سيدها الجزء 20

الجو برد والفراش مكاينش...كالسة حداه حاطة عليه راسها وكتلعب بيديها بواحد العود..

ماريا(بصوت عيان) :

- فيا جوع بزاااف

جواد : منين انجيب الماكلة غير صبري احبيبي انشوف كيفاش ندير ونخرجو من هنا

ماريا : انت عارف مغاديش نخرجو من هنا من كبيلة وانت كتحاول ولكن والو بلا فايدة هوما بلعاني دخلونا لهنا حيت عارفين مكاين كيفاش نخرجو لا سراجم الباب لي انهرسوه ديال لحديد كون غير خشب انهرسوه حتى شي حديدة مكاينة من غير هاد العود الصغير..

جواد : ماريا براكة الله يعطيه الستر راه لي فيا كافيني ماتزيديش عليا الله يرضي عليك خليني نفكر شنو ندير...حدرات ماريا راسها وسكتات...تسمع صوت ديال ساروت دار فالباب وقف جواد بالخف ومعاه ماريا...تفتح الباب ودخل الشخص لي هضر معاهم باللغة لي كيعرفو...يلاه ايهجم عليه جواد وقفو بهضرتو..

- مكاينش لاش تسرع سينيور خواكين بغا يشوفكم بجوج يلاه معايا...شاف فيه جواد بشك وشاف فماريا جرها من يديها دفع هداك وخرج...لقاو جوج كيتسناوهم أشرو ليهم بيديهم باش يتبعوهم..

ماريا(بالهمس) :

- شوف مكاين لاش تعصب الحمد لله لي عيط علينا هانتا هضر معاه بالعقل راه العصبية مكتحلش المشاكيل فهمتيني خاصك تنقص من العصبية ديالك تفاهم معاه غير بالعقل وبلاتي هيا أحسن...شاف فيها جواد مطلع حجبانو بستغراب :

- دابا انا لي وليت معصب انا لي عايرت السيد حتى حبسنا انا لي كتليه شارف ياااك..بدات ماريا كدور فراسها وتبقلل فعينيها..

ماريا : انا انا عرفت هاد فمي خاصو الفلفة

جواد : الحمد لله منين عرفتيها..هاد المرة منسمعش حسك ولا قسما بالله أماريا الما قطعت ليك داك اللسان من جدر مانتسماش جواد

ماريا : اودي عطيوني غير ماناكل ماتسمعش حسي...فتحو ليهم دوك الرجال الباب ودخلو هاد المرة المنظر كان غييير..شي وجوه مشافتهمش ماريا مرة كبيرة فالعمر...مع شي عيالات ماكباراتش بزااف ورجال حتى هوما بحال كوبوي...وقف خواكين وشاف فيهم موجه كلامو لجواد..

- مرحبا مرحبا تفضل مرحبا بيك..

جواد(كيضحك بستهزاء) :

- لا ترحاب زوين هذا واش عادة عندكم ترحبو بضيف وتحبسوه

خواكين(كيضحك) :

- سينيورة لي معاك هيا لي دارتها بلسانها لي بحال الفلفلة الحارة..ولكن نساو لي وقع باينة غادي تكونو ميتين بجوع عيالات ولادي كيصايبو ماكلة دايزها الكلام نمشيو نتعشاو..جواد بقا واقف كيخنزر فيه..نغزاتو ماريا :

- اتبقى واقف يلاه ناكلو

جواد : كتليك قطعي الحس وقت الماكلة هذا..

ماريا : اه اخويا وقت الماكلة كولشي حتى لكرشي ما فاارط فيها انا سابقاك..نصلات يدها من يدو ومشات نيشان لصالة مونجي بلاما تسنى حتى واحد كلسات وشدات بلاصتها...خواكين بدا كيضحك حتى بانو سنانز البيضين..

- أحسن حاجة دير مدارت سينيورة لي معاك ماشي وقت المشاكل هادو ناكلو ونشوفو شنو ايكون من بعد...بقا كيخنزر فيه جواد تفكر جمال وأنا وطليب ورغيب لي رغباتو أشر ليه براسو بمعنى واخا..تجمع كولشي على طبلة ديال العشا كلامهم مامفهومش حيت كيهضرو بلغتهم ولكن داكشي كاعما هام ماريا كتسرط هيا كاعما هامها واخا الماكلة فشكل عليها ولكن المهم عنظها كاين اللحم ومشوي من الفوق...نقزات واحد السيدة لونها ذهبي شعرها عسلي طويل وكتبان بريئة فوجها شافت فجواد وفعينيها بحال الى كطلبو...كتهضر وهيا متردة كتشوف فخواكين :

- ب ببنتي كي كيايرة لاباس عليها شفتوها هيا هيا مزيانة(ساحو دموعها)😢

جواد : تبسم ليها) فرحانة بزااف وعايشة مزيان ولكن ماقصينها نتوما توحشاتكم بزاااف...جاوبو راجل حدا مامات أنا :

- حتى حنا توحشناها بزااف توحشنا بنتنا(شاف فباه بحقد وهبط راسو)...سلاو الماكلة ديالهم وجا وقت القهوة عندهم عادة القهوة ورا العشا كلسو فصالون كيشربة القهوة البرازيلية اللذيذة..

جواد(بصرامة) :

- دابا واش ممكن تفاهمو ولالا؟؟...شاف فيه جد أنا وبقا ساكت حط القهوة ديالو...وتنهد تنهيدة طويلة...

خواكين : البنت غادي ترجع لعائلتها انا موافق..ماريا شافت فجواد بالفرحة عينيها دمعو..

خواكين : ولكن بشرط😑

جواد(غوبش) :

- شنو هو؟

خواكين تجي مها وباها ياخدوها ولكن قبل يطلبو السماحة وتاني حاجة يطلب يد بنتي مني بحال الى أول مرة ايعرفها ونقبل وديك ساع ياخدو بنتهم وعمري مغادي نبان فطريقهم...

جواد : ولكن هوما مزوجين نسيتي؟

خواكين : مانسيتش هادو شروطي حتى انا من حقي هاديك بنتي بنتي انا لي كبرتها او ربيتها وقريتها وسهرت على راحتها وعلى مرضها كان فيا باها ومها وجدها وصاحبها وكولشي فعلا عمري نسيتها كنت كانكابر ومكنبينش كنقسح قلبي خطفت ليها بنتها باش نحسسها بداكشي لي دزت منو فاش هربات معاه جرحاتني وخلات قلبي ينزف بدم ومع ذلك كتبقى حفيدتي وبنتي لي كنبغيها هضر معاهم وكوليهم شروطي..

جواد(أشر ليه براسو بواخا..)..شاف خواكين فماريا وتبسم :

- كتفكريني فراسي بزاااف لسانك حار بزااف سينيورا؟؟؟

ماريا : ماريا..

خواكين : بستغراب ) علاش انتوما العرب كتسميو ماريا؟

ماريا : أه عمي لي سماني كان كيبغي واحد الإسبانية وسماني عليها..

خواكين : هضرتك حيات فيا شيحاجة كان عند بالي بلي ماتت واحا كلامك حار ولكن معقول انا مكنتقلقش ولكن عمر شي واحد ماقلل الأداب عليا ولا تجرأ يهضر معايا كيف هضرتي معايا ولكن ماعليش عاقبتكم عقوبة صغيرة غادي تنساوها ياااك..

ماريا(تطلقات تاني) :

- كول غير مارضيتيش تكول سمحوليا وصافي اصلا حنا قلبنا بيض انسامحوك هانية...شاف فيها جواد كيخنزر فيها..

خواكين : ديبورا(الخدامة) وجدات ليكم بيت الضياف فين تنعسو..

ماريا(بستغراب):

- غير بيت واحد؟

خواكين(شاف فيهم بستغراب) :

- علاش خاصكم جوج ياك انتوما مزوجين؟متكولوش ليا انتوما ممزوجينش؟(رجع صوتو كيف كان وديك النظرة الخطيرة لي كانت فالأول)..

جواد(عتق الموقف) :

- لا بطبيعة الحال مزوجين غير ماريا كنصدعها بشخير ديالي داكشي باش فدار كتهرب لبيت تاني هذا مكان..

خواكين : اااااه مافيها باس مكاين لاش تخافي سينيورا ماريا الوسايد لي عندنا موريحين كيخليو الواحد ينعس مرتاح..تبسمات ليه ماريا كتسرط فريقها ودور فعينيها...وصل نص الليل وكل واحد طلع لبيتو ينعس..

ماريا : شفتي كالس تعاير فيا هانتا كلامي أتر فيه وخليتو يرجع لطريق المستقيم...

جواد(تكا فوق نموسية مغمض عينيه) :

- عييييت بزااااف والله كون ادرتي ليا شي مساج من يديك..

ماريا : هاء انا لي خاصني مساج حتى انا عييت وفيا الموت دنعاس عرفتي انت نعس فوق داك الفوتوي وانا فوق نموسية...حل عين وسد لوخرا :

- زعمة من نيتك كتهضري أحبيبة لا حشومة انت نعسي تم وانا هنا 

ماريا : وعلاش واش انا لي كلت ليهم مزوجين..

جواد : وماشفتيهش كيف ولا فاش شك فينا بلي ممزوجين كون لاحنا انا وانت لكلاب شفتي شحال من واحد عندو وكلهم مسلحين..

ماريا : زعمة ماتقدش عليهم..

جواد : أنا راه غير جواد ماشي جون سينا أترو عليك الافلام الهندي كيبان ليك واحد طير 10 بيديه داكشي راه غير تريكاج وتخربيق كيكون افلأفلام وروايات اما هذا راه الواقع..

ماريا : هاي ودوك البادر لي عندك ودوك لي زابدو لي مطراسيين اه والقتلة لي عطيتي لأنور..

جواد : بلاما تجبدي ليا داااك...خليني بلاما نخسر الهضرة ماكتبيكش انا مونيكو نقد على واحد جوج 3 ب حتى 4 و5 ولكن ماشي 30 واحد وكل واحد هاظ فيهم جويجة طول من الشجرة ودابا خلينا نعسو وبلا دوك الحسابات ديال والو راه فايت نعسنا حدا بعضياتنا ولا نفكرك...

ماريا : كيفاش تفكرني؟😕

جواد : بغيت نسولك واش داير لصدرك لاصيغ ولا لايزر 😉....ماريا تزنكات... :

- مزال عاقل داكشي داز..

جواد : مكنسا والو أحبيبي أنا يلاه أجي نعسي حدايا أجي...

ماريا : غا غا نعس انت احبيبي اندخل لطواليط ونرجع...هربات دغية لطواليط سدات عليها الباب خلاتو ميت بضحك...مدارت والو غير غادية جاية وتخمم وتهضر..

ماريا : دابا انا راه كنبغيه أه وفايت نعست حداه اه ولكن ديك ساعات مكناش كنتحاملو ولكن دابا حنا كنتحابو وشيطان حااااضر ولد لحرام اووووف أش اندير والى قرب ليا انا دغية كنترخا بين يديه عارفة راسي اوووف أماريا دابا يجاوبني شي واحد تف تف أعوذ بالله من الخبث والخبائث...أحم نخرج ولي ليها ليها...فتحات الباب بشوية مدات راسها كطل كيبان ليها مقلوب على كرشو وصقيل...خرجات كتمشى على ريةس صباعها حتى لعندو كطل عليها كيبان ليها تنفس ديال منظم(كتهضر مع راسها)...وايلي دغية نعس صافي غير كنخاف هكاك ولوسواس قاتلني وصافي مالي على حالتي حتى انا نعس...حيدات صبرديلتها وتقاشرها...وبشوية طلعات فوق النموسية حداه كتحاول متحركش بزااف باش ماتفيقوش...جرات الغطا عليهم...وطفات الضو بقات ناعسة على ظهرها حتى حسات براسها تجرات لوسط صدرو وعنقها..

ماريا(كدور فعينيها) :

- جاا...قاطعها بصرامة... :

- شششششت نعسي وسكتي مافيا لي يهضر بغيت غير نعس...بلعات ريقها وبقات زاكية وكدور فعينيها حيات بيدو تقيلة عليها ونعاس شد فيه مزيان بدات كترتاح شوية بشوية حتى ستسلمات لنعاس حتى هيا...

"" عانقني بقلبك ..

‏فالأيادي تعانق الجميع""

‏وجودُكِ يُنيرني من الداخل ، دون حاجتي لأن أكون حبيبا أو صديقا ، أو حتى غريبا ...💙

****

جاتها النعسة حلوة كونماشي هادشي لي كيهرها فرجليها ويسد ليها نيفها قلقها وخلاها تململ من بلاصتها كتجر الغطا ويرجع يتحيد عليها وشيحاجة كتهرها..

ماريا(تعصبات) :

- اوووف واااصااافي..واااه...

جواد جاتو الضحكة..رجع تاني كيهرها بصباع إيديه غير هيا تجمع رجليها كيشد ليها نيفها مابغاش يتفرق عليها حتى قفزات معصبة كتخنزر وعينيها مسدودين..

جواد(بأجمل إبتسامة) :

- صباح الخير لكبيدة يالي شخيخيرة...

ماريا : دابا هكا الناس كيفيقو من النعاس حشومة عليك والله يلاه تسحليت النعسة بلاتي كيفاش شخيخيرة هادي كدبتي فيها كاعما كنشخر..

جواد : دوماج ماسجلتكش باش تسمعي راسك المرة جايا إن شاء الله يلاه نوضي براكة من نعاس الناس فاقو هنا وشبعو فياق..

ماريا : أجي هضرتي مع جمال؟

جواد : هضرت معاه لبارح قبل مانعس شي ساعة يكون هنا ويقدر كاع يكونو جاو وحنا ماسيقين خبار

ماريا : علاش شحال الساعة دابا؟

جواد : ل11 هادي

ماريا(خرجات عينيها) :

- وايلي على ل11 تعطلنا بزاااف..ناضت كتجري لبسات واحد البانطوفة لقاتها قدامها دخلات لطواليط قضات حاجتها وغسلات وجها سرحات شعرها ورجعات جمعاتو سفنجة وخرجات..

جواد(غمزها) :

- حبيبي لبارح ماعقلتي على والو؟

ماريا(بشك) :

- علاياش؟

جواد (بستغراب) :

- وايلي هيا كتمشي وانت ناعسة؟

ماريا : لا عمري تمشيت وانا ناعسة مرة وحدة شدني بوغطات ولكن نمشي ناعسة لا علاش شنو وقع..

جواد : صافي نساي هادي تاني مرة مكتعقليش ماشي مشكيل...قربات ليه ماريا هازة حاجب مهبطة التاني وكتخنزر فيه..

ماريا : دابا انت بغيتي تخليني نشك ويضرني راسي ياااك؟

جواد : والله العظيم الى كنهضر معاك بنيتي عرفتي كون شي واحد فبلاصتي كون ستاغل الفرصة ودار لي بغا ولكن لقيتيني ولد الناس متخلق..

ماريا : جواد بلاما تبقى دخل وتخرج عليا فالهضرة طلقني خلاص انا اشنو درت لبارح واش درت ليك داكشي مامزيان😯

جواد(جاتو الضحكة) :

- صراحة دراي المزيان لي مامزيان مزال ماشفتو

ماريا : كتريكل دابا ياك واشنو درت

جواد : شنو هو بعدا هادشي لي مامزيان أول مرة نسمعها..

ماريا : انت عارف وكضحك عليا

جواد : والله ماعارف انا راه واخا هكاك مكلخ عاودي عاودي شنو هادشي لي مامزيانش

ماريا(كتحك فراسها وتبلع ريقها ودور فعينيها)..

جواد(شااااد فيها) :

- ويلاه شرحي ليا احبيبي راه مافهمت والو..

ماريا : أحم زعمة مهم داكشي زعمة "تيك تيكة والمونيكة شلاضة والموناضة"

جواد(غوبش مافهم والو وكان ايتفركع بضحك) :

- شلاضة والموماضة فهمناها والمونيكة عرفناها ولكن ديك تيك تيكة مافهمتهاش..

ماريا(طلع ليها دم) :

- والو والو دابا شنو درت انا وكيفاش كلتي هادي تانية فالمرات مكنعقلش كيفاش؟

جواد : نهار عندي فدار فاش عيط عليك أنور وكليتي داك العجب غير أنا كيف كلت ليك كنضبط أعصابي اما علم الله اشنو كنتي اديري ليا..

ماريا(سكتات وخرجات عينيها) :

- بغيتي تكول بلي أنا بغيتي تكول بلي أنا ت تهجمت عليك ولا كيفاش؟

جواد : انت غير تهجمتي بقيتي لابسة أشورط وسوتيام بوحدهم وكتشطحي وجريتيني شوية تلاحيتي على فمي كتبوسيني ولحتيني على نموسية وبديتي كتحيدي ليا فحوايجي...جاب الله داك النعاس حيت دختي....ماريا بحال الى خويتي عليها سطل ديال الما بارد..

ماريا : كضحك عليا ياك كضحك عليا

جواد : هو صراحة صراحة انا ضحكت عليك غير دابا اما بصح نهار جيتي لفيلا هادشي لي وقع...بدات ماريا كضرب فخاضها وتولول..

ماريا : اويلي حي اويلي حي على شوهتي وفضيحتي انا وفين دي وجهي اويلي على دودة القز لي فيا اويلي على طيكوك ولحريكة ولفلفلة لي راكباني...شافت فيه كتخنزر وهو مقابلها داير رجل على رجل ومبسم...دورات راسها بانت ليها بانطوفة لي لبسات ديال 44 هزات فيديها وجات ليها نزلات عليه لظهر..

ماريا : وانت وانت اهيركيل كضحك عليا ياااك كان عاجبك الحال فرحان كتريكل عليا اااا كول كول يا بو لبادر كول...جواد مكالي بيدو وكيضحك..

- وزكاي اش كنتي بغيتيني ندير ليك صراحة كان عاجبني الحال😂😂

ماريا : كت كتقلي ليا السم ياااك كتحكني دابا ياااك...جرها من يدها خطف ليها البانطوفة لاحها وجرها لعندو معنقها كيشوف ليها فعينيها..

جواد(بصوت رجولي) :

- سمعيني مزيااان كون بغيت ندير شيحاجة غادي نديرها داك النهار ونستاغل الفرصة ولا نديرها نهار كنا مزوجين وكنت مراتي وحلال عليا ندير معاك مابغيت ومن حقي حيت مرتي بشرع والقانون ولكن كيف كلت ليك شحال هادي الى كنتي مفكرة كلامي انا نهار نبغي نكون انا وانت واحد جسد واحد وروح وحدة برضاك وبكامل قواك العقلية وحتى الجسدية فهمتي انا راجل بعقلي ماشي مراهق يلاه عرف العيالات وعرف أشنوهو النعاس لا راه فعمري 34 عام طالع ف35 دوزت لي مايجيكش كاع على البال اشكال وأنواع ماعنديش 17 عام فهميها ودخليها لداك العقل ديالك مزااال مجاش الوقت واخا نكون انا وياك فوق نموسية وحدة راه عمري نقيصك...ماريا عجبها الحال وعجبها كلامو هيا تايقة فيه ولكن اي وحدة كيغرها الشيطان وكتخاف انو تضعف قدام لي كتبغي واخا هيا متيقنة من راسها وتصرفاتها وأخلاقها وبلي عمرها دير شيحاجة لي تندم عليها وتايقة حتى فجواد ولكن ضروري من بعض الحدود الصغيرة...تنهدات تنهيدة طويلة دارت يديها على ظهر جواد وعنقاتو بجهد لعندها حاسة بالآمان وطمأنينة وهيا فحضنو...جواد بعدها وباسها فجبهتها..

- ودابا خلينا نهبطو راه نبتنا هنا

ماريا(كضحك) :

- وانا جاني جوع..

جواد : هالي كلنا بعد المرات كنشك واش كتبغيني كتر من كرشك..

ماريا : كرشي قبل كلشي😂😂...شد ليها فيديها وخرجو من البيت هابطين لتحت...صوت ديال الصداع وضحك وكلام بالبرتغالية طالع حتى لدروج..مع وصلو لتحت بانت ليهم أنا ماريا معنقة جدها وحداها مها وباها شاد سارة مكلسها على رجليه وجمال كالس جنبو كيضحك..غير شاف فجواد وماريا او وقف ...جا لعندو...

جمال : صاحبي(عنقو) شكرا بزاااف

جواد : ماتشكرنيش انا شكر ماريا كون تسمعها شنو كالت ودارت...نباه خواكين.. :

- عندها لسان ماضي بحال الموس عايراتني وماخلات مكالت ليا ولكن بيني وبينكم كونما هيا منرجعش لعقلي ومتكونش حفيدتي حدايا نشم ريحتها....ضحكات انا وعنقاتو باست ليه يديه...

جواد : الحمد لله لي رجعات الأمور كيف كانت بيناتكم دابا خاصنا نرجعو..

خواكين : لا مكاين مشي خاصكم تكلسو معانا شي يامات..

جواد : مايمكنش ختي أتزوج وخو ماريا حتى هو ايتزوج خاصنا ضروري نكونو فالمغرب باش نحضرو او نوجدو مع العائلة

خواكين : فطرو بعدا وديك ساع الى بغيتو تمشيو...

جواد : واخا...تجمعو على الطبلة فجو عائلي كبير...من بعد الفطور جا الوقت باش ماريا وجواد يمشيو...

خواكين : تهلاو فريوسكم وعاودو زيارة...شاف فمامات أنا لي غير شافيها مشات لصالون ورجعات فيديها شيحاجة...

خواكين(كيشوف فماريا) :

- لبارح من شوفة والحركات لي درتي وانت كتشربي القهوة عرفت شحال عزيزة عليك هذا كادو بسيط معاه خريطة ديال البرازيل والأراضي ديالها وكيفاش كيتم تصنيعها...

ماريا(باست ليه يديه) :

- شكرا بزاااف..

جمال (عنق جواد) :

- عاودها ضروري ماتغبرش علينا..

جواد : ههههه ضروري

أنا ماريا : شكرا بزااف على كلشي عمري نسا وقفتكم معانا

ماريا : هذا واجب...توادعو معاهم ركبو فجيب لي جاو فيها وشدو طريق لفيلا ديال جمال باش ياخدو حوايجهم...ويشدو طيارة لإسبانيا ومن إسبانيا لمغرب...

****

إختاري رجلاً يهتم بجوعك و يعشق مزاجيتك المملة ...

^^إختاري رجلاً لا يود ان يغيـر اي امر بك يحبك كما انتِ ، بمزاجيتك و جمال عفويتكِ وجنونك رجلاً يحب مبادئك و افكارك و شقـاوتكِ ، يحتويك و يحترم عقلك ،

و ﺈلا عيشي عزباء 💙"...

رغم المشاكل ورغم الصعاب رغم العواقب سأبقى أنا وأنت مرتبطين ببعضنا إلى آخر نفس دعنا نقتسم غنائم الكون ،

أنت لي ، وانا لگ ، 

وللعالم بقية العالم ....!!

****

دارت ماريا لعندو كتشوف فيه بحب وتحفظ ملامح ديالو الرجولية لي كتموت عليهم كتحس براسها كتبغيه لواحد الدرجة مكتصورش داك الحب لي مستاعد فيه دير اي حاجة على قبل حبيبك تعطي روحك ومترددش ولو لحظة وحدة تضحي على قبلو تنهدات تنهيدة طويلة خلاتو يدور لعندها كيشوف فيها بشك :

- حبيبي مالك شنو واقع؟

ماريا : والو غير كنحس براسي كنبغيك نهار على نهار...سكت وتبسم كيشوف فيها وعينيه باين فيهم حبو لكبير ليها مكايشبعش من شوفو فيها عينيها شفايفها لي كيحمقوها خدودها وشعرها وريحتو شد إيديها وقربهم من فمو باس كل وحدة بوحدها..

جواد(بصوت رجولي) :

- كنبغيك كنبغيك اليوم او لبارح وغدا كنبغيك اليوم كثر من غدا وغدا كثر من الأيام جاية انت حياتي بلا بيك نموت..

ماريا : ششش متكولش هكاك أحبيبي الله يطوليا فعمرك ومايحرمنيش منك ياربي 

جواد : حتى انت الله يخليك ليا ومايحرمنيش منك لي يأديك ولا يقرب ليك نغزو بسناني..

ماريا : غير كون هاني مكاينش لي يقدر يقرب ليا...حبيبي انوض لطواليط ونرجع اوك...حطات كتاب كان فيديها وناضت تبسمات ليها الموضيفة وحتى هيا ردات عليها دخلات لطواليط قضات غراضها وخرجات ماعرفاتش كيفاش حتى تساطحات مع شيحاجة تقسحات فجبهتها..

- ماريا : اييي(شدات جبهتها)...حسات بيدين قويين شدو فكتافها وبصوت رجولي :

- سمحيليا بزاااف أمدموزيل كنت ساهي مارديتش البال...طلعات راسها وجاوباتو :

- ماشي مشكيل هانية حتى انا مارديتش البال

- ماوقع ليك والو ياااك؟

ماريا(تبسمات) :

- لالا مكاين والو

- سمحيليا مرة خرى

ماريا : هانية مكاين باس..سمحليا..تخطاتو ورجعات لبلاصتها...شاف فيها جواد وغوبش :

- شنو كاين مالك؟

ماريا : لا والو غير فاش كنت خارجة تضربت مع الباب..

جواد(بخوف) :

- ماوقع ليك والو؟

ماريا : لالا والو ماشي شيحاجة ماديرش فبالك...مابغاتش تكول ليه والو الى مشات حتى كالت ليه تساطحات مع شي واحد اينوض ويرد لومة ليها ويصدق ضاربو ماقدة على مشاكل...

- حطات راسها على صدر جواد معنقها كيدوز يديه عليها حتى داها نعاس...فاقت على يديه كيحركوها..

جواد : حبيبي وصلنا يلاه...هزات سكادو ديالها ونزلو فمطار إسبانيا بان ليها الشخص لي ضربها سابقهم مداتهاش فيه شدات فيد جواد ودخلو لكافيتيريا ديال المطار كيتسناو فطيارة ديال المغرب...

****

حورية : ختك قربات تجي ماعرفتيش معاش غادي توصل لمغرب؟

سومية : ماعرفتش بضبط ولكن كانت كالت ليا بلي سيمامة جايا أتكون هنا على وديت هاجر وهشام وعلى قبل حتى آدم..

حورية(تنهدات) :

- إيمتا يسهل عليها الله حتى هيا ودير دارها او وليداتها بنتي مسكينة شحال داز عليها ضحات وماخلات مدارت كون شي وحدة بحالها واهلي يالخبار

سومية : عندك الصح أماما كنبقى نخمم كنكول تحرمات منك فصغرها وعاشت بوحدها ومشات قطعات لبحر وغامرات وتمرمدات وخدمات وضربات تمارة ورجعات لهنا وربات بنت صاحبتها وزيد وزيد زعمة باااز ليها والله 

حورية : الله يعمل ربي يسهل عليها ويفتح عليها بيبان لخير لا هيا لا انت لا وليدات المسلمين أجمعين ياربي...

****

فقاعة كبيرة مظلمة دايرة بحال القاعات السينيمائية شاشة ديال تلفازة بلازما كبيرة قدامها بزاااف ديال لكراسة فلون الأحمر الناري...تفتح باب القاعة ودخل منها رجل فأوخر العشرينات لابس لباس رسمي وجهو مابينش مغطي بقناع غير بلاصة العينين لا باينين وقف وجمع إيديه كيشوف فديك البلازما لي تشعلات وبان فيها غير رجلين وصباط فالكحل...الصوت جا من البلازما...بصوت بارد بحال الثلج كيخليك تخاف بلاما تشوف مولاه..

- شنو كاين هاد المرة؟

- السلعة دخلات أسيدي بلا صداع بلا ماشاكل...الصوت لي فجهة لوخرا ضحك :

- خباار زوينة هادي عطيتي لكل واحد حقو؟

- اه أسيدي كولشي خدا فلوسو ورقة ورقة غير كون هاني المهم عندنا هو تكون فرحان وتكون راضي علينا أسيدي...

- انتوما غير ديرو خدمتكم مزيان انكون راضي عليكم ولكن الى الى مشيتو حتى قلقتوني عارفين مزيان شنو غادي يوقع

- أه أسيدي عارفين مزيان...تقطع الاتصال ديك ساع ورجعات الشاشة كحلة كيف كانت...نفس الرجلين ونفس الصباط ولكن هاد المرة فبيت كبيير بزاااف كلو تصاور مكاينش شي بلاصة لي خاوية ومافيها تصويرة سقف الحيوط حتى من الأرض كولو تصاور...وقف مقابل معاهم كيدوز يديه لي كلهم خواتم على تصاور يمكن بشهوة يمكن بحب يمكن برغبة كيشوف فيهم ...مقادش يضبط مشاعرو..تبسم بتسامة كبيرة رجع يديه لجيابو وتمشا جيهت لباب لي غير وقف قدامو تفتح خرج...حط صبعو على شاشة صغيرة خدات بصمات ديالو شوية تسد الباب ورجع كيف كان فالأول بحال أي باب عادي..

سونا الباب ونقزات ماريا كتجري..

- هذا ايكون غير جواد

وسيم : جري جري ماتعطليش عليه ناري على الحب ومايدير...قدات شعرها وحوايجها عاد دورات البوانيي وفتحات الباب...لقاتو واقف كيلعب برجليه هز راسو شاف فيها وجبد من وراه بوكي ديال الورد كبير فالحمر...

جواد : أجمل بوكي لأجمل وردة فبستان قلبي...خدات البوكي من وتعلقات فيه عنقاتو...

ماريا : توحشتك بزاااف

جواد : حتى أنا أحبيبي توحشتك...نباهم وسيم من لداخل..

- ودوك ناس أتبقاو تما بزااف ولا نجيبو ليكم العشا لتم حسن..

جواد : هاد وسيم داير غير بوجه الوقفة لي وقف معايا اما انخسر لجدو كمارتو مافيهاش..

ماريا(جراه) :

- علاش حشومة عليك عزيز عليا وظريف..

جواد (هز حاجب وهبط تاني) :

- كيفاش عزيز عليك الالة 

ماريا : اويلي وراه ابحال خويا

جواد : مكنعرف انا لا خويا لا ختي لا زبل جمعي وطوي شوية خوك معاك فالحالة المدنية ولا

ماريا(بستغراب) :

- جواد الله يهديك أحبيبي بدينا فالغيرة زايدة عاوتاني

جواد : اه بدينا فالغيرة زايدة ومن حقي دابا زيدي ندخلو بلا هضرة بلا كلام وخلي هاد الليلة دوز على خير...سكتات وحدرات راسها ودخلات هيا وياه من بعد ماسلم على كولشي..كلس واخد راحتو داير رجل على رجل كلستو فيها نوع من تملك والغرور...

ماريا(برودة ماعجبهاش الحال كيفاش هضر معاها) :

- كول مبروك لوسيم وثورية غادي يتزوجو..

جواد(هز حاجب وهبط تاني بستغراب) :

- وايلي مبروك عليكم أسيدي وإيمتى ناويين ديرو العرس؟

وسيم : مزال ماحددناش هاد الساعة ولكن كلنا مورا عرس هاجر ونشوفو إن شاء الله وعلاش لا منديروهش فالقهوة ديال ماريا..

ماريا : أحسن حاجة غادي ديروها والله..

جواد : إن شاء الله غير توكل على الله كولشي ساهل...شاف جهة ماريا كيطلعها ويهبطها مخنزر ماعجبوش لباسها علاش تلبس هكا قدام راجل ماباها ماعمها ماخوها ماراجلها واخدة راحتها فشورط قصير ديال دجين وشوميز بلا يدين..

جواد(بنفاخة وبرود) :

- فتحي الكادو لي عطاك خواكين..؟

ماريا : أه لقيت فيها سربيس ديال لي طاس دالقهوة مدهبين مع البريق ديالهم و5 ديال لباكسات ديال القهوة البرازيلية...نقزات أروى :

- ماعندك ماتساليه واخا ديك تسخسيخة لي دار ليكم ولكن تهلا فيكم..

ماريا : حيتاش عرف الغلط لي دار وطلب منا سماحة...شافت فجواد وحدرات راسها...ثورية غير ساكتة وحاضياهم حسات بشي حاجة كاينة..غمزات وسيم زعمة باش يفهم ولكن والو..

جواد : من هنا لواحد يوماين انهبطو لإفران جمعي حوايجك كاملين باش نجي نديك...ماريا سكتات أشرات ليه راسها بواخا وسكتات...العشا وجد وتحط فصالة مونجي...تجمعو كاملين كيهضرو ويضحكو على مواضيع مختالفة من غير ماريا لي مهدنة ومتبتة وساكتة...هضروها تهضر ماهضروها كتاكول وساكتة...سالة العشا وجا الوقت باش جواد يمشي فحالو...سلم على الجميع وسلق ماريا لي تبعاتو توصلو لعند طوموبيلتو...غير خلاو الفيلا وراهم ضار عندها جواد وعينيه شاعلة فيهم العافية مكرهش يغززها بسنانو...جبد بريكة من جيبو وشعل كارو...وقفات ماريا كتشوف فيه مافهمات فيه والو..

ماريا : ياااك مابقيتيش كتكمي؟

جواد : رجعت الالة كنكمي علاش كيهمك فشيحاجة؟

ماريا : جواد يلاه كنتي بيخير وعلى خير شوية تقلبتي راه أخيب حاجة فراجل هو لي دغية كيتقلب على ظهرو ويتبدل الواحد يبقى فصباغتو يلاه كنتي حنين مافهمت والو...

جواد(خبط طوموبيل بيديه حتى نقزات ماريا من بلاصتها) :

- شوفي انت القايدة راجعي راسك شنو درتي

ماريا : جواد واش على وسيم كدير هكا زعمة انت عارفو راه بحال خويا عزيز عليا هو لي وقف معايا واش نسيتي؟

جواد(كيغوت وعروق راسو خارجين) :

- مانسيناش الزبل هو لي وقف معاك ولكن انت جاتك راسك عادي راجل مكايجيك مكتجيه واخا بغا يتزوج ولا يحسبك ختو ولا يحسبك زمر كالسة حداه فخاضك عريانين ويديك عريانين ونص فصدرك عريان جاتك عادي..

ماريا(تصدمات فيه) ؛

- جواد الله يهديك راه بحال خويا...غوت حتى سكتها... :

- ماتبقااااايش تكولي ليا خويا خوك هو لي ولداتو مك وباك من دمك ولحمك اما هذا ماشي خوك فهمتي ولالا منين تكوني مع واحد غريب ستري راسك الالة فهمتي ولا نفهمك حتارمي راسك شوية....ماريا سكتات ماجوباتوش حدرات راسها والغصة ديال دموع فحلقها ماقدراتش تهضر دموعها هبطو بلاما تحس واخا كان مالف كيهضر معاها بهاد طريقة نهار لول ولكن ديك ساع مكانتش كتحس بوالو من جيهتو ماشي بحال دابا صعيب إنسان كتبغيه يغوت عليك وانت مدرتي ليه والو كتحس بالحكرة...جواد حس بتأنيب ضمير ماحملش راسو وتصرف لي دار معاها ماعجبوش ماعرفش علاش حاس بشيحاجة خاطرو مخربق بزااف لاح الكارو من يديه وقرب ليها تنهد تنهيدة طويلة وجرها لعندو عنقها وخشاها فوسط صدرو...هاد الحركة خلاتها غير مزادت كتبكي..

جواد : ششش صافي سمحيليا ماعرفتش اش واقع ليا صافي صافي براكة من البكا..

ماريا : ك كنتي صحة سلام اش واقع واش درت شيحاجة قلقاتك؟

جواد : لا مدرتي ليا والو انا لي فيا لافوت انا لي مشكل مع راسي..

مع راسي والمورال ديالي ماشي حتى لهيه ايخصني غير نعس ونرتاح...بعدها عليه مقابل وجها مع وجهو مسح ليها دموعها وباسها فراسها..

- كنت واعدتك عمري مانبكيك وانا بكيتك مكنسواش

ماريا : لا متكولش هكاك صافي ماوقع والو...خدا يديها كيبوس صباعها واحد بواحد...

جواد : بغيتك تعرفي واحد الحاجة اما بلا بيك نموت عرفتي شنو نموت مكنتصورش حياتي بلا بيك كنبغيك بزااف لواحد درجة متقدريش تخيليها أماريا انت هيا نور حياتي والهوى لي كنتنفس انت بحال الأكسيجين لي كيخليني نعيش وعلى قبلك مستاعد ندير أي حاجة الربيع والورد مايقدروش يعيشو بلا ما وبلا شمس والانسان مايقدش يعيش بلا الهوى هكاك أنا معاك الما كنتيش فحياتي كنحس براسي ميت وضايع..

ماريا(كلامو أتر فيها بزااف حسات بدموعها هبطو سخونين) :

- حتى أنا هكاك انا بلابيك والله حتى نموت نعطيك حياتي ومنترددش أنا اصلا حياتي كانت مملة عايشة بحال الى ماعيشاش حتى دخلتي انت ورونتيها وقلبتيها حييتيني ورديتيني وحدة خرى انت توأم روحي انت مكملني ومخليني نعيش عمرنا مغادي نتفارقو وعمر شيحاجة تجي بيناتنا ماريا لجواد وجواد لماريا حتى لبحر عاود على حكايتنا قبل مامتلاقاو..

جواد(بستغراب) :

- كيفاش؟

ماريا : نهار لي حركت لسبانيا لاتنا الفلوكة قبل مانوصلو لمرسا(حسات بيه زير على يديها فاش كالت ليه هكا ولكن مابغاتش تقطع كلامها وتقطع خط الاتصال بيناتهم)كاع لي معايا عامو حتى لمرسا وحتى انا منهم حسيت بشيحاجة ضرباتني منين جيت نشوف لقيت قرعة ديال زاج فيها ورقة مطوية خليتها حتى وصلت لدار وقلبت ديك الورقة لقيت مكتوب فيها ماريا ونيفان..

جواد(بستغراب) :

- نيفان سميت العود ديالي

ماريا : أه هههه هادشي عرفتو نهار دخلت أول مرة لبيتك عقلي فاش بقيت ساهية فصورة لي عندك مكتوب عليها نيفان وهاد سمية سمية عمي العربي ...ونزيدك الصدفة من ورا داكشي كتاشفت بلي ديك الورقة ديال عمي مع شي بنت كان كيبغيها..

جواد : سييي عارف هاد القضية هادي..

ماريا : وسماني على سميتها داكشي باش كتليك انا ويااك مخلوقين لبعضياتنا من نهار لول مكتاب لينا ندوزو من كاع هادشي وفالأخر نكون معاك وليك وانت ليا...جرها جواد لعندو...كيدوز يديه على شعرها هابط مع وجها وشفايفها كيقيس النبض ديالها...قرب منها شوية بشوية حتى وصل لشفايفها ماتسناش بزااف حتى كان كيلتاهم فيهم شوية بشوية كل شفة كيعطيها حقها على لوخرا طلعات ماريا يديها ودارتهم ورا عنقو وزادت جراتو لعندها...متجاوبة معاه بكل حب بوسة لي كانت حنينة تحولات لبوسة كلها رغبة وجنون صدر ماريا كيطلع ويهبط ولات كلها كترعد وكيصدر منها أنين من عنف جواد ليها كتحس بفمها مابقاش ديالها ومابقاش منها طعم دم ولا فمها...جواد عصرها وسط من تم غادي بيها دافعها حتى كلاها مع طوموبيل يديه كيتسراو فأنحاء الجسم ديالها نزل يديه لخصر ديالها وطلعهم من تحت شوميز حسات بيديه سخونة على ظهرها طلع نازل بخطوط جريئة خلاها كلها كترعد بين يديه لصق معاها القبلة ديالو تحولات لقبلات شهوانية على أنحاء وجها وعنقها شوية تحولو لمصات لعنقها تنفس ديالو مابقاش منتاضم الهوى كيخرج من ميفو سخون ولا كلو حمر وصلات معاه لطووب صافي مابقاش قادر يوقع ماعرفش شنو يدير يوقف ولا يكمل...ولكن عقلو تغلب عليه دفعها وبعد كلو كيترعد عروقو بارزين وجهو حمر داتو كلها سخونة...

جواد(بصوت رجولي وصارم) :

- ماريا دخلي

ماريا(مكانتش قل منو) :

- حبيبي..(قاطعها بالغوات) :

- كلتيك دخلي..بقات كتشوف فيه حدرات راسها ودخلات كتجري...فتح طوموبيلتو ودخل ديمارا وكسيرة بجهد طريق وحدة شدها لبحر..نزل كيجري ماحدو كيجري وهو كيحيد فحوايجو حتى بقا عريان غير بالبكسور وتلاح فالما بارد غادي وكيدخل وكل مرة كيطلع فيها كيرجع ويتلاح من جديد ويطلع ويتلاح من جديد بحال الى كيحس فكل لوحة داك الما كيطفي النار لي شاعلة فقلبو ...نص ساعة وهو على ديك الحالة عاد تم خارج كيرد شعرو الور والما كيقطر منو هز حوايجو ردهم بقا واقف شحال حتى رتاح وطلع لطوموبيلتو ديمارا ورجع لدار...دخل طوموبيل لاكاف بلاصاها وطلع لدار...كان جلال كالس غير شافو فديك الحالة وقف جاي عندو..

- مالك على هاد الحالة واش شتا كتصب؟

جواد : كتريكل كاينة شي شتا كتصب فهاد الوقت علاش مغاديش تبان ليك واش واكل شيحاجة ولا كامي شيحاجة

جلال : لا غير سولت وصافي..

جواد : انا طالع نعس تصبح على خير..

جلال : ماكلتيش ليا مالك...دار جواد خنزر فيه

جلال : انا غير تشوشت عليك وصافي

جواد : ياكما والدني وانا مافراسيش...خلاها وطلع لبيتو خدا دوش سخون وتلاح على نموسية كيفكر فماريا..ماعرفش علاش قلبو مزير عليه بزاااف عمر وقع ليه بحال هكا دار نعس على كرشو لايح يديه...خاشي راسو تحت المخدة ونعس..

النهار لي أيمشيو فيه لإفران جمعات ماريا حوايجها كاملين...وجداتهم...جات عندها أروى علماتها بلي جواد لتحت كيتسناها..

ماريا : واخا أنا جايا...خرجات أروى من عندها وبقات ماريا واقف كتشوف فبيتها هاد البيت لي غادي توحشو بزااف دوزات فيه الحماق شحال سهرو فيه هيا وأروى كانو ينعشو حدا حدا يجيبو زريعة ويجمعو عليها ويشدو نميمة...ضحكات ماريا فاش تفكرات هادشي غلبوها دموعها...هاد الأيام غير كتبكي واليوم فاقت خاسرة...كتحاول ما أمكن تنسى الحلمة لي حلمات..حلمة مخربقة ماعرفات ساسها من راسها لي عاقلة عليه هو جواد واقف بعيد وكلما كتقرب ليه كيزيد يبعد وكتغوت تعيط ليه ولكن صوتها مكيوصلش ليه وشي يدين كيجروها من لور ومكيخليوهاش توصل ليه...بعدات الوسواس من راسها وتعودات من شيطان الرجيم..هزات ساك ديالها وتيليفونها وجرات واحد الباليزة وخلات تانية حتى يجيبها معاه وسيم فاش يكون جاي لغد ليه هو وثورية وأروى..هبطات لتحت لقاتهم كالسين مجمعين..

وسيم : هالبرنسيسة جات على سلامة كنتي كترحلي الدار..

ماريا(واصلو فيها العظم الفراق صعيب بزااف واخا الترونسبور يديك فيما بغيتي ولكن واحد الحاجة ولفتيها مدة هادي صعيب تعود على حاجة خرى من جديد بحال الى كترجع لحياتك لقديمة)..

- براكة من تريكيل مافيا لي يضحك والله..

وسيم : علاش ياك لاباس مالك غادية راحلة لشي دولة خرى راه غير إفران معانا فالمغرب وقتما طلع ليك الدم هانتي معانا هنا وحتى حنا الالة كل شوية اتلقاينا عندك كاعما يبقى فيك الحال شتي حنا والله مغادي تهناي منا وراك وراك وزمن طويل😂...ماريا ضحكها خلاها تبسم...

ثورية : ختي ماريا مايبقاش فيك الحال حتى حنا اتخلي علينا لخلا ولكن حنا غدا تابعينك إن شاء الله راه عمرها تنساليا وقفتي معايا فين كنت وفين وليت كونما نتيا كون مزال كنضرب الكورفي عند الناس وشي يلاوحني لشي ولكن الحمد لله ربي كبير وقفك فطريقي الله يعمل ربي ينقي طريقك من شوك ويبعد عليك ولاد لحرام..

وسيم : وتليقي تكوني طلابة دوك لي كيكونو حدى المقابر..

ثورية : ياربي سلامة ياربي...

جواد : نمشيو يلاه نشدو طريق راه هضرت مع دار ماماك وباباك حتى هو كولشي ايتسناونا عندي فدار..

ماريا : واخا...فتحات ليها أروى يديها غير هيا عنقاتها وبدات كتبكي دموع بحال شتا كتنحط بحال شي عروسة اتفرق والديها...عنقات ثورية وغير وصلات لعند وسيم تلاحت عليه وعنقاتو..

وسيم : صافي نعلي شيطان انت مالك..

ماريا(كتبكي وتشهق) :

- عمري مانسى وقفتك معايا فحياتي كلها كان فيك خويا ومي وبا وصاحبي وكولشي عمرك خليتي دمعة وحدة تنزل مني الناس الى كانو كيكولو الصداقة ماتت انا كنكول ليهم لا مزال كاينة كنتي تحيد اللقمة من فمك وتعطيها ليا ودير أي حاجة باش تخليني نضحك ربي عطاني خويا حميتيني من أي حاجة وفضلتيني على حبابك واخا عرفتيني امدة قصيرة كان خاصك غير تشوفني كنضحك انت هو عائلتي التانية والله الى صعيب بزاااف مابغيتش نبكي ولكن صعيب والله حتى ص صعيييييب😭😭...وسيم سالو دموعو بلاما يحس :

- حتى انت الحمقة بدلتي فيا شحال من حاجة راه انت ختي عرفتي شنو هيا ختي بحالك بحال أروى وكثر الى مشا حتى قلقك جواد كوليها ليا ههه صافي وصافي أحبيبتي عطيني شي ضحيكة قبل ماتمشي يلاه...بعدها شاد وجها بين يديه حتى تبسات وباسها فراسها..

ماريا(كتمسح فدموعها) :

- عنداك تعطل عليا غدا والله وتعطل مغادي يعجبك حال..

وسيم : الالة انركب مع 6 ديال صباح صافي تهنيتي..

ماريا : وعنداك يكوليك راسك ادوز سيمانة وتمشي😑

وسيم : واخا يالالة صافي أكوني هانية..

جواد(عاجبو الحال وماعجبوش الحال الغيرة كتاكل فيه واخا هو عارف بلي وسيم بحال خوها ولكن هو كيغير عليها من كولشي لا من رجال وحتى لعيالات باغيها ليه بوحدو) :

- نمشيو..

ماريا : واخا..جر ليها الباليزة سابقها وهوما وراها معنقها وسيم واغادي معاها...فتح جواد الباب غادي بالباليزة لطوموبيل عطر فواحد لكرطونة لونها زرق مابانتش ليه فالأول.

ماريا : عنداك..

جواد : شكون حاط هادي هنا؟

وسيم : ماعرفتش علاش مكانتش فاش جيتي؟

جواد(بستغراب) :

- لا مكانتش

وسيم : ماخرج حتى واحد فاش جيتي ياكما شي واحد فجيران حطها ولا غلط ولا شيحاجة..وقف جواد الباليزة تحنا هزها..كيقلب فيها هاد الكرطونة من النوع الغالي ودازت عندو قبل يعني عارف أشمن شركة كتصنع هاد النوع دايرة بسينتة مدهبة رقيقة..دورها لفت الانتباه ديالو سمينة محفورة بلون ذهبي.."maria"

جواد(شاف فماريا بشك) :

- هذا شي كادو ليك؟

ماريا(بستغراب) :

- ليا انا وشكون غادي يسفطو ليا الما كنت انت..مدو ليها عاقد غوباشتو منيرفي..

جواد : هاكي الالة قلبيه..شداتو ماريا من عندو فتحاتو..وجبدات شال صغير توب ديالو غريب فلكحل ..

وسيم(مستغرب) :

- ثوب الثعلب العجب شكون ايكون مسيفط ليك بحال هاد الكادو الغالي؟

ماريا(مافهمات والو) :

- ماعرفتش منين انعرف..شافت فجواد لقاتو كيخنزر فيها وشك كيقتل فيه..

ماريا : وحق الله ماعرفت؟

جواد : انا مدايرش ليك إستنطاق غير سولت مكاين لاش تحلفي..

وسيم : يمكن سيد لي وصل الأمانة غلط حيت شارع لاخور كاينة ديك ماريا المصممة عرفتيها اماريا كنت هضرت ليك عليها نهار جيتي؟

ماريا : اه عرفتها يمكن ديالها وغلط فالعنوان..

جواد : ماتشغليش بالك خليه هنا الى جات مولاتو تلقاه...مداتو لوسيم وتبعات جواد ركبات حداه من بعدما طلع شنطة لطوموبيل ديمارا وهيا كتشير ليهم حتى غابو على أنظارها...دارت فدامها وتنهدات تنهيدة طويلة..حسات بيد جواد على يديها شابك صباعو مع صباعها كيشوف فيها..

جواد : كيبان ليا بحال الى ماعجبكش الحال حيت اترجعي؟

ماريا : لا بالعكس تما كاينين والديا وعائلتي وأهم حاجة كاين أنت ولكن حتى هنا خليت عائلتي تانية حتى واحد مكيسخى بحبابو..

جواد : كيتسناك بزااف ديال الحوايج

ماريا(بستغراب) :

- بحالاش؟

جواد : سمحيليا مايمكنش نكوليك دابا مغاديش تسمى مفاجأة الى تكالت

ماريا : ناري حرام عليك عارفني كيضرني راسي

جواد(كيضحك) :

- داكشي لي بغيت غير يضرك راسك احبيبي..

ماريا : واخا نبوسك؟

جواد : وانا سايك لا بلاش مافينا لي يخرج فشي حيط وأنا داك نهار على قبلك مشيت لحت راسي فلبحر

ماريا : وايلي من نيتك؟

جواد : لا من ريتي معلوم من نيتي وانت عارفة علاش بلاما تبقاي دوخي عليا..

ماريا(ميتة بضحك عاجبها الحال) :

- ايوا الله يكون فالعوان

جواد : غييير بلاتي كانجمعهم ليك غير بشوية..

ماريا : دابا بااما تلفني بغيت نبوسك انا بغيت نبوسك بوسة بريئة

جواد : هههه علاش كاينة بوسة بريئة وبوسة متوحشة

ماريا : علاش مافراسكش؟

جواد : أبدا انا يلاه كنتعلم منك

ماريا(كتخنزر فيه):

- وباااز راه انا لي غادي نتعلم منك دابا أش كلنا..

جواد : واخا يلالة بوسي...قربات ليه وباستو جوج بوسات فوجهو..ورجعات لبلاصتها 

جواد : صافيييي هادي هيا نبوسك نبوسم زعمة بان ليك اوجهي تبوسيه مابانش ليك شي بلاصة خرا..؟

ماريا : فهااامتك لا مابان ليا حتى بلاصة هاد الساعة من غير وجهك..

جواد : واخا يالالة ماعليش..فتحات ماريا البلوتوت فطوموبيل مع تيليفون شعلات الموسيقى باش تعطي جو لسفر...كل مرة تشوف فيه وتبسم وهو كذلك يشوف فيها ويتبسم شاد يديها مطالقهاش كل شوية يطلعها لفمو يبوسها..حاسة براسها مالكة دنيا كلها وحبيبها معاها وبجنبها وعمرو مغادي يخليها ولا تخليه ولاو يتجمعو الناس ديال العالم كامل ماتخليهش...وهو كذلك هيا روحو وعقلو قلبو وحياتو بحال دم كتجري فعروقو مخطط وناوي بزااف ديال الحوايج فبالو كيتسنى غير زمان والمكان المناسب..

****

سقوط حجر على سطح الماء لآيحدث شيئاً سوى تعكير

صفوته ليبقى الحجر في الأسفل و يعود الماء إلى طبيعته

( لاتدع مايسقط عليك يغير من طبيعتك ) ..

****

#إفران..

#القصر

عبد الرحمان : نهار كبير هذا لي تجمعنا فيه كونماشي جواد وماريا لي جايين موحال واش نشوفوكم

أحمد : والله أسي عبد الرحمان الى غير دنيا وصافي كتبقى تابع هادي تديك الهادي كتنسى تزور لحباب...

هاجر : شفتي أعمي خاصكم تشكروني انا وآدم كونماشي حنا كاعما نتجمعو ولكن مجاتكمش غريبة خويا وماريا جايين مع بعضياتهم دخلني لعجب والله..

عبد الرحمان : بديتي تاني مكتساليش من داك الفضول ديالك؟

هاجر : وبابا انت عارفني فضولية عقلتي تفارقو شي مكيحمل شي ودابا جايين بجوج والله مافهمت شيحاجة..

حورية : وابنتي الغايب حجتو معاه منين يجيو ونعرفو ماتعرفي يكونو تلاقاو تما وتصالحو كولشي ممكن أبنتي..

مليكة : بصح ماريا قلبها بيض ودغية كتنسى وتسامح

حورية : سوليني أنا الله يرضي عليها..

هاجر : فيناهيا سومية؟

حورية : كاتليا يمكن عند شي صاحبتها اتجيب من عندها شيحاجة وتجي...

****

سومية : وصافي أيوسف خليني ندخل راه ايحصلنا شي واحد

يوسف : وانا بغيتهم يحصلونا ياااه على واش انبقاو مخبيين هكا بحال الى سارقين

سومية : اه انبقاو هكا حتى دير انت شيحاجة ديالك وتعول على راسك وانا نزيد واحد شوية اما الى كلناها ليهم من دابا ايجريو عليا انا وياك دير عقلك هاني كانبغيك وكاتبغيني ايوا من بعد انت كلشي كيشوف فيك داك الولد لي طايش ماعندو عقل خاصك تبت ليهم العكس فهمتي دابا فكر فكلامي ودورو فدماغك مزيان واتعرف بلي كنكوليك الصح...خلاتو واقف ودخلات لدار..

****

وردة : ها حنا لبسنا الكسيوة ديالنا باش نهبطو ونتلقاو لخالتو ماريا توحشتيها احبيبة ديالي ياك؟؟..

- مايييا طاتي مايييا

وردة : الرضا طاتي ماريا ماريا...دارت وردة عند أمين..

- هضرتي مع جواد سولتيهم فين وصلو؟

أمين : أه بقات ليهم نص ساعة ويكونو هنا

وردة : صافي مزيان هيا هاديك نوجد ليليا ونوجد راسي...

أمين : انت وجدي راسك انا غادي نكمل ليليا..أجي ابنتي عندي أجي أبابا أوبلا..(هزها) 

وردة : بقاو ليها تقيشرات وسباط لبسهوم ليها...خلات امين مع ليليا ودخلات لحمام دوش وتقاد حالتها...

هبطات وردة وامين هاز ليليا تلحقو بلوخرين...صالة مونجي عامرة بالحلويات والعواصر كاع لي تشهاه الخاطر محطوط موجد لماريا وجواد..

وردة : مزال كاعما وصلو أمين صونا ليهم كالو ليهم نص ساعة يكونو هنا..

عبد الرحمان : الله أعلم أبنتي الغايب حجتو معاه مع طريق بنادم كيتعطل..

حورية : سومية سوني لختك أبنتي

سومية : ماما يلاه سونيت كاليك قربو صبرو شوية...تسمع الكلاكسون ديال طوموبيل كولشي وقف الفرحة على وجهم..

أحمد : هاهوما جاو..كولشي تاجه لجيهة الباب سبقاتهم هاجر فتحات الباب وتبعوها لوخرين..وقفات طوموبيلت جواد...هبطات ماريا دايخة بنعاس...ماحسات بهاجر حتى نقزات عليها عنقاتها...

- نااااري توحشتك توحشتك بزاااف..

ماريا : حتى انا توحشتك ياختي انت مالك مع هاد تعناق ديال الخضارة مكتبدليش..

هاجر : أش كتعرفي عليا ههههه...طلعات ماريا مع دروج تابعة هاجر...نقزات عليها سومية هيا لولة ...:

- ختي لحبيبة على سلامتك توحشتك خليتي علينا القنط والله

ماريا : حتى انا توحشتكم..شافت فماماها ومشات لعندها عنقاتها حتى دخلاتها فصدرها كتشم ريحتها..

حورية(نزلو دموعها) :

- بنتي على سلامتك الحبيبة ديالي توحشتك أبنتي توحشتك

ماريا(تنهدات تنهيدة طويلة بحال شي جبل تحيد على ظهرها) :

- حتى انا ماما توحشتك بزاااف والله...كتبعد منها وترجع تعنقها وتبوسها..دورات راسها بان ليها باها مشات كتجري تلاحت بين يديه كتعنق فيه بابا كيداير ابابا صحيحتك لاباس جيتيني بحال الى ضعافيتي..

أحمد : انا هو أنا ابنتي غير كيبان ليك الله يرضي عليك...باست ليه يديه وراسو..وعنقات مليكة...

- ماما مليكة حتى انت توحشتك والله توحشتكم كاملين...دازت عند عبد الرحمان نزلات على يديه باستها وعنقها..

عبد الرحمان : لا برية لا تيليفون والى دارو هوما ديفو انا شنو درت ابنتي

ماريا : عارفة راسي مكفساها معاك اعمي غير سمحليا ولكن وحق الله الى غلاوتك ربي لوحدو لي عالم بيها...نقزات وردة :

- ياختي حنا مابناش ليك ابسنا ليك وتقادينا ليك...ماريا تبسمات ونقزات طيرات ليليا لوردة من يديها...

ماريا : واااياختي على زيونات ديال خالتو كبرات ليا ولات كتشبه ليا هادي مافيهاش شك...عنقاتها وردة.. :

- علاش شكون كنت نصبح عليه فالوحم ديالي غير وجهك ههههه معلوم انجيبها بحالك...حطات ليليا صباعها على حناك ماريا كتجلدهم باش تشوف فيها..

- تاتي تاتي سي كي؟...كتأشر ليها لجواد...

ماريا : هذاك عمك جواد أحبيبة..

وردة(بالهمس) :

- كيفاش قضيتك انت جايين مع بعضياتكم..قاطعها أمين.. :

- خلينا انسلمو عليها بعدا حنا وبداي فالاستجواب ديالك مزال حتى مارتاحت

ماريا(كضحك) :

- هانتا كتشوف أخويا أمين..

أمين : على سلامتك أختي ماريا...نباهم جواد..:

- كيفاش زعمة اغير هيا لي بانت ليكم انا واقيلة كنت معاكم البارح..

أحمد : لالا أولدي حاشة انت الخير والبركة 

عبد الرحمان : على سلامتكم أولدي يلاه دخلو مغاديش نبقاو واقفين..

****

📞📞سونيت ديال تيليفون كان مجهد خسر عليه القيلولة ديالو جمع غوباشتو عرق فعنقو كينبض...هز تيليفون دورو بين صباعو وفتح الخط بلاما يهضر..

#الخط_الثاني

- يلاه وصلو غير دابا...تبسم تبسيمة عريضة ولاح تيليفون حتى تزدح مع الحيط تشتت دار يديه ورا راسو ورجع يكمل القيلولة ديالو..

****

خرج بوبكر وهنية سلمو على جواد وماريا ورجعو لكوزينة...تجمعو كاملين على صالة مونجي شي كيهضر مع شي فواحد الجو عائلي مغربي 100/100..نغزات هاجر ماريا وهمسات ليها فودنيها :

- شفت خويا كيدير فيك شي شوفات فشيشكل كاينة إن فالقضية

ماريا : هنينا أجي فين هشام وعمي؟

هاجر : كانين فاس أيجيو غدا إن شاء الله...خشات وردة راسها بيناتهم.. :

- أش كتوشوشو تما؟

هاجر : والو علاه انا قادة ناخود منها لاحق لا باطل..

وردة : دابا تgر بزز منها هاديك انا لي كنعرف ليها...

ماريا : نمشي ناخود ليا واحد القرعة ديال الما بارد مكلاصية حسن ليا..

وردة : كتهربي أبلاتي عيطي على هنية تجيبها

ماريا : لا نجيبها لراسي...هربات منهم ومشات لكوزينة..

هنية : لالة ماريا نعطيك شيحاجة؟

ماريا : هنية لي فيك مايهنيك ياك كلنا بلاش لالة شحال هذا

هنية : نسيت ههههه...فتحات ماريا الثلاجة..جبدات منها قرعة ديال الما باردة ...فتحاتها وتقابلات مع سرجم وجردة يلاه جغمات منها حتى كتبان ليها واحد النفاخة كحلة مكتوب فيها بخط حمر " مرحبا برجوعك أميرتي الغالية"...تبسمات عرفاتو جواد مولاها...حطات القرعة ديال الما وخرجات يلاه اتخطوي خطوة لولة شي يد جراتها وتخبطات مع صدرو :

- فين غادي حبيبي؟همم.

ماريا : كنت كنشرب

جواد : ولي توحش حبيبو

ماريا : يلاه كنت معاك فكرتيني شفت النفاخة لي فجردة..

جواد : بستغراب)أشمن نفاخة؟

ماريا : لي مكتوب فيها مرحبا برجوعك أميرتي

جواد(ملامحو ولات جدية) :

- مافهمتش علاياش كتهضري؟

ماريا بدات كضحك :

- انا مابقاش كيجي معايا نسافر مدة طويلة وليت اكندخل ونخرج فالهضرة والله مديش عليا أحبيبي

جواد(بشك) :

- متأكدة مكاين والو؟

ماريا : لالا مكاين والو غير وقيلة شي واحد فزنقة طير شي نفاخة دوك لي مكتوبين وبديت كنتخايل وليت رومانسية وبزاااف جواد شنو انكولو لدار كولشي كيشوف فينا بحال الى جايين من شي كوكب حيت زعمة كنبانو مصالحين..

جواد : انكولو ليهم لي كاين علاش اش واقع بسلامة كنسرقو هنا

ماريا : انحشم قدام بابا راه كيبقى بابا

جواد : ماريا انا وانت مكنديرو حتى حاجة عيب ولا حرام كنبغيك وكتبغيني سدينا زيدي قدامي..(جرها)..

ماريا(بستغراب) :

- لفين اويلي..

جواد (بصرامة) :

- ياتزيدي كدامي يانهزك ختاري ماعنديش مشكيل انا انت عارفاني...جرها بلاما تهضر اكتشوف فيه...حتى وقفو على العائلة كولشي دار عندهم..

جواد(بلا مقدمات وتقة فنفس) :

- ماحدكم كالسين كالسين بغيت نكوليكم بلي انا وماريا تصالحنا..

عبد الرحمان : مزيان اولدي مكاين ماحسن من صلح مكاين لاش ديك شد ليا نقطع ليك..

جواد : وحاجة خرا سي أحمد بغيت نكوليك بلي كنبغي بنتك كنبغيها من كل قلبي..كاع لي كاين شهق هاجر وردة سومية الصدمة باينة فعينيهم..

أحمد(كيشوف مستغرب) :

- كيفاش إيمتا هادشي؟

جواد : من شحال هادي بغيت كولشي يكون واصح ماعنديش مع الكدوب ودور عليا ندور عليك كنجي نيشان انا كنبغي ماريا كنبغيها كثر من راسي هيا حياتي وروحي بغيتك تعرف هادشي..

أحمد : ولكن اولدي حنا ماشي فأوروبا فهمتيني ولالا؟

جواد : فهاااامتك وعارف هادشي ولكن ماشي وقت هاد الهضرة مزال انهضر معاك مزيان انا وانت والواليد غير حنا رجال ب3 بينا ولكن ماشي دابا انا حطيتك فصورة وعلمتك وعلمتكم كاملين غير باش مايبقاش راسكم ضاركم..

هاجر : سبحان الله..دار خوها كيشوف فيها مخنزر ...بلعات ريقها شوفتو كتجمد ليها الما فركابي..

هاجر : بغيت نكول زعمة اخويا سبحان الله محبة من بعد عداوة..

جواد(برود) :

- واش عرفك انت فهادشي دخلي سوق راسك شوية كيبان ليا داك لسان عندك طوال..

عبد الرحمان : جواااد رخف على ختك شوية 

جواد : هيا لي كدخل فشي حوايج بعاد عليها المهم نخليكم دابا انمشي نسالي شي شغال أه الواليد فين عمي ومرت عمي..؟

عبد الرحمان : مشاو عند إقبال يزوروها راه حاملة

جواد(تبسم عطاه بظهر) :

- دغية دارها😏...جاب الله حتى واحد ماسمعو..كلسات ماريا و6 ديال العينين حاضيينها هاجر وردة سومية..طلعات راسهت لقاتهم مقابلينها...أشرات ليهم براسها بمعني شنو ...وردة دوزات يديها على عنقها بمعنى اندبحك هاجر دارت يدها تحت عينيها جبداتها بمعنى أحياني عليك...اما سومية مبسمة وتغمز فيها بمعنى هاي هاي على الحب والغرام...

ماريا : أستغفر الله العظيم ياربي...أحمد وقف وشاف فماريا :

- بنتي أجي معايا واحد شوية بغيتك سمحولينا..

عبد الرحمان : خود راحتك دار دارك...خلاوهم وخرجو لبرا فجريدة..

أحمد : بنتي واش داكشي لي كال جواد بصح وانت شنو بان ليك فهضرتو..

تنهدات ماريا وكلسات مقابلة مع باها.. :

- شنو انكوليك أبابا صراحة فعلا حواد كيبغيني دار معايا بزااف ديال الحوايج قليل تلقى شي واحد يدير عليك هكاك..بدات كتعاود ليه كولشي من نهار شافتو نهار الاعلانات ماخلات حتى حاجة دكرات ليه البرازيل وسفرية والمفاجآت كولشي..

أحمد : وعلى هاد الحساب راه تبدل مابقاش كيف كان

ماريا : شنو كلن ليك ابابا تبدل بزاااف

أحمد : هاهو ايعاونك فمشروع ديالك وماخلى مدار معاك دابا عاد رتاحيت أبنتي وتأكدت بصح بلي كيبغيك ولكن واش طلب منك زواج؟

ماريا : صراحة لا مزال

أحمد : إيوا ؟!!!

ماريا : بابا الما كالها هو راه منكولهاش انا جات طايحة انبان قدامو بحال الى انا ملهوفة على زواج خاص هو لي يطلبها مني وياااك ابابا تكولها ليه سمعتو فاش كاليك اتهضرو عنداك اتبيني بحال الى رخيصة عندك..

أحمد : عمرها تكون ابنتي وعمرك تكوني رخيصة واخا ابنني انا مغادي نكوليه والو غير هو ديك كترت دخول والخروج بلاش منها ماشي عليا انا الحمد لله تايق فيك تقة عمية حيت عارف أش ربيت واش كبرت ولكن ابنتي مامنبغيش كلام الناس يأديك لي ضرك راه ضرني..

ماريا : عارفة ابابا بلاما توصيني كون هاني مايكون الخير إن شاء الله

أحمد : إن شاء الله أبنتي الله يرضي عليك..

ماريا : أمين ياربي❤

الكلمة الطيبة جوهر ثمين ..

تكسبنا سحر العقول بحسن الأخلاق ...

فإن أردنا أن نؤثر في الآخرين،

ما علينا سوى أن نحلي ألسنتنا بالكلام الطيب ..

فلنطهر قلوبنا لننثر الطيب

في نفوس من نقابل ..

****

هاجر : ودابا هاحنا بقينا بوحدنا يلاه عاودي لينا

وردة : يلاه كنسمعوك غير عاودي

ماريا : ماتخليوش الواحد يرتاح زعمة ينعس لا والو..

سومية : دابا تنعسي ويشيط الخير مغاديش نحيدو من حداك حتى تعاودي لينا كيفاش قضيتك زعمة محبة من بعد عداوة ولا شنو هممم

ماريا(كضحك) :

- انتوما دايرين بحال دوك القملات ديال البخر الى لصقو حرام واش كيحيدو داكشي جا هكاك وصافي

وردة(غوبشات) :

- داك تعاويد الملاوط ديالك ماعندي ماندير بيه عاودي مزيان براكة من البهلان..

هاجر : شفتك أختي دافعة علينا كبير كتبعكي علينا فالهضرة كيفاش قضيتك..

ماريا : صافي صافي هانة انعاود...بدات ماريا كتعاود ليهم من الأول حتى الاخير ماسلات حتى نشف فمها ولكن ماحدها كتعاود وغينيها كيبريو وضحكة مافرقاتش وجها..

وردة : لالا انكول لأمين يطلقني ونعاودو نتعارفو باش يدير ليا هادشي غشني..

ماريا : باااز عقلتي كان كيضرب الطريق على قبلك حتى لسبانيا وفاش رجع وجد القاعة ودار فين اتزوجو نسيتي هادشي نكرتيه..

هاجر : حتى انا انشرطها على هشام ولت مابقيتش مزوجة

ماريا : نعلي شيطان بغيتي تحمقي ليا ولد عمي هو مسكين صابر غير بزز ناااري شحال عشتو ديال الحب وفالاخر حاسديني

سومية : انا بعدا اختي كاعما حسدتك والله هانية عندي..

ماريا : كتهصري يالبعلوكة حتى انت

سومية : عندي 21 عام راه كبرت ديري ليا بحال ماما...ماريا سهات وهوما كيهضرو حتى فيقاتها وردة.. :

- أسبحان الله الحب ولا كيخليك تسهاي

ماريا : لا ماشي هكاك ولكن وقعو شيحوايج مافهمتهمش لدابا..

وردة : ياك لاباس اش وقع؟

ماريا : فاش كنا جايين حتى خرجنا عند الباب لقينا واحد الكرطونة من النوع الغالي مكتوب فيها ماريا...منين فتحناها لقينا فيها شال بحال شكل ديال الفورير ولكن توب ديال التعلب وهاد النوع كيكون غالي بزااف

وردة : ومن بعد يكون جواد دارها ليك مفاجأة

ماريا : وهو براسو تفاجئ وتقلق عند بالو شي واحد لي مسيفطها ليا كنعرفو حتى من وسيم ستغرب ولكن كلنا يمكن واحد الجارة حتى هيا سميتها بحالي وتغالط ليهم العنوان..

وردة : وهادشي مكاين لاش يشوشك

هاجر : ايكون غير تغالط ليهم العنوان وصافي كاعما ديري فبالك

ماريا : ماشي غير هادشي فاش جينا لهنا دخلت لكوزينة نشرب وهيا تبان ليا نفاخة فالكحل مكتوبة بالحمر مرحبا برجوعك أميرتي الغالية..ومنين سولت جواد عند بالي هو مولاها كاليا بلي ماشي هو ومعرفنيش علاياش كنهضر بعدا..وماشي الحماق هذا..

هاجر : خويا راه يديرها وينكر انا كنعرفو مزيان راه غير مارضاش حيت مامالفش يدير هاد الفعايل فهمتيني نفسو فنيفو هههه كاعما ديري فبالك راه فيه الفعايل انا كنعرفو مزياان..

وردة : هاجر عندها الصح راه رجال واخا هكاك مكيرضاوش

ماريا : سمحيليا وعلاش مايرضاش فاش وجد ليا المفاجأة ديال البرازيل وفاش ايعاوني نفتح قهوة ديالي مالها ماتبانش عزة النفس ديالو ديك ساع لا جواد مايديرهاش تكولي لي كلتي..

وردة : انت ماتعمريش بالك وصافي راه غير حيت سفر كيأتر عليك عقلتي فاش كنا جايين دختي وتلفتي..

ماريا : يمكن كولشي ممكن...كملو جماعة ديالهم هضرة تجبد هضرة فالأخر ناضو خلاوها ترتاح..

****

فالبيرو عند جواد..

- جلال بغيت كولشي يكون واجد غدا تعطلتي بزاااف هادي هيا غير غاترجع ايكون كولشي واجد غدا فصباح ومانلقاش لي كتليك ماتلوم غير راسك وانا علمتك..

جلال : كون هاني مايكون غير خاطرك

جواد : صافي سير شوف خدمتك..خرج جلال من عندو خلاه كيدور فالكرسي وكيفكر..داير يديه على طبلة وكيفكر فالكادو او فداكشي لي كالت ليه ماريا..

جواد : اوووف الشك غادي يقتلني هادشي صدفة ولا شيحاجة كاينة...هز تيليفون عيط على جلال..

- عندك شي خبار على أنور؟

جلال : كاليا نزار بلي عندو شي مشاكل فشركة مشغول وغارق وماعرف شنو يدير وزاد عليه باه منين كاليك ايحيد ليه المسؤولية من يديه عاطيها غير لزهو ولنشاط ونسى الخدمة..

جواد : صاف...قطع وتنهد تنهيدة طويلة رجع لظهرو لور كيفكر ولكن فالاخير قرر ينسى هادشي ويرجعو غير لصدفة...

قد يقودك أسـوء حدث يجري لك لأفضل تغييـر في حياتـك ..

كن متفائـلًا...

****

بحال عادتو كل صباح كيخرج يجري يرجع لدار يدوش يفطر الفطور ديالو المعتاد...يلبس حوايجو ويخرج لخدمتو ولكن هاد المرة طلع عندها نيشان...فتح الباب ديال بيتها...وتكا حداها مبسم كيروي العطش ديالو من ملامحها..طلع إيدو لوجها ولشعرها خدا خصلات منهم طيهرها بيهم حلفات لاهيا تنوض حبسات نزل لرجليها والو جاتو عجب نزل بوجهو لجهة قلبها كيضرب يلاه ايحط صبعو تحت نيفها بانت ليه حالة عينيها كتشوف فيها وكضحك..

ماريا : كتأكد واش عايشة ولا ميتة هههههه

جواد : بااااز ليك كديري معايا تحريميات أ...تلاح عليها بتقل ونعس فوق منها..

ماريا : ناااري ونوض تقيل اميمتي انموت نوووض..

جواد : اودي ياودي على الحب 

ماريا : نووض دابا يجي شي واحد ويحصلنا بابا خلاني نعس هنا لبارح غير بزز لغشية غادي نرجع لدار..

جواد(غوبش) :

- وعلاش؟

ماريا : كيفاش علاش وراه دارنا هاديك تما فين خاصني نكون...ناض قفز بزربة دار يديه فجيابو وعطاها بظهر كيشوف جيهة سرجم...عرفاتو تقلق...حيدات الغطا وجاتو من لور عنقاتو.. :

- مال حبيبي تقلق؟..مجاوبهاش...طلقاتو وجاتو من القدام..

ماريا : جواد ماتكونش على سبة شنو واقع تاني؟

جواد : انت لي كتكولي هاديك هيا داري زعمة هادي ماشي دارك؟

ماريا : باش داري ماشي داري خاصنا نهضرو فالحقيقة انت حبيبي ولكن مزال ماوليتي خطيبي ولا راجلي باش تسما هادي داري ماخصكش تقلق من هاد الحوايج والقانون القانون ماخاصش نبقى معاك فدار وحدة

جواد : وكنتي معايا فلوطيل كونبغيت ندير شيحاجة كون درتها ولالا؟

ماريا : هداك راه لووووطيييل اما حنا دابا فدار مع والدينا وعائلتنا مجاتش نكلس هنا ودارنا كاينة فهمتيني؟

جواد(شاف فيها بستسلام حيد يديه من جيابو وعنقها) :

- عندك الصح إيوا حبيبي ماتوحشتينيش؟

ماريا : توحشتك وبزاااااف..

جواد : مكايناش البوسة ديال صباح مانستاهلش...تعلات ماريا على رجليها وباستو بوسة كبيرة بجهد فحنكو..

جواد(هز حاجبو) :

- دابا هادي بوسة هادي😑

ماريا : واشنو بغيتي؟...جواد تبسم وتم هابط بشوية حتى قرب لشفايفها دفعاتو وهربات دارت ليه بيديها بحال لودينات وخرجات لسانها..

جواد : كتقلي ليا سم زعمة😐

ماريا : بحال هكاك احبيبي يلاه خرج خليني نبدل..

جواد : ماتعطليش انخرجو نفطرو على برا ومنها انديك لواحد لبلاصة اتعجبك..

ماريا : خرجو عينيها) فين اتديني؟

جواد : اطيري تنزلي مغاديش نكوليك بلاما تعدبي راسك انتسناك لتحت...داز من حداها وغمزها...

ماريا : بغيتي ترضها ليا زعمة واخا سيدي...دخلات لحمام من وراها خرجات خلات شعرها مانشفاتوش جمعاتو على شكل سفنجة وخلات خصلات منو مطلوقين...لبسات كسوة فالبيج مع سبرديلة بيضة وهزات ساك فالبيض دارتو فجنب وهبطات كتجري فدروج...وقفات عند الطبلة عند بالها اتلقى غير جواد حتى لقات كولشي فايق..

ماريا(حشمات) :

- صباح الخير..

عبد الرحمان : صباح النور أبنتي كلسي تفطري..

جواد : انا وماريا انخرجو نفطرو على برا...نقزات هاجر :

- كنت زعمة بغيتك تمشي معايا نشري شيحاجة..

جواد : راه خاطيبك يجي وخرجيه معاك...حدرات هاجر راسها ولقمة دالخبز وقفات ليها فحلقها..

ماريا : تسنايني انجي ونخرج معاك ونتغداو على برا صافي...

هاجر(تبسمات) :

- واخا...سبقها جواد وتبعاتو غير ركبو فطوموبيل دارت مخنزرة فيه..

ماريا : انت مالك بحال هكا هاديك راه ختك ماشي عدوتك

جواد : هاديك البرهوشة مكاين لي كيعرفها كدي شافتني خارج معاك سدينا مكاين لاش تبقى تكتر فالهضرة

ماريا : جواد هاجر راه صاحبتي قبل مانتعرف عليك ديرها فبالك والما تقربتي من ختك شكون ايتقرب منها انتوما هكا كتبغيو تفرضو سيطرة على خواتاتكم عند بالكم بحال هكا راه مغادير والو راه بالعكس خاص يكون فيك باخا خوها صاحبها وماتخافش منك ولي كان تعاودو ليك هكا اتكسب الثقة ديالها وتحميها من دياب ديال زنقة..

جواد (بصرامة) :

- يتجرأ شي واحد يمس شعرة وحدة منها ولا حتى ندفنو حي نحيد لجدو لعصب ديال رجليه

ماريا : اودي مامقرب حد انت اكتعصب كتبدا تجبد فالبو فالم فجد العائلو كاملة..

جواد(كيخنزر فيها) :

- دابا انت كيفاش قضيتك ماريا انا هكا داير بلاما تمرضيني على صباح خلينا راشقة لينا..

ماريا : مكالت والو ماريا هاهيا ساكتة...دارت السمطة وماعوداتش هضرات...ديمارا طوموبيل وكسيرا بجهد..

سونا تيليفون مرة لولة وتانية تفتح الخط غير صوت تنفس ديالو لي مسموع..

- عيط غير باش نكوليك بلي الفلوس لي سيفطي ليا وصلوني ومن نحية داكشي غير كون هاني والمعلومات لي كتليك صحيحة مية فالمية وبلاما تعيط...بغيت نكوليك ظعمة غير على ود باش حتى واحد مايعيق بينا انا لي كاين انكولو ليك أسيدي كون هاني...مع آخر كلمة كالها سمع تيليفون تحط والمكالمة تقطعات...

****

ماريا : هاد القهوة زوينة بزاااف مكرهتش تكون عندي بحالها حتى الفطور عندهم كيشهي(هزات الكيكة بشكلاط دخلاتها لفمها كاملة)...

جواد : حتى واحد مكيتسابق معاك اكوني هانية

ماريا(فمها عامر) :

- بنينة بزااف مع دوك الحبيبات دشكلاط لي فيها يااسلااااااااام..

جواد(مقابلها وكيضحك).. :

- الى ساليتي نمشيو..

ماريا(هزات طرف دالكيك لي بقا بيد وساكها بيد) :

- انا واجدة...جرها من دراعها كيدور راسو :

- مامعاتقاش الله يستر...خلص الفطور وخلى الصرف لسيرفور...فتح ليها الباب حتى دخلات وكلسات دار ليها سمطة حيت إيدها مشغولة بالماكلة وطلع حداها..

ماريا : زعمة مغاديش تكول ليا فين غاديين؟

جواد(بصرامة وبرودة أعصاب) :

- لا

ماريا : مابقيتش فيك زعمة...ضار شاف فيها ورجع شاف قدامو :

- لا

ماريا : واخا لي بان ليك...شوية بشوية طوموبيل غادية فطريق ديال دار...قبل مايوصلو لبحيرة بشوية وقف طوموبيل..

جواد(بإصرار) :

- عنداك تهبطي...سبقها فتح طوموبيل يدي شد بيها إيديها ويد دارها على عينيها...هبطها بشوية سد الباب غادي بيها غير بشوية..

ماريا : واش مزال؟

جواد : دابا...حيد يديه بشوية من على عينيها...كترمش علات عينيها كتبان ليها بلاكة كبيرة فالغوز مرسوم فيها وريدات ومكتوبة بخط عريض "Le 1er café 100% femme au maroc " كترمش كتحقق واش لي فدامها بصح ولالا زادت قربات لقدام كيبان ليها العنوان او سميت القهوة بخط لاتيني عريض " Paloma Café "...دارت كتشوف فجواد لي واقف متكي على طوموبيلتو داير رجل على رجل هاز حاجب ومهبط التاني نظرتو الرجولية لي كتحمقها وترجع تشوف فالبلاكة مامتيقاش راسها...ماحساتش بدموعها إيمتا هبطو دارت عندو كتجري وترمات بين يديه معنقها..

جواد(كيدوز يديه على شعرها وكيسكتها بحال الى بنتو) :

- ششش علاش لبكا أي حاجة كتبكي فيها

ماريا : مامتيقاش والله مامتيقة...بعدها عليه كيشوف ليها فعينيها ونيفها الحمر..

جواد : شنو لي مامتيقة خاصك تكوني فرحانة

ماريا(وحلات ليها الهضرة كترعد ماعرفات راسها فحلم ولا علم) :

- ولكن إيمتا وكيفاش مافهمت والو؟

جواد(غمزها) :

- شنو كتعرفي عليا أمم

ماريا(كضحك وسط دموعها):

- الى بغيت ندير الحاجة نوصل ليها نوصل ليها

جواد : الله يرضي عليك عمرك تسوليني كيفاش وعلاش ولا إيمتا حتى ليك انت واخاوتكون الحاجة فآخر الكون فسما فكوكب أخور نجيبها نجيبها حتى حاجة مكتغلى عليك أهم حاجة عندي تكوني فرحانة هداك هو ربح فهمتي...غلبوها دموعها تاني وعنقاتو بجهد دافنة وجها فصدرو..

جواد : وبراكة ناري على بكاية مابغيتيش تشوفي القهوة ديالك يا أنسة؟

ماريا(كتحرك راسها بأه)...بعدها عليه شد ليها فيديها...ركبها فطوموبيل بحال شي بنية صغيرة طلع جنبها...ديمارا وكمل فنفس الطريق شي 2 دقايق حتى وقفات طوموبيل قدام تحفة فنية...خرجات ماريا بلاما تسناه حالة فمها وعينيها واقفة مصدومة...كانت قدام بناء معماري غزااال بزاااف عمرها شافت بحال هاد القهوة فحياتها على برا مرسوم باليد صورة مرة لابسة سلهام فالحمر وعلى جبهتها نجمة فالخضر رمز الراية المغربية وفالحيط لاخر رسومات لعيالات مغربيات بلباس تقليدي شمالي أمازيغي صحراوي والقفطان المغربي العصري...اما الوسط سميت القهوة كبيرة وعريضة بنفس الخط الاتيني بلون البحر زرق اللون المفضل عند ماريا..الحيوط كلهم سراجم عاد الباب لكبير

جواد : كيبان ليا انا لي اندخلك تشوفيها من لداخل حيت الى عولت عليك هنا اتبقاي...جرها من يديها حل باب القهوة ودخلو بجوج أشر لجلال لي كان واقف سابقهم..براسو وهو يخرج خلاهم بجوج...طلقات ماريا من يدين جواد كدور على راسها بحال طرومبية دخلات قهاوي فالمغرب وفإسبانيا بحال هاد شكل عمرها شافت داكشي لي كان كالت ليه فالبرازيل طبقو بالحرف طبالي ضايرين من الخشب كراسة ديال حتى هوما خشب مغشيين بالموبرة فالكحل وبزاااف ديال الغرس وربيع الغرس ضاير كاع بالقهوة كتحس براسك كاين فغابة حتى من الروسومات لي فالحيط ديال الغرس...السقف كلو مرايات على شكل دائري...تمات غادية لجهة لوخرا لي لداخل حتى هيا بحال اللولة غير الكراسة ديالها مختالفين مشبكين...حسات بيد جواد فيدها هزات راسها شافت فيه جرها ودخل بيها لواحد نص باب كيمشي ويجي تما عالم أخور وقفات منباهرة كتر من لولة مصدومة هاد البلاصة كانت راقية عائلية كلها فيترينات عامرين كتوبة...باش لي بغات تقرا ولا تحفظ تجي لهنا...طاحو عينيها على دروج فلون الخضر مشات ليهم وجواد تابعها من لور تمات هابطة وقفات وهزات يديها لفمها سداتو بصدمة...

هاد المرة كلشي كان زليج فزليج فلون الخضر بجميع تدرجات ديالو الكراسة كانو عبارة على حيوط من زليج مغلفين ببونجات فالكحل مع مخدات صغار فالكري والموف صناعة تقليدية طبالي كانو بزليج اما الكراسة ديال الحديد فلون الكحل...شمع كان فكل بلاصة مع تارازات مكتوبين بالخضر "paloma café"وحتى هاد البلاصة مازهقاتش من الغرس...

جواد(همس ليها فودنها) :

- عجبك؟..دارت كتشوف فيه شحال وهيا ساكتة غير كتشوف فيه وترجع تشوف فلي حداها...

ماريا(مصدومة) :

- ماعرفتش راسي واش كنحلم ولا فايقة ولا ناعسة مابقيت فاهمة والو

جواد : لا حبيبي فايقة وكاع هادشي حقيقي وديالك بالوراق بكولشي

ماريا : ولكن ولكن كيفاش عرفتي دوقي وعرفتيني بغيت هادشي انا راه مزال مامتيقاش والله خايفة نكون غير كنحلم..

جواد(عنقها) :

- كنعرفك كتر من راسي وكنعرف كيفاش كتفكري وفاش كتفكري 

ماريا : هادشي زوين بزااااف والله واخا نبغي ندير بحال هكا منقدش

جواد : بصحة وراحة..

ماريا : والله ماعرفت شنو نكوليك حتى لهضرة تحبسات ليا هادشي راه بز...(قاطعها بصرامة) :

- علاياش تفاهمنا ديك المرة ديك شكرا وهادشي بزاف عليا وداك تخربيق ماعندي ماندير بيه انا وانت واااحد واش مفهوم ولالا😡

ماريا : اه اسيدي مايكون أخاطرك...

جواد : ولكن تقدري تعطيني شي بوسة الى بغيتي هاديك مغادي نكوليك والو عليها😉

ماريا : غير بقا تحلم أحبيبي هاديك هيا لي مغاديش تدي

جواد : كيفاش بلانك انت زعمة اجينا لهنا شفتك جمعتي وطويتي أش كاين بلاما تخليني نخدم معاك العنف

ماريا : علاش تقدر؟

جواد(زير عليها) :

- مانحتاجش أحبيبي بغيتي نبين ليك ساهل...حسات بيديه كيلعبو فظهرها كيرسلو فيها دبدبات تبوريشة طلعات معاها عينيها بداو كيتعسلو ويتسدو حس بيها ولات بحال الزبدة فيديه...شوية طلقها..

جواد(كيضحك عاجلو الحال) :

- شفتي شنو كتليك ماتبقايش تحدايني😉

ماريا : مغاديش نتناكر معاك انا فرحانة ومقاداني فرحة بغيت نشوف الكوزينة ونشوف كولشي...

جواد : أجي معايا نوريك...شدات فيديه طلعو لفوق داها لواحد الباب عريض مكتوب لاكويزين بحجيرات صغار...دخلات هيا وياه وضحكة كبيرة على وجها عجباتها الكوزينة ولي عجبها كتر هو لفيترينات لي عامرين بليطاس أشكال وأنواع وألوان وأحجام مختالفة...

جواد : هانتي الالة تفنني فلي طاس هاد الكوزينة اتكون سيدة لي مختصة فالقهوة طبيعة الحال لي هيا انت وهاد السرجم لكبير هنا مني اتخرجي الطلبات ديال الناس لخدامات لي ايكونو معاك...

ماريا : فكرتي فكولشي وباش عرفتيني كنعرف نصايب القهوة

جواد : مايمكنش وحدة كتحماق على القهوة وكتميز ريحتها وعندها معلومات عليها متحونش كتعرف تصايب القهوة مايمكنش..

ماريا(كضحك) :

- عندك الصح...حتى وردة راه خطيرة فالقهوة من بعد أنجيبها تخدم معايا الى بغات ولكن موحال يخليها أمين على قبل ليليا..

جواد : الى بغا يشوف ليها مربية ترومبلاصيها فلش تكون فالخدمة هضري معاها انت فهادشي وكوليها تكولها لأمين خاصها تشاور معاه ال بغا مرحبا وانت ديري إعلان فالأنترنت قلبي على بنات يخدمو معاك

ماريا : دوماج كون اخليت القهوة مخلطة ايكون حسن ياااك ونخدم معايا رجال خاصهم يكونو زوينين باش يكونو هوما الواجهة للقهوة ويجلبو الناس ياااك(كتحكو بلعاني)..

جواد(بصرامة) :

- وقيلة كتقلبي على خلى دار عشتك ديريها ونسد بوها انا هاد القهوة كاع وماعندنا منديرو بزبل وديك ساع كلسي فداركم ومريضنا ماعندو باس أش بان ليك

ماريا(عنقاتو) :

- ناااري على مغيااار وانا غير كنضحك منديرهاش واخا نعرف نش دبان ومنخليهاش مخلطة..

جواد : وأنا غير كلت ليك 

ماريا : وصافي ناري حرام الواحد يضحك معاك

جواد : انت عارفاني شي حوايج مكنعرفش فيهم الضحك...يلاه خلينا نمشيو مزال الخدامة كيقادو شي حوايج...

ماريا : واخا بااتي صبر نجيب صاكي خليتو لهيه...هزات ساكها وتلحكات بيه سبقاتو لطوموبيل...وهو بقا واقف كيهضر مع جلال...

جلال : يلاه قطع معايا الهضرة ماعطيتوش الكلمة كلت حتى نسولك

جواد(بستهزاء) :

- دغية ساسو وبغا يبدلو هادي هيا العشرة ديال سينين

جلال : إيوا الواحد كيتبع طرف ديال لخبز شحال قدو يبقا تابعو ضروري الواحد يشوف جهة لي مسلكاه 

جواد : الله علم المهم دير لي بان ليك انت كتعرفو كتر مني الى تايق فيه كوليه مرحبا غير خلي عينك عليه لايكون هدا غير قالب من أنور باش يدي خبارنا نعول عليك

جلال : كون هاني أخويا انت غير رتاح...ضرب ليه جواد على كتافو دار نظاظرو ولحق على ماريا طلع حداها...دار وراه راجع بطوموبيل وكيشوف وراه ماشاف حتى واحد وكسيرا نيشان لدار...ماريا طريق كاملة وهيا مبسمة مكتهضرش امبسمة...جواد ضحكاتو فينما يدور عندها يلقاها مبسمة.. :

- أسبحان الله...ماريا عاد فاقت وشافت فيه

ماريا : همم كلتي شيحاجة؟

جواد : وغادي نبدا نغير انا من هاد القهوة لي دات ليك العقل..

ماريا : شدات ليه فيدو طلعاتها لشفايفها وباستها بكل حب وحنان..

ماريا : من أسباب السعادة .. روح لم نندم يوماً على معرفتها💖

تنهد تنهيدة طويلة رجع إيديها الفوق ويديها التحت خفف من سرعة حتى ولات طوموبيل غادية غير بشوية...شاف ليها فعينيها وعينيه كيعبو على الأحاسيس لي كيحس بيها من جيهتها حب قوي بزااف بحال زلزال كيهز جبال بحال البركان كيحرق الأخضر واليابس...

جواد : 

منذ عرفتك

أحب حياتي.

وجهك في الصباح يتورد

كزهرةٍ وليدة، 

والنور في عينيك يخبرني

أن الشمس لم تشرق إلا لأنها تود رؤيتك للأبد أشعر أني أكثر الناس حظًا؛

كلما جئتي حاملتا

كل هذا الجمال في ملامحك.

‏‎كل شيءٍ من حولكِ يبتهج

عند رؤيتكِ فما بالكِ أنا...ذلك

الذي يقف متأملًا بالكاد يطير سرورًا

من ذلك النور في وجهكِ 

متأملًا كيف لهذه الملامح

المريحة الصافية خلقت ، 

وكأنها تقول لي ؛ هذا النعيم لأجلكَ أنتَ 

، بحق هذا النعيم هو جنتي في الدنيا .

النار في حبك. جنه

. ايتها. المحتالة. الجميلة...ماريا تيسمات الفرحة كتهرها فكرشها...حدرات راسها ودوراتو لجهة السرجم..

جواد : يخليلي لي كيحشم..

ماريا : وبراكة سربي وصلي لدار باش نخرج مع هاجر..

جواد(تسيف) :

- من هنا نعلمك تعطلي قسما بالله مغايعجبك حال

ماريا : سلامة ياربي عاد كنتي زوين

جواد : الواحد مرة هكا ومرة هكا منبغيش حبيبتي تبقا دور فزناقي

ماريا : كون هاني مغاديش نتعطلو...زاد فسرعة ديال طوموبيل وصلها لدار...قبل ماتهبط..

- نوصلكم معايا عندي غراض انقضيه

ماريا : لا حبيبي بلاش انشدو طاكسي غير نتقداو ونتغداو ونرجعو والى بغات وردة امشي معانا انشوفو أمين يوصلنا

جواد : هاديك مزيانة انا نكولها لأمين بلاما تمشيو فطاكسيات تبقاو واقفين تسناو

ماريا : واخا صافي...دخلو لدار لقاو أمين كالس كيلعب مع بنتو او وردة حداه..

جواد : أمين وصل معاك ماريا وهاجر ايتغداو على برا ويتقداو شيحاجة..

وردة : وانا؟

ماريا : وعلاش حنا انمشيو لشي قنت بلا بيك وجدي راسك وعيطي معاك على هاجر مافيا لي يطلع ويهبط تاني...جواد جا حتى لورا أمين غمزها وسيفط ليها بوسة فالهوى...ماريا جاتها الضحكة غير حبساتها...رجع الملامح الجدية ديالو وبصرامة :

- ماتعطلوش

ماريا : لا مغاديش نتعطلو أصلا ايخصني نجي ندي حوايجي لدار...تبدلو الملامح ديالو حس بيها اتبعد عليه وهو لي والف يشوفها قدامو جاتو فشكل ماعجبوش الحال عطاها بظهر ودخل لمكتب ديالو خبط الباب وراه...دار أمين شاف فالباب لي تسد بجهد وشاف فماريا :

- مالو؟

ماريا : ماعرفتش جواد كيكون فحالة كيتسيف لحالة خرا(هيا عارفاه مالو ولكن فضلات تسكت)..هبطات هاجر هازة ساكها لابسة بوضي فالكري مع سروال دجين وسبرديلة فالبيض..

هاجر : كيحسابلي خويا مغاديش يخليك

ماريا : واعدتك انا وفيت بالوعد ديالي...(بدات تعيط) وردة ورددددة سربييي أصاحبتي

أمين : القاعدة عيا القاعدة...نباتو وردة :

- انت غير على سبة...البوسيت عندك فطوموبيل ياااك؟

أمين : اه مزال كاينة غير يلاه...

ماريا : اراو ليا هاد البخوشة نهزها...هزات ماريا ليليا خرجات بيها حطات فالكرسي ديالها لور ديال طوموبيل دارت ليها الحزام وطلعت حداها وجنبها هاجر..وردة القدام حدا أمين...

أمين : لفين نديكم بعدا؟

هاجر : خويا حطنا حدا القيساريات ديال مالين توب الله يعطيك الستر...ديمارا أمين وشد الطريق...

****

الدقات فالباب دورات هنية البوانيي ودخلات..

هنية : سي عبد الرحمان الدوا ديالك نسيتيه...كان واقف مقابل مع سرجم وعاطيها بظهر..

عبد الرحمان : حطيه تما جا جواد؟

هنية : أه اسيدي جا هو وختي ماريا ولكن ختي ماريا خرجات مع هاجر او وردة وسي أمين وسي جواد كاين فالمكتب ديالو..

عبد الرحمان : واخا أهنية صافي غير سيري...خرجات هنية وسدات الباب وراها...تنهد عبد الرحمان بحال الى هاز جبل على كتافو...مشا جيهت الباب دور الساروت جوج دورات ومشا لجيهة الماريو ديالو فتحو فتح المجر لول حيدو كاين تم مجر أخور سري فتحو وجبد واحد صندوق مصنوع من الخشب ديال العرعار منقوش...هزو وكلس فوق نموسية...حطو حداه وفتحو كانو فيه بزااف ديال تصاور ديالو هو وعائلتو لكبيرة والديه هو والعربي عم ماريا بزاااف ديال تصاور...خدا واحد التصويرة مصور فيها هو باقي صغير بالكحل ولبيض شعر كحل طويل وليبات ولمويتاج سروال بارة وتريكو وجنبو واحد البنت زوينة بزااف شعرها طويل ملامحها زوينين عينيها كبار كحلين كلشي فيها زوين لابسة صايا فالكحل تحت الركبة وتيشورة وصندالة ميني تالون ودبليج ديال النقرة فيديها وسنسلة فعنقها ودايرة يد على الخصر ديالها كضحك...هز ديك تصويرة كيتمعن فيها ويدوز يديه عليها تبسم بلاما يحس وجاوه بزاااف ديال ذكريات لبالو ذكريات عمرو نساهم وعمرو مغادي ينساهم...فيقو الدقان فالباب وصوت جواد كيعيط عليه..

عبد الرحمان : بلاتي اولدي انا فالحمام بلاتي...جمع ديك الصندوقة دغية رجعها لفين كانت ورجع كولشي كيف كان...مشا لباب فتحو..

جواد(بستغراب) :

- الحاج ياك لاباس عمرك ماسديتي الباب عليك؟

الحاج : لا ولدي مواقع والو غير هنية جابتليا دوا ومنين خرجات سديت عليا خفتها تدخل وانا فالحمام هذا مكان..

جواد(بشك) :

- واش متأكد الواليد بلي بيخير؟

عبد الرحمان : الله يهديك أولدي شنو غادي يكون عندي الحمد لله هانتا رجعتي وأمورك مزيانة بنتي اتزوج شنو بغيت كتر من هكا..

جواد : نزار ايبدا الخدمة معانا

عبد الرحمان : نزار نزار ليد ليمنة لأنور

جواد : اه هو 

عبد الرحمان : وزعمة جاتك عادية؟

جواد(ضحك بستهزاء) :

- هاد زمان الواحد كيتبع الفلوس ولي غادي يعطي كتر شاف أنور مابقاش مافعو قلب عليه وبيني وبينك انحتاجو كان نافع أنور بزااف

- زعمة كتر من جلال؟

جواد : جلال بوحدو هداك ليد ليمنة ديالي او واحد من العائلة يلاه نخليك شرب دوا ديالك عندك تنسا...نزل ليه على يدو باسها(جواد واخا الهيبة والغوات والغرور ونفاخة وكولشي يدير ليه ألف حساب ولكن مرضي وباه هو عينيه)...سد الباب وبقا واقف كيفكر فتعابير ديال باه جبد تيليفون مشا لريبيرطوار جبد نمرة ديال طبيب صديق للعائلة وسونا ليه :

- وي دكتور عبد الجليل صافا الحمد لله الله يخليك بغيتك دوز هاد العشية لعند الحاج دير ليه فحص شامل من سكر وطونسيو ودقات القلب بغيت نعرف واش صحتو مزيانة ولالا؟وي وي جوسي ماعندوش سكر ولكن الضغط كيطلع ليه مرة مرة دوا كياخدو ولكن هاد صباح حالتو ماعجبانيش ميغسي دكتور...قطع مع طبيب هز السوارت من فوق الطبلة وخرج...

****

جرات ماريا لكرسي وتلاحت عليه مسرحة رجليها.. :

- نااري ياختي والله حتى عييت دوقك صعيب بزااف كتكوني غادية على حاجة حتى كتصدقي فحوايج هوما..

وردة(كلسات بنتها على رجليها) :

- انا راه وليت كندم نخرج معاها فاش ماكنتيش ضروري رحليا نكمدهم فاش نرجع ونعس ومانفيق لغد حتى ل12

هاجر(شافت فيهم بجوجات) :

- زعمة مازدتوش فيه شوية لي يسمعكم يكول ضرت بيكم لي لي بوتيك ديال لندن راه غير جوج محالات ولا 3 صافي

ماريا : ماماتش أختي أخرجو مسارنو...جا عندهم السرباي يشوفهم شنو بغاو كل وحدة فيهم وشنو طلبات ماريا بحال العادة خدات شوارما دجاج مع الفريت...

وردة(فتحات بيمو لبنتها ديال شكلاط عطاتو ليها) :

- إيوا هاجر هاهيا غادية فطريق وانت إيمتا نفرحو بيك

ماريا : كلعي لبنت ديك سقاتة اتخرج عليها ويتسوسو سنانها

وردة : راه امرة فشحال ودابا بلاما دوخي عليا كيفاش قضيتك

ماريا : مكاينة لا قضية لا والو

وردة(شافت فهاجر) :

- مابقيت فاهمة فهاد ماريا والو

ماريا : واش نعرض زواج على سيد بزز؟

وردة : وا انت من صباح كتعاودي على القهوة لي خدا ليك وهاد المفاجآت كامل وماطلبش منك زواج مايمكنش ولالا هاجر؟

هاجر : خويا مايكلسش ومايطلب منك زواج هو نهار لي كان بيناتكم داك الاتفاق وتزوج بيك دغية خلي دابا كتبغيو بعضياتكم

ماريا(شدات فحناكها) :

- بحال الى رديتوني كنكدب عليكم كون طلبني لزواج راه غادي تعرفو

وردة : زعمة كاعما لمح ليك؟

ماريا : والو غير صباح كتليه مخاصنيش نبقى انا وانت تحت سقف واحد ومابيناتناش شيحاجة رسمية كاليا أه بصح وسكت مكاليا لا قريب لا بعيد ماقتلني ماحياني والو

هاجر : العجب هذا والله حتى لعجب

ماريا : وانا مغاديش نبين ليه خاصو هو لي يطلبني لزواج ماشي انا

وردة(كتخمم وساهية شوية شافت فماريا) :

- عرفتي شنو خاصك ديري باش تخليه يطلبك لزواج؟

ماريا(رجعات راسها لور) :

- هاهيا بدات بالخطط تاني شوفي ناكلو بعدا وكولي لي بغيتي عقلي مبلوكي دابا واخا؟

وردة : واخا باش نزيد نيت نفكر مزيان..

****

#دار_ماريا

مليكة : شفتو ناس لي سكنو حدانا غير ليوم تلاقيت مع مولات دار فسوق باينة فيها ظريفة والله يعمرها دار جاتني ماشي من هنا 

أحمد(شاد تيليكومند كيتفرج فناسيونال جيوكرافيك) :

- دغية حللتي سيدة وباش عرفتيها ماشي من هنا؟

مليكة : حسيت من هضرتها مع الخضار باينة فيها أستاذة كولشي كيعيط الأستاذة

أحمد : الخضارة ولبياعة وشراية هداك هو حالهم باش يجيبو لكليان

مليكة : وقيلة حيت المظهر ديالها كتبان بحال شي أستاذة داكشي باش شنو بان ليك نصايب شي طرح دالمسمن وكيكة ونديهم ليها

أحمد(شاف فيها) :

- مامالفاش ليك كلسي فدارك مقادين على صداع ديال جيران خلينا فتيقار راه هاد الزمان الواحد يشد تيقارو حسن ليه

مليكة : بصح والله مكدبتي

أحمد : وهكاك خليك فدارك سادة عليك بابك ومهنية مع راسك

مليكة نوض نشوف لغدا ونرجع من نهار شدات حليمة كونجي وانا كنبقى بوحدي نهضر مع الحيوط

أحمد : وانا ماعجبتكش؟

مليكة : انت الى كلستي فدار تكابل دوك الوحوش ودمايات ولافاعي كنبقى نهضر بوحدي وفاش كتمشي لفيرما تكابل الخدامة كنبقى بوحدي كيف كيف الحمد لله لي ماريا اترجع نلقى معامن نهضر

أحمد : وشوفي لغدا خلاص راه كرشي لصقات بجوع الله يرضي عليك...لاحول ولا قوة إلا بالله...

ماريا(كتشرب فالموناضا ديالها واخا كيكولو ليها راه مافيها فايدة وخايبة وكدير لي كاز والو كتحماق على شيحاجة سميتها موناضة ديال الحامض) :

- إيوا الالة فين خليناها؟

وردة(رجعات شعرها لور وعطات لبنتها رضاعة وحطاتها فالبوسيت ديالها باش تنعس)..

هاجر : بلاتي نسولك إيمتا اتحيدي ليليا رضاعة؟

وردة : كنكول هاد الأيام نفطمها مدام ماريا رجعات والفاتها ليا ياختي بزاااف مشكيلة والله

ماريا : حيتاش مارضعتيهاش طبيعي راه مكاين ماحسن من طبيعي ولكن انت عند ظروف وحتى من الحليب مشا ليك

وردة : انحاول معاها ضروري نحيدها ليها دابا راه عندها عامين اه فكريني ندوز ناخود داكشي لي انحتاج لعيد ميلاد راه أجلتو على قبلك تخاصمت مع أمين على هادشي

ماريا(بستغراب) :

- علاش؟

وردة : ماقدرش يتسنى وزادت عمراتو واحد خيتي خدامة معاه فلاجونص اسميتها مريم كاتليه انا كنعرف نظم الحفلات نعاونك كون صبت نغزها..

ماريا : اجي أمين أشمن أجونص فتح؟

وردة : أجونص ديال سفريات كينضمو سفريات لداخل المغرب وخارج المغرب مابغاش يخدم مع جواد فشركة ديالو كان طلب من يشد وحدة من شركات لي فالمغرب ولا لي فبرات المغرب واكن مابغاش

ماريا : خليه يعتامد على راسو ويبدا من صفر إيوا دابا كملي ليا شنو ندير.؟

وردة : اه فكرتيني...قربو لهنا...قربو ليها وطلقو ودنيهم..

- وردة : جواد بسيف مايطلبش منك زواج حيت فيما دار كيلقاك اش ايكول مع بالو بلاتي هاهيا معايا مغادية فين فهمتيني الحاجة لي كتكون حداك كتكون ضامنها ماشي لحال الى بعدات منك..

ماريا(بستغراب) :

- مافهمتش..

هاجر : ناري فهمك تقيل بغات توصل ليك بلي الحاجة لي كتكون حداك بحال دابا عندك واحد 10دراهم فجيبك عارفها مغادي تمشي فين راها فجيبك فهمتي..

وردة : هانتي فهمتي سمعي خاصك تعزي راسك شوية ماتبقايش أمحلولة وتبيني ليه بلي راه ساهلة سونا ليك تقلي شوية عاد جاوبي كاليك نتلاقاو تحججي بشيحاجة خصوصا دابا اتخدمي كوليه مشغولة مامسالياش وأحسن حاجة هيا فاش اتمشي لداركم لي كاليك خلي فمك بابا مابغاش ماخلانيش فهمتي..

ماريا(كضحك) :

- عند بالك المشكيل فيه هو راه فيا حتى انا كيغادي ندير الى توحشتو مايمكنش يدوز النهار ومانشوفوش..

وردة(بغات تنتف شعرها) :

- دابا واش بغيتي تزوجي بيه اه ولالا؟

ماريا : ياااه على سؤال بطبيعة الحال أه

وردة : وديري لي كلت ليك ورضي عليا ماتشديش الحبل كامل مرة رخيه مرة شديه ديري شي بارفان مميزة كتعجبو بزااف فاش تبغيو تلاقاو باش تلصق فيه ومايقدش ينساك خليه يكون متعطش ليك ماشي العكس بسيف انت لاصقة ليه فوجهو النهار كامل وبغيتيه يطلبك لزواج سمعي مني انا عقلتي امين كان هنا وانت فسبانيا بعيد عليا مرة مرة يشد طريق ويجي عندي منين هلكاتو طريق وعيا ومابقاش قاد على البعد طلب مني زواج شفتي 

هاجر : سمعي وتعلمي الالة ديري بكلامها راها خبرة فهادشي

وردة : وحتى انت علاش هشام غير جا وزربان على زواج مرة مرة فين كتشوفيه غير هضرة فتيليفون هو لهيه وانت هنا وفاش كيجي كديري ليه العصا فرويضة باش تلاقاو لا بابا لا هادي داكشي باش زربان ها مثال اخور

ماريا(كتفكر وتحرك فراسها) :

- عندكم صح انا غير كيكوليا نخرجو كنكوليه بسم الله فاش كنا فألمانيا كنا فنفس لوطيل وهكاك البرزايل تاني كنبقا مع بعضياتنا نهار كامل حتى كنبغيو نعسو وزيد وزيد

وردة : انا عارفة ديك زيد وزيد ديالك فيها إن سيدة معاه 24 ساعة على 24 واخدين راحتهم وكاتليك مطلبنيش لزواج لاش ايطلبك أصلا وانت جوج دقايق كدوبي فيديه

ماريا(هزات حاجب وهبطات التاني) :

- باش عرفتيني كندوب فيديه؟

وردة : هاء حتى منكون كنعرفك عليا أنا

ماريا(هزات يديها) :

- لا صافي انجمع راسي انا بصح والله حتى عندكم الصح عيقت بزاااف وليت كندير مابغيت خرجو رجليا شواري لا انجمع ونطوي...شافو فيها بجوج مامتيقينهاش

ماريا : وحق الله حتى كنهضر بصح واندير بكلامكم دابا تشوفو..

وردة : عينيا عليك ديري هكا ولا هكا نقرصك من جدر

ماريا : لا غير كوني هانية صافي حلفت ودرتها فراسي

وردة : ويلاه نرجعو لدار انعيك لأمين يدينا ليليا نعسات خاص نحطها فبلاصتها ونخطط شنو اندير لعيد ميلاد

ماريا : أجي علاش مديريهش فالقهوة عندي منها نديرو فتتاح ومنها عيد ميلاد

هاجر : والله الى فكرة زوينة اش بان ليك اوردة؟

وردة : أحسن فكرة كلتي صافي انكولها لأمين ايمتا ناوية ديري الافتتاح..؟

- اليوم جمعة انحط إعلان فالانترنت على قبل لبنات لي يخدمو معايا او جواد كاليا بلي سطوك ديال القهوة نصو وصل ونصو ايدخل غدا نهار تنين إن شاء الله مزيانة؟

وردة : مزيانة صافي..

ماريا : سبقوني انخلص ونتبعكم..خرجات وردة وهاجر تسناو أميم لي مكانش بعيد بزااف..خلصات ماريا وتبعاتهم وصلهم ءمين حتى لدار ورجع خرج لخدمتو...

نأتي من بعيد 

نكتبُ .. نبحثُ .. نقرأ

لنغرق في بحور الكلمات 

وننهضُ منها لنلقَ الدفء بين العبارات

فالكلُّ يبحثُ عن الأمان .. الحنان .. والذكريات العابرة

والعُمر الرّاحل والأحزان والسّعادةُ المُهاجرة

فالكلمات :..لذّة ... مُتعة ... سكونٌ للأرواح المُتناثرة

ولن نجدها ما لَمْ تكُن القلوب :

نقيّة ... صافية ... بيضاءْ

وبرغم الألم .. وبرغم الحُزن والشّقاءْ

برغم الحقد والبغضاءْ

برغم الشرّ في الأنفُس الخاويةِ الجوفاءْ

ورغم موت الضمير ورحيلُ الإحساس

سنبقى .... ويبقى الحُب 🌷❤

****

وقفات طوموبيل جواد قدام باب دار ماريا عاكد غوباشتز العضلة لي فوجهو كتضرب بالأعصاب ماعجبوش الحال..

ماريا : اتبقى عاقد غوباشتك طريق كلها وانت هكا تكول واش مسافرة راه معاك فنفس المدينة..

جواد : عرفناك فنفس المدينة ولكن ماعجبنيش الحال تكوني بعيدة عليا كنحس بحال الى طرا ليك شيحاجة وانا ممعاكش

ماريا : ياربي سلامة كتفكر غير فالحوايج الخايبين

جواد(بصرامة) :

- مافهمتش انا زعمة هاد القضية ياك نهار لول كنتي عايشة معايا عادي علاش دابا لا؟

ماريا : جواد انبقا غير نهضرو ديك ساعات كنا مزوجين مزوجين اما دابا لا بابا راه مايخلينيش معاك تحت سقف واحد ومابيناتنا والو خاصك تفهم...

جواد(تنهد غمض عينيه وحلهم) :

- سمحيليا معاك انت مكنبقاش نفكر بعقلي ممنوع الخروج بوحدك كنتي اتمشي لشي بلاصة كوليها ليا انا غدا اناخود ليك طوموبيل ونكول لجلال يولي يديك ويجيبك لأي بلاصة

ماريا : لا بزاااف 

جواد(بصرامة) :

- هضرتك ماعندي ماندير بيها انا هضرت اناخود ليك على دوقي عارف شنو كيعجبك وانكول لجلال يولي يديك لاي بلاصة بغيتي بينما شفت ليك شي واحد ثقة ولا عرفتي شنو انشوف ليك شي مرة ثقة هيا لي تصوك بيك حسن

ماريا(بصدمة) :

- اويلي على مرا مازدتيش فيه شوية؟

جواد : شنو بان ليك كنضحك انت اتخدمي العيالات ودايرة قهوة ديال العيالات حتى شيفورة ديالك تكون مرة هكا انكون نرتاح

ماريا : جوااااد واش من نيتك؟

جواد : لا من كفايا عارفاني دمي سخون وعقلي مريض نصدق مخسر لشي واحد وجهو ولا مسيفطو لسبيطار ويدي سابقيني اللهم ماعندنا مانديرو بصداع الراس ياك أحبيبي انا نجيبها ليك على دوقي اكوني هانية...ماريا سكتات بقات غير كتشوف فيه..

جواد(غمزها) :

- يلاه احبيبي اتعطلي على دار...

ماريا : ياربي صبر من عندك...فتحات السمطة وهبطات..سبقها فتح الكوفر جبد شانطة ديالها حطها قدام الباب..

ماريا : هضرت مع وسيم غدا ايكونو هنا كانو ناويين يجيو اليوم ولكن كان خاصو يكاد الامور فالمجلة

جواد : مزيان انكول لهنية توجد ليهم بيت ضياف

ماريا : تبارك الله كاع حبابنا ايتزوجو ها وسيم ها هاجر أدم ورابحة..

جواد : اممم مزيان يلاه أحبيبي تهلاي فراسك وسلمي عليهم خاصني نمشي ضروري لشركة اوك...باسها فحنكها وبخطوات واسعة ركب فطوموبيلتو سيفط ليها باي باي ديمارا وشد طريق..

ماريا(عصبها) : اممم مزيان مكاينش العكوبة لينا أحبببة ولا حتى حنا مابقى لينا والو ونتجمعو فدار وحدة لا والو مكاينش هادشي...تفتح الباب وخرجات مليكة :

- بنتي مالك كتهضري بوحدك سمعت حس طوموبيل طليت بنتو ليا كنكول دابا دخلي وانت واقفة هنا بوحدك

ماريا : لا غير توحشت الزنقة وناس داكشي باش..جرات باليزتها ودخلات...

- الله على راحة مكتحس براحة غير فدارك واخا دور ديور الناس كاملين ولكن دارك فيها واحد الراحة خاصة والله توحشتكم وتوحشت الكلسة ديالنا على طبلة وهاد الفوطوي ونتقابل مع سرجم وثلج كيطيح..

مليكة : والله ابنتي الى حتى حنا توحشناك اندخل ليك باليزك لبيت وانجبب واحد تيرموسة ديال القهوة بالعطور عارفاك توحشتيها

ماريا : ناري اماما مليكة توحشت قهوتك مكاينش لي كيديرها بحالك...مشات مليكة داز باليزتها لبيت وبقات ماريا كتفكر جاتها واحد لفكرة لبالها ولكن أجلاتها...جبدات البيسي ديالها من بوشيط شعلاتو...ودخلات لأفيتو لاحت الانونص على قبل الخدمة خاصها 10 ديال البنات على الأقل كل كل 3 تهتم ببلاصة او وحدة تعاونها هيا..

مليكة : وهاهيا قهوة بنتي واجدة امضرا شنو درتي مع جواد...بدات ماريا كتعاود ليها..

مليكة : ماعندك ماتساليه ابنتي ولد الناس..

ماريا : ماما مليكة بغيت نقتارح عليك اش بان ليك تخدمي معايا قهوتك واعرة بزاااف شنو بان ليك ولي كيك لي كطيبي كحيمقو

مليكة : انا نخدم اويلي ابنتي

ماريا : ومالك شرفتي باقي صغيرة بابا كيضل فالفيرما مع الخدامة وانت هنا بوحدك اللهم تستعلي الوقت ديالك مابقاتش فالعمر بالعكس بقات فالحاجة لي كتعجبك ديري

مليكة(شربات من قهوتها) :

- عرفتي ابنتي والله الى عندك الصح صافي انخدم معاك طياب كيعجبني وكنلقى فيه راحتي وكيف كلتي لواحد يستغل وقتو ومايبقاش كالس..

ماريا(فرحانة) :

- ودابا نشربو القهوة بخاطرنا😁..

نحن نضيع حياتنا بأكملها في التحضير للمستقبل، ولا ندرك بأن طريقنا الوحيد لكي نصبح سعداء هو أن نغتنم كل لحظة...💙

****

خارجة من لكوزينة لابسة كندورة مطروزة وباينة مخدومة باليد شعرها عسلي عينيها كحلين ماقصيرة ماطويلة...هازة بلاطو فيديها فيه عصير ديال الليمون وتبطسيل فيه طريفات ديال الكيكة بشكلاط حطاتهم على طبلة وهزات راسها فواحد البنت كالسة قبالتها على الفوطوي مربعة رجليها وحاطة فوقهم بيسي لابسة قبية شعرها جامعاه سفنجة وشي خصلات منو هابطين كتشبه ليها...تنهدات ومشات لعندها :

- الله يهديك أبنتي براكة من داك البيسي واش ماعييتيش ومخرجة فيه عينيك راه ظهرك ايعواج وعينيك أيعواجو..

- واخا اماما غير بلاتي نشوف واش غير تحطات شي أنونص على لخدمة وانا معاك

- هاد الخدمة كون بغيتي تلكايها كون لكيتيها شحال هادي أبنتي تكول حنا واش محتاجين ليك ولمانضة ديالك براكة عليا ابنتي نشوف فيها قدامي براكة عليا....طلعات بنتها راسها فيها وعوجات فمها :

- ماما ماشي مرة ماشي جوج كنكوليك انا بغيت نخدم باش نحقق داتي ماشي على قبل الفلوس الحمد لله مخاصني خير ولكن حتى ليمتا انبقى نمد يدي لبابا ارا ارا الواحد هو لي يعول على راسو راه 24عام لي عندي ماشي صغيرة راه عندهم 18 وخدمو خلي انا الحمد لله قريت وقادة نعول على راسي...نباها باباها من اللور..

- أبنتي انا ماشي براني أنا باك نعطيك بليل وبنهار وحتى حاجة ماتغلى عليك

- عارفة ابابا الله يطوليا فعمرك ولكن انا بغيت نكون مستقلة بداتي..

- رشيدة واخا تبقاي تهضري حتى لغدا راه لي فراسها فراسها..نقزات هيا :

- وعلاش انا لمن طلعت كنشبه غير ليك أسي يحيى اممم

يحيى : حرفية واخا يلالة..

رشيدة : فرح انكوليك جوج كلمات تحطي داك المشقوف وتموضي تاكلي ولا انهرسو..

فرح : ماما بلاتي بلاتي...خرجات عينيها فشاشة وكتقرا وتبع بعينيها...شوية تبسمات حطات داك بيسي وناضت تنقز..

فرح : لقيتها لقيتها والله حتى لقيتها

رشيدة (بستغراب) :

- اش لقيتي امالك الله يستر

فرح(عنقاتها) :

- طالبين سربايات وبتمن مناسب بزاااف فوت لمناسب لديك جيه

رشيدة : تاسربايت لي بقات ليك فالحساب..

فرح : اماما راه سرباية فقهوة خاصة غير لعيالات يلاه تفتحات جديدة دايرين إعلان غدا انصايب سيفي ديالي ونمشي غدا ياربي ياربي نتقبل..

رشيدة(شافت فراجلها) :

- مغاديش تهضر ياك؟

يحيى : خلي البنت عليك دير لي عجبها مدام هيا مقتانعة بيه الله يسهل عليها فيه دوزي كلسي بلاما تعصبي...سلمات امرها لله وكلسات حداه على صالة مونجي كبات ليه كاسو وعطاتو الكيك..

رشيدة : إيمتا اترجع؟

يحيى : هاد سيمانة

رشيدة : كون اسعفتيني ورجعتي لهنا مكنشبعوش منك 

يحيى : الله يهديك واش دبي هيا هنا تما عندي كليان ديالي والمحالات ديالي

رشيدة : الى بغيتي تحولهم لهنا اتحولهم ودير كليان جداد تواب لي كتبيع مكاينينش بحالهم هنا غير انت مقصح راسك وصافي

يحيى : يكون خير أرشيدة كنواعدك غادي نفكر فهاد القضية ونقاد أموري وإن شاء الله مايكون غير الخير شحال عييت معاكم تجيو ولكن انتوما ولفتو هنا

وشيدة : منقدش على تم والجو ديالو ولفت بلادي وناسي

يحيى : وهانتي جيتي سكنتي هنا؟

رشيدة : وراه فبلادي نيت ماشي بحال على برا..

يحيى : إيوا يكون خير..مكتهضريش مع جيران لي حدانا؟

رشيدة : لا صراحة مازعمتش

يحيى : شهرين وانت هنا عمرك هضرتي معاهم مافيها باس الى كانو ناس مزيانين الواحد مزيان يدير المعرفة غير تكون خيرة

رشيدة : عارفني حدودية وكنحشم الما جبدني الواحد مكنقدش نزعم...تسمع حس طوموبيل وقفات قدام الباب...ضوية وساروت ضار فالباب..

يحيى : ها ولدك جا نوضي سخني ليه غداه تلقاه منين خرج فصباح بكري ماكلاش..

رشيدة : سخااانتو ايكلس ونحطو...حطات فرح البيسي من يديها ونقزات كتجري...تلكا ليها عند الباب ديال صالون..

فرح(بحماس) :

- فريرو روشي أخويا..

- زعمة مكاينش لا سلام لا كلام لا على سلامتك لا والو سلم عليه زرب عليه..

رشيدة : عارف ختك أولدي...فيك جوع؟

- الموت ديال جوع..

فرح : خويا كتزيان نهار على نهار العجب لي متزوجتي حتى لدابا هاد الطولة وتجريدة وسمورية والعمورية بلا فايدة...جرها من ودنيها داها وجابها :

- هاد اللسان عندك طوال وخاصو تقطاع...هربات ومشات حدا باها...

فرح : بابا واش كدبت هانتا شوف العينين كحلين والحجبان وشفار طوال سمورية والعضلات وشعر رطب والله اخويا الى انت فتى احلام الفتيات امبغيتيش تخليني نزوجك لصاحبي ليلى عرفتي كانت ظل نهار ومطال تجبدك والله..

رشيدة(كتحط فالغدا ليه) :

- فرح تفرقي على خوك كوني تحشمي دوز اولدي تغدا مديش عليها...حط واحد الساك ديال لاصال من إيدو وكلس...

يحيى : دياب كيغادية الامور أولدي مزيانة ؟

دياب : صافا الحمد لله لي صال ب3 غاديين مزيان فهاد 2 موا لي فاتو تقادات الامور مزيان حتى من الخدامة لي مقابلينهم كاpابل..

يحيى : إيوا الله يعاونك اولدي انا انمشي نرتاح شوية...طلع يحيى يرتاح وبقاو هوما مجمعين..

يتبع...