....ليلة كلها و هيا تتفكر و تعاود...كيف للزوج يراقب مراتو !؟ ممكن تكون مراقبة علنية بأسئلة عن تحركاتها ، تفتيش هاتفها امامها ! لكن يراقبها من طرف محقق !؟ حركت راسها بتساؤول
_كفاش انسان واعي بمنصبو يقدر يتجرأ على هاد فعلة !؟
_باشمن وجه يقول هاد شخص يقول لهاد شخص راقب ليا مراتي !؟
_علااش يراقبها اصلاا ...فضخم تفكيرها وصلها مساج فهاتفها من طرف صديقتها ! لاورا !! تعرفت عليها فلاجونس و علاقة طورت للصداقة ، ليالي دائما كانو الناس لي فحياتها مميزين ، خديجة كانت اول صديقة لها وكانت مفتخرة بيها ، ولاورا لقات فيها شبه من خديجة، قااارية !! وااعية ! عملها قريب للهواية ليالي لي هيا الرسم ....جاوبتها على مساج و ناضت بتقاتل طلت على امير و دخلت بيت لقاتو مزال ماناعس ..
مغيث: ( مزال على هيئتو مع تلفونو ) ..
ليالي: ( بنظرة اكتشاف كانها اول مرة تشوفو ..) ماقلتيش ليا موجد ليا كاصو ثاني !
مغيث: ( حرك راسو بتساؤول) باغدون !؟
ليالي: ( ببرود دائم ! غوات عمرو كان طريقتها او تعبيرها المفضل) عرفتي !؟ طوجوغ كنتي محطم الرقم للقياسي فلي سوغبخيز !
مغيث: ( دوز لسانو على فمو و جمع كفين يديه ) مثلا !؟
ليالي: خليني اسيدي !! تآذيني و نتعلم ! اناا راني بناادم و عندي حقي فمساحتي الشخصية ! ندير صحابات ونخرج معاهم ! عارفة حدودي و الواجب عليا
مغيث: راقبتك للطمئنة قلبي ! ( بنظرة عتاب ) تغيرتي !! و رجعتي تبعدني عليك ( هز صبعو تيشر لها بتاكيد) عارفاني اليالي تنتعذب و تنمووت الا شي احد قرب ليك !، علاش تتخدمي العكس ! علامن تتمردي؟ على راجلك لي تيشوفك بوحدك
ليالي: ( تترمش و رعشة شداتها فقلبها) بعملتك هادي نقصتي من قيمتي !!! ابدااا كنت نضن رااجلي يراقبني بهاد طريقة ! ( بدموع) شكووون انت !؟
مغيث: ( ضرب بيسي مع ارض و قرب لها شدها فذراعها ) شششش !! مانقصتش منك ( بصدق) و ربي المعبوود خايف عليك
ليالي: ( برفض ) ماااشي بهاد طريقة !!
مغيث: عطيني طريقة لي تريحني !؟ ( تيمسح دموعها) حسبيني مررييض ام !؟
ليالي: ( دفعاتو) عرفتي !؟ خاصنا بجوج شوية الوقت
مغيث: ( بعصبية تيمسح وجهو ) اناا غلطت ! اوووك ؟ غلطت !! اغفري ليا غير هادي تنوااعدك اخر مرة
ليالي: ( حنت راسها بهدوء) نتمنى !!
🔚🔚🔚🔚
...مشهد كامل رجع مخيلتها و عينيها فطريق و عين مع السيارة لي تابعها ، خففت السرعة عن قصد تاوصلت عليها نفس السيارة و مع الشخص راكب تما تنهدات برااحة ..
ليالي: اوووف ! المرأة هادي ، دخلني الوسواس
....كملت طريقها فامان الله ، ماتباعها احد ، وصلت سكنة لاورا هزاتها وطريق كلها هما تيتحذثو و يناقشو ، اتجهو للقاعة فين يتقام العرض للوحاتها انتهى للقائهم و توادعو ؛ كلنا اي إمرأة فينا مجرد تخرج للحظات مع صديقتها و يتبادلو الحوار تتغير مزاجها، هدا السر نسائي ولا الف الرجل ممكن يمنحو ليك ..فطريقها اخدت امير من الحضانة و رجعت الدارها ، بدات روتينها و دوشن امير و لبساتو بيجامتو و هزت هاتفها تتهاتف خديجة ...
..قطعت الخط تاسمعت خطواتو ...خرجت استتقبلو كما تيفضل دائما
ليالي: ( باستو فحنكو ) على سلامة
مغيث: ( بعبوس ) الله يسلمك ! خرجتي !؟
ليالي: ( هوت راسها فيه برود ) مع لاورا وي !!
مغيث: ( زير على قبضة يديه داخل جيب سروالو) بيان ..
....الاشهر التي مرت ماغيرت فيه شيء !! غالبا الاشخاص لي صانعين ليهم عالمهم بيديهم ،يكون اصعب الاختراق مثل صور الصين العظيم ، يكفيك رؤية فقط ....بعد ماتلقى اتصال من فاروق !! اتجه عندو هز رؤيا بحوايجها و خلاه على خير راجع الدار !! سابقا كان قالها نوصير !!
_من نهار تزوج رجعات الدار عزيزة عليها و اعجبو الزواج ..
...رجوعو البيت من بعد العمل او مشوار اخر تيرجع عليه بإحساس الراحة ، رؤية الحنانة و زوجتة الصغيرة تيسميها الراحة ..دخل عليهم الدار فيديه صاك رؤيا ة لقى السلام
نبيل: ( بنظرات حسرة على ررؤيا) جيت الواليدة ! رؤيا نجلس هنا ! خديجة عيانة
الوازنة: بحاه اربي الحبيب و الا كاينة شي دعوة فهاد النهار !؟ الا ماشافي ليا عروستي
نبيل: ( دوز يدو على شعرو و طلع فوق ...) اسماااء ...اسماااااء
...بحث عليها فالبرطمة كلها والو ، دخل الحمام طرف و غير حوايج الخدمة و اجلس فالصالون يرتاح، من نهار جهز لها البيت فوق للخياطة وهيا فين ماتلفت ليه عارفها تما ....راحتو رجعت من راحتها ولو كوارثها بدون حدود صابر عليها لانها و نيستو و فهاد مدة قطعو شوط كبير بالتقرب ..هز تلفون ودوز رقمها ..
اسماء: ( بليزكتور) ههههه نبيل
نبيل: ماتنزليش !؟
اسماء: جيتي !؟
نبيل: وي ! جبت رؤيا ( بشوق ) واانزلي
اسماء: هانا نازلة ..
..جمعت ثوابها و الواجب الاستاذة ونزلت تدردك فدروج ...دخلت عنددو مبتيسمة ..وقفت عليه هو متكي
نبيل: وكولي اي حاجة ( تيغمض عينيه ) خليك تتهضري بغيت نعس
اسماء: ( بحماس ) عرفتي الا جبت نقطة اولى ! القفطاني كالك تشهرو ليا مصصمة ! هو غير تيزيدو فهاد سميات المبعكين ، مصصمة ! ملبسة ، فانشيسا ، انا لي فخر نكون خياطة و نبقى نخيط للعرايسات و نشوف تكاشطي تيتباعو ..
نبيل: ( غمض عينيه) صمت ...
اسماء: ( تاتشوف فيه) راه لينات دايرين رحلة لمولاي يعقوب
نبيل: ( فتح عينيه بتركيز ) صمت
اسماء: تانا بغيت نتاكد راك واش ناعس ولا فايق !! مهم نشد ديبلوم و نشبع نعاس ! ونضربها يتحميمة و نخيط فطوش جلابة
نبيل: وانا !؟
اسماء: اي فام دابوغ !
نبيل: فرونسي هدا !؟
اسماء: وي ! ( تكمشت حداه ) اححح ظهرري
نبيل: ( عنقها ) صمت
اسماء: ( داتها عينها) حنا نعسو تاني
نبيل: غيي نعسي !!
اسماء: رؤيا لي تحت ! زاينة راها فخميسات ، هاديك تولد فطريق
نبيل: ( رمش بتقالة ) شوية و نزلو ..
...الايام الاسبوع تمر ، العائلة القباج و عرايساتها او حفايذها كلها و همو !! الكل محتار و خايف و متوتر فحالة خديجة، و الاصعب فالامر انها مابقات تتبغي تمشي عند العائلة و مؤخرا رجعت تتقولها بصريح العبارة لفاروق ..
_مااايجي عندي احد !!
_ولدي يتآذى من نفس شي واحد !
...على سبيل المزاح تنقولو قاصني اكتئاب ! انا بااينة مريضة ! قاصني الوسواس ، المريض المصاب حقا بهاد المرض للعين لا يجرؤ انه يصرح او بمعنى آخر دخل مرحلة الهوس وفقد نفسو ! اعمالو و افكارو و هلوساتو بالنسبة ليه هي الاصح ! فقد خيط العقل ..لهدا رفقا بارواح و لا نصنع من المرض سخرية او عذر او الشفقة .....جالس فالصالون امام تلفزة لكن الجسد فالمكان و العقل غائب ، مرة مرة تيحرك نظاظرو طبية و يحك شعرو تيحس بالدم تيتدفق راسو ..تاسمع الدقان وناض يتقاتل فتح الباب ..
فاروق: ( متفاجأ ) اعمي !! ( فتح الباب ) اتتفضلوو ! مرحبا الشريفة
الام: ( بحرقة ودموع) فين ابنتي اولدي !!
فاروق: ( استقلبهم فالصالون و اطفى تلفزة و جلس حاني راسو ) القدر الله ماشاء فعل
الام: لالا بزاف ! قطعت علينا تلفون و غير تتقول فكلام تيطح مني النص !
فاروق: ( بنظرات تقة) اشريفة ! فظرف مرضها شفنا ستة الاطبة النفسيين ! حاولنا معاها كلنا ! اختها فتلفون عيات تفهمها و توضح لها ، مرات خويا كل مرة بتخبية نلقاها هزاتها عند طبيبات الولادة تا تبرات فيا اخر طبيتها اولى !! قالت ليا اشعة تتفرع التربية فكرشها ..هاحنا صابرين !
الام: هاااديك ابنتي انا حاسة بدقتها ! خديجة ديالي الساكتة و للمرضية عمرها كانت هاكا
فاروق: ( عض شنايفو بقوة ) استهدي بالله اشريفة
الاب : ( بحدة ) اسكتي !! شوف اولدي ؟ اتعذرنا راه جوج عوينات لي نكساب ! و خديجة هيا البكرة ديالي و مكانتها خاصة ! نذذمت تا شاب راسي اكثر ماهو شايب نهار خويت كازا ! لكن فيها الخير
فاروق: ( شابك صبعانو ...نظراتو حارة) العموم ! الا انت ابنتك و كبيرتك !؟ انا راه مراتي و ام اولادي و ماشفت منها غير الخير ! انا ماتشكيت منها ما اعترضت مشيئة الله ( حرك قميجتو بصبعانو) حوايجي نبيعهم عليها غير تشافى ليا
الام: ( تتبكي بدموع ...) اييه الحبيبة ديالي ! عوووينة و قااصتها ! افراحنا و عراستنا و تقضيتنا و جلالبنا و حلوتنا من يدين المرضية ( تفقد سيطرة على نفسها بالبكاء تتوسل فاروق) الا اولدي عندنا عندك شي معزو عندك !؟ عطيها لينا و نطيحو و نوضو حتى حتا علة بنتنا
الاب: ( طبطب على ظهر الام و تيكاير دموعو) اش قلتي اسي فاروق !؟ فينها بعدا نشوفوها !؟
فاروق: فبيتها !! ( وقف جاب معقم من فوق صور صالون ) اعقمو يديكم بلاما تحاولو تقربو لها ! كلشي تايجيها مووسخ و مغبر
...ناض من امامهم دخل البيت و الاب واجه الام بنظرات عتااب مفكرها فحوارهم قبل المجيء
🔙🔙🔙🔙
..على ساعة خامسة صباحا بعد صلاة الفجر الام انهارت بكاء ...
الام: انااا اليووم نمشي عند ابنتي !! اش دااني نخوي من حداها ..
الاب: ( بحسرة) ياااهاد المراة !! استهدي بالله ، يلاه خمساطش اليوم جينا من عندها
الام: اببنتي تتقطع عليا تلفووون !! و تتشكى من رااجلها !! اتوريني فراجلها ! صعيييب و مرض ليا ابنتي
الاب: ان بعض الظلم إثم !! السيد عامل اكثر من جهدو !! بنفسي تنتكلم معاه يومياا ..
الام: انا اليوم تاخد معايا قرار ! مابغيتيش انتصل باميمة تشد طيارة و نزلو عندها ! ابنتي تشوات كبدتي عليها !! راجلها عمرو دخل ليا خاطري ! انسى نهار جرا على راجل ل
ا ختها !؟ هو لي يكون مانعها
الاب : راااه ابنتك لي الله يشافيها و يشوف من حالتها مابقات باغة تشوف احد !! الاكتئاب تشد عليها
الام : ماااتقوووليش !! اليوم نصبح عندما او ماااتخبرووش ! باغة نمشي على الغفلة ...
🔚🔚🔚🔚
الاب: الله يصاوب !
الام: ماااشي خااطري ! عذرني ، بنتي هاادي و طرف من كبدتي
...نهار كان تينصح اخوتو ! تيخاطبهم بمقولة !
_كُنْ راجل و آمر !
..الشدة و المواقف و المرض و الآفات تايعريو على معدن الراجل، خمس شهور هو صابر معاها، كلما يشتد المرض عليها تيشتد قلبو خوفا ! فدائرة الاطباء لي دارو طبيبة نسائية الوحدة لي ارتاح لها ، رغم انها بعيدة على مجال النفسي الا انسانة واعية ! و نصائها و تحذيراتها ترسخو فدماغو ..
_سي القباج عينك ماتغفلش عليها ! خصوصا فاقتراب الولادة !
_سي القباج كن وذنها لي تتسمع بيها و عينيها لي تاشوف بيها ! زوجتك حاليا مرفوع عليها القلم والرجل فالدنيا و رجل فالآخرة ..
_بلا مانشير الحياة الجنسية لي ممكن تكون منعدمة !!
...داخل البيت ! فتح الباب ببطئ لان اي ضجيج تيعصبها ، كما العادة ناعسة مغطية ساسها و راسها ..قرب لها
فاروق: ( جلس من للور تايجمع شعرها ) لا عاادين ! تخرجي عندهم !؟ ماماك تتسول عليك
خديجة: ( وقفت شادة فكرشها هو معاونها...خرجت عندهم بعيون حائرة و غريبة ..لاسف ماسلماتش عليهم ولا هما قربو ) ماما !! جيتي تشوفيني !؟ شفتي اماما ماسيقتش اليوم
الام: ( قلبها تيتقطع و الاب مراقب تحركاتها و فاروق تيدور وجهو كلما تتكلم من حرقتو) طرا الباس للحبيبة !!
الاب: ابنتي ! قربتي تولدي !؟
خديجة : ( حطت يديها على عنقها) والو ابابا و تقووول واش لقيت شي طبيبة بخوفيسيونيل !
الاب: كاين الله ! لي فك مريم فالصحراء قاحلة !قادر يفكك ابنتي ، شنو ابنتي تمشي معانا تبدلي الجو و تشوفي الطبيعة
الام: ( بحماس) الدار جديدة و نقية ! و تعرفت على الطبيبة تما !
خديجة: ( تتدوز يدها على كرشها) بصح اماما !! وطموبيل ابابا عندك فيها كليمة !؟
فاروق: ( دور وجهو عندها ) باغة تمشي اخديجة !؟
خديجة: ااه نمشي !! هاد الدار ماكانتش مباركة عليا !
..ناض خرج بالكو و خلاها معاهم ...جبد كارو يكميه تا دخل عليه اباها ..
الاب: اولدي فاروق ! واش ضد هاد المشية !؟
فاروق: ( بنفس طويل زفرو مع دخان ) اش نكووليك العمووم !! ديما عندي وجه واحد تنخدم بيه ، ( بجدية ) قادرين تحملو مسؤوليتها !؟
الاب: الله اودي اولدي ! ماعدنا شغل غيرها !
فاروق: ( حرك راسو بنفي ) انا ماغاديش نشدها ! انوصلها بيدي ! ولكن العموم راه منوع دوش بوحدها ، راه تنفكك بوطة دوش إكسبري ونا خارج !!
الاب: لهاد درجة !؟
فاروق: ( رمى كارو نيتنهد ) راك عارف نظافة شخصية ! صدفة جرحت راسها شافت دم راه اسبوع انا معها فالعذاب ..من فوق تشخيص الوسواس ركبتها فوبيا الدم
الاب : ( مسح وجهو بقلة حيلة ) الله يقوينا على هاد المرض ..
...حديث كان طويل ! فاروق تيوصي ويعاود ، ختارت تمشي اينفذ طلبها اهم حاجة راحتها ، دخلو بيتهم هيا تتشير لحوايجها هو تيجمع لها ..كيس بوحدو معقمات و ليكات ..هبط السيارتو عقمها و مسحها و هبطو والديها مهبطين صاكها عطاوهم فرصة كلام ..
فاروق: ( قلبو يعتصر الم ..قرب لها تالمح تجاوبها) حاولي على راسك اخديجة ! لي عصبك ولا مافهمكش غير عيطي عليا نجيك
خديجة : ( عنقاتو تتبكي ) غير خليني نمشي !
فاروق: وغادي ترجعي (قبلها فراسها ) شوفي دارك لي فرشتي وبيت ولدك لي فرشتي !؟ غادي ترجعي انشاء الله
خديجة: ( بنظرة و صوت مرتجف ) خايف نولد ونموت !! ربي ليا اولادي مزيان ، رؤيا ابنتي بي ماولدتش
فاروق: ( تيغلي من داخلو و عرق تيزدح فراسو ..قرب يطيح ) الا مشيتي اش يبقى ليا !؟ خلي ايمانك بالله ، راني واقف ماحدك تتنفسي ؟ انا واقف ! طيحي نطيح
...كان وداع او للقاء للوداع !! لله عالم الغيب ..نزلها بدموعها هو قلبو تيبكي الدم ..ركبو فسيارتهم و والديها راكبين اللور لانه ماعندهم سيارة ...وشدو طريق للتازة
...الوقت عصراا ، مع بداية شهر تسعود الجو لازال حاراا ، من داخل بيت نعاسها لي خدات ليه فراش الجديد و صباغة جديدة تتقاد حوايجها ! الشهور لي مرت عليها ، كانت مابين الدار و دراستها وباخر شهر حصلت على ديبلومها ! اما علاقتها مع عائلتها مزال على نفس الحال تتوفر من مصروفها و تترسل امها، اما خصائصها مكفيها نوصير ! فرشت بيت النعاس بذوقها وفين يبارك لها الناس الا ولدت ، عيات ماتجمع لكن فين مادرات تتلقى شعار الرجاء و تيشورطاتو ! موجد لولدو تونيات من دبا
زاينة: ( وقفت تتطلع نفس..بنادم تيطلع لها الفوق و يجلس ) الله اربي
نوصير: ( داخل من خدمة) مي كوراصون ! حطي ليا نتغذا
زاينة: ( كانت هازة شعار فيديها..تلضرباتو بيه) اخرررج من قداامي ! ماكاين قدك لي فاقصني
زاينة: ( داخلة بيتها هو تابعها ) تكال ليك !! ورااني خرجت شهري !! اويلي وحدي استغفر الله ! خالتي ماكاينة و ختي عند يما
نوصير: ( تيبدل حوايجو و هيا كدالك ) نمشيو عند طبيبة !؟ نهبط نوض موتور طموبيل !؟
زاينة: ( تتجلس و ترجع تنوض و غوتات باعصاب ) اسماااااااء
نوصير : ( قفازاتو ) مااال دلمك تتغوتي !؟ اش دير لك اسمااء !؟
زاينة : ونززززل سبقني وبعد مني !!
نوصير: ( تيتاكد من فلوس فالبزطام ) بررربي و توقع لولدي شي حاااجة تنوريك خيزو و ماحلاه !
زاينة" : ( ماتهو غير ريحة حداها و تشير هو خوا ) وخررررج الله يعطيك موووصيبة ! هو ماباغيش يخرج انا مالي
نوصير: (تايوصل حتى دروج و يرجع عندها ) شحاااال من مرة كلت لك رااك تعطلتي !؟
زاينة: ( لبست عبايتها خارجة ) اوا تبعني نوريك
نوصير: وفين زيييفك !؟ اااجي زااينة
زاينة: ( بقوة اعصاب حيدات صابوها من رجليها ..شيرات عليه) ديرووو انت !! دعيتك الله ..
..نازلين تيتنااكرو و يغوتو ! الخوف ركبهم بجوج ولكن العقل الثابت غايب عليهم ..اسماء لي تعتقها مزال فالمدرسة و الوازنة معاها رؤيا مشات عند العائلة ..وصلو العياادة طالعة تتعرج فدروج تايبعي يشدها و ضربو ...الطبيية كانت فانتظارها دخلتها المساعدة للغرفة الفحص ..
طبيبة: ( لابسة ليكات تتخوي لها برودي على كرشها و تتعتابها) اوا مدام زااينة !؟ زعما راك قارية و بنت الوقت ، اش هاد التهاون ( تتشوف فشاشة فحص) كما توقعت ! جنين نشف من الما ...
زاينة: ( تصدمت غير تاتشوف ..) اوا شنو !؟
طبيبة: ( تتمسح كرشها و طلبت من مساعدة تنزل لها سليب ) عندك من هنا تسعوود ليل تكوني والدة !!
اسماء: ( قربت عندها تتلكم بهمس ) نجيب ليك سليب و بودي و بيجامة
زاينة: ( واقفة ونوصير تيشدها ) ااه ..عتقي
نوصير: نهبط صاك حوايج تحت !؟
زاينة: الا ولدت عيط لامي و اختي !
نوصير: نعيط لهم دبا !
زاينة: ماباغاش نخلع امي !! تنولد
...دخلتها اسماء و مسايسة معاها ....حيدت لها حوايج و تتخوي عليها الما و زاينة تتدوو على كرشها !! توضات و شللت و نشقات و لبست حوايجها و زاينة غيير تتسوط ..خرجت من دوش ، وجدت لها الوازنة التمر ...
الوازنة: رااكم بناااتي !! الله يطلق سراحك و بكمالة الصورة ..
....لبست عبايتها ، و اسماء لبست جلاباها و شادة فيها منزلاها ..و نوصير هبط حوايجها و يطلع يشوف اش نسى ..و ركبو شادين طريق للكلينيك و نوصير تيتصل بنبيل اخبرو بالولادة ،مسافة الطريق وصلو و دخلوها ، اسماء هازة صيكان ونوصير وقفوه فلاستقبال الاداء قبلا ، دخلوها الغرفة و فرمليات قايمين بها و اسماء بقات فيها،للبسوها للبسة الولادة وسيروم و جمهو لها شعرها ودارو لها بوني ..
فرملية: مدام فين راجلك !؟
زاينة: ( خوف لعب عليها ) هاهو جاي !
نوصير : ( دخل عليهم ) مزيان !؟
فرملية : نديوها اسيدي دباا !!
نوصير: ( خوف تمكن منو و قبل راسها ) الله يفك على خيرك ! عارفك المراة وكادة صبري على ولدنا ..تنبغيك
زاينة: ( غير تاترمش ) ...
اسماء: ( عنقاتها ) الله يفكك اختي على خير ..
..خرجوها الفرمليات و قلبها تيضرب ! تتقرا القرآن و تتشهد حتى وصل عليهم نبيل فالممر للانتظار ..
نبيل: ( شاف اسماء تتبكي ) امضرا !؟
نوصير: ( واصلة ليه العظم) دخلوها ..
نبيل: ( وقف بجانب اسماء) تخلعتي !؟
اسماء: بقات فيا ! مصدومة ..
نوصير: ( شداتو كحة ..) انا براا نجيب الما
نبيل: سير !!
..فالكوار واقفين تينتظرو ..و الولادة داخل بذات..طبيبة عطاتها ابر للوجع اصطناعي و الوالدة تتحل ..
زاينة: ( وجع تيخدم ) اممممممم
طبيبة: ( مجهزة و معقمة ..تتشوف فرجها الوالدة تتحل و سقية تتطرطق) آلي زااينة ! ولادة عندك ساهلة ..
زاينة: ( قد ماصبرت وجع تيشحط) ااااااه اااربي
طبيبة: ( تتوسع فتحة بصبعها ) فوالاا زحمي
زاينة: كي ندير اااااه
طبيبة: بحال اتعملي كاكا !! دفففعيي ..بووووش
زاينة: ( تتحس شي حاجة تخرج من مؤخرتها) ااااااه ااااربي ويْماااا
.....اللهم أنبته نباتاً حسناً واجعله قرة عين لوالديه واحفظه وبارك لنا فيه واجعله من أهل الصلاح والتقوى.....ازاد الى الشجرة عائلة القباج حفيذ عزيز، من بعد البارح ماطمنو على زاينة بي ربي اسهل عليها الولادة ،نوصير الضحكة ماتيجمعهاش من فمو ....اليوم هو موعد خروج النفيسة ! مدام الحالة صحية بخير و الرضيع بخير الطبيبة عطاتهم ورقة الخروج ..
زاينة: ( تتلبسها عبايتها اسماء و نجمة ) وااش تسطيتي ؟ تخرج الولد فديك الراية !؟
اسماء: ( هازة صاك و نجمة حطات الولد فالكونة لي شراتها لاختها كاضو ) كملنااا ..
مغيث: ( بابتسامة) هاادي اسماء !؟ كي طرا وجرا نتي هنا بلا نبيل هههه
اسماء: ( بخجل ) راكم معايا ههه
....اينما حلت اسماء حلت السعادة !! كلها ركب سيارتو متجهين الدار الوازنة! الوازنة لي بالفرحة من الفجر فايقة و استقلبت الام زاينة بالفرحة ..ليالي منين سمعو الخبر هيا مغيث ! على الصباح مشات عند الوازنة سبقت الهدايا لي شراتهم لزاينة ولدها ...كل مايخص الرضيع من ملابس من ملابس و نظافة و للعب ....تسمعو صوت طموبيلات ...الدرب كلو تيطل شاد فيها نوصير مطلعها الغراز تيضروها ..تدخلت عليهم و نجمة موراها هازة ولدها ! ودموعها مااعرفو طريقهم حتى شافت يْماها ..
الام: ( عنقت تتبارك لها ) مبارك مسعود عليك آيلي مبروووك
زاينة : ( غير تتبكي ! لان حس مسؤولية اتجاه مها مع الولادة ضوبل ) يخليك ليا ا يْمَّاا
..سلمت على عكوزتها و ليالي !! دخلوها بيتها و بنات معاها ، اول مشهد شافتو هو هدايا فرحت بزاااف ، و ليالي هازة امير ..
فاروق: ( قرب لوذنيه ....وهمس باسم ) محمد زيااد ...محمد زياد ...محمد زياد
الرضيع افتح عينيه ! كأنه تنادي عليه ..ومدو لنوصير ز رؤيا تتنادي تاهيا بلاسم و هزو نوصير مدخلو زاينة فرحان و اخبرها !! كانت فرحانة بالعكس ! فاروق هو الكبير و العائلة نوصير بينت على حسن نيتها ..خرجو خلاوهم بوحدهم
نوصير: ( وقف تيتكسل ) مريض و زدت هبلت الزين !! هانا برا
...لاحديث و لا كلام غير محمد زياد و خديجة ! نوصير تيتلقى تهاني من اعز اصحابو و الجيران و الكل !! اليوم مر مع اشغال! المغاربة معروفين بالسخرة و جيب و جيب ولو يكونو باغين يوجدو غير كاسكروط ، تاتلقى شي مسخر شي تيعاون شي جالس باش ياكل ..هكدا تلتيام لي شرفت عليها الام زاينة ..
#اليوم_ثالث
..على الصباح الباكر فاقت ام زاينة وجدات الحليب تيفيض و زادت ليه حب الرشاد مرطب و بذات تفقص فالبيض البلدي و تتحرك ! اكلة مشهورة عند #شلوح_الاطلس للنفيسة تتطهر الرحم و تتزيد الحليب و تتداوي على البرد...دقت فالباب دخلت كانت ناعسة معاها نجمة ...
..نوضوها تفطر ! و ناقصين لها الخبز لا تعصم و تلقى مشكل فالخروج مع الغراز ..الام شدات زياد تتكسل فيه و تبدا ليه ليكوش و كلشي اخضر تيخرج ! بدلو ليه و لبسوه و كمطوه ..مع انتهائها الفطور مدوه لها ترضعو لكن حليب خفيف ..
....نجمة: ( هزت حليب لش شراوه مع الدوا بوصفة طبيية و عقمو رضاعة و جدو الرضاعة )اخام ( هاكي )
الام: آويد ( اري ) انا رضعو ! عاونيها توضى ..
..فعلا عاونتها نجمة دخلتها حمام و نوصي شعل لهم دوش ! بصعوبة تتحني و تنوض ! توضات و نشفتت و نجمة دارت لها دوا !! بدلو لها حوايجها و خلاوها تنعس و خرجو للشغلهم ..مع مجيء الام اسماء محملة بالصواب ...نزل كراج يوجدو بورماش ....النص العجيبة و الخبيز و الامهات شدو المرقة ، نقاو فالبصلة حمرا تاكلشي بدا يبكي و بداو يشضو و دجاج البلدي كان مغسول ملح ، زادو العطرية كلها مع راس الحانوت و زين بلدية و خلاوه يتقلى ! الحلبة صلقوها و رماوها ..كل مرة الام زاينة تزيد العشوب ! فليو مدقوق و الزعتر كدالك ! و تومة ريوش مغسولين ..اما سر هو الراس حانوت لي مدقوق على اليد و بيديها جامعة عشوب...
اسماء: ( تتضحك) الله الله على روايح ! نعاونكم
امها: ( تفقصها بقوة هضرة) طيبتي الغدا ابعدا للوايسك
اسماء: فطوش اتوريني شغلي ! ( قربت ام زاينة) تبارك الله عليك اخالتي
نبيل: ( جرها من شعرهاا تاشدها و حيد لها ميكة بسيف ودارها فجيبو) دبا دوري تكمشي ! طرا شي كارثة ؟ اسماء السبب
اسماء: ( باصرار) وااا البنت خمس شهر هيا موصياني ! نقولها راجلي حيدو ليا !؟ عطييني عفاك !
نبيل : ( عطاها للوز ) هبطيه الواليدة و طلعي عندي ( هز صبعو بتحذير) لقاك تحت نذمك ..
اسماء: ( غادة تاتبركم) سوقو هو !؟ هادي آخرة ليا مع سكينة ! اضرب عليا ..
...بعد مرور يومين ...من مدينة تازة العليا ..
....الحال على ماهو عليه ! نهار كلو ناعسة و ماناعسة ، والديها عاملين اكثر من جهدهم ، مراقبينها بأكلها و نومها و القرآن مطلوق الليل ونهار ..على الصباح هاتفها يرن و يرن و يرن ..تتسمعو لكن القدرة باش تهزو و تكلم مابقاتش ...
الاب: ( طل عليها و نفس وقت تيتكلم مع فاروق ) راها ناعسة اولدي
فاروق : ( من لابريكاد) لا تغير العموم !؟
الاب: انطلبو الله اولدي !، الخير فيما اختاره الله
فاروق: احم !! غدا ندوز ليها انشاء الله !! هدا جهد ، هيا فجهة ماتنشوفش نعاس من جهتها ابنتي المدرسة بدات
الاب: ( تيهرب على الام لي تاتسرق سمع) اوا اولدي خليها تكمل غير سيمانا !؟
فاروق: ( مسح وجهو بألم ) ماديرهاش مني قلة الصواب ! كن كانت فالحالة اخرى ممكن ! راه فاي للحظة تولد ضغظ عليها بزاف، تما عاد نبقاو تالفين و نضيعو الوقت
الاب: ( بقلة حيلة) لي تشوفو اولدي !!
فاروق: مع السلامة ! الصباح نكون تما ..( اقطع)
الام: تيغلب عليك بجوج كلمات !! ابنتي مزال ماشبعت منها ..
الاب: ( بنبرة جدية) احكمي عقلك ياهاد المراة ! بنتك ماشي ديال راسها ! راها مسؤولة على عائلة ، نحرمو الراجل من مراتو ؟
الام: ( تتمسح دموعها ) ابنتي تتضييييع ليااااا !!
الاب: لا حول ولا قوى الا بالله ! أطبة و زاارت ! القرآن و الرقية و جربناهم ! اين الحل الله و اعلم ..
الام: قلتها ليك باش نصحاتني ديك السيدة !! ناخدوها عند ديك الشريفة !
الام: هدا راه تداوي بالاعشاب ! سيدة داوات ناس هما و بالنية ..ماغادي تمسها ولا تقيسها ..تسمع لها و صافي
للاب: البنت جايبها بوصاية راجلها !! توقع لها شي حاجة راه كلنا مشينا فيها ..
الام : ساعفني هاد المرة ..ناخدوها ! حجة و زيارة
...بعض الاحيان تنسمعو حاجات لاتمد بالواقع بصلة ! لكن الضرورات تبيح المحظورات والإنسان ايلا مرض كايدق جميع الأبواب بحثا عن الشفاء، الام قنعت الاب بسبب الاقاويل لي سمعت من ناس المدينة ..قنعاتو و قررو يمشيو ، نوضاتها وعطاتها تاكل ، لبساتها عباية مفتوحة تتغلق بالحزام و رمات عليها شال ..
خديجة: اماما فين غادين !؟
الام: ( بحب و سياسة ) نشوفو شوية الطبيعة و نتقضاو شوية العسل حرة ..
خديجة : ( قلبت عينيها بتعب) غير الغبرة اماما ..
الام: اوا تولدنا من الطين و رجوعنا ليه ..الله يتبثك بعقلك ديري ليا خاطري ..
...خرجو من الدار و هيا تتعقم يديها و اباها تيمسح لها بلاصتها فطموبيل ! ركبوها للور وهيا غير مرتاحة ، تازة المدينة الدافئة ، مدينة العباقرة ، تخرجو منها اساتذة واطر مهمة و هدا سبب راجع لحبهم للعلم و ايضا المدينة خالية من الاماكن لي يضيع فيها الانسان وقتو ..وصلو فيلاج ونزلو من طموبيل ..بخطوات تقيلة والاب غير ساكت لانه من طريقة نعث الام واضح انها عارفة المكان جيدا ...كانت دار من طين من المباني القديمة ..دقو فالباب فتحت لهم بنت صغيرة ..دخلو جلسهم فالصالون من ديكور قروي بامتياز ..
...كانت امرأة متقدمة بالسن من الناس لي كايتسماو في الثقافة الشعبية بأصحاب البركات ، تجاعيدها كثيرة و ابتسامة بشوشة على وجهاا !! تقدمت حداهم وجلست بدون كلام فحجرها فواطة جمعها بيديها ! طمأنينة عجيبة تتعطيها بنظراتها ! بدون مقدمات جبدات مهراز من منظرو واضح انه من الزمن القديم ..فتحت فواطتها و قربت طبق بدات تتحط فيه اعشاب كثيرة ، بيديها حرشين و لونهم مائل للثرابي و فلحات مليئة بثراب ....بحفنات صغيرة توضع الاعشاب فالمهراز و تتدق و بنظرات و ابتسامة مقابلة بيهم خديجة تاتلقي عليها تحية صامتة!! عرفتها هيا المريضة المعلولة ..دقة دقة دقة تتهز يديها الفوق و تتنزل فاعشاب و تتطاير رائحتهم في الهواء
المرأة: ( بصوت حكيم و فصيح) كاين الله ..
خديجة: ( دموع انهمرت من عيونها ...تتبكي تتبكي ) حمدو الله
المرأة: ( تتزيد اعشاب للمهراز و تتوسع بابتسامتها بدموع خديجة و تكرر نفس الكلام ) كاين الله ..
....هل ندخل في الروحانيات ام في الطاقة الايجابية لي تتكون عند بعض الاشخاص في العالم بالوراثة او من عند الله، تنسمعو بالعّْوَّادة و تنسمعو بطب الاعشاب ..و الشريفة لي تتسمع دموع خديجة و كل دقة مهراز تتخليها تتخرج اكثر و رائحة العشوب كانها تداوي جروحهاا ..بكااات و بردااات ..بلا ماتخرج كلام كثير و تشكي !! فالشكوة لغير الله مذلة ...تتبكي و تتفكر لي مر عليها و تتفكر و تتفكر ..تا ارتاحت و طلعت نفس عميق
المراة: ( جمعت العشوب من مهراز و خلطاتهم مع الحنة ومداتهم الام ) بشفاا ..راها مقبلة
الام: ( شافت فكرش خديجة ! الوقت لي مسكت منها عشوب عطاتها فلوس ) الله يطول فعمرك ..
المراة: ( فلوس رماتها مع عشوب فحجرها بدون نظر ليهم و دعاتهم بابتسامة) كاين الله
...لابسة كسيوة موردة بشالها واقفة قدام المرايا تتصاوب وجها فالطواليط المدرسة ...اشهر لي مرت اسماء افتحت عينيها على امور كثيرة !! تتشوف بنات معاها تيلبسو و يقادو ! شحااال قدها دائما جلابة و هيا تتقرا فالمدرسة خاصة ، رجعت تتختار ملابسها بعناية و تتناسق الوان لكن مع نبيل ماتتخرج حتى يعمل سكانير
ممنوع الكحل !! ممنوع عكر !! ممنوع تبان عليها شي لعبة فوجها ....بعض احيان ممكن يعارض حتى على ملابس لاا جاوها زوينين ..
تتلعب للعبو ..مجرد مايحطها تتدخل طواليط تتزيد لمساتها ودخل كما عادتها تابتسم و ضحك مع هادي و تهضر مع هادي غير تبدا الحصة ماتعقل على تاوحدة ...الدرس ابدا و هيا كلها اذان صاغية ...مرت ساعة و نصف و الاستاذة عطاتهم كما العادة الواجب ...لي بغى يخرج بكري يخرج ولا يجلس يخدم ..
اسماء: ( تهضر مع زميلتها) خرجت البارح شريتو تواب !،؟
البنت: ( حركت لها راسها بلا) ماساليتش
اسماء: تاانا انحضر اليوم وغدا صافي ! مرات لوسي ولدات
...جمعت صاكها و خرجت تتجري و تتفكر كن حصلها البارح..
🔙🔙🔙
..تفضال سكينة عليها بزاف !! النهار كلو و هيا تتدور و تتقلب كي دير تجيب شغلها ، هبطت تحت كوزينة نفي ميكة عمراتها كامون و حطاتها فجيبها ، تتدور بين جنابو تا قربو ينعسو وبقات فجيبو و ناضت هزت راس الحانوت وحطت كامون
اسماء: اوا شتي على تمارة ! لكن دراها ليا فمي
🔙🔙🔙🔙
سكينة : ( بجلابتها دايرة قب من شمس ) تعطلتي عليا
اسماء: ( عطاتها ميكة) كن تعرفي تمارة تكولي تنهرب الحشيش !! شدي ، راه حصلني بارح و سمعني هضرة
خديجة: ( حطات يديها على صدرها) وااحد الراحة ابابا من زمان ما حسيت بيها ! حجرة كانت على صدري
الاب: حمد الله ! و استغفري مولاك !! التجأي لله وحده ..
...ناصت الام كفضات و سخنت الدوش وجدات اي تحتاج ، خلطت الحنة بالعشوب و ريحة عجيبة لطلقت فالحمام ...دخلاتها وعاطية معاها الخاطر ، حيدت لها حوايجها كلهم بدات تهز الحنة فيديها بدات من شعرها
الام: اعوذ بكلمات الله التامة من كل عين اللامة ، الله يحن عليك ابنتي و يفك وحايك
خديجة: ( مغمضة عينيها و تتنفس برااحة و تتطلق ااهات راحة ) اآآه
الام: شفتك بعين الرحمة الضو عينيا !! بشفاا ..
...دهناتها كلها بالحنة و تتماصي لها ببطى بكلمات الشفاء ...فتحت عينيها تتشوف جسمها كلو بالحنة، تمعنااات فيه و بداات تتكومي بيديها و نطقت بهدوء
خديجة: خوي عليا الما ..
..االام تتخوي عليها الما و خديجة تتنظف جسمها ! كانها تتنظف روحهاا ..دارت صابونة للجسم و شامبو للشعر و كتفت ..نشفات لها امها و لبساتها و عملت لها زيف حياتي على راسها وداتها البيت تنعس ..للثاني مرة تتنعس بهدوء ! ونوم حقيقى ليس تقلبات و هلوسات و ارق ...
🌄🌄🌄🌄
...مع الفجر شد طريق للتازة ، خمسة سوايع تيضرب فيهم بدون ماوقوف !! وصل اخيرا للمدينة ..مع مسافة قريبة و صل الحي ...نزل من طموبيل بنظراتو نارية تلفون وسوارت فيديه تاصونا عليهم و فتح ليه الاب و استقبلو ..
الاب: ( جلس مقابل ليه ) على السلامة اولدي
فاروق: ( عينيه حومر ) الله يسلمك العموم !! من بارح ماتاصلت كي عاملة الامور !؟
لاب: وافطر اولدي ابعدا !!
فاروق: غير شي كاس القهوى كحلة الله ينورك ! خديجة ناعسة !؟
الام : ( خرجت لاستقبالها ) على سلامة اولدي !!
الاب: راها ناعسة !! ربي نزل عليها واحد الراحة عجيبة
فاروق: ( بنظرة ثابتة) اللهم ملك الحمد !! ياكما درتو شي محاولة مع شي طبيب !؟
الام: ( تتحط الفطور ..) مرحبا بيك
فاروق: ( حرك لها راسها و تينتظر جواب) جاويني اعمي !؟
االاب: ( عتدل فالجلسة مستعد للشرح) اولا خاصك تعرف !! ان خديجة ارتاحت بزاف ، من بارح وهيا ناعسة
فاروق: ( حط صبعو على فمو يتركيز) من لآخر العموم !! زورتوها لشي فقي !؟
الاب: لالا !! لافقي لاداكشي لي فبالك ! وااحدة السيدة معطية لها البركة عطاتها شوية الحنة غسلت بيها
فاروق: ( بصوت نبرة قاصحة ) كن وقعت شي حاجة ليها العموم !؟ فين انصدقو !؟
الام: راه دمنا و للحمنا !! هاد سيدة بامكانك تسول عليها ، سيدة بالبركتها
فاروق: ( عقد غوباشتو فيها) اسمعي اشريفة ! وجه واحد باش عرفتني اليوم تعرفيني بيه الغدا ! الا نتي خديجة دمك و لحمك ؟ انا مشارك معاها الدم و للحم ، كن اتصلتي بيا وعلمتني نجي نحملها على ظهري و نديها للشوافات كاع !! ان الله غفور رحيم غير تشافى ليا مراتي
الاب: تهدن اولدي !! ماعدناش شك فيك !
فاروق: العموم راكم والدين مراتي على راسي و عينيا ! الهضرة انا راه تنطيرها فالجو ولكن راه الخالق شاهد ..( بنبرة عصبية) لي وقع اوقع دبا !! فين خديجة وكان !؟
الاب : ( اشار للغرفة) هاهيا اولدي ..
..فاروق: ( جنون تيشطحو ليه ..دخل عندها لقاها ناعسة و زيف على راسها..قرب لها قبلها فراسها) خديييجة
..نوضها برفق !! و تيلاحظ حالتها مستقرة ! خرجها البرا و فطرت و فاروق رجع تيتكلم العادي مع الاب ! جمعت لها امها حوايجها ...وقت الوداع ! فرش لها فطموبيل للور مخدة و ملاية و سلمت على والديها و ركبت ، بدورو فاروق اسلم عليهم ..
فاروق : العموم دعيو معانا ! اي وقت مرحبا بيكم راه محل ابنتكم
...ركبو وشادين طريق الرجع !! لحظات استسلمت النوم !! كانها تترجع كريدي نوم القديم !! فاروق صايك بشوية منتبه فالطريق وكل مرة يشوفها من زجاجة و ينادي باسمها حتى تتجاوبو و يرتاح ..
...فدار الوازنة !! اليوم الذبيحة للسمية ، على الصباح معرفة لاجودان جايب حولي سردي للدار الوازنة مع ستة الصباح ...نزل غير نوصير فتح الكراج و دخلو و شكر للسيد و طلع فرحان ان الحلمو تحقق ! بقوة العذاب لي دوز عليه هو صغير ، رباه و نبهو و تابعو و فداخلو متمني يكون أب مثل فاروق و اول مولود يسميه هو ..رجع تينعس فالصالون لان نجمة تتنعس مع زاينة تتعاونها فالتربية ، رجع غمض بعض سويعات ..
الوازنة: ( جالسين فطبلة مع العائلة ) اوا الله يجعلو مت ذرية الصالحة
ام زاينة: اوا حولي مليح !!
ام اسماء: اوا مبارك مسعود ! جيتو دجاج نطلعو نغسلوه !؟
نبيل: ( شاف نوصير خرج وقف يتبعو ) عنداك تفطري !؟ بقاي دوري دوري ! طالعة نازلة تاتجيبي ربحة !
اسماء: ( دارت ابتسامة صفرا ) ماتخافش ..
..نوصير: ( رجع داخل ) اسماء ! جيبي زاينة واجي هاد جزار وصل !
نبيل: وصل مغيث !؟
نوصير: راه فوق مع الواليدة فالسطح ..
...الحولي كان واقف بشريط فرأسو اخضر و الجزار حاكمو مزيان و مغيث هاز امير تيلاعبو و الوازنة و نسيباتها فرحانين للفرحة المولود ..طلعت زاينة شادة فيها نجمة و زياد هزاه اسماء تامداتو نوصير لي هزو تيبوسو ورؤيا فرحانة معاهم...تصورة الصورة للذكرى و نزلت زاينة مع ختها و بيبي خايفة من ذبح ، و الجزار اسمى الله
جزار: باسم الله ! الله اكبر ! للهم لك و اليك عقيقة محمد زياد ..
..على اثر التسمية تزايدت زغاريت !! و زغاريت ..العيالات اتكلفو بالباقي !! و طلعو دجاج كدالك تغسل و تملح و تغسلات روينة ..و جدو الغدا حتى وذن العصر ..
مغيث: ( شاف نوصير) انا من وجهة نظري دير لولدك السابع كما باغي !!
مغيث: ماكاين والو اصاحبي ! مشات عند عائتها واحد الايام واليوم جابها ..
الوازنة: هاديك غير العين خرجات ليا فعرووستي !! بلاصتها بقات بوحدها !
...ليالي.. نهار كلو هيا خدامة ! تتقدم عروضها بمجرد وصلها اتصال من ام خديجة انها مشات ، و طلبت منها طمنها عليها ..مجرد كملت خدمتها اتصلت بمغيث خبراتو انها تمشي عندهم لكن اخبرها تجي الدار الوازنة اولا !! طالعة فدروج و قلبها واكلها على خديجة، سلمت عليهم و باست امير لي ناعس ..
دخلت لبست جلابتها ...ونزلت هيا ليالي و مغيث و نوصير ...اقلعو فالسيارة وحدة !! متفاهمين انهم مايطلعوش كلهم ..خلاو امير و رؤيا مع اسماء ..مسافة طريق وصلو و نزل مغيث تيصوني فلاتنترفون تاجاوبو فاروق ..
فااروق: انا نازل ..
مغيث: ( وقف و نوصير بجنبو تانزل عندهم شعرو مخربق واضح انه ناعس ) على سلامة
فاروق: ( بصعوبة تيفتح عينيه) اش فبلان !؟
مغيث: الواليدة معانا تشوف خديجة !!
فاروق: الواليدة معاك و منزلني !؟ طلعها نيشان اصااحبي ( خلاهم متقدم السيارة فتح للباب و قبل راسها) الواليدة معذبة راسك !!
....بعد ماوصلو السكنتهم ! بعد طول طلعو عشهم مباشرة دخلو بيتهم هيا نعست فناموسية هو كدالك لان تعب انهال منو تماما ، مع دالك كل مرة ضربو فيقة و يحط صبعو على نيفها يحسس تنفس ......على صوت انترفون فاق مغوبش
🔚🔚
الوازنة: ( بصوت منخفض واقفة تتحيد صابوها ) باسم الله ..
ليالي: ( موراها كدالك تاتحيد صباطها) ناعسة ولا !؟
فاروق: ( حرك راسو ليها ) رجعت تتنعس
الوازنة: ( جلست و بشوق تنتظر رؤيتها) عالله اوليدي ! هيا فعار الله غير ديرويشة
...دخل بيت وتيفيقها بالخاطر ...دقة دقة تافقات ، واخبرها انا امو و ليالي جاو عندها ، ناضت حمام لي فبيتها غسلت يديها وجها و سنهانها ومن جديد غسلت سنانها، ممكن تكون روحها تشافت لكن المرض تيترك طبايعو سلبية او عادات تنتعودو عليها !! او ممكن تنكونو فطريف الشفاء لكن شيئا فشيئا ..خرجت عندهم بملامح طبيبعية و سلمت على الوازنة وليالي وجلست امامهم
الوازنة: على سلامتك ابنتي !! كي خليتي والديك ابنيتي !؟
خديجة: ( بهدوء ) مخلوعين عليا بزااف ! حمد الله اخالتي
لياالي: مايكون غير الخير احبيبة !! توحشنتاك و بلاصتك بقات قداش ! كولشي تيسول ..
خديجة : ( خانوها دموع و فاروق تزير ونزل عند خوتو) غير اسمحولي عذبتكم معايا ! قالي فطريق فاروق زاينة ولدات ، ماباركت لها ماوالو
الوازنة: ( بحرقة) كوولشي ابنتي ايرجع معااودة !! ان مع العسر يسر الحبيبة دياالي ! وزاينة راها مقدرة و حاسة ، راكم ابنتي رجعتو مشاركين الدم مابيناتكمش المحاسبة، ولو فرحتنا ناقصة بلا بيك اليوم سمينا ، وماتسالينيش حلوف مابغاو يديرو هنطقة للاسبوع بلا بيك
خديجة: ( بقى فيها الحال) وعلاش اخالتي !؟ ( بشجاعة) هانا قدامكم صحيحة ! دير داكشي لي فخاطرها و الله مانسمح ليكم اخالتي الا دوزتو داك الاسبوع سكوتي ! دير داكشي لي فخاطرها ..ترغبكم و تنوصيكم الا عزيزة عليكم ديرو لي فخاطركم
ليالي: ( تتمسح دموعها ) الله يفكك على الخير و نفرحو بيك ( ابتسمت لها)
الوازنة: امين ! الله يكملك ابنتي بعقلك و يعطيك ماتمناي !! لي عليا نوصل الرسالة، ونهار الكبير غدا الا جيتي
خديجة: غير اسمحيلي اخالتي ! الا بغيتي تنخنقيني هيا حطيني وسط الناس وكلهم يسلمو عليا ! ( باسف) اطلبو معايا العفو !
الوازنة: فصلواتي بخمسة الغالية مرات الغالي ..ربي يشافيك و يعافيك ..
..الجلسة كانت قصيرة مراعين ليها !! نزلت الوازنة و ليالي من بعد ماودعوها ..لقات اولادها مجمعين
مغيث: اوا الواليدة !؟ شوية !
الوازنة: (براحة) لا اوليدي حمد الله ! تتكلم معانا و اسلمت علينا ..
نوصير : ماكالتش تجي غدا !؟
فاروق: ( غير تيسوط) صعيب تجلس وسط قوم الناس !!
ليالي: نفس الكلام لي قالت ! مي حمد لله صافا
نوصير: اوا هيا ماكاين اسبوع !؟
الوازنة: ( بنفي ) الا اوليدي ! دير داكشي علاش عوال ! رغباتنا و صاتنا السابع يدوز كما كنتو باغي خاطركم !! وماتحرمش ديك بنت الناس تاني ، لا العرس لا اسبوع ؟
فاروق: بلا قوة تفلسيف !! دير داكشي لي كنتي مخطط !! فرح المراة او اولدك
نوصير: ( حاني رلسو) انشاء الله ..
مغيث : ( طبطب على كتف نوصير) و عليه !! نديرو كابو عقيقة دايزها الكلام
الوازنة: الله يرضي عليكم كاملين !! الله يكملكم بعقلكم ، الخاوة حدها دنيا اولادي ( خاطبت فاروق) واصبر اوليدي اصبر كلو اجر لله و للولادك
فاروق: كوني هانية الواليدة ..
..فرقو المجمع ! فاروق رجع طلع ! و الباقي رجع الدار الوازنة !! الاستعدادت و تحضيرات انطلقت للسابع ، زفو الخبر للنفيسة لي فرحت بعودة خديجة و فرحتها لحفل ولدها ، اعرضت على عائلتها و بدات هيا نجمة توجد للباسيها و حناية و اسماء كدالك سمعت الهنطقة شدت فيد رؤيا نزلت تحت تشوف الامور ...
اسماء: انا تنعرف كوافورة تجيك تا الدار !!
زاينة: شوفي فيا ! الا كانت شي كارثة من كوارثك راه نتفك نتي وياها
_ نعثث لمغيث تاوصلهم و نزلو البنات ! ليالي شادة فيها لان الغراز تيضروها ، اتستقبلوهم و بذات اختيارتها للمشطة و ماكياج و صباغة و ليالي مساعدها ، حجزت غدا و حجزت ايضا لاسماء اما نجمة ماتتبغيش تزول زيف ! حطات لافونس و خرجو ...
زاينة: الحلوة السابع !؟
ليالي: ( عاوناتها تركب ) لا راه ختاريت مع طاطا الوازنة شكيلات مزيونين ( ركبت بلاصتها ) بقى خاصك بوفي لبيبي
..نفس شيء مرو للمحل الخاص باكسسوارات السابع و العقيقة ! للحسن حظ وجدو لهم بوفي بجميع محتواياته و تطبع اسم M .quad
...مغيث عاطيهم الخاطر و شاد امير زاينة غير تتعطي لافونس وتشد الفاتورة حتى يخلص نوصير و فطريقهم مرو عند محل الكراء للتكاشط و نفس الوقت نكافة !! ختارت اللبسات لي بغت اكتفت بجوج خفاف مع اكسسوار ديالهم و جلسة خفيفة و دخلت معاهم ديدجي و الكاميرا ....كلشي سهل فيه الله و هكدا امورها للاساسية كملاتها و رجعو الدار ..
..مثل لي العائلة مغربية ! نهار الاحتفال الكل مشغول و تيوجد و يعاون ، فطوش كما العادة شدات فريق طيبات و ام زاينة تتساعدهم كدالك فالغسيل الماعن ! الوازنة لابسة قفطانها و الفواطة مطرزة تتستقبل الضياف ورامية العين ..اما اسماء قضت لي قضت و طلعت فوق توجد حوايجها
اسماء: ( تدور فالبيت تتجمع ورؤيا تبكي) غدا ارؤيا تاغدا
رؤيا: ( تابعاها و تتشرح بيديها) واا شوووفتها راها فثلاجة و الله
اسماء: ( نازلة فدروج فين ما خرجت تتضرب فنبيل) حسب ليا اخويا طالعة ونازلة ( حلت تلاجة هزت حنة اما شوكة عندها فوق ) زيدي نطلعو
رؤيا: وديري ليا وريدات !؟
اسماء: ( تتسمع فخطوات نبيب موراهم ) ااه
نبيل : ( رد الباب و دخل) مالها تتبكي !؟
اسماء: ( شدات فوطة قديمة و شوكة تتعمرها و تقادها) بغات تحني !! شافت زاينة حنات وهيا كانت ناعسة
نبيل: ( خربق فشعرها ) عموو ! بصحة
رؤيا: ( مااحد خطوط حنة تيتحطو فيديها و هيا تاتفرح) شكرا اماسا
اسماء: ( حست بفرحتها) على واجب ..
..نبيل جالس حداهم شاد تلفون طالع نازل مستمتع بكلامهم و ضحكاتهم ، اليوم مافتحوش لافيراي لانه الكل تيساعد ..كملت اسماء ليها و دخلت خدات دوش بزربة و خرجت تتنشف راسها و تتلبس جلابة ..تادخل عندها
نبيل: آفين !؟
اسماء: نمشي مع زاينة كوافورة تصاوب ( سكتات ) تانا نصاوب ، راه العيللات فوق ورجال تحت بليل
نبيل: ( وقف تيشوف) سيري تاني قلبي سيفتك بالماكياج حتى دوزي من حدايا مانعرفكش
اسماء: ( تتجمع تكشيطتها و تدير ذهبها ) ماكياج الحفلات هو هدا
نبيل: ( حط لها فلوس) بلا ماكياج راك زوينة !! تتخرمزي فوجهك
اسماء: ( هزت فلوس) هضرة لي مخلية نص العيلات صفرات كي استدعاء
نبيل: شكون يوصلكم !؟
اسماء: نمشيو مع ليالي !
نبيل: أسمااء ! هاناا تنوصيك ( هز صبعو يتحذير) شعرك مايتقطعش و حجابنك ماتقيصهمش اما وواق ساعتو دايزة
اسماء: ( مرضها و هيا تحط كلشي ) مابقيتش !! مالي انا على هاد هضرة !! بلا ماتوصيني كارثة كاينة كاينة
نبيل: صمت
اسماء : ( دموع تجمعو فعينيها) دبا علاش تتفقصني !؟
نبيل: ( ببرود ) مالك !؟ صافي سيري
اسماء: ( هزت صاكها خارجة) يلاه ارؤيا
رؤيا: وقفطاني !؟
اسماء: ( شداتها فيديها تاشوف حنة واش نشفت) زيدي راه تحت مع حوايج زاينة ..
...نزلو عند زاينة لقاو نجمة تترتب الغرفة و زاينة لابسة على صباح داها نوصبر الحمام خرجت تتشعل ! وجدات حوايجها و رضعات ولدها و بدلات ليه...جلسو تينتظرو ليالي لي تاخرت شوية ..تا سمعو كلاكصون ونزلو ...
لياالي: ( بابتسامة تتودع امير لي هازو امير وطالع ) كي صبحتو
زاينة: ( تتقاد جلستها) حمد الله
اسماء: بخير ! اجي نكولكم !؟ هاد صالون فيه رجال !؟
لياالي: الا خاص بالنساء ..( ضحكت مع رؤيا) بصحة حنة
لياالي: ( باسف) الله يشافيها و يفكها على خير ! ماشي خاطرها اما تحضر
اسماء: غدا نهز دجاج و للحم ونمشي عندها واخة نشوفها من الباب ..
ليالي: نو ! رجعت تاتسلم و تتهضر عادي ! غير تلفون لي تتقول ماتتقدرش تشوف ليه ولا تهض فيه ..
زاينة: الله يشافيها ! و يفكها على خير ..
...وصلو سونطر !! دخلو مبتسمين ، ليالي غير شادة رؤيا وضحك معاها، زاينة بذات هيا اولى و كوافورة اخرى شدات اسماء بدات فيها ..اما ليالي هيا الاخيرة مع رؤيا يديرو لها الفال..بعد ساعات من التجميل توجدو البنات و تصاور ماكاين غير الله يعطيك صحيحتك ..اسماء القسم و هيا تتشوف فالمرايا لان اليوم فعلا دازت بين يدين ميكاب ارتيست
نبيل: ( قرب لها وجبد تلفون ...وتصور معاها) بغيتك قبيلات غير تصوري معايا ! الساعة نتي نيتك ناقصة
اسماء: ( تتشوف فتصويرة) جيت فسرة عليك !
نبيل: ( منيم عينيه فصورة باعجاب ) جيتي قطة
اسماء: ( شدات تلفون تتصور و تعووج هو تيتفرج فيها) شفتي قفطاني !؟
نبيل: ( خاتر فحركة) شفتوو !! ماتتحشميش كلو معري
اسماء: ( حست بكحة تهدنت ) انزل
نبيل: ( شدها باسها فمهاا ) ديري عقلك ..
اسماء: دايراه ...( تتهمس مع راسها) كن ما الحكة ماتشدنيش ..
...بللبسة تانية بتكشيطة ذهبية و اكسسوراتها النكافة جابت لها عماية مفاجأ...زاينة عند خروجها من بيت فرحت فرحة كبيرة ، بزغاريت و تعشاق على نبي الوازنة و نسابها لابسين قفطانهم تيزغرتو لها ، هزوها سرباية اولاد دارو بيه دورة صفيرة فالصالون و طلعت معاها محمد زياد ..اخيرا فرقو لي دغاجي و شطحو و ردحو ...العائلة مقربة جلست و المعروضين و عائلة زاينة مشاو ..البنات جالسين تيرتاحو و الوازنة هازة حفيدها تتفرح بيه ! الخدمات لي جابهم خصيصا للشغل جمعو دنيا و اغسلو كلشي ...الجلسة رجعت حلوة مختصرة على العائلة زاينة لبست بيجامتها وخرجت تجلس معاهم ..
اسماء: ( لابسة بيجامتها) الله على رااحة
ليالي: ( تتصاوب فيدو بصور اسبوع) صافا دبا !؟
اسماء: ( تتجاوب فرونسي) وي وي ميغسي
زاينة: ( تتجلس معوجة) اااي اربي
الوازنة: جلسي ابنتي عليهم تبراي عوجة
لياالي: وي !! طاطا عندها الحق ! حاولي تجلسي عاادي
🌌🌌🌌 مسااءاا
..لليلة الرجال !! الرجال العائلة القباج تجمعو فالصالون و جالس معاهم مغيث و نبيل ، اما نوصير فراه تحت تيعمل الواجب ، حيد جابادو و لبس توني الرجا و واقف على سراباية تيقادو طبالي و طيابات فالكراج تيكملو طياب ..بعد اذان العشااا من داخل الخيمة مبنية فدرجة واقف على طبلة صغيرة و هاز ميكرو ..
_اقوول !! اسمع ..
اوسيااا مور ..
الكل: كورفاااا سووووود
...من غيره انه منشط الدرب #القاصير بسبب قصر القامة واقف فوق طبلة و هاز ميكرو ..
خ: ( وقفة فنانة وعينيه مع داخل و خارج ..) اجي انت اجي !! فين توني !؟
ولد: انا ودادي !
خ: ااهياا ( شددو من قرفادتو ) هدا راه اسبوع ولد الكابو !! ( هاز راسو تيشوف فارجاء) هانت اخا دنيا كلها خضرا الشرفاااء !
خليفة: ( قرب يسخف بضحك من داخل ) شووو ( تيهرب وجهو لا يجمع معاه) خلونا ندوزو سهرة نهزو فوق كتافي ليلة كلها !! مع نهاية عطيه لهم ناعس
ابراهيم: اوا غدا فاش يسولوه !؟
خليفة: سوق دلمك انت ! العائلة بيناتهم
نوصير: باغي تريب ليا الحفلة وصافي !؟
خليفة: ( هز امير فوق كتافو ) شتي دبا كون هاني ! كمل لنا الحفلة ..
...العشا كلو هما هازين امير على تيتلفو فيه !! و ابراهيم تيتسخر مع سرابية و نوصير طالع نازل مع دروج !! تعشا الكل ، نوصير ماخلا لا الصغير ولا كبير دخلو يتعشى !! فاخير طلقو اغااني الرجاا و الكل طالق حناجرو و نوصير طلع فوق .
..هبط نوصير ولد فحضنو ودخل عند دراري فرحو بيه !! لي داز يبوس داك محمد زياد ! ها لي تيتصور معاه ! ها لي تيصورو ...تادخل عندهم مغيث مصيفطاه زاينة يجيب لها ولدو هزو من البيت بلا اخبارها ..
مغيث: ( حل عينيه على اخرهم فتيلات فاخضر و شعارات وغوات وحيوح فاتح فمو بصدمة ) ....
مغيث: يلعدلموو هو ويااااهم !! حشمت اليوم فرحة ولدك و نكذها على الواليدة اما نحسن هدا لي قطع لولدي شعرو بلا الما !! شمايت
نوصير: ( مبرد ) و صافي الغلط تيوقع !!
مغيث: ( شد راسو ) نبيل عيط معاك مراتي تنزل ! الا زدت دقيقة نهرس لي قواد هنا وجهو !!،عندك زهر فاروق ماكاينش اما والله لا قلز شي ولد القحبة فهاد الخيمة من غير الرجال بعقلهم ! كلنا ساعة دوز ، ساعة جات فولدي
مغيث : ( تيحك سنانو) الحماار ! خليت معاه امير يلعب شوية ، لصقو ليه مسكة فشعرو ولا مانعرفت لصقها هو ! نوض واحد فصحابو قطع ليه شعرو بالمقص لي لاصق فيه المسكة ..
ليالي: ( بصمت تتشوف شعر امير ) سي باكغاف !! غدا ديه كوافور قادو ليه
مغيث: هنا مشكل ! راك شفتيه تيكره طبيب و الحلاق ، نبكي انا ولدي على حمير زيرو مسؤولية ..
ليالي: خليه ينعس ، ونقادو ليه انا
مغيث: ( راسو ضرو بفقصة) تلاتين عام وصرف و تكووول واش بغى يدير عقلوو ! براهش
..زاينة: ( تتمسح لزياد بليزانجيت معرياه ) مزيااان تبارك الله !! ضربي نتي تمارة الحمالة و الولادة و سهير !
نوصير: ( سد الباب من برد و متكي تيبوسو ) هدااا راه شريف ! محضي من عند لله
زاينة: ( ناضت عارفاه مع نعاس...خرجت عندهم صالون ) خالتي صيفطتو حق ختي خديجة !؟
الوازنة: قبل ما يوذن العشا ابنتي داه لهم نبيل ..
زاينة: اوا مزيان ..انا تشغلت و نسيت
الوازنة: الله على الغالي و العزيزة مانساهم ..
.....الاسبوع داز !! و لليل اشتد سواده ، من داخل بيت لاجودان نهار كلو دوز فالنعاس ومافاق تاني الا على نبيل موصل ليه العشا ..طلعو و قادو فطباسل و دخل يفقيقها ..
فاروق: خدييجة !!
خديجة: ( بقوة نعاس راسها ضرها شوية) امممم
فاروق: نوضي تقصي شوية !!
خديجة: ( تتحاول تنوض و معاونها ) اوووف تقلللت عيييييت
فاروق: مابقى قد مافات ...
...وصلها حمام طرفات و خرجت جلست معاه فالصالون تيقطع و يعطيها ، ريحة دجاج قلبها و انواع حلويات فتحو لها شهية ..تتاكل و تترتاح و ملتزمة صمت ..
فاروق شدو وجع كثر منها ...هو دااخل خاارج ...تتغوت و يشد فيديها و يحاول معاها لكن تتبقى فيه و ينوض يقلب فداك البيت علامن مانعرفت ..تا جبد تلفون و اتصل بمغيث
فاروق: مغيث !
مغيث: ( بصوت ناعس) وي
فاروق: جررري دبا تكون عندي !
...على ماتوصل اسعاف سبق مغيث لي خلا ليالي تتبكي على صاحبتها مالقات كدير للأمير ، مغيث الاقرب لكل واحد فخوتو ودائما ملبي للنداء فرح او القرج تلقاه فجنبك و بعض الاحيان تيظنوه هو اكبر خوتو ...
مغيث: ( تيسمع غواتها ) تعطلو ؟
فاروق: ( روحو تزهق ) غااادي نتسطى اصااحبي
مغيث: ( سمع لانترفون ) هاهما جاو ..
..فتحو ليهم الباب و طلعو المسعفين تيجريو بالبيااص متبعين تعليمات طبيبتها !! هزوها من بعد مالبسها ، و مغيث شافو ما هاز والو فيديه..
: فين حوايجها !؟
فاروق: ( خارج معاهم ) شكون اعرف ! سد الباب و تبعني
...مغيث مقاليه عقلو دخل الغرفة بيبي و لقى جوج صيكان واضح انه لاستعداد الولادة ..هزوهم و سد الباب و ركب سيارتو تابعهم، ....للاسعاف تتطير فطريق و مغيث موراهم تلوصلو الكلينيك ونزلو تيطيرو بيهاا ، وقف فاروق عطاهم لاكارط و شيك افونس موجدو قبل و دخل هو مغيث الايغجونس ينتظرو ...دقائق كانت ساعات لفاروق لي ماقداتو تابلاصة ، اول مرة يحضر للولادة !! ماشي اي الولادة ، زوجتو و حبيبة اللقلب تتنجب ليه طرف منهم و فظروف ماتبغيها للعدوك
مغيث: ( تيمشي و يجي ) تعطلت طبيبة !؟
فاروق: ( عرق فراسو تيزدح ) ندخلها عليها !؟ تعطلات ولا زبي ماتعاودش ليا
مغيث: استغفر مولاك اصااحبي ! احضر عقلك
فاروق: ( ربي لي عالم بيه ...نفس تتضياق و روح تتخرج ..تاشاف طبيبة خارجة تتزرب) طمنيني !؟
طبيبة: مسيو القباج !! كما القاعدة تنحط ليك كلشي اطابل ! جوج اخبار واحد زوين واحد مؤسف
_غالبا ما نسمع بالجملة ! خبرين !! واحد مفرح و الآخر محزن ! كان مفرح سيقلص حجم المحزن او العكس صحيح ! تبلوكا تيشوف فيها و دقات قلبو متساارعة تااتكلم مغيث مكانو
مغيث: آتينا باول !!
طبيبة: حمد الله مدام خديجة رغم ظروف لي فيها مستقر ليها اضغظ لي هو اهم الحاجة ! لكن الخبر تاني الجنين سخفان
فاروق: ( دوز يدو على راسو تستحسس حجم المصيبة) اش تنتظرو دكتورة !؟
طبيبة: خديجة تقتها فيا ناقصة ! و تتطلب ولادة طبيعية و صعيييب صعيييب نغامر بلا اي شيء الجنين فخطر لان الولادة الثامن هي الاخطر
مغيث: القرعة موجدة !؟
طبيبة: الحاااضنة ! طبيب اطفال !،كلشي واجد ، فقط تمضي ليا على العملية القيصرية
....ماتترددش فاروق ! لان خديجة من قبل حتى طبيبة او طبيب ما مقنعها هو فموقف لي لانقاش فيه ، باغي مراتو او والولدو ! امضى عللى الورقة و طبيبة دخلت مع فرمليات و بناج مهبطينها تحت البلوك ..لامجال للكلام او الوداع ..الرضيع فخطر موت ...
فاروق: ( جلس فكرسي تيحس بعالم تينهار حولو و نطق بصوت مرعوب ) يااااربي اناا ولا هياااا ! يااابي انااا ولا هياااا
مغيث: ( مسح وجهو من كلامو مؤثر ) اطلب الله ! مايكون غير الخير !!
...استسلم للوقت و ترفع عن العالم !! مغيث كل مرة يسول فرمليات و الاستقبال ! و يجاوب على ليالي لي تاتسول ! رفض يخبر خوتو لا يسيقو الخبر للوازنة تجي فهاد الصباح لان الفجر تيهلل ...مرت الساعة بالكامل و اعينهم على جهة بلوووك ..تاخرجت الفرملية تتجري
مغيث: ( حبسها ) شنو واقع اختي !؟
فرملية: هاد طبيبة خارجة اسيدي !
فاروق: ( وقف غادي ليهم فقد الصبر) شي للعبة تما ! ماغاديش نضيع فاولادي
مغيث: ( تابعو) فااروووق هاا طبيبة
طبيبة: ( خرجت واضح عليها التعب) مراتك تفكات
فاروق: ( بصدمة) اوو اووولدي !؟ وهيا بخير !؟
طبيبة: للبيبي مثلما ماتوقعت سخفان راه طرنا بيه ! لكن مدام ...( نزلت راسها بآسف) جاتها ايموغاجي
مغيث: ( فتح عينيه بصدمة) ايموغاااااجي !؟
فاروق ..ذرة الصبر لي عندو فقدها !! وماحسش براسو هو تيغوووت
..اولاااااد القحاااب اش تتسناو !؟
...كفااش ايموغااجي ! مراااتي تتموووت
...نقذو ليا اولاااادي !!
طبيبة: الغوات ماعندو باش ينفع !! انا لي قدامك ماخرجت من عندها حتى سيطرت على الامر لكن خاصنا الدم
فاروق: كلينيييك قد الخلا !؟ نقطة الدم مافيهش !؟
مغيث: ( بعجالة تيهضر معصب) شمن فصيلة خاصها !؟
طبيبة: o+
..مغيث: ( هز صبعو بللوم ) الدم و نحضروه !الا وقعت مرات خويا شس للعبة بررربي لا تعاتقنا معاكم ( خاطب فاروق) داابا نكون عندك !
فاروق: ( خاطبها بحدة) نشوووفها !!
طبيبة: ( طلعت و هبطت فمغيث ..) سس القباج ! سيدة مزال فانعاش خطر عليها
فاروق: ( تيشير عينو) نشوفها من براااا
...من اصعب الاوقات لي تتمر علينا ؟ هو يكونو اعز الناس لينا بين الحياة الموت ! الوقت لي مغيث حرك اتصالاتو و تبحث على الدم !! تنشوفو تبرعات بالدم فالتلفزة فالراديو ، قافلات طبية تتزور مديناتنا للدم ! و السؤال المطروح هو فين تيمشي هاد الدم !؟ وهل فعلا عدنا فالمغرب البنك الدم او بما يسمى باحتياط الدم !؟ دائما ما نصادف فالتجمع جتماعي منشورات مساعدة للدم ! و السؤال يتكرر !؟ لنفسك وللاخرين
_واش الدم ماكاينش فالمغرب !؟
_انا عمرني تبرعت !؟
_انت عمرك تبرعتي !؟ و نجيب :
_ماعندي مانعطي اصلا تيبعوه
_نهار الفلاني حتاجيت الدم مالقيتوش ..
....الدراما الاسئلة و السين و جيم تخليها ندخلو فمتاهة ! اما خلاصة القول ؟ تبرعي بالدم ! تبرعو بالدم ! كأنه الصدقة و الحساب لليوم الحساب .......شافها من النافذة زجاجية ممدة كانه جثة هامدة للتحرك ساكناا لولا المؤشرات الحيوية و شاشة تخطيط القلب لاقال انها ميتة ..
فاروق: عاودي ليا الدكتورة كي طرا !؟
طبيبة: اولا لازم تعرف ؟ اني الهاجس ديالي هو نفقد شي مريض خصوصا فالحالات الولادة ! دخلنا للبلوك على مايرام ، تتنذكرها بقول لله و البناج تيدير خدمتو ، حتى استاجابت للبنج ! بدينا العملية و مراقبين القلب و ضغظ ! ( شاف ساعتها ) مع اربعة و ربع بتماام ولدت تتفاجأنا بإموغاجي ! حاليا تندوز لها الدم لكن سياسية المستشفى لازم احتياط ونحمدو الله ان فصيلة o+
فاروق: ( حط يدو على زجاج تيشوفها بألم و اسف وعجز ) عندددي مانقووول و عندي ماندير ! لكن مراتي تتصارع ومافيدي غير الدعاء ، اما سياسة ليهود تتهضري ليا عليها راه انا كرجل المخزن تيهزونا بكسوتنا تنعطيو دمنا
طبيبة: انا تنأدي واجبي كاطبيبة فقط و همي الاول و الاخير تقوم مدام خديجة بالف الخير ! صدقني حالتها أثرت فيا
فاروق: ( مسح وجهو ) او اولدي فين !؟
طبيبة: فوق ! طبيب اطفال معاه و مايكون غي الخير
فاروق: ( اتكى على نافذة مربع يديه تيحس بسخانة شداه) ماتستاهلش !! مراتي غير دريوشة ..
...طبيب نسحبت و ليلتها كانت الاصعب ! مايين الولادة و ايموغاجي ....نبث امام الانعاش كانه مراقب روحها و دقات قلبها ! مستنجذ بداخلو لله ، يطول ليه العمر فالمرأة لي عطت للون و وروح للحياتو ...
فاروق: ( حرك راسو برفض ) مافيا لي يتحرق جوج مرات ..
مغيث: نعلي الشيطان اصاحبيى!! ادعي معاها ، مهم ! انا نطلع فوق نوقف عليهم تاني
فاروق: ( تلف وحار شافهم داخلين عندها ) عاااين ..
...لقى عليها نظرة اخيرة و تبع مغيث !! طلعو طابق الخاص بالأطفال و غير مغيث لي تيسول و يعاود ...دخلوهم ممر خاص بالقاعة الحاضنة هما يلمحو طبيب مع فرملية داخل و حاجبين الرؤيااا..دائما الانتظار سيد موقف ، انتظرو كثير حتى اخرج عندهم طبيب
فاروق: ( بنبرة مألومة ) انا اب بيبي بي لي الداخل
طبيب: نعام اسيدي ! بوغ لانسطون تنتظرو تحاليل لان طبيبة مراقبة حالة للام قالن عندها مرض نفسي ؟
فاروق: وي
طبيب: ( تيشوف لاليسط) بيبي تيوزن جوج كيلو و 700غرام ، المؤشرات حيوية كلها طبيعية مشكل تنفس فقط لهدا يقدر يبقى فالقرعة حتى يرجع تنفس طبيعي ! و للتحاليل اخر كلام
فاروق: ( طأطأ راسو فقط ) ..
مغيث: ميغسي دكتور ..
...مشى طبيب و ترك ورائه اب مكلوم و العم متألم !،قرب فاروق نافدة فاصلة للغرفة ، لمح جسدو و تحركات رجليه الصغيورين من للون شعررو فاتح واضح انه زعر ..
فاروق: ( حط صبعانو بين عينيه ) سماتو قبل مايتزاد !! #براء طال نهار و هيا تتقرا و تبحث فلااسماء، حتى اختارت براء !!
🔙🔙🔙
خديجة: #براء
فاروق: ( متكي حداها ) على بركة الله مهم اسم مقبول
خديجة: ( تتقرا فكتاب بحب و شوق و تاتلمس كرشها) براء !،خالي من الاثم هو براءة و يكون برائتي من المرض و الحزن
فاروق: ( قلبو تيتعصر ) نعسي ارتاحي !
خديجة: ماتتحسش بيا !! انا لي تنحلم و تنحس ! خايفة نموت و نخلي اولادي
🔚🔚🔚
...لاول مرة دمعة يتيمة تنزل من العيون ذو نظرات الحادة و العيون الغامضة ...ندم لانه ليلة اختارت الاسم ! ماعنقهااش ! مابكااش قدامها !! ماوصلش ليها ألامو و احساسو ....طول الوقت هما طالعين تحت و الفوق منتظرين الاخبار المصيرية ..
أولاد الوازنة الجزء 28
محتوى القصة
التنقل بين الأجزاء