سارة:(ماداتهاش فيها معا الطلعة كاتلقا ختها لكبيرة نازلة)ساليتي
مروة:ساليت بالصحة فوقاش جيتو
سارة:عاد دخلنا هانا فبيتي شوية و دوزي ليا لبيسي
#فبيت لكلااس
بسمة:انا هاد بنتك شي نهاار غانشدها نفررسهاااا مزياااان عاد نبرد
خديجة:سكتي سكتي ونتي صوووتك كبر منك
مروة:اش كااين مالكم
بسمة:ماتسولينيش اختي كانزيد نتعصب(كاتشوف فيها كاتسناها تهضر)كلسي بعدا
مروة:(كلسات)هانا وا قولي
بسمة:مشينا للحمام بحااال الناس جات واحد الشااارفة قالت لختك حكي ليا ضهري و معااها بنااتها يا حسرة انا سكت قلت ماشي مشكيل غايكونو ماعرفوش يحكو ليها شوية قالت ليها يالاه ندخلو للبرمة هنا جاني لبرد انا كمدتها مافيا لي يجبد الصداع و المرا قد جدة مشيت نعمر السطولة فالبرمة كانلقاها مكسلة و سارة كاتحك ليها ولااات كلها كاتقطر غاتسخف لبنت و شللاات ليها و كاتعمر ليها السطووولة عمرت تاديالها بقا غير ديال الناس انا صافي ماقديتش نصبر مشيت هضرت معا بناتها نخلوووني اناااا بسسسسسمة ينخلووني وديك ختك كاالسة تغمز فيا باش نسكت نضت خرجت للبارد كون بقيت كوون درت شي جرييمة
مروة:(ببرود)الحمد لله مامشيتش كون جمعتها هيا وياها
بسمة:نتي را ماشفتيش بناتها قد لبغلات و طمعات فختي تحك ليها قد الكمشة مافيعا تاصحة تحك لراسها(تبقا تبقا و تنوض تهضر)و كاتعاااونها تلبس اوييلي على غداايدي
خديجة:(غوتات)بسسمة صااافي زدتي فيه حتا ختك ما دارت غير الاجر فالمرا ونتي قلتيها بفمك قد جداك وا سكتي باك شوية و يدخل (كاتعيط)زياااد واا زياد عيط لختك تهبط
فمكان اخر هابطة من طونوبيل عادية ملوية فواحد لكاب كايبانو غير عينيها
.....:الله الله الله الله ميمتي ميمتي ناااجية اجي ابنتي عاونيني
ناجية:بصحة لعزيزة
لالة منانة ولا كيفما كايعيطو لها العزيزة مرا دات وجابت فالزمان عندها جوج دالولاد و ساكنة فرياضها معا مرت ولدها و حفايدها ماخاصها تا خير عايشة بفلوس راجلها المرحوم
سناء:(كاتحاول تنقذ الموقف)العزييزة خلي حتال منبعد و نتكلمو
لالة منانة:(قربات ليه حطات يدها على وجهو)الله يرضي عليك اولدي بغيت نمشي عند ربي وانا مهنية عليكم
مهدي:(شد يديها حيدها من وجهو)لعزيزة واش مامهنياش عليا دابا ضاروري نجبدو سيرة الزواج
لالة منانة:(حطات يدها على قلبها)ماغانتهنا حتا نشوفك معا لي تستاهلها و تستاهلك و بولادك و بدارك عاد غانرتاح(هبطات دمعة من عينيها)عاد غاتبرد حرقة باك لي باقا فصدري
المهدي:(تزير)فنضرك زواجي هو لي غايريحك(بغات تهضر وقاطعها)مابغيييتش نتزوج العزييزة غانضلم راسي وغانضلم ديك بنت الناس
لالة منانة:(طلعات ليها القردة)المهدي انا عااارفة لي تصلاح ليك وديك البنت هي لمكتااابة ليك
المهدي:(كايضحك مفقوص)واش غاتعرفي لي تصلاح ليا حسن مني ا لحاجة نعلي الشيطان و باراكة ماتدخلي ليا فحياتي
ابراهيم:(جا كايحدرو)المهدي وزن اش كاتخرج من ففمك
لالة منانة:(شدات على قلبها)اميمتي قلبييي (تعرضات ليها سناء)هاد الولد غايسيفطني بلا وقت(بدات كادمع)فينك ا ولدي ا ونيييسي و عمااارة دااري لي كنتي تفرحني(گلسات سخفانة كاترد النفس)
المهدي:(گلس فالارض عيونو دابلين)علاش كاديري فراسك هاد لحالة وكاتخلينا بلا خاطر
لالة منانة:(كاتجرها تجلس)و تقووووول والله حتا ديري يديك معنا
جلسات خديجة بالطليب و الرغيب دوزو لعيالات ديك السويعة فاللخر كل وحدة تفرقات لقنت و منانة رجعات معا حفيدها مصصمة بنت خديديج هي عروستها ومن بعد ماطبخات ريوس الطيابات باش يتكلفو يهضرو معا خديجة
من بعد 5ايام على لقاء منانة بخديجة لي رحبات بيها و عرضات عليهم باش يتعرفو العائلات على بعضياتهم
خديجة:مراا معقوووولة والله يعممرها دار انا قلتليهم مرحبا بيكم ماغانجريش عليهم دابا
الطاهر:حتا انا ماقلت والو يا هاد المرا غير كانسول و قلتلك زربتي(هز يديه)هاد شي لي كاين
خديجة:مازربت والو المرا قصدات الحلال وماباينش عليها كاتفلا نقوليها لا
الطاهر:(حط يدو على وجهو)لا حول ولا قوة الا بالله(خرج فيها عينيه)شفتي دابا كي كاتقلبي الهضرة
خديجة:(ناضت كاتعنكر)يا لطيييف على راااجل عيط غير على بناااتك يهبطو را لغدا برد
الطاهر:(عيط عليهم و دار لعندها)قلتي للبنت بعدا شي حاجة
خديجة:(كاتحط فالطبلة)هاهيا هابطة و نهضر معاها
تجمعو على الطبلة و بدا الطاهر الهضرة بصيفتو الاب و رب الاسرة
سناء:(كاتشوف فالارض الورد و الكراطن مزلعين)الى جا المهدي و شاف هادشي ماغايعجبوش لحال
لالة منانة:(بغير اهتمام)ومااالي غانتشاور معاااه
جا الياس دار ليهم الارارة مرة مرة يهز كركاعة ولا تمرة و منانة غاتحماق معاه مارصا حتا دخل خوه عاگدهم بحال عادتو و طلع لبيتو مامعبر حد
معا وقيتة الغدا هبط مسكسف على الحالة من بعد ما
دوش و لبس عليه سروال كحل و تريكو ديال الصوف بالكول طالع و مونطو كحل رش ريحتو دار جويييلة(جيل ديال الشعر زعما)هز سوارتو و ساعتو و نزل مخنزر
لالة منانة:(حاضيةالخدامات كايقادو الحوايج فبابيي كادو حتا شافتو وبدات تدمع)غير سيدي عبد العالي منين كان صغير الله يحجبك و يسترك و يدببك اولدي نتا ولد الناس و طيب ربي ماغايخيبكش
المهدي:(باس ليها راسها)اللهم امين ا لعزيزة
جات مو تاهيا بدات تبكي هاد القوم غير كايبكيو وهو كاره تعاون هو وخوه هزو داك الباكاج للسياراتهم و مشاو منانة و سناء و بنتها معا المهدي اما الياس هاز غير داكشي لي غاديين بيه
عند العروسة جالسة مخيبة سيفتها و مروة واقفة مقندشة
بسمة:(ودن هنا ولاخرا فالشرجم)واصافي غاخليييها انا نقاااد لحبييبتي نديرلك غيير كلوووز و ماسكااارا صااافي
سارة:(كاتنيش فلباليط)ماديريش ليا داك المرض
بسمة لابسة قفيطن خفيف فالباج و شعرها بوكلي بحال ديما وقفات مقابلة معا سارة طلعات ليها شفرانها بماسكارا و خط رقييق ديال اليلاينر جبدااااتو و دارت ليها عكر كرونة فلون القفطان لي حتا هوا سااامبل
مروة:(كاتفك شعرها)طليييتو خضضر معاكم تف مالبست مازمرت(مشات كادردك لبيتها و خديجة داخلة بقات كاتشوف فيهم و تصلي على النبي حتا دمعات)الصلاه على النبي تبارك الله عليكم الشميعات ديالي غايخويو عليا وحدة بوحدة
سارة:(جات عنقاتها هي لولة على سبة)باقي ماكاين والو والله حتا ندير بناقص
خديجة:(تسيفات)اوييلي على بناااقص توگضي معايا(باستهم وحدة بوحدة)تبارك الله عليكم الله يحجبكم من العين يالاه هبطو قدامي الناس قربو يدخلو هبطو مجموعين و لحقات عليهم مروة بجابادور خزي خفييف جاها معا طولتها و شعرها بوكلي من لتحت
#فلوطو
المهدي:(حابس كايتسنا عيشة صاحبة منانة)وااا لعزييزة وا شهاد الخدمة تعطلنا على الناس
بسمة:(خيبات سيفتها)بدينا من دابا(ضحكات)من ليوم الشيبانية لي بانت ليا فلحمام غانحك ليها
سارة:الله يمسخك(مدات يديعا)اري ليا الصينية
بسمة:واتي سيري بحالك ماما سيفطاتك غير هكك(زادت وخلاتها)سيري سيري
سارة بقات حايرا الامر عادي ولكن هي جاتها حشومة وخافت يدي عليها نضرة فشكل
سارة:(هزات بلاطو ديال الما)لي ليها ليييها
زادت فالكولوار الصالة فالدخلة ديال الدار قريبة للدروج كاتسمع لهضرة ديال باها و صوت فشكل ماعرفاتش كيفاش توصفو هبطات عينيها لقات جوج صبابط كبار ماعرت اش قاليها عقلها خشات رجليها فواحد فيهم كاتشوف الفرق نعلات الشيطان و وقفات كاتعيط
سارة:(الكيسان كايتقرقبو وصوت لي غاتعيط بيها مشاا)بابا باابا
صوتها ولا بحال الدجاة المذبوحة ولكن ناس اخرين سمعوه فشكل
المهدي:(كايتكلم معا باها)عندك لحق الحاج هاد لوقيتة باش دير بلاصاتك فسوق الشغل صعيب(كايسمع صوت ماعرفش منين جاي ولكن شي حاجة قالتليه هادي علاش جايين)تمااما(كايحك لحيتو)لحاج شي حد كايعيط لك
الطاهر:(كايضحك)ماسمعتهااش زيدي ا سارة بنتي
سارة:(واقفة مور الباب)اوييلي على نزيييد(عاودات عيطات)بابا اجي تكلم
الطاهر:(ناض)سمحولي واحد الدقيقة(خرج لعندها شد من عندها لبلاطو عاد رتاحت)الله يرضي عليك
سارة:(حشمانة)دخل هادا وتلقا الصينية
الطاهر:(دخل حط لبلاطو)واخا الله يرضي عليك ابنيتي
مشات جوج مرات جابت الصينية ديال اتاي و عاد طبسيل د لحلوة
سارة:(مدات لباها الطبسيل وبان وجهها غير لالياس لي كان مقابل معا الباب)هاك بالصحة
الطاهر:(شد الطبسيل)الله يعطيك الصحة هه(كايكب اتاي)مرحبا مدو يديكم(معا الياس)كول اولدي
الطاهر:(كاينغز فيه زياد حتا حنا عندو)نعام ابابا هز لي بغييتي اولدي
كملو هضرتهم و دازو للمعقول لالة منانة تهضر من جهة والمهدي من جهة والرد فالخير كان هو الترحيب و القرار كايرجع للعروس اصرت خديجة انها تحبسهم للغدا وهاد المرة الطاهر مشا حتا للكوزينة يجيب الطبسيل الراسو
الياس:(زاد عند خوه)من قبايلة وانا نشير لك اصاااحبي غير شووف فينا
المهدي:(من تحت سنانو)اش بغيتي الدري معانا
الياس:البرهوش اش غايعرف(ضرب على يدو)شتي الى كانت لي شفتها هي مرتك راااك نتا لي مجوج اخااااي ماكانتش هي يدوز عرسك نجي نسكن هناااا بالله
عيشة واقفة كاتعاون فالمواعن هاكا الجيران فالمدينة القديمة بااقين مترابطين وعار الجار على جارو و خديجة كاتغسل الطناجر و البنات كل وحدة فصالة و سارة كاتشطب و تنفض
خديجة:(كاتحك وتهضر)لاا ناااس ديااال لخير تبارك الله الله يعمرها دار الدري شفتو غير فالباب سلم عليا ودخل الظاهر عليه مصواب
عيشة:لااااا مصواااب شهوة منووو ماتختاري فالرجال غير هو سارة غا درويشة و نية وربي مايلاقيهاش معا ولاد الحرام
خديجة:(كاتهز كمامها)قالتليا باه مات وخلاه باقي صغير هو وخوتو
سارة مع الدخلة داكشي لي سمعات وطلقات ودنيها
عيشة:ااه ولد منانة الكبير عبد العالي مات بكسيدة قياس الخير هادي كثر من 15 لعام واقيلة وباقين مفكرينو مسكين بحالة يالاه لبارح والا منانة و المهدي باقين محروقين من جيهتو
خديجة:(بتأسف)مسكييين الله يرحمو صعيييبة الكبدة
سارة مافاهما والو شدات غا السمية وطارت عند خواتاها
د.المراني:مرحبا سي الغزواني جيتي بلا موعد ديال الحصة ياك لاباس
المهدي:(بارتباك)والو باس ا دكتورة غير بغيت نستاشر معاك
د.المراني:مرحبا
المهدي:هاد الايام كانوجد للخطبة ديالي كلشي جا على غفلة ماكنتش داير الحساب لهاد التطورات نتي عارفة حالتي كيف دايرا واش ماغاتدهورش(زهقات ليه)احم كح كح(مدات ليه الما)شكرا (كمل) حيت مدة وانا متبع التريطمون واش ماغانضربش كلشي فالزيرو ولا تخرج شي اعراض من الجنب
د.المراني:(مبتاسمة)غير بالشوية عليك و ماتاخدش الامر بهاد الحساسية المفرطة نتا ا سي المهدي ماعندكش مرض نفسي مستعصي الاضطراب لي عندك نتيجة ديال تراكمات احداث اترات عليك و نتيجة الاحباط والرفض لي كنتي كاتتعرضلو من طرف الاخر فقط و اضطراب الشخصية الانعزالية لي عندك كاتفضل تبقا بوحدك ولا كايتلزم عليك تبقا بوحدك حيت كاتنعادم عندك القدرة على التفاعل مع الاخرين والى حاولتي و تلقيتي الرفض كرد تما كايتفاقم و الحمد لله نتا عرفتي حالتك فوقت مبكر و قدرنا نسيطرو عليها من جهة اخرا كيفما قلتلك فبداية العلاج بعد الامراض النفسية كانتشافاو منها بمواجهتها عطي لراسك فرصة انك تندامج مع المحيط ديالك و احسن فرصة هي لي جاتك دابا استغلها و نسا الوضع ديالك لواحد الفترة
المهدي:(بارتياح)نحاول ان شاء الله(وقف كايحييها)شكرا بزاف ا دكتورة طمأنتيني
د.المراني:(وقفات كاتسلم عليه)هذا واجبي كانتمنى لك التوفيق فهاد الخطوة(بمزح)غير هي را لا مجال فيها للتراجع
المهدي:(ودعها بابتسامة)نهارك مبروك
جوايه 7 دلعشية دخل للرياض لقا الدنيا مقلووبة الخدامات غاديين جايين تنهد وطلع لغرفتو فالطريق تلاقا مو
المهدي:(كايحرك يديه) انا فبيتي واحد الساعة وفيقوني
سناء:واعنداك نتعطلو على الناس
المهدي:(كاينفخ)ماغانتعطلوووش
عند سارة لي عكس المهدي تماااما بنت برييئة وكل احلامها انها تلقى لي يبغيها و يقدرها و تعيش معاه هانية و تكون اسرة سعيدة
سارة:غير بغيت نقاد راسي شوية صافي الى مابغيتيش نصايب راسي
مروة:تسناااي انا نقاد لراسي ونصايبليك
عند المهدي لي فاق عاود دوش عليه نشف شعرو لبس لباسو عاادي رش ريحتو و نزل عندهم
سناء:(ضارت عندو)هاهوا جاااا عيط اولدي لعمك
المهدي:(هز تيليفونو)اش غاتقولوليه
سناء:را غايحضر حتا هو معانا عيط ليه تهضر معاه جداك باش مايتعطلش و يجي لهنا هو اللول عاد نمشيو مجموعين
المهدي:(حط تيلي على ودنو)االوالعموم....وي...خرجتي من الدار....اووكي صافي(قطع عليه كايضور تيلي فيدو)هاهوا جاي(شاف جيهة جداتو)نتوما واجدين
لالة منانة:(كاتطمنو بيديها)وااجدين واجدين خصنا غير ختك تسالي و عمك يجي
لالة منانة:اييه ماجاتش تمشيو بلا بيه اولا عمك فمقام باك الله يرحمو
المهدي:(تنهد)الله يرحمو
#فلاااااش_باااك⏩⏩
نزل من سيارتو لي ركنها امام باب الروضة استقبلو الحارس فلباب لي ولا كايعرفو بكثر ماكايجي
الحارس:(جا يسلم عليه)سي المهدي كيف الحال
المهدي:(ابتاسم ليه)الحمد لله كيبقيتي من الكحبة
الحارس:نجمعو كلشي ونحمدو الله
المهدي:الحمد لله
تمشا و وقف فراس قبر مكتوب عليه اية قرانية و تاريخ الدفن و سمية"المرحوم عبد العالي الغزواني" هز يدو كايقرا ماتيسر من القران و قرد حدا راس لقبر كايدوز يدو على التراب من بعد مدة ناض كاينفض يديه و يسوس حوايجو و رجع لشغالو
#عووودة_للواقع
حبسات اللوطو ديال ابراهيم و نزل هو ومرتو لي مصبغة وجهها بحالا غادا لحفلة الهالوين دخلو وهي قابطة فيه
ابراهيم:(هز يدو كايسلم)السلام عليكم
لالة منانة:(كاتشوف فزكية مرت ابراهيم)على السلامة ماتعطلتوش(هزات صاكها)يالاه نتوكلو على الله
المهدي:(كايشوف فالياس)بلاش ماتدي حتا ديالك
الياس:زييد ا سيدي
ركبو العائلة منانة مشات معا ولدها هي و سكينة و المهدي معاه الياس و مو ماجاو يوصلو حتا كانو لبنات لابسين ومقادين ومهم كادير اللمسات الاخيرة
خديجة:(كاتعمر اتاي)الطاهر مازربناش
الطاهر:(حط يدو على راسو)هاهي غاتبدا عاوتاني
خديجة:وا صافي ديني على قد عقلي انا غير مشطونة على مستقبل بنتي
الطاهر:(شد فيديها)ماتشطني ماتخافي مدبرها حكيم بنتك نتي عافاها رزينة و متبتة ماغاتلقاش مشاكيل فحياتها ان شاء الله
خديجة:(تنهدات)على الله(طفات على اتاي لي فاض)سير جلس وشد عليا زياد را ضرني فراااسي هاد النهااار وتقووول واش بغا يتبت غا كاينقز
دخلو لبنات متابعين اما واحد سارة قربات تدوب وعينين الكل عليها والياس كايشير للمهدي كايقولو هادي لي شفت و هو متمر زعما ماهواش هنا
لالة منانة:(فرنسات)مرحباااا بالبلاارة ديالي(دارت ليها بلاصة بينها وبين خديجة)اجي الحبيبة اجي
جلسات سارة وحوار دابر بين خديجة ومروة غير بالعينين كاتقوليها فين الصينية
خديجة:هههه نوضو ا لبنات جيبو الصينية
ناضو مزروبين داكشي لي كان خاصهم و سارة بقات حدا منانة كاتقطر عليها الكلمات
كلاو الحلوة(🍩🍪 هادي يعني) و شربو اتاي و جا وقت المعقول
ابراهيم:(كايهضر بصوت مرتفع)ايوا ا سيادنا ندوزو للسبب لي جابنا(شاف فالطاهر)سي الطاهر كرمتينا الله يكبر بيك(حط يدو على كتف المهدي)المهدي فمثابة ولدي و هو الامانة لي خلى ليا المرحوم عو و خوتو ماغانشكروش قدامك و ليوم جينا طالبين راغبين(ضحك)ههه فيد.بنتكم الانسة..
الطاهر:سارة
ابراهيم:الانسة سارة لولدنا المهدي على سنة الله و رسوله
سارة غرقات فكلمات ابراهيم ولات كاتسمع الصووت غاااارق "صافي غاتزوج" "المهدي راجل مزيان؟" "غانخاي دارنا بهاد السرعة" ماوكضها غير صوت باها لي كايتسنا اجابتها
الطاهر:بنتي سارة كانتسناوك تقولي قرارك
سارة بغات تحط كاع داكشي لي كلات لسانها مابغاش ينطق تعكد و جاب ليها الله كاع الدم لي فجسدها طلع لوجهها حركات راسها بالموافقة وعلى اثر هاد الحركة بتاسمات خديجة و منانة
ابراهيم:ايوا الله يجعل كلشي مبارك و مسعود نقراو الفاتحة
هزو يديهم المهدي حتا هو رتل الايات فنفسو و عقلو غايب كايحاول يقنع راسو يعيش اللحظة ومايفكرش فالعواقب
تحط العشا كلاو الناس و شربو و قلبوها هضرة و جمامع عاود حتا تكلم ابراهيم
سارة هبطات راسها و الرجلين لي غاتوقف عليهم مشللين ناضت و تبعها المهدي غير كاينخف واحد اللحظة ناضت حتا بسمة تابعاهم عاد جراتها ختها و الكل كايشوف فيها و يضحك فنفسو الى داك المعفوج ريال الياس كاع الضحك لي كان جامعو طلقو و حتا هي ضربات فيه تخنزيرة ديال الغدايد
عند عصافير الحب ديالنا لي كل واحد مدعوق كثر من التاني
المهدي:(واقف فالكولوار)ا انسة
سارة:(كاطلع عينيها و تنزلهم)هممم
المهدي:(جاتو بحالا ماحاملاهش ولا مامعبراهش دار بناقص)الحمام فين
سارة فهماتو مشات طايرا جابت صندالتها وحطاتها قدامو وهو بقا غير كايشوف فين غايتخشاو رجليه والصندالا ماقاداش حتا نصهم
المهدي:(تحرج)احم شي وحدة ديال باباك
مشات كاتعفط فحوايجا و جابت صابو دباباها حطاتو قدامو دخل وهي بقات فالباب
سارة:(كاتنش على وجهها و تغبن)اوييلي على مكلللخة عاطياه صندالتك ا لكانبونة هو غايلبس 37 اوييلي اوييلي(كاتندب)
المهدي خرج لقاها فوجهو بحال قباض الروح بقاو شوفيا نشوفيك ا طاجين لحوت حتا زاد قدامها للصالة فين مجموعين وهي مافهمات والو ياك قالو غايهضرو
ابراهيم:(جلس المهدي حداه)الشرفة الله يكبر بيكم و يكثر خيركم من اليوم ولينا عائلة وحدة سارة بنتنا و المهدي ولدكم الله يحييهم حياة طيبة معا بعضياتهم و يجعل ليهم الدرية الحسنة
طلعات سارة سارحة عاوتاني اي حاحة متعلقة بداك السيد ولات كاتوترها ماتنكرش عجبها لبارح من طريقة كلستو و كيكايلعب بتيليفونو مرة مرة كان كايشوف جيهتها ولا غير جاب ليها الله المهم كاتقول فبالها الى ماكانش هادا لي مكتابلي شكون غايكون وصلات لبيتها مضهشرة يالاه دهلات هزات تيليفونها دخلات النمرة وكتبات المهدي
سارة من النوع الى قلتي ليها هادي ديالك كاتعلق بيها و كاتبني احلام و بالاخص نهار قالوليها غاتتخطبي حيت معمرها ارتابطات ولا حتا بغات كلشي كاتحسو اول مرة و مستمتعة بيه
مالقييت مااانقووول🙂🙂🙂🙂🙂🙂
بسمة:(دخلات مزروبة وسدات لباب)والله يا مك وماعاوظتي ليا لاخرجتي من هنا
سارة:(تقلبات على جنبها كاتشوف فيها)اش بغيتيني نقولك
بسمة:(عينيها كايلمعو)كلشيي مني خرجتو اش قلتو كيجاك هادي مانحتاجش نسول ونتي ال وقت كامل ونتي تفرنسي
سارة:(خرجات عينيها)انااااا
بسمة:صافي دابا قوليليا
سارة:(بتذمر)ماعندي مانقولك ابسمة ماقلنا والو
بسمة:ياه على زمرة كيدايرا
سارة:والله حتا كاندوي معاك.بالصح(بسمة قلشات ودنيها)ماقلتا والو خرجنا بقينا ساااكتين قاليا فين الحمام دخل و خرج ورجعنا عندكم
بسمة:وااالو وااالو
سارة:وااالو والو(تنهدات)كايبان ليا هادشي مامسلكش هو ماكايكملش فيا الشوفة بحالا واكلة ليه الورت(جلسات مربعة)غايكونو مبززين عليه ياك
بسمة:اش هاد الافكار كايجيوك(بمزح)الدري كان محصور مشا يبول اش فيها باقي الوقت فين تهضرووو
دوزو نهارهم فشغال الدار حتا طاحو نعسو نور العصر كلهم مهدودين اما لالة منانة منين وصلات لدارها وهي طابخة ليهم راسهم شنو نديو نديرو العرس ولا لا والعقد بين الحباب ولا عند العدول و المهدي ماكايقول لا ايه لا لا تقول انا لي غانتزوج ماشي هو
سارة:(ناضت كاتلبس بانطوفتها)بابا دابا و يدخل انا غانهبط
هبطات لعند مها لي لقاتها كاتخاصم على خوها جلسات حداهم و لحقات عليها بسمة حتا دخل باهم وتحمعو على كاسكروط و باهم كايجمع معاهم
سارة رجعات للور هازا تيليفونها لقاتو كتب عاوتاني ولات حمرة وهزات عينيها فبسمة كاتقوليها بعينيها راه جاوب
-نقدر نعرف شكون معايا
كان هادا سؤالو بقات تكتب و تمسح فللخر كتبات ليه
-سارة
فالجهة الثانية كان مهدي جالس فشقتو بوحدو تعشا و دوش و مليوح فبلاصتو كايقرا السمية و يعاود حتا للبروفيل و لقا تصويرتها و سها لمدة صونا تيليفونو هضر غير مو كاتسولو اسئلتها الروتينية نسا امر سارة و نعس فبلاصتو اما هي را غاتمووت مني ماجاوبهاش ضرها راسها وهي كاتفكر قربات تبكي بالشمتة اعتاذرات ليهم باش طلع تنعس
قصة حفيد لالة منانة
محتوى القصة
التنقل بين الأجزاء