الممرضة بحزن : ضغط طاح بثلاث درجات يعني دكشي ليطلع فالمدة لي كانت فيها غيبة رجع كيف الأول
أحمد دوز على شعرو : ميمكنش تعالج الا معرفناش شنو مشكيل الا بقات هاكا مغديش دوزها تنجا مرة جوج ثلات الا كترات وتودع
كريم تنهد: شنو معمول دابا
أحمد هز إديه : كلشي عليها حنا غدي نحاولو حتى اطلع ليها ضغط مي الباقي عليها
كريم شاف فيه مطول عاد خرج العند دارهم خبرهم بلي كاين وتمنى ليها شفاء عاد مشا فحالو اما زهور صافي لي. كان خاصها كملو ليها بهدرتو
💮بعد مرور 3 أيام
حلات لطيفة عينيها من بعد المدة لي غابت فيها مرة اخرا وهد المرة كيف حلاتهم لمحات مها جالسا حداها وكوثر وباها لي ولات حالتو بهم بنتو أما هما غير فاقت تلاحو عليها بتعناق والبوسان والبكا
اما لطيفة غير كتشوف فحالتهم لي زادت خلاتها تكره راسها ودوات بصوت باكي لي خلاها تنهار فلحظتها تبكي بحرقة كوع دموع لي حبساتهم خرجاتهم فهد الحظة
لطيفة : بغيييت نمشي لداااار بغييييييت نمشيييي لداااار (شافت فمها) ديونييي الدار امييي دوني الدار مبغيتش نبقا هنااا امييي ععع مبغيييييتش نبقاااا (رجعات راسها الور وعطاتها البكا والغوات لي كاتخرج بيه شنو فقلبها واخا دكشي لي فيه البكا ومقدرش اخرج الكسر لي فالداخل ديالها زهور جراتها العندها وخلاتها تبكي فحظنها )
زهور تشوف فمصطفى لي دموعو سالو بلا هواه كيف سمع بكا وغوات بنتو لي عمرو سمعو ولا شافو كيشوف فيها وكيتسائل مع راسو شنو وصلها الهاكا شنو ضار بنتو وهوا كان غافل عليه فجأة ولا شاك فراسو ياك ميكون جرحها ولا قاسها بشي كلمة ضراتها وهوا مشاعرش
زهور مزيرة عليها ودوي : صافي ابنتي غددي نديييوك غدي نمشيو الدار وااخااا غدي نمشيو
كريم دخل العندهم مبتاسم حتى كيتصدم بالمنظر لي قدامي وشعر حتى القا راسو شاد فلطيفة لي كتبكي
كريم بخوف : لطيييفة مالك شنو واقع (شاف فكوثر ) مالها شنو وقع ليها
كوثر حركات وجها بمعنا معرفتش
كريم شد لطيفة من إدها: لطيفة راك كتمرضي راسك هاكا متبكيش,
لطيفة تكعدات من على مها وشافت فيه وجها كلو حمر ودموع فعينيها ودوات بصوت مجروح : خرجني من هنا بغااا نخرج
كريم شاف فمها وكوثر :واخا تخلوني معاها
كوثر شدات فمها وشافت فلطيفة لي قطعات ليها فقلبها عاد شافت فيه ودوات : رجع ليا لطيفة رجع لينا لطيفة لي كنعرفو (دموعها طاحو) الله اعطيك ما تمنيتي نعطيك لي بغيتي (شافت فلطيفة ) غير رجع لينا لطيفة
زهور شدات فكوثر وكتشوف فلطيفة
كريم شاف فيهم : اكون خير
كوثر شافت فمها: يالله امي نخليوه معاها (شافت فباها) با
مصطفى حرك راسو وخرج بلا ميهضر اما زهور جراتها كوثر ماشيا بيها وهيا كتشوف فبنتها تبكي ومعرفة حتى شنو بيها غير تسد الباب عاد جلس كريم حدة لطيفة لي باقا كتبكي
كريم : لطيفة
لطيفة شافت فيه بكسر : مبقيت بغيا والو بغييت نخرج من هنااا بغيت نخرج
كريم شد فإديها مي هيا جراتهم دغيا اما هوا تنهد وشاف فيها : حتى حاجة مكتستاهل تبكي ولا ضري راسك بيها حتى حاجة متستاهل ضيعي صحتك عليها الطيفة
لطيفة شافت فيه ودموع خط فوجها: انااا لي ضعت انا لي مشيت انااا لي شفت (خفضات صوتها وشافت فالفراغ ) اناااا لي عارفة نتما غير سمعتو انا لي عشت نتما غير شفتو انا لي فرحت وتدليت بفرحتييي انا لي ضيعت راسي براسي انا لي درتها الراسي انا لي مبقيتش عرفا شكون انا انا هيا لي بغات وتقتلات بإديها (شافت فيه ) وخا نهدر حتى شي حد مغدي يحس بيا وكيفاش غديي يحسو بيا وانا ثقل على كلشي (بتسمات ) صرحة نستاهل كاع مجرا ليا نستاهل حيييت اناااا مكنستاهلش نفرح ولا نعيش أديت بزااااف دناس قراب ليا ومكنتش مسوقة وهانا كنتعاقب نتعاقب بقلبي لي حتى هوا غيكون مبري مني (وقفات ) حتى شي حد مغدي افهمني حتى شي حد ومغدي نعدب راسي ونزيد نحرقو باش نفسر
كريم وقف : يمكن لك تعودي ليا ديريني اخ صديق وقولي لي شنو ضارك شنو مخلي نفسية ديالك تضعاف شنو مشكل لي مخليك تفكري تسدي على راسك
كريم شاف فيها بتجاهل الكلامها ورجع جلسها فوق سرير ديالها : أول حاجة غدي تبقاي بلاصتك حتى إسالي لك سيروم (شاف فيها بتحدير ) تاني حاجة غدي تجوبي على الأسئلة ديالي تالت حاجة الا بغيتي تخرجي عندي لك شروط
لطيفة تنهدات وشافت فيه
كريم شاف فيها ببتسامة وجلس فبلاصتي : شنو ضارك من هدو غدر حب ولا إغتصاب
لطيفة شافت فيه ديك شوفة ديال منيتك عاد جوبات : ثانية
كريم بتاسم : إذان الحب (شاف فيها ببتسامة ) بغيتي نعاود لك قصتي
لطيفة شافت فيه,: اشمن قصة
كريم : على الحب
لطيفة شافت فيه وسكتات
كريم شبك إديه : الحب الحب اصعب ما يقال عن الحب هوا الإنتحار أما تموت ولا تنجا (ربع إديه ) وأنا اول ضحية ليه (لطيفة شافت فيه وبتاسم ليها) اه حنى انا دزت من علاقة حب علاقة كانت مبنية على الكدوب ونفاق 3سنيين وانا كنبني حياتي على أمال كدبة على وحدة متستاهلش شنو درت عليها
لطيفة بستغراب : علاش
كريم بتاسم بحزن : نهار لي تافقنة نكونو بجوج نهاري قررنا نتجمعو فالحلال ونطلبها من دارهم نهار مشيت فرحان باش نخطبها كنتصدم بلي هداك نهار هوا يوم العرس ديالها
لطيفة بصدمة : كيفاش
كريم ببتسامة: حتى انا معرفتش كيفاش وعلاش مي لي عرفت هوا غدراتني وطمعاتني وخلاتني نبغيها ونهار نويت الحلال لقيت عرسها
كريم جاتو ضحكة : ههه انا دوزت عام ديال الحبس على وجه بوهم وخلصت الخطية
لطيفة خرجات عينيها: بصح
كريم شاف فيها : كنبان لك نكدب
لطيفة تنهدات : لا
كريم تنهد: ندمت على نهار لي عرفتها فيه ندمت على نهار لي مشيت عندها مي دابا صافي صفحة وتطوات
لطيفة : شحال باش وقع لك هاكا
كريم : دازت عليها عامين دابا
لطيفة بحزن : قدرتي تنساها
كريم تنهد,: هوا صرحة كان صعيب عليا نساها حب تلات سنوات مكانش ساهل ولاكين دابا (بتاسم ) نسيتها ورجعات غير خرافة المعاودة وضحك عليها حيت مكاين لاش نخسر راسي على إنسان مهتمش بيا ولا راعا شنو كنت كنهز من جيهتو علاش غنبقا نبغيه مدامو مباغينيش
لطيفة بقهرة : وشنو نقولو على حب دام 11 سنة
كريم شاف فيها بصدمة : حداااااش
لطيفة بتسمات : شنو سميتك
كريم شاف فيها : كريم
لطيفة ببتسامة : سي كرييييم ممكن تخليني نمشي فحالي (شافت فالغرفة) كنحس بالخنقة هنا بغيت نخرج
كريم ربع إديه وشاف فيها: غادي نخليك تخرجي ولاكين بشرط اولا غدي تبقاي معانا حتى راقبو ونشوفو ضغط ديالك كيف داير تانيا غدي تاكلي حيت مناعتك ضعيفة تالتا عدي تعودي ليا قصتك وشنو صرا معاك حتى وقع هاكا رابعا
لطيفة حبساتو:رابعا بغيت نخرج من هنا ليوم قبل من غدا
كريم وقف: صحتك هيا الأولى عاد نشوفو الخروج إلا ماشي عليك (نعت الجيهت الباب ) غير على وجه هدوك ناس لي على برا لي ليل ونهار وهما وقفين حدا الباب كيدعو وكيبكو باش ترجعي ليهم حيت بصح هما لي كيستاهلو تمرضي على أجلهم أما شي واحد أخر ميستاهلش (بتاسم ليها ) فكري مزيان فهدرتي
لطيفة شافت فيه وسكتات اما هوا بتاسم وخرج
زهور غير شافت كريم خرج وطارت عليه : قوليا اولدييي بنتي مالها شنو واقع ليها هاا شنو ضارها
مصطفى وقف حداه : شنو عند بنتي شنو مرضها
كريم شاف فكوثر وبتاسم عاد شاف فزهور ومصطفى : كونو هانين بنتكم غدي تكون بيخير وغدي ترجع حسن من الأ ول غير دابا لي نطلب منكم بلا مدخلو عندها حيت غنبدا معاها العلاج وعندي فطرا محدودة حيت الا مخرجاتش من الكلينيك تقدر تخرج وحتى شي حد ميشوفها هدا علاش كنطلب منكم يوماين بالحساب حتى نشوفو الوضع ديالها فين غدي اوصل
زهور بستسلام : واخا اولدي الا غدي تكون بيخير نفضل نحبس راسي ومنشوفهاش غير ترجع لينا
مصطفى بخوف : بغيت نعرف غير شنو عندها
كريم حط إدو على كتفو: معندها والو اعمي غير رتاح
كوثر شافت فكريم : بغيت نهدر معاك
كريم شاف فيها ببتسامة : مكاين فاش نهدرو بنسبة الختك كيف قلتي غدي نرجعها وغدي نرجعها كتر من الأول (بتاسم بشاشة ) المرة جايا فاش نسولك عليها بقاي قولي لي عارفة ماشي تجاهلي الموضوع
زهور بحزن : كيف غنديرو اولدي كيف ودموعي غير اشوفوها فهديك الحالة اجريو بحدهم ومنصيب مانرد
كريم شد فيها : خالتي خاصك تكوني قوية بنتك محتجاك بزاف واخا متقدرش تقولها راها بغاكم تكونو فجنبها ونتما بأفضل حال (شاف فيهم ) إلا بقيتو هاكا تبكيو ومبهدلين تيقوووني مغديييش انفع معاها لا علاج ولا دوا حيت نتما لي غتكونو دواها ومصدر القوة ليها
كوثر بحزن : شنو المعمول
كريم : المعمول هوا تنساو بلي لطيفة وقع ليها هاكا نساو بلي دخلات فغيبوبة تصرفو عادي ومن هدشي كامل الا قالت ليكم خليوها خليوها متزيدوش كلام بغاتكم راه هيا لي غدي تجي العندكم والا جات العندكم متبينوش الحزن ولا بكا ولا سوأل من الأسئلة مالك شنو طرا لك حيت حالتها فأي الحظة غدي تخنق غير بالكلام وضغظ عندها على قد الحال الا نزل كينزل بمرة (شاف فزهور ببتسامة) وأخيرا بغيت منك توجدي ليها الماكلة لي كتبغي ومتنسايش كتري الملحة ههه مي متكتريش بزاف غير القياس
زهور بتسمات بحزن : غير هدشي
كريم ببتسامة,,: اه
زهور تنهدات : واخا نوجد ليها لي بغات غير تكون بيخير
كريم دار إديه فجيابو وشاف فكوثر : واخا تجي معايا
كوثر: واخا
كريم شاف فمصطفى وزهور: مهم نتما سيرو رتاحو تقدرو تجلسو فدار عندي الا معندكم فين تجلسو
مصطفى ببتسامة: الله اكثر خيرك اولدي كاين فين نجلسو
كريم ببتسامة: مرحبا (شاف فكوثر ومد إدو) نمشيو
كوثر حركات راسها ومشات وهوا تبعها
حتى خرجو من الكلينيك وشافت فيه كوثر
كوثر: شنو بغيتيني
كريم : كنتي عارفة ختك كتبغي شي واحد
كوثر بستفهام : اه
كريم بتاسم بسخرية: فالبيرو فاش سولناك خفتيها تولد لك لا
كوثر طلعات حاجبها : نعام
كريم اشار ليها لطوموبيل : طلعي طلعي
كوثر شافت فطوموبيل : علاش
كريم شاف فيها مطلع حاجبو : بغيتي ختك تبرا
كوثر :اه
كريم هز حجبانو وميل راسو: إوى تحركي قدامي يالاااه
عند ياسين كان جالس فدار حتى دخلو عليه وناض قافز
ياسين بخوف : عميي الحاجة ياك لاباس لاطيفة واقعة ليها شي حاجة
زهور ببتسامة مرهقة: الحمد الله رجعات فاقت وجينا نوجدو ليها شي حاجة
كريم ضحك بجنب طلعو وهبطو عاد مشا فحالو ودار شاف فكوثر : متنسايش لي قولت لك
كوثر بتسمات : واخا
أناس شد فيها مخنزر : كييييفاش واااخا
كوثر دورات وجها مطلعة حجبها فيه : اهياااا دخووول صحة هدااا
أناس كارز على سنيه وهز إدو بشكل لكمة دارها قدام وجها بتهديد : داااااابااااان (خنزر وطلق منها اما هيا خرجات عينيها ولات تقول وجها مشا) غير حشمت اما نعوج المك داك الفم
عثمان ضحك : هههه ياك ميسحاب لك سيبا فالبلاد ولااا (عقدهم) وزييييدووون شكووون نت وشنو دخلك واااش انا مع حبيبتي ونت مااالك اش حرق شطارتك
أناس دور وجهو غير شاف فيه ونزل عليه بلكمة على الوجه ودوا كارز على سنيييه: حبييييييبتك ياااااك هااا حبييييبتك (عثمان كيف عطاه لكمة تجبد فالأرض اما أناس طار شنق عليه والممريضاات كيتجراو ويغوتو على الحراس اما أناس شدو نيت فيد الله وطلقو فإد العبد واخا تا عثمان مخلاش دقتو ورجعها ليه أناس حكم عليه حيت تحت منو مفكوهم غير البوليس لي جاو فرقوهم وداوهم الكوميسارية )
عند لطيفة لي نفسها تخنقات وهيا كتحاول تحكم فيها ومتضعافش من بعد ما وراها كريم تصاور لي أصلا كلهم ديول ياسين كل وحدة فاش ملصقها كين لي فتيشورت وكاين لي ف نونوس بقات كتشوف فيهم وجسمها ولا كيصدر حركات كدل على انها من الداخل كتغلي عاد شافت فكريم برودة
لطيفة ببتسامة: نفس شخص لي وريتيني
كريم ببتسامة وراها صورتو : هدا
لطيفة ميلات راسها فيه ببتسامة : أه
كريم شاف فتصاور وضحك جر الكرسي وجلس حداها : كيف كتحسي وشنو تغير فيك
لطيفة ببتسامة : متغيرات فيا حتى حاجة (طلعات حاجبها) صافي سالا إختبارك
كريم شبك إديه: لا باقي أسئل ..(سمعو تقرقيب فالحمام هوا غمض عينيه ولطيفة شافت جيهتو)
لطيفة بستغراب: كنسمع شي صوت
كريم مبتاسم بزز: لالا متسمعت والو
لطيفة كتشوف فيه بشك
اما كوثر بقوت الخلعة ورعدة لي ركبات فيها بسباب أناس وعثمان لي معرفاتش باش وخروها طاحت عليها الكرش وجاتها سريسرا من طيراز رفيع بحالة منفوخة ليها المصرانة مكاين الك غير الحزاق حشاكم هههههه اوى جالسا تخوي مصرننها هههههه وعضا فإدها من الفقصا حيت عارفة سمعوها
كريم بغا يبدل الموضوع: مهم نكملو فين خليناها
لطيفة أشرات الحمام : شييي حد كاين تما
كريم ربع إديه ودا بجد: لطيييييفة الا نجحتي فالإختبار الأول هدشي مكيعنيش سالينا
كريم ببتسامة: إوى الحمد الله هدشي لي بغينا (ناض ) مهم أنا غنبقا معاك حتى تكوني مزيان
لطيفة بتسمات ليه : بارك الله فيك
كريم شاف جيهت الحمام عاد شاف فيها : بغيتي شي حاجة تاكليها
لطيفة ببتسامة: شبعانة الحمد الله
كريم تنهد ويخطف نظرة من الحمام : واخا نعسي دابا
لطيفة بتسمات ليه : منحتاج تقولها إلا سمحتي خليني بوحدي
كريم شاف فيها وخرج أما هيا تبعاتو ببتسامة عاد ميلات راسها فتصاور لي معلقين وشفيفها كيترعدو
اما كوثر قدات حاجتها وبقات تمشي وتجي سادة نيفها من ريحة
كوثر بصوت رقيق ومنغم حيت حابسة نفسها: الله ياربي اللهم موتة بإختناق من الغااااز ولا هد الخنقة (شدات فجبينها) دعيييييتك الله اولد العالية الله,القييييها لك كيف ما خرجتي فطريقي عععع
عند أناس واقف فالبيرو ديال الكوميسير
الكوميسير داير رجل على رجل وكينقر بستيلو على البيرو وكيشوف,فيهم : شنو هديك الفوضا بي درتو فالكلينيك مقلتو كينين مرضى مدرتو بحساب حتى شي حد
عثمان نقز : والله اشاف حتى هوا لي تعرض فطريييقي انا مكنعرفو كاع
لطيفة تبكي وتهدر : اه اااااااااه انااااااااا موسخاااا انااااا اناااا منستااااهلش لااا نعيييييش ولا نكووون,معاكم انا صاااافي مت (ضربات بإديها) صاااافي انا مشييييت (دفعات كوثر وتمات خارجة تجري مي كوثر دغيا طارت عليها حيت اصلا مقداش تجري ما فيقاتها غير بتصرفيقا لي خلاتها تراجع حسباتها وطاحت تبكي بحرقة وكوثر معنقاها وتوعد على ياسين فنفسها
عند ياسين دخل الكلينيك هاز طاجين مع الخبر ومتشوق إشوف لطيفة حتى خسر سيفتو فاش شاف كريم واقف عند الغرفة ديالها واقف على رجل وحدة وتاني طويها وحطعا على الحيط ومربع إديه وكيشوف قدامو وهدرت لطيفة كلها سمعها على ودنيه حيت دار عدسة تناصوص حتى لمح ياسين وخنزر فيه وعينيه حمرين
ياسين وقف شاف فيه بنفس نظرا شحال وهما كيتبادلو فنظرات عاد بتاسم بجنب وتم غادي قاصد الباب باش ادخول العندها حتى تحطات عليه يد مزيرة على إدو وشاف فيه
ياسين شاف فإد كريم عاد شاف فيه ودوا كارز على سنيه : حييييد إدك
كريم كارز على سنيه : نت هوااا ياسيييين
ياسين خنزر وبتاسم بجنب: وإلا كان ياسيييين
كريم بتاسم : إوى حسب خطواااااتك ورجع منيييين جيييتي هناااا ممرحبش بيك فيه
ياسين دار عندو : مغدييييش تورييييني فين مرحب بيا ولا مامرحبش (بتاسم بجنب ) وبقا دخووول سوق راسك وديييها فجيييها لي كضرك
كريم قاف فيه ببتسامة وشاف فطاجين : هههه طاجييييين كااااع مااالك داخل الدار العقييييقة ولا سبووووع (شاف فيه بسخرية ) ولا جاي تراضيها بطاجيييين والخبز
ياسين عصبو وسعرو بكلامو ولاكين بقا محافظ على الهدوء ديالو وبادلو الإبتسامة: أاااااه وشنوووو فيها ياااك ماجاتك الغيرة (غمزو)
كريم بتاسم ; دوماج كتجيني الغيرة من رجال ماشي من أشباااااه رجااال (غمزو )
ياسين شاف فيه مطول ومشا حط طاجين والخبز ورجع عندو : مممممم (برمشت عين عطاه ضربا براسو على نيفو وخلا دمو سايل ) أشبااااااه رجاااال ومتوصلهمش اسي
كريم حط إدو على نيفو لي ولا كيحس بيه مبنج عاد مشا عطا لياسين لكمة على الوجه : وهديييي حيييت طاااولتيييي وبدييييييتييي (غير شاف فيه ونزل عليه بلكمة تانية وسرحو فالأرض) وهدييي حيييييت حرررررررقتيييي بنت لي عطااااتك قييييييمة (دفل عليك ) ولاكيييييين أشباااه الكلاااااب كيبقاو غييير كلااااب
ياسين ناض وشنق عليه : دغيااااا عودااااات ليييييييك هاااا (ضحك بالفقصة) إوى نزيييييد هدييييييي كاااااع لي قلتوووووو فيييييهاااا تستااااااااهلوووووو
كريم شدو بقجة وعينيه حمرين والحراس جاو ليهم حتى هما إفكو فيهم : برررررررب حتى تندم على هد الكلااااااااام
ياسين كيجبد فيه الحاريس وطبيب والو متحركش من بلاصتو: جريييي جهدك الا وصلتيييي ودنك عضهااا
ياسين جرينو ويغوت بصوتو الحرش : برررررربيييييي مندوزهاااا لك
كريم غوت حتى هوا : أمثااااااالك مدوزهممممممم وميخلعونييييش (شاف فطاجين واشار الممرضة لي تشوف مخلوعة) هزيييي عليا هداك من تمااا
الممرضة بتردد: و ولاكين نيييفك
كريم غوت : هدررررررررررت
الممرضة هبطات راسها ومشات هزاتو اما هوا مشا مخنزر الحمام
عند لطيفة لي نوضاتها ختها ومشاو فق سرير بجوج متكين لطيفة تشهق وترعد من البكا اما كوتر دوز على شعرها ومتأسف الهدشي لي وصلات ليه كرهات ولد رقوش ورقوش وطاسيلتهم كاملة بسباب هدشي لي وصلات ليه ختها عمرها شافتها ضعيفة ديما كانت فرحانة عندها ختها متسلطة ومطيحش وعارفة شنو باغا مي بهدشي لي وقع عرفات مورة القوة كاين ضعف كيهرس وهدشي كامل من الحب الملعون لي سماتو هيا فدماغها بقاو شحال وحدا طبطب على جرح وتانيا طلب جرح إتشافة ويتعقم وترجع الراسها ومتبقاش مهرسة هاكا كملات ليلة بطالتنا لي كانت اسوء ليلة بنسبا ليها
جا نهار جديد وياريت تكون احداتو جديدة ياريت لي وقع البارح امشي مع البارح ميبقاش مرافقنا حتى ليوم ياريت اكون حلم وفقنا منو ياريت اكون هدشي كامل غير وهم فالمخيلة ديالنا هاكا كتقول لطيفة وهيا مبتاسمة الباها ومها لي فرحانين ليها حيت شافوها مبتاسمة وبيخير وعلى خير من برا اما الداخل راها كتموت كل دقيقة كل ثانية بقات العائلة صغيرة تهدر وتضحك لطيفة غير تحرك راسها باه ومبتاسمة,اما كوثر منفوق نفسها مشركا معاهم هدرتهم وضحكهم حتى قطعهم دخول كريم لي حتى هوا مبتاسم من فوق خاطرو سد الباب وتوجه العندهم
كريم حرك راسو ببتسامة المصطفى وزهور: لاباس
زهور ببتسامة وباست راس لطيفة: الحمد الله وشكر لله حيت رجعات لي كبيدتي ضاحكة هدا هوا ربح
مصطفى ببتسامة: الحمد الله
كريم شاف فلطيفة: لطيفة بيخير
لطيفة شافت فيه ببتسامة : حمد الله
كريم تنهد وشبك اديه: المهم جيت نقول ليكم ليوم تقدر تخرج لطيفة
لطيفة شافت فيه : وقتاش
كريم : العشيا
كوثر شافت فيه: مي بنسبة الطونسيو شنو نديرو معاه راه ضروري تبقا هنا مراقباه
لطيفة قطعتها ببتسامة: لا بغيييت نخرج دابا نيييت تخنقت من هنا وتوحشت دار (شافت فمها ببتسامة) هه وتوحشت البقرة وبنتها والبهايم ودجاج
زهور ضحكات : هههه الله اكباااار ومتوحشتيش جداااك
مصطفى شاف فزهور وضحك: اشنو غدي توحش فيها وهيا كل نهار معيطا ليها بسمية
لطيفة شافت فباها: أحسن ما دارت ممكرهتش حتى انا نكون بحالها
مصطفى وكريم خرجو اما لطيفة تنهدات وناضت تالبس حوايجها لي جابت ليها كوثر ما هيا الا دقائق وجظو وخرجو وشدو طريق ديالهم
اما أناس من بعد ليلة البارح لي دوزها فالحبس عاد خرج هوا وياسين لي جا العندو كل واحد فاش اخمم وكل واحد فاش ساهي
أناس شاف فياسين: فين غدي تمشي
ياسين شاف فيه :معرفتش بغيت غير ندور مليت من دار
أناس حك راسو : حتى أنا
ياسين برك على كتفو بشبه إبتسامة: إيواا تحرك قدامي
&دازت ساعتين ديال طريق عاد دخلو مع العطاوية هد جوج سوايع دازو كيف طيارة عند الوليدين اما لطيفة لي متكيا ومغمطا عينيها دازت عندها كيف العام وكتسمع فكريم لي يدي ويجيب فالهدرة مع زهور ومصطفى وكيضحك
كريم دخل مع العطاوية مبتاسم : المدينة عندكم زوينة اسي مصطفى
مصطفى ببتسامة: اه زوينة الا غدي تسكون فيها اما باش تطمع تخدم متلقاش فيها
كريم شاف فيه : ههه اوى دابا تزيان ويكون فيها كولشي ان شاء الله (شاف البلاك ديال واد تساوت ) من هنا ياك
لطيفة تكعدات من على كوثر وشافت قدامها بانت ليها دار رقوش وعقداتهم وغمضات عينيها
نزلو من طوموبيل مبتاسمين حيت من بعد 10 أيام رجعو الدارهم لي خلاو
كريم مد إدو المصطفى : سي مصطفى يالله نخليكم دابا
مصطفى شد ليه إدو: زيد دخووول قالك تخلينا معندك فين تمشي
زهور : أيه ضارب هد طريق كاملة غير باش تقول الله اهنيكم ياك قولتي بغيتي تشوف الكسيبا اوى زيد قدامي (أشرات ليه الدار )
كريم ببتسامة: غير ضحكت معاكم هه ولاكين دابا خاصني نمشي
مصطفى شد فيه من دراعو ويشير بإدو الدار: والله حتى دخول الدار تغدا معانا وتعشا ولا بات كاع عندنا نحطوك فوق راسنا
لطيفة شافت فيهم مطولة عاد هدرات: مهم انا غندخول (بتسمات بتعب عاد مشات )
كوثر بتسمات وهدرات بزربا باش تبع ختها: سي طبيب مرحبا يااالله زيد دخول بلا عناد يالله ياااللله(تشير ليه ومشات تجري الدار وخلات مها وباها معاه كيف مشات قصدة لبيت جات معاها ديريكت سدات وسورتات ومشات دق عليها
كوثر بخوف: لطيفة حولي اختي هد الباب الله اعطيك ستر حووولي
لطيفة مشات حتى النموسيا ديالها وتكان على ضهرها وبقات تشوف ودموع فعينيها كاع الأفكار شيطانية طاحت فبالها الدرجة ولات كتفكر غير فالموت حيت كلشي أحسيسها كيقولو هيا لي غدي تريحها من هد العافية لي شعلة فيها اغلب ناس كيجيهم بالكلام او بالمعاودة لي وقع لطيفة عادي حيت بطبيعت الحال مجربوش الحرق لي تحرقات ومداقو شهاب لي حرقها فرمشة عين
كوثر شافت فيه وبلعات ريقها وتطلب الله ماتكون وقعة ليها شيحاجة عاد ناضت : مي انا نمشي نفيقها عارفة نعاسها تقيل
مصطفى شاف فيها: غير بركي بلاصتك وخليها ترتاح
كوثر : الا ابا راه مفطراش تبقا بجوعها غير خليني نفيقها
زهور قطعات الخبز : واخا الا مفاقت رجعي حتى نوجد ليها غداها
كوثر جوبات بأه بزربا وخرجات تجري طارت البيت تدفع فالباب بلا مدير الحس وكلها ترعد ووجها عمر عرق
كريم شاف فمصطفى وزهور : نخليكم واحد دقيقة عندي واحد المكالمة ضرورية
مصطفى ببتسامة : خود راحتك اولدي
كريم بتاسم ليه هز تيليفونو وخرج غير فات صالة دارو فجيبو ودخل الدار الداخل حيت صالة حدا باب دار ودار الداخل عندها باب تاني غير دخل وشاف كوثر مضاربة مع الباب ومشا عندها
كريم حط إدو على كتف كوثر: شنو واقع ياك لاباس
كوثر شافت فيه بخوف : ختي ختي واقعا ليها شي حاجة هيا اصلا دغيا كتفيق معرفتش مالها
كريم جرها مبعدها على الباب وشاف فشعرها : عطيني مقبط لي فشعرك
كوثر حركات راسها وحيداتو بزربا وهيا كترعد وعطاتو ليه اما هو خداه وعبر بقياس القفل دالباب عاد دخلو فيه وبقا كيحرك ومضارب معاه حتى تحل وشاف فيها
كريم : تحل
كوثر دغيا طارت داخلة تجري القاتها مجبدا فوق ناموسية وطارت تحرك فيها وتهدر: لطيييفة فيييقيي اختييي لطييييفة (تحرك فيها وهيا تهز من بلاصتها حتى حلات عينيها لي تقال بنعاس وشافت فكوثر لي حداها ودوات بصوت تقيل) مالك شنو واقع
كوثر ضحكات وعنقاتها: خلعتييييني اختيي خلعتييييني حمد الله حمد الله
كريم دق فالباب وهدر: كوثر كلشي مزيان
كوثر دورات وجها الجيهت اباب : اه اه غير ناعسة
كريم بتاسم : واخا (جوبها عاد مشا فحالو )
لطيفة بعدات من كوثر وشافت فيها بعينين منفوخين : كوثر خليني بوحدي عفاك وهد البيت نسايه ومكرهتش تهزي حوايجك وسيري البيت تاني
كوثر حطات إدها على كتفها: لطيفة سمعيني والله مكيستاهل هدشي ديريه عليه ومكيستاهلكش هيا جوج الف واحد كيتمناك وكيستنا منك غير شوفا وتخلي واحد محروق الكمارة وخانز البيطان إدير فيك هد الحالة
لطيفة شافت فيها ببتسامة: انا بيخير غير بغيت نبقا بوحدي وصافي بغيت نبقا بوحدي (رجعات تكات وغمضات عينيها) سدي معاك الباب
كوثر طولات فيها شوفا: مغديش تغداي
لطيفة شافت فيها: تغديييت شحال هدا غير سيري تغداي غداك
مصطفى حيد الغطا ديال طاجين : خليها على راحتها (اشار الكريم ) يالله بسم الله
كريم بتاسم عاد سمى الله وحتى هما معاه اما كوثر غير معمرة عليهم المايدة تهز دغما تبقا تلعب بيها فمها ومتبغي تبلع وكيفاش غدوز ليها اصلا وهيا عارفة الحالة ديال ختها كيف ديرا تغداو جمعات الماعن وداتهم غسلاتهم اما زهور مشات نعسات ترتاح من سهر اما سي مصطفى وكريم خرجو كيدورو فجنانات
كوثر غسلات الماعن وقدات البيض مقلي فزيت وداتو الختها لي كانت فايقة
كوثر شافتها وبتسمات وبغات تنسى الموضوع : هااااناااا جييت تخييييلييي لييييوم مات شي يهوووودي (لطيفة تنهدات وشافت فيها اما كوثر متسوقاتش النظراتها) تعرفيييي اش دررررت لييييوم (جلسات حداها وحطات بلا فوق رجليها ودوات بصوت رقيق ) قللللللييييييت البييييييض
رقوش سلمات على مصطفى وزهور وكريم وكوثر لي سلمات بسيف ووقفات
رقوش : ختي زهور كيف بقات لطيفة
كوثر سبقات مها ببتسامة:حمد الله اخالتي لاباس عليها ولات حسن من الأول
مصطفى شاف فكوثر
زهور تنهدات :الحمد الله حمدناه وشكرناه
رقوش ببتسامة: أوى الحمد الله
ياسين : عمي مصطفى ياك كلشي بيخير
كريم عطيه بضهر وكارز على سنيه
مصطفى ببتسامة: الحمد الله اولدي
كريم شاف فكوثر : واخا تجي معايا واحد دقيقة
كوثر حلات إديها وتكعدات من على الباب : واخا (شافت فياسين بنظرات قاصحين ضربات فيه ومشات )
زهور تشير ليهم ادخلو: يالله دخلو لاتبقاو وقفين عند الباب
رقوش بتسمات : بحال بحال اجارتي جيت نسول غير على لطيفة راكي عرفاها بحال بنتي ومبغيت ليها المضرا
ياسين هز راسو فمو
زهور تنهدات : عارفة ليكاين اختي رقوش
كوثر وقفا وتشوف فياسين مخنزرة: شنو كاين
كريم هز لاكارط فيزيت ديالو: هدي نمرة ديالي خليها عندك ونبغي كل نهار جديد على الحالة ديال لطيفة من االول حتى الأخر (شاف فياسين ) وحاجة وحدة لي بغيت اي حاجة تفكرها فهداك خونا تغبر من قدامها
كوثر شافت فيه بحزن : قول ليا واش حتي غدي تنقزها
كريم تنهد : معرفتش ولاكين الا بقات سادة على راسها وهاملة راسها ومتاكلش غدي دخل راسها فإكتأب حاد (شاف تاني فياسين وكرز على سنيه) بسباب هدااااك شماتة لي مكيستاهل حتى نطق سميتو
كوثر شافت فيه بستغراب: واش عودات ليك
كريم نقز لموضوع: مكيهمش لي كيهم هوا ترجع كيف كانت انا غدي ندير جهدي كامل باش تخرج من هديك الحالة وبنسبة الدوا ديالها حولو معاها تاكل واخا غير شويا باش تشرب دواها وبقاي راقبي ليها ضغط
كوثر بتسمات بتعب: واخا شكرا بزاااف على هدشي لي كدير مع ختي والله معرفت كيفاش غدي نرد لك هدشي لي كدير معاها
كريم بتاسم : هدا واجب كنديرو مع اي واحد وبالأخص الا كانو دقتهم بحال ختك حيت حتى شي حد مغدي اعرف هداك الأحساس قدي انا واخا ختك حالة خاصة (بتاسم ) مهم نخليك دابا وتيليفون بيناتنا وانا غنبقا نزل عندكم مرة مرة نترقبها
كوثر حركات راسها: واخا طريق سلامة
كريم بتاسم ومشا فحالو اما كوثر رجعات مخنزرة فياسين لي باقين واقفين عند الباب مكرهاتش تلاح عليه تعض وتقمش وتنتف واخا تبرد غير شويا من الفقصة لي فيها مي مفإدها مدير دازت من حداهم مكلمات حتى شي حد ودخلات رقوش لحظاتها فكوثر ولاكين مهتماتش بالموضوع عذراتها اما ياسين عرف كلشي هدشي داير عليه وهوا اصلا كيتصرف بحالة مداير والو عند بالو هيا الغالطة دازو ايام وليالي حتى وصلات الشهر ولطيفة عاد مزادت حلتها كثر وكثر رجع عليها ندم ديال شحال هدي ضغطات على راسها من جميع الإتجاهات ضعافت ووجها مبقاش فلونو عينيها دبالو بكثرت سهير ضاعت بمعنى الكليمة كوثر ديما كتدوي معاها مي معامن شكون غيسمع ليها حتى من كريم دوز عندهم سيمانا وهوا معاهم مي جميع محوالاتو فشلو حيت اصلا لطيفة سدات على راسها والا مخرجاتو بوحدها مكاين لي يعونها زهور لي كتشوف وساكتة وترجع القلبها على حالة بنتها واخا لي سولها تقوليه بيخير لاباس غير باش تهرب من اسئلتهم الأخبار تروجات فدوار على لطيفة وعلى غبورها وعلى لي وقع معاها كل واحد وشنو كيقول كاين لي قول امكن مريضة بمرض خايب كاين لي كيقول امكن دارت شي فعلة وجابت ليهم كرش من زنقا هدا علاش حبسها باها رقوش ديما ملقتا الهدرة الزهور لي تحك فيها حكان وقلبها مشوي على بنتها كبدتها لي معرفات حتى شنو طرا فيها ولا شنو عندها عيات من كلام ناس على بنتها ولات كطلب الله غير تخرج تخرج من بيتها تخرج غير السطاح ولا الكوزينة ولات بغات تسمع غير غواتها صداعها لي توحشات نكيرها مع ختها مي ملقاتش اما سي مصطفى غير كيشوف وساكت حيت عارف الكلام منافعش فحالتها وبالأخص فاش مبقاتش بغات تشوفو ايه اليام شكون قال لطيفة اطرا فيها لي طرا شكون قال غدي توصل الهد الحال وكلشي بسباب الحب لي مربحات منو حتى حاجة ضيغات حياتها وراسها عليه على انسان مكيستاهلش واخا نقيطة صغيرة من داك الحب لي كتهز فقلبها من جيهتي لي اصلا ولا كلو كره في كره بنادم انااااني ديما كيخرج كلام قاسي من فمو وميهتم ولا اضرب حساب لداك لاش قالو وعلاش غدي اضرب الحساب اصلا هوا عايش هاني ومكمل حياتو وخدمتو عادي موت الي بغا يموت وحيا الي بغا يحيا مهم خرج كلام لي عند بالو مناسب وبرغم من هدشي كامل كيبقا عاس علك وقتاش تخرج واش بغا اشوف نيت لطيفة باقا هيا هيا ولا بغا اشوف شي حاجة اه اولد رقوش شنو درتي وشنو غدي تقول غدا قدام الله علامن غتهدر على قلب جرهتو وهرستو تهراس ولا على قلوب مشوين على كبدتهم معارفين حتى شنو بيها .
عند زهور تضرب بالماعن فالكوزينة مبقات عافة ماتهز ولا ما تحط فلحظة نفجرات وغوتات بصوت مبحوح على كوثر : كوووووووثر
كوثر كانت جالسا فالمرح غير سمعات مها وناضت تجري العندها بخوف: مييي شنوو شاك لاباس
زهور شدات فكوثر من دراعها ودوي بغضب : ختتتتتتتتتك مااااالهااااا شنوووو واااااقع ليهااا هاااا شنوووو (تحرك فيها وعينيها حمرين بدموع) دااااابا نبغي نعرف شنوووو عند بنتييييي داااااباااا اكوووثر
كوثر بخوف وبدموع: و ووالو والو امي مكاااين والو راه راه غير طو طونسيو
زهور جراتها تبوس فيها وتشكر فربي وتحمدو شبعات فيها تعناق وبوسان وبكا اما لطيفة فقط مبتسمة واخا وجها ضعاف وهيا ضعافت يطفي الإبتسامة لي مطلعة من قلبها نورات وجها
من بعد ما شبعات بوسان من عندهم بتسمات ودخلات الدار حطات الحليب عاد مشات توضات وصلاة ورجعات عند مها لي دخلات الكوزينة
لطيفة ببتسامة: مي
زهور شافت فيها ببتسامة: نعام اكبدتي شنو
لطيفة : بغيتك توريني كيفاش نرجع حليب لبن
كوثر دخلات عليهم وبقات تشوف فلطيفة بتمعن
زهور ببتسامة: نعلمك علاش لا
لطيفة بتسمات ودارت ماشيا وشافت كوثر كتشوف فيها وميلات راسها: مالك
كوثر ببتسامة : لا والو
لطيفة بتسمات ليها ومشات اما كوثر شافت فمها لي كتشوف فلطيفة
كوثر: شفتي امي
زهور شافت فيها وتنفسات برتياح:شااافت ابنتي
كوثر بتسمات وهزات تيليفونها صيفطات مساج الكريم
كانو جالسين كيوجدو الغدا بتلاتا بيهم حتى سمعو الباب
زهور مسحاات إديها : انا نمشي نشوف شكون
لطيفة اشرات ليها بإديها : غير خليك انا نحول (هزات الخيزو تاكلو ومشات غير حلات الباب وميقات فيه)
كريم كيطلع فيها وكيهبط: لطيفة ياك
لطيفة طلعات حجبانو: إطو لي معاك اولدي
كريم دور وجهو ببتسامة عاد جرها العندو معنقها وهيا مخرجة عينيها :على سلامتك حيت درتي عقلك
لطيفة دفع فيه: أشريييف راك معنق بنادم ماشي حيط
كريم ضحك وبعد عليها وحك راسو وصغر عينيه وكيشوف فيها بجنب: احم غير فرحت ليك وصافي
لطيفة بتسمات : عرفتك كريتي وعجبك المحال (حيدات من الباب) دخول
كريم شاف فيها بتردد: فيه باك
لطيفة ببتسامة: غير دخل ههه دابا يجي
كريم بتاسم ودخل وهيا تبعاه تعيط على مها لي جات العندهم ضحك,
كوثر بتسمات: نمشي معاكم (دلات شفيفها) حتى انا باغا نهدر
كريم شاف فيها: اه علاش لا
زهور خنزرات فيها: فاش باغا تهدري نت
كوثر بتسمات : فدكشي فاش غيهدرو
لطيفة شدات فيها : اوى يالاه معانا
كريم شاف فزهور ضحك: خالتي تمشي معانا
زهور ضحكات : غير سيرو انا عندي شغالي غنمشي نساليهم
لطيفة ببتسامة: اوى يالاه قدامي
كريم وكوثر بتاسمو عاد خرجو بقاو كيتمشاو مشاو حتى الجنان عم لطيفة لي خضر بربيع وفيه الهايم سارحين لطيفة شافت فيهم مطولة خدات نفس عميق عاد جلسات فالأرض وكوثر وكريم جلسو معاها ونسيم صباح كيضرب فوجاهم
كريم شاف فلطيفة: لطيفة
لطيفة شافت فيه وحركات راسها بمعنى اش
كريم تنهد : عارف عرفتكم فمدة فصيرة ولاكين ربي لي عالم قداش عزاز (بتاسم لطيفة) ومن فاش قلت لك عتابريني خوك الا وانا قلتها وبغيت نكون لك لي عجبك اخ صديق اب عم اي حاجة رتحيتي فيها غير بغيتك تجوبيني بصرحة
لطيفة شافت فيه مركزا:مرحبا
كوثر بتسمات وشافت فلطيفة : اول سوأل من عندي
لطيفة ضحكات ودفعاتها : قاضي البحت خليك بعيد (شافت فكريم ) انا نجاوبك بلا أ سئلة حيت كاع لي فبالك مبغيتش نسمعو بمرة (شافت فيهم بجوج) بختصار لطيفة لقديمة دفنتها قتلتها بقيت بغيت نسمع عليها حتى حاجة (بتسمات ) حيت صافي سلات قصتها وبغيتكم تعرفو كون ما سديت على راسي وفكرت مكنتش غدي نوصل الهد نتيجة وعندي لليكم خبار زوينة,
كوثر شافت فيها: شنو هيا
كريم بفضول: شنو
لطيفة ببتسامات بحماس : قررت نرجع القرايتي واخا عرفة الوقت فاتني ولاكين بغيت نعوض لي فات
كوثر شافت فيها مصدومة:اشنووو كتقوليييي
لطيفة شافت فيها معوجة فمها : ومااالها
كوثر طارت عليها معنقا وتخوض فيها وتغوت : ههههه واااااع اجملللل حاااااجة سمعت وييييع بصح بصح
كريم كيشوف فيهم ويضحك
لطيفة تفك راسها من ختها وتدوي مقجوجة : ابااااينا غديييي نقابل جبريل قبل ما نكمل كلامي
كوثر بعدات عليها وباستها بوسا طويلة: هاااح فرحتيييييني فرحتيييييني الله افرحك
لطيفة تقاد شعرها لي تعنكش: اختييي فرحتك اه وااانا لاش قاجاني واش تعنقي ولا كتقتلي بهدوء الااااطييييف
لطيفة ضحكات: اودي نخاف هه تصيفطني نبوس ملك الموت ههههه وميسخا بيا غير خليني نهدر وصافي (شافت فكوثر) مي كوثر غدي دير الحميا بوحدها مع تبركالله فيها جوج مني
كريم ببتسامة: من كلامك كيبان ليا عندك شلا زبايل (شاف فيهم بجوج) بمناسبة قلت مايدار بغيت نتعرف عليكم مزيان
كوثر شافتو كيشوف : ابلااا متشووووف راني ممعودا لك والو حلقي نشف (اشرات الطيفة) هيا لي تعود لك مع كانت في راحة صمت حجراتها غيكونو مزيانين
لطيفة شافت فيها بجنب: سكتي سكتي قبل منخلي ختي تقلب على سنانها وسط ربيع (شافت فكريم مربعة إديها ) ايه شنو باغي نت تعرف واخا ممولفاش نعرف بنادم عليا مي على شمتة لي تمتي اسي كريم نعرفك عليا (طلقات ضحكة اما هوا خنزر فيها)
كريم مخنزر : بحالا عاجبك الحال
لطيفة تحبس ضحكة: ههههه نكدب عليك غير ليوم فاش كنت نحلب البقرة ههههه تفكرت كلامك وتخيلتها ههه وطرت ههه والله الا سرك هيا نيت لي عرفات ليك
كوثر بستغراب: علاياش كتهدرو
لطيفة شافت فيها: شي هدرا كبيرة عليك الكبيدة
كريم شاف فيها: دابا حجراتك تقادو
كوثر عوجات فمها: وغير عاود ليا حتى انا دير بيناتنا تساوي راه نتسطا ليكم انا هنا الا معرفت علاش داوين
كريم ببتسامة: إلا غدي تسطاي نصحك تبعدي علينا (اشار ليها بعيد) سيري تاااماكين وتسطاي على خاطر خاطرك
لطيفة عنقات كوثر بجنب: لالا نبغيك تسطاي حدايا باش نتي تسطاي وانا نسلخ هههههه احح توحشت عكاز جدا
كوثر شافت فلطيفة: ااااجييييي (شافت فكريم) هوا يقدر اعالج جدة (رجعات شافت فلطيفة لي طلعات حاجبها) حيت نفسيتها غتكون عيانا
لطيفة مطلعة حاجبها: هيا بغيتي ابنتي اكوثر المرضيا بدال نقابلو جدة العزيزة (اشرات الكريم ) نزيدو حتى هدا
كريم بستغراب: علاش شنو مرض جداكم
لطيفة تنهدات : وجدا تبركالله عليها دك ودردك صح مني غير هيا فيها زميمر نهار نطيحو ليها فالبال كاع اعدائها لي دوزات فشبابها إبانو فينا
كوثر ضحكات : ههههه ونزيدك عندها واحد العكاز ضربك طيحك دودة هههه اما الا قالت لك نت راك حمار يعني راك حمار هههه ومكاين ما ولاكين
كريم مطلع فيها حاجبو : دابا بين المصطلحات كاملة بان لك غير الحمار
كوثر صغرات عينيها بإعتدار ومبتاسمة: احم هه غير بغيت زعما نشرح لك كتر باش تفهم 🙂
بقاو مجمعين ساعات بلا ميحسو بالوقت وبلا ملال لطيفة عودو ليه كاع زبايل لي كيديرو وهوا مستمتع معاهم وكيضحك وحتى هوا ههه ماشي مالاك عاود ليهم على تشيطين لي كان فيه طلع كثر منهم قليهم مكتعرفو والو ما ناضو من بلاصتهم حتى سمعو ظهر كيأدن عاد مشاو تاني اضحكو حتى قاطعهم صوت من وراهم كيعيط على لطيفة لتفو بثلاتا بيهم كريم شافو وبقا اصبر فراسو كوثر شافتو كرزات على سنيها الا لطيفة لي كتشوف فيه بحالا مكتعرفوش بمرة
كوثر شافت فلطيفة : سبقوني الدار عندي شي حاجة معطلاني مزال
لطيفة ببتسامة : واخا (شافت فكريم لي مخنزر ونغزاتو) وااا سي محمد فين سارح
كريم شاف فيها
لطيفة اشرات بحجبانها: غنبقاو هنا يالله كون مي كتستنا فينا
كريم صغر عينيه فيها ورجع شاف فياسين لي واقف استنا ردها عاد شاف فيها: واخا يالله
لطيفة بتسمات ليه ومشاو فحالهم اما ياسين سعر لي ركبو فيه بهديك تنخيلة
ومشا مخنزر لجيهتها حتى شداتو كوثر من إدو
كوثر: سي حمااااد اسبحان الله فين غدي مدرم
ياسين شاف فيها ونتر إدها: كوثر غدي ديها فجيها لي كضرك لا
كوثر خنزرات فيه: نعااااام ابااااااابااااا شنو مسمعتش (ضحكات) هههه قلك جيها لي كضرنني (خنزرات فيه) سمععععع اولد رقووووووووش ولا قدووووورة غدي تقلب على دارناااا وعلااااا بابهااااا وعلى ناااااااااسهااااا ولاااا بربي ميعجبك معااااايا حال راه جني الكحل ميتيقكش وشدااااه علك بسييييف مييي الا بقيتي كتحيمررررر عليييينااا هنااا بحال الولد العفييييييييف شرييييييييف ضريف بررررربييييي حتى يخسوك سوايع باش تعرف طريق لي تخرج من العطاويا كاملة
ياسين مبتاسم : مم ياك ما حتى نت بحالها ومخبيا
كوثر ضحكات وخسرات الهدرة: هههه منيتككككك اربي منيتك ويتو ويتووووو على الخرية على شويا يسحاب ليها راسها شكلاطة (طلقات بضحك اما هوا غوت وهز إدو وكان غينزل عليها بتصرفيقة حتى تشدات ليه )
أناس لوي ليه إدو من ورا ضهرو وكيشوف فكوثر لي كضحك : داااااركم
أناس برررررررربييييييي حتى ندفنها حياااااا طللللللللق برررررربيييي حتى نقتلها
أناس مزير عليه ومضارب معاه اما كوثر دارت وزادتو كلام اخر
كوثر: سااااااااااهلااااا على طسييييييييلت بووووووك يا شماااااتة (مشات وخلاتو اطير وينزل وأناس مضارب معاه )
لطيفة كانت جالسا هيا وكريم حدا صالة حتى دخلات عليهم كوثر تضحك وشافت فيهم
لطيفة : اسبحان الله ياك ما تشيرتي
كوثر بتسمات: لالا متخافيش (طلعات حجبها فيهم)مالكم جالسين هنا
كريم : سولي ختك لي مجلسانا هنا
لطيفة جات تهدر حتى شافت باها داخل ومشات عنقاتو: باااا على سلامة
مصطفى شاف فكريم لي بتاسم ليه وشاف فكوثر لي كضحك عاد نزل عينيه عند لطيفة مصدوم ودوا بصوت متقطع
مصطفى: ب ن تي ل لطي فة
لطيفة هزات راسها وشافت فيه مبتاسمة : ههه انا بيخير ابااا (شداتو من إدو ومشات جراه ) زيد جلس راك عيان
مصطفى تبعها وكيشوف فكريم وكوثر تاني وهما غير كيبتاسمو حيت مزال ممتيق بنتو لي شهر كامل رافضا تشوفو ليوم جا وتلاحات عليه عنقاتو بنتو لي شهر تحرم من انو اشوفها غير الا نعسات بنتو لي شهر مسمع صوتها مغديش نوصف ليكم فرحتو حيت قد ما وصفت مغدين نقدرها ولا نوصل الحد ديالها بشويا بشويا حتى بتاسم وجرها العندو معنقها وكيبوس فيها وفرحان ليها حيت رجعات كيف كانت واخا المرض خلا علامات ضعف الا وانهم فاش شفوها ناضت وكضحك هديك هيا دنيا ومافيها
مجموعين على الغدا وصوت ضحكهم كيتسمع من برا وعلاش لا صافي لطيفة رجعات الفرحة رجعات صوت ضحك رجع لي تحرمو منو كيف ما هيا تعدبات منعازلا عليهم هما معدبين كثر منها وبزاف وليديها وليديها قاطعين الحس مكتفين فقط بضحك والإبتسامة وخلاو بناتهم وكريم منوضينها مع بعض بحالا كيعرفو بعضياتهم من شحال هدا جو زوين لايحسد عليه انا ونتما متمنين نعيشوه كل يوم كل ليلة كل دقيقة حيت ضحكة شي حاجة كبيرة .
لطيفة شافت فباها من بعد ما بلعات ماكلتها: با بغا نقوليك شي حاجة تقدر تعجبك وتقدر متعجبكش
مصطفى شاف فيها ببتسامة: قولي ابنتي بلا ماتسولي
زهور شافت فيها: شنو ديك الحاجة
كوثر ببتسامة: رااااه ب...(نغزها كريم وشافت فيه ) اش
كريم خسر سيفتو : خليها هيا تهدر
لطيفة شافت فيها : باز لك اختي باز
زهور : وقولي هاحنا نستناو
لطيفة ببتسامة وشافت فباها ومها: مهم كيف كتعرفو انا خرجت من قرايتي 6 سنين هدي ومدرت فيها حتى حاجة هدا علاش قررت نرجع نقرا
مصطفى شاف فيها بفخر: هدي هيا بنتي لي كنعرف (بتاسم ) احسن حاجة سمعتها الله ايسر لك ابنتي الله ارضي عليك
زهور شافت فيه مربعة اديها: انا ممتفقاش
الكل شاف فيها بستغراب
زهور : واش البنت حتى شرفات عاد باغا تقرا اش هد الحماق
مصطفى طلع حاجبو فيها:نقولها لك ولا نسكوت
زهور شافت فيه : غير خرجها نيت
كريم ببتسامة: لا اخالتي القراية حتى شي حد ماكيشرف عليها راه نت الا بغيتي تقراي راه امكن لك تقراي
زهور قلبات وجها:اوى صافي مبقا لي غير القرايا لي شافني اضحك فيا
لطيفة بتسمات : ان شاء الله امي اكون كلشي هوا هداك انا اصلا مزال صغيرة وغدي نقرا وغدي نحقق دكشي لي بغيت ونخليكم ان شاء الله هازين راسكم الفوق
زهور شافت فيها: ايه بقا لينا نهزوه غير الفوق مكفاك تهبيض لي هبطيه حتى معرفنا قبلة من بحر
كوثر : اربي امي سكتي خلي هدرت مع خلاتي حتى تكوني معاهم وقوليها رااااه حنا ف 2020 امييي الله اهديييك
كريم : نتي جيبي غير شهداة ديال الباك ووراقك من ليسي وانا نتكلف لك بالموؤسسة لي غدي تقراي فيها وتكون قريبا البلاصة لي كارين فيها ولا يمكن ليكم تجلسو معانا فدار الا بغيتو (شاف فمصطفى) كاين انا ولوليدة واغلب الوقت كتبقا بوحدها حيت انا خدمتي مكتسمحش لي نبقا فدار بزاف (شاف فلطيفة وكوثر) شنو قلتو
لطيفة وكوثر هزو كتافهم: منعرف
مصطفى ببتسامة: براكلله اوفيك اولدي يكفي هد شهر لي تعدبتي فيه معانا وحتى خلاصك مقبلتيه شنو بغينا مزال الله اجعل البراكة بلا ميتقلو عليكم
كريم ببتسامة: بالعكس اسي مصطفى البنات ولاو بمتابت خواتي
مصطفى : اوى الا كان هاكا معندي منقول (شاف فالبنات ) اش قولتو
لطيفة ببتسامة: ماكاين لاش مبغيت نتقل على حتى شي حد من الاحسن الكرا
كريم شاف فيها: دابا متقولي والو منبعد ونشوفو
كوثر : انا صرحة جاني كلام خويا كريم افضل
زهور : حتى انا (شافت فكريم ) واخا مكوناش نعرفوك ولاكين وليتي بمتابت ولدي لي معنديش وهدشي لي درتي معانا مخنساوهش وديما دعواتي غيبقاو من وراك فين ما مشيتي اولدي حيت بحالك قلال فهد دنيا الله افرحك اولدي
كريم ببتسامة: امين ياربي براكا عليا غير هد دعيوات من عندكم هما كلشي
كوثر شافت فيها: نت لي بديتيها اختي مابان لك وقتاش تجبدي هد الموضوع حتى الفوق الماكلة
بتاسمو وكملو ماكلتهم تاني فضحك وهدرا تجبد هدرة من بعد ما تافقو شنو غدي اديرو كريم بقا عندهم هداك نهار حتى الصباح عاد مشا معاهم ليسي لي هدرو مع الحاريس العام قالت ليه لطيفة شنو بغات من بعد ما قاليها التنين ترجع حيت غدا الحد ومغديش اكون حال عاد رجعو فحالهم اما ياسين داير بحال رادار مرقبهم وقتاش دخلو وقتاش خرجو معندو ميسالي اما اناس قلبات عليه كوثر وحتى هوا قلب عليها واخا عندو نمرتها مزعمش اسول ولا يهدر معاها من بعد هدشي لي طرا اما كريم بقا معاهم حتى هد نهار وقدر اقنع البنات باش ابقاو مع مو فدار وهدرو معاها كاملين ابيل فيديو من عندو وعجبها الحال حيت غيجيو العندها حيت اصلا معندهاش ولاد من غير كريم اما رجلها حتى هوا مع خدمتو مكيجلس فدار بزاف بحكم الخدمة ديالو
دازو نهارات بسرعة البرق لطيفة وجدو ليها الوراق لي كانت باغا وعطاتهم الكريم لي غدي اتكلف ليها بالموؤسسة فاش غدي تقرا وبقات مع دارهم حتى اعيطو ليها اما كوثر مشات المراكش بحكم لافاك دغيا كيبداو القرايا ومنها نيت تجمع حوايجها لي خلات فدار لي كارية وتعطي المول دار خلاصو
جانهار جديد كنت كدير لطيفة أخير دورة ليها فدوار حيت واخا قالت الوليديها غدي ترجع مي هيا لي فبالها فبالها مبقااتش بغات دوار ولا ناسو حتى حاجة فدوار مبقات طيقاها حيت دارت فبالها الا غدي تبدل خاصها تبدل حتى البلاصة فين كاينا اما الا بقات فيها كاع محولاتها غدي افشلو حيت جرح لي تجرحاتو واخا قصاحت من وراه كيبقا مطبوع الداخل ديالها تقدر تنساه وتقدر متنساهش بقات كدور وكتمعن فأي بلاصة دوزات فيها دكرايات سيوى زوينة ولا خايبة حتى وقفات فالبلاصة لي كلات فيها دقا لي خلاتها طيح وتعدب فكل دقيقة عداب عام بقات واقفا ومبتاسمة وتقول مع راسها شحال كنت هبيلة وشحال كنت حمقى وشحال كنت معندي الجرام ديال العقل حيت عطات قيمة الشخص محاس بيها حتى معاد بيك إبغيها بقات كضحك بسخرية على راسها
حتى دارت مبتاسمة ولقاتو من وراها كيتفرج فيها متهزات فيها شعرة ولا تحرك فيها شي حاجة زادت وسعات ابتسامتها كثر وكثر ابتسامة كتدل على القوة على تقة على كلشي بحالة كتأكد ليه بلي نت مكتسواى والو بيك بلا بيك عايشة بحالة كتأكد ليه بلي الكلام لي قالتو بحالة غير فتاتو عليه من الورقة اما هوا فهم نظراتها وفهم شنو بغات توصل ليه هوا لي رتاجف هوا لي قلبو تهز من بلاصتو وهوا لي فرمشت عين قوتها جدباتو ليها تلف حتى شنو بغا يقول معرفش ولا غير كيدور فعينيه بغا يهدر ومعرفش منين ابدا حتى هدرات لطيفة لي خلاتو اهز فيها عينيه ويشوف فيها مطول
لطيفة طلعات حاجبها : تقلب على شي حد
ياسين شاف فيها:ها (بثوثر) احم لا مي بغيت نهدر معاك
لطيفة برود: شنو بيني وبينك باش تهدر معايا (شافت فيه سكت عوجات فمها وتمات ماشيا حتى شدها من دراعها وشافت فيه بإبتسامة ديال جنب)
ياسين شاف فعينيها: سمحي ليا على دكشي لي وقع ليك بسبابي
لطيفة ضحكات: هههه كيفاش اخويا مفهمتش شنو وقع
ياسين : راك عارفة ومبغيتش نحرجك
لطيفة ضحكات من اعماق قلبها بقات كضحك بحال شي حمقة اما هوا خلعاتو بضحتها الهستيرية عاد شافت فيه ببتسامة: تحرجنيييي هههه شكوووون نت اصلا باش تحرجني (طلعاتو وهبطاتو) كيبان ليا بديتي تخرف اخويا (شافت فإدو لي شادة فيها) ممكين تطلق حيت الا شافك شي حد منضمنش ليك شنو غدي اوقع (غمزاتو) اخويا
ياسين مصدوم من طريقة باش كتهدر وبقا كيسول فراسو واش هدي هيا لطيفة لي كتشوفو وعينيها كيلمعو هدي هيا البنت لي كانت كتلاح عليا هدي هيا لبنت لي شفت لكسر فعينيها (رجع شاف فيها )
لطيفة مطلعة حاجبها: مكتسمعش
ياسين طلق منها بلا ميهدر اما هيا طلعاتو وهبطاتو عاد تمات ماشيا مكملة طريقها والإبتسامة على وجها ممسوقاش لا ليه ولا العالم ولات كتحب راسها وداتها كتر من القياس وكتر من الأول وزادت كبرات شان الراسها حيت الا مكبرتيه الراسك حتى شي حد مغدي اكبرو لك هدي هيا لطيفة جديدة من بعد طيارة لي كانت فيها تبتات ورزنات ولا كيبان قدام عينيها شيء واحد هوا مستقببلها لي ولاهوا كلشي واعدات راسها بلي كاع لي ضيعاتو غدي تعوضو وبلي هيا قادة تصنع كلشي مدام إرادتها قويا مشات الدار القات كريم كيستناها باش امشيو ودعات باها ومها لي كانو فرحانين ليها وحازنين فنفس الوقت حيت غدي تخوا عليهم دار هزات حوايجها لي كانو مجموعين عاد خرجو ومشاو فحالهم مشات وخلات كاع دكرياتها من وراها مشات وقدام عينيها حياتها جديدة لي بغات شافت فكريم ببتسامة لي كان مركز فطريق عاد شافت قدامها تاني تنهدات تنهيدة كتدل على راحة نفسية متحمسة بزاف القادم ومتخوفة من دكشي لي غدي تلقا بصح مسخاتش بدوار حيت مولفاه مي رغبتها باش تخليه كانت اقوى بألف درجات كملات طريقها وهيا مفتاخرة براسها وزادت علاتو كتر وكتر واعدات راسها بلي مستقبلها واهدافها من بعد عائلتها هما لي كينين وماكاين غيرهم
داز زمن والوقت والحاضر والماضي كلشي تبدل وكلشي مبقاش كيف كان حتى من طريق تقدات لي كانت عامرة حفاري جايا فيها طوموبيل من شكلها كتبان جديدة كلها كتبري وناس دوار حالين فمهم فيها اما لي سايقها طالق موسيقى حماسية وصوت بنيتا صغيرة كتدندن من وراها وكتصفق بإديها وتحاول تغني مع الأغنية لي مطلوقة بنيتة كيف البلارة من شوفة كتبان كملات عامها الأول عاد بدات تنطق الحروف مسكتات من دندانا وتبلغيم ديالها الا فاش حسات الموسيقى سكتات وطوموبيل وقفات ودلات شفايفها بغات تبكي مي مها الموصونة دغيا دارت ليها سكاتة فمها
لطيفة ببتسامة ومصغرة فيها عينيها: ااااشنو تاني غدي ديماري همممم زعما بغينا تباني بعقلك ساعة نت حلفها فيا تشوهيني حدا مي (هزاتها وباستها ) هااااح على كتكوتي (شافت فيها ) متوحشتيش جداك
ألاء تضرب ضربات خفاف على وجه لطيفة اما لطيفة باستها بوسة طويلة حتى قفزاتهم بجوج صحبت دعوتهم لطيفة على شويا وطلق ألاء أما ألاء طاحت ليها سكاتا وعطاتها الغوات
لطيفة غمضات عينيها
كوثر دي فيهم وتجيب من لور : ععععععع توحشتكم توحشتكم توحشتكم
لطيفة شدا فألاء وختها دي فيها وتجيب : كوووثر شنووو هد زمر هااا صاااافي تهنييييتييي (تحرك فكتافها) وبراااكا طلقييي
كوثر طلقات منها وشدات ألاء لي كتبكي تسكت فيها: ششش وييييتووووو صافي صافي احبيييبت خالتها صاااافي
لطيفة واقفا فباب الكوزينة ودموع فعينيها وكتشوف فمها تغسل فالماعن ومعصبة على كوثر لي خرجات تشوف فمها توحشات دارهم لي مبقاتش عاقلة حتى انا لون دصباغة فاش خلاتها 6سنين موطات العطاوية ولا حولات تجي اليها مها وباها وقت ما توحشوها هما لي كينزلو عندها توجهات العند مها ببتسامة على وجها وعنقاتها من لور
زهور مكشرة وباقا عطاها بضهر : فيين كونتي ها
لطيفة بتسمات ورققات صوتها: كووونت كنشوف فيك
زهور دارت دغيا من بعد ما سمعات صوتها
لطيفة مبتاسمة: موووووفاااااجئة
زهور توسعات الإبتسامة فوجها وبقات تعنق وتبوس فبنتها لي عام ماشفتهاش بقاو اتعانقو حتى دخلات عليهم كوثر بألاء
زهور طلقات من لطيفة ومشات خدات ألاء تبوس فيها : أح على كبيييدتي وعلى كتكووووتي
رقوش تحط فالغدا ومشات تفيق فياسين لي ولا عطيها غير النعاس خدمتو هملها الواحد دراجة كبيرة ديما الغرور,وتكبر والحسان بنفس كيرجع هاكا وبهاد الجزاء كيف ما شوا كبدة ام على بنتها وخلاها ليالي سهرانا وتبكي حتى مو تحرقات عليه وعلى حالتو لي وصل ليها لي مخلات لا راقي ولا فقيه حيت صافي قالت ولدها تسحر حيت هدشي وقع ليه من بعد ماجا العطاوية عيات معاه والو 6سنين وهوا ساد عليه قليل فاش كيخرج قهرو تفكير فيها كلشي رجع عليه بندامة حيت لا ينفع ندم حتى مشات حتى بعدات عاد عرف بلي قلبو ملكاتو وهوا لي كان دافع كبير معرفش وقتاش وكيفاش لي عارف لطيفة مشات وبقا طيفها معاه دكريات قليلة معاها بقات مرافقاه طول 6 سنين الدابا ولا متمني غير القاها هاكدا تلات بيه هاكدا كيطرا فالإنسان لي كيحرق قلب حبو بصدق وحتى لا ما تعاقب فدنيا ربي مكينساهش فالأخيرة.
رقوش بحزن جلسات حداه : ولدي
ياسين ناض تكعد وشاف فيها ببتسامة: نعام الوليدة
رقوش حطات إديها على كتفو : حتى الإمتا غدي تبقا على هد الحال اولدي واش مكتحس بيا واش بيك شي حاجة اولدي ضراك شي حاجة مبقيتيش كيف كنتي اولدي شنو عندك
ياسين شاف فيها وناض وقف : وجد الغدا الوليدة
رقوش تنهدات : واجد
ياسين بتاسم وخرج وهوا قلبو عالم بيه غير مولاه على ميمتو شنو غيقوليها وشنو غيشرح ليها الا مقدرش حتى اشرح الراسو
تغداو كيف العادة في صمت عاد خرج حدة الباب جلس بقا شحال والجو مغيم وريحت شتاء لي ماليا لمكان حتى عيا عاد ناض إتمشا وتحت عينيه اسود ووجهو ضعيف حتى ملاميحو تمحاو من على وجهو بسباب الهم وندم والحب لي معرف منين تسلط عليه علاش فاش كيكون الإنسان عطينا قيمة مكنتسوقو لا ليه ولا القيمة لي عطينا وكتبان من عينيه ولا الاحاسيس لي كيحمل من جيهتنا علاش حتى كيمشي ويبعد ومتلقا لي عاملك بحالو عاد كنعرفو بقيمتو علاش شنو كان غدي اوقع كاع كون بسطنا الأمور بلا هد الأنانية والعياقة ونفخا الخاوية بقا كيتمشا حتى المحها من بعيد وبقا واقف مبتاسم وحرك راسو بلا حول حيت ديما ولا كيشوفها فين ما صد كتخايل ليه هيا
ولاكين من بعد ما شاف كوثر مشات العندها عطاتها شي حاجة تأكد بلي هيا بلا شعور بتاسم وقلبو فرفر فرمشت عين حس بالحياة بروح رجعات ليه محس براسو حتى قدوه رجليه العندها فين واقفا
أما لطيفة من بعد ما حسات بشي خيال وقف عليها هزات راسها وبقات تشوف
ياسين ببتسامة : ل لطيفة هدي نت (هيا غير كتشوف بنظراتها الباردين اما هوا لاحظ تغيرها سيوا فشكلها ولا فلباسها ولا فزينها حتى لون شعرها بدلاتو من الأحمر الأسود لي جا معاها وزادها قوة وغرور كثر وكثر) عارف بلي تصدمتي حيت شفتيني وعارف بلي متوقعتيش نكون هنا وعارف بلي غلط فحقك وعرفتها معطل وامكن كاع كرهتيني (شاف فيها بحزن) تيقيني كاع هدشي ندمت عليه كاع هدشي خلصتو فهاد 6سنين لي بعدتي فيها مكنتش عارف وجودك مهم فحياتي تيقيني الطيفة نت كتعني لي بزاااف واخا عرفتها معطل مي يكفي العداب لي عشتو من بعدك حاجة وحدة لي بغيت هيا نت الطيفة حيت كنبغييييك كنبغيك ومعرفتش فوقاش كنبغيك الوحد درجة الا مكنتييييش معااايا غدي نحماق(شد فإدها اما هيا غير كتشوف) نت ديالي والا بغيتي من ليوووم نتزوجو منقدرش نخليك دابا دابا رجعتي ليا (بتاسم ) رجعتي ليا ياك حتى نتي باقا كتبغيتي كنواااعد غدي نعوضك على كاع لي فات على حداعشرعام وعلى حتى هد 6سنين غنعوضك على كولشي الطيفة غير عطيتي فرصة (بتاسم ) والا بغيني كاع نحيو حب طفولة وكاع لي فاتنا (دموع تجمعو فعينيه ) عارف زربت عليك ولاكين غدي نخلي لك الوقت فاش تفكري مبغيتش تخدي قرار مزروب بغيتك معايا ونت كتبغيني كيف الأول (زير على إدها بلهفة) إلا بغيتي من غدا نقولها الوليدة ونجي نخطبك ونطولو فطرت الخطوبة هاا ياك هدشي لي بغيتي (بتوسل ) شنو قولتي هاا علاش ساكتة
لطيفة سلات إدها منو وبتسمات بجنب طلعاتو وهبطاتو وعوجات فمها عاد دارت نظاظرها ومشات بلا متعطيه حتى كلمة حيت اصلا مسمعات حتى كلمة منو سيوا حركات شفايفو اما هوا بقا كيشوف مصدوم وكيردد اسمها بحالة كيتأكد هدي لطيفة لي ماشيا بالفعل هدي هيا لطيفة لطيفة لي رسمات مستقبالها وستقلات فحياتها حققات داتها ووصلات شنو بغات يكفي انها نجحات فأختبار احسن شيف فكندا وقدرات تاخد لقب لي زاد حفزها باش تكون الأفظل دارت مطعم خاص بيها لي لقا نجاح وهدشي كلو بمساعدة كريم لي من اول خطواة خطاتها وهوا معاها الدراجة ولا اقرب صديق ليها كتر من خوها ولا كلمة الأخوة كانت غير باش اتجنبو فهم ضن اي حاجة عندها تقولها ليه والأول مرة كتيق فشي حد وكتيق بلي صدقة بالفعل كاينة ربي مكيسد باب حتى كيحل بيبان ودائما الخير في ما إختاره الله كملات طريقها مبتاسمة عند شخص لي كيستاهل إبتسامتها وعلاش ميستهلهاش وهوا فكل وقت تبغيه تالقاه معاها بإهتمامو بيها وبخوفو قدر اكسب قلبها لي كانت حاكمة عليه بالحزن والوحدة كيفاش مضحكش ليه وهوا ولا كلشي بنسبا ليها واخا عدباتو معاها حيت بغاتو غير صديق اما هوا عكسها من بعد عامين ديال تجرجير حنات فيه وفقلبو وهاهما دابا مزوجين وعندهم بنيتا لي هيا ألاء من بعد عام ونص ديال زواج شرفاتهم فالعائلة
لطيفة وقفات عليه وحيدات ليزيات من ودنيها :ياك قلت ليا مغديش تجي
كريم مخنزر فلي واقف بعيد كيشوف فيهم : شكون هداك
لطيفة عنقاتو: مكيهمش شكون (شافت فيه ) وقتاش جيتي
كريم بدلها العناق : نص ساعة دابا
لطيفة : كونتي فدار
كريم دور إدو على كتافها: اه راه خليتهم غدي امشيو الجنان اديرو فيه كسكروط
لطيفة دورات إديها على خسرو: يالاه نلحقو عليهم
كريم رجع شاف تاني فياسين بشك مي مهتمش بالموضوع حيت كيتيق فالطيفة وعارف قلبها ليه عنقها العندو ومشاو اما ياسين بقا كيشوف فيهم بصدمة ودموع محجرين فعينيه وطاح على ركابيه ومزال تحت تأتير صدمة
مشات لطيفة وكريم العند عائلتهم لي كانو كيستناوهم مع اب وام كريم وزايد عليهم خطيب كوثر لي هوا البروفيسور ديالها حيت مزال كتقرا اما علقتها مع أناس نهاتها بمرة حيت هيا حقدات وحقد ديالها مزال محفور فقلبها كرهات ياسين اناس رقوش كولشي بسباب الموشكيل لي وقع فختها وخا تناساو الموضوع الا الكره باقي مغروس فالقلوب كل من لطيفة وكوثر وكريم اما ألاء غير شافتهم وبقات كتنقز فإدين كوثر لي كانت كتلعب معاها
كريم ببتسامة شد بنتو وهزها حتى الفوق وطلقها فالهواء وشدها تاني وهيا كضحك وصوت ضحكتها كيتسمع من بعيد ولطيفة معنقا كريم ومن دراعو وتشوف فبنتها لي كضحك وصوت ضحكتها كيتردد فودن ياسين لي واقف من ورا شجرة وكيشوف فيهم بدموع هاكدا سلات قصة بنت العروبية او بالأحرى لطيفة لي كانت مخططا الحاجة والقدار صدفها بحاجة اخرا مشي ديما لي بغيناه كيكون لينا وماشي من ضروري لي بدينا معاه نكملو معاه ربما الخير لي القات فكريم كانت مغديش تلقاه ف ياسين واخا كاع اتزوجو حيت دائما عسى ان تحبو شيأ وهوا شرا لكم وعسى تكرهو شيأ وهوا خيرا لكم ونتمنى تكون قصة بنت عروبية وصلات ليكم رسالة لي باغا نوصل البنات لي طرا ليهم كيف لطيفة ولي بغيت نقول تيقو فراسكم حيت الحياة مكتوقفش على الحب بوحدو حتى كسب دات ومعرفة نفس وتحقيق الأحلام ورفع راس وليديكم وهما كيشوفو فيكم بفتخار هوا كلشي إلى لقاء إلى موعد أخر وفي قصة أخرى بإذن الله
وللواقع رأي أخر.. بنت العروبية 🍁
ندى البليوي
وهنا نتهات رحلة ديال بنت العروبية لي كانت غير صدفة ليا كنشكر كوثر ايت احساين حيت هيا لي خبراتني كون مهياش مكنتش غدي تكون معانا بنت العروبية ليوم عارفة اغلبكم مغديش تعجبو نهاية ولاكين كيف قلت لمست بيها الواقع وهدا الواقع
بنت العروبية الجزء الرابع والأخير
محتوى القصة
التنقل بين الأجزاء