قلبها خبط ويديه بنعومة سارحة على خدها كيف نظراتو لعينيها..بسم بهدوء وقرب لنيفها باسها منو ساد عينيه وفمها زاد تحل ببهطة اما قلبها خبط بعنف خبطة وحدة
بعد عليها بخطوات اللور وببسمة جانبية قال: الواليد مكاينش..العشية غايدخل تما عاودي رجعي
رفرفات رموشها ببلاهة: هاا
وساعت ابتسامتو ورجع قرب ولهان بشوفتها قدام عينيه: مساخياش بيا؟
ردت: م م ما م.. بعداتو عليها وخرجات كاتجري ..سد الباب متكي عليه بضهرو ومبسم بارتياح.. حتا قاطع عليه الجو صوت التيليفون خنزر وجبدو منيرڤي شاف الرقم وجاوب: ديما مخسر اللقطة تاماالك هاكا مااالك
شافها بوبكر فديك الحال وزاد عقد الحظاش ولوا عنقو للتحت كايطل على وجهها: عائشة؟
شافت فيه تترمش: ن نعام
رد: مالك ابنيتي
شافت فيه متوترة وأتر البوسة فنيفها كايزنزن..نزلات عينيها مرة خرا وقالت: ل لا ابا غير عيانة شوية
خنزر: قلقك شي حد؟ لااكان شي حد نغصهااعلك گووليها لبوك وتسووخري اللور لاما نحسن ليهم بلا ماا
عائشة: لا لا ابا ماشي هاكاك غير العيا وصافي ز زيد عليها فيا الجوع
حرك راسو شاك وحالها مابقلش عاجبو: واكولي كولي ردي فك النفس.. جو المدينة ماشي هو جو البلاد ردي البال
.....
دخل للقهوى الشعبية ديال الدرب وگلس فبلاصتو، حط الطيلي فوق الطبلة ومرفق ايدو على الكرسي مصغر عينيه فالباب كايفكر
..تحطات ليه قهوتو المعتادة معصرة بلا سكار وكاس تالما جنبها، مع ارتاشف رشفة مع دخل خالد حال فمو كايكركر وتلاح عندو معنقو حتا دفعو عاد برك مبسم من الودن للودن
خالد: ابييخير اساط توحشتك حق الله" شافو كايخنزر وجبد الساروت حطها بهدوء ليه كايحنحن وقال مبدل الموضوع" عرفتي شنو ..عدي لك واااحد الماانيرة من داكشي الرفييع
جر السوارت حداه: خليها عندك
خالد: واا سمع بعدا اساط..عرفتي داك صاحبي الكوميسير اللي كنت دويت لك معاه
نفخ وشاف فيه: ماالو
خالد: عطيتو ربعمية الدرهم باش جاب ليا الدوسي كاامل ديال داك عمك مزمم ناضي منضي.. بقات عليا لعيبة وحدة الى زدقاات غانكونو قادينا الللعب
زمات فمها معاجبها حال ورييو ممناسبهاش..كانت كاتگول فترة وغادوز والمدينة اللي متايحملش غاطلع ليه فالراس بعدها غايرجع للدوار عند مها ويخليها هي هنا.. ساعة كلشي تضرب فالزيرو واللي فراس سي بوبكر ماطيح على البال
بوبكر: ااشتك سكتي
قوصات حجبانها منزاعجة: اش غانگول ليك ابا..الصراحة الفكرة معجباتنيش
بوبكر: ياتي بحالا حگرتي باك علاه هادو اللي مسيرين القهاوي باش حسن مني
ناضت ورجع قال: وهاتي.. ياك غاباركة، دخلي للكوزينة وتعلمي ليك شي طويجنات نعديو بيهم هاد الجايحة بيما رجعنا للبلاد راه قوة الكسكروطات كايمرضو المصارن والمعدة
بسمات مسايراه ومشات للكوزينة مع الدخلة غوتات غوتة صيلونص وبقات غادة جاية.. كاتفكر..دابة حتا من الخرجة ديال كريمة مغايخليهاش تمشي ولا غايعاود يلصقها ..تعوااج وتمشي وهوايشها مشهيين على حفلات المدينة كيف كايكونو..وقفات بلاصتها حالة عينيها ومشات عندو للصالون: با ..واخة نمشي عند خالتي هيام نعاونها
بدات تنتر ليه فيدو هو يجر من جيهة وهي تجر هيام من جيهة تابان ليهم بلال طالع مع الدروج مخلوع، شاف ديك الحالة وخنزر طالع بعد ليها ايدها من شعر هيام ووقف وسطهم كاينفت النار من عينيه: واااش جهلللتي نتي ولااا مااالك
هيام وراه بدات توقف وتشوف فشعرها كي ولا و بوبكر باقي داايخ جر هنية وراه وضار ليها كايشير بايديه: تي ااش جاابك واش هاد الحالة داايرة للمرا
..رجع شااف فيها موسع عينيه وقال: تي اااش ساايرة تگولي هااديك راامرت ولد خوويا وهادا اللي هنا ولدهم
هنية: يااالكدااااب بااقي زاايد فييه
بوبكر: تي وااااش شدك الزخييمرحققي فالمرااا وشووفي مزياان رااها مرت ولد خوويا
تفافا ليها الكلام وبدات دور وتشوف فيهم واحد واحد: ش شنوو.. لا لااا انا گاالو ليا تزوجتي
خالد: غاكدبو علك اخالتي راه بناادم مبرهش فراسو واقلة بغاو غير يضحكو معاك
ضارو مخنزرين فيه كاملين واكترية بلال اللي شوفاتو قرطاس حتا شد فمو ونطق: غاگلت زعما..احمم
برد شوية الجو والسكات والسهيط فصالون بوبكر فين مجموعين غير العيالات، عائشة الوسط وهيام وهنية كل وحدة من جيهة..تنهدات وضارت جيهة مها لقاتها قالبة وجهها ونافخة ريشها غضبانة: امي يهديك الله واصافي طلبي السماحة من المرا حشومة هاد الحالة اللي درتي ليهاا
نقزات هيام: ماطلبني مانطلبها انا غير يخرجو الرجال من الدار غانمشي فحالي
ردت عليها هنية بلا ماتشوف فيها: اناا داكشي اللي سمعاتو ودني تيقتها ماجيتش غاهاكاك وضربتك
عائشة قلبات عينيها وغادة ورا باها الزوبير تابعهم وبلال مخنزر فيه عاين باين ولاخر كايدور عينيه على الدار داكشي زين وعاطي للعين ماعدنهمش بحالو فالدوار واخا راه ولد القايد..
حلو الباب وطلعو لدار السي بوبكر وبلال حاضيهم من اللور حتا طلعو عاد سد الباب ورجع فحالو مع الدخلة مع حيد من رجلو وسيفطها لخالد الىي عاد گال بسم الله فالحلوى جاتو للحنك نيشان تنييشة وحدة، غير طلع الراس شافو جاي ليه مغدد وماكرهش يغززو بين سنانو هو ينوض ضار ورا الفوطوي كايقفقف
خالد: خ خويا بلال مالك معصب؟؟
رد بغضب: ماالي.. تعاالا نوريك ماالي وقف بلاااصتك لاااكتي رااجل
مشا يدور ليه هو يهرب للجيهة التانية والطبيلة فارقة بيناتهم
خالد: ع علاش ا انااا شنو درت
رد: كاتسطااا علياا البغل خورتيها مع مها ودابة مع بااهااا باانولك الضوااسة اللي عدي معااه مقاادين يااك بغيتي تزيد تقادهم
خالد: الا مافهمتينييش أنا بغيت نبدا نوصل ليه الفكرة شوية بشوية باش يقتانع دغيااا ومايتصدمش من بعد فهمتي البلان
بلال زاد خنزر وعلى غفلة نقز ديك الطبلة بخطوة وحدة غادي ليه وخالد رجع اللور كايجري مع الضورة مع تعكل بقنت الزربية جا مسرح فالارض على ضهرو وعينيه فالسقف محلولين: آآاااااي
طل عليه مبسم بجنب فمو وقال كايتشفا: تستاهل البرهوش شتي هاد الطيحة، ديال الدعاوي الزينة اللي جمعتي اليوم ماعطلوكش
خالد تبلوكا مابقا قدر يتحرك: ا اي ض ضهري اساط ضهري مشا
رد: نتا اللي غاتگلب كمارتك و تمشي بحالك روول يالله
بقا غادي دافعو من اللور حتال الباب حل وخرجو مطلع فيه حاجب كايتحلف: هاد النهار حسن لك مانشوفش كمارتك گلب گلبة وحدة من قداامي ولا راه غانتفاهم معاك
خالد: ا ا ابلاتي وربعمية درهم
سد فوجهو الباب حابس فيه الكلام.. خالد شاف هاكة وهاكة هو يحرك ضهرو عادي وتم غادي كايتعنكر فالدرب جاب الله طاح دالطيحة ودار بيها السبة اما كون شتتو بلال حتا مايلقاو اللي جمعو فيه
.....
لبيتها دخلات فورما رجعو هي وباها مخلياهم لتحت يفاريوها كيف بغاو ..هزات تيليفونها وبركات فوق الناموسية بملل كاطلع فالفيس وتهبط مرة تجاوب هادا مرة هادي.. حتا تفاجآت بطلب صداقة بإسم BiLaL El" Orrabi"
كمشات حجبانها في ساع متفاجأة وقالت: هادة كي دار حتا عرفو ديالي؟
..الاسم حاطة فيه "زهور الوادي" ومدايراش صورتها ولا اي معلومة عليها و حتا يسولها شي حد عاد توريه ليه ..حكات عنقها مستغربة وبفضول دخلات للصفحة ديالو لقاتو مطرطقها متابعة وصورو كايفوتو الالف..عوجات فمها بميوعة ودخلات لفوطو دبروفيل كاتسكاني فيه لابس بيل بيض فوقو جاكيط جلدية كالعادة، واقف حدا الموطور شاد الكاسك وعينيه ماشي على الكاميرة ..صورة على غفلة ماضاحك فيها ممغوبش جاتو زاز وزين فالشوفة، ميقات فيها ودخلات للتعاليق مخرجة عينيها فليمانكان ديال البنات كل وحدة وكيف كاتعبر بالكلام اما القلوبة خلاص: على زيينو يخخ
خطفات التيليفون وخرجات من الصالون كاتتعوج وبوبكر موسع عينيه بصدمة، ضار لعايشة وقال: شتييها ياااك..ولااات تعااايرني بالفرانسااوية شهدي عليها شهدي
عائشة صغرات عينيها: هاد اللقطة شفتها فشي مسلسل واقلة
هنية: آآ الللقوة ابنت كرشي
بوبكر: لا لا مك عواااجت عواااجت
ناض كايبرگم وايديه وراه خرج هو گاع من الدار وعائشة وراه ساهية وتفكر..طلعات عينيها ولقات الزوبير حاضيها و ضاحك من الودن للودن خنزرات فيه وحركات راسها: ماالك
الزوبير: تاتباني زيينة اعاايشة واللهيلا جات معاك المدينة
ميقات ولاحت ليه ديك الدرهم على وجهو عاد ضارت غادة لبيتها وهو كايضحك: ايييه اليام هيهههه
شاف فالبلاصة اللي عليها كان بارك بوبكر شاف جيهة الباب بعدا ياكما داخل عاد ناض تفطح فيها وهز التيليكومونض كايتفرج وواخد راحت راحتو
.....................
فالصالون بارك على الزربية مع منعم شغدين مانيطات ديال اللعب وقدامهظ پلازما مخدمين فيها لعبة ديال السيارات، مرة رابح هادا مرة هاداك مقصر مع خوه الصغير وضاحكين بجوج حتا دخل تاج مبسم هاز الوراق فيدو وبافتخار قال: تبارك الله تبارك الله على مفخرة عائلة العورابي، كونطرا ديال عامين آماعندي مايتسالك هههه
ماتسوقوش ليه ومارد عليه حد فيهم، ضور وجهو للتلفازة لقاهم لاعبين مشا حتال قدامها ووقف مطلع حاجبو: داوي مع الحيط انا
بلال بحدة ركز فيه الشوفة ومنعم ناض منيرڤي
منعم: وماافعايل ماوالو الوالد حيد غانكملو الطرح
بلال: شكاين مالك؟
تاح استغرب من نبرتو وقال: مالك نتا اللي مخنزر باغي ضارب
كريمة: مزيان ن طلبيها تقنعو عافاك..انا غانسيفط ليك عنوان الدار واخا؟
ردت: واخا صافي
كريمة: يالله بونوي ازين ياسر كايصوني ههه
عائشة: تصبحي على خير
خرجات من پريڤي كادور تاني بين الگروپات حتا تسيفط ليها ميساج.. شافت فيه بدون اهتمام ورجعات كاتقلب حتا هزات عينيها مخرجاهم بصورتو..بتردد بدات تقرب صبعها وتبعدو خايفة، فالاخير تشجعات ودخلات للميساج..لقاتو كاتب ليها كلمة وحدة
قاد النعسة مبسم وعينو مرة على رجيلاتها اللي فالهوا تايلعبو مع على تيليفونو
BiLaL : ماتكونش بحالك..نتعارفو الالة زهور؟
عوجات فمها شادة الضحكة وكتبات: علاش؟
رد: على خاطرك
خرج من الپريفي وهي محات البسمة من فمها وغوبشات فالبلاصة: هادا ماالو "شافتو مادواش مازال ومازاد حتا كلمة" يخخخ
خرجات حتا هي كاتهز كتافها وتنفخ وطل على النقطة الخضرا اللي تتبين انو باقي اون لاين.. تلفات الوقت وجاوبات اللي عمرها جاوباتو باش تتلاها عليه دخلات لڤيديووات واغاني تتفجر وعينيها معلقين عليه كلة مرة طل وتلقاه داخل..
عيات دور دور حتا ملات وضربات الضورة عندو كاتكتب وتمسح تكتب وتمسح، على غفلة دخل عندها وكتب ليها
BiLaL: باقة فايقة
طلعات ليه قراتو فالبلاصة ضحك وضار شاف فيها وهي وقفات فوق السرير مارضاتش وبدات تتغبن: ناااري على زهررر يهخخ غايسحاب ليه غاميتة عليه وكانتسناه ايمتا يسيفط.. تفو تفوو تفووو
تغبنات حتا تغبنات وهو شاد عليها الضحكة والبركة حالية ليه.. حرك راسو بلا حول وسيفط ليها مرة خرا
سمعات خس الميساج وبلهفة هزاتو
BiLaL: مغاتجاوبيش
جمعات النفس تتبرد راسها وكتبات: نتا اللي خرجتي قبيلة!
حيد التيليفون من ودنو لقاها قطعات طل عليها وهي عاطياه بالضهر كاطيب نعاسها وتمتم بين سنانو: واللهيلا قطعات
........
حطات الطيلي فوق الكوافوز وتغطات بنرڤسة تاتمتم: حكگلو با فيك ابو بنات..والهيلا گالك يعاود على صاحبتو، نعس تامع عشرين حو فيك وفيهم وفيا انا اللي تزادت فيا دودة.. يخخخخ
تبرگيمة وتمتمة وتنهيدة ودعاوي عاد قدر يديها النعاس وتجبد عليه فخطرة
........
صباح جديد منعش وجميل فدار السي بوبكر..نزلات مع الدروج بدجين بيض وشوميز طويلة مخططة طالقة شعرها وساكادو اسود فيدها..دخلات للكوزينة لقات مها واقفة تتقلب المسمن بسمات بسرعة وهزات وحدة تتاكل منها وقالت: صباح الخيير والمسمن بالكوفيتير
ضارت ليها هنية: يالاااطيييف على مجوعة يخخ عمرك شتي المسمن
ردت: توحشتو امي توحشتو
طلعات فيها ونزلات جامعة حجبانها: تي شكون شرا لك هادشي
بوبكر: الله يعاون... طلع بلاصتو وهي حداه متوجهين للجامعة
نزلات بعدما وصلو وهاد المرة نزل وراها رجلها برجلو.. سكتات منطقات بكلمة حتا وصلها للومڤي عاد قال: يالله ابنتي فاش تخرجي تاني عيطي ليا
ردت: واخا ابا كون هاني
ضار راجع فحالو ودخلات هي لبلاصتها ..رغم انو كاين اللي تايضحك عليها وتتسمعهم وكون كانو زاعمين عليها كانو يلوحو شي كلمة ولا جوج غير انها مطنشة تتشوف فالكتاب بتخنزيرة حادة ومرات تتجبد تيليفونها بينما دخل الپروف
..............
بوبكر في امان الله غادي وكايقرب للدرب حتا كايبان ليها الزوبير من الزاجة ديال الطوموبيل كايشير ليه يوقف..خنزر وكمل طريقو للدار على خاطرو وهو باقي غاطايجري وراه حتا بلاصاها قدام الباب نزل وسدها وراه عاد ضار ليه لقاه وصل عندو كاينهج: اشكااين تا
وهو كايلهت رد: توضرت على الدار اعمي
خرج فيه عينيه: اينااا دااار اخيي اينااا داار..لاكانت غاداركم سييير راها فالدواار واما داري فوتهااا علك ولا مغايعجبك حال
على موطورو كان جاي بلال حتا بان ليه بوبكر كايتغاوت وصوتو مجهد..بلاصا حدا باب دارهم نزل كايحيد الكاسك وبجدية ضار كايشوف فيهم بجوج: صباح الخير
ضار ليه بوبكر غير شافو زاد قندش وقال: ياالله وازيدك اتااي
بلال بسخرية بسم، بدا يحيط الجاكيط باش يطلع لدارهم والزوبير كمل كلامو بالهداوة راسو قصح من الحجر: يااعمي برد الله يستر عليك راغايطلع لك السكر
بوبكر: السكرررر هو اللي غايطلع ليا معااك تابسع مني
ضار عنددهم بلال بفضول قال: ياك لاباس مالكم
شاف فيه الزوبير: انا اخويا..
ببرود قاطعو: ماشي خوك..كمل
رد بارتباك: ا ا انا جاي من الدواار ناوي الحلال على سنة الله ورسوله وضاارب گاع هاد الطريق غاعلى ود هاد الغراض
بلال غوبش وعطاه ودنو بهدوء: اااش ناوي
قبل مايعاود يقولها جرو بوبكر من الكول قاجو واخا غليض قدر يحكمو بين ايديه وقااال تحت سنانو: يااواللللله وتعااود تجبد بنتي على فمك اپاپا عجيينة حتا نفرقك على جووج
رد وهو كايحاول يفك راسو: ااعمي رالحب ماايشاور
بغا يعاود ينفضو ساعة تقدم بلال بهدوء مد الكاسك لبوبكر وقال: شد هاكة
خداه هو يتلاح عليه بشنققة للعنق هزاتو من الأرض ودفعو على الحيط حتا تقطع فيه النفس وحماار.. بوبكر شاف ياككما شي حدجاي وبلال بنبرة قاتلة نطق ووجهو بكمية الغضب حمار: نهاار تعااود تجبد سميتها على فمك.. غانقبرك فبلاصتك
الزوبير تقطع فيه النفس وبوبكر جا عدو وقال: ياك سمعتيه شگاالك بالله تانحفر قبرك بيدي
خرج نفس حار مضور وجهو مامديهاش فبوبكر اللي حنحن معلي الراس و قال: وتاتا الله يرضي عليك اولدي ..لاهيلا عجبتيتي فيه كانت خااصا بوه شي قتلة عاد يحشم
حرك راسو بسرعة وداز طالع لدارهم مغير حالو وغير كاينفخ وينفت..طلع لبيتو نيشان جبد الطيلي وبدا غادي جاي كايصوني ليها بدون مجيب وعلى كل رنة كايزيد يعفط على سنانو
......................
هنية: ياااويلي وبيمن محزمة ياانا ااويلي
الزوبير حط كاس تاع الما من ايدو والرعدة شاداه: للا لا لاامي هادشي ولا فيه القتيلة مالاعبينش
تغبنات والبكية جاتها: والا ابا بحال هاد الحفلات كايكونو زوينين وفيهم غير البنات غادة غير نفوج معاهم ساعة وحدة ونرجع فحالي
فكر قارنهم وقال: ل لا لا ابنتي كي غاندير نتهنا علك وسط داك الهاماج تاع بنادم.. راتي مفاهماش الوقت كيما باك فاهمها وماعارفاش بنادم شحال ديال الخبت فيه شتي خوك اللي من دمك ومايحنش فيك فهاد الوقت خلي البرااني..اللهم حيدي گاع نتي من صداع الراس وهاباك فيما بغيتي يديك غايديك
حل فمو: وااايلي "بلال حرك راسو وهو باشمئزاز قال" يعععع هاداك حتا هو يتنافسو معاه الناس..شعي اانا بعدا منرضااش لراسي نغير من غول بحالو خاايبة لك الساط خااايبة
بلال: مالها بقات هنا.. السيدة زدقات جارة دوارهم كامل كلشي حاط عليها العين وغادين عند باها يخطبو
بتفاجأ حل فمو: اااه ااه هيفاء وهبي هي
خنزر فيه: اجاب ديك الخانزة لعايشة؟
رد شاد الضحكة: لا صافي غير مللي گلتي عليها خانزة ادن طحتي طحتي
رد بنرڤسة: وادابة خليينا من هاد الهضرة وفتي علياا شي ري رااه دخت بالله
حط ليهم السيرڤور داكشي اللي طلبو مع كيسان ديال الما ومشا..هز خالد عاصير ديال التوت ضرب منو النص ولعق فمو عاد دوا: احح الله ..آزين نعاماس
خنزر فيه بلال وهو رجع ضهرو اللور وقال: دابة المشكلة، السيدة عليها إقبال كبير..ياك؟ "بلال قلب وجهو مزير فكو" مزياان..الپروبليم هو انها رفضاتهم كلهم..يعني نتا اسي بلال شنو المميز فيك حتا تقبل بيك من دونهم كاااملين
شاف فيه عاقدهم: مافهمتش
رد حال ايديه ببسمة: سؤال واضح..البنت عندها مواصفات خاصة وصعبة لفارس الاحلام
بعدم فهم: مواصفات خاصة؟
خالد: ااايييه..هاد النوع تاع البنات كايكون صعييب تجدبهم ليك..خاصهم التميز وتكون غيييير ياحبيبي غييير
كمش حجبانو وهضرت خالد كادخل الشك فالنفس..قاد البركة كايحنحن وقال مغوبش فيه: خالد.. نسولك
شرب من كاسو ورد: سول اخويا سول
بلال: انا كي كانجيك
غوبش: من نحيت اش
رد: من نحيت !..منعرف المهم انا كيف كانجيك من برا زعما
خالد: اصااحبي نتا ماخليتي بنت فكازا ماطيحتيها.. مصاحب مع النص فيهم بجميع الالوان والمساحات..دايز على قشلة الق**** الصراط المراط..عااااد جاي كاتسول من برا مي كاتبان
قال بانزعاج: الا اسااط عائشة فشكل..منعرف ولكن ماشي بحال دوك البنات صعييب تبغي الواحد فهمتي
بلال شاف فيها بهدوء وهي غير لمحاتو حنات عينيها ببسمة وتتهز فيه شوفة اعجاب وخدود وردية..طلع حاجب وضار عند خالد اللي تكا بضهرو على كرسيه مبسم: كارييزمة اساط كارييزمة.. واخا حول من واحد العين ونيفك شوييييية عوج ولكن عندك الكاريزمة
خالد: ونتا واش من نيتك كاتسولني كيف داير؟ "بلال برك منيرفي وهو بدا يدوي" زيين اخويا زيين وباك خانز فلووس وطياب العنب من الدرجة الرفيعة.. شكوون بحاالها غاگووليا " بلال قلب وجهو تاني" تاشكون بحالها شكوون عرفتي انا انا اللي صاحبك وتاتعجبني بالله تاكانبغيك ..ماتيقتينيش؟ ..بلاتي نبوسك
ناض وبلال خرج عينيه: اهيااا من نيتك
خالظ بدا يتجابد معاه باش يشد حناكو وبلال مخرجهم وشاد ايديه: تا والله تاعزيز عليا
رد بغضب: غانبوطيك اخاالد گللس المررض شوهتينااا
خالد: اوالله تاعزييز
دفعو: واااگلللس
..البنت اللي كانت تتشوف فيه خنزرات بنظرة ناقصة وضارت عند صاحبتها اللي كانت كريمة قائلة بحصرة: ياختي اللحية والطولة والشوفة طيح الزرزور من فوق الصور..فالاخير تلقايهم لوبية
كريمة ردت بفضول: شكون هادا اتا
ردت: رااه هاداك اللي لابس تيشورت كحل
ضارت شافت فيه وصغرات عينيها: هادة ماعرفت فييين شفتو
بتنهيدة قالت: علاه يتنسا..يخخ فجوج دقايق طيحني ولد الحرام كون غير كان راجل والله لافلتو
شاف فيه مطلع حاجب : من نهار عرفتك اخويا وأنا ماأليز ماتاوزة
خالد: واصاحبي غاتصنط وحكم
دار فيد الله وتنهد قائل: زيد اسيدي گول
خالد: المرحلة الاولى..هي الإعتراف
رد: نعتارف ؟
خالدد: ااها.. مالك مخلوع
حك ودنو بتفكير وقال: واخا و كيغاندير ليها
خالد: ختار شي بلاصة زويينة داكشي ديال الرومانسية ..قادو ومن بعد جيبها عندك غيير بالحيلة يعني مخاصش تكونش عارفة
رد: اها
خالد: اها وديك الساعة گوليها داكشي اللي فالمحاسيس تاعك عبر عبر اصاحبي شتي داكشي اللي فقلبك كوولو.. لووحو عليها..واااهم حااجة ااااهم حااااجة
رد: شناهية؟
خالد: كانبغييك.. الكلمة السحرية لكل علاقة، وايااك تم واياك تنساها راها هي الملحة ديال هادشي كولو الى ماگلتيهاش..غاتجي مسووسة "نفخ بتوتر وخالد ضحك" تاواش كلمة وحدة غلباتك هاااي هااي
خالدد:: وادابة ماشي بحال دوك المرات راه الحب الحقييقي هادا الحب الحقيقي..انا بعدا ماتفهمتيش ليا واش مك وباك الحب غامشتت ليهم الحب فالدار واكايتشقلمو قداامك، جيتي تال كلمة وحدة وخفتي
جرو من الكور مخنزر: اجااب مي للهضة
وسع عينيه: غااكلت غاااكلت اخويا بلال افتراضا فقط خالتي على الراس والعين
أبو عائشة الجزء السابع
محتوى القصة
التنقل بين الأجزاء