فاقت اول حاجة دارت هي هزات تليفونهااااا لقااات طلب لصيفطاتو لصااحبو تقبل ..
.ناضت قافزة ناشطة عندها امل انه يصيفط ليها طلب كتمنى ذلك فعلا ...
بدلات عليها بفرحة و نشاااط و نفسيتها مزيااانة فطراات و و اتجااهات ليسي و كلها حماااس و بالاحرى ممسوقااش ... كتشوف كلشي واقف كيترعد بالخلعة مدهشرين و خايفين من الامتحاان الا هي دايرها فيد الله و مامسوقاش ....
خرحاات من الامتحااان و فمهااا راسم اجمل ابسااامة ضااحكة فرحاانة حيت و اخيرااااا سالات امتحاناتها و راضية على ادائها
لكن فرحتها مكملاتش ....نهااار كلو و هي كتستنى اشعار بطلب صدااقة منو لكن للاسف ماصيفطش ...
نهار و هي داخلة خاارجة تطلل و كلهاا امل تلقى اشعااار منووو لكن لا ... طااح عليها الضيم و ديك الابتسااامة الفاتنة لكانت منورة وجهها تمحاااات و حل مكاانها العبوووس و دوك اللحضاات الجميلة القليلة لعااشتهم و تخايلات يكون حتى هو مهتم بيهااااا ..حساات براسها كانت غي كتوهم و كتخااايل ...
تاففات و تكااات على نااموسيتهاااا و شعرهاااا المموج مرمي حولهاا و يديها مشابكااهم فوق كرشهااا كتشوف فالسقف و تخمم ... عينها لكانو فالصبااااح كيلمعو بالفرج دابا كيبريو بالحززن ... و الاحبااااط فقط ... موالفة بنظرات الشباب و الاعجبااب و موالفة دايما محط الاهتماااام و كانت متوقعة المثل مع سفيااان .. ماشي حيت كتبغيه و لا كتسطى عليه .. كيعجبهاااا اه ..و لكن توصل لدرجة الحب بهاذ السرعة لا .. لي حاسة بيه انه عجبهااااا و السلام و اذا عجبهاااا خصو يكون ليهاااا باي طريقة .. تفكريها اناني ...
بقااات ليلة كااملة تقريبا و تفكريها فيه فين ماتغمض عينيها كيجي لبالهااا بوقفتو و شوفاااتو و صوتو و صدرو العريض و سنسلة د نقرى لدايرهااا فعنقوو ...غي تفكراات السنسلة و هي تفتح عينها الكحلين على الجهد ... و جلسااات فوسط الظلام بحال موكة مكوانسية ..و ذاكرتها كتعود لكلام احد صديقتهاااا فاحد الاياام ..
سندس : اصلا الغزالة الولد ملي كيكون داير سنسلة فعنقو احتماااااااال كبير يكون مصاااحب ... و عن تجربة و زيد واحد الولد اكدها ليا ..
رجعاات من تفكرهااااا كتغدد : لا مايمكنشي اذا كان مصاحب ميبقاشي يشوف فيا هيداااك ..اه اه ممصاحبشي .. رجعات تفكراات كلام سلسبيل ملي قالت ليهاا حتى شي شخص مكامل مكمول و يقدر يكون بو بنااات ...
ساااطت بمللل و جمعاات شعرهااا كتغدد اذا زاادت ساعة اخرى فالتفكير فيه غتسطى اللهم تنعس و ترتاح من التفكيررررر
و ماما ماما .....كدق فالباب كتنهج لابسة كسوة حمرااء و مزينة بزينة العرووس محبوسة في بيت كدق فااباب كتبكي و تنفسها بشوية بشوية كيضيق حتى فقدااات امل انه يفتح ليها شي حد الباب و كانت غتستسلم ماهي الا بضع دقايق و تفتح ااباب ..شافت وجه مألوف ليها فالاخير عااد وضاخت رؤيتها و اتضح انه سفياان لفتح ااباب لابس اابيض بحال لكيلبسو الرجال ملي كيكونو فالحج هاز فيديه ارببعة د بيبي صغااار ملوين بايزاار بيض كل جوج فيد كيبكييو و راسهم مافيهم حتى شعرة يلاه مدات يديها لواحد فيهمم تهزو هو يطيح و على اثرها ناضت طافجة كتنهج مخلوووعة ...
و جبهتها فازكة شوية بالعرق قلبها كيضرب و رجليهاااا فاشلين بقات مدة حتى تهدنااات ؛و ناضت مرخية و لحمها مدكدك بحال الى مقطع فيها اللحم و خاسرة ماعندها كانة مكلفاتش راسها حتى تطل على تليفونها كعادتهااا طيلللة الاشهر لفاتو ......
كان الرعد و الشتااااء و جو ضبابي رمااادي بامتياااز و شحال كتحماق هي على هاذ الجووو لكن ماهتماتش بالها مشغول مع الحلمة لحلماتها و صورة سفياان و البيبي لطاااح راسخة فباالها .. معرفاااتش شنو مور هاذ الحلمة
سفياااان لطيلة هاذ الاشهر مرة مرة كيجي لبااالها و كل صبااااح كتفتح للفايس كتطل واش حانت منو شي التفاتة ليها و صرد ليها طلب صداقة، لكن كل مرة كتسد الفايس و ملامح الاحباااط على وجهها .... كتااافات ترااقبو من بعيد فقط خلف الشاشة.. تراقب منشوراتو و تصاااور لكينشر من خلالهم اكتشافات عليه شي حوايح قليلة اه ، لكن بالنسبة ليهااا كانووو بزااف ... عرفات انه كيحماااق على الشعر و الكتب من خلال منشوراااتو لكيحط على شعر نزار القباااني.. حتى انه مرة مرة كيحط خوااطر و قصاائد بقلمو هو ... و حتى انه من عشاااق الخيووول و الكلاب ...
عندو كلب مربيه مسميهescarr
بدون هواااها حتى هي رجعااات كتميل للكلاب بعد ماكانت كتخااف منهم ..... خلاصة تيقنااات انه من عشاااق البساااطة من صورو العفوية و غالبااا مكيكونو فالطبيعة صور عفوية بدون تصنعععع ...
خرجااات من بيتهااا لابسة عليها و الوجهة كانت الليسي ...الجيد فالامر ان دراستهااا مكتهملهاش بعد النقطة الجيدة لجابتها فالجهوي ماشي كسلاتها بالعكس زادت حفزاتها تعطي كثااار تجيب نقطة كتشرف فالوطني ...
يلاه غاذي تخرج من الباب و هي توقفها رشيدة : سمر هاذي نتينا خارحة ؟
سمر : اه اماما هاذي غي انا ماشية لليسي
رشيدة : ماشى بلا فطور عاااود !!!!
تجاهلاتها سمر و خرحاات لحال سبيلهااا ماراشقاش ليها هاذ الصباااح و ماعندهاااش الكانة لشي فطووور صابحة مريضة الكلام بزز كتخرجو....
حصة كاملة و بالها مع الحلمة مكرهاتش لو كانت كتعرف تفسر الاحلام و تفهم السر موراها ...
خرجااات من الليسي شاااردة و سااهية عااادة ملي كتفيق من شي حلم كتفيق ناااسية اغلب احذاااثو لكن هذا لا!! باقية مفكرة بادق تفاااصيلوووو .......
رجعات للدار بدلات عليهاااا ...كانت ليلى و خالتها زينب و جداتهاااا مجموعين كيهدرو جلسااات قدام مامها متكية راسها على كتافيا .. شافتها رشيدة هزاات يديها قاستهااا فجبهتها لقااات سخووونة بزاااف
رشيدة بقلق: الله يابنتي سخونة طااايبة ...
ليلى: هي مرضة ديالها معروفة ملي كتمرض كتطيح فالفراش سيمااانة.. ...
سمر غي كتسمع و سااكتة ...
رشيدة موجهة هدرتها ليلى : غذا دايرين صدقة فدار جدك فمرتيل العائلة كاملة مجموعة و ماجبرات فوقاش تمرض غي دابا ...
زينب : عطيهااا اشرب الدوااء من هنا لغذا تصبح مزيانة ان شاء الله شافت فليلى بتساؤل: نتينا ماشى اليلى ؟؟
ليلى : ضروري اخالتو نمشي جدي هذاك نشوف شنو حاب لي من الحج ....
زينب كضحك : عفريتة همك غي فشنو حابلك
ليلى : و شنو الصراحة هي هاذي اولا؟
رشبدة : سعد قال غيجيو حتى عائلة نسرين..
زينب : مزيان ولاهيلا حسن شحال من مرة قلت ليك نعرضوهم شي مرة والو واش كتسمعني ... حتى هاذي فرصة زوينة رشيدة : وييه مزيانة ...
سمر المرض و العياء و مع ذلك غي سمعااات عائلة نسرين جاية ديريكت جاا لبالها سفيااان ...
نطقاات بصوت عيااان: غيجيو كاملين بيهم ؟؟
رشيدة : منعرف ... وقيلة كاملين حيت هو اصلا بغى يصلح العلاقة مع صااحبو داك خااها الكبير اسمو كيتنسى لي ياربي نقزاات سمر : اسمو سفيااان
ميقاات فيها ليلى: و باقي عاقلة على اسمو ماعندي مايتساليك عوجااات عليها فمهاااا و مجاوبتهاش
نغزاتها رشدية من كتاافها : نوض اسمر الله يرضى عليك ندوش ليك و تصحح و تشرب دواء و نعس تصبح مزياااانة ... سمر برفض : لا مادوشليشي اماما ندوش بوحدي...
ليلى : صافي. بعدو منهااا معقدة الاخرى كي عاملة خنزرات فيها سمر : شوف غي كمارتك كيفاش عااملة ..مالي كيفاش جيتك الشاارفة غي ولدتي و نتينا تشرف ...
ليلى مارضاتش و تمات نايضة ليهاا شداتها زينب : ياسمر يابنتي شحال خصني من مرة نحااامي عليك شحااال واش ديك اللسان عندك مكيهداااشي. لكنتي مريضة لا صحيحة العففوو العفووو
سمر بتبرير: وهي لكتبداااني اصلا تمشي. عند راجل ديالى علاش جالسة معاناا يخخخ لصقة.... رشيدة شداات سمر من شعرهااا كتجررج فيعا: ياسمر و تزيد هدرة اخر.رى من ديك الفم حتى نحك ليك سودااانية واش مكتحكمشي فلسااانك نتينااا غي جيتيني مريضة و عارفاك ملي. كتمرض كترجع خصك غي ليجبدك اما نكركب حسك مع الدروووج .....
دفعاتها : زيد قدامي للدوش نودشليك و نسمع تعنزيز ديالك نتفاهم معاك
سمر بعصبية : واش باقي صغيرة اماما باش تبقى تعملي هيدااااا ياكما سخابليك انا نرجس ..
ليلى : نرجس و عندى العقل عليك البرهوشة....
صباااح مميز بعطر شتوي ..... فصل من الاحسن الفصوول ... فصل الشتاااء ...
فتحاات عويناتها على صوت الرعد لدااخل من سرجم غرفتهااا الخاصة عويناتها حمرينن بالسخااانة و راسها كيطرطق و مع ذلك مكااابرة ...ناضت بصعوبة...
دخلات عليها رشيدة: كيف صبختي مشااات السخااانة؟؟
سمر خركات. راسها بالايجاب: اه مابقاتشي غنوض ندوش من العرق..
رشبدة : وخا دوش و لبسس و هبط تفطر باش نمشيو ...
سمر حسااات بفرحة داخلهااا : وخاااا ... مشااات بسرعة للدوش و تختافي من تخت نظرات امها عندها تعيق بيها باقي مريضة و تخليها فالداررر و تضيع فرصة تلاقى مع سفيااااان ... دوشااات و نشفااااات شعرهااا بصعووووبة دوزااات معاها ساااعات و يديهااا عيااااو .... زرباات دغيا ملي سمعاات غواتها امهااا كتعلمهااا تزرب و انها تعطلات ...
لبسات سروال دجبنز مزير مع تريكو شتيوة بيضة طويلة شوية مغطية المؤخرة ....دهناات شعرهاااا و دارت بونضو فالموووف و زاادت عليهااا جييكيط موووف نع مو بووط قصيير ....وخا المرض و بزز باش واقفة الا و ضروري تكون على احسن حااال
الانتضااار شلل مؤقت في عقارب الساااعه ....
واقفة فراااس الدرووج فالطبقة الثانية دايرة يديها على حنكهاااا و كل شوية تطلل عسى تسمع حسهم و شكون من غيرهم عائلة سفياااان ....
ملي وصلو و هي جالسة على الشوووك كل شوية تطلل على امل يكونو وصلووو حاولات ماامكن تخبي شوقهاااا و اللهفة لكن عينيها فاضحينهاااا وخا المرض و العياء كان الشوق متغلب على كل شعووور اخر تساارعااات دقااااات قلبهااا اكثر ملي سمعااات اصواات رجالية التحت ...
صوت خوها ياسين مع صوت اخر ... !!! صوتو هو ، صوت سفيااان ، صوتو المميز بالنسبة ليهاااا جوهري رجوولي للغاية لكن هاذ المرة صوتو كان مصحووب مع بعض الكحة و مبحوح نوعا ما ... من خلال يقدر اي وااحد يستنتج انه مريض .. قلبهاااا زاد تسااارعو نضبااتو ...
تمتمات: ياسبحااان الله بجوج بينااا صبحناااا مراااضين ... هيي على صدفة شحاال مزيونة ..
احياانا كنفرحو ملي كنلقاااو بعض الاشياء المشتركة مع شخص ممميز فحياااتناا .. كتفرحي ملي كتلقاي صدفة انه لابس نفس اللون للابس هو او نفس الاشيااء لكتبيغها نتي كيبغيهااا هو!! لكن باش تفرحي لانك مريضة غي حيت حتى هو مريض !! هذااا نوع اخخر من الحماااق
صوت مرات خالها نسرين هو لفيقهاااا : سمر واش جاااو ؟؟ ضارت سمر شافت فيهااا و ابتااسمات : اه وقيلة هوماااا جاااو ضحكااات نسرين بسعااادة و هبطااات كتجري تلاقااهم و شحااال توشحتهم و تواحشاات جمعتهم...
طول الحديث و سفيااان غي جالس فاتح رجليه برجولية .... . اما سمر مسكينة لماقدرااتش تدخل حاولات تزعم راسهااا لكن التوتر لعب عليهاااا مزيااان بلا دقات قلبهااا لخافت يفرشوهاااا ...شافتهااا بشرى بينت خالتهاا واقفة فالباب كتسمع فقط: سمورة مالك ؟؟
شهقااات شهقة خفيفة خافثة و شافت فيها: خلعتيني حشومة عليك
بشرى بحيرة: بسم الله عليك .. دخلتي و لا هاارجة؟؟ جاو بعدى ياك؟
سمر بتلفة: ماداخلة ماخارجة غي واقفة ....ضربااات راسها بخفة تحت نظرات بشرى المستفهة: اذا درتي عقلك فيااا بقيتي هناااا دخوول دخول اذا بغيتي دخل راه جااو قبيلة
بشرى ميلات شفيافها باستفهام: سمر مالك تالفة عاذ الصبااح ؟؟
سمر شداات عينبعاا و فتحاتهم و ساااطت : عرفتي شنو يلاه ندخلو انا و ياااك حشمتتت
بشرى لغرور: مم اوى هيداااك زيد الحشومية
تقدمات بشرى موراها سمر بخطوات مترردة و يديها كيلعب بكم تريكو ديالهااا حركة لا ارادية ....
تجنبااات انهااا تشوف لجهتو عن عمد و عن قصد تفاادي انها تصتادم مع عينيه الاسرة ..
سلمااات على سامية و يسرى و جدات نسرين لكانت امراة كبيرة فالعمر شوية لكن من الشوفة تعطيك الخبااار انهاااا حااااارة حتى فات الجهد .. كطلع و تهبط فيهاااا حتى وثراتهاااا ... فداااخلهاااا صراااع واش تسلم عليه هو و لا لاء شنو فيهاااا اذا جلسااات بلا ماتسلم عليه عااادي !! ...
و لكن شنو غيقول فعقلو اذا ماسلماتش عليه باش غيحس !! خلاتها فيد الله و جلسااات بلا ماتعيرو اي اهتمااام حتى أنهااا ماشافتش حتى لجيهتو هو لكان كيشوف فيهااا بحيرة ملي دخلات شاف شوفة وحدة و ابتسم و حنى عيينه احترااما لعائلتهاااا و انه فدااارهم ... لكن تصرفهاااا انها تجاااهل وجودو خلاه حااير ...
جدة نسرين رقية شافت فسمر : اش سمااك الله ؟؟
سمر باستفهام بحيت جالسة قداام بشرى : انا؟؟
رقية : اه نتي ...
سمر ابتااسمات : اسمي سمر الحاجة ....
رقية شافت فيهااا مطولا و خنزرات: اوى يابنت الخير داك المخلووء لجااس لهيه مابانش ليك و لا؟؟
سمر ضحكاات بخجل و توتر و خدودهاا حمااارو اكثر و شافت فسفيااان لكان كيشوف فيااا و خاضي تعابير وجهااا سمر بصوت رقيق بزااف و ملحن : ماشفتوشي الحاجة
عضاات لسااانهاااا كذبة غير قابلة للتصديق ..ضخم الجتةة بحال هذاااك و ماشافتوش حتى لو كان الاعور بعين واحدة و يرد ليه البااال ...
سامية كتلطف الجو : خالتي حشمتي البنت ..غتكون غي ماشافتوش و صاافي ماوقع والو ...
رقية خنرات فيهااا ماهمها حتى حد و رفعاات صوتها: واش داك طولة قد السخط تباارك الله و متشوفوش ... بنت صغيرة و عزبة تشوف المكحلة فالظلام ماشي عجوزة هارفة باش ماتردش ليه البال ....
سفيااان شااف فسمر لحانية راسهااا ندماتهااااا علاش دخلات اصلا تكلم و اخيرا : الحاجة ...شاف فيهاا و غمض عينه و فتحهم : شدي الموضوع ماوقع والو الغلط بحال هذا كيوقع ... رشيدة بتبرير: لاولدي غي السخاانة دوخااتها مسكينة صبحاات مريضة ماكانتش فنيهااا تجاااهل ليك ..
سفيااان شاف فسمر لكانت كتشوف فيه بنض عين : الله يشاافيهااا ..
سامية كتبدل الموضوع : الله يشاافيهااا بنتك مشااء الله عليها اختي مسرارة و كتدخل للخااطر ...
بعد مدة استاذن ياسين و سفيااان مخليين العيالات بوحدهم واخديين راحتهم
نجوى كتهمس لبشرى: شفتي شحال عاجبها راسها و هاهيا حشماتى ديك الشاارفة قدااام الراااجل عبرااات عليهااا ... ضحكاات بشرى و ضرباتها بمرفقها: سكوت الموضيبة من قبيلة و انا حابسة الضاحكة و حشمت نطلقى قدامهم ...
من الجهة الاخرى ليلى كتوبخ سمر بهمس : واش نتينا حمقة ... علاش ماسلمتيش على الراجل ؟؟
سمر مكمشة فمهااا باقية مابردات ليها. التحشمية: و انا حرت الزمرة معرفتشي واش نسلم و لاء ..
سكتات شوية و شافت فيها : تخايل دابا نمشي. نسلم عليه و بق لي لا سمحلي اختي ماكنسلمش !!ههااا فين غندير وجهي ديك ساعة .. اللهم هيدااا و لا شي كلاش قبح من هذااا ...
ليلى : باز ياختي. باز وجهك صحيح .... واش فيه حااالة د واحد متدين و متشدد ؟؟ واش الراجل ضارب ليك سنسسلة فللعنق !! و يكون مكيسلمش على البنات ...
سمر علات فيها حاجب: شنو هاذ العقلية عندك !! دابا لكيدير سنسلة فعنقوو زعمااا خارج الطرييق ...منيتك
سمر كمشاات فمهاااا و ماحوبتهااش و سرحااات فتفكيرهااا تاني كتمتم: .... زعما يكون خدى موقف مني ؟؟ حتى انه ماعلاش راسو فيااا نهائيااا !! اكيد بقى فيه الحاال ...
ربعاات يديها و ملامح الاحبااااط باينة على تراسيمهاااا ... حولات نظرهااا لرقية العجوز اللساان الطوييل ... حاسة بيهااا انه محملتهااش من نظرااتهااا التقيمية كطلع و تهبط فيهااا و غي تشوفها شافت فيهااا كتخنزر فيهاااا و تسووط ... مع العلم ان الموقف ميستااهلش هاذ ردة الفعل كلهااااا و المفروووض ليعلق هو ماماه سااامية او هو نفسو لكن لا تصرفووو ببديهية و ماحملوش الموضوع اكثر من حجمووو .....
حتى الوشوشاات و القهقهاات الكتومة بين بشرى و نجوى عصباااتهااا و احساسهاااا كيقوليهاااا انه شااادين الحدييث عليهاااا و كيضحكو على الموقف ....
حسااات برااسهااا بااغية ترتاااح باغية تخرج من وسط داك المجمع لجاب ليهااا الخنقة ... استئذنااات و نااضت ...
طلعااات للطبقة الثاانية بحيت خااوية فيها غي جدها اللهم الوحدة و تستفرد براااسها و لا النظرااات الحقوودة و ضحكااات د الاستهزاااء الموجهة ليهااا ...حاسة ان لحمهااااا طاايب بالسخااانة و عضاامها كيضرووهااا و نيفهااات حمر بالزكااام .... كاان الحسس مقطووع فالدااار غي صوت الماااء لناابع من الدوش هو لكسر داك السكااات ...ظنااا منهاا انه جدهااا لكاين تماااا دخلات للصالة و تسرحااات على كرشهااا فوق المطااارب معلية رجليهاااا و رامية شعرهاااا لجهة وحدة مغطيهاااا كاملة كتلعب بتليفونهاااا و تلاهي بيه .....
دااازو بضع دقائق سمعااات حس الدووش تقكععع و انفاااس د شخص موجود معااها فالصالة ... علات راسها للباب. ..
شهقة خجولة خاافتة كاانت ردة فعلهااا ملي شافتو واقف هاااز صلاية فيديه و شعرو كيقطر بالمااء كيشوف فيهاااا بملامحو المبشوورة و ديك شبه الابتسااامة مزينة شفتيه .... ملي وعااات على راسهاااا سررعااات كتوقف و خدودها غيطرطقو بالحمورية ... النعسة لكانت دايرااهااا دايماااا كتسمع عليهااا تنبيه من جداتها و مهااا ...سمر ديك نعسة على كرشك عيب حشم ... لعاارفة انه عيب علاش معرفااش ؟؟
سمر كتهبط تريكو على مؤخرتهااا و تعدل حالتهااا شافت فيه مزاال غي واقف و كيشوف بلا مايهدر ...
سفياان بهدوء: غي خليك نمشي نصلي فبلاصة اخرى ...
سمر كترد خصالات شعرها مور ودنيهااا و بصوت رفيق بالكاااد كيتسمع : لا غي بقى صلي هنايااا انا هابطة للتحت حسن .... حرك راسو بالايجااااب بلا مايزيد و لا كلمة ...
تمشااات وقفاات قدااامو كتشوف فيه : وخا تبعدلي نخرج ؟؟ ابتسم سفياان وهز راسو بالايجااب و نحااز ليها من الباب: تفضلي ..
غي تخطاااتو تمااات خاارجة هو يوقفهااا بصوتو مع الداار خااوية و السكااات صوتو جاا قووي و رجولي للغاية مع ديك البحة : سمر ...
وقفااات و دارت شافت فيه باستفهااام و قلبهااا كيضرب و كل ضربة اسرع من الاخرى حااسة بيه غيوقف ..اول مرة غينطق سميتهااا ... سميتهااا حلوة على فمووو ... حتى انه نطقهااا بطريقة مميزة مختاالفة مع ديك البحة الرجوولية نطقو لحرف السين و حتى حرف الرااء فالاخير كان مميز ...
كانه كيتلذذ بكل حرف بوحدو ..
شافت فيه لمدة لكن سرعاان ماهبطااات عينيهااا خوفاااا على فؤادهاا...
جوبااتو بصوت رقيق غير مسموع كعادتها: وي شنو ؟؟
لكن لا جواااب فقط السكاااات ....خافت غي صوت دقاات قلبهااا يفرشوهاااا ...
مزاالة حاانية عينيهاااا متعمدة متشوفش فيه كتشوف فالارض و تلعب بكم تريكو ديالهااا ...
عاااود رجع نطق سميتهااااا بنفس النبرة لزعزاتها : سمر .... !!!! علات راسهااا فيهااا باستفهااام و رفعااات نبرة صوتهاااا اكثر عسى يسمعهااا ظناا منهاا انه فالمرة الاولى ماسمعهاش: ااء .. شنو؟
ابتااسم سفياان و نطق بهدوء: تقدري توريني القبلة فين جاات؟؟
فتحاات عينيهااا بدهشة و فدااخلهااا نوع من خيبة امل ..يمكن كاانت متوقعة حاجة اخرى !!!
هزات راسها بالمواافقة دلاتو على القبلة تحت نظراااتو ...لحرقو خدودهاااا ،و خرحااات كتجري مخلياه كيضحك .... هابطة فالدروج كتجري و ووجها حاسة بيه شاعلة فيه العافية حتى تصاادفاات مع ياسين: سمر فين كنتي؟
سمر تاالفة : انا كنت ... علاش ؟ كنت فالسطح
ياسين: والو غي ماطلعش للطبقة الفوق تما سفيااان كيدوش ... سرعااات هزااات راسهاااا بالايجاااب كتفتف: وخا صافي منطلعشي ، والله مانطعلع ؛ و خق الله مانطلع....
. ياسين متعجب من تصرفاتها : مال وجهك حمر ...؟؟
سمر قاست حناكهااا باستفهاام: وجهي؟؟ شعندو ؟
ياسين : مشي جلس مع الناااس باركة من الطيراان اسمر !!! دفعااتو و نفخااات وجهها بعصبية: بفف شحال كنكره هاذ الجملة .... سمر باركة من التفرفرير سمر عدل عقلك سمر باركة من الطيرااان اووف عيقتو!!
دخلات كتبركم و تغدد غي بوحدهاااا و جلسات وسط نجوى و بشرى و ليلى كيهدرو و هي غي ساكتة كالعادة كتسمع فقط ... نجوى : انا كيطيروني الرجااال ملي كيونو جالسين كيشيرو كل رجل فقنت هههه ...
بشرى كضحك بهمس: هههه طيرتيني المسخوطة ... الرجال مكيقدروشي يجلسو جامعين رجليهم بحالنا حنايا البنااات ... ليلى بتوبيخ: الله يمسخكم ماجبرتو فوقاش تجبدو الموضوع غي دابا مع الناااس ...
بشرى رماات شعرهاااا للور و غمزااتها : مالك الصحبة مكلخة باين علاش اهيا العجب !! كيخااافو على قشاوشهم....
ضحكااااات كل من نجوى و ليلى بالدموووع ...
بالمقابل سمررر لغي كتسمع و كدور فدوك العينين و قاارمة ... متدخلاتش فالحوااار مكتافية بالسمع فقط ......
بعد مدة جااو باقي العائلة ....... و كبرااات الجماااعة ضحك و نقااشااات ...سمر لمجمعة مع ولد خالهاااا سميير قد قد فالعمر متفااهمين متكية على كتاافو كتشوفو مخشع كيهدر مع صاحبتوو كيتعنب عليهاااا و مكاين غي حبيبي حبيبة بب زين ديالي ...... ضحكااات و ضرباااتو لرجليه : و عيباد الله صدقتي عنيبة من الطراااز اارفيع اولد خااالي ههههههه ...
ماهي الا لحضااات و تم سفيااان و الاب ديالها داخلين ....خطفااات شوفة مسروقة منوو و حناات راسهاا و ودنيهاااا كيعااودو يسترجعووو صدىىى صوتو ملي ناداها س بسميتهاااا .....
الصااالة كبيررررة .... مجموعين كاملين نسااء و رجااال مخلطين العائلة و عائلة نسرين ... كلها و فين مخشعين كيهدرو سامية و رشيدة و زينب ... و بشرى و نجوى وليلى و ياسين و سفياان و محمد و الجد و العرساان سعد و نسرين كلهاا و فااش ... سمر الوحيدة لمنعاازلة جالسة قدااام سمير و قباالتهااا نيشااان جااالس لشاغل بالهاااا ...سفياان
ملي دخل مااعاود شااف لجيهتهااا و لو نصف شوفة فاتح رجليه كعاادتو و دار يديه على فخضو برجولية كيهدر مع ياسين و مرة مرة كيبتاااسم ....
رجعااات تفكرااات هددرة بشرى على الرجااال و ديك الجلسة ديالهم ...
بدون وعي عينهاااا مشاااو لبين رجلييه عضااات على شفتيهاااا و شدااات عينهاااا مزيرة علييهم مبااغاش تفكر بديك الطريقة ..نعلات شيطاانهاااا لخلاهاااا تشوفف لجيهتو و نعلاتت عقلهااا لفكرهاااا بكلام بشرى ... الساافل .... لخلى سييييل من الافكااار المنحرفة تهجم على تفكرييهاااا ....
سمير شااد تليفونو و شاف فسمر كيتكسل بملل: و مليييييت يااقوم مليييييت ...
سمر قربات لعندو اكثر ....دوزاات لسانهااا على شفتهااا الفوقية و همساات م: سميررر شبان ليك ندوزوهاااا فشي واحد هاذ العشية ؟؟
سمر ضحكااات و عضااات على شفايفهاااا و رموش عينيه كترااقص بتسلية داارت صبعهاا على شفايفهااا كتلعب بيهم و قرباات لعندو : شوف صبعي فين موجه و بلا فرشة ...
درات يديهااا تحت فخضهااا و شيراات بصبعهااا باتجاااه سفيااان و سميررر متبع اتجااه صبعهاااا و شااف جيهة سفيااان لكاان حاني راسو فتليفونو ...
هرباات عينيهااا من عليه بخووف .. علاش شاف فيها فديك اللحضة بالظبط ملي صيفطات ليه الطلب!!! ...
تنفساات بهدوء و دخلات لبرفيلو كتفحص صورو. وحدة بوحدة مكتشبعش منهم ... زعمااا ت و صرداات ليه ميساااج : مسااء الورد
تم ارساال الميسااج كتستنى جواابو ... شاف فيه لقاتو مزاال فالتليفون و الميسااج باقي ماتقرى..!!
هزااات رجليهااا بنفااد صبر كطقطق بصبعانها فظهر تليفونهاااا ..... كتشوفو كيبتااسم و كيشوف فالتليفون و ميسااجهااا مشافوش و مجاوبش عليه !! ....
دازت سااعة بدون اي جديد الميسااج متقراااش و مجاوبش عليه .... .. وهو ماعلاش راسو لجيهتهااا ...
حتى كتشوف خوهااا ناض كيهدر فتليفوون .....تنفسااات فراااحة .. دابا تقدر تشوف فيه على خااطرهااا بلا ماتخشى يعيق بيهااا خوهاا ...
شوية جاااا ولد خالهااا الكبير طارق ... و نيض معاه سفيااان و سمير و باقي الشباب و حتى بشرى و نجوى و نجلاء ... شافت فيهم بحيرة و فضول كينوضو واحد مور واحد من غيرها هي .... الفضول غيقتلهااا فين مشاااو و علاش حتى حد محاشاها ليهااا ...
حتى رن هاتفهااا و كان الاتصال من سمير... سمر : الو سمير سمير : طلع طلع للطبقة الثانية مالك باقية جالسة تما ؟؟ قلت لبشرى تعيط ليك تطلعو حتى نتوما؟ هوما طلعو و نتي لا؟ سمر بغضب : يانا الزمر ماعيطلي حتى واحد هوماا ماقالو لي والو ناضو دازو من قداامي ماعبرتني حتى زميرة منهم.. سمير: و صافي دابا بلا ماتعصب عليا انا طلع لعندنااا للطبقة الثاانية حناا مجمعين مقصرين هناا
سمر : وخا انا طالعة ..
قطعاات عليه و لحقاات عليهم حلفاانة على بشرى .... دخلات للصالة مخنزرة مكمشة فمهااا وقفات فالباب دارت يدبها فوسطهااا و شافت فيهم مارداتش البال لسفيااان : طلعتو بلا بيا الغدااارين ....الله يجلسكم على الشووك ...
سمير كيشوف فيهااا حابس الضحكة: سمر بلا دعااوي دعااويك خايبين ...انا و خاي سفياان غي مظلوومين ..براسنااا ماعارفين والو ...
شهقاات بهمس و رخفااات لحجبانها لكانت عاقدااهم و سرحاات عينيهااا عليهم كتقلب عليه باش تاكد واش فعلا كاين معااهم و لا غي توهماات ..
حتى شاافتو جالس جلستو المعتاادة كيشوف فيها و كيضحك ... قلباات وجهها بسرعة كتشوف فسمير و جلسااات قداامو كتلبع الشوهة ...
كتحمد لله انهاا مقالتش شي شوهة اخرى عاادة كتقوول كثاار من هكااا يمكن الحظ كان واقف فصفهااا فديك اللحضة ... قداامو كتبااان بحال القطة الوديعة و صوتهااا مكيعلاش و دابا حساات براسها تفرشاات و تعرااات قدااامو.....
خنزراات فبشرى و قلبات عينيها لسمير كتهمس: شفتي شحال فيها د السم ...فقصااتني ..
سمير كيحااول يهدن السوق: و غي نساات و صافي بلا مادير فبالك عااود هنينا و سكت ..
حنى صوتو و قرب ليها كثاار باش مايسمعهم حد : سمر عمل عينك فديك الاخ و شوف كيخنزر فيا من ااصبااح و بلا ماتعيق .. قلباات راسهااا لجيهتو حاولات بلا ماتعيق لقااتو حاني راسو فالتليفون كالعادة مكشوفش فيهم اصلا...
رحعات شافت فسمير و قالت بضيق : مالك غي كتوهم هاذ العشية السيد مشغولل دابا ....فين مانشوفو كنلقاه مخشيي راسو فالتليفون فوياااخ خنزر فيك معرف!!
قااطع هدرتهم طاارق : و تجمعو تحمعو نلعبو شي لعبة نتلهاااو ...شوية ..
تكلم هشام من عائلة سمر مزوج : لعبو كلشي فوتو عليكم غي الكاارطة الاخواان يجي الحااج يحيح عليناااا ...
هشام كيضحك : طحتي بين يدي ابنت خالي ... شاف فيهااا كيفكر شنو يسولهااا: نتينااا بعدى مالك مع ولدي دايما كيتشكى لي منك ؟؟ هااا؟؟
سمر فتخات عينيهاااا و جمعاات فمهااا بخجل .. و خاصة تحت نظراات سفيااان لكيشوف فيهاااا بتركيز : اواعدي يانا !! لا ماعندي معاه والو ...بالعكس عندي عزيز ...و الله
سمير داير يديه على فمو كبضحك: ايبه سمر اصلا عزاز عليهااا دراري صغااار ...شاف فيها : ياك اسمر ...
حنات عينيهااا و رجعات شافت فهشاام : صافي غننسااحب سمير : باعترااض : و لااااا اللعب غينقص هيدااا اصااخبي ... سمر برفض: لا صافي غننساحب غي كملو نتوما
نسااحباات و جلسااات مقنتة بوحدهاااا مربعة يديهااا كتشوف فيهم ... بغيض و مرة مرة كتشوف فسفيااان و تحضيه كبفاش كيهدر و شوفاتو و ضحكتو ملي كيضحك كيتشااادو عينيه الكحلين و كيباانو كيبريو كبباااان فقط السواااد فعينيه و خااصة مع الكميشااات الخفاف لمع عينيه عطاااوه جاااذبية اكثررر .....
شوية قلبوهاااا لعبة الحكاااام و انظمت ليهم حتى سمر ..... هشاام موجه هدرتو لسمر: سمر من دابا كنتي قدهاااا مرحباااا كنتي ماموقيداشي تنفذ الحكم جلسي فبلاصتك ...
خنزرات فيه سمر و قلباات وجهها كتمتم فخاطرها: غي لي يجلس على حسك حاسبني برهوشة هنايا ...
دورو المسطرة و جات ف هشام يحكم على سمير ....
ضرب يدو بحمااااس كيتخلف عليه و كيضحك سمير: كيضحك: هالعاااار تكااايس عليااا ..ديك شوفة خلعاااتني .. هشااام : عرفتي شنو غدير؟؟ غتخرج لبرى و تغوت بصوت مرتااافع ... و الواااااليدة زوجيني قبل مانحماااق ..
شهقااااات سمر بخوف : هيييي اواعدي حشومة عليك. ..
خنزر فيها هشاام و تحلف : بلاتي نتينااا نوبتك ماجة غي ستنى. ..
ناااض سمير دايرها فيد الله مخليينهم كيضحكو عليه و سفيااان ماهموش هادشي كامل ...غرضو هو سمر حاااضي تصرفاتهااا و هدرتهاااا و حركاااتها المدللة العفوية لكيشبهها بطفلة ...
دورو المسطرة تااني ملي رجع سمير بعد ماشبعو عليه ضحك ....و جااات فطاارق يحكم على بشرى : بشررررى الغززااالة. ... جاوباتو بدلال و ميوعة : نعااااام غي قول
طاارق : اري تليفونك و فتح اافايسبوك و عيطيهني نقلبو ليك .... رغم صعوبة الحكمة الا و انهااا نفذااتهااا و هادشي مازاد خلع سمر كتشوف الحكماااات صعااااب و مع ذلك نفذوهااا اذا حكمو عليهااا و ماقدراشي تنفد غتباان برهوشة قدااامو ... دورو تااني و جات نجوى تحكم على سمر : ضحكاااات بشر : سموورة الزين د العااائلة ...
نجوى ميقات فيها: اه سي عزيزة عليا عليها غنخفف عليهااا ... شاف فسمر : حكمتي عليك ..انك تحيدي ثلاثة د بياااساات من ديكشي لي لابسة و حطيهم فوق الطبلة قدامناا ....
شهقاات سمر ببىائة و فتحاات عينيهاااا على وسععهم تحت اعتراااض البقية في حين سفيااان عقد حجباااانو كيشوف فيهااا ...
دار يديه فجيبو كيشوف فيهااا مطولا .... خرج يديه و دوز يديه على شعرو و خرج تليفونووو و عطاها ليها كيشوف فعينيعااا نيشاان. اا: ممكن تكون الحكمة نمرتك مثلا؟؟
زمااات شفايفهاااا مانعة الابتسااامة تخرج ماشي وقتهااا دابا شافت فيه و ميلات راسهااا بخجل و اومات راسها بالايجاااب : ممكن!!
هزاات تليفونو من بين يديه و هي كلهااا حذر عندهاا تقيس يديه ماعندهااش القدرة تعيش شعوور اخر يزعزع كيانهااا مرة اخرى ..
شافت فالشاشة لقاتو داخل للكونطاكط و كاتب فالسمية علامة استفهااام ؟؟
علات عينيها فيه باستفهااام باغية تسولو لكن جمعاات لسانهااا فاخر لحظة .. تماات كتكتب نمرتهااا ...
و لكن فعل نظرااتو و حميمية الموقف رغم بسااطتو خلاوها توثر لدرجة نسااات نمرة تليفونهااا ..
شافت فيه و عضاات على شفايفهااا و توردو خدودههااا ... مسحااات يديهاااا مع تريكووو بفعل العرق و التوثر ... و هزات تليفونها من جيبهاااا طلعاات نمرتهااا و سجلتهااا عندو و عطاتهاا ليه
ابتسم و حنى راسو : شكراا أنستي ..
اكتافات بابتساامة خجولة فاتنة و تخطاااتو خاارجة من الكوزينة كتزرب ....
دخلات للفايس مجهول الهوية لعاااد صايبااتو و لقاات الميسااااج تقرى....
فتحاات عينيها بدهشة و غي طلعلع ليها بلي كيكتب رماات التيلي من يديها بالخلعة و جلساات جالسة رامية شعرهااا اللور ... هدنااات راسهااااا و رجعااات هزااتو بلا ماتفتحووو .... كتمتم مع راسهاا: شنو غيكون كتب؟؟ شنو صيفط؟
تفووو علاش علاش جاااوب علاش ..
. فتحاات الشاشة لقاتو صيفط ليهااا : : بشحااال الورد؟؟ عقدات حجباانها باستفهاام و لكن غي تفكرااات اسم د الفايسبوك لدارتو باسم بائعة الورد عاااد فهمااات ...
كمشااات فمهااا بغيررة و غضب و كتبات ليه : ليك نتينااا نعطيك فابووور ...
صيفطات الميسااااج و رمااتو بغضب كتغزز فشعرهاا: واااع علاش جاوبني علاشسس .... يعني اي وحدة صيفطات ليه غيحااوبهاا ...ععععع ......
شوية شهقاات و ضربااات على حناااكهااا : اواعدي يانا فرشت راسي غيعرف بلي انا شمااالية .....
رجعاات فتخات الشاشة و عاوداات قراات ميسااحهااا "نتينا" معرووف على الشماالياات لكيستعملو هاذ المصطلح .... عضاات على يديهاااا كتصبر راسها: هىء و كااين بزااف د ااشماالياات كا غي انااا ماعندو باش يعرفني وصل ليها ميسااج من عندو تاني لقاتو كاتب ليها: : كريمة و هذا لمعروف على الشماالياات
ضحك تااني فور مااوصل ليه ميسااجهااا : ممم و شنو كتعرف على الشمااليااات اخور؟؟
فتح كلافي و عينييه مبتااسمين : كيكونو بلا عقل.... ماعندهمش العقل و زهوانيااات ...
دار يديه على كرشو كيضحك فور ما وصل ليه ميساااجهاا.. لهلا يحيييك !! لقاليك هاذ الهدرة غي كذب عليك
فتح الكلافي و كتب ليها وهو كبتااسم ...: لا مكذبش حيت حتى حد ماقاليا شفت كلشي بعينيا و الدليل هو نتي!! علاش كتهدري مع راجل فنص د اليل؟؟ ممكن جوااب!!
صيفط ميساااج و هو كلو حمااااس يعرف حواابهااا فعلا هاذ سمر كتقدر تخرج منو شي حواايج مكانش يقدر يتصور يديرهم ....
غي حصل على نمرتهاااا بحت على الفايسبوكااات لدايرهم بالنمرة و اول فايس طلع ليه هو بائعة الورد دخل للبروفيل لقاه يلاه تصااوب فالسااعة لكانت جالسة قبالتو مع ولد خالها سمير و كيوشوشو و ديك الوشواشات لكاانت كتطلع ليه الدم... كان كيحااول يدير راسو مكيشوفهمش و ممهتامش ليهم .. لقاها مصيفطة ليه انفيطاسيون و ميسااج قبل الطلب و هو كيموت بالضحك ... فعلا بريئة و لعووبة
بلل شفتيه و ابتساامية جانية غزت على شفايفو ملي وصل ليه ميساجها : مصااااحب؟؟
جاوبهااا ديك دقيقة : نااوي نخطب ... علا حواحبو بحماااااس و النعاااس طااار ليه ....
سمر مسكينة بالصدمة طاح ليها التيلي على وجهها و يديهااا بقاو واقفين فالهوى مكوانسين و صدرهااا كيطلع و يهبط و ودنيهاااا مصمكين ....
صوت ليلى الهامس هو ليفيقهاااا من صدمتهاااا
...ليلى: سمر واش مغتنعسشي و تطفي ديك التليفون ....
سمر رماات التيلي و عطاتهاااا بالظهر ، و شعرهااا مرمي مور ظهرهااا، و شفايفهااا كيترعدو زيرااات على الغطاااء بيديييهااا البيضين الصغيورين ...
اما سفيااان لشاف مساااجو تقرى و ماجوباااتوش ستنى شوية عسى تجاااوب و لكن دازت مدة و مكان حتى جواااب ...طفى تليفونو و دار يد تحت راسو و يد فوق صدرو كيلعب بربطة الشعر الخاااصة بسمر لطول المدة مكتخطاااش جيبووو .... شد عينيه و هو كيفكر فديك المحتاالة لطيراات ليه النعاااس هاذ الليلة ....
⚘رفع النهاار تنورة الليل فرحل الاخير خجلا ...
فاقت سمر معطلة ...جلسااات عينيهااا مشدودشين بالنعااس عاعقدة حجبانها بالم من راسهااا لكيضرهاااا و وغز خفيف فكرشهااااا ... الوااضح انها علامات الدورة الشهرية ... لي مالقاات فوقاش تجي غي دااك الصباااح لهي اصلا صابحة ماعندهااش الكااانة و معصبة ....
سرحاات عينيها فالبيت لقااات فرااش لكاانو ناعسين معاها فالبيت خاااوي و الواضح انها الوحيدة لصبحااات ناااعسة خاامرة ... بالسيف و هي ليل كلو مالقاتش النعاااس ..كتخممم و كتحاااول تهضم الصدمة ... نااضت معبسة ... و خرجااات بعد مامشطاات شعرهااا و صاوبات بيجامتهااا الشتوية الزهرية .... لقاتهم مجمعين كيفطرو ماشاافت فحتى شي واحد فيهم لقاات التحية صبااحية بزز عااقدة حجبانهااا و مكمشة فمهاااا ...و مشااات للدوش تدير روتينهااا الصباااحي
جلسااات قدااام سعد لشافهااا و ضحك و جرهاااا فصدرو كيتماازح معاها كعاادتو تحت نظرااات سفيااان لشاافهاا ملي خرجااات مخنزرة مشاافت فحد ... : مال الزين صااابح معفر علينااا ؟
سمر ابتااسماات بزز منهاا: صبحت مريضة شوية و صافي .. ليلى : بسيف و نتينااا مانعستي حتى للفجر !! اليل كامل و نتينااا مع ديك التليفون ...
على أثرهااا شاف فيهااا سفيااان بملامح مبهمة لقاها حتى هي كتشوف فيه و لكن شبه مخنزرة ... دار شبه ابتسااامة و قلب وجهوو ... حتى و هي مخنزرة حلووة...
محمد الاب لكان جالس قدااام سفياان تقريبااا بيناااتكم فراااغ شاف فسمر و طبطب على بلاصة قداامو بنعنى اجي جلسي هنا: اجي امشيشة ديالي جلس هنااا تفطر ...
شافت فيه ميلة شفايفهااا و دوراات عينيهااا لسفيااان لحااني راسو مكيشوفش فيهاا ... و نااضت مترددة ...جلساات وسط باباها و سفياان ...
شربااات جوج شريبااات من كاسها د الحليب و رجعاات اللور ... ماعندهااش شي شهية د الفطوور
محمد : اوى اسيادنا شبان ليكم شي خرجة للشاون ..... سفيااان باعترااض : لا والو غنمشيو اليوم للفاس ... حتى لشي
مرة اخرى ان شاء الله ..
هاذ مرة سعد هو اعترض على كلامو : لا مكاينش ماجلستوش معانااا والو ... زيدو هاذ النهاار ندوزوه فالشااون ... مخاسرين والو لا ...
سفيااان : لا غذا الاثنين خصني نكون تمااا مشغول تابعني الخدمة . ...
سامية كضحك: ابنتي هاهو جالس قدامك رغبيه اذا بغى يبقى نبقااو اذا مابغاش غنشدو الطريق ان شاء الله
تكلم الجد كيشوف فسفياان و يطبطب على كتاافو : عمل بوجه ختك و بقااو اليووم المرضي ...!!
شاف فيه سفيااان بحيااء رجوولي و احتراام و باس ليه يديه : مايكون غي خاااطرك الحااج ...
فظروف اخرى كانت سمر غتكوون اسعد بهااذ الموااافقة و لكن العكس .... كانت كتمنى لو مشاااو و غبر من قدااامهاااا و تبلع الفقصة بالمهللل اخير ليهااا من انها تشوفو قدامهااا نهاار كلو و تفكر انه خاااطب وحدة اخرى ... فتااة اخرى غتحضى براجل كامل مكموول ... فتاة اخرى غتنعس على صدرو العرييض و يخشيها فصدرو اكثر و يزير عليهااا بكتاافو و يغرقهااا حنااان ... منسااااتش داك النهااار ملي ودع اختو ليلة عرسهااا و خشااها فصدرو كيبوس راسهااا ..فديك اللحضة حسدااات ختو على ديك الكمية د الحنان لستشعرااتهااا وخاا بلا متجربهااااا ... رجل مثلو رؤوف بالحيواانات .... كيفااش غيكووون مع انثى اكيد غيعااملهاااا بحال الريشة .... برقة و حنااان و يعطيهااا قيمتهااا كماا يجب.. و حتى نظراات الفخر لكتشووفهاا فعيون والدته ... اكيد انه مرضي واليديه و رجل بحال هذا .... اي أم تفرح لبنتهااا .....
لا تخافي على ابنتك مع رجل كسب طوع والديه تاكدوا انه سوف يعاملها بما يرضي الله ""
طوول الطريق ماهزاتش راسها لجيهتو .... متكية براسهااا على الزاجة د طموبيل .. شادة عينيهااا .... ..
هاذ الزهر داير معاها الضد ...علاش كلشي كيمشي ضدهاااا نهاار كتبغي تلقى صدف تجمعهم كتلقى العكس؛ ...و نهااار بغااات تبعد منو مايبقااش تحت نظرااتهااا وقع عكس ديكشي لي باغية .....
هاهي دابا راكبة معااه فالمقعد الخلفي مع سامية و يسرى و جدااتو ديك المرااة العجووز باينة فيهااا مراة متسلطة و متطفلة ...
تنهداات بصمت عاائلة و هي شنو كدير وسطهم ... كتحس براسهااا انهاا دخيلة عليهم ..... مكرهاتش لو تباادلات مع بشرى تركب هي مع خوهااا و بشرى تركب معااهم !! لكن لا !!! شي حااجة فدااخلهاااا محاااملاش اي فرصة يتلاقااو فيهااااا .... يمكن الغيرة ؟؟ و بمكن داك الشعوور الاناني لدااخلها؟
مرة مرة كيهز راسو فيهااا فالمرااية كيلقااها سااهية و لا شاادة عينيهااا و غي كتنهد لاحظ حالتهااا هاذ الصبااااح غييررر!! غي مخنزرة ... حااير فحاالتهااا معجبااتوش هاذ الصباااح كتباان دابلة و عينيهااا فقدو بريقهم المميز .... حتى انهاااا رافضة تشوووف فييه ..معقول ميساااجو الباارح هو السبااب !!! زمجر بخشونة و بلل شفتيه و حنى عينيه يركز مع السياااقة احسن ليه فهااذ اللحظة حيت ديك الدمية كتقدر تشتت ليه تركيزوو
عقد حجباانو بغضب و اكتفى بالسكااات حسن ليه ... في حين سمر مخرجة عينيهااا من كلامهاااا و حشماااات ... اما. سامية مالقات فين ترد وجههااا و يسرى مامسوقااش همها غي التصااور و السيلفي ... ت
حركو من بلاصتهم كيقلبو على شي مطعم زوين يااكلو فيه ....سامية و يسرى يتمشااو شوية و يوقفو يتصورو،،، و رقية زامة شفايفهااا كتشوف فسمر بنظراات حقودة لهاذ الاخيرة داير يديهاااا فجيب جاكيطهااا الشتوي فيه الريش عطااهااا منظر طفولي مميز و شعرهاااا كخيووط الحرير كيلمع و طوييل عكس بيااااض بشرتهااا بسواادو كتحركو الرباااح فاتجااه وجهها الدائري ... حتى كتبرزط و ترجعو مور ودنيهاااا بغضب ... خلى سفيااان متعجب منها حتى شعرهااا ماسلمش من غضبهااا.....!!
سمر واخلة مع شعر هااا كيغطي ليهااا على عينيهااا بفعل الريااح ماانتابهاتش لاحمق جاااي اتحااهها كاااعي كيحرك ر العصى فيديه فالهوااء بحال كيضرب شي حد ...حوايجو مقطعبن و ووحهو كلو مشرك ...منظرو كيخلع .... مشافتوش و كان جاي لجيهتهاااا مدرم بحال معمي البصيرة ... حتى حساااااب بيد رحولية زيراات على مرفيقهااا و جبدهاااا لعندووو بسرعة ماعرفات باش تبلات و لا شنو وقع
شعرهااا ترمى كلو على وجهها من ديك الجرة ، ماحساات براسهاا الا وراسهااا تضرب مع صدرو جهة قلبو حتى اشتشعراات دقااتو.....
علات راسهاا فيه باستفهااام و رخفاات يديهااا منو بخجل كتشوف راسهااا قريبة ليه بزاااف و طووولو !!! اول مرة تحس بر ااسهااا قصيرة فعلااااا حيت بالكاااد كتوصل ليه لصدرو ...
طلف من يديهاا و خشاها فجيبو و شاف فيهاا بجدية عاقد حجباانو : عاودي ردي البال !! كان حمق جاي لجيهتك ...
سمر فتخات شفايفهااا بدهشة: اواعدي ماشفتوشي!!
سفياان ابتااسم بجنب و شاف فالبقية زادو سبقهم ماشافو والو و رجع شاف فيها رافع حاجبو فيهااا كيبتاسم: فين كان عقلك ؟؟ ..
جمعات شعرهاااا من على وجهها مبرزطهااا و رماات اللور: و قالت كتشبك صبعانها مع بعضهم بتوتر و خجل من الموقف : شكرااا .. غي مارديتشي ااباال و صافي ...
خلاتو و مشات لحقااات عليهم ... ووقلبهااا. كيضرب و مزنكة ... وكتخاايل لو مكانش جرهاااا و حيدهااا من قدااامو شنو كان دار فيهااا داك الحمق ، تافففات بضجر و حيدات شعرهااا من على وجهها و شمااات ريحتو باقية عالقة فيديهاااا .. زفراات بضيق هاذشي لكان نااقص!!!
بعد مدة قصيرة كانو جالسين فمطعم كياكلو بعد ماطلبو اشنو بغااو ...
هزاات سمر تليفونهااا من الباارح فاليل ماعاوداات هزااتو و دخلات للفايس المجهول و زيراات على يديهااا بغضب طفوولي ملي تففكراات ميساااجو ااباارحة ..
شافت فسفيااان لقاتو كيااكل ... و ماكلتو ثقييلة ياكل لقمة يبقى شحااال عاد يزيد الاخرى ... ..
عضاات على لساانهااا و عفااريت عقلهااا فاااقو من النعااس و فتحات الكلافي وكتبات ليه .. : نقدر نسولك ؟؟
ديك سااعة حطاات التلي بالزربة و دارت يدهاا على خدودهااا ببرائة ... ملي وصل صوت رساالة من تليفون سفيااان .. لهزو و لقى ميساااج من عندهااا ببائعة الورد خبى ابتسااامتو و تصنع الامبالاة و خاصة انه عارفهااا كتشوف فيه ... و حطو بلا مايجااوبهاااا و كمل ماكلتوو ..
نعلاتتو فخااطرهاااا و نعلات غرورو .... عندو الوقت يدوي مع فتاة باسم مجهوول و ما عندوش وقت يصيفط ليهااا هي و هو عندو نمرتهااا .....
عوجاات فمهااا و شرباات عصيرهاااا ... كتمتم : الشاارف الاخر
رفعااات عينيهااا الفوق و صبعهااا على فمهاا كتخسب فرق العمر بينااتهم ...
شهقاات بخفووت هو عندو 34 وهي 18 يعني فرق 16سنة !!!!! ...
سفياان سالى ماكلتو و على راسو كيشوف فيهاااا باستغرااب !! كل مرة فين كتشوف مرة فالسقف مرة فرجليهااا مرة فيديهااا و شاااردة و ملامح وجهها كل مرة كتغيررر ... دار شبه ابتساامة و فتح تليفونو و جاوبهااا على ميسااجها بالرفض : لا ..
لكن سمر نسااات مداارتش سيلونص لتيليفونهااا وصل رننين المساااج فديك اللحظة نيت ملي صيفط هو ... شافت فيه و غمضاات عينيهااا كتلعن حظهااا و كتدعي مايكونش عااق بيهااا ... ستناات مدة قليلة عاااد هزاات التليفون عند بالهااا قافزة !!
فالاخير تجاهلات حواابو لجاوبها بالرفض و كتبات ليه : معرفتش علاش هاذ التكبر كامل اموسيو سوسو انا غي معجبة غي بكتاباتك و ديكشي لكتنشر صاافي ..بعني بلا ماتفهم غلط .. كنت كنظنك راجل متوااضع و صيفطت ليك غي نطلب منك رايك على بعض كتاباتي و لكن سمحلي على الازعااج !!
دارت ارسااال المسااج و ابتاسمة شقية غزاات على شفتيهااا ... غي لمحها سفيااان جااه فضوول يعرف اشنو السر من ورائهااا و اشنو صيفطاات ليه ... فتح تليفونو و قرى ميسااجهااا و حجباانو كيتعقدو كل ما زااد قرى ا اكثر ما صدمو هو كلمة من اربع حروف" سوسو ^
سوسو ^ !!!!!! واش اسم دلع ؟؟ و لا عاايراتو بطريقة اخرى ؟؟ واش كانت قاصدة تهينو بيها!!! .. لولا ابتساامتهاا اللعوبة لكاان ظن ان نيتهااا صافية ....
شاف فيهااا لقاهها كتشوف فيه كانهااا كتقرى ردة فعلو ... شااد تليفونو و ناااض يخلص وهو كيتمتم و كيضحك بسخرية : موسيو سوسو !! ..على اخر ايامي وليت سوسو ....
من الاحسن يخلي الجواااب حتى لشي وقت مناااااسب و يلقن ديك الشقية درس في وضع احسن من هذااا ...!
نااضو بعد مااخلص و التااحقت بيهم البقية،، و دوزو نهاارهم فشاااون مسااارين ......
سفيااان مااعودتش رجع شاااف فيهااا مزااال شي لخلاهااا معصبة و غي كتغدد .... و فخطاارهااا غي كتلعن فيه يخخ على متكبررر ... شارف ..،
شوية ترجع تسب فرااسهااا هي لبرهوشة ماشي هو لي شااارف .... كون غي ماتلاقاتوش من الاول و بقى بالهااا و قلبهااا هااني كون غي مامشاااتش لديك العرررس من اصلووو ...
نسااات ان القدر مكتوووب و المكتوب مامنو هرووب، و ماغتمشي غي فين مشاااك الله و غيوقع غي ديك لمكتوب فالجبين ... وخاا تعيى تحاااولي و تخاااولي ...
وهوماااا فطرييق الرجعة .... راكبة هاذ المرة مع خالهااا سعد و مرااتو .....كاان الظلااام و الجو تغير فجأة الشتاااء و الرعد ... شحال كتحمااق على هااذ الجووو ... وخااا تكون بحالة نفسية سيئة كيتحسن مزااجهااا فور ما تسمع صوت الامطااار و الرعد .... لدرجة انهااا ... محملة mp3 لصوت الرعد و مرة مرة كتسمعووو كيخليهااا تحس بالراااحة و كتفرح
هزات تليفونهااا مالقاات حتى جديد .... فضلات تلهى و تلهي شيطانهاا مع شي قصة على مايوصلو ....
الجواايه د 22 د اليل ....
متكية سمر فبلاصتهااا المعتااادة ... نااعسة حداها بشرى و نجوى كيهدرو حتى تكلمااات بشرى موجهة هدرتهااا لنجوى لنزلات على سمر بحال الصعقة ....
بشرى: فخبارك العايلة صيفطت انفيطاسيون لسفيان خاها د نسرين و قبلني ... و هدرناااا شحاال متواااضع ... و كلامو موزون يااختي ..
نجوى بدهشة : حلف بالله !! انا صيفطتلو هاذي شحال من شهر و باااقي ماقبلني !!
بشرى بغرور كتلوي فشعرهااا الاشقر .. و ترمش بعينيهااا العسلين ..: علاش انا هي نتينااا؟؟ لا !! الحبيبة ديالي ...
بشرى بغضب : كتقارن راسك بيا ولا !! نتينااا وجهك لا علاقة يابنتي وخاا يجي يشوف خيراااتك يشوف وجهك يخسر سيفتو ....!!
واش ديك الزين غيشوف فيك نتينااا ..
نجوى صعرااات و نااضت رماات بشرى تخت و طلعات فوقهااا حاكماها كتجر من شعرهاااا جر و يا ماتجر و تعض و تقمش و بشرى طالقة غي حلوقهااا للغواات فيهاا غي الهدرة كتعيط لسمر تجي تفكهاااا ....
لي جااات كملات عليهااا بالعضاان و برداادت فيهااا غذايدهااا بحال الى قالت ليها اجي كمل عليااا ... كل وحدة منين كضرب فيهااا ...و سمر ناار الغيرة عاميااها ... غي كتفكر انه هدراات معااه كتزيد تجهد و تجررر حتى سمعااات الحس دشي واحد جااي و هي تنوض طااايرة رجعات لبلاصتهااا دايرة راسهااا ناعسة و بريئة و عطاتهم بظهرهااا باش ماتفرشش
دخلات زينب و رشيدة ،مصدموين كيشوفو نجوى فوق بشرى كتعض و حااكمهاا من رجليهااا مع نجوى غليضة بشرى بحال القملة قداامهاا لحاميااها غي الغوااات مافيديها دير والو ... زينب ضرباات على حناكها و جراات بنتهااا بزز عااوناتهااا رشيدة لغلبااتها الضحكة من منظرهم مريشين بحال الدجاج ... نيضاات زينب بنتهاا مخنزرة شااداها من دراعهاا مغززة عليهااا : واش ليماااكم خصكم تشوهوني مع الناااس ...
رشيدة شاادة بشرى لكترعد وجهها حمر مقموش كلو و الدم ف سايل ليهاا من نيفهاااا حالتهاا حالة .... و لحمهااا كلو معكر ... بشرى كتبكي و تشهق: تعداااااو عليااا اخالتو مادرت ليهم والو و حق الله ...
وراتهااا عنقهااا : شوف سنو داارت لي ..شوف ....
رشيدة خسراات ملامحهااا بقاات فيهاا: الله يابنتي شفتي غي عنقك و جهك حالتو ...
مشاات بشرى كتشهق غسلات وجهها و زينب خرجاات نجووى مغددة عليهااا مكرهااتش لو نزلات عليهااا غي حشمااات من الناااس يسمعوهااا ...
اما رشيدة دارت يدبهااا فنصهاااا و شاافت فسمر لعاطيااهم بالظهر زعمااا نااعسة و هي القيااامة كاينة حداااها .... ركلاتهااا فمؤخرتهااا حتى تهزاات من بلاصتهااا مخلوعة زعمااا و عاقدة حجباانهااا حيت قاستهاا تما ...
سمر كتفوه زعما يلاه نايضة من النعاااس : خلعتيني اماما جااا الصباح دغيا ؟؟
يلاه جات تحلف و جمعاات معااها رشيدة بتقرفيصة لفخدهااا حتى خلات ليهااا الطاابع : ديك الحلووف عندك سايبين رخف صوتتك شوهتينااا الله يغصبك التاالفة .... غرااام د العقل ماعندكشي ...
سمر مخنزرة فيهااا قاارمة شدااات على لساانهاااا كتحااول تجمعو احسن من شي شوهة و الناااس كااينين يسمعو شوهتهااا ....
خرجااات رشيدة كتهز راسهاااا كتطلب الصبر ...و سمر رجعاات تكااات ...في سااع حيداات تغوبشتهاااا و ضحكاات بانتصاار و راحة وخااا كلات عصى و شبعاات هدرة من مهااا المهم فداات غذايدهااا فيهااا ...
تقلبااات على جنبهاا الايمن كتعض على شفايفهااا فرحااانة ... و تنهدااات بصوت مرتاافع : الله دابا عااد كنحس بالرااحة ..
بان ليهاااا تليفون بشرى مرمي قداامهاااا و شيطاانهاااا مااقال ليهااا، ناضت عاضة على شفايفهااا و عينيهاااا كيدورو شداات الباب بااسااروت .... و هزااتو فتحااتو عاارفة ان بشرى مداايراش الكوود لتليفونهااا ملي كاانو كيلعبو الحكااام رداات البال ان تليفو نهااا بلا كوود ... داارت صبعاهاا على فمعااا و علات حجباانهااا و دخلات ليها للفاايس لكان محلول ملحقااتش تشدو ملي نتفاتهااا نجوى ...
طلعاات الميساااجات كتقلب على ميسجاتهاااا مع سفيااان و مالقاات والو ... عقداات خواجبها باستفهاام و قالت يمكن مسحاات الميسااجات .. قلباات فلاليسط د لي زاامي مااالقااتوش ... استغرباات اكثر و كتبات سميتو فالغوشيغش طلع ليهاا انه مصيفطة ليه طلب و لكن مزاال معلق .... لمعو عينيهاااا و ضحكااات ضحكة من ااقلب و بدون وعي بااست صورتو للفبروفيل: اححح ماقبلهااشي اصلا ... غي كذبااات
حيداااات الاثاار و مسحااات ايسطوغيك تفاادياا لاتعيق بشرى بشي حاحة و خشاااتو تحت الزربية مور الباب وخا يعيااو يقلبو مايلقاوهش ...
مشطاات شعرهااا و الضحكة مافارقاهاش و نعساات برااحة فااتحة يديهااا و رجليهاااا شادة بلاصة د حووج د الناااس ... كتشوف فالسقف و كتبتاااسم ....
لكن سرعاان ديك الابتساامة بداات كتلاشى ملي تفكراات كلام سفياان انه نااوي يخطب .... قااطع شوردهااا صوت ميساااج من الوااتسااب لقااتو من نمرة ممسجلهاش ... مصيفط ليهااا قلب كبير احمر .... فقط
شهقااات و جلساات مربعة رجليها دايرة صبعهاا فمها كتمتم : علاش مصيفطلي دابا انا وهو خاطب ... انا هاذ الرااجل مافهمت فيه والو بفف
فتحات الكلافي و كتبات ليه: اه اوك ... مالقاات باش.. تجااوبو حتى هو قراهااا و خرج بلا مايجااوبهااا ...
و دخل صيفط ليها في للفايس د بائعة الوردو و كتب ليها بملامح جدية: كنظن انه اي شخص دااخل بهدف عملي ماييتجرأش و يسول سؤال شخصي بحال لي سولتي اانسة !! لمعرفش حتى شنو سمميتك!!
حبس قهقهااتو بصعوبة ملي توصل جواابهااا على ميساااجو
... سمر : غي خفت على مشااعر خطيبتك و صاافي...
صيفطاات الميساااج بغضبب و نااضت واقفة دايرة يديهااا فنصهااا كتمشي و تجي فالبيت بحال فيهاا سريسرة كتفكر ... لو فقط تعرف هاذ خطببتو كي داايرة لعلهاا تبرد فضولهااا شوية .. سمر كتمتم بسخط: شنو زعمااا غتكون زوينة عليا ؟؟
رفعاات صوتهااا بالنفي : لااااا طبعااا ... انا حسن منهاااا ....علات راسها فالسقف قريبة تبكي : باااربي غنحماااق ...
ترماات فبلاصتهااا بسرعة ملي سمعاات رنين الميساااج و كل ماكتقرى حجابنهااا كيزيدو يتعقدو ..
سفياان : انا اكثر واحد كنخااف على مشااعر خطيبتي ...
فهاذ اللحظة بالذااات ... مكرهااتش لو لقااات بشرى مزاال قدااامهااا لو بىدااات فيهاااا جنونهااا ، شدااات شعرهاااا بسخط و غضب كتقلب فين تفشش غدايدهاااا ... نااضت هزات تليفون بشرى من تحت الزربية و صطماااات عليه برجليهااا تزطم و تعااود حتى هرساات ليه الزاجة و تهدنااات و تنفساات بعمق و رجعااتو لبلاصتو مخبي مزيااان و هزاات التليلي عاقدة حجبانهااا و كتباات و قلبهاااا قريب يطرطق بغيض و خاايفة من الجوااب ..
سمر : مم اوى الله يخليها ليك باينة كتبغيهاا ..
· سفيان : نفس الفكرة باغية توصلي ليها بدلتي غي لفاصون د السؤال ..
كتفكر : ياربي مع من طحت ياربي ... هزاات كتاافها بدون مبالاة ماشي مهم الطريقة مهم الغااية أ سمر : حتى شي حق ...
لمعو عينيهاااا ... و ضحكااات بمجرد قراات ميسااجو
سفياان : نجاااوبك على أسئلتك بشرط ...
جاوباتو بسرعة و بدون تفكير : شنو هو ؟؟
سفياان: جااوبي على بعض أسئلتي حتى انا .. ؟؟
سمر باستفهاام ؛ بحالاش مثلا..
سفياان: حالياااا واش مرتبطة ... فبالك شي شخص؟؟
رسل ليهااا ميسااجو و ملامح وجهو لا توحي بشىء ... جاامد .... كيستنى جواابهااا ماهي الا دقيقة و كان وصل ليه الجواب لخلاه يعقد حجبااانو بدون وعي سمر : وي ... و لكن ممرتابطااشي !!
الشق التااني من الجوواب لخلاه يفك غوبااشتو نوعاا مااا ... بلل شفايفو و عاااود كتب ليهااا نفس اسئلتهااا لسولاتو هي سفياان : شنو سميتو ؛ و شحال فعمرو كيفاش عرفتيه؟؟وواش كتبغيه؟؟
سفيان: مغنجاوبكش .... باي صفة نقدر نجاوبك ... بائعة الورد فتااة مجهولة " تقدري تكوني ولد .. و انا الوحيد لي معااك فلائحة الاصديقاء ، يعني اانسة و لا معرفت شنو تكوني ، كتعرفيني شخصياا؟؟..
كتلعب بشفايفهااا بتفكير : واش هذا ياربي مادوز عليه حتى حاااجة ! بفف اذا زيدت معاه دقيقة غنسرسب كلشي لعندي غي بالتكنينك ...
خلات ليه vu و خرجااات فتحاات حسابهاا الحقيقي
و
ذاا بهاااا كتفاحىء ملي لقااات طلب صدااقة منو ... يديهاا بدااو كيترعدو .. علاش مصيفط ليها هي زعما ؟؟ و بشرى و نجوى هاذي شحااال و هوما مصيفطين ليه ماقبلهمش !! قلبهااا بدى كيضرب .... يلاه غتاكسيبطي و هي تجمع يديهاااا ... خليه شوية يستنى مغنقبلوشي دابا .... متكبر الاخر .. لكن يديهااا غذروهاااا و قبلات الطلب ...... ديك ساعة ماقددراتش تصبر مززااال ؛ خاافت يحيد الطلب ملي يلقااه مزاال ماتقبل .. بقاات كدور فصفحتو و تفليهاااا كعاادتهاااا و تعااود تقرى منشوراتو ... حتى نعسااات و هي معنقة تليفون على صورتو ....
اصوات بشرى و ليلى المزعحة ....
فيقااات سمر من نعاااسهااا ... شعرهااا مموج بطريقة زوينة ...مخبل بالنعااس بطفولية ...
بشرى بالغوات: و شكون واش بلعااتو الارض ...... يلاه البارح كان هنايا فين طاار .. و العايل ديالك لجا فيدو كيهزو و علم الله فاين رمااه ..دابا .
ليلى بهدوء كتهدن اعصابها: عوم فبحرك براسك ... و من اليوم ماتهدر معايا مانهدر معاك التيسااع ابنت خالتي ...
خرجاات و شعطااات الباب .. و بقات بشرى قربة تبكي على تليفونها لمعرفاش فين هو .....
شاف فيها سمر و علات فيها حاجبها باستهزاء: صباااحو كيف صبحتي. مزيااان ...طلعات فيها و هبطات : لا باينة صبحتي سووبر صلى على النبي ... غمزاتهااا و ناضت طوات فراشهااا و خرجاات كتضحك كتفقض فيهااااا ...
تلاقات بمامها باستها فحكنها : صباح الخير ...
رشيدة : ياسبحان الله يابنتي نتيينا خال و احواال والله مكتفهملي ... مشي غسل وجهك مشي ...
سمر رمات عينيها للصالة لقاتها خاوية : فينهم عائلة نسرين؟؟ ... رشيدة : راهم الفوق كيجمعو حوايجهم غيشدو الطريق و نسرين مسكينة سيقات وجها بالدموع ...
سمر برقو عينها بحزن و شفتها السفلية ترعداات بغاات تدوي و ماقدرااتش ...
كان عارفة انه غيجي وقت و غيرجع بحااالو لعند خطيبتو و حياااتو اخرى ... لكن !!
نعلات هاذ القلب لعندهاااا لتعلق بشخص ماشي من نصيبهاااا .... دابا غيمشي و شبه مستحيل تلقى فرصة يتلقااو تاااني ... يمكن من هناااا لسنين ... مغتعاودتش تشوفو غيمشي لحال سبيلو و كيخلي غي ذكرياات جميلة حلوة راسخة فباالهااا كتعاااود تمسي و تصبح على صورتو و تراقبو خلف الشاشة و تحسر فصمت ...
نزلات راسها حابسة البكية و طلعااات فالدروج للطبقة الفوق محطمة خايفة تعدذب بناار الاشتياااااق ... هاذ الشخص كانه القى عليهاا تعويذة و برمج عقلهاااا على التفكير غي. فيه .... و قلبهاااا تعود يضرب بديك السرعة غي بقربو و وذنيهاااا غيفقدو صدى صوتو وهو كيتلذذ بذكر اسمهاااا... غتشوففو للمرة الاخيرة ... وخااا صعيب ...
طالعة فالدرووج كتنهد فصمت و جلسااات فدرجة دايرة يديهااااا على وجههاااا و كتبكي بدون صوت فقط كتاافها كيتهتاازو ... سحقاااا لقلب ينزف دم شوق في غيااابك ....
صوتو الرجوولي .... و هو كيعااود ينطق حروف اسمهاااا القصيرة من طرف الكل الا هو بنبرتو المميزة كيطول فنطق سميتهااا ....
على اثرهاااا توقفاات كتفاها من الاهتزاز و حيدااات يديهااا من على وجهها ... و زيراات على ثوبهااا ... و ناااضت .... و درات شاف فيه ... فيه باستغراااب و في عينيه لكتستشعر منهم الدفىء و الحناان و صدرو صدرو !! مسااحة جميلة ترمااي فيه و تغوصي فنوممم عميق فليلة شتوية ممطرة ....
سفيااان عاقد حجباانو و نطق بصوت حنين : كتبكي؟؟ ..
هزاات راسهاا بالنفي بسرعة بلا ماتطلع عينها فيه ...
هبط بضع درجااات قرب منهاااا و ميل راسو للجنب كيطل على وجههااا و ابتسم بحنية : كنشوف العكس ...
بدلات اتجاها و تماات راجعة بحاالهاا عااطياه بالظهر هابطة كتجري و شعرهاااا كيتحرك معاها بنعومة ... ..
يلاه جات تهبط الدرجة الاخيرة جرها من مرفقهااا و قلبهاا لجيهتو و بجدية شاف فيهااا : سمر ؟؟ علاش كتبكي ؟؟ واش وقعات ليك شي حاجة ؟؟
هزات راسها يالنفي ..... رخف من يديهاااا و شاف فيهااا كيفاش حانية راسهااا و عينيه مبتااسمين : و شنو ؟؟
سمر مسحاات دموعهاا بظهر يديهااا و علات راسها راسهااا فيه و رموشهاااا فازكين و نيفهااا حمر .... : عيني صبحو كيحرقوني و صاافي ...
رخف حجباانو و ابتسم بحنية : هذااا ماكااان؟؟
ابتااسماات بخجل و هزاات راسها بالايجاااب ... و تماات غادية بحاالهاااا كتشوف فيه : طريق السلامة .....
ابتاااسم و على حجباانو : بسلامة .. تهلاي فالوريدااات ...
خلاهااا واقفة كتشوف فيه بدهشة و استغراااب و فاتحة فمهااا .... ...على اي وريدااات كيدوي عليهم؟؟ ..
كيفاش تهلاي فالوريداات؟
مشى و خلى ليهاا جوج كلماات مبهمة ! ماكرهااتش لو قدراات توقفو يشرح ليهاا اشنو قصد ؟
فدااخلهااا الغاية مكانتش انه يشرح ليهااا اكثر ماتشبع من شوفتو ... كلامو قليل .... كتمنى لو بقى غي كيدوي و هي تسمع داك الصوت لكيدخل لقلبهاااا و يختاارقو بلا مايمزقوو ... و لكينساب مع ودنيهاااا بحااال رنين مميز ...
لكن اه و الف اه ليست الاحق فيه!!!! ... كااينة فتااة اخرى كيرجع ملكهاااا ...
ضحكااات بالم و ترماات فبلاصتهاااا كتمسخ باقايا الدموع فعينيهااا...: نحب من ليس لناااا و البعض يهواانا ... كان كتنعس باليل بلا اي مجهوود، كلشي كان كيحسدهااا كاان قلبهاااا هااني ... كانت مكتفوتش خمسة دقائق كتغفى فسبااات عميق و براااحة بلا ماتخممم... كان !! فعل مااض نااقص ... حتى جااا هاذ الشخص لزعزهاااا و مشى ... اكثر حاحة كتخشااها هي الم الشوق ... وهو لكاانت كتحس بيه .... معقوول تقدر تنسى ؟؟؟كتمنى لو فعلا غي تنعس و تفيق و تنسى بحالل عمرو كااان .... تنسى نبرة صوتو الجوهرية المبحوحة، و نظرة عنييه بحال ﺮﺻﺎﺻﺔ ﻣﻦ ﻣﺴﺪس ﻣﺠﺮم ﻣﺤﺘﺮف اﺧﺘﺮﻗﺖ ﺷﺮاﻳﻴﻦ ﻗﻠﺒها وأﺻﺎﺑﺖ اﻟﻬﺪف .... مخلفة دمااااار في غياابه....💔
أميرتك أنت الجزء الثالث
محتوى القصة
التنقل بين الأجزاء