غززات سنانها عايقة بشنو بغا يقصد وصرفو اللي رجع بالتي هي أحسن: ولد الحراام
عراضت ابتسامتو المستفزة قدام وجهها ..اما الحاضرين قطع قلبهم سوا عزيرات ولا مزوجات والدراري گاع اللي هاز شي ضربة فقلبو راه فكرها فيه تا من المرا اللي بغات دخل بخيط بيض عز عليها وحشمها فنفس الوقت من القرب بينو وبين عائشة وبدات تمتم وعينيها فالارض
المرا: وواصافي ابنتي صافي صفي الخواطر راه راجلك ومايحن علك حد من غيرو باراكة غاللي داز عليكم
ضارت ليها وقبل ماتبدا دوي جرها مدرعها وقال بحصرة: خاصها غير تمشي معايا لدارنا تما غاندويو فراحتنا ونحلو مشاطلنا
عائشة طلعات فيه الراس صفرة: اااشمن دااار واااش نتا مسطي
ردت مغوتة: بغييتو هاد النفس يحبس فيك نييت ونتهنا منك
بلال: زيدي زيدي تقلي الحساب
ديمارا وزاد مع الطريق طاير وهي عاصرة على عينيها..بدات تحلهم شوية بشوية والهوا داخل مع الكاسك واصلها بارد ومنعش وشعرها المطلوق طاير وراها .. ضورات وجهها بهدوء حاطة حنكها على ضهرو تتشوف فالطريق تادوز قدامها بسرعة هائلة عمرها عاشتها وكانت تجربة مغايرة ليها.. حتا فيقها بنبرتو الساخرة : ماسخيتيش بالركبة؟
توگضات هازة راسها وتاضور عينيها، لقاتو وقف قدام دار خشبية معزولة على الديور سقفها متلت وحداها جردة زوينة ..خرجات عينيها والخلعة مابغاتش طلق منها هو نزل كايحيد الجاكيط ويقاد شعرو
بلال: يالله الغزالة نزلي
زنلات من الجيهة لخرا تترعد: و و والله اخويا مادرتها بلعاني والله ماعرفت عقلي فين كان
طلع حاجبو طانز: هي درتيها بصح؟
عائشة: ق ق قسما بالله مانويت شي حاجة خايبة بغيت غير ندير الخير
بلال: خارجة ليا على خدمتي ومشوهاني باطل ودابا تتقاقي عليا؟ لا واقلة كنتي ناوية نجي نعنقك فرحاان
هربات عينيها هنا وهنا: و و ونتا اللي كاتفلا على بنات الناس م ماحشمتيش "شافت فيه بطرف عينها وهو هز حجبانو الفووق" ا انا درت داكشي اللي ملاه عليا ضميري ع على قبل صاحبتي
ردت كاتقفقف: ل لا لا اخويا، غ غير زعما البنت غاتخلع و وغاتجبد ليها شي مشكيل مسكينة مابقات قادة على صداع
بلال: باغة تمشي لداركم بياسة وحدة ولا ماباغاش
عائشة: لا باغة
بلال: عيطي لصاحبتك
عائشة: واخة "بدات تفتف وتقلب فالصاكادو ديالها على تيليفونها بزز باش لقاتو ويديها كايترعدو ..طيرو ليها وهي كاتشوف مخرجاهم وحلو لقاه بلا كوود..طلع فيها عينيه ورجع نزلهم للطيلي دخل للواطساپ كايقلب ويتكلم فنفس الوقت: شنو دايرة فسميتها
عائشة: ك كريمة..عافاك سربي راه تععطلت على الدار
..لقا عندها تلاتة الأسماء كريمة وميمة عاائشة وماما ..طلع عينو شاف فيها وخرج داخل للفيس كايفالي الميساجات
بلال: هاد خيتي من ايمتا وهي صاحبتك
ت: ونتا سوقك
شاف فيها مطلع حاجب وبسمات ابتسامة صفرة: ر ربع سنين دابا..شوف راها هي اللولة فلاليست
...لقا الميساجات من الدراري غاماعطا الله وبملامح هادئة دخل يشوف ردها ومالقا الا القميع والقاصح والنخال فقط واتارت انتباهو جملة حاطاها تحت كل واحد فيهم "اللي بغا المعقول.. يقصد الباب"
بلال: هههههههههههه
قوصات حجبانها: مالك؟
زير فمو حابس الضحكة ودوز نمرة كريمة داير أوط پاغلوغ.. دقائق و ردات عليها
كريمة: الو
عائشة: احم كريمة لاباس عليك
كريمة: الحمد لله، سمحي ليا ازين كنت مشغولة هاد اليوماين مع الخطوبة وماساليتش نعيط ليك
ردت: هي تصالحتو؟
كريمة: اه هههه
زفرت وشافت فيه بنص عين: نتي تفكيتي وانا وحلت فالغيس
كريمة: ماالكي شنو واقع ؟
شافت فبلال وهو بهدوء حاضيها: ل لؤي اكريمة خرج ليا وجرني بزز مني على داكشي اللي درت ليه فالقهوة
كريمة: وااامااشي هو ماااشي هو لؤي راه كان ناااض فحالو من الطبلة قبل ماتشوفيه و هااداك اللي مشيتي عندو واحد ااااخر عييت نشرح لك والا بغييتي تفهمي
جاتها البكية: گولي والله
كريمة: وحق الله
سرطات ريقها وهو حيد ليها الطيلي قطع وردو للساكادو ديالها وهي قدامو ماعرفات وجهها فين تحطو البكية جاتها بالتحاشيمة
..بدا يحيد الجاكيط وخبطها مع الموطور تانقزات مغوتة..تم غادي جيهتها وهي راجعة اللور وتشوف وراها مخلووعة
بلال: لاايحة عليا بااطل..رااداني منسوااش وسامح فولديييي وتانتفلا على بنات النااس..خرجتي ليا على خدمتي وطلعتي ليا اللي مايطلع..هاادشي كوولو غييير حيت شي برهوش ضحك على صاحبتك
حاضية خطواتو اللي قراب يوصلو ليها وتقاقي: و والله اخويا ماكان يسحابلي و و الله انا غ غير وصفاتو ليا و وسحابلي نتا
غوت: السحااب فالسمااا "وصل وكلاها مع حافة الطروطوار لاقا جبهتو مع جبهتها وهي بالخلعة سدات عينيها: وانا غاااااندفنك فالأرض
تزعزعات تاضورات وجهها وبقا وجهو على شعرها: هءهء عا عافاك اخويا سمح ليا الله يرحم لك الوالدين "شافت فيه تترمش وتسايس معاه" ح حنا بنات هاد الوقت كانطيرو كاانطيييرو هااادي والتوبة والله مرة خرا ماسوووقي
خدا شعرها مصغر فيه عينيه: فراسك هاد الدار مكايجي ليها حد..خاوية ومهجورة بوحدها وعمر شي مخلوق وصلها
بياض فمها بالخلعة وقلبها مشا وجا: ب ب بصح ت تبارك الله زوينة الله يعطيه الصحة اللي بناها
بلال: تانتي زوينة "شاف فيها مقوصهم" فراسك لاقتلتك وخليتك هنا عمر شي حد يسيق لك الخبار
سرطات ريقها: و ولكن م م ماغاديرهاش؟
طلع حجبانو: وباش عرفتي؟
ردت تتبسم بزز: ا ايوا نتا باينة فيه ولد الناس مأدب ومأصل ومربي ومهدي من عند الله ومرضي الوالدين
ضور راسو حابس الضحكة وتايسمع لتبلحيسها: و واللي غلب يعف آاااخر مرة ندور بساحتك والله اخويا مانبقا نبان قدامك
شاف فيها بهدوء وقال: طلعي
تنهدات براحة حركات راسها حابسة النفس، قبل مادوز جرها وجابها قدامو مباشرة..شاف فملامحها كايحفظهم وقال مركز عينيه على عينيها: شنو سميتك؟
خرجو عينيها وهمهمات: همم؟
رد بنقطع: شنو.. سماوك ..والديك
بدات دور عينيها تاني وقالت: ء ء م م ماريا
طلع حاجبو: ياكما ماساخياش بالبركة هنا انا معنديش مشكيل تاإلى بغيتي نوريك الدار من الداخل نوريها لك ون..
قاطعاتو بسرعة: عاائشة سميتي عاائشة والله العاظيييم تاعاائشة بالامارة با اللي سماني
بسمو ملامحو الوسيمة وحيد من الطريق تادازت تترعد عاد تبعها هو وعينيه فشعرها حاصلين..مد ليها الكاسك دارتو وطلع
بلال: عطيني عنوان داركم نوصلك
ردت: لا لا لا ااخويا يرحم بيها الواالدين ردني منين جبتيني
ديمارا ونير مرة خرا وهي مزيرة فيدها الجاكيط ديالو اللي حيد .. ماحساتش بالطريق وكان موصلها لقدام لافاك البلاصة منين هزها وأول مادارت هي دور عينيها على البلاصة فين واقفين الطاموبيلات تتقلب على ديال سي بوبكر اللي ماليها اتر دليل على انو باقي ماجا أما كون فضيحتها اليوم فضيحة وماغايخرج من الجامعة حتا تمرمد نيت
بلال: ماسخيتيش؟
شافت فيه ببهطة ونزلات كاتحيد الكاسك..مداتو ليه وقالت باالزربة: شكرا الله يعاون
شدها مرجعها عندو: اجي اجي كيفاش الله يعاون؟
وعينيها جنبها: و وشنو ياك السماحة صافي طلبتها منك
شير لراسو: انا سمحت ليك؟
حركات راسها بالنفي وهو بسم وجبد تيليفونو: قيدي نمرتك
زمات فمها وجمعات حجبانها: وعلااش؟ نتا رااه بنتي ليا بديتي تطول اييدك اصبحان الله اللي عوااج..."سكتات وهو خنزر"
بلال: لا لا غير كمليها باش نهبط نعوج لبنتي الحنك "رجع قال" قيدي نمرتك خلاص عندك زبلة على گدها خاصك تحليها
بسمات وشدات فيدو، خارجين كالعادة عينيه تايضورو فكل مكان وهي جنبو قلبها كايلعب رگادة باقة شاداها الخلعة
طلعات للطوموبيل وديمارا سي بوبكر مخنزر ولومبوطياج تاع كازا كايعصبو ويطلع ليه السكر، غير غادي فالطريق ويزمر على هادا وهاداك وماوصل للدرب تاكان غايطرطق بالعصبية
بوبكر: ياالااطيف جهناامة كحلا
حيد السمطة وعاد غاينزل صونا تيليفون عائشة..ضار عندها مستغرب وهي عينيها خارجو قدامها
بوبكر: مغاتجاوبيش؟؟؟
ردت بتوتر: ء ا ا اه "حلات الساكادو بالزربة وجبداتو لقات النمرة ممقيداش عندها واول من طاح فبالها هو بلال الموصيبة الكحلة الي طاحت على راسها اليوم
بوبكر: غاتبقاي مخنززة فييه؟
شافت فيه ولقاتو باقي غاحاضيها زاد فعفعها وقالت: غ غير كريمة ابا حتا نصوني ليها من بعد
بوبكر: واطلعي ابنيتي للدار انا غانمشي نجيب الغدا
نزلات معاه: و واخا ابا
سد الباب ديال الطوموبيل دار يديه وراه وزاد خلفة مع الطريق فحين هي دخلات للدار طالعة لبيتها الفوق والتيليفون باقي فيدها كايصوني حتا قطع بوحدو..لاحتو على السرير وبدات غادة جاية حداه تتفكر وتخمم فحل لهاد الموصيبة
خرج من الكوزينة كايعض من الدونات بالشكلاط والطيلي فيدو كايبقشش فيه
..دخل للصالون وتسطح على السداري، قدامو باه تاج الدين كايطاپي فالپيسي لابس نظارات طبية ومركز حتا برك عاد شاف فيه وقال
تاج الدين: غدا طالع للخدمة
رد بلا مايشوف فيه: نيت راكة خمرتي فالدار
رجع للبيسي: ديها فراسك
بلال: ههههه
تاج الدين: الى كنتي مزبلها گولها من هنا
شاف فيه مطلع حاجب وتاج رد : غيير گر باينة مللي مجاوبوناش لحد الساعة ادن زبلتيها معاهم
دوز رقم بلا مايجاوبو دارو فودنو وگلس يتسناها ترد عليه وفنفس الوقت كاياكل
داز على واليديه وخوتو كايفطرو ودخل للكوزينة.. هيام شافت فيه مستغربة وصوت ضحكو كايخلي الفضول يلعب عليها ضارت تسول تاج الدين ولكن الضواصا محروقين بيناتهم
شاف فيه كايتحلف: واخا اولدي لقيتي الكتاف اللي يعصيو مكاينينش ولكن نردها ليك فساعت الخير واخااا
توجهللباب كايضحك: آ اللي فجهدك دييرو هههه
نزل كايضحك ويقاد شعرو..خرج مع الباب قاصد الموطور هز منو جاكيط الكوير لبسها وركب، عاد غايدير الكاسك هو يتحل الباب وخرج منو بوبكر .. بقاو واحد خنزر والتاني بسم بهدوء تاخدا بلال المبادرة وقال
بلال: صباح الخير
رد بغير نفس: صباح النور " قلب وجهو كايحنحن "
بلال حرك راسو ولبس الكاسك منير من تما..عاد خرجات عاائشة بسروال توب أسود خاشية فيه بودي بيض ولابسة عليهم مونطو خفيف باج مع شال خفيف كاروات على كتافها وسباط پلا اسود..شعرها مسرح على طولتو وساكادو كحل فضهرها، طلعات للطوموبيل مخسرة ملامحها وقلبها بالخلعة كايخبط
بوبكر: يابسم الله ..ديمارا سي بوبكر تاني فطرقات كازا المكتضة ..الناس كاين اللي غادي يوصل ولادو لمدراستهم _بحالو_ وكاين اللي غادي لخدمتو او شي غرض مهم فداك الصباح ..
فرانا وقف قدام لافاك واول ماشافت عائشة هو موطور بلال مبلاصي قدامها وهو ماليه اتر.
عائشة: الاستاد متايعجبوش الحال يلقانا لداخل خاصو هو اللول اللي يدخل
رد: وصافي هاني غانتسنا معاك
ردت بسرعة وعينيها تايدورو: لا لا لا ابا راه ماشي قانوني تبقا واقف هنا غايجريو علينا بجوج..غ غير سير نتا انا غانبقا واقفة تنتسناه حتا يجي والى گااع وقعات شي حاجة غانصوني عليك
سكت تاتي وزفر، واخة ماعجباتوش هاد الوقفة بوحدها قال فوق النفس: واخا ..ولايني خلي عدك تيليفونك الى شي حد دار معاك هاه ولا هاه دوري ليا
عائشة: كون هاني
تنهد: الله يرضي عليك انوارتي ..واقراي مزيان
ضار فحالو خارج وهي من اللور متبعاه..تسنات شوية حتا حساتو غبر عاد طارت من تما خارجة وتقلب بعينيها عليه وطل على تيليفونها: ااووف هادا فين غبر
دازت من الجردة ديال الجامعة ورجعات لجيهة الكافيتيرية كاتقلب ودور هنا ولهيه حتا قشعاتو بارك على مع شلة ديال الطلبة دراري وبنات قدامو قهوة كحلة وفمو بالضحك محلول
..نفخات بعصبية والي كايطلع بداااا يطلع.. ضيع عليها حصة باطل وبمسبتو غيباتها باش تقلب عليه فالاخير بارك مرتاااح والا على بالو..جمعاات النفس ومشات قاصداه بعصبية، لاحت تيليفونها قدامو على الطبلة حتا شاف فيها هو وياهم وخالد غير قشعها بدا يكح
ضحكات وضارت بالريط عند صاحبتها وقالت بين سنانها: سارة فخبارها هادشي؟
ردت عليها: لا لا مانظنش
غمزاتها: ايوا هي لادرنا هاد الخير هههه
....: هي اللولة ههههه
خرجو لبرا فين مبلاصي الموطور وهو باقي مدرعها..ضار عندها صدفة وشافها غاتغرق فالحمورية كلها مزنگة من الكلمة اللي قال قدامهم ضحك وبعفوية دوز صبعو على حنكها
بلال: ياكما طلعات ليك السخانة؟
شافت فيه: واش مكااتحشمش ؟؟
رد: الصراحة لا
دفعاتو: حييد عليا اييدك "ضغطاط سنانها تاتكزو زاد ضحك ولاح عليها الكاسك"
بلال: هههه طلعي طلعي لاطرطقي ونزدق واحل فك
هزات عليه صبعها: شووف غاانححلو الموضوع ديال الزبلة اللي درت ومن وراها ماتبقاش توريني وجهك..متافقيين
سكت مجاوبهاش وقالت مغددة: متااافقييين
رد: غاطلعي ولا لا
عائشة: حتا نزممو الامور من هنا
بلال: نزممو؟؟؟
عائشة: غانطلع نفكو هاد الحريرة ومن ورااها ماتعرفني مانعرفك.. صاافي؟؟
بلال: صاافي
قالت بشك: حلف؟
بلاال: هههه والله..واطلعي
طلعات بعدما لبسات الكاسك..تمعن ايديها الرقاق حتا ضارو على خصرو وعلى محياه بانت ابتسامة جانبية زينات ملامحو الوسيمة اكتر..
ديمارا وزاد خلفة مع الطريق منير وزربان وهي وراه حالة عينيها اللي تايبانو من تايبانو من الكاسك وتتشوف الطوموبيلات والناس غادين جايين
حساتو فرانا وضورات وجهها بااش عينيها يتحلو على جهدهم وفمها كدلك كاطلع فجمالية المنتجع وتهبط.. شافها بداك اللمنظر وهو كايحيد الجاكيط وضحك بخفة: ندخلو باش تشوفيه من لداخل كيف داير؟
عائشة: هادا ديالكم؟؟؟
رد: ديال الواليد "وقف قدامها حيد ليها الكاسك بهدوء وقاد ليها شعرها بحنية مبسم..نزلات وهي باقة مبهوضة فالديكور الخارجي
شدات فايدو مبهوطة زير عليها ودخلو كايعطيوه التحية ..هو متوجه للمصعد وهي عينيها مركزين على الناس الجالسين فالكافي اللي ديكورها من الترات المغربي بحال الزريبيات اللي تحت الطبالي والديكورات اللي فالحيط بلمسة عصرية..
مشات سادة وراها الباب وخلات عائشة عايشة فمنظر تاني.. غرفة تتوسطها طاولة طويلة بكراسيها فوقها فواكه استوائية منظمة وحلويات مغربية وطارطات مشكلة.. قدام كل كرسي كاين ملف و قرعة الما وكاس زجاجي..جلسة تانية فجانب الطاولة خاصة بليفوطوي كوير بيضين جوج مقابلين مع بعضهم وواحد كبير فالقنت..وتوأم هاد الجلسة كاين فالجهة التانية ديال الطاولة لكن قهويين بطبيلة ديالهم، مقابل الباب كاين حائط زجاجي واخد من السقف للأرض كايبين الشارع على برا والمبانيي العالية والسما الزرقا
ضحكات وقالت: ديااالهم اختي ههه راه گلت ليك داك عمي غير من حوايجو وطوموبيلتو باينة فيه مرفح
كريمة: اي هااي هااي هي گولي فاميلتكم مرفحة نيييت
ردت: كون تشوفي هادشي اللي كانشوف الرفاهية برجليها كتمشي هههه
كريمة: سعدااتك
عائشة: ههههه ...تحل الباب ودخل كايسمع صوت ضحكها ..طلعات فيه عينيها والبسمة المرسومة على شفايفها تدريجيا بدات تمحا وترمش ببطء
كريمة: عااائشة؟ افين مشيتي
رمشات فيه وهو سد الباب داخل ومغوبش بجدية الكول ديال الشوميز..هز ملف كايقراه وبقات هي بعينيها تتقراه من اسفلو لعلاه والكلاس ياختي شحال واتاه..طلع فيها عينو بعفوية وغمزها حتا تفعفع ليها القلب من مكانو وبدات تنحنح
تدق الباب ودخلات الموضفة ببسمة عريضة: سي العورابي ..وصلو
وقف كايسد الڤيسط وقال: الواليد جا
ردت: نن امسيو باقي
بلال: ادن دخليهم "ضار عندها" عائشة اجي حدايا
مشات عندو كاتزرب وقفات على يمينو وبقاو تايشوفو فالباب..تدق مرة خرا وتحل داخلة منو المرأة اللي كان معاها فالريسطو..سلمات على بلال بملامح جامدة: سي العورابي بون جوغ
رد: بون جوغ مدام
رمقات عائشة ومن الشوفة اللولة عرفاتها شكون وهي عينيها للأرض نزلو.. حنحن وقال بجدية: تفضلي امدام
رد: لا ابدا..بغيت نصلح سوء التفاهم اللي وقع..الموصوع كان فيه واحد الخطأ وعائشة غاتشرحو " شاف فيها بهدوء وهي حمرة بالحشمة، عاد وعات بحجم غلطها وماقدراتش تهز فيها حتا الشوفة..نزل يدو لتحت الطاولة شد يدها بحنية وقال: عائشة
حرك ليها راسو وجمعات النفس بارتباك: احم..ا انا
شافت فالمرا اللي ربعات ايديها وكلها ادان صاغية..وبدات تتعاود ليها من الاول وتشرح بايديها وملامحها..السبب والطريقة وكيفاش وعلاش كلشي قالتو وعاوداتو من طقطق حتال السلام عليكم وختماتها ب
عائشة: سمحي ليا بزاف ..ا انا كنت باغة غير نعاون صاحبتي ساعة...
نزلات عينيها بأسى والمرا تنهدات ومسحات رقبتها بحرج..جرات الملف اللي حداها قراتو عاد هزات ستيلو مسينية فيه وعينين بلال اخيرا بسمو براحة ورد ضهرو اللور
شافت فيه وقالت: كانتمنى تكون هاد الكونطرا كافية باش تقبل اعتداري..گلت كلام مكانش خاصني نقولو ومحاولتش نعطيك فرصة باش تشرح ليا اولدي..كانعتادر منك
رد ببسمة جانبية: ماعليش امدام..الغلط كايوقع
شافت فعائشة وقالت مطلعة حاجب: ونتي ابنتي كانتمنى تحيدي منك بحال هاد التبرهيش.. خدمة الناس واحاسيسهم ماشي لعبة..حاولي تخدمي عقلك من هنا للقدام حين ماتصغري راسك فكل مرة
شافت فيها حالة عينيها..اييه تبرهيش وبرهوشة سررها نييت، بسمات كاتمة عصبيتها ومالقات الا صبع بلال تفرغها فيه لوااتو حتا قربات طرطقو بين صباعها وهو خرج عينيه وقال بسرعة : ء ههه دابة مللي حلينا هاد السوء فهم بلا مانعطلوك اكتر امدام
زير فمو ولا حممر وعائشة غير مازايدة فيه
المرا: هههه واخة انا نايضة..غدا غانديرو اجتماع فيه مناقشات شاملة على هاد الشراكة..كانتمنى تحضر معانا
حرك راسو وهي ناضت خرجات فحالها وسدات الباب عاد جر صبعو كايبرد فيه وهي بغضب قالت: داابا انااا برهوووشة..ايوا وبناات النااس لعبة ياااك اناا بالسلاامة باش غاانعرف النمرة غلط باااش
عايشة: عاائشة.. واانوض خلاص ضيعت حصة بسبابك بلا ماتزيدني التانية
زفر وناض وهي سابقاه قارنة حجبانها وكاتزرب..سد الباب وتبعها من اللور كايتقل فالمشية ايديه فجيابو ومنيم عينيه فشعرها.. ضارت لقاتو وااابعيد هي تزيد فالڤولوم وغوتات: غانباتو هنا؟؟
رد عليها حتا هو بالجهد: الاوطيل خليناه لتحت
بسمات بزز: لا شكرااا ..سررربي خلاص ونتا كاتمشي على البيض
بلال: كاتعرفي مشية السلحفاة؟
تغبنات: وااازمرررر
ضربات رجلها مع الارض وربعات ايديها بعصبية كاتسناه حتا وصل عندها بخاطر خاطرو، ورك على زر المصعد و غمزها تاني: مالك على هاد الزربة كاملة.. كايتسناك شي حد؟
شاف فيها بهدوء: ياك مللي غانخرجو من هنا ماغاتعرفيني ماغانعرفك
هزات راسها بتقة: ماتعرفني منعرفك
بلال: وياك كلشي عجبك وبقيتي حالة فيه فمك.. بقات حاجة وحدة خاصك تشوفيها وتكون هي الختام
رمقاتو بشك: وشنو هي هاد الحاجة؟
تحل المصعد و نزل منو لسطح المنتجع مصغر عينيه من الشمس والهوا ضارب ليه فالشوميز.. نزلات وراه تترمش حواليها والهوا ديال السطح كايخرق شعرها وتعاود تردو..ضارت شافت فيه مستغربة وقبل مادوي مد ليها ايدو: اجي نوريك
عائشة: اشنو غاتوريني فالسطح السما متلا
جرها: فيه الهضرة بزاف سكتي شوية
عائشة: هي الى رديتيتي منين .. سكات كاتشوف قدامها ببهطة..طلقات منو وببطء قربات للحافة كاتشوف للاسفل وحالة فمها بدهشة
بسم ووقف حداها مسند على حافة السطح الزجاجية، مرة يشوفيها مرة يشوف لتحت وهي عينيها مانزاحوش على الارض..حديقة بمساحة شاسعة ورا المنتجع خالية ومليئة بالورود بشتى انواعها..تتوسطها زهور ملونة واخدة شكل هندسي محدد ومن الفوق كاتبان باسم "#تاج_راسي" ضحكات اخيرا وشافت فيه ملجوم لسانها ضحكاتو وقال: الواليد اللي هندسها هاكا
ردات بدهشة خرا: باباك مهندس؟؟
حرك كتافو: كان شحال هادي.. دابة لا "رجعات عينيها للتحت وكمل" تاج راسي..كتبها على قبل الواليدة
عائشة: بصح؟
حرك راسو: سي بصح..كان كايبغيها بزاف وقاساو بزاف حتا هوما قبل مايتزوجو..فاش بنا هادشي دار ليها هاد الجردة خاصة بيها
ردت: هي كايبغيها بزاف
رد: بزاف..الحب ماشي ساهل نلقاوه.. نادر وقليل فهاد الوقت وماشي اي واحد يستاهلو
شافت فيه: وشنو كاتعني تاج راسي
بلال: على مكانعرف دايراها ليه فالتيليفون
ضحكات وقال: و بعد المرات فاش تترشق ليها كاتگوليه تاج راسي
عائشة: كان يسحابلي تاج راسي كاتكون غير للأب
شاف فيها بهدوء وقال: كاين الانسان اللي يستاهلها..اللي كايبغي بلا مقابل..واللي بلا تعب ولا مجهود كاتحسو قريب ليك كتر من أي واحد..ديك الساعة نتا كاتحطو تاج فوق راسك
شافت فيه: معاك بصح..صاحبتي كانت كاتبغي واحد الولد بزاف وكانت كاتعاود ليا على كيفاش كايتعامل وتصرفاتو الخايبة معاها، وواخا هاكاك عمرها قدرات تتفارق معاه ولا تعاتبو باش هو مايتقلقش
رد: الى هاكا هو عمرو بغاها
عائشة: عارفة..ولكن كانت كاتبغيه وداك الحب عما ليها العينين..الحب ماشي ديما زوين ..بعد المرات كايجيب لينا غير العداب وكايعمينا على بزا ديال الحوايج
حك رقبتو وقال: ونتي عمرك بغيتي شي حد
بسمات وحركات راسها بالايجاب موردة حناكها
تجمعو حجبانو وبفضول قاتل قال: شكون؟؟
طلعات حاجب: علاش غاتعرفو لاگلت ليك؟
رد بسرعة: هو من العائلة ولا غير كاتعرفيه
جاتها الضحكة وهي كاتتفكر وقال: تأ ههه ولد الدوار "ضارت كاتشوف للجردة" كان ولد جيرانا وديما كانلعبو بجوج..ولكن مللي طلعنا للسادس جابو باه للمدينة وسالا داك الحب هههه
كمش حجبانو: داوية من نيتك
عائشة: ههه والله العظيم
رد: شحال كانت عندك؟
هزات كتاففهها: ماعقلتش.. يمكن حضاش
بلال: من حضاش لعام مابغيتي شي حد؟ كاطنزي ياك
ضحكات باستهزاء: بغيتي با يقطع ليا الرجلين
رمش ممصدقش وقرب ليها كتر: عمرك تصاحبتي ولا خرجتي مع شي حد گااع
حركات راسها بالنفي وهو حال فيها فمو كتر: واخا وعمر شي حد عجبك من بعيد
شافت فيه: هههه شكون ااصلا هادا اللي غانبغي.. الزوبير العناب ولا محماد مول الحانوت ولا واقلة سطوف ولد مو هههه "شافت قدامها مرة تانية وهو سها وفيها ليقو عينيه' فدوارنا تاواحد مكايحمر الوجه بقا غير نبغي.. لاهيلا..
رد : هي نتي ماشي بنت المدينة؟
قالت: لا لا عاد شي يامات باش ج..."سكتات وعاد طلعات معاها الشاهدة باللي كاتدي وتجيب معاه الهضرة..ضارت عندو مخنزرة وتكبات عليه " ونتا ماالك؟ سووقك شفتك. ااخويا بجوج وريدات وليتي باغي نعااود لك قصة حيااتي..فكينا لك المشكيل صاافي الله يعاون يااااء
سبقاتو وهو بقا جامد فالخوا ساهي حتا غوتاات: ماناااويش
تحل ونزلو بجوج للتحت جبدات تيليفونها كاتشوف الساعة وحجبانها مقطبين: بقات نص ساعة خاصنا نسربيو
بدون رد منو هز الكاسكك مدو ليها تلبسو..طلعات شادة فيه وهو ديمارا بسرعة مكسيري فالطريق وبنفس الوقت فرانا تاج الدين سيارتو مخرج عينيه ويرمشهم ممتيقش شنو كايشوف
...
وقف قدام لافاك البلاصة منين هزها..نزلات كاتحيد الكاسك وهو تكا على الموطور حااضيها مداتو ليه وقالت:شكرا..والله يعاون
ضارت داخلة كاتزرب ..ماشال عليها عينيه حتا اختافات من انظارو وابتاسمة خطيرة ترسمات على شفايفو
أبو عائشة الجزء الخامس
محتوى القصة
التنقل بين الأجزاء