أبو عائشة الجزء السادس

من تأليف Soukaina Ahnani
2020

محتوى القصة

رواية أبو عائشة

وصلات للومڤي كاتنهج وحتا شافتهم يالله كايدخلو عاد تنهدات براحة على الاقل تعتق هاد الحصة اللي بقات
..دخلات وهاد المرة مقلباتش على مكان معزول انما گلسات حدا بنت محجبة باينة من وجهها اللطافة..بسمات ليها عائشة وقالت بخفوت: السلام

انتابهات ليها وردات: وعليكم السلام

عائشة: ختي عافاك ممكن نسولك

جاوباتها بنفس الابتسامة: آه سولي 

عائشة: حضرتي للحصة اللي فاتت ياك؟

ردت:اه اختي

عائشة: ء ممكن تخلي عندي المحاضرة غير ننقلها ونردها ليك وماتخافيك غدا نجيب لك كتابك

...:هه واخا ماشي مشكيل هههه

وسعات بسمتها بامتنان: شكرا بزاف

دخل الپروف هاز محفظتو ضارت ليه بانتباه وفتحات كتابها وعينيها وحتا تركيزها معاه

.....................................

غربات شمس هاد النهار والليل فرش عبايتو السوداء فالسما المزينة بالقمر والنجوم المضوية

فالكوزينة واقفة هيام پپيجامة ديال الدار كاتحرك سپاكيتي ..نقصات عليها البوطة ورجعات للصالون كاتتفرج فسيري متبعاها..حتا تحل الباب ودخل بلال كايحك رقبتو وهاز سوارتو والطيلي فيدو..لقاها باركة فالصالون دخل باس ليها راسها حتا ضحكات: الله يرضي عليك

برك فوق الزربية متكي على رجليها وراسو مردود اللور بعياء ساد عينيه..نقسات للتلفازة وشافت فيه مشوشة وصباعها دخلو لخصلات شعرو بحنية

هيام: بلال !!

رد: ممم

قالت بقلق: مالك احببيبي واقعة شي حاجة

حل عينيه فالسقف كايرمش بدون جواب وساهي، بهدوء بسمات وقالت: ياكما كاتبغي شي وحدة؟

رمش تاني وضحكات بخفة: شكون هاد سعيدة الحظ هههه

خرجات تنهيدة من فمو وشاف فيها جامع حجبانو: نسولك

هيام: سول هههه

بلال: نتي كيفاش عرفتي باللي كاتبغي داك الزقرام ديال راجلك

ردت: نكدب عليك ماعرفتش ههه

بلال: شكرا فدتيني بزااف

ضحكات ورجعات قالت: هههه هادا هو الحب ابلال..يمكن نبغيو من أول نظرة بلا مانعرفو علاش ولا كيفاش ويمكن عمرنا نبغيو ..حيت اولدي القلوب كاتميل لبعضها.. كاين إنسان كاتلاقا معاه مرة وحدة وكاتحس بحال الى كاتعرفو طول حياتك..فنفس الوقت كاين إنسان كاتعرفو طول حياتك وكايبقا ديما غريب عليك

حرك راسو بهدوء وقال: فهمت

هيام: ايوا شكون هادي

بلال:غير سولت الواليدة بلا ماتبداي تخيطي وتفصلي غير بوحدك

هيام: ااه ضحك عليا بهاد الهضرة

بلال: ولدك زهوااني ماعدو زهر فالحب



دفعاتو كاضحك: نوض الله يمسخك گالس كاطنز عليا

شد ليها رجلها: ههه رامعاك بصح شكوون هادي اللي غاتقبل على ولدك هههه

هيام: ههههه حييد

رن تيليفونو جبدو كايضحك ولقاه ميساج من عند "سارة" فتحو كايقراه بحجبان معقودين والبسمة اللي على فمو كاتتمحا شوية بشوية


خرجات من الكوزينة هازة طبسيل ديال البيصاارة بززيت العود غادة بيها للصالون فين بارك باها بفوقيتو الحمرة ومن بعيد كاتفرنس فرحانة بأول طبخة ليها

بوبكر: كاتكركري مطيبة التريد

حطاتها فوق الطبلة: ههه اليوم البيصارة.. غدا المجعبة.. بعدو البلبولة.. عااد باش التريد ..خطوة خطوة ابا

بوبكر: وارجعي جيبي الخبط وشي معلقة غاناكل بيدي

ردت: ااه نسيت

مشات كاتجري تجيبهم وهو كايشمشم فالطبسيل بحدر خايف لاتكون فيها شي عجب تاني

دخلات وحطات جنبو سلة الخبز وجوح معالق: هانا يالله بسم الله

گلسات حداه وهو شار ليها تاكل: بسم الله بداي

عائشة: ونتا؟

بوبكر: لا لا نتي اللولة ابنتي

عائشة: علاااش

بوبكر: ايوا اللي عصو الحنش يخاف من الحبل نتي طيبتي نتي تبداي

قطعات الخبز بالنترة وكلات منها شوية..سرطاتها وقالت: هاهي بنينة صافي

قطع الخبز: ايوا بسم الله "خدا منها دغمة داق بشوية عليه وقال كايحرك راسو" لا زيينة الله يعطك الصحة

ردت: راه غير بيصارة ابا ههه فكرتيتي فالحريرة

بوبكر: سكتي غاتوحليها ليا باقة حرقتها هن 

عائشة: ههههه دويتي مع مي اليوم

بوبكر: علاه تتجاوب بعدا..وتي

عائشة: قبيلة عيط ليها ودويت حتا مع لا عبوش .. ولات كاتبات معاها باش يتوانسو

بوبكر: مزيان " شاف فيها وفمو عامر " سولات عليا ولا صافي نساتني

عائشة: الصراحة اه ..ولكن گالت ليا نگول لا
ههههه 

بوبكر: ههههه اهيااا ديك مك يالاطييف


حل الباب مخنزر و كايسد الجاكيط ..لقاها واقفة حداه بعينيه حمرين مخضية فالمونطو كوير وكاتشوف فيه..زفر بانزعاج وقرب عندها: يالله ندويو فبلاصة خرا

بصوت مغنن ردات: جيت غير باش نسولك ونمشي بحالي

زفر و قال: سارة..شوفي عارف غاتكوني سقتي الخبار واخا كنت باغي انا..

قاطعاتو والدموع فعينيها: وشنو الفرق ..سوا نتا ولا وحدين خرين شنو الفرق آ هءهء نتا غاتخليني ياك ابلال هءهء غااتخليني يااك هءهءهء

ارتابك وسط دموعها وبقا كايدور عينيها بتنهيدات حارة.. اكره ماعندو هو دموع الانتى واكترية لاكان هو السبب الرئيسي وراهم..رجع تنهد كايلملم الهضرة فلسانو وهي برجاء كاتشوف فيه ودموعها سيالة

بلال: انا ..تيقيني انا ماشي هو الراجل اللي نتي باغة، والا نتي ديالي.. عمري قاولتك بشي حاجة ولاحتا گلت ليك باللي كانبغيك باش نكونو واضحين من الاول ومانوصلوش لهادشي

تنخصصات وقالت: نتا هاكة ديما معاهم وكان يسحابلي..

قاطعها: ماايسحاابش لك..شي حاجة ماگلتهاش بفمي علاش غاتوهميها؟ واحد النهار كنا غانفضيو ونتي عارفة هادشي مزياان

قاطعاتو مخرجة عينيها: ولكن على قبلهااا يااك؟؟ شكوون هادي..شنو عندها ومااعنديش گووول 

خنزر: غاتعاودي تغوتي هضرة خرا

قربات عندو كاتبكي وبصوت منخافظ نطقات: انا كانبغيك ابلال " بغات تشد وجهو وبعد" علاش كاتتصرف معايا هاكا ..علاش "قربات لفمو" انا حتا مستاعدة نعطيك كلشي

بعد مخنزر: ماتزيديش تصغري راسك على والو..نتي ماشي هاكة وعلى الاقل انا اللي ممعتابرك هاكا..بحال هادشي عندو ماليه اسارة ماتخلطيش راسك بالطواليط

سارة: ب بغيت غير نبين ليك باللي بصح...

قاطعها: مكايهمنيش واش بصح ولا لا.. الحب ماشي بزز، الحب كايجي بالخاطر وحنا مع بعضياتنا كتر من ست شهور ..عمري بغيتك "زادو طاحو دموعها وتنهد بنفس تقيل" مكانگولش هاكا باش نزيد نمرضك خاصك تفهمي الحقيقة..عمري بغيتك وعمري غانبغيك..المشكيل ماشي فيك بالعكس..نتي بنت ضريفة وصداقتك عنات ليا بزااف..عشنا تجربة فاشلة صافي خليها تجربة زوينة بيناتنا

سارة: هءهء منققدررش ابلال عءهؤ منقدرش ننساك


شدها من كتافها وبتأكيد قال: غاتنسايني..علاش شكون هاد بلال اصلا اللي غاتبكي عليه، واحد مايستاهلكش اسارة..حيت مكايبغيكش مايستاهلكش..مازال يحي هادا اللي ينسيك فيا ويبغيك بصح كيفما نتي كاتستاحقي ويقدر المرة الجاية تجي دقي عليا وفيدك كارك ديال عرسك وانا بالفرحات عليا غانجي

ضحكات فعز دموعها وعنقاتو بالجهد سادة عينيها.. تنهد وحط ايديه على ضهرها صامت وساهي قدامو

.....

بوبكر: الحمدلله والله يخلف

عائشة: ههه بصحتك. . ناضت هزات الطبسيل للكوزينة وسي بوبكر رد ضهرو جيهة السرجم كايرتاح..وقف باش يضور هو يلمح خيال غليض قدام دار تاج الدين..بفضول قرب عينيه مزيان كايتأكد حتا وضاحت الصورة مزياان هو يخرج دوك العينين وهوما معانقين قدامو ..خنزر تاخنزر وسد داك الشرجم بالنترة تاقفزات عائشة وبدا يبرگم بوحدو: الشيخة تووب وهو مايتوب خزييت على ولد

خرجات عندو: با مالك؟

بوبكر: واالو ابنتي والو ..تصبحي على خير انا غادي رگد

عائشة: مغاتتسهرش معايا؟ 

بوبكر: لا لا غدا فالصباح عندي شي غاراض نقضيه خاصني نرتاح شوية

بسمات ليه: واخا اللي بغيتي.. تصبح على خير

.....

طلقات منو وهو مسح دموعها بحنية: صاڤا دابة

حركات راسها وببسمة خفيفة شافت فيه: سعداتها بيك

رد: سعداتي بيها

سارة: ههه.. غاتكون زوينة بزاف ياك؟

بسم: فعينيا انا اه..زوينة بزاف

تنهدات بحصرة كاترمش فصباعها: تستاهل كل خير ابلال.. هي محظوظة حيت مع واحد بحالك..شهور وحنا بجوج عمرك قربتي ليا ولا استاغليتيني واخة كنت مسااعدة "حك رقبتو وهي قالت" شكرا ..شكرا بزاف

تنهد: خاصك تمشي اسارة..تصبحي على خير

ردت: بسلامة عليك

ضارت لطوموبيلتها كاتمسح دموعها وحابسة الكية فقلبها..راقبها حتا طلعات وديمارات فحالها عاد تنهد وبقا واقف كايستنشق الهوا والبرد كايحرك خصلات شعرو الامامية..فرانات قدامو السيارة ديال باه نزل منها تاج الدين جامع حواجبو وزاد من حداه بحدة قائل: تبعني

طلع حاجب باستغراب وضار غادي وراه للدار


دخل للمكتب لاح سوارتو فوق البيرو ونصل المونطو لايحو عليه بغضب..دخل بلال سد الباب وشاف فيه مغوبش: مالك شنو واقع

رد مخنزر: شنوو وااقع؟؟؟ گوول نتتاا شنوو داكشي اللي شفت اسي بلال وليتي كاتلعب لعب الكباار

بعدم فهم: كيفاش؟

تاج الدين: عاارف شكوون هااديك اللي كنتي مركب معااك ولا معاارفش ؟

خنزر حتا هو وبهدوء قال: كاتعرفها؟

تاج الدين: نتتااا اللي واش كااتعرفها

قلب وجهو كايزفر: ماشي داكشي اللي على بالك واخا

تاج الدين: اهااا ..راكبة معاك ومخلية قرايتها باش تمشيو تصليو يااك

رد بحدة: الواليد ماتخلطش گلت ماااشي دااكشي اللي فبالك..انا وصلت البنت وصاافي

تاج رمش فيه وبلال راسم الجدية وجهو مافيهش الضحك..قصح وجهو وقال: عرفتيها شكون بعدا ولا مازال

رد عاقدهم: لا..شكون

تاج الدين: هااااديك مراااا مزوجة اسي بلااااااال..وبعمييييي !

قلبو زدح مرة وحدة وسكت مابقاش كايسمع دقاتو وتاج رجع هز عليه صبعو و قال: إلى مشااا حتا ساق لك الخبار كاضور بمرتو هضرة خرا هاديك..البنت ماشي من البنات اللي كاتعرف فرقهااا عليك حسن

تفكو حجبانو وبفمو الناشف قال: كاضحك ياك

رد: هادشي فيه الضحك؟ السيد عاد سكن فالدرب هو ومرتو وكلشي عارفها مرتووو إلا ليك ن....

صاطو ودنيه حتا مابقا يسمع والو ودماغو رجع اللور، بالضبط للكلام اللي سمع من ولا الحومة على مرات بوبكر..صغيرة وزوينة وكاتقرا..بردو حواسو فاش تدكر كلامها على الدوار وباللي عاد تحولات للمدينة بنفس الفترة اللي تحول فيها عمو..تفكر حتا كيفاش دوات على راجلها وخدا الامر بمزاح 

رمش مرة خرا بوجع قاصح فصدرو قال بخفوت: لا مااشي هي "سكت كاينهج قدام وجه تاج الدين..سرط ريقو بصعوبة وحرك راسو بالنفي" لا ماايمكنش.. غير تشبهات لييك ولا شي حااجة مايمكنش

تاج الدين: بلااال...

قاطعو: ماااااشي هي مااايمكنش تكوون هيييياااااا

خرج مزير ايدو حتا بياضت وقلبو غايخرج من بلاصتو..عااد دخلات معاه الصدمة وبدا بسرعة كاينبض ودقة قاصحة عمرو عاش بحالها جاتو..سد وراه الباب وبعفوية طلع راسو فالسرجم اللي قدام عينيه..نفس الشعر اللي شاف وبقا دماغو ساهي طول ديك المدة على فين شافو ..مزوجة..وبعم باه
..صدمة خلات نفسو تتقطع والاكسجين فحلقو تقيل..ضار بالزربة للموطور ديالو ركب وبلا كاسك ديمارا منير وعقلو غايخرج من بلاصتو


خرج مزير ايدو حتا بياضت وقلبو غايخرج من بلاصتو..عااد دخلات معاه الصدمة وبدا بسرعة كاينبض ودقة قاصحة عمرو عاش بحالها جاتو
سد وراه الباب وبعفوية طلع راسو فالسرجم اللي قدام عينيه..نفس الشعر اللي شاف وبقا دماغو ساهي طول ديك المدة على فين شافو ..مزوجة..وبعم باه

صدمة خلات نفسو تتقطع والاكسجين فحلقو تقيل..ضار بالزربة للموطور ديالو ركب وبلا كاسك ديمارا منير وعقلو غايخرج من بلاصتو..مكسيري ومنير ومع الدورة خرج ليه كاميو بلا مايرد ليه البال وبسرعة ضار ضورة خايبة فقداتو التوازن ومبقاش متحكم فالموطور اللي تلاح فجيهة وهو فجيهة مكالي بيدو تاتحردات وتضرب فجبهتو والركبة مجروحة
زير عينيه ضاغط على فمو وموعت نييت، ناض بصعوبة مخسر ملامحو بألم طل على الموطور لقاه شاعل مقلوب على جنب و روايضو كايضورو فالخوا ..تنهد وجبد من جيبو الطيلي لقاه مهرسة ليه لانكاسابل، حيدها رماها حداه ودوز رقم تواني وجاوبو كايضحك

خالد: فين ابا بلال

رد: فينك

خالد: فالزدحة مع الدراري هههه تجي؟

بلال: معاكم أنور؟

خالد: هاهو حدايا علاش

بلال: خود من عندو اللوطو گوليه بغاها بلال ودوز عليا راه درت كسيدة

ناض مصدوم وقال للي معاه: السكاااات ششششش "رجع قال بقلق" شنو شمن كسيدة فينك نتا؟

ساط: غير الموطور اللي مشا ماتگولها لحد.. وطلق راسك راني اون بان

خالد: و واخا سيفط ليا لوكاليزاسيو واهانا معاك

رد: ماتعطلش 

قطع ودخل سيفط ليه البلاصة بالضبط ..بقا بارك فالارض كايتنهد وبفعل البرد مع كل تنهيدة كايخرج ليه الدخان من فمو..تكا براسو على الشانطي مسرح رجل ورجل تانيها كايشوف فالسما والبرد كايطلع ليه مع العضام واخا العافية اللي كاتشعل فيه ممخلياه حاس بوالو 

وقفات قدام رجليه ميرسيديس بيضة نزل منها خالد مخلوع يتسحابو سخفان فالارض ماشي كايتجمم..وصل وشافو ساهي فالسما كايتنهد..جمع حجبانو مستغرب وقال 

خالد: بلال؟؟

"حول ليه عينيه"

رد بقلق: مالك اساط؟


تحطات قدامو على الطبيلة قهوة قاصحة كاتفتح النفس و ريحتها القوية كاتشم من فين وفين ، وهو قالب وجهو للشاريع مزير عضلات فكو وايديه مربعين ..الدم كرم ركبتو كاتوجعو جبهتو حمارت وقطيرات الدم فيها لاسقين .. العين حمرة بوجع خاص ماعارف حتا دقتو فين

هز خالد معلقة من الحريرة شربها مصغر عينيه وخدا الشباكية حداه عض منها وقال كايشوف فيه: هادشي عندك مشكبك

سكت واكتافى بتنهيدة حارة فقط 

زاد شباكية خرا كايندغها: مشبااااك ابا بلال "سرطها وقاد البركة" دابة بالعقل ..واش حاط عينك نييت على هاد البنت؟ "شاف فيه بهدوء فعفعو" غاگلنا زعما حيت هادشي ف ف شكل اصاحبي..السيدة زروطات لك خدمتك وكانت غاضبر لك فبروسي مع سي العورابي، باينة فيها برهوشة "رد مطلع حاجب" نتا اللي گلتي انا ماگلتش

رد: باقة مفاتش جوج دقايق وبديت كانندم حيت عاودت لك 

خالد: الااا اصاحبي إن شاء الله مغاتنوض من تما حتا نلقاو شي حل لهاد التزويجة

زير حجبانو: عائشة مااشي مرتو شي حااجة تماا شي حااجة

حك لحيوو بتخميم: ولكن باك علاش غايكدب؟ حتا ولاد الدرب كلشي عارف باللي السيد اللي ساكن قدامكم مزوج ومرتو صغيرة تتقرا

قلب وجهو مزير يدو وكاينفخ بحال التور والشعلة فقلبو شاعلة

خالد: وابلا ماتعصب اصاحبي راه تاأنا جاني هادشي فشكل ولكن غانلقاو الحل كون هااني

شاف فيه مطلع حاجب: اما هو هاد الحل؟

قاد الگلسة تاني: دابة هاد عمك..عندو شي ورت شي املاك شي ديور؟

قوص حجبانو: لا علاش؟

خالد: وايلي..گلت زعما البنت غاتكون شي طماعة ولكن، بففف "بلال فرس سنانو وهو رجع قال" هي كانت ساكنة فالعروبية ياك؟؟ وتاعمك ..ادن غايكونو واليديها زوجوها بزز راداكشي مووجوود تما وشحال من وااحد تزوج بزز منو و...

وقف مقااطعو بغضب: وااش اناا شااعل ونتا كااتزيد فييه بغيتي نقلب على اصلمك هاد الطبلة

خالد: تالا اصاحبي غير بغينا نعرفو الخلل فين كاين

بلال: غااتزم فمك و تخليني نفكر ولا انا اللي غااندير فيك شي خلل


خالد: هاهو سااكت

رجع برك قالب وجهو وقبضة ففمو مزيرها وكايخمم..كل الطرق مسدودة وحتا حل مابان ليه هو هاداك..خنزر وهز ديك القهوة كايشرب منها وخالد سالا الزلافة ورجع اللور حاط يديه على كريشتو كايخمم حتا نطق: زعما ماتكونش بنتو وتغالطو ؟

شاف فيه مخنزر: بنتو؟

خالد: اه علاه ماعدوش البنات

رد: عندو وحدة على مكانعرف 

حل عينيه: هااا..فايت شايفها.

صغر عينيه كايتفكر بدون جدوى وقال: لا عمري صادفتها 

خالد: واغير تفكر اصاحبي يقدر شفتيها فشي بلاصة ولا جات عندكم شي نهار ولا سمعتي عليها شي حاجة بحال عمرها ولا فاش كاتقرا

رد كايتفكر: فايت جات وباتت فبيتي و.. " سكت كايحنحن وقال " ولكن مشفتش فيها گاع.. منعرف حتا شحال عندها من عام

خدا نفس ورجع طلقو: واخا نحيدو احتمال انها بنتو ..ماتكونش مزوجة بيه بزز ..ااصلا داك عمك شكون ترضا بيه وهو غاعاگدهم، من صغري فيما جيت عندكم وكان تما كايبدا غايخنزر..شوف يقدر واليديها زوجوها بزز ويمكن گاع زواجهم يكون غير فالوراق "شاف فيه لقاه مكمش حجبانو كتر وفكو مزير" راه كانجيك للوجيك اصاحبي باش من بعد ماتصدمش 

نفخ وناض فحالو: تهز نوصلك

خالد: ابلاتي بغيت نزيد واكد الجبانية مازال

رد وهو خارج: وابات هنا

مشا وخلاه كايهز فالشباكية بالزربة وتابعو: بلااال ..وااحبس اصااحبي وصلني معااك

طلع حداه دار السمطة وبدا ياكل فالشباكية وبلال ديمارا ساهي فالطريق الخالية بحالا عمرها عمرات ويدو حاطها على السرجم 

خالد: توحشت ماكلت مي حق الله..ولكن والله لا رجعت اللهم الزنقة ولا ديك خيتي..عرفتي موسطاجها كبر من ديالي كاتبان هي الراجل ماشي أنا..دابةشمن زوااج هادة اللي المرا عندها ميترو ستة وتمانين وانا عندي ستة وسبعين غااتقسمني... 

قاطعو: غاتزم لا

خالد: هاهو زامو غامتعصبش

فرانا قدام عمارة عريضة: نزل يالله

خالد: دوز بات بعانا 

بلال: لا عندي مانقضي فالصباح نزل خلاص

خالد: وازير الساط زير زخدم عقلك لاتغلط مع مرت الراجل

شافو بدا يكشكش هو ينزل بالزربة قبل مايلبق ليه شي دقة 
...ديمارا مرة خرا راجع لدارهم والهضرة ديال خالد فدماغو كادور..يقدر تكون مرتو بصح؟ ولا مزوجة بزز ؟ بزز ولا بالخاطر راها مرتو ..ويقدر فالوراق ولا باه لاعبها عليه؟ يمكن عندها شي مشكيل ولا داك بوبكر مبزز عليها هاد التزويجة؟
أسئلة كثيرة دارت فدماغو وحدة كفر من التانية ..تنفخ وعيا وتقال بغا غير يرتاح ويطيح طيحة وحدة..نزل من اللوطو بعدما فرانا قدام دارهم وعينو مهربها على دار سي بوبكر.. طلع لبيتو نيشان دخل للحمام اللي عندو فالبيت نصل التيشورت والدجين خدم الرشاشة وتخشا تحتها ساد عينيه وبرودة الما كادوز على داتو السخونة كاتفور ..وبقا على داك الحال كايتنهد ويدور عنقو


خرج من الحمام بشورط گري خفيف وفوطة فيدو كايمسح بيها عنقو..لاحها حل السرجم حاط ايديه على الحافة ديالو و موجه انظارو للسرجم قبالتو..بيت انتوي من الحوايج اللي كان شاف قبل.. ادن هادا هو بيتها؟ ولا بيتهم بجوج؟

ضار لتيليفونو بالزربة ورجع للسرجم، دوز رقمها وحطو فودنو ودقات قلبو متسارعة..شاف ضو الطيلي ضارب فالبيت المضلم ووسع عينيه بلهفة كايحاول يشوف السرير شنو فيه..فعل عمرو كان عارف باللي شي نعار غايديرو ..لا هو من من شيمو والا تربيتو والا اخلاقو..لكن العقل اللي يحدد الخطأ من الصواب طفا وتبلوكا ورجع القلب هو اللي يگيد وفيدو عصا الحكام

رجعات المكالمة ورجع بلا كلل ولا ملل كايعيك ويعيط وهي بحال الميت حلفات لافاقت، حتا فات عشرة المكالمات كلهم كايرجعو..عاد مدات ايدها سخفانة بالنعاس كاتقلب على التيليفون غير تسكتو من الصداع..كمشات حجبانها وهزات ايدها للفيوز شعلاتو مضوية البيت وهزات الطيلي جاوبات بصوت مدعدع بالنعاس

عائشة: االو

عينيه بقاو مبلوكيين فداك السرير المتوسطاه غير هي ولسانو ملجوم 

شافت بعينين مسدودين فالنمرة .. كمشات حجبانها ورداتو لودنها: بلال؟؟

زير شعرو بنرفزة غايموت غير بالشك ومابقا عرف شنو يتيق

عائشة: بلال واش هادا نتا؟

رد بصوت عيان كايشوف فيها: عائشة أنا.. أنا...

قاطعاتو بعصبية: وااش تاهبيييل..وااش ااخووويا مااعدك مايداار تامصدعني فهاد الليل ماتعرف اللي ناعس ولا مرييض ولا المررض الخضرررر يخخخخ

قطعات وبلوكاتو تاني..عاد غاطفي الضو هو يتحل الباب ودخل بوبكر مخلوع لابس فوقية خفيفة وسنظالة فرجليه باينة فيه عاد توضا على قبل الفجر

بوبكر: عااايشة.. معامن كتي كاتغااوتي

توترات وناضت كاترمش: غير كنت كانحلم و وشحفت

رد داخل: نجيب لك ميهة ؟

عائشة: لا لا انا غانجيبها لراسي بلا مانعدبك

دازت من حداه نازلة لتحت وكاتسب بلال فخاطرها

.....
سد داك السرجم حتا بغا يتهرس و صدرو طالع نازل كايترعد بالعصبية، داتو حتال سبيل الراحة ونفسو هدات وعاود رداتو للعداب والشك القاتل ..وبلا مايحس هز داك التيليفون خبطو مع الحيط خطرة وحدة حتا مصارنو خرجو، الهرسة اللي ماتهرسش فالموطور تهرس فيها بمسبة عائشة..وراس بلال تشقق وزاد على مابيه فاشحل داك السرجم


صباح جديد
وفالكوزينة واقفة هيام مع تاج الدين كايوشوس ليها بالتي هي أحسن وهي تدور من هنا للهيه منزاعجة وضور فيه بعصبية: واالااا لاا لااا

تاج الدين: وااش اعباد الله باغة الروح طيح فهاد الحومة هادشي علاش كاتقلبي

هيام: ولكن الكدووب لا انا اخويا مغانكدبش نتا دبر راسك

هز حاجب: خوويا؟ "شير عليها بسربيتة" باك انا لا؟

ردت بانزعاج: واارسا هاديك راه غطيت بيها المسمن 

تاج الدين: خلي علينا دابة المسمن ولا البغرير وفكري فالملاوي ديال ولدك 

هيام: ولدي ماشي ملوي واخا

تاج الدين: ولدك زهوااني و بقات ليه غير بنت عمي فالحساب تقاادااو البناات من الدنياا

هزات كتافها: ويقدر يكون كايبغيها بصح ماالك متشاأم

تاج الدين: ويقدر يكون كايلعب عليها العشرة ماالك هبيلة

بعصبية: عرفتي شنو.. خرج ليا من كوزينتي اااصلا باقي منسيتش ديك العملة اللي درتي خررج يالله

تاج الدين: وبلا زمر اهياام واش ماشفتيش البنت كي دايرة..وااش هاديك بحالها بحال البنات اللي كايعرف ولدك؟ البنت رااها نية ومتتعرف والو تلقايها عمرها دوات مع شي ولد فحياتها، غايجي ولدك بجوح كلمات غايطيرها وتولي تموت وتتسطا عليه ديك الساعة شكوون اللي غايوحل؟ حنااا

هيام: غاتوحل غير نتا انااا ماسوقييش..خرج عليا من كوزينتي يالله براا

بعناد برك ليها تم: الداار شااريها بفلوسي وهاد الكوزينة عندي فيها الحق حتا انااا

دارت يد على خصرها: الدار فسميت من ؟ فسميت هيام العلالي"خنزر وقالت كاتسممو" يالله برا

ناض غادي بزز وكيف وصل ليها عطاها دقة حارة لترمتها حتا نقزات من بلاصتها حالة فمها: وااخا عقل على هادي

رد: عقلي نتي وجمعي الحساب

گلس على طبلة الفطور ونزل منعم هاز محفضتو كايتفوه هو وحسناء فايقين خاسرين

تاج الدين: شفتو السهير اتريكتي عجبكم

منعم: والواليد كون غاغيبت والله عندي السبور و مافيا اللي يلعبو 

خنزر فيه: غادوز تفطر وتمشي لمدراسك ولا لا

گلسو غضبانين وهيام كاتحط على الطبلة الفطور..تحل باب بيتو ونزل بتيشورت ازرق ودجين گري عاقد الحضاش فحجبانو، مادوا ماهضر دخل للكوزينة ووقف كايتسما مو .. دخلات كاترمش وقالت: صباح الخير اولدي

رد : احم صباح النور..بغيت نسولك الواليدة

سرحات حلقها وتاج مطول راسو داير معاهم ودنو

هيام: ا اه سول شنو كاين؟

بلال: عمي بوبكر..مزوج؟

رمشات بارتباك: ا اه اولدي على ماعرفت اه

بلال: واخا وفاش جا للمدينة جاب معاه مرتو؟

هزات ايدها كاتحرك رقبتها محتارة وعرقانة ماعارفة شنو تگول

بلال: الواليدة؟

هيام: ا ا معرفتش اولدي اللي عارفة هو المرة اللولة جا مع بنتو

بلال: عارف بنتو..ولكن هادي اللي ساكنة معاه واش مرتو ؟

ردت متوترة: ا انا م ماعرفتش ماعارفة والو سول باباك

حرك راسو مزير فكو وداز من حداها بحال الريح غير كاينفخ..داز عليهم خارج وهوما متبعينو بعينيهم والتفاجأ على وجههم كاملين حتا من حسناء..الناس كايفيقو خاسرين مخنزرين الا بلال صباحو كايبداه بالنشاط والضحكة منورة الوجه..التخنزير مولفينو منو مرة فالعام لسبب مهم غير هاكا عمرو جمع حجبانو بعصبية وعمرو خلا شي حاجة تفور ليه دمو وتعصبو

منعم شاف فيهم حال فمو وقال كايرمش: بلال مخنزر اواااه..السهيير خايب اخوتي خاايب

خنزر فيه تاج: فطر لاغاتفطر رراك تعطلتي


قدام لافاك فرانا بجاگوار كحلة كاتبري الغادي والبادي وقف كايشوف فيها..
ضور وجهو للدخلة كايتسنا واش غايلمحها بين الطلبة اللي كايدخلو مع هاد الوقيتة
..جبد تيليفونو دوز نمرتها ووسع عينيه متفاجأ انها بلوكاتو، ضغط على فمو بالفقصة ودوز اپيل لخالد كاينفخ بغضب

خالد: الو

رد: فايق

خالد: فايق ااصاحبي ورانا فدربكم

بلال: طموبيلتو باقة تما

خالد: بااقة هاهي تتبان..لا لا بلاتي راه خرج من دارو..

جمع حجبانو: بوحدو؟

خالد: وايه بوحدو ركب وزاد..واقلة مقارياش اليوم 

زفر بعصبية ساد عينيه ومرجع راسو اللور

خالد: شوف خويا بلال اماتخممش معاك الرجال وقريبا غايكون عدك دوسيه كيشتي انا عندي واحد ولد عمي آخر خدام مع البوليس، عطيتو سمية وكنية عمك وراه غايروشيرشي عليه ماتخافش دوسيه من طاقطاق تال..(طيط طيط طيط)االو..الوو ..تاقطعتي

............
ضحكات وهي نازلة من الدروج والطيلي فودنها كادوي فيه مع كريمة: هههه ايوا مبرووك

كريمة: الله يبارك فيك غاتجي ياك

عائشة: ضروري خاصني غير نگولها لبابا

كريمة: من هنا لسيمانة غاتكون الخطبة عندك تنسااي ههه

ردت داخلة للصالون: لا كوني هانية

كريمة: عرفتي شنو هههه بنت خالتي اللي من الخاريج گالت لك واالو نديرو حفلة وداع العزوبية

حلات عينيها: اويلي المسخ؟

كريمة: الااا ههه غانكونو غير حنا البنات نضحكو ونشطو بيناتنا وشوية المزيكة صافي مادات ماجابت..وبصراحة مكرهتكش تجي حتا نتي پليييز

حكات شعرها بحيرة: ماكرهتش والله ولكن خاصني نشاور بابا بعدا

كريمة: الى مابغاش دوزيه ليا ندوي معاه عاافاك بغيتك تكوني معايا

عائشة: ايمتا غاديروها؟

كريمة: هاد اليوماين على حسب ايمتا نساليو 

ردت: واخا خلي حتا نتشاور معاه ونجاوبك

كريمة: واخا احبيبة ههه ..مقارياش اليوم

عائشة: لا حتال العشية مع الربعة

كريمة: اوك مزيان رتاحي شوية ومنها نيت دوري مع راسك فوطي و شوفي كازا واجواءها

تنهدات بحصرة: ممم عندك الحق..بسلامة عليك خاصني نقطع

كريمة: بااي ازين وعنداك تنساي

عائشة: بسلامة

قطعات ودارت يدها على خدها كاتشوف فالزنقة وتتنهد


تنهيدة حارة مملة كاوضعها دابة..حاسة براسها طير مغرد مسجون..و ايمتا هاد الطير يتطلق سراحو وبجناحو يرفرف على الدنيا ويشوفها كيف بغا..سمعات الباب تحل وناضت راسمة بسمة على فمها، خدات من عند باها التقدية وباست ليه ايدو 

بوبكر: الله يرضي عليك، قطنتي؟

ردت: شوية وصافي

بوبكر: رالغدا تما سخنيه وزيدي ناكلو باك هرفو الجوع

......

تنهيدة ورا تنهيدة من طرفو حتا هو..تالف ودايخ من كل الاتجاهات وعقلو كايزنزن ليه، شكون تكون هاد عائشة اللي بانت فحياتو يوماين وقربلات ليها الساس والراس..كان زهواني مرة مع هادي ومرة هاديك..ضاحك ناشط ضارب الدنيا بتسميطة حتا ضارت وضار هو للزهو والنشاط..لكن ديما كانت فقلبو تغرة خاوية.. كرسي ملكي وسط شرايين قلبو، كان كايشوف ويجرب ويتسنا هادي اللي بصح تستاهلو..تستاهل أنها تتربع وتگلس عليه ملكة..نهار لقاها وقال شديتك..طارت من بين ايديه بابشع طريقة

بدات الشمس كاتغرب وهو محاسش بهاد السوايع اللي فاتو غير دايز من هنا لهنا معارف فين يشد ولا يعطي الراس

قدام بار ڤي آي پي فرانا ونزل..عطاوه الكارد التحية فورما شافوه معروف تما وديما خارج داخل لليالي بلا حساب..
هاد الليلة كان منزل الكتاف وواخا الراس كايشوف الفوق الهم فعينيه باين..قشع الشلة فبلاصتها المعتادة باركة ومعاهم خالد، فاتهم بلا كلمة بلا جوج وگلس بوحدو على فوطوي جلدي حمر لاس الساروت على طبيلة الزاج وسرح ايديه على علا الفوطوي مرجع الراس اللور وكايتلف صوتها المعشش ليه فالراس بالضجيج اللي داير بيه

حس بشي حد گلس حداه حدو طلع الراس ولقا خالد حاط كاسو ومستريح حتا هو ببسمة خفيفة وتنهيدة حصرة

خالد: والله حتا حالتك كاتشفي اصاحبي.. عرفتي شناهية بلال مايضحكش نهار كامل اكازة اصاحبي غاتشقق "خنزر ساكت وغير كايسمع ويحلل" واصافي حتا نتا الى مشات مرا يجيو عشرة اصاحبي مافيها خير

تحنا هز الكاس اللي حط خالد وقال ساهي: الى لقيتها بصح مزوجة بيه " شاف فيه بعينين مضلمين" غانقودها الساط..اللخرة ليا تما

شرب فدقة وخسر وجهو حيت قاصح نقز خالد من بلاصتو مخلوع وحيد ليه الكاس

هالد: ااهيا ااهيا وواش صااڤا حط المرض

رد: زيد شي كاس زيد

خالد: تاكيفاش زيد فين عمرك شربتي ولا تا قربتيه لنيفك حط المرض ونوض نگلبو السيكتور

رد: گلللت زييد 

خالد: لا نتا كاتقلب على باك ي***ني نووض راه الوحلة فيا اانا المسخووط اللي جابني عندك نووض نگلبو السيكتور نووض


بدات كاطلعو الدوخة: قوود عليا لهييد..سييرڤوور

خالد: لا لا بلاال تااواش بعقلك نوض لدااركم الزمر 

دفعو تاني: گلنا للك قود

وقف عليهم السيرڤور: نعام اسي بلال

............

هيام: ايوا نوص قلب عليه

تاج الدين: اه نبدا ندور على البيران فنصايص الليل يااك..هاداك فين عمرو اصلا جا بكري ولا حتا بات فالدار

ردا بقلق: تااج الولد حالتو مابقاتش عاجباني واش شفتيه فالصباح كيفاش خرج ؟ لا لا ولدي واقعة ليه شي حاجة

تاج الدين: ولدك لاماترباش مازال يجي اللي يربيه

هيام: شووف انا الى بان ليا هادشي زاد على حدو غادة نعاود ليه كلشي والله لازدت معاك فهادشي

ناضت منفخة لبيتها وكيتها على ولدها مضرورة..تاج بقا فالتلفازة ساهي كايفكر بوحدو ويحسب بلاناتو من الاول
...................

خبط الكاس العاشر على الطبلة ورجع ضهرو اللور سكراان وشابع سكرة..عينيه بوحدهم كايتلسقو نايمين وشعرو نزل على جبهتو بالعرق، خالد بارك قدامو وحاط ايدو على فمو غير حاضيه ويفكر، هادشي مابقاش كايضحك وصاحبو واكل ضربة من داكشي المعتبر
..ضحك بلال كايتهز سكراان وقال بلسان لاوي: ومن هادشي كاامل..يديها ليا شارف..شاااارف معارف حتا يدوي مقاد.. كييييدار ليها؟؟

زقف كايزفر: نوض نوض معايا نوض نمشيو 

وقفو دايخ ماشادش تلخطوة مزيان شاف فيه قال: غانمشيو عند عايشة

حرك راسو كايتنهد: اه اصاحبي وقف مقاد وقف

مد ايدو خدا الساروت من فوق الطبلة وقال: ارا بزطامك

جبدو دايخ عطاه ليه وواقف غير بزز ..جبد خالد الخلاص حطو فوق الطبلة وهز ميتين درهم لجيبو عاد مدو ليه 

خالد: شد وزيد نوصلك لداركم الله يخرجها زينة مع باك 

هز صبعو ميت وكايتحلف: تاا داتك تاج..حساابي معااه بووووحدو غابلاتي

خرجو لبرا متكي على خالد اللي قصير عليه شوية ..شاف الجاگوار قدامو وحل عينيه مامس حتا طلقو وجا راجع على ضهرو موعت: ااااي اولد الق******

خالد: شفت الزين وانا ندوخ نااري على تييتيزة

بسمو عينيه المعسلين وقال: تيتييزة بنت الحرام ياك

رد وعينيه على السيارة: واقرطااسة


بلال: اااه هههههه

ضار عندو: نوض نوض عندك الزهر البغل

غوبش: شكون البغل

خالد: انااا غانوض

...وقفو بزز وحل الباب دخلو وسد عليه خلاه كايطرطق بالضحك علاش الله اعلم..ضار فرحان غايركب الجاگوار وغير الطلعة فيها خلاتو يطيح فالحب وماحلاه وبدا يضحك

وشوف فيه: اححح عندك الزهر الصديق هههه

رد بصوت تقييل: اكبر ولد **** هو زهري اناا ههههه

ضحك وديمارا كايزرب طاالق المزيكا الراديو وبلال حداه كلا مرة وشنو كايخربق فالكلام ويلاوط.. كلا مرة وشنو يعاود ليه حتا فالاها وسالاها ختاما بالغنا مع اغنية الشاب خالد " عايشة " 

خالظ: وااصاحبي نقص الڤولوم ااو

رد كايخوت ويضحك: وااعييييشااااا هههه

خالد: ااه راها غاتگولك نعام

بلال:عااااااايشة هههههه ايييكوطي موااا ..اووهو عااايشة ..عاااايشة اييكوطي موااا اووهووو هههههه

خالد هز تيليفونو شاد الضحكة وبدا يفيلميه وهو مقلوب بالسكرة وكايغني بصوت مجروح وبسمة عريضة جدابة وقلب مكوي بالنار

بلال: عااايشة..عااايشة.. كوونڤابااااا ..اوووهو عايشة، عااايشة، اانا نبغيك.. اوووهو عاااايشة عاايشة ونموت عليييييك ههههه عااايشة ،عااايشة

خالد: هههههه العيطة يالخوت غابلااتي تاتفيق بلاااتي

بلال: ههههههههه

خالد: ششش دابة وصلنا للدرب سكت بلا فضايح ماقادين على مشاكيل

تمحات ليه الضحكة وسكت مخنزر فدار بوبكر غير نزل خالد هو يتم نازل هاز شوكتو للسما خالد باقي حتا مادار عندو ولقاه واقف مخنزر قدام السرجم صدرو طالع نازل ..خرجو عينيه مصدوم من شنو غايدير عاد غايمشي عندو هو يغوت

بلال: وااابووووووبكرررررررر

.......
ناض من نعاسو مخلوع فورما سمع سميتو بصوت عالي وبدا ينهج بخوف ويتمتم: اعود بالله من الشيطان الرجيم.. أعود بالله من الشيطان الرجيم

عاد غايرجع ينعس هو يعاود يسمع سميتو مرة خرا بالجهد وهاد المرة ماشي شك انما يقين أنو شي حد كايعيط ليه

.........
بلال: بوووووووبكر..ااانزل غندي نزل

خالد كايجرو وهو بحال الصخرة مكايتململش: دخل اصاااحبي لدااركم وااش كاتقلب عليهاااا

ماداهاش فيه: واتاااابالرب لااكانت للللك كاتسماااااع...واااااطيييح الرووووح لاكانت لك


خالد: لا لا لا لا لا لا لا لا لا لا

بلال: واااااانزل عندي نزااااال

خالد: لااامااتنزززلش "شد فمو مخرج عينيه" ناري قوودتها..زيد اصااحبي لداركم زيييد

......
لبس سنظالتو بالزربة وتم خارج من بيتو بفوقيتو البيضة بلا حتا مايشعل الضو..حل باب الدار نازل مخلوع مخرج عينيه حل الباب وحل عينيه مزيان كايدورهم يمين وشمال..ساعة مالقا حد والدنيا خاوية كاتصفر: تافين مشاا هادا؟؟؟

بقا كايدور تما بوحدو متأكد باللي شي حد كان كايعيط عليه..دار حتا دخلو البرد وبدا الخوف يطلع معاه ويقفقف غاوحدو: استغفر الله العظيم أعود بالله من الشيطان الرجيم بسم الله الرحمن الرحيم

دخل كايزرب لدارو ويسمي بالله ويستغفر

.... فحين تاج الدين وخالد لاحو بلال ففراشو سخفان مقاد يهز حتا صبعو الصغير وفمو كايتمتم مبسم

شاف فيه تاج مخنزر ووجهو بالاعصاب منفوخ ضار لخالد وقبل مايدوي سبقو: ا انا خاصني نمشي مازال تابعاني صلاة الفجر الله يتقبل منا و ومنكم اعمي.. سلم على خالتي 

دار دوميتور خارج فيحالاتو كايزرب لايعيط ليه وخرج مزير على ساروت الجاگوار..شاف فيها بسعادة مطلقة وطلع كايدوز ايدو على الڤولون الجلدي: هاني رجعت ليك الحبيبة ديالي دابة ااارا برع ههههه


مشا ضلام الليل وبان ضو الصباح بلاصتو مضوي الدنيا وبادي يوم جديد

هزات الساگادو ديالها بعدما بدلات حوايجها البيتية بتيشورت بيض فوقو قاميجة كاروات بالحمر والكحل طويلة، فوقهم جاكيط سوداء مع دجين كحل وسپادري بيضة ..خرجات من البيت نازلة للتحت لقات باها حتا هو خارج بجلابة خضرة تقيلة

بسمات وقالت: صباح الخير

باست ليه ايدو وبنفس تقيل رد: صباح النور ابنتي..زيدي باش مانتعطلوش

ردت: واخا ابا "خرجو نازليت" مالك كاتبان ليا بحالا مقلق

تفكر وخنزرو حجبانو: بسم الله الرحمن الرحيم البارح شفت واحد الحلمة ابنتي الله يحفظ وصافي

قوصات حجبانها: خير وسلام
ثخل الباب خرجات هي اللولة ووقفات على الخطاوي حالة عينيها بصدمة..سي بوبكر وراها جاي حتا هو غير شافو حل عينيه متفاجأ.. وبلال ايديه فجياب الدجين مخنزر بنظرة قاتلة فيهم بجوج ومزير فكو حتا برزو فيه العظام ..تصدمات لأنو شافها لكن ملامح الصدمة ابدا ملاحظاتهاش فوجهو من غير الغضب والاشمئزاز

حنحن بوبكر وقال غادي: زيدي زيدي لاتعطلي على مدراستك صبحنا على الله

ردت كاتهرب عينيها بتوتر: و واخا

زرباا وطلعات حدا باها متفادية تشوف فيه..ديمارا سي بوبكر فالطريق وعائشة حداه راسها كايمشي ويجي من التفكير مافهمات والو من شوفاتو اللي تقلبو بين ليلة ونهار

..فرانا قدام الجامعة وهاد المرة عفا عليها من الاحراج وقال بتحدير: دخلي ابنتي نيشان للقسم ديالك انا عدي واحد الغرض نقديه ونرجع لك دغيا واخا

عايشة: ياك لاباس شمن غرض

رد ببسمة خفيفة: باك غايدير واحد المشروع لاكتب الله ..فاش نرجعو للدار نعاود لك دابة سيري لاتعطلي

بسمات: واخا ابا الله يسر ليك

بوبكر: امين

نزلات وكيف غادور شافت الموطور ديالو مبلاصي قدام لافاك..فشلو ركابيها بالخلعة وحاساه جا على قبلها هي بسباب دوك الشوفات اللي دار فيها..بدات تلوم راها وتفتف ااش داها تقطع عليه ولا تبلوكي ااشدااها ااصلا تجاوب

سرطات الريق غادة كاتزرب ودور عينيها فكل بلاصة مخلوعة غابوحدها حتا كاتجر من اللور بالجهد، غوتات وماجات دور حتا لقاتو جارها وراه كايبان فيه غير ضهرو العريض والموت دالخلعة ركباتها..دخلها لقسم خاوي سد الباب وتقنتات هي مع الحيط كاترعد، ضار ليها وزادو خلعوها عينيه الحمريين والشوفة فيهم كاتقتل حتا بدات تقفقف وتمتم: ه هالعار اخويا لاما س سمح ليا ا انا و والله مادرتها بلعاني..

قاطعها كايقرب لجيهتها وهي غاتموت ليه تم: غانسولك مرة وحدة "سكت كاينهج" وغاتجاوبي، بلا دوران فالهضرة، بلا كدوب

عائشة: و واالله حتا طفا غااوحدو طفا ليا ماشي زعما بلوكيتك انا علاااش غانبلوكيك اصلا نتا ولد ضريف ومأصل وولد الناس بالعكس عزيز عليا...

ضرب يدو مع الحيط حتا قفزاات: ااااا

غوت بحدة وصوت مبحح: سكككتي.. صووووتك ماانسعووووش

جاتها البكية خلعها بالمعقول وبدات كاتساوي معاه: و واخا غير ب بعد والله اخويا حتا نگر بكولشي بلا عصا الله يستر عليك 

جمع نفس حارة وبحرقة وقلب مشوي قال: نتي مزوجة؟

ردت: انا دابة م.."سكتات محولة ملامحها للاستغراب" هاا؟


جمع حواجبو بغضب وغوت حوا صمطها: سووولتك جاااوبي

تفعفعات: ش شوف ا انا راه باقي حتا مافهمت نتا على اااشنو كاتهضر

زير عينيه بقلة صبر: واااش مزووجة؟

ردت: شكوووون

غوت: نتيي

سكتات شوية وقالت: وااش نتا مسطي كيفاش مزوجة؟ طار لك الفريخ لا

رجع وجهو حمممر وغوت فوجهها: مسسسطي انا حممق وعقلي طااار طاااااار اعااائشة من نهااار عرفتتك "ضرب فالحيط وهي سادة عينيها ومع كل دقة كاتغوت" علااااش يوقع ليااا هااادشي علااااش

سرطات ريقها وحاسة بايدو اللي كاتزدح الحيط غايتخشا ليها فوجهها فاية لحظة: ه هانتا غير برد دابة وفهمني شنو المشكيل انا والله اهويا مافهمت شي حاجة

زير عينيه كايزمجر ورجع حلهم حمرين وقال: بوبكر راجلك
وسعات عينيها: كيفاااش

رد: واااش راااجلك

عائشة: لا نتا فعلا اانورمااال واش حماقيتي كاينة شي وحدة كاتزوج باها

رد: و ك.."سكت جامع حجبانو ونبضات قلبو كاتتسارع" باااك؟

خلعها: ا اه والله العظيم حتا با

رد: كاتكدبي لا؟..شووفي الى كنتي كاتگولي هاكة غير بااش تفلتي منها بالله حتا..

قاطعاتو بسرعة: لا لا اخوبا بلا حلووف راه والله حتا باا أقسم بالله تااهو اللي والدني

بدا يتنفس الصعداء ونارو كاتخمد، قرب عندها بوجهو اللي اللون بدا يرجع ليه وهي زادت تخشات فالحيط

بلال: مكاتكدبيش ياك؟ بوبكر باك؟ وزتي ممزوجة موالو

شافت فيه بحدر: ب باايرة والله حتاا باايرة عمررري دزت من حس الزوااج

رد ساهي فيها وكايفكر مع راسو: ديك المرة گلتي باللي مزوجة

عائشة: ه هاناا غانعاود ليك كوولشي غير بعد شوية و والله حتا نعاود لك ر راه هاكة كاتخلعني والله

قال كاينهج: واخا هانا "بعد خطوات اللور هاز ايديه" يالله دوي


جمعات النفس تتسبل عينيها وتتشوف جيهة الباب بالريط وبلا فرشة: ا انا والله مافهمتك..ب بوبكر راه با وجا معايا للمدينة باش نقرا شمن زواج الله يهدييك

ايديه ربعهم بحدة وباقي الشك فراسو: ومك فين هي؟

............
مد ليه الملف ورد ضهرو على الكرسي: سميتها هنية

خالد: مرتو؟

...: ااه مراتو وساكنة فحد السوالم

شرب من النوار مصغر عينيه قدامو وقال ساهي: دابة هو خلا مرتو فالدوار..وحتا جا للمدينة عاد تزوج

...: اهداا عليا واش تزوج مرة خرا الله أعلم ..انا اللي عندي كامل گلتو لك

شاف فيه: وهاد بنتو جات معاه حتا هي؟

....: وانا باش غانعرف..گلتي ليا بغيتي 
الضوصي ديالو هاهوا عندك،ولكن الى غاتزيدني على حلاوتي نمشي گاع انا لدوارهم ونسول عليه

خالد: لا صافي صافي الحلاوة بزاف كادير الحناش " جبد تيليفونو كايفرنس ودوز رقم بلال..تسنا شوية وخنزر" تفو خاصني نشارجي تعبئة

....: دابة شنو ؟؟

شاف فيه كايزفر وجبد من جيبو ميتين درهم: هاهي باقي حتا مافرحت بيها.. شد

خداها كايفرنس وناض: الله يعاون

مشا فحالو وخالد حل داك الدوسي بالزربة هز تيليفونو وبدا ينقل نمرة هنية عندو: دابة غانقادو الدوسي مزيان غاصبر اعشيري الحل عندي

........
حك لحيتو الخفيفة مغوبش وكلام باه وبوبكر كايدور فدماغو..شافتو ممقتانع بحتا كلمة من كلامها وقربات عندو بحدر كاترمي الشوفة للباب وقالت: ه هانتا باش تتأكد سول ماماك عليا ؟ راه فاش جينا أول مرة للمدينة بتنا عندكم گالع

طلع فيها راسو بسرعة وقال:ن نتي اللي بتتي فبيتي!؟

حلت عينيها: انااا والله حتا انا وبا بات فبيت خوك الكبير..بليماارة ماكنتيش فالدار ديك الليلة و عطاتني مك واحد الكوفر رطب نتغطا بيه يااك هااكة

رمش وبسمة خفيفة تترسم على شفايفو: نتي ماشي مرتو

عائشة: والله العاظيييم ماامرتو

بلال: بنتو

عائشة: بنتووو ولا بغيتي حتا الحالة المدنية نجيبها لك


حط يدو على وجهو وحتا گالت هاهو غايعاود يتعصب ويبدا يهلل تاني، لكن فاجأها فاش بدا يضحك..ضحكة هزات صدرو وحمرات عينيه..ضحكة من الهبلة اللي سيطرات عليه بهاد اليوماين..طلعات حاجب وولا يبان ليها بحال الحمق مقطع الوراق وماعندو عقل، شاف فيها ببسمة عريضة مشا بخطوات تقيلة يعنقها ويريح قلبو مازال شوية هو يصوني التيليفون.. هز صبعو وقال: دقيقة ازين 

جبد التيليفون وجاوب: شنو

خالد: وااخباار واشمن خبار موجد ليك غاتبوسني عليهم عشرة للحنك

رد: العشية هاني معاك

خالد: هههه علاش فينك ءءااا

قطع مبسم وطلع راسو: عا.."لقا القسم خاوي وحسها مقطوع..شاف هنا وهنا مقوص حجبانو وقال" عائشة؟؟؟

....

خرجات لبرا كاتجري والتليفون فايدها كادوز نمرة باها ..دارت التيليفون فودنها وراسها كايدور اللور لايكون تابعها الحمق اللي خرج ليها فعودها

بوبكر: الو

ردت بسرعة: با فيينك

خنزر: عااايشة مالكي يااكما سرات شي حاااجة

سرطات ريقها: لا لا لا غير صافي خرجت من الحصة

بوبكر: لاا وااقعة شي حاااجة تلگاا لك شي بورااس

عائشة: لا اباا لا اشمن بورااس ولا بوكرعين غير ساليت وعيطت لك

بوبكر: واخا ابنتي هاني جاي شوية ونكون عدك وااحظي راسك

عائشة: صافي ا..." شافتو خارج كايدور راسو ويقلب بين الطلبة هي تجري لورا شجيرة خضرا گلسات تترعد وطل عليه بين الاوراق"

بوبكر: عاايشة..ماال حسك تقطع ياااك لاباااس

اردت: غ غير الريزو اباا الرييزو..ا انا كانتسناك متتعطلش

قطعات وطلعات راسها كاطل لقاتو ركب فموطورو زاد مع الطريق عاد تنفسات الصعداء وناضت من تما كاتسوس حالتها وتنهج: واللهيلا الحماق صاافي ماالني انا على حالتي مادير خير مايطرا باس ..يخزييت 

وقفات مربعة ايديها ومخنزرة تتنفخ صدرها بعصبية وتفشو بغضب حتا وقف عليها بوبكر ونول شاعل يشوف هنا وهنا وبلا سلام بلا كلام وقف قدامها وقال: ياك لاابااااس ماالك شكااين


ردت وعينيها كايدورو: مامالي والو ابا علاش مالي

رد قارنهم: وماال صووتك دااير هوك

عائشة: كيفاش هوك

بوبكر: هوووك

تغبنات: ا ابا راه غير كنت كانزرب داكشي علاش وفيا الجوع بزاف
...دازت من حداه بالزربة وركبات لايعيق بيها.. بوبكر خنزر فبنادم الغادي والبادي وهضرتها مادخلات من ودن مافهمها راس..نفخ وزاد ركب حداها مديماري لدارو وعاقدهم..هالكدوب بداو وآجا مافهمو شنو سرا وكيف سرا..تلفتات ليه كاترمش لقاتو هاز شوكتو للسما ورجعات شافت فالطريق ..هادشي ممسلكش بتاتا والموصيبة اللي لسقات فيها خاصها تلقا شي حل باش تتهنا منها

....قدام الدار وقفات سيارتو، نزلات وقال قالب وجهو: انا نجيب الغدا ونرجع

ردت باسى: واخا ابا

نزلات ودخلات للدار وهو كدلك نزل سد الباب كالعادة وزاد خلفة للسناك يجيب ماياكلو..غير دار مع الدورة خرجات هي كاطل عليه واش مشا ولا باقي..وحتا حسات بيه غبر عاد خرجات لدار تاج الدين دقات دقان خفيف وتسنات شوية كاتجمع الهضرة اللي خاصها تگول وتبلانيها..

...خرج من الحمام مبدل حوايجو بپيل بيض وشورط گري حد الركبة..مريح ومقاد الحالة زاز لوز والضحيكة على فمو مكملة للباهية اللي خاصها..حل باب بيتو ونزل كايصفر قاصد الكوزينة، لقا مو تما كاتقاد الغدا هو يجمع حجبانو وبلا مايهضر حل التلاجة وجبد منها قرعة ديال الحليب وكيك حطهم فوق الطبلة وبرك كاينقب ساكت وضارب الطم..هيام باستغراب حطات الدنجال اللي كانت كاتنقي مسحات ايديها وقربات ليه بقلق: بلال واش صافا (دق دق دق دق)

جمع التخنزيرة وصوت الدقان مصدعو فمخو.. ناض خارج يحل وخلاها تتشوف وترمش وراه بحزن

عائشة عيات من الدقان الخفيف والمصواب هزات ايدها حتا هزاتها وبدات تخبط فالباب بحر جهدها..حتا تحل فوجهو المخنزر اللي سرعانما حل ديك التخنزيرة وببسمة جدابة استبدلها ..غوبشات مزيرة قبضة ايدها وهو بضحيكة قال: باقي مفاتت حتا ساعة "غمزها" دغيا توحشتيني

زفرات بغضب: كلم ليا باك

زاد بسم: هاهو ولدو كامل قدامك اش حب الخاطر الغزالة

ردت: أولا انا عاائشة ..تاانيا الهضرة ماشي معاك مع باك


جاتو الضحكة: جاية تتبرااي؟

بتسمم ردت: ااه واليووم غاانشووهك

بلال: واايلي هههه

طنشاتو وبدات تعيط: عممي تاااج الدين..عمي تاااااااج الدييين

تكسل ودار ايديه ورا عنقو كايتبسم فوجهها ويسمع غواتها 

عائشة: عمممي تااااج الدييين

ضحك وقرب عندها كتر ناطق بهدوء: بغيت غير نفهم شنو حاطة فداك المخ، غاتجي تبراي ..وانا غانقلب الدورة

ردت: باك هو اللي غايهنيني منك

ضحك عاض فمو وقالب وجهو لديك الجيهة

بعصبية قالت: علاااش كاضحك..هضضضر علاااش كاضحك

رجع انظارو ليها وميل راسو شوية: حيت انا عمري "زاد بسم عينيه" عمري..عمري

رمشات وخدودها بالحشمة حمارو: ع عمرك آش

مد ايدو جرها لداخل فرمشة عين سد الباب وتكاها عليه، بإيديه مكاليها من الجناب وهي حالة عينيها على وسعهم كاتحس بانفاسو على وجهها فلحانة
نزل نظراتو بالمهل لفمها رجع بسرعة مطلعهم لعينيها وبهمس نطق: عمر، شي حاجة تفرقني عليك "سارا عينيه بين عينيها بهدوء وكلامو هادء وهامس" نهار حطيتي رجلك فهاد المدينة، هو النهار اللي تربطني بين ايديا اعائشة

قطعات النفس وعينيها على عينيه مشابكين..رجع نطق وقال: نهار شفتك، هو النهار اللي حسيت بشي عندي حية..واحد الحاجة هنا " هز يدها وسرحها على صدرو الايسر" خبطات خبطة وحدة..ونتي اللي خديته

حاولات تجر ايدها وهو غامازاد زير عليها وشوفاتو المفشكلين خلعوها حتا ترعدات وقالت: ش شووف راه و والله حتا نغوت و ونجمع عليك الناس بعد مني حسن ليك

بسم: عمرها تكون "دوز صبعو بخفة على خدها" وعمري نسعمها منك مازال .. واخا

يتبع...

التنقل بين الأجزاء

صفحة القصة
سيتم تشغيل صندوق التعليقات بعد لحظات
معظم التعليقات تم إخفاءها بواسطة الفيسبوك، نحاول بكل الوسائل المتاحة إستعادتها في أقرب وقت ممكن.