لالة منانة:هضري معااه الله يرضي عليك اجيو عندنا شي نهار واخا غير نهير واحد الدار خوات عليا و حتا حد ماداير ليا قيمة(تنهدات)مشاااا عبد العالي الحبيييب و خلاااني
سارة:(عينيها دمعو)الله يرحمو فهاد النهار..انا غانهضر معاه و نقولها لو و نجيو ان شاء الله
معا سالات هضرتها معا دار الساروت فالباب و دخل المهدي
لالة منانة:اييه هضري معا راجلك و تشاوري معاه الله يرضي عليك
سارة:(ارتابكات)امين ي يكون خير ان شاء الله...مع السلامة
قطعات عليها و شدات تيلي بين يديها بحالا دارت جريمة
المهدي:(تلاح على الفوتوي)افف معامن كنتي كاتهضري
سارة:(جات تشد من عندو الفيست)على السلامة مع لعزيزة
المهدي:(هز تيليفونو كايقلبو)اش قالتلك
سارة:هااا غير غير قالتلك(كاتحك يديها)دابا هي مسكينة توحشاتنا و توحشاتك بزااف و بغاتنا نمشيو لعندها نزوروها
المهدي:اهاااه وشنو قلتي ليها نتي
سارة:قلتليها واخا ولكن قلتليها حتا تجي نتا و نهضر معاك
ناض متاجه للبيت ماعاودش هضر دخل بدل حوايجو و دخل يدوش
ماكاملاش ساعة دخلات سارة دق عليه لقاتو خرج كايلبس عليه
سارة:(بابتسامة)بالصحة اجي تاكل
سخنات ليه غداه و حطات حتا القهوة ليها صدق حتا هو كايجغم معاها بقات كاتسناه يقوليها واش يمشيو ولا لا
سارة:دابا واش غانمشيو ولا لا
المهدي:(هز فيها عينيه)نتي باغا تمشي
سارة:ا اااه ماكرهتش قنطت بزاف(بدات تشكي)نهار كامل فالدار كانمل والى مشينا غ غاديين غاديين ندوزو حتا عند ماما اولا
ضورها فراسو مامسلكاهش ولكن واجب عليه يزور اهلها و حتا هي رامنين تزوجو جوج مرات لي خرجات من الدار سكت كايكمل ماكلتو و هي اعتابراتها قبول
دازت ديك العشية بحال خوتها المهدي خاشي عينيه فكتاب طالق رجليه حدا سارة و هي ملاهية معا تيلي
ناضت للكوزينة دارت ليه قهوة و جبدات كيكة ديال الصباح حطاتها على الطبلة ورضات عينها للتيلي هازا طرف فيدها شافت المهدي متاجه للبيت
سارة:المهدي باغي تتعشا ندير لك شي حاجة
المهدي:(ماشافش فيها)لا شوفي غير ليك
هزات كتفانها و كملات ماكلتها حتا سالات و ناضت شربات دواها وكملات سهرتها معا تيليفونها
هزات عينها فالساعة و ناضت عوالة تنعس دخلات لقاتو باقي فايق و كارطونة ديال الدوا باينة
غسلات سنيناتها و مشطات شعرها و جات تكات حداه
كاتشوف فيه
سارة:(كاتقشر شنايفها)المهدي
ماجاوبهاش قرب ليها كايشوف فعينيها والتاحمو اجسادهم مرة ثانية فوق فراش واحد 🙈🙈🙈🙈
صباح الجمعة🌄
حلات عينيها فالساعة لقاتها التسعود د الصباح ضارت على جنبها لاخر كاتشوف فيه ناعس و ضحك غير بوحدها حطات يدها هلى يدو و جراتها بشويية عندها كاتقيص فيديه بشوية شاداها بجوج يدين كاتلعب ليه فصبيعاتو و تبتاسم
حل عينيه لقاها على حالتها ارتابكاات كون لقات الارض تشق و دخل فيها بغات تجمعهم هو زاد زير على يديها حاط يدو فوق سدرها و غمض عينو
ضحكات حشمانة و رجعات كاتتأمل يديه و تقيص الزغب لي هابط معاهم
حطاتهم على فمها بقلدبلة خفيفة وناضت حشمانة للحمام دوشات وهي فرحانة غاطير كادوش و تنقز حتا كانت غاتجي على طرمتها
خرجات لابسة الديباردور و شورط قصير لقاتو كايتكسل حلات البينوار بالشوية كاتلبس بيجامتها و دارت ليه الطريق باش يدخل يدوش حتى هو
لحق عليها يفطر
سارة:(كاتحط فالطبلة)صباح الخير
كملو فطورهم و المهدي ناض كايعلم سارة باش تلبس عليها يمشيو و هي ماقاداها فرحة لبسات عليها بالزربة و گلسات كاتسناه حتا هداه الله و خرجو
سارة:نعيط للعزيزة نقولها ليها
المهدي:(كايسد الباب)لي بغيتي
سارة:ولا صافي بلاش خلينا نديرها ليها مفاجعة ههههه
جابتلو الضحك كاتهضر و تجاوب راسها براسها
ركبات فاللوطو كاتشوف فالطريق تقول كانت مسجونة و بابتسامة فوجهها مرة مرة طل عليه كي متمر لابس نضاضر دالشمس جاو معاه حتا وصلو صونات فالباب حلات ليها لكبيرة ودخلات و المهدي وراها لقات منانة فالصالة ضايرين بيها بنات ابراهيم هادي هي خواو عليا الدار يا لغدارة
وقفو كايسلمو عليها و ضورات عينيها شافت سناء و مشات تسلم عليها دايرا الصواب
گلسات حداهم و ريحة كسكسو عاطية فالرياض
دخل المهدي ماحاملش الوضع جاي غير داير الخاطر لجداه (و لمرتو احم)سلم على مو وعلى منانة بحرارة ولاخرات غير بفمو و طلع لبيتو
تبعاتو سارة منين شافتو طلع مخنزر دخلات وراه وهو حيد تريكوه دار ليه الخنقة
سارة:(شداتو من عندو)را غير حيت ليوم الجمعة عليها مجموعين يتغداو معا جداتهم
المهدي:(عاقدهم)حتا انا ماقلت والو غانجري عليهم من دار جداهم ماغانقدرش ولكن نقدر انا نخرج(زاد جيهة الباب)
سارة:(شداتلو فيدو)المهدي ماعرفتش انا شنو المشكل لي عندك هانتا ماكاين مشكيل صبر هاد السويعة جداتك و ماماك موحشينك يالاه جيتي هبط جلس معاهم و سول فيهم
المهدي:(بقلة صبر)سارة را ممرضن هاد الصباح خليني عليك
ناضت على نيتها تتسخر ليهم و سكينة هزات عينيها كاضحك باستهزاء
سارة:(مدات ليها لكاس)هاك اخالتي
رجعات لبلاصتها ولاخرا كاتغامز معا خواتاتها عليها
تحطات القصرية و تجمعو على طابلة وحدة
سارة:(بالشوية)لعزيزة وهضرتو معا المهدي ولا نعيط ليه
سناء:(ميقاتها)هضرت معاه قاليا جاي
دخل المهدي من الصلاة هو وعمو و الياس لي غير لقاهم فالباب دخل معاهم ساة عينيها خرجو منهم لقلوبة منين شافتو بالعباية قرب لحداها و هز حوايجو بيدو و كلس كاياكل فصمت
الياس:(حال يديه)غنييو ليا سنة حلووة يا جميييل
بثينة:صااافي عرفنااااك كبرتي
سكينة:وا الموشكيلة باقي يوماين وهو داااير الشوووهة على وااالو
لالة منانة:(كاتعنق فيها)تبارك الله على عروستي ماكانش عليك تعدبي راسك
سارة:بالعكس ماكاين عذاب بصحتكم
تجمعو على الطبلة غير هوما اما حتا الرجال كل واحد فخدمتو
كلاو و سناء كاتعيب على طياب سارة وهي غير كاتتصنت ساكتة تقرصات و حسات براسها غريبة وسطهم دخل المهدي هو و عمو عاد حسات بالراحة وجودو كايحسسها بالانتماء نوعا ما
جلس كايشرب اتاي واخا ماعندوش معاه و ياسمين لي فيها ما هناها مارتاحت حتا قالتليهم را سارة لي دايرا الرغايف
سارة:(بلطف)بصحتكم مادرت والو
صفاء:اففف فين الماا
سارة:(ناضت كاتسابق)انا نجيبو
ضارت صفاء شادة ضحكتها وكاتغانز معا سكينة
فينما يبغيو شي حاطة كاتنوض كاطير تجيبها تقول هما ماعندهمش رجليهم حطات حلوة ديال زنجلان
تكورات حداه واخا باقي وقت النعاس بقات كاتقرب باغا تتمخشش فيه وهو حاط يدو على عينيه مهدود مد يدو حطها تحت راسها عاد رصات فرحانة بقربو واخا كاتحير معا افعالو كل مرة كيفاش كايتصرف معاها ولكن كاتفضل تعيش كل لحظة بوقتها
نعسات على يدو و هو ضار عندها كايشوف فيها ساهي فملامحها البريئة هز يدها بالشوية و حطها على قلبو كايضغط بيهم عليه و كايخرج انفاس مضطربة بقا حال عينيه كايتقلب ففراشو حتا غفا بعد ماصلى الفجر
حل عينيه على وجهها الملائكي كاتشوف فيه و تحركو بلطف
سارة:صباح الخير نوض تفطر ب باش مانتعطلوش
المهدي:(انفاسو كاضرب فوجهها)شحال فالساعة
شارة:9 ونص را طلعات ياسمين كاتعيط باش ننزلو نفطو
رجع غمض عينيه بتثاقل و تكسل فبلاصتو ناض غسل و جهو على انظارها كاتشوف فيه باعجاب
هبطات وهو موراها لقاوهم مجموعين غير البنات لي مشاو البارح
سارة:صباح الخير
ردات عليها منانة و الياس و جلسات مقابلة معا المهدي كاتاكل بلا صوت ناضت منين شافت المهدي طلع للبيت
سارة:(كاتشوف فالمهدي وتهضر)لعزيزة نخليوكم غاندوزو عند ماما نشوفها ونتغذاو معاها و نمشيو
لالة منانة:ايوا لاااش هانتوما گالسين معانا
سارة:(بتودد)راك عارفة لي كاين غير خلينا
طلعات لقاتو كايرش ريحتو مقاد الحالة تلاقاو نظراتهم هي كاتبتاسم وهو متمر كايقاد شعرو
المهدي:لبسي عليك خلاص
هزات حوايجها مفافية لبساتهم وقادات الدرة بالزربة و هبطات تابعاه دازو علسهم ودعوهم و سلمو على منانة وركبو غاديين عند خديجة سارة باينة عليها الفرحة
وصلة قدام الباب و نزلات سارة كاتسابق معاه حلات الباب من عندها و جلسات كادق دايرا ليهم الضجيج
سارة:(هزات صبعها)كوولشي يبقاا بيناتنا حتااا حاجة ماتوصل لماما(شافت فمروة)حتااا حاجة وماتقاطعووونيييش حتااا نسااالي
مروة:وااا صافي
سارة:نهار لي مشينا عندهم للدار تغذينا وجراتني لعزيزة قالت ليا منان مات بات المهدي كان عند المهدي 15 ولا 16 لعام ديك الساعة وكان قريييب لباه وناتقبلش موتو جاتو صعييبة(شافت بسمة غاتهضر)ماااتقااطعوونييش المهم اكتائب الدري اكتئاب خفيف.. مي ديك الساعة كولشي كان ملاهي عليه حتا تطور و ولف يبقا بوحدو منين دخل فالعشرينات بان عليه الاضطراب بزااف بانت حتا على هضرتو و تصرفاتو... جا عمو داه يتعالج عامين ديال العلاج حتا تشافا من الاكتئاب يا لالة.. من بعد مباااشرة ولا عندو اضطراب كايتخنق فالمجامع دالناس وكايتوتر الى كان معاه شي حد غريب..(تنهدات)افففف ماكانعرفش نشرح المهم من هادشي كاااامل تامهدي يالاه كايتعالج من الاضطراب لي عندو عليها داير هكك...ماكايتأقلمش معا الناس بسلاسة(شافت فيهم مصغرة عينيها) فهمتوووو
سارة:(صبعات ليهم)وااا هاااكو فقصتوونس انا كانقوليكم الراجل عندو اضطراب نفسي ماشي مشلووول و لا معوق اوييلي
مروة:(ضرباتها لكتفها)وييتك على الخااانزة
سارة:بدلوو الموضوع غير لي بغا يعاود ليكم
بقاو لبنات فالبيت مجمعين معا ختهم يسولوها على الكبيرة و الصغيرة نساو موضوع المهدي كايهضرو فكلشي حتا جات خديجة قالت لسارة باش تعيط لراجلها
صونات عليه المرة الاولى والتانية فالتالتة قطع غليها ضارت كاتشوف معا جنابها واش شافها شي حد و هبطات كاتعاون معا
جلسو على الطبلة بلا المهدي حتا صونا تيليفون سارة
المهدي:نزلي حلي ليا الباب
ناضت هابطة زربانة حتا طلعات هي وياه
خديجة:واللاهيلا راك مرضي هههه يالاه كنا غانبداو
تجمعو على طبسيل ديال الدجاج بالفريت و المهدي كاياكل بالشوية حشمان
جمع هو و الطاهر لي حشم يمشي و يخلي الضيف عندو حتا عيط لسارة باش يمشيو ناضت بلا اعتراض ركبات حداه مودعة امها و خواتاتها
المهدي:(حك مقدمة راسو)نسيت ماقلتلكش واحد صاحبي وعائلتو بغاو يجيو يباركو لي لينا
سارة:(منتابهة معاه)شكون
المهدي:صاحبي عائلتو قريبة لينا شوية و بغاو يجيو عندنا
سارة:اااه ايوا صافي مرحبا بيهم فوقاش غايجيو
المهدي:ماعرفتش(شاف فيها ورجع شاف فالطريق)شوفي نتي
سارة:مرحبا بيهم فاي وقت من غذا
نزلات سابقاه طلعات وحلات الباب دخلات كاتشوف اركان الدار اتاجهات نيشان للبيت جلسات كاتحيد زيفها وتبدل عليها
المهدي بقا كايهضر فتيلي مأخر عليها حتى قطع عاد دخل
المهدي:صافي غايجيو غذا للغذا
سارة:(كاتحك شعرها)شكون غايجي بالضبط شحال هوما
المهدي:(كايبدل عليه)ماعرف واقيلة عمي و خالتي و تلاتة دالبنات
سارة:(كاتحسب)وصاحبك
المهدي:(لاح حوايحو فالشبكة)امممم
خلاتو فالبيت و ناضت كاتشوف الكوزينة واش خاصها شي حاجة جاتها فبالها دير بسطيلة غير هي ماعندها والو
سارة:(كاتمسكن)المهدي تخرج تتسخر لي
المهدي:(عينيه على خصرها)فين شنو خاصك
سارة:انا نكتب لك فورقة
قيدات ليه اش خصها و خلاتو حتا ينوض منين يقولها ليه راسو دازت كاتجبد الخضرة وكل مرة تمشي تزيد حاجة فالورقة وترجع تكمل شغلها داز من حداها خارج و هي حاطة القهوة كاطيب و كاتوجد الكوتي
عند بسمة
كاتمشي وتجي تااالفة الا هاد الفرصة هي لي ماخصهاااش ضيعها حتا دخلات عليها مروة
مروة:ماالك غادا جاااية كاتحووومي
بسمة:(شدات ليها فكتاافها)مروة انا ختك ياااك وااغاتوقفي معااايا الله يسنر عليك ضاحبتي عندها عيد نيلاد فدارهم وعارضاني من ايام خطبة سارة وماجاتش نقوليها لا الله يحفظك قنعي ناما تخليني نمشي
مروة:(بتشكييك)بسمة شوفي فيا صاااحبتك
بسمة:اااه و والله مون ماكانش عارضة غير لي قراب كون مشيتي معايا
مروة:ضبري راسك هضري معا مك بوحدك
بسمة:واغير عاونيني
مروة:(كاتشوفها متوترة)وااخا زيدي
هبطو كايرغبو فخديجة و بالطليب و الرغيب باش خلاتها و وصاتها تدخل قبل التمنية دالليل
خرجات لابسة كسوة طويلة بالكمام دازت عند صاحبتها لي متافقة معاها
بسمة:(بترجي)اري ليااا كسوتك الحمرة الله يعطيك الستر
بسمة:لا لااا بغيتيني نبان بحالا غادا للعزو ديري معايا مزيان وعطيها ليا الى كنت عزيزة عليك
لبنى:(موكلة امرها لله)تسناي نمشي نجيبهالك
طلات وجهها بكيلو دالماكياج و ضرباتها بتعكيرة ديال الشيييخات لبسات الكسوة حد الركبة و مزيرة معرية من جيهة الظهر وهبطات ملاوحة عليها كاب وشادا الكاضو فيدها شدات طاكسي عند الباب وعطاتو لادريس لي عندها
دخلات للبار لي كايسحابلها ريسطو كاتسمع الزدحة من الباب و غوات البنات كايشطحو
حلو ليها الباب بعدما عطاتهم لانفي و الكاضو وعينيها تحلو على الجهد معاه
البنات كايشطحو و شعورهم طالعين فالسما بيهم قلبات بعينيها على صاحب دعوتها ولقاتو وسط مجموعة ديال البنات قلبها ضرب وتزير عليها
نعلات الشيطان زادت عندو كاتتعكل بالطالون مرة مرة وبدات كاتعيط والو لا حياة لمن تنادي حتا هزات تيلي كاتصوني عليه شافتو طفاه و دار مكمل هضرتو معا لبنات هز عينيه بالصدفة لقاها واقفة مابينش صدمتو وزاد عندها
الياس:(بالغوات)اوووو بااايبي(باسها من يدها)تيي تخي بييل
بسمة:(حشمانة)مييغسي علاش ماقلتيليش را غايكون هادشي هاكا
الياس:خليتها لك سوربريز(جرها معاه)اجي جلسي حدانا
وصلو حدا الدراري و نقزات اسراء كادوي ليه فودنو
اسراء:هاادي ااش جاابها لهنا
الياس:ماسحابليش غاديرها بالصح
ضار عند بسمة كايضحك وهي حشمانة ومزيرة قلبها كايتهز معا الزدحة
فرقو الشراب عليهم وهي بقات شاداه فيدها
اسراء:شربييه را غير بووومس
بسمة حطاتو ففمها كااتمذق و دفلاتو فالارض مزيرة على فمها
تسمعو ضحكات البنات كايتراشقو بيناتهم و هي كاضحك من فوق الخاطر الياس مطلعها عليها وهي كايسحابلها كايضحك معاها ضورات عينيها لقات شي وحدين كايتباوسو خرجات عينها مضوراهم كاتنعل الشيطان عيات بغات تجلس وهو يجرها الياس طلعها معا صحابو للطابق لفوق
هدى:(كاتنش على رااسها)اوووو سي طخووو ريحة العرق ديال بنادم خسراتليا لمايكاب
سامية:ويييي علاش عيطتي على الناس بزاف ا سوسو كان عليك تعيط غير على لي بخوووش
الياس:(مكفح على الفوتوي و يدو مور بسمة)حتا دابا هادشي لي درت
طبعات واحد البنت بحال المسطرة مسلوووتة كاتمشي رجليها ماشي دياولها تلاحت على الياس وبسمة كاتشوف فيهم مروعة
الياس:(غمزها)نطلعو لفووق
بسمة:ف فين لفوق
الياس:(ضحك بالشوية)فين الفوق ا بسمة را باينة زيدي قدامي
تبعاتو مافاهماش حتا بانو لها شي بنات هابطين بحالا كانو كايترايشو كايقادو فحوايجهم عاد فهماتها
هبطات من الدروس كاتتعكل بالطالون وخلاتو كايعيط ليها دخلات للحمام كاتشوف فوجهها كي مطلي و حالتها شنو لابسة
بسمة:(كاتغسل وجهها)اش هادشي درتييي فرااسك ا بسمة(طرشات راسها)شكووون نتي شكووون علااااش دار ليااا هاااكا علاااااش يصرا لي هاااكا(بدات كاتبكي)اهئ اهئ اش درررت انا صاافي مشيييت فيها
بدات كاتغسل و تمسح فالعكر بهستيرية حتا خرجات كاتخلع هزات تيليفونها لقاتها التسعود و نص شدات طاكسي لعند صاحبتها بدلات عليها بالزربة و مسحات وجهها و زادت لدارهم
قطعات عليها ولاحت تيلي مغزفة ماحملاتش تسمع سميتو على النبوري لقات فرصة فين تلف راسها باش تنسا تمشي عند ختها وحتا مها ماعتارضاتش
عند سارة
فايقة كلها نشاط كانت موجدة كلشي فالليل بدات كاتقطع الخضرة و تسلق الروز و مخلية الخمال لبسمة حتا تعاونها فيه سمعات الصونيط فالباب و مشات حلات لختها لي باينة فيها مهدودة
سارة:على السلامة(باستها)جيتي فالطاكسي
بسمة:ااه فين راجلك
سارة:خارج(قادات ليها شعرها)مالك ا بسمة بيك شي حاجة
بسمة:(على سبة عينيها دمعو)لا واالو
سارة:غانديرو وقيييتة نهضرو دابا سيري عمري السطل بسانيكروا دوزي شي تجفيفة خفيفة على الكوزينة و جمعي داك الصالون و لحقي عليا
فرقو الشغال بيناتهم بسمة كاتلاهي راسها و حشمانة من ختها على الفعلة لي دارت
سارة:ديري ديك الطارط ديال الفواكه لي بالكريم كاتجي زوينة
هزات تيلي كاتعيط للمهدي علمها بانو قرب والناس حتا هوما جايين حل لباب لقا ريحة الطياب كاتشهي سلم على مرتو و لقا التحية على بسمة حادر عينيه حتا علمو ايوب بانهم وصلو استقبلوهم فالباب و بسمة غير واقفة بعيدة و كاتسلم على البنات
راضية ام ايوب:(بافتخار)تبارك الله والصلاة على النبي الله يواتيكم اولدي
سارة:(بابتسامة)اميين يا ربي
جلسو مجمعين و بسمة ساهية كاتجاوب على قد السؤال الى توجه ليها وخواتات ايوب كايضحو معا سارة مبشورين شابهين مهم و باهم كايدخلو للخاطر
ناضت سارة جابت شلاضة و حطات ليهم الطباسل قدامهم و المعالق و هوما كاياكلو بالادب وحتا هي دايرا معاهم الصواب ترحب و تعاود عكس المهدي لي كايهضر معا صاحبو ملاهي
تبعوها بالبسطيلة و راضية كاتشكر فطياب سارة و المهدي حس بواحد الفخر غرييب
تجمعو على الجمامع
راضية:(بابتسامة)كاانو صحاااب من الصغر كان ديييما عندنا فالدار وحتا الحاح وسي عبد العالي كانو صحاب جامعهم العمل وهاد جوج ماكانوش يتفرقو ههههه حتا التشيطين كانو يتجمعو عليه غير المهدي كان مهدن على هاد راس الطاارو
ايوب:ياااك ا الواليدة(شاف فسارة بمزح)ولاهيلا كاتقول هاد الهضرة غير مني كاتكون حداه باش تهز ليه المعناويات
راضية:(بتأكيد)الاااا قالاك هاهوا الحاج شاهد المهدي كان بعقلو عليك
الحاج احمد:كان غير مخشي بين رجلين باه منين كان يغبر كنا نعرفوه معا سي عبد العالي الله يرحمو كان قريييب ليه بزاااف
سارة جمعات ضحكتها منين شافت المهدي تزير وصدرو تنفخ عرفاتهم لعبو ليه على الوتر الحساس كملو هضرتهم و سارة مرة مرة ضرب طليلة على المهدي لي غير ساكت حتا ابتسامتو كاتبان غير لثواني وتختافي
تحطات الطاغط معا العصير و البنات كايتبننو و يمدحو فسارة
اقبال اخت ايوب:اممم تبارك الله عليك ا سارة بنييينة هاد الطاغط الى ماعطيتينش المقادير غانتقلق
سارة:(ضاحكة)اهااه مرحبا غير ماشي انا لي طيبتها ههه ختي بسمة لي قاداتها
ضارو الانظار لبسمة لي غير ساكتة جاملوها بكلامهم الطيب و حتا هي ردات عليهم باستحياء
بسمة:بصحتكم اخالتي
ناضو بعدما رددو التهاني للمهدي و سارة واخا ماسخاوش
توادعو حدا الباب و سارة بقات مراقبة اللوطو من الشرجم حتا غابت
سارة:(تلاحت على الفوتوي)الله عييت دوك النااس شحااال دخلو ليا لخااطري
المهدي:اممم الله يعمرها دار
سارة:(ناضت للبيت كاتعيط لختها)بسمة اجي نقولك
ناضت تابعاها دخلو وسدو عليهم الباب مخليين المهدي فالصالون
سارة:(بحنية)بسمة بييك شي حاجة عاودي ليا انا ختك
بسمة:(تفرطات بالبكا)هرسنييي ا سااارة
بدات كاتعاود لختها من a حتا ل z نقزات غير الهضرة لي قاليها منين كان طااامع فيها
سارة:(متحسرة على حالة ختها)الياااس ا بسمة مالقييتي شكوون تبغي فهااد العالم من غيير خوو راجلي
بسمة:(بترجي)سمحييي ليا ماعرفتش نتصرف منين هوا لي بين ليا اعجابو النهااار اللول(كاتنخصص) و ول ولكن انا مابقيتش باغاه لا والله صااافي كرهتو
سارة:(جراتها عندها معنقاها)صاافي صااافي بالشوية عليييك نساااي ماتعاوديش تجبدي هادشي ديريها تجربة داارت لك العقل شوووت صافي باراكة من البكا
بسمة:(شافت فيها ببراءة)واخا نبات معاك ليوم
سارة:مرحبا بيك ا حبيبة
بسمة:راجلك مايقول واالو
سارة:(بهدوء)لا مااعند مااايقول
نعسات بسمة ديك الليلة فدار ختها دموعها على خدها و سارة باتت مخشية فالمهدي و هو مضور وجهو للحيط كايزفر بغيظ من النعاس لي طاير ليه
بقا كايتقلب فبلاصتو و ينفخ مكره فينما يسد عينيه كايتخنق و يسمع طنيييين حاااااد فودنيه حتا كايدير بناقص و سارة عاطياه بالظهر كاتحسر على حالتو بغات تهضر معاه و خافتو يقمعها
صبح الصباح حطات لفطور للمهدي فطر وخرج لخدمتو عاد مشات كاتفيق ختها فطرو هي وياها كاتحاول تفوج عليها وهي براسها محتاجة علامن تحط الراس
گلس حداها يدو على فخضها شعل التلفازة ناقص ليها فالصوت والانارة كايخشي فوجهو و هي ساهية فيه
كامل مكمووول زينو و هيبتو طاغيين دوزات عينيها فوجهو و هبطاتهم ليدو لي على فخضها هزات يدها كادوز عليها بحنية كاتقيش ليه الشعر لي فصبيعاتو و هي كاتفرج معاه حتا سالا و ناضت جمعات الطبلة وجابت ليه قهوة دايرا فبالها خصها تهضر معاه
سارة:(مدات ليه القهوة)ايوا كي دوزتي نهارك
المهدي:(كايتذوق)عادي ماكاينش شي جديد يذكر
سارة:(شدات فيدو)وشنو لي ديما مبرزطك و مقلق ا المهدي عاود ليا(كحزات لاصقة معاه)انا مرتك اولى مابغيتش تبقا بيناتنا الرسميات ا المهدي لي ضراتك ضراتني... الى كانت شي حاجة قادرة نعاونك فيها قولها لي شي حاجة معصباك و مبرزطاك (زعمات)ومطيرا ليك النعاس خرجها باش ترتاح وكانواعد نعاونك باش ما قديت(شافتو ساكت)قول هاني كانسمع
المهدي:(بانفعال طفيف)را قلتلك ماكاين والو غير العيا ديال الخدمة و الروتين كايتعاود اش غانعاودليك ا سارة صاافي ماكاين والو
سارة:(قلقها)المهدي علاش كاتصرف هاكا فينما نزيد عندك بخطوة كاتبعد بعشرة كانحاول نصلح الامور بيناتنا ونتا غير ماكاتزيد تعقدهم(بلطف)فتح لي قلبك و خلينا نكونو فجنب بعضياتنا
المهدي:(خرج فيها عينيه)سااارة جاااي مهدووود و باغي نتكاالما و نسمع السكات و الهدوء لي محتااجو الى كنتي باغا تعاونيني سكتي الى جات على خاطرك زائد ان الوضع هاكا مريحني و الامور مامعقداش غير كاتبان لك نتي هكك
ناضت من حداه كانت عارفة ماشي بسهولة غايخوي ليها قلبو و غايصدها فاللول ولكن ماشي لهاد الدرجة فينما تجدد العزيمة و تتحمس وتقول غانمشي نهضر معاه كايعطيها جوج كلمات يشتت ليها حماسها و يهبط من عزيمتها بلا مايحس
لاح الكاس فوق الطبلة مخنزر كايحاول يتحكم فاعصابو قدامها و ماكايقدرش قربها منو كايوترو وكايخربق ليه دماغو تكا على الحيط كايمسح وجهو وعقلو خدام فكرة تنطح فكرة
"علااش حكمتي على نفسك تبقا فعزلة من الناس لي قراب ليك وكايبغيوك".."نوض هضر معاها وحزرها"بقا على حالتو لدقائق طوييلة حتا ناض مقرر يطيب بخاطرها واخا ماعارفش اش يقول لي جاتو ففمو غايخرجها
طل من شقة الباب لقاها مكمشة على الناموسية كاتنخصص و تشهق زاد اصرارو انه يهضر معاها منين شافها هكاك دخل و جلس حداها جنب الناموسية حسات بيه و كملات على بكاها
المهدي:(بندم)سارة باراكا من لبكا نوضي غسلي وجهك
جلسات كاتشوف فيه بعينين مدمعين
سارة:انا غير كانبغي نهضر معاك كاتنهض فيا (كاتشهق)اهئ اهئ ماعرفتش كيفاش نتصرف باش مانعصبكش و تبقا مرتاح
المهدي:(مغوبش)سارة ماتزيديش فيه انا قلتلك جيت من الخدمة و كنت باغي نرتاح
سارة:و ارتاحيتي دابا يالاه جاوبني
المهدي:علاااش كاتسولي شنو باغا تعرفي علاااش هادشي كامل
سكاااااات عضات على شنايفها حشماانة اش خرجات من فمها وهي متأكدة غاتندم من بعد هزات عينيها فيه بالشويية لقات نظراتو جامدين على عينيها
سارة:(بالحس)المهدي واش ماغاتقول والو
المهدي:(وقف متاجه للحمام)ن نوضي تنعسي مشا لحال
وقفات قدامو و الدموع شقو طريقهم على خدها من جديد
سارة:ماغانعس ليوووم حتا تهضر معااايا(بهستيرية)ما ما بقييتش باغا ننعس حدا واحد ماعارفا عليه والو ماعارفاش شنو سبب هاد البرود كامل(هزات يدها فوجهو)واش ماعنديش عندك ولو شوية دالمعزة فقلبك غير الكره ا المهدي علاش انا بغيتك ونتا لا بغيتك واخا ب واخا معاملتك ال(خصرات سيفتها)النااقصة معااايا(شدات فحوايجو)را قلتلك كايهمني امرك كانبغييك ا المهدي وكايضرني قلبي منين كانشوف الوضع بيناتنا كيداير
المهدي:(شد يديها محيدهم بالشوية)ماطلبيييش مني شي حاجة ماكانعرفش نديرها(كايزعزعها بالشوية)ماكانعرفش نبغي ماكانعرفش نولف(ضرب على قلبو)عندي فقلبي غير الندم و الكره كااااره راااسي ا سارة (عينيه غرغرو)ماكانبغييش راااسي كيغانديير نبغي النااس
تلاحت عليه معنقاه و مغمضة عينيها دموعها شلال زير عليها خاشي راسو فعنقها ماكرهش يخشيها فقلبو بزز
نطقات بصوت خااافت"كنبغيييك"
نعسات ديك الليلة معنقاه و هو خاشيها فيه و كايستنشق ريحتها لي بحال مسكن الالام بالنسبة ليه
فاقت كاتحس بيدو على كتافها تسلات بالشوية من حضنو و ناضت كاتشوف فيه دايرا ابتسامة مكسورة على ثغرها
سارة:(بالحس)غانخلي هاد القلب البارد يبغي و غاتبغي راسك كانواعدك ا المهدي
ناضت غسلات وجهها و لبسات كسيوة خفيفة مشطات شعرها و خرجات من الحمام كاتمشا على طرف صباعها غطاتو و خرجات عوالة تبدا نهارها بحيوية حاطة فبالها تبدلو و تخليه يتفائل و يخرج من حالتو النفسية
عمرات اتاي و جبدات الكريب من التلاجة سخناتهم و حطاتهم فالطبلة لي عمراتها بكل ما لذ و طاب
اتخذات قرار تنسا لي فات و تعلنها بداية جديدة لعلاقتهم "A new beginning "🍓🍓🍓
تسناتو حتى قررات تمشي تفيقو بنفسها حلات الباب و طلعات الريدو د الشرجم حتى بانت شميسة شااارقة غوبش و زير على عينيه بطريقة مضحكة حتا تسمعو ضحيكات ساة فالغرفة
رداتهم بلاما تزايد معاه و زادت قدانو وهو تابعها وصلات للما و كبرات خطواتها فرحانة واخا التقاشر معدبينها
المهدي:(كايشوف فيها كاتنقز ويدور يشوف واش شي حد حاط عينو عليها)يااالاه نمشيو
مابغاتش تزيد تهضر هي المرزاقة منين دار ليها خاطرها طلعات من الرملة وزادت تمشات حفيانة بالتقاشر حتا للوطو عاد زولاتهم و خشات رجليها فالسبرديلة بلاما تسدها
سارة:(دايرا ضحكة واسعة)شفتي شحال مهم دير السبور فالصباح كاتجدد الطاقة و تشحن بطاقة ايجابية(هزات يديها كاتعبر)وكادوز نهارك متفااائل اولى ا المهدي
جاوبها بالايماء و دور راسو حااضي معا الطريق حتا وصلو طلعات جارا رجليها فالدروج وهو يالاه دخل سبق الدوش هو اللول خرج لقاها موجدا لو خوايجو لبس عليه وزاد عليه حوايج الخدمة خرج لقاها جامعة شعرها و ريحة البيض فايحة منها
المهدي:(مخنوق بالريحة)ماتسناينيش للغذا غير بالصحة
سارة:(مبعدة راسها دارا ضحكة بزز)هيهيهي الله يعاون
خلاتو خرج وهي مشات كاتدوش غسلات شعرها من ماسك البيض لي كانت دايرا ليه و حكات و دوزات عليها الصابونة بريحة الكراميل خرجات كاتشعل و عاطية منها ريحة الباندوش
دهنات لحمها بكريم مرطب و لبسات عليها بيجامة خفيفة فالكحل طلقات شعرها باش تسرحو وتنشفو بزيت مقابلة معا المراية وهي طيح فبالها فكرة جهنامية 😈😈😈جمعات شعرها ظارت بالناقص من شي تنشاف و دارت كاتفكر و تخطط حتا لبسات عبايتها وهزات بزطامها ناوية على خزيت هاد ليلة
#عند المهدي
ايوب:(داخل مدرم)بااا المهدي لاااباس
المهدي:(هز عينيه كايهضر بالشويية)شحال خصني نعاودها لك من مرة بقاا دق فالبااب ا ايوووب
ايوب:سموحاات اسي المهدي خلينا احم من هادشي قوليا احم(ضار بالجهد)بلاما ضحك ولا طلعها عليااا
ايوب:(ناض مودعو)حتا دابا باقي لحال سول مرتك ورد عليا فاقرب وقت الله يحن عليه
المهدي:(تكفح على الكرسي)سير يكون خير
ايوب:(كايطل من الباب)ولييتي تعطيي النصاااائح ابااا المهدي(كايصفق)بيااااان جوييي ااالييي
ضور عينيه متجاهلو كايشوف فالفراغ جاتو بسمة قدان عينو نهار مشات سارة للسبيطار اول نظرة خدا عليها هي انها عيشورية ومندافعة عكس سارة جاه فبالو انها ماتصلحش لايوب هوا ظريف و مبشور ولكن نهار تطلع ليه الحماقية و يشوف شي حاجة ماشي تا لهيه يخلي دار بوها ماكتيعرفش يتحكم فاعصابو نهار و بسمة باينة عليها من النوع المستفز
حك عينيه مخسر سيفتو و حلهم فالبيسي قدامو خدااام فييه و عقلو معا سارة
#عند سارة
جالسة كاتاكل و تتفرج فتيليفونها حتا طاحت ليها فبالها مسحات يديها وهزات تيلي كاتصوني على المهدي
سارة:(عاضة على فمها)االووو....جااااي...هانتا الى دزتي من حدا شي صيدلية جيبلي واحد الكينة انا نسييفطلك سميتها ف مسج...اه دابا دااابا
قطعات عليه و مشات كاتكتب ليه مسج باسم الكينة desirett و زادت حتا شي تقضية تسالات ليها
كملات ماكلتها وناضت كاتجمع الدار و تحل الشراجم حتا حل الباب هاو فيديه المياكي
جات شداتهم من عندو و باستو من حنكو
سارة:(كاتستف الخضرة)على السلامة(كاتقلب)فين الكينة لي قلتلك
سارة:(تعصبات)را غانخرج لك من تيليفون نساااي عليا الزمر تلقايه هو مامسوقش لك فكري دابا فمستقبلك و فلي يصلحلك نتي شفتي الدري كي داير عندو حقو من الزين و ضريف و خدام وعائلتو الله يعمرها داار
بسمة:ع هرفت ولكن خااايفة وانا باقي لي عام فلافاك وب بغيت نكمل قرايتي والله
سارة:واش حبسك شي حد حتا هو ماغايكونش عندو اعتراض انا متيقنة توكلي على الله وصلي استخارة وعطي لراسك فرصة تكلمي معا الدري نهار تتلاقاو و الى تفاهمتو ربي غايسر فالحلال
بسمة:ان شاء الله ماما يالاه غاتقولها لبابا و ديك الساعة م مرحبا بيهم
سارة:ايوااا شفتي هادشي لي نبغي نسمع منك(بالحس)وادابا قووولي ليا
بسمة:اشنو عاود
سارة:هاديك الحلاوة ديال لاصيغ كيفاش كانخدمو بيها
بسمة:ساااارة اش باغا تصنعي
سارة:اويييلي شغلك حشميييي شويية جاوبيني على سؤالي ماشغلكش نتي
سالات معا ختها و ناضت دارت بااناقص من شي غدا كلات غير بنانة حطات الشمع كايدوب فكاسرول فيها الما طايب بحكم ماعندهاش الالة و طلقات رجليها كاتنتف البلايص لي ناض فيهم الشعر و توحوح عينيها دمعو
سارة:اميييمتي لحبيييبة احححح يدي مسيكينة
جمعات داكشي وناضت كاتقلب على شنو تلبس لقات واحد الشوميز تروا بيياس تالفة بين لحوايج كان يسحابلها عمرها غاتحتاجها جبداتها كلتشاور معا راسها وحطاتها قريبة وسط حوايجها سمعات التخرشيش فالباب وخرجات تستقبل راجلها صدراتو بجوج كلمات و حطات ليه مايكجدر ودخلات للبيت خرجاتها غير الطواليط معا اذان العشا
سارة:(كاتقاد فحوايجها)المهدي خاصني شي حاجة من برا
المهدي:شنو هاد الحاجة ياك كولشي عندك
سارة:ل لا لا ضروووورية هاد الحاجة
المهدي:(طلع فيها حاجبو)وشناهيا
سارة:ل لحاجة هي خاااصني ل الطون
المهدي:(مستغرب)الطون؟اش غاديري بيه فهاد ليل
سارة:(كاتنوضو)واحد الحاجة زوييينة بزاااف نووض جيبولي عااافاك
المهدي:سااارة رصااي(هز سوارتو)صافي غير طون لي خصك
سارة:ج جيب ليا حتا حتا هاداك اسميتو قول نتا(كاتخمم)ال الفرماج مربع هاداك ديال الساندويتش صافي هادشي لي خصني
خرج و سد لباب وهي طفات الضواو خلات غير ديال الطواليط و طارت للبيت قادات الناموسية و طفات الضو شعلات فيوزة حمرا و زولات حوايجها دهنات يديها وعنقها بكريم ريحتو كراميل و لبسات الشوميز مترددة كاتعض على شنايفها و يديها كايقفقفو طلقات شعرها دوزات عليه مشطة خفيفة ورداتو ورا ودينيها و الاطراف باقيين فازگين هابطين على مؤخرتها بقات كاتمشي وتجي حتا سمعات لباب تحل و هي تجلس للارض مردوخة على الناموسية
المهدي:(كايقلب)سااارة واش نعستيييي(حط الصخرة)سارة
حل لباب لقاها منزلة راااسها و لحمها كايبري بضو ديال الفيوز غمض عينيه مستنشق ريحتها لي مالية الغرفة و قرب ليها كايحاول يبقا واقف على رجليه
المهدي:(كايبلع ريقو)سارة شنو درتي
سارة:(عينيها غرغرو)انا انا بغ
قطع حديثها بقبلة على جبينها و بعد كايزول حوايجو و ابتسامة مغرية على وجهو
صبحو فاحضان بعضياتهم سارة فسابع نومة وسي المهدي باقي ما سخا بقربها يد فشعرها و يد تحت الغطا حلات عينيها مدوخة بالنعاس طلات فيه لقاتو كعادتو صابح متمر
سارة:(بالشوية)صباح الخير
المهدي:(تكعد)صباح النور
كحزات لبلاصتو حطات رجليها فالارض و عاضة على لسانها فرحانة
دخلات للحمام لقاتو سخون وريحة جيل دالرجال فيه دوشات و خرجات لقاتو لبس حايجو دالخدمة ودعها و خرج و هي جلسات كاتنشف شعرها و تعاود احداث الامس فخورة براسها
صونالها تيلي و هزاتو كاطل على النمرة
سارة:الوووو بسمتيييي
بسمة:مااالك صابحة رااشقا ليييك ياك لاباس
سارة:انا ديما راشقا لي مالك معيطة على الصباح
بسمة:العشرة هادي ازيين اشمن صبااح
سارة:(طلات فالساعة)المهم علااش عيطتي كاين شي جديد هضرتو معا بابا
بسمة:(سكتاااات شوية)امممم عطيه نمرة بابا
سارة:ايواااا هادي خبااار زيينة قطعي نعيط للمهدي نقولها لو
فهاد السيمانة لي دازت جاو عائلة ايوب لدار الطاهر رحبو بيهم و كبرو بيهم تمت الخطبة بين ايوب و بسمة لي اصر باش العقد يكون فاقرب وقت و قررو يديروه بعد شهر من الخطبة
#يوم الخطبة
الحاج احمد:ايوا سيادنا الغرض من مجيتنا باين جينا طالبين راغبين فيد بنتكم المصونة بسمة لولدي ايوب على سنة الله ورسوله
الطاهر:مرحبااا بيكم نتوما مالين الخير و ولدي ايوب تبارك الله خير الشبان والقرار ديال بسمة اش قلتي ابنتي
بسمة:(ضاحكة)قابلة ابابا
الطاهر:ايوا مانزيدكم غير الصلاة على النبي
الحاج احمد:(هز يديه)نقراو الفاتحة
تسالمو غاديين فالباب و بسمة كاتعنق فحماتها حتا وقف عليها ايوب و زادت راضية خلاتهم يدويو على راحتهم
ايوب:(سلم عليها من يدها)بسلامة تهلاي فراسك ا بسمة(كان غادي ورجع)تعاودي تنخليني نجي لوالديك حتا لهنا
بسمة:(مبتاسمة)لا مانعاودش غير سير هههه
جلسات بين خواتاتها كاتشوف التصاور لي خداو ليهم و تبتاسم حسات باحساس جديد احساس التملك ونوع من المسؤولية تفكرات الياس لوهلة من نهار البار ماعاود هضر معاها وحتا هي فضلات تنساه قارنات الفرق بينو وبين ايوب ضحكات باستهزاء و ضارت كاتفرج
حلات لباب موراها باها بجلابتو فالمسكي(الباج)ركبات لور حدا راضية و باها حداها و الحاج حمد لقدام معا ولدو غيين فالطريق ومرة مرة ايوب يهز عينيه يدير ليها غميزة وراضية غير شادة الضحكة حتا وصلو عند مكتب العدول
نزلو مجموعين دخلو و جلسو مفرقين وايوب و بسمة قدام العدول سناو بعدما سولو اسئلتهم المعتادة و طلقاتها راضية بتزغريتة صمكات بيها الودنين رجعو لدار الطاهر و ايوب جاب خواتاتو عاد لحق عليهم
سمعو الدقان فالباب هبطات بسمة تحل و هي تخرج فمنانة و سناء واقفة حداها
تحط الغذا جالسين غير النساب بيناتهم كلاو وشربو و فوجو وفرحو بولادهم العرسان
تفرقات الجماعة وكلا مشا لدارو يرتاح سارة وصلات لدارها مهدودة من شقا دهاد النهار حيدات غير حوايجها الفوقانيين تلاحت على السرير
دازو الايام متابعين و فهاد الفترة زادت توطدات العلاقة بين سارة والمهدي كل نهار كاتبين ليه حبها بطريقة لطيفة و بريئة بحالها وهو نهار على نهار كايزيد يغرق فحبها و ماباغيش يبين ولا يعبر على مشاعرو البتول(بتول:جديدة.مشاعر وليدة) بطريقة مباشرة
مخرجة لسانها ومركزة كاتقطع الخبز مجننة عيات ماتبرك حتالاحت الموس من يدها كاتبكي و تشهق بوحدها
جلسات على الكرسي كاتبكي و تشهق وجهها ولا محقون وحمر و صدرها كايطلع وينزل شافت فالمهدي ماحاسش بيها قنطات وعيات طلع ليها فراسها الروتين
سارة:(هزات فيه عينيها مدمعين)ديني عند ماما ا المهدي
المهدي:فينما نهضر معاك على مصلاحتك ديني عند ماما مشيتي عندها تلاتة دالمرات عاد السيمانة غير توصلي تعيطي ليا نرجعلك را ماعنديش غير نتي طلقات البكية عاود كاتبان صغييورة ولات بحال الكركوبة تزادو فيها كيلوات هاد الشهر و شعرها زاد طوال والفشوش قواو فيها والمهدي داير ليها الخاطر بزز منو
المهدي:(شاف حتا عيا وبقات فيه)نوضي لبسي حوايجك
ناضت كاتنخصص لباست عليها و هزات تيليفونها و خرجات مدلية شنانفها
حفيد لالة منانة الجزء الرابع
محتوى القصة
التنقل بين الأجزاء