتشوفيه غطرطق:اييه..هي صالحة للزواج ودايرة فيك هاد الحالة وأنا لحتيني!!(بدات تحيد حوايجها كلهم تا تعرات...ومشات عندو حيدتلو الشوميز وهبطتلو السروال وهو عاد رتاح فالنعسة..مغمض عينيه ماحاس بوالو...تخشات حداه..تخشات فصدرو وبقات تصورو كيتباوسو وناعسين ومعانقين...
نسرين حطت تيلي وشافت فيه:لا أنا لااا هي!!
....
أصبحنا وأصبح الملك لله...
بدا يحل فعينيه وحريق الراس شادو...كيتكسل ويتجبد غي دار تصدم..شافها ناعسة حداه عريانة غمض عينيه ورجع حلها...ماحملش اش دار ولكن لاح اللوم على نجلاء..حيت ماعقل على والو من غير داك الاتصال لي خلاه يفقد عقلو ويقلب فين يحاول ينسى وها هي النتيجة...ناض مكره لبس حوايجو وخرج...أول مرة يدير علاقة ومايعقلش عليها ولا يحس بيها ..كان فاقد التفكير والعقل وكلشي...مغيب...مشى نيشان لأقرب قهوة شرب كاسو بزربة وركب طوموبيلتو ورجع للدار....
...
فدار بن عياد...كانو مجموعين كيفطرو ونجلاء غي ساهية كتفكر...كااع البيبان مشدودين فوجهها..كلات لي قدت عليه وناضت من بلاصتها...مشات جلست فالجردة..تا جلست حداها ماماها..
نجلاء:عيطلي لبارح فالليل..
مليكة خرجت عينيها فيها:بصاااح..
نجلاء تنهدت:آه..ولكن هضرتو ناقصة بزااف...
مليكة:علااش مالو !!
نجلاء بفقصة:قالي نتي باغية تبقاي حدا حبيب القلب!!
مليكة بسمت:كيهضر على جاد؟؟اش عرفو هو بشنو كان من قبل..
نجلاء شافت فيها:أنا عاودتلو..
مليكة مسحت على وجهها:ناااري ابنتي...واش كاين شي مرا بعقلها كتعاود لراجلها على ماضيها؟؟تسطيتي ولا شنو طرالك؟؟
نجلاء تعصبت وتفكرت نهار صونالها جاد:وا داك الزمر صونا عليااا واحد المرة وأوس سمع هضرتو عرف بلي شي حاجة تمااا..
مليكة شدتها من كتفها:شوفي ابنتي..السيد مادام عيطلك فنص الليل وهضر معاك هكاك..الا وراك فبالو وكيفكر فيك وكيغير عليك...(نجلاء كتشوفيها وتصنت)لمهم نتي ختاري...كنتي قادة تعطيه فرصة عطيه..ماقديتيش...لا يكلف الله نفسا الا وسعها...
نجلاء تنهدت وبقات تفكر تالفة....
...
النهار ديالو داز روتيني...من اللحظة لي رجع للدار بدل عليه ومشى لخدمتو وهو ساخط على الوضعية..كان الدخان خارج منو غي لي بغى يهضر معاه...
سالا شغالو وهو يصوني لرشيد...ولا هو المتنفس ديالو..جلسو فكافي زوينة وبقاو يشربو قهيوة فهدوء..
رشيد رشف من كاسو:اوا كاين شي خبار؟؟
أوس كيشوف بعيد:وااالو ..تا نتا بغات تمشي تق**..
رشيد:لااا ء صاحبي ماتقولش هكااا...نتا ماعتاذرتيش منها وكتساين ترجعلك!!
أوس ببرود:ماغنعتاذر من حد...لبارح هضرت معاها فالليل....
رشيد خرج عينيه:اوا!!
أوس بسم باستهزاء:كبرتولها وهي تقطعلي فوجهي...
رشيد باستغراب:ل لااا...غتكون قولتيلها شي حاجة!!
أوس ضحك:ناري ء صاحبي ديما جاي من جيهتها...فيققق شوية وباراكة من الظرافة...هاديك راها فيها العياقة...ولكن مسيرها ترجع ليااا ونطيح لمها مناخرها للأرض...نوري مها الفشوش كيداير...
رشيد تنهد:لا حول ولا قوة الا بالله.(فنفس اللحظة صونا ليه التيلي عقد غوباشتو)شكون؟؟
أوس:عمي علي...
رشيد:اوا جاوب...
أوس فتح الخط:ألووو..
علي:أهلاا ولدي لاباس؟؟
أوس:حمدلله وكلشي تما مزيان؟؟
علي:حمدلله...لمهم عيطتلك اولدي(ترقب رشيد وأوس)بلش نقولك تجي غدا مور مرتك...
أوس خرج عينيه بصدمة ما استوعبش:غدااا نجي!!
رشيد بسم وترخى على الكرسي:واخيرااا..
علي:اه ء ولدي ..غدا فاش تسالي خدمتك أجي تعشى معانا ومن بعد تدي مرتك فيديك...
أوس بهدوء:اه...انشاءلله......تصبح على خير ..
رشيد بسم:غترجع؟؟
أوس عقد حجبانو:آه...
رشيد:مالك...واش مافرحتيش؟؟
أوس:علاش غادي نفرح...كانت غترجع غترجع...
رشيد عوج فمو ودور وجهو فقصووو بزااف...
....
قبل لحظات...
نجلاء عيات بالتفكير..
شعلت التيفي لقاتهم كيديعو برنامج على أطفال الشوارع وعلى فاش كتأويهم ديور الايتام ..تفكرت نهار داها أوس تما...وشافت داك الجانب الانساني فيه...ربطت الاحداث بحياتو وطفولتو...عيطت لماماها وجلسو بجوج...طلبتها تعاودلها على شنو قالهم أوس فالسبيطار...كان عندها فضول تعرف شنو عانى...وفاش عرفت بزز منها تعاطفت معاه ..هادشي لي كان خالعها من معرفة الحقيقة...سكتت وحاولت تتفهم اش كيدير..وبقى فيها بزااف خصوصا فاش كان كيواجه مووو...تنهدت وقررت أنها تعطيه فرصة جديدة..كماعلله تكون غالطة فحقوو...علمت ماماها بلي غترجع لدارها...وهي مليكة تهبط عند علي وطلباتو يعيط لأوس يقولو يرجع مراتو..وهو ماتراجعش...دغيا عيطلو وعلمو بلي كاين...
علي دخل لبيت النعاس كيتخشى فبلاصتو ويهضر مع مليكة:علااش نجلاء بدلت رأيها!!
مليكة تقادت فبلاصتها:اوا شافت بلي ترجع لدارها حسن ليها...
علي استغرب:تا لدبا!!
مليكة:سولتني اش قالينا فالسبيطار...وعاودتلها...صافي بقى فيها وفكرت تعطيه فرصة...
علي تكى بلاصتو:اوا الله يدير لي فيها لخير...
مليكة تغطات وطفات الضو:آمييين...
....
نجلاء كانت ناعسة فبلاصتها حاطة يديها على كرشها:هادشي كلو على ودك ء ولدي...مابغيتكش تعيش بعيد على باباك...ولا تجرب اش عاش باباك...(كدوز يديها فوق كرشها)غنكونو بيخير ء ولدي...انشاءلله غنكونو بيخير...
أما أوس كان فبيتو ناعس..كيشوف فالسقف وساكت كيضرب كورة خفيفة وكتولي ترجع عندو ..مابغاش يديه النعاس واخة عيى يحاول...تا صبح عليه الصباح وناض يدوش باش يصحصح...غي سالا قضى شي أغراض مهمين بحرا نيت يتلف الوقت...
....
كلشي مجموعين على لفطور تا هضر علي:ليوم غيجي عندنا أوس يدي نجلاء...
جاد وحلتلو:كح كحححح كحححح...
فاطمة ضربت على ظهرو:بسم الله عليك...شرب لمااا شرب(مغزفة)..
جاد:اجيو سكنو هناياا ونتجمعو كاملين هنا ..نيت حدا جدي...
فاطمة تنهدت:ماكرهناش ولكن...بااك ه...
جاد:بااا خليه عليااا انا نقنعو...
مليكة بسمت:اوا الى جيتو حدانا راه مزياانة فالصراحة....
فاطمة:اوا مع المكاتيب ..
علي وقف:اوا مين هكاا..ياله للخدمة ء سيي جاد ههه...
جاد بسم:واخة ء خالي ..
طه وقف:تا انا ديوني معاكم..
خرجو الرجال وبقاو العيالات فالدار ..
مليكة:نتي طلعي رتاحي وحنا غنوجدو كلشي ..جمعي الحوايج لي غتدي باش تكوني هانية فاش يجي راجلك..
نجلاء هزت راسها بالايجاب وطلعت لبيتها...جمعت لي بانليها تديه وابتسمت بهدوء ..موقف الاختيار صعيب بزااف مارتاحت تا عرفت راسها اش غدير ..ودبااا مابقى الا يجي أوس ويديها..كماعلله يتبدل شوية ويقدر تضحيتها اتجاهو ..
جات لعشية...جالسة فبيتها على أعصابها...تا سمعت صوت طوموبيل داخلة...طلت كيبان ليها هو...غي شافتو خارج قلبها بقى كيضرب..خرج من طوموبيلتو هز راسو كيبان ليه خيالها فالسرجم..مسح على شعرو ودخل....
أوس:سلااام...
علي استقبلو:سلام ...دخل...
أوس تنهد:شكراا...
طه وجاد كيشوفو فيه ماقادينش يعاملوه مزيان...أما أوس ماكبرولهمش..
أوس بهدوء:فين نجلاء؟.
علي:تعشاو وتمشيو ..مازال لحال...
أوس هز راسو بآه...حل لبوطون دالفيست وجلس وهو كيخنزر مرة مرة فجاد ..
وجدت مليكة وفاطمة الطبلة وعيطو ليهم ..تجمعو فوقها وهي نجلاء تهبط..جامعة شعرها لفوق على شكل كعكة ولابسة شوميز جينز وسروال بيض وصباط بلاا...غي شافها تشوكااا ولكن رجع حنى راسو وهي تجلس حداهم...
نجلاء:سلاام...
أوس:وعليكم السلام...
تعشاو فجو هادئ بلا هضرة بلا كلاام...وغي سالاو ناض جنع الوقفة وهي تنوض مخلوعة بحال أول مرة...سلمت على عائلتها كلهم قدام عينو أما جااد مزير مافجهدو مايدير...
أوس بهدوء:مشينا!!
نجلاء هزت راسها بالايجاب:واخة...ياله ..
ركبت الطوموبيل قدامو وشيرت لواليديها تا تحركت الطوموبيل...تكات راسها ماعارفاش اش كيساينها...كتستنجد بالروح لي فكرشها وتحاول تستمد قوتها منها باش تقدر تصبر....
أوس طول الطريق سايق وساكت...ماكيشوفش جيهتها...وتاهي حاطة راسها على لكوسان كتغمض عينيها مرة مرة باش مادوخش...
ماطالتش الطريق ودغيا وصلو للدار...حبس الطوموبيل وهبطو هو هز الحوايج وهي تابعاه وساكتة....
حل لباب وهي تدخل موراه...حط الفاليز فالطريق وتم داخل للبيت وهي غادية موراه تجر الفاليز تا دار على غفلة كيهضر بجدية...
أوس معلي حواجبو:راه لبيت لي غتبقاي تباتي فيه(شير للبيت الثاني لي ماكانش مفرش وهي تصدم من هضرتو)راه فرشتو وصوبتو...هاداك غيولي بيتك نتي...وهادا بيتي أنا.. (نجلاء كتسمعلو مصدومة والغصة فقلبها...بداية مشرقة بالتفائل)..بونوي...
تم داخل وهي تنطق:شكراا..أحسن حاجة درتيها...
أوس دار مبسم جنب:اممم...خدمة نقية..ضروري نطبق داكشي لي كنبغي...
نجلاء باستهزاء:ماشي ديما...
أوس ببرود وهو كيقرب جيهتها:لأ..ديمااا..(نجلاء الداخل ديالها كيغلي وكتبين بلي صابرة وماهامهاش)قلتلك غترجعي للدار وهانتي رجعتي...(نجلاء تبدلو ملامحها)..وجات من عندك ماشي من عندي...
نجلاء بقات مطولا فيه الشوفة وهو تم غادي حبساتو بجوج كلمات:مارجعتش على ودك...
أوس دار شافيها بابتسامة استفزاز ورجع كمل طريقو...
نجلاء بنبرة قوية وهادئة:أنا حاملة...(أوس وقف مصدم ومسمر فبلاصتو)لا على ودك ولا على ود تهديدك بعائلتي...رجعت على ود ولدي..(أوس دار عندها مشوكي ووجهو مخطوف)حيت يستاهل أني نرمي راسي فالجحيم غي باش مايترباش يتيم 😢 ...
جحيم في السرير الجزء التاسع
محتوى القصة
التنقل بين الأجزاء