خديجة:(حطات يدها على وجهها)فقصاااتني داك البعر كايضر بالصحة وهي كاتسرط فيه بليل و النهار
سارة:(كاتحرك)تانتشهاها واصلا ماكاين مايتكال غيرها ياء
جراتها بسمة للصالون كاتوشوش ليها
بسمة:ماامااا انااا بااان ليا سااارة عندها واحد المشكيل
خديجة:اناااري و امااا هووو
بسمة:(كاتفسر)دابا كاينين شي بنات مور الزواج كايوليو هاكا كايجيهم البرود العااطفي ماكايبقاوش يحملو رجااالاااتهم وكايبقاو غير يبكييو و يتعصبوو على واالو وماكايبقاوش يحملو يبقاو معاهم
خديحة:اويلي استغفر الله زعما يكون جاها هاد البرود لي قلتي
بسمة:(مصغرة عينيها)مية فالمية
دخلات مروة حيدات صباطها و لقات السلام طلقات ودنيها كاتسمعهم شكايقولو طلعات بدلات عليها وهبطات كاتشم ريحة اندومي فالكوزينة دخلات كاطل وتشوف فسارة لي جالسة فالارض كاتاكل من الكاسرونة و تمذق جاتها فبالها صورة مها منين كانت كاتوحم وهي حاملة بخوها حتا سارة نفس الشي كاتمص فشفايفها بحال المسطية
مروة:(كادوي بالحس)شفتووو عليا بلييمييين حتااا سارة كاتوحم ماكاين لا برود عاطفي لا برود جنسي سااالينا
راكبة معا راجلها راجعين للدار و ميكة فيها الكبدة من لي شاطت ليها خاشياها فالصاك مامفرطاش فيها
المهدي:(مخنزر)فين مشيتي نتي وخواتاتك ليوم
سارة:(كاتحك جبهتها)مشييينااا ل موول د الرباط و تغدينا برا صافي
المهدي:بيااااان
دخلو للدار وهي خشات النيكة فالتلاجة وزادت نييشان لبيتها بدلات حوايجها و جلسات تفكر كيدير ليها جبدات تيلي كاتشوف الناس كيكايديرو يفاجئو رجالاتهم وبقات كاتفرج حتا نسات راسها داز لوقت عاد توگضات خرجات لعندو لقاتو كايتفرج و الطبلة عامرا وراق
سارة:(كاتلوي رجليها)المهدي عطيني ورقة وستيلو
المهدي:(شير ليها فالطبلة)هزي لي بغيتي
هزات جوج وراق بوويض و ستيلو احمر و كحل و رجعات للبيت وهو كايراقبها مستغرب
كتبات فورقة بعض من العبارات الصغيرة لي كتباتهم وهي كاضحك و رسمات حداهم بيبي و سكاتة جاتها بحال الطبسيل
حطات الورقة على جنب وناضت فرحلة بحث على كارطونة مشات للكوزينة جبدت وحدة ديال اتاي ضحكات ورجعات متحمسة جبدات بابيي كاضو من تحت الناموسية و غلفاتها وحطات فيها الورقة وفردة ديال السبرديلة و ورقة ديال الايكو و جنب الكارطونة الفردة التانية و الرضاعة و التيست صورات لخواتاتها و وقفات كاتفرك يديهااا عيطات ليه باش يجي و طفات الضو و وقفات مخبية مور الماريو
شعل الضو كايضور عينيه فالغرفة حتا استقرو على داكشي لي حاطة قرب بحال شي روبوت و هز التيست هو اللول و شد الرضاعة فاليد التانية بلع ريقو و ودنيه سخنو عليه جلس و مد يدو للكارطونة و جبد الفردة التانية كايتأملها حطها حدا ختها و جبد الورقة لي فيها الكتابة
"Hi daddy..i can't wait to meet youمرحبا ابي لا استطيع الانتظار لمقابلتك"
هز هينيه بحالا كيقلب على شي حاجة و يدو كايخشيها فجيبو و يخرجها متوتر ضور عينو جات فسارة واقفة و يد على كرشها ووحدة على فمها ناض كايتمشا جيهتها و وقف مهبط عينيه نيشان فعينيها المدمعين
سارة:(كاتبكي و ضحك فنفس لوقت)غاتولي اب ههههه
ماقدرش يدوي الصدمة صمكاااتو طلع راسو كايستوعب و نزلو فيها و بسمة صغيورة كاتشق طريقها بين شفايفو جرها لعندو معنقهااا بجهدو كاامل و يدو شادة خصرها مزيرة عليه ضورات يديها على ضهرو مبادلاه العناق وقلبها كايدق غايخرج
سارة:(شادالو وجهو)غايولي عندنا بيبي هههه وليد ولا بنيتة
المهدي:(كايحرك راسو)نتي حاااملة
سارة:(حركات راسها بالايجاب)اااه هههههه
جرها لعندو معنقها حتا تهزو رجيلاتها من الارض وهي شادة فحوايجو
المهدي:(هز الورقة دليكوغرافي)شنو هادا واش البيبي
سارة:(كاتوريه)اه هانتا هاد النقييطة هو البيبي
المهدي:(عاقد حجبانو مركز فالصورة) منين خرجتي معا خواتاتك تما مشيتي عند الطبيبة
سارة:(كاتلعب برجليها)اه و هي لي قلباتني قالتلي نرجع عندها من هنا لدو سومين
المهدي:نمشيو عند وحدة اخرا حسن
سارة:(بقات فبالها ديك نمشيو)ل لا لا بلااش هه عجباتني ديك الطبيبة
حرك راسو بالايجاب و بقا ساكت ماعرفش يزيد يعبر على فرحتو و لا يزيد يسول
سارة:(شدات ليه يدو حطاتها على كرشها)ماباغيش تعرف شحال عندي
المهدي:(بلع ريقو)شحال عندك
سارة:(بابتسامة)تلاتة د الاسابيع يعنييييي(كاتحسب)غانولد فشهر 5 ولا لول ديال 6
المهدي:(ابتاسم بزز)م مزيان الله يجيبو على خير(وقف)نتعشاو
سارة:(طفات الضو و تبعاتو)انا غانسخن الكبدة لي بقات نتا شنو بغيتي
المهدي:(هاز كتاب)ديري غير داكشي باراك
حطات طريفات د الكبدة و الصوصيط و الخبز و بدات تاكل و تمذق و مرة مرة تحس بمغص فكرشها من الفرحة
#يوم زفاف ايوب و بسمة
شادة جنب القفطان بيديها و كاتضحك للناس لي واقفين فباب القاعة كلشي فرحان و كايضحك و يتصور و راضية ضايرين بيها بناتها طوالات و غزالات كايحمقو وعاد الابتسامة لي ماكاتفارقهمش جهة اخرا واقفة خديجة كاضور فعينيها مبرزطة معا راجلها و زياد بين رجليهم
خديجة:(كاتشير لمروة بالشوية)اجييي اجيي(وقفات حداها)فين ختك كانتسناوها غير هي تجي تشوف ختها فالعمارية يااا ربي الصبر ااااش هاد الشوووهة
مروة:(جراااتها للجنب)علااش تعطلتي بسمة وصلات من قبايلة و طونوبيلة ايوب واقفة مور القاعة
سارة:(كاترخف الشال)مروة راك عارفة بحا باش وجدت و المهدي كان مشغول شوية
مروة:فين هاد المهدي مابانليش
سارة:وصلني و رجع لدار خالتي راضية(قشعات اللوطو داخلة)هاهوما جااو
هبطو العروسة من السيارة لي مزينينها بورود واشرطة بالصلاة والسلام شادة فايوب كاتبان حداه بحال السنفورة معدبة معا التكشيطة لي طويلة و مرة مرة دفعها برجليها باش تزيد
بسمة:(كايضرب فيها الفلاش)شد فيا را غانطيح(كادوي تحت سنانها)ايووووب شد فياااا را غانطيح فين هاد العمارية نجلس خلاااص
ايوب:(قرب من ودنها)نتي ماكاتعرفيش تمشي بيه لاش لابساه تء(شدها من خصرها)هاانا
جلسوها فالعمارية ضايرين بيها النكافات كل وحدة تقاد من جيه جرو ايوب يتصور حداها عاد هزوها مخطوفة وهي فرحانة غاتنقز من بلاصتها كاتشير للناس و تلوح القبلات لخواتاتها
ضااارو بالعروسة فالباب ديال القاعة و دخلوها كايميلو بيها هبطوها وجا ايوب شد فيديها و النكافات كايصليو على النبي جلسات فالبرزة و راجلها حداها و كل مرة يوقفوهم يتصورو و يجلسو دخلو باللبسة الثانية خضرا ديال الحنة و لبسو حتا خواتاتها و خواتات ايوب وقفو مصافين حداها كايتصورو حتا سالاو وجا ايوب بجابادور فالكحل و بلغة خزية فرجليه كايتصور معاها و يدير فيها شي شوفات من داااكشي
جات الحناية شادة ليها يديها كاتنقش و جات مروة هي و اقبال يديرو الفال
بسمة:(بمزح)را واااخا تحني ماغاتزوجيش
مروة:(خنزرات فيها)خويا ايوووب شد علياااا مرتك ولا معرت اش تجيك را غانعطبها قدام هاد الخلق
الحناية:(مركزة)ماتزعزعيش ابنتي
بقاو بالحنينة فيديهم حتا ناضت تبدل اللبسة وناضو معاها يبدلو وسارة طااافجة ماعاجبها حال قادو الكراسة و طابلة العرسان باش يسربيو العشا و ناضت راضية كاتجري جيهة سارة
سارة: غ غير خالتي راضية هضرات معايا نعيط لك باش تجي
المهدي:(ساط الريح من فمو بعصبية)افففف سارة واش قاطعة ليا نعاسي باش تقوليليا اجي
سارة:و واللاهيلا غير خالتي راضية لي اصرت عليا وايوب بغاك تجي حشوومة ماتكونش حاضر
المهدي:(كايبعد تيلي من ودنو)الصدااااع حدااااك انا ماجااايش المرض ديال بنادم و الصداع و الخرااا كولو مجموع تما و مرييض معا مخييي
سارة:(بقلق)صافيي صااافي ماتجيييش غير ماتعصبش(تنهدات)حتا لديك الساعة ونجي معا الياس ولا شي حد بسلامة
قطعات عليه وخلاتو باقي ماردش عليها شدات تيلي فيدها و دخلات حابسة البكية بزز جلسات حدا منانة لي كاتطبل بيديها وتشطح بكتافها و سناء طلعات عينيها فيها عرفات الامر متعلق بالمهدي
سناء:(زعمات و حطات يديها على كتف سارة)مابغاش يجي ياك(تنهدات)ماترغميش عليه شي حاجة بزز وماتعصبيش راسك راك حاملة ا اب بنتي
تصدمات من تصرف سناء لي عمرها ردات عليها حتا السلام شافت ليها فعينيها و زيرات على فمها كاتمة بكاها و ناضت للحمام كاتجري
تخلطو عليها الامور عرس ختها و الحمالة وعاد هضرة المهدي لي واخة عادية من واحد بحالو ولكن ضراتها اليوم ...
حطات يدها على كرشها كاتهدن راسها و خرجات كاتنفس منين سمعات الزغاريت لي كاتعلن على دخول العروسة
جالسة وسط مها و راضية فطبلة مجموعين معا العرسان جا السرباي كايهضر فودن راضية على الكرسي لي بقا خاوي و الاخيرة شافت فسارة لي هبطات عينها بتأسف حتا بانت ليها مها كحزات للكرسي لي فجنبها و خلات مكان خاوي بجانب سارة هزات عينيها باش تسول و عضات على فمها منين شافتو جالس حداها باينة فيه نايض خاسر ولكن ماقدرش يخلي خاطرها مكسور
سارة:(باستغراب)علااش جيتي
المهدي:(حط يدو على كرشها)مانجيش
سارة:لا ماشي هكك غير الصداع و بنادم ز زعما
المهدي:غانتعشا ونمشي
حطو دجاج محمر تلاتة ديال الدجاجات وعاد الكبدة و الكنوص والعناق فالجناب سارة عينيها خرجو و لعابها سال تفرق الخبز و بداو ياكلو والمهدي مرة مرة يلوح دغيمة ففمو و يقرب لسارة الدجاج لي قدامو
سارة:(فمها عامر و مخرمز)غييير كول نتا انا كاناكل
المهدي:(مسح ليها جنب فمها بصبعو)بالصحة
تصعقات من تصرفو قدام باها و بات ايوب هبطات راسها ماعاوداتش طلعاتو حتا هزو الطبسيل و حطو لحم مشوي و الفريت فالجناب
سارة:(بعفوية)فين البرقوووق
ضحكو جميع على هضرتها و هبطو راسهم كاياكلو وغير هضرة الناس لي كاتسمع و صوت الملحون خااافت
كلاو وناضو شبعانين وقف المهدي سلم على صاحبو و بارك ليه و حتا لبسمة و خرج وقف فالباب بانت ليه سارة جايا لعندو و هو كايشير ليها بعينيه غير تبقا
دخلات فرحانة دوزو العرس ناااشطين و فرحانين و البنات كايقشبو معا ختهم خااالقينها سالا العرس و العرسان مشاو للاوطيل يعيشو ليلة العمر ااراس فالراس تفركتات الجماعة ولي عندو شي طونوبيل ركب فيها غاظي لخربتو
متكية على ماما واخدة راحتها حتا وقفات عليها سكينة
سكينة:(ببرود)قالتلك جدة واش غاتمشي معانا
سارة:(تكعدات)لا غير سيرو غايجيلي المهدي(طلات فالباب)هاهوا جا
شد فيها وسلم على لي بقاو فالقاعة ... ودعات مها وختها و زادت شادة فيه مهدودة
سارة:(تكات راسها على كتفو)غانركب اللور باش نطلق رجلي عييت
حل ليها الباب و رجع لبلاصتو سايق حتا وصل لباب العمارة دخلو من باب الدار و سارة غير كاتجر رجليها
سارة:(كاتشهق)هبط مني الدم اااي و فيا الوجع فظهري و كرشي
المهدي:(كايهدنها)بالشوية علييك واش غاتولدي
سارة:(عصبها حتا غوتات)واا اشمن غاااانولد را كرشي كاااضرني البيبي غاتوقعليه شي حاجة خااايبة اهى نووض خلااااص را غانموت لك هناااا
نااض كايلبس حوايجو الزربة وعاونها تلبس جرها بلاما يغسل وجهو و شدو الطريق لعند الطبيبة معا ال8 ونص ديال الصباح
طلع شاد فيها لقا العيادة لحسن الحظ خاوية
الممرضة:تفضلي ا مدام حتا نقولها للدكتورة
سارة:(عاضة على فمها الخوف زادها)سربييي اهى(كاطل فالمهدي)صافي غانموت ياك
المهدي:(جارها لعند الطبيبة)سكتي ا سارة الله يرضي عليك
ناعسة على السرير و دموعها باقيين فعينيها
الدكتورة:(كاتقلب)البيبي بييخير ماعندك مناش تخافي الحمد لله غير نتي تبقاي تتكايسي على راسك الله يرضي هلى بنتي ماتكتريش من الوقوف را عندو اضرار عليك وعلى الجنين و ماشي بعيد يكون السباب فلي هبط منك(ضارت عندها مبتاسمة)ماتخافيش بحال هاد الامور كاتوقع للحوامل
سارة:(بدات تغبن)تخلعت بزاااف وحسييت بالسخفة والله
الدكتورة:هههه غانزيدك شي فيتامينات على هاد السخفة لي كاتجيك(حولات نضرها للتلفازة)تبغيو تعرفو اش عندنا فهاد الكريشة
سارة:(طلات براسها)واش كااايباان شنو عندي
الدكتورة:وييي بيان سيييغ راك داا علاين تقفلي الرابع اولا
سارة:ا اااه قولي شنو عندي
الدكتورة:(كاتاخد صور)عندك un garçon ولييد
سارة:(حطات يدها على فمها)وليييد هههه(شافت فالمهدي لي مبتاسم)غايولي عندنا ولييد
المهدي:(باس ليها راسها)ان شاء الله
هبطو من العيادة مطمنيين و فرحانين هزات سارة تيلي كاتقرا الميساجات ديال ختها و قابطة الضحكة حتا وصلها مسج جديد كاتخبرها باش تلحق عليهم للفيلا راهم مجموعين باش يجيبو لفطور
دخلات دايرة بكلامو حيدات حوايجها و هبطات راسها كاتشمهم و تخيب سيفتها هزات عينيها فالمراية كاتشوف راسها كي ولات تضوبلات فورمتها و كرشها تبومبات تقول حاملة بالتوام طلات فرجليها لقاتهم عامين شعر و حتا يديها قربات كاتشوف فوجهها كي ولا كولو كلف و حبوب حتا الشعر ناض فالدوفي وبين الحجبان دار كاتعمر الما و تتحسر على حالتها كيولات معا الحمل حكات لحمها و هبطات شعرها لي ولا غالبها و دارت الصابونة كاتحك و تعاود فالمناطق الحساسة و فعنقها زادت حتا البان دوش و خرجات لقات الغرفة خاوية هبطات الفوطة و جبدات كريماتها لي نساتهم دهنات لحمها و حتا وجهها و لبسان كسيوة بيتية ديال الحاملات نشفات شعرها بلا نشيط مابقاتش تلقا ليه الوقت وتخلاات على عدة عادات جمالية بسبب الحمل و التقل و الوقت لي مابقاش
#عند بسمة
مجمعة معا لوايساتها لي وحدة فيهم گر فيها الفال و تزوجات هاد 4 شهور لي فاتو كاتنقي الزريعة و تتفرج
راضية:عااافا بسمة بنتي نوضي طيبي العشااا رجليا عواجو و هاد الجوجات ماكايعرفو يديرو شغل مقاد
بسمة:ولاااهيلا عيييانة ا خااالتي هاهما لبنات يطيبو لينا لي كان نقضيو بيييه
ايوب:(هز يدو نزل عليها للحنك)حتااا نتي طلعتيييلي فرااااسي بتبرهيييشك منين ديري عقلك عاد اجي نهضرو
خلاها مخرجة عينيها مصدومة منو علاش يمد يدو وهو خرج زادح الباب
بسمة:(دموعها نازلين)ضربني ضربنيييي(مسحات دموعها بجهاالة)شكووون هواااا لي يضربنيي شكون هو لي يحط عليااا يدو تفوووو عليه و على تريييكتووو كاااملة جايبيني عليييهم خدااامة ومنين نهضر على حقي يمد علياااا يدوو(جبدات صاكها من المريو كاتعمرو بالحوايج)ووالله لا زدت الدقييقة فهااد الدااار بالله
لاحت عليها مونطو بالحزام و جمعات شعرها لور هزات صاكها فيدها وهبطات بالشوية كاتسلت باش ماديرش الصوت طلات من لفوق لقات السقييل و ضو هافت باينة جاي من الكوزينة
وصلات لطابق الارضي و تمشات متاجهة للباب حتا خرجات فيها هناء
مول الطاكسي:سمحيليا اختي ولكن غانهضر معاك وماديريهاش مني قلة الصواب
بسمة:(كاتسوط)مرحبا
مول الطاكسي:ختي هادشي لي كاديري را ماشي فصالحك توبي لله و نعلي الشيطان هاد الطريق را ماكاتخرجش وغاتخرجي على راسك وعلى مستقبلك
بسمة:(هزات فيه عينيها)نعاااام اش كاتقول
مول الطاكسي:قلتلك اختي نصيحة لوجه الله بعدي على هاد الطريق وجهك ماشي ديال هادشي كاين طرق لخدمة دللحلال حسن من هاد الحرفة والله و فلوس بعرق كتافك حسن ليك من هاد الحالة وانا غير قلتلك
بسمة:(كاتهز)اااشمن حرررفة حتاااارم رااااسك ا شرييييف ولزززم حددووووووودك لبنت لي مااالقيتوووو كيديروو دووزو ليهاااا تبداو تسبوو و تعااايرو فشرفها
مول الطاكسي:وانا هادشي لي شفت واي واحد فبلاصتي شاف وحدة واقفة فشاريع بوحدها وفليل غايطيح ليه فبالو هااادشي
بسمة:طييييح علييييك حجرة تفرع لك دااااك الراس(شافت راسها قربات)نزلنيييي يا لحمااار ياااجيييفة الله يعطيك موصيبة(حلات الباب ونزلات)وديك ستمية والله لاشفتيها
لاحت ليه عشرة دراهم شقفة وخلاتو كايضور فراسو بلا حول
وهي نزلات كاترعد بالاعصاب هزات تيليفونها قطعات على ايوب وكملات طريقها للدار كلها كاتفنفن حلات الباب بالساروت ولقات مها هي وختها جالسين
مروة:(مجننة)يصفييييلك المدبح اااش هاااد لفعااايل ا بسمة تعايري مرا قد مك و زايداها كاتتهزي قدام راجلك واش ضربك حماااار لييل زيد عليها راكبة فطاكسي معا 10 ونص دليييل اويييلي واااش بغيتي داااك الراجل يطج ولا يطلللقك الطلااااق التلات
بسمة:وعلاااش ينقصووو مني ومن طيااابي مارانيش خداااامة عندهم
مروة:(كاتندب)اويييييلي على غذااااايدي اش هاد الهضرة د السلكوووطات ماقلنالكش الالة خدامة ولكن راعي لعكوزتك كبيرة فالعمر وراجلك لي كايقيل خدام وباغي يسمع منك كلمة زوينة جايا نتي مكرها مووو فعيشتو ماشي فعايل هادو لي درتي سيفطي لراجلك مسج مايتشوش عليك
بسمة:(بدات تندم)خلييه يحس بقيمتي شوية وااصلااا هو ماكانش هاكا كان ديما شاد ليا الخاطر و مفششني دابا تبدل عليا
#فلاش_باك
متكية على سدرو كاتنفس ببطء مرتاحة وهو يدو فشعرها
بسمة:(برقة)ايووب ليوم ان شاء الله نخرجو للبحر اش بانلك نتغداو برا الجو زويين
ايوب:(بتقالة)وااخا الالة
بسمة:عرفتي رتاااحيييت هنايا الشمال الجو ديالو زوييين والله
ايوب:حتا دابا باقا الفاكونص مطول
بسمة:(كاتفشش)نزيدو نجلسو هنا شي سيمانة اخرا ونطلعو للمضيق و نمشيو لواحد الاوطيل زوييين كاين تماا نجلسو شي تلتيام و عاد نمشيو لشفشاون
احححح(كاتكسل)غزااالة شفشاون
ايوب:(داير ليها خاطرها)ان شاء الله(تكعد)يالاه نوضي دوشي باش مانتعطلووش
باسها وناض دوش و لحقات عليه بسمة طالقة عليه فشوشها وكاتحلون عليه وهو هاز ليها الخاااطر لي بغاتها مايقولش لا
دوزو شهر العسل ماخلاو حتا مدينة فالشمال ايوب خسر فلوس صحيحة غير فالخروج والدوران والاوطيلات المخيرين كايجلسو فيهم كلووو باش لالة بسمة تبقا على خاطرها مابغاش يعز فيها هاد المرحلة لي مهمة بالنسبة لكل عروسة كاتبغي تفوج فيها وضور و تخرج
#عودة_للواقع
مروة:ايواااا هانتي كاتقوليها بفمك الدري مامخليش من جهدو ل بسمة ونتي تجازيه هاكا اااش دارو لك كاااع
المهدي:(كايدوز يدو على ضهرها)باراكة طيبتي لحمك(جرها نقربها منو حاط يدو على كريشتها)السي عمران فوقاش غايشرفنا
سارة:(عينيها كايتسدو)زيد تسنا غير شوية وتشدو بين يديك
المهدي:(خاشي نيفو فشعرها)رتاحي تصبحي على خير
مارداتش عليه داتها عينيها وهي فحضنو كاتحس بلمساتو على كريشتها
فاقت مخسرة ناضت كاتگعد بشوية مع الثقل حطات رجليها فالارض مستحلية البرودة و ناضت شادة فضهرها طلات فالساعة لقاتها 11 د الصباح زفرات ومشات تخسل وجهها فينما توقف قدام المرايا تبدا تتحسر على حالتها كيولا وجهها كايخلع ولا كولو مطبع بالكلف و الحبوب فسطيحتها
تمشات متاجهة للكوزينة سخنات لحليب كاتفطر بيه و تقلب فالتلفازة حتا صونا تيليفونها هضرات معا ختها لي اصرات عليها باش تجي ماقطعات معاها حتا قنعاتها تلاحت على الفوتوي مافيها لي ينوض والا يدير شي غذا سيفطات اوديو لمهدي وصاتو يجيب الماكلة معاه و دفگات فالصالة حالة فمها و عينيها محلولين
دخل المهدي للدار محمل بساشيات فيهم الغذا ديالهم لقاها جالسة و حاطة رجليها على كرسي و كاتمشط شعرها
المهدي:(كايشير فالمياكي)جبت دجاج و الروز و سالاد
سارة:(كاتنتف فشعرها)مزيااان منين نتغداو ونساليو ديني عند ماما توحشتهم
هز يدو كغلامة موافثة و دخل يبدل عليه اما هي دارت بتاقص من شي مشيط مررضها شعرها كوولو مخبل ناضت خطات داكشي فالطبلة بلا تسخان و بدات تاكل ماتسناتش
مسح فمو و رجع لور بالكرسي كايشوف فيها باقا كاتاكل بدات قبل منو و مازال ماشبعات مابغاش يهضر حيت عارفها غاتقلق عاود
المهدي:الى ساليتي نوضي لبسي حوايجك نديك
سارة:(كاتمضغ)امممم ساليت ساليت
خلاتو و مشات هازا فيدها الطباسل موسخين لاحتهم باهمال فالغسالة و مشات تلبس عليها جبدات كسوة وااااسعة ديال الحوامل انا السراول و التونيات مابقاتش تحوم بيهم قاظات درتها مرخوفة على عنقها و هزات حوايجها و خرجات كاتسنا فيه يلحق عليها
ركب فاللوطو كايقاد ليها السمطة و الكرسي باش ماتتعدبش و عاد زادو حبسو فراس دالزنقة حيت كاينة بنية د العرس و هبطو استقبلاتهم خديجة فالباب المهدي رجع فحالو بعدما شرب معاهم كاس داتاي وسارة طلعات معا خواتاتها كايتهاودو
سارة:(قرادة قدام مروة كاتسلك ليها شعرها)مادرتيي فيها مايصلاااح والله حشووومة گااع
بسمة:وااش نتوما هواتاتي ولا عدوااتي فبلاصة ماتحاميو عليا جايين من جيهتو
مروة:(كاتسلك لسارة شعرها)ماشي جينا من جيهتو(دفعت لسارة شعرها)شوفي قدااامك... قلتليك ا بسمة باااينة نتي تسرعتي و خرجتي لعيب ودابا غاتبقاي نتي هي الغالطة وحتا الى ماغلطتيش معا ناسك راجلك خريييتييها معاااه فبلاصة ماتتعاملي بالشوية و تحسسيه بالاهتماام را رااجلك هاداك(سهات)الزواج ماشي غيير افراااح كاين شي وقايت كايكونو des chutes وشي مشاكل خصنا نتصرفو بحكمة باش نخرجو منهم باقل الاضرار وحتا شي طرف مايتكسر
سارة:(طلات فيها مستغربة)ولييتي تهضريي بحااال العاااشقة الولهااانة
بسمة:(ضورات ليها وجهها)كاتحبي....كاتبغي.....عاحبك شي حد...هضراي معا شي حد
مروة:(بتوتر)و و وووو ه هواااا م ماكاين وااالو
بسمة:(حطات يدها بحالا غاتريشها)غاتدوي بخاطرك ولا بزز
مروة:(ناضت هازة حاجب)بززز اويييلييي(كاضور فعينيها)وا هانتوما غير بالشوية ونعاود ليكم
#فلاش_باك
هابطة من الطاكسي كاتقاد فحوايجها بتوتر و السيفي ديالها فيدها
هادي المحاولة الرابعة ديالها هاد النهار دخلات بعد ماتكلمات معا السيكيريتي لي كاين فالباب و سولاتهم فين تقدر تلقا الاستقبال نعتو ليها و زادت باتجاه المكتب ديال الموظفة
مروة:(كاتصطانع الابتسامة)السلام عليكم مادموزيل انا جيت ليوم ندفع سيفي ديالي على قبل طلب الكاتبة لي كنتو حاطينو فالموقع ديالكم
جات خارجة معا الباب و تابعها راجل يالاه كان داخل و رجع كايعيط عليها
مروة:(ضارت عندو مغددة)شكرا ا خويا ولكن ممكن توصل ليها انني مابقيتش باغة ندفع فشريكتكم الله يكثر خيركم
....:تفضلي امادموزيل لداخل و نتفاهمو شنو لي خلاك تخرجي من عندنا طالع لك الزعاف نقدر نعاونك
مروة:(غمضات عينيها وحلاتهم مكرهة)شوف ا ماعرت اش سماك الله انا ماعجبنيش البلان لي وقعلي النهار لول(كاتعبر بيدها)من المفروض ان شركة عندها منصب شغل شاغر تكون دايرا حسابها منين يجيوها الموظفين ماشي انا جيا حتا فرصة ديال المقابلة ماتعطاتليش
طارق:(مد لها يدو وبادلاتو السلام)سميتي طارق تفضلي بعدا و نعطيوك ا لالة هاد فرصة المقابلة
زاد قدامها ونرة مرة كايطل واش باقا موراه
طارق:(واقف عند مكتب الاستقبال)حيدي داك الاعلان ديال طلب كاتبة لقيتها
دلها على الطريق ديال المكتب لي مكتوبة فالباب Directeur
جر ليها الكرسي جلسات و هو بقا واقف على الماكينة د القهوة كايتسنا كاسو يعمر
هزات عينيها بالثقالة كاطل فالبيرو و فالغرفة كيدايرا و فالظيكور د مكتب المدير و جات عينها على لوحة فوق البيرو مكتوب فيها"المدير التنفيذي:طارق رضى"رجعات السينتة و هزات عينيها فيه جالس فالكرسي كايحرك يديه و يجغم من كاسو
طارق:مرحبا بالانسة ....
مروة:م مروة العلالي
مد يدو خدا سيفي و بدا فطرح الاسئلة المعتادة وداير ابتسامة ساحرة كايشوفيها باعجاب مركز مع ملامحها و حراكاتها كثر ماهو مركز معا هضرتها
طارق:(جمع الوراق)بووون مادموزيل مروة تقدري تبداي الخدمة من الاتنين الماجي خليليا نمرتك فالسيفي(وراها فين تكتبها)غانتواصل معاك باش نتفاهمو على شي امور 😉
مروة:(وقفات كاتقاد حوايجها و متمرة)ان شاء الله السي طارق نهارك مبروك
خرجات من عندو متمر غير فاتت الباب بدات تنقز فرحااانة لي تم قبلوها من بعد عدة محاولات معا شركات ثانيين
#عودة_الى_الواقع
بسمة:دااابا الدري لي كاتبغيه هو مدييرك
مروة:وشكووون قالك كانبغيه اختي
سارة:(شادة سالفها)وعلاش كاتعاودي لينا من الصباااح اش دخل مديرك فلي كاتبغي نتي
مروة:اووووف مرضتوني وارا هو لي كانعجبو وباغيني ولا معرت
بسمة:كايبغيييك؟قالها لك؟
مروة:(تنهدات)اااااه
#فلاش_باك
دق عليها فالباب و دخل جلس قدامها مراقبها و هي طلات فيه مطولة و رجعات عينيها فالبيسي كاتكتب و تطابي بسرعة
سارة:مغيارات غرتو مني وصافي(كادوز يدها على كريشتها)اففف كرشي طنگعات
بسمة:شحال باقيلك دابا
سارة:دخلت فالتاسع السيمانة لي فاتت افففف حكي ليا ضهري
بسمة:واتييي سيري تنعسي خليني نرگد
تقلبو على جنابهم كل وحدة كاتفكر فصاحب دعوتها سارة حاطة يدها تحت حنكها مستمتعة بضريبات ولدها فكرشها و مروة بالها مع طارق لي طير ليها النعاس اماا لالة بسمة خمراااات كاتسرح عجووول لاخرة
مر اسبوع بسرعة البرق فيه رجعات بسمة لدار راجلها بعدما تكلم معاها و اعتاذر ليخا وهي بدروها نعلات الشيطان و طلبات السماحة من راضية و الحاج احمد على التصرف لي دارت وكلو من طيشها سارة مشات لدارها كاتعول و تطمع الحوايج ديال ولدها و المهدي معاونها اما مروة ماكاينش الجديد عندها من غير طارق لي باقي فاصرارو كل مرة يلوح ليها كليمة كايمعني بانه مهتم بيها وكايبغيها
مروة:(كاتهضر معا بسمة فتيلي)را قالو لي تسحر معا البراهش يصبح فاطر جايا مصدعاانا و جالسين نقلبو ليكم على حل و نكابدو لك الهم غير شتي راجلك كلستي تعوجي عليه بحالا ماواقع واالو
بسمة:(كاتلعب بشعرها)وشنووو را راجلي حبيبي هاداك مانفوتوش
غاديين بيها لغرفة العمليات وهي عقلها غايخرج بالبكا قلبات بعينيها على المهدي مابانش ليها وزادت تزييرات عاونوها جلسات بنجوها و جا الطاقم كايستاعد للعملية
لحقات عليهم مروة ديريكت من الخدمة بعد ماعلماتها مها و حتا منانة وسناء جلسو كاملين من غير المهدي لي كايمشي و يجي
الممرضة:نتوما لي معا سارة العلالي
تگجگجو عليها كايتسناوها تهضر
الممرضة:مبروك عليكم تزاد عندها وليد حتا نطلعوها للشومبر ديالها و يمكن لكم تشوفوها
بداو يتعانقو و يهنؤوا بعضياتهم و المهدي مدعوق مامصدقش ولدو لي كان كايتسناه 9 شهور دابا غايشدو بين يديه
تسالمو و جلسو كايحمدو الله فخاطرهم و يطلبو سارة تقوم بالسلامة........... و مشا المهدي كايقاد شي اجراءات
تسناو مدة عاد رجعات عندهم الممرضة كاتخبرهم بان الزيارة ولات متاحة غير مايدخلوش كاملين
...طلعو فدروج المشفى وتزادت ليهم بسمة و ايوب لي ماقاداهم فرحة حتا هوما
دخل المهدي هو اللول لقا سارة باقة ناعسة على ضهرها و بلا مخدة و بلاصة البيبي خاوية حداها
قرب ليها و قلبو مزير عليه كايدوز يدو على راسها و حنا باسها من حبهتها ختا بانتلو الفرملية مدخلة البيبي و خديجة و سناء و راها
خديجة:(كاتقاد ليه طربوشو)ما شاء الله تبارك الله و الصلاه على النبي(هزاتو بالشوية مكايسة عليه)الحبيب ديال جداااه قول باسم الله اولدي و اذن ليه
باستو من جبهتو و مداتو للمهدي ل يديه تفافاو شدو عندو مقربو من صدرو و احساس غريب كايحس بيه
شاد ولدو بين يديه باقي لحيمة وجيهو صغيور بيبض و عويناتو مغمضين حويجبانو ان ليه كايحرك يديداتو و كايخسر سيفتو باغي يبكي و قربو لعندو كايحركو حتا سمع صويتو وهو كايبكي و يجمع عينيه سها فيه كايذكر الله فسرو و هز عينيه منين بانتلو سارة كاتفيق وخديجة كاتبوس فيها
هبط فمو حدا ودن عمران كايأذن ليه ولاخر بدا كاينقص من صوتو حتا بقا كايدير واحد الصوت رقيق
خديجة:(حشمانة)بحال هاكا كنتي سبحان الله ما شاء الله
دخلو عندها خواتاتها كايهنؤها فرحانين بالفرد الجديد سالا وقت الزيارة خرجو و خلاوها معا خديجة كاتوريها و تبدل ليها حوايجها خرجات و دخل موراها المهدي باش يودعها
خرجو سارة من السبيطار بعدما دوزات يوماين هي و ولدها
#يوم_العقيقة
الناس طالعين هابطين عند النفيسة كايباركو ليها فبيتها عند رياض لالة منانة لي اصرااات باش السبوع يكون عندها
فالصالونات العيالات جالسين بالبنادر و الزغاريت كاتسمع من فين وفين اما الرجال خصصو ليهم الليل
المهدي واقف فباب الرياض مغدد باغي يطلع يشوف ولدو و الدنيا عامرة ضروه فراسو
ايوب:(هاز الصندوق ديال الموناضا)سي الطاهر جا وراه لداخل ماغاتدخلش عندو
ايوب:واتااا باااركة من الفشوش ولدك وماكايديرش فحالك دخل را سبوع الدري لول عندك ابا شكون غايدبح انا؟
المهدي:(ضرب على راسو)نسيييت ماعاودتش سولت الياس خرج قبايلة باقي مارجعش
زاد تابعو و كايلقا فالطريق العيالات كايتلاحو يسلمو عليه و هو ماعارفهمش حتا شكون وصل لقدام باب بيتو و بكا دولدو كايتسمع حل لباب لقا خديجة هازة عمران و منانة كاتعاون سارة ترضعو
سارة:(مخسرة سيفتها)لا اااي كايضرنيييي بزاااف افففف غير خليه عطيه البيبغوون باش يسكت
لالة منانة:(كاتطبطب عليها)غيير حاااولي ا بنتي معاه الله يرضي عليك
صونا ليه التيليفون فيدو و هو واقف فالباب حطو على ودنو لقاه الياس كايعلمو بانه جاي فهونضا وهاز معاه الحولي ديال عمران
هبط باش يتعرض ليه ربطوه فالكراج ديال الدار و المهدي طلع عند مرتو و لدو يضور يضور و يتخشا فيه و يبوس فيه و سارة مهدوودة كاتشوف فيهم بعينين
لغذ ليه فالصباح واقفين فالسطح د الرياض و منانة و خديجة حامينها زغاريت طلعات سارة لابسة جوهرة بيضة و فيديها عمران مكمش عينيه من الشمس جا المهدي وقف حداها حتا غطا على ولدو الشعا قاد ليها قبها و هز الجنوي لي مدها ليه الياس وقف حدا الدراري لي شادين الحولي شاف الطاهر واقف و حشم يتقدم قدامو
المهدي:سي الطاهر تتوكل على الله
الطاهر:(كايحرك يدو)لا اولدي غير دبح نتا الله يكبرو فعزك
سما الله و ذكرو فنفسو ردد السمية و دوز الجنوي جوج خطرات و وقف مبعد على الدم لي طلى الارض
خلى الدراري كايجروه مبعدينو و زاد عند سارة هابط يبدل حوايجو
دوزو الايام اللولة فعمر عمران فرياض جداتو و ناس منانة باقين مجموعين رجعو للدار و عمران معمر عليهم
ولات عندو شهرين ملامحو زادو بانو و شعيرو طوااال كحيحل هابط ليه على عينيه رطيطب مروة تزوجات بطارق لي ماتهنا حتا ظاها ونهار لعرس دار الشوهة غير غادي و يفرنس و كملها ناض يغني ليها فوسط.القاعة"وعلاش يا غزالي وعلااش يا غزالي"الحمد لله صوتو مابيهش و الميكرو كان طافي
سي المهدي كاع داك العكس لي كان فيه تقلب حنان و حب تجاه ولدو ومرتو و الغيرة لي نهار على نهار كاتزيد ولا يضور يضور و يقوليها كانبغيك
و لالة منانة ولات تنعس مرتاحة على حفيدها اما حتا لاخرين عارفاهم قادين براسهم بلاش ماتدخل الياس حياتو كاملة غايدوزو فالبيران كي الزوفري
ومشات خبيييرتي من الواد الواد و بقيييت انا معا ولاد الجواد ❤❤❤❤❤❤
حفيد لالة منانة الجزء الخامس والأخير
محتوى القصة
التنقل بين الأجزاء