بحماس وسعادة بدات فالعمل وهي فرحانة كتسنى العشية توصل .. تبيع الورود وتسقيهم و تنضفهم وكل شوية تشوف فالساعة وتسنا الوصول ديالو .. تعطل عليها .. او يمكن باقي الحال غير هي مزروبة . تييت تيت..صوت السيارة فالباب.. خرجات كتجري للباب لقات الطموبيل .. كان جالس لابس ملابس اخرى هادشي كيدل على انه داز للدار بدل اللباس الرسمي بلابس متحرر . تجينز و فيست كحلة مسدودة .. . طبعا غيدوز للدار والا منين غياخد ملابس استريلا ويبدل ليها ؟ يالا الغباء !... رجعات للوراء هزات حقيبتها وودعات السيدة جانسو بابتسامة من بعد ما سالات ليها جميع الاشغال ديال اليوم باش تقدر تمشي تخر. حلات الباب بسعادة طلعات حداه كضحك وتقاد الحجاب ديالها بنضرات متملئهم السعادة والحب ... حاولات ترزن شوية قدامو وتقلل من حركاتها السريعة وجلسات كتشوف قدامها ... يااه كتبان اجمل بنت فالدنيا وهي ساكتة ميقدرش شي واحد ينكر هادشي ، او ينكر الجمال المتدفق من نصرات عيونها وبرائة وجهها وهي كأمراة عاقلة ساكتة . متكلمش معاها بل باعتيادية كمل طريقو لمول كبير ببناء وزخرفة كندية قديمة من برا وتماثيل .. اكبر منو ماشافتوش عيونها . وقف السيارة بجنب السيارات ونزلو بجوج ... هزات صاكها على كتفها وجمعات المونطو البني ديالها اللي ضاف لمعة بلونه على عيونها وعطاها صورة خريفية رائعة دافية لا تقاوم بانسجام الوان الفولار الزيتية مع الاحمر والاصفر على شكل شدة تركية تحت منو بوني ابيض نازل على جبهتها شوية ومثل الفولار فوق منو مرتب .. سدات المونطو بالسمطة ودارت يديها فالجيب غادية جنبو وسط الناس داخل المول .. هزات عينيها فالسما لقاتو عالي جدا مزخرف والادراج دايرة والطبقات كثيرة الوسط دائرية والمحلات كثيرة لا تحد ولا تحصى شاملة جميع انواع الماركات الغالية جدا والمتواضعة والرخيصة .
وبينما هي كتمشا حداه دازو بجنبها شباب كنديين مراهقين اغلبهم تملأ بشرتهم البثور وحب الشباب وشعر منكوش.. بقاو كيشوفو فيها لانها استثنائية والابتسامة على محياها .. كانو وبادلتهم الابتسامة بخجل وحنات راسها د في حيت تكلم علي وهوا كيشوف موراه فيها وقال
- يالاه .. زيدي قدامي ماتبقايش مورايا
زادت قدامو بنفس الابتسامة اللي مكتفارقش محياها وطلعات فالسلالم الالكترونية واقغة الوسط وهوا موراها .. حط يدو على جنبها بعفوية حركها و تلفتات لقات شاب باغي يكمل مشيا على رجليه وهي تكحز جنب. وطلعو للطابق الثاني غاديين كيدورو بلا ميحددو الوجهة بالضبط .. فقط غادية حداه وكتشوف بعينيها فرحانة .. اخيرا خرجات تسارا وتشوف وتبدل الجو من حبس 3 اشهر على وصولها لكندا .. وطبعا .. ماذا تعشق النساء غير التجول والمشتريات وانفاق المال على الملابس والمجوهرات والمكياج بلا تفكير او حساب للميزانية .
رد : ولاكن ماشي وقتها البرد دابا ... الى خديناها ليها غادي تبات كتحلم بيها وباغا فوقاش تلبسها .. وتقدر تلبسها بتخبية... كل صيف كيخرج الجديد هادا غير داكشي اللي بقا ليهم من الصيف . بلا منعلقها بشي حاجة مزالة بعيدة بزاف .. يسخن الحال ونجيبها تعزل راسها
ردت بابتسامة: عندك الحق
شار بيدو : اجي نشوفو ديك الجهة .. فيها حوايج البرد . والثلج قرب يطيح
فرحات اشراق انه قبل الدوق ديالها وبدات تقلب معاه وتجبد وتشوف نوعية الثوب و توريه .. مونطيات رائعة وتريكويات كتاخد لعقل .. ختارت ليها لبسة مركبة من دوقها عبارة عن صايبة من الجلد بنية قصيرة وتريكو باج ديال الخيط واسع شوية وسمطة ومونطو احمر للركبة وجابتهم ليهم وقالت
ابتاسم وقبلها من عندها زادهم على الملابس لخرين و مشات كملات على شغلها بين الطرابش والبيريات و الشيلان السخونة ... لقات عندهم شكيكرات صغار من الجلد والتوب منوعين وبدات تقلب وتهز وجابتهم ليه قائلة
- حتى هادو مهيمين .. البرد وخصها طريبشات و شيلان ... هادو هما اللوينات اللي خص يكونو عندها
شدهم وقال : انا غنمشي لاكيس دابا
اشراق : واخا انا ندور ونشوف شنو هنا .
مشات كدور فنفس المحل و هي تلقا عندهم اكسيسوارات رائعة باشكالها وانواعها ووقفات كتشوف وتعزل ليها لشعرها ... بعض الاشياء صعيب على علي يعرفهم او يفهم كيفاش كيتحطو هادا علاش كيشري داكشي اللي عارف كيركب بسهولة ويمشي .. لاكن اشراق خدات اشياء جديدة ومشكلة وبروشات ديال الملابس متنوعة ومشات لحقات عليه حطاتهم ليه وشافت فيه بابتسامة
خرجات من تما مساخياش بالمحل وملابس الاطفال الجميلة المنعشة للروح .. هز صاك ملابس استريلا فيدو ومشا كيدور ويدو فالجيب .. دخل لمحل اكبر بكثير ديال الافرشة وحط الصاك فالباب وبقا كيدور وهي كتشوف شنو باغي ياخد وشنو اللي دخلو لهنا .. لفتت انتباهها بين الاغطية والمخدات والترتيب المرتب وجمالية المحل وريحته الزكية مخدات ناعمة للاطفال ومشات كتشوف فيهم وتهز وعيطات ليه
- زوينة هاد المخدة ... خود ليها هادي غتعجبها فيها رسمة دالمونيكة وظفيرات مدليين
شدها بابتسامة وحرك راسو ومشا كيدور قائلا
- خاص الغطا و خاص شحال من حاجة
اشراق: قول ليا شنو هاد الحاجات ؟ نعاونك فيهم
رد كيسوط حاير: والله ماعرفت ... مهم خاص الغطا بعدا نزيدو واحد جزج مانطات اخرين .. البرد راه غيدخل راه البرد هنا قاصح
اشراق : صافي نشوفو شنو هنا... والى نسيتي شي حاجة راه غتبان ليك
حرك راسو ومشا كيدور كيقلبو الافرشة ويهزو ... شافتو حط عطور منزلية عبارة عن قارورات واعواد خشبية حتى هما ومشا خلص كولشي وخرج
- علي: غنهبط هادو للطموبيل ... تستايني هنا غنرجع دابا
دارت يديها فالجيب وقالت : واخا ماشي مشكل
مشا خلاها حدا المحل لاكن ما بقاتش حداه دخلات لمحل ديال الملابس النسائية حداه وبقات كدور .. اشمن باك مونطويات مي دايرة ... وصايات و تريكوات وملابس ... بقات حالة فمها كدور وتشوف وتقيس بيدها بابتسامة وتمنضر حتى سمعات صوت حداها قال
- شوفي شنو خاصك
تلفتات مخلوعة لقات علي واقفة كيشوف فالمحل وقالت بالنفي
- لالا ماخصنيش والله (بغات تخرج )
كلاها برجلو: واغير شوفي وخودي الى عجباتك شي حاجة مالكي!!
خرجات من تما كتردد بخجل وتقاد الفولار من الجناب بحركة انثوية
- لا ماخصنيييش عندي كلشي ماخصنيش
بعدات من المحل ويديها فالجيب كترددها وهوا موراها كيعيط ليها
- اجي .. اشراق
تلفتات: لا ا علي عندي متكلفش راسك .. صافي
وقفها مصر على انها تشري وحتى هي عندها اغراض خاصة ومستلزماتها .. وقفات حشمانة كدور فعينيها وقالت
رد بالايجاب : لا شكرا على واجب . يالاه راه باقي خاصنا ناخدو السلعة للدار .. مابقا والو
اشراق: صافي يالاه
نزلو دايزين على المحلات وهوا يبان ليه محل للرجال ودخل كيشوف .. مشات حداه كدور و مباشرة مشا للملابس الداخلية ووقفات حداه خدا ملابس داخلية من ماركة مشا ليها مباشرة وخرج بحال هبطو للمارشي كيتقداو
قال وهوا كيشوف كورنفليكش ويقرا عليه
- اشنو كتاكلي اشراق؟
ردت بعفوية : كلشي .. ماعنديش مشكل
رد : هزي شنو خاصك ... وشنو كتاكلي
ابتسمت وقالت : واخا
مشات نيشان لبلاصة التجميل بدات تشوف .. تلفت بعفوية لقاها فالصف اللي حداه بعيدة كتهز الشمبوانات وتقرا حايرة ... نهز هادا ولا هادا ؟ بدات تشم ماكرهاتش تجربهم كاملين وراسها فيه معلومة وحدة دارت بيها " مساحيق الخاريج احسن من المغرب " بدات دور فبلاصتها وتهز تشم وتحط .. ها الشمبوان .. ها قبل الشمبوان .. ها بعد الشمبوان .. ها الصابون .. الجيل دوش البخاخ البوربو ومسائل نسائية .. بقا هاز حاجبو فير كيشوف وهي على نيتها كتختار بكل حرية عاد عفا عليها الله وتمات جايا جيهتو هازة الشبكة تقيلة وحطاتها ليه وسط الشاريو ووقفات ..كتشوف بدل البلاصة وهي موراه كدور حتى وصل للثلاجة ... مشات للفرماج مباشرة بدات تهز وتحط ودوز ودوق من البلاطويات وتعمر .. فرغات شهوتها فالاجبان وضارت لقاتو كيشوف فداكشي وقال
- دايرة الزردة للفيران ؟؟ !!!
ضحكات وقالت : هههه لا غير كيعجبني ههه
رجعات كدور وتهز حتى اشمن يا مدخن ويا مرقد .. بلا اللي هز هوا .. طلعات الشاريو حتى للسما وخرجات كتسناه وهوا كيدوز السلعة وجمعات معاه كلشي وتمات غادية فرحانة .. اخيرا غتشبع اكل من بعد الريجيم اللي دايرين فالدار ... وصلات للطموبيل وبدات تحط بعفوية حتى عمرو كلشي ومشات بغات تركب لقدام ووقف حداها مد ليها العلبة ديال الحلويات اللي خدا لاستريلا .. شداتها بواحد اليد وزدح الباب عن غير قصد سدها ليها على صبعانها
غوتة وحدة غوتاتها ماعاوداتهاش جوج مرات وبسرعة فتح الباب وهي طيح الحلوة من يدها ومالت كأنها غتموت او كتلفض انفاسها الاخيرة ، وكتشهق ويدها مرخية والدموع بسرعة سالو مع الجناب .. بالتلفة قرب شد ليها عنقها قبل ماطيح وشد ليها يدها شافها حمرا مكتحركش . تخلع وبدا يهضر معاها دايخ ويردد
- ماشفتكش... اشرااق اشراااق .. شداك تحطي يدك شداك كتفرحي قسم كتاكليها شهر افففففف اشراق
غابت البنت فخطرة وراسها كيتمايل ماقدراتش تستحمل الحريق فمرة بقاو غير الدنوع كيجريو .... حطها . هبط الكرسي اللةر بسرعة البرق حطها ويدها مرخية غايبة كتألم بصوت منخفض وراسها كيمشي ويجي وطلع كيجري داها لسبيطار وهزها بسرعة دخلها .
دخلوها لغرفة وهي عينيها مقلوبين وهوا معاها واقف كيضرب ليها فوجهها ، بسرعة ضربو ليها ابرة فيدها ديال الحريق هدناتها عاد رصات من تحريك راسها والصوت المألم اللي كطلع ... فتح ليها العقة ديال الفولار فعنقها شوية تنفس وغطاعا بسرعة بتوثر وجلس كيهضر مع الطبيبة ويسول وهما كيقلبو ليها يدها ويفحصوها .. تنهظات الطبيبة وقالت
- مع الاسف تهرس ليها صبع
رد فصدمة : تهرس!!!!!
حلات عينيها بعد فترة والاكسيجين على نيفها واحساس التعب والقلب كيضرب كانها طلعات فجبل كتجري بدون توقف .. تلفتات فمها ناشف لقاتو حالس حداها مهبط راسو وشادو بين يديه .. هز بعفوية كيمسح على وجهه شافها حلات عينها وناض بسرعة عندها وقال بأسى وحزن واسف شديد كيتمتم معارف مايخرج
- على سلامتك ... كيفاش كتحسي دابا؟؟ شوية؟ باش كتحسي
نوضها بشوية حيد المونطو وخرجو بزز من يدها المريضة وهي خايفة . عينيا داخلين وعليهم دائرة كحلة بالكحول سايح ... تكاها على ضهرها وقال
- هاهوا العصير شربي يالاه . هانا جاي دابا
خرج بسرعة عند استريلا عمر ليها البانيو ودخلها فيه كضحك
علي : بزربة بابا باش تنعسي يالاه دغيا ... غادي تاكلي شوية وتشربي الحليب ديالك وتنعسي . يالاه دخلب فالماء انا غندير ليك شي حاجة تاكليها .
خرج خلاها فالرغوة كتغسل شعرها وتلعب فيه بيدها و مشا صايب ليها اكل خفيف ورجع عندها تحنا القرفصاء وجرها غسل ليها الشعر بسرعة وهي كتغني وشلل ليها ولواها فبينوار وهزها خرجها لبسها وجلسها كتاكل وهوا كينشف ليها الشعر .. بسرعة سالاه معاها نعسات معنقة نونوس ديالها ومشا توضا ودخل للبيت لقا اشراق باقا مرخية والكاس عامر حداها ... تنهد واستغفر وصلى صلاتو وناض عندها هز الكاس حط فيه الاباي وقال
- اشراق... شربي العصير ديالك يالاه متخليهش هاكا .
شداتو بيدها ليسرية بزز وعينيها فاشلين في حين مشا هز بيجامتو دالنعاس و خرج لبسها برا ورجع بالسروال وتيشورط والبيت سخون
جلس قدامها فالبيت كيشوف فيها وقال بأسى
- شنو .. واش نن نصايب ليك شي حاجة تاكليها؟ ولا نجيب ليك شي حاجة ؟
هزات راسها بتتاقل : ماخصني والو ..
رد : واش تبدلي حوايجك؟ نجيب ليك بيجامة ديالك؟
ردت بالايجاب: واخا
ناض بسرعة لباليزتها جبد ليها بيجامة خفيفة عبارة عن سروال وقميجتو فالاسود ناعمة ورجع عندها جلس حداها حطها وقال
- واش نعاونك؟؟
حركات راسها بتتاقل بزز .. حيد ليها ليبوط وتقاشرو حطهم حدا الباب و شاف فيها قائلا
- نطفي الضوء؟
ردت بالايجاب وقالت : انا نبدل راسي .
رد : نعاونك .
طفا الضوء حداه و عاونها جلسات بشوية .. بدات تهز وتحيد بشوية وهوا معاونها .. كان ساعل يتحيد التريكو .. بقات بديباردور ودار عليها على ضعرها القميجة خشات فيها يدها وسد ليها الصدايف وحدة وحدة حتى لاخر صدفة ..شد ليها فييدها وقفات و عاونها فتخات السروال حيداتو برجليها وشد ليها السروال فالارض تحت ضوء القمر الخافت وطلعاتو بسرعة وجلسات وسط الناموسية جلس بالجنب حداها وقال
حلات الفولار بتردد وخجل حطاتو .. حس بيه حدا يدو و هزو وبقا ساكت مطولا وقال بهدوء
- نشعل . . الضو ؟
بقات ساكتة مطولا وسط الضلام وقالت بصوت خافت حنين
اللي بغيتي ..
شعل الفايوز حداه وشاف فيها .. كانت جالسة فأجمل صورة واخا مريضة .. بشرتها البيضاء فبيجامة سوداء .. وشعر اشقر محلول هابط عليها من الجنب ومنسدل فوق الفراش بحرية .. وجه جميل يضيء بحماله غرفة النوم .. واحمر شفاه بني فاتح على شفايفها .. حكول هبط تحت غيونها الجميلة وهي كترمش قدامها وكدوز يدها على شعرها بخجل وتمررو على عنقها كأنها كتخبيه. . بقا ساكت كيشوف فصورتها الجميلة وطلع ليها لغطا بشوية على رجليها وقال
- تاكلي شي حاجة؟
ردت بالنفي وتكات براسها للجنب كتسد عينيها وتحلهم
رد بأسى وقال : خاصك تشربي الدوا . ونتي مواكلة والو ...
بقات ساكتة كتشوف فيه مرة مرة وهوا ينوض بسرعة جاب ليها فواكه مشكلة فطبسيل مع جبن و مكسرات وفواكه جافة ورجع جلس حداها بالجنب .. طوا واحد الرجل على النموسية وقرب بابتسامة باهتة واسف وقال
اكتفت انها تحرك راسها فصمت حتى حسات بيدو على وجهها مرورا لدقنها وهزو بشوية كيشوف فيها بنضرات عسلية عمرها شافتهم فيه من قبل .. رمشات بتتاقل كتشوف فشفاهه مباشرة و تحول عينيها لعينيه وقالت بصوت خافت
- شنو؟
قرب شوية كيتأمل ملامحها ويشوف فعينيها بضعف ويقرب تدريجيا حتى وصل لشفاهها قبلها قبلة دافية كانت كافية تهزها من بلاصتها وتاخدها لعالم اخر طايرة بلا متحس بوزنها .. حرك شفاهو فقبلة ثانية وسط القبلة وهبط يدو لعنقها فقبلات منسجمة مع بعضها بهدوء مايل عليها فوق الفراش حتى تسطحات على ضهرها بهدوء
فجو حامي من القبل هزات راسها وحطات وحطا يدها على صدرو كتردد
- علي... علي ..
بعداتو بقوة كتنهج .. حلات عينيها شافت فيه وحتى هوا تكا بيدو على الفراش كيشوف فيها وينهج ... غمض عينيه وبلع ريقو من ما وعا براسو
ردت قائلة : شنو كدير اعلي ؟
دور وجهه للجنب وناض بسرعة هبط راسو خرج خلاها ناعسة فبلاصتها ويدها على عنقها كترمش وتسوط ... تقلبات على جنبها مخرجة عينيها قدامها مقادراش تيق .. ميمكنش ... واش بصح قرب ليها وباسها ؟ واش بصح هوا اللي كان معاها ماشي تخيلات ؟
لالا .. مقادراش نتيق ... كنحلم متأكدة كنحلم ... متأكدة كنتخايل .... ميمكنش هادشي؛ فين غنخبي وجهي دابا فين ؟ فين غنديرو وباشمن وجه غنشوف فيه ... لهاد الدرجة ضعفت واستسلمت !!!.... كن ماوعيتش ؟ شنو كان غيوقع ؟ لالالا ياربي ميمكنش ميمكنش كانت غتكون كارثة كثر من هادي ... رخصت راسي بزاااف ... رخصت راسي لراجل كيحسبني صديقة فحياتو لا غير ... رخصت راسي لانسان عندو حياتو عندو علاقة مع مرى اخرى ... ميمكنش ياربي كن رجع الزمان اللور مانديرهاش ... مانعطيهش فرصة وانا عارفة وهوا عارف باللي مابيناتنا حتى حاجة ... ومرى اخرى كتجمعو بيها علاقة ... غنولي غلطة فحياتو كل ما تفكرها ينفرها ويشمأز منها ...
غمضات عينيها بدات كتبكي والندم كياكل فيها .. انا هوا ماعاودش دخل عندها مرة اخرى ولا سمعات حسو برا . تكمشات فالفراش كتلوم راسها وندمانة اشد الندم كان خصها تخلي علاقتها معاه فحدود .. كان خصها تخلي الاحترام بيناتهم .. كان خصها اعتراف على الاقل بالحب او اعتراف بالمشاعر على الاقل. لاكن فيهو الحب ؟ فين هما المشاعر ؟ كفاش سمحات ليه يقبلها كحبيبة وهوا كيتعامل معاها كصديقة وحبيبته موجودة حية ترزق .. كفاش خلات راسها طيح فهاد الموقف كأنها كانت كتسناه على احر من الجمر او كانت على سبة .. اكيد هادشي اللي غيقول فراسو .. على سبة كتقلب تشبع غارئزها مع اي راجل ... سواء كان صديقها علي او جارها .. او اي شخص اخر . فكلهم بحال بحال حتى واحد ما داير معاها علاقة غرامية .
باتت الليلة كلها كتبكي حتى صبح الحال.. فور ما حلات عينها تذكرات احداث الليلة الماضية وبدات تفكر وتغبن بوحدها... ماعندها حتى مبرر ... ماعندها حتى حاجة تبرر بيها موقفها وهادي اسوء حاجة ممكن توقع ليها ... مستحيل تبقا تشوف وجهه كأن الامر عادي . تنهدات كتفكر مغمضة عينيها وهي تحلهم بتركيز ... لقيتها ... صافي لقيتها ومكاينش حل اخر من غيرها
ناضت من فراشها معطلة وخرجات من البيت لقات الدار خاوية .. اكيد كل واحد فين مشا ... طلات على الكوزينة لقات الفطور محطوط واجد مغطي .. ابتسمت ومشات وقفات حداه لقات التوت نقي منقي فطبسيل والحليب والخبز وحداه الاجبان مقطعة وبيض مقلي .. جرات الكرسي جلسات قدامو كتفطر وعقلها بعيد فالقبلة وطعمها . متنكرش انها داقت اجمل واطيب قبلة فحياتها من الذ واطيب شفاه .
بعفوية دوزات صبعها على شفايفها وهي جالسة كتفكر نعومة الشفاه مع خشونة اللحية و الشوارب ... غمضات عينيها بتنهدية عميقة وحطات ففمها توتة كتمضغ فيها بشوية وتذكر اللحضات اللي جمعات بيناتهم .. لحضات قصيرة لاكن كان ليها اثار كبير فمشاعرها وخلاو بصمة فذاكرتها لا يمكن تنسا او تمحى ابدا . بابتسامة ناعمة وعيون مغمضة سرحات مع لمساته ورائحته كأنها كانت كتحلم حلم تمنات تبقا عايشة فيه حياتها كلها الا حين قاطعات خيالها صورة سمنتا قدام عينيها وشافتو معاها فوضعية القبل اللي بقات عاقلة عليها اخر مرة .. بسرعة حلات عينيها وجمعات الضحكة كتشوف قدامها ماحملاتش الصورة تجي لين عينيها وخصوصا فديك اللحضة.. تنهدات بأسى ورجعات للواقع المر وتأنيب الضمير واللونة من جديد وهبطات راسها كتغبن وتاكل فالتوت بغضب
دعيتك لله اسمنتا .. دعيت لله
ناضت ردات الفطور كي كان ومشات بدات الروتين ديالها بصعوبة كبيرة وهي كتقاتل بيد وحدة .. اخيرا بدلات بمشقة النفس و لوات الشال على راسها بصعوبة عشوائي ... المهم لواتو عليها ولبسات صباطها ومشات للعمل متأخرة .
لقات مدام جانسو جالسة بوحدها ولقات عليها التحية .. وقبل ماتهصر مدام جانسو او تعاتبها على تأخيرا هزات ليها اشراق يدها الهرسة بأسى وقالت
- عا شنو وقع ... تسد عليا باب الطموبيل وتهرس ليا صبعي
- الورود ... ليهم تأثير كبير فحياتنا ... كيعلمونا نقابلو الخير بالخير ، ونقابلو الشر بالخير ، نقابلو الاحسان بالاحسان ، ونقابلو الاسائة بالاحسان ... الورود ابنتي كيطهرو القلوب ... كينضفو المشاعر والاحاسيس . شوفي مثلا ... فاش نكونو كنضفو الورود ... كيخصنا نتعاملو معاها بلطافة نصرا لحساسية اوراقها ... حفاضا عليها وعلى جمالها ... وهاد العمل المتكرر دائما كيخلينا نتعودو على هاد التعامل حتى فحياتنا الشخصية .. ومع الناس ... مثلا هاد الوردة (هزاتها) عامرة اشواك خاصنا نضفوها ... باش نزيحو الاشواك خصنا الحذر ثمممم الحنية . تذكري . الحذر والحنان بجوج ... الحذر باش منجرحوش انفسنا والحنان باش نحافضو عليها حتى هي ، والى جرحاتنا .. وسالت دمائنا . مكنعاملوهاش بالمثل ... بلعكس ... يا اما نحطوها كما هي ... حتى تذبل .. يا اما نحاولو معاها حتى تنضف ونقدرو نمسكو بيها بسهولة . (تنهدات) هادا هوا اول درس كيعلمو ليك الورد .. بنفس التعامل خاصنا نعامل الناس... بحذر باش منتآداوش... و حنية باش منآديوش... والى جرحنا شي واحد ... كنحطوه بهدوء حتى يذبل ... او كنحاولو معاه بحنية وحذر .. حتى ينضف ... ولينا الحرية فامساكه .. (هزات وردة كلها اشواء بنفسجية ) هاكي ... نضفي ليا علي .
شدات اشراق الوردة فيدها مستغربة وقالت
- علي!
مدام جانسو : اه ... علي ... نضفيه من الاشواك يالاه .
خداتها اشراق كتنضفها بشوية وكل مرة تجرح وتخدش يدها .. مرة يسيل الدم مرة لا ، كانو اشواك الوردة كاللسعات سامة ومألمة لاكن تذريجيا نقاتها اشراق وحطاتها فكاس دالماء وقالت كتشوف فيها
- شحال زوينة بلا شوك ... وشحال صعيبة بالشوك
قربات منها مدام جانسو وقالت بابتسامة : هادا هوا علي... شخصيته تماما بحال هاد الوردة ... وقت ما قربتي منو كيلسعك .. كيضرك فخاطرك .. ولاكن من بعد ما تخلصي من اسواكو السامة ... غيبان ليك بحال هاكا كما كتشوفي الوردة دابا ... هادا علاش.. (دوزات يدها على الجروح ) خاص الحذر... اللطف ، والصبر ... حتى نوصلو لمبتغانا (شافت فيها بابتسامة ) تفاهمنا؟
ابتسمت اشراق فوجهها وقالت : بصح .. عندك الحق
مدام جانسو : كوني زوينة بحال هاد الورود ... ماتخلي حتى حاجة تحطمك ... ديري فبالك دائما . باللي حنا كنتولدو من جديد .. وفهاد الدنيا كاينين ناس كينتاضرونا وكيستحقونا . شوفي عنوان المحل شنو كيقول ... يا أيها المار على الرصيف.. خد الورود فلعلك تجد في طريقك من يستحقها
هزات صاكها اخيرا بابتسامة وخرجات دايرة يدها فالجيب مع مدام جانسو . سدو المحل ومشاو مع الشارع كيتمشاو شوية .
مدام جانسو : اجي نشربو قهوى
ابتسمت اشراق وجلسات معاها فمقهى صغير قريب من تما فالدورة على كراسي خشبية صغيرة وطاولة مربعة صغيرة فجو جميل فيه بارد شوية والليل كيطيح والمصابيح فالمقهى والارصفة بدات تشعل .. منضر رمنسي جميل جالسين فيه فشارع جميل مستفين فيه المحلات .. دخلات فحوار مع مدام جانسو كيضحكو والضلام كيطيح بلا ميحسو بالوقت حتى رن ليها تيليفون وجبداتو شافت فيه وقالت
- علي !!!!
ابتسمت مدام جانسو وقالت : خليه يرن شوية
ردت: علاش كيعيط ليا !! ياكما وقعات شي حاجة ؟؟
ردت مدام جانسو : مكنضنش واقعة شي حاجة ... فاش يرن للمرة الثانية جاوبيه ... (هزات صبعها) بهدوء... بصوت خافت ... برقة.
بقات اشراق غير كتشوف فيها وفبالها انها وقعات شي حاجة . رن مرة اخرى وبعد لحضات فتحات الخط جاوباتو وهي كتشوف فمدان جانسو اللي كتهدئ ليها الوضع بهدوء ورزانة وتبع معاها بالحركات
مدام جانسو : هادشي كولو كامل فالطريقة ديال التعامل ... حيدي الشوك بحذر ..بلا متآديه او تجرحي يدك فهمتيني .. يالاه .. وقريب تحيدي لقب كدابة ... باللطافة ... الهدوء.... الصبر . سيري وغدا عندنا بيكنيك ... ومتنسايش.. كلشي فطريقة التعامل ... وطريقة التواصل
عنقات مدام جانسو اللي رجعات جزء مهم من حياتها وعلاقتها وصداقتها بيها كتزيد طور يوم على يوم ... هادشي كيسعدها ويزيد يأكد ليها ان الصداقة لا تعرف كبيرا او صغيرا .. شابا او عجوزا ... بلعكس الصداقة كتعرف تجمع بين القلوب والعقول الكبير مع الصغير ، ولا يشكل السن شيءا مادام التفاهم هوا كل شيء .
وصلات عندو وهوا واقف فالجهة الاخرى من الرصيف وابتسمت كتشوف فعيينه بارتباك
-تعطلت على الدار؟
رد كيشوف فتيليفون : ماشي مشكل .... يالاه
خشات يدها فالجيب غادية فصمت وهوا كيشوف فتيليفون طريق كلها حتى وصلو للدار ودخلات مباشرة للبيت حطات الصاك ديالها ورجعات للكوزيتة كدور وتشوف فيه بنص عين كتفكر كفاش تجبد الموضوع
- لبارح ... ..... مهم ... اللي وقع لبارح كان خارج على السيطرة ... معارفتش اشنة غنقول ولاكن فالصراحة مكانش خصو يوقع ... كنعتاذر على داكشي اللي وقع ... مي نتي عارفة.... باللي راجل ومرى فخلوة كايكون زايد معاهم الشيطان .. من بعد كيندم الانسان وكيرجع حتى كيفوت الفوت ... مهم مغاديش يتكرر هاد الغلط مرة اخرى نشاء الله وغنساو اللي وقع ونكملو عادي بلا حساسيات بلا حتى حاجة... الانسان كيغلط وهادشي كيوقع .. تافقنا
بقات ساكتة كتشوف فيه مصدومة وقالت
- علي .... انا لبارح ماكنتش عارفة راسي حتى فين انا ... واش ناعسة ولا كنحلم ! ... زائد المهدئء اللي شربت مابقيتش عارفة راسي واش ناعسة ولا فايقة ... كان كلشي كيبان ليا مقلوب ... (هبطات راسها بأسى) والصراحة نتا زدتي أكدتي ليا باللي بصح دوك تهيأت اللي كنت عايشة حقيقة
اشراق: لبارح واش حيدت الفولار ولا غير جاب ليا الله .
رد كيضحك وهوا ضاير جهتها : واااايلي اشراق كتهضري من نيتك !!
ردت باستغراب: حيدتو !!
هز حواحبو : حيدتيه واش نسيتي تا هادي
ردت كضحك : غير بغيت نتأكد ههه
هز حاجبو خارج بابتسامة وقال : باز
عضات على شنايفها كضحك بوحدها وحيدات الفولار علقاتو .. سدات الباب من لداخل وجبدات بيجامة فالبني اخت البيجامة اللي لبسات الليلة الماضية لبساتها بصعوبة حتى سخفات وجلسات قدام مرايتو كتشوف فراسها .. دابا خصها تهتم بمضهرها كأنثى ... وتكون وردة فكل حالاتها كما قالت ليها مدام جانسو... تسعد راسها بأبسط الاشياء فعي كتستحق تعيش .
طلقات شعرها قدامها حلاتو باصابع يدها ونفضاتو وهزات راسها بالجهد هبط مور ضهرها متموج ومتدرج كله حيوية وقوة ونعومة . ناضت وقفات شافت جسمها قدام المرآت عجبها الحال وبدات تردد بين نفسها
حتى انا عندي جسم انثوي كالساعة الرملية ... خصني شوية ديال التدريبات نطراسي راسي حسن من سمنتا
تلفتات لاحت شعرها اللور وناضت خرجات من البيت كطل وشعرها كيتقلب مع يمين مرة يسار باصابعها الناعمة .
لقاتو جالس كيشرب القهوى قدام التلفازة ووقفات طلات عليه بابتسامة
- عليي
هز راسو شاف فيها كيميل وجهه بشوية متفاجأ و باغي يشوف التتمة اللي مخبية ورا الحيط وقال بعفوية
- شنو؟
ردت بابتسامة: الى كنتي مسالي تقدر تعاوني ؟
رد بالايجاب: واخا انا جاي
حط الكاس دالقهوى وناض دخل للبيت لقاها جالسة قدام المرايا والطبلة قدامها فيها الاغراض ديالو وخداهم الشنطة الصغيرة ديالها ... بقا كيشوف فيها مطولا ويتمعن فيها من راسها لرجليها وقال
رد بالايجاب وهي كتقلب فالشنطة مهبطة راسها تخت نضراتو اللي كأنه كيكتاشف شي حاجة جديدة .
جر الكرسي جلي جنبها وحل ليها قرعة المنضف ... دارت رجل على رجل كأي انثى بعفوية وحركاتها العفوية وبدات تمد ليه القطن فيدها كتهضر بشوية ونعومة
- انا نبقا نمد ليك قطن ونتا خوي ليا فيه غير شوية صافي ؟
رد : يالاه سيري.
بدات العملية وهي كتنضف واسد عين وتحل علين وتهبط على عنقها وتتكلم بعفوية
- عرفتي مع ما مولفاش نخدم يدي كتسخف ليا
ابتسم شاد القرعة وقال : بشوية عليك
دوزات على عينها حطات القطن كحل ومدات ليه واحد اخر خوا ليها فيه المنضف وبدات تمسح فمها وتعاود ودوز على عنقها حتى مابقا نقطة ديال المكياج وقالت
- حل ليا عفاك هاد الكريم
هزو حلو ومدات ليه يدها خوا ليها تما شوية وبدات تمسح وجها حتى ناضت الرغوة وفرحاتو بيدها مرارا على فمها قشراتو وهبطات لعنقها وبدات تمسح بليلانجيط مزيان ، هزات بخاخ بخاتو على وجهها مزيان خلاتو كينشف وكانش عليه حتى برد ومدات ليه قارورة اخرى
- عفاك .. حلها ليا
شدها حلها حطها ليها قدامها وبقا غير كيشوف اش كدير ويتسارا بنضره على شعرها وودنيها ويدها وعنقها وتابع حركاتها وهي خدامة كدهن وجهها كتى رجع كيبري ..
دفعات عليهم استريلا الباب بعفوية لابسة بيجامة فيها الارانب و بانطوفة عندها نيف غليض غوز وهي تشوفهم جالسين ..شافت الشعر مطلوق ودخلات كتجري باعجاب مشات للشعر نيشان شدات فيه
حطات ليها المشطة لوسط جراتها بشوية وهي تسد اشراق عينيها بألم فصمت قدام المرايا صابرة وكدهن عنقها وفكل مرة كتهبط المشطة كيتبدلو تعابير وجهها وتصبر مخلياها على خاطرها حتى جرها علي عندو حيد ليها المشطة وقال
- اجي ابابا اجي تشوفي شنو كدير باش تكبري ديري بحالها .. خلي الشعر دابا مرة اخرى
طلات عليها استريلا بعيون براقة شافت المساحيق مشتتين فوق الطاولة وقربات مخرجة عينيها بشهوة وقالت
- هيييه!!! اشراق شنو كديري !!!
دارت ابتسامة سعادة اول مرة تشوف المساحيق والاغراض دالنساء وهي توقف حداها بريوكها كتهز وتحط وعلي كيحيد ليها من يدها ويجرها وهي كتجر نحو الطبلة بحال المغناطيس .. عبسات اشراق فواحد اللحضة وقالت بعفوية وهدوء
- خلييييها خليها تهز وتحط راه البنات حياتهم فهادشي
صافحات ليها يدها عطاتها الوعد وهزات قرعة فيها معقمات ومنضفات عبارة عن سائل تقيل دهبي غامق وهزات رجلها على فخدها حركات القرعة واستريلا متبعة معاها واشراق كتشوف فيها وضحك . حطات منو على رجلها البيضاء الجميلة وبدات دهن بيدها على الكدم و اللاكواع وبين الصابع مزيان ومزحاتها بليلانجيط وهزات الرجل لخرى على فخدها جهة علي فيها خلخال رقيق ذهبي ونفس العملية دارتها وبدات تمسح بليلانجيت وتبعات ليهم كريم مرطب بنكهة الياسمين بمساج خفيف .. بسرعة حيدات استريلا البانطوفة من رجليها بسرعة ولهفة ومدات رجليها قائلة
- نوبتي
هبط علي راسو كيضحك وقال : اجي اجي لهنا هي يدها مهرسة اجي
ناضت كتجري طلعات على رجليه وجمعاتهم فوق فخدو وهوا كيضحك ويدهن ليها فرجليها .. نضفهم ليها ومسحهم وهي تقول ليه
- وهاداك لاخر!!!
رد : ياك ردت ليه هاداك اللي دارت
شارت بصبعها : لا لاخر حتى هوا!
تنهد وجرو حط منو فيدو وبدا يدوز على اصابع رجليها وهي فرحانة
علي: صافي؟ بقيتي على خاطرك
ابتسمت وناضت بغات ترجع لبلاصتها .. بدات اشراق تجمع وتحط كل حاجة فبلاصتها وهوا كيسوف فيها حتى حسات بشي حاجة كتهرها فرجلها .. حنات راسها بسرعة لقات استريلا خاشية راسها لتحت حدا رجلها وكتشوف شنو داكشي دايرة فرجليها .. شدات فيه بيدها وهزات راسها متسائلة
- شنو هادا؟؟؟
هز علي راسو كيموت بالضحك وجرها من يدها نوضها وشاد ليها وجهها باسها وقال كيشوف فاشراق اللي كضحك حتى هي
مشا كيهز سروالو عند بنتو للبيت وتكا حداها كيفيق فيها ويرمش بتتاقل. نص ساعة ديال الفياق وساعة ديال اللعب وتقلاب فالفراش ونص اخرى كيحاولو يحيدو فيها لعكز وينوضو . اما اشراق حطات الفولار على راسها فوق البوني الابيض فاللون الترابي بارد قاداتو ولاحتو من الجناب.. وحطات احمر شفاه برتقالي اللون الى احمر وتكحيلة سوداء... هزات الريحة كترش يمين يسار وتشوف فالمراية .. فجاة بان ليها فالمرايا واقف حدا الباب كيطلع ويهبط فيها وهي كترش وتقاد راسها بابتسامة .. وقفات كتشوف الكسوة البرتقالية اللون وازهارها الصفراء المزينة بالاخضر طويلة بصديفات ودونتيل مكرش من الصدر كتوسطها سمطة الوسط بنية وموكاسان بني ..
عقد حجبانو كيشوف فيها لابسة ومقادة وريحتها كتعطي فالبيت وقال باستغراب !
- فين غادية ياك ليوم مكاينة خدمة ؟!
دازت حداه هزات صاكها البني وخرجات من البيت قائلة
- غنمشي لبيكنيك
تبعها للكوزينة شاف السلة محطوطة وهي كترتب فيها قريعات الماء وقال
شداتها استريلا وعنقاتها بقوة وحتى استرا بدات دور بيعا وتنبح والشوال كيشطح .. هزات اشراق اكل اسطرا زادتو معاهم وهزات السلة في حان ناض علي وقف لاح عليه الجاكيط وقال
- فين دايرة مع صحابك؟
اشراق: حدا محل الورد
رد : اري ديك السلة نهزها
اشراق: علاش ؟
علي: فنوصل معاك لتما
خرجو كاملين غادين هاز السلة لاشراق وهي هازة الصاك وشاد فاستريلا اللي بدورها شادة لحزام لاسترا راخفاه ليها كتمشي قدامها حتى للمحل ديال الزهور وقف كيشوف فجنابو وقال
- فين هما هادو؟
سمعات لكلاكصون ديال سيارة صغيرة من نوع فيات 500 شيبية فاتحة وتلفتات شافت مدام جانسو جالسة فيها كتشير بابتسامة . هزات اشراق يدها بسعادة كتشير ليها وقالت
- هاهيااا هاهيااا مدام جانسووو
مشات كتجري عندها جارة استريلا كتجري حتى هي .. نزلت مداام جانسو لابية صاية مجموعة حد الركبة وتربكو فوقو فيست ديال الخيط انيقة وعقد من العقيق غليض بني .. الشعر مطلوق اشقر قصير وطريبيش دائري مع صبيبيط فرجليها المنقطة كلها بالخالاتت والنمش . ابتسمت وعنقاتها وتحنات عند استريلا باعجاب باستها وقالت
- اووو يا قلبي على هاد الجمال وهاد البنيتة الجميلة .(تحنات عند استرا) اووه شكون جا معانا !!!
استريلا بلطافة: سميتها استرا
ردت مدام جانسو : استرا ... كيف دايرة حبيبتي مرحبا بيك معانا (دوزات يدها على وجه استريلا) وهاد الوجه المنير اجمل وجهه نصبح عليه اليوم .
وقفات بلباقة شافت علي واقف بابتسامة كيشوف فيها ومدات ليه يدها قائلة
- سيد علي ... كنتمنا تكون بخير وعلى خير
رد بابتسامة ومصافحة : الحمد لله .. كنتمنى تكوني بالف خير مدام
حمعات يدها برقة : شكرا ليك سيد علي
تلفتات اشراق: صافي ؟ حنا نمشيو دابا
رد بابتسامة : ردو البال راسكم . يالاه بسلامة
حط ليها السلة فالكووفر وهما طالعين فالسيارة فرحانين .. ركبو استريلا واسترا اللور واشراق لقدام بسعادة وانطلقت السيارة كيديرو ليه باي باي وهوا كيضحك ويبادلهم نفس الحركة
يااه لهاد الكون العجيب المدهش الساحر ، كيجمع البحار والاشجار والجبال وغيرها .. خلقة ربي بأحسن صورة وعطاها لينا نعمة نستفدو منها ونتمتعو بمناضرها وسحرها وجمالها ، مقابل اننا نحافصو عليها باش تبقا زوينة وتعطينا من خيراتها وثمارها
هادشي اللي قالت مدام جانسو وهي وقفة كتشوف فالطبيعة ومناضرها الخلابة .. وحداها اشراق واقفة بأعجاب كتسرح عيونها البراقة فلخضورية والمياه اللي فالبحيرة قدامها والناس فوق الزوارق كتمتع بالهدوء والهواء النقي .. بجنبو بطاريق و اوز كيلعب وينقز فالمياه واللطفال حدا الشبابيك ديال الجسر كيرمي فتات الخبز ... طيور كتحلق فالسما وحمام مجمع فالارض .. اطفال كيلعبو الكرة وعشاق تحت ضل الاشجار و اشعة الشمس كيحبو بعضهم ، ازهار جميلة مزينة المكان و افرشة مربعة فالالوان فوق الارض جالسين عليها العائلات . طلقات استريلا لاسترا الحزام وحيداتو ليها من عنقها وطلقاتها مشات كتجري للعيد وترجع كاتنقز حداهم فرحانة .. تبعات اشراق بأقدامها مدام جانسو وقطعو الجسر لخشبي للضفة لاخرى .. وفمكان بجنب البحيرة فرشو غطاءهم الوردي االمزين بمربعات وحطو سلاتهم القصبية وجلسو مربعين رجليهم فرحانين كيتمنضرة فالطبيعة .. مشات استريلا تبعات استرا كتجري بسعادة وتلعب معاها لاكن نادات عليها اشراق جابتها جلساتها وجبدات ليها حليب فقارورة وعطاتها خبز فيه فرماج ومربى وقالت
- فطري هوا الاول عاد لعبي صافي
استريلا : واخا
جلسات بجنبهم حتى هما اللي جبدو كأوس الشاي الصغيرة وبعض الحلوى كيشربو ويتجمعو .. سالات اسريلا فطورها وعطاتها اشراق زلافة صغيرة من فواكه جافة وبعض الفواكه الطرية عليهم رقائق الشوفان كلاتهم وناضت وقفات قائلة
- اشراق واش نمشي نلعب مع استرا؟؟
اشراق: قدامي هنا صافي انا حاضياك
استريلا: واخا
مشات استريلا هزات كرة صغيرة لاسترا كترميها ليها وتبعها الاخيرة تجيبها تحت انضار اشراق .
- اشراق: اه من اللي جابها اول مرة عندي للنادي فالمغرب عجبها الحال ... وكان كيجيبها يخليها معايا ويمشي ... تما ولفاتني ... بصراحة حتى انا عزيزة عليا .. ولفتها بزاااف امدام جانسو وكتبقا فيا ... واللي كيزيد يقتلني هوا انها بنيتة مربية ومكدير والو مسكينة .. وكتسمع الهضرة وسكوتية .. هادشي كيخليني نشدها ونخشيها فصدري ونسد عليها
ابتسمت مدام جانسو وقالت: ومتنسايش ان هادي حتى هي لصالحك ... وبما ان الاب روحو فبنتو ... فغتكون روحو فاللي كيبغي بنتو حتى هوا ... اولا ههه
انتهت النزهة بلعب اشراق مع استريلا واكل الحلوى ... جمعو اغراضهم مع غروب الشمس ورجعو مع مدام جانسو حطاتهم قرب الباب ديال الدار .. سبقاتهم استرا كتجري دخلات وضارت مور الدار لبلاصتها في حين حلات اشراق الباب بشوية دخلات استريلا قدامها وقدمات السلة دخلات كضحك .. لقات علي جالس قدام الحاسوب ديالو عنق استريلا فور ما دخلات وابتسم قائلا
ثار انتباهها صاك مححطوط فوق الكنبة ديال العيالات وبدات تلاشى ضحكتها .. تحل باب الحمام وهي تلفت باستغراب جهتو ... كانت الصدمة اقوى من ارتفاع درجة الحرارة ل 40 حيث شافت سمنتا خارجة منو بقميجة قصيرة شيبية مغطية ليها مؤخرتها وفخادها الناعمة عريانين ... شعرها مطلوق و صدرها عاري وسط الصدايف . تقدمات بابتسامة حدا اشراق وابتسمت قائلة
- اه اشراق!!! ... كي داز لبيكنيك ؟؟
هزات كاس دالقهوى ومشات جلسات حداه بابتسامة دارت رجل على رجل في حين واقفة استريلا كتشوف فيها بعبوس وقالت
الحلم الأسود الجزء 24
محتوى القصة
التنقل بين الأجزاء