دورات وجهها كتسوط ومشات خرجات خلاتها واقفة يديها حدا نيفها كتبكي .. خرجات لبرا وهزات راسها فالسما حاللة فمها والدموع فعينيها .. بغات تخرج من الخنقة اللي هي فيها وبدات تنفس بسرعة ومشات مباشرة للسيارة اللي فالباب طلعات وسدات عليها كتنهج وتمسح دموعها .
حلات باب الدار دخلت ولاحت الصاك وجلسات كتنهج وتشوف قدامها وتذكر اللحضات ديالها فالكافيتيريا ... تنهدات مخنوقة وناضت كتسوط وتلف وتمحي ذاكرتها . وجدات كاسكروط لاستريلا كالعادة وعنقاتها بقوة فاش دخلات للدار وبدلات ليها وطعماتها داتها للنادي كالعادة.
جلسات فالكرسي يدها على خدها ساهية كتشوف فاستريلا كتدرب .. شردات فاللي وقع معاها اليوم وتفكر .. بصراحة كانت عارفة ان اريانا جميلة لاكن ماشي لهاد الحد ! للحضة بداو كينتابوها افكار جنونية وكتخيل علي رجع معاها وكيربيو بنتهن فسعادة وهنا .. قفزها من خيالها وتفكيرها صوت تيليفون وجبداتو بسرعة كينقز فيدها وحلات الخط مخلوعة
- الو علي
رد : وي حبيبة ديالي مالكي مخلوعة ؟
ردت : لالا غير كان غيطيح ليا
رد : شكاديري ؟ استريلا لاباس ؟
اشراق: الحمد لله حنا فالنادي
علي: مزيان .. غتكون نسات شوية داك الباليه
اشراق : بدات كتأقلم ... راك كتهضر معاها كل ليلة ... ولات كتولف
علي : اممم.. ونتي كي غادية مع القراية ؟ مزيان ؟
ردت : الحمد لله بدين كنولف شوية بشوية ... نتا كي داير مع الخدمة
رد : سافا .. بقات سيمانة ونجي نشاء الله
اشراق : نشاء الله الله يجيبك على خير
علي : امين .. يالاه بيزو ... حتى لليل ونعيط ليك بحال العادة
اشراق : اوك بسلامة .
قطعات ورجعات كتسوط وتغمض عينيها وطرد الافكار المريضة من راسها الى حين انتهاء الحصة ديال التزلج وشدات لاستريلا فيدها خرجاتها ورجعات للدار .
صباح جديد كالعادة ... سدات عليها باب السيارة بكل رقة واناقة فلباس راقي ومشات للكلية مباشرة .. نزلات بخال جميع الطلبة فداك الصباح بهدوء وتقدمات كتقرقب بحدائها جهة الباب .. بالصدفة تلفتات شافت اريانا واقفة مور بوطو ديال الضوء وكتشوف فيها بأسى وعيون حزينة .. استغربت اشراق لهاد الانسانة اللي فايقة فهاد الوقت وفهاد البرد وكتشوف فيها بديك الطريقة مكمشة فجاكيط وطريبيش وشال غليض .. نيفها حمر بالبرد ومتبعاها بكل أسى ! تنهدات اشراق ودورات عينيها كملات طريقها تسوط وتغمض عينيها وتسدهم ودخلات مرفوعة للكلية .. جالسة وعقلها شارد والستيلو كيلعب فيدها .. عقلها محاضرش بالمرة للدرس و الصورة ديال اريانا بداك الشكل الحزين قدام عينيها .
سالات المحاضرة وخرجات جمعات كتبها وهزات صاكها خارجة كجميع الطلبة .. يالاه فاتت الباب وهي توقف مصدومة لقاتها فالجهة الاخرى من الشارع واقفة وكتشوف فيها عن بعد بل درفات دموع ومسحاتهم بيدها المغطية فقفازات دافية . تنهدات اشراق بأسى ودورات وجهها طلعات فالسيارة بسرعة وسدات عليها
فاليوم التالي حلات الباب ديال السيارة وحطات رجلها برا بقفازات ناعمة دافية ومونطو رمادي .. قبل متنزل هزات عينها شافت حدا داك البوطو فالصباح الباكر واقفة موراه وكتشوف فيها بنفس النضرات وكتبكي بحرقة .. رجعات اشراق لداخل السيارة وتكات راسها كتسوط بأسى وضعف
- يا ربي اش هادشي .. يا ربي كون معايا .
غمضات عينيها ونزلات مهبطة راسها وعينها كتمشي لديك البلاصة مباشرة وتشوف فيها بأسى . كذلك فلخروج لقاتها فالجهة الاخرى واقفة كتشوف فيها .. بلعات اشراق ريقها وغمضات عينيها مشات للطموبيل وسدات عليها وتكات راسها مهمومة .
شربات دوا الراس بالليل وتكات على ضهرها فبيت النعاس كتشوف فااسقف .. حلات عليها استريلا الباب وقالت بابتسامة
- اشراق ! نعسو ههه
حلات اشراق يديها وقالت : اجي اماما اجي
مشات حداه استريلا تخشات فيها وبدات تلعب ليها فشعرها و ودنيها فضوء خافت تشد ليها فالسنسلة
صباح جديد وهم نزاح ... استريلا تقبلت الفكرة بكل صدر رحب .. واشراق رتاح قلبها اخيرا من هاد الناحية وطمأنت ... كان هم كبير وخوف كتعيشو وكتسنا تشوف ردة فعل استريلا ... لاكن الاخيرة بنات احلام جديدة فخيالها وصبحات الصباح كتفطر وتسول بسعادة
- فوقاش غيجي لبيبي ؟
ضحكات اشراق وباستها فخدها : قريب نشاء الله .. غير يجي باباك غادي نهضر معاه ... ونجيبوه ليك خهه صافي
استريلا: وشنو غادي تكون سميتو ؟
اشراق: ماعرفتش... نتي سميه اللي بغيتي ...
استريلا : صافي ههه
اشراق: ولاكن ماتقوليش لباباك على هادشي حتى يقولها ليك هوا صافي
استريلا: واخا
اشراق: وعد ؟
استريلا: وعد
اشراق: ههه يالاه نمشيو ليكول
جراتها من يدها خرجاتها للنقل المدرسي وطلعات مع الشيفور .. كالعادة لقات اريانا واقفة فنفس البلاصة ... وفالخرجة لقاتها كتشوف فيها من بعد . تكرر الامر تقريبا اسبوع كامل .. ونهار على نهار موضوع اريانا كيزيد يمرض اشراق فنفسيتها ..
عطلة الاسبوع فاقت فيها اشراق بكل رشاقة وابتسامة .. لقات نضرة فالدار وشمرات على يديها بدات فالتنضيف والترتيب من جديد حتى رجعات الدار كتشعل .. مشات هزات تيليفون ودارت رجل على رجل وابتسامة والشعر مطلوق كتسنا الرد
- الو مدام جانسو ههه انا اشراق كنعيط ليك من تيليفون ديال الدار ... الحمد لله حتى انا توحشتك بزاف .. ههه هاهيا جات الفرصة نتشاوفو ... بغيت احمم..... بغيت نقول ليك باللي بغيت ندور شوية بالحالة ... ومعارفاش فين نمشي .. بغيتك تعاونيني .. علي غيجي غدا من السفر ... وانا بغيت نقاد الحالة ههه ... اه طبعا غادي نديها معايا .. حتى هي كتبغي هادشي وعزيز عليها .... نتشاوفو دابا نص ساعة ؟ صافي واخا ها حنا نلبسو ونخرجو عندك حدا محل الورد .. مع السلامة
لبسات لاستريلا حوايجها ولبسات حتى هي سبرديلتها وجاكيطتها وخرجو كيضحكو مع الباب ... على غفلة هزات اشراق عينها شافت اريانا واقف بعيد قدام الدار حاللة عينيها ويدها على صدرها ... تخلعات اشراق وبسرعة دارت القب لاستريلا وهزاتها عندها وتمات غادية مع الشارع ... تلفتات شافت موراها وهي تبان ليها اريانا جاية كتجري ... خفق قلب اشراق وكان غيسكت بلخلعة وبدات تجري هاربة وتشوف مورها معنقة استريلا .. بصوت مرتفع غوتات اريانا من بعيد تعاود فالصداء عدة مرات " استرييييييلاااااااااا"
هزات استريلا عينها واشراق كتجري وجهها صفر ... لحسن الحظ كانت سيارة مدام جانسو فراس الشارع قربات ليهم اكثر وشافت اشراق كتجري باستريلا معدبة وخرجات مخلوعة
ركبو بسرعة وماجات السيارة تنطلق حتى لسقات اريانا مع الزاج كدق وجهها حمر وعينيها حومر كتشوف بلهفة فاستريلا وتخبط فالزاج وتبكي .. خبات ليها اشراق وجهها بسرعة عندها وكمشاتها ومشات السيارة واريانا كتجري موراهم وتنهج حتى بعدو عليها وهي طيح للارض على ركابيها كتبكي واشراق كتشوف فيها من اللور وتبكي حتى هي
ناضت معاها اشراق طلبات ليها جلسة باديكير وجلسوها كيعتانيو بيه ومشات جلسات حدا مدام جانسو .. قدمو ليها كأوس القهوى وبدات تعاود ليها كل شيء من الاول حتى لاحضة اللي هربو فيها
تنهدات مدام جانسو وقالت : الام لابد واحد النهار تشوف بنتها ... والبنت كذلك ... ولاكن هادشي خاصك ضاروري تعاوديه لعلي ... هوا المسؤول ... احسن ما تورطي راسك فمشاكل كبيرة ... هادو مشاكل كبيرة ونتي فغنى عنها ... امها دابا عرفات الدار .. وعلي غادي يعرف ولو بعد حين .. يعني الحل هوا تخبريه
حركات اشراق راسها بالايجاب كتنهد وقالت
- لابد مغادي نعاود لي وقع ... غيجي نعاود ليه وهوا حر فقراراتو ... كما قلتي مخاصنيش نقحم راسي فمشاكل انا فغنى عنها
مدام جانسو : علاقتك بعلي بدات كتصلح ... متخلي حتى حاجة دخل فهاد العلاقة ودمرها ... وحنا عارفين علي شخص كينفر .. والى نفر صعيب يرجع ... وشفتي شحال ديال الوقت والمعانات معاه عاد رجع كما كان ... وباقي عندو شك فيك واخا هاكاك...بما انك عارفاه كي داير .. فحاولي قدر المستطاع تبعدي عليك المشاكل ... وخدميهم لصالحك هاكا تكسبي تقتو من جديد
اشراق: عندك الحق ... ماعندي علاش ندفع ثمن اخطاء رتاكبهم واحد اخر ... (حطات يدها على صدرها كتبكي ) واخا هادشي كيألم .. وحتى انا تألمت بزاااف نهار خسرت ولدي وحاسة بالعذاب اللي كتمر منو اريانا ومكنقدرش نشوفها كتعدب قدامي .. منقدرش نشوف ام كتعدب ابدا ... ولاكن حتى انا عشت عذاب كبير وهادا كافي ... كل واحد يدفع ثمن اخطائو
بتعب وارهاق والخاطر مابقاش ناضت تقاد الحالة .. كما كان الحال الزوج جاي بعد غياب شهر ولابد يشوفها فكامل انوتثها .. دخلات لغرفة خاصة حيدات الشعر من جميع المناطق وخرجات لابسة بينوار فجو دافي وسط الصالون بين النساء وجلسات حتى هي حدا استريلا اللي عاطيينها كوكتيل من الفواكل كبير حداها .. شدات ايها فيدها وهما طالقين رجليهم بجوج وقالت
- عجبك الحال ههه؟
استريلا: بسعادة) اه... انا بغيت لارونج فدفار
ضحكات اشراق وقالت : اورونج ههه واخا لاللة ونديرو ليك حتى رسومات فيهم
استريلا: اه
حطو ليها انواع الزواقات ديال الدفار الخاصة بالاطفال وخلاوها عزلات على خاطرها ... حتى يديها صايبوهم ليها بحالها بحال اشراق واخا يديها صغيرة لاكن المهم انها جالسة حتى هي كالاميرة السندريلا فرحانة .
جهزو راسهم بجوج .. من شعر ودافر و تنضيف بشرة لكل شيء .. خدا ليهم النهار كامل وحيدة الستريس و خرجات اسريلا فرحانة بشعرها بل فقمة السعادة .. لاول مرة تجرب اللي جربات مع اشراق .. لواو ليها الشعر وصايبو ليها دفيرات من الامام وبقا ليها الشعر ملوي من الوراء انا اشراق فكان باقي تابعها حمام فدار وصايبات لاستريلا شعرها ولوات عي عليها الفولار وخرجو من الصالون .. ماقدراتش استريلا تحيد يدها على شعرها بكثرة ما عجبها و ماقدراتش تجمع الضحكة وتخبي الفرحة بل كل مرة تعنق اشراق وضمها بقوة وتعلق فيها . طلعو فالسيارة مع مدام جانسو ورجعو للدار .. وقفات السيارة حدا الباب وقبل مينزلو لمحات اشراق اريانا واقفة مور شجرة كطل عليهم .. عقدات حواجبها وقالت
- بلاتي ... ماتنزلوش .
حلات الباب نزلات بصرامة مشات عندها مباشرة بعداتها على عينيهم ووقفات قدامها بغضب
باستها وسيفطاتها للبيت وناضت حلات باب الدار وخرجات طلات على الشارع شافت الاسعاف مشات ومدام جانسو واقفة
اشراق: شنو وقع ؟؟؟ جات ليها الاسعاف؟
ردت مدتم جانسو فحيرة كتنفض يديها
- رتكبتي اكبر غلط ... مكانش عليك تفوتي الخط الاحمر وماشي من حقك ابدا تصرفي بهاد الطريقة ... المعني بالامر اللي عندو كامل الحقوق نتي لا ... ماعندكش حق ومغيعجبوش ابدا هادشي اللي درتي ... كنتمنا ميعرفش ويبقا هادشي سر .. حيت لوكان يعرف غادي يتعصب وميقبلهاش وغادي يتفقص . وديك الساعة تقبلي اي تصرف دارو معاك حيت المسألة كتعلق ببنتو وماضيه وحياتو الشخصية .. انا بصراحة لو كنت بلاصتو ماكنتش غنسامحك حيت ضيعتي ليه تعب عمرو ومخطاطاتو كاملة وغتشعلي النار فقلبو من بعد ما كانت مطفية بهاد الانتقام اللي كينتاقم منها على قبل بنتو ... غادي تشعلي فيه العافية وهاد العافية غتحرقك نتي اللولة...من هنا كنقول ليك وجدي راسك لغضب علي وفقدان عقله وكوني صابورة
تنهدات اشراق بتعب وقالت: انا ماقدرتش ماقدرتش خصك تشوفيها كفاش تحنات ليا عند رجليا ... واخا يكون قلبك حجر غتحني فيها .. وواعداتني يبقا هادشي سر بيناتنا .. ولصالحها حتى هي غيبقا سر وحتى واحد مغادي يقول لعلي شي حاجة ... صافي اللي وقع وقع وكنتمنى متوقع حتى شي حاجة خايبة ... هاد السر غيبقا بيني وبينك وبينها ... حنا بثلاتة .. مكاينش اللي يوصلو لعلي ... لصالحنا
تنهدات مدام جانسو وقالت : كنتمناو يبقى هادشي سر ... المهم الاسعاف راني قلت ليهم باللي سخفات فالزنقة ولقيناها سخفانة . دخلي ونساي اللي وقع وحاولي تصرفي عادي ... كأن شيئا لم يكن ... ااه .. وديري فراسك .. اريانا مزال غتبان ... مغاديش تكتافي بنضرة وحدة ... هاد النضرة اللي سمحتي بيها نتي غادي تخرج الام على عقلها وتخليها تشوف بنتها مرى اخرى بأي طريقة ... وتأكدي ان اريانا هدف الوحيييد فهاد الحياة ... هوا بنتها . ومركزة عليه وغدير المستحيل على قبلو. هاد المرة الى بانت خرجي راسك من مشاكلها .. خليها منها لعلي هوا عارف كفاش يتصرف معاها .. نتي دابا قدام جنون الام على بنتها ... وراكي عارفة معنى الامومة وجدي راسك .
عنقاتها اشراق بقوة وقالت : ميكون غير لخير نشاء الله ... وهادشي عمرو يتكرر مرة اخرى ابدا
تكات فالليل منعسة استريلا على صدرها كتلعب ليها فشعرها وتجمع هي وياها ، واحداث النهار كلهم كيتعاودو قدام عينيها حتى داها النعاس .
صبحو عضامها عيانين ونفسيتها مريضة .. اللي وقع خلا اثار سلبية على نفسيتها وركب فيها الخوف وخلاها تفقد راحة بالها ... فكل مرة تخيل احداث وصدع وبركان نفاجر سلبها استقرارها مع علي وشتت شملها من جديد بسبب الحادث .. وهي ساهية عطات ريحة الحراق فالمقلة ديال البيض قدام عينيها وانتهبت ليها معطلة وهزاتها سخونة بيدها حتى تحرقات وحمارو ليها اصابع يدها ... حطاتهم فالطحين مطولا كتكمد الحرقة وخرجاتهم حومر منفوخين .. جاها اتصال فديك اللحضة مشات كتجري تالفة شادة فيدها وردت
- الو علي
رد باستغراب: مالكي ؟ كتبكي ولا شنو؟
ردت: لالا حرقاتني المقلة وصافي ...
رد : وا بشوية عليك شكون كيجري عليك ؟ ...... انا وصلت دابا فالمطار ... شوية ونكون فالدار
ردت بارتباك: واخا .. صافي .. على سلامتك
علي: الله يسلمك . يالاه .... نشوفك دابا شوية
اشراق: الله يجيبك على خير
قطعات وهبطات راسها كتنهد وتسوط وتردد
- ياربي كون معايا يا ربي ... ياربي
ناضت من جديد كتوجد الفطور اللي تحط ليه وتقاد الطبلة وتستف كل حاجة على خقها وطريقها .. مشات لبيت النعاس حلات الماريو كدور البيجامات وتشوف اينا وحدة تستقبلو بيها وجبدات وحدة شافت فيها مطولا ورداتها بلاصتها
- بيجامة بيجامة او مالي ناعسة فسبيطار ! نلبس شي حاجة زوينة كما الناس وانا مضروبة على بيجامات النعاس
جبدات دجين هاد المرة لبساتو ومعاه بودي كريمي مزير عليها بدونتيل من الصدر وطلقات الشعر من بعد ما خدات حمام زنك ليها الحنيكات .. مركب شفاه وتكحيلة فلعوينات ورشات ريحة ومشات خشات رجلها فبانطوفة كدور قدام المرايا وتشوف فراسها كي جات .
سمعات الباب كيتحل ومشات كتجري طلات لقاتو داخل كيضحك دافع الباليزات قدامو .. لاح لافيست علقها وحل يديه عنقها بقوة وهي كذلك .. هزات راسها تشوف فيه وقبلها من شفاها قبلات حارة كيراوغ حتى هربات وجهها وقالت
- استريلا ههه
تلفت وقال: فين هي؟
اشراق: باقا ناعسة ولاكن خفت تفيق على غفلة
شداتو من يدو داخلة بيه للبيت دفع الباب طل شاف استريلا ناعسة كتحرك وسط الفراش ودخل عندها بشوق تكا حداها كيشوف فيها ويلعب فشعرها .. انا اشراق رجعات جرات الحقائب للغرفة وطلات لقاتو مزال مع بنتو كيلعب ليها فنيفها تفيق .
حلات تينيها بتتاقل شافت فيه كأنها كتحلم ورجعات غمضات عينيها كتهضر معاه على المدرسة فمنامها وهوا كيضحك ويجاوبها .. هزها ناعسة على رجلو باسها فخدها كيحرك فيها ويضحك
تنهد وهزها معاه جهة الشنط وهي كدور بيناتهم وتنقز .. هادي ؟ ولا هادي ؟ واش هادي ؟ وهوا كيضحك ويحيد صباطو بقات بتقاشر رقاق فبلو مارين مخططين بلو مارين ومشا جلس القرفصاء بعد ما هز سروالو من فخادو وقال
- زربانة ؟
تنفسات اشراق الصعداء بعدما فاتت مرحلة الخطر ومشات وقفات حداهم وهوا كيضحك مع بنتو .. جر واحد الشنطة كبيرة جديدة حطها وحلها ليها خرج منها دبدوب زهري كبير مكمش شاد الباليزة كلها ... وقفو ليها وكان كبر من طولها بقات غير كتشوف فيه مصدومة وعنقاتو بقوة فرحانة بيه وجبد ليها صاك صغير كيشوف فيها ويضحك .. خرج منو قارورة ديال الريحة جبدها عطاها ليها تشمها .. جلسات حداهم اشراق طاوية رجليها فرحانة وقالت
فعلا داكشي اللي كاين .. ما فاق حتى للمغرب .. حتى بدات هي فطبخة اخرى واستريلا متكية كتفرج فالرسوم بشعرها محلول كل طرف فين مشير فجهة وحداها كاتي ناعسة بيد يديها كتلحس فزغبها .
سمعات الباب تحل وطلات باللور عليه شافتو خارج كيقلب على شنو يلبس فرجليه .. خشاهم فبانطوفة ودخل للدوش سد عليه .
خرج مدوش والفوطة ملوية على خصرو ولخرى على عنقو ودخل لقاها فالبيت كترتب الفراش اللي كان ناعس فيه .. سد الباب وبقا كيشوف فيها مستغرب .. مالها قالبة وجهها ؟
كملاتها فاش دازت من حداه بملامح باردة بغات تخرج وهوا يردها اللور تا كانت غطيح وكالاها بيدو
- ياك لاباس؟
ردت ببرودة: والو ... بصحة الحمام ... اجي تعشا
بغات تمشي وهوا يردها لور من جديد وقال
- مالكي ؟ شنو كاين ؟
ردت ببرودة : ماماليش اعلي واش بغيتي تميلو بزز ؟
علات حجبانها فيه وزادت خلاتو كيشوف ومشات حطات السلطات فوق الطبلة ولحم مبخرة مع مقبلات مغربية . وعصائر .
خرج بشورط اخر كيقلب فالبيت على استريلا لقاها متكية كتفرج فالرسوم حدا الطبلة ومشا جلس حداها عضها من ودنها وقال
- مشعككة ههه
جرها عندو جلسها على ركابيه كيضحك ويردد
- ااااجي اجي اجي عندي معاك واحد الحساااااب وعندي ليك واحد العقوبة
قالت متفاجاة: علااش!!
رد : ماعرفتيش علاش !! انوريك علاش
شدها بالهران وهي كتركل وتغوت واشراق داير يدها على خدها غير كتشوف فيهم وقاطعة الحس .
بقات غير كتشوف وهوا كيضحك بوحدو .. دارت يدها تعشات وطول لعشا ساكتة مكتجاوبش .. كيهضر غير مع بنتو حتى قرب يسالي وناضت مشات حكات سنانها ورجعات جمعات الطبلة خلاتو متكي معنق استريلا كيلعب ليها فشعرها والنعاس كيدي ويجيب فيها . دخلات للبيت سدات عليها الباب ومشات جلسات معصبة من طريقتو فالتعامل ... سرحات شعرها بغضب ولاحتو اللور وجلسات دايرة يدها على خدها فبينوار قصير كتمارس روتينها الليلي حتى حسات بيه دخل وسد الباب .. شافت فيه فالمرايا معبسة ورجعات هبطات عينيها كتمسح يديها بعصبية وتزفر بوحدها .
فجأة تحطات قدامها علبة حمرا كبيرة دفعها بصبعو بشوية قربها ليها فصمت كيشوف شنو دير ... بقات ساكتة واقفة على الحركة والمنديل فيدها كتشوف فيها بعينيها .. حط صبعو عليها حلها ليها بهدوء اندهشت كتشوف فيها طاقم ناعم كيلمع عبارة عن عقد رقيق راقي وخاتم وبراسلي وحلقات .. بقات كتشوف فاللمعان ديالو وهي على نفس الوضعية بدون حركة .. هز العقد بشوية ورجع موراها وهي كتشوف فيه فالمرايا .. هبط البينوار الناعم مع كتافها بقات بسوميج خفيفة وصدرها عاري .. حط العقد على راحة صدرها من الوراء وجرو لفوق شوية سدو ليها .. حط يديه على كتافها بلطف ونزل بقبلة ناعمة على عنقها حتى تشوك لحمها وهو عينو فيها فالمرايا وقال
- فنضرك ... غادي نساك .. ولا نتجاهلك؟
حطات يدها على العقد كتمرر اصابعها عليه وهوا كيشعل فعنقها فصمت ... هدوء تام .. ماصدرات حتى صوت فقط الصورة ديالها اللي كتعبر على كل شيء .. هز راسو شاف فيها مرة اخرى وقال
قرب من عنقها كيهضر ويضحك وقال : بغيتي يكونو معاك قدام استريلا باش نطيحو فماهوا كفس ؟ ولا بغيتي داكشي يبقا بيني وبينك خاص بطريقة ديال الزوج ومرتو ؟ شنو بغيتي؟
ابتسمت ليه فالمراية بخجل ودورات وجهها .. طلق منها مشا لباليزتو جبد منها بعض الصيكان الورقية كل واحد فلون عليها علامات تجارية مختلفة .. بين دوك الصيكان كان صاك صغير جبد منو علبة وحلها وطلع ريحة مدها ليها وقال
- شوفي واش تعجبك
شداتها فدهشة منبهرة بيها شماتها وقالت
- اممم .. زوينة بزاف
جلس حداها دورها ليها وقال : راه نيو كوليكشن ديال روبيرطو كفالي ..شفتيها ؟
ردت باستغراب: اه حقا .. لاحضت عندك غير ريحة وحدة .. مكتبدلهاش؟
رد ببساطة : هاديك كتعجبني وصافي .. نتوما البنات اللي كتموتو على هادشي راني عارف
بدات كضحك وقربات عندو باستو فخدو وقالت
- شكرا
ضحك بعفوية وقال : صافي ؟ هادي هي شكرا ؟
دورات وجهها كضحك بخجل حطات العطر حدا مجموعة العطور اللي عندها وحلات العقد بشوية رجعاتو لبلاصتو وهوا عاض على شنايفو كيشوف فيها ... شار بعينو جهة الصيكان وقال
- واشوفي شداكشي تما
جراتهم كضحك قدامها طلات لقات ملابس نوم كل وحدة بوحدها .. هزات وحدة فالفيولي بارد مايل للزهري شافتها وشافت القصة ديالها ورجعاتها بخجل للصاك بسرعو حدا بينوارها وملابسها الداخلية وبدات كضحك .. اما هوا كان كياكل فشنايفو متكي على ركابيه وهاز عينو فيها كيضحك وقال
- وا كملي
جرات داكشي جهتها وقالت بصرامة وجهها مزنك
- صافي ياه !! شكرا
جا يجر واحد الصاك وهي تجرو تاهيا وتقطع بانت سوميج دو نوي حمرا وهزها خطفها كيحل فيها ولقا فيدو السليب تاهوا عبارة عن خيط وطرف من الدونتيل وقال كيتلذد بعينيه وفمو
- عرفتي هادي كي غتجيك .. اوووفففف
طيراتها ليه من يدو كتحمار وتصفار وقالت
- صافي صافي راني عارفة
بغات تردها وهوا يشد ليها يدها وقال
- نوضي لبسيها نشوف كي غتجيك ..يالاه
خرج لسانو كيشوف فيها بضحكة مثيرة وهي مدورة وجهها ساكتة
هز ليها دقنها لفوق كيشوف فعينيها فصمت لمدة طويلة ونزل بقبلة دافية على شفايفها الناعمة .. انسجمو فقبل متسلسلة بوثيرة بطيئة مع لمسات ناعمة على الخد .. وثارة على اليدين حتى الاصابع .. وشيئا فشيئا هبط البينوار بشوية وسط القبل طاح فالارض وجرها من خصرها بطريقة مثيرة تهزات من بلاصتها طلعات لفوق ودارت معاه كتقبل شفاهو حتى رجعات جهة الناموسية وتكاها على ضهرها
بقا ساكت كيشوف فيها وقال : بغيتي ترجعي رجعي ... انا مغنبززش عليك تبقاي معايا ولا...
حطات صبعها على فمو وقالت بإحساس : علي انا كنبغيك ...
بقا ساكت كيشوف مطولا وكملات بنضرات حب
- انا بصح كنبغيك ... انا تحررت من واحد الحبس بسببك ... انا طه مابقا كيعني ليا حتى حاجة ... حتى حاجة والى تفارقنا غادي نعاني بسببك نتا ... وخايفة ماتكونش كتبغيني وكتشفق عليا .. والبلوك ك ان خطأ... حيت كنت كنعيش ضروف صعيبة معارفاش شنو كندير ... ولاكن دابا كلشي تبدل ... حياتي تبدلات .. حياتي وليتي فيها نتا .. وماستسلمتش ليك غير هاكاك حتى كنت كنبغيك وكنكن ليك واحد الاحترام .. واحد المكانة خاصة فقلبي ... الطريقة باش كنشوفك ماشي نفسها باش كنت كنشوف طه ... نتا كتعني ليا بزااف .. كنشوف فيك الام .. والاب والاخوة والزوج والحبيب حتى هوا ..
وضميري كيأنبني من جيهتك بزااف .. تعقل واحد النهار قلتي ليا اللهم واحد تعيش معاه شوية ديال الحب وبالك مرتاح ولا واحد تغرق معاه حتى لودنيك وتعيش فلعداب؟ ... انا دابا كنعيش الراحة والعداب بجوج ... كنشوف زواجي بيك مامبنيش على الصح ... مجرد خدعة وهادشي اللي كنعيشوه غيجي نهار ويسالي ... وخايفة من هاد الافكار تكون بصح ... من جهة اخرى كنحس معاك بالامان .. (حطات راسها على صدرو ) كنحس بيك سندي الوحيد ... راحتي و استقراري اللي خايفة يجي واحد النهار يتهز .. (شافت فيه ) انا كنبغيك اعلي بالطريقة الصحيحة ... كنبغيك بالطريقة اللي دايمة ... مابغيت فيك لا شكلك .. لا فلوسك .. لا حتى حاجة ... بغيت فيك قلبك ... بغيتك نتا ماشي شكون نتا ةشنو عندك ... وكنودك ونقدرك وكنتمنا تبغيني بعيوبي حتى انا ... حيت اي حاجة درتها ماشي بخاطري ولا بارداتي ... كلشي خارج الارادة ديالي . انا عاد بديت كنحس براسي كنضج ... كنفهم شي حوايج وكيتبدلو فيا شي حوايج . . . والفضل كيرجع نتا . (سكتات كتنهد بحزن وقالت ) كتبغيني؟
وضميري كيأنبني من جيهتك بزااف .. تعقل واحد النهار قلتي ليا اللهم واحد تعيش معاه شوية ديال الحب وبالك مرتاح ولا واحد تغرق معاه حتى لودنيك وتعيش فلعداب؟ ... انا دابا كنعيش الراحة والعداب بجوج ... كنشوف زواجي بيك مامبنيش على الصح ... مجرد خدعة وهادشي اللي كنعيشوه غيجي نهار ويسالي ... وخايفة من هاد الافكار تكون بصح ... من جهة اخرى كنحس معاك بالامان .. (حطات راسها على صدرو ) كنحس بيك سندي الوحيد ... راحتي و استقراري اللي خايفة يجي واحد النهار يتهز .. (شافت فيه ) انا كنبغيك اعلي بالطريقة الصحيحة ... كنبغيك بالطريقة اللي دايمة ... مابغيت فيك لا شكلك .. لا فلوسك .. لا حتى حاجة ... بغيت فيك قلبك ... بغيتك نتا ماشي شكون نتا ةشنو عندك ... وكنودك ونقدرك وكنتمنا تبغيني بعيوبي حتى انا ... حيت اي حاجة درتها ماشي بخاطري ولا بارداتي ... كلشي خارج الارادة ديالي . انا عاد بديت كنحس براسي كنضج ... كنفهم شي حوايج وكيتبدلو فيا شي حوايج . . . والفضل كيرجع نتا . (سكتات كتنهد بحزن وقالت ) كتبغيني ؟
عنقها بقوة وقال : كنبغيك ..
عنقاتو حتى هي مغمضة عينيها مطولا من بعد هزات راسها شافت فيه وقالت
- علي ... انا درت فحياتي ما يكفي من الاخطاء...وقررت ... معمرني نعض اليد اللي مدات ليا الطعام .. وخصوصا نتا ... (هزات حاجبها بتشكيك فيه ) واخا عارفة هاد الكلمة اللي قلتي دابا غير باش تراضيني ... انا غنكون صريحة معاك اعلي ... واي حاجة غتهز علاقتي بيك غنوضع ليها حد قبل متبدا .
بعدات عليه شوية وهوا كيشوف فيها باستغراب وكمشات لغطا على صدرها كترمش وتجمع القوة والطاقة ... هزات عينيها فيه وقالت
- علي .... هاد الاسبوع اللخر اللي كنت كنمشي فيه للكلية ... وقفاتني واحد المرى ... وقفاتني وماكنتش عارفة شكون ... قالت ليا انا اريانا
ناضت كتجري شافت فالساعة لقات الحال مشا عليها الكلية .. طلات على استريلا مالقاتهاش .. حتى شكارتها مكايناش .. تكون مشات للمدرسة ؟ وعلي فين يكون مشا ؟ مخدامش ليوم ؟
مشات تجري هزات تيليفونها عيطات على مدام جانسو سولاتها على علي ربما يكون مشا عندها .. لاكن لحسن حضها مامشاش .. وعنا حكات اشراق لمدام جانسو على اللي وقع وعلماتها باش يبقاو بجوج فنفس الكلام .
خدات حمام سريع ومشات صلاة صلاتها كطلب من الله يوقف معاها ويفك كربها .. ينور دريقها ويبين ويصفي دهنا المشوش .
لبسات حوايجها كالعادة وخرجات طلات مالقات لاسيارتو ولا سيارة الشيفور ... تمشات قدام الدار شوية حتى للشارع وخدات طاكسي وصلها للكلية ودخلات لتاحقات بدروسها .
خرجات مهدودة بالتفكير والتخمام وراسها غينفاجر .. دخلات للكافيتيريا جلسات شادة راسها وشادة كاس دالقهوى فيدها ومغمضة عينيها حتى سمعات صوت من موراها قفزها وجات جالسة
- اريانا !!!!
جلسات قدامها اريانا كتشوف فيها مطولا واشراق مصدومة وقالت
تنهدات اريانا وقالت : انا هدفي بنتي ... مابقا كيهمني دابا لا حب ... لا حتى حاجة ... بنتي هي هدفي الوحيد ... وغادي نوصل ليها ... غادي نوصل بغا ولا كره وخا يقتلني
.. على الاقل نبقا نشوفها .. نعنقها ونشبع منها ... تعرفني شكون انا .. من حقها تعرف على ماماها ... من حقها هي تقرر واش تبغي تشوفني ولالا ... ماشي من حقو يحرمها ويحرمني منها ويخليني كنجري غير باش نشوفها ... معايشاش كي الناس... ماكنعسش كي الناس ... بغيت نشوف بنتي وصافي
هزات اشراق صاكها ومسحات دموعها بسرعة ووقفات بغات تمشي.. وقفات اريانا حتى هي بتوسل وقالت
- انا ماعمرني غندير ليك المشاكل ... انا قلبي كيتحرق على بنتي .. وقلت ليك ديك الهضرة ماشي باش نخلق ليك مشكل ... صارحتك وصافي ونتي تعرفي ... انا غير قلت ليك
تنهدات اشراق كتشوف فيها وقالت : انا دزت من مشاكل كبر من هادشي ديالك ... وعاونتك حيت حتى انا ام وكنحس بالعداب باش كتحسي .. ولاكن منقدرش نمد ليك يد المساعدة مرة اخرى ... بنتك ولدتيها مع علي ماشي معايا ... حلي مشكلتك معاه هوا .. والى كان مزال كيبغيك .. راه انا اللي مغاديش نوقف ليك فطريقك كوني هانيا ... واخا نتي الصراحة ماتستاهليش .. مي الزهر كيتعطا للي بحالك ماشي اللي بحالي .
خرجات كتبكي وتمسح وسط الطلبة ديال الكلية ومشات كتجري شدات طاكسي مباشرة لمحل مدام جانسو ونزلات .. دخلات عليها لقاتها كتستف الوريدات وعنقاتها بقوة كتبكي
رد : شنو بغيت !!! كفاش شنو بغيت ؟ فييينك العشرة ديال الليل هادي ومن الصباح كنصوني عليك طافي تيليفونك
جلسات وتنهدات بميوعة وقالت: انا عند مدام جانسو
رد : وشنو كديري عندها فهاد الوقت ؟ وعلاااش ماقلتيهاش ليا ؟
اشراق: علي .. سير حل مشاكلك ... واخر مرة نسمح ليك تغوت عليا ولا تعلي عليا صوتك ... الى عندك شي حق عليا هضر عليه وبشوية ... وانا جيت نرتاح عند مدام جانسو وخليك حتى نتا ترتاح و...
اشراق: كن ماكانتش شي حاجة بيناتهم مكانتش اريانا غادي تقول ليا هضري معاه ولا سوليه وستفسري منو ... ولاكن مدام هي عارفة شنو وقع بيناتهم قالت ليا سيري عندو هوا يشرح ليك
مدام جانسو : نتي باش تبقاي بدم وجهك نقي متجبديش ليه الموضوع ديري راسك معارفة والو .. الخايبة هي تعرفي وتجلسي معاه بلا نفس بلا كرامة .. المهم خليك حتى تأكدي مزيان .. ومن تصرفاتو غيبان ليك
تندهات بتعب كتشوف قدامها وهوا كيصوني عليها للمرة الثانية فتخات الخط وردت
- الو
علي: انا حدا الباب خرجي عندي
خرجات للباب هي ومدام جانسو شافو السيارة على برا الجردة واقفة .. عنقات بقوة مدام جانسو وقالت
- رتاحيت عندك بزااف ماسخيتش نخرج من دارك
مدام جانسو : مرحبا بيك فاي وقت .. انا غير بوحدي و وحدة بحالي زارتني غنكون فرحانة بزاف
ابتسمت اشراق وشافت فيها بامتنان وخرجات حلات باب السيارة طلعات وسدات عليها الباب وقلبات وجهها .
تلفت شاف فيها وسكت كما قال ليها .. ديمارا الطموبيل فصمت حتى للدار ودخلات سبقاتو لقات الضواو طافيين .. مشات لبيت استريلا طلات عليها لقاتها ناعسة ففراشها وحداها كاس الحليب خاوي محطوط . ابتسمت وردات الباب عليها مشات لبيت الناس سدات عليها .. بدلات حوايجها ببيجامة وهزات لاتخوس دخلات للحمام غسلات وجهها و خرجات جامعاه رجعات للبيت لقاتو كيصلي .. حطات كلشي ومشات لبيت استريلا صلاة فيه ورجعات لقاتو واقف عاطيها بالضهر فصمت حدا البلاكار كيشوف فتيليفون .
شافت فيه بنص ومشات لفراشها تخشات وطلعات الغطا على كتفها وطلقات شعرها مغمضة عينيها .
طفا الضو ودخل حداها حتى حسات بيدو عنقات كتفها وقال بأسى قريب منها
- اشراق ... شوفي فيا نهضر معاك
مارضاتش وعنقها باس كتفها وقال : غلطت معاك لبارح عارف .. تعصبت شوية .. ونتي عارفة قضية استريلا كتعصبني ..
مارداتش عليه وهوا يعبط جبهتو على كتفها ساد عينيه مطولا وقال
- حاولي تفهميني .. راكي عارفة كلشي .. و كان عليك تعاودي ليا فتيليفون اللي وقع
تلفتات عندو بقات كتشوف فيه مطولا وقالت
- انا درت لي فجهدي باش نحمي استريلا نتا ماقدرتيش هادشي ... دخلت فمشاكل انا بعيدة عليها وماناقصينيش اصلا .. ولاكن رديتي ليا اللومة وعاملتيني بديك الطريقة .. شنو كيحساب ليك ماعنديش احساس؟
تنهد بأسى وطلع قبل جبهتها وقال شاد ليها فيدها
- راه بنتي اشراق بنتي .. راه بنتي وكبرتها بوحدي ... نتي ماشي برانية نخبي عليك هادشي ..
ردت بأسى كتشوف فعينيه وسط الضلام
- علي .. هاد الكره ديالك لاريانا كامل ماشي طبيعي
رد كيحرك يدو اللي شاد بيها يدها وقال : عادي ميكونش طبيعي .. راه وحدة خلات بنتها صغيرة واش عارفة هاد البنت شنو داز عليها ... خصها ترضع خصها الحضن ديال الام ... استريلا عانات بزاف وضحكو عليها التلاميد حتى شبعو ومرضات ليا مرضة خايبة ..عرضتها على طبيب نفسي وتعقدات وتعقدت معاها ... شحااال قدني نعاود ليك راه ماشي ساهل داكشي اللي دزنا منو لا انا لا هي ... شحال من مرة ديتها تفوج وتلعب مع الدراري الصغار فربع سنين وخمس سنين ..كنكون جالس حتى كتجي عندي كتجري كتبكي وتعنق على مها حيت عايروها .. ماجاتش ودارت عشر سنين .. راه دازت من مراحل وكل مرحلة صعب من اللي قبل منها .. وفاللخر تجي من بعد ماشبعات دوران ومساريا وتصاحيب تسول فبنتها وتقول ليك بغيت نشوفها ؟ اش غتشوف؟ واش هادشي ميعصبكش ؟ فاش كانت البنت كتكتر كتعيط ماما .. كانت كتقول ليا انا ماما اول كلمة ليها .. فين كانت هي مالباتش النداء دبنتها؟ كانت كتقول لاي مرى ماما فين ما ديتها .. عاد من بعد تعلمات تقول بابا .. فاش كانت كتسول عليها وتسناها فين كانت هي ؟ منين غنجيبها ليك ديك الساعة؟ منين نجيب ليها انا مها وهي كتبكي وطلع ليها السخانة بالبكا ونباتو فسبيطارات . كلشي سبابو مها اللي ماحناتش فيها وهي بيبي ... ونتي بغيتي منتعصبش .. بغيتني نكون عادي فاش تجي تشوفها !
بقات كتشوف فيه وقالت : علي فين مشيتي لبارح؟
رد بعفوية: مشيت عندها راه كنت غنقتلها
اشراق: مشيتي عندها وصافي ؟ ماوقع والو بيناتكم ؟
علي: باستغراب وتشكيك ) شنو اللي غيكون وقع مثلا ؟ نكون عنقتها بالفرحة ؟ .. ونتي باش عرفتيها غتكون وقعات بيناتنا شي حاجة ؟
الحلم الأسود الجزء 27
محتوى القصة
التنقل بين الأجزاء