- عماد كنقدم ليك وسيم صديق ديالي الأنتيم هادي ثورية وهذا عماد لا انا انبقى شوية مع عماد وغادب نجي غير سيرو
وسيم(همس ليها فودنيها) :
- انت كتقلبي على خلى دار عشتك غير زيدي غرقي وديريها قد راسك
ماريا(بستفهام) ؛
- علاش؟
وسيم(هز يديه) :
- انا غير كلت ليك ودابا تكولي وسيم كال حتى دابا ديري راسك ماكلت والو..
عماد(ستغرب) :
- ماريا واش واقعة شيحاجة؟نقز وسيم قبل ماتهضر :
- لا ماواقع والو ولكن قريب غادي يوقع يلاه نشوفكم من بعد...هبطو وبقات ماريا وعماد لي بقاو واقفين دارت تبسم مع عماد ولكن شافت شخص أخور عينين حادين بحال الصقر وشوفات كيخلعو الحجبان معكودين وجه بحال شي عاصفة غادي توقع بلعات ريقها وحاولات تمالك أعصابها وماتبينش الضعف ظيالها وخوفها كانت كاتسنى فيه يهضر معاها ولا يوقف ولكن شاف فيها شوفة وحدة زعزعاتها وهبط لرملة هو ولبنى..
عماد : كتعرفيه؟
ماريا(عاد فاقت وشافت فعماد) :
- شنو كلتي أعماد؟
عماد(ضحك) :
- لا والو كتليك جا الوقت فاش تعاونيني... دخل عماد للكوزينة وبدا كيهز فرشيات عامرين بفواكه البحر فيهم الثلج الأخطبوط بوزروك وقيمرون والعقرب وزيد وزيد كيشهيو قبل مايطيبو...مد عماد لماريا واحد الصندوق تهزو وتكلف هو ودراري لي معاه بالما باقي...هبطو من الباطو مسات رجليهم الرملة وتمو غاديين بداكشي لي هازين لشي فهيوات صغار مصنوعيين ومبنيين غير بالقش والخشب كانو مقابلينهم شي رجال بحرية سمرين فاتحين دوك القهاوي كيترزو منهم مساكن حطو داكشي من يديه تبسم عماد لواحد السيد منهم مد ليه إيديه وسلم عليه بحرارة بحال الى كيعرفو...شاف عماد فماريا..
عماد : دابا غادي نبداو..أتعطيني داك الصندوق لي عطيتك...مداتو ليه ماريا فتحو فيه جناوة وملح وكمون صافي
عماد : الحاجة زوينة فالبحر هو مكتخسرش فيه بزااف شواية فاخر ملح كمون فقط وتقدر ماتستعملش كاع الملح حيت الحوت كيكون ديجا مالح بالما ديال البحر دابا انشعلو العافية باش نشويو كاع هادي لي كتشوفي قدامك وانت أتعاونيني واخا؟
ماريا(كضحك) :
- وي شاف👮
****
لبنى : جواد شنو واقع جيتيني ماشي حتى لهيه ياك لباس؟
جواد(عينيه على ماريا وسنانو كيحس بيهم كيتغزو واخا واعد راسو مايدخلش فيها ولكن مقدش) :
لبنى : وبلا تستغرب راه باينة ادور وجهك تبقى تشوف فيك هيا ودور وجها هيا تشوف فيها انت كون انا بحال كون خطفتها وزدت مع طريق والله
جواد : دخلي سوق راسك هادشي بعيد عليك وكبير عليك(وقف)
لبنى : فين غادي؟
جواد : غادي لفين خاصني نكون...خلاها كتعيط عليه ومشا..
هُناك عتب يأتي دون كلام ، يأتي صامتاً على هيئة نظرة طويلة ، عتب يأبى الكلام ولا يُريد سِوى إطالة النظر ، عتب على هيئة إنشغال دائم يُشبه التجاهُل ، عتب به كُل شيء عدا / الكلام .!
****
دخان ديال الشوا وريحة ديالو بدات كتعطي ريحة زوينة كتجيب الجوع ماريا كانت فرحانة بزااف عمرها دازت من هاد التجربة..
- دارت ماريا لي كاليها عماد وبدات كدور على ضياف بحال سرباية وهيا عاجبها الحال وصلات عند وسيم..
وسيم : إيوا غير ماخدمتي فشي قهوة سرباية وتهنيتي
ماريا : ومال الخدمة فالقهاوي عيب نهار كانت عندي 18عام خدمت فقهوة ولا نسيتي
وسيم : داك لسان عندك بخال المقص ولكن راه جاي لي يقطعو ليك...مجا فين يكمل وسيم هضرتو حتى حسات براسها تجرات من يديها..ضارت بستغراب كتشوف فجواد لي جارها من يديها وغادي بيها..
ماريا(كتغوت) :
- طلقني فين غادي بيا واش انت فينما تبغي تهضر معايا كتبقى جارني بحال شي حولية راه عييب وحشومة هادشي والله راه ربي غادي يعدبك يوم القيامة حيت كتعدا على فتاة بحالي بريئة مسكينة...جواد وقفها وهو حابس الضحكة كان حالف حتى يدخل فيها بشي راس ولكن كلامها جاب ليه التمام كاتبان بحال شي بنت صغيرة خايفة من باباها لا يضربها...
وقفها مقابلة معاها هاز حاجب مهبط الثاني ومخنزر..
ماريا(بستغراب) :
- والله حتى شي نهار ايطرطق فيك شي عرق غير بشوية عليك شكون قلقك تاني الى لبنى انا نهضر ليك معاها
جواد(بجدية وبحزم) :
- واخا تشرحي ليا شنو كديري مع داك سراق الزيت لي معاك؟
- بلاتي عفاك نكمل جواد خاتمك كان فيدي شحال هادي واخا كان غير على لوراق اما دابا انا حرة ديال راسي وغير باش نهنيك ونريح بالك عماد يلاه تعرفت عليه وغير صديق حاول يفرحني ويخرجني من روتين ودابا سمح ليا...خلات جواد واقف ومشات...بقا واقف متبعها بعينيه كيحاول يكبت الغضب ديالو العجب هو لي كان كلمة جوج كيولي بحال الثور دابا ولا مهدن وكيخلي الغضب ديالو الداخل ديالو..
جواد(بحزم) :
- كنحلف ليك أماريا حتى داك الخاتم ايرجع ليديك ولصبعك وعمرو مايتحيد طيري تنزلي اتولي ديالي وفالقريب غير صبري...
كولشي الضيوف عجباتهم الماكلة وحتى الجو ديال الجزيرة عجبهم بدلو الروتين ديال الباطو ودوك الأجواء ديال الناس الهاي كلسات ماريا وعماد فواحد القهوة صغيرة ديال واحد الراجل بحري مسكين سمر بشمس لابس غير قميجة مفتوحة صدرو عريان وشورط راجل كبييير فالعمر...رحب بيهم حطو طبسيل كبير عامر بالمأكولات البحرية طلب عماد من الراجل يشاركم الغدا...كلس معاهم ضاحكين وخالقين واحد الجو زوين بزااف خدات ماريا بزااف ديال التصاور مع عماد... من ورا الغدا عامو شوية وجا الوقت باش يرجعو للباطو..
ماريا : أحسن نهار داز عندي عجبني الحال بزااف
عماد : حتى انا كنت فرحان وماعندي مانسالك راكي مساعدة مزيانة يعول عليك الواحد بغيت نسولك ولكن مابغيتكش تقلقي من سؤال ديالي
ماريا(بستغراب) :
- لا بالعكس سول
عماد(شاف فيما ورجع شاف فيها) :
- كبيلة لاحضت بلي جواد الإبراهيمي جرك من يدك وكان من تعابير ديال وجهو معصب بزااف واش كاين شي مشكيل؟
ماريا : لا مكاين حتى مشكيل مديرش فبالك المهم نخليك انا دابا نتشاوفو من بعد...تبسمات ليه ومشات عند وسيم والبقية..
ماريا : لا غير الخطبة ديال أدم قربات وهاجر وهشام ولد عمي وخاصني نحضر ضروري
وسيم : بقا غير غدا وفالعشية نرحعو فحالنا
ماريا : مزيان..طلع كولشي للباطو مشات ماريا لبيتها خدات دوش حيدات الملحة من لحمها لبسات كسوة فالبيض فيها وريدات فالحمر مع صندالة فالحمر خلات شعرها على طبيعة ديالو رشات من ريحتها خدات لكيت ديالها وتيليفونها ونظاظرها وخرجات على برا وبعدات على الناس باش تبقى بوحدها تحت من براسول تكات دارت نظارات ديالها والكيت فودنيها وطلقات الموسيقى وغمضات عينيها سترخات ورتاحت خصوصا مع ريحة ديال البحر والموسيقى كتحس بالأعصاب ديالك مرتاحة بزااف...ماعرفاتش كيفاش حتى داتها عينيها ونعسات...كان بالها مرتاح فاش حسات بلمسات على شفايفها حركة قلقاتها وشوشاتها خلاتها تغوبش وتبدا تحل عينيها شوية بشوية شوفة فوجهو والقرب ديالو ليها شوفات ديال الغدر وديال الرغبة خلاها تنفض وترمي نظاراتها وتحاول تنوض ولكن إيديه منعاتها..
ماريا(سم كيخرج من عينيها) :
- قسما بالله المعبود ومتنزل إيديك عليا حتى غادي تشوف لي عمرك شفتيه فحياتك..
أنور(ضحك بستهزاء) :
- كيفاش زعمة داك طياب دوزي معاه لاجوغني كاملة عمتو مع بعضياتكم وعلم الله شنو درتي معاه باش حسن مني سعداتو تمتع بهاد زين كامل وبهاد اللحم لي بحال الحليب..ماريا هزات يديها ونزلات عليه بطرشة لوجه...ناضت دغية وقفات كتخنزر فيه..
- شنو فجهد ديري لي بغيتي جري طوالك نشوف شنو ممكن ديري وقيلة معارفانيش علاش قاد موديل صغيرة يلاه بدات حاولات طيحني فشبكة ومابغيتش ليها وحطات عليا الباطل تصوريها فجورنال فضيحة كبيرة ضمر حياتك حتى لأخير نهار فيه بلاما ديري ليا فيها رابعة العدوية أحبيبة عارف البير وغطاه..
ماريا : أكبر حمار شفتو فحياتي...بغات ترجع بلور شدها من ظهرها حتى قطع ليها سنسلة ديال الكسوة وتعرا الظهر ديالها عنقها من ظهرها وهيا كتغوت بأعلى صوت عندها..
اي راجل كتكون القوة ديالو كثر من القوة ديال البنت خصوصا الى كانو حوايجها مامناسبينش لهاد اللحظة ماريا حاولات بزااف بضرب بالمعيور كسوتها تقطعات فوق منها..
ماريا : ح حمااار ب بعااااد بععع عد منيي بعاااد مني وسييييييييم(كتغوت على حر من جهدها) وسيييييييييم جوااااااااااااااااااد جواااااااااااااااد(كتعيط وأنور كيحاول يبةسها من فمها)ولكن ماخلاتوش شعرها ولا لفوق وجها ولا كلو حمر اما هو ولا بحال شي تور هايج ماعاقلش على راسو الغوات ديالها ولا نواح وبكا دموع غسلو وجهو ومع ذلك ماستسلماتش...ودنيها كيتردد فيهم غير صوت شيحاجة تهرسات وأنور لي طاح من فوق طاحت الارض راجعة بلور كتحبو على يديها ورجليها وتخبات فواحد القنت والمنظر ديال جواد قدامها بسروال بيض وقميجة بيضة مفتوحة كلها عند الصدر ماحساتش بوسيم لي جرا وعنقها وخشها فصدرو ولا ناس لي تجمعات عليهم بين عينيها غير منظر انور وهو كياكول قتلة ديال العصا من عند جواد عينيه شاعلة فيهم العافية وعروقو كلهم باينين ردو كلو دمايات حتى واحد ماقدرش يقرب ليه حتى من جلال ونزار ماقدوش حيت عرفو بلي دار أنور ميقدش شيواحد يسمح ليه عليه..
جواد(كيغوت وقلبو كيطلع ويهبط) :
- شنو كتليك انا أ شنو كلت لجدك كتليك عمرك تقرب ليها كتليك تحط عليها يديك نقطعهم ليك وندفنك وانت حي كلتها ليك ولالا هضر(كينزل عليه بلبونية لوجه ويرجع يهزو)..
- هضاااااار جاوبني هضاااار (ويرجع يضربو ويلوحو عند رجليه(هزو من قميجتو غادي بيه حتى لصور او وقفو) :
- صدقتي شماتة ماشي راجل أناااااا كلتت ليييييييك عمررراااااااااااك ماااااااتحط إييييييديييييييك علييييييييها هااااااااااديييييييييييك مرااااااااااااتي يااااااا لكلب يالحيوااااااااااان مراااااااااااااااتي عرفتي شنو هيا مراتي ياااك عرفتي شنو هيا أليوم أنصفيها لييييييييييك عرفتي شنو ليووووووووم انقتلك بييييييييييدي(كيهضر ويغزز سنانو بحال شي إنسان فقد العقل ديالو فمرة)الجثة ديالك مغادي يلقاها حد باش تعلم عمرك تفكر ولو تفكير تحط يديك عليه نحييييييك من هاد دنيا نحيييييييييييك....دفل عليه هزو ولاحو وسط البحر...كاع ناس لي واقفين تخلعو وجاو كيطلو نزار تخلع على المدير ديالو جا كيجري..
جلال : ولكن...شوفة من عند جواد خلات جلال يحدر راسو ويرجع بخطوات لور مشا كيجري أمر القبطان يحرك الباطو ويرجعو لكازا ومن غير ما يشوفو جواد حيد القنبة لواحد الفلوكة صغيرة ديال طوارئ ورماها لنزار باش يقدر يسلك راسو ويسلك أنور الى بقا فيه شيحاجة لي تسلك...
- بقا واقف جواد داير إيد على الخصر ديالو وإيد كيمسح بيها شعرو المنظر كيتكرر قدام عينيه وصوت ماريا كيتردد فودنيه حس بغصة فالحلق ديالو هز رجليه حتى لسما وضرب الطبلة والكراسة لي كانو قدامو كيغوت على حر جهدو بحال شي سبع جاعر..الناس لي تم كولشي تخلع عماد لبنة أروى وثورية لي جاو كيجريو وقفو مصدومين كاملين من المنظر لي قدامهم..هز جواد راسو فيهم محامل حتى واحد يكون حداه..
جواد(بالغوات) :
- كنبيعو البيبوش هنا كل واحد يمشي لبيتو😠..كولشي حدر راسو ومشى بقات غير أروى وثورية واقفين مصدومين من المنظر لي قدامهم...ضار جواد عند ماريا لي كانت مكورة بحال شي بنت صغيرة فحضن باها كلها كترعد...مابغاش يشوفها فهاد الحالة حس براسو ضعيف كان خاصو يكون معاها قبل يحميها من وحش بحال أنور...هزات ماريا عينيها كتشوف فيه وبدون مقدمات وقفات وترمات فالحضن ديالو كتبكي...عنقها بكل قوتو وخشاها فصدرو كيدوز إيديه على شعرها ويفرق قبلات صغار على راسها..
جواد(تبدل صوتو ولا حنين) :
- ششش صافي أحبيبي ماوقع والو شش انا معاك وعمري مغادي نخليك ولا نخلي شي واحد يأديك شش صافي براكة أعمري..ريحتو تغلغلات لنيفها حسات بدفئ دصدرو وبواحد الراحة مكاينش بحالها زادت كتبكي وتشبت بيه كثر وكثر وحتى هو مخلاهاش بقا معنقها وغادي بيه ومخلي لوخرين من وراه لي هامو دابا شخص واحد ماريا من غيرها مهامو حتى واحد يموت ويدخل لحبس ويضحي بحياتو على قبلها الى ضطر يديرها يديرها..
كم مرة تركتني أجلس أمام الشك بمفردي
بينما كان من المفترض أن أراك تقتله ؟
****
خداها جواد لبيتها كلسها على نموسية تكاها وغطاها وكلس حداها كيدوز إيديه على شعرها ماهضرش ومانطقة لحتى كلمة غير كيشوف فيها كانت كترعد بحال شي ورقة ديال شجرة بغا يطيرها البرد زول الغطا وطلع حداها جرها وخشاها فصدرو وتغطا هو وياها كيدوز إيديه على شعرها حتى حس بيها تهدنات وبدا تنفس ديالها كينتاضم طل عليها بشوية لقاها مغمضة عينيها رجع راسو لور كيفكر فلي وقع هاد النهار كتجيه صورتها بين عينيه مابغاش يتنسى ليه كاع لي وقع والمنظر ديال أنور متهجم عليها وخيا خايفة ورعب فعينيها تنهد تنهيدة طويلة وحلف فالخاجر ديالو ويشوف أنور مزال قدامو هاد المرة غادي يقتلو بيديه وحتى واحد مغادي يعتقو منو...
****
وصل الباطو لمارينا بداو الناس كيهبطو واحد بواحد ماريا كانت واقف لابسة تيشورت فالبيض دايرة نظارات كحلين على عينيها وكتسنى فوسيم ولوخرين...
ماريا : أنا نسيييت ولكن ماعنديش الكانة ولا الخاطر لي نخرج وزايدون اي وحدة فبلاصتي راه غادي تأتر
أروى(شربات من عصير ديالها) :
- مابقيتيش شفتي جواد مزال؟
ماريا(شافت بعيد) :
- لا من نهار وصلنا عمري شفتو وزايدون مكاين لاش نشوفو فعلا عاوني ولكن مغاديش يبقى فير مقابلني
أروى : صراحة توحشت جلال حتى انا من نهار وصلنا مابقيت سمعت خبارو..
ماريا(سيفطات عليها المخدة) :
- باااز كولي انت بيك جلال ماشي جواد
أروى : فخبارك بلي العقد لي كان بين وسيم وبين داك جلاخة فسخوه مابقاوش كملوه كاليك اتسلب بخسارة لشركة ديالهم
ماريا(بستغراب) :
- بصح مافخباريش ولكن ياك هو وجواد عندهم شراكة إذا حتى جواد غادي يتضرر؟
أروى(كتلعب برجليها) :
- لا حيت جواد هو شريك لكبير لشركة والأسهم ديالو مأمنة ماشي بحال أنور صراحة يستاهل ماكتر وسمعت وسيم كاليا بلي رجع لإيطاليا مابقاش عندو الوجه لي يبقى من بعد ديك القتلة لي كلى عند جواد
ماريا : حسن انا أصلا مابقيتش انكمل فهادشي ديال تصوير بغيت ندير داكشي لي كنحلم بيه أنا ولي كنرتاح فيه
أروى : صراحة حتى انا هاد الضومين مكايعجبنيش فيه غير صدااع راس...سكتات ماريا وجغمات من عصير ديالها تفكيرها مشا نيشان عند جواد شنو ايكون كيدير فين يكون علاش ماسمعاتش حسو هاد اليوماين لي فاتو يكون نساها زعمة غير عتقها وعاونها وبقا فجنبها صافي دار الواجب ديالو ومشا علاش كتحس بفراغ لداخل ديالها كتحس براسها بوحدها وحتى واحد مامعاها ومحتاجاها بضبط هو معاها..
****
(دقان فالباب) :
- جواد : وي دخل...دخل جلال هاز فيدو واحد الملف حطو لجواد فوق المكتب وكلس فالكرسي لي مقابل معاه..
- وي فخباري وكونما دار عقلو ورجع كنت انا انرجعو ولكن ميت..حل جواد داك الملف كانو فيه بزااف ديال تصاور كبار دوزهم وحدة بوحدة ختار شي 4 فيهم حطهم قدام جلال..
جواد(أشر ليه براسو) :
- هادو دير لازم بغيت كولشي يكون هو هذاك
جلال(وقف) :
- واخا غادي نوجد كولشي بحال ديما
جواد(بصرامة) :
- لا شيحاجة كثر مانلقاش شيحاجة ناقصة أجلال بلاما نكعا الله وتمرضني الله يرحم جدك
جلال : لالا بطبيعة الحال لا غير عول عليا كولشي ايكون كيف بغيتي انا مشيت...
دازت أيام روتينية على ماريا غير دار دار دار كتجمع معاهم على الفطور والعشا فاش كيكون وسيم والأغلبية غير هيا وأروى ولالة فاطمة لي منوضة ليهم روح فدار...
(على الطبلة ديال العشا)..
- أروى : شفتي شفتي الفعايل كيف دايرين دابا😑
ماريا(ميتة بضحك) :
- والله العظيم الى عبرات عليك
أروى : وااا مي عارفاني زعمة مكنحملش كترت لاصوص مع ليباط والله حتى حشومة عليك
فاطمة : أتسكوت ولا نكوب لوالديك الحغوغ نشوي ليك داك لفوم لي كايهضغ
وسيم : وامي عيقتي براكة وااه راه كبرنا مابقيناش صغار
فاطمة : مزال صغاااغ ويلام سكوت انت نشيديك نشويك ونجبد ليك دوك لويدنين ماغيا بنتي الله يغضي عليها مكاينش بحالها في هاد دنيا كلها كول ابنتي كول...شوية سكتات وعلات عينيها فثورية
فاطمة : حتى إنت ظغيف بزاااف الله يزوج أبنتي بشي ويلد الناس يكون بحال وجهك إن شاء الله
ثورية(ضحكات) :
- إن شاء الله أخالتي☺...سلاو العشا غير بالكشايف وفعايل مي فاطمة من بعد مشاو لصالون صايبات ليهم ثورية قهوة وجابت ليهم شوية ديال البيسكوي...أما لالة فاطمة طلعات تنعس وترتاح فبيتها..
جا وسيم جنب ماريا وحط واحد الجوا..
هزات فيه ماريا عينيها وهيا كتمدق بالقهوة لي كتحمقها..
ماريا(بستغراب) :
- شنو هذا؟
وسيم : فتحيه وغادي تعرفي...حطات ماريا الكاس دالقهوة من إيديها وكلات طرف ديال الكيكس لي كانت شادة هزات الجوا لي لون ديالو بيض فتحاتو...هزات الورقة لي فيه...غوبشات
- انت ديما هضرتك هيا لي تكون..ضربات بزنطرات وطلعات حتى هيا لبيتها خلاتو كيعاير فيها ولكن مسمعاتوش شنو طان كيكول..
- جمعات ماريا حوايجها حوايج قلال ماشي بزااف سدات الشنطة ديالها دخلات لدوش دوشات خرجات نشفات شعرها ولبسات بيجامة قطنية خفيفة وتخشات تحت الفراش هزات داك جوا لي محطوط حدا راسها ومحطوط حداه الباسبور ديالها قرات البيي سفرية كانت لألمانيا وبتحديد جبال الألب وجبال ياكوت عمرها شافتهم ولا سمعات عليهم خدات تيليفونها دارت كوكل وكتبات سمية هاد الجبال خرجو ليها مناظر كثيرة وزوينة بزاااف الخضورية والثلج غير شوفة فصور كيتحرك القلب خلي تكوني مباشرة تما...تبسمات وتنهدات تنهيدة طويلة حطات جوا حدا راسها حققات تيليفونها حطاتو فوق الكوافوز طفات الضور ودار يدها تحت راسها غمضات عينيها ونعسااات..
لم أكن أعرف نوع العلاقة التي أرغب بها معك ... هالة الغموض التي تحيط بك كانت تخدش ذلك الجزء من دماغي الذي لا يحتمل وجود أشياء غير واضحة له ....
كنت أرغب أن أعرفك كثيرا أن أعرف كل ما تحب ...
وتكره ...
ما يزعجك ...
وما يجعلك سعيد ...
كنت أريد معرفتك كما تفعل والدتك وأكثر ...
وكانت هناك تلك المشاعر الغبية التي تجعلني أرغب بأن أعرف سبب حزنك .. و أساعدك دائما أحتضنك كلما شعرت بالحزن لقد كانت مشاعري تجاهك غريبة العديد من المشاعر المتشابكة لقد كان احساس مثيرا نوعا ما....
كان من الغريب أن أمنح كل هذا الاهتمام لشخص لا يعرفني...
حتى كان كل شيء يبدو كالروايات الحب التي تنتهي بالنهاية سعيدة لكنها لم تكن كذلك...
نهايتها كانت بائسة مثلنا تماما ...
****
(على طبلة ديال الفطور)
وسيم(كيشوف فساعتو) :
- واش مزال ناعسة أروى طلعي شوفيها واش فاقت ولا مزال راه طيارة غادي تمشي عليها كنعرفها واحد نعاسة منها مكاين...نباتو من دروج..
ماريا(هازة باليزتها) :
- عرفتي شحال ديال دنوب خديتي دابا نميمة الله يستر كتقطع فيا على صباح..
وسيم(طلعها وهبطها) :
- وحتى منكونش كنعرفك أباكيزتي اجي أش هاد اللبسة ديال الكشافة لي لابسة
ماريا(بستغراب) :
- ومالي انلبس لي تكشيطة وراه لبسة موريحة وديال سفر...ماريا كانت لابسة سروال فالخزي مريح مع سبرديلة بيضة تيشورة حمرا وتجاكيط دجين طويل مع بونضو فشعرها فلون الحمر..
وسيم : صافي غير دوزي تفطري خلاص باش منتعطلوش...
كلسات ماريا تفطر هزات عينها فأروى لي شادة حناكها
ماريا : شفتك مزال مالبستيش مغادياش معانا؟
أروى(خنزرات فوسيم) :
- لا ياختي مغادية صبح راسي ضارني بحال الى ايضربني لبرد يمكن الجو ديال البحر أتر فيا نشرب دوا ونعس باش نولي بيخير
ماريا : الى كنتي مريضة بزااف بلاما نمشي..نقز وسيم :
مالها طايحة كومة ولا شادينها عظامها غير رواح وزايدون هاد البكرة كاعما تخافي عليها
أروى : راه داك راس طارو دوسيم مابغانيش نمشي معاكم بغا منين يديك يرجع غير هو وثورية راس فراس
ماريا(كضحك) :
- وزيدك الخوينز حتى هو مساهلش يلاه حبيبتي تهلاي فراسك انا مشيت..عنقاتها وخرجات ركبات لور وثورية حدا وسيم ديمارا طوموبيل وهي كتشير لأروى بيديها حتى غابت على أنظارها..فتحات شرجم يدخل الهوى نقي وبارد كيلعب بخصلات من شعرها وكيلعب على وجها الهوى ديال الصباح لي كيكون نقي مزال مالوتوش الدخان ديال طوموبيلات...وصلو لمطار...بقات تورية فطوموبيل ودخل غير وسيم او ماريا سلمات ليهم الجواز ديال سفر ديالها والبيي قادات الأمور ديالها وبقا على طيارة ديال 10 دقايق..
وسيم : حاولي تفوجي وستاغلي الفرصة ضحكي لعبي كتاشفي البلايص عيشي الحياة شوية خرجي من ديك القوقعة لي حابسة راسك فيها جي بطاقة جديدة
ماريا(كتشوف فيه بنص عين) :
- علاش زعمة كتكول ليا هادشي مافهمتش؟
وسيم : لاحول ولاقوة إلا بالله واش عيب الى نصحتك مابقى حد ينصح حد فهاد الزمان ولا كيفاش؟
ماريا : لالا غير ماعرفت حسيت بيك فشيشكل وصافي
وسيم : سيري سيري راه طيارتك قربات تدخل الي بغا يدير فيك راسو وصافي يلاه تهلاي فراسك وتيليفون بيناتنا والى خصاتك اي حاجة سوني ليا صافي...(عنقاتو بجهد وسيم نعمة من عند الله تنعم عليها بيها ونعمة الصديق والأخ فيه كولشي) انتوحشك انبقى ديما ندير معتك كاميرا وتهلى فراسك ازغلولي عندك تخوني؟
ماريا : وجهك صحيح غير لي بغا يكون حنين معاك مايليقش ليك...تعلن على رحلة ديال ماريا جرات الباليزة ديالها وشيرات لوسيم بيديها...عطات أوراق ديالها لموظف لي تم كشف عليهم ومن بعد سلمهم ليها وخرجات من المطار كانو بزااف ديال الناس طالعين لطيارة هيا آخر وحدة بقات شافت فالبيي لقات بلي الكرسي ديالها فدرجة لولة...كتقلب وتنسى بينما كل واحد شد البلاصة ديالو عاد لقات البلاصة ديالها تبدلو ملامح وجها منين شافت الكرسي لي حدا سرجم عامر سلمات أمرها لله وكلسات فالكرسي لي حداه...واحد شنكة صغيرة حطاتها على رجليها شافت فساعة ديالها جبدات الكيت دارتو فودنيها باش غير تقلع طيارة تخدم الموسيقى..دورات راسها لكرسي لي كان حداها مبانش ليها الشخص لي كالس فيه كان مخبي ورا جورنال..بدا كيتعلن على إقلاع طيارة...
قلعات الطيارة في أماني الله دارت ماريا الموسيقى فودنيها مرة مرة كترمي عينيها لجيهت سرجم ولكن مكايبان ليها والو حاجة قليلة..
ماريا(مع راسها) :
- بنادم لاش كالس حدا سرجم مدام مغاديش يتمتع بالمناظر وشاد جورنال كون اخلاني فبلاصتو حسن...دورات راسها لجهة لوخرا كتسمع لموسيقى ودهن ديالها سارح مرة يدي مرة يجيب..
^بعد مرور 3ساعات^
جات الموضيفة كتفرق عليهم الغدا شافتها ماريا حيدات الكيت وتبسمات ليها كانت ميتة بجوع حيت مافطراتش مزيان...من بعد ماحطات ليها الماكلة شافت فجهة تانية مدات يديها وحركات الشخص لي كان تما غير حركاتو زول جورنال لي من 3 سوايع هو خاشي راسو فيه..
- الموضيفة : سيدي الغدا..
- أه سمحيليا مارديتش البال شكرا...مريا صغرات عينيها وسكتاااات طالقة ودنيها كتسمع لهاد الصوت وهاد لكنة لي ماغريباش عليها...هزات راسها بشوية ودورات لجهة صوت هزات حجبانها حتى حسات بجبهتها ضراتها عينيها بغاو يخرجو من بلاصتهم بكترة ما وسعاتهم نظرات الإستغراب على عينيها ونظرات المكر والمرح على عينيه هو هاد النظرات لي مدات منهم الموظيفة لا حق لا بلطل عينيها غير عليه هو مكرهاتش تبقى غير تشوف فيه ولكن الركاب لوخرين كيتسناوها...فاتهم ومشات...
ماريا(جامعة غوباشتها) :
- أشنو كدير هنا؟
جواد : لي كديريه انت كنديرو أنا واش هاد الطيارة ديالك ويمكن مافراسيش؟
ماريا : أنا ماكلتش هكاك غير هو منين ركبنا وانت خاشي وجهك فداك جورنال تكول خايف نعرف بلي كالس حدايا...طوا جورنال وحطو قدامو..
جواد : دابا بغيت غير نعرف شنو المشكيل لي عندك واش حيت مسافر معاك فنفس الطيارة ولا حيت مابينتش وجهي من لول زعمة كون بينتو مكنتيش اتكلسي هنا؟
ماريا(بقات كتشوف فيه مبهوضة) :
- هاء انت مالك بغيتي معامن دابز انا ماكلتش حتى حاجة من هادشي غير انت لي جاب ليك بالك شي حوايج مكاينين وصافي وانا مالي ياربي العفو دغية بغيتي تلصق فيا كةل كول قبل مايبرد ويولي مداقو باسل حاسل..
جواد(تبسم) :
- لالا منضنش يولي باسل وانت هنا حشومة
ماريا : رجعتي تاني لبسالة ياربي صبر من عندك...مع كان فيها جوع مابقاتش شافت فيه ولا هضرات معاه كتاكول وتمدق عاجبها الحال حتى سلات على خاطر خاطرها..
جواد : بصحة وراحة فاش كتحط الماكلة قدامك مكتبقليش تعقلي على لي حداك
ماريا : كرشي قبل كولشي..رجعات براسها لور كتشوف فيه من شعرو وجهو وسامتو ورجولتو الطاغية لابس سبور وريحتو لي كتخدر الحواس..
جواد : أتبقاي كتشوفي فيا بزااف لي يشوفك يكول غير كتبغيني وميتة فيا
ماريا : ياسبحان الله سبحان من خلقك توم كروز فأياماتو باااز
- غير حيت ماملفاش ليك وصافي الالة خدمة وراحة بجوج ولفين غادي لألمانيا
ماريا : هممم حتى انا غادية لتما صدفة غريبة هادي
جواد : حتى حاجة ماغريبة فهاد الزمان كولشي توقعيه😉...
سكات ماريا ورجعات شافت فيه :
- أتكون لبنى سبقاتك لتما ياك؟
جواد(شداتو الضحكة) :
- وعلاش غادي تسبقني لبنى لتما أشنو دخلها؟
ماريا : ماعرفتش غير حيت شفتكم منساجمين فرحلة هيا زوينة انا ماشي فضولية ولا شيحاجة غير كتبانو مواتيين
جواد : مزيان الالة ولكن ماشي كاع لي كنشوفوه كيكون بصح لبنى ماعندها مدير معايا اول حاجة كانت جيرانا شحال هادي قدها قد خويا أمين وكاع لي كيدور فداك العقل الخامج ديالك مكاين منو والو
ماريا(تقدات فالكلسة وشافت فيه) :
- دابا....انا....عقلي...خاااامج يااااااك😡
جواد : خامج وموسخ حيت كيفكر أفلحوايج لي مامنهم والو انتوما لبنات عندكم مع شقا ديار وداكشي ديال جافيل وسانيكروا هاد المرة منين تبغي تخملي ماتنسايش حتى راسك وعقلك خمليه شوية باش يتنقى ويبان فيه الضو مسكين..
ماريا(صغرات عينيها كتخنزر فيه)..
جواد(عاجبو الحال فهاد اللحظة مكرهش ينقز عليها ويعنقها وياكل هاد شفايف لي كارزة عليهم بسنانها) :
- غير بشوية عليك بلاما تجنني انت مزال صغيرة يطرطق فيك شي عرق تشللي ومايبقى يديها فيك شي حد وتصدقي غير ضايعة تهدني حتى حاجة ماتستاهل ياك(غمزها وسيفط ليها بوسة فالهوى)😉😘
حضورك الطيب لدقائق يعدل عمراً من البقاء ويغفر ألف عامٍ من الغياب...❤
****
جات الموضيفة خدات منهم طباسل فاش كلاو وكل مرة راجعة لفين كالس جواد بحجة واش بغا شي حاجة...ماريا كولشي كيدوز قدام عينيها ودايرة راسها مكلخة ومافهمة والو...من بعد القمعة لي عطاها جواد مابقاتش دارت حداه ولا شافت فيه ولكن هاد الأنسة لي غير غادية جاية عصباتها مثر ماهيا معصبة...كل مرة كتهضر مع راسها وتهدن فيه باش مايزلقش لسانها وتكول شيحاجة ولكن بزااف...حلقات بليمين وهاد المرة ترجع مغاديش تسكت ليها...حتى كالت صافي راه لعنات الشيطان ومشات لخدمتها حتى تمات راجعة تاني...
الموظيفة : موسيو...قاطعاتها ماريا.. :
- وقيلة الطيارة كلها عامرة بناس وكلهم محتاجين لي يعاونهم وانت مبانت ليك غير هاد البلاصة موسيو بغيتي الما موسيو نعليو ليك المكيف موسيو يكما جاك الصهد وكل مرة كاتقطاعيني على القراية حتى كنمشي مع رواية كتجي كضربي ليا كولشي فزيرو أمدموزيل كاين واحد الحاجة هنا اسميتها سرسار دارت باش الى بغينا شيحاجة نسونيو فيه مدام ماسوناش فراه مخاصنا والو...بغينا نرتاحو ماشي كل شوية موسيو موسيو...الموظيفة تحرجات عقدات غوباشتها وبلعات ريقها ومن واجب ديالها تسكت ومتجاوبش حيت عارفة مزيان بلي كلام ماريا كلو صح فصح..
الموظيفة : كنعتاذر على الازعاج مادموزيل مكنتش قاصدة شيحاجة
ماريا : عارفة عارفة مقاصدة والو غير هو الى بغينا شيحاجة حنا انعيطو ليك بلاما تعدبي راسك غادية جاية...حنات الموظيفة راسها ومشات...دورات ماريا راسها لقات جواد كيشوف فيها هاز حاجب ومهبط الثاني..
ماريا(بستغراب) :
- مالك علاش كتشوف فيا بحال هكاك؟
جواد : وقيلة انا لي كان خاصني نهضر ماشي انت حشومة تصرف لي درتي معاها
ماريا : الى بقات فيك راه تبعها مابعداتش بوااف غير عفاك فاش تبغي تغوي شي بنت وخصوصا موظيفة طيران خود كرسي بوحدك بحال هكا ماتبرزطش لي كالس حداك...جواد تبسم وتقاد فبلاصتو
جواد : ماعرفتش علاش حاس بحال الى...قاطعاتو كتخنزر فيه :
- بلاما تكملها وتكول كنغير غير حيدها من بالك انا خاصني ندخل الحمام..حطات الكتاب لي كانت هازة ومشات بجرية لحمام تخبي وجها لي ولا حمر بالحشمة...سدات عليها باب الحمام شافت وجها فالمرايا كان حمر بزااف وسخون غسلاتو بالما بارد تنفسات مزيااان حتى حسات براسها رتاحت عاد خرجات...رجعات لبلاصتها ودارت على جنبها ليسر دارت الكيت فودنيها كتموسق كتحاول ماتعطيش الاهتمام لجواد فلحظة غمضات عينيها ومشااااات...
- وهيا فغرق نعاس كتحس بيدين كيداعبو شعرها او وجها حركات عجبوها مابغاتهمش يوقفو تحركات وتخشات فشخص لي كانوحداها وزادت كملات نعاسها ولكن صوتو وتكرار ديال سميتها مخلاوهاش تكمل بدات كتحل عينيها شوية بشوية بان ليها وجهو وضحكتو قدامها عاد وعات لراسها..
جواد : كون فخباري منعساش كون كلت ليهم يبقاو طايرين حتى تشبعي نعاس
ماريا : صافي وصلنا؟
جواد : أه وصلنا...شافت من سرجم كيبان ليها الظلام
جواد : إختلاف ديال توقيت يلاه خلاص اتبقاي هنا
ماريا : غير بشوية راني مزال دايخة بنعاس...وقفات هزات كتاب ديالها دارت تيليفونها فجيب ديالها ونزلات مخلياه وراها...دارت كيبان ليها واقف مع الموظيفة ديال الكيران كيضحك معاها..
ماريا(كتهضر بشوية) :
- مكيخليش الفرصة ضروري خاصو يشد النمرة نااري على رجال..كملات طريق ديالها لمطار شدات الباليزة ديالها وخرجات على برا...شيرات لأول طاكسي بان ليها وقف هبط عطاتو الباليزة وركبات مدات ليه عنوان ديال الأوطيل فين غادي تبات هاد الليلة باش غدا اشد طريق لجبال الألب ومن بعدها جبال الياكوت...وصلها الطاكسي حتى لأوطيل خلصاتو من الفلوس لي صرفاتهم قبل ماتركب خدات شنطة ديالها ودخلات لوطيل كان زوين راقي كولو فايونص وضواو فكل جهة باينة كايجيو ليه غير طبقة المخملية...ستقبلها موظف الاستقبال بإبتسامة على وجهو هضرات معاه بالانكليزية واخا مكتقنهاش بزااف ولكن قدرات تسلك راسها...بقات واقفة كتسنا فيه يعمر المعلومات ديالها...حتى سمعات صوتو ولكن اللغة باش كان كيهضر ألمانية...دورات وجها عندو كيبان ليها قدامها بطولة ديالو والابتسامة لي تقدر ضور راس اي بنت ومنهم حتى موظفة الاستقبال...ماسمعاتش صوت الموظف لي كان ماد ليها الساروت حتى حركها بيديه عاد دارت عندو...
ماريا(مع إبتسامة) :
- شكرا☺...جا الخدام هز ليها الباليزة ديالها وسبقها وهيا من وراه وبزااف ديال الاسئلة كيدورو فدماغها زعمة جواد مالقا غير هاد الاوطيل بوحدو يجي ليه عطا الله لوطيلات ولا يمكن حيت هذا اقرب واحد للمطار داكشي باش جا ليه حتى هو وزايدون هو حر براكة من لوسواس لخاوي أماريا...شد الخدام الساروت من يديها فتح ليها الباب دخل ليها الباليزة سلمها ساروت وخرج تبسمات...إبتسامة عريضة وتلاحت على نموسية كتحس براحة هاهيا فألمانيا بلاد عمرها زارتها أتستغل الفرصة وتزور كل بلاصة فيها المتاحف ديالها ومآثرها والبلايص المعروفة بيهم..
ومن بعدها تزور جبال الألب لي معروفين بطبيعة ديالهم وجبال الياكوت لي كتكون فيهم الثلج بحال هاد الوقت...ناضت ماريا تاخود دوش الجو واخا هكاك بارد على برا الاوطيل كان دافي...فتحات الباليزة ديالها هزات لاتروس ديالها بدا تيليفون كيسوني مشات نيشات هزاتو وجاوبات...كان موظف الاستقبال كيخبرها بلي العشا ايكون واجد من هنا ل 20دقيقة وبلي كاين حتى ديسكو الى بغات تسهر...شكراتو وكملات طريقها لدوش خدات دوش سخون خرجات نشفات شعرها غير بالفوطة خلاتو هكاك على طبيعتو فتحات الباليزة ديالها كتختار شنو غادي تلبس ختارت كسوة طويلة نص كم من الفوق دايرة بحال شكل كيمونو الصيني ومن التحت مزوقة مع سميطة مدهبة على شكل طوس مع صباط عالي شوية مدهب...هزات ساك ديالها دارت فيه تيليفونها وساروت ديال الشومبر ديالها قبل لا تخرج دارت لمسة خفيفة من عكر فلون الفوشيا مع لمسة من الماسكارة ورشة من ريحة ديالها "rare pearls" وخرجات ردات الباب وراها دخلات لاسونسور كتسنا يدخل شي واحد مادخل حتى واحد براكة على الزر وهبطات...دخلات لجهة فين كاين المطعم خدات طبلة جيهة السرجم وجايا فالقنت...جا السرباي رحب بيها وعطاها تختار شنو اتاكول ختارت سلطة يونانية مع لحم مشوي بصوص وعصير ديال الحامض مع نعناع..رجع عندها سرباي وفيديه زلايف صغار فيهم بحال زعلوك هضر معاها بألمانية وهيا مافهمة والو...جاوبها على الأسئلة لي كدور فراسها صوتو لي مابقاش خافي عليها ولات كتميزو بين ألالاف ديال الناس..
- كاليك بلي هاذ النوع ديال دنجال معروف فألمانيا بزااف وخصوصا عند سكان الأصليين وبلي فينما جا شي زائر جديد على البلاد ضروري مايدوقو داكشي باش داروه مقبلة وكاليك بلي ايكون فرحان الى دقيتيه وعرف الرأي ديالك فيه...هاد الليلة غير شيحاجة فيه مبدلة زعمة يكون نوع ديال اللباس لي لابس سروال دجين كاط فالقهوي مع شوميز كحلة وتريكو من الفوق فالبيج عنقو لي عريان وجزء من صدرو لي باين ريحة ديال مابعد الحلاقة لي كتعطي وخصلات من شعرو كيبريو بالما باين يلاه خرج من دوش حتى هو...رجعات الانتباه ديالها لكلام جواد :
- السيد كايتسنا فيك تعطيه رأي ديالك...هزات معلقة داقت من داك الدنجال لي جاها بحال زعلوك تماما غير هو بنين بزاااف..
ماريا : بنيييين واخا جاني فوطوكوبي زعلوك ديالنا...جواد طلق واحد الضحكة حتى دارو الناس لي فالمطعم ماهموش رجع الانتباه ديالو لسيد لي مافهمش ماريا شنو كالت..هضر معاه جواد بالالمانية هضرتو خلاتو يتبسم ويحني راسو بحترام لماريا ومشا..
ماريا(بستغراب) :
- شنو كلتي ليه؟
جواد(جر كرسي وكلس مقابل معاها) :
- كلت ليه بلي عجباتك الماكلة ديالهم من غير بحال زعلوك هاديك مادكرتهاش ياك بعدا مكاين باس الى كلست؟
ماريا : كلستي ولي عطا الله عطاه خود راحتك
جواد : الى بغيتي نوض ماعندي حتى مشكيل؟
ماريا : اودي غير كلس صافي اتعشا ولا اتسنى شي واحد؟
- لالا طلبت قبل مانكلس شوية واتلقايهم جايبين العشا...فعلا شوية جا سرباي جاب طلب ديال ماريا وديال جواد...الماكلة كانت بنينة بزاااف...ختار جواد يسكت كياكول غير بشوية وكيشوف فماريا وفعينيها...
ماريا(مكتشوفش فيه) :
- كان كيحسابليا غادي نشوف ديك الموظيفة هنا؟!!
جواد(برودة) :
- شكون هناء؟
ماريا(علات راسها فيه هازة حاجب ومهبطة تاني) :
- ماعندي مايسالك دغية عرفتي سميتها
جواد : حتى انت تقدري تعرفي سميتها كون عليتي عينيك شوية فالبادج لي كانت لابسة اتبان ليك سميتها مكتوبة...هزات ماريا كاس ديال الما لي حداها شربات منو عرفات راسها زبلاتها وهاد الغيرة الزايدة ديالها غادي تفرشها..
ماريا(كملات ماكلتها) :
- ماكنتش عارفاك كتهضر بالألمانية شحال من لغة خرى كتعرف تهضر بيها؟
جواد : الإنجليزية الفرنسية الألمانية والإسبانية وشوية من الإيطالية
ماريا(شافت فيه) :
- تبارك الله عليك مكنتش عارفاك كتعرف لهادشي كامل!
جواد : انت ماسولتيش كون حاولتي تعرفي وتسولي كون كلت ليك...رجعات سكتات حسات بيه بحال الى كيحشي ليها الهضرة..كملات العشا ديالها مسحات فمها وشربات من العصير ديالها..قبل متكول ليه يصبح على خير سبقها..
جواد : كالو ليا بلي كاين واحد الديسكو تحت لوطيل شنو بان ليك ندورو دورة تما يقدر يعجبك..
ماريا : عمري مادخلت لشي ديسكو فحياتي
جواد(غمزها) :
- وهادي فرصة دخلي وتشوفي الأجواء
ماريا : ولكن ديسكو فيه الشراب؟!
جواد(ضحك) :
- كل واحد وشنو باغي ياخود لي باغي شراب ايلقاه ولي باغي العصير ايلقاه ولي باغي غير يتفرج ايلقاه انت دخلتي ليالي المامون وخايفة ومن ديسكو..
ماريا : نااري عفااك بلاما تفكرني فداك نهار بغيت نساه...مسح جواد فمو او وقف مد ليها الساك ديالها وجرها من دراعها خرجها من الاوطيل ونزلها لشي دروج كتسمع الموسيقى تحت من رجليهم..
ماريا : كيبان ليا فايت ليك جيتي هنا؟
جواد قرب من ودنيها حركة ديالو خلاتها ترجف..
جواد : كانجي انا وجلال الى كانت عندنا خدمة هنا كايجيني الاوطيل قريب من المطار...جرها لعندو حتى لصقات معاه مع زحام شي داخل وشي خارج...ضواو كثيرة فالبيض والغوز والموف النفاخات معلقين وديسكو مزين بملصقات كثيرة..رجع جواد قرب لماريا لودنها باش تسمعو..
جواد : اجي نكلسو فديك طبلة لهيه انطونو مقابلين مع كولشي..شد ليها فيديها وجرها لطبلة فين أشر ليها جر ليها الكرسي كلسات دور إيديه على كتافها بحركة عفوية خدا الكرسي لي فجنب ديالها وكلس حداها..
جواد : تاخدي شيحاجة؟
ماريا : بغيت مونادا الى كاينة...أشر جواد لسرباي همس ليه فودنيه ومشا يجيب ليهم شنو بغاو...بدات الموسيقى وماريا كتفرج فناس كيشطحو فرحانين خالقين جو بيناتهم..فيقها جواد :
- عاجبك الحال؟
ماريا : الجو زوين صراحة...دورات راسها حشمانة من نظرات جواد ليها علاش اليوم مبدل علاش عرض عليها علاش قريب منها علاش متوترة بحال هكا وحاسة براسها الى عنقها دابا غادي دوب بين إيديه...بانو ليها دراري جايبن طوطرة كبيرة فيها صورة ديال واحد البنت شعرها صفر وكيرددو " هابي بوردزداي تويو يو" وجايبين نفس البنت لي صورتها فالكيك دايرين ليها بونضو فشعرها فيه الألوان المفاجأة باينة على وجها وباين هاد سوربريز من حبيبها لي خداها بين إديه عنقها وباسها بوسة طويلة فمها...تنهدات ماريا تنهيدة طويلة كتصفق والابتسامة على وجها...ماحساتش بشوفتت جواد لي مافرقوش وجها بغا ياكلها بعينيه ماكرهش ينوض ويعنقها ويبوسها ويشم ريحتها لي حمقاتو ويلمس خدودها لي باردين ورطبين يخشي إيديه ويداعب خصلات من شعرها مابغاش يتسرع كولشي ايكون ديالو ولكن غير بشوية بغا كولشي يجي بتراضي وبالموافقة ديال ماريا بغاها تبغيه وتبادلو الحب ديالو ليها يشوف فعينيها القبول وتراضي هو غادي فطريق الصحيحة مدام قبلات تجي معاه هنا وتكمل سهرة معاه إلا وهو راه غادي مزيان...دورات راسها عندو بغات تسولو شافت لمعة غريبة فعينيه...بلعات ريقها وسولاتو :
- واش ممكن نصورهم؟
جواد : اه عادي...وقفات هزات تيليفون ديالها كتصور فهاد الثنائي لي الحب ديالهم باين لكاع الناس مامخبيينوش ولا خازنينو على شي واحد هوما فرحانين بعضياتهم وحتى الناس لي معاهم فرحانين بيهم
هناك وجوه يود كل إنسان أن يطيل النظر إليها، وجوه تدفىء القلب وتريحه. 💙
****
- وصلها حتى لباب ديال بيتها وقفات مقابلة معاه عطاتو أجمل بتسامة وتمنات ليه ليلة سعيدة..
- ومكنتيش غادي تعرفي بلي ديسكو مافيهش غير شراب والقصاير
ماريا(ضحكات) :
- وياااه عقلي مرة مرة كيسرح بعيد المهم نخليك دابا تصبح على خير
جواد : مكلتيش ليا شنو ناوية ديري غدا؟
ماريا(هزات كتافها) :
- كنت ناوية نزور المتاحف ديال هنا ونشوف البلايص لي معروفة بيهم ألمانيا ولكن غادي نسبق جبال الألب حسن
جواد(هز حاجبو) :
- اووه أحسن بلاصة غادي تزوريها ولكن ايكون حسن الى مامشيتيش بوحدك خاصك شي واحد لي كيعرف لبلايص مزيان يوريك ويساريك البلايص
هزات ماريا حاجبها كتشوف فيه :
- ماعرفتش علاش حاسة بحال الى كتمعني على راسك داروك مرشد سياحي وانا مافخباريش؟!😕
جواد😁 : بحال هكاك كلت علاش لا الى ساليت خدمتي بكري نمشي معاك
ماريا : لالا بلاما تعدب راسك غادي نسلك راسي
جواد : راه غادي تندمي ماتلقايش بحالي وتكولي ندمت علاش ضيعت فرصة بحال هادي من إيدي
ماريا(هزات حجبانها طلعاتو من سباطو لراسو) :
- ناااري ناري على عمر أبليكجي ديال المغرب
جواد : وحساااان منو وبزاااف
ماريا : مزال جوابي هو لا
جواد : غير فكري مزيااان راه غادي تندمي
ماريا : هههههههه لا
جواد : أنت تعرفي انا غير كلت ليك
ماريا : تصبح على خير
جواد : مكايناش بوسة لعمو؟😉
ماريا : كاينة واحد تصرفيقة لخالو😀
جواد : غير لي بغا يضحك معاك هاهو ماشي
ماريا : بينوي(بون نوي)😄...فتحات باب بيتها دخلات كترد الباب وكتشير ليه فنفس الوقت حتى سدات الباب...تكات عليه دايرة إيدها على قلبها لي كيضرب فرحانة بزااف كتحس بقلبها ايخرج من بلاصتو مكرهاتش هاد الليلة ماتساليش مكرهاتش كون كالت ليه أه اجي معايا ولكن علاش كيسول فيها واش نجي معاك عمر جواد مكان كيسول ديما كاينفد وكيدير بي فراسو حتى كيحط الواحد قدام الﻻمر الواقع بغيتي ولا كرهتي علاش جاي حتى لهنا وكيسول فيها غير شوفة فعينيها ايوريوه قداش بغاتو يجي معاها ويكون معاها..
ماريا : حيت حمااااار وخاصو غير الودنين مزال مافهمتيها أماريا كيفهم غير لي بغا وكيفهمها طايرة غير فالخدمة صافي اما شيحاجة خرى هاهاهاها الله ينجيه(كتحيد حوايجها بنطير)ولكن حتى انا مابينتش ليه بلي بغيتو يجي معايا ولكن ولكن إيمتا اصلا البنت هاصها تبين لدري بلي باغياه ولكن ياك كيكولو لي فام دابوغ اه كيكولوها ولكن ماشي فالحب خلاتها لمياء زايدي لي فام دابوغ غير ماشي ديما وماشي فكلشي مثلا فقصص لاموغ مجاتش وحدة عند واحد تمشي...أه أه اماريا مادرتي فير الصح بغاك يتبعك ماشي انت لي تكولي ليه اجي معايا يكوليك هادي جاتها على قلبها غير محلولة ريح لي جا يديها زير تلقى ماتشد...بقات على ديك الحالة كتهضر غير مع راسها وتجاوب راسها راسها حتى حطات هاد الأخير مسكين على المخدة وريحاتو ونعساااات....
****
أنت فقط ...
من يلامسني ..بلا أنامل ..
ويحدثني بلا كلمات ..
ونتبادل بالأرواح أعظم اللغات
لا شيء يقوى على انتزاعك
من قلبي ..فوحدك أنت
لك النبض ..ولك الروح
ممتلـئٌ بِـك💞
- مع نسيم الصباح دخلات أشعة الشمس اللذيذة ودافية ناضت ماريا كتشبح فبلاصتها هزات تيليفونها تشوف شحال الساعة لقاتها 9..
ماريا : الله ياربي هذا هو الوقت إيمتا انلبس ونجمع حوايجي ونفطر ونشد الطريق...زولات عليها الغطا دخلات لدوش وراه لبسات حوايجها سبرديلة فالبيض مع كسوة بسماطي فالكحل فيها وريدات بسومو وتيشورت بسومو مشطات شعرها قداتو دارت واقي شمس رشات من ريحتها وجمعات حوايجها طلات فالحمام لاتكون نسات شيحاجة هزات ساك ديالها دارتو على جنب وجرات الباليزة ديالها خرجاتها وسدات الباب وقفات كدور فراسها لايبان ليها جواد مبان ليها حتى واحد طلعات فلاسانسور وهبطات لتحت دخلات لمطعم دورات عينيها فيه مكان حتى واحد كلسات فنفس طبلة ديال البارح طلبات الفطور...فطرات وكل مرة كتعلي راسها مرابانا يبان ليها ولكن والو...سلات الفطور ديالها مشات لاستقبال عطاتهم ساروت..
ماريا : عفاك شحال الحساب؟
- الحساب مدفوع الالة
ماريا(بستغراب) :
- مدفوع لا انا مدفعت والو غير تحقق عفاك
- لا الالة السيد لي كان معاك البارح خلص كولشي دقة وحدة
ماريا(مع راسها : جواد) :
- واش حتى هو مشا؟
- أه الالة من بعد ماخلص الحساب ديالك وديالو مشا واش نشد ليك طاكسي لشي بلاصة معينة؟
ماريا(مزال تحت تأتير الصدمة) :
- أه بغيت نمشي لجبال الألب الله يخليك
- واخا تسناي شوية انعيط ليك لطاكسي لي أيديك لمحطة ديال تران تما اتشدي تران لي غادي نيشان لجبال الألب...خلاتو كيهضر فتيليفون وكلسات فكرسي كتفكر....هيا جواد مشا ومكال ليها حتى بسلامة غير خلص حسابها ومشا زربان لهاد درجة...بقات ساهية حتى فيقها صوت موظف الاستقبال كيعلمها...
كيعلمها بلي طاكسي عند باب لوطيل كايتسناها...جرات الباليزة تبسنات لموظف الاستقبال شكراتو...عطات الباليزة لشيفور دارها فالكوفر وركبات لور...الجو ابدل عندها ديك الفرحة طفات حسات بواحد الغمة على قلبها هاد الرحلة ولات زايدة ناقصة عندها عارفة هادشي لي كتفكر فيه غير تخربيق ولكن راه فعلا جواد الوجود ديالو فحياتها عاطي طعم ولون خاص غادي دير الخاطر لوسيم وتكمل هاد الرحلة بزربة وترجع فحالها تبدل عندها الجو وترونو الأفكار ديالها..
- وصلها طاكسي لكار ديال تران من بعدما خلصاتو دخلات شرات تيكي ديالها او وقفات كتسنى فتران يجي لي مزال ليه 5ديال دقايق الأغلبية ديال الناس لي كانو حتى هوما كايتسناو مكبطين ولابسين مزيان علاش اللهم أعلم واخا الجو زوين وشمس دافية مامتيقاش داكشي لي قرات على هاد الجبال بلي كيكون فيهم الثلج ماشي موسم الشتا هذا وشي معلومات كيكونو غالطين...معطاتش للأمر أهمية كبيرة وصل تران مع وقف بداو الناس كيطلعو طلعات حتى هيا من بعد جهد كبير خدات أول بلاصة قريبة هزات باليزها علقاتها وكلسات جنب سرجم...
- أول مرة كنشوف وحدة طالعة لجبال الألب لي معروفة بثلج ولابسة هاذ اللباس هذا واش انت شوية لاباس؟؟...ضارت ماريا وهيا مامتيقاش ودنيها شافتو قدامها بشحمو ولحمو تبسمات بلاما تحس وعنقاتو...حس بيها بين إيديه ودقات قلبها كيضربو...دوز إيديه على شعرها وهو كيضحك..
جواد : مغاديش نجاوبك الى بغيت ندير الحاجة كندير ومكنتشاور مع حتى واحد الى ماعجبكش الحال التران مزال واقف نهبط بحالي..
ماريا : هبط شكون شدك؟😑
جواد(وقف) :
- هيا لي متعاود
ماريا(جراتو) :
- كلس الأرض براكة من ضحك الباسل
جواد(كيضحك) :
- منرضهاش فوجهك الحبيبة ديالي هاهو كالس
ماريا(ولات حمرة دارت راسها مدات مجابت من الكلمة لي كال) :
- علاش كلتي بلي انا مسطية لي لابسة هاد اللبس؟
جواد : مبانش ليك بلي كاع ناس مكبطين الفوق راه كاين الثلج كاين فرق كبير مابين المدينة والجبال كل بلاصة وطقس ديالها الى كنتي جايبة معاك شيحاجة ديال البرد سيري اطواليط لبسيها ورجعي
ماريا(كترمش فعينيها بحال بنية صغيرة) :
- جبت معايا غير واحد تجاكيط صافي...هز جواد حجبانو كيشوف فيها بستغراب مامتيقش شنو كيسمع
جواد : واش انت بعقلك ولا غير مسلفة داك العقل ومتقلة بيه واش كاين شي واحد عندو العقل جاي لهنا بلا حوايج وكون غيرما قريتيش على هاد المنطقة نعدروك(سكت ورجع هضر) :
- صافي ماشي مشكيل حتى نوصلو ونشوفو شنو ناخدو ليك دابا لبسي هادي تجاكيط بينما وصلنا...وقفات تجبد الباليزة ديالها ولكن سبقها ليها فتحها حتى هزات منها لي بغات ورجع سدها ورجعها لبلاصتها...لبساتها ودارت إيديها فجيابها ورجعات كلسات حداه...قبل ماتستوعب شنو دار لقات راسها تحت دراعو بغات تكلس مقادة وتبعد منو ماخلاهاش..
جواد(بحزم مخرج عينيه فيها) :
- شششش رصاي بلاصتك
ماريا : حيد إيديك الناس كيشوفو فينا؟
جواد : يشوف لي بغا يشوف مكيهمني حتى حد كل واحد يديها فجهة ضاراها...بقات كتشوف فيه بنص عين بحال شي بنت خايفة لا يضربها باباها ولكن فالداخل ديالها عاجبها الحال ماكرهات يزيد يعنقها كثر وكثر مايطلقهاش...حدر عينيه عندها دارت راسها مكتشوفش فيه..تبسم وزاد قربها منو كثر وكثر...تنهد تنهيدة طويلة ورجع راسو لور...شوية بشوية بدات كترخا بين إيديه حركات إيديها لا إراديا وحطاتهم على صدرو وترخات صوت ديال التران والبرد لي جاي من سرجم ودقات قلبو لي تحت إيديها ريحتو لي دخلات لوسط نيفها خلاتها تزيد ترخا وتغمض عينيها حسات بواحد الأمان حيت بلاصتها هنا جنبو وقريبة ليه بزااف حبيبها روحها وحياتها كلهم تجمعو فيه هو...
****
"أخبروا قلوبكم أن يوماً ما وفي مكان ما ..
سيأتي الفرح إلى قلوبكم، وسيحتضنكم كثيراً ..
أخبروا أحزانكم أنها ضيوف وستمضي ..
أخبروا قلوبكم أن الحياة لحظات عابرة."..
كون فكرات ألف مرة مغاديش يجي على بالها تجي لهاد البلاصة دنيا عامرة بزااف الناس مع عائلاتهم وحبابهم وكيف كال جواد دنيا كلها مغطية بثلج كولشي لابسين مزيان ومكبطين غير حطات رجليها على الأرض ولات كترعد بالبرد...
جواد : واحتى نوصلو ويحن الله ودابا خلينا نمشيو لوطيل ناخدو لي شومبر ناكلو شيحاجة ومن بعد يالالة نبداو الجولة ديالنا واخا...حركات ليه ماريا راسها وعطاتو أجمل ضحكة...جرها من إيديها غادي بيها واحد المسافة شادة ليه فيديه وعينيها كيضورو ويتمتعو بهاد المناظر شكون لي مكايبغيش الثلج ومكاينساش راسو وسط منو خصوصا الى كنتي فوق جبال...تم جارها جواد فواحد الطلعة حتى كيبان ليها واحد الدار كبيرة معلقة فيها بلاكة بذهبي لي شاف هاد الدار ميكولش بلي هذا أوطيل مبني بالقرميد الحمر والخشب سراجم ديالو كبار مزينين بالورد كيعطيك إحساس براحة بحال الى كاين وسط دارك ماشي اوطيل..
جواد : وادخلي بعدا وشوفيه من الداخل..تبعاتو كيغطسو رجليها وسط الثلج فتح جواد الباب ونزل راسو باش مايتضربش مع الحافة دالباب...ماريا تفتحو عينيها كيبريو والقلوب ترسمو فوجها كامل ضحكات حتى بانت ليها الضرسة ديال العقل...مكانتش متوقعاه بحال هكا حسن من برا وبزاااف...الدفاية كبيرة شاعلة جوج تماتيل لي شافهم يكول واش كيشطحو ومن جهة لوخرا واحد اكواريوم عامرة بالحوت بمختلف الألوان والأحجام داير بيه حجر فالبيج زربية فالكرونة من جهة لوخرا كاينة مكتبة كبيرة مزينة بضواو حداها جوج كراسة بنسبة لي بغا يقرا ومن جهة ليسرية جوج فوتويات فلون الخضر والبيج او واحد الفوتوي كبير بالبيج ضايرين بيه مخيدات فالغوت تلفازة كبيرة بلازمة وطبلة...عاد مكتب كبير فيه مدير الاوطيل والمسؤول...خلاها جواد واقفة كدور فعينيها مبهورة هذا لي صمم هاد الاوطيل مانسا والو...
جواد : ساليتي واخا نمشيو دابا؟
ماريا : أجي كاعما شفت المطعم؟
جواد : كاين الفوق باش منين تكوني كتاكلي تمتعي بالمنظر ديال هنا ويلاه الله يرضي عليك...تم سابقها وهيا بقات وراه واقفة...وقف ورجع لعندها جرها من يديها طلعها فلاسانسور...وصلو لطابق الأول الغرفة 201 فتحها ودخلها ليها بحالها بحال الطابق اللون بسيطة ولكن دافية بزااف..
جواد : أنخليك ترتاحي انا فالبيت لي حداك نلقاك واجدة من هنا ل20دقيقة باش نتغداو ومن تما نخرجو واخا؟
ماريا(كترمش بعينيها وتشوف فيه) :
- واخا😄
وقف كيشوف فيها رجع خطوة لور وعطاها بظهر فتح الباب شوية وقف دار عندها ورجع..
جواد : مكنتش باغي ندير هادشي ولكن منقدش الصبر فوق طاقتي...مجات فين تستوعب كلامو حتى شد وجها بين إيديه ونزل بشفايفو على شفايفها مغرقها فبوسة طويلة كلها حب وشوق ورغبة فيها دابت بين إيديه دغية ستسلمات لمشاعر ديالها قلبها كيضرب وسط ضلوعها مافاقتش حتى كان بعد عليها وخرج بزربة ضارب الباب وراه..
رجعات بخطوة لور شداتها غير النموسية لي كالاتها حتى كلسات حاطة يديها على قلبها وكاتسمع دقاتو لي كيضربو بجهد كدور فعينيها وديك اللقطة كتكرر معاها...بلعات ريقها وعاد فاقت..
- والله حتى باسني ولد الهاااااام باسني وانا بحال شي باهلال خليتو وليت كي شريويطة بين يديها ولايني انا بغلة وخاصني الودنين واجي تشوف طل عليا اوسيم وشوف وانا لي كالسة نحلف ونغوت لا والله لا حط عليا يديه واخا نعرف نعس فالقوادس مع طوبات ولايحط عليا يديه تجمعي اماريا شوية تجمعي وديري العز لراسك شوية جمعي وطوي هاد المرة يبغي يقرب ليك كوليه سمح ليا أخويا حنا ماعندناش البنات كيتباسو قبل زواج مورا زواج اه بسالة وقلت الأدب...رجعات سكات وقفات كدور فالبيت وتفكر..
- انزورو بزااف ديال البلايص هنا أيعجبوك بزااف غادي نزورو بحيرة الملك وكهوف الجنيات ايعجبوك بزااف وصخور الكلسية فجزيرة روغن وضروري تزوري شلالات اوراخ من بعدها انرجعو لألمانيا نمشيو لبرلين تزوري المتاحف تما تشوفي قلعة نويشفانشتاين قصر مانهايم وعمود النصر وبزااف ديال الحوايج أيعجبوك..
ماريا(مبهورة) :
- واووو هادشي كولشي زرتيه وكتعرفو تبارك الله عليك والله..
جواد : غير شوية وصافي الخدمة كتخليك تزور بزاف ديال دول وتعامل مع بزااف ديال الناس داكشي باش غادي تلقايني كنعرف بزااف ديال البلايص وبزااف ديال الناس...قاطعهم السرباي لي جاب ليهم الماكلة مع الجوع والجو ديال البرد رجعو طباسلهم خاوية وختموها بحلوة ديال شكلاط مع حليب بشكلاط سخان...
جواد : دابا رجعنا الروح شنو بان ليك نمشيو؟
ماريا : اهاه واخا...خرجات ماريا وجواد المطعم غاديين مع بعضياتهم مرة ماريا كتعكل مرة كتبغي الطيح الثلج غارق وحتى البوت ديالها مامعاونهاش بعد المرات..
جواد : انت وكضي راسك وشدي فيه
ماريا : كتهضر بحال الى انا لي باغيو نتعوج ونطيح راه الثلج غارق وحتى هاد البوتيو مامعاونش
جواد : انت كلشي كتلقاي ليه حجة...
ماريا : اوووف ياربي الى بغيتي سبقني بلاما تبقى غادي معايا الى اتبقى غير تنكر...سبقها جواد لعند واحد الراجل كبير فالعمر كيكري المعدات ديال التزلج خدا من عندو جوج بنسبة لجوج ديال الناس...وقف حتى تلحقات بيه ماريا وكملو طريق طالعين حتى لراس دجبل الناس بزاااف والاغلبية جاي مع العائلة ديالو...
ماريا : كاتليك انا سوفاج ومامربياش واش سمعتي الفارة بنت الفارة لوخرا اش كالت ومتكولوش ماريا لي كتجبد وماريا لي عزيز عليها الصداع...ضارت دورة وحدة لديك خيتي شداتها من شعرها كاحت عليها طيحة وحدة لوخرا كتغوت وماريا كالسة عليها بحال كلاسات دالحمام..
جواد(بصرامة) :
- ماريا نوضي من شوهة أتقتلي البنت..شافت فيه وعينيها كون كانو قرطاس كون قتلوه :
- والله وتقرب ليا حتى نخلطك انت وهيا ونضرب ليكم الطر بطارة والبندير...رجعات لعند الضحية كتهز فثلج وتخشي ليها تحت الحوايج وتهز الثلج وتلبخو ليها على راسها بحال الحنة مرمداتها حتى من صحاباتها ماقدوش يقربو شادين على فمهم وكيغوتو ويطلبو من الناس يدخلو...جا جواد ورا ماريا وجرها من كتافها هازها كتركل بين يديه وترفس وتغوت ربي لي خلقها مخلية البنت مليوحة كتحاول تنوض تجمع راسها...
ماريا : باش تعلمي تكولي على المغربيات مامربياتش ياتريكة الما مكلاصي...حطها جواد بجهد واقف قدامها بحال شي جبل عينيه حمرين صدرو كيطلع ويهبط
جواد(بالغوات) :
- واش انت عمرك مغادي ديري عقلك ديما انت هيا انت كولشي كتحليه غير بضرب والهمجية ماقدكش المغرب جايبة داكشي حتى لهنا😠
ماريا : هاي هاي هاي كترضها ليا ياااك شكون كيهضر على الهمجية وتحضر انت لي جوج كلمات كتفاريه بالبونية الواحد منين يبغي يهضر فشي حد وينعت فيه يشوف راسو هو الاول ويعاتب راسو عرفتي مايجيك مليح انا غادية لبيتي نعس ونرتاح وهاد الرحلة انكملها بوحدي بيك ولا بلا بيك...ضارت عطاتو بظهر..
جواد(شد فراسو) :
- ياربي صبر من عندك ماريا مارياااااا كنهضر معاك وقفي ماااريا...كيغوت على الخوا الخاوي أما ماريا خلاتو ومشات كتضرب برجليها فالأرض...غادية معمية حتى وصلات لأوطيل طلعات فلاسنسور وصلات قدام بيتها...دوزات إيديها على شعرها خشات ايدها فجيبها تجبد الساروت الجيب الأول جيب الثاني والو مالقات..
ماريا(كتقلب بشك) :
- ويلي فين مشا ليا ساروت يكون زعمة بقا عندو فجيبو ولكن انا ماعقلتش يكون عندو..واصلا مغاديش نحاشيها ليه ونسولو...رجعات هبطات لاستقبال سولاتهم واش عندهم ضوبل؟
- لا للأسف ماعندناش الضوبل خصوصا لداك البيت عندو ساروت واحد حيت خاص لناس لي مميزين..
ماريا : صافي الله يرحم باك بلاما تزيد على مابيا بنادم يديرها او واحد يغرق فيها
جواد : اه انا لي خرجت فالبنات وانا لي نتفت ديك السيدة وانا لي درت الشوهة وانا لي وضرت الساروت...جمعات فمها ماحملاتوش فهاد الساعة ضربات بزنطرات ورجعات لبيتها غادية جاية فالكونطوار ماعرفة مدير كتحس بالبرد وتبوريشة فدات ديالها كلها فازكة مافيهاش بلاصة ماشفة
ماريا(كتعاير) :
- أش هاد الزهر عندي المشاكل تابعيني فينما مشيت ياربي دابا شنو اندير...وقف عليها جواد داز من حداها كيطلعها ويهبطها اما هيا دارت راسها مشافتوش...جبد ساروت ديالو فتح بيه بيتو ودخل شوية رجع هاز فوطة فيديه...مدها ليها..
جواد : هاكي مسحي بهادي وديريها على راسك باشما تمرضي الساروت مغاديش يرجع حسن دخلي لبيتي رتاحي..
ماريا(شدات الفوطة عندو) :
- لا بلاش غير خليني هنا حسن
جواد(بصرامة غوت بجهد حتى طيرها من بلاصتها) :
- ماتخلينيش ندير معاك شي تصرف ديال العهد الحجري حسن ليك تسنطي ودخلي ولا وديني وما أعبد أنهزك وندخلك بزز وهاد المرة انا لي اندير ليك الشوهة..بقات كدور فعينيها وتشوف فيه حدرات راسها ودخلات لبيتو مشات حانية راسها حتى لنموسية وكلسات..هزات راسها فيه مقابلاه حتى حيد المونطو ديالو...مشا لواحد التيرمو كب كاس ليه دالقهوة بالحليب وكاس ليها..مد ليها طاس ديالها ومشا كلس فوق الفوتوي مقابل معاها..
ماريا(جغمات من القهوة وهزات راسها فيه) :
- زعمة مايقدوش يهرسو الباب؟
جواد(هز حاجب ومهبط الثاني) :
- يهرسو الباب لي مصنوع من خشب العرعار الحر على قبلك انت بعقلك لا؟
ماريا : غير كنهضرو وصافي مكلت والو دير راسك مامااااااااااأتشيووووو(العطسة ديال المشة)..
جواد(وقف) :
- نوضي دوشي انعطيك شي بيجامة من عندي عدي بيها خاصك ضروري تحيدي هاد الحوايج فازكين انعطيك واحد الأسبرين باش يوقف ليك المرض من اللول يلاه..وبلاما نسمع حسك حيت شفت فيك وسمعت منك هاد النهار لي يخليني تزيدي كلمة وحدة مغاديش نبقى مسؤول على لي غادي يوقع نوضي...حطات الطاس من يديها كتشوف فيه..او وقفات كدوز يديها على جنابها..خلاها واقفة دخل لدوش ورجع
جواد : راه شعلت ليك الما كولشي كاين شومبوان باندوش وكاينين جوج شيتات ديال السنان الزرقة راها جديدة مامستعملاش غادي تخرجي اتلقايني حاط ليك بيجامة...لبسيها وتخشاي فالفراش انا اندير واحد المكالمة ونرجع باش نعكيك الأسبرين صافي؟..
ماريا(حادرة راسها) :
- واخا...خرج جواد وخلاها حدرات راسها ودخلات لدوش كدور عينيها فلي برودوي لي حاط كلهم رجاليين كتهز قرعة موس دالحلاقة تقلب وتشم هزات الريحة ديالو(كلونيا)كباتها عليها وعلى حوايجها..
ماريا(كتستمتع بريحتها) :
- مممم نكب هنا شوية وهنا شوية وانا كنكول ريحتو كدوخ هيا راه غير هاد القريعة هادي دايرة فيا الهبال...خافت لا يجي جواد زيلقاها موال مسالات حطات القرعة بزربة ولكن محطاتهاش مقادة حطاتها على الحافة فقدات تزوان ديالها مجاتش فين تشدها حتى ولات كلها مشتة فوق الأرض...بقات واقفة مصدومة مخرجة عينيها وكتشوف شوية بدلات ملامح وجها بدات تغبن وتبكي ونمسح فنيوفها لي جايين بالما.. :
- انا فيا شي دعوة انا مافيهاش الله ياربي اش داني كياكلوني يدي فيا انبيش اشنو اندير دابا أحسن حاجة غادي نغبر هادشي وندخل ندوش ونكتر الصابون وشامبوان باش تغطي ريحتو ريحة الريحة اه والى سول انكوليه انا ماشفت ماريت ونخرج من باب وااااسع وهاني هانية مع راسي😈...بدات كتجمع فزاج حتى جمعاتو كلو خدات واحد الخنيشة حاطينها مالين الاوطيل فيها الورد حيدات داك الورد حطاتو فطبلة فجنب ودارت داك زاج فالخنشة وغبراتو خدات جفاف حيدات كاع داك الزاج وخوات نص ايطرو ديال سانيكرو حتى من قرعة معطر الجو كملاتها..مع سالات الباب سمعاتو تحل..حيدات حوايجها بالخف ودخلات لدوش طالقة الما...دوشات وغسلات حالتها حتى من شومبوان ديال جواد خواتو على شعرها شلالات وسالات دارت عليها بينوار ولوات راسها فالفوكة خرجات من الدوش كتسكل ماسمعات حتى حس طلات براسها على برا البيت خاوي خرجات من دوش كتجري جيهت النموسية كتبان ليها واحد البيجامة ديال الحرير فزرق محطوطة...لبساتها بزربة وتخشات تحت النموسية..تفتح الباب ودخل جواد بطولتو وقامتو هاز فيديه غرافة ديال الما وكاس...قرب حداها بلاما يهضر حط يدو على جبهتها..
جمعات ماريا اضحكة تخشات كليا تحت الفراش ودارت لجهة لوخرا...جاتو جواد الضحكة جمعها وخرج راد الباب من وراه..
ليتني أملكُ صيدلية
أبيع فيها "كتفآ لنبكي عليه" ..
أو "ذراعـآ لنستند إليها "...
أبيع "صندوق ابتسامات".. 3 مرات باليوم ..
أو "زجاجة دموع ".. تستخدم عند الحاجة ..
على تلك الرفوف الخرساء سأضع كل أصوات الدنيا.. ,
سأدرج كل ماتتوق اليه تلك النفس البشرية الجافة !!, "حبّة تعاطف" لأولئك الذين ماتت قلوبهم وجعا ..
"شراب مقوي للقلب" لتلك القلوب الحزينة المنكسرة .. "لصقات الجروح غير المرئية " لتلك الجروح التي تتركها كلماتهم في أذهاننا..
"حبة أمل " "حبة محبة" "حبة فرح " "حبة تفاؤل"...
أقراص سعادة " تدوم وتدوم وتدوم ...
"لمسة حنان" مرة قبل النوم ..
"كلمة صديق " تستخدم عند الأزمات ..
"لمة العيلة " تُفعَّل في الأعياد والمناسبات الرسمية ..
"قارورة ألم" تحفظ بعيدا عن متناول الأطفال ..
"مطهر للنفوس المصابة ..
"غسول راحة البال"، يستعمل كل يوم وكل ساعة وعند كل خطب جلل ..
" ضمادات البيت الدافئ" لأولئك السابحين في عراء الدنيا وبرودة الحياة ..
وأخيرا وليس آخراً "بخاخ النسيان" للاستعمال الداخلي والخارجي , يستطب في كل الحالات المؤسفة , لا آثار جانبية معروفة ..لاضمادات استعمال... الجرعة غير محدودة .. التأثير عام ومباشر..
****
فتح جواد الباب بيد وحدة وليد لوخرا هاز بيها بلاطو فيها واحد الشربة وشوية ديال الخبز...حطهم على الطبلة ومشا جيهت ماريا باش يفيقها...قرب ليها كيبان ليه حناكها حمرين جمع غوباشتو وحط يديه على وجها لقاه طايب بحال العافية..
جواد(بقلق) :
- اوووه بزااف ماريا ماريا..
ماريا : ممممم...أممممم...
- كتنين ويمكن كتحلم...مشا بخطوات واسعة لماريو فتحو وجبد واحد البوشيط خدا منها واحد المحرار ورجع حيد الغطا عليها ودار داك المحرار تحت باطها...بقا واقف كيتسنى حتى سمع سوط ديال المحرار...حيدو ليها بانت ليه الحرارة 40 عالية بزااااف...مشا بجرا عمر واحد البانيو صغير بالما بارد خدا فوطة بيضة دارها وسطو وجا حداها...كيهز دسك الفوطة ويديرها ليها على جبهتها حتى كيحس بيها مشفات ويرجع يديرها وسط الما ويرجعها ليها الليل كلو وهيا هكاك...وهو كااس حداها مافرقهاش لحظة وحدة...ناض باش يبدل الما لي ولا سخون بواحد بارد...هو فالحمام وكيسمع صوتها..جا كيجري عند بالو فاقت كتبان ليه مزال مغمضة عينيها وعاقدة غوباشتها ويمكن كتحلم...جا يرجع لحمام يجيب البانيو لي خلا حتى كيوقف على كلامها...
- ما ماتقربوش ليه هو ماشي طالياني مغربي حبيبي هذاك مضحكش معاهم أجواد ماضحكش أنت ديالي أنا بوحدي هممممم...رجعات سكات وضارت على جنب لاخور...جواد بقا مسنر بلاصتو معارفش راسو واش يتيق ودنيه ولالا...رجع وقفو صوتها ولكن هاد المرة الصدمة شلاتو والكلمة لي خرجات من فمها ماخلاتو يزيد ولا يبقى واقف..
- بلع ريقو كيحس بحال الى خويتي عليه سطل ديال الما بارد بقا واقف بلاصتو صوتها وكلامها كيتردد فودنيه ماعرفش واش يتيق ولالا تقدر تكون السخانة أترات عليها وخلاتها تكول شي حوايج هيا معارفاهش ولكن الى كان بصح الى كان بصح اتكون حتى هيا كتبغيه كيفما كيبغيها وبزااف ديال المشاكل أيكونو تحلو ولخصات عليه بزااف ديال الوقت والعذاب خاصو يتأكد ضروري مايتأكد مايقدش يعيش مع هاد الشك هذا جهة كتديه وجهة كتجيبو...واخا هاذ الشك حس بواحد الفرحة كيقنع راسو بلي هادي ماشي سخانة ماريا فهاد اللحظة عتارفات ليه بالحب ديالها...تبسم تبسيمة كبيرة ورجع لحمام هز البانيو ورجع لعندها تاني...كل مرة كيبدل الفوطة حتى داه النعاس وهو حداها....
بداو خيوط الشمس كيتسللو من شقات ديال السرجم...هز جواد الراسو بشوية كيحل عينيه بزز ويدوز إيديه على عنقو كيحس بالدات ديالو كلها مشنطة وعنقو كيضرو...وقف كيشوف فماريا لي باينة مرتاحة فنعاس ديالها...قرب منها وحط يدو على جبهتها لقى السخانة نزلات ليها داكشي باش نعسات...بعد بشوية رد الرواق على السراجم...هز حوايجو ودخل لدوش دوش لبس حوايجو تم وخرج لقاها تحولات لوضعية أخرى لايحة رجل فسما ورجل فالأرض...تبسم وخرج...
****
#فدار_وسيم
اروى(حالة فمها فثورية ومصدومة) :
- وانت انت شنو كلتي ليه باش جاوبتيه زعمة؟هزات فيها ثورية راسها كدور فعينيها
أروى : مغادي طلقي هاد جوج كلمات حتى يشحف فمي هضري خلاص باش جاوبتيه؟
ثورية : كتليه لي ديرها انا معاك فيها😑
اروى(كتخبط في فخاضها) :
- اويلي حي على غدايدي واش هو سولك اشنو غادي نديرو لغدا...راه طلب يديك لزواج عرفتي شنو دار باش صدرني انا حرم عليا نمشي معاكم لمطار غير باش يبقا معاك زعمة خويا راه عمرو بغا فحياتو كنا شاكين فيه اصلا واش غادي يتزوج شي نهار ومن بعد هادشي كامل كتكولي ليه لي بان ليك ديرو واش انت مكتبغيهش مكيعجبكش؟
ثورية(علات حجبانها) :
- لا مكلتش هكاك وسيم ظريف ولد الناس واخا طبعو كان صعيب ولكن حنين والله
أروى : خلينا من حنين ولا بنين دابا واش كيعجبك اه لا؟
ثورية : صراحة أه كيعجبني
اروى : ومالك مكلتيها ليه خليتيه مقلق شفتيه من نهار رجعتو انت وياه مابقاش كيعمر دار مكيجي حتى ليل ويطلع لبيتو بسيف عند بالو انت مكتبغيهش
ثورية : انا راه ماعرفت شنو ندير تصدمت خصوصا هو فين و وانا فييين
أروى : الله يعطيك الستر براكة عليا من داك تخربيق ديال والو النسب المستوى وداك تخربيق راه مامنو والو فخبارك واحد خالتي كانو حداهم شي ناس على قد الحال عندهم جوج بنات وحدة الله يستر ويستر الجميع ياربي خارجة طريق كتجي كل ليلة طاكسي تاخدها والبنت الثانية خدامة سرباية فالبار...واحد المرة مشينا زرنا خالتي وكنشوفو القاعة والموسيقى خدامة منين سولت خالتي كاتليا بلي ديك السرباية تعرف عليها واحد نصراني غزااال ولاباس عليه وسلم على قبلها وتزوجها...او من وراها بسيمانة تبنات قاعة تانية قدها قداش بضواو وزرابي وعرضونا ومشينا لصقت فخالتي بزز وهادالمرة العروسة هيا بنتهم لي كانت خارجة لطريق خداها واحد إيطار فالبنكة مزال عزري وغزااال وماماه وباباه حاجين ماكلوليه لا لا متاخدهاش راه مامزيانة لا والو ولحد دابا كتكولينا خالتي بلي عايشات بحال الاميرات ربي كافة ليهم عمرك تحكري راسك وتكولي لا انا عمري ايشوف فيا شي واحد لاباس عليه عطي قيمة راسك وبغي راسك راه الما بغيتي انت راسك ودرتي ليها قيمة راه عمر الناس يعطيوها ليك تفاهمنا تيقي فراسك وكولي أه انا نستاهل ونستاهل احسن حاجة فهاد الدنيا الى كانت نيتك زوينة وكتنوي لخير اتلقاي لخير والى نويتي الخايب اتلقاي الخايب تفاهمنا؟..☺
خرجات كتجر رجليها لابسة بينوار ديال الحمام جاها طويلة وبانطوفة لاوية على راسها فوطة صغيرة...كتبان بحال شي بنت صغيرة...هز جواد فيها راسو ضحكو منضرها ولكن فنفس الوقت عجبو بزاااف كتبان بريئة وصغيرة طبيعية بزاااف...
جواد : بصحة والراحة
ماريا : احم الله يعطيك الصحة
جواد : يلاه دوزي تفطري راه هضرت مع مدير ديال لوطيل على قبل بيتك باش يفتحوه غادي نطر نعطيك بيجامتي تلبسيها وحوايجك راه نشفو شوية وتجيبهم الخدامة
ماريا : واخا شكرا...قربات من طبلة وكلسات حط ليها الفطور قدامها مع فيها جوع كلات كولشي
جواد(ماد ليها دوا) :
- هاكي شربي باش تبراي
ماريا : وليت كنحس براسي مزيان.... :
- غير تأتير دوش اما اليوم اتحسي بحلقك ونيوفك مسدودين خاصك تحاربيه قبل مايشظ فيك..
- لا مخارجش عندي شي شغال خاصني نديرهم انكلس معاك ولكن بعيد
ماريا : اه واخا...خدات من عندو الدوا شرباتو هزات البيجامة لي كان موجدها ليها لبساتها فدوش ورجعات لفوق نموسية تخشات تحت الغطا خدات تيليكوموند وشعلات التلفازة كتقلب حتى لقات واحد الفيلم كيعجبها واخا تفرجات فيه فينما لقاتو كتعاودو ديال(ساندرا بيلوك)...فتح جواد الباب ودخل هاز بيسي ديالو حطو على طبلة وقرب الكرسي...قبل مايكلس بدا كيحيد فتريكو لي كان لابس..
ماريا(قفزات) :
- أاااش كدير؟.. دار عندها جواد هاز حاجبو بستغراب :
- كنحيد فتريكو راه باينة
ماريا : راه عرفت ولكن علاش كتحيدو راه ابضربك حتى انت لبرد واصلا الجو بارد بزاااف او واعر تحيد حوايجك والله
جواد : هممم كتخافي عليا لهاد الدرجة😉
ماريا : اه لا زعمة بغيت نكوليك راه الرواح ديال هاد الوقت واعر انا مريضة وتزيد تمرض انت صعيب الحال
- عرفتي شنو واخا هكاك ماقنعتينيش ولكن غير باش نريح بالك انا صعيب عليا نمرض كناخد تلقيح كل عام ديال الحساسية ورواح😉...حيد التريكو وبقا غير بتيشورت لاصق عليه كول ديالو V مبين عرض صدرو...كلس على الكرسي فتح البيسي وبدا خدام...ولكن وراه كانت كالسة عين عليه وعين على تلفازة مأتر عليها يديها كياكلوها..
(اوووف ياربي صبر من عندك ياربي)..
لا فـرق بين عـقلي و قـلبي
ذاك ينـبض لك
وهـذا يفـكر بك..
كـلاهما أنت ولا أعـرف أيـن أنا !
عنـدمــا يكـُـون الرجـُـل حنونـــاْ تتمنى المرأة لـو أن لها قلبين
لتعطيه أكثــر مما كــان يتوقــع ..💙
****
سقيل فالبيت من غير صوتوالتلفازة لي خدام...ماريا بدات كتحس براسها ولات بيخير شوية حتى نيوفها بداو كيتحلو...تقادات فالكلسة وربعات كتشوف فجواد...هز راسو على غفلة شاف فيها... :
ماريا : لاااا عااادي والله انا غير سولت زعمة كلت نجمعو شوية..
رجع دار جواد لجهة بيسي..ومجاوبهاش...بقات كالسة كتشوف فيه وهيا كتغلي من الداخل لي كيهمها هيا تعرف السر ديال ديك الريحة...جرات رجليها من فوق النموسية او وقفات قربات ليه..
ماريا : مجاوبتينيش😕
جواد(بلاما يشوف فيها) :
- ماريا عندي الخدمة بدلي ساعة بخرا
ماريا : مالك بحال هكا ماقدش تكول ليا زعمة وتجاوب على سؤال انا فاش كتسولني كتبقى تحكر حتى كتعرف
جواد : الصمت
ماريا : وراه كنهضر معاك زعمة
جواد : الصمت
ماريا : انا لي هبيلة كنسول فيك زعمة بحال الناس المتحضرين ولكن انت والو ديما معفر وعاجبك راسك...يلاه اتعطيه بظهر مد ليها رجليه تعكلات مع تعكلات جرها بالخف من يديها جرها لعندو طاحت على رجليه وبين دراعو...خرجات عينيها بجوج شداتها تبوريشة والخلعة قلبها كيضرب بجهد..هزات عينيها فيه كانو عينيه كيبريو وكيشوفو فيها بواحد الشوفات فشكاال..
ماريا : اهااام واخا...غير كملات فطورها ماتسناتش حتى تلبس حوايجها هزات ساروت وخرجات بالبيجامة ديالو دخلات لبيتها جبدات الحوايج لي غادي تلبس ودخلات لحمام دوشات عليها حسات براسها بيخير وعندها طاقة كبيرة خرجات نشافت راسها وشعرها سيشواراتو وخلاتو مطلوق مع مشيطة صغيرة من القدام دارت حلاقات ضايرين كبار لبسات تيشورت فالخزي ممزوق مع دجاكيط خزية ديال العسكر سروال فالقهوي وسبرديلة فالخزي مريحة قدات وجها لمسة من الماسكارا وعكر فالقهوي رشات من ريحتها هزات واحد السكادو دارت فيه قرعة ديال الما او واقي الشمس ديالها هزات تيليفونها وخرجات من البيت خدات الساروت دارتو فجيب صغير فساكادو ديالها ومشات لبيت جواد يلاه ادق تفتح الباب وخرج جواد طلعها وهبطها مصغر عينيه بقا واقف شحال مقابلها حتى هو كان كامل الرجولة بتيشورت فزرق سروال فنفس اللون تجين مع تجاكيط كوير فالكحل وكاط فالقهوي ساعة رياضية فيدو كيبان بحال شي شخصية ميريكانية..
ماريا : نمشيو؟
جواد :يلاه...سبقها وهيا وراه مغمضة عينيها تابعة ريحتو وكتمتع بيها حتى تصربات مع ظهرو منين وقف..
- مكتشوفيش؟مزال فيك النعاس؟
ماريا : انت لي ماعلمتيش فاش وقفتي
جواد : كنبان ليك كنت سايك راه كنت كنتمشى جبتي معاك الساروت ياك؟
ماريا : اه اه ماتخافش جبتو معايا...عطاها بظهر وكمل طريقو خداو لاسانسور وخرجو على برا كانت طوموبيل واقفة من نوع jeep فالكحل...وقفات ماريا وشافت فيه :
- ديالمن هادي؟
جواد : ديالي لي غادي نمشيو فيها يلاه بلاما نضيعو الوقت...بزربة طلعات حدات دارت حزام سلامة ديمارا وشدو طريق لأول وجهة ليهم ولي هيا بحيرة الملك...
****
مكانتش الطريق طويلة حتى وصلو لاجمل منظر شافتو ماريا بحيرة كبيرة جات بين جبال ومنحدرات...وقف جواد بطوموبيل هبطات ماريا كتجري واقفة مبهورة بالمنظر...شافت فجواد والحماس فوجها..
جواد : بحيرة الملك عندها جوج أسرار اولهم فاش كطلع الشمس وكتكون حارة لون البحيرة كيتحول من زرق لخضر وحاجة الثانية هيا هاد الصخور لي كتشوفي أي كلمة كلتيها كيتردد الصدى ديالها كثر من مرة...
ماريا : نااااري زوين هادشي كتحس براحة هاك تيليفوني صورني...شد من عندها تيليفون صورها شحال من تصويرة خدات من عندو تيليفونها وصورات البحيرة من الفوق ودوك الصخور...
جواد(جرها من إيديها) :
- يلاه مزال عندنا مايتشاف..ركبو تاني فطوموبيل وشدو طريق وحدة خرى...
وصلة لمدينة تورينغن..وبضبط فزالفيلد...وقف جزاد طوموبيل قدام واحد المنجم من برا كيبان قديم بزااف ديال زوار داخلين ليه الأغلبية هاز كاميرا فعنقز باش يصور...خدا إيد ماريا ودخلو لمنجم غير خلاو الباب وراهم حتى جاهم ضو على وجهم ماشي غير ضو واحد ضواو بزاااف..
ماريا(شهقات وحلات عينيها منباهرة بالجمال لي قدامها) :
- عمري شفت بحال هاد المناظر شيحاجة فوق الخيال والله
جواد : هادو أسمهم كهوف الجنيات وهيا مدكورة فكتاب غينيس للأرقام القياسية من 1993 وكتعتابر أكثر كهوف العالم غنى بالألوان كيف كتشوفي قدامك دابا...دورات عينيها كيبانو ليها بزااف ديال الألوان بحال ألوان الزمرد كتبقاي مبهورة وكتنساي راسك...جواد ماحيدش إيدو من إيدها..جارها وكيوريها كل حاجة ويسميها كل حاجة مدازتش هاد الخرجة بلا تصاور ولكن كان خاصهم يخرجو من هنا باش يكملو الرحلة ديالهم لبلاصة خرى..
-(فطوموبيل) :
- ودابا لفين انمشيو؟
شاف فيها جواد بإبتسامة :
- مالك زربانة حتى تشوفي بعينيك أجي شفتك أي بلاصة زرناها كتهزي تيليفون وتمشي لميمو وتقيدي؟
ماريا : اه اي بلاصة كلتي ليا عليها كنكتبها باش فاش نرجع نقيدها فالمدكرة ديالي ومانساهاش..
جواد : هممم برافو عليك..الطريق لي خداو مكانتش طويلة حتى هيا قريبة ولكن خاوية غير الشجر والخضورة ولكن الجو تبدل شوية ديال البرودة بحال الجو ديال الشتا ولكن الشميسة مزال حاضرة...وقف جواد ونزل نزلات ماريا دايرة يديها فجيابها وكتشوف فلي حداها..
ماريا : واش وصلنا؟
جواد : لا مزال غير خاصنا نتمشاو على رجلينا هاد المرة مايمكنش دخل طوموبيل لفين غاديين يلاه...خدا يديها من جديد وتمو شادين واحد الطريق ضيقة غير بين الشجر...الربيع مدلي عليهم كل مرة جواد كيحيدو باش يقدرو يدوزو...صوت ديال الما كيتسمع الصدى ديالو وصوت الطيور...وأخيرا بدات كتوضح الصورة قدامهم..
جواد(وقف) :
- ودابا وصلنا😉...طلقات ماريا من جواد وبدات كتقرب والما كيترش على وجها..
- سبحان الله عمري فحياتي شفت بخال هاد المناظر هادو والله مكنتش متوقعة بلي بحال هاد البلايص كاينين
جواد : بعد المرات الواحد خاصو يقلب ويقرا على حضارات وعلى أماكن بلدان خرا ويتقف راسو وينمي معرفتو ماشي بضرورة يزور هاد البلايص لا...
ماريا(جبدات تيليفونها) :
- كوليا هاد البلاصة لي حنا فيها دابا شنو سميتها؟
- الالة هادو شلالات اوراخ هاد البلاصة أسميتها ولاية بادن-فورتمبيرغ منطقة شفابن هاد الشلالات معروفين بالألوان ديالهم المتميزة وطبيعة الخلابة..الى كيبان ليك داك الجرف العالي كيتسمى بالحجر المسامي كيرتافع ب 37متر كيهبط الما من الحافة ديال حتى لداك الواد لي كتشوفي..
- مزال شيحاجة خرا ولا سالينا؟
جواد : لا مزال أخر بلاصة..سبقها جواد لطوموبيل وخلاها خدات تصاور وخلطات عليه..
****
- نااااري والله حتى عيييت ورجليا طابو عليا بزاااف حرام عليك..
ماريا : انت راجل انا راه امسيكينة ماعندي صحة كاع داكشي لي فوجت نتاقمتي مني 118متر واخا نكون انا هيا هشام الكروج
جواد(كيضحك) :
- ماريا هشام الكروج كيجري ماشي كيتصلق الجبال
ماريا : كيف كيف الله يجيب الصحة وسلامة..
جواد : بقاي كتنخواي انا غادي نسبقك حتى تلحقي عليا...سبقها جواد بالخف وخلاها مزال واحلة غير مع شعرها هيا...ولاو حناكها حمرين وسخفانة وقفات جبدات قرعة ديال الما شربات منها ورجعاتها لساكادو..
ماريا(كتبغم) :
- فبلاصة ما يبقى يعاوني خلاني وسمح فيا اودي ياودي على رجلة...بقى ليها غير شوية وأخيرا حطات رجلها او وصلات عليه..
ماريا : وأخيي....وقف ليها الكلام فحلقها بلعات ريقها بصعوبة قلبها كيضرب ماعرفاتش شنو تكول منباهرة بالمنظر لي قدامها حاسة براسها كاينة فدار ديال الزاج بحال شي أميرة ديال الحكايات...بخطوات بطيئة تقدامت من واحد الكرسي عالي مصنوع من الحجر دورات عينيها كلشي زاج صخور غاديين وكيرقاقو حتى ولاو بحال الخنجر...فعز الانبهار ديالها حسات بيدين عنقوها من اللور...نفس سخونة على ودنيها..
- بريئة الوجه ..
عسلية العينان ..
مكحولة الرمش ..
غجرية الملامح ...
وثنية الجسد ..
جورية العطر ..
عابثة.. ك طفله شقيه ..
لذيذة الهمس أنيقة الروح
سيدة قلبي وما وصفت أن وصفت
فاقت الوصف فوق الوصف
.. هي حبيبتي الغالية ماريا💙❤
بشدة من آيدو لدراعها دورها عندو قابل وجهو مع وجهو وعينيه مع عينيها كيشرب ويتروى من ملامحها شفايفها لي كارزة عليهم...الشك لي كيقتل فعيني الرعدة لي كيحس بيها فالجسد ديالها...طلع إيدو بشوية لوجها كيتحسس خدودها صباعو زولو خصلة من شعرها ردها لورا ودنيها...
-(بصوت أقرب للهمس) :
- شحال وانا كنتسنى هاد اللحظة لي نكونو انا وياك بجوج بينا مايقاطعنا حتى واحد فيها غير انا وانت شحال كنت مخطط ليها نشوف فعينيك نحس بيك بين إيديا نسمع دقات قلبك وتوتر ديالك لي كيبين بلي القرب ديالي كيأتر فيك..
ماريا(بلعات ريقها) :
- ما مافهمتش؟
جواد : كولشي باين أماريا كولشي باين ضيعنا بزاااف ديال الوقت فالخصام بعدنا بزااف على بعضياتنا وخلينا الناس يدخلو فينا خلينا مشاكل بساط فرقو بيناتنا عمرك حاولتي تفهميني وحتى انا عمري حاولت نفهمك
ماريا : انت كنتي بعيد انت كنتي أناني كنتي انت هو السيد كبرياء الأسياد وغرور الأسياد
جواد(حط صبعو على فمها) :
- ششش انت بدلتي فيا بزااف ديال الحوايج عصبيتي غروري انا بدلت فيا شحال من حاجة وانت سباب كان خاصك تفهميني طبيعة خدمتي وبحكم انا الكبير فالعائلة طبيعتي كتحتم عليا نكون كنتحكم فكولشي ومانخلي حتى واحد يرفض ليا طلب كنت بحال الوحش معتارف بيها ولكن فاش قررت نحيد بنت خويا لواحد السيدة صغيرة كنتفاجئ بيهاد السيدة جابدة جناوة وحاطاهم على عنقي وهازة لافتة فيها ممنوع اللمس خطر الموت كنتي متشبنة بليليا بحال الى هيا من دمك ولحمك عطيتيها وقتك وكرستي حياتك ليها ماهمك لا كلام ناس لا شنو ايكولو عليك كان كيهمك غير تحتافضي بنت صاحبتك لي هيا امانة عندك...كيفاش بغيتي ماتكبريش فعيني كيفاش بغيتي نخليك ضيعي من إيدي بهاد السهولة..انت ملكتي حياتي وقلبي وعقلي وروحي.
الحب الهوس العشق الهيام كلمات لدرجات العشق ولكن كيف ساصف شعوري نحوك لم اكن اضن يوما انني ساغرم بهد الكم اصبحت روحي تشتاق لكي وانتي معي فكيف وانتي بعيدة صرتي نبض قلبي اسمك يسعدني كلمة منك تدخل صرور لقلبي اهتمامك يرويني حضنك يدفيني اصبحت حبيبتي سندي روحي فداك قلب ملكك اتمنا ان تصونيه... عند النظر في عينيك اجد وطني سعادتي تكمن في حظورك ترتوي حقول آمالي عندما ارى ضحكتكي يسعدني حضوركي ويرويني قربكي وتدفئني لمستكي وتسقيني قبلتكي قلبي ينبض باسمك وروحي تلتهف لنظرة من عينيكي وحظنا منك اشتاق لك...
سيدها الجزء 18
محتوى القصة
التنقل بين الأجزاء