الحلم الأسود الجزء 26

من تأليف Ghazal trust
2020

محتوى القصة

رواية الحلم الأسود

تحل باب الدار .. وبسرعة هزات راسها بابتسامة من الفران وشد حياتي على راسها جامعة بيه شعرها وحداها استريلا حتى هي بزيف على شعرها كيطبيبو الحلوى .. دخل كيدور عينيه فالدار وشم وكارطونة بيضاء فيدو ونونوس كبير .. تلفت شافهم مقنتين حدا الفران وقال 

- شهاد الريحة ؟ كطيبو شي حاجة ؟

ناضت استريلا كتجري فرحانة عنقاتو .. هزها كيشوف فيها وعطاها نونوس كيضحك

- اشنو كديري؟؟ هاي هاي حداكيتي 

استريلا: ههه كنصايبو لقصاص 

رد كيضحك : فقاص ماشي قصاص هههه اودي تبارك الله عليكم ..ايوا شنو ؟ عجبك ؟

عنقاتو وقالت: زوييين ابابا بزاف 

حطها فالارض وعطاها لكارتونة : هاكي ها الحلوة اللي كتعجبك 

حطاتها قائلة : غنصايبو قصاص دابا .. عرفتي ابابا صايبنا بزاف ديال الحلوى .. بزااف 

شاف فاشراق بابتسامة وقال : علمتيها تصايب الحلوى 

ضحكات بخجل وقالت: ههه شوية وصافي 

هبطات الراس باحترام وخجل مامولفش بيه علي .. قرب حداها للفران بعفوية وقال 

- انشوفو شنو درتو 

ردت بلطافة واحترام: غير سير ترتاح انا غنحط ليك كاسكروط .. 

استغرب وبقا غير كيشوف فيها ومشا كيتسائل بينو وبين راسو .. رجع طل عليها وقال 

- انا غندخل ندوش صافي 

تلفتات قائلة : واخا 

رجعات للفران جبدات الطاوة الاخيرة دلفقاص خلاها محطوطة كتستفهم استريلا بشوية ومشات بسرعة حطات بلاطو وجبدات ديسيري قطعاتو وخوات ليه العصير بدون سكر فكاس وقطعات الخيار ومطيشة مع جبن و لحم مدخن بانتضام فطبسيل وطلات لقاتو باقي كيدور فبيت الناس بسروال التوب والصدر عريان يقلب فتيليفون .. مشات كتجري للحمام كترش الورد وتزين بالشموع وتشعلهم وجهزاتو ليه بسرعة وعمرات ليه الجاكوزي بالرغوة وحطات ليه البلاطو حداه وخرجات كتجري للكوزينة وطل عليه بنص عين .. تم خارج بشورط قصير حفيان كيتمشا فوق الارضية الخشبية وحل الباب بشوية ضربو البخار لوجهه مباشرة .. صغر عينيه كيشوف فداكشي باستغراب ورجع سد الباب مشا للكوزينة طل عليها وقال 

-واش كنتي غدخلي دوشي ؟ 

ردت بابتسامة : لالا نتا قلتي بغيتي دوش وجدتو ليك نتا 

بقا كيشوف فيها مصدوم ..شوبة ابتسم وقال 

- شكرا 

مشا دخل للحمام سد عليه الباب ورجعات هي الحلوة ديالها ستفاتها وجمعات الروينة والفتات اللي فالبهو وجفات الارضية ورجعات الدنيا نقية كما كانت 

سمعات الدقان فالباب وطلات على الحمام لقان استريلا واقفة كدق وتعيط 

- باابا ... بابا حل ندخل معاك ... باباااا... حل بغيت ندخل


اشراق : استريلااا!!! اجي اجي حتى ندخل معاك انا اجي 

ردت استريلا : بغيت ندخل مع بااابا 

حل ليها الباب وكانت اشراق حداها كتحاول معاها .. طل ورا الباب بابتسامة وقال

يالاه دخلي 

شاف فاشراق كيضحك وهي كتردد 

- انا اصلا كنت ناوية ندخل انا وياها 

مشات استريلا كتجري بدات تحيد فحوايجها بسرعة واشراق كطل عليها وتعيط 

- جمعي شعرك جمعيييه غيتخبل توحلي فيه 

مشات البنت بلاعقل دخلات وسد الرغوة غطسات فوسط جاكوزي كبير كيبقبق بالماء وهزات راسها كضحك فرحانة وتعيط 

دخلي دخلي ههههه دخلي معانا اجي اجي دغيااا نلعبو 

- اشراق: راه لعبنا الصباح فاش جينا نسيتي 

استريلا: اجي اجي عفاااكي اشراق اجي 

حمار وجهها وهوا واقف حدا الباب ملوي عليه الفوطة وقال 

دخلي ههه

بقات كتشوف فيه وقالت : فين اندخل

طلق من الباب مشا للجاكوزي دخل ولاح الفوطة فالجنب وتكا على ضهرو وسط الرغوة واستريلا كتنقز قدامو . تلفت شاف فيها وقال 

دخلي وسدي الباب 

استريلا: بترجي) عفاااااكي . دخلي اشراااااق 

بقات كدور فعينيها ودخلات سدات الباب .. حيدات الزيف على شعرها جمعاتو كعكة ووقفات بخجل قائلة

- هاني ! شنو دابا؟

استريلا: بابا بابا عرفتي اشراق دارت ليا الصباح وااااحد المسج ممممممتتتتححححح زوييين 

حكات ارشراق ودنها بخجل وبدات ضحك 

استريلا: واحيدي حوايجك !!! غتعومي بالبيجامة 

ردت اشراق وهي واقفة فالجنب : لالا نتي غير عومي انا دخلت نعونك وصافي 

هز عينو فيها وهي موراه وقال كيضحك 

- حنا منستاهلوش المساج؟

هزات كتفها كضحك وجرات كرسي موراه جلسات .. بقات كتشوف فكتافو مترددة وقلبها كيزدح ومدات يدها بتردد حطاتهم على كتافو


تكا راسو اللور سد عينيه واستريلا حدا البلاطو كتاكل .. اما اشراق زعمات وبدات تسحر يديها على كتافو وعنقو هبوطا ليديه مع تدليك مستمر . . تحط يدها فالرغوة وتهبط مع صدرو عاضة على شنايفها وتسوط .. فجاة هزات استريلا رايها كتمضغ وقالت 

- واحيدي حوايجك !!! راه دابا حنا فالحمام 

حل علي عينيه فيها جرها بحال الى غيقجها كيضحك وقال 

- مالكي مكتسكتيش هاا...؟؟؟ 

حلات فمها كضحك وردها لبلاصتها .. هز يدو شد بيها يدين اشراق حدا عنقو وقال 

- هناا.. كنحس بلعيا تما 

بدات تماسي وهوا شاد ليها يدها .. شوية رخا وتكا خلاها كتماسي ... جاها الصهد وبدات تسوط وحيدات يديها حلات البيجامة حيداتها بقات بديباردو وقالت كضحك 

- علي مادورش هههه 

كان غيدو وسدات ليها عينيه كضحك .. رجع شاف قدامو وقال 

- مغندورش خودي راحتك ههه

رجعات للوضعية ديالها كدلك ليه كتافو وعنقو عاجبها الحال ونازلة مع صدرو بكل حرية .. هزات الماء خواتو ببدها على كتافو وبدات مساج للرأس وتحت الاذنين والجبهة وهوا هاز راسو ليها ومتكي بكل ارتياح ساد عينيه حتى سالات الحركات ديالها ودوزات يدها على كتافو بخفة وقالت 

- بصحة والراحة ههه

رد كيحل عينيه بزز : الله يعطيك الصحة وتبارك الله عليك 

دور عنقو يمين يسار طرطقو وشاف فستريلا قاىلا 

- مزال ماشبعتي؟

اشراق: يالاه نخرجو خلي باباك يدوش 

استريلا : وشعري!

ناضت اشراق موراه بلا ميدور عندها لبسات بينوارها وحيدات كلشي بسرعة وسداتو عليها ودارت قدامو جلسات على جنب الجاكزي قاىلة 

- اجي نشلل ليك يالاه اجي 

شداتها من يدها خرجاتها من حداه بشوية ودخلاتها تحت الرشاشة شللات ليها ولبساتها وقدماتها قدامها كتشوف فيه وضحك 

- يالاه ها حنا مشينا ... بالصحة والراحة 

شاف فيها بنصرات غريبة وتقيلة وقال 
.- رجعي نقول ليك شي حاجة


خرجات كضحك مشات لبسات لاستريلا وهي كلها حماس والضحكة مكتفارقش وجهها الجميل... بسرعة لبساتها حوايجها ونشفات ليها شعرها وجلساتها شادة ليها فوجهها بابتسامة 

- عرفتي اعز وحدة عندي فهاد الدنيا شكون ؟؟

استريلا: شكون؟

اشراق: هي نتي الحبيبة ديالي ... انا مابقيتش كنفكر نبعد عليك حتى دقيقة 

عنقاتها استريلا وقالت: حتى انا اشراق كنبغيك بزااااف بحال بابا 

ابتسمت اشراق وقالت: بصح كتبغيني بزاف 

استريلا: كنبغيك بزااااف بحال اللي كنبغي بابا 

باستها فراسعا وقالت: وانا كنبغيك بحال بنتي .. تماااما بحال بنتي الكبيدة ديالي 

عنقاتها بقوة وقربات ليها الادوات ديالها وقالت

- جلسي هنا رسمي ولعبي حتى نجي صافي؟ غادي نمشي نحك لباباك بحال اللي كندير ليك ونجي

ردت بالايجاب: واخا 

ناضت ردات عليها الباب خلات ليها الاوراق وقربات ليها كلشي وخرجات حاطة يدها على قلبها كتنفس وتستعد .. مشات للبيت وقفات كتشوف فراسها كي دايرة وقادات شعرها والعنق ديال البينوار وبدلات الملابس الداخلية من جديد لملابس دونتيل رقيق كيبين كلشي ورجعات عليها البينوار كتنفس بعمق . شكون قال غيجي شي نهار تزوج راجل ثاني .. شكون قال غيجي هاد النهار اللي تحس بيه بأحساس الانوثة بعد ما فتاقداتها فسنوات عمرها السوداء... شكون قال غادي تسافر لبلاد اخر وتبدا حياة جديدة .. ومع راجل اخر .. وعلاش لا ؟ رزقها وكتاب عليها تزوج جوج رجال ... والاهم ان زوجها الثاني من خير الرجال اللي كتمناه اي وحدة . 

عقدات البينوار وخرجات مزنكة دقات فالباب وحلاتو بشوبة لقاتو باقي جالس فبلاصتو ساد عينيه بارتياح . حلهم شاف فيها بابتسامة خفيفة وقال 

- دخلي وسدي الباب 

دخلات وسدات الباب موراها وقالت .

- واش بغيتي شي حاجة ؟

رد بنفس الضرات والابتسانة كيسير ليها براسو وقال 

- اجي ..قربي 

بقات كتشوف فجنابها بارتباك وقربات حدا الجاكوزي .. مد ليها يدو شدات فيه وقال 

- دخلي 

ترددات وهي واقفة بالبينوار وقالت : ف ففين غندخل ؟

جرها بشوية من يدها وقال : اجي متخافيش 

بلعات ريقها وقالت : فين ؟ غنجلس هنا ؟

رد بنفس النبرة : حيدي البينوار ودخلي 

بلعات رقيها بارتباك وخجل كأنها اول مرة تشوف شي راجل وقالت 

- كن .. كن طفينا الضوء حسن ... براكة غير الشمع


رد : اللي عجبك .. بغيتي طفيه طفيه 

خرجات رجلها من الرغوة مشات طفاتو بقا الشمع ضارب فالرخام ومشات عاضة على شنايفها حشمانة .. مد ليها يدو بابتسامة ونضرات براقة تقيلة دخلها بشوية وقال 

- غتبقاي بالبينوار 

دورات وجهها كتسوط مزنكة للجهة الاخرى وكتخل العقدة .. وسط الاجواء الهادئة الرمنسية واقف وسط الجاكوزي وهوا جالس كيشوف فيها كتفسخ .. تحل البينوار من الوسط فإذا بيه كيشوف انثى فكامل الانوثة واقفة قدامو بلامبس داخلية بيضاء من الدونتيل كيبان لحمها بين الفتحات وحلمات صدرها البنية اسفل الحملات .. جمعات رجليها بخجل مع بعضياتهم من الركبة وهبطات البينوار مع تكافها بهدوء حيداتو حطاتو بجنب الجاكوزي وجمعات يديها على صدرها بخجل كتشوف فعينيه نضرات غريبة وابتسامة جدابة .. شد ليها فيدها برقة جلسها مكمشة حداه وقربها منو كيتأمل ملامح وجهها وعنقها وفتحة صدرها الابيض ... مباشرة بعد المشهد تذكر المشهد اللي شاف فالحلم ... كانت طبق الاصل كما حلم بيها ..بل الواقع شيء اكثر جاذبية .. 

حيد ليها المقبط من شعرها طاح على الماء كامل وعلى كتافها وصدرها وهي كتقلب بشوية خايفة تزلق وسط الجاكوزي قبل متاخد بلاصتها .. 

عاونها بيديه حتى جلسات بين رجليه وعطاتو بجنبها مايلة على ضهرها .. تكاها على صدرو كيشوف فيها وهي متوثرة والضحكة على وجهها الاحمر
...: شد ليها فيديها بجوج عنقها وهي ساكتة .. تنهدات بعمق مترددة وقالت 

- علي... بصفتي شكون جالسة معاك هنا ؟ 

قبل خدها وقال بهدوء: بصفتك مرتي
...: تلفتات عندو شافت فيه وقالت بتردد

- ام... علي .... نتا عندك علاقة مع سمنتا ... انا شنو الدور ديالي فحياتك ؟ مرتك غير فالاوراق 

حط يدو على كتفها بلطف وقال : دور ديالك فحياتي .. مراتي ... وسمنتا كانت بيني وبينها علاقة ... ومابقاتش 

بقات ساكتة كتشوف فيه مطولا وقالت 

- كفاش؟ مابقيتيش مع سمنتا 

معن النضر فعينيها وقال : مابقيتش 

ردت : و .. ولاكن حنا .. حنا تزوجنا غير فالاوراق و ...

حط يدو دقنها وقال : كاين شي حوايج مكيتقالوش بالفم ... ومكيتفهموش بالشرح ... كيتحسو بالقلب 

بقات ساكتة كتشوف فيه فدهشة وهوا كيمعن النضر فيها وقرب من شفايفها عطاها قبلة نساتها فالمكان والزمان وسدات عينيها بتجاوب وهي حاطة يدها على يدو اللي على دقفنها


قبل فقلب قبل بطريقة مثيرة ولمسات لطيفة منو على يديها وسط الماء الدافي والرغوة الناعمة ... حطات يدها على صدرو بحنان زادت قربات ليه تانية رجليهت مع بعض فالجنب وسط الماء وكترد ليه القبل بكل اريحية .. ثارة يمين وثارة شمال .. مرة ثميل مع راسو لليمين .. مرة ثميل معاه للشمال .. هزات يدها من الماء كتقطر حطاتها على كتفو بنعومة كتهز فكتافها مع كل لمسة منو وهي كتحس بيديه حدا صدرها سارحة بهدوء نعومة .. هبطات راسها كتنهج شافت فيدو على صدرها وكترمش بتتاقل وهوا كيشوف فيها بنفس النضرات .. حطات يدها على ركبتو اللي واقفة بجنبها باش تاخد التوازن ديالها وزادت قربات بصدرها مع صوت نابع من الحنجرة المبحوحة .. استسلمت كل الاستسلام بل شعلات فايها نار ماقدرش الماء اللي داير بيها يطفيها .. بنضرات تقيلة هبط فمو قبل جبينها وهي كتشف لتحت وحط قبلة اخرى على نيفها وبدا يبحث بشفاهو على شفاها حتى طلعات راسها وعضها حتى زيرات ليه بدفارها على صدرو ... ومشات معاه فقبلات طويلة متتالية تشاركو فيها الشفاه والنفس مع بعض. .. تلفتت بدلع شافت حمالات صدرها فيديها مخرجهم من الماء لاحهم ماعرفاتش امتى وفوقاش تحلو وتحيدو .. بلعات ريقها ورجعات دورات وجهها حطات راسها على صدرو معنقاه من خصرو مطولا .. هزات عينيها فيه ببطىء ويدو بنعومة كتمشي وتجي على صدرها الناعم وقالت بصوت تقيل 

- علي.... كتبغيني؟ 

شاف فعينيها بعينين حومر كأنه ثمل هبط مع عنقها بقبل حارة حتى لكتفها وشاف فيها عن قرب 

- ونتي ... كتبغيني ؟؟

استريلا : باااااباااااااا (الدقان فالباب) اشرااااق ؟؟؟؟


شافت فيه حالة عينيها وقالت : استريلا 

بغات تنوض وهوا يجرها شدها وقال : شوو جلسي هاهيا غتمشي 

استريلا : بااابا؟؟ اشراق!

دور وجهه معنق اشراق وقال : سيري ابابا لبيتك هاحنا جايين .. يالاه سيري 

قطعات استريلا الحس ورجع شاف فاشراق بابتسامة وقال 

- صافي مشات 

يالاه جرها تجلس عليه وهي ترجع استريلا كدق 

- بااابا راه العافية فلكوزينة !!!! 

تخلعات اشراق وعلي تا هوا وخرج من الجاوزي بالكالصون ابيض مزير عليه بقات اشراق غير كتشوف فلخيرات اللي عندو ... اما هوا بسرعة لبس البينوار ديالو وحل الباب خرج وناضت اشراق كتجري وتزلق لبسات بينوارها وجمعات شعرها ففوطة وخرجات شمات ريحة الحريق وسد الدار والدخاخن .. مشات كتجري للكوزينة لقات الفران كيسوط بالدخان وعلي كيجر الطاوة ويعيط ليها 

- شعلي لاكليم تصفي الهوا دغيا شعلي 

مشات كتجري تقلب على تيليكوموند والخلعة فيها شعلاتها بدات تصفي الهوا ووجهها مزنك ... سكت هوا مقال والو على الحريق .. اكتفا بحل المشكلة ووقف كيشوف فشنو داكشي فالفران وقال 

- نسيتيه شاعل 

ردت بخجل : درت فيه الخبز يسخن وصافي ... نسيتو 

استريلا : ياك قلت ليكن راه العافية فلكوزينة 

دوز يدو على راسها : ماشي العافية غير الدخان 

هبطات اشراق راسها ومشات للبيت تخبات حيت هي مولات الفعلة وكانت غتشعل العافية فالدار لولا استريلا اللي شمات الريحة لاكان المشكل كبر ...


خرجات من البيت لابسة بيجامة اخرى عبارة عن سروال وقميجة و ملوية الفوطة على شعرها سمعاتو فالحمام طالق الرشاشة .. مشات كتقلب على شنو دير .. دارت ليهم كاسكروط وحطات كلشي فوق الطبلة وجلسات حدا استريلا كياكلو الحلوة اللي صايبو .. خرج عندهم حط الفوطة على كتافو ولابس سروال وتقاشر وتيشورط وريحة جذابة كتفوه منو .. فعينيه ابتسامة غريبة .. جلس بعفوية كيشوف فالطبلة وقال 

- هاد الحلوة ماتشوطاتش؟ 

قلبات اشراق وجهها كضحك وهوا كيضحك .. ناضت استريلا جلسات على رجليه وقالت 

- بابا كي جاتك الحلوة 

حط وحدة ففمو وقال : بنييينة صيبتيها نتي؟

ردت كتعنق فيه : انا واشراق 

رد : امم نتي واشراق ! تبارك الله عليكم 

ربعات يدها ساكتة وهوا كيجمع مع بنتو في حين ناضت دخلت للبيت سدات عليها ونشفات شعرها .. قررات تبع سيستيم ديالهم فالغداء وتحيد العشاء حتى هي . رجعات كتكمل العفوية وهي حشمانة تشوف ليه فوجهو حتى عيط ليها وقال

اجي وجيبي داكشي ديالك نراجع معاك 

مشات بسرعة للبيت جابت الكتب ورجعات جلسات حداه بأدب جامعة رجليها وكتراجع وهوا متبع معاها .. لاح يدو ورا ضهرها بعفوية وكمل المراجعة حتى نعسات ليه استريلا على رجليه وناض هزها للبيت حطها وخرج طل على اشراق اللي باقا شادة الكتاب وقال 

- خلي عليك داك الكتاب واجي تنعسي

حطات الكتاب بتعب وناضت دارت لحليب سخن ودخلاتو معاها للبيت لقاتو متكي فبلاصتو شاعل الفايوزات وصدرو عاري .. سدات الباب موراها سقطاتو ومشات للمرايا جلسات كدهن يديها وهوا كيشوف فيها بابتسامة حتى سالات وناضت شادة الضحكة غادية لبلاصتها ... ابتسمت وقالت 

- تصبح على خير .

نعسات بالجنب وهوا يهز حاجبو طل عليها وقال 

- تصبح على خير! نمسيو عليه بعدا ويحن الله فالصباح 

تلفتات كضحك وتقلبات على ضهرها قالت 

- علييي...

قرب باسها فنيفها وقال : امم

اشراق: شنو كدير 

رد كيضحك : والو 

دورات وجهها للجنب تهربات كضحك وقالت

- جاوبني بصراحة ... كتبغيني ؟

رد عاض على شفاهو مكاليها بيديه : ونتي؟ كتبغيني؟


شافت فعينين كترمش بتتاقل وقالت

- ماتسولنيش .. جاوبني على سؤالي 

شاف فيها بعيون نائمة وقال : واخا نجاوبك .

قرب لشفايفها الناعمة قبلها قبلة فقلب فقبلة اخرى اطول منها .. نسات اسئلتها واجوبتها وحطات يدها على حنكو كنبادلو نفس القبل بل كتقبل شفاهه وهوا واقف عاطيها الحرية الكاملة .. كيحل فصدايف البيجامة وهي كتهز راسها عندو تقبل شفاهه وتجرهم كانه ملكها وحدها ولها كامل الحق والحرية تاخد منو اللي بغات .. حيد ليها البيجامة مع قبل ساخنة على رقبتها وهبط يدو لخصرها طلع الديباردور بشوية مع حركات انثوية ناتجة على ذوبانها ... ماقدراتش تستحمل اكثر قبلاتو المثيرة وعضاتو حتى تقصح وهرب شفاهه السفلية لاكن بسرعة رجع ضوبل ليها الوثيرة وعرها خلاها بحملات الصدر وبدا تقبيلها صدرها فوق الحملات وهي كتهز وتحط باصوات ناعمة ويدها على كتفو ومرة على صدرو... تحيدو الحمالات كذلك فإذا بموجات قوية من الاحاسيس ضرباتو خلاتو طايح عليهم كالمجنون وهي كتجر فالفراش وتعض فشفاها مقاومة لرغبتها فافتراسه . 

تحيد السروال وما اسفله وبقات عارية ثماما دايرة رجل على رجل وهوا فوقها كيقبل شفاها ... بعد شوية كانها غينوض وهبط عينيه شافها .. معن النضر بشهوة وضعف وقال بصوت منخفض نازل لتقبيل شفاها اللي كتستاها وعيونها اللي كترجاه 

- فتنة .... والله تا فتنة
[ ضحكات نصف ضحكة وهبطات ليه ملابسو السفلية . 

لحضات وكانو فانسجام تااام وسط فراش ابيض بحال الثلج ... رجليها عريان بجوج كيبريو وسط ضوء الفايوز وحدة واقفة على ليمن والاخرى على ليسر وهوا بهدوء كيتحرك كبداية مغطي نصو السفلي وجناب لغطا مرمين على فخادها من وجنابها ..راسها محطوط بارتياح على الناموسية بدون مخدة كان المخاد بعلتهم الارض وشعرها مبعثر فجميع انحاء السرير هازة راسها كتجاوب بكل جوارحها ويدها على دراعو ورقبتو وضهرو المزدوج كاسرة الدنيا بالاهات وهوا كل مرة يسكتها بقبلة اطول من اللي قبل منها مع مداعبات على رقبتها وخصرها ويديها حتى لاصابع قدميها


صبح الحال والشمس ضربات فقاع البيت عليهم بجوج وهما ناعسين فحضن بعض .. حلات عينيها بتتاقل كتحس بشي حاجة غريبة حدا عنقها .. قبل متلفت ابتسمت وحطات يدها على وجهه وخوا كيقبلها مرة فعنقها مرة فخدودها مرة فودنها .. تلفتت بعينين مجبدين شافت فيه وقالت 

- صباح الخير 

قبل شفاها وقال : صباح النور 

هزات يدها على يدو اللي كتلعب فكتافها وعنقها ولمساتها بحنان .. جلسو مدة طويلة فتبادل القبل مع بعض بابتسامة وحب 

عنقها بلطف وهي ناعصة على ضهرها كتشوف فيه ورجع هز راسو فيها وقال 

- كي صبحتي؟ 

ردت بصوت تقيل : راك عارف 

ضحك وقال بعد قبلة : شنو عارف 

ردت كضحك: عارف كلشي 

دوز نيفو حدا نيفها وقال : معارفش 

دورات وجهها كضحك وقالت : عارف ههه

شدها من رقبتها باسها وهي تصوني الساعة حداه .. تلفت طفاها ونزل على جبهتها باسها وقال 

- غادي نمشي للخدمة ... هاهيا معاك استريلا..منحتاجش نوصيك عليها 

دوز يدو على خدها وشدات فيها قائلة 

- بلا متوصيني 

باسها فيدها وناض خلاها تقلبات على جنبها جرات المخدة من حدا رجلها عنقاتها وبقات متكية بابتسامة كتذكر احداث الليلة الماضية اللي طوالت حتى شروق الشمس .. 

دخل للبيت ملوي عليه لفوطة وشعرو فازك شاف فيها بابتسامة ومشا للبلاكار جبد حوايجو .. دورات وجهها للجنب كضحك حتى لبس سروالو ورجعات تلفتات شافت فيه وعنقات المخدة .. لبس القميجة وتم جاي جهتها كيسد الصدايف باسها ففمها .. هزات راسها وتقلبات على كرشرها باستو وقالت 

- غتفطر مع المساعدة 

ضحك وقال : لغيرة عاوتاني؛؟

هزات كتفها وقالت: لا .. غير سولتك 

سكت كيضحك شوية وقال كيركب السمطة للسروال 

- راجعي ليوم مزيان ... غدا عندك الاختبار 

ردت بالايجاب: عارفة 

رد مهبط راسو وهاز عينيه فيها كيقاد السمطة 

- نجي نلقاك مراجعة 

حركات راسها بالايجاب : غير كون هاني 

رسو ريحة وسرح شعرو مع المرايا ديال البلاكار وركب الساعة ... جلس لبس تقاشرو ومشا للسجادة صلى صلاتو وناض هز سوارتو ولافيست ورجع عندها دوز يدو على شعرها بحنان وباسها 

- متسخيتش بيك 

ابتسمت وتزنكو خدودها وبقات مكمشة كتشوف فيه حتى خرج .. تصادف مع استريلا خارجة من البيت وردها كيضحك 

- ماعندكش ليكول ليوم رجعي تنعسي .. ولا عرفتي سيري عند اشراق نعسي حداها 

رجع حل الباب دخلها وشار بيدو ليها كيضحك ومشا .. جات استريلا كتحك عينيها وسط الناموسية وتخشات حدا اشراق اللي ملابسة والو ومخبية فغدا اخر بوحدها .. عنقاتها وباستها فخدها ورجعو فالنعاس بجوج


كالعادة والروتينات المتكررة اليومية دوزات يوم مع استريلا فالبيت واغلب اوقاتها مع المراجعة فهدوء تام حتى للعشية .. عملت شوربة ديال الخضر مغربية بدون توابل ووقفات فالكوزينة كتحرك .. دخل للدار كالعادة وسد الباب .. تعرضت ليه استريلا كتجري طارت عليه عنقاتو وباسها فخدها مدخلها 

- اشنة درتي ليوم ؟ حفضتي شوية ؟ 

ردت : اه حفضت انا واشراق

علي: غدا غتمشي ليكول ديالك الجديدة 

ردت بخوف: نمشي!!

رد مع قبلة فالخد: اه غتمشي ... هاد ليكول زوينة حسن من ليكول اللي كنتي فيها ... ولوليدات اللي فيها زوينين بحالك 

استريلا: ومعلمة ؟

علي: معلمة زوينة .. الى ماعجباتكش متقرايش عندها 

عطاها شكلاطة وحطها فالارض كيشوف بنص عين فإشراق اللي واقفة بابتسامة فبينوار ناعم اسود حد الركبة وبانطوفة فرجليها كتحرك الشربة .. ناض كتنهد ويشوف فأرجاء الدار ودخل للمطبخ داير يديه فالجيب ... وقف موراها بهدوء كيشوف فيها بنضرات حنينة وابتسامة ويشوف فالطبخة اللي دايرة وقال 

- مالكي عاطيانا بالضهر ؟

ردت بابتسامة : ماعطياكش 

رد : واشوفي وكان 

دورات وجهها مع تحريك الحساء وقالت

- تعطلتي ليوم 

بقا ساكت كيشوف فيها بابتسامة وقال 

-كانت عندي خدمة ... وبحال والو نسافر 

تلفتات فجأة وقالت: تسافر؟

رد بالايجاب : اه ... نسافر ... واحد الشهر .. وغنرجع 

ردت باستغراب: ولاكن ... انا غنبقا بوحدي انا واستريلا؟

رد بابتسامة وقال: علاش خفتي تبقاي بوحدك ؟

رجعات دارت كتحرك الطنجرة وقالت : لا .. غير سولتك ... حيت غنبدا لقرايا ومزال مامولفاش 

رد مع التفاتة لبيت استريلا كيتأكد انها مكدورش حداهم وقال 

متخافيش ... غادي تمشي تقراي وتجي ... عادي بحال الى كاين 

باس كتفها وشدها من خصرها كيشوف فجنابو وقال كيضحك 

- غنولي دابا حاضي مع استريلا 

تلفتات كضكك : علاش؟

رد : ماخصهاش تشوفنا .. غنجيها لغيرة وتقدر تبدل 

اشراق: زعما !!! انا عزيزة عليها !

علي: بنتي وعارفها كي دايرة ... عزيزة عليها حيت كتعطيها الاهتمام بحالي ... مي الى شافتني كنعطيك الاهتمام ليوم وغدا غتنوض والى ناضت مشكيلة 

ضارت عندو كضحك وهوا كيحل الصدايف وقال 

- اجي ..

جرها من يدها طفات بسرعة على البوطة ومشات معاه داز شاف فالبيت لقاها كتلعب وتمشط لكاتي وتشد ليها شعرها بلاستيكات والمقابط .. ضحك ودخل للبيت سدو وضار عندها لسقها مع داك الباب عطاها قبل دافية وقال 

- توحشتك 

هزات راسها كضحك وقالت : عليي ههه

رد كيشوف فيها ويحل القميجة مع نضرات تقيلة

- نعام احبيبة ديالي ؟

دورات وجهها كضحك وقالت : ماعرفت منقول ليك 

كلاها بيدو بعد ما حل الصدايف كاملين بقا صدرو عاري وقال 

- قولي اللي بغيتي ... كلشي عسل من فمك 

بدات كضحك وقالت : ميصلاحش اعلي 

لسق معاها كيقبلها بحرارة وهزها من خصرها بحال المونيكة جهة الناموسية حطها وطلع بسبطاطو غاطس فيها حتى لودنيه .. دورات وجهها للجنب وقالت كتنهج 

- علييي ... جاتني ليغيكل ههه 

هز راسو شاف فيها كيرمش وقال: وايلي!! واش بصح!

ردت كضحك : الصباح ههه 

علي: متأكدة !!! واش هي ولا شي حاجة اخرى 

ردت كضحك : كيفاش شي حاجة اخرى !!!

رد باستغراب: مانعرف حيت لبارح ماقديتيش تزيدي معايا ..قلتي ليا شي حاجة كضرك 

ردت كضحك: طرطق فيا عرق مثلا ههه ... لالا راه هي هادا وقتها 

رد كيضحك: ومانعرف .. زعما زهري مكفس لهاد الدرجة ! ههه

بدات كضحك وقالت: هادشي اللي عطا الله 

بقا كيشوف ويتنهد وقال : ماعليش ... ماشي ضاروري 

رجع عنقها كيقبلها كما كان كأنه مسمع والو وطلق ليها شعرها كيضحك معاها فجو رمنسي حتى بدات استريلا كدق وهوا يهز راسو ضحك وقال 

- هاهيا ضرتك جات تكلمي ليها


بحماس كبير وجدات راسها لبداية جديدة .. بداية مستقبل جديد .. لبسات موندوها البني وحجباها وبوط بكعب عالي وهزات صاكها خارجة معاه فسيارتو من بعد ما ركب استريلا اللور حتى هي ..سدو البيبان ومشاو مباشرة بداو باستريلا هي اللولة دخلوها لمدرستها الجديدة ودخلو معاها تعرفات على المديرة وداوها لقسمها تعرف عليه .. كان علي واقف واشراق حتى هي معاها باش تحيد الخلعة والخجل .. استقبلتها معلمتها ورحبات بيها وسلمات على اشراق وعلي ودخلاتها عرفاتها على التلاميذ .. جلساتها فالصفوف الاولى وعلي كيشوف فيها وهي متبتة ومرزنة حشمانة غير كترمش .. سلم على المعلمة ودخل عندها باسها فخدها كيضحك معاها هوا واشراق ودارو ليها باي باي وخرجو كيهضرو مع المديرة ويتجمعو على المشكل اللي وقع من بعد ودعوها وخرجو مشادين فاليدين .. حل ليها الباب طلعات وطلع حداها وقال 

- جات نوبتك نديك تا نتي لمدراستك 

ضحكات ودارت السمطة وزاد داها للجامعة ديالها .. دخل كيعنق فيها ويشجعها قائلا 

- يالاه واحيدي الخلعة والستريس ... فكري قبل ماتجاوبي متصرعيش ... راكي تبارك الله ذكية .. ومراجعة مزيان ... انا تايق فيك اوك 

وقف معاها وسط الكلية شاد فكتافها بجوج كيأكد عليها 

- متخيبيش ضني فيك واخا؟

حركات راسها بخوف وقالت : نشاء الله 

ابتسم وقال : نجاحك من نجاحي .. انا ونتي ولينا واحد .. بغيتك تحققي احلامك .. بغيت نشوفك حتى نتي واصلة وعندك مكانة .. او على الاقل تحققي داتك .. وانا متأكد غادي توصلي وتنجحي فهاد الاختبار 

تنهدات بعمق بتوثر وقالت : نشاء الله ا علي ... ماكرهتش والله ... واش غتمشي؟

رد بالنفي : غنتسناك حتى تسالي مغنمشيش ... يالاه دخلي ..وركزي مزيان 

عنقها وعنقاتو بقوة مغمضة عينيها وقالت 

- دعي معايا ... 

شد ليها فيديها وهي كترعد وقال : كندعي ونشاء الله غادي تنجحي ... راكي ذكية خصك التركيز ومتسرعيش ... بشوية عليك ماتزربيش يالاه .. سيري دخلي وماتخلعي من حتا حاجة .. ماشي شي حاجة اللي صعيبة .. بلا مدوخك الكلية والناس واللجنة وداكشي كامل .. نتي خليك مع الاسئلة بحال الى جالس معاك انا فقهوى وكنسولك اوك 

تنهدات ورجعات عنقاتو بقوة ..طلقات منو بزز ودخلات هازة صاكها ودور عندو وهوا كيشوف فيها ويسوط بتوثر وابتسامة ونضرات تشجيع حتى دخلات


جلس فوق الكرسي كيتسنا بتوثر كانه هوا اللي غيدوز .. كل شوية يشوف فالساعة ويهز عينيه فالطلبة اللي كل مرة خارج واحد ضاحك و واحد حزين فيدهم ضرف كيشوفو فيه بسعادة .. حط يديه على وجهه كيسوط وكيقول هاهيا غتخرج .. هاهيا غتبان .. عيا وهي مزال مخرجاتش وناض وقف كيشوف فباب الادارة باغي يدخل .. فجأة خرجات خرجات كتجري بالطالون وحاللة يديها كضحك عندو تا قربات وهي تلوى كانت غطيح لاكن عنقها وعنقاتو بقوة كتنقز 

- علي نجحت نجحت هههه نجحت ههه مامتيقاااااش راسي 

شد الورقة قراها وضحك وعنقها بقوة وقال 

- براافو عليك ... كنت عارفك غتنجحي 

رجعات اللور كتنفس الصعداء ودموع الفرح فعينيها ويديها حدا نيفها حالة فمها كتنفس وترعد .. طوا الورقة كيضحك وقال

- وا دابا عاد نقول ليك مرحبا بيك فكندا هه 

هزات راسها : مامتيقاش اعلي والله مقادرة نتيق ... عمرني تخيلت غنجي لهنا ولا غنقرا كاع ولا غنبدل من لقانون للاقتصاد ... عمرني تخيلتها فحياتي .... كن قالو ليا غادي تمشي لكندا وتقراي تما كنت غنشبع عليهم ضحك 

رد كيضحك: هانتي جيتي ... عندك شي 3 سنين دابا وهانتي خديتي ديبلوم ديالك ... وتقدري تزيدي كاع تقراي وتعلي النيفو ديالك 

ضحكات بدموع الفرح : زعما نقدر نخدم هنا شي خدمة زوينة الى كملت هاد 3 سنين

رد بجدية: شوفي ... نتي قراي وكملي .. وانا غندخلك تخدمي ... دابا ركزي فقرايتك 

اشراق: بصح اعلي!!! غادي دخلني نخدم ؟؟؟

رد : كنواعدك .. والله تا ندخلك تخدمي فأحسن بلاصة ... نتي غير قراي وديري عقلك


عنقاتو بقوة وقالت : الفضل كامل كيرجع ليك عمرني نسا خيرك ... شنو مادرت منقدرش نرد ليك حتى شوية 

باسها فخدها كيضحك وقال: وجدي راسك للقراية مكاين لا دوران ولا تخربيق .. كاينة القراية دابا 

عنقها بيدو وخرج هوا وياها كيضحكو حل ليها باب الطموبيل طلعات وطلع حداها 

اشراق: علي غترجع للدار ولا غتمشي للخدمة 

علي: غنرجع للدار خاصني نجمع حوايجي مزال غنسافر 

ردت : فين غتمشي ماقلتيش ليا ؟

علي: غنمشي لفرنسا 

اشراق: فاش كنتي كتسافر معامن كنتي كتخلي استريلا ؟؟؟ 

رد : كنت كنخليها مع الواليدة الله يرحمها .. وقت ما نويت نسافر كنجيبها تجلس معاها 

اشراق: اااه .. الله يرحمها 

علي: غتبقا معاك دابا ... (ابتسم) تهلاي فيها بلا منحتاج نوصيك 

ردت كضحك: عاد غتوصيني !!

رد : لا الصراحة منحتاجش نوصيك ... مغنتعطلش دغيا غنرجع ... توانسو مع بعضياتكم ... والى كانت شي حاجة عيطي ليا مهم الاتصال غيبقا يومي بيناتنا 

اشراق: نشاء الله 

وصلو للدار ودخلت فرحانة حالة يديها فالسما ... وقف موراها عنقها وباسها فخدها وقال

- غنتوحشك بزااف 

تقلبات عندو عنقاتو وقالت: حتى انت غنتوحشك بزاف ... اصلا مابقيتش كنعرف نجلس بوحدي بلا بيك .. ولا ندير شي حاجة بلا بيك ... كندوخ 

هزات راسها شفات فيه بسعادة وقبلها قبلة طويلة وطلع لجبهتها باسها وقال 

- طرقنا مسمار القراية دابا 

حطات يدها على صدرها : الحمد لله .. خصني نعيط لخليج ولماما نقولها ليهم غيفرحو عرفتي شحال هادي ماعيطت ليهم

باس يدها اللي كان شاد وقال على عجلة 

- انا غنمشي نجمع حواجي وغنخرج نجيب داكشي اللي غيخصكم هاد الشهر ..سلمي على مالين دار 

ابتسمت كتحل الفولار وحيدات البوط حطاتو فبلاكار حدا الباب ومشات جلسات حطات تيليفون قدامها وبدات تحل فالمونطو وفشعرها وتسنا خليج تجاوبها


طلقات شعرها للجنب و بقات ببودي مزير ترابي فاتح مشبك باليدين .. دارت الكاسك على راسها كتصوني وتعاود حتى فتحات ليها خليج لاكام وهي جالسة فالبيرو كتشوف فيها وضحك بسورفيت كحلة 

- خليج: امممم.. هاي هاي وليتي طلقي سوالف يالاللة .. بوحدك فالدار؟ 

ردت بالنفي كضحك كتشير بعينها بمعنى كاين .

دارت خليج صبعها على خدها كتشوف فيها ودور راسها 

- امممم ... شفتك وليتي كطلقي السوالف مابقاش الحيا والحشمة وووو الى اخ ! هرستو الحواجز

ضحكات اشراق وهبطات راسها ساكتة ماصلاحش ليها تهضر ... خرج عندها مشا نيشان هز جاكيط وقال 

- انا غادي لهنا ونجي 

غمزها ولاح ليها بوسة فالهوا وتوا كيلبس وهي كتشوف فيه وضحك .. خرج سد الباب وتلفتات شافت فيها غينيها كيبريو ووجها حمر وقالت

- مالكي ياختي مالكي من قبيلا كنقول ليك راه كاين ميصلاحش ليا نهضر ونتي كضحكيني ههه 

خليج: ومالكي ! شفت بزاااف ديال التغيييرات .. بان ليا عندك لجديد 

ضحكات اشراق وقالت: اشمن تغيير بان ليك 

ردت خليج وهي على نفس الوضعية : وجههك اختي بعدا منور .. مابقيتيش صفرا وعينيك داخلين كي الميت .. زيانيتي جات معاك كندا 

اشراق: اااحسن حاجة درت هي جيت لهنا الصراحة ... عرفتي اخر الاخبار 

ردت خليج بميوعة : اممم حاملة!

ضحكات اشراق حتى للسما وقالت : ياختي منين كتجيبي هادشي!

خليج: باينة من السوالف اللي وليتي طلقي قدامو وتبيني الصدر! .. احياني عليك ... عرفتي والله تا كنت عارفة ... قلتها مع راسي قلت طال الزمان ولا قصار غيتقلب هاد الزواج للصح والمعقول وهانتوما كاع مطولتو .. ومع نتي تبارك الله ارض ناشفة شكيت تهزي من ليلتك 

اشراق: ههه الصراحة كاينة .. ولاكن واحد الجديد ماشي هوا هادا ... الاللة تسجلت فكلية غنبدا الاقتصاد ... وليوم نجحت فالاختبار وتقبلت .. وعلي اللي غيخلص عليا الكلية 

حلات خليج عينيها: وا هااانتي ياختي!!! فرحت ليك والله تا فرحت ليك !!! .. احسن خبر سمعت فحياتي 

اشراق : مليون ونص احبيبتي غيبدا يحط عليا كل شهر 

خليج: صالير ديال مهندس هنا ! الله يكمل عليك بلخير والله لعضيم راني مضيومة وفرحتيني والله 

اشراق : علاش مالكي شنو ضيمك 

تنهدات : نوضتها ليك واااحد النوضة مع خواتات عماد خرجنا ليها نيشااان


اشراق: اويلي مالكي !!

خليج : جاو عندنا يالاللة للدار .. وعماد قالك مافيها باس تجي ختي دير عندنا عيد ميلاد .. قلت ليه اسيدي ماشي مشكل مرحبا بيهم .. ايوا يالاللة السيدة فاش جات جات نافخة وهازة خنافرها السما تقول دايراه عندي بزز مني سحاب ليها راه دايراه بلا موافقتي .. قالت هادي دار خويا وملي قاليها اجي ضرباتني انا مع الحيط ماعبراتنيش كاع ... ستفات ليك الحلوة هي ودوك جحمومات دخواتاتها و حطو كلشي فوق الطبلة .. بيازيد مسكين معارفش الدري صغير لبستو حتى هوا وقلت نلبس شي حاجة نجلس معاهم حشومة .. ايوا يالاللة جاو صحاباتها وداكشي وتجمعو عندي فالدار الضحك والنشاط .. الولد مسكين مشا نيشان للحلوة شافها ملونة بغا يدوق مزال كاع ماحط صبعو .. وهي دفعو قالت ليه جمع يدك وكملاتها بتفو تا جا جالس كيبكي ... ايوا ياختي (دورات راسها) ايوا اشراق بغيتك كن حضرتي .... ماكرهتش كن حضرتي تفرجي ... اضخم عيد ميلاد دارتو فحياتها عمرها تنساه الى الابد الابيدين ... نوضات فيا الجنون السليمانية وهزيت ديك الحلوى تا للسما ضربتها ليها مع كمارتها نيشان تا مابقات تقشع والو وقلبت لمها ديك الطبلة ديال الحلوة وناضو خواتاتها قالك بغاو يتحماو ... عطيت لوحدة واحد الركلة للكرش خليتها كتلوى فبلاصتها جا عماد من البيت كيجري لقا الصالة مقلوبة والبنات هربو ... هاكا وليت كنترعد هااااكا كنت غنقتلها كن ما جرنيش دخلني للبيت والله تا كنت غنقتلها ... قلت ليها وا ها عيد الميلاد ديلمك حساب ليك عندي قصر القباج هنا . ايوا مشات بنت لحرام لخرا هي ومو دارت سرتافيكا باللي طيحت ليها بنادم بغاو يغرقوني زعما وهي ماحاملة ما والو .. جاتني استدعا يالاه لقيتني كنشوف فيها


اشراق : اويييلي !!! استدعا كاع !!

خليج: تا نتي ... خليهم علا مافخيلهم يركبوه ... هاحنا غنشوفو عماد اش غيدير ملي نوريها ليه 

اشراق: اويلي مال هادو مراض!

خليج : راه دايزو عندي فداري غندير ليهم هجمو عليا ... مهم خلينا من هاد وجووه النم .. نتي شكتعاودي ؟ كيفاش حتى تصلحات امورك مع علي؟

ضحكات وقالت : كلشي جا راسو الصراحة ... ماعرفت فوقاش وامتى ههه

ضحكات خليج ودارت يدها على فكها باصغاء

- مهلي فيك بعدا ؟ 

اشراق: شوفي .. انا مانقصني خير الحمد لله ... مرتاحة وبيييخير وفرحانة ... 

خليج: وبنتو مزيانة معاك ؟ يعني مكاين مشاكل معاها تقبلاتك؟

اشراق: استريلا مزيانة ولاكن مزال معارفاش اللي بيني وبينو .. خليت علي هوا يتكلف يهضر معاها 

خليج: وديك سباتا اللي كنتي عاودتي ليا عليها صاحبتو تفرق معاها ؟

اشراق: مابقاش صافي ..قاليا مابقيناش 

خليج: اممم (ضحكات) ايوا عاودي ليا ... كي جاك علي؟ ... عاودي عاودي انا وياك دابا راه بدلنا وجربنا 

ضحكات اشراق : شنو بغيتي نعاود ليك ههه

هزات حاجبها : اوييلي على شنو نعاود ليك!!! عاودي ليا كي جاك الزواج الثاني ... كي داير معاك ... الرجال راه ماشي بحال بحال 

ضحكات اشراق: زوين ههه

غمزاتها كضحك : احياني عليك ... اجي بعدا فاش خدام 

حلات عينيها: نسييت ماقلت ليك ! عرفتي فاش خدام ههه ديبلوماااااسي يالاللة 

خليج: ها العار!!! .... تبارك الله !... ها قاضي .. ها ديبلوماسي!... شفتي حنا عندنا الزهر مع المناصب العليا ولاكن التابعة يالاطيف دغيا كتفرتك العش تفووووو


اشراق : الله يحفظ وصافي 

خليج: العائلة كللللها كتسول عليك ... امضرا واش حاملة ؟ امضرا واش جات واش مجاتش واش بيخير ... اما مرات عمي محسن عرفتي شنو قالت ليا ! قالت ليا غتكون سمحات ليك فالبروجي ... لفلوس موجودة دابا راها مبرعة فكندا 

اشراق: الله يعطيها العما ... عنداك تمشي تقولي لشي واحد راه علي ديبلوماسي ولا تجبديه .. صافي طمي وحتى ليه هوا ماتقوليهاش . 

خليج: لالا كوني هانيا ماعندي لمن نعاود براكة عينين عباد الله علينا نزيدو نقولو ليهم شنو كاين تا هوا ... احمم (ضحكات) ايوا ... ماقلتيش ليا شكون حسن ... طه ولا علي؟

دورات اشراق راسها كضحك وقالت: ماتبقايش تجبدي ليا هاداك عفاك مابقيتش كنحمل نسمع سميتو .. صافي طويت الصفحة

خليج: فراسك راه مرتو رجعات ؟ راه قريبة تولد 

اشراق: مابغيت نعرف والو ترجع ولا تجلس يعاودو راسهم ماسوقيش 

خليج : وايييه حنا غير كنهضرو ... نتي مناوياش تولدي ؟ 

اشراق: اويلي بلاتي شوية يالاه بدينا ههه ... راه يالاه نعست معاه ول لبارح 

حلات عينيها : بصأااح هادشي باقي جديد ! عليها ناض يقريك بزبالة دلفلوس

اشراق: لالالالااا هادي 3 شهور باش سجلني ... ماشي على داكشي كااع 

خليج: احيااني عليك احياني ... السيد كوراه غرق وفيض 

اشراق: خههههه من ناحية غرق غرق ... ولاكن الصراحة علي شي حاجة ... 

خليج : امممم هي عجبك الحال معاه 

اشراق: علي فشي شكل... حنين بزاف كيعيش اللحضة وكيبغي يعيشها ولاكن تكوني عايشة معاه ... كيبغي الخاطر شي حاجة اللي بزز لا مكيبغيهاش ... كيبغي يستمتع ماشي يتلاح كي الحيوان 

خليج : وفيدو بعدا ولا والو تصدقي فاطرة على بصلةهههه

اشراق: اسيييري لكاورية غير جات وتصاحبات معاه ... ااامنعاودش ليه هههههه 

خليج: امسخوطة تكايسي على راسك راه تكوني تجمعتي سيري دقة دقة

اشراق : وراه اول مرة اصاحبتي يالاه قلنا بسم الله وكنت مرفوعة ان وشكيت فراسي شاربة شي عجب ههه... طحت عمياااا ودرت الشوهة وتا هوا عاااق بيا بقا كيضحك ... اختي الحال صعيب ماااايشاور .. وماحسيت بوالو فالاول تا لمن بعد فاش عاودنا وعاودنا وعاودنا عاد وانا نحس بمفاصلي كيضروني وسرات معايا وليت نترعد هههه كيقولي ليا مالكي كنقول ليه وقف ماعندك فين تزيد مقادراش ... اختي الكاوريات مجهدات بزااااف كااع ... انا تقولي فقت من البنج بحال الى ضربو فيا وتد 

ضحكات خليج وقالت : هاد المرة قولي ليه اخويا راه الوتد مكيدخلش فالارض كامل ههههههههههه


سمعات الباب تحل وتلفتات عندو وهوا داخل بابتسامة وقال

- مزالة شادة الحديث مع خليج ؟ 

ضحكات وقالت : هههه 

خليج : سلمي عليه .. قوليه تبارك الله عليك ا دوا البرد .. غيحيد منك البرد القديم ههه

اشراق : ههههه كتسلم عليك خليج 

رد : سلمي عليها 

مشا للبيت وهي ترجع شافت فيها قائلة

- غنوض نجمع معاه شنو خصو يتجمع ... وردي عليا شنو درتي مع فيران سحت لليل 

خليج : دابا نرد عليك ... وا تهلاي فراسك 

اشراق: سلمي على عماد وماما وبابا .. بسلامة عليك... ااه وبيازيد الحب ديالي 

خليج: مرحبا بسلامك 

قطعات وناضت دخلات للبيت لقاتو ناشر الباليزة ديالو كيحط فيها الحوايج ... وقفت حداه كتشوف وقالت 

- شنو نجمع ليك 

رد دايخ : متعرفيش ... انا غنجمع راسي 

اشراق : ارا نعاونك 

هزات شي سراول فيديها كطوي ليه وقالت 

- علييي... معامن غتسافر ؟ 

رد بعفوية : بوحدي 

اشراق: يعني مغتمشيش معاك لا المساعدة لا سمنتا 

ضحك كيحط الحوايج وقال: لا .. 

اشراق: امم ... مزيان 

هز عينو فيها كيضحك ورجع كمل الجميع ديال حوايجو .. تنهدات كتشوف فيه بنص عين وقالت

- علييي... خاصك تهضر مع استريلا ... على الاقل نشوف ردة فعلها 

علي : نشاء الله دابا نهضر معاها 

اشراق : نشاء الله 

ناضت خلاتو مشات تشوف شغلها حتى رجعات استريلا من المدرسة و دخلات كضحك عنقات اشراق وعطاتها وريدة 

اشراق: ياختييي على الحب كنموت عليك انااا ... عجبانك مدرستك الجديدة ؟

استريلا: زوييينة 

اشراق: تستاهلي اكبيدة ديالي ... حطي شكراتك فالبيت وبدلي حويجاتك واجي نحط ليك تاكلي صايبت ليك واحد الشهيوة فننة 

استريلا: في بابا؟؟ 

اشراق: فالبيت 

مشات كتلعب بجنابها دخلات لقاتو كيجمع حوايجو .. عنقاتو وباستو فخدو وبدالها نفس العناق وقال

- كي جاتك ليكول الجديدة ؟

استريلا: زوينة .. حتى معلمتي زوينة 

علي: مزيان .. هي غتجي اللولة حتى فهاد ليكول

استريلا: اه ههه... (انتبهت للشنطة ) بابا فين غادي؟


جلس على جنب الناموسية ووقفها بين رجليه كيبوس خدودها الوردية ويهضر معاها بشوية 

- باباك غنسافر... غيمشي لافخونس ... وبنتي غتبقا مع اشراق ياك 

تلفتات قائلة: عاوتاني غتمشي ابابا ؟؟

رد مع قبلة فالخد: ضاروري .. ونتي عارفاني كنسافر ... وكانت كتبقا معاك ميمة . مي ميمة ماتت الله يرحمها ... دابا غتبقاي نتي واشراق حتى نرجع ... غتمشي ليكول ديالك ... والنادي ... والشيفور غيديك ويجيبك بحال ديما 

ردت بأسى : وفوقاش غتمشي ابابا؟؟ 

باس ليها يديها بجوج وقال: غدا نشاء الله .. مابغيتيش تبقاي مع اشراق؟... اشراق زوينة ... وضريفة وكتبغيك بحالي 

حركت راسها بالايجاب وقالت : حتى اشراق غتمشي معايا للنادي !

ابتسم وقال : تمشي معاك للنادي علاش لا ؟ ... (هبط راسو شوية ورجع شاف فيها ) احمم... اجي نقولك ابابا... واش ماشي بزاف عليك جوج ديال الرياضات فدقة ؟ ... غير وحدة كافية 

ردت : ولاكن ابابا انا كنبغيهم بجوج 

تنهد وقال : بزاف عليك ... البالي ... وباتان اغتيستيك ! شدي فوحدة براكة علاش شادة فيهم بجوج ... كن تسمعي ليا انا مامرتاحش للبالي ... شوفي ضفرك اخر مرة كفاش مرض ليك ... وشحال ونتي كتعالجيه 

بقات ساكتة شوية وقالت: ولاكن ابابا انا كنبغي لبالي 

شد ليها فيدها وقال: راه غيعوج ليك الصبعان ونتي باقا صغيرة... غتكبري تلقاي صبعانك كاملين عوجين اجي نوريك 

جلسها على رجليه وحيد ليها الصباط وقال 

- شوفي رجيلاتك دابا شحال زوينين .. واجي نوريك كفاش غيرجعو من بعد بالبالي

شعل تيليفون وراها ارجل راقصة بالي كلهم معوجين والدفار مراض والعضم خارج من الجنب وقال

- تبغي رجيلاتك يرجعو ليك هاكا ؟ 

بقات كتشوف فرجليها وتشوف فالصورة وقالت بالنفي

- الا 

علي: وا صافي نحيدو البالي ؟ ونبقاو فالتزلج اوك ؟ عفاك احبيبة ديالي على قبل رجيلاتك زوينين 

بقات ساكتة كتشوف فيه وتفكر وقالت 

- وانا مكنبغيش باتان اغتيستيك بزاف

رد : غتبقاي تمشي للحصص ديالك بزاف غتولفيه ... اشنو قلتي

بقات ساكتة شحال كتفكر وقالت : واخا 

باسها فخدها فرحان وقال : هادي هي بنتي استريلا ... الزين ديال باباها كتسمع الهضرة ... صافي نقولو باي باي للبالي

ردت بأسى : باي باي


خرجات من البيت خلاتو كيسوط ويجمع حوايجو ومشات لبيتها سدات عليها .. اما اشراق وجدات الطبلة وتمات جاية كدور عليهم وضحك .. طلات على علي لقاتو كيسد الشنطة وقالت

- اجي دير كاسكروط 

رد : هانا جاي 

ابتسمت وحلات الباب بشوية طلات على استريلا لاكن تفاجأت فاش شافتها جالسة فالارض باقا بليبة والكسوة دالمدرسة وكوب شوفال شادة فستان البالي وتقاشرو فيديها وكتشةف قدامها وتبكي بحرقة .. 

حطات اشراق يدها على فمها كتشوف فيها بلا ماتنتابه ليها استريلا وهي كتبكي فصمت وتشوف فدوك الحوايج ودوك الالوان اللي قدامها .. رجعات بشوية مخلوعة دخلات على علي وقالت 

- علي... واش قلتي شي حاجة لاستريلا؟؟؟

علي: لا علاش شنو واقع؟؟؟ 

اشراق: جالسة كتبكي فالبيت بوحدها 

طلق من الباليزة بسرعة وخرج من البيت حل عليها الباب واشراق موراه .. شافها جالسة بحال اليتيمة كتألم وتبكي وفور ما شافتة كمشات رجليها وعطاتو بالضهر بسرعة شادة فدوك الحوايج وحنات راسها كتبكي .. دخل كيجري عندها ويشوف فيهم وجلس موراها بأسى جرها عنقها بشراوطها فيديها وهي كتنخصص بغات تموت واشراق حداهم يدها حدا فمها غير كتشوف مافاهمة اش واقع

علي: علاش ابابا كتبكي باقي ليك ليباتان وغادي نشري ليك كسوات اخرين وتلعبي بيهم حسن من لبالي

مارضاتش عليه بل لقات فحضنو مكمشة كتبكي وتنخصص وخوا كيسوط ساد عينيه ... عاود هز ليها راسها وقال 

- الى بغيتي تبقاي فلباليه بقاي انا مغاديش نمنعك ولاكن رجيلاتك غيخسرو .. ضحي بريجلاتك ؟ 

مارضاتش عليه كذلك وشاف فاشراق وقال 
جبدي ليها لكسوة ديالها الجديدة اللي جبت ليها تلبسها 

حلات اشراق البلاكار بسرعة كتقلب وتسول بين لكساوي .. لقات وحدة مزالو فميتكتها بيضاء جبداتها ليه شدها وقال

- شوفي هادي ماشفتيهاش كاع كي دايرة ... مابغيتيش تحليها تشوفيها 

حركات راسها بالنفي معنقا تقاشرها وكسوتها اللي خدات فيها الجائزة لاكن نوضها كيمسح ليها دموعها ويحل ليها اللبسة ديال المدرسة قائلا 

- غنشوفو كفاش غتجيك اللبسة اللي شريت ليك ... يالاه لبسي 

ردت : لا 

علي: لبسي ابابا غير نشوفو كفاش غتجي 

لبسها ليها بشوية وتلفت جر كارطونة من البلاكار جبد ليها منها حداء التزلج جديد ... لبسو ليها وقال كيضحك 

- يالاه وقفي .. وقفي وريه لاشراق كفاش كديري 

وقفات كتنخصص والحوايج فيدها .. بسلاسة حيدهم ليها لاحهم موراه وقال 

- سيري مع اشراق حتى للبيت بيهم تشوفك .. حيت مكتعرفش تلبسهم وريها 

شدات فيها اشراق كضحك مشات معاها حتى لبيت النعاس .. بسرعة ناض علي جمع حوايج الباليه والتقاشر والصبابط كمشهم ولاحهم تحت ناموسيتها وتلفت كيضحك وهي راجعة كتمشى 

- اووه شتي ... جاتك الكسوة زويينة غدا خوديها معاك للنادي كلشي غتعجبو


اخيرا اقتنعت استريلا برياضتها الثانية .. لاكن ماشي مية فالمية .. او على الاقل بدات تقتانع . فجو عائلي دارو كاسكروط ودوزو امسية زوينة على اساس غيصبح علي مسافر الصباح . نعسات ليه استريلا على رجلو وناض هزها لبيتها حطها و جلس كيدوز يدو على وجهها وشعرها ويشوف فيها ... هز يدها الصغير باسها وناض قبل جبينها وغطاها ودخل لغرفة النوم فين جالسة اشراق حدا المرايا كتمارس روتينها المسائي .. تلفتات شافتو داخل ساهي كيدوز يدو على شعرو ويشوف قدامو وقالت 

- علي ؟ ... مالك شنو شاطنك 

حرك راسو بالنفي ومشا تكا فبلاصتو كيشوف فالسقف .. مسحات يديها وناضت حيدات البينوار بقات بديباردو ناعم واسع شوية ساتان وسروالو فالاحمر ومشات كطلق شعرها تكات حداه .. وعنقها بابتسامة .. حطات يدها على صدرو وقالت 

- مالك مع استريلا ؟ مابغيتش نسولك قدامها 

تنهد وقال : ندمت اللي دخلتها للباليه نهار الاول 

ردت باستغراب: علاش ندمتي؟؟ 

قال كيلعب ليها فشعرها بهدوء: ميصلاحش ليها .. شفت لبنات وشفت رجليهم كيفاش رجعو بالباليه ... هي معارفاش من هنا لفاش تكبر كيفاش غيرجعو غضامها ... والمشكلة دخلتها للباليه و باتان اغتيستيك ... ولسقات فالباليه وخلات لاخر مابقاتش مسوقة ليه 

تنهدات : راه صعيب تبدل ليها من واحد الحاجة لواحد الحاجة

رد: هي اختارتهم نهار الاول ... ماعلينا .. غدا سيري معاها للنادي ... حاولي معاها تنسا الباليه .. 

اشراق : ولاكن كفاش غادي ندير نمشي معاها انا معارفاش لا فين نمشي لا فين نجي معارفاش


هبط يدو مع ضهرها وقال بابتسامة مع قبلة : خايفة

ردت بالايجاب: خايفة اه 

جرها عندو على صدرو فجو حميمي وقرب ليها وجهها عندو قبلها قبل مثتالية وقال

- متخافيش .. غيديك الشيفور ويجيبك 

بعدات راسها وقالت: اشمن شيفور ؟

سد عينيه كيقبلها وهي كتبعد وتسول وقال 

- ديال طموبيل ... اححح توحشتك 

ضحكات وقالت : من لبارح ليوم ههه

هبط يديه مع درعانها كيداعبها ويقبل بلذة

- من الصباح لدابا... 

ميلات راسها كضحك وتعض شنايفها كتفكر وقالت 

- عليي.. 

رد كيبوس فودنها : حبيبة ديالي 

قالت بتررد وابتسامة : خاصك تقول لاستريلا على .. علاقتي بيك ... الى جا بيبي على غفلة .. شنو نقولو ليها 

بعد وجهه كيشوف فيها وفعينيها وابتسم ابتسامة خفيفة 

- ونتي ... باغا بيبي دابا؟ 

ميلات راسها بابتسامة : ماكرهتش... امنيتي الصراحة ... ونتا ؟ 

قال بهدوء: معلوم باغي نولد معاك ... ولاكن باقي لحال شوية ؟

ابتسمت بمجاملة وقالت : شحال كاع .. مثلا

رد ليها شعرها اللور وقال : وقرايتك ؟ خاصك تعرفي شنو باغا ... باغا تقراي ؟ ولا باغا تولدي ؟

تنهدات وقالت : بجوج بصراحة ...

رد : بجوج مكيتلاقاوش .. يا اما لقراية ولا لبيبي ؟ .... قراي بعدا ... وصلي لداكشي اللي بغيتي ... حتى الى جاب الله شي بيبي يلقاك متفرغة ليه 

تنهدات وقالت : واستريلا؟

هز حواجبو لفوق بتفكير وقال : ماعرفتش ... هادشي اللي خايف منو ... تقدر تقبل زواجنا ... ولاكن بيبي اخر مكنضنش ... استريلا مكتبغيش الحاجة المشروكة ... حتى الزواج خصني نفهمو ليها بالطريقة اللي تقبلها 

هبطات راسها بأسى تنهدات وقالت : سبحان الله انا ديما فرحتي مكتكملش

هز ليها راسها بأسى عنقها وقال: غتكمل نشاء الله ... غادي يكون عندك بيبي ... وغتقراي ... داكشي اللي بغيتي هوا اللي غيكون 

باسها فخدها وتكا راسو معنقها كيلعب فشعرها 

- خاص شوية ديال الوقت ... وكل حاجة فوقتها زوينة 

هزات راسها شافت فيه وقالت : علي... كنتي متوقع شي نهار غتزوج بيا ؟ 

ابتسم كيشوف فيها وقال : كنتي عزيزة عليا ... ( رد ليها زغبة ورا ودنيها ) منكرش باللي .. كنت معجب بيك فالاول ... وكنت كنرتاح معاك ... وكنبغي نشوفك ... واخا خبيتي عليا الحقيقة ... قلت ماعليش ماضي وماشي سوقي فيه ... مي تبدلتي من بعد 

حطات يدها على فمو وقالت : والله ماتبدلت ... انا غلطت ... غلطت لاكن باقا انا هي اشراق اللي عرفتي النهار الاول 

ابتسم وقال هاز حاجبو: كنتمتا 

ردت : مزال مكتيقش فيا ياك ... واخا ماشي مشكل...علاش قربتي ليا ملي نتا مكتيقش فيا 

تنهد وقال: راتي قلت ليك .. كاين شي حوايج مكيتقالوش بالفم ... كيتحسو بالقلب ... الى كنت مكنتيقش فيك ولا مقادرش نتيق فيك ... ماشي معناتها كنكرهك ... نقدر نكون كنبغيك ولاكن التقة مكايناش 

ابتسمت : كتبغيني ههه 

جانو الضحكة وقال: انا غير فسرت ليك باش متخلطيش الامور مع بعضياتها


عنقاتو بسعادة وتجاوبات معاه فقبل جنونية عايشة اسعد ايام حياتها . 

صبح كيودش ويوجد راسو للسفر. 

دخل على استريلا لقاها ناعسة وباسها فراسها وخرج عند اشراق اللي واقفة فبينوار حداه وشعرها مطلوق .. خرج الشنطة لبرا بلباس رسمي ورجع عندها جرها من خصرها وقال

- مرتي الغزالة ... انا غنمشي 

عنقاتو بقبلة على خدو وقالت : فاش توصل عيط ليا 

رد ليها القبلة على شفايفها وقال: ضاروري نعيط ليك ... منوصيكش على استريلا .. 

ردت : ماتخافش عليها ... غادي نحطها فعينيا 

عنقها وقال: ردي لبال راسك .. واي حاجة وقعات عيطي ليا متردديش

اشراق: نشاء الله حتى حاجة مغتوقع ... فين غتمشي .. دار ولا اوتيل 

رد : اوتيل .. كوني هانيا انا فاش غنوصل غنعيط ليك 

اشراق: فاش غتمشي فطاكسي ؟

رد بالنفي كيهز المونطو ديالو : طموبيل ... هاهوا الشيفور غيرجع عندكم .. يوصلك للكلية . واستريلا غيديها ترونسبور... طلعيها بحال العادة وسيري للكلية ديالك .. وغيرجع عندك يردك للدار وفلعشية غيديكم للنادي .. اي حاجة بغيتيها هوا يتسخر ليكم صافي ... وغيبقا يديك ويجيبك فين مابغيتي غير عيطي ليه راه نمرة علقتها ليك فالثلاجة 

بقات غير كتشوف مافاهمة والو وحركات راسها بالايجاب .. ودعها وخرج مشا وبقات هي لداخل متبعة ليه لعين حتى خرج من الجردة 

رجعات كتنهد للكوزينة طايح عليها الضيم ... صافي؟ دغيا ولفتو ؟ دغيا ولات تكحال ليا الدنيا فغيابو ؟ والملل والروتين الاحباط .... تنهدات ودارت الفطور لاستريلا وليها ومشات فيقاتها من النعاس كتبوس وتعنق كأنها بنتها ... فور ما حلات عينيها سولات على باباها .. لاكن كانت اشراق فالدمة دغيا جاوباتها وبدلات ليها الجو بالضحك واللعب ماخلاتهاش تحس بغيابو . 

غسلات ليها وجهها وسنانها ولبساتها وعطراتها وصايبات ليها دفيرات جداد وزيناتهم ليها ... حطاتها حدى الطبلة كتفطر ومشات لبسات حوايجها ومونطوها الرمادي طويل بالفيرور مع العنق مع ليبة سوداء وبوط قصير رمادي وهزات صاكها ودارت حجابها وسمطة لامونطو وخرجات كتقرقب بابتسامة واناقة فطرات وخرجات استريلا للنقل المدرسي ديالها .. مشات استريلا وتلفتات اشراق جنب لقات سيارة سوداء من نوع مرسيديس بماطريكول سفرا .. تار انتباها الاسم المكتوب بالفرنسية " الهيئة ديبلوماسية " بقات كتشوف فيها وضحك بوحدها وتردد ! دابا انا غنبقا نمشي فيها ونجي!! غنمشي ونجي بحال الناس لبورجوا ! ههه ..

سدات الباب ديال الجردة وتمات غادية جهة الطموبيل .. نزل منها راجل شعرو ابيض وبشرتو بيضاء بلباس رسمي شار ليها براسو بابتسامة وحل ليها الباب اللور وهي كترمش وعينيها ضاحكين طلعات وسد الباب .. بقات غير كدور فعينيها وترمش وداها مباشرة للكلية وقف حدا الباب ونزل حل ليها باب السيارة نزلات كتشوف فجنابها وضحك بوحدها .. سد الباب وقال 

- مدام ..فاش تقربي تخرجي تاصلي بيا نجي 

حركات راسها بالايجاب كتشوف فيه وتشوف فالسيارة وقالت 

- واخا ... شكرا !!!


دخلات دايخة معارفة اش دير .. بدات بالادارة كتسول وتقلب ... نعتو ليها ومشات دخلات لقسم كانو فيه طلبة قلال كل واحد فين جالس من مختلف الجنسيات .. ابتسمت ومشات جلسات كتشوف فجنابها وترمش لقات ماليزية حتى هي معاها دايرة الحجاب.. رتاحت نسبيا لانها ماشي الوحيدة وحطات صاكها قدامعا ساكتة .. كان خاص بالتعارف مع الاساتدة وتبادل الحوار .. كل واحد كيعرف بنفسو وبالدولة ديالو ويعبر بشكل واضح على السبب اللي جابو لتما ولاختيارو لديك المدرسة و الدراسة فيها ... نفس الشيء مع جميع الاساتذة وخرجات للساحة كدور وتشوف .. دخلات للمكتبة لقات فيها الطلبة كيقراو .. بدات دور بالكتب وتشوف وخدات واحد وجلسات فالطاولة كتقرا ... جلست حداها بنت كتهضر فتيليفون بصوت منخفض تارت انتباه اشراق بلهجتها المغربية وتلفتات عندها بابتسامة من بعد ما سالات كلامها وقالت

- سالام 

ردت صاحبة الشعر الاسود والعيون السوداء

سلام !

اشراق: انا اشراق من المغرب .. جديدة هنا فلكلية 

ردت البنت بسعادة : ااه بصح !! حتى انا .. انا ياسمينة 

سلمات عليها اشراق من الوجه وقالت : متشرفين ... انا جديدة هنا 

ردت لبنى : انا هادا العام الثاني ديالي

اشراق: مزيان ... كي دايرة لقراية هنا ؟

ردت لبنى : زوينة 

اشراق: بصح ؟ الصراحة خايفة 

ابتسمت لبنى وقالت: زوينة .. مي غالية ... شكون مكلف ليك بالمصاريف ؟

اشراق: راجلي اللي مكلف بكلشي 

لبنى : مزيان .. حتى انا راجلي هوا اللي مكلف ليا بكلشي ... راجلك كندي؟

اشراق: لا مغريبي وعايش هنا 

لبنى: اااه .. مزيان .. انا راجلي كندي ... ابا عن جد 

جلسو كيتجمعو ويتعارفو حتى وصل وقت الخروج ديال الطلبة وخرجات بجوج.. باستها لبنى فحنكها وتوادعو .. ونزلات اشراق للسيارة اللي لقات فالباب كتنسا .. حل ليها الشيفور طلعات وسد الباب .. طلات من النافدة السوداء لقات لبنى واقفة كتشوف فيها وشارت ليها بيدها باي باي وزادت السيارة للدار مباشرة .. نزلات وقالت 

- الى كان ممكن ماتمشيش ... حيت باقي غتاخدنا للنادي 

السائق : مرحبا امدام . هادا واجب

حلات الباب ومشات وجدات حوايج استريلا فالصاك ديالها اللي كتاخد وةجدات ليها كاسكروط .. دخلات الاخيرة جارة شكراتها لقات كلشي واجد .. جراتها اشراق من يدها بابتسامة دخلاتها بدلات ليها بالضحك والنشاط لبساتها سورفيت وخرجاتها كلات وهزات صاك حوايجها وخرجو .. مشات استريلا مباشرة كتنقز للسيارة بغات تحل راسها كانها متعودة .. فتح ليها السائق بابتسامة كيضحك معاها وهي كتهضر معاه وضحك وطلعات للور وركبات حداها اشراق مباشرة للنادي


نزلو من السيارة ودخلو للنادي فقلب القاعة الرئيسية ... جات بنيتة كتجري عند استريلا عنقاتها وقالت 

- قالت لينا مدام مونيكا استريلا مابقاتش معانا فالقسم واش بصح !

دارت استريلا يدها على عينها بغات تبكي وهي تحنا ليها اشراق عنقاتها وقالت 

- غادي تكوني بطلة فالتزلج .. التزلج تقريبا بحال البالي ... يالاه قولي قولي ليها راكي ختاريتي التزلج 

تنخصصات استريلا وقالت: انا ختاريت تز...لج 

البنت: ولاكن نتي كنتي الرئيسة ديالنا فلكروب و ... 

قاطعاتها اشراق : ماعليش احبيبة... غادي تكوني نتي فبلاصتها .. حتى نتي تستحقي تكوني رئيسة 

بقات البنت غير كتشوف فيها بأسى واستريلا حابسة البكية ... شافوها صحاباتها وجاو كيجريو ويعيطو استريلا استريلا ... دور بيها كيسولو علاش مابقاتش معاهم فقسم الباليه لاكن ماقدراتش تجاوب وبدات تبكي .. شرحات ليهم اشراق بلطف كما شرحات للبنا اللي قبل منها وبداو كيبكيو ويعنقو فيها .. جراتها اشراق من وسطهم كتبكي ودير ليهم باي باي وهما كذلك وطلعاتها كتنسي فيها وتبني ليها احلام وبطولة فالتزلج .. طلعو للطابق الاعلى ومشاو فاتجاه قاعة التزلج على الجليد ودخلو مع باب كبير كان مسدود لقاو مجموعة من البنات والشباب كيتدربو وخارج الاطار المحيط بالجليد واقفين اولياء الامور كيتفرجو ويشجعو اولادهم . 

شافت اشراق يمين يسار فالقاعة الكبيرة وقالت 

- فين كتبدلو؟ فين كاين لقيستير ديالكم 

شارت استريلا بصبعها لليمين وتاجهو نحط باب اخر دفعوه ودخلو لقاو قاعة اخرى مقسمة بالزجاج والخشب لاقسام كل بلاصة فيها كروب .. 

تلفتات استادة من بين الاساتدة اللي تما .. كاين اللي كيشرب قهوى كاين اللي كيتجمع كاين اللي كيعطي نصاىع للكروب ديالو .. كانت استادة كبيرة فالسن التجاعيد باينة على وجهها لاكن جسمها جسم رياضي بامتياز لابسة كولون كوبينيزو لاسق .. الدفئ فالقاعة كلشي مقزب .. شافت استريلا ومشات عنقاتها بقوة وقالت 

- اوووه شوفو شكون جااا ... اخيرا رجعات لينا استريلا الزوينة ديالنا 

سلمات عليها اسراق بابتسامة وعطاتها الصاك ديالها .. جاو لبنات بلباس جميل عبارة عن فساتين وشعر مجموع ضارو بيها كيرحبو بيها بعد الغياب اللي غابتو عليهم وكانت كتفضل تمشي للبالي وماتجيش عندهم . خلاتها اشراق مع المدربة ديالها ومشات برا فين كاينين اولياء الامور جلسات فوق كرسي فالصف الاول بين الادراج العالية وبقات كتسنا وتفرج


خوات الساحة وجات نوبة الفريق ديال استريلا وخرجات قدامهم المدربة كتزلج وهما موراها وحدة وحدة بحال البط جامعين الشعر وتابعينها وبينهم استريلا كتشوف قدامها معاجبهاش الحال وتابعاهم كتزلج برجليها .. كانت اول مرة تشوفها اشراق .. عجبها الحال وبقات كتفرج فيهم دايرين الصف ورا المدربة غاديين جايين كيسخنو فالاخير وقفاتهم لوسط فصف واحد ووقفات قدامهم في حين واقفة استريلا بديك لكسيوة اللي شرا ليها علي .. وعلى ذكرو فهوا تصل فالوقت المناسب .. ردت اشراق على الاتصال فرحانة وقالت 

- قطع قطع وفتح لكاميرا دغيا ههه 

علي: شنو كاين ؟؟ 

اشراق: فتحها دغيا 

سيفطات ليه لاكام فتحها وقلبات ليه الصورة جهة استريلا وهوا كيتفرج فيها واقفة جامعة ركابيها ويديها اللور ماراضياش ومهبطة راسها بدا كيضحك وقال 

- ماباغاش تلعب ؟

اشراق: ههه هانتا كتشوف ... البنات البنات كيدوزو بالنوبة وهي معبسة كتشوف فيهم 

المدربة : استريلاااااا... يالاه نوبتك 

طلقات يديها واندفعت كتزلج وتهز يديها لفوق على طريقة البالي .. مشات ليها المدربة وقفاتها ودفعات ليها كرشها لقدام شوية اكثر وطلقات ليها يديها فالهواء ... لاكن بدون جدوى فكل مرة تنطلق استريلا كتعاود نفس الحركة وكتنسا حتى كتبغي توقف على فم الحداء وكطيح .. مشات ليها المدربة وقفاتها بشوية كتبكي وعلي ساكت كيشوف فيها والمدربة كتحاول معاها وتعاوظ المحاولة لاكن بدون جدوى .. وقفات المدربة كتسفق وتشير للبقية يسفقو عليها وعزلاتها بوحدها 

علي: خاصها دروس بوحدها ولفات لباليه 

اشراق: كن خليتيها فيه حسن 

رد : لا حسن ليها هادا .. شوية بشوية غادي تولف وتنسا الباليه ... تبقاي تديها يوميا للنادي انا غنعيط للمدربة ديالها نفهمها واخا راه هضرت معاها 

قلبات الكاميرة جهتها وقالت : كيووصلتي بعدا مزيان ؟

علي: مزيان انا دابا فلوتيل 

اشراق: مزيان

- علي: كي دوزتي النهار اللول؟

ردت: زوين .. تعرفت على واحد البنت من المغرب 

رد: هانتي بديتي ديري فالاصدقاء .. كنتي خايفة على والو 

اشراق: بصح .. النهار الاول كيكون صعيب وصافي

بقاو متشاىمين تصبحو على خير


لبساتها حويجاتها وخرجو من النادي كيضحكو كالعادة ... رجعو للروتين ديالهم ... ونهار بعد نهار كيزيد تعلق استريلا بإشراق... وكل ليلة رجعات كتنعس فحضنها وتحكي ليها حكايات من خيالها الواسع .. تعلقات اشراق اكثر بإستريلا كأنها كتعوض فيها رضيعها اللي مات .. وكتشوف فيها طفلة محتاجة الام كما هي محتاجة تعطي حنان ابنها المخبي للي كيستحقو . 

الايام كتجري ونفس الروتين كيتعاود حتى لواحد النهار فيه غيغيام الجو فيه غيبان وجوه جديدة مبعوتة من الماضي الاليم . 

خرجات من الكلية وهاد المرة خرجات بكري على غير عادتها ... جبدات تيليفون تتاصل بالسائق وحطاتو على وذنها تصوني عليه .. فجأة سمعات صوت موراها كلمها بكلمة 

- مدام .. الى سمحتي

تلفتات بسرعة وحيدات التيليفون قبل ما تصوني شافت امرأة واقفة موراها في غاية الجمال .. عيون زرقاء ضوئية ووجه مستدير وشعر اشقر مطلوق .. دايرة طربوش وجاكيط ودجيز وبوط .. نحيفة ونيفها احمر و فمها احمر كذلك بالبرد .. ابتسمت وهي كتشوف فيها وقالت

- ممكن لحضة ؟

استغربت اشراق وضنات انها طالبة معاهم فالكلية وقالت بابتسامة 

- مرحبا .. شنو بغيتي؟

ابتسمت الشقراء بخجل وقالت: انا بغيت من وقتك واحد 10 دقايق الى كان ممكن 

اشراق: مرحبا ... ندخلو للمكتبة ؟ ولا لكافيتيريا 

ردت الشقراء بارتباك : اللي بغيتي ماعنديش مشكل 

ابتسمت اشراق وهي داخلة وموراها الشقراء داخلة كتغزز ادافرها .. الخوف باين عليها واخا كتحاول تخفيه بالابتسامات المتكررة . 

جلسو فكافيتيريا على طاولة فيديهم القهوى وقالت اشراق بابتسامة كتقاد الحجاب ديالها والكول ديال المونطو الباج اللي لابسة وقالت 

- كتقراي حتى نتي هنا ؟؟ 

رمشات الشقراء شادة الكاس دالقهوى فيدها كترعد والابتسامة على وجهها وقالت

- بصراحة ... لا 

استغربت اشراق وقالت: و ... واش كتعرفيني ؟

ردت الشقراء بتوثر : انا بصراحة مكنقراش هنا ... ولاكن اختي كتقرا هنا ... وكنعرفك ... نتي يمكن مكتعرفينش 

ردت اشراق باستغراب: و و..وشكون نتي ؟؟ 

دورات الشقراء عينيها فجنابها وانتبهت اشراق للتوثر ويديها المرتجفة والخوف رغم الابتسامة .. بقات كتشوف فيها بتشكيك وقالت 

- انا واش فايت ليا شفتك ؟ شبهتي ليا لشي حد ... ماعرفتش شكون بالضبط 

بلعات الشقراء ريقها وهزات عينيها قائلة بتردد 

- انا ... انا... ار..ا ا... اريانا 

تصدمات اشراق فيها وخرجو عينيها بقات كتشوف فيها بذهول ووقفات بسرعة هزات صاكها بتوثر بغات تمشي


شدات ليها اريانا فيدها ووقفات حتى هي بترجي والدموع محجرين فعينيها وقالت 

- وقفي ماتمشيش... عفاك سمعيني وعاد سيري 

نترات اشراق يدها بخوف كتشوف فيها ورجليها خاويين بيها وقالت 

- لا سمحي ليا .. منقدرش ... 

شداتها اريانا بجوج يدين وقالت كتبكي : سمعيني عفاكي ... سمعيني وسيري انا مصدقتش شفتك ... عفاكي غير دقيقة وسيري 

نترات اشراق يدها بغضب وقالت : طلقي مني ... بعدي مني شنو بغيتي مني انا مكنعرفكش ... بعدي مني عفاك 

بغات تمشي وشداتها بترجي : شوفي ... شوفي عفاك نتي مرى .. حتى نتي مرى بحالي ... ونتي عارفة قهرتنا حنا كفاش دايرة ... على الاقل سمعيني انا بغيتك غير تسمعيني ... دقيقة وحدة ومغاديش نصدعك مرة اخرة ... عفاكي 

تنهدات اشراق مغمضة عينيها ويدها على جبهتها غطيح من طولها وجلسات حطات الصاك على الطبلة .. عم الصمت واحد اللحضة فيهم بجوج .. كل وحدة فين كتشوف تلفتات اشراق شافت فيها مطولا كتمعن النضر فيها وقالت 

- اذا نتي هي اريانا ..

هبطات اريانا راسها وقالت : اه .. انا 

اشراق: وفين كتعرفيني ؟ كفاش حتى لقيتني ؟

هبطت اريانا عينيها بأسى وقالت : انا عمرني قلبت عليك ... جابك الله فطريقي ... بالصدفة جيت مع اختي .. كتقرا هنا ... وصلتها ووقفت مور طموبيل كحلة مكتوب عليها الهيئة ديبلوماسية ... فاش نزل الشيفور منها عرفتو هوا الشيفور ديال علي ... وفاش حل ليك الباب نزلتي عرفتك نتي هي مرتو 

اشراق : باش عرفتيني شكون قالها ليك ؟

هادشي مدة باش تلاقيت بعلي ... شربنا قهوة مجموعين و هوا اللي قال ليا تزوج ... قالي تزوج من بلادو وقريب يجيبها لهنا ... انا وعلي واخا الضروف .. واخا كاع اللي وقع ... كنتلاقاو مرة مرا 

اشراق : بلاتي مافهمتش ؟ انا لحد الساعة مافهمت والو .. شنو نوع العلاقة اللي بينك وبينو ؟

اريانا : حنا مابيناتنا حتى علاقة ... ولاكن بيناتنا بنت ... انا كنلح عليه باش نتلاقاو ... على الاقل نشم فيه ريحة بنتي ... ونخلي واحد الخيط ابيض بيني وبينو على امل شي نهار يخليني نشوفها .... 

ردا اشراق باشمأزاز : نتي ام نتي ؟؟؟ نتي ان اللي تسمح فبنتها لحمة وتهرب 

درفات اريانا دموع سخونة وقالت : انا غلطت ... غلطت وماكنتش مستعدة نولد ... انا وعلي كنا على علاقة مدة عام ... من بعد حملت بالغلط ... مابغيتش داك البيبي .. مابغيتش نولد .. مابغيتش نتحط امام الامر الواقع ... بكيت ومرضت وكتأبت فاش لقيت راسي حاملة .. بغيت نحيدو ولاكن علي مابغاش ... مابغاش ورفض فكرة الاجهاض فمرة ... حنا كنا كنبغيو بعضياتنا لواحد الدرجة متصورش ... 

قاطعاتها بغضب: كنتو كتبغيو بعضياتكم وبغيتي تجهضي ؟؟؟ !!! 

اريانا : فهميني عفاك ... انا ماكنتش مستعدة ... ماكنتش ابدا مستعدة لهاد المسؤولية لكبيرة ... اه كنا كنبغيو بعضياتنا وعلى قبل حبي ليه حتافضت بهاد البيبي ورضيت بالامر لواقع .. وتزوجنا 

اشراق: علاش هادشي كنتو مزال ماتزوجتو !!!!!!

اريانا : كنا كنفكرو نربطو علاقتنا بالزواج ... ولاكن فالوقت المناسب .. ولاكن فاش حملت قررنا نتزوجو .. وتزوجنا .. ولدت من بعد ودخلت فكتآب ما بعد الولادة .. وبداو المشاكل ديك الساعة .. كانت قادرة وقلت ليه منقدرش على المسؤولية .. ومن تما بداو المشاكيل .. وبداو كيكبرو نهار على نهار و .... (تنهدات بأسى ) كان النهار لكحل نهار قررت نخرج فيه من الدار ونسمح فكولشي ... مافكرتش فيه .. مافكرتش فيها ... فكرت فراسي ..فراحتي .. فحريتي .. طلبت الطلاق .. وطلقت .. ومن بعد خويت البلاد ست سنين ... لقيت داكشي اللي بغيت .. وعشت كي بغيتي .. لاكن من بعد رجع ليا الحنين ... حنيت وبغيت نشوف بنتي كي ولات .. ورجعت ندمانة ... لقيتو رحل .. لقيت ناس اخرين فديك الدار ... عييت نقلب ... عام وانا كنقلب بين الصحاب وبين الاقارب ... حتى واحد ماعرفو فين مشا ... حتى لواحد النهار بالصدفة شفت صورة ليه مع واحد الصديق فالفايسبوك ... وسولت عليك وقالي باللي علي تبدل ... مابقاش علي اللي كنعرف ... سكن فمدينة اخرى وخدم فداكشي اللي كان كيطمح ليه ... مشيت كنقلب عليه فديك المدينة وكان ساهل عليا نلقا من بعد ما عرفتو فاش خدام .. تعرضت ليه فباب دارو .. رفض يشوفني (هبطات يديها على وجهها كتبكي ) رفض حتى يدور وجهه جهتي ... شفت فعينيه حزن كبير وصدمة كبيرة ... وسمعت صوت بنت فالجردة ديالو مع كلب كتلعب .... بغيت ندخل لاكن عاملني بالقوة وبعدني على البلاصة اللي هوا ساكن فيها ونفاجر عليا

مسحات دموعها كتنخصص وقالت : تما عرفت باللي علي رجع كيكرهني ... ماشي كيكرهني شي حاجة كتر من كيكرهني ... طلبت السماحة .. وعيت نطلب منو السماحة وكيرفض ... من بعد رجعت عندو للدار مالقيتوش .. سولت عليه قالو لي رحل من تما ... وبدات رحلة البحث ديالي من جديد كنقلب عليه ... ولقيتو .. وطلبت السماحة وبغيت يورين بنتي غير نشوفها ... بغيت غييير نشوفها واخا من بعيد ... لاكن رفض رفضا قاطعا وهددني الى عاودت قربت منو غادي يندمني ... ولاكن ما ستسلمتش... ماهمني والو وبقيت كنلاحقو ... بقيت كنطلبو ... وفكل مرة نلقاه كيرحل ويبدل المنطقة ... ولاكن من بعد قلبت عليه حتى عييت ... مالقيتوش ...ماعرفتش فين ساكن ... قلبت فمجمعات الهيئة الدبلوماسية كاملين مالقيتوش ... غبر ليه الاثار وبقا ليها غير الرقم ديالو كنصوني عليه مرا مرا ... 3 سنوات ديال الجرا بلا منمل ولا نعيا ... 3 سنوات وانا كنطلب ونرغب... وكنحسب لبنتي السنوات وكنتخيلها فعقلي كفاش غتكون ... بقيت كنصوني عليه وكيبلوكي نمرتي ... وحيت عارفة ميقدرش يبدل رقمو حيت مهم بالنسبة لواحد بحال ... عندو معارف وصداقات كثيرة والريزو ديالو كبير .. ماشي ساهل يبدل رقمو .. قررت نقص من قوة الاتصالات بزاف ... وبديت كنبعت ليه رسائل و كنترجاه نشوفو هوا ... مابقيتش كنهضر على بنتي.. وملي مابقيتش كنجبد ليه البنت رجع كيجاوبني .. واخا فالاول كان كيشمأز مني ... ولاكن من بعد قدرت نقنعو يتلاقاني .. وتلاقينا .. جلسنا .. هضرنا عادي ... حاولت قدر الامكان مانجدبش حس بنتي ولاكن ماقدرتش ... سولتو وقلت ليه وصفها ليا على الاقل .. ضحك عليا .. وعرفتي شنو قال هه... وصفها ليا وقالي ... هي اجمل بنت فهاد الدنيا ... عندها اجمل ضحكة ... واجمل عيون ... وشعر بحال لحرير ... وقلب ابيض بحال الحليب ... وصوت احسن منو عمرو سمعو ... هادئة ولطيفة وكتبغيه اكثر من نفسها .(مسحات دموعها) خلاني كنتخيل وقلبي كيتحرق . . تعمد حتى هوا يوصفها ليا باش يحرق ليا قلبي ... ويخليني كنتحرق ونتمنا نشوفها ... ماقدرتش ديك الساعة نقول ليه نشوفها .. حيت عارفة هاد الموضوع كيعصبو .. سكت وقلت خليني نخلي العلاقة زوينة بلا عيب ... احسن من لعيب اللي مغنستافد منو والو .. وهاكا بقينا ليومنا هادا ... كنشوفو من حين لآخر وانا عارفة كيجي يشوفني باش نبقا مهدنة ومانلاحقوش وندير ليه مشاكل .. القضية ولات عندنا سياسية .. كل واحد عندو مصلحة فهادشي ... اخر مرة تلاقينا ... شفت الخاتم وقلت ليه مبروك رد عليا بالعقبة ليك ... وتما سولتو وقالي تزوج ومرتو غتلتاحق بيه لكندا فالقريب . وانا عرفتك نتي هي مرتو حيت هاداك الشيفور ديالو وسبق ليا شفتو ...

يتبع...

التنقل بين الأجزاء

صفحة القصة
سيتم تشغيل صندوق التعليقات بعد لحظات
معظم التعليقات تم إخفاءها بواسطة الفيسبوك، نحاول بكل الوسائل المتاحة إستعادتها في أقرب وقت ممكن.