ماستوعبش المنظر لي قدامو لابسة تيسورت ديالو فالبيض جاها طويل مع شورط لاصق كانت لابساه تحت الكسوة رجيلاتها بايضين وصباغة غوز فرجيلاتها ولكن الأهم هو شطيح لي كانت كتشطح قدامو خلاتو واقف مشلول كيبلغ فريقو كيفاش الجسد ديالها غادي مع أنغام الموسيقى لي خظامة كيفاش كدير بحال شي فراشة طايرة فسما ماعلى بالهاش بشكون معاها ولا شكون كيشوفها دارت مع أنغام الأغنية بان ليها واقف كيشوف فيها تبسمات ليه إبتسامة ساحرة خلات قلبو يدق ألف دقة فثانية سلباتو عقلو وخلات النفس يتحبس عندو بشوفات بريئة وضحك عفوية مشات لعندو تعلات على صبيعات رجليها وطبعات بوسة قوية على وجهو...جواد ولا كيتنفس بصعوبة كبيرة طلعات معاه السخونية من رجليه لراسو مافهمش مالها ولكن أكيد ماشي فالوعي ديالها...رجعات بلور وهزات إيديها بجوج شدات فيديه
ماريا(وبعويناتها كيبريو) :
- أجي شطح معايا..ولكن بلاتي..دارت وراه وزولات ليه الدجاكيط خلات غير بايسورت الزرق وعضلاتو البارزين تحت منو..جراتو من إيديه لوسط البيت مشات علات الموسيقى ورجعات عندو..
ماريا : هانتا ساهل بحال الى كتشطح تانكو صافي شد فيا أمزيان ولصق معايا مزيان وتمايل صافي...جواد كيحل عينيه ويسدهم هو غير بعيد دابا والله بوحدو عالم بنار لي فقلبو وداتو كلها خلي يشطح معاها تانغو الشطحة لي كتخلي جوج مشابكين وملاصقين لا شيواحد دعل عليه مافيهاش ولكن علاش مقادش يهضر ولا يبعدها ولايفيقها او يوقفها..ماحسش بشنو كيظير ماحسش بيديه لي شابكها مع إيديها وليد لوخرا لي دارها ورا ظهرها وقربها منو ولا بأنفاسها لي كتضرب فعنقو جسدها الصغير لي ولا وسط منو ماحسش كيفاش جسد ديالو هو وجيدها ولاو واحد على أنغام موسيقى "Amor" الإسبانية..
Dos cuerpos entregados
Un par de enamorados
Flechados, cansados
Sudor desenfrenado
Cuando tú y yo nos juntamos
Sin piedad (Aquí no aguantamos)
Nos damos
Cuando hacemos el amor
Amor, amor, amor
Vuelvo a la vida, siento que vuelo
Cuando hacemos el amor
Amor, amor, amor
Vuelvo a la vida cuando toco tu...
كانو بجوج فعالم تاني عالم فيه غير هو وهيا كيفاش كيلعب بيه بين إيديه بكل حرية كيفاش كينزلها من فوق صدرو ويطلعها كيفاش كيشد إيديه ويشد كرشها ولا يدوز إيديه على فخضها وتحت من صدرها كانو بحال شي ثنائي راقص فاحسن المسارح العالمية عينيه كيكولو بزاااف وعينيها حتى هيا كيكولو بزاااف بقاو هكاك حتى أخر مقطع ولي جات فيه ماريا بين إيدين جواد شفايفها قراب من شفايفو ونفس ديالها مخلط مع النفس ديالو مقطع لي توج بقبلة من شفايف ماريا لي بادرات بيها هيا الأولى لاوية إيديها على عنق جواد وشفايفها على شفايفو كتستطعم قبلة جميلة بزااف عمرها فحياتها معاشت بحال هاد الإحساس قبلة عندها طعم خاص مزيج من العسل مع نكهات فواكه إستوائية لذيذة..جواد مغمض عينيه ومعنقها بكل قوة كلما تعمق فهاد البوسة كيزيد يقربها منو ويلصقها مع الجسد ديالو...هزها بالخف لعندو لاوية رجليها على ظهرو بحال شي بيبي ومندامجة معاه بكل عاطفة وحب كدوز إيديها على ظهرو مرة تقمشو مرة تجرو لعندها بقوة جواد لي زاد من وتيرة البوسة ولات كلها إشتياق توبيخ عتاب على البعد والحرمان لي عاشو وهو بعيد عليها وأكثر حاحة هيا الحب لي كيحسو من جيهتها...بلاما يحس ولا يكون فالوعي ديالو لا هو ولا هيا كانو لجوج بيهم مرميين على النموسية بلاما يفرق واحد الثاني البوسة تحولات لبوسات بزاااف قبلات جنونية عشق جنوني...ماريا إيديها مشاو لتيشورت ديالو نيشان بلاما تحيد فمها على فمو لي خلاتو ممحي والملمس ديالو ناعم بالقبلات ديالها..زولات ليه تيشورت رماتو كدوز إيديها على العضلات ديالو على دراعو وعلى ظهرو خلاتو ينتشي من رحيق الفم ديالها ويشهق من لمساتها كانت هيا لي كتحكم فوق منو مباشرة قلب جواد كيضرب وصدرو كيطلع ويهبط من المشاعر لي حركات فيه لي شحال هادي ماحسش بيها رحولتو لي حركاتها بلمساتها وقبلاتها خلات واحد أخور عارف لي كيدير غلط ولكن مقدش يتحكم بحال أي رحل فبلاصتو كيبغي من كل قلبو والمرة لي كيبغي قدامو وبين يديه غريزتو تغلبات عليه ومنظر حبيبتو قدامو فورمتها وجسدها لي بيض بحال الثلج ماقدش يقاومو...كيتسنى بفارغ الصبر تكمل على لي بدات زولات ماريا تيشورت لي كانت لابسة وبقات غير بسوتيام وشورط لي كانو بنفس اللون الأسود صدرها شبه العاري لي كيتوج بخالة مزيناه كلها كتلمع وكتعطي منها رائحة الفواكه لي تارت الغريزة ديالو كثر وكتر...شافت فيه ماريا بكل حب نزلات بشفايفها كتقبل كل بلاصة على صدرو زادت خلات مشاعر ديال بركان هائج...رجعات هزات راسها وهيا كالسة فوق منو شوية كتحل عينيها بجهد ودير حركات بحجبانها غريبة جواد ستغرب منها شوية كتبان ليه طاحت طيحة وحدة فوق من صدرو مابقاتش مزال ناضت..
لحظة صعيبة بزاااف تكون فسابع سما وتهبط مع الأرض فدقيقة وحدة وهادشي لي وقع لجواد فهاد الوقت حس بدوك المشاعر لي كانت شاعلة بردات وتجمدات فثانية حس بألم غريب بزااف حط راسو على المخدة وتنهد تنهيدة طويلة...دور إيديه عليها نزلها من فوقو حطها على جنب وكلس على طرف نموسية كيدوز إيديه على راسو ولحيتو دار براسو كيشوف فيها ناض وقف هز الكسوة ديالها بشوية عليها كيلبسها وكيحاول ما أمكن يتجنب يشوف فيها مابغاش النار لي طفات ترجع تشعل خلاها ناعسة ومشا لدوش تخشا وسط منو وطلق الرشاشة على الما باارد خلى الما هابط عليه مغمض عينيه ونظراتها ليه مافرقاتش خيالو مداق القبلات ديالها مزال على شفايفو بلع ريقو وزاد فوثيرة الما حتى حس براسو مزيان شوية لوى عليه الفوطة وخرج لبس حوايج أخرين ومشا جيهتها كلس حداها شد فمها وحلو بيديه نزل بنيفو كيشم جاتو ريخة غريبة وقدر يميزها هنا جعر وطلعات ليه القردة جمع إيديه وهبط لتحت...دخل لكوزينة كيقلب حل ثلاجة مالقى والو كيبان ليه الكاغط فاش كان شكلاط مليوح هزو فتحو لقا غير الفرتيت هز منو دارو على لسانو كيدوق كان الظن ديالو فمحلو...
جواد(بنفرزة) :
- حتى تجي ونتفاهمو..مشا جبد جوج طاس دار فيهم قهوة بوحدها وجدها وحدة ليه تفيقو او وحدة ليها...طلع بيهم لبيتو فتح الشراجم هو الأول قاد البيت ومشا لعندها كيفيق فيها..
جواد(كيحرك فيها) :
- ماريا ماريا مااارياا...بدات كتململ وتحل فعينيها بتثاقل عاد بدات كتوعى شافت فيه مغوبشة حطات يدها على راسها
- أنسولك انت لي لقيتك ناعسة هنا سلك ديالك وصنادلك لتحت مليوحين على أساس كنتي جايا تغداي انت وأنور شنو وقع؟
ماريا : ماعرفتش شنو كان عندو ومشا كاليا بلي غادي يجي ولكن ماعقلتش
جواد(مخنزر كيشوف فيها) :
- شنو كليتي؟
ماريا(بستغراب) :
- والو من غير شوية دالفريت من الغدا او واحد الشكلاط كان فثلاجة
جواد(ضحك بستفزاز) :
- شكلااط ممم مزيان
ماريا : هو ماعرفتش كان ماشي بحال شكلاط ولكن مداقو بحال الشكلاط ماعرفتش علاش اما لي مافهمتش شنو وقع ليا؟
جواد(وقف) :
- من الأحسن بلاما تعرفي وحتى الى كتليك مغاديش تيقي داكشي باش حسن بلاما تعرفي
ماريا(حطات داك الكاس دالقهوة من بعد ما بدا كيدوزها الحال) :
- علاش كتهضر بحال هكا مافهمتش شنو واقع ليك
جواد(خنزر فيها خبط داك الكاس وشاف فيها بعينين شاعل فيهم العافية) :
- حيت فينما كانهضر معاك كترضي جد ملتي انا لي خايب ماعرفتش إمتا غادي ديري عقلك كنكوليك أبنتي أبنتي بعدي على أنور متأمنيش ليه راه مايسواش ومكاينش لي كيعرفو من غيري وانت كديري لي فراسك هاد الراس عندك(كيضرب على راسها)مصنوع من الحجر واش بغيتي تحمقيني ولا كتقصدي تصعري جد بويا
ماريا(كدوز يديها فراسها) :
- ضروري مانجبدو أنور عاوتاني نفس الموضوع علاش ماتخلينيش انا نقرر شنو دار ليك هاد أنور من غير عرض عليا لغدا عادي شنو وقع لي يحتاج لهاد الصداع كاملو؟
جواد(زف بداك الكاس لي فيديه حتى تشخشخ خلاها تنفض من بلاصتها مصدومة فيه وخايفة من عصبيتو) :
- مسكين مدار والو عرض عليك وجلال مكاينش فدار وانا خارج ومسيفط داك زبالة دنزار ماعرفت فين باش تبقاي غير انت وهو وجايب معجون مخليه ليك فثلاجة نضتي انت وكليتيه وطرا فيك لي يطرا جاك هادشي عادي يااك😡😡
ماريا(بقات ساكتة مصدومة كيفاش معجون لا مايمكنش) :
- م م مايمكنش(شافت فيه) يقدر يكون ديال نزار ولا ديال جلال مثلا وكليتو انا ماشي بضرورة يكون ديالو...جواد شد على راسو وحس بصدرو اينفاجر ولا ايدير فيها يظيه مافيهاش مغاديش تهنى حتى يهرس راسها حتى يتشتت مخها
جواد(كيحاول يتمالك راسو ويبرد) :
- جلال عنرو ماستعمل بحال هادشي تربية إيدي وانا ماشي ديالي ونزار عندو قرحة ديال المعدة كان كيداويها هذا شحال ممنوع عليه يشرب ويكمي ويستعمل اي مخدر شكون كاين من هنا من غيرنا حتى لخدامة مكاينة لي نكولو يمكن حتى هيا كتعجن😑
جواد : الله يرحم جدك بلاما تصعري طاسيلتي وانا خاصني غير معامن اتزيدي قدامي حسن ليك...طلعاتو وهبطاتو وخرجات قدامو..
ركب سبقها لطوموبيل بينما هزات ياكها ولبسات صندالتها خرجات من الدار فتحات الباب وركبات حداه دارت السمطة وهو يديماري..ماريا كانت كتحس براسها فشكل ماشي كيف جات شيحاجة مغيرة فيها كتحاول غير تفكر والو شوية جات لبالها واحد اللقطة كانت هي وجواد معانقين...جمعات غوباشتها وتقدات فالكلسة كتشوف فيه هو حاضيها غير بنص عين وملامح وجهو ممحيين
ماريا(كتشوف فيه) :
- أجي واش طرا بيناتنا انا وياك شيحاجة؟
جواد(شاف فيها وداير راسو مافاهم والو) :
- بحالاش هاد الحاجة لي غادي طرا بيناتنا انا وياك دايرين بحال الشرق مع الغرب مايمكنش
ماريا(كتشوف فيه بشك) :
- زعمة ماعنقتيني فاش كنت ناعسة ماوالو؟
جواد(لوا فمو) :
- لا كنبغي نعيش مع وحدة حية ماشي وحدة مبتة بنعاس يمكن غير كنتي كتحلمي بيا داكشي علاش دوماج كون كنت عارف بلي كتفكري فهادشي مغاديش نعطلك(غمزها)😉
ماريا(جمعات فمها وشافت قدامها مربعة إيديها) :
- شحال فيك ديال بوخ وشيكي غير لي بغا يسولك دير راسك ماسمعتي مني والو..جواد كان كيتصرف بواحد البرود قاتل بحال السم..رجعات سكتات ماهضراتوش شوية شافت فيه
ماريا : بلاما تكمل طريق حتى لدار غير وقفني فبلاصة قريبة حسن
جواد : علاش؟
ماريا : والو بغيت ناكول ماتغديتش
جواد : عارف داكشي لي كنت ناوي ندير نديك تغداي
ماريا : بلاما تعدب رايك انا نمشي بوحدي
جواد : ماشي انت لي فيك الجوع حتى انا ماتبقايش تجابهي معايا كلت لهضرة سكتي وشوفي قدامك...
وقفو قدام واحد المطعم مختص فالحوت نزلات ماريا قبل منو واقفة كتشوف فيه يعبط خلاص هبط جواد وتم جاي عندها شدها من إيدها بحال الى ملكو...شافت فيه وفيديه هو غير شاف فيها وبتساؤل من عينيه
ماريا : عندي 26 ماشي بنت 5 سنين انتوضر..جواد مكرهش يشدها يكرضها ليها مداهاش فيها جرها ودخل..ختار طبلة بعيدة شوية جر ليها الكرسي كلسات وكلس قدامها جا سرباي عطاهم الميني ختارو أطباق مشكلة مع عصير ديال الحامض لماريا...مشا السرباي وبقات ماريا وجواد فاص أفاص...بعد مدة من سكات ضارت ماريا وشافت فيه طولات فيه الشوفة حتى نباها وهو مضور وجهو :
- غير سولي عينيك فيهم مايتكال
ماريا(ستغربات منو) :
- بغيت غير نفهم علاش مكتحملش أنور لديك درجة شنو دار ليك
جواد(تقاد فالكلسة وشاف فيها) :
- هاد القضية ديال شي مكايحمل شي كاينة غير بيناتكم انتوما العيالات وحدة حاسدة لوهرا على فورمتها ولا على زينها اما بينا حنا رجال كل واحد عارف التاني مزيااان شنو كيسوى فهمتي
ماريا : إيوا مدام هكاك علاش كلما شفتيني معاه كيركبك ألف عفريت كنحس بيك كتغير منو بزاااف😉
جواد(ضحك) :
- ههههه أبنتي أنور راه عندي فشركة ديالو نسبة 65 فالمية الى فخبارك كولي بلا شركة ديالي يقدر يطيح هو لي خاص يغير مني ولالا
ماريا : عاجبك راسك بزاااف حتى انور عندو حقو وزيد عليها جينتيلمان كيعرف يتصرف مع المرا زوين
جواد(كيغزز فسنانو مابغهاش تشكر فواحد غيرو يلاه كان بين دراعو ودابا كتشكر فداك ميخي) :
- مكتعرفي والو فزين عندك نقص فشوف ولا يمكن حولة داكشي باش ولكن كاليك الحوتة كتقلب على ختها 9سنين عاد كتلقاها
ماريا(غوبشات) :
- كيفاش زعمة كتحشي لهضرة؟
جواد(مبارد) :
- الحر بالغمزة والعبد بدبزة...ماريا طلعات ليها الجنية لسطح ماحملاتش راسها...شوية جا سرباي بطلبات ديالهم ورجع هزات ماريا طبسيلها دخلات فيه طول وعرض..فباب المطعم كانو مجموعة من البنات داخلات كل واحدة شنو لابسة قشعو جواد من دخلة وحدة غمزات الثانية دخلو وشدو بلاصة قريبة لبلاصة فين كالسة ماريا وجواد...جواد هز عينو بشوية شافهم وقشع شوفات لي كيديرو فيه ويتبسمو..وحدة ضحك مع ثانية وكيحاولو يسمعوه الضحك ديالهم جواد ماتحركات فيه شعرة وحدة...هزات ماريا راسها شافت فيهوم بانو ليها كيشوفو فجواد..
ماريا(كتبغم) :
- أحيانا أتمنى لو كنت قندسة بأحد فروع نهر المسيسيبي اقضي حياتي بين البر و البحر متغذية على سمك الشبوط و السلمون همي الوحيد قطع أغصان الأشجار بأسناني القوية من أجل بناء بيت أحتضن فيه زوجي القندس ونعيش في امن وسلام بعيدا عن هذه الزواحف التي اجتاحت الارض منذ احقاب عديدة 🐹تبا لكم..فواحد اللحظة جواد تكرشخ بضحك كيضحك كيضحك حتى وحلات ليه..خدا كاس ديال الما ومزال ماسكت من الضحك كولشي المطعم شاف جيهتو..
ماريا(كتشوف فيه) :
- بسم الله عليك مالك كيهروك المسلمين
جواد(مزال كيضحك) :
- لا لا والله الى انت زعمة علام والله ههههههه ياربي صبر من عندك مالك ثاني كتعايري
- الله يسمح ليك جواد مكاينشي هوما لي كيجيو عندو...يلاه اتجاوبو حتى بان ليهم خيال واقف عليهم..دارت ماريا كاتبان ليها واحد خيتي من دوك البنات لابسة كسوة قصيرة شوية فالبيح لاصقة عليها مشوطة زغيبات راسها واثف وكاتشوف فجواد وإيتسامة جدابة على وجها..
- سمح ليا على ديرونجمو بغيت غير ناخود من عندك الحار ماحطوش لينا سرباي واش ممكن ال جات على خاطرك؟😍
جواد(عوج فمو بحال هاد الحركات حافظهم ما) :
- كولشي ديالك مرحبا..
- اوووه ميغسي😉...ماريا هازة حجبانها والعفريتة ساكنة فيها كتكوليها(نعلي شيطان هادي راه غير عود سبسي ماديهاش فيها غير بردي) كطلع النفس ابزز ومتبعاها بالعين بشر جامعة فمها ومصغرة عبنيها وجواد داير إبتسامة على جنب فمو وحاضيها..
جواد : شبعتي؟
دارت عندو ماريا كتشوف فيه
ماريا : لا مزال كوليه يزيدني لاصوص ويدير لي معاها الحار..شير جواد لسرباي طلب منو داكشي لي بغات ماريا جابو ليهم لطبلة ومشى...كملات ماكلتها وكل مرة كتنطر الخبز مغدة
جواد(حاضيها) :
- غير بشوية عليك خفت غير تخلي سنانك فداك الخبز
ماريا(حمادشة كيلعبو عندها) :
- وانت مالك انا هادي هيا ماكلتي
جواد : غير خفت لا يطيحو ليك سنانك وانت مزال صغيرة الى مشيتي حتى ركبتي الفم فهاد لاج صعيب عليك شوية
ماريا(ضحكات ليه ضحكة صفرا) :
- براكة غير هاد العتروسات لي لور عندهم سنان اخليني انا بلا سنان نبقى ناكول اللبابة ديال الخبز نغمسها فأتاي
جواد(ضحك) :
- تؤتؤتؤ حشومة عليك هاداك الزين كامل وتكولي عليهم عتروسات مجاتش...ماريا صافي الفار خارج ليها من النيف والودنين واحد الغيرة حسات بيها مكايناش كون صابت تنوض تندب ليه حناكو...رجعات لطبسيلها وكملات ماكلتها شوية تاني رجعات نفس البنت بلا حشمة بلا حيا شافت فجواد ونزلات شوية باش يبان صدرها
- عفاك سمحليا بزااف برزطك بغيت غير نسولك قبل مناخود حيت خادو صحاباتي وانا لا واش هاد الطبق لي خديتي مميز بغيت ناخود بحالو...يلاه أيجاوبها حطات ماريا الخبز بزعاف من إيديها ودارت شافت فيها
ماريا : لالا باين الأدب تبارك الله لي من صباح وانت ضحكي بحال دوك لي خدامات فسويرتي كيفرقو الطباسل وجايا مدلية علينا بادرك دوك القوالب ديال والو حافضاهم أنا
البنت : حسن عوانك صراحة كتبان أنيق وزوين وكالس مع هاد الأشكال
ماريا(وقفات) :
- مالي كيجيتك امسيسي أرويبعة دالحم ياكما شتيه كالس مع حادة وعكي وبناصر وخويا مثلا هادوك وحسن منك شوفي اديك عراق السوس اترولي ومتلفتيش ولا قسما بالله مايعجبك حال
البنت(كطلع فيها وتهبط) :
- سوفاااج تعلمي تهضري غير بصواب كونماشي على وجه السيد انعطيك خو جوابك
ماريا(ضحكات) :
- وليتو فينما مشيتو تلصقو ماتعرفو راجل مزوج ولا خاطب ولا داويين فيه ماليه بالحق انا لي انعطيك خو جوابك مغاديش نعطلك...هزات ماريا طبسيل ديال لاصوص كباتو عليها من راسها لرجليها خلاتها عايمة بلاصوص وفيه الحرور ولات كلها كتحك وتغوت مماتيقاش راسها ناضو صحاباتها عندها...هزات ماريا ساكها دفاعتهم وخرجات...كان باغية غير إيمتا تخرج من تم ماهمهاش يديها عامرين بزيت ولا الحوت ماهمها والو فير تخرج يضربها البرد تخنقات...يلاه أتشير لطاكسي حتى حراتها يد جواد...
- والله لا طلعت ولا طلعت انشد طاكسي واش داروك واصي عليا خليتي مونيكاتك ديال عيشورة رجع عندهم مساكن..شد ليها فمها بيديها عوجو ليها حتى ضرها
جواد(تحت سنانو) :
- آخر مرة تهضري معايا بحال هكا ولا والله وديني وما أعبد حتى نهرس ليك فمك ودابل اتزيدي قدامي وبلا هضرة زايدة...طلقها وجرها من يديها بزز بحال بنتو دخلها لطوموبيل وسد عليها دار هو ركب وديمارا مكسيري لدار كريق كلها وهيا تصوت وتبخ مابغاتش تشوف فيه كتشوف فزاج حتى بان ليها وصل لباب دار فتحات السمطة وحلات الباب ضربات بيه وماتلفتاتش وراها مشافتش ومتلفتاتش جيهتو بتاتا دارت ساروت فالباب فتحات وسداتو وراها عاد سمعات صوت ديال الروايض عرفاتو بلي مشا غمضات عينيها وتنهدات تنهيدة طويلة...
دخلات ماريا لدار غادية وساهية حتى وقفات عليها أروى لي سولاتها :
- مالكي ساهية أمضرا كيداز لغدا...ضارت عندها ماريا
ماريا : من بعد أأروى راسي كيتبخ والله انا طالعة لبيتي جيبي ليا عفااك واحد الحامضة بغيتها
أروى : أجي غير نعاود ليك الجديد وسيري
ماريا : مافيا لي يسمع شي جديد اخليني انرتاح راسي راه ايتهرس عليا بغيت انعس عفاك طلعي ليا الحامض الله يخليك...طلعات فدروج كتجر فرجليها...فتحات باب بيتها رمات ساكها فوق الكرسي ومشات لنموسيتها كلسات كتزول فصندالتها كتحي بالإرهاق وصداع ديال الراس...وقفات شادة فجنابها وكدور فالبيت ..
ماريا(كتهضر بوحدها) :
- انت مالك مالك أش حرق شطاطتك واش شغلك كون كلستي كملتي ماكلتك عادي يجي يكلسو معاه فطبلة كاع كبرتي شان لبوجعران اماريا اووف شحال خفيفة دابا شنو ايكون كيكول مع راسو بلي انا غرت ولكن لالا أصلا يكول لي بغا وانا مالي عادي ندير بحال هكاك من حقي اصلا خاصها تحتارمني وحتى هو يحتارمني فالح غير فأنور أه صافي دابا تعادل هو هضر معايا على انور وحتى انا هكاك ردة فعل عادية غير كنكبر الموضوع وصافي هوووف..دفات أروى فالباب ودخلات
- داخلت عليك بوجه الله جايبة ليا حامضة مصيرة واش بنت ليك دجاجة أنا دابا انا دجاجة جايبة ليا حامضة مصيرة لا حول ولا قوة إلا بالله منين مكتفرقي بين حامض عادي وحامض مصير خليفة على الله
أروى(كتهز فكتافها) :
- وانا أش عرفني انت كلتي غير حامض صافي ماحددتيش بضبط شكون فيهم
ماريا(كلسات على طرف الناموسية) :
- صافي اديه مابقيت بغيت والو بغيت انعس
أروى : وعاودي ليا
ماريا : راه باش نهضر مافياش راسي ايتهرس لي انكوليك دابا هو الغدا داز أكفس غدا يلاه خليني نعس...خرجات أروى من عند ماريا عاد تفكرات بلي مكالت ليها والو على الخبر الجديد
أروى(وهيا هابطة) :
- صافي حتى لغدا ونكول ليها...بدلات ماريا حوايجها بحاجة خفيفة تكات وتغطات دايرة يدها تحت راسها وكتفكر وتساءل شنو كايحس جواد دابا زعمة يكون عاق بيها
ماريا(كضرب راسها) ؛
- براكة من الوساويس يفكر لي بغا وانا مالي...جرات عليها الغطا وستسلمات لنعاس..
****
وقف جواد قدام باب دارو دور وجهو بانت ليه طوموبيلت أنور واقفة عرفو بلي جا...جمع إيديه على شكل قبضة فتح الباب وداخل جااعر مشا نيشان لصالون كيبان ليه أنور واقف هو ونزار عاطيينو بظهر جر أنور من كتفو دورو عندو هز إيدو حتى لسما ونزل عليه لوجهو كيهزو ويرجع ينزل عليه كيحاول نزار ما أمكن يفرقو عليه ولكن جواد تعماو ليه العينين مابقاش كيشوف قدامو غير العافية لي شاعلة فيه جا جلال كيجري منين سمع الصداع ميشد فجواد
جلال : شاف براكة أشاف صافي عليه الله يخليك أشاف دير عقلك..
جواد(دفعو وعينيه كلهم شر) :
- بلاما دخل انت أجلال وخلي حسابي مع هاد الحمار...أنور شاد راسو وداير يدو على فمو كيمسح الدم...جرو جواد من قميجتو قابلو معاه
جواد(من تحت سنانو) :
- شنو كنتي ناوي أ(كيغوت)شنو كنتي ناوي تضحك عليها يااك كنت عارف من الاول بلي عمرك اتبدل انت هو انت مكتسواش ماشي راجل
جواد : داير فيها بريئ عندك الزهر ماهرستش لجدك سنانك قسما بالله ومزال توصل لماريا ولا اقرب ليها هداك هو آخر يوم فحياتك.
أنور : انت باها ولا خوها كنتي راجلها دابا هيا حرة دير لي بغات شكون انت...هز جواد إيدو وعطاه لوجه تاني حتى طيحو..
جواد(كيأشر ليه بيديه ويحدر فيه) :
- ماشي شغلك نكون لي بغيت نكون مزال نشوفك كتحوم عليها ماتلوم غير راسك ولله حتى ندفنك وانت عارف الى كلت شيحاجة كنديرها...دفع جلال وضرب كرسي برجليه لاحو وطلع لبيتو كيجري...خلى انور مليوح ونزار وجلال متبعينو بعينيهم بخوف..
ماريا ماريا..
ماريا(جرات عليها الغطا) :
- أممم
أروى : ويلاه خلاص واش انت اتشركي ليل مع نهار نوضي بعدا غير تعشاي ورجعي تنعسي
ماريا(كتهضر تحت المانطة) :
- عفااك غير خليني راسي راه ضارني بزااف وحق الله وكنحس بسخانة اخليني نعس..مساتها أروى لقاتها فعلا سخونة
أروى(مخلوعة) :
- واش نكولها لوسيم نديوك لطبيب؟
ماريا : لا ماشي حتى لديك درجة هانتي عطيني غير واحد أسبيرين راه فالمجر انشربو ونعس نولي بيخير بلاما تكوليها الحد يتخلعو على والو..مشات أروى جابت ليها الفانيد كلسات غير بصعوبة راسها ايتهرس داكشي لي كلات مجاش معاها ودار ليها سخانة وراس...كولشي من أنور هو سباب فهادشي...خدات الدوا ورجعات تكات غطاتها أروى مزيان سدات السرجم طفات عليه الضو وهبطات لتحت..
وسيم : هيا داك راس سطل دأنور دار ليها شيحاجة عائلة رمزي هاديك وأجرك على الله مكاين لي كيعرف ليهم قدي أنا..ماكلتيش ليها على الخبر الجديد؟
أروى : كانت عيانة ونسيت حتى انت غدا قريب مابعيدش
وسيم : يلاه تعشاو دغية باش نفيقو بكري شوية عندنا مايدار...من بعدما سالى وسيم عشاه..ناض لكوزينة خلى الخدامة تجمع طبلة او وجد لماريا شربة سخونة خداها ليها مع طرف ديال الخبز صغير وطلعو ليها لبيت..
ماريا : ومافيها باس تدلعني شوية زعمة ولا مانستاهلش..
وسيم(كلس حداها جمع ليها شعرها بونضو وجاب ليها طبيلة صغيرة فوق رجليها) :
- وعلاش مندلعش بنتي شحال عندي من مارمار غير وحيدة الله يخليها ليا
ماريا(عنقاتو وتنهدات) :
- والله يخليك ليا..بدا كيوكل فيها غير بزز واخا عجباتها شربة ولكن مقادتش تاكول غير بزز باش سلات ديك الزلافة..
وسيم(كيشوف فيها بشك) :
- مامخبية عليا والو؟
ماريا(شافت فيه) :
- صراحة مخبية ومامخبية ماعرفت والله ناري اليوم واحد الغدا اوسيم كارثي بمعنى الكلمة وحق الله وكلست حتى لاخر وزبلتها زبلة ديال الغدايد ماعرفتش فين كيكون عقلي وحق الله..
وسيم(صغر عينيه كيشوف فيها) :
- انا عارف كاع زبايل ديال دنيا كيجيو حتى لعندك غير من نهار تاشياخت وليت نتصور منك أي حاجة شنو وقع يلاه عاودي؟
ماريا(كتسبل فعينيها) :
- دابا انا أنور عرضني لغدا وانا قبلت ولكن فاش مشيت جاتو شي خدمة ومشا بقيت كندور فدار لقيت شي شكلاط كليتو ولكن وراها مابقيت عقلت على والو حتى لقيت جواد حدا راسي جايب ليا قهوة منين سولتو شنو وقع كالي بلي يمكن داك شكلاط لي كليت ماشي شكلاط
وسيم(متبع معاها) :
- معجون يااك انا عارفك انت ام الفضايح انت انت شي نهار شراب اشربيه وماتعيقيش براسك ايحسابلك غير بومس ولا سيرو ديال الرمان مافيهاش
ماريا : باش عرفتيها بلي معجون كاعما نطقت بيها؟
وسيم(وقف) :
- حيت داك سيهم انور كلما نزل لمغرب كياخود من داك نوع خصوصا الى كان بغا يقصر ولا يسهر مع صحابو وصحاباتو
ماريا(مخرجة عينيها) :
- هيا داكشي لي كاليا جواد بصح؟
وسيم : ماعرفتش لي كاليك جواد المهم خفي رجليك شوية من المشي والمجي وخصوصا أنور راه واخا تشوفي داك الوجه راه مايسواش كل نهار مع وحدة خاصو غير معامن اودني منك
ماريا : وراه مزال ماكملت ليك
وسيم : علاش مزال باقي؟
ماريا : ويااااه كفس...
بدات كتعاود ليه كاع لي وقع مع جواد
ماريا : دابا انت فبلاصتو شنو اظن من بعد هادشي كامل(كتهضر برائة)..ماحسات بيه حتى شدها من شعرها كيديها ويجيبها
وسيم : اويلي على اش غادي يفكر واش هداك وجهك ولا مسلفاه غير كولي ليا هادي غير الوجه الإعلامي لمجلة وسيم ومن لايعرفه وليتي بحال دوك الكسالات ديال الحمام
وسيم : علاش انت بينتي ليه بلي كتغيري عليه وصافي انت راه بينتي ليه بلي دايية وكتحماقي عليه وراه طيحتي الذل على راسك الخوينزة
ماريا(كترمش) :
- قفرتها يااك عارفة راسي كنديرها قد راسي ولكن راه اي بنت فبلاصتي ادير هكاك ماشتيش كيف كانو كيديرو عليه بحال الى انا مكيناش وتصور انت دبا تكوني خارجة مع راجلك او وحدة تجي دور ليك بيه كيفاش ادير يلاه...سكت وسيم هاز حاجب وكيشوف فيها
وسيم : كالو ليك سميتي زبيدة ولا نعيمة؟
ماريا : أحم زعمة اغير مثلا مثلا
وسيم : انت كلتيها بفمك هداك رااااه رااااجلها اما انت وجواد مابيناتكم والوووو كنا وكنتو وصرنا وصرتو زمااان هذا باشمن حق تهضري عليه ولا تخاصمي على قبلو مزوج بيك هاضر فيك خاطبك؟😒
ماريا : لا هادي لا ديك الصراحة
وسيم : إيوا نعسي وكمديها لقلبك وسكتي نمشي نشرب كينة دراس على هاد العجاجة لي نوضاي ليا فيه
ماريا(كتغبن) :
- دابا شنو اندير؟
وسيم : ماتبقايش تزربي وتبتي غبري هاد الأيام مدام انت باغية تعطيه نخال وكاتكبري ليه شان على مدار فيك بعدي شوية وديها فخدمتك لي نسيتي هاد ليام😑يلاه بون نوي
ماريا : بون نوي...تكات ماريا فبلاصتها دارت على جنبها ليمن كتفكر فنهارها وفلي كاليها وسيم لي عندو فيه الحق 100فالمية بأشمن صفة اتهضر وبخاتها راسها حتى عياات ونعسات...
****
يجب أن تكون العلاقة بين شخصين
ملاذاً آمناً وليست ساحة معركة
فالعالَم فيه من القسوة ما يكفي
فلا توجد نعمة أعظم من شخص يحبك كما انت بفوضاك وسيئاتك وغرابة أطوارك
باكتئابك بحزنك،
ببساطتك وتلقائيتك
يحب أحاديثك وأفكارك
ويحب كل تفاصيلك
شخص لا تضطر للتكلّف والتزيّف أمامه
"أنت تستحق علاقة تسمح لك أن تنام بهدوء ،
تستحق شخص لا تبقى قلِق من شكلك وأنت معه
، ولا خائف أن يفهمك خطأ
ولا من أن تستيقظ وأنت خائف أن تخسره
، أنت تستحق علاقة مُريحة دون حيرة ولا أسئلة
لأنك مُتأكد أنك ستنام وأنت الإختيار الوحيد لديه والأبدي."
- فعز نومها كتسمع الغواات وصدااع على جهد بحال شي شاف ديال العسكر..ناضت ماريا كتعكز وشعرها طالع رجل طالعة ورجل هابطة كتجر فرجليها فتحات الباب تلاقات وجه لوجه مع أروى شافت فيها وعينيها مغمضين
ماريا : حشومة تكولي هكا على جداك بللعكس ناس لكبار فدار عندها طعم خاص
اروى : دابا تشوفي طعم الخاص كيداير راه لميمة هاديك وانا لي كنعرفها الله يستر ويجعل السلامة مع الله يحفظ ممنوع تنعسي حتى ل12 الفياق مع 8 ديال الصباح ونعاس مع 10ديال الليل ومعندهاش مع دخول والخروج بزااف وداك العرا كتر من القياس معندهاش معاه
ماريا : اصلا داكشي لي خاصو يكون الى جيتي تشوف...تم خارج وسيم وقف عليهم
وسيم : جات تاني هاد الدار اترجع بحال القشلة ديال العسكر الله يستر يلاه لبسو شيحاجة مزيانة وهبطو...دخلات ماريا خدات دوش دافي يحيد عليها سخانة ديال اللبارح..خرجات نشفات شعرها دارت واحد البانضة غوز على شعرها ولبسات سروال دجين مع سبرديلو بيضة وتريكو فالبيض ديال القطن رشات من البارفان ديالها هزات تيليفونها وهبطات...مع وقفات كتبان ليها مرة قصيرة لابسة جلابة فزرق مع فولار رابطاه جيهت العنق ساك فالكحل وشعر تحت الودن واخا مكمشة ولكن باينة فيها مزال شديدة...دارت شافت فيها هزاتها من رجليها لراسها وشافت فحفايدها لي حادرين الراس عاد نطقات..
- شكون هادي؟
وسيم : هادي ماريا أجدة..وقفاتو بيديها
- صاف صاف عغفت شكون هيا بلاما تكيميل..ماريا جاتها الضحكة من طريقة باش كتهضر جدات وسيم.
رجعات شافت فيها وكالت :
- أتبقاي واكف بيزااف تيماك قرب بوس يدي...قربات ماريا منها ونزلات على يدها باستها شداتها جراتها وكلساتها حداها..
- تباغك الله وصلاة على نبي بيضة كيف لاحليب شوفتو شوفتو لي كياكول نعمة كتبان عليه وينتوما داغين بحال العود صافغين بحال زيعفغان
فاطمة : تباغك الله ابينتي الله يغضي عليك(دارت عند حفايدها)شيفتو شيفتو البينت الحغة الله يغضي عليك ابينتي ويكتغ منك ياغابي..ويلاه يلاه نوض نفيطغو راه فيا جوع إيه فين مشاو هادو تاني..(كتقلب فجنباها)...أروى غير ساكتة وكتشوف فيها حيت الى مشات حتى هضرات قفراتها من عندها اللهم تسكت
وسيم : علامن كتقلبي اجدة؟
فاطمة : كنقيليب على فيركوس ماعغفرت فين مشا تاني ويلي يكون بغا مع شنط ويلي نسيتو ماسكين
وسيم(مصدوم) :
- جبتي معاك فركوس من فرنسا لهنا معدباه مسكين معاه لاحول ولا قوة إلا بالله الصبر من عندك
فاطمة(خنزرات فيه) :
- ماسميعتكش اش كولتي؟
وسيم : ماكلت والو والو...ناضت وقفات هازة عكازها لي واخا هكاك مكتكاش عليه بزااف غير الى بغات طلع شي درجة..فتحات الباب وكتعيط على فركوس
- غاديين لعرس حنا..وقفات ماريا وثورية تانيعينو من لور بحال الى خايفين من جداه...يلاه ادور عندهم تم داخل واحد السيد داير طابلية كحلة ولبسة حمرة مع طربوش رقيق مسكين وهاز شنط كتار تقلب جا هو وياهم..مداتهاش فيه فاطمة وشافت فلوخرين بمكر..
فاطمة : انتوما فين غاديين؟
وسيم : الخدمة أجدة الخدمة
فاطمة : هممم إيوا متعطلوش بيزااف الوكت هيا الوكت(شافت فركوس)وانت منين تسالي من نعاسيك في لارض تباعني داكووغ..
شدو طريق لمجلة مع دخلو كاع الموظفات صبحو عليهم مع إبتسامة...مشات ماريا مكتب ديالها..وسيم مع دخل هز تيليفون سونا لسيكرتيرة ديالو..
- ندمت على نهار فاش وافقت على ديك الحملة الاعلانية ديالو اري دوك الملفات لهنا..عطاتهم ليه كيقلب فيهم ويقرا ردخ الملف مع الحيط
وسيم : هذا علاش ناوي على خزيت بغا الحملة جايا تكون على اليخت ومنها تكون رحلة الاستجمامية خاصك فير الاستجمام مغاديش تبغي ماريا وانا عارف هادشي...شاف فسوكريتير لي كتشوف فيه
وسيم : عطيني هاديك المذكرة وصافي خرجي انت حتى نبغيك...حطات ليه المذكرة وخرجات...هزها كيقلب فيها مالقى حتى حاجة مهم رجع بالكرسي كيفكر حتى تدق الباب ودخلات ثورية هازة كاس ديال الحليب بلويزة..شاف جيهتها وأشر ليها براسو تدخل حيت بقات قدام الباب...دخلات ثورية وسدات البلب وراها
ثورية : صباح شفتك معصب كلت اتكون محتاج لهاد الكاس دالحليب..شدو عندو كيتنهد جغم منو جغمة وشاف بعينيه من فوق الكاس فيها
ماريا : كولشي مرتاحش ليه حتى ليا انا داكشي باش بغا يديرها بيا ولكن غير كون هاني آخر مرة غادي يديرها بيها وسيم بلاما تفكر فهادشي هادي خدمة ولي بغاه هو لي أيكون ولكن قسما بالله ويدور بيا هاد المرة انعطيه خو جوابو عند بالو انا ساهلة ليه يلعب بيا كيف بغا..ولكن كول ليا هاد الرحلة فيها غير حنا؟
وسيم : ماعرفتش ولكن فيه شركاء فهاد الخدمة ويمكن من معارفهم مهم رحلة فيها الخدمة وفيها الاستجمام كيف خلاها هو...سكتو بثلاثة حتى رجع وسيم بالكرسي ودار يديه على المكتب وتبسم
وسيم : وعلاش لا الى كانت دعوة مفتحوة تمشي العائلة كلها
ماريا : هههههه حتى الى فكر يدير هك ولا هك ضربة من عكازها تلوحو لحوت فالبحر😂😂
ثورية(مافهمات فيهم والو) :
- كيفاش علاش كيهضرو؟
وسيم : الى فاتك الكلام كولي سمعت وكولي الله يجيب الشتا حتى لديك ساع وتفهمي😉..
فمارينا وقريب من واحد اليخت كبيير بزااف واقف أنور هو ونزار ومعاهم واحد السيد هاز واحد الكتاب فيديه وكيوريهم فاليخوت كل واحد والقيمة ديالو المالية ماشي لشراء ولكن للكراء..
نزار : هادي تجارة مزيانة ومايعرف ليها غير لي دكي وعندو دماغ صراحة انم تشري يخت بالفلوس وتولي تكريه كاتعوض دوك لفلوس لي خسرتي عليه او ولا سي رضوان..
رضوان : بطبيعة الحال الأغلبية هنا كيشريو يخت وكيرجعوه للكرا وصراحة كيستافدو من هاد القضية وكتكون مربحة ليهم..أنور ودنيه عندهم وكيشوف وميز كل يخت كيداير واخا صبحو عظامو ضارينو وضربة لي على وجهو زرقة كتبين القتلة لي كلى لبارح ولكن لي فراسو فراسو يا بجواد يابيه..
أنور(مأشر بيديه لواحد اليخت كبير وعالي وزوين فخم) :
- هذا هذا عجبني على كاع لي وريتيني فالكتالوج
رضوان : اممم عندك ادوق أسي أنور هذا من بين اليخوت المطلوبة عندنا ولكن ضروري خاصني نهضر مع مولاه حيت صعيب الارضاء ديالو ومكيكريش لمن والى
أنور(بإصرار) :
- مكيهمش شوف شنو بغا والمتطلبات ديالو وشوف انت ونزار المهم هو هاد اليخت بغيتو اليوم قبل غدا خصوصا خاصو يوجد على قبل الحملة الإعلانية ديالي مفهوم أرضوان مانبغي حتى شي إعتراض..مشا رضوان باش يهضر مع المالك ديال اليخت وبقى غير أنور ونزار..
نزار : غادي يكون حتى جواد وجلال حاضرين ولالا؟..
أنور(شاف فيه) :
- شكون أيكولها ليهم الحملة لولة ماحضروش ليها شنو ايحضرهم لهادي ايحضرو غير ناس لي قايمين على الحملة والمعارف لقراب
نزار : ايتقلق بزاااف
أنور(كيشوف فالبحر) :
- مكيهمنيش يشرب البحر من ورايا على لي دار لبارح ايندم قد الزغب لي فراسو..المهم انا انمشي ماتخرج من هنا حتى تاخود الموافقة على اليخت وتقوم بالواجب كامل خود الناس لي مسؤولين باش يقادوه على قبل نهار الخميس تافقنا..(دار نظارات ديالو دشمس ركب فطوموبيلتو ومشا..جا رضوان عند نزار كيخبرو بالموافقة ديال المالك لليخت شي لي خلى نزار فرحان..
****
من بعد الخدمة مشات ماريا هيا وثورية يتقداو شوية ديال الحوايج على قبل هاد الرحلة خداو بزااف ديال الحوايج يكونو مناسبين للبحر..مانساوش أروى يفرحوها شوية من الكلسة والحصلة لي خلاوها غارقة فيها...سلاو ورجعو لدار وصلو دقة وحدة مع وسيم..
وسيم(كيطل على شنو جايبين) :
- كيبان ليا المول كاملو جبتوه معاكم؟
ماريا : واش عارف فالبنات الى مشاو لسوق مكاين غير هز وشري😂...دخلو لدار كيسمعو غير سقيل
ماريا : أول مرة نسمع الهدوء لا صداع لا والو
وسيم : عنداك غير جدة تكون دارت شيحاجة فأروى الله يستر...شوية سمعو صوت المشية دارو كاملين كاتبان ليهم أروى هابطة فواحد الحالة خلاتهم كاملين يطرقو بضحك...حتى بدات كتبكي شعرها مضفور مياات ضفرة ومطلسة ليه الحنة جبهتها كلها عامرة..
أروى(كتمسح دموعها) :
- لي ضحك يتبلى انتوما راشقة ليكم والله لا بقيت كلست فهاد ظار وانتوما مافيها العذاب هذا
- راه بالعكس الفوائد لي فالحنة مكايناش فهاد الصبايغ لي كيخرجو على شعر ويهلكو جلدة كتعطبك لون وااعر وكتخلي شعرك زوين ومايطيح ماوالو شفتي شعور لي عند جداوتنا كيداير تبارك الله ماسي كيبحال دابا
أروى : راه اختي الفوق طلعي طلي ليك لشعرك حتى تشبعي انا بغيتو يقراع ولا هاد الحالة تجنيد الإجباري هذا😢😢
وسيم : فين هيا دابا؟
أروى : ماعرفتش يمكن فكوزينة هيا وداك فركوس ديالها من صباح وهو مخزون عليها خايف منها دايرة فيه الرعب..شنو داكشي لي فيديكم(كتقلب بعينيها فياشيات لي هازين البنات)
ماريا : غير شي حوايج وبلاما يبقى فيك الحال جايبين ليك حقك
أروى(فرحات) :
- الله بعدا بعدا حاجة زوينة فهاد النهار
ماريا : وجدي راسك غادي نخرجو رحلة نهار الخميس
أروى😍😍 : بصح بصح ياحليلي ولفين ومعامن؟
ماريا : منها رحلة لخدمة ومنها تفويجة
أروى : الحمد لله بعدا بعدا نتهناو من المعسكر ديال جدة...شوية نباتها من اللور..
- فين غاديين ويعلاش كتهضرو نتوما؟
وسيم : والو أجدة غير كنا كنهضرو على واحد الرحلة لبحر
فاطمة(هزات حاجب وهبطات الثاني) :
- مكاينة بو ريحلة انا يلاه جيت وينتوما تيمشيو
وسيم : راه خدمة هادي أجدة وغير تهناي حتى انت انديوك معانا..
فاطمة : فيغكوس يالاه يجمع لي حوايجي راه خاصني مايو باش نيعوم...ماريا خرجات عينيها وشافت فوسيم
وسيم(شد راسو) :
- والله وتلبسم المايو حتى نتلاح من فوق داك اليخت انا نكولها ليكم من هنا...طلع وسيم لبيتو وبقاو البقية كيضحك...
- دازت أيام الأخرى غير فتوجاد تعديل الكاميرات ولي بروديو لي اتستعمل ماريا لوجها والحوايج لي اتستعمل فالجلسة ديال التصوير..
#يوم_الخميس.
قدام باب الفيلا واقف وسيم لابس تيشورت شيبية مع سروال فنفس اللون وصمطة فالقهوي..كل مرة كيشوف فساعة ديالو..
وسيم : واش انبقاو هنا راه قرب الوقت..تمات خرحة ماريا جارة شانطة ديالها..
ماريا : يلاه ساليت مكالمة مع بابا وماما علمتهم بلي انمون غايبة هاد الأيام..طلعها وسيم وهبطها من صباط لي كان فلون باج وكسوة فالبيض نص كم طويلة بلوريدات فالبيج وشابو فنفس اللون وساك نفس اللون من القش بدا كيصفر ويتغزل فيها :
- هاي هاي على زيونات ديالي أنا😍...
ماريا(كضحك) :
- مزال ماشتي زيونات ديالك لوخريت😉
وسيم (صغر عينيه وعوج راسو بستغراب)..تفتح الباب وخرجات ثورية هازة شانطة صغيرة كانت خداتها ليها ماريا...وسيم زول نظاظرو وخرج عينيه بصدمة مطلعها من رجليها لراسها صورتها كتعمي العين الكسوة الحمرا نارية لي لابسة لي جاتها كتفتن مع لون البشرة ديالها وشعرها وصندالة الكحلة لي ختارت العلو ديالها مايكونش عالي بزااف طالعة بالخيوط مشبكة ونظارات فنفس اللون...وقفات قدامهم مع إبتسامة بريئة :
- انا واجدة سمح ليا اسي وسيم تعطلت..وسيم مجاوبهاش غير واقف على نفس الوضعية حتى جراتها ماريا :
- زيدي احبيبتي ركبي الى حتى يفيق وهضري معاه دابا راه عقلو غايب...طلعات ثورية الشانطة ديالها وركبات حدا ماريا...عاد خرجات الجدة لابسة سروال دجين ودجاكيط مع تيشورت طويل شوية وبالغينة ونظاظر شوف..دارت حدا حفيدها مداهاش فيها مزال مصدوم رجعات وقفات وراه هزات عكازها ونغزاتو حتى فاق ونقز
فاطمة : أنتي من دابا ناعيس خلي الى سكتي بينا اش اديغ همم يلاه زيد زيد طلع لباليزة لكوفغ...طلعات فاطمة حداه وركب فركوس لور..عاد خرجات أروى..ركبات مع ماريا وثورية...شدو طريق نيشان لمارينا الجو كان زوين بزااف واخا شميسة ولكن البرد خفيف وزوين...وصلو لمارينا قدام اليخت لي سيفط ليهم نزار الموقع ديالو نزلو الشنط..او وقفو كيتسناو...خرج أنور لابس شورط وتيشورت داير مظارات شمسية وضحكة على وجهو لي تمسحات فاش شاف كترت الناس جايين مع ماريا كان كيظن غير وسيم وماريا حتى صدق كثرت الناس جايا...هبط لعندهم سلم على وسيم او وصل على ماريا باس ليها إيديها..
فاطمة : قيليت الاداب تبوس يدين صغارات ويدين لي كبار لا😑
أنور(حشم وباس يديها) :
- لا حاشا الالة الله أودي مرحبا بيكم
فاطمة(مكبراتش ليه الشان) :
- بيزيز مينيك وسيم انبقاو هنا بيزاف
وسيم : لا لا أجدة انطلعو دابا...تمو طالعين واحد بواحد ليخت حتى وقفات طوموبيل فلبيض سبور نوع جاكوار..نزل منها جلال بأناقتة كيقاد فحوايجو وإبتسامة على وجهو..ومن جهة لوخرا نزل جواد أناقتو كتلف انتباه الكل ليه الغموض على وجهو لابس شوميز فالأزرق سموي مبينة عضلاتو مع سروال صيفي فأزرق داكن جار شنطة ديال وغادي جيهت اليخت بكل غرور وقف قدام أنور وماريا..
أنور(بستغراب) :
- سي جواد ماعقلتش بلي عرضت عليك😑
جواد(كيستهزء) :
- اووه علاش مكالش ليك رضوان بلي صاحب اليخت خاصو يكون مع المدعويين يمكن نسى مكالهاش ليك ولكن انا هنا باش نفكرك😉..غمزو خلاهم وطلع...
ضارت ماريا شافت فأنور خلاتو وطلعات ليخت لي كان كبر من داك لي كانت فيه مع جواد المرة لي فاتت هذا عائلي مكانتش متوقعة يكونو هاد الناس كانو مابين رجال وعيالات بحوايج ديال البحر مستمتعين بشمس والهوا ديال البحر دورات ماريا راسها بانت ليها الجدة فاطمة كالسة على واحد الكرسي معاها فركوس كالس حداها ومخبي وجهو بواحد المجلة من الشمس عاد بان ليها وسيم كيهضر مع واحد من الموضفين ديالو المسؤولين على تصوير..لحقات عليه ماريا جاراه لتيساع..
وسيم : يااك لاباس؟
ماريا : ناري ماشفتي والو على صدمة جات لأنور
وسيم(بستغراب) :
- ديالاش؟
ماريا(كضحك) :
- السيد مكانش ناوي يعيط على جواد واخا نورمالمو خاصو يكون حيت شريك أساسي حتى وقف عليه وصدمو منين كاليه بلي هو مول هاد اليخت وضروري مايكون ناري وجهو كيف ولا حمر وماحملش راسو
وسيم : وانت اشويطينة بحال الى عجبك الحال وفرحتي حيت جواد ايكون معانا هنا امم😉😉
ماريا(كتنكر) :
- لالا أشمن انا باغية غير نتهنى منهم بجوج اش كتكول
- بصح بصح اجي كي كانبان زوينة انا اصلا زوينة ياك حتى حاجة مافيا خاسرة ولا ماشي حتى لهيه؟
وسيم(بنفاد صبر) :
- إيوا اش انكوليك الله يمسخك من عندي عيني فيه ويخ منو هيا ديالك...قاطعهم جواد داير يديه فجيابو ونظازر على عينيه مخبيين شوفات ديالو..
جواد : وسيم امور هيا هاديك مرتاحين؟
وسيم : هاد ساعة عاد بدينا نشوفو من بعد..شاف جواد فماريا وبرودة سولها :
- مادموزيل ماريا امورك مزيان...ماريا هزات حاجب ومهبطة الثاني بستغراب من الكلمة ديال مدموزيل لي عمرو خرجها من فمو
ماريا(كتهضر وتورك على كل كلمة) :
- أناا بيييخير الحمد لله شكون مغاديش يكون بيخير وهو وسط البحر..
جواد(مع إبتسامة استفزاز) :
- امم مزيان داكشي لي بغينا..تحطات إيد مابيضة ماسمرا بحال بشرة الميكسيكيات وعروقها الرقاق ماوضحينش بزاف مع ظفار طوال شوية مصبوغين بلون البيج..ودوراتو لعندها..
- جوااد هذا انت مماتيقاش راسي..بقى كيشوف فيها ماعرفش فين شافها..ماريا واقفة كتشهد على هاد المشهد الزوين او وسيم معاها كيشوف فيها ومترقب نظراتها لجواد ولبنت لي وقفات عليه..
- لا لا ماتكولش ليا ماعرفتينيش لهاد الدرجة تبدلت عليك لبنى ويلي😄
جواد(بصدمة) :
- لبنننننى ليبليب(عنقها وكيدور فيها)
لبنى : توحشتك بزااااف ناري صدفة زوينة والله لي تلاقيتك فيها متصورش شحال وانا كنقلب على نمرة ديال تيليفون ديالك لي بغا يلقاك بحال الى كيقلب على زغبة وسط لعجينة
جواد(جبد ليها حنوكها) :
- بغيت غير نعرف فين مشاو هاد الحنيكات وفين مشات ديك البيوضة كلها
لبنى(كضحك) :
- هوهوهو دابا راه وليت عارضة ازياء وماشي هنا فرنسا اسيدي زيدك هادي حتى هيا
- موسيو وسيم انا فرحانة بزااف لي تلاقيت بيك والله ماتصورش فرحتي قداش تبارك الله خدمتك وسمعة ديالك سابقاك
وسيم(دار جناوح) :
- اووه من دواعي سروري يمكن انت جديدة فلأزياء حيت ماسبقليش شفتك؟
لبنى : اه مزال جديدة على ضومين شي شغال قلال وصافي ولكن مقارنة بشحال هادي فراه كاين تطور كبير
وسيم : إبوا بون شونص فحوايج أخرين إن شاء الله..شافت لبنى فماريا لي كدور فوجها بحال الى مامسوقاش
لبنى(كتحقق فيها) :
- انت انت ماريا ياك الوجه الإعلاني لشركة أنور لمنتوجهم جديد عرفتك تبارك الله الاعلان داز على قنوات اجنبية كثيرة..
ماريا(مع ضحكة صفرا) :
- شكرا ربي يخليك..مشرفين
لبنى : انا مزال ماعرفتكش براسي انا لبنى
ماريا : مشرفين كايبان ليا كتعرفي مزيان لي هنا خصوصا جواد...شاف فيها جواد بستغراب
ماريا(كتحك فشعرها) :
- بغيت نكول سي جواد😃
لبنى : جواد حالة خاصة كنا ساكنين حداهم جيران قدااام بزااف كنت كنقرا مع خوه أمين كان داير عليها المدير الى حصل شي واحد غش ولا ماحفضش مزيان كيعجيه عقوبة😂
ماريا(بصوت منخفض) :
- داكشي فاش فالح غير فالعقوبات غير ماخرج شي قاضي حسن
لبنى : كيفاش؟
ماريا : ههه كتليك شوفي سنين لقاتكم من بعد هادي شحال صدفة غريبة
لبنى : ويااااه
ماريا(شدات فوسيم) :
- ونخليوكم ايكون عندكم بزااف دالحوايج تهضرو فيهم وتفكرو صغر...جرات وسيم غادية بيه وكل شوية دور وتشوف فيهم حتى نطر وسيم إيدو من دراعها
- بان لي عجبتيه العفيريتة شفتي كيف كان كيشوف فيك ومبسم
أروى : على اساس خاصو يغوبش وراه غير من صواب ناري شحال فيك زيدي زيدي...بان ليهم وسيم خارج من واحد البيت جاو عندو باش يوريهم البيوت فين ايكونو وهو مامنزلش عينيه من على ثورية لي حشمانة وغارقة فحوايجها...من بعد ماخداو فترة ديال الراحة جا وقت الغدا...تجمعو كاملين فالقاعة لي مخصة لماكلة كانو ناس كثار أغلبية ديالهم ماعرفات فيهم حتى واحد ماريا..
- كوليا شكون هاد الناس لي هنا؟
وسيم : هادو الأغلبية ديالهم شركاء وصحاب أنور يعني بان عليا نبان عليك
ماريا : اممم ماعرفتيش إيمتا انبداو تصوير؟
وسيم : غدا إن شاء الله مع صباح باش يكون ضو ديال شمس ماسخون مابارد...دورات ماريا راسها كتقلب على شي واحد معين لي هو جواد مبانش ليها حتى كتسمع الضحك جاي من جيهت الباب كتبان ليها لبنى ومعاها جواد..
لبنى : لا ضروري خاصك تجرب هاد العونة ديال ورا الغدا كتعوم كتدهن الجسم ديالك وتكى تسترخى غير هو ماتعمرش كرشك بزااف
لبنى : ههههه عرااافت انت انت ولكن مافيها باس نعلمك حتى انا ههههه جا الوقت لي نبين فيها البراعة ديالي عليك
جواد(شدها من ودنها) :
- واخا تكبري حتى تعياي اتبقاي ديك البنت الصغيرة لي كانت غليضة وكتموت على شيحاجة سميتها لاكريم بشوكولا...ماريا كانت مراقباهم ولداخل ديالها كيغلي بالغيرة كتاكل بحال شي واحد كانو سادين عليه وعمرو ماشاف النعمة..
وسيم(كيشوف فيها) :
- غير بشوية لماكلة مغاديش تهرب راه اتنفخي اصكعة
ماريا(كاعما هامها) :
- غير خليني نتنفخ انا بغيتهم يخرجوني بالبومبية وبداك طراكس
وسيم : رجوع لله واش واقعة شيحاجة؟
ماريا(خنزرات فيه) :
- وسيم خليني عليك هاد الساعة راه القردة طالعة ليا وبغيت امعامن وبناقص من هاد الغدا كاع انا انمشي لبيتي نبدل عليا ونمشي نتشمش شوية ونقدر نتلاح فالبحر على وعسا ياكلني الحوت...خلاتو غير مبهوض فيها ومشات..
وسيم : إيوا لي شاف شيحاجة يكول الله يستر وصافي..
- خرجات ماريا من القاعة تحت أنظار جواد لي مافرقوهاش حتى لحظة..غادية وكتزرب فالمشية حتى سدات عليها باب بيتها...لاحت طربوش ليكان على راسها كتعسف عليه بالفقصة..
ماريا(غادية جاية) :
- وانا مالي زعمة على هاد الحالة هو حر فحياتو يدير لي بغا وانا مالي لا لا اوووف ياربي كنكدب على راسي راه باينة كدها كداش بلي كنبغي داك بوراس وغارقة حتى لودنية او واخا نطير ولا نزل ونغيب سينين ونحاول نساه والله لا نسيتو واخا نحاول نتقرب من اي واحد ونبعد عليه ونستفزو راه مايمكنش انا راه كنبغيه راها باينة لعما فوسط الظلمة..
- كليات شادة راسها بين يديها كتحاول ما أمكن تهدن..تدق الباب ديال بيتها علات راسها او وقفات..
ماريا : شكون؟...جاها جواب من أنور..
ماريا(لداخل ديالها) :
- صبحنا على الله ونبي رسول الله اش بغا هذا عاوتاني..رسمات ضحكة صفرا على وجها وفتحات ليه الباب..
ماريا : وي أنور كاينة شيحاجة؟
أنور : لا غير شفتك ماتغديتيش وخرجتي بزربة كلت ياكما تكوني عيانة؟
ماريا(يإبتسامة مزيفة) :
- لالا غير راسي لي ضرني شوية وكلت نرتاح هذا مكان
أنور : الى بغيتي نعطيك شي اسبيرين ديال راس
ماريا : لالا انا حلفت مابقيت نشد ولا ناكول شيحاجة من عند شي واحد😑..
- سمحيليا على داك النهار انا مكنتش ناوي يوقع لي وقع وزايدون راه خلصت على ديك الفعلة واخا ماشي انا سبب وداكشي مكانش ديالي ديال نزار وطحتي فيه انت وكمل عليا جواد بسلخة لي عطاني لي مزال الاثر ديالها على وجهي...ماريا لداخل ديالها عجبها الحال على مدار جواد وفنفس الوقت ضحكات بستهزاء :
- أنور نتفاهمو على واحد الحاجة باش من هنا لقدام مايوقع حتى سوء تفاهم بيناتنا واخا اولا انا مكايهمنيش داكشي يكون ديالك ولا ديال نزار شغلكم هذاك مشكل وغلط وقع ونسيتو تاني حاجة انا وانت مابيناتنا والو من غير خدمة نعار لي غادي تسالي كل واحد ايمشي فطريق وراه مابقا ليها والو وتسالي أصلا غير باش نكونو مفاهمنين..شاف فيها نزار واحد شوفات فشكل...هز يديه لعند شعرها خلاها تغوبش وترتابك وتبعد..
- على أشمن علاقة كتهضر بضبط وأخر مرة عفاك تحط يديك عليا راه مزال مكتعرفني مزيان انا وياك بيناتنا خدمة هادشي لي كاين الى كنتي انت كتخيل شي حوايج فدماغك انا ماشي مسؤولة عليهم ودابا عفاك خليني بغيت نرتاح شوية...رجعات باللور وسدات ليه الباب على وجهو..
أنور : مزال مساليناش الهضرة أماريا ومزال ماكلت كلامي لأخر..عطا لباب بظهر وتم راجع منين جا...خرج جواد لي سمع الهضرة كلها لي ضارت بيناتهم إيديه جامعها على شكل قبضة والأعصاب باينين ليه فوجهو مكرهش يهرس وجه أنور ولكن الناس وشوهة ولكن هاد الفكرة تقدر تراجع عندو الى مشا حتى قرب مرة خرى لماريا ولا قاس شعرة وحدة منها..
ماريا رجعات لبيتها شادة فراسها وكدور تعصبات بما فيه الكفاية فتحات الدريسينع ورجعات لبليزة ديالها فتحاتها وبدات كتهز فحوايجها وتستف من بعدما سلات هزات لاتروس ديال الحمام ودخلات لدوش طلقات الما سخون مع بارد حتى خدا حرارة مزيانة كانو زيوت عجرية محطوطين دارت منهم شوية ودخلات وسط من الما غمضات عينيها كتحاول طرد كاع الأفكار الخايبة من راسها وترتاح وداكشي لي كان حسات بواحد التقل كيتحيد من على كتافها وديك طاقة السلبية لي كانت عندها بدات كتمشي بقات فالحمام مدة ساعة حتى بدات كتحس بلما بدا كيبرد غسلات شعرها ولوات راسها فالبينوار وخرجات خدات بيجامة قطنية باردة لبساتها نشفات شعرها بفوطة وتكات فبلاصتها تنهدات تنهيدة طويلة وستسلمات لنعاس...
- ماعرفاتش شحال ديال الوقت بقات ناعسة ولا كيفاش حتى نعسات لي فيقها هو دقان فالباب ديال بيتها قفزات من بلاصتها شافت جيهت السرجم كيبان ليها بدا الحال كيظلام هزات ساعتها كتبان ليها 7ونص..
ماريا(شهقات) :
- ناري نعست كاع هاد الوقت واخا نكون فغيبوبة...ستمر الدقان على الباب لي عاد نتابهات ليه بدات تجر فرجليها من فوق نموسية وهبطات كتعكل مدوخها نعاس دورات لبوانيي وفتحات الباب..لقات وسيم قدامها خلاتو ورجعات..
وسيم(كيشوف فيها) :
- لا تبارك الله عليك لالة مولاتي مشبحة شابعة نعاس ودنيا مقلوبة وراها ماعندي مانسالك
ماريا(كتحك فشعرها) :
- ماتزيدش فيه راه غير داني نعاس وماعقتش بالوقت
وسيم : لا من نيتك جات ثورية دقات والو وأروى او والو خلاو الباب وانا من الصباح وانا كندق تخلعت كلت بيك شيحاجة
وسيم : غير لمعلوماتك لبنى لابسة آخر صيحات الموضة لون الأخضر جا معاها ومع طولة ديالها...ضارت ماريا كتشوف فيه شوفة ديال القتيلة ورجعات عطات الانتباه ديالها لحوايجها...
وسيم خارج من بيتها وهو كينكر..
- مافهمتش زعمة علاش هاد الكسوة بضبط لي لابسة عطى الله الكساوي مالقيتي غير هادي مشعشعة بحال ضو الحمر
ماريا : هادشي لي عطا الله وسوق وانا كيعجبني الحمر..ماريا ختارت هاد الكسوة لي كانت فلون حمر هابطة من عند صدر ومنفوخة جيهت الخصر ديالها مع صندارة عالية فزرق وساك مدايرة والو لوجها من غير مرطب شفاه ورشة من ريحة ديالها..
وسيم(كيخنزر فيها) :
- ماعرفتش مالك هاد نهار ماشي على برجك شي حاجة كاينة ومافخباريش
ماريا(كتشوف فجنب البحر وفضواو لي مزينين الباطو كاعما مسوقة) :
- والو غير تاخدت واحد القرار بيني وبين راسي باش نتعامل برود وندير لي كاليا عقلي ومخي والبصلة سيسائية لي كاينة فهاد الجمجمة ديال راسي منديرش غير لي مفروض مني نديرو ونرضي بيه غيري باش نبان ضريفة هذا مكان
وسيم(كيضحك) :
- وعلاش انت فين عمرك كنتي درتي الخاطر لشي حد كديري غير لي كاليك راسك..دورات راسها وشافت فيه
ماريا : وهاد المجية لوسط لبحر وهاد عالم الموضة وهادشي كامل دخلت ليه بإرادتي فين كنت كنحلم انا أصلا ندخل لهاد العالم كونماشي انت وعلى وديتك انت ولا نسيتي😐
وسيم : ولكن أصاحبتي متنكريش بلي عاجبك الحال😉
ماريا : والله معاجبني شي حال وكيفما كلت ليك غير نساليو هاد العقد عمري مزال مانحط وجهي فشي مجلة..بكلامها قطعات أخر أمل عندو باش تستمر فهاد الخدمة سكت حيت خاصو يحتارم الرغبة ديالها...وصلو لقاعة فين كاينة الحفلة ديال العشا غير شافوها أروى او ثورية جاو عندها كيجريو..
وسيم : غير جبدنا سيرت النمر هاهو دخل ثورية أجي معايا...جر ثورية من يديها وخلاو ماريا او أروى..
أروى(قربات لماريا وكتغمزها لجيهة جواد از لبنى لي داخلين بجوج كيضحكو وهيا دايرة إيدها فدراعو
أروى : شوفي شوفي كيف كتبان بحال عارضات الأزياء لي فمجلات اما هو خلااص ياختي..غوبشات ماريا وهزات راسها فيهم بزز كانت لبنى ملصقة دراعها فدراعو لابسة كسوة فالخضر بالخويطات هابطة براحة على الجسم ديالها مبنية منحنيات الجسد ديالها دايرة طوانك كبار فدهبي فودنيها لبسة جات مع لون البشرة ديالها البرونز اما جواد لي خطف أنظار الكل فطولتو وتجريدة ديالو الوسامة ديالو الطاغية ولون سمورية لي خداها من الشمس ديال البحر ديال ورا ظهر كان لابس سروال دجين بلو مارين مع شوميز فالبيض وفيست فبلو مارين رجولتو الطاغية كاتحبس الانفاس...دورات ماريا وجها باش مايحصلهاش كتشوف فيه ورجعات كتشوف فأروى..
ماريا : غادي تبقاي كتشوفو فيهم بزااف ايحسابليهم غير كنهضرو عليهم
أروى : على أساس زعمة دابا حنا مكنهضروش عليهم أجي زعمة يكون كان بيناتهم شيحاجة هادي شحال؟
ماريا(عوجات فمها) :
- انا يلاه بنت فحياة جواد مكنتش شحال هادي باش نعرف وحنا مالنا ياختي مالك فضولية وكدخلي فشغال لي ماليكش..
أروى(هزات كتافها وهبطاتهم) :
- انا غير هضرت وصافي حنا غير مجمعين مالك نايضة شاعلة من نعاسك
ماريا(عوجات نيفها كتشمشم) :
- شمي شمي الله ياربي على ريحة😍
أروى(كتشم بحالها) :
- ياك لاباس ماشميت والو
ماريا : علاش انت أصلا فين عمرك كنتي كتشمي شميت ريحة القهوة الله ياربي على ريحة فخبارك واحد الحاجة وهادي لأول مرة أنكولها لشي واحد حلم حياتي نفتاتح قهوة خاصة للقهوة بجميع أنواعها كنموت على الفهوة بعطورها ومكونات ديالها الله ومغادي نمشي حتى نديرها وهانتي وهنا😉
أروى : داكشي لي بقا خاصك غير القهوة..
ماريا : انا أصلا حمقة لي كنعاود ليك أش فهمك فهادشي أصلا انا خارجة لبرا مشم ريحة البحر..خلات اروى وراها وخرجات لبرا حطات إيديها على جنب الباطو البرد كيلعب بشعرها غمضات عينيها وخدات بزااف ديال الهوى لرية ديالها جا فبالها صورة جواد وهو داخل مه لبنى شاد ليها فيديها كيف كالت أروى باين كانت بيناتهم شيحاجة قديمة هذا شحال كانت كيبغيه ويبغيها حب صغر غير شوفات وضحكات لي كيدير معاها عمرها شافتهم منو شي نهار ضحكتو وهو كيهضر معاها وعينيه كيبريو كتاشفات بلي جواد مدوزها من صغرو حتى لكبرو باين كان عندو سحر خاص فاش كان صغير ودابا تزاد منين كبر خصوصا واحد فالمكانة الاجتماعية ديالو البنات حداه بحال النحل..
- خودي هاد الكاس ديال القهوة ايحسسك بسخونية من هاد البرد لي هنا...صوت لي كيتردد فودنها ولي مولاه يلاه كانت كتفكر فيه..دارت لعندو بشوية عنقو البرونزي كيبري تحت ضو ديال القمر مع الإبتسامة لي على شفايفو...وعات بلي بغات تاكلو بعينيها رجعات لوعي ديالها وشدات كاس دالقهوة لي كان مادو ليها..
ماريا : شكرا..
جواد : العفو...
خدات القهوة بين إيديها وسرحات فالبحر..
ماريا(كتهضر بلا تفكير واخدة راحتها) :
- أحسن بلاصة هيا البحر كتحس بواحد الراحة مكاينش بحالها كتنسى راسك وتنسى همومك غير كتشم ريحة ديال البحر كتحس بواحد التقل تحيد ليك من فوق قلبك وخصوصا فليل ومع ريحة القهوة ياسلام..سكتات وماسمعات حتى جواب منو دورات راسها شافت فيه عينيها تلاقاو مع عينيه لي كانو متبعينها أي حركة دارتها لعينيها ولا فمها وهيا كتهضر على لي كتحس بيه حسات بالاحراج وحمارو الخدود ديالها..
جواد(مفيكسي عينيه على عينيها) :
- البحر كيزيد يزيان إلا كان معاك ونيس إنسان كتبغيه وكترتاح معاه ماشي بضرورة يكون حبيب يمكن يكون أخ وصديق
ماريا(تبسمات) :
- بصح عندك الحق...دورات راسها كتشرب من قهوتها وقفات جامدة على لمسات ديالو لوجها شد فيديه خصلة من شعرها كيدورها بين صباعو
جواد(بجرأة ممنزلش عينيه عليها) :
- كتباني بحال وردة فوسط البحر غير مكاتزيدي تجنيني فاش كنشوفك مكنعرفش شنو ندير كنبغي نتجاهلك ونتعامل معاك كيفما كتعاملي معايا ولكن الأنوثة ديالك كتأسرني كتخلي المشاعر ديالي كلها تحرك...ماريا حسات بالبردة طالعة ليها من رجليها وتبوريشة فكتافها دارت حركة وضارت عندو وياريتها مدارتها حيت ولات بين إيديه حيد ليها الكاس من يديها وجرها عندو شد وجها بين إيديه كيتأمل الملامح ديالها ويستنشق ريحتها مغمض عينيه ومستمتع بهاد اللحظة لي مابغاهاش تسالي حل عينيه وشاف فعينيها تجاوب معاه وقبول من نحية ديالها قربها عندو كثر وكثر حتى تلامسو شفاه ديالهم فقبلة أسطورية كلها مشاعر دافية ماريا ولات بين إيديه بحال شي فراشة طلعات إيديها ودوراتهم على عنقو إيد محطوطة وإيد كتلعب بخصلات شعرو... حركاتها خلاتو يزيد فلبوسات ديالو لي تحولو من بوسات دافيين لبوسات عنيفة كلهم رغبة..
- جواااد جوااااد انت هنا....صوت خلا ماريا ترجع للوعي ديالها وتفيق طلقات منو دغية ورجعات بلور وهو بدورو بحال إلى فاق...كيبان ليها ملامح ديالو جامدة...كيعاير بصوت منخافض محملش راسو...شاف فماريا لي ملامحها دافية تحولو لملامح مامفهومينش...
جواد : سمحي...مخلاتوش يكمل
ماريا : بلاما طلب سماحة حنا بجوج بينا غالطين انا وانت يمكن غير الجو ديال البحر أتر علينا وخلانا نديرو لي درنا..
جواد(شدها من دراعها مزير على الفك ديالو وعروقو بارزة) :
- كتسمي لي طرا بيناتنا دابا غلطة الله ينعل الوقت لي تقربت ليك فيه هاد العقل لي متقلة بيه والأفكار باش كتفكري حاولي شوية تصلحي من راسك وتبدليهم ...دفعها ومشا خلاها وراه غير كترعد كلها شافتو حتى شد فدراع لبنى لي كانت كاتقلب عليه ودخلو للقاعة...
- جات أروى كتجري عند ماريا من بعدا ما شافت جواد خارج بحال الاعصار ..
- كاليك الالة عقلي خاصو يتبدل مكنعرفش نفكر غير متقلة بهاد المخ لي عندي
أروى : ويلي وعلاش؟
ماريا : غير حيت السيد لقى الفرصة ولغفلة وجا لعندي باسني بلا حشمة بلا حيا وغير سمع صوتها نقز طار من بلاصتو خاف المرا لا تحصلو نهار على نهار فكرة الرجال كتزيد تبان عندي مزيان بلي مايسواوش منين جينا وهو جنبو مكايخطاش لالاهم لبنى وغير لقى الغفلة كال شنو ندير اجي نشوف دبك الهبيلة ديال ماريا ندوز بيها واحد 5دقايق خلاني كولي كنترعد وانا كي لحمارة شايط عليا فمي تلاحيت بين يديه بحال شرويطة الله يعطيني الذل لمدلدل..
ماريا : دابا ماسمعتي حتى حاجة من لي كلت بانت ليك اديك البوسة بغيت لفمي لفلفة باش عمري نعاود..
أروى(كضحك) :
- ههههه أختي جواد نكولو صراحة رجووووولة وكاريزما وطولة وتجريدة يعني راجل بمعنى الكلمة منضمنش ليك دوبي بين يديه تاني وتالت ورابح وعاشر مرة..
ماريا(تبسمات ليها) :
- وعلاش لا😍...الهضرة ديالها الحلوة رجعات شريرة ..
ماريا : كنفضل نعس فالقوادس مع الفيران وطوبات ولا يحط عليا يديه مرة خرى وهانتي وهانا😈
سالة داك العشا واحد مكايشوف فواحد غير تعشاو نساحبات ماريا دايرة العدر بلي بغات تفيق غدا فصباح بكري على قبل التصوير...
- دخلات لبيتها حيدات صندالتها لاحتها حدا الكوافوز بدلات حوايجها بسروال بيجامة ديال القطن مع تيشورت مسحات وجها دارت مرطب وتكات فبلاصتها مطلعة رجل ورجل مهبطاها وكتفكر فليوقع بينها وبين جواد كونما جات لبنى فديك لوقيتة شنو كان غادي يوقع دغيا ستسلمات ليه دغية مكانش عليها دير هكاك ولكن فات الفوت المهم مابقاتش تعاودها عرفات الغلط ديالها ومابقاش غادي يتعاود...
ماريا(جرات عليها الغطا) :
- اوووف براكة من كترت تفكير نعسي حسن ليك نعاس عو لي غادي يفيدك وانت راسك خدامين فيه المطارق..غطات راسها حاولات ما أمكن تنعس بكري ولكن ماقداتش تنعس حتى ل2 ديال الليل نعاسها مكانش مزيان كلو حليم وشي حليم مخربق تفيق وتنوض مانعسات مزيان حتى لجوايه 4 عاد نعسات..
- مع 9 ديال الصباح فاقت على دقان فالباب..
ماريا(كتشبه وتحاول تحل عينيها مغوبشة) :
- شكون كيدق فهاد الوقت الله ياربي مايخليو حتى واحد ينعس...جرات ساعتها كتشوف 9 ديال الصباح شهقات وطارت من بلاصتها توقيت ديال التصوير هو هذا..
ماريا : انا جايا بلاتي...فتحات الباب تلاقات مع وجه وسيم حاط يدو على جنابو وكيخنزر فيها..
ماريا : والله مادرتها بلعاني والله حتى داتني عيني
وسيم(كيغوت) :
- بسيف أختي تديك عينيك علاش لي سهران ليل كامل معاش بغيتيه يفيق
ماريا(بستغراب) :
- باش عرفتيني كنت سهرانة😕؟
وسيم : شوفي وجهك فالمرايا تحت عينيك كحل وجهك مخطوف اللون منو باينة لعما بلي كنتي سهرانة
وسيم : حمامة😂😂..يلاه سربينا خلاص راه تعطلتي الشريفة عندنا تصوير زعمة...خرجات ماريا من الحمام كتمسح فوجها..
ماريا اغير نبدل حوايجي وانا معاك
وسيم(جرها من يديها) :
- علاش انا انتسناك حتى تبدلي وتقادي علاش جايبين معانا أمينة يلاه هيا اتكلف بكلشي...حرها وسيم وخرجها بالبيجامة وصلات لفوق اليخت لقات كاع طاقم ديال تصوير واجدين لي كايقاد الإضائة واخا نهار ولي كيقاد الكاميرات كل واحد وباش مكلف...دورات وجها فين واقف أنور كيبان ليها بلي ماشي بوحدو خرجو عينيها منين شافت جواد واقف مع أنور أشنو جابو هذا لهنا كتهضر مع راسها طلعاتو من سروالو الفضفاض البيض حتى وصلات لشوميز ديالو لي مفتوحة كلها كتبين على صدرو العريان...بلعات ريقها ودورات وجها لعند وسيم..
ماريا : هذا شنو كيدير هنا؟
وسيم(بستفهام) :
- شكون ؟
ماريا : جواد عمرو ماحضر لتصوير اش جابو ليوم زعمة حتى حاضر؟
وسيم : ماتنسايش بلي هو شريك الكبير لأنور يعني يحضر وقت لي يبغى
ماريا : مكنحملش شي واحد يبقى مقابلني شنو كندير وزايدون يتستر وهو عريان
وسيم(هز حاجب وهبط تاني) :
- دابا انت بيك جاي يتفرج فيك ولا حيت عريان فهميني وانت شغلك ياك كاعما كيهمك واناري شحال فيك ديال تبوحيط زيدي خلاص كنضيعو الوقت غير هكاك...جمعات ماريا فمها وحدرات راسها ومشات عند أمينة باش توجدها...وسيم مشا جنب جواد وأنور وماريا تكلفات بيها أمينة أول لبسة ليها كانت كسوة طويلة ديال ستينات فالحمر غير بالخويطات كتبري فيها فتحة من جيهت الفخض مع صباعيلت ستان طواال فالكحل شعرها سرحاتو ليها متموج ركبات ليها شفار مع خط أيلينر وأحمر شفاه بحال لون الكسوة... خرجتها لقام اليخت تما فين كان تصوير...
وسيم(كيصفق بيديه) :
- يلاه كل واحد ياخد بلاصتو ماريا واجدة الى كنتي واجدة عطيني ابب إشارة نبداو اوك تصرفي على طبيعتك وماتنسايش العصير اوك حبيبتي...أشرات ليه ماريا براسها مشات عينيها نيشان لجواد لي داير رجل على رجل كيشوف فيها مامنزلش عينيه من عليه مابانش ليها أنور لي حتى هو عينيه بغاو ياكلوها حاولات تجاهل عينين جواد وتنسى بلي هو كاين باش تقدر دير الاشهار مزيان حولات عينيها لوسيم تبسمات ليه وكالت :
- أنا واجدة يمكن لينا نبداو دابا..
قد يحُبك الكثير وأنت بالمُقابل تحُبهم لكن هُنالك شخصا مختلف تجد أبسط الأشياء منه تسُعدك حتى وإن نطق إسمُك ..!
****
ماريا كانت عفوية فتصوير ديالها حاسة بجوج عينين بحال ديب مقابلينها ولكن خاصها تسالي خدمتها مافيها لي تبقى تعاود اللقطة ألف مرة كتحس براسها باغية غير تكا تحت براسول وتشم ريحة البحر وترتاح..
- عيانين؟ لا راه وقيلة غير مانعستيش مزيان وبانو ليك عيانين
أنور(بستغباء) :
- لالا ناعس بيخير غير انا بحال الى تكولي عندي نظرة فنية وجاوني خاصك تعاوديهم خاصنا نبينو الفتحة لي فجنب شوية تجي مغرية أحسن هكا غادي نخليو الكليان يشري المنتوج بحال الى أنغريوه فهمتيني😉
ماريا(مبسمة وكتغلي من الداخل) :
- واقيلة أسي أنور نسيتي بلي هذا اشهار ديال عصير ماشي اشهار ديال شوميزات دو نوي الى بغيتي الاغراء عطا الله الموديلات ديالو ولكن انا ماشي وحدة منهم(شاف فوسيم) وسيم انعاودو اصاور ولا صافي نمشي؟
وسيم : تصاور هوما هادوك غير سيري ابب دوشي ورتاحي...ضربات فيهم ودازت من حدا جواد مشات نيشان لبيتها...
ماريا : كاليك الاغراء صبر من عندك ياربي ماتخلينيش ندير فيه شرع يديا الباسل لاخور ييخ...تدق الباب ودخلات أروى..
ماريا : عصبني داك أنور بغيت ليه جهل قسما بالله وكونماشي هاد الخدمة وخفت على وسيم والله لا ضربت فيها ضربة الله يعملني نرجع وانا كنعوم المفلس الباسل لاخور زيغ مايسواش كاع لي كاليا جواد عندو فيه الحق المفشش كاليك الالة تصاور نعاودوهم خاصهم يكون فيهم الاغراء وشوفي ليك ضسارة كيدايرة عند بالو انا شي عارضة أزياء ونخوة ومنقدش ندافع على راسي والبريستيج ولي دارها انسكت انا راه كنت غير على قد الحال ونهار خدمة خدمة افقهوة ديال البيتزا واسفيوية والله ويمشي يفوت حدو معايا حتى نوريه والله لا سكت ليه انا ظريفة وكولشي ولكن لواحد يقلل عليا الحيا ويبغي يدير معايا الفعايل الخايبة ديال زنقة والله مانسكت ليه انا دابا ساكتة وحادرة راس ولكن يزيد كتر من هكا انصدق معاه فشي طاب وشي مطاب وغير خليه يجبدني اخليه..
أروى : صافي تكالماي ماوقع والو راه الما وقفتي الواحد عند حدو كيعتابر ظرافتك غير ضعف منك وكيبغي يستاغل هاد الحاجة لصالح ديالو بنادم عطاك كلمة نعطيه 10 وبالقانون الله يهدي هاد الناس والله ماعندهم علاش يحشمو والله...
ماريا(كلسات) :
- أعوذ بالله من الشيطان الرجيم أستغفر الله العظيم وأتوب إليه ماعليناش نساي شكون لي شفتي وجايا فرحانة وعينيك كيبريو؟😉
أروى(ضحكات) :
- هو طويل ياك إيوا وبيض شعرو رطب عندو موستاج خفيف وماعندوش اللحية وضريف وسميتو جلال..
أروى : لا صافي انا غادية يلاه...خرجو من بيت ماريا تلاقاو مع وسيم خارج من بيت جداه..
ماريا : خالتي فاطمة مغاديش طلع تفطر معانا؟
وسيم : يلاه كنت عندها طالع ليه طونسيو فطرتها وعطيتها دوا ديالها وخليتها ترتاح باش يهبط ليها
ماريا : ناري مسكينة اندخل نطل عليها
وسيم(وقفها) :
- غير خليها دابا حتى لمن بعد وطلي عليها دابا راه نعسات هيا هكا كيوقع ليها كنكول ليها داك كترت الغوات ايطلع ليك السكر وضغط ولكن معامن كتهضر بحال الى كتخوي الما فرملة
ماريا : براكة لا تسمعك يلاه اطلع تفطر فين ثورية...تفتح الباب وخرجات تورية بواحد الكسوة بحال شكل سالوبيط فالخضر جات مع لون شعرها..
ثورية : صباح النور علاش مجموعين هنا؟؟..ماريا نغزات أروى شيرات ليها جيهت وسيم لي بقى حال فمو فيها..
ماريا : لا أحبيبة مكاين والو غير تلاقينا وصافي صباح نور بعدا راكي منورة هاد الصباح باينة مغاديش تنزلي من هاد الباطو حتى بكون فيديك شي خطيب ياك أوسيم...وسيم عاد فاق من الكلبة ضار عند ماريا وتبدل لون وجهو وملامحو..
وسيم : أشمن خطيب غير مساليين ليها اصلا كاع لي هنا جايين على وديت الخدمة..
ماريا : انا بعدا ماشفت خدمة وزايدون الخدمة غير الصباح وثورية فنة وغزالة ألف واحد يتمناها انا ضامنة بلي مغاديش تنزل من هنا حتى تخطب والما تخطبات انا غادي نخطب ليها شي واحد
وسيم(هاز حاجب ومهبط الثاني) :
- علاش بدلتي حرفتك وليتي خطابة دخلي سوق راسك شوية وخلي عليك البنت شكون كاليك هيا باغية تزوج زوينة هادي
ماريا : وانت مالك تقرصتي محامي ديالها ولا واصي عليها عندها والديها ونهار تكون شيحاجة هوما لي غادي يكولو واش تزوج ولالا..
وسيم : دوك تحريميات ديالك مديريهمش عليا ثورية أجي معايا ماتبقايش تسمعي لهاد خيتي راه معندها شغل...شد لثورية فيديها داها معاه وخلى ماريا وأروى ميتين بضحك من وراه..
أروى : وراه شفتووو يحسابليه بلي عاميبن زيدك الخوينز لاخور حتى هو ضحكني
ماريا : ودابا والله لا تفاكيت معاه ابيا ولا بيه حتى يولي يزاوك ويتزوج بيها بلا ميجال..
أروى : ويلاه عفاك فيا جوع..
ماريا : زيدي لي ضاربك ضاربك على كرشك الله يستر...
****
فوق اليخت كان البيفي موجود ديال الفطور كل واحد فضياف واخد الراحة ديالو لي كيفطر ولي سالة مجبد كيتشمس كل واحد وهو..
نزار : عمري كنت كنظن بلي شي بنت اضور ليك عينيك كيدرتي ليها
جلال : انا هابط من زحل بحالي بحال جميع الرجال عندي مشاعر وقلب وحتى انا كنحس
نزار(كيهز فحجبانو ويضحك) :
- عند بالي كاع لي خدام مع جواد ميت ليه القلب بحالو
جلال(عقد غوباشتو) :
- نزار أخر مرة تجبد جواد على فمك بشي كلمة ماهياش ومتندمنيش حيت عاودت ليك..
نزار(هز إيديه علامة ستسلام) :
- سمحليا أنا غير ضحكت معاك وديرني أسيدي ماكلت ليك والو بغيت نشوف غير هاد البنت لي ترسخات ليك فعقلك..
جلال : وعلى هاد البسالة لي فيك مغادي نكوليك والو..شوية بانت أروى هيا وماريا...جات عين أروى فعينين جلال لي منزلهمش عليها وحتى هيا هكاك والحشمة باينة على وجها..
جلال : صباح الخير الجو زوين اليوم صباح الخير مدموزيل أروى...
اروى(بخجل) :
- صباح النور
ماريا : الجو زوين بزااف ديال العومان كيبان ليا فطرتو
جلال : أه يكما نجيب ليكم شيحاجة؟
ماريا : لا بلاما تعذب راسك انمشيو لطبلة وناخدو لي بغينا يلاه نهاركم مبروك..جرات ماريا أروى لي حادرة راسها تكول الخطاب جاو فيها..وصلو عند الطبلة خدات كل وحدة طبسيل كدير فيه لي بغات...يلاه اتحط يديها على واحد بتي بان جاو فيه جوج يدين..دارت ماريا مبسمة..
- غير خود ماشي مشكيل..
(الشخص مع إباسامة حيوية على وجهو) :
- لا حشومة كيكولو الناس لي فام دابوغ ولالا؟؟
ماريا(ضحكات) :
- صراحة هادشي كانو كيكلوه شحال هذا أما دابا مابقاوش كيديرو بيه...مد ليها إيديه
- نقدم ليك راسي بعدا عماد
ماريا(مدات ليه إيديها حتى هيا) :
- ماريا..
عماد : مشرفين بالموديل ديالنا
ماريا : غير على قد الحال وصافي..
عماد : لالا كاينة شي براكة الله أودي على مبان ليا انت ماشي من نوع لي كيبغي الشهرة ياك كتباني ليا اتكوني غير شي فنانة ولا شي أستاذة بحال هكا..
- باااز ليك الله يعطيك شي عقل...هزات طبسيلها وكاس ديال العصير وتلحكات بأروى لي بدات كتاكول ومقابلة قنت واحد فين كاين جلال...كلسات ماريا حداها وعماد مقابل معاهم بجوج بيهم مع حجات ماريا طبسيل قدامها وعلات عينيها كيبان ليها جواد متكي على الكرسي لابس شورط زرق والفوق عريان وحداه لبنى لابسة ضوتي مع كيلوط فزرق كتبرونزا وكضحك على شي حاجة كالها ليها...دغية ماريا دورات وجها عليهم وناتبهات لعماد لي كيسول فيها...
- إيوا الموديل ديالنا هيا هاد ضومين غير خضرة فوق طعام ولا كدبت اه قدمي لينا بعدا غير صاحبتك حشومة عليك وعار😁
ماريا : أروى صاحبتي أروى هذا عماد..
عماد : مشرفين
أروى : مشرفين(ورجعات عينيها فين كان جلال)..
عماد(كيضحك) :
- صاحبتك خارج تغطية غرقات هبطات بيها سفينة
ماريا : هانتا تشوف باش نجاوبك على سؤال ديالك أسيدي فعلا هادشي غير كيف كيكولو فوق شبعة يعني فوق خاطري وصافي..
عماد : وعلاش مديريش شيحاجة لي تعجبك أنت وترتاحي فيها أنت
ماريا : قريب إن شاء الله مكلتيش ليا شنو كدير انت هنا
عماد : كون ماكنتش أنا اتبقاو بجوع وماتلقاو متاكلو😉
ماريا : كيفاش زعمة نكتة جديدة هادي؟
عماد : لا والله مانكتة كنهضر بصح علاش كونما كانتش هاد الماكلة اتبقاو بجوع وكون مكانش الطباخ مغاديش تكون هاد الماكلة
ماريا(حلات فمها فيه) :
- لااااا متكولش ليا انت طباااخ؟
عماد : ايواااان طباااخ جاتك فشكل؟😂
ماريا : والله مابينا عليك كتبان بحال شي...قاطعاه :
- ولد الفشوش يااك هههه هو فعلا والديا ناس بخيرهم الواليد ديالي كان بغاني نكون محامي كبير ماخلى مدار قريييت القانون باش ندير ليه الخاطر وتخرجت محامي ولبست لبسة على قبلو حدي ترافعت فواحد الجلسة ونجحت وكسبتها حطيت الكسوة عمري لبستها مزال ودرت لي بغيت وتخصص لي بغيت داكشي باش كتليك ديري لي بغيتي انت وكترتاحي فيه..
ماريا(كتعجب) :
- برافو ليك والله ماعندي مانسالك عندك الارادة والعزيمة
عماد : الارادة والعزيمة هوما كولشي
ماريا : صراحة تبارك الله عليك الماكلة بنينة بزااف
عماد : انا عارض عليك منين نوصلو لجزيرة كاينة غير هنا صغيرة هيا غالبا غير ديال الصيد ولكن الناس كيزوروها زوينة انتشاركو انا وياك فالغدا انطيب أنواع كثيرة ديال الحوت والعقرب قيمرون وزيد وزيد واتعاونيني شنو بان ليك تكوني المساعدة ديالي هاد النهار؟؟...ماريا عجباتها الفكرة عينيها لا أراديا مشاو جيهت جواد ولبنى لي كان هاد المرة كالسة وكيشوف فماريا بشوفات نارييين...ماريا رسمات اجمل إبتسامة على وجها وشافت فعماد وكالت :
- بطبيعة الحال موافقة علاش كاين ماحسن تكوني مساعدة ديال الشاف😄...
سيدها الجزء 17
محتوى القصة
التنقل بين الأجزاء