جلسات قدام المرايا كتنهج وتشوف فراسها وعينيها كيدمو بوحدهم .. تذكرات القبلة اللي عطاها اخير مرة وحطات يدها علاشفايفها كترعد وبدا تبكي وتنخصص وتمسح بكم كسوتها .. سمعات الباب تحل وبسرعة تلفتات شافتو داخل موراها ... لباسو عادي... دجين وتيشورط كما لقاتو جالس بيه وسط الدار ... بسرعة دورات وجهها قبل حتى مايشوفها وناضت كترمش ودور بجنابها مهبطة راسها ... تهز هادي وتحط هادي غير باش راسها يبقا فالارض . وقف قدامها كيشوف فيها مشغولة وقال
-داز البيكنيك مزيان ؟
اشراق: لا رد
دازت من حداه خرجات من البيت مالقات حتى واحد فالدار ... غير استريلا باقا جالسة وكتنفض فقميجة باباها فيدها وتمسح عليها .
مشات بحالها ؟ صافي خرجات دارت شنو بغات ومشات ؟ بنرفزة دخلات للحمام سدات عليها وجلسات فوق لاشاص كتبكي بوحدها .. كانت محتاجة مكان معزول تخوي فيه غضبها وغيرتها الحارقة .. بعد ما رتاحت خرجات من الحمام تلاقاتو فالباب ديال بيت النعاس .. دازت من حداه كأنه مكاينش وهوا يشدها من يدها وقفها وقال
بقا مصدوم غير كيشوف فيها وقال : شكلاطة ؟؟ ... (بقا كيشوف فجنابو )
احمم... سمحو ليا ..
خرج بسرعة وسد الباب موراه ..طلعات اشراق راسها من وسط الرغوة كولو عامر و وشهقات مخنوقة كتنهج وقالت
- مشا ؟
استريلا بابتسامة : سونطي !
سالاو مع البلاطو كامل وهما حاطين بجوج ماسكات على وجههم .. ها الماسكات ها لكريمات .. العناية التامة للوجه والشعر .
خرجو كيلمعو من الجاكوزي بجوج .. لوات اشراق على صدرها فوطة صغيرة مغطية بيها صدرها ونصها بزز وحطات باقي المساحيق للترطيب والتنعيم والتلميع .. كانت استريلا اسعد انسانة فالكون وهي كتعيش اجمل اللحضات مع اشراق .. لبساتها بينوارها ولوات عليها بينوار وتحنات للارض كتمسح ليها وتشم
- اممم ... ريحة فيك واشمن ريحة .. ولحنيكات ياختي على الزين ... يالاه انا نحل ليك الباب عيطي لباباك باش يديك يلبسك ميضربكش البرد اوك
استريلا : اوك ههه
رجعات اللور مخبية فطرف ديال الفوطة وشعرها كيقطر وحلات الباب شوية ..بدات استريلا تعيط وجا عندها خرجات عندو مزنكة ومخبية فالبينوار الوردي والفوطة على راسها . ابتسم وقال
- اييه ! بصحة الاللة
استريلا : ههه
هزات اشراق راسها مترددة نوعا ما وقالت
- علي.. ممكن تجيب ليا بينواري فلافاليز الى كان ممكن
رد: فين ؟
اشراق : فلافاليز الكبيرة كاينة كارطونة بيضاء فيها كلشي
خدا استريلا ومشا بقات هي واقفة جمعات الدنيا ونقاتها .. دق عليها مد ليها الكارطونة شداتها وردات الباب حلات على بينواها .. اخيرا غتلبس بينوار دهازها اللي خدات بالشهوة هي وخليج
بابتسامة وقفات قدام المرايا المضببة بالبخار ودوزات يدها كتقاد الفوطة الزهرية على راسها وخدودها حومر .. قدات بينوارها من العنق وتكمشات فانتفاخو وهوا واصل حتى للركبة .. خشات رجليها فبانطوفتو الناعمة وبدات تسمح وجهها بفوطة اخرى ديالو وطوات اللي فازكين حطاتهم جنب... حلات علبة دهنات منها يديها ومرافقها وهزات بخاخ مستخلص من مياه البحر بخاتو على وجهها مزيان وعنقها وحلات الباب شافت يمين يسار وخرجات غادية مباشرة للبيت
دخلات للبيت بملامح باردة هازة راسها كأنها عارفة راسها غتخرج فيها او يخرج فيها .. مشات مباشرة للطبلة جلسات ودارت رجل على رجل كتشوف فالمرايا وتبخ على وجهها فكل مرة نشف .. هزات بوم اليفغ بدات دوزو على شفايفها وهي تشوفو فالمرايا داخل .. تلفت بعفوية جهتها كيشتت النضر فجأة تبت النضرة فيها ويدو فالباب كيردها بشوية .. كملات شغلها بنفس الطريقة .. لا ابتسامة لا والو. كتشوف فالاسفل والراس مرفوع .. مشا وقف قدام البلاكار يدو فالرف وعينو فيها .. وفكل مرة تشوف فيه كيهبط عينيه .. رمش بارتباك وقال
- ستفي حوايجك هنا بلا متخليهم فليفاليز
جرات لاتخوس بصرامة ما رداتش عليه وبغات تحلها ... تعكسات السنسلة وبدات دفع فيها بنرفزة .. قرب شدها بغا يحلها وهي تجرها قائلة وشافت فيه بعيونها الجميلة الغيورة فيها حزن وغضب عميق
- شكرا قادرة نحلها
نترات السنسلة حتى طارت وهوا يجرها وقال بهدوء
- اري نحلها ليك مالكي معصبة
هزات حاجبها : اولا انا قادرة نخدم المسائل ديالي الراسي ... ثانيا باغا نتعلم نعتامد على راسي واخا بيد وحدة .. وكوشية .. الدنيا والزمان .. ثالتا ... خاصك تعرف باللي معاك مرا فالدار اي بلاصة بغيتي دخل ليها خصك دق واخيرا ... الى بغيتي حريتك فهاد الدار باش دير اللي بيغتي وتحرك كي بغيتي ... قلب ليت على دار نسكن فيها وتهنا من هاد البروسي اللي نزل عليك من السما .. وشكرا
دورات وجهها قدامها فالمرايا بنرفزة كتمسح وجهها وهوا غير كيشوف .. تنهد وجلس حداها شاف فيها مباشرة وقال
- اشراق ...
تلفتات بصرامة : مافيا اللي يسمع شي حاجة الله يخليك .
سكت بقا غير كيشوف وهوا يحيد ليها يدها على وجهها وقال
- شوفي فيا فاش نكون كنهصر معاك
تلفتات مخرجة فيه عينيها وقالت بهدوء
- علاش؟؟؟ علاش بغيتي نشوف فيك ؟ اشنو غنستافد من هاد الهضرة اللي غادي تقول ليا ؟ وعلاش اصلا كدخل راسك فخصوصياتي وباشمن حق كتقيس ليا يدي
رد بهدوء : حيت نتي كدخلي راسك فخصوياتي و كطولي يدك عليا ... مدام حنا عايشين فدار وحدة غادي يوقعو نقاشات وصراعات وعادي
ردت كتشوف فالمرايا وتهز القطن من بعد ما كان فتح ليها الشنطة وقالت
- عايشين فدار وحدة ومكاينش الاحترام مكاينش تقدير مكاين والو
هبط راسو شابك يديه كيبتاسم بوحدو ورجع شاف فيها وقال
- واخا لاللة ... من ليوم مكاينش ..
هزات حاجبها فيه: شنو اللي مكاينش؟
رد والضحكة فعينيه : داكشي اللي على بالك
بقات كتشوف فيه وترمش ودورات وجهها قائلة
- ماعلاباليش بحتى حاجة .
رد بهدوء: شوفي .. انا كنت قاصح معاك الصباح حيت تعصبت على ديك الهضرة اللي قلتي ... من جهة عندك الحق ومن جهة مكان والو من داكشي
شافت فيه وقالت: انا ماقلتش ليك لا ... قلت ليك غير قدام البنت كتأثر بشنو كتشوف وصافي ... حياتك ونتا حر فيها دير فيها اللي بغيتي ... حتى واحد ماعندو الحق يتدخل ليك فيها ... وانا اخر وحدة تدخل ليك فحياتك . هماتني استريلا .. اما نتا حر
ناضت من حدا بميوعة وقفات حدا البلاكار حطات الشنطة ديالها ديال المساحيق وبقا هوا جالس كيشوف فالارض ويخمم .. تنهد وناض حط يدو على الباب حداها وقال بأسى كيشوف فيها
- كلمة ديال الحق مغنخالفكش فيها تفاهمنا ... وراكي فهمتي الوضع كفاش كان ... السيدة طاحت فغيس ... شنو كان عليا ندير وحنا غير فهاد الجوايه كندورو ؟
ردت بغيرة زامة فمها : كن مكانتش مولفة مغاديش تهز حوايجك تلبسهم وتبقا دور فقلب الدار
مشات من حداه للباليزة كتهز حوايجها وهوا موراها تابعها
- رد عاقد حواجبو: فين مولفة فين ؟ راه كتجي عندي للدار كنجلسو كي الناس كنشربو قهوة كتعاوني فالخدمة ..
ردت كتستف الحوايج : تبارك الله ... الله يتاويكم للخير السي علي
بغات تمشي وجرها من يدها وقفها حدا باب البلاكار وقال بجدية
- كنهضر معاك بصح اشراق مكنتفلاش .. الى شفتي شي حاجة راه جات بالصدفة وصافي
نترات يدها : بالصدفة !! سبحان الله !!!!
ايوا الله يخليكم لبعضياتكم .
مشات جلسات فوق الكرسي معبسة وهوا حدا البلاكار مربع يديه في حيرة .. تنهد ودار يدو فجيبو جبد علبة حمرا وقرب جلس كيسوف فالعلبة مطولا .. حلها جبد منها خلال مم ذهب جميل وقال
- هادا كادو من عندي ... اعتابريه كرابط الصلح والاسف ... على داكشي اللي وقع قبيلا .. وعلى الهضرة اللي قلت ليك
تلفتات شافت فيه بنضرات بريئة كترمش وقالت مهبطة عينيها
- نتا عندك الحق ... عندك الحق فكل كلمة قلتيها ... انا ماخصنيش نتدخل فحياتك ...ولا حتى فحياة استريلا
هز عينو فيها بأسى وقال: علاش كتخلطي الامور دابا ؟ وكنحكري على كلمة قلتها ؟ انا كنت قاصي شوية .. ونتي عندك الحق فالهضر اللي قلتي
تحنا عند رجلها هزها وهي تغطي فخدها فالبينوار بخجل .. حط رجلها على فخدو .. حتى ماعارضاتش وبحال الاميرة حطاتها عليه ركب ليها الخلخال فبلاصتو وقادو بيديه وقال حاط يدو على رجلها بدون تركيز
- كنسحب كلامي اوك
تنهدات وهي على نفس الوضعية وقالت كترمش
- حتى نتا متفهمنيش غلط ... انا هضرت على مصلحة استريلا .. ماشي على شي حاجة اخرى
بدات فتستيف الملابس هي واستريلا اللي شراو بالضحك واللعب حتى عياو ومشات تجمعو على الطبلة حطو عشا خفيف وجلسو تعشاو كأي اسرة سعيدة .
جلسو كيتفرجو فالتلفاز كالعادة شوية بدا كيتسمع صوت سقوط الثلج احجار .. بعدها بدا كيدخل برد قوي مع فوهات النوافد والابواب وتبعها سقوط ثلوج بيضاء حدا الباب .. خرج علي بسرعة دخل استرا من البرد حط ليها فراش جديد من كارطونتو فقنت البهو حدا خزانة خشبية وطلقها من الحزام ديالها... سد جميع الابواب والنوافد وجبد الافرشة والاغطية جهز البيت بجميع اجهزة التدفئة مزيان وقال بابتسامة
- اشراق... وجدي راسك للثلج هاهوت بدا
صحكات وقالت : ههه نصبرو ماشي مشكل
رد كيقلب فالتلفازة : غيير صبري .. البرد هنا راه ماشي هوا البرد ديال المغرب
اشراق: ولاكن الدار سخونة
رد : هادا هوا لافونطاج ... واخا كندا باردة بزاف مي الديور مجهزين مزيان والخشب موجود .. غير فالزنقة اللي كاين البرد ... اما فالمحلات والخدمة وداكشي الجو سخون كنبقاو غير بليوشميز جالسين ... ولاكن فالزنفةة فييييو ... البرد مجهد
اشراف: حتى فليكول فين كتقرا استريلا ؟
رد : اي بلاصة دخلتي ليها سخونة ... راه ميقدرش الانسان يعيش فالحو البارد ديال كندا غيجمد واخا يلبسو لي لبس ... مي البلاد عاوتاني مجهدة فهادشي ديال التدفئة .. لواحد يحضي راسو فير برا اما فين مامشيتي الجو سخون
مشات للبيت تخشات فالفراش كطيب نعاس وطفا هوا التلفازة من موراها ودخل للبيت سد الباب ومشا حداها وسط كواش سخان كيصهدو والجو دافي زيادة كالصيف كأنه ماشي الثلج اللي كيطيح على برا مع العلم ان غرفة النوم عندها باب زجاجي كبير كيخرج للجردة لاكن علي سادة فمرة مكيتحلش بتاتا .
تنصص الليل وهي باقا فايقة مغمضة عينيها والفجوة بينها وبينو .. كتسنا منو حركة او على الاقل يتحرك ..فجاة فاجأها وحط يدو على خصرها عمر الفجوة اللي بيناتهم وعنقها من اللور بدون ميدير حتى حركة ... شكات انه ناعس وبقات تابتة حتى تأكدات وتلفتات على ضهرها قلبات وجهها جهتو في حين هبطات يدو على كرشها .. ابتسمت وممرات يدها على لحيتو بهدوء وحطات يدها على يدو فوقو كرشها وغمضات عينيها بسعادة نعسات
ضرباتها لفيفة فنص الليل لقاتو باقي على نفس الوضعية .. هزات يدو بشوية على كرشها وناضت للحمام . رجعات للبيت ردات الباب ودخلات بلاصتها بشوية تقلبات على جنبها جيهتو كترمشش بتااقل .. بقات كتشوف فيه فالضلام وتفرز وقربات من شفايفو حاطة يدها على خدو قبلاتو قبلة لسقو فيها الشفاه مع بعضاتهم بحال اللساق وبعدات ببطىء حسات بيه حل فمو كانه غيتجاوب ... لاكن بسرعة دورات وجهها وبدات كل شوية طل عليه واش ناعس ولا فايق .. فجاة تقلب للجهة الاخرى فمرة كحز عليها وبعد ضنات انه ناعس محاسش وابتسمت ناعسة على ضهرها كطيب النعاس .. بعد ثلت ساعة حسات بيه ناض من حداها للحمام ولاكن مارجعش للغرفة.. استغربات وناضت بهدوء حلات الباب طلات لقاتو فغرفة استريلا ناعس ويدو على راسو واستريلا حداه لايحة رجلها على كرشة فنوم عميق . بقات كتشوف فيه علاش بدل البلاصة مشا نعس حداها ! ياك كان ناعس! يكون سمع صوتها ولا حس بيها تخلعات ونعس حداها ! ممكن
رجعات للبيت سدات الباب ومشات لبلاصتها عنقات المخدة ونعسات
صبح الحال بلون جديد .. لون ابيض ناصع دهشها فاش حلات عينيعا فيه ... ناضت بسرعة حدا الباب الزجاجي وقفات كتشوف الثاج لاسق عليه بحال القطن .. بسرعة خرجات من البيت كتجري لقات علي واقف كيقطع الخبز لاستريلا وكيفطرو بجوج وقالت
- وااااو شفتي الدنيا كي صبحات !!!
ابتسم كيشوف فيها ويقطع وقال : عجباتك ؟؟؟
ردت : فنننة !!!
مشات وقفات باعجاب حدا النافدة طلات وقالت
- كلشي ابيض !!!! الجو فنننن شميشة خرجات والثلج !!!
قال وهوا كيصاوب ليها شكلاط لخبز
- هاكا غترجعي تشوفيها ديما
قربات عندو فرحانة ومد ليها الخبز ليدها وقال
- ولاكن برا راه كاين البرد قاصح ... ماتشوفيش الجو سخون هنا يحساب ليك بحال برا
عضات من الخبز وقالت : اه عرفت . (شافت فاستريلا) حبي... كي صبحتي
رد قائلا بابتسامة مخفية كيصاوب لاستريلا خبز اخر
- صبحات ناشطة
اشراق بنشاط: هههه ... بصح
ابتسم كيشوف فيها شوية بدا يضحك وقال
- ليوم كاين خروج ... غادي نبقاو فالدار حتى يحيدو الثلج من الطريق ... كلشي عامر بالثلج
- اشراق: كنت باغااا نخرج نشوف الدنيا برا كي دايرة
رد : فاش تسرح الطريق نخرجو كاملين . رجعتي كتفيقي معطلة بزاف اشراق
كلات داك الطرف اللي عطاها ومشات فرحانة تجمع الفراش ديالها .. شد هوا البيسي ديالو جلس وبقات هي فالدار كترتب وتصايب لغدا كالعادة وختماتها هي واستريلا فالبيت بالمكياج كيلعبو .
نهار جديد ابيض بالثلج .. باتت اشراق فالغرفة بوحدها وعلي مع بنتو لاكن ما عطاتش للامر اهمية .. ربما استريلا ولات كتخلع بالليل . صبحات ملوية فالمونطو والشال على عنقها والحجاب ديالها وخرجات معاه للسيارة من بعد ما مشات استريلا للمدرسة .
ركبات دارت السمطة ومشاو للكلية اللي غتبدا فيها لقراية .. وقفات قدامها قبل مدخل وشداتها الخلعة كتشوف فيها وتبرق فعينيها .. تلفت موراها باستغراب وقال
- مالكي ؟ شنو واقع؟
استجبت بالنفي وتبعاتو كتجري دخلات للكلية بين الناس اللي داخلين .. كلشي ازعر قلال الناس اللي شعرهم اسود ... وحتى الطبلة قلال والكلية كبيرة .. مشات معاه للادارة كتشوف ودور عينيها ودخلو لمكتب المدير استقبلهم بابتسامة .. كان مكتب كبير فيه علم كندي واقف وخزانات مع الحيوط .. بقات تسرح عينيها وتشوف في حين كيهضر علي مع المدير ويتناقشو .. نسات راسها بقات متبعة شنو واقع خارجا من خلال النوافد حتى وقف علي وقال
- يالاه نمشيو
وقفات باستغراب وهدوء : صافي؟
علي : يالاه
خرجات معاه من الادارة مكمشة وكتسول
- واش قبلوني ؟ واش غيقبلوني؟؟
طلع فالسيارة وطلعات سدات عليها وقال
- غدوزي واحد التيست هوا الاول عاد يشوفو واش يقبلوك ..
اشراق : اشمن تيست ؟
مد ليها ورقة فيها جميع الشروط شداتها مافهمات فيها وقالت
- شنو هادشي؟
رد : الشرط الاول تكوني كطيري فاللغة باش تبداي لقرايا معاهم .. غيطرحو عليك شوية ديال الاسئلة حول الدراسة ... علاش بغيتي تقراي عندهم مثلا ؟ علاش اختاريتي كندا؟ وعلاش بالضبط بغيتي تبعي هاد الشعبة .. شنة غدير من بعد وشنو غدير الى قريتي عندهم ... خصك تعرفي تجاوبي على بزاف ديال الاسئلة ممكن يطرحوهم عليك من خلالهم غيعرفو النيفة ديالك وحتى طريقتك فالتفكير .. يقدرو يصعبو عليك خصك توجدي راسك مزيان
- اشراق: بخوف) وفوقاش غندوز هاد الامتحان ؟
علي: عندك 3 شهور ... عاد غيبدا التسجيل ... مهم باش تسجلي خاصك تنجحي فيه . وانا غتجمع لبك الاوراق ديالك اللي طالبين باش دخلي.. اللي عليك نتي هوا توجدي راسك
ردت بخوف: ولاكن انا مطالقاش لساني ! كي ندير
علي: داك الوقت اللي كضيعي فلخوا لخاوي ... غادي تمشي طلقي فيه لسانك فاللغة واخا غير ساعة فالنهار ... ومن ليوم مغنبقاش نهضر معاك العربية باش هاكا تولفي ولسانك يتطلق مزيان مغتبقايش تجاوبيني بلعربية ... هادي راه قرايا ماشي الليع وشرا تبقا تقلبي على الكلمات فعقلك وتركبيهم اوك
تنهدات : اوك ... واخا خايفة
- واديري راسك فهادشي راه قدامك 3 شهور
اشراق : واخا
نزلات حدا محل الزهور وشارت ليه بيدها بابتسامة باش يمشي يخدم ..رد ليها نفس الحركة بيدو وزاد مشا في حين دخلات بسعادة للمحل سلمات على مدام جانسو وبدات فالروتين اليومي هي وياها كيتناقشو ويتجمعو .. وطبعا كلام مدام جانسو كان كلو حكم وتوعية لاشراق اللي كتسنط ليها بتركيز وابتسامة الوقت كامل . وصل وقت الغداء وجبدات مدام جانسو طعام عبارة عن قطنيات وسلطة طبيعية تشاركتها مع اشراق فجو جميل ومرح .. ودوزو النهار كالعادة فبيع الزهور وترتيبها وتزيينها حتى للمساء وخرجو بجوج سدو المحال وتوادعو وكل وحدة مشات لبيتها كالعادة .
حلات باب الدار ومع الحلة شمات روائح الورد والياسمين فالدار .. شافت فالارضية الخشبية البنية لقاتها كتشعل وتبري .. سرحات عينيها فالدار لقات الدنيا نقية ومرتبة ونضيفة .. حيدات الصباط فالباب وهزات بانطوفتها اللي لقات معلفة حدا الباب لمعنى لبسيها عاد دخلي. بالتسامة دخلات كتشوف النضافة والترتيب والهدوء ومشات بشوية طلات على غرفة استريلا لقاتها متكية على الناموسية على كرشها والدفاتر قدامها كتحفض.. زادت لبيت النعاس كذلك ارضيتو نضيفة وكل حاجة مرتبة فمكانها كأن مرة حادكة كاينة فالدار . ماحس بحركتها حتى واحد .. حطات الصاك وخرجات سمعات صوت فالحمام وطلات لقات الباب محلول .. دفعاتو بشوية كتشم ريحة المنضفات والمعقمات والدينا مقلوبة بالرغوة .. هزات عينها لقاتو واقف بتيشورط وشورط قصير وكلاكيطة داير القفازات فيديه وشاد شيتة صغيرة كيحك بيها القنات والعرق كيتصبب على الجبين ديالو .. وقف رجع باللور كيسوط وهز الرشاشة ضرب بيها الخيوط الرخامية والقنات هبط الرغوة كاملة ترشات قطرة على اشراق اللي واقفة موراه وهزات يدها على وجهها قائلة
- اااااي
تلفت بسرعة مستغرب شاف فيها وقال : فوقاش دخلتي ؟ عاد دابا؟
ردت كضحك: تبارك الله عليك بعدا حااادك والله لعضيم
ضحك وقال : سيري راه جبت ليك شي كتب طلي عليهم شوفي شداكشي
اشراق: ارا نعاونك
رد : ساليييت غير سيري تقراي
ابتسمت وبقات واقفة كتشوف فيه كيشلل الدنيا ويدوز بكراطة صغيرة ديال على الحيوط هبط الماء وكرط كلشي وهز منشفة
تلفت بعفوية وقال : الى عندك شي حوايج خاصهم يتصبنو غندورها دابا
اشراق: اوك
مسح الحمام كامل بمنشفة رجع كيضوي ودوش بسرعة وخرج ملوي عليه الفوطة .. حط الصندالة فالباب ديال الحمام ومسح رجليه حومر بكثرة الصابون والغسيل وخشاهم فبانطوفة وتم غادي كيمسح وجهه و يديه بتعب لقا اشراق فلكوزينة جالسة كتشرب الحليب بالشكلاط وطرف ديال الحلوى .. ناضت بعفوية نساتهم محطوطين فوق الطبلة وهوا يعيط ليها جات كتجري بالبيجامة كتجمع كتجمع شعرها وقالت
- شنو؟
رد كيسوف فجهة اخرى عاطيها بالضهر ويمسح يدو
- جمعي هادشي متخليهش محطوط هاكا
ردت بخجل وارتباك : اااه واخا غير نسيتو
رد : وا جمعي متبقايش تخلي الحاجة موراك
هزاتو بخجل بسرعة مهبطة راسها تمنات تشق الارض ودخل فيها .. تلفت قائلا
- سيري شوفي داكشي اللي جبت ليك وردي عليا كي جاك ... وشنو بان ليك فيه
اشراق : واخا ..
عاودات شافت فيه مرة اخرة وهي تنتابه للفوطة الملوية عليه .. حلات عينيها كتشوف وهوا كيشغل الماكينة دالصابون وتم غادي جهة بيت النعاس وهي حالة فمها كتشوف فيها
رجع خرج هز مقص الدفار وجلس دا الطبلة كيقطع دفار يديه وهي بنص عين كتشوف فيه .. هز حاجبو كيشوف فيها وقال
- واسيري جيبي لكتوبة واااجي !!!
ردت بارتباك : فين كاينين ماشفتهمش فين؟
رد : فالبيت قدامك بااااينين
مشات بسرعة تلاقات مع استريلا جايا هازة الدفتار والستيلو .. حل ليها علي رجليه وقفاها قدامو وباسها فخدها وقال
- فاهمتيش شي حاجة ابنتي؟
ردت بهدوء: شنو هادي ابابا ماعرفت شنو هي
حط الكتاب فوق الطبلة كيشرح ليها واشراق جايا هازة الكتب والدفاتر تاهي ولا تروسة جديدة فيها ستيلوات والكومة والمسطرة و جلسات كضحك
تلفت شاف فيها وقال : كضحكي! حلي حلي نشوفوك اش غديري .. هلحنا غنشوفو هاد الضحك
حطات الكتب قدامها وحلاتهم كتشوف فيهم .. بدات تقرا وتراجع لقات راسها سطلة مابينها وبين الحوار الحقيقي غير الخير والاحسان . بلعات ريقها وجمعات يديها بين رجليها وقالت
- علي... مافهمت والو فهادشي
تلفت كيضحك بسخرية : مافهمتي والو ! وباغا تقراي وباغا توصلي ( رجع للجدية ) شوف اشراق ... انا مغنضحكش معاك فلقرايا باش نكونو مفاهمين من دابا ... غاديري راسك فيها مرحبا مغاديريش راسك غتخرجي من ديك المدرسة وغنساليو مع لقرايا .
ردت باحراج : علي راه قلت ليك غاديو نقرا صافي كلمة وحدة
هزات دفتارها مشات للبيت وهوا يتلفت جر اشراق من دراعها حداه وقال
- عاودي من الاول ... تعاودي نفس الخطأ جوج وثلاتة نتفاهم معاك
قربات بحذر ويدها حدا راسها وقالت
- غير بشوية عليا راه انا قارية القانون والعربية الفرونسي غير كنتسنطح فيها اعلي ماقريتهاش
رد كيشير ليها تكمل: هانتي بادية من الزيرو .. راه المعقول هادا ماشي تفلية
اشراق: شوف علي ... بنتي ليا عيان ليوم ... سير ترتاح بلا منزيد عليك حتى انا بالدروس
رد : ماشي شغلك فيا ديها فقرايتك وكملي هادشي نشوف
ربعات يدها على المخدة كتقرا وهوا متكي على ضهرو مركز معاها كيصحح حتى داه النعاس كملات هي لقرايا بوحدها حتى سالات وتلفتات عندو لقاتو قالب وجهه وناعس .
سدات الكتاب وبدات تحرك فيه بشوية حتى حل عينيه وقالت
- علي سير ترتاح .. راك عيان بزاف .. غير سيري انا غنعس استريلا سير نتا ترتاح
ناض كيمسح على وجهه دخل للبيت مباشرة تلاح فوق الناموسية ودخلات هي عند استريلا لقات النعاس كيدي فيها ويجيب وجمعات ليها الكتب والادوات وقادات ليها الللاصة غطاتها وخرجات من البيت بهدوء.
دخلات للبيت لقاتو مرمي على كرشو فوق الفراش ومشات جرات من تحتو الغطا غطاتو وطفات الضوء دخلت حداه ونعسات .
كاي صباح وكأي نهار كيدوز .. نفس الروتين كيتكرر ... كل عشية بعد العمل كيجلسها يقريها .. مرة يتعصب مرة يجرها بغضب .. مرة يخشي ليها الستيلو فراسها باش تعقل ومرا يبكيها حتى كتبغي دير بناقص ويجلسها .. دخل ليها فكرة الدراسة فراسها بالخاطر وبالقوة و تبع معاها مرحلة بمرحلة كيقريها .. كان جاد كل الجد فموضوع الدراسة عكسها هي اللي كان عاجبها فالاول وواخداه بحال الضحك على اسس انه كيقريها ويعلمها ..لاكن من بعد الزيار القوي والوجه الجاد اللي شافت معاه عرفات راسها ماشي فالضحك .. بلخصوص انها كتخليه يفقد اعصابو ويجري عليها فمرة من حداه هي ودفاترها ويخليها كتبكي كارهة تكمل .. نهار على نهار بدات تعلم وتركز .. مرة يخرجها لشي مكتبة يراجع معاها .. مرة فالحديقة .. واحيانا فالدار حتى بدات تستوعب وتشد ورجعات ليها الضحكة عكس العبوس اللي دوزات فيه تقريبا 3 اشهر .. كتنعس غضبانة وتاكل غضبانة وتهضر بنرفزة لسوء تعامله معاها وصرامته . .. دازت تقريبا 3اشهر كلها عمل وجد مافيهاش اللعب .. تخلصات من الجبص اللي فيدها ومن عقدة اللسان اللي كانت عندها وهزات راسها مرتاحة اخيرا بعد تجاوز هاد المحنة
وسط الدار جالس ويدو مطوية حدا راسو ورجلو محطوطة على فخدو شاد الكتاب عاقد حجبانو وهي جالسة قدامو لابسة سروال ناعم وبينوار ديالو وديباردور من لتحت فيه دونتيل على الصدر. كدوز الاختبار معاه وتجاوب على الاسئلة ديالو وهوا كيطرح عليها وبكل جدية كترد .. ابتسم وسد الكتاب قائلا
شدات الكتاب بسعادة: لالا صافي حفضتو .. نشاء الله غنجح ... غير مللي تفكات ليا العقدة دلساني فاللغة هاديك هي كلشي
رد : وا بقاي تراجعي فهاد السيمانة حتى للنهار دالاختبار
ابتسمت وقالت : اوك نشاء الله نجح
جبد تيليفون ورد: نشاء الله
بفات كتشوف فيه وتشوف فتيليفون وقالت بتردد
- احمم.. علي .. شخبار سمنتا لاباس عليها ؟ مابقاش كتجي
رد وعينيه على تيليفون : نوضي تراجعي غنجي نطرح عليك اسئلة اخرين يالاه
بقات كتشوف فيه معبسة وناضت للبيت سدات عليها وجلسات كتشوف فالارض وتفكر.. فاق عليها شيطانها بافكار جهنمية وعضات شنايفها مع ضحكة شريرة . حطات الكتب وناضت فخطرة للبلاكار كتقلب على الحوايج في حين كان متكي هوا حدا بنتو كيقرا ليها القصة باش تنعس.
طل لقاها ناعسة وناض غطاها كيتفوه ودخل للبيت سد الباب موراه .. تلفت وياريت ماتلفتش .. خرجو عينيه وهوا كيشوف حورية البحر جالسة قدام المرايا بسوميج دو نوي برونز وسينتة بدونتيل دايرة على قصة الصدر .. جالسة و دايرة رجل على رجل كتاعب برجلها وشعرها مطلوق للجنب كتمشط فيه والريحة فالبيت مثيرة .. سنسلة على خد دورة دالعنق مذهبة رقيقة وحلقات فالودنين فيهم نجمات ... عينيها مكحلين والرموش مجبدين والمؤخرة موراها بارزة والخصر ديق .. الضهر عاري بلخيوط و النضرات فالمرايا كاسرة ..
لاحت شعرها للور وهوا كيشوف فيها مصدوم ... شتت النضر لحضة لجهة اخرى وهي نايضة كترش الريحة ورا ودنيها ... تلفتات عندو بحركات تابثة انثوية وغادية جيهتو .. عطاها بالضهر هو تيشورط فيدو معارف ميدير كيحاول يلهي فشي حاجة والارتباك باين عليه .. عكسها هي اللي خرجات الرغبة الجياشة فالداخل ديالها ووقفات موراها بصوت حنون قائلة
- علييي
علي : الصمت
حطات يدها على ضهرو وهوا يبعد خطوة للقدام وقال
- نعام ؟؟
ابتسمت بمكر وتقدامت قدامو وقفات كتشوف فيه .. عقد حجبانو وصدرو كيطلع ويهبط ماباغايش يهز عينو فيها بل حط التيشورط اللي فيدو وتلفت جهة الباب بغا يخرج .. شدات من القميجة اللي لابس بقوة حتى تشركات ووقفات قدامو قائلة كتشوف فيه بضعف
- علييي ... (بعات الريق) علي ميمكنش ليك تجاهلني ..
شاف فيها بنضرات غريبة كيمتع النضر فجسدها بشهوة وضعف ورجع غمض عينيه هاز يديه وقال
- لا
قربات منو بغضب وقالت : علاااش؟ انا مرتك
زفر بنفاد الصبر بقوة وشدها من رقبتها وقال والعرق داير بجبهتو
- غنآديك اشراق ...
شدات ليه فالقميجة على صدرو وطرطقات لي الصدايف وقالت
ردت مصدومة فيه : يعني.... نتا باقي... باقي كتبغي اريانا .. واخا كاع دادشي لي داز عليك ؟
رد ببرودة : المرة اللولة ... مي من بعد عاد وليت كنعرف راسي شنو باغي ورجعات عندي زايدة ناقصة ملي رجعت كنشوفها كل مرة ... يمكن حيت مشات وخلاتني فالاول بقات فيا كطلع وتهبط ومن بعد فاش رجعات ندمانة ماحملتهاش كاع
شاف قدامو وقال : من غير هادشي نتي كنتي كتسناي ترجعي معاه ... يعني كتبغيه
ردت ببرودة: كنت فواحد العالم اخر .. راه كنت مغمضة عينيا .. انا دابا حاللة عيني ...حالاهم واصلا مابقات كتهمني حتى حاجة من غير حياتي
رد بالايجاب: مزيان .. مزيان تهمك غير حياتك . يالاه نزلي ها نتي وصلتي وهضري مع السيدة اللي نتي معاها راه هاد التوقيت اللي كتمشي فيه الصباح ديال الصيف ماشي ديال الشتا والبرد والثلج
اشراق: راه غنبدلو التوقيت اصلا غنبقاو نحلو غير نص نهار ديال لعشية وصافي .. هضرنا فهادشي وغنبداوه من الاسبوع الجاي
علي: اشمن اسبوع جاي راك غدخلي تقراي الاللة ... يا غتقراي يا غتخدمي وحدة فيهم اما باش تجمعيهم بجوج وتسقطي ولا تنساي قرايتك وتبقا مليون ونص كتمشي فالشهر غير هاكاك بلاش...بيعي الورد حسن ليك
ردت مصدومة : شحااااال!
حل ليها الباب: صافي نزلي دابا يالاه مزال تابعاني شحال من حاجة
نزلها من الطموبيل كتعثر مصدومة
- بلاتي نهز صاكييي
مد ليها الصاك : يالاه بسلامة
سد الباب ومشا خلاها حاللة فمها كتشوف فيه ! يعني مجموع المصاريف اللي غيبدا يحط عليها مليون ونص !! بلا ماكلتها وشرابها ولباسها ودواها !!! بقات غير كتشوف ودخلت كتفكر فالموضوع .
ابتسمت مدام جانسو : تقدري ترجعي للدار ... الوقت اللي ضيعي هنا سيري راجعي فيه .. وماتفرطيش فعلي ... ماتسمحي لحتى وحدة تاخدو منك مهما يكن ... حتى ما حسن منك .. والى خداتو منك شي وحدة عرفي باللي ماتستاهليش .. تستاهلو اللي تعرف ليه . وتهلاي فيه راه يستاهل ... كنتمنى ليك التوفيق فهاد الحياة
ابتسمت اشراق وقالت : شكرا مدام
عنقاتها وهزات صاكها فاتجاه الباب
مدام جانسو : اشراق... علي كيبغيك ..... وبزاف وانا متأكدة من كلامي .
بسرعة مشات للبيت خلاتو جالس مخشي فالمانطة قدام التلفازة ورجعات لابسة بيجامة مريحة وطالقة شعرها وفيها رائحة جميلة وتخشات حداه بلطافة كتفرج هي وياه فصمت وهدوء ..
تحت الفراش كانت يدها على فخدها وشوبة بشوية زلقات حداها وصطادمات بضهر يدو .. بعدات شوية عليه وحطاتها بارتياح ، وشيءا فشيءا تلامسو اليدين من بعضهم بحركة عفوية وبدا التقارب وملامسة الاصابع مع مشاهدة التلفاز .. فجأة حرك يدو تحت يدها وشد فيها ..بل شبك الاصابع مع بعض بصمت وهدوء تام وبقاو على نفس الوضعية .. الصمت ومشاهدة الفيلم والثلج كيطيح ويضرب فالسراجم والزاج .. حرك صبعو شوية ملامسا اصابعها بلطافة وهي بابتسامة كتشوف فالفيلم كانه فيلم رمنسي ماشي فيلم رعب !
جات رياح قوية ضربات شيءا مع النافدة الزجاجية حتى قفزات اشراق من بلاصتها ونبحات استرا حتى هي وناضت من مكانها كتنبح جهة الباب .. حجات اشراق يدها على قلبها وقالت
- ناري اعلي تخلعت ... شي حاجة تضربات مع السرجم
علي : يمكن .. كن مكانتش شي حاجة مغاديش تنوض استرا تبغي تخرج ... بلاتي نشوف
دار عليه جاكيط سخون وحل الباب بشوية مانع استرا من الخروج .. طل جهة النافدة لقا شي حاجة صغيرة طايحة فوق غيمات الثلج .. لاح رجلو بالبانطوفة ديالو والتقاشر بيضين وسروال بيجامة مجموع من لتحت ونقز هز الشيء فيدو ورجع بسرعة سد الباب بابتسامة وقال
- طير
ناضت كتجري من بلاصتها وقفات شافت فيدو طير صغير رمادي بمنقار احمر ... بل اصغر بكثير من حجمو الطبيعي .. دارت يدها على فمها وقالت
- اويلي واش مات !!! دفعو الريح يمكن
رد وهوا كيدوز صبعو عليه : صغير بزاف يمكن يالاه كيتعلم يطير
اشراق: واش مات ؟؟؟ شوف واش مات
قرب علي للمدفئة وطلق توب ناعم حطو فيها .. جات كاتي كتجري عندو وهوا يهزو بسرعة وشار بيدو قائلا
مشات اشراق بسرعة جابت ريحة مداتها ليه رش منها شوية فعود الودنين وقربها من العصفور حتى بدا يسوط من مناخرو ...
اشراق : حي !!!! هاهوا كيحل عينيه
رد علي بابتسامة : ولاكن مقادرش ينوض! غيكون كلاها فعضامو مسكين ... عرفتي شنو ... ديري شي مغطة صغيرة وديري فيها واحد المعلقة من سريلاك ديال استريلا وشوية دالماء دافي واريه نشوفو واش يبغي ياكلو
ردت اشراق : ويبغي!
رد وهوا كيدوز يدو على راسو الصغير
- يقدر حيت كان عندي واحد الطوير كنت كان عزيز عليه سيريلاك
مشات بسرعة لبات الطلب ورجعات كتجري مداتو ليه .. دار صبعو الصغير فيه ومدو للعصفور حدا فمو كيشوف واش يتجاوب.. وفعلا هز العصفور راسو وهوا كيحاول ينوض ويرجع يطيح فوق راحة يد علي فالاخير استسلم وبقا متكي وتابع ليه صبعو .. ضحك علي ومد ليه المغطة لفمو خلاه كلا حتى سالات المغطة وكمل ليه الباقي بصبعو وعطاه ماء من بعد ما دفاه فوق النار شوية وحطو فشوكة وبدا يقطر ليه حدا منقارو والعصفور كيتجاوب . بقات اشراق غير كتشوف وكاتي حداها كل مرة تهز يدها دق بيها على علي بمعنى راه كاينة ردو ليها البال حتى هي . ضحك وحط الصفور فعلبة صغيرة فيها قطن ناعم وخلاها ناعس فيه وهز كاتي على رجالو كيلعب ليها فشعرها
- ها حنا معاك ... شي كيغير من شي فهاد الدار ههه
هز كاتي ومشا للفراش دخل فبلاصتو ودخلات حتى اشراق .. جلسو كيكملو الفيلم حتى سالا وناض بدلو دار واحد اخر رمنسي ورجع لبلاصتو ... كان كلشي على ما يرام حتى بداو كيبانو لحضات رمنسية وبدات اشراق كتشوف وتنهد على كمية الحب اللي كتشوف قدامها وهي مكمشة ... واحد اللحضة لاح يدو مور ضهرها .. ابتسمت بخجل مهبطة راسها وبدات تكحز شوية بشوية حتى تخشات فيه . ما هي غير لحضات حتى حطات كانت حاطة راسها على صدرو وهوا جالس طالق رجليه فوق الطبلة كيشوف فالتلفازة ومعنقها من خصرها مع مداعبات لطيفة كتجيب القشعريرة ... وصل الفيلم للنهاية مع قبلة النهاية وتنظهدات بعمق كتشوف فيهم .. طلعات لكتابة وسالاه الفيلم وتلفت علي بصوت هادئ قائلا
- شي فيلم اخر؟
هزات راسها شافت فيه بعيون خجولة وهي فحنضو وقالت
- اللي بغيتي
رد بابتسامة كيتأمل ملامح وجهها : اشمن فيلم بغيتي؟
ميلات راسها للجنب وقالت : كيعجبوني افلام الرومان ... داك اللباس ديالهم ... و الحكايات ديالهم القديمة
بقا ساكت كيشوف فعينيها وكذلك هي والنيف حدا النيف .. رمش بتتاقل وقال بهدوء بعد ما زاد عنقها بيدو وقربها
بغيتي الحرب .... ولا ؟
ابتسمت ساهية فعينيه وفشفاهو وقالت بصوت خافت
- اللي .. اللي عجبك نتا
مع الابتسامة النائمة تحل باب الدار وتلفتو بجوج متافجأين شافو استريلا داخلة كتجر الشكارة و وعينيها حومر بالبكا وقلبها كيشهق بغات تموت بالبكا
طلع فيها من رجليها لراسها شافها فديك الحالة وتهز من بلاصتو كيجري عندها ويشوف مالها وهي يدها حدا عينها بكرينات وكتبكي . رد بخوف وهلع كيسول واشراق مخلوعة كتهدن فيه .. اما استريلا مابغات تسكت من البكا وعنقاتو كتشهق .. مشات اشراق كتجري جابت ليها الماء شربوها وهزها جلسها عندو مخلوع كيسول ويمسح ليها عينيها
-مالكي واش ضربك شي واحد ؟ شنو واقع ابنتي هضري قولي ليا واش ضربك شي واحد ؟ قوليا ليا الى كان شي واحد قاسك نمشي ندبح مو دابا هضري
شدات ليه اشراق فكتفو وقالت
علي صبر عليها ترتاح نشاء الله ما وقع والو ؟ غير صبر
شدها من كتافها وقال : هضري شنو وقع ليك ؟؟ هضري علاش كتبكي؟؟ واش طحتي ابنتي طحتي؟ واش ضربك شي واحد
بعات ريقها كتنخصص وبقات ساكتة وهوا كيعطيها الماء حتى رتاحت وقالت
حطات اشراق يدها على قلبها كتنفس الصعداء وعلي معبس فيها كيتسنى تهضر ويسول وهي كل مرة تقج وتعصر وتحد يدها على عينها كتبكي ... سخن فيه الدم مافهم والو وهوا كيشوف فيها كتبكي بحرقة .. عنقها بقوة كيسكتها وهي مع كل دفعة كتخرج بحة مجروحة .. مد ليها الماء باغي يفهم منها لاكن ماقدراتش تهضر بالمرة ... سكت كيسوط ويترعد فهم كلمة وحدة ان المعلمة ضلماتها .. تحنات اشراق عندو وقالت بلطافة شادة ليها فيدها
- الو وي ؟ ... وي ... انا جاي السي المدير غير كون هاني ... لابد منجي .
قطع عليه وتلفت لقا اشراق طارت .. ماهي خمسة الدقايق حتى كانت لبسات سروالها ولاحت عليها مونطو رمادي حد الركبة وجات كتجري كتمسح وجهها من الماء والشال فيدها .. بسرعة وجدات راسها ولبسات لبوط ديالها وخرجات موراهم كتجري حلات الباب دالسيارة وطلعات بسرعة حداه .
دخلو لمدرسة استريلا وهوا شاد ليها فيدها جارها حداه بكرينات وكسيوة دافية ومونطو مرتب .. حشمانة دخل وكتشوف بنص عين .. انتابهو ليها بعض التلاميد قدها وبداو يشيرو ليها بصبعهم ويضحكو عليها وهي كتشوف فيهم حتى بدات تبكي .. استغرب علي واشراق حتى هي مافهموش شنو واقع .. هزها بين يديه وهي مخبية فيه كتبكي .. جا تلميذ اشقر بشكارتو كيجري وقف قدام علي وقال
- عمي.. عمي ... استريلا ماشي هي اللي كتبات على المعلمة عاهرة
تحنا علي عندو معنق استريلا وقال
- شنو اللي وقع ؟ عاود ليا شنو وقع ؟
الطفل: انا كنت كنرسم انا وياها فالورقة ... و .و فاش صونات بقات الورقة عندها وخرجنا من القسم ودخلنا عند المعلمة لاخرى وبدينا كنقراو وجات المعلمة اللي كنا عندها .. جات نيشان عند استريلا جراتها من يدها وغوتات عليها قدام الثلاميد والمعلمة و قالت ليها نتي كاع مامربيا وكاع مارباتك ماماك وغادي نربيك انا وخداتها للادارة ودارت ليها عقوبة قالت ليها غادي تهزي اللوحة وتمشي فالساحة وكتبات ليها فيها انا لعتذر من المعلمة ساندار .. ولاكن اعمي مابغاتش استريلا وبقات كتبكي وصافي صونات ... اااه اعمي عيطو ليا حتى انا حيت كنت كنرسم معاها فالورقة وقالو لينا شكون كتب مور الورقة معلمة ساندار عاهرة ... انا مشيت بحالي حيت لقاو عندها الورقة تحت القيماطر ديالها اعمي ... استريلا كاااع مابغات تاخد اللوحة وبقات غيير كتبكي كتبكي كتبكي وصونات صافي وقالو ليها جيبي ولي امرك
كأن علي فهم شنو كيقصد الولد .. ناض دخل للادارة هاز استريلا مخبية وجهها واشراق معاه ... دخل للمكتب بلا دقان لقا المدير تما . وقف المدير استقبلو وشار ليه بيدو يجلس وجلسات حتى اشراق ..شدات عندها استريلا معنقاها وكتبوس فيها
المدير : عارف علاش تاصلنا بيك السي علي
رد باشمازاز منو : عاد غانعرف ولاكن مغاديش نتنازل ومغاديش نسامح على هادشي اللي وقع .. وعيط على ديك المعلمة تجي نفكو هاد المشكل ... انا عارف بنتي ماشي شي وحدة جريئة تكتب ديك الكلمة وخوافة وزايدون كتجي اللولة فالاقسام فاش كتقرا ماعندهاش دافع اللي يخليها تكره شي معلمة ولا معلم
المدير : واخا السي علي غنعيطو لاستاذة ساندرا ... هادشي اللي دارت بنتك خاصها تربا عليه
وقف علي بغضب خبط عليه المكتب وقال
- بنتي مربية حسن منك ومن اللي رباك لا نتا لا ديك الخانزة اللي مسميا راسها معلمة وغادي نوريك الترابي كي دايرين هانتا غتشوف .
- هادي هي اللي كتقري لينا الاجيال ؟ باينة على وجهك كتزرعي فيهم المحنة و تعلميهم وتربيهم
شافت فيها المعلمة وقالت : شكون نتي اللي تهضري معايا بهاد الطريقة ؟ منسمحش ليك تهضري اوك
ردت اشراق كتشوف فيها باشمأزاز : انا هي ماماها عرفتي دابا شكون العنصريين ؟ شتي هادي ماشي مدرسة و ماشي فمستوا ديال المدرسة اللي يقراو فيها وليدات صغار ويكبرو فيها اجيال ... لا مدير فالمستوى كيعرف يهضر لا معلمة يرتاح ليها القلب ويطمأنو الاباء على ولادهم معاها
رد علي بصرامة كيشوف فيهم : حنا ماجيناش ندابزو هنا ... جينا نعرفو شنو اللي واقع .. باغي نعرف شنو واقع هوا الاول ... ومامساليش نبقا نضيع وقتي فهاد المدرسة
رد المدير بعصبية: بنتك كانت فالقسم الاول كترسم فالورقة مع واحد التلميذ قبل الخروج ... وكتبات فالورقة ملي سالاو الرسم .. معلمة ساندرا عاهرة ... وكمشاتها ورماتها تحت القيماطر ديالها وخرجو من القسم للقسم الآخر .. وفاش دخل الفوج الثاني لقسمها... البنت اللي جالسة فطاولتها نفسها لقات الورقة لتحت فالطاولة ديالها وخبرات المعلمة
علي: واخا عيطو على هاد البنت .. وهاد الولد اللي كان كيرسم معاها فالورقة
المدير: حنا ماعيطناش ليك باش دير لينا تحقيق عيطنا ليك تسنيي الزام لبنتك
رد بصرامة: غادي نرفع دعوة ضد هاد المدرسة وضدك نتا نيت وهاد المعلمة وغادي نشوفو التحقيق ديال بصح اش بان ليك دابا ؟
زفر المدير من مناخرو وعيط لتلاميذ وجات حتى تلميذة اخرى معاهم ووقفو مصافين قدامهم كل واحد كيقول شنو وقع
البنت الاولى كانت سمراء البشرة بشعر اسود واضح ان اصولها افريقية لاكن من وجهها صادقة والثانية كانت شقراء من الساعة اللي وقفات فيها وهي رافعة راسها للسما ومكمشة فمها بحقد
السمراء: دخلنا للقسم وجلست مور سيليا و شفت الورقة فيدها مكتوب عليها معلمة ساندرا عاهرة وقلتها للمعلمة ... وسيليا قالت ليها ماشي انا انا لقيتها تحت القيماطر انا مكتبت والو
شد الورقة سرحها وقال : هادا ماشي خط بنتي ... اشراق ... اري شي دفتار من شكراتها
تحنات اشراق جبدات الدفتر مداتو ليه واستريلا ساكتة غير كتشوف بعويناتها ومخبية فاشراق .. حل الدفتر شاف الخط وكان الخط اللي على الورقة محفور لاكن خط استريلا مستقيم والنقط مفارقين عكس نقط التاء اللي فالورقة ملاسقين .
تنهظ وقال كيشوف فالمعلمة اللي بدات تشك وتشوف فسيليا وقالت
- سيري جيبي دفتارك يالاه
خرجات سيليا من الادارة وعم الصمت .. بقل علي ساكت كيشوف فديك الورقة حتى دخل الحارس شاد سيليا من يدها وقال
تلفت لور شاف فاستريلا وقال: مغتبقايش تقراي تما غير رتاحي ابابا... غادي نقلب ليك على ايكول حسن منها واها نعرف نخلص دوبل ديال لخرا
حطها حدا الباب ديال الدار نزلات وجرات معاها استريلا دخلاتها للدار ودارت ليها اجمل حمام بالشمع والورد ودخلتها للوسط فرحانة بدات دير ليها داكشي اللي بغات .. صايبات ليها بلاطو من الفواكه بالشكلاط وفرفشاتها حتى بدات الضحكة كتخرج ليها من عينيها ... خرجاتها لبيت النعاس وهزات الزيوت دارته ليها جلسة مساج بالشمع ورداتها شللات ليها من الزيت لبساتها وجلسات كتلعب ليها فشعرها وتمشط ليها .. كل مرة دير ليها مشيطة جديدة .. طيبو كعك بالشكلاط بوحدهم وكعك ثاني بالفراولة ودوزو النهار فلكوزينة مع الطبخ والحلويات والتلفازى مشعولة ... هزو كلشي للطبلة كيصايبو الفقاص ويطلقو فيه قدام التلفاز حتى تعاشات لعشية وبداو يقطعو فيه مربعين فالارض وسط البهو بجوج .. فجاة بداو الاخبار اليومية فالتلفاز واشراق كتقطع وتفرج وضحك حتى بانت ليهم المدرسة ديال استريلا وسط الاخبار مرافقة بصوت الصحفي معلنا على المشكل اللي وقع فالمدرسة لتلميذة من التلاميذ وابنة احد الديبلوماسيين في كندا وتعرضها لعنف معنوي من طرف معلمتها لها ومدير المدرسة كذلك بعد ان طلبو منها حمل لوحة بيها عبارة " اعتذر للمعلمة ساندرا) وسط صفوف واقسام المدرسة ضلما وعدوانا .. الشيء اللذي ادى الى تضهور حالتها النفسية ونفورها من المدرسة بأكملها وعدم العودة اليها بعد ان كانت من الاوائل في هاذه المدرسة . والى حين ... قد تبين ان الطفلة استريلا الكندية قد تعرضت لضلم هاذه المدرسة .. وبهاذا تم رفع دعوة من ولي امرها ضد مدرسة ******* . ....
بقات اشراق مصدومة كتفرج وهما كيحيكو التفاصيل كاملة ويأكدو على الضلم والمعالمة السيئة لها كطفلة .
اشراق: هااه يااالاه واشدو دابا يالاه الصمعة علاش خدمتو سنين ومنين طيحتوها بين ليلة ونهار نشوفو دابا واش باقي يجي شي واحد يسجل ولدو تما يا رباعة العنصريين . . .اجي !! كفاش ديبلوماسي !!! علاه علي ديبلوماس ؟!!!!
الحلم الأسود الجزء 25
محتوى القصة
التنقل بين الأجزاء