أول مابرقت الشمسية ناضت بشوية فتجاه الحمام خدات دوش وتوضات وخرج من الحمام لابسة بينوار فالبيض نشفت شعرها بسوشوار وتوجها لدرسينغ لبست سروال سليم فالبيض مع بيل صميطات فالبيض وڤيست طويلة شوية فاالبلومارين مع كولي بلومارين وبلوسيل خلات شعرها على راحتو وحطت ميك اب خفيف ورشت من بارفانها من بعد لبست صباط بالكعب عالي وخرجت من الغرفة فتجاه المطبخ بعد دقائق فاق هارون تلفت ناحية مكانها لقاه فارغ ناض فتجاه الحمام بخطوات تابتة خدا دوش خفيف من بعد توجه لدرسينغ لبس حوايجو عبارة عن سروال حينز مع تيشورط من گوتشي فالكحل وصبرديلة كحلة رد شعرو لور ولبس ساعتو اليدوية ورش من برفانو وخرج من درسينغ هز الفون يالا غايتاصل وهي تفتح لباب ودخلت هازة فيدها بلاطو فيه القهوة وعصير الليمون مع البيض اومليط بالفرماج والخبز المحمص وحاطةوردة فالحمر خداتها من جردة غير شافتو نفخت شنايفها .....
ليلى . .فقتي
هارون. ."تبسم وتكلم بصوت رجولي"صباح الخير
ليلى . ."توجهات لاطيراس" صباح النور كنت بغيت نفاجأك ساعة فقتي
فتحات عينيها وراسها عاطيها الحريق عتدلت فالجلسة وشافت لبلاصتو كانت فارغة ناضت فتجاه الحمام كاتجر فرجليها بعد ليلة طويلة و متعبة اول ماخدات دوش خرجات من الحمام لاوية الفوطة على نصها توجهات لدرسينغ خدات سروال بويفراند مع تيشطور فالبيض قصيرة مبينة البوط ديالها خلات شعرها على راحتو ولبست بالغين فالبيض ونزلت لطابق السفلي وديريكت فتجاه الكوزينة وكاتكلم بينها وبين نفسها...
ماريسا. ."رفعت حاجبها' اممم لهاد درجة مهتمة بوجودي معاك !!
مروى . ."توجهات ليها وشدات فيديها " اكيد
ماريسا . ."نترات يدها منها بهدوء " عندي شي شغل مامسالياش
مروى. .وانا مازرباناش حتى وكان تسالي "رجعت جلست " وغانستغل الفرصة غاندير واحد الإتصال بيد ماتسالي شغالك "توجهات لفيكس كاتميل بخصرها تحت انظار الخدم لي ماكانوش طايقين وجودها وكارهينها وماريسا كاتشوف فيها من الفوق التحت ومافاهمة منها حتى حاجة كل مرة فحال دارت رقم مها لكن تفاجأت بلي الخط مقفل......
مروى . ."صغرت عينها " اخخخ الرقم للول شنو هو اووووف أ ليلى عمري قدرت نحفظ رقمك معقد بحالك بفففف همم نجرب 06 اممم شنو لي بعدو "عوجت فمها ) دكري دكري امروى ( رجعت كتبت رقم ) ..........76 06 اول مادخلاتو رجعت تكلمت ) متأكدة بلي هو هذا ياربي ياربي ماتحشمنيش
( حطاتو على ودنها وكاتسنى الرد جالسة فمكتبها كاتشوف ف التصاميم ديالها بإعجاب بين ما خارج المكتب كان أوس هاز فيدو زوج فناجين دالقهوة طرق الباب ودخل بدون مايسمع الإدن قبل ماتكلم رن الفون ديالها كانت منزاعجة من وجود دوزت الإتصال بدون ماتشوف الرقم .....)
ليلى . . وي الوو
مروى. .ليلى
( أول ماسمعت صوتها تبلوكات هاد الصوت ماخافيش عليها بالمرة وقادرة تميزو بين الف صوت وصوت تجمعو دموع ف عينيها والغصة فقلبها كاتحرقها ومزيرة عليها لاحظ لون وجها لي تخطف ودموع لي فعينيها حط الفناجين فوق المكتب وتوجه ليها ....)
مروى . ."جلست فالكرسي ودارت رجل فوق رجل " انا فبلاصة ماطيحش على بالك اخخ تمنيت كن كنتو معايا وتعيشو الحياة لي عايشاها عرفتي فين انا قلعي
ليلى . ."بنفاد صبر" فينك !!!
مروى . .انا فروسيا هاااء رقم ماطلعش عندك "عوجت فمها " قولي ليا كيف بقات ماما عرفتي غانقدكم من ديك العيشة دالويل وغاندير لماما العملية وغانخليها تعرف بلي انا ماشي قليلة النفع كيف كانت كاتقول غانجيبكم لعندي واحد واحد عرفتي شنو غاتولي هنا مصممة مشهورة وغاديري لاباس وسمر غاتكمل قرايتها هنا وغاتكون شي حاجة كبيرة حتى من داك شمكار دمروان غانقدو من داك المستنقع وياسين ياسين غان____ قاطعاتها بصوت مخنوق وكاتمة شهقتها___
ليلى . .مروى م م مروى ماما ماتت ماتت هءهءهءهءهءهءءهءهء.........
كلمة ماتت طاحت عليها بحال صاعقة تبلوكات ومابقاتش قادرة تهضر خرجات عينيها ويديها كايرجفو والغصة فحلقها الحروف تعقدو فزورها وماقدراتش تنطق بحتى حرف بعد مجهود تكلمت كلمات مقطعة....
مروى . .دموع ف عينيها" ش ش شن شنو
ليلى. ."كاتبكي وتشهق" ماما ماتت ماتت علاش مشيت علاااش هءهءهء ماتت بلاماتشوفك فاش غاتنفعها لعيشة لي عايشة وهي مشات عند الله مشات امروى وخلاتنا مشات ومابقاتش غاترجع هءهءهءهءهءءهءهءه
( قبل ماتكمل كلامها تقطع الخط فوجها طاحت على ركابيها كاتبكي بصوت عالي وكاضرب فحناك كاع الخدم لي فالمطبخ تجمعو عليها من بينهم ماريسا لي مافاهمة والو.....)
هز الفون ديالها صاكها وأشار ليها كانت مخنوقة ومحتاجة تخرج وتشم لهوى بدون عتراض تمشات قدامو كاتمشى بخطوات بطيئة ورجليها فاشلين عليها خرجو تحت انظار السكرتيرة لي كانت كاتشوف فيها بغيض اول ماطلعو فالمصعد تكلمت
~. .ق*بة دورجين من لمدير لصاحبو بفففف تريكة ل*حوب ......
مسافة طريق كانو داخل القصر انسطالا لوطو قدام البوابة ونزل حيد ليها سانتيغ وعاونها تنزل ووراهم عزيزة كاتميق فيه ثواني وكانو داخل القصر ....
عزيزة . ."كاتقاد ليها الكانابي " خليها غير هنا تراتاح
هارون . ."بصوت رجولي "نو غانطلعها لبيتها حسن
جوليا. ."بصوت خافت" هارون خليني غير هناا
هارون. .متأكدة !!
جوليا. .وي " شدت يدو "بس خليك معايا
هارون . ."ساعدها تجلس" اوك
عزيزة . .الله على بنتي الله فين كان مخبي ليك هاد شي هءهءهءه
هارون. ."بنزعاج" عزيزةةةةةة "غمض عينيه بنرفزة ورجع فتحهم" كايبان ليا بيتك حسن من هنا
جوليا . ."نزلو دموعها" هءهءهء علاش أهارون علااش انا كنت باغياه وكانتسنى بفارغ صبر امتى تكمل تسع شهرو باش نهزو بين يدي ساعة مشى 😭
هارون. .ششششت عطي لراسك الراحة ربي بغاه لاعتراض على قدائه
عزيزة. .عوجت فمها" امممم سبحان الله كاتعرف دين غير فهاد نقطة
هارون. ."ولا على اخرو زفر بعصبية وتكلمت مت من بين سنانو ) عزيزةة كانظن خاصك تمشي تراحي غايكون حسن
عزيزة . ."وقفت منزاعجة" نفهم بلي كاتجري عليا ءءءء
جوليا . ."شافت فيه " هارووووون
هارون. ."وقف " انا لي خاص نمشي انت خليك رتاحي ليا مع راسك (عطاهم بظهر وتوجه لباب )
عزيزة . ."بصوت مسموع" لقتيها تسلكك هرب كيف عادتك (بصوت شبه مسموع) الله يعطيك الويل....
جوليا. ."بنرفزة" اوووف اماما اوووف هاهو مشى
عزيزة . مشية بلا رجعة ان شاء الله.....
✓ مكان_اخ_______ر
انسطالا لوطو قدام كافي كاطل على البحر نزل من لوطو وفتح ليها الباب حيدات سمطة ونزلت بخطوات بطيئة وعينيها منفوخين بالبكى مد يدو جبد كلنيكس من جيبو ومدو ليها .....
ليلى . .شكرا
أوس . .العفو
✓مكان_اخ_________ر
✓روسيا_______________✈️
سنداتها عليها وتوحهات بيها ناحية الصالة وراها ناتاشا هازة فيدها بلاطو صغير فيه كاس دالما وكاتعوج فمها ....
ماريسا. .ناتاشا اري الكاس
ناتاشا. ."مداتو ليها " تفضلي مدام
خداتو منها وحاولت تعطيها تشرب كانت مصدومة ودمعتها على خدها كبات شوية فيديها ورشات عليها حتى قفزت.....
ماريسا . ."عنقاتها كاطبطب عليها " دعي ليها بالرحمة والمغفرة انا مجربة هاد الإحساس وهو اصعب احساس تقدر تجربو فحياتك ااااااخ اقلبي من الفراق ونار الفراق....
(تخشات فحضنها مزيرة عليها كاتبكي وتشهق بقات على داك الحال عدة دقائق حتى بدأت كاتهدن بعدت على حضنها وتوجهات لغرفتها كاتجر فرجليها وحاسة براسها مهدودة....
ليلى . ."رفعات رقبتها ومسحت دمعتها" ماتت بلا ماتشوف ولادها "نزلو دموعها من جديد" مشات وهي مامرتاحاش...
أوس. .دعي ليا بالرحمة ماغاتكونش مرتاحة الى شافتك ضعيفة وفهاد الحالة
ليلى . ."تنهدت" الحمد لله من سمعت صوتهم اااخ توحشتهم بزاف توحشت ياسين كان قريب مني بزاف وهاز معايا الحمل فاش كانتهد كنت كانلقاه هو السند توحشت هبال مروى وعصبيتها بصح ماكانتش راضية على عيشتنا انا فاهماها بس ماكانش عليها تمشي توحشتها بزاف ( نزلو دموعها ) تشتت شملنا وكل واحد فينا فبلاد وياعالم كيف داير حالهم غايكونو مقصحين بزاف اخخ كن غير كنت معاهم فهاد لحظة
أوس . ."شد يدها" ان شاء الله غاتجمعو عندي احساس ( مد ليها كاس دالما)
ليلى . .( خداتو منو ) شكرا.....
✓مكان_اخ_____________ر
انسطالا لوطو قدام باب شركة ودخل لداخل بخطوات مخملية لحظات وكان فالجناح الخاص بيه أول ماشافتو السكرتيرة وقفت حانية راسها تمشى ديريكت لمكتب ديالو لقاه فارغ خرج منو وتوجه لمكتبها قبل مايفتحو تكلمت السكرتيرة.....
~ . .ميسيو مادموزيل ليلى خرجات مع ميسيو أوس
( عقد حجبانو وكرز على يدو حتى تطراسة العرق فجبينو تلفت ناحيتها بالعرض البطيئ وعينيه حمرين كيف جمر
هارون . .(بصوت رجولي ممزوج ببحة) وقتاش !!
~ . .من شي نص ساعة تقريبا....
( توجه لمصعد طاير ماكايشوفش قدامو اول ماخرج من شركة تاصل بيها ودمو كايفور ثواني وردت عليه )
هارون . ."دخل فيه براسو ) اش غاتشرح ليك الكلب هممم اش غاتشرح (رجع شنق عليه )
~. .عتقو روح غايقتلوو
~ . .عيطو البوليس
~. .الله ياربي حصلها كاتخونو
~. .ويلي على شوهة
~ . .البنات هذا ماشي هارون فجر !!
~. ."صغرات عينيها" ولله الى هو
~. .صوري صوري طلقي راسك ....
أوس. .باغيني تقتلك ءءءء باغيني نقتلك عاد ترتاح الكلببببببب
ليلى . ."كاتجر فيه "هارون الله يخليك طبق منووو
هارون . ."قلب عينيه تجاها حمرين كيف الجمر والعرق مطراسي فجبينو " انت حسابك معايا عسير غير صبري
طلع الوحش لي داخل وكايضرب فيه بكل قوتو وكاع ناس كايتفرجو بدون كايدخل شي واحد فيهم ويفك بقات غير ليلى كاطيح وتنوض يالا حطات يدها على كتفو دفعها بكل قوتو حتى جات طايحة على واحد االبارية تضربت فكرشها بقوة وغوتت ربي لي خلقها .....
ليلى . ."بألم " ااااااااااااااااااااااااااااه
تلفت ليها بالخف جات عيونو عليها طايحة على ركابيها وشادة اسفل رحمها كاتألم قبل مايمد يدو يعاونها توقف جات عينو على سروال فيه رقع من الدم خرج عينيه ووقفها مسندها عليه.....
غادي جاي فالمرر كايتسنى على اعصابو ودمو كايغلي بعد دقائق طويلة من الإنتظار خرجات عندو الدكتورة غير شافها مشى طاير لعندها.....
هارون . ."بصوت رجولي" كيف بقات !!
~ . .الحمد لله قدرنا نقدو البيبي لو تأخرتي غير شوية كان غايضيع
هارون . ."حل فمو" البيبي !!!!
~. .ظارهر ماكنتيش عارف المدام حاملة فالأسبوع ثالت ولولا لطف الله كان البيبي ضاع غاتبقى شوية على ماترتاح ومن بعد تقدر تاخدها.
هارون. .بغيت نشوفها
~. .اشارت ليه ) تفضل......
✓روسيا_________✈️
حط يدو الخشنة فوق البواني وفتح لباب اول مادخل لغرفة جات عينيه عليها مكمشة فوق السرير ودموعها على خدها سد الباب وراه وتوجه ناحيتها بخطوات ثابتة.....
جوزيف . .(بصوت خشن ممزوج ببحة) اكيد كانت ام متالية والى ماكنتيش غاتأتري بغيابها
مروى . ."عتدلت فالجلسة وردت شعرها لور" كنت كارهة عيشتي والوسط لي فيه "بحرقة" كرهت المستوى لي فيه لدرجة ماتصورش كنت باغية عيشة حسن من هاديك ومستوى راقي بسس حتى حاجة من لي بغيت ماتحاقت يمكن ربي غاضب عليا خليت ماما مريضة بزاف عطيتها بظهر وهربت هءهءهءهءهءهءه انا مسخوطة ربي ماغايسمحش ليا ( حطت يدها على قلبها ) قلبي كايحرقني بزاف وماقادراش نتنفس 😭😭😭
جوزيف . . هي دابا مشات عند الله دموعك ماعندهم فاش ينفعوها
مروى. . ياريت انا ولا هي ياريت كنت جنبها وودعتها اخخخخ عمري ضنيت غانتعدب لهاد درجة
جوزيف. . كانكره نشوف دموع ودراما
مروى . ."شافت فيه بعيون دامعة" ولكن انا بصح كانتعدب مابقيتش قادرة هءهءهءه ماما مشات وعمري ماغانقدر نشوفهاااا
جوزيف. .( وقف ودار يديه فجيابو ) يمكن غاتكون فرحانة الى شافتك مرتاحة عمر الأم ماتقدر تشد فخاطرها على ولادها اكيد غاتلتمس ليك العذر نوضي غسلي وجهك ومسحي عليا دموعك
رفعات فيه عينيها وكاتشوف فيه كيف وافق وملامحو جامدةةةة تنهدت تنهيدة حارة وقلبها حاسة بيه كايحرقها كأن سكين ماضي كايطلع وينزل فيه ردات شعرها لور ووقفت بتعب رجعت شافت فيه وتمشات فتجاه الحمام كاتجر فرجليها تبعها بنظراتو حتى تسد الباب الحمام عاد خرج بخطوات تابتة......
✓مكان_اخ________ر
دخل لداخل بخطوات بطيئة وعينيه عليها مستلقية فوق السرير وسيروم معلق فيديهاا غير شافتو تجمعو دموع فعينيها وقف انفاص معاها وتكلم.....
هارون . ." بخشونة " كنتي عارفة ؟!
ليلى . . لا "نزلو دموعها" كنت غانخسرو هءهءهءه كنت غ___ قاطعها_____
هارون . ."بنبرة قاسية " من تكوني مخنوقة كايخس نكون انا هو أول واحد تمشي لعندو انا وبسسسسس لكن انتي فضلتي تمشي عند انسان اخر غريب عليك ياخسارة بصح خسارة كبيرة
ليلى . ."نترات السيروم من يدها وتوجهات ليه شادة فيدو " هارون ه هار___ دفع يدها بزعف وتكلم بحدة __
هارون . .وجدي راسك انا كانتسناك براا
لاح ليها هاد الكلمة وخرج من الغرفة كاره وجافر أول ماخرج جلست فحافة السرير كاتبكي بحرقة كان خاص تفرح بخبر حملها لكن على قولة المصرين يافرحة ماتمت ردات شعرها لور وتمشات ناحية النافدة كاطل على حديقة المصحة فتحت الزاجة وغمضات عينيها كاتملئ الرئة ديالها بالهوى مخنوقة لدرجة كبيرة وماكاتصورش بعد ثواني رجعت لمكانها كاتجهز نفسها باش تخرج ....
✓مكان_اخ_________ر
فتح ثلاجة خدا منها التلج حطو على خدو كايگمد اللكمة لي خدا من هارون ودمو كايغلي ...
توجهات لأكياس لي فوق السرير جاب ليها حوايج جداد وصيفطهم مع الممرضة فتحاتهم وخدات منهم الحوايج كاتلبس وبالها كلو معاه للمرة الثانية كاتغلط معاه تنهدت تنهيدة حارة طلعت من اعماق قلبها بعد مالبست جمعت لحوايج لي جات بيهم وقادت شعرها عاد خرجت من الغرفة فتجاه المصعد كان دفع تكاليف خاصها غير تخرج فقط ... ثواني وكانت قدام باب المصحة دورات عينيها وجات عينيها عليه جالس داخل لوطو وكايشوف قدامو تمشات نايحتو بخطوات بطيئة فتحت الباب وجلست جنبو بدون ماتكلم
أول ماطلعت ديمارا فتحاه الڤيلا كارز على يدو وعاقد حجبانو مسافة طريق كان قدام باب الڤيلا وقف لوطو وكايتسناها تنزل اول مازلت كسيرا بسرعة حتى روايد تحكو مع الأرض وقلب طريق تبعاتو بالعين حتى غبر من بعد توجهات لباب فتحاتو غير دخلت لداخل طاحت على ركابيها وكاتبكي بحرقة........
جوليا. ."صوتها كايرجف" ش شنو لي خلاك ظن هاااااا !!!
أوس . . تضربات مع واحد االبارية ونزل معها دم
جوليا . ."بلعت ريقها " أ أوس من بعد من نهضر معاك__ طيييييييييييييييييييييط.....
أول ماقطعت لاحت الفون من يدها وناضت من فوق سرير كاتجر فرجليها ناحيه الباب ...
جوليا . .ماما ماماااااااااااااا
فتحت الباب وخرجت من غرفتها ونزلت لطابق السفلي ودمها كايفور ...
جوليا. ."بصوت عالي"ماماااااااااااااا...
عزيزة . ."جاية تجاها ' اش هاد صداع مالك !!!
جوليا . .ديك الكلبة حاملة حاملة اماما حاملة
عزيزة . ."خرجت عينيها" شنوووووووو كيفااااااااش "حطت يدها على فمها "الله ياربي باش عرفتي
✓مكان_اخ__________ر
انسطالات لوطو ديالها قدام باب الشركة ونزلت كاتمشى تجاه الباب بخطوات ناعمة كلها أنوتة وشعرها المموج كايحركو الريح تمشات ناحية الإستقبال أول ماوقفت زولت نظارات الشمسية وتكلمت بصوت ناعم ....
صونيا. . بونجوغ
~ . .بونجوغ
صونيا. . كنت بعت السيڤي ديالي فالإيميل وتاصلتو بيا اليوم
~. .دكريني بإسمك
صونيا . صونيا صونيا بنيس
~ . ."لمحت الإسم " اوكي غاطلعي لطابق الخامس وغاتسولي على ميسيو انس
صونيا. ."هزات صاكها" اوك ميرسي
توجهات لطابق كاتميل بخصرها يمين وشمال ثواني وكانت فالطابق الخامس سألت على المكتب ديالو وتوجهات ليه بخطوات تابتة.......
عزيزة . .هذا غير احتمال
جوليا . .عندي احساس بلي بصح الله ياربي فين كان مخبي ليا هاد شي ديك الكلبة ماكاضيعش الوقت اكيد دارت مجهود باش تحمل ( صدرها كايطلع وينزل بعصبية )
جوليا . ."بنرفزة" هاحنا تأكدنا اش بيدنا مانديرو هاااا اش بيدنا ( شدت راسها ورجعت شافت فيها ) غاتمشي لشركة ووياك تخليه هارون يعرف
عزيزة . .وشنو غاندير انا فالشركة !!
جوليا. .غاتمشي لعند سكرتيرة دهارون غاتعطيك الكولكشن لي وجدت ديك الكلبة المجرابة وجبيها ليا
عزيزة . .اوك اوك نتي دابا طلعي رتاحي وانا غانتكلف
جوليا. ."لوات فمها بغيض " من منهار دخلت ديك الكلبة لحياتي مابقات راحة "تنهدت " سيري انت دابا اكيد سي سيد غايكون مشغول مع كلبتو
عزيزة. .واخا واخا ......
✓مكان_اخ_______ر
بعد ماخدات دوش خرجات من لحمام لابسة بينوار بيض ولاوية شعرها فالفوطة تمشات ناحية الفون ديالها خداتو دخلت كاتقلب على اخر رقم جات عينيها على الرقم لي تاصلت منو مروى بدون تردد صونات ليها .....
___ترن___ترن_____ترن______
ليلى . .اخخخ ردي امروى رديييييييييي..
صونات للمرة ثانية لكن بدون رد رمات الفون فوق السرير وتوجهات لدرسينغ كاتقلب ماتلبس وبالها مقسوم بين مروى وهارون .....
✓مكان_اخ__________ر
~ . .كايشوف فالحاسوب ديالو من بعد رفع عينيه وشاف فيها بإعجاب" أنسة صونيا مرحبا بيك معانا نورتي الشركة
صونيا . ."بغنج" منورة بسيادتكم
~. .من غدا ان شاء الله تقدري تبداي
"مد يدو صافحها" مرحبا بيك مرة أخرى
صونيا. ."مدت يدها " ميرسي
وقفت دافعة صدرها لقدام بإغراء وتحنات هزت الحقيبة ديالها وخرجات من المكتب كاتلوي فالطرماحة يمين وشمال تحت انظار نائب المدير لي ريوگو سالو خرجات من المكتب ومن شركة وعلى شفاها ابتسامة عريضة
صونيا. . انت لي بديتي اقصي وانا لي غانكمل ( ضحكت بغنج وتوجهات لوطو ديالها ) .......
فالجهة الثانية توجهات عزيزة لشركة كيف قالت ليها جوليا خدات الملف من عند السكرتيرة ورجعات بأدراجها لقصر بعد مانبهاتها حتى حد مايعرف انسطالات سيارتها وطلعت لطابق الثاني غير شافتها جوليا ناضت عندها ...
جوليا . ."بلهفة" هاااا جبتيهم
عزيزة . ."مدت ليها الملف" اكيد
خداتو منها بالخف وجلست فحافة السرير كاتشوف فالتصاميم وكارزة على فمها ...
جوليا. .اكيد غايرجع يشوفها بطريقتو هاد هو الحل الوحيد لي عندي ( خدات الفون) خاص نتأكد ضروري مانقدرش نصبر
عزيزة . .انت تعرفي
أول ماخرجت عزيزة تاصلت جوليا بأوس ..
أوس . .وي 📞
جوليا. .أوس بغيتك فموضوع مهم
أوس . ."بهتمام" خير
جوليا . .بغيتك تتأكد ليا ضروري واش بصح ليلى حاملة
أوس. .وكيفاش غانتأكد
جوليا. .اكيد غاتلقى شي طريقة بلييز أوس
أوس . .اوك بس مادير حتى حاجة خليني انا نتكلف
جوليا. .غانتسناك على احر من الجمر
أوس. .دابا صعيب نشوفها بس اول ماتجي لشركة غانرد عليك الخبر
جوليا. .اوك
# المسا_____________ء 🌌
لابسة بيجامة حد ركبة ونص كم فالبلوسيل وجامعة شعرها بشكل مهمل ناضت من سرير بعد ماخدات الفون ديالها وتوجها لاطيراس كاتحاول تتاصل بمروى بعد ثواني سمعت صوتها....
أول ماقفلت الخط حطت الفون فوق السرير ووقفت كاتشوف فيه توجه ناحيتها بخطوات تابتة وعينيه ف عينيها اول ماوصل لعندها شد يدها وأشار ليها تجلس بلعت ريقها وجلست فطرف دالسرير جلس جلسة القرفصاء شاد فيدها وتكلم بصوت رجولي.....
هارون . . علاش ماباغياش تفهمي بلي كايجن جنوني وعقلي كايفقد عقلو من كانشوفك مع شي مخلوق خصوصا أوس "زفر بنرفزة" أوس واحد ماساهلش كانعرفو من سنين أ ليلى عمرو كان صاحبي دبصح عارف عينو زايغة وماصافيش علاش ديما كاتكسري كلامي وتخليني نفقد اعصابي علاش !!
ليلى . ."تجمعو دموع ف عينيها" ك كنت مخنوقة اهارون شافني فديك الحالة وعرض عليا نخرج ( حطت يدها على خدو ) هاورن واش ماكاتيقش فيا هاااا !!
هارون . .( حط سبابة ديالو على شفاها ) هشششششش ( حط جبينو على جبينها وهمس ) انا ماكانتيقش فيه هو فهميني أ ليلى بليييز فهميني
( تنهد ) خلينا ننساو هاد شي لي وقع وبغيت وعد أ ليلى وعد بلي اي مشكل عندك تقوليه ليا انا وتلتجئي ليا انا انا وبسسسسس...
ليلى . .(حطت شفاها على شفاهو وتكلمت ) وعد....
حرك شفاهو على شفاها بشوية وانفاسو الحارة تمزجت مع انفاسها تسارعو دقات قلبها والتبوريشة شداتها من صبعها صغير ستمر فتحريكهم بلطف حتى ولات على اخرها ماهي الى ثواني قليلة حتى دخلو فقبلة عميقة وكل واحد فيهم تفنن فشفاه الثاني....
~ طرت حتى توقف الزمن شعرت برعشه البرد.. وسخونه الحمى.. بين شفتيك وايقنت واحسست بلذة الاستسلام~
✓مكان__اخ________ر
غادية جاية على اعصابها وكاتسنى ليلى ترجع تتاصل بيها باش تعرف الخبار كاملة من طقطق حتى لسلام عليكم جلست فحافة السرير وكاتغزز فظفارها وقلبها غايطرطق ......
مروى . .بففففف علاش قطعات علاااش اخخخخ منك أ ليلى
~ وقفت وتوجهت لاطيراس غادية جاية حرتاتو برجليها ودمها كايغلي بعد انتظار دام لدقائق توجهات لفون ديالها ودوزات الخط ........
___ترن_______ترن________
مروى . .ردي ردي اخخخخ ياربي ردي خلاص ( قطعت الخط ولاحت الفون فوق السرير كاعية وساخطة على الوضعية
# مكان_اخ___________ر
وقف بلوطو فوق الجرف ونزل فتجاه الحافة بخطوات بطيئة العين حمرة والقلب جمرةةةة حاس بهم الدنيا والدين بالو وتفكيرو كلو ليها ماعارفش شنو هاد الإحساس لي من نهارغابت وهو مسيطر عليه وماباغيش يفارقو ولا لحظةةةة رد شعرو لور بنرفزة وكارز على سنانو وبدون مجهود يدكر داز شريط ديك اليلة قدام عينيه......
# فلاش____باك
قصي . .كنتي كاتسناي نبوسك ونقول ليك الفرحة ما سايعانيش من بعد نح*** تؤ تؤ راك غالطة
صباح . ."تجمعو دموع ف عينيها" ق ق قصي ش شنو واقع
قصي . ."زير على شعرها حتى تأوهت من الألم " لي واقع زواجنا زواج مصلحة يعني لا كانبغيك ولا كاتهميني
# الحاضر______
الغصة وتفاحة ادم كاتطلع وتنزل فزورو كرز على يدو حتى عروق رقبتو برزو وتكلم من بين سنانو
قصي . .خرجي من بالي مابقيتش قادر خرجيييييييييييييييي......
#اليوم_الموال____________ي 🌄
فتح عيونو الفحمية على أنغام الأغنية الطربية ~يوم وليلة~ الصوت جاي من الطابق السفلي ترسمات ابتسامة خفيفة على شفاهو وناض من فراشو فتجاه باب الغرفة حط يدو الخشنة على البواني فتحو بهدوء ونزل بخطوات تابتة فتجاه المطبخ وفكل ماكان كايقرب كاتغلل فأنفاسو ريحة القهوة معطرة ☕
أول ماوصل جات عينيه عليها عاطياه بظهر ولابسة كسوة فوق الركبة بشوية فالغوز بارد نص كم جامعة شعرها بشكل مهمل وخاشية فرجليها مشاية ديال الصبع وكادندن مع الأغنية
في يوم وليلة 🎼 يوم وليلة 🎼 خدنا حلاوت الحب كله 🎼 في يوم وليلة 🎼 انا وحبيبي 🎼 حبيبي حبيبي 🎼دوبنا عمر الحب 🎼 كله في يوم وليلة🎼.....
توجه ليها بخطوات بطيئة ضمها من الور ودفن راسو فرقبتها ولحيتو كاتك فيها خلات لحمها يتبورش وقلبها كايرقص...
هارون . . (بصوت رجولي ) صباح الخير
ليلى . . صباح النور ( تلفتت ناحيتو وجا وجها انفاص مع وجهو ) كيف صبحتي
هارون . . (طبع قبلة جنب فمها ) الحمد لله وانت
ليلى . ."كاتلعب بخصلات شعرها) الحمد لله
( يالا كايقرب منها وهي تطلع معاها ريحة البيض عاطي ريحة الحراق شهقات حتى قفز ودارت ناحية المقلة كاتهز فيها وتولول )
ليلى . .ويييلي ويلي تحرق البيض
هارون . .( خدا المقلة من يدها ) انا غانصايب واحد اخر
ليلى . .وانا غانسخن الخبز (تبسمات)
#مكان__اخ____________ر
#لندن____________ 🛫
جالسة قدام المرايا كاتمشط فشعرها ودماغها سارح حاسة بالغصة فقلبها كاتحرقها ودموع محجرين ف عينيها دازت ايام ومزال الأيام ماقدرت داوي الجرح لي خلا فقلبها عيات تكبح دموعها وتحبست اهاتها لكن حتى لين غاتكابر القلب طاب وجرحو كبير نزلت دمعة حارة شقت طريقها على خدها وتبعتها شهقة لاحت المشطة من يدها وحطت يدها على فمها كاتمة شهقتها طلعت اكبر حمارة وطلع معاها اكبر صبع دغية تاقت بين ليلة ونهار قالت بصح كايبغيني ولا على الأقل معجب لكن فلحظة كلشي تبخر وتكشف المستور اتاري كان دايرها طعم وخدات اكبر مقلب ......
صباح . ."بحرقة" اخخخخ مابقيتش قادرة هءهءهءهءهء ااااااااااااااااااااااااه هءهءهءهءه..
~دخلت عندها ربيكا كاتجري غير شافتها فديك الحالة مشات طايرة لعندها ضماتها لصدرها وكاطبطب عليها ~
ربيكا . . حبيبتي
صباح . .( صوتها مخنوق بالبكى ) ض ض ضحك عليا هءهءهءهءه طلعت حمارة اربيكا تقت فيه وضحك علياا
ربيكا. .باركة ماتعدبي فراسك ضحك على راسو وضيع من يديه بنت الف واحد يتمناها
صباح. .(كاتنخصص) قلبي كايحرقني مابقيتش قادرة 😭😭😭.....
ربيكا. .اخخخ ياربي (ضمتها بقوة) الوقت كفيل ينسيك
حطات عليها راسها وكاتلعب بخصلات شعرها حتى بدات كاتهدن تدريجيا من بعد بعدت على حضناها كاتمسح فدموعها
ناضت بالخف هزت صاكها وهزت نظارات شمسية وخرجت من الغرفة ومن الدار كاكل بخطوات متسارعة طلعت فلوطو ديالها وكسيرات......
#مكان_اخ_____________ر
جالسين حول طاولة الإفطار وبرفقتهم صونيا وليليا كاتسمع ومافاهمة والو....
صونيا. .( رتشفت من العصير ) ضبري على كر* وستافدي من زواجو مدام هو مستمتع حتى نتي خاص تكوني نفس شيئ
جوليا. . "رفعت حاجبها"مافهمتش !
صونيا. .بليييز جوليا خدمي داك دماغ عندك وخلي الأمور لصالحك خليه يكتب ليك هاد القصر كاتعويض على اهمالو ليك ومن بعد قولي ليه يكبر ليك مشروعك ماتبقايش مجرد موظفة عندو وديك الجمعية الخيرية دجدريال ماموكلاش ابيب الخير الكبير هو لي غاديريه فراسك عاد شوفي ناس
عزيزة . . (مسحت فمها بالمنديل ) ختك عندها الصح
جوليا. . يعني ..... ( صغرت عينيها وكرزت على فمها ) احم عندك الحق خاص نضرب على مصلحتي ونضمن الأملاك ليا ونخلي وأولهم هاد القصر مستحيل نخليها تفرح بيه
عزيزة . ."تبسمت بمكر " دابا عجبتيني.
شادة طريق وسايقة بأقصى سرعة وشريط دكرياتها المريرة كايدوز قدام عينيها.....
#فلاش_باك___
قصي. .اكيد غايرفض بيني وبينو خلاف بس اول مانحطوه امام الامر الواقع غايتقبل الوضع
صباح . ."غمضت عينها ورجعت فتحتهم بسرعة وتكلمت" م موافقة
#الحاض________ر
صباح . .( كاضرب فحناكها وتبكي ) علاش قبلت علااااااش اااااااخ ياربي مابقيتش قادرة هءهءهءهءهءهء
~ تكات راسها وجلست كاتشهق وتنخصص ماقادراش تنساه وماقادراش تكرهو وفنفس الوقت ندمت حيت قبلت تعرمو عليها من كل جوايه رفعات راسها ومسحت دموعها ورجعت كسيرات حتى تحكو الرويد مع الأرض وعلى غفلة منها خرجات فكلب حتى تهز لسما وتخبط مع زوج دلوطو شدات وجها وغوتات ربي لي خلقها .......
صباح . .لاااااااااااااااااااااااااااااااااا.....
#مكان__اخ______________ر
بعد ماجهزو الفطور حطو فالجردة وجلسو كايفطرو وكايدردشو فنفس الوقت ....
ليلى. . غانمشي معاك لمكتب
هارون . ."بصوت رجولي" اليوم ماكاينا خدمة
ليلى . ."بستغراب " وعلااش !
هارون. . ( رتشف من الفنجان وكايشوف فيها ) اليوم كاين غير انا وانت وبس 😉
ليلى . .( توردو خدودها) احم
هارون. . "تنهد " اخخخ من الأحم (رجع شاف فيها ) خديت ليك موعد مع دكتورة لي غاتراقب حملك (شاف فيها وتبسم) متشوق لداك نهار
ليلى . . حطت يدها على كرشها ) حتى انا كتر ماتصور واخيرا غانولي ام
هارون. .(شد يدها وباسها من لداخل) واحلى ام (سكت شوية ورجع ستأنف كلامو ) ادا كان ولد انا لي غانسميه
ليلى. . وادا بنت انا لي غانسميها ( رجعت مررت يدها على بطنها) عندي احساس غاتكون بنت 😍
جوليا. ." بنرفزة" انت نقطة ضعفك الفلوس تموتي فشي حاجة سميتها الفلوس انا بغيت نضرب عصفورين بحجر واحد
عزيزة. .هاحنا غانشوفو...
#مكان_اخ___________ر
#لندن____________ 🛫
مسافة طريق كانت فالكابيني ديالها ووراها جيمس هاز الكلب بين يديه كلو دمايات حطو فوق البياص وشاف فيهاااا
جيمس. .انا غانفحصو انت بنتي ليا ماشي على بعضك
صباح . .الى مات ماغانسمحش لراسي
جيمس . .هشششش غايكون لاباس انت رتاحي
~لبس البلوزة ودار ليگات والكمامة على نيفو وبدا المعاينة كانت كاتشوف فيه وكلها كاترعد من الخوف حاسة بدنب كبير بعد دقائق بدا كايحيد ليه زاج داخل فلحمو من بعد نضف ليه الجرح وخيط ليه
#مكان_اخ____________ر
مسافة طريق كانت قدام باب الشركة انسطالات لوطو ونزلت منها هازة ف عينيها فالبرج الفخم لي قدامها ترسمات ابتسامة ماكرة على شفاها وتمشات لداخل كاتميل بخصرها المنحوت يمين وشمال ورافعة رقبتها بشموخ تمشات ديريكت لمصعد بركت على زر رقم خمسة ثواني قليلة وكانت فالطابق الخامس ......
#مكان__اخ_____________ر
رجعت تاصلت مرة أخرى هاد المرة ابيل ڤيديو بعد انتظار دام لثواني تفتح الخط وجات عينيها على ليلى .....
ليلى . .~بنرفزة~ مروى ى ى ~كتمت غضبها~ ماتقوليش ليا من هاد شي كامل هامك غير واش ملعق
مروى. .اكيد غايهمني رصيدو البنكي
ليلى. . عمرك تبدلي واش نسيتي اش دار فينا
مروى. .يمشي يخرا همي الوحيد هو الفلوس بغيت نعيش حياة كريمة بحال كاع البنات تغربت وشفت دل باش نعيش بحال البنات وفالأخر طلع لي سميتو بابا واحد ملعق وانا كانتمرمد هنا فنظرك شنو غاندير هااااء اكيد غانمشي لعندو ونعيش الحياة لي كانستحق
مروى . ."بنرفزة" خلاص حتى انتي "تنهدت بإرتياح" غانجي وغانعيش لحياة لي كانستحق غانخلي هاد الوسخ وغانرمي كلشي ورايا ونعيش حياة جديدة حياة تليق بيا
~بين ماهي كاتهضر تفتح الباب على جملة غانجي وغانعيش لحياة لي كانستحق غانخلي هاد الوسخ وغانرمي كلشي ورايا ونعيش حياة جديدة حياة تليق بيا غير شافتو وسعت عينيها وبلعت ريقها وقف قدامها بنظراتو لي كاتخوف وتكلم بصوت خشن.....
جوزيف. .فين غاتمشي !!
~ستجمعات قواها وتكلمت ~
مروى . . غ غانمشي من هنا
~ عوج الفك ديالو وضغط على يدو حتى عروق رقبتو برزو وتكلم بصوت قوي فيه بحة رجولية .....
جوزيف . .ولفين بسلامة همم !!
مروى . .( بلعت ريقها ) للمغرب لبلادي
~ توجه ليها بخطوات بطيئة وعينيه جمرة بدون مقدمات لوا شعرها على يدو حتى تأوهت من الألم وتكلم بصوت خشن ~
جوزيف . . ومعامن تشاورتي أااا (زاد زير عليها ) عاد تفكرتي بلي عندك بلاد اممم زائد دخول لحمام ماشي بحال خروجو ازوينة دفعت فيك فلوس كتيرة ماجتيش بساهل (دفعها على الحيط حتى تهزو ضلوعها ورجع كمل كلامو )
هنا غاتبقاي حتى لنهار لي قولها ليا راسي عاد غانشوف ~ زير على الفك ديالها بقوة~ هنا غاتبقاي كاتسمعي
~دفعها حتى جات منشورة فوق السرير وخرج من الغرفة بخطوات متسارعة أول ماغاب من قدامها وقفت كاتنتر وصدرها كايطلع وينزل ~
مروى . ."بنرفزة " هاحنا غانشوفو اسي جوزيف
#مكان_اخ_____________ر
__بعد_ساعات___
جالسة فوق البوطاجي وكاتشوف فيه كيفاش كايقطع البصلة وكايعوج ف سيفتو ماطايقش ريحتها ضحكت بغنج والفرحة ماليا قلبها ....
ليلى. . ~ كاتلوي خصلت شعرها على صبعها~ وشحال كاطلب
~انفاسو الحارة كاضرب فوجها وتمزجت مع انفاسها وبدون مايتكلم نقض على شفاها كايمص رحيقهم بشهوة حطات يدها ورا راسو مزيرة عليه كأنها متعطشة للمزيد بعد دقائق من المص والجر بعد عليها بعد ماخلا فمها كايزدح وتكلم بصوت رجولي ~
هارون. .حاليا غانقبل بهادي بسسس من بعد مانضمنش ليك 😉
#مكان__اخ_____________ر
#لندن_______________🛫
أول مافتح عينيه تمشات ناحيتو بخطوات متسارعة كاتعنق فيه والفرحة ماسايعاهاش ....
صباح . .جيمس شوف فاق
جيمس. . واش ماعندوش مولاه !!
صباح. .~شافت فيه~ ماعرفتش كان بوحدو
جيمس . .كانظن غايكون كلب دشارع شوفي كيف مسخ انت دابا درتي لي عليك كانظن خاصو يمشي بحالو
صباح . ."عقدت حجبانها " نو غايبقى معايا حتى يولي لاباس
جيمس. . ماتقوليش ليا غاتديه معاك لدار !
صباح . .تمامااااا
جيمس. .واش كاتهضري بصح نووو ما غانقبلش يق___ قاطعاتو ____
صباح. .وانا ما كاناخدش رئيك .....
هزاتو وخرجات من الكابيني تحت انظار جيمس لي مازال ماقادر يصدق بلي غاتكفل بيه تبعها بخطوات متسارعة قبل مايوصل لعندها كانت كسيرات ومشات..
#مكان_اخ__________ر
بعد ماطابت االبيتزا وجدت سلطة وتوجهو لغرفة الأكل كانت كاتاكل بشهية وهارون ماراقبها ب عينيه وابستامة خفيفة على شفاهو....
ليلى. .~رفعت راسها كاتكلم وفمها عامر ~ ماغاتاكلش !!
~ خدودها توردو من الخجل ولت حنات راسها كاتاكل وهارون مراقبها ب عينيه ~
#مكان_اخ______________ر
لبست غوب فوق الركبة فالبيض موردة بالكحل حطت ميك اب خفيف وخلات شعرها على راحتو من بعد لبست صباط كعب عالي فالكحل وهزات صاكها وخرجات من القصر بخطوات تابتة فطريقها تاصلت بأوس ودارت معاه فين يتشاوفو مسافة طريق كانت قدام كافي جا فحي هادئ نزلت من لوطو وتوجهات لداخل كاتسناه بعد دقائق وصل أوس اول ما لمحها توجه ليها ......
~ . .وقت الغدا وصل اش بان ليك تغداي معايا قصدت معانا انا وبعض زملاء
صونيا . . نو ميرسي
~ . .حتى من المدير كايكون فنفس المطعم
صونيا . .المدير
~. .وي ميسيو فادي انسان متواضع بزاف غايعجبك الحال معانا
صونيا. ."هزات حقيبتها اليدوية " اوكي ....
~ خرجات من المكتب برفقة الموظف وخصرها كايميل يمين وشمال وعلى شفاها ابتسامة ماكرة ثواني وكانو فالمطعم لي فالشركة أول مادخلت كادور ف عينيها وكاتقلب عليه بين الموظفين بدون ماتير الإنتباه ماهي الى ثواني قليلة حتى جات عينها عليه جالس بمخملية وانفاص معاه ورجل فنفس سنو تقريبا طولت فيه شوفة ورفعات راسها بشموخ...
طول الوقت كانت كاتشوف فيه ومراقباه من بعيد اول ماحست بيه غايوقف ناضت قافزة هزت صاكها وتكلمت ....
صونيا . .نشوفك من بعد
~. .بس مزال ماكملتي غداك....
~تجاهلاتو وتوجهات ناحية فادي بخطوات متسارعة كاتميل بخصرها يمين وشمال بحركة دكية وسريعة دارت براسها تعكلات وجات بيه يديه شدها بيدو حتى لصقت على صدرو وانفاسها تمزجت مع انفاسو تأوهت وتكلمت بصوت مق*بن...
صونيا. .ااااااه رجلييييي..
فادي . ."كايشوف فيها بإعجاب "واش تقصحتي ديزولي ماشفتكش
صونيا. ."تحنات حتى نص صدرها بان" رجلي رجلي كاضرني بزاف
تحنا وشد رجليها كايقلب فيها وكاع اعين الموظفين توجهو ناحيتهم وقف شاف فيها وتكلم ~
فادي . لازم مايشوفك طبيب
~. .(جا كايجري) مادموزيل صونيا واش تقصحتي
صونيا . ."كاتبوحط" اه بزاف
فادي . ."شد فيدها" خلينا نمشيو لوبيطال
خرج من المطعم شاد فيدها ومسندها عليه ومرة مرة كايشوف ف صدرها لي كان مشكوف قدامو ويرجع يبعد عينيه عليها أول ماشافو سائق فتح ليهم باب سيارة وديمارا فتجاه اقرب مصحة بعد ما عطاه الأمر مسافة طريق كانو داخلها ماكانت كاتحس بوالو مجرد كدبة باش تقرب منو فكل ماكايحط عليها طبيب يدو كادير براسها مقصحة
~ خرجو من المكتب فتجاه احد المطاعم تحت انظار أوس لي كان مراقبهم من بعيد وكارز على يدو اول ما غابو عن عينو رجع لمكتب ديالو شعل سيجار كاينتر منها ودمو كايغلي طول هاد الأيام كان كايحاول يتقرب منها على اساس صديق لكن كانت كاتصدو وكاتتجاهل وجودو اول ماكمل سيجار هز الڤيست ديالو وخرج من المكتب بخطوات متسارعة......
#مكان__اخ________ر
#لندن___________________🛫
جالسة فوق الكانابي وجنبها ~ تشارلي ~ الكلب لي كانت خرجت فيه من داك نهار وهو عندها وقررت تخليه معاها بين ما فالمطبخ كانت واقفة ربيكا كاتوجد فالغدا وكاتهضر فنفس الوقت بصوت عالي نوعاً ما.....
~اول مادخلت طلع فلوطو وديمارا فتجاه القصر مسافة طريق كان قدام البوابة انسطالا لوطو ودخل لداخل بخطوات تابتة كانت جوليا فغرفة الأكل كاتعشا مع عزيزة وليليا لي غير شافت هارون مشات طايرة كاتجري لعندو ~
ليليا . .باباااااااااااااا.....
هارون . .(هزها) بنتي زوينة
عزيزة . .(همست) الحمد لله من مزال مفكر عندك بنت (عوجت فمها)
ربيكا . .(شافت فيها) حالك مابقاش عاجبني هاد الأيام
صباح . ."هزات البوشيط ديالها" غير شوية دالعيا ماتشغليش بالك "شافت فالساعة" يالاااااا
~خرجو من الشقة فتجاه مزرعة جيمس فين كاين الحفل ساعة زمن تقريباا كانو داخل المزرعة انسطالات الرونج ديالها ونزلت هي وربيكا تمشاو لداخل بخطوات تابتة اول ماشافها جيمس ترسماات ابتسامة عريضة على شفاهو وتوجه ناحيتها والفرحة ماسايعاش كان عند بالو غااترفض تجي .......
جوليا. .(خدات نفس عميق ) غانكون صريحة معاك كيف ما انت شفتي مصلحتك فهاد زواج حتى انا بغيت نشوف مصلحتي ومصلحة بنتي وليت كانشوف الإهمال منك ل ليليا وليا وليت كانشوفك بعيد عليا وقريب من هاديك لي ماكاتسماش هذا علاش غانشوف حتى انا مصلحة بنتي انا ام ومن حقي نخاف على بنتي ومصالحها
هارون. ."جلس ودار رجل فوق رجل" يعني ؟!
جوليا. .بغيتك تكتب هاد القصر بسميتي
هارون. .(ببرود) من ديما وانت همك الفلوس وصورتك قدام ناس ماتكدبيش على راسك اجوليا ومادخليش ليليا فالموضوع من امتى كنت ام ليها همم من امتى ؟! من ديما وانت منزاعجة من وجودها ومخليها تحس بالخوف منك وجايا دابا كاتقولي خايفة على مصلحتها بليييييز جوليا انا عارفك مزيان حق المعرفة من ديما مصلحتك فوق الكل ومن ديما غرضك هما الفلوس وصورتك قدام ناس وبسسسسس اوك ادا كنتي غاتحسي بالراحة مبروك عليك القصر بسس خلي ليليا بعيد من هاد المشاكل انا ماظلمتكش اجوليا ومن الأول كنت صريح معاك هذا علاش ماتلعبيش دور ضحية مرة أخرى
جوليا. .ان___ قاطعهاا____
هارون . .غانكلف محامي الشركة بالموضوع تصبحي على خير
~قال هاد الكلام وتوجه لسرير تسطح فيه وعطاها بالظهر كرزت على يديها والغصة كاطلع وتنزل فزورها ~
#مكان__اخ_______________ر
#روسيا______________ 🛫
توجهات لغرفتو بخطوات متسارعة اول ماوصلت للباب تلفتت يمين وشمال وفتحاتو بشوية دخلت راسها كاتشوف واش الغرفة فارغة اول ماتأكدت دخلت لداخل وسدت الباب وراها......
مروى. .منين غانبدا دابا همم !!!
شافت فالكوفوز لي جنب السرير توجهات ليه بخطوات متسارعة فتحت الدرج وكاتقلب على الباسبور ديالها من بعد نتقلت لمجر ثاني كاتقلب بزربة والخلعة شاداها بعد ماقلبت المجورة والقنات توجهات لدرسينغ كاتقلب بين حوايجو والخلعة شاداها من صبعها صغير يقدر فأي لحظة يدخل عليها وغاتكون نهايتها ما فيهاش بعد دقائق قائق من البحت جات عينيها عليه مخشي فواحد العلبة اول ماشافتو ترسمات ابتسامة عريضة على شفاها جلست كاتبوس فيه وتنقز من الفرحة ......
مروى. .لقيتو لقيتووو بسسسسس😍
بين ماهي كاتنقز سمعت صوت السيارة خرجت عينيها وبلعت ريقهاااا.....
#مكان_اخ___________ر
#لندن _______________ 🛬
واقفة انفاص مع البيفي كاتشوف فالأطباق لي قدامها جات عينيها على سوشي المقلي عمرات طبسيل وجلست كاتخشي فوجها بشهية وتبنن لمحاتها ربيكا من بعيد وجات لعندها .....
ربيكا . ."همست ليها" اش هاد الحالة أ صباح كولي بشوية كلشي كايشوف فيك
صباح . ."فمها عامر " امممم بنين بزاف
ربيكا. . صباح غايبداو يضحكو عليك بشوية
صباح. . ماشغليش فيا الجوع ( عمرت فمها وكااتهضر بعد ماخوا طبسيل رجعت عمراتو من جديد غير مهتمة بنظراتهم كان جيمس كايشوف فيها بستغراب توجه ناحيتها وتكلم .....
جيمس. .عجبك سوشي
صباح. .وي بزاف (مدات ليه ) ذوق تشوف شحال بنين
خداه منها ذاق منو من بعد عمر طبسيل ديالو وجلس جنبها واخا ماكايعحبوش سوشي مي على قبلها يقدر يدير اي حاجة شافت فيه ربيكا بستغراب وتكلمت
ربيكا . .من امتى كان كايعجبك سوشي !
جيمس . ."شاف ف صباح بحب " من اليوم
#مكان__اخ_________ر
#روسيا_____________🛫
خشات الباسبور تحت حوايجها وخرجات من بيتو كاتجري أول مادخلت لبيتها دورت الساروت وجبدت الباسبور كاتشوف فيه والفرحة ما سايعاهاش
مروى. .واخيراااااااا
__دق__دق_______
تلفتت ناحية الباب والخوف تملكها زيرات على الباسبور وتوجهات لماريو كاتجري وكاتهضر فنفس الوقت.....
مروى . .بلااااتي.....
أول ماخباتو فتحت الباب ~
مروى . .وي
~ . .مادموزيل العشا جاهز وميسيو جوزيف كايتسناك
مروى. .اوك
وصل لشركة مبكر وتوجه ديريكت لمكتب ليلى فتح لباب ودخل لداخل كايتمشى بخطوات بطيئة جات عينيه على الكاب ديالها هزو بين يديه وقربو لنيفو كايشم ريحتها وعينيه مغمضين......
أوس . .(بصوت خافت كافحيح الأفعى) ليلى مرر يديه برفق على الكاب وصورتها بين عينيه بعد دقائق حط الكاب وتوجه لمكتب جر الكرسي وجلس فمكانها ومسند راسو على الكرسي وكايشوف فكل زاوية من زوايا المكتب ......
أوس. ."غاتكوني ليا وبأي ثمن أ ليلى
~عتدل فالجلسة وكايبخشش فالأوراق لي فوق المكتب فجأة جات فيدو صور الإيكو وسع عينيه وحل فمو للأخر مامصدقش شنو كايشوف ولاو عينيه حمرين كيف جمر لوا فمو بغيض وكارز على يدو ~
أوس. .مايمكنشششششش...
__مكان__اخ_______________ر
بعد مافاق خدا دوش خفيف ولبس حوايجو وخرج من القصر فتحاه دار ليلى لي كانت فطرات وكاتسناه يجي مسافة طريق كان قدام باب الڤيلا كلاكسونا عليها وكايتسناها تخرج ثواني وكانت قدامو فتح باب الوطو وجلست جنبو
ليلى . .( طبعت قبلة جنب فمو) صباح الخير
هارون . .(بصوت رجولي) صباح النور....
~شد يدها باسها من الداخل وديمارا فتجاه الشركة مسافة طريق كانو داخلها انسطالا لوطو ودخلو بزوج بخطوات تابتة تحت انظار الموظفين لي ولاو مؤخرا كايتهامسو بزاف وكل واحد فيهم كايفصل ويخيط على حساب گانتو ~
~ . .لا هاد شي بزاف اصاحبتي او كل نهار داخلين بزوج وولات غير لاصقة فيه اخخخ نموت ونعرف اش بينها وبين ميسيو هارون
~. .هااااء اش غايكون بينهم يعني واضحة وضوح الشمس فنهار جميل عشيقتو بنت دين الكلب بغيت غير نعرف كيف دارت ليه
~ . .وانا بغيت غير نعرف واش مدام جوليا ماعارفاش !! (شافت فيها) سيدة تلوات عليه كي لفعة لا ومن الفوق كاتهز خنافرها لسما تقول ضارب بيها الخط زناتي
~. .مانظنش مدام جوليا عارفة والى كانت غاتجري عليها هادي مافيهاش
~. .تجري عليها همم قولي تدبحها كاتغير عليه بزاف خاص لي يوصل ليها سيدة مشات على عينها ضبابة
~. .بيني وبينك بغيتها فيها مغرورة ومتكبرة بشكل كبير وهادي هي لي غاتواطيها
~. .انا واخا ماكاانحملش مدام جوليا وماكانطيقهاش بالمرة ولكن بقات فيا حتى انا مرا بحالي بحالها وادا شفت بلي راجلي داير عليها وحدة ندبحها ونشرب دمها صعيب صعيب بزاف
~ . .وانا عكسك تماما بغيتها فيها باش يالا تنزل زنافرها للأرض شوية
~ أول ماوصلو لطابق الأخير جدبها لعندو تحت انظار سكرتيرة لي خرجت عينيها ومامصدقاش شنو شافت طبع قبلة على شفاها وتكلم بصوت رجولي بمتياز ~
هارون . .نشوفك فالغدا
ليلى. .~خدودها توردو وتمنت الأرض تنشق وتبلعها " اوك
~اول مادخل لمكتبو دخلت هي لمكتب هاربة من نظرات السكرتيرة لي كلاتها بعينيها أول مادخلت جلست فالبيرو واول حاجة فكرت فيها صور الأيكو قلبت فالبلاصة فين خلاتهم اخر مرة لكن مالقاتهمش عقدت حجبانها وبدات كاتقلب بين الوراق ~
ليلى. .اووو فين مشاو ؟!!
وقفت وكاتقلب فالمجر وبين الملفات لكن مالقاتهمش بالمرةةةة خرجت من المكتب وتوجهت لسكرتيرة...
ليلى . .ب بون جوغ
~. .ميقت فيها ~ بون جوغ
ليلى . .(بعد تردد ) شكون دخل لمكتب ديالي !
~. .حتى واحد علاش !
ليلى . شي حاجة كاتخصني خليتها فالمكتب ومالقيتهاش
~ . .(قلبت عينيها بنرفزة) انا ماشي عساسة على المكتب ديالك امادموزيل زائد حتى حد مادخل لمكتب شوفي فين حطتيهم
رجعت لمكتب بدون ماترد عليها وكاتخمم فالأول مشاو تصاميم ودابا صور الإيكو دخلها شك وبدأت كايتفكر بينها وبين نفسها ~
ليلى . . انا متأكدة بلي خليتهم هنا اخخخ مافيهاش شي حد كايدخل لمكتب ديالي بس شكون .!!
#مكان__اخ_______________ر
أول مافتحت عينيها توجهت لحمام خدات دوش بدون ماتفزگ شعرها من بعد توجهات لدرسينغ خدات سروال جينز ديلاڤي مع شوميز فالبيض عقداتها من جيهت الكرش ومبينة البوط ديالها خلات شعرها على راحتو وحطت ميك اب خفيف من بعد هزات حقيبتها اليدوية دارت فيها شي فلوس وجواز السفر من بعد لبست صباط كعب عالي ونظارات الشمسية وخرجات من الغرفة فتحات الطابق الأول اول مانزلت جات عين مارسيا عليها
مارسيا. .(كاطلع فيها وتنزل) فين غادية !؟
مروى. .غانخرج شوية قنطت
مارسيا. .واش قليتيها لجوزيف !!
مروى . .واش ضروري شنو فيها ادا خرجت شوية
مارسيا. .ضبري راسك وتحملي مسؤوليتك
مروى. .(جرات ليها خدودها) غانتوحشك امو حنوك
مارسيا. .(بعدم فهم) اش قلتي
مروى. .(بالفرنسية) يالا بااااي ماري ....
~خرجات من القصر كاتميل بخصرها يمين وشمال وديريكت المطار ~
فادي. .اااااااااااه من فادي خرجت من فمك كيف الشهد وانا كتر اروح فادي اليلة غانخصصها غير ليك انا انت وبسسسس
صونيا. .(لوات خصلة من شعرها على صبعها وعضت شفتها التحتية بأغراء) وانا غانتسناك على احر من الجمر ........
#مكان__اخ________________ر
غادي جاي فالمكتب وصور الأيكو بين يدو جن جنونو وصعر بالمعقول كان شاك والشك تقطع باليقين هي حاملة مافيهاش والقضية زادت صعابت عليه كتر وكتر كرز على يدو وتكلم من بين سنانو....
أوس. .بس حتى حاجة ماتصعاب عليك أ أوس
~ حط صور فوق المكتب وتاصل ب جوليا لي كانت مخشية فالجاكوزي ومسترخية رن الفون ورن لكن بدون رد رماه فوق الكانابي وجلس ضاغط على فمو من الداخل وصدرو كايطلع وينزل بعد نص ساعة خرجات من الجاكوزي لوات شعرها ف الفوطة ولبست البينوار دالحمام وخرجت بخطوات تابتة اول حاجة جات فبالها هو الفون يالا فتحاتو وهي تجي عينها على رقم أوس بدون تردد تاصلت بيه ......
أوس. .(فتح الخط) واخيرااا
جوليا . .أوس صاڤا !!
أوس. .(بنرفزة) نووو ماصاڤاش
جوليا. (عقدت حجبانها) أوس خير اش واقع !!
أوس. .تأكدت بنفسي ليلى حاملة اجوليا حاملة
جوليا. .بلعت ريقها" ك كيفاااااااااااش.....
#مكان__اخ________________ر
جالسة فمطعم كايطل على البحر وانفاص معاها هارون كايشوف فيها كيفاش كاتاكل بشهية وتبنن قدامها بلا دالحواات مشكل وسلطات متنوعة...الخ
~ . .ايييه متأكدة نتي دابا فالمراحل الأولى من الحمل لازمك رااااحة وماتعبيش نفسك و____قاطعتها____
صباح . .بس انا مابغيتوش
~ . .رفعت فيها عينيها) نعام ؟!
#مكان__اخ________________ر
بعد ساعات كانت فوق التراب المغربي نزلت من طيارة وخرجت من المطار بخطوات متسارعة والفرحة ماسايعاش واخيرا تحررات من داك الحبس لي كانت فيه على قولتها وأول واحد جا فبالها ليلى خدات الفون وتاصلت بيها .....
~ كانت جالسة فالمكتب كاتوجد تصاميم اخرى وحاطة كل تركيزها عليهم فجأه رن الفون ديالها غير شافت رقم مروى دوزت الخط بدون تردد ~
~ اول ماصفطت ليها عنوانو خدات طاكسي صغير ونيشان لدارو مسافة طريق كانت قدام باب الڤيلا نزلت من طاكسي بعد ماخلصتو وتوجهات لباب كاتميل المؤخرة يمين وشمال برت على زر وصوناات____
#مكان__اخ_________________ر
#روسيا________________ 🛫
ماريسا. .كاتشوف فالساعة" اووو فين غاتكون مشات هادي الله ياربي اش غانقول ل جوزيف من يجي
غادية جاية مقابلة مع الباب وكل شوية تقول هاهي غادخل لكن واالو فص ملح وداب بعد دقائق وصل جوزيف اول مادخل جات عينو عليها.....
جوزيف. .دادا (باس خدها)
مارسيا. .ولدي الحبيب
جوزيف. .(كايشوف ف عينيها) دادا مالك
ماريسا. .(بعد تردد) ولدي ماعندي مانخبي عليك البنت لي جبتي اترها غابر ما صباح ما بان ليها الأتر
جوزيف. .(خرج عينيه ) كيفااااااااش.....
هارون. . أول ماتخوا الشركة بغيتك تركيبها فمكتبها وماتكونش باينا بالمرةة
~. .تحت امرك سيدي
هارون . .(اشار ليه ) تقدر تتفضل...
__فالجهة_الثاني_______ة
خرجت من مكتبها ونزلت لكافتيرية لي فالشركة باش تاخد القهوة اول ماجات عينهم عليها بداو كايتهامسو بينهم لكن هاد المرة بصوت مسموع .......
~. .ايوا الله ينعل لي مايحشم ولاو كايدور برجال لعيالات ويخربو البيوت
~. .حتى نتي الخانزة عطاهم الله يحسن عوان المدام وكيف غايكون حالها من تعرف
~. . تزندق معاه حتى تعيا فالأخر غايرجع للأصل لمراتو ام وبنتو (عوجات فمها)
~. .انا مافهمتش كيفاش بنادم ضميرو مرتاح لهاد درجة انا لو من المدام ونعرف بلي كادور براجلي ندبحها
~. .نتما علامن كاتهضرو شوقتوني شكون هادي لي كاتهضرو عليها ؟!
~. .(كاتميق ف ليلى ) علاه مافخباركش آخر الأخبار ويلي شركة كلها فخبارها ماشي واحد بنت القاف دارت بالمدير وولات صاحبتو بلا خبار المدام ويلي على شوهة الفلوس كايعميو نفسو
~. .شكون هادي العار !؟
أشارت ل ليلى لي كانت كاتسمع وداتها كاتغزل تمنات الأرض تنشق وتبلعها ولا تتحط فهاد الموقف حسات بالإهانة والإحتقار وقداش هي صغيرة قدامهم حطت الفنجان من ديها ورجعات لمكتبها كاتجري ودموعها على شفارها اول مادخلت سدت الباب وجلست كاتبكي وتنخصص.....
ليلى . .عندهم الحق انا وحدة ماكانسواش هئ...هئ...هئ. ان___
~ قبل ماتكمل كلمتها تفتح باب المكتب ودخل هارون لي غير شاف دموعها مشى طاير لعندها شاد فيدها ~
هارون . ."بخوف " ليلى مالك !!
ليلى . .(شافت فيه بعيون دامعة) ه هارون زواجنا غالط انا وحدة ماكانسواش هئ ..هئ...ه....
هارون . .(بخشونة) اش كاتقولي شرحي ليا اش واقع
ليلى. .(مسحت دموعها ) كلشي كايهضر عليا عند بالهم صاحبتك هما عندهم الصح انا وحدة ما كانسواش دخ___ قاطعة بحدة ودمو كايغلي___
هارون. .شكون هادو أااا ؟! شكون هادو !؟
ليلى . .كلشي كلشي هما عندهم صح انا بصح ماكانسواش دخلت بينك__ رجع قاطعها _____
هارون. . (شد فيدها ) اجي معايا
ليلى . .ف فين !
هارون . .غاتعرفي دابا
~ خرج من مكتبها ووقف قدام السكرتيرة ويدو فيدها ~
هارون. .(بصوت قوي ممزوج ببحة رجولية) غاتجمعي ليا كاع موظفين الشركة
سكرتيرة. .(كاتشوف ف ليلى) اوك ميسيو .....
#مكان__اخ________________ر
نازلة مع دروج كاتجري تلاحت عليها كاتعنق وتبوس عمرها كانت مفاهمة معاها وديما مناقرين لكن غيابها لي جا على غفلة خلاها توحشها وتفرح بشوفتها
مروى . .هانا جيت (كاتميق ف ياقوت لي ولات على اخرها ) وابتداءا من اليوم غانكون هنا
سمر . ."رجعت عنقتها) بصححح واش غاتبقاي معانا
مروى. ./جلست فالكانابي حاطة رجل فوق رجل/ اكيييييد
ياقوت. .(زمجرت ) ياربي تعطيني صبر هاد شي لي بقى ناقص (عطاتهم بظهر وطلعت لطابق الثاني ودمها كايغلي ....
#مكان__اخ__________________ر
دقائق قليلة وكانو كاع الموظفين مجموعين واقفين بنظام وحانين رأسهم وكلهم كايقولو مع نفسهم شنو واقع وعلاش جمعنا ثواني ونزل هارون بخطوات مخملية نظراتو الحادة صوبهم ويديه فيد ليلى وقف وانفاص معاهم وتكلم بصوت خشن ممزوج ببحة رجولية
هارون . .بلا شك كلكم كاتسألو شنو سبب هاد المجمع (كايشوف فيهم واحد واحد ( كيف ما اغلبكم كايتسألو شنو علاقتي بمدام ليلى (شاف فيها ) اليوم جيت نرضي فضولكم مدام ليلى مراتي على سنة الله ورسوله وقريب غاتكون ام ولدي ولا بنتي ابتداءا من اليوم مابغيت نسمع حتى شي حد كايتكلم عليها أو يشير ليها حسابو غايكون عسير معايا
غاتحترموها وغااتعاملو معاها بحترام وحدر ببساطة هي مراتي وواجب عليكم تحترموها وهذا غايكون اول واخر انذار ادا سمعت ولو نص كلمة عليها ترحمو على روحكم ودابا تقدرو تشوفو شغلكم
~ أول ماشافو زميلهم بارك ليكم تشجعو وبداو كايباركو واحد ورا واحد من بينهم الموظفات لي كانو كايهضرو عليهم وقفو قدامها حانين الراس والخلعة شاداهم من صبع الصغير فالجهة الثانية كان واقف اوس كايشوف فيهم من بعيد ودمو كايغلي دخل لمكتبو وردخ الباب وراه....
#المسا____________ء 🌌
جوليا. . اكيد غانجيو طبعا غايكون معايا اوك ان شاء الله وهو كذلك تصبحي على خير طيييييييييييييط.....
جوليا. .غاندير ما فجهدي باش يمشي شحال هذا ما حضرنا لشي حفل بزوج ناس غايبداو يهضرو
عزيزة. .هادي ماياخدكش فيها الشك
جوليا . . من غدا غانبدا نمشي لشركة خاص ديما نكون معاه خويت ليها ساحة عليها دارت ما بغات بس من غدا ان معاها وغانشوفو شكون لي غاتربح فالاخر (رفعت رقبتها بتعالي وكاتشوف ف عزيزة )
#مكان__اخ_________________ر
ناضت من السرير ولبست بينوار دالحرير فالباج ولاحت شعرها ورا ظهرها ناض وراها مباشرة ضمها من الور وابتسامة عريضة على شفاهو......
فادي. .معاك قلبي حيا من جديد
صونيا. .(تلفتت ناحيتو ) فادي هاد الوضع ما بقاش عاجبني
فادي. .(بستفسار ) شنو لي ما عاجبكش بالضبط ؟!
صونيا. .علاقتنا السرية بغيت كلشي يعرف بغيت نكون معاك وانا مرتاحة ورافعة راسي لسما بدون خوف
فادي . .(باس يدها) عطيني شوية دالوقت ومايكون غير خاطرك
صونيا. . اوك (مررت يدها على خدو برفق) خليك هاد ليلة معاياا
بعد ما خدات دوش جمعت شعرها على شكل كعكة ولبست بيجامة خفيفة فالغوز بارد ونزلت لطابق السفلي فين كان جالس وكايبخشش فالبيسي غير شافها بعدو من يدو وتكلم.....
هارون . .كيف بقيتي شوية ؟!
ليلى . .(جلست جنبو ) الحمد لله
هارون. .(مرر يدو على خصلات شعرها) من اليوم كلشي غايعرف بلي نتي مراتي حتى حاجة ما غاتبقى مخبية
هارون . . هادي اخر مرة نسمعك كاتقولي هاد لكلام ليلى انت ماعندك حتى دخل انا وجوليا وصلنا لطريق مسدود وسواء كنتي انت او لا كنت غانتزوج وكانحمد الله لي لقاني بيك معاك وليت كانحس بطعم الزواج ولذة ديالو ليلى لأخر مرة غانهضرو فهاد الموضوع انت ماعندك دخل خليها فبالك وماتحمليش نفسك مسؤولية شي حاجة انت ماعندك دخل فيها
ليلى. . (مرارت ديها على خدو ) ماغانقدرش نخبي بلي كنت فرحانة من الداخل حسيت بإحساس زوين بزاف وانت كاتقول ليهم مراتي
هارون. .(باس يدها) هذا حقك طبيعي ان___ قبل مايكمل الكلمة رن الفون ديالو شاف فيها ودوز الخط_____
هارون. . وي جوليا
جوليا . .هارون بغيت نهضر معاك
هارون. .وي
جوليا. . ماشي فالتيلي واش تقدر تجي لدار
هارون. .(شاف ف ليلى ) تقدري تقولي فالتيلي
جوليا. ."بغيض " كاينا معاك ؟
هارون. .جولياااا (تنهد ) اوك انا غانجي
قطع الخط وشاف ف ليلى لي كانت كاتشوف فيه ____
هارون . .وجدي العشا انا شوية وغانجي
ليلى. .اوك
#مكان__اخ__________________ر
قصي. .من نهار لي مشات وانا مخربق ماعارفش شنو سر هاد الإحساس واش تأنيب ضمير ولا شنو
~ . .قهقه _ ها ها هه هذا الغرام االعشير
قصي . . بنرفزة" اش كاترون بصح ظلمتها لكن خوها سبب اخخخخ اش داني نتسرع ماكانش خاص ندخلها فالموضوع
~ . .(بجدية) وشنو غادير دابا ؟!
قصي . .ماعرفتش تالف اصاحبي تالف
~ . .طلب منها سماح اكيد غاترتاح
قصي . .مشات هزات راسها ومشات
~. .هاااء زعمة صعيب عليك تلقاها
قصي . .فاش غاينفع الإعتذار بعد لي وقع
~. .على الأقل غاترتاح شوية
قصي. ."شاف فيه " فنظرك غانرتاح ؟!
~. .اكيد
#مكان_اخ_________________ر
أول ماخرج من المطار كانت سيارة من نوع الرونج روڨر فالأسود قاتم ف نتظارو خدا الكونطاك من السائق طلع فيها وكايهضر الفون فنفس الوقت......
جوزيف. .بعت ليا العنوان دابا
~. .تحت امرك سيدي
مسافة طريق كان قدام باب القصر انسطالا لوطو ودخل لداخل بخطوات تابتة أول ماوصل لغرفة نومهم حط يدو على البواني وفتح الباب غير شافتو وقفت وتوجهات ليه.....
جوليا. .هارون ( طبعت قبلة جنب فمو)
هارون. .جلس فالكانابي) خير اشمن موضوع بغيتي نهضرو فيه فهاد الوقت
جوليا. . جلست جنبو ) الحاجة سلطانة
هارون . .مالها !؟
جوليا. .عرضت علينا لخطوبة ولدها
هارون . .(بنرفزة) دابا معيطة عليا فهاد الوقت باش تقولي ليا سلطانة عارضة علينا همممم ؟!
جوليا . .بغيتك تمشي معايا غدا بليييييز
هارون. .انت عارفة خاطيني جو الحفلات سيري بوحدك ( وقف )
~ قبل مايتكلم شاف فيها شوفة مطولة نزلت دمعة على خدها وزادت شدت فيديو بعد تفكير تكلم ~
هارون. .اوك
جوليا. .(طارت عليه كاتعنق ) الله لا يحرمني منك ( شافت فيه ) وجدت العشا خلينا نزلو نتعشاو
هارون . .نو غير بصحة (باس خدها ) يالا بون نوي
جوليا. .(الغصة فحلقها) بون نوي
~ خرج من بيتها توجه لبيت ليليا فتح الباب ودخل لداخل طبع قبلة فجبينها وخرج من القصر مسافة طريق كان عند ليلى ~
#مكان_اخ__________________ر
وقف رونج قدام باب الڤيلا جبد التيلي من جيبو دوز الخط وكايتسناها ترد كانت ناعسة ف بيت ضياف غير سمعت رنين الفون ناضت قافزة أول ما جات عينها على رقم دوزت الخط بدون ماتعرف ديالمن
مروى . .(بصوت مدعدع بنعاس) وي الو
جوزيف. .(بصوت خشن) خرجي عندي دابا
مروى. .(قلبها تهز مع صوتو) ج ج جوزيف
جوزيف. .(بصوت رجولي ) عند بالك غاتقدري تفلتي مني هممم (من تحت سنانو) خرجي عندي دابا
مروى. .(صوتها كايرجف) ك كاتحلم
جوزيف . .(غوت حتى قلبها تهز) دابا غاتخرج عندي ولا غاندمكككك عندك زوج دقايق لا غير ( طيييييييييييييييييييط ) ....
~ قبل ماترد تقطع الخط فوجها ناضت قافزة من سرير وتوجهت لسرجم فتحاتو وكاطل عليه بلعت ريقها وتكلمت....
مروى . .والله الا جا الله ياربي اش غاندير دابا ( بعد تفكير ) نخرج عندو ماغايخلعنيش (خدات نفس عميق وخرج من البيت ونزلت لطابق السفلي بخطوات متسارعة فتحت باب زنقة بشوية وخرجت لعندو كاتقدم الخطوة وتوخر لخرااا غير قشعها نزل من سيارة وجرها من دراعها بقوة )
جوزيف. .معامن تشاورتي حتى جيتي لهنا هممم ( نزل عليها لوجه) عند بالك غاتقدري ضحكي عليا دوييييييي....
مروى . .(ستجمعات قواها ودفعاتو ) واش عند بالك انا عبدة عندك ماعندكش الحق تحبسني عندك كاتسمععععععع انا حرة حرةةةةةةة
جوزيف . ."زمجر بغيض ) هاحنا غانشوفو
~ مد يدو وجرها من شعر بقوة لاحها فاالسيارة وكسيرا اتجاه المجهول ~
#مكان__اخ_________________ر
بعد ما وجدت العشا حطاتو فالجردة وجلسو بزوج بيهم كايتعشاو فصمت بعد العشا جلسو فالجردة كاديردشو .....
ليلى . .كيفاش تعرفتي على جوليا ؟!
هارون . . كانت صديقة ليا فديك الفترة مات بابا كنت قريب منو بزاف نهار مات ماقدرتش نصدق بقيت ايام وانا تحت تأثير صدمة
ليلى . . انا مجربة هاد الإحساس صعيب بزاف
هارون. .وي فديك الوقت كنت محطم ودمر من الداخل كانت جوليا قريبة مني ووساتني وقفت جنبي وبقات معايا حتى بديت كانتقبل الواقع من بعد قررت نتزوج وقلت هي انسب وحدة ليا غانكدب عليك الى قلت ليك كنت مرتاح معاها اطلاقاااا ماحسيتش بطعم العلاقة الزوجية بعد زواج ولات بعيدة عليا ولا كل همها الجمعية والحفلات من تما بداو المشاكل حتى لنهار لي فتحت معاها موضوع زواج (شد يدها وباسها) وداابا انا معاك انسان اخر بروح وحدة أخرى ( مد يدو لخصلة شعرها مررها على انفو ومغمض عينو ........
#مكان__اخ______________ر
جوليا. . وافق
عزيزة. .بهاد سهولة
جوليا. .جوليا هادي اماما واجرك على الله "رمات شعرها ورا ظهرها" غدا غانكون معاه فالحفل وغانخلي كاع ناس يشوفوني معاه علاقتنا غاترجع كيف الأول عندي احساس خاص غير نخدم دماغي مزيان
عزيزة . . برافو عليك هاكا نبغيك
#اليوم__الموالي
# االمساء 🌌
واقفة قدام المرايا كاتوضع المسات الأخيرة ومرة مرة كاتشوف فالساعة كانت الساعه كااتشير التاسعة ونصف بعد ما حطت احمر الشفاه وقفات ورشات زوج رشات من البارفان فرقبتها فنفس الحظة وصل هارون كلاكسونا عليها بدون مايكلف نفسو وينزل غير سمعات لكلاكسون هزات البوشيط ديالها وخرجات من الغرفة بخطوات ناعمة
#روسيا________________🛫
~. .ماشي صعيب عليه يتأكد هاد الكدبة ساهل بزاف يكشفها
باتريسيا. .غاندير مافجهدي باش نبعدو عليا ماكايهمنيش يعرف ولا لا قد ماكايهمني نبعد ديك الكلبة من طريقنا وادا كلفني الأمر نقتلها بيدي (كرزت على يدها)
~. .قدرت نعرف بلي خرجات من موسكو كانظن رجعات لبلادها
باتريسيا. .غايكون حسن ليها والى نهايتها غاتكون على يدي مافيهاش
~. .بخوف " وليتي كاتخلعيني اباتريسيا
باتريسيا. .جوزيف ديالي انا وماغايكون ديال حتى شي وحدة من غيري كاتسمعييييييييييييييي.........
#مكان__اخ______________ر
مسافة طريق كانو قدام الأوتيل لي فيه الحفل نزلو من سيارة بزوج اول مانزلو شدات فيدو وكاتبسم دخلو لداخل بخطوات تابتة تحت انظار الحضور وبعض الإعلاميين اول مادخلت بداو بعض النسا كايتهامسو فيما بينهم.....
~. .ماشي هادي جوليا !
~. .ايييه هي هاديك
~ . .سمعتو اخر الأخبار !
~. .(بهتمام ) خير اشمن خبر !!
~. .قالك بلي راجلها تزوج عليها
~. .(حطت يدها على فمها) ماتقوليهاش واش بصححححح
~. .بتأكيد ) بحال الى شفتيها بعينيك صاحبة بنتي خدامة فالشركة دميسيو هارون وقالك الالة جمع كاع الموظفين لي عندو وعلن على زواجو
~. .اوووه على حالة هاد شي كامل واقع ليها ومزال واقفة على رجليها انا فبلاصتها نموت ولا هاد شوهة
~. .بيني وبينك عجبني الحال عاجبها راسها بلا قياس يالا تنزل خنافرها شوية
~. .انا مستحيل نسكت لازم مانتأكد من عندها هههه
~ .. ماتقوليش ليا غاتسوليها
~. .وشنو بان ليك ؟!
#مكان_اخ_________________ر
مروى. .(كاتضرب فصدرو ) خليني نمشي اش بغيتي عندي
جوزيف . .لوا ليها يدها حتى تأوهت من الألم ) ماشي جوزيف لي يتسمح فيه دفعت فيك دم جوفي كاتسمعي
زواج المتعة الجزء السابع
محتوى القصة
التنقل بين الأجزاء