بوبكر دور عينيه كاتم الغضب داخلو..اللي بارك معاه هو ولد خوه الله يرحمو وفمقام ولدو وقيمتو فقلبو كبيرة لا هو لا مراتودد اللي ماصرفو فيهم الا الخير..ومن جيهة خرا فلدة كبدو اللي تنطبق السما على الارض مايقدرش يفرط فيها ولا يعطيها لواحد بحال بلال
تاج الدين: سي بوبكر..حنا كانتسناو جوابك
لا عبوش: توكل على الله اولدي
حنحن بحرج جامع حواجبو وهنية قلبها كايشطح خايفة يگول شي حاجة ماهياش ويزبل ليخا گاع اللي خططات
بوبكر: ولدي تاج الدين..نتا على الراس والعين ربي شاهد لا معزتك من معزت بنتي عائشة "تنهد" ولايني اولدي..
رد: الله ينعلو ويخزيه الا عبوش..ولايني راك عارفة كلشي وعارفاني كيف داير فهاد المسألة
تاج شاف فهيام وهي باسى حنات عينيها..فحين لا عبوش برزانة بسمت وقالت: الوقت من البارح لليوم تبدلت اولدي وشلا حوايج تزادو ..دير النية وعيط لبنتك استاشرها فالمسألة راها هي الوحيدة اللي من حقها يا تگول ييه..يا لا
بوبكر: الا عبوش واش معارفاش عايشة بنتي..الزواج هو اللي ماتحمل ماتقبل وغير قبيلة "خنزر فهنية" لقيتها كاتبكي فاش سمعاتني دويت عليه
بسمت: وهي اش گالت لك.. واش بكات حيت دويتي عليه؟ ولا حيت گلتي لا؟
نفخ صدرو وقال ماااگلاي عيب الالة " بحدة قال لهنية" نوصي عيطي لبنتك
ناضت فيساع مبسمة غادة وتجري وتاج الدين قال: ادن كلشي فيد عائشة اسي بوبكر ياك؟
رد: انا مانبزز عليها واالو اولدي..عندي ليك كلمة ديال الرجال وشهادة نتحاسب عليها غدا امام الله..باللي الى گالت آه راها ولات بنتكم على الراس والعين..ولايني الى گالت لا..تواعدني وعد حر باللي ولدك عممرو يجبدها على فمو ولا يحادي جيهتها طول ماهي حية
تاج الدين: حتا انا اعمي عندي ليك كلمة ديال الرجال..والقول حق علينا
بوبكر: وانا قاابلل
بوبكر رد ضهرو اللور مغوبش وهنية جاية تتزغرت مع عائشة اللي حانية الراس تتسمع ومتتشوف فحد
گلساتها هنية حداها وبالحشمة ماقدرت حتا تنوض تسلم عليهم ولو بالقول..حتا من بوبكر ماخلاش ليهم الفرصة حنحن وقال: بننتي عايشة ..عمك تاج الدين وخالتك هيام جاو اليوم..طالبين ايدك لولدهم المتوسط فر..ا بلال..قابلة ابنتي؟
طلع حاجب ومن داخلو مرتاح على جوابها داري بالللي بنتو عجينة ايدو وعارف عليها الشادة والفادة..لكن مالم يكن فحزبانو وقع.. وعائشة بصوت مرعد قالت
ودويت على اللي فقلبي ومابغيت والو غير تشدي فيدي وندوزو هادشي بجوج بينا
رمشات فيه بتردد: و مخالعكش الزواج
باستهزاء: بوعو هو ههه
هزات كتافها بحيرة: ماعرفتش..يعني نسكنو فدار وحدة وحنا باقي متنعرفو بعضياتنا مزيان، جااتني ناقصة؟
رد: انا كانعرفك ونتي كاتعرفيني شي حاجة خرا مكايناش.ظوغير نتي اللي توافقيني عرفتي علاش..حيت نتي بحالي من الأول واضحة ومكتتصنعيش يعني اللي فقلبك على لسانك ومتتعرفيش تخبي..هادشي كافيني واللي بقا يجي مع الزمان
هاد الليلة كانت غير كل الليالي..هم نزاح على بعضين وهم مابعدو هم تحط على قلوب بعضين..قلب بوبكر الأب..تنهد وهو فالسطح ديال دارو كايشوف للتحت ساهي.. تزويجت بنتو الغد ليه ضاراه فخاطرو ومنغصة عليه النفس..صحيح ان سنة الحياة هي هاديك وهو عيا يكدب على راسو ويوهمو بشي حاجة عمرها تكون..نسا حقيقة ان البنت كيف كايقولو ناس زمان فدار باها غير ضيفة لابد يجي نهار تمشي فيه لعند راجلها
رد بحنية: حتا نتي انوارتي" تنهد بحصرة والكلام بزز باش تايطلع ليه " ولايني سنة الحياة هي هادي..راضي بكل ماجات من عند الله الا هادي ماكنت ضارب ليها الحساب..ولايني جات وقيتتها
رد: الله يرضي عليك ابنتي..اللي نوصيك هو راه باك ديما معاك..فينما تحتاجيه غاتتلقايه شاد فيدك ومعاونك
تخشات فحظنو مزيرة عليه: الله يخليك ليا
بوبكر: امين..الصبر ابنتي هو كلشي فالدنيا..وطبع بنادم ماتعرفو الا بعد المعاشرة..كلا وطبعو وكلا وقلبو كيف.
داير ليه الله..شتي حتا مك عمرنا تافقنا على شي حاجة، ولكن هي اعز مانملك واللي ضرها ضرني كتر منها
ضحكات: عارفة ابا..حتا نتا عزيز عليها
بوبكر: ايييوا هاحنا غانوليو الراس فالراس ..الله يخرجها على خير وصافي
ردت: غاتبقاو هنا ياك؟
بوبكر: لا ابنتي غانرجعو فحالنا للدوار..القهوة اللي كنت ناوي نشد، صونا عليا مولاها النهار اللي كت وصلتك لديك الحفلة وگاليا مابقاش باغي يكري، نايض فيها شي صداع مع خوتو وداكشي فيه قوة المشاكيل
عايشة: فيها خير .. نتا كاتفهم فالفلاحة كتر هاديك هي حرفتك
تنهد: اللي بغاها الله ابنتي هي اللي تكون...نتي عمرك تنساي واليديك كل نهار صوني وسقسي وكل جمعة نزلو عدنا تاكلو كسكسو ونتجمعو كاملين
ضحكت: ضروري ابا
بوبكر: والى تقلقتي غير قد هوك جمعي شراوطك وزيدي لدار باك ولا غاخليهم ليه..حتالا دار لك شي حاجة غير تسوخري اللور وخليهي يانا نتفاهم معاه
حكات رقبتها بحرج: احم و واخا ابا
بوبكر: الله يرضي عليك
باس راسها وبقا مدرعها كايشبع من وقفتها معاه ويحليو الكلام على شلا مواضع..حتا طلعات هنية وقالت: العشا واجد وازيدو خلاص
ناضو من وراها نازلين وتجمعو لآخر مرة على طبلة الاكل كايتعشاو ومرة مرة يدويو بابتسامة ففمهم..واخا القلب مكوي بحر الفراق وماعالم بيه غير الله
صباح منور وشمسو مشعشعة بحرارة فالسما..فاتت وقيتت الفطور وتوسط النهار، وقدام باب سي تاج الدين وقفو بعض السيارات من الاقارب المقربة فقط اما حتا هنية قررات ماتعرض على حد وحتا ترجع للدوار ودير ليهم الفيشطا فين ينشطو جاراتها بيها يسدو فمهم وينوضو نايضات
..
الصالون عمر بالناس واشهى انواع الحلوى والمشروبات تتفرق على يد السيرفورات من كل جيه..كانهم فقاعة خمس نجوم وهيام هي اللي واقفة على كلشي وتستقبل كل واحد ببسمة لبقة ناعمة وتاج مرة حداهها مرة غادي عند بوبكر اللي مجمع مع الناس يستقبل مباركة هادا وهاداك وواقف بزز من وجع قلبو على عرس بنتو الوحيدة والبسمة فالفم
تاج الدين: عمي
ضار لبه: نعام اولدي خاصة شي حاجة
رد: لا غير العدول راه وصلو ودخلتهمم للصالون الصغير
بوبكر: خاوي ياك
تاج الدين: ااه غانكونو فيه غير حنا، سير كلم عائشة وانا غانجيب بلال
ضحكو مجموعين الا خالد الى باقي على صاحبو محصر..كتب العدول في الكتاب ديالو ومدو لبلال هو والستيلو..سنا بسعادة مختالجة قلبو وبنظرة عاشقة شاف فيها ومد ليها الكتاب خداه بوبكر وقال: وقعي هنا ابنتي
خداتو كاتترعد وقعات وردوه للعدول اللي ببسمة قال: اسيادنا مبروك عليكم بالبنين والبنون إن شاء الله ههههه
تعالات الزغاريت الحارة من جيهة الحاجة جدة بلال وهنية أم عائشة، اما الباقي كايبارك ويعاود وخالد ناض كايعنق صاحبو بروح رياضية وبلال كايضحك عليه
خرجات لالة العروسة من الصالون وزوجها شااد فيدها..دخلو تحت تعالي الصلاة والسلام على الرسول لجلستهم مع الناس مبسمين وهو كل مرة على ودنها محني والتزنيگة كاطلعها..
تطلق الشعبي نعام الالة وبداو الناس عاطينها للشطيح والرديح هاك بالاك هاك بالاك البنات حاضين العريس ويتنهدو ومرة يشوفو فالسربايا ويتبسمو اما خالد اللي دازت من حداه يغمزها ولا يوقف ياخد النمرة شي ضاحك ليه وشي سباتو وزادت وهو حال فمو فيها ويقول: اهانية والله تاهانية
قاسو شي حد من اللور ضار وحل فمو فاش شاف بنت طول منو بشوية وزعرة كاتشعل بالزين بسمات وخديداتها موردين وقالت: خويلد هههه
مرو دقائق حتا دخلو العمارية بماليها للالة العروسة، نوضوها بالزغارت وهي كاضحك بسعادة ماتوقعاتهاش ابدا تكون وكانت هادي مفاجأة من هيام ..طلعات عليها كالملكة كاتشوف فعائلتها الصغيرة والكبيرة مجمعين عليها لتحت مبسمين والورد فيدهم تايرشوه عليها وصوت الاغاني الشعبية منوض الحيحة فيهم سوا القريب ولا البعيد ..كلا واحد ناض كايشطح وكل واحد وفرحتو شحال مقدارها ..لكن تاحد ماحس ببوبكر اللي رجع اللور شوية وزاد خارج مع الباب لبرا، حاط ايديه على عينيه وبكا مرير عمرو بكاه الا مرة وحدة..هو نهار تزادت فيه نوارتو عائشة..بكا وتهز صدرو وتحرق قلبو على كبدتو اللي غاتمشي عليه وطلب من الله العالي يصبرو.. عاد مسح وجهو اللي رجع حمر ودخل للحمام غسل وجهو ورسم عليه بسمة خفيفة، خرج بيها عند الناس لقا الجو عدا والناس جالسين يتعشاو..جلس معاهم على طاولة العرسان فين متواجدة حتا هنية وهيام وتاج الدين برك جنب بنتو اللي هي وبلال مبسمين وكل مرة دور وتبوس يد باها وهو رضاتو عليها لاسقة ففمو
...........
سالا العرس.. تأخر الوقت واللي عندو فين يمشي راه بدا يزيد ليه وحتا من العرسان نوضوضوهم بالزغارت حتا الباب فين كاينة سيارة بلال مزوقة على حقها وطريقها وخالد حداها واقف مرة ضاحك وبنت غمو مبسمة حداه
ردت كاتبكي بدورها: حتا نتي أمي هءهءهء هاد ليامات منقدروش نسافرو على قبل مدراستي، جي عندي وقتما بغيتي واخا هءهءهء
هنية: الله يرضي عليك اكبيدتي
دازت لباها عنقاتو بحرارة ومسخات حتا تطلق منو.. رضا عليها بصوت خافت مزير نفسو بصعوبة وهي بعدات عليه كاتحبس دموعها بزز
....
ضحك بلال وبعد من حضن هيام قائل: امي راه غادين غير للرباط ههههه مازال نجيو عندك وحتا نتي زورينا مرة مرة
هيام: احياانا علك الهارب مالي مكانعرفكش
فجأة وقدام باب الدار توقفات سيارة رباعية الدفع، ضارو ليها كاملين والفرحة بدات تبان على وجوههم فورما شافو نوع الماطريكيل اللي عليها
بلال غوت والضحكة ففمو قال: ابا عز الدين هههه
نزل رجل تلاتيني دو ملامح كاتشبه لتاج الدين لابس الكلاص نعاماس و مبسم بفرح جا كايجري وتعانق مع خوه بحرارة: مبروك الجن واخة سبقتيني
بلال: هههه العقبة ليك الخاوة الله يجيب ليك شي قادوس فين تزلق تا نتا
عز الدين: ياك لمك هههه
هيام: هءهءهء ولدي عز الدين
رد عليها ضاحك: اهيااتا مستقبلانا بالدموع ههههه
عنقها كايبوس راسها وداز لباه باس على راسو وعنقو بالجهد
تاج الدين: على سلامتك الدحش
عز الدين: الله يسلم اباه هههه
سلم على الباقين اللي كايعرف واللي محايعرف وعليه تحطو عينين العازبات مادام المتوسط طار هاهو هادا نزل عليهم بحال رحمة سيدي ربي..بلال خدا يد عائشة بعدما مسحات وجهها وتبسمات عاد قال: تعاالي نعرفك ههه هاادا خويا الكبير عز الدين..عز هادي المدام عايشة "وركات على يدو بظفارها وقال بالزربة" عاائشة عاائشة اححح القميش لاش
بلال: سياادنا تهلااو..انا غادي واحد السيمانة ونرجع ليك تا
هيام شافت فعز الدين وقالت: غاطول البركة ياك اولدي
درعها عندو: غاانطول الالة انا معااك هههه
بلال: تهلااو الخاوة
حل الباب لعائشة وهنية جات تاني كاتعنق وتبوس اما بوبكر مصبر راسو غير بزز..بغات تطلع وماقدراتش مسحات دموعها ودارت عندو مرمية فحظنو تما فاض بيه الكاس وفاضو دموعو وهو لصدرو مزيرها..قطعو قلب كل من كان تما وبقا فيهم بالجهد..بالزز طلقها كايرضي عليها بصوت مبحوح ودموع على لحيتو البيضاء مختافين: الله يرضي عليك ابنتي الله يرضي عليك
شاف ييه مبسم: ولات بنتي قبل ماتكون مرتي ااعمي..كون هانني عليها
ضرب على كتفو مبسم وطلع ايدو للعائلة عاد مشا يطلع نقز منعم وقال: اتكاايس شوية ابا بلال تكايس
ضربو عز الدين من اللور وبلال طلع كايضحك ومن تما قلع
لمدينة الرباط كان العزم وبعد ساعات وهو ماسك ايدها بحنية ونظرات ولهانة، وصلو لعمارة فأحد الاحياء الراقية وفيها توقفو..نزل بلال وقبل ماتفتح الباب حلو ليها وهووب هزها من اللارض حتا قفزات: اااعع هههه اشكادير
سد الباب برجلو وداخل بيها: كانهز مراتي الحبيبة
ردت: هههه غايشوفنا شي حد ويلي
بلال: التلاتة الصباح هادي شكوون بغا يشووف هههه
طلعها فالاسنسور هاكاك ووصلها لدارهم الجديدة بعدما حلات هي الباب..سبق الرجل اليمنى ودخل ساداه هي وتم غادي بيها للبيت نيشان حل وبرجلو سد ، حطها ضاحك وهي تتقاد شعرها وترمش فيه بانفاس مظطربة
تم غادي للحمام: غانصليو ونديرو قيام الليل من هنا للصباح
عائشة: شنوو؟
مردش عليها وقطبات حجبانها هازة جلايل القفطان وغادة للخزانة اللي لاسقة فالحيط باللون الفضي البارد..حلاتو ولقات ليشوميز الوان واشكال معلقين فيه مدات ليهم يدها مترددة وقلبها بالجهد كايخبط..ضحكات فسرها وبلا ماتفكر جوج مرات هزات وحدة فلون الكراميل وبدات بالزربة كاتحيد وتقلب على الكريمات لا كانت شي حاجة طليها تبدا بيها هي اللولة..وفعلا، لقات كلشي فالطبيلة محطوط قادات بيه لحمها مزيان ولبسات الشوميز بسرعة، غير سمعات الباب تحل ضارت للعباية لبساتها وسدات ليها السلسلة
بلال: دخلي توضاي
داز من حداها كاينشف لحمو وهي كيف ضارت وشافت جسدو من الاعلى عاري الحرارة طلعاتها والوضو كون توضاتو هي اللولة كوراه خسر وتبطل..شاف فيها مطلع حاجب وعلى اتر شوفاتها بسم بجنب فمو: عائشة
سرطات الريق: ن نعام
رد: سيري الكبيدة توضاي "غمزها" انا ديالك الليل كامل ارا ماتشوفي
بلال: اللهم اجعل كل الخير في طريقها، وأجعل حياتها مملوءه بالفرح والسعادة والسرور.. اللهم حقق لها كل ما تتمناه وارحمها وأرحم والديها وجميع أقاربها وأحفظهم لها
اللهم أرزق زوجتي مع كل خفقة قلب وطرفة عين فرجاً ومخرجاً وعفواً وأمناً وإيماناً
اللهم اجعلها لي كما أحب واجعلني لها كما تحب واجعلنا لك كما تحب ربنا وترضى
اللهم اجعل زوجتي من اخلص عبادك
اللهم اجعل قلبي لا ينبض الا بحب زوجتي
..و اجعل عيني لا ترى سوى زوجتي
..و اجعلني رجلا في خدمة زوجتي..
اللهم ارزقنى حب زوجتي وإخلاصها ورضاها وتقديرها واحترامها
اللهم انا أشكرك من كل قلبي لأنك جعلتها من نصيبي..اللهم اجعلني أهيم في حب زوجتي و اعشقها و اهتم بها وأرعاها أحسن رعايه
اللهم حببني الى قلبها وجملني في عينها واستر عيوبي عنها واستر
عيوبها عني وألف بين قلوبنا واجمعنا في الفردوس الأعلى من الجنة
والحمد لله رب العالمين والصلاة والسلام على محمد وال محمد
بسمات منزلة عينيها وزادها بوسة خرا قبل مايهز فكها لعندو وعينيه نايمين على عيونها.. بسم بنظرات عاشقة وقال:.. كانبغيك
تمتمات بخجل ونزلات راسها: حتا انا ههه
نزل معاها راسو كايضحك: كانموت عليك
ردت: واصافي هههه
بلال: كانتسطا ونحماق على طاسيلتك
عائشة: بلااال هههههه
ناض هزها معاه للسرير حطها على ضهرها حتا نتافضات وتكا عليها كايهدنها ببوسات مفرقين على وجهها: ارتاحي احبيبة..هاد الليلة انا ديالك ونتي ديالي..واخا
حركات راسها وقلبها غايخرج ..جر الفوقية محيدها وبقا صدرو الفولادي معريه قدام عيونها، بسم ووجهو فعنقها خاشيه كايمرر عليه شفايفو بحنية بالغة وهي ببطء سدات عينيها تتسرط الريق وغير حسات بايديه كاينزلو العباية قالت برعشة: ب بلال..بلال
طلع بقبلات حارقة حتال شفايها وقال: شنو اعمري
ردت بخجل: ط طفي الضو عافاك
بسم عاض شفتو التحتانية ومد ايدو لفوق السرير طفاه وظلام البيت من غير ضو خفيف من السرجم داخل شاهد على حرارة ليلتهم واهاتهم الملتهبة بنار العشق والوله
مر أسبوع على العرس قشطة وعسل وقطران..فالكوزينة حاصلة عائشة بقبية سوداء وكولون ديالها لابسة عليهم طابلية وجامعة شعرها كوبشوفال وجبهتها ونيفها مقيوسين بالطحين ..كاتقلب المسمن فوق المقلة وكل مرة تسوط على صباعها، هزات الصينية لصال امونجي اللي وسط الدار حطاتها ورجعات للمسمن بسرعة قلبات الخررة وحطاتها حدا خواتاتها فالطبسيل خرجات وتلاقاتو عاد فايق كايحك راسو ويتفوهم شافها وقفز بطنز: بسم الله الرحمن الرحيم شكون نتي اختي
ضحكات بسعادة وهازة الطبسيل قدام وجهو: درت المسمن
رد: آااه واش مرتي هاادي ؟
عائشة: وابلا طنز وزيد دوقو
ضحك ووقف قدامها باسها ففمها مبسم وقال: واخا يكون سم من يدك ناكلو " ضحكات بخجل وهو شاف فداك المسمن اللي كايبان مريب الريحة ماشي هي هاديك وقال" و ولكن مافياش الجوع عندي اجتماع مهم خاصني نصلي دغيا ونمشي
زاد ووقفات قدامو مصغرة عينيها: وتگوول واش غادوز قبل ماتفطر واش تلاتة السوايع وانا حاصلة فالكوزينة باش فالاخير تمشي وتخليه ليا
رد: تلاتة السوايع تصنعي فيها الصوارخ ابنتي ماشي صينية تاع اتاي و " بدا يحسب ليها المسمن" وخمسة المسمناات
عائشة: غاادووز تگلس اداك فرطوطو ولا غانطرق الباب
بسم بمباغتة: اححح طرقيه الحب طررقيه ويالله نرجعو لبيتنا ينعل بو اللي بغا يخدم
قرب كتر ودفعاتو بجنبها: سير للهيه گالال ولايني راك مكاتعياش
غمزها: حلاالي الزين " باسها فحنكها وبسمات كاتغنج عليه
عائشة: وادير ليا خاطري وزيد تفطر
شاف فالطبسيل متنهد وخدا منو وحدة على وجهها: هاهي الالة.. درتي العاصير اللي كايعجبني
ردت بفرحة: ااه دابة نجيبو ليك هههه
مشات وهو عاد غايلوحها تدق باب الدار..تعجب لشكون غايجي عندو ومشا للباب فتح وتصدم موسع عينيه وقال: عمي بوبكر؟؟
داز عليه بوبكر وايديه وراه: وعليكم السلام.. ياتوما الحضاش هادي وعاد قايفقين
دخل وسط الدار مخليه باقي غاحال عينيه فالباب ممتيقش وغير نزل عينيه للباليزة اللي قدام الباب محطوطة قال: ياربي نكون باقي ناعس وكانحلم..ياربي نكون كاحلم ياربي
سد داك الباب داخل ولقا عائشة عاد خارجة من الكوزينة ضااحكة من الادن إلى الادن وقال: با ههههه
بلال: هاادة نافعيني معاه غيير القوالب وكيفما فكاتني مك من دوك قوة المكالمات ديال كل نهار هي اللي غاتعاود تفكني
جبد تيليفونو وهي قالت بانزعاج: دابة مالك كادير من الحبة قبة ابلال اش فيها لاسول فبنتو عاادي
خرج فيها عينيه: خمسيين مرة؟؟ وااش كاين شي حد كايصوني على بنتو خمسين مرة فالنهار كل نهار عاادي نكونو ضاحكبن بجووج ويصوني يفكرك فهادة وهاادي وتشدو الجموع بالسوايع عاادي ياك
عائشة: واصافي ابلال ماتعصبش هانتا غانعيطو لمي فالعشية وندويو معاها تجي غدا.. دابة حشومة تصوني عليها عييب 'زفر معصب ورد التيليفون لجيبو.. بسمات وغمزاتو قائلة: جيب ديك الصينية معاك الغزال
طلعها ونزلها: تي فيما توحلي تبداي ليا السباغة وفاش نشدك تبداي عليا غابالقاصح ..مزيان هادشي مزيان
أبو عائشة الجزء العاشر والأخير
محتوى القصة
التنقل بين الأجزاء