الحلم الأسود الجزء 23

من تأليف Ghazal trust
2020

محتوى القصة

رواية الحلم الأسود

فكات الشعر وطلقات من يدو كتجمعو .. قال وسط الضلام الدامس 

- واش لفولار ديالك فازك؟ 

اشراق: واقيلا 

قال: غنجيب ليك طاكية ديالي ديريها حتى ينشف 

مشا كيقلب على الطاقية ديالو ورجع جابها ليها لوات فيها شعرها وتخبات فيها .

علي:نشعل الضو ؟

اشراق: بلاتي..... صافي شعلو 

ناض شعل الضو وشاف فيها كانت دايرة الطاقية مغطية ليها الودنين والعنق من اللور وناولة على الجبهة .. الا عنقها اللي مامغطيش بل فيها فاصمة بيضاء دايرة فيه كامل تحت البيجامة الرمادية ديالو المخططة المخشية فيها .. شافت فيه بنص عين من الجنب كتهبط على ودنها وكمامها مدليين وابتسمت بخجل كتبلع الريق مابقاش ليها الوجه فين تشوف فيه انا هوا تصرف بعفوية قدامها عادي وقال .. 

راه السروال حداك الى بغيتي تبدلي .

حركات راسها بالايجاب في حين مشا هوا طل على استريلا لقاها فسابع نومة ... مشات تكا حداها بالجنب كيبوس يدها وهي تحرك حلات نص عينها ورجعات نعسات . دخلات عليه اشراق طلات وقالت

- نعسات؟.

رد وهوا كيبوس يدها : امم .. سيري تنعسي نتي فالبيت انا غنبات هنا معاها 

بقات ساكتة كتشوف فيه مطولا وقالت بأسى : 

- علي.... سمح ليا الى خلقت ليك المشاكل مع سمنتا 

دار حركة براسو بمعنى ما وقع والو . ابتسمت كترمش وخرجات ردات الباب عليهم بشوية .. بدلات السروال فبيت النعاس تخشات فيه ختى هوا كتجرو معاها وخرجات جلسات وسط الدار على الطبلة فضوء خافت .. حشمات تشعل التلفازة تونسها وشعلات تيليفون حطات اليوتوب قدامها وبدات فتشكيلات الورود باش واعدات صاحبة المحل . 

دوزات السهرة فصنع الديكورات وتحط فالجنب حتى قرب يطلع النهار .. خرج علي من البيت سروالو مدلي والسيور هابطين حال عين وساد عين .. يدو تحت التيشورط على كرشو كيطلعها لصدرو ويحك ... وقف فجأة شافها باقا سهرانة وقال باستغراب

- منعستيش !

ردت بتعب: صافي ساليت .. 

قال : شكاديري؟؟؟ نوضي تنعسي تا لصباح وقادي داكشي 

وقفات كتجمع الاغراض وقالت : كان خاصني الصباح نديهم مع 8 ... 

رد كيشوف فالساعة : سيري تنعسي راه الخمسة دالصباح هادي ! 

هز القرعة دالماء دخلها معاه للبيت ومشات لبيت حتى سدات عليها وفكات شعرها وطاحت نعسات على ضهرها منهكة . 

صبحات الصباح دايخة بالنعاس ... دارت الطاقية وهزات الصاك خارجة بيه من البيت لقات علي واقف بحوايج الخدمة فيدو كاس ديال القهوى حدا لكوزينة ... شافها كتجر فدوك الخوايج ممحنة وقال

- فين نايضة ؟ رجعي تنعسي

حركات راسها دايخة : لالا خاصني ندي ليها هادشي واعدتها ... حيت مغنخدمش غنبقا مع استريلا حتى تبرا 

مد يدو وحل رجليه المكروازين وقال : اريهم نديهم ليها فطريقي وسيري تنعسي

اشراق: سميتها مدام جانسو 

علي: مولات الورد اللي هنا حدانا ؟ 

اشراق: اه هي اللي عندها ثمتال ديال الوردة 

علي: صافي هانا غنديه ليها 

اشراق : شكرا .. 

علي: لاشكرا على واجب يالاه بسلامة



فالمحل واقفة السيدة جانسو برقة وابتسامة كتستف الورود .. تحجب الضوء على المحل وتغيم وهي تلفت شافت علي الفباب بسروال توب رمادي وتريكو كرونة تحتو قميجة بيضاء كمامها خارجين هاز الصاك الوريقي فيدو كيتقدم بهدوء 

- مدام جانسو ؟ 

ابتسمت وقالت هازة عينها فيه : نعم ... شنو بغا الخاطر؟

ابتسم وقال : اشراق سيفطات ليك هادو ... ماقدراتش تجي بنفسها 

شدات الصاك وقالت بابتسامة كتشوف فيه وطلع وتهبط وتقارن مواصفات اشراق بيه .. حركات راسها بابتسامة وقالت بهدوء

- انت علي اذا

استغرب كيشوف فيها وقال : ايه ! كتعرفيني؟

ردت بابتسامة : جييدا . كيف حال استريلا؟ لاباس عليها؟ ... قالت ليا اشراق باللي دارت اكسيدو المسكينة 

حرك راسو بالايجاب بجدية وقال : لاباس .. بقات معاها تقابلها 

السيدة : ماشي مشكل... سلم عليها ... هي بنت طيبة وطموحة . 

بقا ساكت كيشوف فالمحل و..حرك راسو بالايجاب وقال

- صباحك مبروك سيدة جانسو .

ردت بابتسامة : صباحك مبروك . 

خرج مشا وبقات السيدة كتشوف فيه بابتسانة مطلعة حاجبها وتردد 

- اختيارك صعب المنال يا اشراق... كان الله فعونك . 


طلعات الغطا عليها من جديد وكملات نعاسها حتى توسط النهار وبدات تلوي فرجليها فالفراش وتقلب وتشقلب ... ناضت بتعب شادة كرشها وتردد

- ماشي وقتك .. ماشي وقتك ماشي وقتك اعىء اهىء 

دخلات تفحصات راسها لقات دم الحيض كتقدم ليها التحية .. تطلا ليها الكيلوط والسروال دعلي حتى هوا وهي تعصب بدات تسوط وتنفخ 

- شنو ندير دابا شنو؟ شنو نلبس وشنو نحط اففففففف 

غسلت حالتها مزيان والوجع كيقطع فيها .. لوات ورق المرحاص على يدها مزيان داترو وخرجات ملوية على نصها الفوطة مباشرة لماريو علي حلاتو ونزلات للمجورة كتقلب على الكراصن .. هزات واحد ابيض مقطن لبساتو جاها هوا هاداك جمع ليها كلشي ولبسات عليه سروال اخر بيجامة من ديالو ومشات للحمام صبنات كرصونها علقاتو تما على بيدمن تخرج وتنشورة فشي بلاصة مخبية . لاكن خرجات من الحمام ونساتو ومشات خشات السروال فماكينة الصابون ورجعات للفراش كضرب حناكها لقات طبعة قدها قداش وسط فراش ابيض .. جراتو بسرعة للماكينة وطلقات واحد اخر جديد .. طلات على استريلا لقاتها باقا ناعسة ورجعات للفراش تكمشات كتلوى وتعض فالمخدة ..


سمعات الحركة وسط الدار وعي صفرا وهزات راسها عيطات متسائلة 

- استريلا!!!! استريلا؟؟

رد علي من برا : انا هادا . 

قادات الجلسة بسرعة وهزات طاقية حداعا دارتها وقالت متسائلة 

- جيتي؟؟

رد من برا : ندخل؟

ردت بصوت متعب : اه دخل 

دفع الباب دخل لقاها مخشبة فالفراش وجهها صفر وعينيها طايحين والتعب واضح على وجهها . تقدم نحوها وهي كتغطي جنابها وقال 

- عيانة ؟

ردا بالنفي: لا ماعياناش ؟ فوقاش جيتي ؟

رد غادي جهة البلاكار : عاد دابا ماخدامش لعشية 

اشراق: استريلا فاقت 

- حيد تريكو : لا باقا ناعسة ... صبحتو ناعسين ليوم ... ماخرجتيش؟

ردت : لا 

قال وهوا كيشوف قدامو واقف ععاطيها بالضهر ويحل الصدايف 

- وا دوري وجهك غنبدل

هبطات راسها وسط الكاشة وهوا باستقامة هاز راسو كيتنضر فالماريو ويحل القميجة .. بنص طلات عليه كتشوف وتسنا تشوف داك الجسد اللي شافت المرة الفايتة .. واخا كاينة اجسام قوية وبنيات صحية لاكن لا تتاشبه بل هناك اجسام اكثر اثارة فالانتفاخات والعضلات ليست مهمة بقدر ما هوا مهم شكل الجسم الاساسي .. عاد كيجي دور العضلات القوية تبرزه اكثر واكثره . 

لاح القميجة بالجنب وبدا يطبل فصدرو ويشوف اش غيلبس وفين حط حوايجو.. نسات اشراق راسها وبقات ساهية كتحفض تضاريسه ابتداء من رالرقبة القوية للاكتاف العريضة والضهر و نزلا للخصر الديق .. تنهد و بدا يحل السمطة دالسروال وهي تهبط عينها بسرعة رجعات طلات بشوية لقاتو محني هز سورفيت قطنية فيدو .. لبس تيشورط رمادية وخرج شاد سورفيت فيدو. تنهدات بعمق ورمشات بتتاقل فجأة تفكرات السليب منشور فالحمام وناضت بسرعة شادة فكرشها مشات حلات البواني لقاتو مسدود وهي تعض على شنايفها تمنات لو انشقت الارض وبلعاتها .. سمعات صوت الماء ومشات رجعات لبلاصتعا بسرعة حتى خرج وخاطبها من برا 

- اشراق .. انا جاااي 

داز على جاكيك ومشا خرج ومشات من موراه كتجري حيدات السليب وحلات السلة المهملات برجلها طلات لقات الاوراق اللي ستعملات تما فيهم دم نسات ماخواتها وبدات تندب حضها وقلة تفكيرها ..لاكن معاندها ما دير التعب والارهاق والمرض تلفها على كلشي ... سمعات صوت استريلا ومشات مقوسة عندها كتلهت بتعب 

- اشراق: فقتي .

استريلا: مالكي واش مريضة ؟

اشراق: اه مريضة ... هاهوا باباك جاي .. مشا غير يتسخر . خليك بلاصتك احبيبة صافي

استريلا: واخا 

رجعات اشراق لبلاصتها تكمشات كتلوى وتكمد الوجع حتى سمعات حسو وناضت بسرعة واقفة بزز كتخفي التعب . حيد لافيست ودخل صاك كبير ديال تقدية للكوزينة حطو وقال 

- داكشي كامل لي خاص هاهوا جبتو 

اشراق: اه.. واخا .. استريلا راع فاقت 

داز من حداها مشا للبيت ووقفات هي كتشوف فديك التقدية مقادراش تستفها لاكن حشومة تخليها هاكاك 

عضات فالصبر و مشات طلات بدات تجبد وهي تلقا جوج علب ديال الفوطات الصحية و خنشة من الصيدلية وسط التقدية فيها دواء عبارة عند حبوب مسكنة للألم وبكية ديال سليبات بيضين مسدودة


جبدات السلعة كاملة بسرعة حطاتها وهزات داكشي دخلاتو للحمام بدلات بيه ورجعات خرجات مشات تكمشات قاطعة الحس .. دق عليها علي بابتسامة وهزات راسها لقاتو هاز استريلا وجايبها ليها 

- قالت ليك نمشي نجلس مع اشراق 

ابتاسمات اشراق بسعادة وحطها حداها فوق الناموسية وخرج خلاهم بجوج كيتجمعو . رجع من بعد هاز بلاطو فيه الماكلة حطو وفيقها من النعاس وجهها حمر وعينيها تعبانين هزات عينيها شوية شافت البلاطو وهوا جلس ورا استريلا عنقها وحط ليها البلاطو قدامها وقال 

- يالاه ابابا .. غادي تاكلي هاد الماكلة كلها اللي هنا باش تشربي الدواء ... يالاه ... شوفي اشراق حتى هي مريضة وغتاكل مكالتها كلها 

ابتسمت اشراق وناضت قادات الجلسة بشوية بابتسامة وخجل وبدات تاكل بشوية ... هز عينو كيوكل استريلا وقال 

- كي بقا الحريق؟ شوية؟

ردت : شوية الحمد لله 

رد : بدلتي ليه الضمادات ؟

ردت : ل باقي

رد : خاصك تبدليه 3 دالمرات فالنهار

قالت : واخا .. انا دابا شوية نبدلو 

كملات ماكلتها وهوا واحل مع استريلا كل مرة تنفر ليه الماكلة وهوا كيشجعها حتى سالات .. تلفتت اشراق بهدوء وقالت 

- خاصني نمشي للدار ... نجيب حوايجي ما نلبس 

هز راسو بعفوية وقال : راه الصاك فيه الحوايج ! ماشفتيهش؟

ردت بعفوية : ماشفتوش ! اشمن صاك 

حمار وجهها حساب ليها واش كيهضر على المسائل الخاصة لاكن رد وقال.
- راه فوق الفوطوي صاك ابيض .. 

حط البلاطو وناض خرج مشا جاب صاك من ورق عليه ماركة معينة . حطو ليها فوق الناموسية وحلو كيقلب قائلا

- بلاتي ناخد شي حاجة داستريلا ..

جبد ساشي منو صغير وباكية ديال التقاشر والسليبات ملونين واستريلا كتمد يدها وتعيط 

- اشنشووف نشوووف 

رد : والو تقاشر وصافي 

استريلا : انشوووف ابابا نشوف

قرب ليها واقف عطاهم ليها وهي تحل دوك 3 دسليبات الملونين وقالت 

- انا بغيت لغوز .. مابغيتش بلو 

مد ليها لغوز : هاهوا لغوز ماعجبكش لاخر ماتلبسيهش صافي خليه (حل ليها الساشي جبد منو ريحة رشها ليها كيضحك) هاكي ها الريحة اللي كتعجبك 

شداتها عندها عبارة عن قارورة على شكل وردة فيها بخاخ من توب .. هز الاغراض خرجهم للبيت وجرات اشراق الصاك شافت شنو جاب ليها لقات سورفيت جميلة زهرية فيها سروال و جاكيط خفيف وتيشورط ديالهم .. تقاشر وردية وشال ابيض جديد


ابتسمت ووقفات مشات للحمام هزاتهم معاها وسدات عليها .. حيدات كلشي وبدات تفسخ الضمادات بشوية وتألم .. شافت جلدة رقيقة فوقانية ناضت مع الضماد وتخلعات وبدات تشوف الجلد مينوض بحال لقشرة رطبة حمرا كتقلع من بلاصتها ... خرجات عينيها فالمرايا وعيطات ولاحت عليها فوطة وبدات تعيط على علي جا وق مور الباب 

اشراق: بخوف: علي الجلدة متنوض 

رد : كفاش كتنوض واش حليتي الفاصمة؟

اشراق: حليتها ولاكن شفت الجلدة ناضت كلها ولحمي رجع حمر بزاف 

تخلع وقال بتوثر : حمر واش كيضرك ؟ واش طايب؟ ديري عليك شي حاجة نشوف شي بلاصة 

تلفتات موراها هزات بينوا الحمام دارتو عليها غطات بيه وحلات ليه الباب والفوطة على عنقها .. هزات راسها وراتو منطقة صغيرة فوق الثدي وقالت 

- هاكا داير كامل 

بقا ساكت كيشوف فاللحمرار والقشرة نايضة وقال : 

لبسي دغيا يالاه نديك لطبيب .. يالاه سربي وديري الفاصمة ماتقيسيهش بالحوايج ... لبسي غير لفوقاني بسنسلة ماتلبسيش تحتو .. هانا جاي دابا 

زادت تخلعات ولوات الفاصمة مخربقة ولبسات السورفيت .. السروال والفوقاني بالقب والشال .. ماششافت السورفيت كاع كي جات.. طلعات السنسلة بشوية وخرجات لقاتو كيهضر مع جارتو فالضار ويطلب منها تبقا حدا استريلا حتى يرجع .. وصل للباب لاح عليه لافيست وقال 

- لوحي عليك لافيست غير من لفوق من البرد 

لبساتها كما قال ولبسات سبرديلتها وخرجات موراها مخلوعة وساكتة طلعات حداه


وصلو للمستشفى وهوا سابقها كيسول وهي موراه ساكتة غير تابعاه .. دخلو غرفة الفحص مع الممرضة جهزاتها وهوا يدخل الطبيب بابتسامة سلم عليهم وقال 

- اشنو المشكل ؟ عندها حروق؟

حلات اشراق عينيها فيه ! واش هادا هوا اللي غيدوز ليا ويشوف صدري كامل!!!!

رد علي بابتسامة وقال : اه ولاكن ... سمح لينا دكتور الى كان ممكن تشوفها طبيبة ... 

رد الدكتور بابتسامة ومشا خرج دخلات موراه طبيبة كبيرة شوية شقراء وبدات تسول على الاسباب .. عاود ليها علي على كلشي وتلفتات شافت فاشراق وقالت 

- فتحي نشوف 

شافت فيه اشراق وهوا يبعد وقف حدا النافدة مور ضهرها .. حيدات الجاكيط حطاتو فالجنب وحلات السنسلة وحيدات الضماد بسرعة وعرات على صدرها ... شافت الطبيبة الحروق وقالت 

- عندك حروف من الدرجة الاولى ... مخاصكش تقيسيه بيدك ..

اشراق: او .. وهاد القشرة؟

الطبيبة : عادي .. اشمن دوا درتي 

نطق علي من اللور عطاها سمية الدوا ردت بالايجاب وقالت 

- مزيان ... صافي كملي على هاد الدوا هادا جلد عادي يتحيد .. غيتبدل ومع الوقت مغيبقاش الاحمرار ... كملي على هاد الدوا . صافي لبسي حوايجك. 

رجعات لوات الضماد بمساعدة الممرضة وسدات السنسلة .. جلسات الطبيبة فالبيرو وقرب علي ليها كيسولها ويهضر معاها وهي كتشرح ليه 

- ممنوع الاستحمام ... المنطقة ميقيسهاش الماء وا اليد .. اليد تكون نصيفة فاش تبغي دير الدوا ... وتنضف بالقطن وهاد الماء (كتكتب فالورقة) اللي غتاخد من الصيدلية ... غتاخد هاد الحبوب تشربهم حتى هما ... ومن الاحسن تخلي الجلد يتنفس ماغطيهش .. تلبس ملابس قطنية داخلية فقط ومتزيرش عليه .. بالشفاء العاجل 

خدا الورقة كيقرا ولبسات اشراق الجاكيط وخرجو جهة السيارة ... يالاه غيركب شاف الصيدلية حداه وقال 

- صافي طلعي نتي انا جاي 

طلعات جلسات ومشات هوا للصيدلية جاب ليها صاك ديال الدواء .. بقات مستغربة لداكشي اللي تما وقالت 

- داكشي كامل خرجاتو ليا طبيبة !!! 

رد كيوريها : لا ماشي كلشي ... هادا الدوا اللي عطاتك (فخنيشةةبوحدها) هادو لقيتهم عندهم اللي تلبسي من لتحت ديال القطن 

جبد ليها كارطونة رقيقة حلاتها لقات فيها لباس داخلي مطوي فيه علامة من الصيدلية وبدات تحسب لقات ربعة منهم . مد ليها خنيشة اخرى كيجبد منها ويوريها 

- هادا معقم ديال الجلد اللي ماخصوش يغسل .. ديريه فهادي (وراها صباعية ناعمة ) ودوزيها بهادا بحالا دوشتي ومتقيسيش بيها لفوق ... وهادو بحالهم نيت حيت كيخوا دغيا .. صافي هادشي القطن وداكشي لاخر اللي خاص . 

رجع كلشي للصاك وحيد منو الفاتورة دراها فجيبو وحطو لور وقال 

- صافي الحمد لله ماوقع والو .. حساب ليا شي تعفن ولا شي حاجة ..


رجعات للدار ومشات نيشان طبقات التعليمات فالحمام .. دارت العلاج ولبسات دوك الحوايج ولاحت السورفيت من لفوق .. وقفات قدام المرايا عاد نتابهات للسورفيت وبدات تشوف فجنابها ودور عاجبها الحال .. خرجات لقاتو جالس كيشرب قهوى مع جورجينا وكيتجمع هوا وياها .. مشات حداهم بابتسامة وجلسات .. خدات كاس ديال القهوى وبقات كتشوف فيهم كيهضرو وهي ساكتة ، خرجات جورجينا مشات وخدات معاها استرا حيت كانت مخرجة لكلاب . جاه اتصال فتيليفون وخرج من الدار لبرا كيهضر واشراق كطل عليه من بعيد حتى سالا المكالمة ودخل جلس مع كاسو ديال القهوى كيتفرج فالتلفازة فصمت .. عيات اشراق ساكتة باغا تعرف والفضول قاتلها وقالت بلطافة 

- سمنتا باقا مقلقة ؟

رد بعفوية كيقلب : علاش غتقلق ؟

ردت : احم.. حيت لبارح خرجات مقلقة من الدار و ... وفاهمة القضية فشكل 

شد القناة اللي بغا ودار رجل على رجل وقال كيتفرج 

- ماعندهاش علاش تقلق

سكتات شويو وقالت : واش خدامة معاك 

حرك راسو بالايجاب وبقا ساكت 

ابتسمت بمجاملة وقالت : و... و تلاقيتو الصباح فالخدمة ؟

حرك راسو بالايجاب وقال : راه خدامة معايا .. او لا؟

ردت بابتسامة : ههه.. اه بصح ... تبارك الله فنة وضريفة ... 

شاف فيها وقال : عجباتك؟

ردت بابتسامة : ضريفة و زوينة .. رتاحيت ليها 

ضحك بهدوء قدام التلفازة وقال : حتى هي رتاحت ليك 

حيدات الضحكة وحلات فيه عينيها وقالت 

- هاا؟؟؟ (رجعات ضحكات) هي قالت ليك رتاحت ليا؟

تنهد وقال : استريلا رجعات نعسات ؟

ردت : اه رجعات نعسات 

الصممت .. 


اشراق : قول .. واش هي قالت ليك رتاحت ليا ؟


جمع النفس حتى جمعها وتلفت عندها شاف فيها وطلها بهدوء داير يدو على خدو كيشوف فيها مطولا 

- شي مرات كتجيني ذكية تبارك الله .. وشي مرات ...

قاطعاتو : شي مرات مكلخة ؟!!! 

رد : عرفتي المشكل ديالك .. كتزربي ... كتزربي والى ماخفت نكدب كطيري .

هزات حاجبها كتشوف فيه عن قرب فغيونو الغامقة وقالت 

- انا راه ماشي مكلخة وكنطير ... انا 
رد بهدور: وشنو اللي مدوخك ؟ 

دورات وجهها بارتباك وقالت : راه البلاد غريبة عليا وكلشي تبدل عليا تلفت 

هز حاجبو : لحد الساعة ماشفتي فالبلاد والو ؟ البلاد جات دوخاتك فوسك الدار 

تنهدات وقالت : راه نتا تبدلتي عليا اعلي بزاف ... كنا فالاول مزيانين ..و ..

رد : ايوا ؟ وشنو من بعد ؟ كملي

قطعات الحس كتشوف قدامها وهوا كيشوف فيها ببرودة 

- يالاه كملي ... شنو وقع من بعد ؟

بقات ساكتة حتى عيات وتلفتات شافت فيه وقالت 

- علي ... انا عارفة راسي درتها قد راسي ... عارفة راسي غالطة من ساسي لراسي ... ولاكن راه حنا بشر وكنغلطو 

قال : وشنو المطلوب مني ؟

زفرات في حيرة وقالت : ما مطلوب منك والو ... والو ... انا ماعرفتش علاش مامرتاحاش ... علاش مابقيتش مرتاحة بحال الاول ... 

ببرودة : شوفي نتي شنو عندك فراسك !

تنهدات بتمرد وقالت : انا والله ما عندي شي حاجة ... ولاكن انا وياك مابقيناش كما كنا .. كنا كنتعاودو كلشي وكان كلشي زوين 

رد : كنت كنعااود كلشي.. ماشي كنتي كتعاودي كلشي .

قالت في حيرة مرة اخرى: علي ... انا معاودت ليك والو .. حيت طويت الصفحة وبغيت نبدا صفحة اخرى 

دور وجهه قدامو وقال : لا باينة


هبطات راسها بأسى وقربات شوية عندو قائلة 

- علي ... شوف ... نتا راك والله حتا ضالمني 

تلفت شاف فيها ببرودة مرة اخرى ويدو حدا راسو وقال 

- علاش ضالمك ؟

هزات يديها كتشرح : نتا كتعامل معايا مزيان .. ولاكن فالداخل ديالك محاملنيش ... انا عارفة هادشي ... نتا صريح ياك ؟ واصراحني قولي الصراحة 

رد : شكون قالك انا صريح 

قالت : باينة فيك .. نتا صريح ... وديك الصراحة خرجتيها كاملة فاش عيطتي ليها وشبعتي فيا معيور ماخليتي فيا اللي قلتي ... استغلاللية... منافقة ... كلشي قلتيه ليا 

صغر عينيه وقال : ونتي علاش كتكدبي؟ بغيتي الصراحة ونتي ماشي صريحة ؟

ردت باستغراب : فاش كدبت عليك؟

علي: شوفي نتي ... 

شافت فجنابها كتفكر وقالت بأسى : كنت مضطرة ... كنت مضطرة نكدب عليك حيت كنت فواحد الحالة يرثى لها وبابا غيزوجني للمفضل .. والله اعاااالي مابقا ليا شي خيار اخر 

استغرب كيشوف فيها وصغر عينيه وهي كتهضر وتفسر 

- نتا الوحيد اللي كان عندي وقادر يعاوني ... وكن مادرتش ليك هاكا ماتديرش معايا مغياج بلون 

قال بسلاسة : علاياش كتهضري ؟

ردت بعفوية : على الانتحار ياك هادي هي الكدبة ... وهي اللي خلاتك تكرهني حيت بززت عليك تجيبني لهنا ... ياك هي هادي


بقا كيشوف فيها مصدوم وهي كتشرح وتهضر ... دور وجهه نسحة بيديه فصدمة وقال 

- صافي سكتي اشراق ... سكتي 

ناض من حداها مشا لبيتو وهي تبعو بأسى حتى لداخل وقالت 

- غلطت عارفة راسي غلطت ولاكن ... 

زدح يدو مع الماريو وغوت : صااااافي سكتي 

غوتات استريلا مخلوعة : ااااااااااهىء اهىء اهىء....

تلفت مشا عندها بسرعة شد ليها وجهها وهي ناعسة وكتبكي وقال 

- والو مكاين والو ... كتحلمي ابنتي غير كتحلمي 

عنقها وشاف فاشراق : سيري بدلي الساعة بأخرى 

خرجات من البيت كتنهد وتردد : مكانش عليا كاع نكدب عليه ... مكانش علليييييك اشراق تكدبي ... ماصرف فيك غير لخير .. ياااااربي فوقاش يسالي هادشي يا ربي 

مشات جلسات مكمشة حتى خرج وجا قاصدها مباشرة وقال هاز صبعو بغضب

- نتي هنا على قبل استريلا اوكي ... على قبل استريلا غدوز هاد الازمة وغترجعي لدارك وماتحاوليش تكدبي على استريلا بشي كلمة ... البنت ما مولفاش لكدوب فهمتي . 

دور وجهه مشا خلاها جالسة مفاهمة والو .. كمية الاستغراب ماليها تفسير خرج لبار ودخلات هي عند استريلا جلسات معاها شوية كتلعب .. كتسمع حسو داخل خارج لاكن تبدل فيه اللون فمرة .. وصلات لعشية وجهه مقلوب مكيشوفش جهتها وهي فكل مرة دوز حدها كتبقا متبعة ليه العين بأسى.. فالطبلة كل واحد كياكل وعبنيه بعاد على لاخر وحتى الهضرة قطعها معاها .. فكلو صباح كتلقا ورقة معلقة فباب الثلاجة فيها جملة او جوج كوصية . دام الحال 15 ليوم حتى قنطات اشراق وملات و عيات من هاد الجو والروتين ... مكتشوفش الزنقة وجالسة فالدار كداوي صدرها ومعمرة الوقت على استريلا حتى حيدات الكبص وجابها علي للدار هازها كيضحك معاها ويوقفها باش تمشي ... وكل ليلة كيدير ليها ترويض لرجلها قبل متنعس واشراق كتشوف من بعيد. يا ريت هاد الاغلاط تمحى وارجع المياه لمجاريها ياريت . 

صباح جديد ... صبحات اشراق وسط الدار لقاتهم كيفطرو .. دارت يديها فجيب الجاكيط ومشات باست استريلا وقالت 

- حبيبة ديالي ... انا غادي نرجع للدار خليتها خاوية ... وغادي نبقا نجي عندك ديما صافي ؟ ديما غنجي نطل عليك وباباك غيجيبك عندي 

استريلا: لا نتي غتمشي للمغرب !

جرها علي: ديك المرة قلتي غتمشي ومامشاتش شفتي! حتى دابا مغتمشيش... واش عمر باباك كدب عليك 

ردات بالنفي : لا 

رد : وا صافي حتى دابا مكنكدبش عليك 

تنهدات اشراق بابتسامة عنقات وشافت فعلي بنضرة على الله يهديه وخرجات


خرجات برا هزات راسها كيضرب فيها الريح ومشات رجعات بحالها للدار .. خلات الباب ودخلات سداتها كدور فالدار وتشوف لقات كلشي باقي كما هوا وكما خلاتو ... مشات نيشان للدوش عمرات البانيو وتخشات بارتياح وقالت 

الله ... الواحد مكيرتاح غييير فدااارو 

غمضات عينيها خدات قسط من الراحة وناضت شللات ودهنات بومادة لصدرها وعنقها وبدات تنشف شعرها شعرها بسوشوار .. مشات كدندن لبيت النعاس مرتاحة جبدات سورفيت جديدة جابتها معاها من المغرب لبساتها ودارت الحجاب ديالها وقررات تمشي تخرج الفلوس اللي سيفطات ليها خليج وتقدا بيهم الاكل والشرب وداكشي اللي خاصها 

لبسات سبرديلتها وبالاه هزات راسها سمعات الدقان .. مشات حلات بابتسامة بقات مرى واقفة شقراء و موراها البوليس .. تخلعات اشراق وهي كتشوف فيهم وقالت 

- شنو كاين؟

رد الشرطي: نتي ساكنة فهاد الدار؟

ردت : اه ... علاش؟

الشرطي : عندك شي وتيقة قانونية كدل على انك ساكنة هنا 

قالت : لا !! اصلا مول الدار كراها ليا ومقالش ليا خصني كونطرا !

رد الشرطي : نتي متهمة بدخول شقة السيدة جينيفر وغتمشي معانا لقسم الشرطة ... الباسبور ديالك اللع يخليك 

خرجو عينيها وقالت : قسم الشرطة !!!! يعني كوميسارية ديالكم !!! علاش غنمشي ما درت والو مغنمشيش 

الشرطي : جواز السفر ديالك والا غنضيفو ليك تهمة اخرى ديال عدم وجود جواز سفر 

ردات بالنفي بسرعة ومشات عندو للصاك وهما وسط الدار كتقلب وترعد بالخلعة .. ركابيها خواو وتفكرات نهار خرجوها البوليس هي وطه بالدقايقية ودابا هادو غيزفوها للموميسارية ديالهم تاهيا ويعلم الله اش غيوقع ليها ... لا حنين لا رحيم لا كتف تسند عليه .. هادي هي الغربة ولسوء حضها مكتعرف حتى حاجة .. لا فين تمشي لا فين تجي وحتى شنو تقول .. اشنو الاقوال اللي خاصها تقول فهاد المشكل وكفاش تخرج منو . ولاكن باينة مغتخرجش منها وغادي يحبسوها تما مع اللي بحال سمنتا وحتى عائلتها ميسيقوش ليها لخبار . 

بدات تبكي بالخلعة وترغب فديك السيدة تخليها تجمع حوايجها وتمشي بحالها لاكن السيدة ماعطاتهاش وجهه وشدوها من بعد ما خداو جواز السفر منها وجروها كتبكي وترغب والخلعة غتقتلها .. طلعوعا فسيارة الشرطة وهي معبطة راسها كدعي وتطلب الله من عمق الاعماق يفكها او تفيق من هاد المنامة الكحلة وينعل بو شي كندا اللهم كرفي بلادها ولا حبس كندا . 

دخلات لقسم الشرطة وجلسوها كيحققو معاها لقاوها تالفة ما عارفة لا شنو تقدم لا شنو توخر ... كل ما كتردد هوا انها كرات الدار بفلوسها من عند السيد اللي عطاتهم سميتو وختماتها بالبكى والحرقة كترغب فيهم ولي داز من خداها كتشدو تشرح ليه وترغبو . 

اشراق : عفاكم خليوني نمشي بحالي . والله مادرت والو 

كانو الاغلبية فقسم الشرطة عنصريين معاها خصوصا انها محجبة ..قساو عليها وكاين اللي عايرها وهي غير كتبكي وتندب 

- اااربي ياربي شنو درت يا ربي .. اربي خرجني من هاد الموصيبة يا ربي (شافت فالشرطي ) عطيني نعيط .. عطيني نعيط على راجلي هوا يشرح ليكم 

خلاو لييها تيليفون بدات ترعد وتقفقف بحال الى خارجة من لفريكو ..

علي: الو وي؟

اشراق: عااااليييييي ااااااااهىء اهىء اهىء اهىء اهىء داوني البوليس داوني من داااار اااااهىء عفاك اجي عندي متخلينيش بوحدي غنمووووت ... عفاك ااااااعىء اعىءهىء 

خنقات تيليفون بالدموع كتبكي وحطاتو كترجف وهبطات راسها بين يديها وسط قسم شرطة كبير فيه المكاتب حدا بعضها بحال الشركة وكلشي محلول والبوليس شي داخل شي خارج .. شافت علي جاي كيجري جيهتها وهي تنوض عندو كتجري عنقاتو بقوة وبدات تبكي


حداها وهي لاسقة فيه فيدو كترغب فك ليها المشكل و خرجها من تما كتمسح خناينها .. وصل حدا الباب وسلم على جوج دالناس من الشرطة و خرج سابقها مكيهضرش معاها وهي موراها حتى لبرا ووقفاتو قائلة 

- علي... انا ماعرفتش منين خرج ليا هاد المشكل 

رد بعصبية: انا اللي ماعرفتش منين خرجتي ليا ؟ كن خليتك تما تعلمي القانون الكندي واحد خمس سنين

اشراق: ماعرفتش انا داك الراجل ضحك عليا 

هز يدو كيشرح بعصبية : واش نتي عارفة الدار ديالمن؟ صافي عطاك الساورت ودخلتي ؟ مافراسكش باللي الدار ديال المرة رجعات من السفر لقاتك فيها والقفل مبدل 

اشراق: والله مابدلتو انا

رد بغضب : مزياان اللي خليتيه باش دخل عليك شي عصابة يغتاصبوك ولا يقتلوك .. 

اشراق: وشنو ندير انا مابقيت عارفة ماندير

علي: القفل الى بدلتيه كتزيدي تكفسيها .. والى مابدلتيهش كتبقاي معرضة للخطر .. بجوج ... حيت الدار ماشي ديالك دماليها .. بغيتي تسكني بوحدك هانتي سكنتي كي جاتك السكنة بوحدك دابا 

ردت كتبكي: نتا جريتي علياااا فين بغيتني نمشي .. كنحس براسي شايطة و جالسة ليك فوق قلبك ... كتعاملني خايب اعلي كتعاملني خايب 

حط يظة على صدرو وقال بحدة : وانا ؟ انا اللي كضحكي عليا وماصرفت فيك غير لخير؟ كفاش بغيتي نعاملك ؟ نردك خدامة عندي فالدار ونتكرفس عليك واللي فجهدك ديريه ديك الساعة ؟ ماااقدرتش نفهمك اشراق ... ماقادرش نفهمك ... 

اشراق: فاش ضحكت عليك قوليا .. قوووليا نفركعو هاد الرمانة دابا .. عيت بهادشي.. شهراين دوزتها هنا كحلة .. ماقريت ما درت والو فحياتي ...

هز صبعو : نتي عامرة كدوب اشراق ... 

غوتات كتبكي : فاش كدبت عليك فاااااش؟

رد بقوة : فالانتحاااار ... قلتي غتنتاحري وتيقتك وضحكتي عليا ومشيت معاك بنيتي ... فالبلوك اللي بلوكيتيني وكتقولي ليا مشا ليا تيليفون ودرتي ليا قصة.... وفوق هادشي كامل باقي واقف معاك .. شنو بغيتي مني ؟؟؟ شنوووو (حل يديه ) كتستغلي فيا وانا كنشوف فيك بعيني وساكت اشنو بغيتي اشرااااق ؟؟؟

تنهدات بتعب وقربات منو وهوا معصب عينيه خارجين وقالت

- نتا انسان كتآمن بالله .. والله اعلي مكنستاغلك ... 

صغر عينيه ورجع لور: جاوبيني بصراااحة واخا غير مرة وحدة فحياتك .... كن ما وقعش ليك داك المشكل فالمغرب كنتي غترجعي تهضري معايا شي نهار؟ و كن بقيتي مع طهااا كنتي غترجعي تسولي فياااا ؟؟؟ جاوبي وبلا كدوب


بقات كتشوف فيه مطولا وقالت : ماشي انا اللي بلوكيتك ... ماشي انا طه اللي بلوكاك ... هوا اللي خدا ليا تيليفون من يدي وبلوكاك 

دور وجهه كيسوط ورجع شاف فيها وقال 

- ونتي؟ نتي عاجبك الحال ياك ... عاجبك الحال وبقيتي هاكاك ما حيدتيش البلوك ... خليتيه قلتي صافي مابقا عندي مندير بيه عندي طه ... وفاش طار طه بان علي ... قلتي اجي نضحك على علي علي مسكين دغيا غيسامح ليا ويديني !

ردت بتعب فالكلام : علي والله ما ... ما.... ماا 

شدات فراسها والارض كدور بيها وجات فالارض نيشان ماعقلاتش على راسها . 

بتتاقل حلات عينيها لقات راسها فالبيت ... دورات عينيها لقات حداها ممرضة كتشوف ليها الضغط وتقول

- صافي بدا الضغط كيتقاد .. 

تلفتات للجنب لقات علي جالس ويديه حدا فمو ساكت .. ناضت الممرضة خرجات بحالها وناض هوا بغا يخرج من البيت وهي تعيط ليه 

- علي 

تلفت شاف فيها وقال : نعام؟

قادات راسها وقالت : انا عارفة راسي غلطت ... غلطت فحقك وانا كنخلص ... ولاكن ماغاديش نخسر الصداقة ديالك ... مغاديش نخسرها واخا يوقع اللي وقع 

بقا ساكت شوية وقال : من بعد نهضرو .. ماشي دابا


خرج من البيت مشا حل باب الدار لاستريلا دخلات كتجري وجهها مزوق بكرينات عنقاتو وقالت 

- بااابا دارو ليا عيد ميلاد فليكول ..

هز حجبانو : اووه دارو ليك عيد ميلاد فليكول !! ولاكن عيد ميلادك ديالك حتى لغدا !

استريلا : قالت ليا معلمة منجيش غدا .. قلت ليها بابا غيدير ليا عيد ميلاد 

ضحك وقال : ههههه ياك ! شكون قالك انا غندير ليك عيد ميلاد ؟ هااا؟ انا مغنديرش ليك عيد ميلاد هاد العام 

استريلا: انا شفتك شريتي ليبومبو بزاااااف وشريتي لاطاخط خبيتيها فثلاجة 

ضحك وقال : هاااا هههه حصلتيني .. يالاه عطي لباباك بيزو كبيرة 

عنقاتو بقوة باستو وقال : راه اشراق جات 

استريلا: اشراق جات !!!

مشات للبيت كطل لقاتها فوق الناموسية وطلعات كتجري عندها نقزات عليها 

- اشراااق دارو ليا عيد ميلاد فليكول هههه ..

باستها فخدها : اوووه جوايوزاين فيغسيغ الزين ديالي 

استريلا : بابا غيدير ليا عيد ميلاد غدااا ههه 

عنقاتها : يا الحبيييبة شي نهار ناكلك ... غدا غنصايب ليك واحد المشيطة فننة فنننة

استريلا : بصح !!

اشراق: اه بصح 

جلسات حداها كتهضر معاها وعلي بعيد .. ناضت من بعد كطل لقاتو جالس .. هز عينو شاف فيها وقال 

- هاهما ليفاليز ديالك .. دخليهم لداخل . واجي غادي نهضر معاك


دخلات شنطها بسرعة و رجعات عندو جلسات حداه فصمت .. بقا ساكت شحال وقال بجدية

- غدا لانيف داستريلا ... غيجيو الناس اللي كنعرفو وغيجي عمي ومراتو حتى هوا 

- ردت باستغراب: عمك!!! قلتي جيتي لهنا بوحدك 

غمض عبنيه كيسوط وقال : عمي انا اللي جبتو لهنا فهمتي دابا ... المهم ماشي هوا هادا .. المهم هوا عمي عرفني تزوجت ... وغيجي غدا لانيف داستريلا .. انا عيطت ليه حيت بعيد من هاد المدينة .. مهم راكي عارفة.. غدا خاصنا نكونو ازواج مثالين ماخصوش يشك فشي حاجة 

ردت بالايجاب وقالت : واخا نشاء الله 

ناضت من حداها رجعات للبيت ميتة بالجوع حشمات طلب الماكلة والنهار كامل ماكلات ... ماداقتو ... عطا لحليب لبنتو وهوا ماكلا والو ... كل ما خسر غليها جملة قبل ميمشي ينعس " ها الثلاجة فيها كلشي" 

ناضت بسرعة هزات داكشي اللي تاكل والفواكه كلاتو بسرعة في حين مشا توضا وصلى رجع لقاها سالات وغادية للبيت تنعس

صبح الحال وصبح الجو ياسلام ... صبحات استريلا ناعسة وصبح علي كيهز ويحط فالجردة بوحدو ... ناضت بالصدفة طلات من الباب لقاتو برا مشغول كيزوق لبنتو الجردة والدار .. طلق طبلة طويلة وستف الكراسا ورما النفاخات فكل مكان .. تبدل عليها المنضر وعجباتها الزيتة لي دار لبنتو ووقفات فالباب دالجردة وهوا كيعلق النفاخات 

- زويين هادشي اللي يعطيك الصحة ... نفيق استريلا؟

رد بلا ميدور عندها : لا خليها انا غنفيقها 

سكتات مشات غسلات وجهها ورجعات متعاونو فتسيف الحلويات والمشتريات اللي شرا والشكلاط فالطبلة فالجردة ... دخل كينفض يدو مشا غسلها وتاجه لغرفة استريلا .. كانت اشراق محنية على الحلوى كتستفها حتى تم جاي هازها مقلوبة جيهة اشراق كتحك عينها وهوا كيبوس فخدها وودنيها ويضحك 

- جوايوزانيفيغسيغ نعاسة ديالي .. حلي ابنتي عينيك شوفي حلي 

حلات عينيها بتتاقل كترمش وهوا كيتسنا يشوف الفرحة فعينيها .. بقات كتشوف باستغراب وتفيق شوية بشوية حتى استوعبات وسرحات عينيها فالمنضر وقالت بسعادة

- وااااو !!!!

ترسمات واحد الضحكة غنر اشراق شافتها فوجه علي فحياتها .. برقو عينيه وعنق استريلا بقوة وحطها فالارض كتجري بين البالونات الكبيرة والصغيرة وهوا تابعها فرحان كيوريها هادي وهادي . وفكل مرة تفاجأ كيبرقو عينيه ويعنقها ويجري موراها كيوريها الاشياء اللي مشافتش بحال شي دري صغير


وصلو الاصدقاء والاقارب ولبسات اشراق لباس عادي عبارة عن قفطان احمر خفيف بالطرو جميل وبلغة وفولار ذهبي فاتح .. وكذلك استريلا استقبلت اصدقائها بكسوة باليدين وليبة وحداء وفرو قصير من الفوق .. فاجأها علي بالكسوة وفرحات بيها .. كانت سعادة اشراق من سعادتهم هما مع الاطفال والجيران .. لاكن من بعد ما تلفتات شافت علي كيسلم على سمنتا بالوجه وهي كتمد ليه الهدية مشات الابتسامة وعقادات حواجبها فاش شافت يدو مور ضهرها وهوا جاي معاها .. كانت لابسة كسوة شبه عارية واشراق مصدومة ! واش ماجاهاش البرد ؟؟؟ واش فيها الصهد!

جلسات فالدار لداخل فوق الكنبة كتشرب العصير شوية ةناضت للمطبخ حدا علي كتمد ليه الكيسان وهوا كيضحك معاها ... تسمع الدقان فالباب وقرب ليها همس فودنها وخطف قبلة فالخد بسرعة في حين تبداو ملامحها وعبسات مهبطة راسها .. حل الباب واستقبل عمو بالاحضان وسلم على زوجته الكندية ودخلهم .. تلفت عيط لاشراق مشات بابتسامة وادب ودار يدو ورا ضهرها عرفها بيه وعرفهم بيها ورحبو بيهم جلسو معاهم .. اما سمنتا عقدات حجبانها كتشوف فيه بنص عين كيضحك مع اشراق ويتصرف كأنها زوجته ... حطات الكاس بقوة لفتات بيه انتباهو ومشات للبيت .. حط البلاطو من يدو ولحق عليها بسرعة .. تبعاتو اشراق كذلك من بعيد ووقفات كتسنط سمعات سمنتا كتبكي .. طلات بشوية شافتو شاد ليها فديها كيشرح ليها وهي معصبة . . عيا يفهمها بالفم مابغاتش فجأة جرها بقوة قبلها من شفايفها خلا اشراق فالباب مخرجة عينيها وقلبها غيسكت كتشوف فيهم مباشرة .. هزات سمنتا يديها عنقاتو وبادلاتو القبلة ودخلو فقبل شرسة مع بعض تحت نضرات اشراق اللي طيحات الكاس من يدها من هول الصدمة


تلفت بسرعة سمع الكاس طاح .. اما اشراق بسرعة هربات هازة قفطانها ومشات لبيت استريلا اللي حداها تخبات فيه .. خرج شاف الكاس فالارض ومشا كيشوف شكون كان تما ... سرح عينيه فالحضور كامل بانت ليه اشراق ناقصة ورجع للحمام جرب يحل لقاه محلول ..

حطات يدها على فمها مور الباب قاطعة النفس ولاسقة مع الحيط قلبها غيطيح من بلاصتو كطلب الله ميدخلش ولا يلقاها تما ... لاكن فجأة دار البوانيي ديال الباب بشوية وتحل جيهتها بهدوء وهي كتزيد تلسق مع الخيط ويدها على فمها قاطعة النفس وصدرها كيتهز 

وقف فالباب ويدو على البواني سرح عينيه فالغرفة ببطئء ونيفو كيميز الرائحة اللي تما .. سمع صوت رقيق خافت قصير كانها شهقة محكومة باتقان اخترت مسامعو وهوا يحول عينيه جهة الباب بقا كيشوف فيها مطولا . اما عي عينيها خرجو من بلايصهم ووجها حمار بغات تنفس .. شافت الباب كيرجع لبلاصتو بشوية وتسد عاد طلعات النفس وجلسات فالارض كتنهج سخفانة

وقفات من بعد ما تنفسات الصعداء ويدها على معدتها وحلات الباب ديال البيت .. لقات سمنتا خارجة من الحمام وميكات مهبطة راسها مشافتش فيها ... حسات بالرضة والسخفة وكتافها طايحين ومشات للكوزينة مكتشوف لا هاكا لا هاكا .. وقفات قدام البوطاجي كتنفس وهزات الماء شربات وحطاتو بتعب 

- جيبي الموس غادي نقطعو الحلوة 

قفزها واخا قالها بشوية وهوا واقف حداها وهز الطارطة داها للطبلة .. بالسخفة هزات الموس بزز ومشات جهة الطبلة ووقفات ساهية قدامها فدوك الكيسان .. 

- الموس .. اشراق ! 

هزات راسها لقاتو واقف حداها كيهضر معاها ويشوف فيها وقالت 

- شنو؟

رد بهدوء ماد يدو : الموس.. قلتها ليك شحال من مرة 

شافت الموس ديال الحلوى فيدها كانت غطيحو بكترة النسيان ومداتو ليه بسرعة وابتسمت 

عطاه لاستريلا فيدها وقال كيدير فيها شوفات غريبة وبرودة وهدوء رهيب 

- سيري وقفي حداها من الجهة الاخرى 

مشات وقفات حدا سمنتا وهوا كيشوف فيها .. مافهماتش نضراتو ليها حتى قال 

- حدا استريلا اشراق

مشات وقفات حدا استريلا دايخة عقلها فديك البوسة وديك الصورة ... كتشوف فسمنتا وفمها محلول وتلفت تشوف فعلي وفكها فالارض .. الكل فرحان مع استريلا مشغولة وداير على الحلوة .. طفاو الشمع وقطعات الطرطة وبدات سمنتا بابتسامة كتعاود علي فتقطيع الحلوة وتفريقها فيه حين اشراق جالسة كتشوف قدامها فنقطة وحدة والكاس فيدها ، وقف قدامها مهبط راسو كيقطع الحلوى وعينو فيها وهي ساهية ... تلفتات بعفوية شافت فيه لقاتو كيقطع ويشو ف فيها وناضت تالفة قالت 

- نعاونك فشي حاجة ؟

هبط عينيه وقال : بقاي جالسة حسن 

رجعات جلسات وهز الطارطة دخلها .. سالا الحفل وكلشي خلا الهدايا ومنهم سمنتا ومشات جهة الباب مع علي ودعاتو ورجع سد الباب موراها .. بقا هوا واشراق وعمو ومراتو ناضو جمعو الروينة بسرعة وتساعدو عليها ردو الحالة كما كانت.. اما استريلا طاحت نعسات بالعيا واللعب ماتحركاتش من بلاصتها .. وصل وقت النوم وكلشي عيان ... طلق علي الكنبي لعمو وقاد ليهم الفراش بالضحك والنشاط اما اشراق مشات سكنات فالطواليط جالسة ويدها على وجهها معارفاش اش كيوقع ليها ... واخا يكون سحور ميديرش فيها ديك الحالة . 

وقف عمو بتعب هاز الكينة فيدو كيهضر مع مرتو وهي كتقول

- بلاش متشربهاش ليوم راك عيتي يكون فيك النعاس 

قال : لالا ضاروري نشربها ميدوزش عليا 

الزوجة: هاديك راه كتقتلك ماشي كتجيب ليك النعاس .. 

رد : غير خليها 

مشا جبد الحبة و وقف فالمطبخ عمر الكاس .. ولانه عندو عقدة مع الدوا مكيقدرش يسرطو والحبة مربعة غليضة لاحها فالما طلق و جرع عند مرتو كيهضر معاها . خرجات اشراق من الحمام ويدها على حلقها مباشرة للمطبخ لقات الكاس محطوط واجد وهبطات عليه كامل شرباتو وحطاتو ويدها على حلقها 

- مال هاد الماء هاكا داير ! واقيلا دروبيني .. يخ على ما عندهم عليها كيشريو الماء 

تلفتات عند الضيوف بالتسامة وقالت 

- تصبحو على خير .

ردو : اصبحي على خير


رجعات للبيت حلات الباب بشوية لقاتو كيجبد حوايجو من البلاكار .. تلفت شاف فيها وقال بعفوية 

- غندخل ندوش نعسي نتي وديري المخدة كي موالفة 

حركات راسها بالايجاب ومشات جلسات كتسناه يخرج .. هز حوايجو خرج وناضت للباليزة كتقلب على ماتلبس .. حسات بصداع فراسها ورجعات اللور شاداها .. رجعات مرة اخرى كتحاول تشد فراسها معارفاش مالها وكتكابر لاكن الراس بدا يتقال عليها اكثر واكثر .. شافت فالساعة دالحيط بانت ليها مخربقة وبدات تشك فراسها ياكما الضغط كما وقع ليها لبارح ولا شنو؟ رجعات للناموسية تكات عوجة جالسة كتشوف فالدنيا كدور بيها وتسنا يفوت عليها الحال وتحل عينيها بزز دازت خمسة ديال الدقايق وهي على ديك الحالة صابرة ختى خرج علي اللي بسرعة خوا عليه الماء من التعب ودخل للبيت كيمسح شعرو بالفوطة لابس شورط قصير والصدر عاري .. حساب ليه غتكون نعسات يقدر يبدل على خاطرو لاكن شافها جالسة جنب مرخية وهوا يعقد حاجبو وقال 

- اشراق! 

ردت بصوت تقيل: علي!!!.... كنم.. نموووت 

لاح الفوطة بسرعة ومشات عندها حط يدو على جبهتها وقال 

- مالكي شنو وقع ليك ؟ عيتي ولا شنو 

ردت بصوت تقيل : كنموت ... حاسة براسي... ك. كنغرق 

رد : كتغرقي!

شد ليها فيدها ورخاها وهي تلوحها 

قالت بصوت تقيل : رش عليا .. رش عليا الماء .. الماء 

سدات عينيها بقا لسانها كيهضر بزز وينطق بزز وهوا يتخلع مافهم اش واقع ليها .. هزها بسرعة للدوش يديها مرخين وحل الباب .. تسمع الصوت ديال الخبيط بالجهد وناضت زوجة العم متسائلة شافتو هازها وقالت

- شنو وقع ليها ؟ واش وقعات ليها شي حاجة ؟؟؟

قبل مايجاوبها مشات ليه رجلو فالما وزلق مالقا فاش يكالي وطاح فالارض وجات هي فالارض مرخية .. قاس الروبيني بيدو هبط وترش الماء فالسما عليهم فزك الدنيا وهوا كيغوت على مرت عمو سدو ... البرد والماء بارد قاس اشراق حلات عينيها شوية وبدات تمتم بلسانها 

سدات مرت عمو الماء وقالت : واش مريضة ياكما واكلة شي حاجة ؟ (دارت يدها فمها) هااا .. هيا اللي شربات الماء فاش جات للكوزينة ! هي وكنقول ليه شربتيه كيقول ليا ماشربوش 

علي: قالت ليا نرشها تفيق هاهيا ترشات كاملة مفاقتش !! 

زوجة العم : راه شربات دوا ديال عمك بالغلط .. دوا ديال النعاس وشد فيها هاكا حيت مامولفاش 

هزها بصعوبة وزوجة العم كتلوي عليها البينوار فوق القفطان اللي لسق عليها وقالت كضحك 

- حتى انا شربتو واحد المرة بالغلط وقع ليا كتر هههه ... صافي صافي غير دخلها تنعس مغتفيقش حتى للصباح هههه 

رد بغضب: اشمن دوا اش داها ليييه تفوو .. 

قالها بالعربية مافهمات فيها مرت العم والو وخلاتو خرج سدات وراه الباب ومشات تنعس حدا شخير راجلها


دخلها للبيت كينكر وحوايجها لاسقين وهي كتحل عينيها وتسدهم بزز كأنها ثملة ولاحها فوق الناموسية كيشوف فيها وينكر 

- رشني بالماء لارشني بببب... شداك لشي دوا اش دااااك مافهمتش انا كفاش غندير معاك اففففف ... (قاس القفطان) شهاد الحالة ياربي دابا 

قرب منها كيضرب حناكها بشوية تفيق وهي كتنعنع عليه وراسها كيمشي ويجي ... شاف راسو وحالتو لقا راسو فازك تا هوا وناض حيد الشورط لبس واحد اخر رطب ورجع ليها شاف فيها كيردد

- غيضرب مك البرد وغتنعسي نيشان ... شغاندير ليك انا دابا شغاندير ونتي محجبة !!!

ناض كيسوط بسرعة سد الباب موراه بالساروت وحل باليزتها كيقلب على ملابسها الداخلية وشي بيجامة . هز الحوايج فيديه ميسوف فيهم ورجع حطهم حداه طلع على ركابيه فوق الناموسية وقال كيشوف فيها 

- سمحي ليا امدام .. ماعندي كي ندير

شاف فالضو وناض طفاه ورجع بلاصتو على ركابيه .. كان لاين ليه خيالها من خلال ضوء القمر اللي داخل من السرجم لاكن مكتبانش ليه التفاصيل ... على الاقل بان ليه الراس من الرجلين وهي مسطحة ... هز ليها وهي كدورو يمين يسار .. مع ذلك مابغاتش تستسلم للنوم وكتقاوم واخا المفعول شاد فيها بقوة . 

اشراق: انننن

رد كيحل ليها الفولار: اععع.. نتي درتي هادشي راسك ... استريلا ومافيهاش هاد الفعايل اللي فيك 

حل ليها الفولار وهز راسها بشوية بعدو للجنب .. دوز يدو على شعرها لقاه مقيوس بالما وبدا يقلب منين كيتفسخ .. مابانت ليا البدية من نهاية وخلاه هاكاك وداو بسرعة طلع القفطان فازك حيدو دغيا ولاحو للجنب وهي تردد بصوت تقيل 

- م.. ت ... ت ..... ح .. وايجي 

رد كيهبط الكولون الفاوك بيدو : متتت حوايجي ... كن بغيتي تبقاي بحوايجك كن تبتي للارض ومنبقاش انا نقلب على يدك من رجلك وسط الضلام


لاح لكولون فالجنب وهزات رجلها بتااقل باغل تقلب .. شد ليها فنفس الرجل وقال 

- غا بقاي كيما نتي 

طلع يدو بشوية مع فخدها وهوا فازك لقاها لابسة شورط اخر كيقطر وقال 

- بشاااخ . هنا بقينا ... 

ردت : ااانن.... علي

رد : هادشي متختخ 

طلع يديه كيتفتف بشوية هبطو لاحو للجنب وجر فوطة بدا يمسح ليها فخادها وهي كتلوي فيهم باغا تقلب .. قطع الحس مابقاش هضر وجر الكيلوط بشوية بين رجليها رماه وهي تجمعهم بتتاقل وقال 

- لا ... علي 

رد بهدوء: ششش

طلع يدو على ديباردو حيدو ويدو ويدو كتلمس اشياء فشكل وكدوز على اشياء فشكل ... حيد ليها الحمالات خلاها عريانة وراسها مقلبو للجنب .. هزات يديها بالزز جمعاتهم على صدرها كأنها واعية بشنو كاين و مقادراش تحرك .. او كتحلم وكتقاوم الحلم .. لوات يديها ودارت صوت ترجعي ضعيب 

- علييييييي..ءه

حط عليها الفوطة كيمسح الماء بشوية وقال 

- ماتخافيش (بغا يحقق فالجسد وسط الضلام ونعل الشيطان ) حلي يدك 

حل ليها يديها كيمسح وهبط الفوطة لبين رجليها دوزها بسرعة وهي كتعاند . 

هزات يدها بصعوبة ودورات وجهها .. شد ليها فصبعانها هبطهم ود للجنب بهدوء

- شووووو .. مكاين والو

ردت هازة يدها : لا..... ءن

شد ليها يدها وزير عليها وقال بهدوء : غنلبسك حوايجك 

حيد الفوطة وبدا يقلب على السليب .. هزو حدا السرجم باين ليها اللور من لقدام ودخلو ليها بين رجليها وهي كتحاول جمعهم .. شد ليها رجلها وقال 

- لبسي حوايجك .. دغيا 

هزات رجلها مجموعة وحدة على وحدة كتعاندو وهوا ينوض خرج من البيت فخطرة خلاها بوحدها .. دازت 5 دقايق توقفات فيها عن الحركة واستسلمت للنوم وهي على ضهرها بحال حورية البحر .. رجع دخل للبيت كيسوط وسدو بالساروت و وقلب وجهه لبسها السليب بسرعة طلعو وهز ديباردور قالب وجهه للجنب كيقلب بديو .. قاس صدرها بطريقة عنيفة غير قصد وهو كيقلب بسرعة جرحها حتى قفزها وهزات يدها كتألم حطاتها على صدرها 

- انننننن 

رد بسرعة كيتأسف : سمحي ليا سمحي ليا نقصتش (غزز سنانو وحط يدو على يدها) متأ .. سمحي ليا 

دخل ليها ديباردور بشوية فعنقها بحذر وهبطو على صدرها بحذر شديد اكثر بدون حمالات صدر مد ديدو بحذر كيقلب طالع بشوية حتى لقا شعرها وفسخو ليها بلطف خوفا من ان ينتفها وهي على سبة. سرحو فالجنب وتلفت شاف بواحد العين بانت ليه خيالها بحال شي حورية ورجع دور وجهه بالزربة وطلع ليها السروال ودخل ليها تريكو ولاح البقية فالجنب .. دور وجهه شاف فيها وهزها بجوج يدين كحزها شوية للجنب وهي كتحكر وطاح على صعرو كينهج سخفان مغمض عيني ... تلفت عندها بعد ارتياح شوية وهي ناعسة بالجنب عاطياه بالضهر وهز المانطة غطاها .. ابتسم وجر ليها شغرها فوق المخاد وقال 

- خليه ينشف 

تنهد شاف قدامو وضار عطاها بضهرو مغطي معاها حتى هوا وسد عينيه

صبح الحال وضربات الشميسة فعمق البيت . دخل معاها هواء نقي من فوهات النافدة .. طلقات خيوطها الذهبية فوق الغطاء الدافئء لمغطيهم وهما ناعسين كانهم شخص واحد .. على صدرو حاطة راسها ويدها ورجلها بين رجليه كأنه مخدة ناعمة ستعمرت جميع مناطقها . تحركات بشوية فبلاصتها وحركات يدها بلطف على صدرو وهزات وجهها حدا عنقو .. حركاتو حتى هوا الغارق فالنعاس ويدو على خصرها زاد قربها وعنقها .. دور وجهه يمين يسار بتااقل وهز يدو الثانية وهوا ساد عينيه عنقها وطلعها كلها على صدرو ضنا منه انها بنته وبدا يداعب شعرها الناعم بيدو بتلقائية وهي كتحرك وتكمش .. بتتاقل بدا يفتح عينيه ويديه كيداعبوها بتلقائية .. لاكن فجأة حس بزيادة الوزن عليه وفتح عينيه فالسقف باستغراب .. هبط عينو بشوية لقاها داخلة فيه طولا وعرضا والكاشة طالعة عليهم حتى للاكتاف. بعد وجهه باستغراب كيشوف غير راسها وهي كتحرك يدها ورجلها عليه وبقا كيشوف فيها ويتستوعب وبشوية مال على جنبو باش متفيقش قلبها على ضهرها مدورة وجهها المستدير الجميل الصافي البشرة وعيونها كاوراق الاشجار مسوحة مكحلة من ليلة امس عبارة عن ط مجبد موضح رسمة عينها الجميلة ... وماسكارا زادت من اسوداد وكثافة رموشها الجميلة ، وعلى شفايفها الممتلئة الفاتنة بقايا احمر شفاه زهري .. فاتحة شفايفها شوية عكس بعضياتهم فنوم عميق وشعرها القوي فوق المخدة وتحت ضهرها وعلى وجهها متموج اشقر طبيعي ضاربة فيه الشمس حدا ودنها من واحد الجهة عكسات لونه للبرتقالي فاتح .. بابتسامة خفيفة بقا كيحدق فيها وهوا متكي على جنبو كأنه كيتأمل لوحة رائعة للجميلة النائمة .. اجمل منضر طبيعي لجمال كان مخفي تحت توب دائم .. طول النضر مندهش كيشوف فيها وفعنقها اثار حمرا وسط البياض لدبوس الحجاب بحال الضربة . دورات وجهها كتمضغ فالنعاس وهوا يطلع عليها الغطا بشوية حدا عنقها .. صغرات عينها فالشمس وبدات تحركهم وترمش بتتاقل .. رجع اللور بسرعة تقلب على كرشو وقلب وجهه مغمض عينيه كيحس بيها كتحرك . حلات عينيها بتعب كتقلب يمين يسار فايقة لاكن بدون انتباه .. تقلبات جهتو لقاتو ناعس كتافو باينين وشعرو اسود داكن وحلات عينيها بابتسامة كتشوف فيه ... هزات يدها بشوية حطاتها على راسو ومررات صبعها على شعرو مرورا لحدا ودنو حتى كتبات ليها بيجامة فيدها باج قطنية وطلعات عينها مع يدها كتشوف فراسها ! جمعات يدها بسرعة وجلسات .. هزات الكاشة شافت السروال مبدل وبقات مصدومة كتسائل ؟ شنو وقع ؟ ماعاقلاش على راسها بدلات حوايجها ولا لبسات هادو ... شافت خصلات شعرها كيتمايلو حداها وهزاتههم مصدومة ! واش ديالها؟؟ اه ولاهبلا شعرها ! حطات يدها على راسها لقاتو عريان وبدات تفتف مخلوعة على شنو وقع ! جات تلوح الغطا بشوية وهي تفكرو ناعس حداها وحيداتو بشوية وناضت فصمت كتشوف فالارض وكدور حفيانة على الناموسية .. كل حاجة فين مرمية ... حوايجها مشتيت !.. جمعات شعرها للجنب كتمشا وتشوف كأنها كتقلب على شي حاجة حتى صارت جيهتو وهزات عينها شافت فيه ويدها على فمها لقات حاط وجهه على يدو ناعس .. تحنات بشوية هزات مرصونها قدامها وعينيها خارجين وهزات الحمالات باليد الاخرى حتى هما بقات كتشوف فيهم ودورات وجهها بتتاقل شافت شورط ديالو حتى هوا حدا البلاكار مرمي وهي تجلس فالارض مخلوعة كتشوف حواليها


قالت بصوت منخفض: اوييلي!!! اويلي استغفر الله شهادشي كنشوف؟ شنو وقع اسيدي ربي ؟ هادو حوايجي !(طلات على ملابسها الداخلية) فوقاش بدلت السليب ؟؟ فوقاش ؟ 

شافتو كيتحرك ودارت يدها على راسها وناضت جمعات ملابسها الداخلية بسرعة خباتهم ومشات هزات شال من الشنطة لواتو عليها بطريقة عشوائية وتلفتات لقاتو ناض وجلس جنب على الناموسية كيتفوه .. مشات عندو باستغراب وقفات قدامو وقالت بتساؤل 

- علي... شنو وقع لبارح ؟ لقيت حوايجي مبدلين ؟ واللي كنت لابسة مرمي ؟

هز عينو فيها وقال : ماعقلتي على والو.

طيح فيها النص خرجات عينيها مخلوعة وقالت: علاياش غنعقل؟؟؟ ياك نتا لبارح مشيتي دوش وانا جيت لهنا وتكيت نعست! كفاش صبحت مبدلة لحوايج ؟ وشعري محلول؟ ياك كنت لابسة لقميص ونعست فيه 

مسح على وجهه وهي كتشوف فيه وطلع صدرو عريان ولابس شورط قصير جالس وقال

- لبارح شربتي الدوا دعمي دالنعاس... تفكري شنو شربتي قبل متنعسي؟ 

سكتات ساهية كتفكر وهزات القميص والشورط من الارض لقاتهم فازكين وقالت 

- مالهم فازكين ؟

رد: واش تفكرتي شنو شربتي؟

خبات الشورط وسط القميص وقالت: شربت الماء!

رد: الماء جاك عادي؟ ماحسيتي فيه بوالو 

قالت باستغراب: جاني فشكل .. قلت ديال الروبيني 

رد: جاك فشكل ايوا راع شربتي دوا دعمي حطو فالكاس ونتي تلفي 

قربات منو بتساؤل: ولحوايج اشنو دخلهم فهادشي؟ 

وقف قدامها وهي تهز عينيها فيه مصدومة متبعة الفن التشكيلي على جسدو وخط من الشعر منسجم نازل من ااسرة لتحت الشورط اللي لابس .. تخلعات كتشوف فيه وهوا غادي جهة البلاكار هز الشورط من الارض وقال 

- دخلت لبارح لقيتك فشلانة ... قلتي ليا كنموت رشني ... هزيتك ل ...

حلات عينيها: هزيتيني!!!! 

تلفت : هزيتك للحمام ... وكان فيه الماء واخا كرطتو وطحت انا وياك فزكنا وهبط الماء... سولي مرت عمي كانت معانا تفهمك 

استغربت: ايوا ؟؟؟ وشكون حيد ليا حوايجي؟


تلفت بهدوء وقال بأدب : ماشي حيدت ليك حوايجك غير بدلتهم وصافي ؟

اشراق: هااا! بدلتي ليا نتا؟

رد بهدوء : مكانش عندي خيار اخر اشراق و بدلتهم والضوء طافي والله لعضيم .... شنو بغيتي نكدب عليك؟ ولا نخليك فالليل تنعسي بالحوايج فازكين .

بقات ساكتة مصدومة كتشوف فالجنب وترمش بخجل وقالت 

- متأكد اعلي ؟ 

رد : هأ!! وعلاش غنكدب عليك .. كنت مضطر .. ونتي عارفة راه كن بغيت منك زعما شي حاجة راه غنجيك نيشان بلا مندير هاد فعايل البراهش

هبطات راسها كتسوط من سوء حضها وقالت

- انا ماعرفتش شهاد الزهر عندي والله ... كل مرة كتوقع ليا شي حاجة مانبغيهاش لعدويا 

غرغرات من النوقف فاش تحطات ودارت يدها على خدها وهوا كيشوف فيها ... تنهد داير يدو على جنابو وقال .

اشراق .. انا فاهمك ... ولاكن راه الضروف كتحكم

هبط راسو بابتسامة كيطوي الشورط وقال 

- وانا كنحسبك بحال استريلا فاش كتوقع شي حاجة بحال هادي غير كوني هانيا 

هزات عينيها شافت فيه كترمش ..لبس حوايجو خرج خلاها واقفة مصدومة . 

جمعات حوايجها خرجاتهم لوسط الدار لقات كلشي فايق وجالس . وجدو القهوى وجالسين .. ابتسمت زوجة العم وقالت 

- اشراق كي كي بقيتي ههه؟ نعستي مزيان 

ابتسمت اشراق وحركات راسها بالايجاب بمجاملة 

- الحمد لله ونتوما 

زوجة العم : مزيان .. شفتي الدوا شكايديرز ههههه 

ضحك العم وقال: وانا كيحسابني شربتو خايف نشربو المرة التانية .. بقيت بلا نعاس ههه 

ضحكات معاهم وحطات لحوايج فالمكينة ومشات للحمام لقات علي تما .. ساد الباب. دخلات لبيت استريلا لقاتها فايقة كتشوف فالسرجم وطلعات حداها باستها وعنقاتها كتجمع هي وياها حتى سمعات باب الحمام تحل ودخل عليهم علي لايح فوطة على كتافو وقال من الباب

- بونجوغ بابا 

هزات استريلا راسها واشراق عاطياه بالضهر وقالت 

- بونجووغ 

رد : نوضي تفطري ابابا يالاه باش نحلو ليكادو اونسومبل 

ردت بلطافة : واخا بابا 

خرج خلاهم وناضت اشراق للحمام دخلات سدات عليها غسلات وجهها سنانها الروتين الصباحي كالعادة .. حسات بشي حاجة كتوزوز فصدرها و طلعات البيجامة لقات جرحة على مستوى الراس نازلة حتى لتحت صايرة بيها الحمورية .. استغربات كتشوف فيها ودوز يدها بشوية وتسائل منين جات الجرحة .. مكانتش فيها كفاش ؟ كفاش زعما يكون علي دار شي حاجة ؟ اصلا صدرها باقي حساس كدير ليه الدوا .. غطاتو وقادات حالتها وخرجات مرفوعة كتسول غير بوحدها . . . جلسات معاهم فالفطور كتفطر وكل مرة تهز عينيها فعلي وتشوف فيه باستغراب كتخمم .. هز عينو لقاها كتشوف فيه وحركهم بتساؤل .. هبطات عينيها خلاتو كيشوف فيها وبدات تقرقب بالمعلقة فالكاس..

بعد انتهاء الفطور مشات للبيت تبعاتو وهوا كيخرج الهدايا داستريلا ووقفات موراه قائلة

- علي .. 

تلفت شاف فيها : وي؟

قالت في حيرة من امرها : لقيت واحد الضربة ف.. (بخجل) فصدري مكانتش فيا البارح ؟ الصباح لقيتها ؟

رد كيبسط الامور: يقدر تكوني تجرحتي وماحسيتني .. اصلا لحمك باقي حساس اي حاجة تجرحو 

ردت باستغراب: باش عرفتيها جرحة

رد بارتباك : غير قلت زعما وصافي باشو نعرفها انا مالي شفتها؟

عقدات حواجبها بتشكيك وقالت : واش مخبي عليا شي حاجة ؟

رد : شنو غنخبي عليك اشراق؟ شنو ؟ انا شرحت ليك اللي وقع 

ردت : ولاكن (حطات يدها على صدرها ) ..... 

تنهد : اشراق مكاين والو... ما وقعات حتى حاجة بيني وبينك كوني هانيا .. راني قلت ليك بحالك بحال استريلا حيدي دوك الافكار من راسك 

قالت " وشعري؟ صبح معري 

رد بسهولة : مالو شعرك فين كاين المشكل؟ قصتو لقيتو فازك خليتو ونعست ! اشراق واش كتشكي فيا ؟؟

اشراق: الصمت

تنهد: واش بصح كضني غادي نستاغل الوضع ونتي غايبة ! لهاد الدرجة كنبان ليك ولد لحرام ! 

ردت بالنفي: لا حاشا ولاكن ... 

قاطعها بجدية : ماشي انا اللي نستاغل لحضة كنتي ضغيفة فيها فهمتي ... ماشي حيوان . انا انسان ...


سكتات بقات غير كترمش وقالت : واخا صافي . 

خرجات من البيت عاوناتو فالكادوات حطاتهم وسط الدار وتجمعو كاملين جلسو خلاو استريلا كتفتح كادو تابع كادو وكتقرا عليهم الاسماء فرحانة وضحك .. دازت على جميع الكادوات وصلات لكادو سمنتا وحلاتو لقات فيه براسلي من ذهب وقالت بسعادة

- واااو شوف ابابا فيه سمكة ههه 

جابتو ليه ركبو ليها فيدها في حين بقات اشراق كتشوف فيها بخجل .. الكادو ديالها مكاينش بين الكادويات ... هي الوحيدة اللي ماجابتش هدية .. حتى علي جاب هدية . 

ناضت اشراق بسلاسة وابتسامة مشات للحمام حلات الفولار وبدات تشوف فالحلقات اللي فودنيها عبارة عن فراشة جميلة صغيرة وحيداتهم بسرعة كتشوف فيهم .. فلوس باش تشري هدية ماعندهاش ! و استريلا تستحق هدية زوينة واخا الحلقات عزاز عليها لاكن ابتسمت و دخلات للبيت كتقلب بين مجوهارتها .. خدات علبة صغيرة من لعب حطاتهم فيها وناضت دايراهم فجيبها ورجعات جلسات معاهم... سالاو الهدايا و بقات هدية علي حلاتها لقات فيها اكسسوار يد و عنق وحلقات على شكل قلوب من ذهب وابتسمت بسعادة ومشات عندو وقفات قدامو لبسهم ليها وباسها فخدها وجلسها على فخدو .. اما اشراق بقات تسنى الفرصة المناسبة وقربات ليها جبدات الهدية من جيبها وقالت 

- هادا الكادو ديالي .. كنتمنى يعجبك 

قالت استريلا: كلشي داكشي اللي كتجيبي ليا كيعجبني 

باستها اشراق وعلي كيشوف فيهم بابتسامة بجوج .. عطاتها الهدية حلاتها لقاتها فيها فراشات بحجر زهري وقالت 

- شكرا اشراق . زوينة بزاف 

علي: اري نلبسهم ليك 

خداهم كيشوف فيهم باستغراب مطولا ... هز حاجبو فودنيها وهز حاجبو شاف فيها بابتسامة .. حيد الحلقات لاستريلا اللي شرا ليها وحط ليها ديال اشراق وقال 

- بالصحة


بسعادة عارمة ناضو جمعو الهدايا .. دار ليهم علي الشوايا فالجردة للغدا وخرج كيقطع ويحط فوق الشوايا .. خرجات اشراق بعفوية هازة طبسيل مخرجاه ليه وبانطوفة . حتى قربات توصل ليه وهي تنبح استرا ونقزات من بلاصتها كتفتف هربات موراه شدات فيه وهوا يضحك ودار يدو موراه كيجرها وقال 

- شحال قدك تبقاي هاربة منها شحااال .. اجي والله تا تجي 

رجعات للور كتخبها وتغوت : والله منقدر منقدرش غنموت ليك عفاك متدينيش عندها 

جرها قدامو حيد ليها طبسيل : اجي انا معاك متخافيش 

جرها بزز وهي كترغب وتخبا وبعد المرات كتبغي تهرب .. دازت ليه من الجنب بغات تهرب ودار جرها من كرشها شدها وزيدها لقدام عند استرا وهي كترعد و وجهها صفر كتشوف فيها وتقول بجدية وخوف 

- علي راه عندي فوبية .. عندي فوبية من لكلاب 

شدها من للور : قلت ليك متخافيش .. مغتبقايش تخافي منها .
خاطب استرا سكتها من النباح وجلسات حنات الراس بصوت حنين .. رجعات اشراق اللور لاكن كان حاكمها ماخلاهاش تزيد تا خطوة وقال 

- هضري معاها يالاه ... قولي ليها وقفي 

غمضات عينيها : علي طلق مني عفاااك ... طلق الله يعطيك ما كتمنى 

رد : مغتطلقش حتى تحيدي هاد الخوف فمرة 

بدات ترجع اللور بالبانطوفة والبيحامة فالخوا وهوا موراها كيزيدها لقدام حتى هضرات بزز منها وقالت 

- و.. و وقفييي 

رد : هضري نيشان .. هضري بحال الى كتآمريها 

شدات ليه يدو حطاتها على قلبعا بعفوية كترجف وقالت 

- قيس قلبي ...قيس قلبي غيسكت 

شد ليها فيديها بجوج لقدام وقال: مغيسكتش غير الخلعة .. يالاه هضري معاها 

اصر عليها وهي تهضر بالامر : وقفيي 

وقفات استرا وبالخلعة ضارت مغمضة عينيها بخوف لقات غير الصدر قدامها وبدات تبكي 

- خليني نمشي .. خليني غنسخف 

رد : عاودي قولي ليها تجلس ماتخااافييييش مالكي غتاكلك 

دورها بزز عندها لاكن لقاتها حدا رجليها وهي تغوت فالسما كتفركل ودفع بيديعا بحال القط قمشاتو فيدو وهربات وقفات فالباب كتبكي مقوسة وتردد بجدية 

- عااالي اخر مرة دير ليا بحال هاكااااا... اخر مرة ..

تم غادي عندها كيهضر حساب ليها غيشدها وهي دخل لداخل .. بقا كيضحك عليها وهي كتشوف فيه بغضب جالسة فوق الكرسي لداخل حدا الطبلة .. ما عوداتش خرجات لاكن بالفعل ماعجبهاش الحال وخدات الامر بجدية كبيرة .. اما هوا رجع كمل الشوا اللي كان خدام عليه وكيشوف فيها ويضحك عكسها اللي مابغاتش حتى تشوف فيه .. دخل الاكل وتحط كلشي فوق الطبلة فين جالسة هي لاكن بغضب ناضت من الطبلة للبيت وسدات عليها مابغاتش تاكل ... استغرب العم وزوجته لاكن وضح ليهم الامر انها تخلعات من استرا وناض عندها للبيت دق فالباب ودخل لقاها جالسة شادة يدها فيها دقة كلاتها مع الباب فاش هربات .. شاف فيها بابتسامة وقال 

- مالكي جيتي لهنا ؟ غضبتي ولا شنو ههه

وقفات كتنهج شافت فيه بحدة وقالت بغضب :

ااااخر مرة تقرب ليا سمعتي ... اخر مرة ولا تحط عليا يدك وماشي سوقك فيا نقرب ليها ولا منقربش ويدك جمعها عندك منسمحش ليك تحطها عليا مرة اخرى 

جمع الضحكة بجدية كيشوف فيها فصمت وهز يدو بهدوء قال 

- واخا سمحي ليا ... انا مقصدت فيها حتى حاجة 

ردت بحدة ووجها حمر: خليك بعيد اعلي ... خليك بعيد عليا وخلي بيناتنا الاحترام عفاك 

بقا ساكت مالقا ميقول وهبط راسو وقال 

- واخا انا كنعتذر ... تماديت شوية ولاكن ماعمرها تعاود . 

خرج من البيت خلاها واقفة وهي تجلس فوق الناموسية كتنهج بفضب وتسوط .. يمكن زدت فيه .. ماشي بهاد الطريقة ... زدتي فيه بزاف اشراق ماقصدتش . متأ ... مكانش عليا كاع نهضر معاه بهاد الطريقة ااوووف


هبطات وجهها على يديها مكمشة وكتلوم فراسها حتى عيات .. خرجات من البيت من بعد كدور فعينيها لقاتو كيجمع الطبلة مع مرت عمو للكوزينة ..تنهدات باغا تصلح الوضع او تشوف على الاقل ردة فعله ومشات للكوزينة وقفات كانها كتقلب على شي حاجة .. داز موراها حط الكيسان وقال 

- ها لغدا ديالك سخنيه 

مشا مسح الطبلة وجمع الدنيا ورجع للكوزينة حط الاواني فالغسالة و مشا عند عمو جلس كيتجمع معاه وجلسات اشراق مع زوجته كيتجمع . وصلا لعشية وخرج العم وزوجته لبرا وبقات اشراق واسرتيلا جالسين فجو من الملل حتى دخل عليهم علي هاز الدفاتر وقال 

- استريلا.... اجي تراجعي شوية 

ناضت استريلا مشات معاه جلس كيراجع معاها ويحفضها واشراق بوحدها فالبيت مالقات مادير ومشات تصايب ديكورات لمدام جانسو. 

داز الوقت بلا متحس بيه .. رجع العم و زوجته للدار وتعشاو مجموعين معاهم اشراق جالسةةحدا علي بأدب وكتحاول تهضر معاه ينساو شنو وقع الصباح وتصلح الامور معاه . لاكن كان بارد كالثلج وزاد كمل عليها فاش ناض كيجمع الطبلة هوا وياها ووقف هاز طباسل وقال 

- دوزي 

رجع اللور حتى دازت كيتفادا الاحتكاك معاها منين مادازت . جا وقت النوم ونعس العم والعمة كالعادة ومشات اشراق للبيت لقاتو جالس شاد تيليفون كيشوف فيه .. سدات الباب ومشات طلقات سجادتها صلاة صلاتها وناضت للفراش .. طلعات حداه بالجنب مترددة عطاتو بالضهر وطلعات عليها الغطا .. الصمت ... تلفتات بشوية على جنبها لقاتو باقي كما هوا الضو ضارب فوجهه وقالت بعد تردد 

علي....

مجاوبهاش وهي تنوض جلسات وقالت 

- علي...

رد : نعام ؟

تنهدات وقالت بتردد : علي .... انا الصباح ماقصدتش نهضر معاك بديك الطريقة 

رد : ماشي مشكل 

ردت : افف.. عفاك متعاملش معايا هاكا ببرودة ... ماقصدتش راه تخلعت والخلعة هي اللي خلاتني نهضر معاك بديك الطريقة 

طفا تيليفون وهبط على ضهرو قال : واقع والو اشراق .. تصبحي على خير 

ضار بغا يعطيها بضهرو وهي تشدو من كتفو 

- علي ماتبقاش تجاهلني بحال هاكا راه ماشي لخاطري 

ضار عندها كيشوف فيدها ويشوف فكتفو وهي طلقو .. عقد حجبانو وقال 

- اشراق ... عندك الحق فكل كلمة قلتيها ... انا تماديت معاك بزاف مأخرا وماخاصنيش نتمادا ... خاص الاحترام يكون ...باش كل واحد يكون على خاطرو 

رجع بغا بضور وهي تشدو وطلقات منو بسرعة 

- علي راه ماقصدتش والله ماقصدت ... فلحضة غضب ... ااا ... خرجات من فمي 

بقا على جنبو ناعس وهي جالسة مربعة يديها كتستى يقول شي كلمة .. بقا ساكت ماهضرش وهي كتهضر موراه بوحدها وتفسر بشوية 

- ياك حنا اصدقاء... والاصدقاء مخاصش يتقلقو من بعضياتهم ... بلعكس خاص يتقبلو بعضياتهم .. بميزاتهم وعيوبهم ... ونتا ماباغيش تقبل لعيوب ديالي ... وكتعامل معايا خايب بحال هاكا ... الى شفتيني متقلة عليك .. قلب ليا فين تسكن ... نمشي نسكن وماعمرك تشوف وجهي ديك الساعة .. (تنهدات) انا عارفة راسي تطفلت عليك ... وماخليتكش ترتاح فحياتك .. وتسببت ليك فبزاف ديال المشاكيل ... ماقصدتش ندير ليك المشاكل وبلخصوص نتا و.. و وسمنتا ... بجوجكم مطايقينيش وكنشوف هادشي فعينيكم .. وهي .. هي من حقها تقلق حيت انا ... انا ساكنة معاك هنا ... هي مادارت والو الصراحة ... انا اللي كنتسبب ليك وليها فالمشاكيل ....علي.... علي واش كتسمعني ؟ علي؟


طلات عليه لقاتو ساد عينيه وهي تنهد و تخشات فالفراش كتخمم حتى نعسات .. فجأة بدات استريلا تغوت وتبكي وناض كيجري حل الباب بسرعة دخل عندها لقاها ناعسة وكتشهق فبلاصتها .. فيقها وعطاها الماء ودخلها عندو للبيت في حين جالسة اشراق مخلوعة كتسول

- شنو وقع مالها ؟؟

قال كيخاطب استريلا ويبوس خدها بحنان 

- غير كتحلمي ابنتي ... مكاين والو ها باباك معاك 

دخلها فالفراش معاه حطها الوسط وهي دايخة بالنعاس وعنقها كيحك ليها ضهرها ساد عينيه واشراق جالسة كتشوف فيه .. طفات الضو اللي حداها ونعسات حتى هي .

صبح الحال وصبح كلشي فايق .. اشراق واجدة ترجع الخدمة ... علي لابس حوايجو يمشي يخدم .. استريلا واجدة تمشي تقرا .. الضيوف جاهزين يمشيو بحالهم 

جلسات اشراق كدفر ليها شعرها .. صونا عليها ترونسبور وخرجها علي بسرعة ومد ليها كاسكروط ديالها فصاكو وداها خرجها ... خرجات موراه اشراق كان الكل فالسيارة جالس وطلعات حداه لقدام .. دوز عمو ومرتو لمحطة القطار ورجع دار يحط اشراق حدا محل الورود . 

ربعات يديها من بعد مابقاو بجوج وقالت 

- علي .. كنت قلت لي شي حاجة لبارح .. و .. كنتي نعستي .. بغيت نقول ليك قلب ليا على دار نسكن فيها و نخليك خود راحتك مانبقاش متقلة عليك والجو هاكا مكهرب 

رد كيشوف قدامو وقال : شوفي ..تسكني بوحدك دابا لا ... حنا مزوجين والاوراق باقين مطلعو .. فاش يطلعو الاوراق و نطلقو ديك الساعة تقدري تسكني بوحدك .. حيت الى مشا حتى وقع مشكل بحال المرة اللي فاتت غادي نطيحو فمشاكيل اخرى ولونكيط وعلاش مرتك ساكنة بوحدها ونتا ساكن بوحدك يعني كاينة ان وغنوليو فما هي وما لونها 

اشراق : ولاكن هنا يقدر اي واحد يسكن بوحدو عادي 

رد : عاديو بالنسبة لواحد عندو الاوراق الى تشد ولا وقع ليه مشكل راه ماعندك ماديري ... فهمتي دابا؟ انا حاليا مسؤول عليك هنا .. انا اللي جايبك وانا اللي مكلف بالاوراق ديالك .. هادا علاش غتبقاي عندي حتى يطلعو ليك الاوراق 

سكتات شوية وقالت : و ... او .. بغيت نطلب منك واحد الطلب.... انا من نهار جيت هنا وانا جالسة ... ونتا عارفني علاش جيت لهنا ... وماحدي مادرت حتى حاجة ماغاديش نرتاح ... بغيت ...بغيتتت ااا... بغيت زعما نقرا ... منضيعش الوقت ... شنو بان ليك 

بقا ساكت كيشوف قدامو وقال بجدية

- باش تقراي خاصك الفلوس .. وداكشي اللي نتي بغيتي تقراي راه خصو المصاريف 

ردت كأنها كتحاول توصل لشي حاجة : غادي ندير اقتصاد وصافي 

رد : اقتصاد وصافي ! ماماتش 

بلعات ريقها وبركات على قلبها وقالت : ا ... ا ا اا ...علاششش متتت... متعاونيش غير فالاول زعما ... وغير نخدم نرد ليك كلشي والله ... والله حتا نرجع ليكم كاع المصاريف اعاالي


شافتو بقا ساكت كيشوف قدامو سايق السيارة ماجاوبهاش وهي تجمع شفايفها كدور فعينيها .. يمكن زبلتها ! ... واقيلا كن سكت ... وييلي السعايا بالعلالي !...كون غييير رجع بيا الزمان اللور وماقلتهاش .. تفو... كنهضر بلا منفكر .... متأ... اصلا طلبت ليه سلف عادي كاع الناس كيتسلفو !! . عضات على ضفرها وتكمشات ساكتة .. شد الفران حدا المحل وتكا على الزاجة اللي حداه ويدو حدا فمو .. حلات الباب وقالت 

- شكرا 

نزلات وزاد مشا بحالو .. اما هي دخلت للمحل هازة الصاك غير كتفكر فديك الكلمة اللي قالت لعلي.. سلمات على مدام جانسو وجلسو جبدات ليها الاشكال اللي صايبات وقالت 

- هاهما واجدين 

مدام جانسو: تعطلتي بزااف .. ليت كنشوف علي هه

اشراق: كنت تحرقت فصدري هاد الفترة ... دابا الحمد لله ... احم .. مدام جانسو بغيت ناقش معاك واحد الموضوع 

ردت : مرحبا 

اشراق: انا بغيت نقرا هنا ... ياك ..وماعنديش امكانيات ... قلت ليه زعما الى بغا يقريني وفاش نخدم نرد ليه .. فيها شيو عيب؟ 

ردت مدام جانسو كضحك : ياااا اشراق بعد المرات كتغاباي ... بعد المرات كتكوني فعلا غبية.... هي مافيها والو الصراحة الى كنتي غتردي ليه .. ولاكن ماشي بهاد الطريقة... كنتي تقولي ليه بغيت نقرا قرضني شوية دلفلوس ونردهم ليك الى كان ممكن . ولا الى كان باستطاعتك ... ولا شوف شي واحد يقرضني مثلا ماتقصديهش هوا واخا نتي قاصداه .. ويلى بغا راع غيعاونك ... المشكل ديالك هوا كدخلي ديريكت كتصدميه هههه

اشراق: دابا انا عندي مشروع انا وختي ولاكن حنا فازمة ماكافيينيش المصاريف ديالو باش نقرا ... يعني نقدر نردهم ليه فاش نخرجو من ديك الازمة وترجع المياه لمجاريها .. باقيين كنخلصو لكريدي ... المشروع خدا لينا بزاف ديال الفلوس وتقام غالي وكامل كريدي ... داكشي علاش ماعنديش كي ندير نخلص ... واخا كيجيني نصيب ولاكن الباقي فلكريدي مانقدرش نخلص على راسي دابا 

تنهدات مدام جانسو : ولاكن هوا واش عندو امكانيات يقريك مثلا ... راه عندو بنتو كتقرا حتى هي تابعينها المصاريف وعندو مصاريفو حتى هوا ... دابا على حسب امكانياتو هوا ... نتي شنو كتشوفي ؟ 

اشراق: انا معارفاش الامكانيات ديالو كي دايرة ... غير قلت ليه وصافي .. ماعارفاهش اصلا فاش خدام !

ضحكات مدام جانسو وقالت : لا نتي خاصك عقل ... ميمكنش ماتكونيش عارفاه فاش خدام !! مستحيل ! 

اشراق: ماطاحش فبالي نسولو ولاكن شي نهار نسولو 

مدام جانسو : كنتي تسوليه قبل متزوجو دابا صافي ... غيقول فضولية ... ماتسوليهش خليه .. وصبري ..صبري شوية على السيد راه داير معاك الصواب غير صبري شوية متبقايش تزربي


دارت يدها على خدها كتفكر .. شنو غيكون كيقول دابا؟ صافي زبلتها فهمني غلط عاوتاني . 

ناضت تكمل خدمتها وتستف الورد اللي مكركر حداها وهي ساهية كتفكر .. طاحت عليها فكرة وهي كتشوف فالورد وصايبات باقة جميلة من الورود حطاتها فالجنب وكملات شغلها متحمسة .. داز النهار كيطير وسالات الخدمة وخرجات بسرعة هزات الباقة فيدها وغادية بيها للدار. وصلا للجردة ووقفات كتشوف فالباقة .. جبدات كرط من جيبها مكتوب عليه " انا اسفة... اسحب كلامي " دخلت للدار بابتسامة شاظة الورد وهي تفاجأ بوجود سمنتا جالسة معاه على الطبلة كيشربو قهوة .. هزو عينيهم فيها وهي كتشوف فيهم والورد فيدها وقالت بابتسامة مسطنعة .. سلام ..

ردت سمنتا بابتسامة : اوووه ... اش هاد الورد !!! 

ناضت تقدمات نحوها كتشوف فالورد ووقفات شماتو وقالت

- اممم... واو ! (هزات الورقة قراتها وقالت ) اممم هادشي زوين ... شكون كتب ليك هاد الشعر 

طلعات السخونية مع اشراق وهي كتشوف فيها لاكن تدخل علي بغضب حط الكاس بالجهد وقال .

- سماااانتا 

رجعات الورقة لبلاصتها واشراق فير كتشوف فيها .. جمعات النفس ومشات بالورد للبيت وزدحات الباب بالجهد .. لاحت الورد فوق الناموسية وبدات تغدد بوحدها .. سمعات الصدع برا وحطات ودنها على الباب ..

علي بغضب: ماعندكش الحق تهزي الكاااارك وتقرااااايه 

ردة بهدوء: عاادي بلعكس فرحت ليها ! فين كاين المشكل؟ ... 

بغضب: خصوصيات ديالها اش داك ليهم ؟؟؟ اش قربك تقراي شنو مكتوب فيها 

ردت ببرودة : عااادي كبرتي الموضوع على والو !

رد : كبرت الموضوع !!! .. اوك انا غنكبرو مزيان دابا .. يالاه سيري لدارك .. 

ردت بهدوء : علي !! راه موقع والو فين كاين المشكل ؟ علاش بصح كبرتي الموضوع 

رد : بغيتي توريني شنو مكتوب تما زعما ... وا مزيان هانا عرفت ومعحبنيش الحال يالاه دارك . 

سمنتا: علي!!! واش كتهضر بصح !! انا مقصدتش نوريها ليك ! ... ماعرفتش علاش رجعتي عصبي هاكا 

رد بغضب: واش نتي سافابا !!!! واش كتلوحي راسك على خصوصيات الناس قدامي وبغيتي نسفق ليك ؟؟؟ ونتي مااالك يجيها ورد ولا يجيها شعر علااااش كتمدي يدك على خصوصيات غيرك ؟؟؟ شنو بغيتي تقصدي بهادشي؟؟؟ شنو بالصبط بغيتي توصلي ؟

ابتسمت اشراق وبلخصوص ملي سمعات الباب تزدح .. حلات الباب طلات لقاتها مشات .. رجعات للبيت تكمشات ومشافتش وجهه ابدا ... حتى لعشا اللي كيتجمعو عليه ما جلساتش معاهم فيه ... 

دق فالباب دخل مباشرة للبلاكار هز بيجامتو دالنعاس وخرج سد موراها الباب وهي جالسة فبلاصتها مكمشة كتشوف فيه ... بقات تلعب بتيليفون حتى تنصص الليل وناضت كطل وتختل لقاتو قالب وجهه عاطيها بالضهر... رجعات على صبعان رجليها هزات الورد ومشات حتى لحدا راسو وحطاتو بشوية ... هزات عليه الغطا على ضهرو بابتسامة وقربات منو طلات شافت فيه مسدودين وحطات شفاها على حنكو باستو بشوية ورجعات للبيت كتجري سدات عليها

يتبع...

التنقل بين الأجزاء

صفحة القصة
سيتم تشغيل صندوق التعليقات بعد لحظات
معظم التعليقات تم إخفاءها بواسطة الفيسبوك، نحاول بكل الوسائل المتاحة إستعادتها في أقرب وقت ممكن.