رد بهدوء: شوية ديال الصبر الانسان كيتجاوز الصعاب ... ضاروري من ال عراقيل
رن الهاتف وهوا كيهضر معاها داير رجل على رجل كيشوف فالتلفازة وهزو ناض دخل للبيت ديالو سد عليه تما كيهضر .. جاها الفضول تسمع وناضت دايزة حدا بيت استيلا اللي جالسة كتحفض .. شافتها الاخيرة وعيطات بالجهد قفزاتها وصدقات اشراق داخلة عندها بابتسامة
- ههه كتحفضي ؟؟ انشوف شنو كتقراي؟
جلسات حداها كتشوف وتهضر معاها مافهمات فداكشي اللي كتقرا عليه استريلا حتى حرف... كلشي بالفرنسية وكلشي معقد .. الرياضيات بالفرونسي واشراق قراتو بالعربية حتى هوا مافهمات فيه والو من غير توس و ايكال .
طول علي فالبيت شوية من بعد حل الباب وخرج بنفس السورفيت ماشط اللحية والشعر والريحة سابقاه ... طل عليهم فالبيت بابتسامة وقال
- حفضي دروسك هانا جاي نعرضك ... هانا خارج اشراق الى تعطلت ديري شي حاجة تعشاي بيها كولشي راه واجد فلاكويزين .. استي.(بتحدير) احليب والنعاس فاش تسالي .. هانا جاي
ابتسمت اشراق بمجاملة في حين خرج خلاهم بجوج ... دارت يديها على خدها كتفكر وتهندس .. معامن كان كيهضر؟ وفين يكون يخرج زعما ؟ بقات جالسة تفكر شوية ابتسمت وقالت
جلسات معاه لولهة وناضت جوايه 8 صايبات الحليب لاستريلا وداتو ليها شرباتو تحت خيوط القصة الجديدة اللي عاودات ليها حتى نعسات .. ردات عليها الباب وطفات الاضواء خلات ليها الضوء الملون ومشات شافت فالساعة لقاتها 10 ديال الليل . استغربات لهاد التعطال هادا و قررات انها تاصل بيه ومشات جلسات فوق الكنبة تاصلات بيه ... رن المرة الاولى والثانية حتى قطعات عاد صونا ليها بصوت هادئ
- وي اشراق؟ كلشي مزيان؟
ردت بارتباك : الحمد لله .. غير تعطلتي قلت ياك ماكاين حتى مشكل؟
رد : لا مكاينة حتى حاجة .. استريلا نعسات؟
ردت : شربات الحليب ديالها ونعسات
رد : صافي مزيان .. بلا متسنايني غير نعسي نقدر نتعطل
اشراق: ااه .. ام .. واخا تصبح على خير
قطعات بقات جالسة يدها على خدها حتى عيات ومشات للكوزينة صايبات ليها عشا خفيف ضريق تعشات ونيشان للحمام لروتينها الليلي ومن بعد الفراش فين نعسات .. لاكن هاد المرة مانعساتش بقات متكية كتشوف فالسما اللي قدامها من النافدة وساهيا كل مرة تسمع تقرقيب كتهز راسها وطل من الباب .. ساعا غا كاتي كدور وسط الدار واسترا كتقرقب على برا . وصلات الساعة حوالي 12 ديال الليل وهي تسمع حس الباب تحل .. هزات راسها تأكدات وناضت مور الباب طلات لقاتو واقف حيد لافيست علقها حدا الباب وتم جاي جهة الحمام كيكفض على يديه .. مشات بسرعة باش ميعيقش بيها رجعات لبلاصتها تخبات وتغطات وبقات طالقة ودنيها كتسمع حسو برا كيتحرك .. نصف ساعة وقطع الحس .. تأكدات مزيان وناضت على اصابع رجليها حلات الباب بشوية وخرجات طلات عليه لقاتو طلق الكنبة بحال الناموسية ونعس .
رجعات بحالها للفراش كتفكر حتى داها النعاس وكالعادة صبحات استريلا عليها كتفيقها ضفرات ليها الشعر ولاحت الشال على راسها تسترات وخرجات كتجر البانطوفة لقاتو كيلبس الصباط ولابس حوايج الخدمة .. ابتاسم وقال
جلسات فالدار النهار كامل ماعندها مايدار كدور فالفايسبوك من كروب لكروب وكتقرا شنو كيحطو الناس وتعلق حتى هي .. لقات وحدة كاتبة على الغربة وعلى الحياة برا وبدات تجمع معاها فالتعاليق حتى دخلاتها لكروب اخر خاص بالجالية المغربية المقيمة بكندا . بقات دور فيه وتهضر مع الناس وتسول وتبحث نص النهار كامل حتى للعشية .. فالاخير لقات راسها دايرة شبكة صغيرة فيها بعض الناس وبداو كيهضرو فالواتساب ويتجمعو . عاودات ليهم على الزواج الابيض الطريقة باش جات وبدات كتسول شنو خصها دير وفين تمشي .. دوزات الوقت كامل فتيليفون حتى تحل الباب ودخلات استريلا ومعاها علي كالعادة .. الروتين .. لاكن هاد المرة بقات جالسة متحركاتش كتشوف فيه بنص عين وتنفخ بوحدها .. اما هوا فكان كيتصرف عادي ووجد ماكلتو و حط لاستريلا وجلس .. عيات اشراق تسنا فاستريلا تهضر فالاخير حنحنات وقالت
- علي... ممكن نخرجو شوية نعرف المنطقة و نعرف البلايص هنا؟
باستو حتى ماقدات وناض هازها كيكور فيها داها للبيت كيجبد ليها حوايجها وهي كتشرط بغيت هادي .. لا بغيت نلبس هادي .
خرجات اشراق من البيت لابسة كابيتشو رمادي ودايرة فولار ابيض مخشي فعنقو ومطلعة القب على راسها .. دجينز ازرق جديد وحداء رياضي وجاكيط كحلة بالريش من لفوق .. وجهه صافي ون مكياج ابيض كالخليب وخدود وردية .. ريسيل خفيف ومرطب شفاه وردي . لقاتو جالس كيتسناها حتى خرجات ودخل عند حوايجو لبس بحالها ودون كحلة من لفوق وخرجو .. داز على استرا حتى هي خرجها ليهم برا وماحستتش بيها اشراق حتى هبطات عينيها كتشوف شنو داكشي حدا رجليها رطب .. غوتات كتعنعن ولسقات فيه من اللور كتهرب
- لالالا بعدها بعدها
جرها من الجهة الاخرى: اجي من هنا مغدورش بيك غير اجي
شدات فيها استريلا: كتخافي منها هههه مكتعضش شوفي
حطات يدها على فم الكلبة وقالت : شفتي
علي: اجي لهنا .. هاكي
عطاها معقم مسحات بيه يديها وهوا كيسد باب الجردة ... تصادفو مع جورجينا خارجة حتى هي كضحك معاهم وتقدمات كتسلم عليهم وكلشي من الوجه وتحنات عند استريلا باستها وداعبات استرا بيديها كتهضر كأنها كتهضر مع بيبي صغير .. وقفات كتسول على الاحوال واشراق كتشوف فيها بابتسامة حاولات ماتعاودش نفس الغلط ديال عليا وتسمع شي هضرة
تمشاو على رجليهم شاد استرا وكيوريها الاماكن والحي في ساكن .. ضرب بيها دورة حتى وصلو لسوبر ماركت كبير ودخل استرا شدها مع الكلاب حدا الحارس ديالهم بالارقام ودخلو للسوبر .. جاه اتصال وابتاسم وبعد شوية كيهضر وهما كيدورو وكل مرة دور جهتو تشوف فيه .. هزات استريلا كاع الشكلاط اللي دازت حداه والحلويات وبدات تعمر .. سالا المكالمة ورجع عندهم شاف داكشي عامر وقال كيضحك ..
- شهادشي كولو ياك تافقنا على ايس كريم
هزات راسها شافت فيه وقالت : بغيت حتى هادو
بدا يضحك واشراق قالبة وجهها لجهة اخرى فصمت كدور مكتهضرش .. داز خلص داكشي وخرج استرا وكملو الطريق كيدورو .. شافها ساكتة مكتهضرش وسكت حتى هوا مهضرش حدو عطاها ايس كريم ديالها ورجعو بحالهم للدار كل واحد شد قنت وهوا شد البيسي كالعادة ودار نضاضر خدام
صباح جديد ونهاية اسبوع جميلة شميسة ساطعة ... وعطلة صبح كولشي ناعس الى علي صبح بالشورط وبودي مزير اسود رياضي كيجري .. رجع للدار لاكن مارجعش بوحدو .. حدو حل عليها الباب لقاهم كيفطرو دخل هاز فيدو قرعة دالماء وموراه بنت شهبة طويلة نحيفة ملامح كندية وعيون زرقاء .. جسم جداب بل اكثر من جداب .. لابسة كولون اسود وتريكو باليدين اسود رياضي وحداء رياضي وردي .. اردافها مخدومة مطراسية و مأخرة مهزوزة وخصر منحوث وصدر مرفوع .. اما ليمولي ياسلام .. فيدها قرعة ديال الماء حتى هي وكضحك هي وياه .. هزات اشراق المخشية فبيجامة راسها شافتها وهي تجمع الضحكة .. ناضت استريلا عندها بابتسامة سلمات عليها وبدات الشهبة اللي حامعة شعرها ديل حصان كتهضر معاها وتلعب معاها .. تلفتت شافت فاشراق بابتسامة وخاطباتها بالفرنسية في حين مشا علي نيشان للحمام
- بونجوغ سافا؟
ابتسمت اشراق بصعوبة وهي فحالة صدمة
- سافا.!!!
رجعت ابتسمت البنت وجلسات على كرسي دايرة رجل على رجل حتى رجع علي وشافت فيه كتهضر بفرنسية كندية صعابت على اشراق تفهمها خصوصا انها كتهضر بالزربة .. رد عليها علي بالمثل كيضحط معاه وشاف فاشراق وقال حاط يدة على كثفها
- سمنتا .. اشراق... اشراق ..سمنتا
ابتسمت سمنتا وقالت بشوية فهماتها اشراق
- اشراق ياك .. اشراق .
رد بالايجاب كضحك معاها . : وي اشراق
حسات اشراق ان سمنتا كتعرفها... وهادشي كيدل على ان علي عاود ليها عليها .. وشنو غيكون عاود ليها !!!
طحن العصير بسرعة من العصائر الغريبة ديالو وعمر جوج كيسان عطا واحد لسمنتا وواحد خداه
بقات اشراق غير حاللة فمها فسمنتا وكطلع وتهبط فيها اما استريلا كاع متسوقات مشات تفرج متبعة الرسوم وبقات اشراق بوحدها فحالة ذهول .. العصير اللي ماقدراتش حتى تجغم منو شرباتو سمنتا بشوية عليها وكتبنن .. حط علي الكاس فبلاصتو ومشا جهة بيت النعاس كيجبد فعنق تريكو .. اما سمنتا بقات جالسة شوية ناضت للثلاجة راسها واشراق كتشوف فداك الجسم مصدومة ... هادشي بزاااف!!! هادا ماشي جسم هادا نحت !!! مرسومة بحال شي مونيكة عمر اشراق شافت بحال داك الجسم حتى عندهم فلاصال ! وهادا بالضبط اللي كتسعا وراه خليج وخدامة عليه بالليل والنهار! .. جبدات سمنتا الماء شربات ودارت شافت فاشراق وابتسمت ليها ومشات برشاقة جهة بيت النعاس تبعاتو .. تشركو عينين اشراق اكثر وصفار وجهها ماقدراتش تستوعب وناضت بشوية جهة الحمام اللي حدا باب بيت النعاس شافت الباب مايل وهوا عريان لابس الشورط اللي تريض فيه ... بقات حالة فمها فداك الصدر العربي المرطاسي لاجزاء والكرش المنحوثة تصبن فوقها حوايجها .. تلفت كيشارجي تيليفون عطاها بالضهر .. كلو هضبات وخصر منحوت وجوج تقبات اسفل الخصر واضحين مباعدين والشورط هابط فوق السليب وكيهضر مع سمنتا اللي مابيناش ليها بشوية .. بقات اشراق كتشوف فالارض وتشوف فيه شوية ردات سمنتا باب البلاكار بيدها ووقفات موراها حطات يدها على كثفو ثلفت كيضحك معاها وعنقاتو وهوا يلوي يدو خصرها المنحوت دورها جهتو وبعدها جهة الباب فقبلة حامية . كانت اشراق غتسخف وطيح من طولها والعرق بدا يتصبب ورا ضهرها وهي مخرجة عينيها كتسمع الهمس والقبل فقط مابقاوش كيبانو .. .. شوية سمعات الصوت كيقرب من الباب ديال سمنتا وهي دوخ دخلت فالطواليط سدات عليها وجلسات كتشوف فالطواليط كدور بيها
سمعات حسهم خارجين من البيت بعد ديك القبلة مباشرة ووقفات كتغسل وجهها وضربو بما بارد حتى توكضات وناضت مسحاتو وخرجات من الطواليط لقاتو جالس حدا استريلا بتيشورط معنقها كيهضر معاها و سمنتا فوق نفس الكرسي جالسة .. ناضت وقفات بابتسامة بغات تخرج وشارت لاشراق اللي جايا من جهة الحمام وجهها حمر .
- باي اشراق..
ردت اشراق بابتسامة فقط وناض علي خرج معاها للباب مشات ورجع دخل سد عليهم وهز استريلا على رجليه كيلعب معاها .. اما اشراق ماعرفات مادير ..بقات كدور فلكوزينة دايخة وتقرقب تالفة .. طيحات القرعة دالملحة تهرسات ورجعات اللور متوثرة كتشوف فيها .. تحنات بسرعة كتجمع الزاج وناض عندها بهدوى جلس القرفصاء وقال
- ماشي مشكل انا نجمعو حيدي غتجرحي يد....
قبل متكملها داز فيها الزاج جرحها وهوا يشد ليها صبعها وقال
- ها شنو قلت ليك
بقات كتشوف فيه وتشوف فيديه شاد ليها فالصبع وهي تهرب بسرعة وقالت بتوثر
- لالا صافي صافي انا غن.. غن
شد ليها فيدها : اري يدك مالكي؟ شوفي كي كتقطر ..
ناض بسرعة جاب المعدات ورجع عندها اما هي دارتها تحت الروبيني وهوا يجرها
- شكاديري واش هاكا غيتفطع الدم .. لوا ليها الفاصمة على يدها وهي تالفة وبسرعة جمعاتها وناضت قائلة
- صافي صافي ... صافي براكة
وقفات دايخة عطاتو بالضهر كتلف وداز هوا موراها بغا يجبد فاش يجمع داكشي وهي تقفز من بااصتها طارت خلاتو غير كيشوف
- شنو ؟ شنو كاين مالك مخلوعة ؟
ردت بتوثر : االا .. لالا مامخلوعاش
رن تيليفونها ومشات كتجري لقات خليج على الخط .. هزاتو ودخلات للبيت بسرعة سدات عليها كترعد وفتحات الكام
خليج: اهليييين اهلان .. (استغربت) مالكي وجهك صفر.. غير لبارح كان باين فيك الضو
سكتو كيتغداو فصمت .. من بعد ما سالا الغدا هز شكارتو وشد لاستريلا فيدها وقال
- انا غادي للنادي غندي معايا استريلا حتى تلعب البالي ... الى بغيتي تمشي يالاه
ردت بالنفي: لا غير سير انا غنجلس عيانة شوية
رد بابتسامة : اوك اللي بغيتي .
خرج سد الباب مشا وناضت من موراه لبسات حوايجها وهزات السوارت وخرجات حتى هي كدور غير تما فالحي ديالو .. دايرة يديها فجيايها والقب وغادية كتقلب وتسارا .. كل مرة دخل لمحل وتسول على خدمة .. كل مرة دخل لسوبر ماركت وتخرج يائسة .. بقات كدور دور دور حتى دازت حدا محل لبيع الزهور والورود .. محل جميل جدا كبير ومزين بالورود وتشكيلات .. دخلت كتشوف وتمنض فليكارط بوسطال مستفين و وديكورات والباقات فعلب دائرية ومربعة محطوطين فالالوان وتشم .. وقفات عليه مرى كبيرة مكمشة وقالت بالفرنسية
استغربت المرا وقالت : تخدمي؟ ... واش سبق ليك خدمتي فشي محل؟ يعني واش حافضة اسماء الورود
ردت اشراق بابتسامة : بصراحة لا ... ولاكن نقدر نحفض اسمائهم بسرعة عقلي خفيف وكنصايب تشكيلات زوينة ...
بعد نصف ساعة .. حطات اخر ودرة فوق عش عصافير متوسط من صنعها بالقش اللي كيصايبو منو ديكورات .. عمراتو بالقطن ابيض الوسط وستفات فيه الورود بطريقة مذهبة وزيناتو بسينتة ذهبية على شكل هدية وحطاتو فالجنب للسيدة اللي واقفة كتهضر مع الزبون
اشراق: مدام ... ساليت .. كي جاك
تلفتات السيدة زالزبون شافو فيها ومشا ليه الزبون مباشرة وقال
السيدة : انا بغيت كل مرة تبهريني بدوقك واحساسك فالاختيار .... والى بقيتي هاكا ومشيتي على هاد الابداع .. غادي نضاعف الراتب الشهري ديالك ... ولمعلوماتك ... انا الوحيدة اللي كنخدم فالمحل وكنجيب تشكيلات جاهزين ... ولاكن من دابا لفوق فاش تخدمي معايا غنبقاو نصنعو اشكالنا راسنا ... ونديرو لمستنا . غدا مع 8 تقدري تبداي مرحبا بيك
كانت اسعد وحدة وهي غادية فالشارع هازة صاك ورقي احمر كبير وكدور بسعادة ... اخيرا ضحكات ليها الدنيا من بعد الاسوداد اللي كانت عايشة فيه . حتى جو كندا ووجوهها لغريبة عليها والمحيط اللي تبدل عليها زاد ساعدها وحسن شوية من حالتها النفسية.. نضرات الناس ليهامن راسها لرجليها مابقاوش...التجمعات الفراعة فكل مكان مابقاتش .. كلشي تبدل عليها للافضل .. فين ماشافت كتلقا شي حاجة كترد النفس احسن بكثير من دي قبل.. شيوخ كيتمشاو بهدوء فالشوارع ... فتيات على الدراجات جميلات انيقات... محلات نضيفة مزينة بالورود والاشجار من برا .. حب منتشر فكل مكان وفكل زمان .. فين ماشافت كتلقا الطاقة الاجابية وتبسم بدون شعور .. جو بالرغم انه بارد الا انه جميل جدا ونضيف ورمنسي عندو قبول خاص .
حلات باب زجاجي تسمع صوت الجرس كيتخرشش من مورو الحلة ودخلات للمحل كتشوف انواع الشكلاطة والحلويات .. ابتسمت وهي كتشوف كأوس جميلة جدا وختارت واحد منحوت على شكل اميرة فارغ من الوسط ويدو ملوية على شكل دفيرة شعر وبدات تعمرو بانواع الشكلاطة اللي قدامها وتختار حلويات من الكراميل حتى عمراتو وعطاتو لصاحبة لمحل زيناتو ليه بربطة خفيفة وعطاتو ليها مرافق بابتسامة جميلة بيضاء.. دفعات اشراق ثمنه من المال اللي عطاتها صاحبة المحل كتشجيع ليها ولم يتبقا منه شيء ليها . خرجت من المحل بابتسامة راجعة للدار مستغربة لهاد البلاد اللي كتعطي اهمية للمشاعر والاحاسيس فكل حاجة .. محلات ورود فالشواره كتباع بكثرة و محلات للحلويات والشكلاطة بكثرة ايضا . وكذلك محلات للكتب والرويات والقصص وليكارط بوسطال موجودة . بالرغم من برودة الجو الى ان الشوارع مليئة بالحب والدفئ والحنان اللي كيخلي الانسان ينسا برودة الجو .
حين اقترابها من شارع الدار صادفات علي وهوا خارج من شارع اخر كيشوف يمين يسار وكينهج .. وقفات بابتسامة شافت فيه من بعيد وتلفت شافها ومشا عندها كيجرح نيفو احمر وفعينيه خوف كبير وقال بتساؤل بنبرة منزعجة
بقا ساكت كيشوف فيها مطولا بغضب وتلفت قدامو غادي بلا ميتكلم وهي مواره بهدوء حتى للدار ودخلات لقات الجو مكهرب .. استريلا حدا الباب كتسنى ودموعها بغزارة هابطة على خدودها الصغيرة وكتشهق ... فور ما دخلات ترمات عليها استريلا على رجليها عنقاتها في حين دخل علي مباشرة لغرفة النوم وزدح الباب بقوة . تفاجأت اشراق من شنو كتشوف وتحنات عند استريلا عنقاتها بقوة وقالت
بعدات استريلا كتشوف وتمسح عينيها وشدات من عندها كوب الشكلاطة وبدون كلام عطاتها بوسة على خدها وقالت بصوت طفولي
- شكرا
اشراق : وجبت ليك واحد الحاجة اخرى زوينة اجي اجي .. اجي دغيا تشوفي
جراتها من يدها للطبلة وحلات الصاك جبدات منو تاج من الورود من صنع يديها وحطاتو ليها على راسها وقالت
- انا صايبتو ليك عجبك ؟
ابتسمت استريلا وقالت : زوييين
عنقاتها مرة اخرى وهزات عينيها المدمعة فيها وقالت
- ياك عمرك مغتمشيش . غتبقاي معانا
شافت فيها اشراق بأسى كتسمح ليها خدها وقالت
- نشاء الله ابنتي ..يدير الله خير
باستها من جبهتها وبقات كتشوف فيها باسى .
خدات استريلا الكاس ومشات كتجري والورد على راسها عند باباها حلات عليه الباب في حين ناضت اشراق للطواليط .. يالاه بغات دخل سمعات الحوار بيناتهم وطلات بشوية لقاتو جالس فطرف النموسية حال رجليه ومجلس استريلا الوسط شادها بيديه كيبوس فخدودها
- وقريب نلقا حتى السكنة نشاء الله .. نتا درتي معايا جهدك وكثر مانساش ليك هاد الخير ... ولاكن خاصني نعتامد على راسي دابا .
حرك راسو بالايجاب بلا ميهضر وهوا كيشوف فالحاسوب ومشات هي جهة شنطتها حلاتها كتقلب على بيجامتها . رن ليه الهاتف زهزو فتح الخط بصوت مبحوح مقطع مكيتسمعش كاع .. بزز باش كينطق .. حولات عينيها جيهتو وتوقفات عن الحركة وهي محنية كتسمعو كيهضر وكتحاول تفهم شنو كيقول
جاتها البكية وحسات بالحكرة وتكمشات فركنة ماتحركاتش منها لعشية كاملة ومع ذلك عينيها على الباب ..
خرجات سمنتا كتلبس جاكيطتها ولبيوط وزادت مع الباب ماهضراتش .. تبعاتها اشراق بعينيها ومارتاحت حتى خرجات .. ناضت للبيت بسرعة دخلت لقاتو باقي ناعس وقربات منو بابتسامة حطات يدها على جبهتو وقالت
- علي .. كي بقيتي باش كتحس
حل عينيه بتتاقل وقال : شوية
ناضت بسرعة كتجري مشات جابت ضمادات ثلجية زرقاء من لفريكو كيستعملهم للكدمات فالرياضة ورجعات بسرعة لواتها فتوب وبدات تحط على جبهتو وتبرد ... نصف ساعة وهي تسمع الحس فدار حساب ليها استريلا .. لاكن كانت سمنتا اللي دخلات للبيت من بعد ما حيدات جاكيط فالباب وليبوط ورجعات هازة فيدها دواء من الصيدلية .. شافتها قريبة منو وهي تعبس وقربات منها خدات ليها الضمادات وقالت بجدية
دور وجهو بتتاقل ساط بغضب وهي طيرو ليها سمنتا من يدها كملات بلاصتها ... اما اشراق جمعات النفس وخرجات كتسوط غضبانة وخلاتهم معاوداتش قربات للبيت حتى ضربات 8 ديال الليل وميلات راسها طلات على الباب لقات الضوء مشعول خافت .. مشات طل وحلات الباب لقاتو فايق متكي على ضهرو لايح يدو حداه بعفوية وسمنتا حداه كتهضر معاها وتوريه الاوراق
- صافي؟ هوما هادوك ؟ ... سيفطت لخدمة كاملة فالمايلات وامبريميتها ليك هنا .. الى حتاجيتيها فوق الاوراق
شافو فيها بجوج حلات الباب وابتسمت قائلة
- علي كي بقيتي؟
رد بالايجاب ببرودة : الحمد لله .
كملات سمنتا كلامها وقالت بصوت منخفض بينها وبينو
- صافي؟ الى حتاجيتي شي حاجة تاصل بيا ... انا غادي نوصل للدار حل لاكام اوك
رد بالايجاب : اوك .. شكرا فكيتي ديك الخدمة
حطات كلشي فوق الحاسوب واشراق حدا طواليط بعيدة كطل بنص عين .
رجعات عندو تكات عليه كيبان غير ضهرها وكلام خافت بينها وبينو ماعرفاتتهاش اشراق واش كنبوسو ولا شنو كدير.. حط يدو ورا ضهرها بلطف من بعد ناضت وسلتات اشراق لبصلاتها كتشوف فيها كتلبس جاكيط ديالها وتهضر مع استريلا
ردت كتبكي: ماعرفتش شنو كيوقع ليا كنحس بيدي فاشلين ... ماعرفتش شنو ندير ولا كفاش نتصرف ... دخت والدنيا كدور بيا كنحس براسي لا شيء
خليج: عليها كتسوليني واش خايبة ولا زوينة ؟ شوفي ماتبقايش تقارني راسك بيها نتي فجهة وهي فجهة ... واش وحدة خدامة معاه فإدارة كتوشي زبابل دالفلوس هي وحدة يالاه لقات خدمة فحانوت الورد !!!
خليج: هادا هوا اللي كاين اشراق واش بغيتي نكدب عليك ... وزايدون مابينك وبين علي والو مجرد وثيقة تافقتو عليها غيطلعو الاوراق وتقطعوها .. اما هاديك راه بلاصتها بوحدها ونتي بلاصتك بوحدك ... نتي يالاه بادية قلتي بسم الله هي راه فبلادها ومرتاحة وكتشد فلوس صحيحة .. بسيف ماتكون بحال هاكاك الى ماخسراتهمش على راسها على من غتخسرهم . حتى نتي كنتي فبلادك بالبروجي ديالك وبيخير وطموبيلتك .. ولاكن درتيها راسك انا نتي كنتي حسن منها وطيحتي راسك فزوبية . مهم الماضي ماعندناش علاش معاودوه ... نتي مشيتي بغيتي تقراي .. مزيان حتى هادشي خطوة زوينة الناس كيقلبو عليها بالريق الناشف ... وحتى نتي غتولي بحالها وحسن خاصك غير الراحة النفسية والفلوس تولي هاي كلاص راكي مناقصك والو
سمعات اشراق لكلام خليج وارتاحت نسبيا من بعد ما عاودات ليها كلشي ولقات شي واحد يشاركها همومها . هنا حسات فعلا بالغربة وحب العائلة ودور الاخوة الحقيقي علاش كان كيهضر ليها علي .. فعلا الوحدة قاتلة واخا هي عايشة معاه فالدار لاكن كتعيش فراغ ووحدة وضلام دامس فحياتها زيادة على العلاقة المتوثرة ديالها بعلي .
تكات على جنبها بارتياح كتنخصص ودخلت لكروب الخاص بكندا بقات طالعة نازلة كتشوف وتقرا وكتبات منشور كتقلب على دار تسكن بثمن متواضع وحطات اسم الحي وطاحت نعسات . فنص الليل صونا ليها تيليفون وناضت هزات راسها لقات خليج على الخط .. فتحات الكاميرة وهزات راسها
الو
خليج: شوفي راه سيفطت ليك واحد العنوان ... من الصباح وانا نقلب فليسيت على ديور لكرا تما فداك الحي اللي عطيتني ولقيت واحد الدار تما نيت راه سيفطت ليك ليان شوفي الدار فتصاور سمعتي .. وهضرت مع مولاها قلت ليه سميتي اشراق وها شنو ها ها شنو غدا فالصباح من النبوري غتمشي تبيعي لخاتم ودوزي للعنوان اللي عطيتك شوفي الدار وطرقي مع مولاها المسمار و خوي ليه دارو ديك الساعة ماتزيدي فيها دقيقة
اشراق: صافي واخا ..
خليج: موجووودين الديور فليسيت عندكم تما اكوكو غير نتي ماقلبتيش .. واصلا كان عليك تقلبي فليسيت ماشي تخرجي تقلبي على رجليك حساب راسك فالمغرب! راه حاطين ديور لكرا كلهم فسيتات
اشراق: صافي نشاء الله غدا غنمشي الصباح ...شكرا ماعرفتش شنو كنت غندير بلا بيك تبلونطيت والله
صبح الحال وصبحات اشراق كتحل الباب بشوية على علي لقاتو ناعس على كرشو والبيسي حداه محلول وطافي .. مشات بشوية لباليزتها جراتها خرجاتها وبدات تقلب على الكارط ديال الخاتم مع المجوهرات ديالها حتى لقاتو ووقفات الباليزة حدا الكنبي . رجعات كتسلت هزات حوايجها و خرجات من البيت بشوية لبساتهم بسرعة ودارت لقب ديالها .. حلات الباب ومشات كتجري مع الشارع حتى بعدات عاد تنفسات ووقفات كترد السوفل وبدات تمشا بشوية كتشوف الناس كيديرو الرياضة فداك الصباح .. بقات كتسول على بائعي المجوهرات والناس كدلها وهي تابعاهم حتى لقات راسها فشارع كبير فيه جميع انواع الماركات العالمية مستفين ومنهم ماركة كارتيي اللي نفسها عندها فلاكارط ديالها ومنين تشرا الخاتم .. كان المحل . وقفات فالباب حيدات الخاتم من صبعها كتشوف فيه بأسى مساخياش بيه وحطاتو فعلبة ودخلات للمحل تحت عيون كتراقبها من بعيد من سيارة سوداء واقفة فالشاره
خرجات بابتسامة فرحانة شادة الفلوس فيدها فغلاف و خباتهم فكبوطها ومشات دايرة يديها فالجياب راجعة بحالها . وفنفس الوقت من زاوية اخرى تحركو تبعوها جوج شفارا كانو مرتقبينها من ساعة ما حيدات الخاتم لساعة الي خرجات فيها و هي غادية مع الشوارع وهما كيدوزو ليها من هنا ومن هنا حتى وصلات لشراع ديق كيخرج لشراع كبير وهما يتعرضو ليها قدامها قاصدينها بلا مترد البال .
ماحساتش براسها حتى لقات راسها تحت كم او دراع شخص عنقها وهزات راسها مخلوعة وقالت فدهشة
- علي!!!
خزر فدوك الشفارا بجوج اللي كانو جايين عندها عوجو الطريق فاللحضة الاخيرة وقال
- اجي معايا
تلفات مافهمات والو كتشوفو معنقها مدوزها من الشارع وتحت نضراتو الحادة ونضرات اللصوص الماكرة شاف واحد فيهم فتح السكين بالتخبية .. على علي على لافيست بالجنب كيشوف فيهم فإذا به هاز فردي اسود راكب فسروالو الدجينز خلا اللصوص يتراجعو اللور بمكر بنضراتهم الماكرة ورجع غطاها وداها فتح ليها باب السيارة دخلها تما بلا ميهضر وزدح عليها الباب
طلع حداها بلا ميهضر ديمارا السيارة بعد على الشارع وشد الفران بقوة حدا جردة كبيرة فالجنب وتلفت شاف فيها بغضب وقال
- معامن تشاورتي تخرجي من الدار ؟؟؟؟ واش حساب ليك راسك فالمغرب غتبداي دوري كي بغيتي ودخلي وتخرجي كما بغيتي
بقات كتشوف فيه مصدومة وردت بغضب ووجهها حمر
- ماعندكش الحق تغوت علياااااا
دفعات الباب بقوة نزلات ونزل موراها كيخزر فيها بغضب وقال
- ماااحدك عندي هنا مغتحركيش من الدااااار حعى نكون معاااك ولا سيري رجعي لبلادك وديري اللي عجبك فيها خرجي ولا دخلي ... مي نتي هنا تحت مسؤوليتي انااااا ومغاديريش اللي قالك راسك وتبقاي دخلي وتخرجي بلا خبااري ... لباارح قلبت عليك حتى سخفت ونتي ماعلى بالكش كااااع ومضاربة حساب حتى واحد ...
دورات وجهها كترمش عاد سرات معاها وبقا هوا مصدوم غير كيشوف فيها .. مشا جهة الباب حلو بقوة وقال
- هادشي كان باين من اللول...
بقات كتشوف فيه وتشوف فالباب وهزات خنارفها خرجات وهوا يزدخ موراها الباب بقوة
بقات واقفة مور الباب خايفة كتشوف فجنابها وتشوف موراها وتبلع فريقها ومشات كتشوف يمين يسار باش تبدا؟ جبدات عنوان خليج ومشات كتقلب عليه لقاتو تماما فدوك العمارات اللي موراه كيبانو ليها دائما فاش كتخرج برا .. بدات تقلب حتى لقات لعمارة ودخلات كتقلب على رقم الدار .. لقاتو اخيرا وابتسمت كتشوف فالباب . دقات حل ليها راجل شايب سنانو طايحين . رحب بيها من بعد ما عرفاتو براسها و استقبلها فالدار وهي كتشوف .. كان بيت صغير جدا (ستوديو) عبارة عن بهو صغير ومطبخ فنفس كتفصل بيناتهم خشبة مسطحة كوطويلة مستطيلة . الوقت وغرفة نوم صغيرة وحمام و شرفة مربعة صغيرة .. مفرشة ومجهزة و واجدة .. عجباتها الغرفة جدا جدا وتافقات مع صاحبها تكريها من عندو .. تفاهمو على ثمنها ودفعات ليه النقود لي عندها وخرج من بعد ما عطاها مفتاح وخبرها انها ممكن تبدلو الى بغات من اجل الامان .
سدات عليها فالدار كتسرح عينيها بابتسامة وتنفس بارتياح وتكات فوق الكنبة بسعادة كدور راسها يمين يسار .. ناضت كدوز يديها على الاثات الخفيف الموجود وخرجات للشرفة كطل على الشارع .. هزات راسها لفوق كتشم الهوا بسعادة وتردد
اخيرا .. الحرية ... الاستقلال ... الرااااحة .. الحمد لله يا ربي
دخلات بحماس عاودات ضارت فالدار وشافتها من جديد .. قلبات المطبخ الصغير باوانيه كتشوف شنو فيه و دازت لبيت النعاس ترمات عليه وهزات رجليها فالسما كتغوت بسعادة
- يااااااي ههههه ... هنا غادي نعيش.. وغادي نقرا ومغنخرجش من هاد الدار صافي .. فيها غنعيش حياتي ونبدا صفحة جديدة
تقلبت بسعادة كتكور فوق النموسية و ناضت طلات غلى الحمام كان فيه بانيير صغير لااستحمام كذلك ..
عجباتها الدار وماسخاتش بيها لاكن ماعندها مادير .. خصها تمشي بسرعة لعملها الجديد اللي اصلا تعطلات عليه .. وفاش ترجع تاخد فداك الحمام احسن تحميمة .. لاكن باقا ليها خطوة اخرى .. وخطوة صعيبة جدا ... ترجع عند علي وتخرج شنطها واغراضها اللي خلات عندو
وصلات للمحل كتجري كلها حيوية ونشاط لقات السيدة فيه كتبيع وطالع ليها الدم .. وقفات قدامعا اشراق جامعة يديها بأسف شديد وقالت
- سمحي ليا بزاف سمحي ليا تعطلت ماجيتش الصباح ... يالاه خديت سوارت الدار ولقيت فين نسكن (بحماس) اه وغير قريبة منك غنبقا نجي انا اللولة عمرني مغنتعطل عليك
بقات السيدة كتشوف فيها بانزعاج وقالت
- اخر مرة نقبل غياب بدون مبرر سابق
اشراق : اخر مرة
السيدة : غادي نشوفو .. خودي الطابلية ديالك راها جيت ليك وحدة ولبسيها
مشات كتجري بسعادة حيدات الجاكيك بقات بتريكو ولبسات طابلية بيضاء بحال ديال الطبخ من التوب فيها طرز بالورود وبدات دور بسعادة .. لبسات قفازات وبدات دور على الورد كتمسحو وترشو بكل فرح
انتهى وقت العمل فالمساء وخرجات من المحل بسعادة مشات مباشرة لبيت طه .. دقات جوج مرات حل ليها الباب وقالت مهبطة راسها بأدب
- الى كان ممكن ناخد ليفاليز ديالي
بقا عاقد حواجبو كيشوف فيها بنضرات غريبة كأنه احتقار او اشمأزاز ودار ليه الطريق قالب وجهه دخلات بهدوء .. لقات استريلا جالسة كتلعب مع كاتي وتمشط ليها وتلبسها مقابطها .. شافتها وناضت كتجري عنقاتها وقالت
- صايبت لكاتي بحال اللي كتصايبي ليا
قال علي وهوا غادي جيهة غرفتها : استريلا ... اجي نعطيك شي حاجة
شافت فيه : واخا
مشات للبيت بعفوية كضحك ورد الباب في حين مشات اشراق بسرعة فهمات المعنى وبدات تجمع حوايجها اللي جبدات فالشنطة وتخرج حدا الباب .. بقات ليها شنطة وحدة حمرا صغيرة جراتها وهي تفلت استريلا بابتسامة من علي اللي كيلهيها بالالعاب وداير معاها الخاطر .. خرجات على غفلة هازة نونوس كضحك عند اشراق لاكن فجأة وقفات فبلاصتها مصدومة كتشوف فيها مخرجة الباليزة.
تبعها علي كيجري موراها شاف فيها بأسى وجرها من اللور وهي كتغوت وتجبد يدها واشراق حابسة الدموع وكتشوف فيها شادة الباليزة .. جراتها بأسى خرجاتها لحدا الباب مع باقي الشنط .. نترات من يدين علي وخرجات كتجري كتشد فيها وتحيد ليها يدها من فوق الشنط وعلي كيجرها ويهضر معاها .. لاكن ودنيها تصمكو وبقات كتشهق وتجرها
- بقاي معاناااا بقاي معااانا متمشيش بقاي معاناااا
تحنات اشراق عندها كتبكي وشدات ليها فوجها الصغير وقالت
- انا مغنمشيش .. غنسكن حداكم هنا ..غنبقا نشوفك ديما
عنقاتها بقوة وعلي جالس القرفصاء حداها حاط يدو حدا الباب وقالب وجهه موراه .. مسح على وجهه وقال كيجر استريلا بهدوء
لقات زيت القلي فيها النص و الذرة فواحد الرف . علب السمك وقرعة ديال الشراب فيها النص .
ضحكات بسخرية على ديك القرعة وهزات علب السمك شافك تاريخ صلاحيتهم لقاتو مزيان .. حطاتو فطبسيل وقلات الذرة ومشات فوق الكنبة كتفرج فالثلفاز .. رن ليها تيليفون مرة اخرى وهزاتو بعفوية ماطلاتش عليه فتحات الخط جاوبات بهدوء وعينيها فتلفازة
- الو ..؟
كان علي على الخط لاكن هاد المرة بصوت عمرها سمعات فحياتو .. بركان ونفاجر بل كيبخ النار ماشي الهضرة ... صوتو كلو مدبد كيهضر ومعارفش اشنة يقولو واشنو يخرج وكيترعد فكلامو .. خلعها وقادات الجلسة كتسمع مصدومة مافهمات منو والو وشنو السبب .. صوت الضجيج حداه والصدا كيتسمع وصوت سمنتا كذلك كتهضر .. صوت الاسعاف من بعيد واصل صوتو .. عرفاتو انه فمستشفى فاقد اعصابو لاكن غضبو الشديد خلاه يلوح الهضرة كلها دقة وحدة فسباق
رد بهستيرية: اشمن داانب درت حتى لقاني ربي بيييييك الاستغلااااالية كان عليا النهار اللول ندير سطوب منرجعش .. انا حمااااار اللي رجعت جاوبتك حماااااار اللي جبتك لهنااااا حمااااار اللي درت فيك خير متستاهلييييش المنافقة الاستغلالية .. (بنبرة بحة مرافقة بصوت طالع مجروح كيتألم كأنه باغي يبكي) ... خربتي لياااا حياااتي لعبت بعقل بنت صغيرة خليتيها تعلق بيك معارفاكش على حقيقتك وشنو كتسواااااااااي ....
بدا يغوت بحرقة وهي تحيط ليه سمنتا تيلي من يدو كتردد فمسمع اشراق بأسى وحزن
- صافي براكة .. برااااكة عليك
قطعات عليها خلات صوتو كيتكرر فأذانها من بعد ما بعد على تيليفون كيغوت وكيضرب شي حاجة .. تلفات عرفات شي كارثة وقعات .. انفجار علي عليها والسي والشتم وكمية الكره اللي خرجات ماتجيش غير هاكاك .. بدات تصوني مخلوعة كتمشي وتجي فبلاصتها لاكن حتى واحد مكيرد وحتى واحد مكيجاوب
صبح الحال واشراق مداقتش النعاس مشافتو .. دفعات باب الحمام بزز هازة فوفطتها .. عمرات الباينو بالماء والرغوة وتخشات فيه خدا قسط من الراحة .. غسلات الشعر وخرات لاوياها عليها نشفات شعرها جمعاتو وبغات تفطر لاكن مالقات والو .. مكاين مايتكال للاسف . لبسات حوايجها كالعادة وحجابها وخرجات من الدار مشات للعمل لقاتو ساد ... بقات واقفة كتسنى حتى جات مولاتو لقاتها فالانتضار وابتسمت ليها ودخلو بداو فالعمل
صايبات السيدة جوج اكواب من القهوى عطاتها واحد وخدات واحد وجلسو كيتجمعو قبل مايبداو تزيين الورود .
وصلات وقت الغدا وابتسمت اشراق قائلة كتلقط ليها الكلمات
قطع عليها خلاها واقفة حدا الباب .. دخلات بسرعة خدات بسكوي حلاتو كتاكل فيه بشوية حتى وقف بسيارته قدامها وهبط الزاج قائلا بنضرات حادة
- طلعي
حلات الباب طلعات شافت فيه وقالت : شنو وقع لبارح مالها استريلا ؟
رد : شوفي... استريلا دابا فسبيطار .. غنديك ليها حيت كيحساب ليها انا جريت عليك من الدار .. غتمشي تشرحي ليها وتجلسي معاها شوية
اشراق: شنو وقع علاش هي فسبيطار ؟
علي: غفلاتني لبارح وخرجات كتقلب ... قلتي ليها انا حداكم هنا بدات كدور حتى جمعاتها طموبيل هزاتها حتى للسما وخبطاتها .
دارت يدها على فمها مصدومة وقالت : اويييلي ؟؟؟ وكيفاس هي دابا كيف بقات؟
عض على شنايفو كيترعد ويسوط وقال
- هانتي غتشوفيها
حطها حدا المستشفى نزلات مخلوعة وبيمو فيدها تابعاه .. حل الباب ودخل ودهل موراها لقات بيت صغير زهري مزين بالورود فكل بلاصة وبياص الوسط ناعسة فيه استريلا حناكها حومر و الضمادات على راسها الصغير بالابيض .. رجلها مهزوزة بالكبص ويدها مفدوعة عليها فاصمة وبعض الجروح فيدها وحنكها .. تخلعات اشراق وبغات تمشي عندها وهوا يجرها من يدها وقفها وقال
- الصباح خرجوها من الانعاش .. ماتبكيش حداها ولا ديري شير ردة فعل قوية
حركات راسها بالايجاب وقربات ليها من الجهة الاخرى .. قرب حتى هوا بجنبها جلس كيشوف فيها بأسى وشد ليها فيدها الصغيرة باسها وبدا يحرك ليها صبيعاتها .. تلفتات بتتاقل عندو حلات عينيها شافت فيه وقالت
-بابا..
قرب بنضرات حزينة كيشوف فيها دوز يدو على خدها وقال بهدوء
- هانا بابا .. بغيتي شي حاجة
قالت بتتاقل : جات اشراق؟
ابتسم وقال : هاهي اشراق حداك ابابا
دورات وجهها للجهة لاخرى بشوية شافت فيها وابتسمت قائلة
- اشراق !!!
غرغرو عينين اشراق وبدات كتشوف فيها وترمش وعلي كيخزر فيها
ضحكات بزز منها ومسحات عينها وشدات ليها فيدها كتنخصص
هزات راسها ماعرفت اش بغات دير هوا يوقف علي بسرعة وقال
- شنو بغيتي ابابا واش عيتي؟
ردت بتعب: ضهري كيضرني
طلع ليها البياص شوية لاكن بقات كتحرك بضهرها بتعب
علي: حيت نعستي عليه بزاف ابنتي .. اجي تجلسي عندي
هبط ليها رجلها المعلقة وهزها بشوية حطات راسها على صدرو وجلس حدا البياص قرب ليها السيروم المعلق ليها وشدها كيدوز يدو على ضهرها كما العادة ويحك ليها وهي كترمش بتتاقل .. قربات اشراق بنضرات حزينة جلسات حداه وشدات ليها فيدها باستها وبقات ساكتة
ابتسم علي كيبوس ليدين ورجلين والراس وقال
- بنتي قوية .. مغيوقع ليها حتى حاجة ... ياك
حركات راسها بالايجاب
قال وهوا كيقبل راحة يدها قبل متتالية
- البطلة ديالي .. غادي تنوض .. وغادي ترجع قوية
هزات راسها شافت فيه بنضرات ضعف متكية على كتفو مهدودة وابتسم ليها ابتسامة باهتة وهي مرخية وبدا يداعب خدها الناعم ويقبل جميع انحاء وجهها قبل خفيف متتالية ويردد
دخلو اصدقاء علي ثلاثة .. هازين الشكلاط و الورود بابتسامة عند استريلا .. كاين اللي جايب مونيكة وكاين اللي جايب نونوس وكاين اللي جايب الشكلاط .. كانو كلهم كنديين .. جلسة معاهم ومن موراهم دخلات سمنتا لابسة لباس رسمي عبارة عن صاية من ثوب قصيرة وحداء عالي و قميجة .. وفيدها مونيكة والشكلاط .. عمر لبيت وتقنتات اشراق ساكتة ساكتة كتشوف بعينيها .. شدات استريلا موتيكة جميلة فيدها وهي فحضن علي وبغات تحلها .. عاونها بواحد اليد وقال بسعادة
- عجباتك ابنتي؟
حركات راسها بالايجاب ومدو ليها الاخرين .. ضار بيها الكل كيضحك معاها ويقبل يدها المريضة اما علي ضعاف فواحد اللحضة بقا كيشوف فالرجل اللي مقادراش تحرك واليد وهبط راسو حداها ساد عينيه بخزن عميق . انتباه ليه واحد من صحابو و رتب على كتفو وقال
غادي تبرا غتبرى خاصك تكون قوي ... خاص تستمد القوة من عندك
اما علي هز راسو وعينيه حومر بحزن شديد طلع تنهدية مدرجة وقلب وجهه للجهة الاخرى كيبلغ الريق . ضارو بيه كاملين كيصبرو فيه بابتسامة كل واحد كيقول كلمة تخفيف الا اشراق اللي بقات فالجنب بعيدة كترمش وكتحمل راسها المسؤولية كاملة.. ماقدراتش تصبر جالسة بيناتهم منبودة وسبب مكيمرو بيه وسبب فالحالة لي فيها استريلا من كسور وخدوش .
وقفات بخجل شافت فعلي وهوا فديك الحالة وقالت بتوثر وخجل
- ام .. علي ... انا .. غادي نمشي صافي؟
هز عينو فيها وتبدلات فيه النضرة .. رمش قالب عينيه للجهة لاخرى في حين خرجات هي مشات بدون انتباه استريلا الملهية فالالعاب . غادية وكتشوف موراها وكتسب فراسها وتلوم .. شدات طاكسي ومشات رجعات لعملها كتبكي ودخلات متمسح عينيها وتجمع النفس
حيدات الجاكيط وبدات فالوريدات وتفكر فالوضع اللي هي كتعيشو ... جلسات ترتاح فوق طبلة محطوط فيها الورد وبدات تفكر وتخمم !
مالي ماعندي زهر فين ما حطيت رجلي كتوقع ليا شي مصيبة؟ ... علاش وليت هاكا علاش؟.. حتى علي كيشوفني منافقة وكيشوفني استغلالية !! ... انا غلطت ... وزربت ولاكن كيعصبني ... كيعصبني وكيخرجني على طوعي
وقفات على راسها سيدة المحل وقالت
- معامن كتهضري؟؟؟ (جلسات قدامها)
انتبهت اشراق لراسها وقالت : انا !! والو غير منفكر
ابتسمت السيدة وقالت: لحد الآن مكنعرف عليك حتى حاجة ! قبلت بيك تخدمي عندي حيت بنتي ليا صريحة ومعقولة... اشنو جابك لكندا ؟
ابتسمت اشراق مامصدقاش شنو كتقول اللسيدة وبقات مستغربة فنفسها ! واش بصح كيبان فيها الصدق والمعقول؟ يعني الى كان هاكا علاش علي كيعاملها علي بطريقة بشعة وكيشفها سوداء قدامو . تنهدات بعمق وقررات تكون فعلا صادقة مع السيدة اللي مدات ليها يد المساعدة ومتخيبش الصورة ديالها قدامها او تغلط غلط كما درات مع علي
ابتسمت وحكات ليها سبب مجيئها لكندا والطريقة الكاملة باش وصلات لتما ... باتت السيدة كتعرف علي واستريلا جيدا من خلال ما حكات ليها اشراق ... كملو الهضرة وطولو فالموضوع حتى لقات اشراق راسها كتحكي قصة حياتها كاملة بعقل مرفوع لسيدة المحل .
- هادشي اللي وقع ... هادشي بزاف ياك ... كيصدم ... ولاكن هوا الحقيقة اللي عمرني نكرها
تنهدات السيدة وقالت بابتسامة ... داز عليك كثير .. ولاكن فهاد الدنيا كل واحد كفاش كيعيش ... كل واحد وشنو عاش ... ونتي كنت جزء من داكشي اللي وقع ليك ... تصرعتي فشي حوايج بزاف ... وغلطتي بزاااف ... والمشكل عاودتي نفس الاغلاط مرة اخرى ... هادشي نتيجة التصرع ديالك وقلة وعيك وتفكيرك ... الناس ماشي كلشي بحال بحال ... ماشي كلشي كيشبهو لينا ... والرجال اللي عرفتي فحياتك مكيتشابهوش بتاثا ... والمشكل الكبير هوا انك تصرفتي معاهم بجوج بنفس التصرف ... على حسب ما عاودتي ليا .. اللول كان قابل على تصرفاتك حيت كانت بيناتكم عشرة او مشاعر... ربما من النوع اللي كيبغي هاد الصفات اللي فيك يكون فالمرى .. هادا علاش كان ساهل تفاهمو وتندامجو .. بيناتكم بزاف ديال النقط مشتركة نتي وياه ... بجوج متصرعين ... بجوج مكتفكروش للعواقب ...بجوج ماعندكمش حس المسؤولية . ميمكنش لشخص تزوج ب 6 اشهر قرر يتزوج مرى اخرى وفنفس الوقت ميقبلش يطلقها ويعطيها حريتها وبين ليلة ونهار تراجع ! ... او يتزوج بيك نتي وهوا على علاقة مع وحدة ... قبل كان عليه يحل مشاكلو حيت السبب الرئيسي فهادشي كامل... هما المشاكل الاولى.. تسببات فتغير عائلتك عليك نتي وشافوك نتي اللي غالطة حيت ماعندهمش وعي كافي باش يشوفو مركز المشكل ويعالجوه ... وتعالجيه نتي مع زوجك الاول .. بلعكس ..خليتو المشكل حي وهدنتوه بالصمت وكملتو كأن شيءا لم يكن .. وخليتوه كيولد ليكم مشاكل اخرى . انا كنشوف انك نتي وزوجك الاول كنتو ماصرعين بزاف لاكن كتندمو وترجعو بسرعة وهادشي باين حيت اللي كيتصرع فالصدع كيتصرع حتى فالهدنة ومتصرع فكل شيء .
تنهدات: بصح ... عندك الحق وحنا كنا متصرعين .. وبقينا متصرعين لحد الساعة اللي جيت فيها لهنا . ولاكن علي ؟ ... علي ماعرفتش كفاش غادي نتعامل معاه دابا وهوا ليه فضل كبير عليا
ابتسمت السيدة وكانت سيدة نخيفة بشعر ابيض كاري وانيقة فلباسها ومجوهراتها قديمة باحجار ملونة دات قيمة ليها .. عيونها زرقاء جميلة ومزالة محافضة على شبابها ورشاقتها .. رزينة وكلامها تقيل والابتسامة مكتفارقهاش ابدا
- سمعي ابنتي ... كما قلت ليك .. نتي تقدري ترضي زوجك حيت متصرع بحالك ويقدر ينسا شنو وقع و يكمل .. لاكن غيرجع يتصرع مرة اخرى وغتبقاو غاديين بدون تفكير ... بدون مراجعة لأنفسكم . ولاكن علي ... علي لا .. انسان غير متصرع ابدا ... حتى فالكلام غير متصرع . قلتي ليه لقيت عمل وغنخرج ... ماجاوبكش .. لا ربما بقا كيفكر فالمضوع او كياسنا ردود افعالك . لاكن (هزات صبعها) غير متسامح بسهولة (ابتسمت) لاكن ... ( هزات حاجبها) غير حقود ... عاونك وكمل المساعدة ديالو ليك بدون مقابل او انتضار كلمة شكر .. لاكن غير متسامح ابدا ... وهادي ميزة مازويناش فهاد النوع من الرجال .. يقدرو يمدو ليك السماعدة ويحسبوك انسان عادي لايستحق يعطيوك خاطرهم وراحتهم . لاكن ميقلعوش ليك راحتك وقلال العصبية ... وفنفس الوقت صعيب يتيقو فالمرة الاولى ويرتاح لأي شخص.. لاكن ... الى خدلتي تقتهم صعيب ترجعيها .. قلبهم كيشد ومكينساوش. (تنهدات) زوجي كان من هاد النوع ... كان معقول .. وفاش كيصادف شي واحد ماشي معقول .. او تافه .. او نكر المساعدة ديالو كيحطو صندوق اسود بدون عتاب الا الى دعات الضارورة. لاكن ماعندهمش الكدب او النفاق فشخصيتهم ...
ابتسمت اشراق: كان صعيب عليك تفهميه ؟..
ردت السيدة : لاالالا .. على العكس .. كن اسعد انسانة ... كنت مرتاحة حيت كانت حياتي صافية وكنت عايشة مع انسان مرح .. هاد النوع فيهم المرح وعزيزة عليهم الحياة بزاف .. هادشي علاش كنت مرتاحة وعطيتو صفاء قلبي ..كان مرتاح معايا (غرغرو عينيها) كان مرتاح وصريح .. وفي .. صابور ... حتى لأخر لحضة .. فرقاتنا الموت
مسحات دموعها بتأثر وكملات : كان كيعشق الاسرة ديالو .. اولادو ... كان الفراق صعيب بزاف علينا
شدات ليها اشراق فيدها بتأثر حتى رتاحت وتنهدات ..
اشراق: انا مكنطلب من علي حتى حاجة ... بغيتو يعرفني شكون انا .. حيت انا رسمت ليه صورة فالاول من بعد وريتو وحدة اخرى ... كيشوف صورتي الثانية هي الحقيقة . هادشي كيألمني بزاف مابغيتش هاد الانطباع يبقا ... عيت نتعامل معاه زوين .. قررت دابا نخليه منعاودش ندور بيه حتى يندم
ضحكات السيدة عليها وقالت: علاياش غيندم؟
اشراق: دابا ندخل نقرا ونتعلم ويشوفني وصلت ويندم
ضحكات عليها وقالت: بما انك قلتي هادشي فنقطة ضعفك هي هادي ... يعني كضني انه غيندم وانك غادي تعالجي الوضع بهادشي بسهولة ويجي عندك هوا يطلب منك السماحة ؟ ياك هادشي اللي كضني ... حيت نتي هاكا دايرة بما انك كتحسي هاكا فحتى نتي كتندمي فاش كيمشي شي واحد ويخليك
اشراق: غيندم على التعامل ديالو معايا من بعد
حركات راسها بالنفي كضحك برزانة وقالت
- اكبر غلط ممكن ترتكبيه هوا هادا . لاكن الى كنتي غادي ديري هاد الخطوة لصالحك باش تنجحي وتاخديها كتحدي مزيان وكنأيدك عليها ... لاكن كوني على يقين ههه... عمرو يندم .. عمرو يجي عندك او يتكلم معاك ... حيت كل ما كبرتي وكبرات مكانتك كيكبر اشمأزازو منك ... الانطباع اللي خدا عليك مغتبدلوش المكانة ديالك او سعادتك قدامو ... وماعندو علاقة بهادشي ... وهادا علاش قلت ليا الناس كتختالف على بعضها . ماشي كولشي كيشبه لبعض .. نتي جربتيها المرة الاولى مع الاول وسمحتي فيه باش تعدبيه او تندميه ... نجحات معاك ربما حيت هادا سلاح فتاك كيقتلو .. لاكن ... واش غينجح ليك مع علي ؟ مكنضنش ابدا... نهار تكبري وتكوني راسك ... مغاديش يندم .. او يجي يهضر معاك ... غادي يشوف نجاحك اللي وصلتي ليه من فضلو هوا ... غيشوف ديك الساعة الاستغلال ديالك ليه جاب نتيجة ... مغاديش يحتارمك ... غادي يلومك بينو وبين نفسو وماشي قدامك ... حيت غيشوف راسو السبب باش وصلتي لشنو نتي عليه ... غيزيد يكرهك يمكن .. ويقدر مايقيمكش كاع بهاد الكره ويحسبك لاشيء ..رغم انك كتشوفي راسك كل شيء ... الاحترام مغاديش يقدمو ليك ... بلعكس ... نجاحك فيكون بحال الوقود كيزيد يضخم الوضع اكثر واكثر . وعمر الوضع يتقاد الى بقيتي نتي على هاد الوضعية .
اشراق: وشنو المعمول ؟
ابتسمت السيدة وقالت : نقطة ضعف هاد الناس هي كلمة شكر ... بسيييطة جدا ... تقدير لمجهودهم واخا ميطلبهاش منك او يتسناها منك ... لاكن هاد الكلمة كتبدل فيهم بزاف ديال الاشياء ... (تنهدات) حاليا ماشي وقتو ... عطيه شوية دالوقت ينسا ... او يتناسا .... و خليك حتى تستقري ... وتسلكي المسار ديالك ... من بعد فاش يتأكد انكي فعلا استغليتيه ... ونافقتيه باش توصلي ومن بعد خليتيه .. فاجئيه برسالة ... رسالة فقط بلا متحتاجي ابدا تشوفيه او يشوفك ... كتبي ليها فيها كلمة شكر وامتنان .. خبريه بنجاحك ديك الساعة وخلي الفضل كله رجع ليه هوا . هاكا غادي تكوني صلحتي الوضع بحسن جدا وبينتي ليه انكي مانسيتيش خيره ولست ناكرة للجميل .. و مطمعتي فحتى حاجة من بعد .. ديك الساعة غيراجع حساباتو من الاول وغيبغي يشوفك وانا متأكدة مغاديش تشوفيه بنفس الوجه اللي خليتيه عليه اخر مرة ... غادي تلقاي وجه اخر فرحان لنجاحك . غادي يقابلك ويقولك هادا مجهودك انتي انا مادرت والو (ابتسمت)
حطات ورد فسلة مزينة وتلفتات قائلة كتعطيها السلة ليدها
- خوديها لاستريلا .. الاطفال كيجلبو لينا السعادة دائما ... تصرفي مع علي كصديقة ومتخليش تصرفات سمنتا تستفزك ... حاليا كتهمو فير بنتو ... لاشيء من غير بنتو ... والى شافك فبنتو ممكن تتغير نضرته عليه
بقات غادي كتشوف فيها بابتسامة حتى للباب .. جات دور تصادفات مع علي جاي حتى هوا هاز طبسيل فيه كاس ديال لحليب سخون كيشوط تقلب عليها كامل على عنقها وصدرها حتى نقزات غوتات فالسما وجرات تريكو كتنقز على صدرها .
طاح الكوب فالارض والطبسيل وبقا علي كيتفتف ما عرف ميدير وبسرعة وبدون شعور جر ليها تريكو على صدرها حيدو ليها بسرعة .. فرمشت عين نصلات كلشي وهي كتجري جهة الحمام وسدات عليها حيدات الشال والتريكو تحتاني كتنقز عرات صدرها وحيدات حمالات الصدر حتى هما .. حلات الروبيني كتخوي عليه الماء وتنقز وهوا برا كيدق فيدو الدواء ديال الحريق وضمادات وكيعيط
- اشراااق ماديريش الماء ماديريش الماء .. ماديريش الماء هاكي الدوا .. حلي هاكي الدوا
اما هي هزات راسها كترعد عنقها كيزيد يحمار وصدرها بدا يتورم . صونا صونيت ديال الدار وهوا ينفض يديه بفضب كيتمتم بوحدو ومشات حل لقا سمنتا بابتسامة
جمعات الصبر ديالها لداخل وبقات تخوي فالماء وترش وفكل مرة تحبس كتشعل فيها العافية
رد من برا : اشراق حلي الباب حلي
سمنتا: شنو واقع ؟ ؟
رد بتدمر : خويت عليها الحليب سخون .. فاااك... اشراق حلي الباب انا غنطفي الضواو باش ديري الدوا
ضفا الضو شي مابقا كيشوف شي وسد على استريلا الباب وسمنتا كتسول على سبب الضوء اللي طفا وعلاش طفاه وشنو فيها الى خرجات فالضوء مشعول .. لاكن ما كانش عندو وقت للتفسير بقا مصر على اشراق حتى حلات الباب غتسخف وطفات الضوء لداخل من قبل وخرجات كترعد وفمها كيترعد كتفتف بيدها وهوا كيتفتف عليها بيدو حتى شدها كيردد
- هانا .. هانا اري يدك مغنشعلش الضوء اري يدك .
وحيت حافض الدار كلها جرها للكنبة كتزغرت بلحريق وتبكي جلسها وبقات سمنتا كدور وتفتف وتعيط بالفرنسية
- فينكم؟؟؟ فينكم شعلو الضوء !
بقات كتفتف تابعة صوتهم حتى جلسات على اشراق وهي تغوت فالسما .. جرها علي من يدو معصب طالع ليه الدم وجلسها حداها وبقات اشراق الوسط كترعد وتهضر بالزز . الحوار بينها وبين علي بالعربية وبينو بين استريلا بالفرونسي .
بقات غير كتشوف فيه ومشات كتجري كتبكي هزات جاكيط ديالها وخرجات من الدار كتجري زدحاتها موراها في حين بقا هوا عاض فالصبر على نفس الوضعية وقال
- هبطي يديك بجوج على الفاصمة غتفسخ
هبطات يديها وناضت ماشافش فيها مشا طفا الضو ورجع بلاصتو جلس حط يدو على جنابها وقال : هزي يدك دابا وجمعي شعرك
هزات يديها وكمل شغلو على نفس الوضعية واشراق ساكتة .. تنهد كيقاد الضماد وقال
- ماشفتش غا تهناي
اشراق الصمت
بعد يديه وقال : غتباتي هنا ليوم .. حوايجك فازكين ماعندك ماتلبسي وكفاش تمشي
اشراق: الصمت
رد: غتبقاي تلبسي حوايج واسعين على صدرك حتى يبرا ... كل 3 دالمرات فنهار فالصباح تحلي الفاصمة ديري دوا باش يبرا دغيا ميتنفخش
حركات راسها بالايجاب وقال : انا غنمشي نجيب ليك شي حاجة تلبسيها خليك هنا جالسة
ناض مشا للبيت نيشان وشعل الضو جبد من حوايجو وطفاه رجع ليها وجلس قدامها وهي هازة راسها فالسما مكتشوف والو
علي: دخلي راسك هنا ويديك
دخلات راسها مستغربة ليه كيلبسها ! واش نسا باللي تقدر تلبس راسها ولا حيت حرقها يحس بتأنيب الضمير وكيبرد على راسو بديك المعاملة اللطيفة فجأة والهدوء
لبسها بيجامة فوقانية واسعة عليها وخرج الشعر من تحت العنق بشوية من الجنب وهي كتجاوب معاه ويدها على صدرها .. خرج الشعر وبقا كيجري وبيدو وهوا كيطلع وقال باستغراب؟
شعرك اصلي هادا!!!
حركات راسها كتعاونو يتجبد : امم
خرج كامل وشدو بيدو نازل مع ملمسو الناعم وقوة كتافتو باستغراب حتى للاطراف اللي وصلو عندو فوق فخادو وقال
- واش بصح ديالك ملاسقش زعما
دوزات يدها على شعرها وقالت بهدوء
- اه ديالي
رد ة انشوف؟؟
دخل صبعانو ففروتها وهي مهبطة راسها كترمش بتتاقل مرتاحة من عذاب الحريق اللي حسات بيه وكتحس باصابعو كيمشيو ففروتها وقال
الحلم الأسود الجزء 22
محتوى القصة
التنقل بين الأجزاء