قطعها بقبلة وقال : راه مابقاتش فالزين ..راك مزالة غالطة .. فرق بين واحد كتبغيه واحد كتعايش معاه .
اشراق: حتى اريانا كنتي كتبغيها
رد بسخرية : علاش كديري المقارانات .. كل واحد كفاش داير ونتي ... (باسها فعنقها) نتي زااايدة سكر ... وعندك احساس ماتبان قدامك لا سمانتا لا غيرها (هز راسو شاف فيها) اخر مرة تجبدي حس اريانا كيخسر ليا المورال
- والله تا كنبغيك تيقي بيا ... ربي حط فطريقي بالصدفة .. وبغيتك بعيوبك و ميزاتك ... واش انا غادي نخلص على وحدة ليكول نقريها ونعاونها ونصبر عليها بلا منكون كنبغيها ؟ من غير انها مرتي
شدات ليه فكتافو بعداتو شوية وقالت
- تقدر ... شحال من واحد مد المساعدة للناس.. الى عندو باش علاش لا؟
ضحك بالجنب كيشوف فجهة اخرى وقال
- ماشي انا ... ماشي انا اللي نصبر على وحدة مكتجدبني ليها حتى حاجة ... نتحمل مسؤوليتها غير هاكاك. (شاف فيها بنفس الضحكة) ماشي لخاطري تحملت مسؤوليتك الصعيييبة حيت ماشي شي حاجة ساهلة من غير المصاريف .. بلا الضروف اللي دزنا منها ... ماشي انا اللي نقرب من مرى بزز مني ..بلا مقدمة وبلا منكون واضح معاها من الاول وموضح نوع العلاقة اللي بيني وبينها ... نتي حالة خاصة... بوحدك اللي قربت منك بلا منهضر..بلا ما نوضح علاقتنا ... كن كانت وحدة اخرى كنت نقدر نتجاهلها (هز راسو كيسوط ويشوف بعيد مطولا وقال ) واخا تجلس معايا فالدار... واخا تلبس اللي بغات ... عادي بالنسبة ليا .. فوق هادشي عندي صاحبتي .. (شاف فيها مصغر عينيه) الاغراء ماشي شي حاجة ساهلة ... تقدر تكون ساهلة عند شي رجال ... ولاكن تغريني وحدة بضحكتها .. بهضرتها ... ولا شعرها مثلا.. ولا يديها ... حيت هادشي اللي كنت كنشوف فيك فالاول ... شي حوايج عادين انا غراوني .. على عكس الاغراء اللي تعرضت ليه بزااف .. اغراء حقيقي ... ولاكن باسل .
ميلات راسها شافت فيه وقالت : يعني بغيتي فيا هادشي ... الشكل
ضحك بسخرية : الشكل !! الشكل كاين عند 99 فلمية من لكنديات هنا وحدة تنسيك فلخرى .. مي قبل الاغراء راه كنت كنحس براحة فالهضرة معاك .. كنت انا اللي كنسول نتي عمرك سولتي ... كنت كنبغي نهضر معاك بالسوايع ... قلبي رتاح ليك .. واخا كانت عندي علاقة مع سمانتا مي كنت كنسول فيك وكنبغي نهضر معاه فإطار الصداقة .. عاودت ليك شحال من حاجة عليا ... سمانتا مكتعرف والو على حياتي الشخصية .. لا هي ولا غيرها ... مي نتي كانت عندك بلاصة خاصة .. هادشي مكيكونش باين غالبا ولاكن راه نهار على نهار كيزيد يبان . اما قضية الشكل اللي قلتي .. الصراحة عييت نغض البصر معاك .. عيت مقدرتش .. غلبتيني بأبسط الحوايج
ابتسمت بخجل ودورات وجهها كضحك .. بغا يتحنا عندها وهي دفعو من الصدر وقالت
- واخا هاكاك مزال مقنعتيني
بعد وجهه وقال: كفاش بغيتي نقنعك ؟ فشكل نتوما النساء صعيب لواحد يفهمكم
هزات رجلها حتى لكرشها ودفعاتو بعداتو وقالت
- فاش تفهمني قول ديك الساعة قول كتبغيني .
شد ليها فرجلها وجوها جالس وقال : صعيب نفهمك ونتي كل مرة عندك تفكير فشكل ههه
هبط راسو حتى لرجلها وشدها باسها وعاود باسها للمرة الثانية وهي بحال الاميرة ناعسة وطالقاهم كتشوف فيه محني على رجلها
قبلها بعيون مغمضة وبدا يبوس فاصابع قدمها ويمصص وقال
- هادي ديال عشقي وجنوني بيك
حرك فيها الغريزة وبدات تصهد وهوا كيقبل ويمصص اصابع رجليها بطريقة جنونية بطيئة .. بدات تحرك اصابعها بتجاوب معاه بين شفاهو وتخرج صبعها من فمو فين يدخل الاصبع الاخر بإثارة مع لمسات يديها المثيرة على رجلها وهي كتعض طرف من شفاها وتشوف فيه
وقفات كضحك من بعد ما لبسات استريلا ملابس المدرسة وهزات صاكها .. تلفتات جنب شافت فعلي اللي خارج من غرفة النوم بملابس العمل وقالت بابتسامة
كانت اشراق جالسة كتفرج حتى قفزها شي واحد من اللور وتلفتات مخلوعة لقات علي واقف وكيضحك
اشراق: ناري خلعتيني
هبط للدرج اللي جالسة فيه وجلس حداها عنقها وقال
- كتخلعي بوحدك ههه
اشراق : ماحسابش ليا غتجي ؟
علي : علاش ؟ جيت من الخدمة نيشان نشوفكم ... باقي مخرجو ؟
اشراق : نوبتهم مور هادو .
رد بحماس : على الله تنجح تشارك فالبطولة
اشراق: نشاء الله غتنجح ... راسها خفيف
علي: ماكرهناش .
اشراق: تبغي بنتك تمشي فهاد الميدان
رد بالتسامة كيتفرج : علاش لا ؟ الرياضة زوينة ماكرهتش شي نهار نشوفها بطلة ... دابا مللي بدات صغيرة كنضن غادي تقدر تكون شي حاجة من هنا لقدام .. الى هي عطات لهادشي اهمية
اشراق: بصح تقدر حيت بدات صغيرة
علي: من هنا ل 18 عام تقدر تكون تشارك فبطولات عالمية ... الى جتاهدات ... على الاقل تحقق داكشي اللي ماقدرتش نحققو انا
ردا باستغراب: علاش شنو اللي ماقدرتيش تحقق؟
رد بابتسامة : كنت منلعب البوكس فاش كنت صغير ... وفاش كنت فالمغرب .. شاركت حتى انا فشحال من مسابقة ونجحت .. كان عندي طموح نمشي بعيد ولاكن الاقدار بدلات ليا كلشي ... جيت لهنا .. خدمت تزادت عندي بنت .. سمحت فداك الطموح باش بنتي تعيش ... كنتمنى هي تحقق نجاح وتكون بطلة كبيرة .. هاداك هوا النهار الكبير
سدات ليها الصباط ونوضاتها مسحات ليها وجهها وجمعات ليها شعرها .. قطعات فيها البكية ضنا انها خايفة من الامتحان و قصحات معاها على امل تردها للطريق وتحيد منها الخوف .
خرجو البنات وحدة مور وحدة بكسيوات جميلة ومشيطات دالشعر كيتزلجو ومعاهم استريلا هي الاخيرة ... مع الخرجة هزات عينيها الحمرا بالدموع شافت باباها معنق اشراق كيضحك وباسها على خدها وهي تقلب وجهها وبدات ترعد ورجليها كيلعبو ماقدراتش تشد توازن ديالها ..
استغرب علي وجمع الضحكة من بعد ماشاف شي حاجة غريبة كتوقع معاها على غير عادتها و حتى راسها ماتهزش من الارض وقال
- مالها ؟ جاتني فشكل
بقا كيشوف فيها باستغراب وهي واقفة جامعة يديها مور ضهرها وركابيها ملاقيين كتشوف فالارض .. دازو البنات كاملين وسفقات ليها المدربة قائلة
- استريلا.... هيييه استريييلا ... يالاه نوبتك
وقفات كتشوف فبعض العلامات ملونة محطوطة فالارض ولازم تنجح فتخطيها بحركات معاكسة لعبضياتها وتنتاقل للعبة الثانية والثالتة وتقدم فالاخير رقصة تزلجية من ابداعها كما باقي الفتيات .. تقدمات كترعد ورجليها كيميلو على غير العادة تحت انضار علي واشراق .. لاكن فجأة سقطت سقطة قوية وصلاتها لابعد نقطة فانزلاق فاقدة لوعي .
وقف علي واشراق مخلوعين .. ونزل علي كيجري نقز فوق الحاجز اللي بينو وبين ارض التزلج البيضاء .. زلق جا جالس ورجع وقف على رجليه كيجري عندها والمدربة مخلوعة كتحرك فيها تفيق .. تبعاتو اشراق كتجري ضايرة من الحاجز حتى للباب وتصادفات معاه هازها مخلوع كيجري بيها وجلس فوق كرسي كيضرب ليها فوجهها الصغير ويفيقها بجنون ويقلب اعضائها واش متضررة .. تجمعو المدربين عليهم كل واحد كيحلل الحادث ويقدنو ليه الماء ويقلبو راسها واش متضرر .. لاكن لحسن الحظ ما وقع ليها حتى شي كسر فقط خدش حدا خدها وبدات تحل عينيها تدريجيا وترمش بتتاقل .. شافت راسها ناعسة بين يدين علي والوجوه دايرين بيها وتخلعات حلات عينيها خايفة .. عنقها بقوة كيمسح على وجهها وقال
- ماتخافيش هاباباك معاك ... ماوقع والو ماتخافيش
دورات وجهها كتشوف فيهم كانها كتسائل شنو وقع وعلاش الكل مجموع عليها .. ابتسمت المدربة ليها ولمسات خدها بهدوء وقالت
مشات المدربة كتجري وموراها اشراق خدات من عندها الصاك ورجعات عطاتو المونطو لواه عليها وخدات الحداء خشاتو فالصاك وناض هزها مخبيها خرج من تما واشراق موراه تابعاه كتجري
حطها فوق السرير ديالها بشوية وهي ناعسة وتكا حداها كيدوز يدو على راسها ويحل ليها العقدة دشعرها وكيهضرو بصوت منخفض
اشراق : نحيد ليها الكسوة ؟
علي: غاتفيق غير خليها هاكا
اشراق: لالا مغاتفيقش غنحيدها ليها بشوية باش ترتاح .. بلاتي
جلسات جنبها من الجهة الاخرى حلات ليها السنسلة وبدات تحيدها بشوية وعلي متكي شدا ليها فيدها كيبوس فيها ويدوز يدو على عنقها وخدها فتسائلات كثيرة بينو وبين براسو... تنهد وشاف فيها قائلا
هز راسو كيسوط عاض على شانيفو بغضب قاتم ورجع غمض عينو وتحنا كيطل على استريلا وقال بهدوء
- فين شفتي سمانتا؟ فين تلاقيتيها ؟
تلفتات بعفوية كتجبد فكروقيتة وقالت
- فنادي
علي: فين فالنادي؟
استريلا: فاش كنت كنلبس حوايجي
علي: وتما جات عندك وبدات كتهضر معاك
حركات استريلا راسها بالايجاب وهوا يرجع اللور كيسوط ويغزز سنانو .. ناض من حداها بابتسامة وقال
- كملي ماكلتك ابابا هانا جاي .
ربعات قدام البلاطو كتاكل وناض هوا خرج من البيت كيزفر هاز راسو فالسما .. عض على شنايفو كيفكر ساد عينيه وحرك راسو بالايجاب ومشا للبهو لقا اشراق جالسة شادة تيليفون فيدها .. غير خرج دورات وجهها للجهة الاخرى وحطات يدها على نيفها فصمت .. مشا جلس حداها عرفها كانت كتبكي وعنقها بيدو كيدوز بلطف على كتفها وباس خدها بلا ميهضر .. جبد تيلي ديالو من الجيب وتاصل بالمدربة من بعد ماشاف الساعة لقا لحال باقي شوية والوقت مناسب انه يعيط .. حط تيلي فودنو عاقد حجبانو كيشوف قدامو ويدو على اشراق كيمررها بلطف .. تفتح الخط وجمع يدو بسرعة وقف وقال
- وي مدام ... سافا الحمد لله .. رتاحت شوية .. الله يخليك بغيت نسولك ... دخل شي واحد عند استريلا لتما قبل مايبدا الامتحان ياك ؟ شي مرى دخلات وهضرات معاها ..... امم دونك دخلات عندها ... شفتيها .... اهاه كانت كتهضر معاها ... لالا ماشي حاجة غير بغيت نسولك وصافي .. شكرا بزاف ... نقدر نحتاجك فشي حاجة امدام .. غدا نعاود نتاصل بيك . بون وي
قطع معاها واشراق كتشوف فيه باستغراب .. تنهد كتغدد وتاصل برقم اخر كانت هي المديرة ديال جمعية حقوق الطفل اللي كتعرفو هوا وبنتو وسانداتو فجميع حالاتو اللي مر بيها .. بابتسامة رد عليها كيسول على الحال والاحوال وجلس فوق واحد الطبلة كيهضر معاها على بنتو والحادث اللي تعرضات ليه والتعديب النفسي الناتج على الاغماء .. طول الحديث معاها مطولا وابتسم بهدوء وقال
- لا خدامة معايا ومابغيتش نتقدم بشكوى ضدها حتى نشوف معاك ونشوف واش كاينة شي نتيجة ... اممم .. صافي انا غدا الصباح غادي نقدم شكوى ضدها للادارة العامة فالخدمة على بيدمن نتي تقومي باللازم .. حيت ميمكنش بنت صغيرة تعرض لهاد النوع من التعديب النفسي ونبقاو ساكتين ... حتى المدربة كانت حاضرة وشافتها وغادي تشهد .. وانا مغاديش نتنازل على الدعوى حتى تاخد العقاب ديالها .. سواء يطردوها من الخدمة او تعاقب المهم مغاديش نرتاح حتى ندمها على هادشي اللي دارت ... لالالا انا مغاديش نخدم معاها العنف ما والو .. انا غنمشي معاها قانونيا حتى تربا اما العنف ماغاديش يربيها وغادي تقلب ليا التهمة ومابغيتش نطيح فالفخ ديالها .. مدام انا وياها فنفس الخدمة تقدر هي تقدم بشكوى ضدي الى هاجمتها ... حتى الهضرة مغنهضرش معاها حتى تجيها الشكاية ويعيطو ليها يتفاهمو معاها
وقفات اشراق باستغراب من بعد ما قطع وقالت
- شنو واقع؟ ياك لاباس ؟
جرها من يدها عنقها من خصرها وقال
- غدا الصباح غادي ناخد استريلا عند طبيب ديالها
اشراق: علاش هادشي كامل ؟
علي: خاصني التشخيص ديالها كامل .. غندفعو للجمعية
اشراق: علاش شنو قالت ليك واش عندها شي حاجة ؟
رد : ديك الطيحة ديال الصباح كانت وراها سمانتا .. عمرات ليها راسها بشي هضرة وشي تخربيق... دابا هادشي علاش غنديها للطبيب هوا غيعرف يتعامل معاها وهي مولفة تهضر معاها من صغرها .. غيعطيني الشخيص ديالها والحالة النفسية والاسباب باش الجمعية يكون عندها دليل تهاجم بيه سمانتا فهمتي دابا ... ماعلينا دابا حاولي تبقاي مزيانة مع استريلا وحاولي ماتقربيش مني نهائيا قدامها . مابغيتهاش تربط الاحداث ونطيحو فالمشاكل حنا بعاد عليها .
بغات تنوض من حداها وهي توقف استريلا بسرعة مخلوعة واشراق غادية جهة الباب .. بدون شعور بدات كتبكي وتبعاتها كتجري عنقاتها .. متوقعاتش منها اشراق ردة فعل بحال هادي وانها غادي تبكي وتصدق كلامها لهاد الدرجة ... خرج علي من الحمام كيسد سيور الشورط مخلوع وحل عليهم الباب بسرعة وقال بخوف
- شنو وقع مالها علاش كتبكي؟
شاف استريلا معانقة هي واشراق وكتردد
- لا ماتمشيش بقاي ماتمشيش
عنقاتها اشراق بقوة وهز علي راسو كيسوط من الخلعة وقال
- تأ غتسكتو لينا القلب شي نهار اففف
رجع للطواليط سد عليه في حين هزاتها اشراق من بلاصتعا كتبوس فيها وضهرها عوج
طلقات استريلا ضحكة هستيرية بل صرخة خرج اترها علي بسرعة طل عليهم مخلوع حساب ليه شي حاجة وتزفر مكمش فمو فجهة وحدة وبقا كيشوف فيهم وعلى ضحكهم الباسل ومشا سد الباب ورجع للحمام
خرج موضي كيشهد شاف فيهم بنص عين وهما كيلعبو ومشا صلى ورجع عندهم تكا حداهم كيضحك وقال بمزحة
- دابا مغاتمشيش تنعسي فبيتك ؟
ردت بالنفي: الااا غنبقا نعس هنا
تكمشات الوسط عنقاتو بقا هوا غير كيشوف فاشراق .. هز نص حاجب بابتسامة وتقلب كيتنهد طفا الضوء حداه ودخلو فالفراش كاملين .
عنق استريلا بيدو وصلها حتى لاشراق كيداعب عنقها وهي تجرها استريلا حطاتها فوق راسها .. حك ليها شوية حتى تلاقا الرمش مع الرمش ومد يدو لاشراق بمداعبة وهي تقلب استريلا على ضهرها جرات ليه يدو شداتها وحطاتها على حنكها .. ربعات اشراق يديها في حيرة ساكتة وغمضات عينيها .. بدا النوم كيدي فيها ويجيب وبدات تحس بلمسات يدو على خدو حتى فرقات فنوم عميق .
حلات عينيها بتتاقل دايخة وكتفها كيتحرك وشافت حداها لقات علي واقف جهتها كيوشوش ليها تنوض .. استغربات و حط صبعو على فمو فصمت بأشارة منو تنوض وناضت شادة فيدو خرجو من البيت دخلو لغرفة استريلا وسدو الباب .
بسعادة وسرور حطات طبسيل ديال الحلوى فوق الطبلة للفطور وقالت
- غتوصلني للكلية ؟
حط كاس القهوى وقال : غنوصلك ونرجع بالزربة ندي استريلا للطبيب كما قلت ليك البارح
تنهد وقال : مرحلة الخطر زيد عليها مرحلة العادة الشهرية .. هي 15 ليوم فالشهر ( ضحك بسخرية ) زوينة هادي .. الريجيم هادا
دورات وجهها للجهة الاخرى كضحك وهوا يشوف فيها وقال بأسى
- كضحكي عاجبك الحال!
دورات وجهها وقالت بخجل: شنو بغيتي ندير ليك ؟
رد بأسى : ميمكنش نتي عايشة معايا فدار وحدة نبقا انا كنتسنا فترة النقاهة دوز ... مانرتاحش حتى فزواجي
ردت : وانا شمو فجهدي ندير ليك فكر لراحتي حتى انا
شد فيدها وقال: معلوم كنفكر لراحتك حتى نتي .. راحتك هي اللولة ( تنهد بأسى ور وجهه شاف فيها بأسى ) متأ افف.. التعديب هادا
دورات وجهها كضحك وهوا يقلب وجهه جهة النافدة كيضحك وقال
- ااااح انما للصبر حدووود
وقف السيارة شاد فيدها حدا الكلية وسط الزحام ونزلات غادية جهة الباب .. فجأة شافت اريانا واقفة تما وكتقلب بعينيها كأنها كتقلب عليها .. هبطات اشراق عينيها كأنها مشافتهاش ومشات مباشرة جهة الباب حتى كتوقف قدامها اريانا فجأة
اشراق: اشنو بغيتي مني ؟؟؟
اريانا : بغيت نهضر معاك ...
جرها علي من دراعها بقوة مشا بيها بعيد على الباب بلا متفهم منين نزل وتباعاتو اشراق بسرعة شدات فيه .. غزز سنانو شاف فيها وقال
- شكاديري هنا ؟؟؟
ردت بقوة : انا عيييت ما نتودد ليك اعلي توريني بنتي ... ونتا حلفتي ما توريها ليا
صغرات فيها اشراق عينيها وقالت : علاش بغيتي تخلقي ليا المشاكل مع راجلي؟ هااه ؟ دخلتي ليا الوسواس وخلقتي المشاكل على والو ؟ واش غرضك ؟ لشنو بغيتي توصلي
زفرات اريانا وقالت بحدة : شوفي .. انا غرضي هوا بنتي ... محروقة على بنتي ... والى كان قالك شي حاجة راه درتها طامعة فيه غير رأيو ... كن تجاوب معايا كنت غنبقا نهددو باش يوريني بنتي ولا نخلق ليه مشكل .. هادا هوا الهدف ديالي من هادشي ...
اشراق: وعلاش قلتي ليا حاسة بيه باقي كيبغيك ؟
اريانا : ماديش عليا وعلى تخربيق ديالي ... تخالطو عليا الاحاسيس وليت كنقلب على اي طريقة ... واش فهمتي .. ااااي طريقة حيت جربت جميع الطرق منفعوش .. الهدف من هادشي هوا بنتي .. بنتي وصافي .. اما علي انا حيدتو من بالي واخر احتمالاتي هي نرجعو انا وباه ومن سابع المستحيلات ... وباش تفهمي كتر .. انا وعلي بحال الماء والزيت .. عمرنا مغنىجعو ... حيت انا مغنقدرش نرتاح معاه وهوا مغيصبرش على سيستيم حياتي ... نتي وياه من بلاد واحد .. تقافة وحدة .. تقدرو تفاهمو .. لاكن انا منقدرش نعيش معاه وهوا ميقدرش يعيش معايا وهادا هوا السبب اللي خلانا نتفرقو ... كل واحد كفاش عاش.. كل واحد وتقافتو .. ومستحيل يتقبلني ولا نتقبلو . هادا علاش همي الوحيد بنتي ... بنتي وصافي
اشراق: وكنضن هادشي مناش خايف .. خايف بنتك تبعك فتقافتك وتولي بحالك ... والبنت ميمكنش تقسم عقلها لنصفين .. نصف بتقافتك وتفكيرك ونصف الاخر بتاقفتو هوا وتفكيرو .. من الاحسن نساي هادشي راه مستحيل علي يتنازل ليك
شدات اريانا فراسها بنفاد الصبر وقالت
- شكون قالكم انا بغيتها تبع تقافتي ... انا متبغيت والو من غيرو نشوفها .. نششممممم ريحتها .. نعنقها ... نخرجها ... ماشي مشكل تعيش مع باها ولاكن على الاقل يخلي ليا غير ساعة فالاسبوع نجلس فيها مع بنتي ... علاش مابغيتوش تفهمو (حطات صبعها على فمها كالقسم ) كنقسم بأعز ماكنملك فهاد الدنيا ... بحياة بنتي .. بحياة اغلى الناس على قلبي .. ما بغيت نخرب ليك حياتك ولا نخرب حياة بنتي .. ولا ندخل بيناتكم .. (عاودات نفس الحركة ) كنقسم ليك باللي بغيت نشوفها ومنغير حتى حاجة فالمنهج ديالها .. لا دينها ولا عقليتها ولا حتى حاجة .
اشراق باستغراب: نتي واش مسيحية ؟
ردت اريانا : اه .. ومغاديش ندخل فدين بنتي ابدا
اشراق : وكفاش حتى علي تزوج بيك ونتي ماشي من دينو !
ردت بعد صمت : منقدرش نسمح فيها .. وفنفس الوقت منقدرش نصبر على فراقها ... (شافت فيه بعمق) علي ... الى شي نهار خطيتي فحقي مثلا .. وغلطتي معايا وهربت ليك بولدك ولا بنتك ... تقدر تصبر ... ومابغيتش نسامحك ؟ شنو دير ؟
بقا ساكت كيشوف فيها باستغراب وقال
- وعلاش نتي غادي تهربي بيه ؟ المشاكل ديال المرى والراجل مكندخلوش فيهم الدراري الصغار
هزات حاجبها : هانتا قلتيها ... مكندخلوش فيها الدراري الصغار؟ واستريلا ماشي من الدراري الصغار؟
دور وجهه بلا مبالات : اووف اشراق ...
ردت بية وهدوء : استريلا كبرات .. طالعة ف 11 لسنة ... شحال بقات ليها كاع وتولي مسؤولة على راسها ؟ بنت بحالها بجنسيتها فدولة ديال الحق والقانون واش تقدر نتا تواجهها بحقها الى كبرات وتبدلات وقررات تختار حياتها ؟ تقدر تلزم عليها شي حاجة هي مابغاتهاش؟
عقد حواجبو وشاف قدامو فصمت .. حطات يدها على فخدو وقالت
- حنا غير كنتنتاقشو وصافي ... كنهضرو على شي حوايج غاددين وكنقربو منهم ...(تنهدات ) علي نتا علمتيني بزااف .. علمتيني شي حوايج مكنتش عارفاهم .. تعلمت منك ولاكن فهاد النقطة كنشوفك تالف .. غالط وتايه وغادي تآدي غير راسك ... وانا مابغيتش نشوفك كتعدب شي نهار ... مابغيتش نشوفك منهار وجهدك تسالا ... استريلا مامعاهاش اللعب اعلي ... راه غتكبر واحد النهار ويتبدل تفكيرها ويقدر ميعجبكش الحال نتا حيت متعلق بيها بزااف كتشوف فيها كلشي .. وهادشي غادي يآديك
بقا ساكت مطولا وتلفت شاف فيها وقال
- شنو باغا تقصدي ؟
بقات ساكتة شوية وقالت : علي ... خلي لاستريلا حرية الاختيار .. هي تختار تشوف مها ولا متشوفهاش .. ماشي تكبر وترد ليك اللومة ... واريانا مغاديش تستسلم ونتا مغاديش تصبر على غضب استريلا ديك الساعة .. وانا منقدرش نشوفك كتعدب وعارفة بنتك هي روحك وهي الحياة كلها ... ماحدها صغيرة كتسنط ليك غادي تقدر تسيطر عليها وتولف شوية بشوية .. على الاقل تعرف باللي مها كاينة حداها وقريبة ... على الاقل تشوفها مرة مراا... ماشي يجي شي نهار تقول ليها اريانا راني عييت نتبع باباك وهوا مابغاش يخليني نشوفك حتى كبرتي .. وترد ليك نتا اللومة .. وانا متأكدة هادشي غيوقع لا محال
دور وجهه كانه ماسمع والو وجمع يدو ربعهم كيشوف فاستريلا ساهي واشراق تاهيا ساهيا حتى واحد فيهم مامركز حتى علنات المدربة على اسماء البنات المتأهلات للمسابقة وذكرو اسم استريلا معاهم عاد انتابه علي واشراق ووقفو كيسفقو ليها فرحانين من بين الاباء والامهات اللي جالسين حاضرين
خرجها علي شاد فيدها لابسة المونطو ديالها فرحان وهي كتر واشراق ساهيا فيهم بجوج .. غادي كيهضر مع استريلا وهي كتنقز قدامو حتى للدار .
هز علي استريلا ببيجامتها من حداه ناعسة وباس خدها قائلا
- عيات مسكينة ههه... غنديها للبيت
مشا جهة بيت بنتو وحطات اشراق صحون العشا فالغسالة ودخلت لبيتها جلسات قدام مرايتها مارسات الروتين ديالها ومشات لفراشها بسوميج دو نوي تخشات .. دخل وسد الباب موراه وحيد تيشورط والسروال حطهم ودخل حداها بالبوكسر كيفرنس .. ميلات راسها شافت فيه كتعيبو وقالت
دور وجهه فخطرة بغا يدو بنرفزة وهي تحط يدها على وجهه دوراتو عندها كتهضر بشوية وقربات ليه باست شفايفو حتى تبت وبدا يتجاوب وبعدات شوية وقالت كداعب لحيتو
انا بغيت ليك غير لخير احبي .. مابغيتش شي حاجة ضرك؛ (باستو شفاهو بلذة ) بغيت تعيش معايا ونتا مرتاح ... حياتك كلها ... انا .. ونتا .. واستريلا ... ومايبقاش الخوف بيناتنا .. مانبقاوش ديما خايفين
بعدات شوية كتشوف فيه وهوا شد فيدها اللي على وجهه وقالت
- فهمتيني اكبيدة ديالي ؟
رد بعد صمت كيشوف فيها بعناد : ولاكن مها ماتصلاحش ليها .. وماتستاهلهاش
قربات حدا شفاهو حتى حلهم باش يبوس وقالت
- نتا حسن منها ... ولمصلحتك ماشي لمصلحتها.. باش متلقا حتى سلاح ضربك بيه من هنا لقدام ... وتصدق خاسر كلشي ... نتا بهاد العناد ديالك كتعطيها السلاح بيديك باش تقتلك ... وغضربك ببنتك .. (باستو بلذة وبعدات شوية ) احسن حاجة درتيها هي ماكرهتيش استريلا فيها ... ماقلتيش ليها سمحات فيها ... هاكا غيكون ساهل عليك تكمل ... وتهضر معاها بشوية ... لمح ليها مثلا... شوف ردة فعلها ... وخليها تبغيك نتا ... تبقا كتموت فيك نتا بلا كدوب.. بلا ضغوطات ... هاكا غتبقا متعلقة بيك ومستحيل تفرق عليك.... وفاش تكبر ... واخا تسمم ليها مها افكارها باللي بغات ... غتكون نتا ضربتي لفاكسان ديال داك السم ... وماتلقا اريانا منين تشدك ....( هبطات يدها على عنقو) انا متأكدة استريلا غتختارك نتا ... حيت غتجيها الهضرة منك نتا ... ومولفاك نتا ... ماعندهاش القلب ديال الام .. واخا تعرفها غتجيها عادية ... لاكن الى كبرات (حطات صبعها على شفاهو ) و بانت مها .. غترجع ليك اللومة ... ونتا متقدر دير حتى حاجة ... متقدرش حتى تنكر حيت هادي هي الحقيقة ... من الاحسن تكبر مع الوضع وتبقا تحت يدك ... على انها تخرج من بين يديك وتهرب منك .. السبب هوا انك بعدتي مها عليها .. مها اللي كتقلب عليها وماخليتيهاش تشوفها . (حطات يدها على قلبو ) فهمتيني علاش كنهضر .... المرى غتفهمها غير المرى ... نتا متقدرش توقع شنو كيجي من شيطان العيالات اعلي ... ولاكن انا نقدر نتوقع
هبط ليها يدها بشوية على فمو وقال بتفكير عميق
- اريانا غادي تخرج عليها ... غادي تعلمها شي حوايج انا مابغيتهمش ليها ...
ميلات راسها ودوزات صبعها على لحيتو
- مثلا؟ بحالاش هاد الحوايج ؟
شاف فعينيها بتركيز وقال : نتي عارفة الثقافة ديال الكور .. ماشي بحالنا ... الى أثرات عليها اريانا وسمعات ليها غادي تولي بحالها ... زيد على هادشي .. غتبقا تشوفها كتشرب ... كتكمي ... وتبدل فالصحاب ... وهادشي حنا ماعندناش .. وهما عندهم عادي ... يضحكو عليك الى قلتيهم لا علاش... غتجيهم نتا غبي ... فهمتي ... حنا بوحدنا .. وهما بوحدهم ... ديك الساعة استريلا غتولف ... وفاش تشوف مها كدير هادشي غيبقا يبان ليها عادي ... غترجع تكمي .. تشرب ... تفسد .. وماعنديش الحق نهضر فاش تفوت 18 لسنة .. ماعليا غير نشوف ونسكت .. وانا مابغيتش هادشي
شدات ليه فدقنو وقالت : الى عرفتي تربي بنتك ... وتخلي راسك كبير فعينيها .. مستحيل يجي شي نهار وتقلب عليك وجهها ... المسألة ماشي مسألة خوف ... زعما الى خافت منك دير بكلامك .. الى مخافتش دير لي فراسها ... لا ...نعطيك مثال ... انا دابا واش كنخاف من بابا؟ ... لا ... ولاكن المكانة ديالو والمرتبة اللي انا حاطاه فيها وكنشوفو شي حاجة مقدسة ... الرهبة والشعور اللي كنحس تجاه بابا اللي ميمكنش ليا نوصفو ليك .. كيخليني منقدرش نقول لا ... منقدرش نوقف ضدو .. منقدرش نطلع النفس قدامو احتراما ليه .. ماشي خوفا ... وصبرت لشحال من حاجة تسبب ليا فيها ... ولاكن ماقدرتش وماعمرني نقدر نوقف ضدو ... مرة وحدة هربت .. حيت كنت خايفة بصح .. من بعد خضعت ليه ... حيت هوا اللي رباني .. هوا اللي كبرني .. هادا علاش منقدرش نطيح ليه الكلمة حيت ماعنديش الجرأة والطاقة .. ربا فيا واحد الجوهرة كتلمع فكل مرة كيوقف قدامي فيها .. ديك الجوهرة نقطة ضعفي .. هوا رباها فيا (حطات يدها على صدرو ) هادشي اللي خصك تربيه فبنتك الحبيب ديالي ... وهادشي بيديك نتا ... نتا كتعرف بينتك كثر مني ... الخوف منك غيجي نهار ويمشي ... ولاكن الاحترام .. والتقدير ... والحب .. عمرو مكيمشي الى كان نابع من القلب واخا يوقع اللي بغا يوقع ... وانا كنشوف استريلا فيها هاد الميزات .. مكتردش عليك الهضرة ... كتقدرك وتحتارمك وكنبغيك حب حقيقي ... حافظ على هادشي حيت هوا اللي غيخليها تسمع ليك ... وتخضع للاوامر ديالك .. حيت بطبيعة الانسان .. كيخضع غير للي كيبغي قلبو وكيأثر عليه
قربات ليه قبلاتو بشغف مطولا وعنقها كيتبادل معاها القبل لمدة طويلة من بعد بعدات بشوية كتشوف فشفاهو وقالت
- فكر فهادشي مزيان
دوز يدو على شفاها وقال : والى تأثرات بأريانا ؟
ردت بهدوء واغراء: عمرها متأثر ... الى قنعتيها باللي داكشي خايب .. وحرام ... حيت بأريانا وبلا اريانا عي غتشوف داكشي ... هي فبلاد فيها كلشي يجوز الحبيب ديالي ... ميمكنش ليك تبقا تابعها حياتك كلها ... انا بابا عمرو بزز عليا الحجاب.. ولا الصلاة ... ومني راسي كنت مستقيمة دائما الحمد لله ومشيت فطريق حتى واحد مرسمها ليا ... وبقيت عليها ومقدروش صحاباتي يحركوني منها ... حتى انا عرفت بنات كيكميو .. كيشربو ... كيفسدو ... منكرش باللي تعرفت على ولاد . ولاكن عمرني تجاوزت الحدود .. وديما فارضة الاحترام ... هادشي اللي كاين هنا .. كاين حتى فالمغرب ... بابا وماما مكانوش كيعرفوني شنو كندير ... حيت البنت مكتحضاش .. البنت كتربا من الاول ... الى مكانتش مربية من عند الله خاصك نتا تربيها ... نتا تزرع فيها الاخلاق .. ويكون عندها مبادئ وقيم تمشي عليهم .. وخليها ديك الساعة هي غتعرف تصرف الى فعلا عرفتي تربيها
شد ليها فالدقن ديالها بتأمل فشفاهها وقال كيمرر صبعو على وجهها
- استريلا باقا صغيرة .. باقا مكتعرفش شحال من حاجة
قربات ليه كنر باغراء هازة حاجبها وقالت
هادا هوا الوقت فين تعمق معاها كثر ... نتا الوحيد اللي قادر تعمق معاها وتسمع ليك وتيق فيك ... من دابا خصك تدخل معاها فالتفاصيل .. ونسا باللي استريلا صغيرة... استريلا كبرات ونتا مزال كتشوف فيها صغيرة ... البنت فسن البلوغ ... ونتا عارف هاد السن ... غتبدا تبدل .. غتحول من طفلة لمراهقة ... غادي تحس بتغييرات فالجسد ديالها ... ها .. تغييرات كيبدلو الهرمونات ... غيتبدلو فيها الاحاسيس .. المشاعر ... غتولي عندها رغبة حتى هي ... وبنتك نتا بنت زوينة بزاااف ... غتعرض لبزاف ديال الموقف من دابا واحد ربع سنين ... والدراري مغاديش يقيلوها خصوصا انها غتولي كتفتن ... وكتجدب ... ( حطات صبعها على شفاهو ) بنتك اعلي مغنطيس غادي تشوف معاها العجب ... وهاد العجب هوا اللي غيخليك تحل عينيك وتعرف معطل باللي بنتك مابقاتش صغيرة ... كبرات ولات كتحس بالانوثة ... ولات كتشوف راسها انثى ... والمراهقة ماشي ساهلة ... يعني احبيبي حيد فكرة ديال بنتي باقا صغيرة من دماغك .. وعلم بنتك وقريها معنى النضج .. معنى المراهقة ... وخرج من مرحلة الطفولة اللي نتا عايش فيها ... حيت غيوليو عندك منافيسين كتار ... (هزات حاجبها بابتسامة ) ودير فعقلك باللي بنتك .. مغنطيس فهمتي ... وقنبولة .. قنبولة في طور الانفجار غادي تفركع واحد النهار وغتحل عينيك تلقا عندك استريلا اخرى ... استريلا ماتجي قدامها حتى وحدة اخرى ... وهادشي غيطيح عليك واحد الجبل كبير فدقة وحدة من الصدمات ما تعرفو منين نزل ونتا مزال كتقول صغيرة هه!
هز حاجبو كيشوف فيها نيشان والخوف بان فعينيه من بعد ما سمع كلام اشراق .. بقا ساكت وهي كتقبل فيه بلا ميتحرك .. كيدور عينيه ويشوف هنا ولهيه تابت .. بعدات شوية شافت فيه وقالت
- مالك تخلعتي؟ ... ماكنتيش متوقع هادشي ؟
تنهد زام فمو وقال : مافكرتش فهادشي
ضحكات بهدوء وقالت : علاش نتا كنتي كتفكر فأريانا بوحدها ؟ ... اريانا قدام هادشي اللي جاي مغتبقاش تبان ليك ... غتولي تنافس مع وحدين اخرين جايينك فطريقك ... نتا تجر وهما يجرو ... هادشي الى مطيروش ليك بنتك بين يديك ... ولا هي بغات شي واحد تعمات ليها فيه ... ديك الساعة واش باقي تفكر فشي اريانا ؟ ... غتولي كتقلب تفك حريرتك مع الحب ديال بنتك اللي فعلا غادي يخدخا منك نتا ومن اريانا ونتوما كتشوفو بعويناتكم وماقادرين ديرو حتى حاجة
ناض بسرعة نفض راسو للجنب جلس وشاف قدامو كانه فاق من شي حلمة ... بلع ريقو وعرق وبدا ينهج واشراق كتشوف فيه.. قربات منو حطات يدها على كتفو وقالت
- مالك ؟ تخيلتي شي حاجة ؟
دور راسو للجنب وقالت : بدلي الموضوع مابغايش نسمع هادشي
- فكر فيه.... حيت نتا تفكيرك محدود بزاف ... كيوصل لايريانا وكيرجع ليك ... شوف شنو كاين مور اريانا .... شنو كاين من بعد فاش تبلغ بنتك ... وتكبر ... وتشوف راسها ... وتعاند مع قراناتها ... (مسحات على وجهه بلطف) كلنا دزنا من هاد التجربة ... كلنا حسينا براسنا من بعد ما بلغنا ... وبقينا غاديين وكنحسو براسنا كتر ... والمرى فكل ما زادت لقدام كتحس براسها محتاجة لراجل .... ماشي ليك نتا باباها .. ولا خوها ... لا ... كتبدا راسها تقلب على راجل يحتويها ... يبغيها .. تعيش معاه الحب ... تحس براسها انثى ... بحالي انا ... بابا فمرتبة .. ونتا فمرتبة ... انا محتاجة ليك نتا ..نتا راجل وبغيتك نتا وعندي رغبة فيك نتا ... حنا كنقلبو على الحب ... على الحنان . شي واحد يحس بينا .. يبغينا .. يعاملنا بحال الماء لقليل ... يتهلا فينا ... فهمتيني شنو كنقصد ... حب الاب بوحدو ... ولاكن الشريك ضاروري فلحياة .. وكنبقاو ديما نحسو بنقص ونقلبو على هاد الشريك ... واستريلا غادي تلقا شريك حياتها وغادي تزوج وتكون اسرة ..
شد راسو وغمض عينيه وقال : صافي سكتي مابغيتش نسمع هادشي
تلاح على ضهرو كيسوط ويشوف فالسقف وهي تكا على صدرو مرة اخرى بلطف وقالت بمداعبات
- غادي نسكت ... ولاكن نتا متقدرش تسكت هاد القلب اللي كيجري بغا يسكت ... حيت ماباغيش تقبل الحقيقة
شاف فيها بجدية وقال : استريلا مامحتاجة لحتى واحد وماشي من هاد النوع اللي كتهضري عليه نتي ... عندها باها ومغاديش يدخل شي كنس لحياتها شكون ما بغا يكون
هزات حاجبها ساكتة مطولا كأنها كتاشفات شي حاجة جديدة وقالت بهدوء
- مغاديش نتحداك ... ولاكن غادي تعاني بزاف الحبيب ديالي .. هوسك ببنتك غادي يضرك نتا ... وغادي تآديها حتى هي ... (تنهدات ودوزات يدها على خدو ) ما علينا ... خلينا فالقريب ... خلينا فاريانا بعدا ... نحلو معاها هاد المشكل ... ونعلمو استريلا داكشي اللي مقبلة عليه ... دقة بدقة يحمل الواد
ابتسمت باغراء وتكات عليه بقبلة لطيفة كتحاول ترخي اعصابو اللي شنجات ليه ... بداية ماقدرتش يتجاوب بسبب تشويش تفكيرو .. لاكن مع لمسات لطيفة وهزة خفيفة برجلها على رجلو وحطات يدو على عنقها بدا يتجاوب معاها فالتقبيل شيئا فشيئا حتى نسا كلشي وركز مع شفاها اللذيذتين كيقبلهم بشغف مرورا على النواحي وهوا كيجر ليها رجلها ويطلعها عليه حتى جلسات ولاح الغطا برجلو جرها على صدرو كيبعد الشعر النازل على وجهها مع قبلات حارة وسريعة منها ومنو ملامسا فخدها العاري بجنون ومأخرتها وهوا كيطلع السوميج للاعلى .
هبط راسو معنقها كيقبل عنقها وهي متكية على ضهرها كتلعب فشعرو .. قصيرة من المداعبات والصمت وهز راسو قائلا
- هانا جاي .
ابتسمت وطلعات الغطا عليها وتقلبات للجنب في حين ناض هز فوطة لواها عليه وخرج بشوية دخل للحمام ورجع خرج حل بيت بنتو بشوية طل ودخل عندها بهدوء طل عليها ... قرب باسها فراسها وهز يدها كذلك باسها وطلع عليها الغطا ورجع خرج من تما كيتنهد سد الباب بشوية ومشا لبيتو حيد الفوطة لاحها ودخل لفراشو بهدوء لاحضان اشراق اللي كتسناه .
نهار جديد بأمطار غزيرة واوضاع هادئة .. وقف السيارة حدا الكلية كيتسناها تخرج لاكن ماخرجاتش ... هز تيليفون كيصوني عليها وهي تجبدو من الجيب طلات عليه شافتو وقالت بارتباك
قطعات ودورات وجهها للصيدلي اللي واقف بالوزرة قدامها فالصيلية وخداك من يدو الخنيشة ديالها دارتها فصاكها وخرجات مسرعة من الصيدلية كتجري فاتحة المضل مدرقة من الشتا وقطعات الشارع للكلية دخلات من باب اخر فجهة اخرى بتخبية عاد خرجات من الباب العادي عندو كتجري حلات باب الطموبيل طلعات بسرعة وسدات المضل .. تلفتات عندو كان لابس مونطو اسود و شال كرونا على عنقو وسروال توب وقالت بابتسامة
- جيتي من الخدمة نيشان عندي لهنا ؟
رد بابتسامة : نسيتي باللي ليوم لفينال ديال المسابقة داستريلا ... بقات هي وخمسة دالبنات خصنا نمشيو بالزربة
اشراق: اه اه مانسيتش بصح ... فين هي ؟
قال بابتسامة : الصباح وصلتها للنادي ورجعت خرجت معاهم حتى للبلاطو ديال المسابقة وجيت نديك .. (شاف فالساعة ) مابقا والو ويبداو خصنا نمشيو
اشراق : اااه فكرتيني حقا .. شنو درتي مع سمانتا؟
رد كيضحك : نسييت ماقلت ليك ... راه سنات الالتزام باش عمرها تعاود تعرض ليها ... ومقنعناش داك الالتزام و صافي سيفطوها لمدينة اخرى بعدوها مابفات معاها فنفس البلاصة
اشراق: عبرتي عليها
علي: جات عندي طلبات مني السماحة وبقات كتبكي ... (بسخرية ) كن جات عليا يجريو عليها ماشي غير يحولوها
جلسو وسط حشد كبير من المتفرجين فقاعة مغطات وصوت المقدمة كيتسمع فجميع ارجاء المكان .. كانت اللجنة فالمقدمة والموسيقى مجهدة والعروض التقديمية كتقدم وحدة تابعة الاخرى بين كل متسابقة و اخرى .. كل مرة تخرج فرقة من كبار الاعمار تبدع وتفرج الناس بمهارتها فالتزلج والرقص بشكل رائع لازالة التوثر والاستمتاع الحضور اكثر .. وطبعا المسابقة كانت منقولة على المباشر فإداعة كندية للرياضة وكانت قدام التلفاز اريانا جالسة ويدها على قلبها كتفرج بوحدها فدارها ويدها على قلبها كتسنا لحضة دخول المتسابقة استريلا للحلبة .
ومن قلب الحدث جاء دوء استريلا .. وبعد تقديم طويل ومزحة المقدمة علنات على اسمها وهي واقف ورا الستار كتسنا اللحضة المناسبة باش دفعها المدربة اللي كانت واقفة حداها كتشجعها وتحيد منها الخوف بحماس
المدربة : ماتنسايش التركيز ديالك ومتخيبيش املي فيك ... نتي املي الوحيد من بعد ما خاب ضني فجميع المتسابقات صحاباتك اللي معاك فالنادي .. بقيتي ليا غير نتي وعندي امل تربحي ... (شارت بعينيها ) شوفي المتسابقات لخرين كفاش ادو ادوارهم بمهارة والمدربات ديالهم فرحانين وغيرجعو للنوادي ديالهم ويلقاو احتفال كبير تما ... حتا انا بغيت نرجع للنادي شادة ليك فيديك ومفتاخرة بيك ... فكري فالمسابقات اللي جايين من هنا لقدام .. فكري فاش نشاركو فالبطولات ... هادي هي الخطوة الاولى للنجاح والى ربحتي غتكوني بطلة فالتزلج على الصعيد المحلي ... من بعد غتمكني بعد هاد النجاح بالمشاركة فبطولات اخرى غتجي ... غيشاركو معاك فيهم بزاف ديال البطلات هنا فكندا وغتبداو تعزلو وحدة وحدة وفكل مرة نجحتي غتطلعي لفوق وتزيد عندك فرص المشاركة فبطولات كبار حتى توصلي للعالمية ... فكري فالنهار اللي غتاخدي بطلة العالم فالتزلج ... فكري كفاش غادي تكوني .. السعادة اللي غتحسي بيها... ماتخافيش دابا هادي خطوة ديالك الاولى وماصعيباش بزاف ... الى خديتيها غتكوني بطلة ديال التزلج محلية ... موراها غتاخدي بطلة تزلج دولية من فئة الصغار... يالاه احبيبة متخدلنيش... يالاه كوني شجاعة ومتخافيش من الناس .. حسبيهم مكينيش ... متحشميش ... كوني قوية .. كوني قوية يالاه .
فاللحضة المناسبة خرجات استريلا بابتسامة كتحي الجمهور بيديها والخوف فعينيها .. وقف علي بدون شعور واشراق كيسفقو ليها وبدا يغوت باسمها بحماس وسعادة .. الكل تلفت عندو وانتبه ليه ... وحتى هي تزادتها التقة فالنفس فاش لمحاتو وبرقو عينيها وبدات دور بحركات مستقيمة كتحيي الجمهور ... كانت لابسة اجمل فستان مزركش فاللون الذهبي لامع .. شعرها مجموع كوب شوفال اشقر كالحرير وليبة فلون لحمها متصلة بحداء التزلج ديالها ... حطو ليها مكياج خفيف ورسمة فراشة كتلمع حدا عينها بالالوان وشرائط بيضاء فشعرها كالفراشة ونجيمات صغار حدا حاجبها.. كانت اجمل مشاركة من بين المشاركات كاملين كتميز بعيونها البرييئة الجميلة والبراقة ورموشها الطويلة .. فمها الصغير وشفتاها الممتلئتين .. خدودها الناعمة ووجهها المستدير وحواجبها البنية .. كانت لها وقفة محترفة وسط حلبة التزلج وحركات انثوية ممزوجة بين الاثارة والبرائة .. لفتت انتباه الجميع وخطفات اضواء الصحافة بابتسامة الجميلة ، وقفات فنقطة الانطلاق وصدرها كيطلع ويهبط ..بلعات ريقها استعدادا للانطلاق كترمش وتكمش يدها وتسرحهم .. صوت المدربة من الوراء كطل وتشجعها بصوت خافت وتنادي ليها ... وعلي كيشوف فيها بعيون براقة وينادي باسمها فكل مرة كتشجيع ليها .. اما اشراق فكانت على اعصابها متوثرة وخايفة من خطأ وكتشوف ارتباك استريلا فعينيها ... بدون شعور كمشات يديها وعيطات ليها كتحمسها ويدها فعلي مزيرة عليه حتى حمارو صبعانها .
تغيرات الموسيقى من موسيقى صاخبة لموسيقى هادئة وانطفات الاضواء على الجمهور وسطع ضوء ازرق لامع وسط الحلبة فوق الارضية البيضاء وانطلقت استريلا من نقطتها لتأدي عرضها امام الملئ
جلس على اعصابو كيتفرج فصمت مع الجمهور واشراق حداه شادة ليه فيديو ... زير على يدها بقوة حتى تعصرو صبعانها لاكن معارتهمش انتباه .. بقا تركيزها مع الرقصة حتى انتهت بسلام ووقف الجميع كيسفق ليها وكذلك علي تهز من بلاصتو بتسفيقات حارة هوا واشراق وسعادة لعدم حدوث خطأ فالرقصة .. خرجات فرقة اخرى كتقدم عرض لاسعاد الجمهور من جديد وازالة الخوف والارتباك ودخلات بعد انتهاء العرض مباشرة للكواليس.
وصلات اللحضة الحاسمة وبقا القرار للجنة تختار بطلة المسابقة ، وقفو المتباريات فصف واحد والمدربين وراء الكواليس كيطلو .. بدا التوثر والارتباك على الجميع ... الجمهور كيتسناو يعلنو على النتائع . كانو جميع الفتيات في حالة توثر وخوف شادين فيدين بعضياتهم ومن بينهم استريلا كتنهج وتبلع ريقها .. كل مرة تغمض عينيها وتحلهم كتشوف فعلي واشراق اللي بدورهم جالسين على اعصابهم كيشوفو فيها .
بدا صوت فالارجاء كيقدم مقدمة لنهاية المسابقة مع ذكر اسماء المشاركات في انتضار اشارة من اللجنة لاعلان الفائزة .
لحضة الحسم ... الكل مرتكب .. الكل في حالة تشنج عصبي .. والمقدمة كتقدم كلام كيزيد من توثر الجميع وحماسهم لمعرفة اسم البطلة ... اخيرا وبعد مقدمة طويلة بصوت مريح قالت..
- الفائزة .... بالمرتبة الثالتة من مسابقة التزلج الفني فئة الصغار لهذه السنة ... هي .... هي اليكساندار ...
هتف الجمهور بتسفيقات حارة وخرجات اليكساندرا من بين الفتيات فرحانة كتشير للجميع ووقفات فجهة اخرى بينما المتباريات بقاو فأماكنهم كما هما ورجعات المقدمة ديال المسابقة كتلقي فمقدمتها الطويلة و رجع التوثر والارتباك كيخيم على الجميع حتى علنات على اسم المتسابقة وقالت
- الفائزة .. بالمرتبة الثانية .... واللتي ابدعت وباتقان في رياضة التزلج الفن .. هي ... هي جورجينا ويليامز
بسعادة عارمة خرجات جورجينا كدور وتشير للجمهور بسعادة والكل كيسفق وينادي عليها في حين باقي الفتيات كيشوفو وصابرين وشادين فأيادي بعضياتهم ... تنهد علي وسفق ليها حتى هوا لاكن تزير وبدا يسوط ويغمض عينيه ويشوف فاستريلا اللي واقفة مهبطة راسها كترعد وترمش ومزيرة على يدين البنات اللي شادين فيها ... مرة اخرى خيم التوثر على الجميع وجمع علي يديه حدا فمو متكي على ركابيها .. سد عينيه كيرد بفمو ويشوف لفوق واشراق حداه شابكة يديها بتوثر وكتزير على عينيها وتحلهم .. بقا اسم واحد .. اسم فقط وديالمن هاد الاسم ؟ حتى واحد معارفو .
رجعات المقدمة كتحمس الحضور بكلامها وتمدح فصاحبة المرتبة الاولى بينما المتباريات واقفين كيتسناو على احر من الجمر .. او على الاقل تنتهي المسابقة بسرعة احسن بكثير من التوثر اللي غيفقدهم الوعي ديالهم هما واولياء امورهم و مدريبيهم .
فور ما بدا التعليق على المسابقة سدات استريلا عينيها شافت فالارض وبقات تابتة معاوداتش هزات راسها .. بصوت حماسي رردات مقدمة المسابقة فارجاء المكان قائلة
- واااا الفاااااائزة .... الفاااائزة بالمرتبة الاولى لهذه السنة ... واللتي اذهلت الحضور ببراعتها فالاذاء ... ورقتها وانسجامها مع الموسيقى ... واللتي امتعتنا برقصتها الرائعة ..رغم صغر سنها ... واللتي تستحق لقب بطلة التزلج الفني لفئة الصغار هي ... هييي...
بدا علي كيشطح برجلو بتورثر وانفعال كل مرة يزطم بقوة بالارض حتى كاد يفقد صبره .. اما اشراق هزات راسها كتقرا الدعاء سادة عينيها واستريلا متشنجة فبلاصتها والكل ساكت كيتسنا على احر من الجمر يسمع اسم ....
المقدمة بصوت قوي : الفاااائزة بالرتبة الاولى على الصعيد المحلي لهذه السنة هي ..... استرييييييييييلااااااا ماالكييييييييي
نقز علي من بلاصتو جا واقف كيغوت وناضت اشراق وسط التسفيقات الجميع وطرطاقات فأعلى الحلبة مع هبوط قطع لامعة ملونة فالارجاء وموسيقى صاخبة وكلام المقدمة اللا منتهي ... تلفت علي عنق اشراق بقوة تا كان غيخنقها وبدا يضرب رجلو مع الارض بسعادة في حين بقات استريلا كما هي واقفة فمكانها غير كتشوف وترمش حتى جات
وقفات اللجنة كتسفق واستريلا مزالة غير مستوعبة لشنو واقع .. كتشوف الحلبة مقلبة والورد كيتلاح .. من كل جهة وشعرها عكر بقطع ورقية لامعة وفتات ابيض كالثلج و اللجنة كتسفق ليها ... مقز علي كيجري ويستسمح من الناس اللي كيزطم فيهم ومشا بسرعة وقف حدا الجدار كيغوت وسط الاهازيج على استريلا المصدومة واشراق تابعاه كتزطم فالناس وتستسمح بالتلفة .. تلفتات استريلا للجنب غير مصدقة وزادت الاجواء خلعاتها بقات مصدومة قدام فلاشات عدسات الصحافة والموسيقة الصاخبة . طلقات من المدربة ومشات جهة علي كتزلج ... قرب بسعادة حدا فتحة فجنب الخرجة المأدية للكواليس ووقف محني على ركابيه فاتح يديه وهي كتجري جهته مخلوعة .. عنقاتو بقوة والعدسات تابعاها كتصور وتوثق اللحضات كلها .. ضمها بقوة حتى دمعو عينيه وقال شاد فيديها
- نتي اللولة ... نتي ... نتي اللي خديتي الجائزة
استريلا: هاا؟
رجع عنقها بقوة وقال : نتي البطلة ... نتي البطلة ديالي
عنقاتها بقوة وتلفتات شافت فعلي مزير على عينيه بصبعانو حطات يدعا على كتفو قائلة والمقدمة كتعيط لاستريلا ترجع للحلبة
بعد ماستوعبات ابتسمت وغرغرو عينيها ورجعات للحلبة كتشير بيدها للجميع بسعادة والتسفيقات كتقوى في حين علي باقي محني على ركبتو قالب وجهه الجنب ومهبط راسو ، جراتو اشراق عنقاتو بقوة وقالت بسعادة
- اوييلي متبكيش ... خاصك تفرح ... ها حلم من احلامك بدا يتحقق ... لعقبة لبطلة العالم
ضحك وباسها فخدها بقوة وناض وقف كيجمع النفس ويسوط ويسفق ويرد التهاني للمدربين اللي جاو عندو في حين بدا امطار من الورد والالعاب كترمى وسط الحلبة وتشعلو الاضواء كاملين ودخلات مقدنة الخفاء على حداء التزلج هازة الميكرو فيدها باتجاه استريلا وتحنات عندها امام الملئ قائلة
- لمن كتهدي الفوز ديالك استريلااا ..
ابتسمت استريلا بخجل ساكتة وتلفتات جهة علي شاف فيه وقالت بصوت خافت
بدات كضحك وحطات يدها كتفو وهوا كيشوف فاتسريلا شادة باقة ورد فيدها و دبدوب كبير ابيض هزاتو من الارض وبدات تهز فباقي الدباديب الصغيرة والكبيرة فين ما تلاح كتمشي ليه وعلي كضحك
- ماتسمحش فأعلابها هههه بنتي ههه بنتي...
بدات اشراق غير كتشوف فيه وضحك وهوا كيخرج فلسانو ويدخلو رافعاه السعادة لأعلى الأعالي .
جمعات استريلا دباديبها والمدربة كتجمع معاها وتمات جاية كتجر فيهم جهة علي واشراق بسعادة وهما كيضحكو .. دخلات المدربة هازة باقي الدباديب للكواليس وترمات اخر مونيكة من الجماهير ورجعات استريلا عندها كتزلج هزاتها من الارضية والكل كيضحك ومشات بحالها للكواليس تابعة الدرع اللي ربحات فالمسابقة واللي قدماتو ليها اللجنة في حين لحق عليها علي واشراق هازين الالعاب فيديهم للكواليس
خرج هازها على كتافو كيلعب بيها فرحان لابسة مونطو من البرد وليبوط واشراق هي والمدربة للور هازين الالعاب فيديهم وكيضحكو ويتجمعو حتى للطموبيل .. طلعها اللور وحطو ليها العابها حداها معناقهم .. توادعو مع المدربة وانطلقو راجعين للدار .. بسعادة تاصلات اشراق بخليج فتيليفون وعلي فرحان غادي وكيضحك ماخلاهاش تهضر
اشراق : هههه غير علي ناشط ههه استريلا ربحات فالمسابقة .. تفرجتي ؟
الحلم الأسود الجزء 28
محتوى القصة
دخلاتها كالعادة هازة ليها صاكها وخلاتها مع المدربة وصحاباتها كتبدل حوايجها .. مشات اشراق جلسات فالادراج كتفرج فالبنات والدراري كيتزلجو ويتدربو في حين دخلات سمانتا متخفية كتشوف يمين يسار بهدوء.. رمقات اشراق جالسة فالدرج كتفرج بانسجام وابتسامة وتسلات بشوية لغرفة تغيير الملابس كدور وتقلب بعينيها على استريلا ... شافتها كتسد الحداء ومشات عندها جلسات حداها بابتسامة كدور عينيها فالمكان وقالت
التنقل بين الأجزاء