قصة جحيم في السرير

من تأليف Chaimae Blm
2020قصة كاملة سفالة متوسطة

محتوى القصة

رواية جحيم في السرير

القصة مخلطة فيها كلشي وفيها كااع داكشي لي كتبغيو...أبطال كثار وقصص كثيرة مي كتصب فنفس النهر...ولكن كنصحكم تبعوها من لول...وبلا داك الاحكام المسبقة...

🎀هي بنظرات حزن وألم : صرت لك رغما عني...ذنبي الوحيد أني صدقتك....أكره اللحظات التي جمعتني بك...أكره تلك النظرات التي استقطبتني نحوك....من أنت؟؟ أنا متأكدة أنك لست بإنسااان....أنت شيطان على الارض...أنت جسد بلا روح ولا حتى قلب....قاسي...متعجرف...أناني...وجلاد....تستمتع بتعذيبي وتقييدي...تتلذذ بإرغامي على ما لاا أريده....
🎀هو باتسامة مجهولة المعالم : لا أحتاج لحبكِ لكي أعاشرك....(اقترب منها وهمس في أذنها)لن تستطيعي منعي عنك...
🎀هي بنبرة بكاء:أكرهك...أمقتك...لا أريدك...أتركني وشأني لن أكون لك امرأة مادمت على قيد الحياة...لن تسمع بعد الآن مزيدا من الآهااات...لن ترى البسمة على شفاهي ولن تشعر بدفئي...
🎀هو بنظرة ثاقبة متجه بها نحو السرير:أحذرك....إن بادلتني الكره سأكون لك نِعم الكاره....فاستسلمي واختصري علينا المسافة.....
🎀هي بصوت باكي:سأذيقك نفس عذابي...ستندم لأنك ظلمتنييي...لأنك سلبتني قوتي وكرامتي وجسدي.....استعد....حان الآن دورك......
🎀هو بصوت جاحد:وأنتِ استعدي للحرب💣💣...

يا محمد صاحب الشفاعة والنور الهادي.....يامحمد بيك كنشهد من بعد الله....يامحمد كونلي شفيع يوم الميعاد...تعين الرحمة يا النبي عظيم الجاه...
واقفين رجال كبار بقيمتهم وشانهم كيستقبلو الناس بفرحة ورحابة صدر...اما العيالات الزغارت وكياخدو الكادويات دالعرس....اه عرس كبير...مطنطن بجميع المقاييس...والعرسان لفوق كيساينو يحظر العدول باش يهبطو يديرو العقد...
دخلت كتزغرت وتصلي على النبي ولبنات لي فالبيت كيصليو عليه معاها فرحانين بلالة العروسة لي جالسة متبتة ومرزنة واخة فرحتها مابحالها فرحة... 
الام خديجة:بنتييي...ماشاء الله عليك...جيتي غزالة...كتحمقي...
مليكة بحشمة حدرت راسها وسكتت...
لبنات كيزغرتو ويشوفو فيها...بطبيعة الحال كاينة لي حاسداها ومبينة ليها الضحكة الصفرا...كاينة لي غايرة منها...واكيد معروف علااش..طه شاب غزال كااع لبنات تمناوه...هو الصغير دعائلتو..مفشش وقاري على برا...الزين والتباتة والتبوكيصة...عادي ان لبنات يتمناوه لنفسهم ..ولكن حيت مليكة نيت بنت عمو اكيد كانت هي أولى بيه...من الصغر وهما مقدرين لبعضياتهم...دونك كانو يساينو في ايمتا يرجع طه ويكمل قرايتو ويشد خدمتو باش يديرو العقد ويزوجوهم....
خديجة:ياله وجدي راسك مابقى والو ويجي العدول نضربو لكحل فالبيض... 
مليكة هزت راسها بابتسامة ورجعت حدراتو...
خرجت خديجة تلاقات علي(خو طه لكبير):ولدي..كون غي شفتي خوك واش واجد...راه مابقى والو ويوصل لعدول...
علي بسم:اه واخة...انا ندخل نقولو يسربي..هادشي كلو لباس هههه...
بسمت خديجة فوجهو وهبطت تلاقا الناس وترحب بيهم...
دق علي على خوه ودخل نيشان بابتسامة:واخة تكون كتميكج ماتغطلش بحال هكا هههه...
دور وجهو كيقلب مابانش ليه...دخل للحمام يطل عليه مالقاهش استغرب وعقد حجبانو......عيى يقلب فالبيت والو...وهو ينتابه للمرايا لقى ورقة معلقة فجنبها...طيرها من بلاصتها وقرا " عيييت نحاول...بركت على راسي ولكن ماقديتش...سمحولي..مانقدرش...قلبي ماشي ديالي خداتو بنت خرا والى تزوجت مليكة غير غادي نظلمها معاياا....(علي مصدوم كيقرا مخرج عينيه)...لمهم تهلاو فراسكم وسمحولي كاملين....خصوصا نتا ء لواليد....."
علي خرج عينيه دور وجهو مع جنابو كيستوعب...قلب لبلاكار لقى حوايج خوه ماكاينينش...تصدم..طل من السرجم كتبان ليه فيشطة والنشاط تزير وتنهد بالجهد...هبط لعند باه حيت ماعندو تا فكرة على شنو غيديرو....
علي وقف بعيد كيشوف فباه لي صوت قهقهاتو هو وخوه والناس مسموعين...تلف ماعرف مايدير حاس بالزيت نازل عليه...كفاش غيفكو هاد الجرة...شنو هاد الموصيبة لي طاحت عليهم ...تردد بزااف وهو يعيط لباه مشى عندو....
باه أحمد:شنو اولدي!!
جات خديجة كتجري تلفاتهم:ياله دخلو العدول جااا يووويوووويووو..
أحمد بسم وتم داخل وهو يشدو ولدو مزنك:باااا...طه ماكايينش!!..
أحمد بسم مستغرب:غيكون سبقنا للبيت دالعدول...
تم غادي وعلي حبسو بجوج كلمات:طه هرب....
أحمد تصدم وتسمر فبلاصتو:كفاااش؟؟؟

أحمد تراجع خطوات عند ولدو:علي...شوف اولدي هادشي راه مافيهش الضحك...فين خوك؟؟
علي تزير:والله حتى معاك بصااح..(جبد لورقة وعطاها لباه قراها..الصدمة والألم بانو عليه حس بالشمتة...كمش لورقة وشافيه قاصح)..
أحمد:سير دبا خلقولي..من السما ولا من الارض لمهم يحضر...انا ماعنديش الشمايت لي يخليو لبنات ماظين يديهم للحنااا..لقاه دبا وجيبو...
علي شاف باه متأثر:و وااخة ء بااا في برد الله يخليك...وتلفهم شوية علاما نرجع...
أحمد تنهد بقلب طايب:سير سير ربي معاك...
خرج علي كيجري الناس كيحييوه وهو تالف دغيا ركب طوموبيلتو ومشى بسرعة البرق...كيقلب بعينيه فالطريق ويوقف ويسول العساسااا لي قراب للدار واش شافو طه...مايبديه لتقلاب مابيديه يشوف شي تيليبوتيك يصوني على كااع صحاب خوه والمفاجئة انهم ماكيجاوبوش كيتأكد بلي راهم فالدار جايين يحضرو للعرس ماعندهم تاخبار عليه....
خو أحمد(غالي):أحمد...راه العدول كيساين فين ولادك؟؟
أحمد كيتفتف:ء اممم..غي خليها عالله...
غالي بتوتر:اش كاين؟؟
أحمد بدا يدخل ويخرج فالهضرة:ل لااا غي طه مسكين شي صاحبو دار كسيدة..(فالي حال عينيه بصدمة)صااحبو دالروح...وهو يمشي عندو للسبيطار يشوفو...
غالي:لا حول ولا قوة الا بالله...ولكز اخوياا راه دبا عرسو...راه عندو مرتو كتساينو...خلاها ومشى للسبيطار...خايبة تالمعاودة وماشي فال كاااع...
أحمد شد فيه:ء الله ياودي...راه عندك لحق..تا انا غوت ليه وها خوه علي مشى موراه يجيبو..لا تخافش اخويااا هاهو دبااا يحضر...
غالي:يكون حسن...
بقاو الرجال واقفين والعيالات كيتغامزو مافاهمين والو...خديجة كتهدنهم ومشات عند راجلها سولت وفهمت وبقات تحاول تعطي الاعذار واخة تا هي مامقتانعاش ..
فبيت العروسة كانو لبنات عياو بالجلاس ومليكة بدات تدخل معاها..كتشوف فالساعة والتوتر غالب عليه...
لبنت:ختي تعطلو...عيينا بغينا نبداو الشطيح...
لبنت 2 غمزتها:لغايب حجتو معاه...
مليكة كتشوفيهم متوترة كتحك يديها وتفكر ماعارفة اش طاري....
بعد مرور ساعة تقريبا وهما كيصبرو فالعدول باش مايمشيش..رجع علي خاوي الوفاض...كيشوف فالفراغ وماعندو تا مايقول...
أحمد حاير فتخمامو كيحك لحيتو والفقصة غالبة عليه..تا كيشوف ولدو من بعيد داخل..استأذن بلا عياقة وتلاقاه بزربة...
أحمد كلو أمل:أمدراا؟؟
غالي شافهم مشى عندهم...
علي مانتابهش لعمو:والو مالقيتوش..
غالي بصدمة تا وقف عليهم بحال الرعد:كفاش مالقيتيهش؟؟
أحمد تبلوكا وعلي تزير ماعندو مايزيد يطول:والو..بحالا الارض تشقت وبلعاتو...
غالي خرج عينيه وأحمد صقر وحدر راسو للارض:شنو هوااااا...العريس ماكاينش؟؟واش كتفلاو عليا ولا شنو؟؟ ..و والعروسة لي لفوب كتساين...والناس لي جايين يحظرو..والعرس لي بادي ..ل لااا لااا كفاش بعدا ماكاينش العريس...ياك فالصبح شتو فين مشى....(شاف فخوه بقهرة)هضر اخويااا فين ولدك؟؟فين تربيتك وفين الراجل لي عولت عليه يقد ببنتي...
أحمد قلبو تزير شد فيه ماعارف لا مايقول ولا يدير ..
علي شد باه:بااا ..ماديرش هكاا فراسك...باااا رجوع الله..
غالي خاف على خوه ولكن خوفو على شوهة بنتو أقوى...
أحمد بألم:شوهني ولديي...طيحلي قيمتي حدا خوويااا...
علي خرج عينيه كيشوف بااه كينهار قدامو:لااا بااا لااا برد...انا نتزوجهااا غي ما ديرش هكاا فراسك...
غالي بصدمة:تزوجها نتاااا؟؟؟

دخلت عليها مها مصدومة...ماعارفة لا شنو تقول ولا كفاش تشرح..
مليكة شافت مها هكاك حست بلي شي حاجة ماشي تالتم...
خديجة شافت فلبنات لي جالسين:سمحوليا ء لبنات...هبطو لتحت شوية...
خرجو لبنات شي كيشوف فشي وخديجة كتفرك يديها ماعارفة باش تبدا...
مليكة وقفت مخلوعة:مييي..شكاين؟؟ماعجبتينيش!!
خديجة قربت حداها وعنقتها:ب بنتي...ش شوفي..لا ديريش فبالك...ص صافي ابنتي....
مليكة بقلة صبر وخوف:امييييييي......
بعد 5 دقايق جالسة على الناموسية مصدومة ودموعها هابطين فصمت....ومها واقفة ليها عند راسها كتبكي وتشهق ودعي فلي كان حيلة وسباب....مسحت وجهها بزربة وحنات على بنتها...
خديجة:نوضي ابنتي راهم يساينو فيك...
مليكة بقهرة:مابغيتوش امييي ..مابغيتش نتزوح كااع في فرقوني عليكم اهئ اهئ...
خديجة تنهدت:نوضي ابنتي نعلي الشيطان...شتي والله ماكرهت نخليك قدامي ولا نعطيك ليهم...ولكن انا وباك لقينا غي تزوجي حسن...الى مادرتيش لعرس غيطلقو عليك الهضرة عمر شي حد يدق فبابك...راك عارفة بلا مانحتاج نقولك الوقت كيدايرة...
مليكة جات تهضر تحل لباب لقات باها فوجهها..حدرت راسها كتبكي وهو يدخل وشد لباب...مشى حداها جلس عندها وعنقها...
غالي:بنتي الغزالة...ماتبكيش على لي مايستاهلكش...هاداك ربي هناك منو........شووف ابنتي...قلبي على لي يشريك...ماشي لي يبيعك...وانا كون ماخفت عليك مانعطيك لتاواحد فيهم ..ولكن دبا يدوز لوقت وغتفهمي..ديري وليداتك وتفكري كلامي...(مدلها يديه ونوضها)نوضي معايا ابنتي...الله يسهل عليك...
خديجة مسحت ليها عينيها شايفة لقهرة والحكرة فعيون بنتها لي الليلة زعما ليلة عمرها...جرات الزيف وغطات ليها وجهها...
خديجة بصوت مبحوح:الله يكمل عليك بالخير ابنتي....
هبطو لتحت فجو مغيم عليه الألم والدمار...دخلو عند العدول وهو علي وباه جالسين...ومعاهم خت علي "فاطمة" لي كانت منشطة الحفلة ياله ساقت لخبار.. جالسة حاطة يديها على ولدها لي فكرشها وراجلها قدامها ساكتين ومقطوع ليهم الزييي..
جلست مليكة حانية الراس وبدا العدول يدير خدمتوو....كلشي مرفوع...تاواحد ماباين عليه الفرحة والنشاط دالعرس...تنهد أحمد بصوت عالي وحط يديه على كتف ولدو لي دار شافيه وباسلو يدو...
ناض علي سنا على الوراق وقربو لوراق لمليكة لي كتسني بزز منها..يديها كيرجفو...وقلبها غيوقف بالفقصة...ولكن مافيديها مادير...سنات وخداو من عندها لوراق...فاطمة زغرتت بصوت مبحوح وناضو حدا لعروسة كيبوسوها وجهها فازك بالبكى وحادرة الراس ماقادة طلعو...
علي وقف سلم على باه:الله يرضي عليك اولدي ..والله يكمل عليكم بالخير...
علي:آميين ياربي...
مشى قرب حدا مليكة وهما خواو ليه الطريق علا ليها الغطا وباسليها راسها...دار ماشافش فيها وهي كتشوف فالارض ..
خديجة بقلب مفطور:صافي..دوزو تخرجو الناس من الصباح يساينو ..
مد يديه لمرتو وهي بزز باش طلعت يديها عندو...خرجو حدا الناس وهنا الناس تفاجئو ولكن كيساينو يبان طه...والو ماكاينش ليه الاثر.. شوية وطلع علي تبرز حداها وهي ماقادة تشوف فحد...
لبنات بصدمة:ه هاااء..ف فين طه...ياك كانت غتزوجو هو ولا شنو؟؟
نطقت وحدة سمعتهم كانت قريبة لبيت العدول وفهمت لفيلم:طه هرب وخوه سترها...
حلو لبنات عينيهم بصدمة وشمتة فيها:اويليييي ..بصاااح؟؟

بقاو الفام شي يكب فشي...ومليكة مسكينة حادرة الراس..مفقوصة ومهمومة وماقادرة تهز عينيها فحد...كأنها هي لي دايرة لغلط..حيت هاد المجتمع الذكوري كيعرف يحاسب غي لمرا واخة تكون مظلومة...ضروري يلقاو السبة باش يرجعو الغلط فيها...أما علي مهدن وساكت...مرة مرة يشوفيها ويتألم عليها...
العرس بادي والعائلة كل واحد فين حاير بتخمامو...شي كيفكر فين مشى طه...شي كيفكر علاش مشى طه...وشي قلبو محروق على شنو وقع...شي حال مليكة شفاهم..لمهم مابقى عرس...
أحمد ناض زرب على الجوق باش يجمعو ويطويو وداكشي لي وقع...بداو بلانديريكت كيفرقو المجمع ماعندهم كانة للناس..وبطبيعة الحال النلس فهمو راسهم وبداو يتسلو شي مور شي...مع هضرة كتحفر فالقلب بحال "فين طه!!ماشفناهش؟؟....تواتاو العرسان واخة ماكانش يسحابلنا علي هو العريس......مبروك لمليكة ..يمشي راجل يجي راجل..."وواحد خديجة غتبخ الدم ولكن مابغاتش تزيد تكمل ودير شوهة لبنتها...كتصبر وترد لقلبها المكوي.....
علي مد يديه لعروستو وهبطها من المنصة جارها معاه وغادي بيها..
مليكة مرفوعة..كتسنى تفيق من الكابوس لي هي فيه...فين طه...فين حب حياتها..علااش تخلى عليها؟؟علاش خلاها تالآخر لحظة؟؟علاش خلاها وهو عارف قداش كتبغيه من الصغر؟؟..علات راسها لقات باها واقف وعمها مألم وساكت...
غالي بصوت خشن:مبروك ليك ابنتي...الله يجعل هادشي لي وقع من خير...
هبطت دمعة من عينين بنتو وعلي شدها مزير عليها:مليكة دبا مرتي...وغنديرها فوق راسي..
غالي شاف فيه بجدية:هادشي ضروري...حيت بنتي مادازش عليها قليل...ومن دبا لفوق طه مايبانش قدامي...ولا يقرب لينا...ولا بيميني تا نقتلو...(شاف فأحمد لي وجهو تزنك)تفاهمنا اخويااا؟؟
أحمد هز راسو بالايجاب:كلامك هو الكبير ا خويا...سمحلينا...وأصلا مابقاش عندي ولد سميتو طه......
خوا الساحة وطلع لبيتو صاقر ماعندو جهد يهضر ولا يتكلم..ولدو طيحلو بقيمتو ومابقالو مايقول....أصلا الغضب مسيطر عليه...وماعمرو غيسمح لولدو على شنو دار...
علي جر مرتو دايها من حداهم:تصبحو على خير...
مليكة كدور وجهها برجاء جيهة مها...باغية تفك...باغية تغوت وتبعد...باغية تموووت وتهنى كااع...اما خديجة كتبكي فصمت حاسة بالقهرة دبنتها وماليها حيلة...طلعو لبيتهم لي كان نيت مزوق لعرس طه...دخل وجرها فيديه وشد لباب....
مليكة بقات واقفة ساهية وعلي دخل كيشوف فالارجاء متوتر كيحك شعرو ولحيتو....
علي:دخلي تبدلي حوايجك...
مليكة هزت حوايجها ودخلت للحمام بلا هضرة بلا كلام..بحال شي جثة هامدة كتحرك بلا روح....شدت عليها لباب وهو علي يتنفس بالجهد...كيسوط غضبان...متوتر...تالف....ولكن للحظة ابتسم وتنهد بالجهد.....
#فلاش_باك...
علي كيقلب من نيتو على خوه...تذكر المحطة وهو يمشي بزربة ليها...
دخل كيدور فراسو ويسول ويقلب تا كيبان ليه طه جالس فواحد الكار وحاط راسو...طلع معصب عندو جرو من يديه وهبطو بلا هضرة...
علي بعصبية:تباركلله على مولاي السلطان هارب من عرسو...
طه كيبردو:علاش جيتي عندي؟؟
علي بغوات:واش عاد كتسول ابنادم...تحرك معايا مرتك كتساينك...
طه بسم:مازال ماشي مرتي..سير ا صاحبي راك عارف شنو خصك دير...
تم طه طالع للكار وهو يشدو علي مخرج عينيه:شكاتخور نتا؟؟
طه تنهد:انا عارفك كتبغي مليكة.. (علي تصدم وطلق منو)...من ديما كنت حاس بيك وفاهمك...عييت نحاول نعكس هاد الزواج ولكن هادشي لي عطى الله....
علي:درتي هادشي على ودي؟؟
طه شافيه:لكذوب عالله حرام...انا كنبغي بنت خرااا ومستحيل نبغي من غيرها...(ربت على كتف خوه وطلع للكار)سير تزوج حبيبتك..وانا نساوني حيت عارف بااا عمرو يسمحلي....
طلع طه للكار وهو الشيفور يديماري اما علي بقى واقف مبلوكي كيشوفو غادي وساكت....

الصوت من لتحت:نجلاااااء نجلااااء.....
نجلاء قفزت من بلاصتها مسحت دموع عينيها متوترة وشدات المذكرة لي كانت فيديه خشاتها تحت السرير ديالها وشافت بزربة فالمراية كتحاول تمحي أثر لبكى...
نجلاء قربت حدا لباب:وييي مااامااااا...هانا جاية...
مليكة:اوا هبطي عمتك جاات....
نجلاء بسمت وهبطت دغيا واخة دماغها مازال مع شنو قرات.....

#قبل_ساعة...
نجلاء:مامااا...فين درتي كتاب"الأمير"...
مليكة بهدوء:اش فكرك فيه؟؟
نجلاء:ماكاين مايدار بغيت نكملو...
مليكة فالكوزينة كتطيب مع عيشة الخدامة:سيري لبيت التحتاني فيه كااع الكتوبة...غتلقايه فوق داك البلاكار دالخشب...
نجلاء:اوك ماما..
هبطت نجلاء مع الدروج...حلت لباب ودخلت كتقلب بيديه على لكتاب...ماخداتش وقت طويل..دغيا لقاتو وجات خارجة وهي تشوف كتاب"قوة عقلك الباطن" خرجت عينيها باستغراب..
نجلاء بصوت هادئ:هاااء هاد الكتاب عندنا وانا مافخباريش...ايييه...هي واليديا مثقفين بزااف وانا ماخباريش...
حنات راسها كتقلب لقات بزااف دالكتوبة..تا بدات تعطس من شدة الغبرة لي عليهم...بقات تهز وعينيها تالفين معاهم...
نجلاء:الله هههه..لقيت فاش نقتل لوقت هنا...
جبدت تقريبا شي ربعة ديال الكتوبة ولكن لفت انتابهها كارصون صغير على شكل كادر ديال التصاور...استغرباتو ومشات..مسحاتو وحلاتو وهي تفاجئ...كان مذكرة فيها تاريخ 1995...عقدت حجبانها وفتحتها كتشوف لقات المذكرة عامرة بالتواريخ وكل صفحة فيها أحداث فشكل....ماقدتش تصبر شدتها وطلعتها معاها لبيت ...جبدت كلينيكس مسخت الكتوبة مزيان وغسلت يديها كتشوف فالمذكرة قبالتها...عقل كيقوليها "حشومة تقراي خصوصيات شي حد فهاد الدار..."وعقل كيقوليها "قراي وفهمي...نيت كلشي غامض وتاواحد ماكيهضر على شنو فالماضي"...توكلت عالله وحلتها وبدات تقرا وهي تخرج عينيها بصدمة...
نجلاء بصوت مسموع:مذكراات ماااامااا 😳...
تقادات فالجلسة وبقات تقرا وتمعن ولكن كانت أول خطفة تخطفت لحظة ماعرفت أن عندها عم...وممنوع يجي للدار على ود شنو دار...قلبها تحرق وسط ماماها وكانت باغية تكنل ولكن نداء ماماها ليها فيقها قبل لوقت من داك الاحداث دالماضي....
#الرجوع_إلى_الواقع..
هبطت نجلاء كتجري وهي تلاقا عمتها بابتسامة وفرح:عمّتوووو...
عمتها:حبيبة قلبي...لالة نجلاء الفنة ..توحشتك...موواااح موواااح...
نجلاء جرتها:ياله ندخلو للصالون...
شافت فماماها لي قدامها وهي تزير..تفكرت اش طرا لماماها فالماضي..ماقدتش تحبس راسها...شافت فيها بهدوء وغصة فقلبها وقربت وباستها تا خلاتها متفاجئة....
مليكة استغربت ولكن بسمت ببرائة ودخلو للصالون:اواا...فين ولادك؟؟صهيب وجاد؟؟
نجلاء كتشوفيها بتركيز..وهي تجاوب:صهيب غي سالا الامتحانات سافر مع صحابو...وجاااد...
جاد دخل بابتسامة:هاهو جااد شكون بغاه؟؟؟

نجلاء علات راسها فيه وهي تبتسم بلا ماتحس...كان زوين وزعر وتبدل بزااف على آخر فترة شافتو فيها..عينيها بقاو معاه..دخل سلم على مليكة ودار عند نجلاء...
جاد شافيها بابتسامة:نجلاااء!!لاباس عليك؟؟
نجلاء وقفت تسلم عليه:حمدلله ونتا صافا؟؟
جاد جرها سلم عليها بالوجه وهي تزنكت:حمدلله..كبرتي تباركلله...
فاطمة بابتسامة:اوا هادي عاماين ماتشاوفتو..ضروري تكبر هههه...
نجلاء بسمت بحشمة..ومليكة غوبشت وحدرت راسها..
جاد جلس:اوا فين خالي؟؟
مليكة:راه فالارض مع عمي...كيشوفو المحصول ديال العام...
جاد ناض:دونك نمشي نشوفهم توحشتهم...
فاطمة:واخة اولدي..سير...
نجلاء بقات متبعاه بعينيها...من شحال هادي ماتلاقاو..كبر وتقاد وزيان وطبيعي اي بنت يعجبها فاش تشوفو ..
اما فاطمة لاحظت شوفات نجلاء فيه:سيري ابنتي معاه..بعدا توانسو...
جاد بسم:اه ياله معايا...
نجلاء وقفت متحمسة:واخة...نمشيو...
مليكة بصوت هادئ:ماتعطليش ء نجلاء..
كحز جاد وخلاها تزيد قدامو...مشاو باتجاه أراضي جدهم...غاديين على رجليهم ونجلاء غادية قدامو حشمانة وساكتة...
جاد بهدوء:اوا...فاش كتقراي دبا؟؟
نجلاء:ساليت لافاك ديالي...
جاد:اشمن برونش؟؟
نجلاء:ايكونومي..
جاد بسم:برافو عليك...انا بديت لافاك ماقديتش نكملها...
نجلاء:وعلاش؟؟
جاد بسم وحك راسو:كسول شوية هههه...واصلا لواليد كان محتاجني فالمحال ديالو ..راك عارفة خصني نشد الحرفة...
نجلاء بسمت:اه..مزياان..الله يعاونك..
جاد:ماغاديش تكملي؟؟
نجلاء كتشوف بعيد:كنت باغية نمشي على براا نكمل ولكن....(جاد كيشوفيها)بابا مابغانيش نسافر بوحدي...
جاد:اوا فيها خير...ماعندك ماديري...
نجلاء تنهدت:كل حاجة من خير ..(حطت يديه على جبهتها كتغطي الشمس)راهو باسيدي...وبابا لهيه...
جاد بسم:ياله نهجمو عليهم هههه..
نجلاء شافتو كيضحك تشلطت فيه بقات كتشوف فضحكتو...وبسمت عينيها كيبريو.....
مشاو بخطوات هادئة تا وقفو عند راس جدهم...
جاد غوت بزربة:جديييي....
احمد تخلع ودار شافو وهو يضحك:هادا نتا اولد الحمقة...حبيب قلبي...
جاد عنقو ونجلاء كتشوفيهم ضاحكة:توحشتك اجدي...
جدو خربقلو شعرو:لا باينة فيك...كبرتي اولدي(كيطلعو ويهبطو)خصنا نزوجوووك هههه..
نجلاء دورت وجهها كتشوف فباباها وجاد طلق ضحكة بالجهد:اوا هي دبااا ههههه...
أحمد ضحك من قلبو:الماسخ لاخور...
علي دار شاف وهو يعقد حجبانو قرب عندهم وهي نجلاء تبوسلو يديه:باباااا...جاد ولد عمتي جا يشوفكم...
علي بسم باستغراب:جاااد...(وزنو مزيان بالشوفات)والله ماعرفتك...اجي عندك خالك اجي..
جاد طلق من جدو ومشى عنق عمو:لاباس عليك؟؟؟كبرتي ا عمي ههههه...
نجلاء كضحك وعلي بسم:الله يكبرنا على طاعة الله...علا نتوما تكبرو وحنا بقاو صغار ههههه...
نجلاء عنقات باها:لا نتا مازال صغير ابابا وعمرك تشرف(بسمت من قلبها وهي كتفكر الموقف الرجولي لي دارو باباها مع ماماها)الله يخليك ليااا...
علي جرها عندو باسلها راسها:ويخليك ليا ابنتي الزوينة....
جاد بابتسامة:كاين شي اتاي فهاد الارض السعيدة ولا والو هههه...

جاو الخداما وجابو اتاي والقهوة والحرشة والمسمن...لمهم فرحو بيه تما...وجاد غي كيخشي فوجهو عاجبو لحال...
نجلاء كتشوفو كفاش كياكل بقات تضحك:كون قلتي فيك الجوع نوجدو فالدار...
جاد:لا هنا لماكلة فشكل...الهوا والنقى..(كيمضغ بلا مايبين لماكلة ففمو)يااسلااام...
جدو بسم وعلي كياكل معاهم:بصحتكم...
نجلاء حدها كلات شي حاجة خفيفة وناضت كتشوف فالجو الرائع لي داير بيها...وماهي الا دقائق تا صونا ليها تيلي..هزاتو لقات خوها لي صغير عليها بعاماين(سراج)..
فتحت الخط بلا تفكير:ألو...خوويا لاباس؟؟
سراج:لا باس اختي ونتي؟؟
نجلاء:توحشتك...فوقاش تجي؟؟
سراج بابتسامة:دبا نجي اختي...غي نسالي وهانا معاكم...
نجلاء:اوا الله يوفق..
سراج:آميين..
نجلاء:ها بابا حدايا تهضر معاه؟؟
سراج:اه اريه...
خدا علي تيلي من عند بنتو وبعد شوية كيهضر مع ولدو بهدوء...
جاد:علا فين سراج؟؟زعما فاش كيقرا؟؟
نجلاء:عامو لول فالهندسة...
جاد وسع فمو زعمت مزيان:اوا الله يعاونو...
نجلاء بابتسامة:آميييين...شنو؟ساليتي نرجعو للدار؟؟
أحمد:تا حنا مابقى لينا والو...تصبرو شوية نمشيو مجموعين...
جاد مسح يديه:لااا نتمشاو حسن..راك عارف كليت خصني نحرق شوية...
نجلاء بسمت عجبها الحال غترجع غي هي ويااه ...
أحمد:صافي واخة...نتلاقاو فالدار..وقولو لمليكة وفاطمة يتهلاو فينا فالعشا هههه...
نجلاء بسمت:واخة ..بسلامة...(خدات تيلي من عند باباها ومشاو هي وجاد على رجليهم)..
طول الطريق وجاد كيجبد مواضيع معاها...كيتهاودو وهي حشمانة كتجاوب بكلمات معدودة..وهو عجبو فيها أنها متبتة وماكطيرش بحال كااع لبناات...وصلو للدار تلاقاو مع ماماها وعمتها...
مليكة غي شافتها غمزتها وهي تبعها للكوزينة:فين تعطلتو؟؟
نجلاء بتوتر:و والو ا ماما غي مشينا وكلينا تما ورجعنا على رجلينا.. 
مليكة علات حاجبها:نجلاء...شوفي ابنتي..انا ماباغياكش طلقي الطبيعة معاه بزربة...خلي بيناتكم حدوود...
نجلاء استغربت:راك عارفاني ا ماما...زايدون ماكاين لاش من هاد الهضرة...هاحنا جينا وماطرا والو...
خرجت نجلاء من الكوزينة معصبة..ماعجبهاش كفاش ماماها شككت فيها...اما مليكة تكات يديها على البوطاجي وبدات تخيل لماضي...
#فلاش_باك...
مليكة كانت كتمشى قريبة للدار وهي تلاقا طه:سلاام..
طه بابتسامة:اهلاا...لاباس عليك؟؟
مليكة:حمدلله...
طه:فين غادية؟؟
مليكة بغيت نتمشى شوية!!
طه علا حاجبو فيها:بوحدك(مليكة ؟؟؟) ياله نمشي معاك ماتمشيش بوحدك يمشي يتلقا ليك شي حد...
مليكة فرحت من قلبها وحست بخوفو وغيرتو عليها ومن داك النهار وهو مالك قلبها وعقلها....
#الرجوع_الى_الواقع...
مليكة هزت خيزو كتقطعو فوق القطاعة بعصبية:هاكااا كيبداو ابنتي هكااا...مابغيتش تعيشي داكشي لي عشتوووو 😥 مااابغييييتش....

خرجت نجلاء مقلقة وهي تلاقا بفاطمة فالكولوار جرتها:اجي...مالك!!
نجلاء كتشوف بعيد وتأفف:وا والو والو ا عمتي...
فاطمة عنقتها:اجي احبيبة ديالي نجلسو فالجردة نتهادو شوسة توحشتك..
نجلاء بسمت لا اراديا:اوك...
خرجو على برا هزو جوج كراسا وتقابلو:مال الزين دالعائلة؟؟
نجلاء بسمت ببرائة:واش لي يجلس معاك عاد يزيد يتقلق...توحشتك اعمتي...كتغبري علينا بزاااف ..
فاطمة تنهدت:هانتي كتشوفي ابنتي...مبعدين عليكم...مي كون لقيت كون راني حداكم...تا انا كنقنط فاش كنكون فداري...
نجلاء تكات على الكرسي:اوا وشحال عوالة تجلسي هنا؟؟
فاطمة:ماعرفت...لمهم دبا فيدي لوقت بزاااف...صهيب مسافر وجاد هاهو شوية ويسافر(تبدلو ملامح نجلاء)مي انا نبقى معاكم كثر...
نجلاء بهدوء:تشرفيناااا...
فاطمة حطت يديها على فخد نجلاء:اوا عاوديلي..اش كيدور فداك الراس؟؟
نجلاء:والووو..غي دبا...ماما كيجيبلها الله انا مازالة صغيرة وكتعاملني بواحد الطريقة كتعصبني شي مرات ..
فاطمة تكات وبسمت:اوا دبا ديري لولاد وتجربي هههه(نجلاء علات حاجبها)...قريبببا انشاءلله ههههه..
نجلاء حست بلي عمتها كدوز ليها شي مساج مي حشمت تسول:واييه عارفة غي شي مرة كنتقلق عادي...مي كتبقى الام هي القلب الكبير والعشق الابدي...
فاطمة غمزتها:اهاااااا...هي ماكاين تا عشق فهاد القليب(شيرتها لقلبها وبسمت)..ءء ءءاءءاءءءا ههههه...
نجلاء تزنكت:ل لاا لااا والو اعمتي والله...اصلا فين كنتلاقا شي حد باش نعمر قلبي...
فاطمة رتاحت وقلبها انشرح:اممم...طمنتيني الله يطمنك ههه...
نجلاء عقدت حجبانها دايرة راسها مافهمتش:اممم...كفاش زعما؟؟
فاطمة غمزتها:دبا تفهمي من بعد...
جاد تا بعث عليهم:كتهضرو عليااا ياك هههه...
نجلاء حشمت وفاطمة ضحكت من قلبها:اههه بحال داكشي اولدي لحبيب...
جاد جر كرسي وجلس حداهم:واايليي...هي نقز تا انا هههه...
نجلاء بدات تحك عنقها بتوتر وفاطمة حاضية شوفاتهم فبعضياتهم:اوا...جيتي وجابك الله...انا نوض نقاد العشا مع مرات خالك ونتا خليك مع هاد القطيطة دالعائلة(جرت خد نجلاء وباستها)..
نجلاء كتشوفيها مزنكة:خ خليك معانا...
جاد بابتسامة ساحرة:والله ماكنعض هههه..
نجلاء بسمت ومو مشات فرحانة باغية تلاقي راسين فالحلال خخخخ...
جاد بهدوء:اوا شنو كديرو هنا...مابغيتش نقنط فليلة وحدة غندوزها هنا...
نجلاء بلا ماتحس:غتمشي غدا؟؟
جاد بسم جنب:الى تلقايلي شي بروكرام زوين نبقى...ماعنديش مشكل😉😉...
نجلاءمين تمزها تزنكت وبقات دور فعينيها 😯...

جاد عض على شنافتو مبتسم...كيعجبو لحال فاش كيحشمها..
جاد:اوا شنو...ماكاينش بروكراام زوين هنا؟؟(نجلاء كتشوفيه ببرائة)أنا دغيا كنقنط.. من الناس لي عزيز عليهم التغيير...
نجلاء بسمت:انا عكسك تماما...ماعنديش مع سير واجي وطير ونزل...نقدر نبقى فبلاصة وحدة مدة طويلة...
جاد استغرب:بصاااح...ولكن ماكتحسيش بالملل؟؟
نجلاء بهدوء:ولفت هكاا..هادشي ماكيمنعش بلي انا ماعزيزش عليا الخروج والمسارية والتغيير من وقت لوقت...
جاد:اممم فهمتك...اوا مزياان...(هضر بصوت خافت)ماتعذبينيش بعدا...
نجلاء سمعت ماسمعت:ءءء؟؟ماسمعتش...
جاد حك راسو:ل لا واالو...
نجلاء حدرت راسها مع ابتسامة خجل ورجعت شافت فيه:الى بقيتي نديرو السبور غدا الصبح ونوصلو تا للسد لي بعيد ب 11كيلومتر...تما الجو واعر والطبيعة كتحمق...نصيدو الحوت ونشويوه ونرجعو فالعشية...
جاد علا راسو فيها باعجاب:كتعرفي تصيدي لحوت؟؟
نجلاء بثقة:معلوووم هههه...اودي كترمي الصنارة نتا وزهرك...تا هادشي زعما صعيب هههههه...
جاد بسم وعجباتو ضحكتها:ههه لا ما صعيب والو...صافي انا معاك...ديري لوقت لي بغيتي ونمشيو...(شافيها مطولا)والى بقى البروكرام هكا موحااال نسافر هههه...
نجلاء دورت وجهها منو حاسة باحساس أول مرة تحس بيه...وعاجبها بزاااف...بحال داكشي لي قرات فالروايات...بحال كااع بداية العشق بين أبطال الافلام...ولكن هي خايفة...هادشي جديد عليها ومن الصعيب انها تسايرو بسهولة...

رجع أحمد وعلي للدار...كيقلبو بعينيهم على كلشي...
اما نجلاء غي سمعت لباب تحلت ناضت بزربة:باسيدي وبابا جاو...ياله نمشيو عندهم...
جاد ناض وكحز الكراسا:اوك ياله...
فاطمة خرجت بزربة تسلم على باها وخوها حيت توحشاتهم:باااا...توحشتك بزاااف(عنقاتو وباستلو راسو ويديه)لاباس عليك؟؟
أحمد عنقها مدخلها فرحان:لاباس ابنتي ونتي لاباس؟؟راجلك وصهيب لاباس؟؟
فاطمة:حمدلله ربي يخليك...(طلقت من باها وسلمت على خوها بالوجه)خوياا حبيبي...كيبقيتي؟؟
علي بابتسامة:لاباس اختي ربي يخليك...مرحبا بيك تا حنا توحشناك...
فاطمة بفرحة:يتوحشكم لخير...اوا هانا جيت ندوز معاكم شوية دالوقت..
أحمد:هادي دارك ابنتي مرحباااا...
جاد ونجلاء دخلو من الجردة:على سلامتكم...
علي شافهم بجوج جر بنتو وسولها:فين كنتو؟؟
نجلاء:كنا فالجردة ابابا...
علي هز راسو وكيحاول يدوزها...مي عارف راسو مربي بنتو احسن تربية...
جاد:اوا كاين شي عشااا...جوعتونا ههه..
أحمد ضحك:اوا هانتا تشوف...سربيونا اهيااا هههه..
مليكة خرجت كتجري وتضحك:غسلو يديكم ها كلشي واجد...
جاد قرب حدا نجلاء:اوا ونتي واقيلا هازة شهادة الضعف..لا طياب لا حداكة؟؟
نجلاء عقدت حجبانها فيه:اييههه..عندك لحق...عاطياك الصواب ومامخلياكش بوحدك باش ماتقنطش وفالتالي رجعتيني معكازة...مادير خير مايطرا باس...
كلشي:ههههههههه...
جاد بضحكة:هههه هاااكاااك عطيني...عطيني ابنت خالي نستاهل هههههه ...

دخلو العيالات وتبعتهم نجلاء كيوجدو الطبلة بجو مرح...والرجال غسلو يديهم وزادو للطبلة.....حطو العشا وجلسو مجموعين كيقطعو الخبز وياكلو ومع جو البادية كيجوع تباركلله كلشي كياكل مزياان..مليكة كل مرة تنوض وتزيدهم المرقة وشنو باقي فالطنجرة الحمدلله لي طيبت بزايد.....اما واحد جاد غي كيخشي فوجهو مابغى يشبع هههه..
واخيرا سالاو...ناضو حيدو الماكلة وجابو الديسير...حطوه وبقاو ياكلوه ويتهاودو...
أحمد كيقشر التفاح:اوا ء فاطمة..علاش ماجاش راجلك معاك؟؟
فاطمة:اوا راك عارف ء باا مايقدرش يخلي المحال بوحدو...
أحمد:اه كاينة...اوا الله يعاونو...كون غي خرج وقيت وجا نشوفوه...
فاطمة:انشاءلله تا يسافر جاد ويرجع تما يشد لخدمة وهز يجي يرتاح شي يوماين هنا...
أحمد شاف فجاد:فين غتسافر؟؟
جاد شاف فجدو وهو كياكل البنان:نطلع للشمال ا جدي مع صحابي نبدل لجو...
أحمد:اه اوا جلس بعدا معانا شوية نشبعو منك وعاد سير...
جاد بسم بهدوء:لا راه باقي غدا معاكم...(شاف فنجلاء)نمشي نشوف السد انا ونجلاء ونصيدو الحوت...
علي شاف فبنتو وأحمد نطق قبل منو:مزيياااان مزيااان...هي غدا نعولو عليكم تجيبولنا لحوت هههه..
جاد ضحك:مين غادية معايا هي موووحااالش ههههه...
نجلاء بسمت:ياااك...اوا واخة هههه..
أحمد:سيرو اولدي وفوجو شوية هادا وقتكم...
فاطمة عجبها لحال داك الجوج كيتقربو من بعضياتهم:اوا غدا نوجدو ليكم وديو معاكم باش تغداو تمااا...
مليكة عقدت حجبانها:ماترجعوش للدار؟؟
جاد:ماكنظنش يكفينا لوقت...نمشيو سابكين ونرجعو فشي طرونسبور ياك موجود؟؟
نجلاء:اه كاين الخطافة تما بزاااف...
علي بحزم:غي ماتعطلوش...اجيو بكري لا توحلو تمااا..
نجلاء:كون هاني ا بابا...
كملو لعشا ديالهم وطلع كل واحد لبيتو...مليكة طالع ليها الدم..ارت السبة بالماعن ومشات تبرد غدايدها فيهم...ماحاملاش هادشي لي كيوقع وحاسة بلي التاريخ يعيد نفسه...خايفة بزااف على بنتها وفنفس الوقت معصبة منها حيت مادايراش بينها وبين ولد عمتها حدود...
فاطمة دازت عندها:مليكة!!مازالة هنا...سيري ترتاحي خلي الماعن تالصبح...
مليكة كتشوف فالروبينو وتهضر:لا نحيدهم عليا حسن...
فاطمة استغربت وقربت حداها:ختي...مالك؟؟
مليكة حطت لماعن وشافت فيها:فاطمة...فالصراحة انا ماعاجبنيش هادشي...(فاطمة؟؟؟)هاد التقرب دولدك من بنتي...

فاطمة قاطعاتها:بنتك غتكون عروستي غي رتاحي...وانا ولدي ماشي براني عليها..ولد عمتها وباغي يعمر دارو ومافيها باس الى فكر فالقريب قبل من اي واحد...
مليكة تنهدت:ختي فاطمة..ماتديهاش مني قلة الصواب...نتي عارفة شنو وقع فالماضي(فاطمة تزيرت)وانا مابغيتش يوقع شي صداع ولا شي حاجة تمشي ضحيتو بنتي...
فاطمة:نجلاء بنتي تا انا لي ماولدتش من كرشي...ربي لي عالم...والى ولدي ضرها نضرو ان بيدي...صاافي رتاحي...خليهم يتفاهمو وهاد الصيف تكون فدار راجلها...
مليكة تنهدت بالجهد:لي بغاها الله هي لي تكون...ربي يدير تاويل الخير...
فاطمة باستها:رتاحي اختي...وسيري لفراشك...تصبحي على خير...
مليكة بسمت ليها بهدوء:تصبحي على خير..
كملت لماعن ديالها وطفات الضو وطلعت لبيتها......حلت لباب كيبان ليها علي ناعس..تنهدت وهزت بيجامتها دالنعاس ودخلت للحمام..بدلت عليها وخرجت تخشات بلاصتها كتشوف ف علي لي حاط راسو على يديه وفسابع نومة....تا هي دارت بحالو وشافت فيه تا عيات وغمضت عينيها ونعست بقوة العيى....
نجلاء كانت فبيتها كتلعب فتيلي وهي تفكر المذكرات ناضت تقادات فبلاصتها.. بغات تجبدهم وهي تراجع...كانت حاسة باحساس زوين هاد النهار ومابغاتش تخسر هاد الاحساس باحدات الماضي..تراجعت وتكات بلاصتها وحاولت تناسى من الافضل تخلي لقراية لنهار اخور ماشي ليوم بالضبط ..بسمت بوحدها وجاتها فكرة ..فتحت الميمو ديال تيلي وكتبت فيه"ليوم تاريخ جديد لحياة جديدة....نتمنى يوقع داكشي لي يخلي ليوم أجمل يوم فحياتي"...شافت التاريخ ودارت لغيفييي لعام الجاي باش فاش طلعليها هاد النوتيفيكاصيون تشوف واش بصااح هادشي لي قالت ولا لا...ابتسمت ببرائة وحطت تيلي ونعست....

أصبحنا وأصبح الملك لله...
فاقت نجلاء بكري كيف عادتها...جمعت بيتها..طرفت حالتها...لبست كيطما طخوابييس دالخيط كرونا..عقدت الفوقاني على خصرها وبقات بتيشورط صفر متسع عليها....لبست صبادري صفرا فيها خطيطات كرونا شارياهم مع الكيطمة وجمعت شعرها كوتشوفال...كانت فنظرها هي مامحتاجاش لميك اب...وجهها طبيعي ونورمال...راضية بكااع الملامح لي فيه بلا ماتحتاج تزيد تصبغو...دارت كاسكيط صفر وهزت صاكادو دارت فيه اش تحتاج...هبطت لتحت كتقلب على كلشي وهي تلقى فاطمة ومليكة واقفين فالكوزينة كيوجدو لفطور...
نجلاء بابتسامة:صباح النور...
فاطمة شافت فيها بابتسامة:اهلااا بالزين والفنون...عطي لعمتو شي بوسة..(قربت ليها وباستها)مواااح...
مليكة غي كتشوفيها بهدوء:صباح لخير بنتي...
نجلاء:مازال ماوجد لفطور؟..
فاطمة:ها حنا علاين...(شافا فيهم)اجي كملي مع ماماك نمشي نشوف واش جاد فاق ولا مازال باش ماتعطلوش...
نجلاء بسمت غي سمعت سميتو:اوك عمتي...
خرجت فاطمة كتجري وهي مليكة تنطق وهي كتقلب لمسمن فالمقلة:اخيرا لبستي هاد الكيطما!!
نجلاء عضت شنافتها بلا ماتشوفها ماماها:اممم اه...لكيطمات لوخرين توسخو شوية وانا نلبس هادي(قربت عندها باستها فخدها)سمحيلي ا ماما على لبارح ..
مليكة تنهدت وشافت فيها بابتسامة حنونة:انا غي بغيتك ماتزربيش وصافي...بغيتك تكونطولي راسك وتحظي راسك وماثيقيش بسرعة...
نجلاء تنهدت وتفكرت اش داز على ماماها ومن الطبيعي انها تخاف عليها هكا:كوني هانية اماما(عنقت ماماها)بنتك ماشي ساهلة وراك عارفاني كيف دايرة...
مليكة بسمت:الله يسهليك الامور...
نجلاء:آمييين...انا ندي الطباسل...
خرجت نجلاء ناشطة حيت هضرت مع ماماها وهي تخرج فجاد تا قفزت"هاااه"..
جاد بسم وهو كيطلع فيها ويهبط:الناس حداكوووو...ءءءء(غمزها عاوتاني)..
نجلاء حشمت وقصحت راسها:قول غي صباح لخير بعداااا 😒..
مشات خلاتو متبعها بعينيه ومبتسم كيحك راسو...

وجدت نجلاء الطبلة وهما يجيو كاملين...تجمعو كياكلو ويهضرو وغي سالاو وقف جاد مشى غسل يديه ورجع حدا نجلاء...
جاد:ياله ء نجلاء نمشيو...
نجلاء وقفت شافت فماماها وبسمت ليها وهي ردت ليه التبسيمة بهدوء زعما ثايقة فيك...
جاد:ياله نخليوكم...تا نتشاوفو بلاتي...
فاطمة:الله يعاونكم...وحظي معاك نجلاء...
نجلاء عقدت حجبانها مبسمة:عمتي انا قادة نحظي راسي ماتخافيش هههه..
جاد بسم جنب:تحركي ا بووو لسان طويل هههه..
مشاو وهو يضربها لكاسكيط ودفعها تمشي...
مليكة حضاتهم كفاش دايرين وغي شافت جيهة فاطمة كالماتها بعينيها وضحكت فوجهها بحالا كتقولها صافي غي طمني...
خرجو جاد ونجلاء كيتمشاو فلول هازين معاهم سلة والصنارات وشي تخربيق والما اكيد...شوية قلبوها جرى بالشوية...نجلاء عيات تعافر..ولكن جاد سبقها كيضحك ويرجع كيجري لموراها ويدفعها وهي سخفت ماقاداش تزيد...حبست وحنات حاطة يديها على ركابيها وكتاخد نفس...
جبد جاد قرعة دالما وعطاها ليها:هاكي..شربي...(نوضها وحلها القرعة كيشربها)اجي نجلسو شوية..رتاااحي...
نجلاء هزت راسها ومشاو جلسو مع القنت..
جاد خاف عليها:سمحيلي بقيت ندفعك ونجرك تا بركتي على راسك بزااف...
نجلاء بهدوء:لا انا بيخير ..رتاح شوية ونكملو...
جاد:واخة غي بالشوية عليك...ياك بعدا كااع ماكيضرك جنبك؟؟
نجلاء بسمت:لا لا ماتخافش...
جاد تنهد وشرب تاهو الما...بقات كتشوفيه عاجبها الحال خاف عليها وحست باهتمامو..تحركت وناضت بعدا حست براسها رجعت لطاقتها وهو يتبعها...
جاد:غنمشيو غي بالشوية صاافي..
نجلاء:واخة صاافي...
كملو طريقهم مشي ومرة مرة يهضرو فشي موضوع ويتلفو بيه الطريق......وصلو اخيرا للسد...كان المنظر رائع..الطبيعة والهوا نقي وشي ناس جايين مخيمين...كاين لي كيصيد وكاين مستمتع بالجو قدامو..
جاد بسم حاط يديه على جنابو كيشوف فجميع الاتجاهات:وااااو...هادشي زوين بزاااف...
نجلاء بسمت بافتخار:شتييي..قلتهالك...
جاد بعدما سرح نظرو شدها من يديها وجرها فرحان وحاس بحرية وراحة دخلت لقلبو...اما نجلاء كتشوف فيديه لي جاراها ومصدومة...بقى غادي تا وقف بيها حدا واحد الفلوكا طلع وجرها من خصرها حطها معاه..حطو الدوزان ديالهم وتقادو وهو يجي عندهم مول الفلوكا..مد جاد يديه للجيب عطاه شنو طلب وهز المجاديف بدا يحركهم ونجلاء كتشوفيه بابتسامة واعجاب ومنتتابهة كفاش كيحرك عضلاتو وابتسامتو ساحراها....
جاد عض على شنافتو:كوليني...(نجلاء تفلاشات وحنات راسها محشمة وهو يطلق ضحكة)ههههههههههههه...
نجلاء خنزرت فيه:باااااسل...
جاد بحنية:ديريلي مليحة وكوليني...
نجلاء جاتها الضحكة وحبستها:حاااامض...
جاد ضحك:كنضحك معاك ء لحلوة هههه..(نجلاء بسمت بزز منها)..شتي شتييي غلبتك يااك هههه...

وصلو للوسط حبس التجديف وجبدو الصنارات كيركبو فيهم الطُّعم...
جاد بشر:دبا غنشوفو شكون يصيد فلول ههه..
نجلاء:اه...ها حنا غنشوفو هههه ..
بقاو شحال جالسين كيضحكو على بعضياتهم وشي حاضي شي شكون يصيد فلول ..
جاد حس بالصنارة تجرت نا دض كيضحك وكيجرها:اوووه اوووووه...ههههه شدات شي حاجة ههههه...
نجلاء بسمت:بصااح..
جاد بدا كيجر الصنارة تا طلعها لقى فيها حوتة صغيرة بسم:سبقتك هههه...
نجلاء بروح رياضية:براافو...
حط الحوتة كتلعب فالملدا لي فالسطل قدامو ورجع جلس وهي نجلاء تحس بالصنارة تجرت بالجهد وقفت كتحاول تجر حست بيها ثقيلة..
نجلاء:اوووبس...هادشي ثقيل...
جاد ناض عندها:سايني نجر معاك...
وقف موراها وشد الصنارة كيجبدها عندو...للحظة نجلاء حبس الوقت عندها وبقات كتشوفيه وهو موراها وقريب ليها بزااف..حست بنفسو وجسمو محاوطينها...قلبها بدا يضرب بزربة وتلفت مابقات حاسة بوالو من غيرو....اما جاد مشغول كيجبدليها الصنارة ويدورها تا بانت ليه حوتة كبيرة وزوينة خرج عينيه وشافيها بابتسامة...اما نجلاء حلت فمها من الصدمة...
جاد:وااااو هههه برافو...
نجلاء فرحت:أول مرة نصيد حوتة هكا هههه كبيرة بزااف...
جاد خدا الحوتة وحطها فالسطل:صافي كيبان ليا نمشيو نشويو راه كافينا هادشي...
نجلاء:لا نحاولو نزيدو كثر كماعلله نديو للدار معانا..
جاد ضربها لنيفها:اوك ههه..
كان من احسن لحظات حياتهم...جالسين كيصيدو وفرحانين حاسين باحاسيس جديدة عمرهم حسو بيها...زادو شوية دالحوت وخرجو من تمااا..حاولت نجلاء تجدف معاه سخفت بقى يموت عليها بالضحك..حطتها ومشات تصور مع السد وهو كيضحك عليها ..صوراتو تا هو وخرجو على برا...شرملو داك الحوت تشرميلة خفيفة وعطاو لواحد السيد عندو الشواية شواه ليهم وعطاهلهم...بقاو ياكلو بشراهة وجاد كينقي ويعطيها وهي كتاكل من عندو.....كلاز وسالاو ورتاحو شوية عاد ناضو جمعو داكشي وخرجو من تما...بسرعة لقاو الطرونسبور رجعو بيه للدار...غي جاو يدخلو حبسها جاد حدا لباب...
جاد بجدية:كان احسن يوم فحياتي...
نجلاء بقات تشوفيه بعويناتها شحال وجاوبات بصوت هادئ:تا انا..
بسم فوجهها وهي هربت من شوفاتو وطلعت دغيا للباب...
مليكة النهار كامل وهي تفكر فهادشي كتساين ايمتا ترجع بنتها وغي رجعو رتاح قلبها خصوصا مين شافتهم كفاش كيعاودو على النهار وشنو دارو...فرحت معاهم هي وفاطمة وعجبهم الحوت لي جابو واخة حوت السد كيكون مسوس شوية مي كصرو فيه الملحة باش يجي لذيذ...
رجع علي واحمد للدار...جلسو معاهم كيسولوهم وقررو يعاودو الرحلة شي نهار كلهم مجموعين...
وفوسط ضحكهم والمهاودة ديالهم تلقاو اتصال قلب كااع الموازين...

مليكة جاوبات على تيلي:ألووو.........
الصمت ساد المكان ومليكة بدات تنهار شوية بشوية تا طاحت قدامهم ناضو كيجريو عندها وهي دخلت فهستيريا بكى...
مليكة بصوت مخنوق وغوااات:باااااا....(خرجت بحة في صراخ قوي)باااا مااااات اهئ اهئ...
أحمد قلبو تزير عليه..رجع جلس مصدوم...خوه الوحيد لي باقيليه مات بلا تا ميتسامح معاه..ماكانتش مسافة بيناتهم كبيرة ولكن مدة هادي ماتشاوفو...
الكل نزل عليه الضيم وحسو بغصة ولكن نجلاء كثر ..حنات حدا ماماها عنقتها وتاهي كتبكي:ماامااا اهئ اهئ...
مشى ليها الصوت وهي تنطق مليكة بحرقة:باسيدك مشى ابنتي اهئ اهئ مشىىىىىى....
زادت نجلاء فوتيرة البكا وجاد داير يديه على فمو ماعرف مايدير..حنى كيحاول ينوض نجلاء كيفما كان علي كيجر مليكة هو وفاطمة لي تاهي بقى فيها عمها ..
جلسوها كيشربوها لمااا مألمين لحالتها...صعيب الانسان يفقد الاب ديالو...كيحس بحالا تهرس داك الظهر لي كان يتسند عليه...بحالا مابقى عندو تاشي حد يكون بيه ويدافع عليه لوقت لي يحتاجو...الدنيا هي هادي...شي كيتزاد وشي كيموت ولكن فجميع الاحوال ديما الفراق كيكون صعيب....

جاد عنق نجلاء كيواسيها وهي غي كتشهق:ي ياله اهئ ياله هضرت معاه هادي يوماين(كتشرحلو وهي كتبكي)م مااكانش مريض😭😭😭..مايمكنش يكون مااات اهئ اهئ...
جاد كيمسح على وجهها:شوووت ماتقوليش هكااا..ربي بغاه..ماعندنا مانديرو...الله يرحمو ويوسع عليه...
نجلاء كتبكي وغطت وجهها:ان لله وانا اليه راجعون اهئ اهئ ان لله وانا اليه راجعون اهئ اهئ...

جاد كيربت على شعرها...بقات فيه..وماحملش يشوفها بهاد الحالة..اما مليكة شدتها السخفة وعلي كينوض فيها..
علي:نعلي الشيطان ا داك المرااا..ربي بغاه..ماعندك ماديري..أجلو وفى...
مليكة مكسورة:ماشبعتش منو اهئ اهئ والله ماشبعت...
انفاجرت فاطمة بالبكى معاها ودارت تشوف فباها لقاتو صفر جالس مشات كتجري عندو وتبكي...
فاطمة:بااا...لبراكة فراسك اهئ اهئ الله يبدل محبتو بالصبر...
أحمد كيهز راسو وقلبو كيبكي دم:مشى خويا ونيسي...بقيت غي انا بوحدي...
نجلاء واخة كتبكي سمعاتو مشات دغيا حطت راسها على ركابيه:ل لااا اهئ ماشي بوحدك...باسيدي الله يخليك ماديرش هكااا اهئ اهئ صحتك على قد الحال 😭😭...
أحمد حط يديه على راسها لي حطاتو فوق ركابيه:مشى الغالي مشىىىىى...
مليكة كتحاول تصبر:ربي هدااا اهئ اهئ ربي بغاااه اهئ الله يصبرني على فراااقو...الله يصبرنييييي 😭😭😭...

الموت مصيبة...كيفما كيسميوها معظم لي جربوها...كتكسر القوة والجهد ديال أي واحد فقد انسان عزيز عليه....حيت الفراق صعيب ولكن باش يكون الفراق مدى الحياة او أنك تعرف بلي عمرك فحياتك غتولي تشوف داك الانسان مرة خرا...وأنك مع الايام غتوحشو وماغتقدرش تولي تشوفو...أولا كااع غيتلفو ليك ملامحو حيت صورتو غتبدا تغيب عن بالك مع الوقت...صعيييبة بزاااف...هادشي علااش كتبقى اللحظة اللولا ديال الموت بمتابة أن الزمن كيوقف...كيبقى داك الشخص شاغل بالك...كتقول مايمكنش مايوليش يرجع...مستحيل نتحرم منو فمرة...ولكن فري كتحرم منو فمرة وماكتوليش تشوفو وكيبدا الله يرزق الصبر وتستمر الحياة....ولكن فاش كتجي مع الواليدين كيصعاب الموضوع كثر...اه عارفين بلي كل واحد عندو يوم ديالو وأجل...وغيجي يوم ونموتو كاملين...ولكن عمرنا كنكونو مستاعدين لديك اللحظة...هادشي لي كيخليها واخة تكون متوقعة كتجي قاصحة وصعيب الانسان يتجاوزهاا....

فالدار كانت فاطمة ونجلاء كينوضو مليكة...عاونوها تلبس جلابتها..حطو الشال بيض على راسها وخرجو باغيين يقصدو بيت الموت....
جاد اقتارح يسوق..حيت لا علي لا أحمد مايقدروش فهاد الحالة...ورجعو بربعة لور....
الطريق كلها وكل واحد فيهم عندو ذكرى مع غالي جات من دون الذكريات فبالو... ولكن مليكة جات فبالها ليلة زواجها...اللحظة لي بقى يصبرها ويحاول يمسح دموع عينيها...ولكن هاهي دبا كتبكي...وباها ماكاينش باش يمسح دموعها....من دبا بدات تحس بالوحدة...من هاد اللحظة حست بغيابو وقيمتو عندها...كفاش غتخيل أن نهارها يدوز بلا ماتسمع صوتو...كفاش غتقدر تكمل حياتها بلا ماتلاقاه ولو غي ايام معدودة كل فين وفين...ولكن كيبقى هدا قدر الله واللهم لا اعتراض عليه...حلت صبعانها وبدات تسبح وتدعي ليه..
مليكة بصوت خافت:اللهم تبته عند السؤال...اللهم تبته عند السؤال...يارب اغفرله وسامحه واسكنه فسيح جناتك...اللهم لا اعتراض...اللهم ارزقنا الصبر اهئ اهئ اللهم ارزقنا الصبر على فراقووو...
نجلاء بدات تسمع فيها..شاداها من ذراعها ومتكية عليها كتبكي وتشهق....وعلي كيتنهد ماعارف مايدير ليهم....اما فاطمة واحمد الدموع كيغلبوهم واخة باغيين يصبروهم...وجاد مزير على راسو وسايق عاقد حجبانو ومرة مرة يشوف من لمراية ويراقب نجلاء لي عقلها غيخرج بالبكى.....
الطريق كلها وهما على هاد الحال..حتى آذن الله ووصلو للدار...
وخلااص تمااا الجو كارثي...دار الموت هي البلاصة لي من الافضل ماتمشيش ليها فأول لحظة...البكى والغوات والاصوات كتعالى..وكلما كتقول بلي صافي ربي نزل عليهم شوية دالسكينة..كيبكي واحد وكيرجع يبكي كااع البقية...
خديجة مرا كبيرة..كبرها الزمان واكيد لموت غتهدها كثر...كانت كتحاول تصبر ودفع القوة ولكن غي شافت بنتها..حبيبة قلبها جاية برجليه كيضاربو وعينيها منفوخين بالبكى صاافي تسالا ليها الجهد...تلاقاتها وعنقتها بزربة وبدا البكى والنواح يسود المكان من جديد ..
مليكة بصوت مرتفع وباكي:مشىىىى بااا ا ميمتي اهئ..مشى لي كان موقفنا على رجليها...مشااا لي كنت نتكى عليه اميمتي اهئ الدار خاوية بلا بيههه 😭😭😭...من دبااا تشويت بنار الفراق اهئ اهئ...
علي قرب عندها:نعلي الشيطان ا مليكة...قولي الحمدلله على كل حاال...ربي بغاااه ربي بغاه...(حط صبعانو بين عينيه)لاحول ولا قوة الا بالله...
خديجة بألم ودموع نازلين:الصبر ابنتي..الصبر...ربي يرزقنا الصبر...ربي يرحمو ويتبعنا بيه اهئ اهئ واخة ماسخيناااش بيه...
نجلاء بقات تبكي بالجهد كتسمع الهضرة شدتها الدوخة وهو جاد يشد فيها بخوف...
جاد زيرها عندو:شووف كيوليتي..غتقتلي راسك...اجي جلسي ء نجلااء الله يهديك...
جلسها بزز وهي على فمها كلمة وحدة:ب بغيت نشوفو اهئ اهئ عااافاك ا جااد بغيت نشوفووو 😭😭...

جاد حط يديه على خدها مكرم على ركابيه قدامها:صاافي...واخة غي تهدني...
ناض كيمسحليها وجهها ومشى عند علي:خالي...نجلاء بغات تشوف باسيدها...
علي تنهد:اه و ولكن ماعرفتش واش غتقدر تصبر ولا لا؟؟
جاد حك وجهو:اوا نديرولها خاطرها...ماتخافش انا ندخل معاها...
علي هز راسو:واخة...
دخل وجاد نوض نجلاء وتبعوه..سولو على فين حاطينو ودخلت نجلاء رجليها كيترعدو...اول مرة غتشوف شي حد ميت...جاد شاد فكتفانها ومسبقها ودخل موراها...
علي حنى عرا لغالي راسو:الله يرحمك اعمي..
نجلاء كترعد وجاد كيشوفيها حاس بيها...
علي دار شاف فبنتو:ماتعطليش بزااف... تسامحي معاه وخرجي..
نجلاء كتشوف غي فجدها تا خرج باها ووصى عليها جاد بعينيه...
قربت نجلاء بالشوية عندو..حنات على ركابيها حداه وحطت يديها على جبهتو كتشوفيه وكتحاول تودعو...
نجلاء:الله يرحمك ويوسع عليك...من دبا بديت نتوحشك...ماكرهتش تفيق وتقولي بلي غي كنتي كضحك معانا اهئ اهئ...
جاد تكى على الباب مربع يديه وكيشوفيها متأثر....
نجلاء حطت راسها وبقات تبكي شحال وهي غي كتهضر وتخرج مازال مامقتانعاش بلي صافي مات...وهو جاد وقفها على رجليها وخشاها فصدرو كيكالميها ويهون عليها....
جاد بصوت حنين:باركة عليك من لبكى...غتمرضي هكااا...خصك تفكري فراسك وتا فماماك لي تاهي محتاجاك هاد اللحظة...من الافضل تحاولي توقفي على رجليك..هدا قدر الله وخصنا نتقبلوه ..
نجلاء شافت فيه بعينين منفوخين وهي باسلها راسها تا تفاجئت..بسم فوجهها وهي تهدنت وسكتت فيديه...
جاد:ياله نخرجو من هنا...
نجلاء هزت راسها:واخة...
خرجو بجوج...حست براسها بكات وخرجت شنو فقلبها وفنفس الوقت حست بلي كاين شي حد واقف بجنبها وباغيها تكون مرتاحة...

اما فهاد الاثناء كانت مليكة تا هي باغية دخل تشوف باها...دخلت مع مهااا فلول..شافوه وسلمو عليه ولكن غي بغات خديجة يخرجو مليكة قررت تبقى معاه...
مليكة بصوت هادئ ومجروح:بااا لحبيب...على ودك درت شحال من حاجة....صبرت وسكت باش مايوقعلكش شي حاجة فشكل...تقبلت هضرتك وعشت كيفما كنتي باغي....حاولت نكون لمرا ديال الدار وديال الزمان واخة بركت على راسي بزاااف وفقدت تقريبا كااع الاحاسيس الزوينة لي كانت فيا قبل....ورضيت وقلت نشاءلله ربي يعوضني....هادشي كلو لي عانيت هاد الاعوام كوووم وفراقي عليك سالا لياا الدبوح اهئ(بداو يرجفو شنايفها الحومر بالبكى)ماتخيلتش تجيني الضربة على غفلة بهاد الطريقة...كنت كنفكر بلي مازال غنشوفك ونتلاقاو اهئ وماسلمتش تا عليك اهئ اهئ...ياربي يصبرني على فراقك...وربي يوسع عليك ضيقة القبور اهئ اهئ(ناضت حنات عليه وباستو بالجهد ودموعها نازلين...ودعاتو بعينيها وخرجت دغيا حيت مابقاتش باغية تزيد تحرقو)...
علي تلاقاها عنقها:الباراكة فراسك...الله يرزقك الصبر...
مليكة:آمييييين 😭😭😭مامشى معاك باس اهئ اهئ......

ليلة قبيحة بزااف دازت على العائلة...كلشي ساكتين..مرة يبكيو مرة ربي يعطيهم شوية دالصبر....كان صعيب ينعسو فداك الاجواء هادشي علاش الاغلبية بقاوو بلا نعاس ...

أصبحنا وأصبح الملك لله..
كان كل واحد فالعائلة المقربة شاد قنت ديالو...مرة يهضرو فالموضوع مرة يسكتو ويتقبلو التعازي من عند الناس...
نجلاء راسها ثقيل متكية كتشوف بعينيها فالنلس ماقادة تهضر مع تا واحد...حاطة يديها تحت راسها وطالقة رجليها للارض وصاقرة...
فاطمة مشات عند ولدها:شنو نوجدليك الفطور اولدي نتا وعمك وجدك؟؟
جاد كيشوف جيهة نجلاء:اه كون غي وجدتو ونوضنا كلشي يفطرو...هكا ماغيبقى عندهم جهد...
فاطمة:واخة اولدي نيت راه كلشي ماكلاو والو وباتو فايقين...
دخلت فاطمة للكوزينة وهي تبعها خديجة:وجدو ابنتي...يفطرو دبا قبل مايتكبو الناس علينا...
فاطمة شعلت لبوطة ودارت لما يسخن:مووحال ا مرات عمي ياكل شي حد...ولكن نديرو لي علينا...
خديجة تنهدت:عالله ابنتي عالله...انا نصافطلك عرايساتي يوجدو معاك...
فاطمة هزت راسها بالايجاب وكملت شغالها تا دخلو عليها يعاونوها مدوخين بالنعاس.....وجدو بزربة حطو على الطبلة وبقاو يطليو بالرغيب والمزاوكة باش يجلسو فالطبلة واخة يديرو غي لقمة ففمهم لمهم ياكلو شي حاجة...
الرجال كان فيهم شوية الجوع دارو لي كتب الله..اما العيالات والو مابغاتش دوز ليهم...مليكة فينما تحط اللقمة ففمها بزز كتشدها البكية...اما نجلاء والو مشات ليها الشهية..عياو فيها مابغاتش تاكل..واخة كااع المحاولات لي دار معاها جاد ماقداتش...بقى بالو معاها مي مالقى كيدير...
جمعو العيالات الطبلة والناس بقاو داخلين والدار كتعمر....الميت جابولو غسالو..وشدو عليه لباب خلاوه منو ليه...الرجال على برا دايرين لكراسا كيستقبلو لي جااا يعزيهم...اما العيالات متكلفين بشغال الكوزينة... وكيوجدو لسكسو...
طقوس الموت هي هادي..فيها مايدار ويمكن هي اصلا دايرة هكا باش تقدر تلهي داك الناس على لموت شوية....فين حين ان لي غي جالس ماعندو لا كفاش يتلهى ولا كفاش يبعد تفكيرو على فقدان الشخص لي عزيز عليه....
قربت الظهر والميت بداو يعيطو على عائلتو يسلمو عليه...كيدخلو واحد مور واحد...يبوسو راسو ويدعيولو بالرحمة...
الغسال:ماتبكيش ابنتي قدامو...خرجي الى غتبكي...ماتحرقيهش راه ماشي مزيان...
نجلاء ومليكة شدو فبعضياتهم ماقادينش يحبسو دموعهم...نجلاء كيجي فبالها غي حنانو عليها وتعاملو الزوين معاها...كانت هي حفيدتو لي شوية بعيدة عليه...كيشوفها مرة مرة وكيحماق عليها حيت هي بنت بنتو الوحيدة...وكيشوفها بكوشة وحشومية وداخلة سوق راسها......خرجو من عندو بمشقة الانفس...
الغسال طلل عليهم:صافي مابقى حد غيدخل يتسامح معاه؟؟
نطق شخص وسط البكى ديالهم:أنا...(دار كلشي شافو فيه وهنا كانت الصدمة خصوصا مليكة وعلي وعلى رأسهم أحمد)أنا ولد خوه وبغيت نتسامح معاه....

مليكة شدت فالحيط لي قدامها...حسات براسها كتنهار وهي كتشوفو قدامها بعد هاد الوقت الطويل....تلاقاو عليها العرارم..مابقات عارفة شنو دير...وفهاد الاثناء كانت نجلاء كتحاول تستوعب اش قال هاد الراجل..ولكن دغيا ضربت ليها فدماغها..وهضرت بصوت خافت "عمي طه!!"..
علي شاف فخوه داخل حاني راسو وساكت وشد موراه لباب....
أحمد مخرج عينيه ما مثيقش:ط طه هادااا؟؟
علي هز راسو بالايجاب:اه ء باااا هو...
كلشي تلف...مابقاو عارفين مايقولو..فاطمة بدات تبكي حيت توحشت خوها واخيرا شافتو اما جاد قرب حداها ونطق بالشوية:خالي طه هداا؟؟
فاطمة بصوت مخنوق:اه ء ولدي..اخيرا كتاب ليك تشوفو.. 
جاد بسم..حيت من شحال هادي وهو كيتمنى يشوف عمو لي كسر القواعد وهرب باش مايتزوجش وخدة ماكيبغيهاش ..
نجلاء مشات حدا ماماها:ماما نتي بيخير؟؟
مليكة مازالة مصدومة:ماعرفتش ابنتي ماعرفتش...
علي سمعها وشافيها مطولا ورجع حنى راسو...
لداخل كان طه واقف كيشوف فعمو شحال...اخر مرة شافو كان فاش كيوجد للعرس فالجردة فرحان وناشط وواقف على رجليه...ودبا ها هو وسط كفنو وشوية يتدفن تحت التراب....حنى على ركابيه وبقى يهضر معاه...
طه بهدوء:عمييي...(تنهد)سمحلي بزاااف...عارف قصحتك كثر من لقياس...عارف درتها قد راسي..ودبااا حيت درت الولاد عاد حسيت بيك...سمحلي بزااف اعمي(حنى راسو)هاد الكلمة كنت باغي نقولها ليك وجه لوجه...كنت باغي نحس بيك سمحتيلي شنو درت فيك وفبنتك وتا ف باااا...(باسلو راسو وناض وقف كيشوفيه وبدا يقرا عليه سورة ياسين...سالاها وخرج على برا والغسال غطى غالي....
طه غي خرج أول واحد مشى عندو تحت أنظار الجميع هو أحمد...قرب عندو متردد...
طه:باااا...(أحمد كيشوفيه)لباركة فراسك...الله يبدل محبتو بالصبر.. 
أحمد جاوبو بصوت ناشف:مامشى معاك بااس...
طه بلا استأذان حنى عندو وعنقو بكل مافيه من قوة وهضر فوذنيه:توحشتك ء باااا...توحشتك بزاااف..سمحليييي سمحلي بزااااف...
أحمد علا يديه بثقالة وحطها على ظهر ولدو:تا انا اولدي توحشتك...(كمل بصوت غالب عليه البكى)الموت قريبة اولدي وتا حاجة ماتستحق نبقاو مغربين على ودها...ها خويا مات بين ليلة ونهار...وتا واحد فينا ماكان معاه....انا مابغيتش يوقعلي بحالو..(طه خرج راسو شافيه"الله ينجيك)..اه عارف لموت علينا حق...ولكن لمهم نموتو وحنا مرتاحين...
كلشي واقف كيشوفيهم مستغربين شنو واقع...علي ساكت ومليكة كتشوفيهم بصدمة..
طه باس لباه يديه وراسو:انا من دبا معاك ا باااا وعمرني نخليك...
طلق طه من باه وهما يعيطو ليهم يجيو يهزو غالي ويخرجوه باش يديوه يصليو عليه وعاد يدفنوه...

دخل علي وطه وجاد وباه ودراري من العائلة باش يهزو غالي...وفري داكشي لي دارو...خرجوه وهما كيرددو لا اله الا الله محمد رسول الله. ..
وبمجرد ماوصلو للباب انفاجرو بالبكى عليه حيت عمرهم غيوليو يشوفوه مرة خراا......
جو بائس مغيم على الجو...الرجال مازال مارجعو من الدفن والعيالات فرقو الزبدة والعسل بلدية مع الخبز...تا واحد ماقد ياكل من المقربين ولكن ضروري كيديرو لقمة ففمهم على أنها صدقة للمرحوم ..

سالاو مراسم الدفن وطه قرب من خوه بهدوء ..
طه:خوويااا..علي...كيبقيتي؟؟

علي بسم فهدوء فوجهو:حمدلله اخوياا..
طه بمجرد ماشاف الابتسامة عنقو بالجهد موحش فيه وفريحتو وفكل ذكريات الماضي لي دوزها معاه...
طه بصوت مخنوق:توحشتكم بزااف اخويا والله...
علي خرجلو راسو مزير عليه بيديه بجوج:تا حنا توحشناك...25 عام ا صاحبي...ماعيطتي ماسولتي ماوالووو...
طه بتنهيدة من القلب:كنت ديما كنسول على اخباركم..شي مرات راقبتكم من بعيد.. (علي استغرب)ولكن ماكانتش عندي الجرأة نرجع...
علي ضربو على كتفو:دازت 25 عام ا صاحبي...راك واخة تكون قاتل شي حد يسقطو الحكم عليك...وحنااا راحنا عائلة والدم عمرو ماكيرجع مااا...
طه بسم بارتياح وذرع خوه وهو يوقف عليهم جااد..
جاد:خالي طه يااك؟؟
طه عقد حجبانو:خ خالي...يعني ولد فاطمة يااك؟؟
جاد بسم:اه انا ولد ختك فاطمة لكبير.. وسميتي جاد...
طه جرو بالجهد وعنقو:اهلااا اهلااا...تباركلله...كبرتي الله يخليك ليها...
جا باين جاد تا هو سلم على طه وهضر معاه شوية..وبعد السلام على كااع العائلة تسل طه منهم ورجع عند بااه...
طه باس راس باه:الله يخليك ديما على خير ا بااا..
أحمد بكلام خارج من القلب:حمدلله لي جيتي اولدي..(بسم بالخف واخة حزين)عرفتي تختار لوقت لي ترجع فيه ا داك البرهوش ههه..
طه بهدوء:بالعكس...من شحال باغي نرجع عندكم ونشوفكم..ولكن كنت خايف ترفضوني انا وعائلتي.. 
أحمد شافيه:باك غيجري عليك نتا وولادك؟؟؟(طه عينيه دمعو)انا مانديرهاش اولدي...واخة تقطع فيا الطريق...تسنيتك تجي وتسول فيا وكنقول ياربي نشوفك قبل مانموت...والحمدلله لي كتب الله وشفتك...
طه ماقدرش يصبر مازال عنق باه وبقى يبكي بحال شي دري صغير..مخبع فبااه وهربان من كااع العالم....
أما أحمد طلق العنان تا هو لدموعو..عينيه حمارو وقدر اخيرا يخرج شنو فقلبو لا من جيهة ولدو ولا من جيهة حزنو على خوه....
علي مشى عندهم..جرهم وحاول يهون عليهم:حمدلله تجمعنا من جديد وعمرنا نتفارقو...ودبا ياله نرجعو للدار...
طه:واخة...
أحمد شافيه:اه حقى فين ولادك اولدي؟؟
طه بسم حيت باه تفكرهم:راهم فواحد الوتيل قريب للفيلاج...
علي باستغراب:علاش ماجبتيهمش معاك؟؟
طه:خفت ماتقبلونيش..قلت بلا مانحشمهم تا هماا..
أحمد:عيط ليهم يجيو...بغيت نشوفهم....
طه بفرحة:اهاه...واخة ا بااا انا نعيط ليهم دبااا...
مشى كيصوني ليهم باش يجيو وعلي مبسم وفرحان حيت باه قدر بهاد الجيست لي ظار طه يخرج من حالة الحزن والكآبة لي شداتو فاش مات خوه....
تفرقت الجوقة وكل واحد رجع لدارو حيت فالليل غيرجعو يتلاقاو فدار الموت...منها صدقة على لمرحوم ومنها يدعيولو شوية فليلتو اللولا فالقبر...
طه ركب طوموبيلتو وباه ركب معاه..غاديين الطريق كلها كيتحدثو ويتناقشو...كيعاود ليه على فين عايش وشنو دار فحياتو تا وصلو للدار...أحمد نزل وطه ضرب الدورة ورجع يجيب مرتو وولادو حيت مايعرفوش يجيو بوحدهم ..
دخلو الرجال للدار...جلسو يرتاحو..وجاد كيقلب بعينيه على نجلاء...شوية دور وجهو كتبان ليه متكية على واحد السداري مغطية راسها بفولار وعينيها منفوخين بالبكى...ناض لعندها وحنى كيهضر معاها...
جاد بخوف عليها:نجلاء...واش باغية تقتلي راسك؟؟(نجلاء عينيها دمعو من جديد)ل لاا لا هادشي ماعجبنيش ..نوضي معاياا نووضي...
نجلاء ماقاداش:غي خليني والله ماقادة نتحرك...
جاد جرها من يديها بجلابتها:نوضي ضرب فيك الهوا شوية الى بقيتي هنا غتموتي....
خرجها من قدامهم ومليكة ممتنة ليه..خايفة على بنتها ولكن ماكان عندها ليها جهد ..فرحت حيت جاد فكر فيها وخرجها من الدار كماعلله ترتاح شوية...
نجلاء بصوت عيان:اووف كون غي خليتيني لداخل(كتخبع وجهها من الشمس ماقاداش تشوف)..
جاد:شوووت...غنديك لبلاصة زوينة...

جرها جاد من يديها وركبها فالطوموبيل د جدو ومشى ركب وساق بسرعة...كانت طول الطريق غادية ساكتة وهادئة اما هو حاير خصو كفاش يخليها تخرج من هاد الحالة..وقف حدا واحد الغابة زوينة وبقاو لداخل فالطوموبيل...
جاد حيد السمطة وشافيها:شنو غتبقاي مغوبشة؟؟(نجلاء ساكتة كتشوف قبالتها)فخبارك واخة ماشي مدة باش تلاقينا وليتي عزيزة عليا بزااف...(علات عينيها المدمعين وشافت فيه)ماحاملش نشوفك هكا...وفنفس الوقت ماعارفش شنو ندير باش نخرجك من هاد الحالة 😕..)نجلاء دغيا انفاجرت بالبكى وهو يشدها من وجهها وعنقها)شووت عااافااك باراكة من لبكى...
نجلاء كتشهق:بقى فيااا باسيدي بزاااف اهئ اهئ...بقى فيا الحال ماجيتش وشفتو 😭😭...مات بوحدو اهئ اهئ..
جاد تنهد:نوو ماتفكريش هكاا...ربي بغاه...وجا وقتو...ماعندنااا نديرو...اصلا فجميع الاحوال كان غيموت فهاد الوقت...دونك ندعيولو بالرحمة وصاافي...(نجلاء خرجت راسها كتمسح عينيها وهو يحل لباب)اجي نخرجو نتحركو شوية...
مامانعاتش وخرجت موراه بقاو غاديين بجوج...عطاها كلينيكس مسحت نيفها...
جاد:مسحي مسحي ا بوو خنونة هههه..
نجلاء دفعاتو وفاش شافيها بسمت بهدوء...
جاد:اوا هكاا...ضحكي شوية...ضحكتك زوينة وبزااف...
نجلاء بسمت بخجل:صافي ء جااد...
جاد علا حاجبو فيها وعوجها:شافي ء جاد شاافي هههه الله يمسخك...
نجلاء ضحكت بلا ماتحس:ههههه...
جاد بقى شحال كيشوفيها عاجباه وهي تزنكت وحنات راسها:ش شنو نرجعو للدار؟؟
جاد خنزر فيها:بلاتي...ياله جينا مالك مزروبة؟؟(سكتت)خلينا نشمو الهواا شوية...
بقاو كيتمشاو شحال...وقفو حدا واحد الشجرة وهي تجلس حداها تبعها وجلس قدامها...
جاد:المنظر هنا زوين ومريح يااك؟؟
نجلاء:امم زوين...
جاد بغى يبدل الموضوع:حقى شتي خالي طه فاش جااا(نجلاء قلبت وجهها)عرفتي من شحال هادي باغي نتعرف عليه...
نجلاء شافت فيه بجدية:علااش بالسلامة؟؟
جاد شافيها وياله تفكر اش عاودت ليه مووو على طه تزير:ل لاا غي حيت كيبقى حالي وعمرني شتو وصافي...
نجلاء حدرت راسها:اوك..
جاد شدلها يديها:نتي عارفة؟؟
نجلاء هزت راسها بالايجاب وشافت بعيد:ياله عرفت...
جاد تنفس بالجهد:حاولي تنساي..ماتفكريش فالماضي...
نجلاء:عمر الماضي ماكيموت بسهولة.. وهاد الرجعة ديالو حاسة بيها غتفرقنا كثر ماتجمعنا...
جاد:ماتفكريش هكااا..يكون خير..وكل حاجة كتكون بوقتها فهمتي...
نجلاء جمعت الوقفة:نتمناو....
جاد بهدوء:صافي عييتي!!
نجلاء:لا غي الوقت غيتعطل دونك نرجعو للدار حيت الناس كيجيو وماخصنيش نخلي ماما بزااف...
جاد بسم:اوك(مدلها يديه)جرينيي..
نجلاء عطاتو يديها مبتسمة وهو دفع بيديه ونااض:اوووه بطلة هههه..
نجلاء:الله يمسخك هههه...
جاد شدها:اجيي...خلينا نكتبو شي حاجة على هاد الشجرة 🤔🤔..
نجلاء:علاش وبحالاش؟؟
جاد بسم:سايني...(جبد السوارت من جيبو وبدا يحفر فيها ونجلاء مربعة يديها كتشوفيه...كتب حرف ج وحرف ن وهي نجلاء تبسم كتشوفيه باعجاب...دار عندها راسم ابتسامة حب)باش تكون عندنا بلاصة انا وياك..نجيو ليها دايما انشاءلله😉...

نجلاء حست باحساس واعر بزااف ماقدتش تصبر وسولاتو:علاش؟؟
جاد بسم:دبا تعرفي من بعد(ضربها لنيفها ومشى كيصفر)..
نجلاء بقات واقفة كتشوفيه وهو غادي بحالا ترفعت وهو يدور وجهو لقاها واقفة رجع عندها مستغرب ولكن فاهم..مدلها يديه..شداتو ومشاو بجوج بلا هضرة بلا كلام...كانت كافية اللغة مابين السطور لي ولاو يفهمو بعضياتهم منها...ركبو الطوموبيل ورجعو للدار...
بعد مدة وصلو حدا الدار...لقاو الطوموبيل ديال طه واقفة عرفوه جا وجاب معاه عائلتو تنهدت ودخلو بجوج ..
جاد دفع لباب ونجلاء موراه:السلام عليكم...
كلشي:وعليكم السلام..
دخلت نجلاء حادرة راسها حيت الدار مازالة عامرة...
اما جاد مشى قرب عند خالو:خالي لاباس؟؟
طه:حمدلله اولدي...
جاد:جبتي عائلتك؟؟
طه هز راسو وشير لمراتو ناضت عندو غي شافها جاد فهم علاش خالو هرب ليلة عرسو..
طه شدها من يديها:نقدم ليك سمية مراتي..
جاد مد يديه:سلام مرات خالي...لاباس عليك..
سمية بهدوء:حمدلله اولدي.. لباركة فراسكم ..
جاد:مامشى معاك باس..
مليكة مين جاو دخلت لبيتها ماخرجت منو...ماحاملاش تشوفهم...كانت معاهم غي فاطمة وأحمد وعلي...
نجلاء واقفة كاحزة عليهم كتقبل بعينيها على ماماها تا كتشوف وحدة وقفت عليهم..
طه بسم:وهادي بنتي لينا...
جاد دار شافيها تفاجئ ..كانت زوينة بزااف ومنمسة لابسة سوفيطما فوقها شوميز خفيفة بيضة..وسروال جينز...
لينا:سلاام..
جاد بسم بهدوء:اهلا بنت خالي..
لينا:لباركة فراسك ءءءءء..
جاد:جاد...مامشى معاك باس ء ختي..
نجلاء واقفة كتشوفيها كيف دايرة ماتسرطتش ليها بمرة...دخلت لداخل تقلب على ماماها تجلس معاها شوية...
طه رجع جلس هو وعائلتو وجاد دار كرسي وقابلهم...شوية تحلت لباب ودخل خو نجلاء لي ياله قدر يجي...مسكين باين عليه التعب والعيى دالسفر دخل قال السلام...كلشي ردها عليه ومشى عند جدو عنقو كيعزيه وداز لكل واحد عزاه واخة ماعارفش راسو معامن...وصل عند باه وقف ليه وسولو على مووو شير ليه للبيت...مشى بزربة عندها حيت عارف باها شنو بالنسبة ليها...
حل لباب بزربة ومليكة غي شافتو وقفت..مشى عندها كيجري...
مليكة عنقاتو كتشهق وتبكي ونجلاء واقفة دايرة صبعها وسط سنانها ودموعها نازلين ..
سراج بألم:لباركة فراسك ا لواليدة...الله يعوض محبتو بالصبر...
مليكة معنقة ولدها وتبكي:آمييين اولدي...تشوطت على باااا اهئ اهئ...قلبي تحرق...قلبي مشى معاه اهئ اهئ....

جاد بقى عينيه على باب لبيت..كيساين ايمتا يتحل وتخرج منو نجلاء..ولكن فنفس لوقت داير بلاصتو فبلاصتها هي وماماها..عرف بلي من حقهم هادشي لي دايرين...
اما علي جمع الوقفة ومشى دخل عندهم...شد لباب وقرب منهم...
علي جلس على طرف لفراش:واش ممكن تخليوني مع ماماكم شي شوية؟؟
سراج جمع الوقفة وجر ختو نجلاء ولكن بالخرجة حبساتو وجاد قبالتها..تفاجا فاش شافها...
نجلاء:اجي نخرجو برا ا خويا...
سراج استغرب ولكن طاوعها:اه واخة...
خرجو على برا تحت انظار جاد لي عقد حجبانو ورجع دار لبلاصتو..بالهزة لي هز عينيه لقى لينا كتشوفيه..غي شافها دورت بزربة وجهها كتحك عنقها...
أحمد:اوا ابنتي...فاش كتقراي؟؟
لينا:ساليت قرايتي...ولكن خدامة فوتوغرافر ..
أحمد عقد حجبانو:فوت شنووو مافهمتش ابنتي؟؟
طه شافيه:مصورة ا بااا مصورة فواحد المجلة..
أحمد هز راسو عاد فهم:اااه اوا ربي يعاونك ابنتي...
لينا شافت فجاد لقاتو كيشوفيها على الود الهضرة عليها..بسمت بالخف:أمين ء جدي...

على برا كانت واقفة نجلاء مربعة يديها وكتنهد..تاعنقها خوها:مالك اختي ..بحالا هازة جبل فوق كتافك...
نجلاء بألم:مقهورة اخوووياا...والله 😖😖..
خوها عنقها:لااا ا نجلاء..انا عارفك مؤمنة وخصك تكوني راضية بقضاء الله وقدرو...
نجلاء شافت فيه:لا لا ا خويا(كتمسح دموعها)انا ماشي على شنو وقع لباسيدي كنهضر(سراج بشوفات استغراب)..انا بقات فيا ماما مسكينة...مافرحت لا وهي صغيرة ولا دبا اهئ اهئ قطعتلي قلبي...
سراج مافهمش:كفاش زعما اش طرااا...
نجلاء حاولات تصبر راسها حيت ماخصهاش تعاود ليه على شنو طراا:لااا غي حيت فقدت باها...صعيبة بزااف اخويا صعيب...
سراج:اوا ربي بغاه...ماعندنا مانعترضو على قدر الله...
نجلاء تسلت منو:ونعم بالله...
سراج مسح على وجهو من التعب:اجي...حقى شكون هادوك لي حدا جدي؟؟ماعمرني شفتهم...
نجلاء عيبت وجهها ونطقت ماحاملاهمش:عمك وعائلتو...
سراج بصدمة:ع عمي!!!...

فلبيت جالس علي مقابل مع مليكة وهي ساكتة ..وبعد صمت طويل نطق...
علي:ياله تخرجي من هنا...الناس كيجيو ويسولو عليك...
مليكة:راسي ضارني مافيا لي يخرج...
علي تنهد:راسك ضارك ولا مابغيتيش تشوفيه؟؟
مليكة علات راسها فيه:اوا مين عارف هادشي علاش كتسولني.. 
علي بحزم:مليكة!!هضري بأسلوب حسن من هكااا..راه عارف ظروفك صعيبة هادشي علاش مانديش عليك دباا...
مليكة تعصبت:اه مانخرجش...مافيا لي يتلاقا بواحد داير زبلة قد راسو ودبا جاي وتا واحد ماقد يقولو تا كلمة...بحالا مادار والو...بحالا كان داكشي غي حلم...مي مزيان هكا عرفت قيمتي...وعرفت بصاح بلي باااا لي كان دايرلي لقيمة والشان مشى وماكاينش من غيرو يكون ظهري وسندي...
علي مسح على وجهو:راه عارفين اش طرا...ولكن اش بغيتي نديرو قدام الناس....نديرو الشوهة باش فبلاصة مايجيو لعزو يلقاو لفراجة...
مليكة:لااا ولكن طيحو من قيمتي بحالا عمر شي حاجة ماوقعت...
علي دار عندها مغزف:واش نتي نسيتي؟؟(مليكة كتشوفيه)نتي راك مرتييي....فهمتي...مرتي انا ولا مامعمرش ليك العين!!واش راجلك قدامك ونتي كتهضريلي على لماضي بحالا انا ماكنتش فيه وماعشتوش...انا وقفت معاك وحميتك وبغيتك ودرتك فوق راسي...وهادشي كامل ضربتيه ليا فالزيرووو...مازال مابغيتي تنساي...مازال ماخرج ليك طه من دماغك؟؟(مليكة تصدمت حيت انفاجر فوجهها وهو كشاكشو خارجين)قولي بلي ماقديتيش تشوفيه عايش مزيان...معاه مرتو وولادو وتجاوز لماضي...قولي بلي مارضيتيش تلاقايه وتجلسي حدايا جنب لجنب على اني راجلك....
مليكة وقفت عينيها حومر:واش كتشك فياا!!
علي كينهج:خصايلك يشككو لي مايشك...من ديما صابر عليك وقانع بشنو مادرتي علا ودي...ولكن دبااا طيحتيلي كواريااا لأرض.. 
حل لباب بالجهالة وخرج معصب ماكيشوفش قدامو...مشى نيشان باتجاه الطوموبيل ركب فيها وولادو شافوه مشاو عندو مافاهمينش وهو يقلع بزربة بلا مايشوف موراه....

لداخل لينا جالسة حست بالقنط:جااد تقدر تخرج معايا على برا شوية؟؟
جاد تفاجئ شاف فخالو وجدو وباه...وناض متوتر:ء اههه ياله...

يتبع...

التنقل بين الأجزاء

صفحة القصة
سيتم تشغيل صندوق التعليقات بعد لحظات
معظم التعليقات تم إخفاءها بواسطة الفيسبوك، نحاول بكل الوسائل المتاحة إستعادتها في أقرب وقت ممكن.