بدون قيود الجزء 15

من تأليف هناء المنصوري
2020

محتوى القصة

رواية بدون قيود

علااا يدووو بالموووس تاا علاااها و نزل بيها عليها لذراااعها دوزها عليييها تا غوتااااااات غووووتة مسمووووعة خلات الناااس يجيو تيجريو ناحيتهم يشوفو شنووو طاااري، عااد سلوى تتتغوت و تشيرلهم .. دوك الزوج شافو الناس غايتجمعو مشاو هربو .. البنات شدو فبعضياتهم تيتنفسو بقوووة و صفاء شافت فجرح يدها تتبكي)

صفاء:ضرنيييي ضرنييي تيشووط اييييي هئ هننننن

سلوى كاتوقفها و تبكي:وقفي يلاه نمشيو من هنا سربي، كان يوم كحل فاش بغينا نجيو لهاد البحر
ناضت صفاء تتبكي و تشوف فيدها سايلة بالدم .. مشاو خارجين لبرا و الناس غي تيشوفو فيهم مافهمو والو .. هوما توسخو بالرملة ولاو حالتهم حالة .. مشاو على رجليييهم على طوووول الطريييق .. وصلو بزوج لدار صفاء اللولة .. طلعاتها سلوى و دخلاتها لداخل و هي تتوجع من يدها

صفاء بوجع:ضرااتني بزااف
سلوى:أجي معايا للحمام (دخلاتها للطواليط، مينو غا شافتهم و شافت صفاء تتبكي بالدموع قرباتلهم تتشوف و تموء بالجهد فحالا تتسولها مالك .. قربات سلوى صفاء لتحت لاڤابو .. غسلاتلها يديها مزيان و هي تتوجع، رجعات شافت فيها)

-نتي دوشي بعدا و ندخل موراك انا، ماعرفتش واش نلقى لاخر فالدار ولا لا، لا حصلت راه يقتلني

صفاء غي حركاتلها راسها بالايجاب، بلا ماتجاوبها .. سدات الباب دالحمام عليها و سلوى تسناتها

غسلات بالزربة حيت تا صفوان قرب يجي، غي سالات و خرجات تبعاتها سلوى .. تا هي بالزربة دوشات، خرجات و خذات حوايج من عند صفاء، جلسو بزوج فالصالون شدات سلوى .. معقم و فاصمة تتعقملها يدها و صفاء تتوجع و يدها تترعد لها، عينيها عامرين دموع تتصرط ريقها بالزز، تا سالاتلها سلوى و شافت فيها تتزفر بارتياح

-غانمشي دابا الحمد لله ماطرا باس
صفاء تنهدات:الحمد لله

سلوى:هانا غادة بسلامة
صفاء قربات عنقاتها بقووة:شكرا حيت نتي معايا ديما، اعز انسانة على قلبي

تبسماتلها سلوى ابتسامة خفيفة، باستها من خدوذها و ناضت خرجات من عندها تمشي لدارها حتى هي..!!

الثامنة مساءا عاد سالات و باعت جميع المملحات اللي صاوبات ولكن الحلوة متتبيعش كولشي طبعا .. خارجة من الأسانسور لجيهت دارها، مع خرجتها مع تصادفات بمنال باغا تدخل

ملامحها شاحبة، عينيها مطفيين و شنايفها صووفر، عقدات فيها حواجبها بقوة و حنات عينيها باغا تمشي تا حبساتها منال بصوتها

-كنت عيانة و ماسولتيش..!!



علات أميمة عينيها فيها:ماتبقايش تدوي معايا حسنليييك، من اليوم غي شوفيني قلبي الدورة حيت شادة راسي عليك بالسيييف

شافت فيها منال باستغراب و هي تمشي أميمة ناحية دارها .. دخلات و سدات عليها بيبانها بزوووج بقوة و دوزات الساقطة .. خلات منال مكوانسية بلاصتها واقفة

قضمات على شفتها السفلية بالجهد عينيها مدمعييين، دخلات للأسانسور تتشوف فباب دارها و تمتمات بحقد
-كيفما خطفتي أحلامي غانخطف أحلامك منك، عمركك تحلمي بالنهار البيض من هنا لفوق (تسد باب الأسانسور و غمضات عينيها بقوووة مزيرة على كرشها بين يديها و سااااكتة هادئة غي تتشوف فالفراغ)...
.
.
.
دخلات للدار اخيرا من بعد زحمة سير رهيييبة لقاتها .. دورات عينيها فجنابها تتشوف واش كاين..!!
مالقاتوش فالصالون زادت دخلات لداخل و هو يبانلها فالكوزينة شاد كاس دالما تيشرب، الكوزينة كانت تطل على الصالون بان ليها منو

هو شرب بهداوة و علا فيها عينيه بنظرة غاااضبة:فين؟؟

نطق غي بديك الكلمة و هي عرفات كمالتها .. عضات على شفتها السفلية بقوووة و تمتمات بخفوت:كنت مع صفاء، خرجنا من لافاك و مشينا تسارينا شوية

قالت كلامها تتشوف فيه و تسرط فريقها، علا حاجبه مقربلها و جرها من ذراااعها بقوة:تتقوووليها بوجهك حمررر؟؟ شنو قلتلييييك انا فالصبااااح!! و زايدوووون شنو... هييي م مالك مالك (وهو تيدوي ترخاااات عليه بدون ماتحس، الدوخة شداتها و ديك الخلعة د قبايلة عاد دخلات معاها .. لقفها بين يديه تيشوف فيها برهبة عليها)

سلوى حلات عينيها فيه تترمش بعينيها:ر راسي تيضرني اووووف

هزها بين يديه و هي مرخييية كي الريشة راسها تيفتل، خذاها ناحية بيت النععاس تيتفحص حرارتها:طالعالك السخانة!!

شافت فيه بعينيها ذاابلين:راسي ضااارني انننننن

ناض من جنبها مشا للكوزينة، شد ليمونة عصرها و زادلها شوووية دالسكر و شوووية دالما تا تنصصات الكاس و رجع عندها
-هاكي شربي هذا
شداتو من عندو زگفات منو جاها حاامض:اييييف حامض بزاااف (مداتولو ليدو و هو يقربو لفمها بالزز منها)

-شربي مكاينش حامض

شداته من عنده بالسييف مرخيية تتنفس بشوووية، السخانة طلعاتلها بالزربة خصوصا بالشمس و الجرا و العيا دهاد النهار هو قرب بيدو و أصابعه الخشنة تيدوزهم مع وجهها و يدوي بحنية و همس:شنو طرالك هممم، الحبيبة ديالي عيات بالدوران اليوم (قرب لفمها باسها بوسة خفيييفة حنووونة مرهفة، من خفتها و حنيتها خلاها تغمض عينيها بشووووية بدووون ماتحس، داز بشفايفه على خذوذها و جبهتها تيبوس و يقيص فخصلات شعرها اللي فازگين .. هبط لعنقها تا هو تيبووس فيها بشوووية حتى طلع جيهت وذنيها، يلاه بغا يجبد شحيمة وذينتها بفمه و هو يخرج عينيه و عقد حواجبه تيشوف فالرملة اللي بقاتلها وسط وذنيها واخا دوشات .. و عاد حوايجها اللي مبدلين و شعرها الفازگ عرف شي حاجة ماشي هي هاديك..!!

تراجع شوية اللور و شاف فعينيها بقسوة و غضب:فين مشيتي مع هاد صاحبتك؟؟؟ تكذذذبي نفلق مككككك دويييييي

شافت فيه تتصرط فريقها، كانت مرخيييااالو بسباب قبلاته اللي زادو رخاوها من حنااانهم و حلاااوتهم .. و لكن غييي سمعاتو شنو قال و نبرة صوته العاااالية .. صرطاااات رييقها بشووووية و بكل بطئ تتنفس بالزررربة

شداتلو فيده حاسة بالدموووع فعينيها تجمعو و همساتله بخفوت:انننننن ك كنتتتت، ك كووونا ك ك ك اييي راسي (شدات راسها بين يديها تتمسكن) غانموووت وانا مزال صغيرة

اسماعيل بحدة:ماتقلبيييش الموضوووع دويييي
توثرااات تتشوف فيه و تدور فعينيها بخوف من جوابها ليه، خافت تقولو فين مشات و يفلقها ديال بصح .. دورات عينيها بشووووية تتشوف فجنابها حتى عينيها تقلبو و غمضاتهم بشوووية و سخفاتلو السخفة دبلعاني 🙂


جالسة فالصالون مربعة رجليها تتشوف غجنبها فين كانت جالسة حاضياها بدورها، عينيها كانو فالقطيطة ديالها و لكن ذماغها مسافر لبعيييد، تتقيص بصباعها الضمادة اللي دايرة على يدها و تكمش ملامح وجهها بقوة و ألم طفيف

تنهدات تنهيدة مسمووعة بصوت مسمووع، حتى سمعات الباب تتحل .. علات عينيها ناحيتها عاقدة حواجبها تا قشعاته داخل بكيس بين يديه و عاقد حواجبه شوية..!!

شاف ناحيتها و هي كذلك شافت ناحيته، قربلها جلس جنبها و حط الكيس اللي جاب جنبه

علا فيها عينيه و هو يعقد حواجبه كثر و تلمس خذها بصباعه بشوووية

صفوان بنبرة حادة:شنو هادشي؟

صفاء خرجات فيه عينيها:ش شنو؟
صفوان:شكون ضربك؟ (مركز بنظراته فخذها اللي بقاو فيه أثار صبعانه مطراسيين، حتى هزات يدها تقيص فيه و هو يشوفلها الضمادة، زاد عقد حواجبو و جرلها ديك اليد عندو) و هادي شنو..!! اش طرالك

صفاء عقدات حواجبها، جرات يدها من عندو بشوووية:والو غ غير م مينو جيت نهزها و احممم قمشاتني فيدي، اما حنكي كنت ناعسة واقيلا غي المخدة خلات لاطراس (صرطات ريقها بصعوبة كاتزفر أنفاسها ببطئ و هداوة تتدور فعينيها لجنابها)

صفوان شاف فيها بجدية مصغر فيها عينيه فحالا تيأكد عليها تقولو الصراحة، حيت هادشي مادخلش لذماغه:الكذوب ماعزازش عليا راك عارفة هادشي؟؟
تحنحنات بصعوبة تتشوف فيه:ا اه عارفة

صفوان بنظرات ثاقبة تيشوف فيها بحدة:فين مشيتي اليوم؟

صفاء صرطااات ريقها بشوووية:غي لافاك و صافي مامشيت فين، اصلا ماعندي باش ندور لا فلوس لا حوايج كي الناس و نتا مبزز عليا الزيف ماعنديش تا حوايجو..!!

علا فيها حواجبه بجدية:حوايجو ماعندكش؟؟ و شنو شرينا داك النهار!!

صفاء:هادوك ماشي حوايج اللي نبدل بيهم كل نهار..!!

صفوان زاد عقد حواجبه من كلامها و شكاويها و حتى من كذوبها اللي متيتقاضاوش..!!

صفوان:ماعندكش عرض ازياء كل نهار باش تبدلي و براكة من كثرة الهضرة شي نهار غانلصقك مع شي حيط

خلاها و ناض من جنبها، دخل للبيت اللي ولاو مشاركين فيه نعاسهم و لياليهم الفايتة..!!
غي دخل زدح عليه الباب حاس براسه تيغليييي و السخونية طالعة مع ضهرو..!!

الهضرة وصلااته أنها خرجات و مع شي صاحبتها ولكن علاش تتكذب..!!

علاش ديما متتصارحوش..!!

واش لهاد الدرجة تيحمقوها الكذوووب و تبقى تألف عليييه..!؟
بطريقتها تتزيد تخلي الثقة بيناتهم متزحزحة..!!


مكايجي يبغي يفهمها و يدير معاها عقله حتى تتخرجليه بشي بلان من الجنب و ها هو لحد الآااان صااابرلها و تاااايجمع..!!

جلس مغدد فوق الفراش .. شاف فتليفونه وصلو ميساج جديد من الميسنجر .. دخل يقراه كان من خولة ميساج تابع خوه و كولهم فهضرة خاوية باغا تجبدو بيهم و لكن أهم هضرة دازت بيناتهم هي على صفاء و وصلاتهاله سخووونة كيفما تيقولو .. طلعلها vu و نخل ميساجاتها .. لاح التليفون ورااه و قاد جلستو فوق الفراش تيتنهد و يتنفس بالجهد .. تيدور فراسو فجنابه و يفكر فهادشي بيناتهم فين غادي..!!

غايبقى يصبر ديما على هبالها و لا غايجيه النهار اللي يعيا فيه..!!
ماعرفش شنو غايدير مزال و لكن اللي عرفه بينو و بين نفسه ان الكفة ثقالت و قربات تتهرس و تطيح و ساااعتها شكووون يعاود يصلحها و يقادها..!!
.
.
.
بقات جالسة فالصالون مقادراش تشوف فيه و تجلس معاه، حسات بشوية دالخنقة و بغات تاخذ شوية وقت بينها و بين نفسها .. شعلات التلفزة و عنقات مينو بين يديها تتفرج و تهزهز فرجليها بقووة

تبعات فيلم المدة ديالو ساااعتاااين و طووول هاد المدة هو ماخرجش لعندها..!!
ماتغدا مادار كاسكروط موالو .. دورات عينيها مستغربة ناحية البيت .. عوجات فمها للجنب بعبوس و شافت ناحية الكيس اللي كان جايب معاه خلاه جنبها .. قرباتله حلاتو .. لقات وسطه كارطونة مستطيلة بالغطا ديالها، حلاتها مع الحلة مع عينيها خرجووو و داك الشعووووور بالإحباط و الغبيينة تبدل و جا بللاصته شعووور بإعجاااب كبييييير

عينيها خرجو فديك السبرديلة الغوووز اللي جابهالها .. هي نايك و ملونة بالزرق و الغوز .. منظرها حمقها تلمساتها بصباعها تتبسم و تمتمات بخفوت

"فحال السحر..!!"
هزاتها تتشوف فيها، دوراتها تتقلب على الطاي ديالها كانت 38 .. طايتها النيت .. علات حاجبها فيها ماعرفاتش منين عرفها .. لبساتها فرجليها و ناضت بشويية لقبالت المراية تتشوف فرجيلاتها اللي جمعاتهملها بطريقة زوينة .. تبسمات ابتسامة واااسعة عينيها مغمضين تقريببا من ديك الإبتسااامة الواااسعة اللي مرسومة عند ثغرها .. تمشات ناحية الغرفة عنده حلات الباب مع الدخلة تلاااحت علييه عنقاااته بقوووة تتبوووس فخذه و تدوي بحيوية جالسة فوق حجرو، هو زير عليها بهداااوة مثبتها فوق رجليه باش ماتطييحش و علا فيها حاجبه بجدية

-شكرااا شكرراااا شكرااا شكرااا عجباااتني بزاااااف (شافت فرجييلاتها كاتضحك، خلاته يتبع عينيها تا شافها لابسة السبرديلة)

عض على شفته السفلية و نطق بجدية:بغيتيها داك النهار، ضبرت شوية دالفلوس شريتهالك.!! باش ماتقوليش تنتزقرم ولا ممخليلك ماتلبسي..!!


صفاء وسعااات ابتسامتها:نتا راك مكاينش فحااالك (باسته فخذوذو بزوووج بقوووووة كل خذ بوسة طويييلة و ختماتهالو بقبلة خفيييفة فجبهته حتى علا فيها حاجبه)

صفوان بجدية:مالني جدك؟؟
تبسمات ابتسامة خفيفة:ههههه لا غي تنشكرك هااكا (عاودات باسته فخده) نتا ظريف بزاااف معايا

صفوان بجدية:اممممم ظريف و نتي قبيحة..!!
صفاء باستغراب:علاش شنو درتلك؟؟
صفوان بجدية:راني عارفك كنتي خارجة مع صاحبتك علاش تتكذبي؟؟ قلنا داك النهار الكذوب لا!!

صفاء وسعات عينيها فيه:ه هاااء و و شكون قالهالك

صفوان:هادشي اللي باغا تقوليلي؟؟ شكون قالهاليي .. مغتعتاذريييش مني؟؟
صفاء:و راني ماقلتهالكش حيت مابغيتكش تتقلق مكاين لاش نعتاذر

علا فيها حاجبه:تتكذبي و عيني فعينيك أصفاء، باغاني نثيق فيك وانا محصلك كاذبة عليا؟؟

صفاء بنرفزة طلقات منو عاقدة حواجبها:مغانعتاذرش حيت مادرت تا حاجة اللي خايبة، خرجت درت شوية مع صاحبتي ماشي ارتكبت جريييمة

صفوان ببرود:واخا عندك الصح

تبسم ابتسامة جانبية جااامدة، هزها من فوق رجليه بشوية جلسها فوق الفراش .. ناض وقف و شاف فيها بنفس نظراته الجامدة

-مللي تعتارفي بغلطك و تقرري تعتاذري اجي دوي معايا

خلاها حالة فيه فمها و خرج لبرات البيت، مامثيقاش انه تقلق من جديد فحالا كان تيقلبلها غي على الفرصة باش يبينلها راها غلطات..!!

من صغرها تتشوف بنات تيتزوجو و يخرجو و يتسخرو و يديرو اللي دارو و رجالاتهم متيديروش هاد الفلاش معاهم علاش هي..؟؟
علاش يربطها فالدار و يربطها بقوانين خاصة؟ ماتخرج ماتدخل ماتتحرك ولا دير وااالو علاش!!

عقدات حواجبها بقوة تا هي مباغاش تعتارف لنفسها بأنها غاالطة بكذبها عليه و ناضت خارجة تا هي من بيتو .. دخلات لبيتها سدات عليييها خلاته فالصالون تيهزهز فرجلييه بقوةة و يفكر فشنو طرا بيناتهم..!!

لقى انه عنده الحق و وجهة نظره غالبة، لمكانتش كذبات عليه كان يفوتها عادي ولكن كاااذبة و زيدها تتعاكس معاه..! تأفأف بنبرة صوت مسموووعة تيشوف فالفراغ قبالته و مزييير على قبضته بقققوة مغدد
،
،
،
نهار جديد 🌻
نهار على نهار محالها تيتروج .. الزبناء تيكثرو و الطلبيات كذلك .. علات عينيها فعماد اللي داخل عندها مبتاسم
سلم عليها بالوجه و شاف فالمحل و الأرجاء:الدنيا مزيانة!!
اميمة بابتسامة:اه ضبرت اليوما جوج طلبيات دعراسات و خذيت العربون هههه

عماد بابتسامة:تستاهلي كل خير
اميمة:بانلي لا بقينا هاكا فاللخر دالشهر نعطيو لصفوان اول دفعة من السلفة اللي عطانا

عماد ومألها براسه بالايجاب:موافقك الرأي

تبسماتله بخفة دورات راسها تتشوف فالزبناء تا حسات بالتليفون تا يڤيبري فالمريول اللي لابسة .. خشات يدها وسطه دخلات للميساج اللي وصلها فالواتساب من نمرة جديدة..!!

مثل كل يوم من هاد الايام اللي فاتو..!!
ميساج فيه "3"
ماعرفاتش شنو معنات داك الرقم، كأنه تيتصيفطلها عد عكسي فكل نهار..!!

ول البارح خمسة و البارح ربعة و اليوم ثلاثة..!!
واش شي حد تيلعب معاها بشي طريقة ماهياااش؟

شافت ناحية عماد اللي قرب لواحد الطبسيل هز واحد الحلوة .. عقدات حواجبها فحيرة من أمرها .. مارداتش التليفون بلاصته حيت متأكدة ان ميساج آخر باقي جايها..!!

اليوماين اللي فاتو ولفوها شنو تيوصلها من هاد الرقم المجهول
و فعلا كيفما جا لذماغها
وصلاتها صورة و لكنها مضببة كاملة مباينينش ملامح دوك اللي مصورين و لكن مكتوب على الصورة
-مابقى قد مافات و الدموع غايغسلو وجهك و الحزن غايتزرع وسط روحك بقسوة كيفما طرالي...

غا قرات داك الميساج المكتوب وسط الصورة، عينيها خرجو و عضات على شفتها السفلية بقوووة و رجعات شافت فعماد اللي مانتابهش لملامح وجهها القلقة..!!

سدات التليفون راداه لبلاصته، و عطاتو بالضهر شادة على قلبها بيديها تتشهق و ترجف


معلية فيه عينيها بعبوس، متكية فوق الفراش تتمثل موتة حمارة و هو النهار كولو مقابلها من البارح

جلس جنبها تيتحسس حرارتها العالية اللي معاوناها و تمتم بجدية:عيقتي عليا كثر من القياس .. زبايلك تيدوزو دابا ولكن تبراي نوريك تخرجي بلا شوار!! مشيتي للبحر!! سحابلك مغانعيقش

سلوى غا سمعاتو بدات تتنفس بالجهد و توجع:ااااه، ااااي راسي راسي غانموووت بالحريييق اووووف (شداتو بين يديها تتشوف فيه بعويناتها مضببين) راسي تيضرني اهئنننن، بغيت ماما و بابا

قاص خذها بيده بشوووية، تلمسولها بطرييقة خلاتها تتزيرررر باغا تهرب من بين يديه و ماقداتش خايفة من لمساته و قربو ليها لهاد الدرجة...!!

خايفة يزعم كثر و يبغي يقيصها بتمادي أكثر من غير وجهها و جبهتها..!!

كأنه سمع أفكااارها!! غي فكرات فهادشي قرب بشوووية لخذها باسها فيه، طلع جنبها و عنقها ليه و هي غي ساكتة و مهدنة و تدور فعينيها .. مكنززة حابسة أنفاسها

قرب بشوووية، عاود باسها من خذها تيقيص فجنابها و همسلها بنبرة خافتة حنونة
-علاش متتبغينيش؟ علاش تتكرهيني لهاد الدرجة!! واش حيت بديت معاك من اللول بطريقة قاصحة؟؟ علاش ماتعطينيش مجال معاك مزال، عطيني فرصة نبين ليك انني ماشي فحال اللي كاتضنييي (تنهد بالجهد و تخشى بوجهو وسط عنقها تيبوسها بشووي و يهمسلها) عطيني فرصة!!

تيدوي و يقيص فيها و يبوسها و هي تتكنززله كثر و تتكمش فبعضها بخوف منه .. أوصالها حساتهم تيترعدو من الخوف منه و من قربه هذا .. غي تتغمض عينيها تتفكر داك النهار و داك الوجع اللي خلاها تفقد وعيها بديك الطريقة القاسية..!!

صرطات ريقها بشوووية تتشوف فيه بنص عين .. هو قربلها كثر و حط فمه على فمها .. غمض عينيه تيحرك شفايفه معاها حتى زيرااات عينيها بقوووة و الدموع بداو يسيلو بغزااارة من عينيها..!!

خايفة حتى تدفعو عليها ولا تغوت و لا تدير شي ردة فعل اللي تعصبو و تخليه يعااود يديرها..!! "يغتاصبها"

ولات تترجف تحت منه كيف الفلوسة و هو تيبوس فشفايفها برغبة و حنية و بشوووية .. موحشها و متلهف ليها .. باغي تكون بيناتهم ديك الممارسة الحميمية اللي توصله لنشوته معاها .. جرلها شفتها السفلية كثررر تيمصها و يدو تتقيص فصدرها بلمسات خفااف .. بعد بشوية مغمض عينيه و همسلها بخفوت

-حارماني منك هاكا حرام عليك..!! (مشا لوذنيها و همسلها بطريقة تتبووش) تنبغيك


لحمها ارتاعش بالخوووف منه، الرعدة زااادت و البكية المكتوومة تحولاات لشهقات .. حل فيها عينيه عاقد حواجبه و هو يتراجع للوراء بشوووي تيشوف فدوك الملامح دوجهها

عض على شفايفه بقووة و تمتم:و شنو هادشي عندك نتييي؟؟

سلوى تكمشات علي بعضها كثر متراجعة للوراء تتبكي بالجهددد، ضماات رجليها عندها:ع علااش هئ هننن علاااش تتدير فيا هاكا!! لا كنتي باغينا نبداو من جديد حببني فيك بتصرفاااتك ماااشيييي اجي و خوذ الجسد ديالي كأنني مووونيكة متتحسش!!

ناض وقف مخنزر فيها:نتييي معاطيانيييش فرص نتعرف عليك، غا داك النهار كي سبيتيني و هنتيني و...

قاطعااته بحدددة تتدوي بغضب و قهرة:تستاااهل، تستاااهل ماااكثر .. ماتستاهلنيييش انااا .. ماتستاهلنييييش أ أنا ماشي ليييك، حررني من هاد الزواج هذااا بغيت نرجع لداارنا و نساااليو هاد العذاااب اللي معذبني .. مابقيييييتش حاملاااك و اصلاااا عمرني حملتتتتك

عض على شفته السفلية بقوووة:محاملانيش؟؟ مباغانيييش!! مانستاااهلكش

سلوى بحدة:ااااااه ساااالينا انا ويااااك مصالحييينش، ماحاملاك لا نتا لا واااالو ديالك شو غي الدار اللي مسكني فيها كي موووسخة و خانزة و صغيييرة كي القفففص، مدوووز الحبس و جالس قدامي ليل نهار لا خدمة لا ردددمة، كرهت شووووفتك و كرررهتك كووولك من اللوووول شو غي تصرفاااتك معااايا .. شوووو غي الطريقة اللي تتقرب بيها منييي .. متحلمش انني نكون ليك بإرادتي من غير لا عاودتي الفعلة د ديك الليييلة و دابا لا عاودتيها، حسبني متت حيييت نفضل نقتل راااسي و مانكونش ليييك

ركز فيها الشووووفة بحدددة، بطرييقة خلعااتها .. خلاتها تتقرب الكوڤرلي لفوووق جسدها

قلب عينيه بسخط و تمتم بحدة:ماشي نتي اللي غاتقرري هادشي، (شارلها بسبابته و علا نبرة صوووته حتى قفزاااات) مااااشي نتيييي

خرج من البيت لبراا خلاها تتشهق و تبكي و تزير على راسها بين يديها .. مشا هو خرج من الدار تيتدردب مع الدروووج مزرروووب .. وصل لتحت تينهج و يتنفسسس بعصبية .. جبد تليفونه اللي من اللي خرج من الغرفة و هو تيصوني .. جاوب مغدد مخرج عينيه

-شنوووو باغي شنووووو، علاااش مصدعنييييي

سكت تاتيتصنط للمتصل شنو غايقولو، حتى عينيه خرجو قبالتو و زير على قبضة يدو بقوووة تيشوف فجنابه بصمت و حيرة فنفس الوقت..!! "شنو غايدير...!!؟"


خارجة من غرفتها بعدما دوزات صباحها كولو تتخملها و طوات ماريوها من اللول ستفاتو .. مسحات الغبرة و جففاتها نقاتها رداتها كاتشعل .. خرجات لبرا بانلها جالس فوق الطبلة داير نظاضره و تيحسب و يعاود عاقد حواجبه متيشوفش فيها

تا هي مشافتش فيه .. مشات مباشرة للكوزينة تشوف شنو تطيب..!! تشهات شي كيكة تديرها تحلي بيها و داكشي اللي كان .. بدات تتجبد المكونات و تخلطهم، .. دارتهم فمولينيكس، خشاتها فالضو يلااااااه دوراتها الدورة اللوللة شهقاااات مخلوووعة وغوتااات بالجهههد من داك الصوووت اللي سمعاااته منهاااا

طرطقااات بطريييقة خلعاااتها و خرج منها الذخااان، طلقااات منها خااارجة من الكوزينة و هي تضرب فيه كان داخل يشوف مالها من خلال صرختها

شهقات تتشوف فيه مجبدة عينيها:أمااااااح أصفوان أماااااح .. الضاااااو، الضاااااو كان غايضرَبني..!!!

عقد حواجبه بجدية و قرب يشوف الضو، حيد الپريز و شاف وسطها:شنو باغا ديري؟
صفاء تتصرط فريقها من الخلعة: ك ك كيكة

ومألها براسه و رجع شاف فديك مولينيكس، خوالها المكونات فوسط واحد البانيو جنبه و شللها و هزها بپريرها لفوق الطبلة يشوف شنو طرالها بلا مايعاود يشوف فيها .. هي رجعات لدوك المكونات، شدات الطراب الكهربائي و بدات تخلطهم تتبرگم و تسب من تحت نيفها

-هُووووووز خنافرك اصلا غي نتينا اللي تجي معااااك نتييناااا بوااااااحدك (شافت فالخليط تجانس و رجع كيفما باغا، كباتو فوسط اللاطة اللي ذهناتها و شعلات الفران شوية يسخن .. خشات الكيكة وسطو و سداتو)

خرجات لعنده عاقدة حواجبها:شنو وقع؟
صفوان حال السلوكة د ديك مولينيكس:مشكلة بسيطة
صفاء:و لكن راني كونت غانموت بالخَوف

صفوان بجدية:مكاين لاش تموتي (حط المولينيكس بعدما دور عليها سكوتش) صافي تقادات

هزاتها من جنبه مخنزرة، رداتها للكوزينة غسلاتها مزيااان و خباتها مكانها .. خرجات ناحيته حادة يديها فجنبها و تمتمات بجدية

-شني دابا غاتبقى عاقدُم عليا؟؟ شعَندك على هاد البجوق و كثرة التعفار

صفوان بجدية:متنفهمش هادشي اللي تتقولي

علات فيه حواجبها مخنزرة:ياااك اوجه الپاااسطية؟؟ عااامل راسك معااصب مشي شراب البحااار سحابلك انا كانخاف منك اولا..!!!

صفوان بجدية:من هاد الشي كولو شنو هي الپاسطية؟
غززات سنااانها مخرجة فيه عينيها:اووووف لباااتليييتانيخامينا اوف اوف اوووووف (عقدات فيه حواجبها و هو كذلك تيشوف فيها مستغرب .. مافهمش شنو داكشي اللي قالت فآخر كلامها، هي مخنزرة فيه تتحك غي بوحدها. تمتمات بجكااارة) انا زبلت فيك واحد التزبيلة خااااااااااااايبة و لكن تستاهلا

صفوان:سيري تلعبي ابنتي سيري، نتي باقا مبرهشة وانا مضيع معاك وقتي
صفاء بحدة:وليتي تتضيع معايا وقتك؟

نخلها مجاوبهاش، حنا عينيه فوراقو و هي تخبط على الطبلة بيديها و تمتمات بحدة:الشاااااارف

سكت شوية تيكتب فوراقه، دارت غاتمشي للكوزينة ثاني و هو يحبسها بصوته:شكون فينا اللي راسو عامر بالشيب انا و لا نتي؟؟

خنزرات فيه بعدم فهم و هو يغمزها:شوفي شعرك فالمراية و قولي عليا شارف

خلاتو تيشوف فيها باستهزاء و مشات ناحية الحمااام تطير، حلات الباب و تقابلات مع المراية شاعلة الضو ديالها، تطل على شعرها و تتفحصه بعينيها و تفلييي فيييه تا طاحت على واحد القنت فيه بعض الشعيرات بيضاء

خرجات فيهم عينيها:اويييلي عايرنييييييي (رجعات تتفلي مخرجة عينيها فداكشي و تتدور فعينيها و تنهج) اويييلي عندو الحق!! شافلي الشيب فشعري اويلي (رجعات تتفلي شادة البكية و دارت تتقلب فجنااابها .. خرجات لغرفتها مزروبة متتشوفش فيه ولكن قشع عينيها عامرين دموع، خلاته علا فيها حواجبه مستغرب لردة فعلها)

صفوان بهمس:لا تأكدت راها مسلسعة فمخها

بقا حاضي باب البيت بعينيه .. هي هزات واحد الصبغة مخبياها فالماريو و رجعات للحمام تحت نظراته .. جبدات الطوبو خلطاتو مع المحلول اللي فالقرعة و بلا عگز عليها تتصبغ فشعرها و البكية شاداها

دمعو عينيها تتصبغ و تمتم بصوت مغنغن:سير تقاود من على راسي، سير سير نقز لراس المسمومة الكلبة د خولة .. سير نقز من فوق راسي، انا شابة جون و زوينة ماتخيبليش شعري، سير تقود عند راس خولة الشارفة الحمارة القحبة .. سير سير فحالك، راسي ماشي ديالك .. بعد و نقز لراسها بعد بعد 🌚🌚


بعدما طفات على الكيكة فالفران، خلاتها مكانها .. واقفة قبالت الپلازما اللي شاعلة فيها أغاني مجهدة حماسية و تدير الرياضة و الآيروبيك كذلك .. شعرها مغلف بميكة دايراها 
باش تسخن الصباغة فيه و تطلق اللون و تتحرك بسرعة .. هو عاقد حواجبه فوراقه و تيشوف فيها مرة مرة مامركز فوالو غي فيها .. تحنحن عاض على شنايفه بقوة و حط الستيلو بلاصته رجع يتبعها غا هي بقوة ما شتتات انتباهه

علا فيها عينيه متبع اي حركة منها و ديك الشطحة دالآيروبيك خلات مؤخرتها تتدور بطرييقة مثيرة تتزعزع فحال الفلون هههههه .. عض على شفته السفلية بانحراااف مصغر فيها عينيه حاضيها .. هي قادات وقفتها كاتنهج و تسترجع أنفاسها .. شوية حتى حنات عطاته بنصها و بدات تتهزهز فيديها تتضربهم مع رجليها

طريقتها فالرياضة خلاته يبقى مشلوط فيها، غي حاضيها و هي تتدور و تخرج فشي حركة تتجيبلو العجب .. وقفات تتنهج و تتنفس بالزربة بدات تتزعزع بجسدها كااااامل، حلات رجليها شوووية بشوووية موسعاهم حتى جلسات فالأرض مشرحة رجليها للجهتين

علا فيها حواجبه تيرمش و هي مداياهاش فيه .. اهم حاجة تحتافظ برشاقتها و حيويتها
بما ان اليوم السبت و القراية والو مالقات فين تدوز وقتها غي فهاد الرياضة العجيبة الخاصة بيها

شافت فمينو تدور فجنابها و تموء بخفوووت .. تحنات هزاتها تتنهج و تدوي بصوت تيتقطع

-شنو اوووف اااووف، ف فيك الجوع؟؟

مينو:مياو
دخلات بيها للكوزينة تتقلب على ماكلتها حتى لقاتها تسالات .. خرجات بيها لبرا و حطاتها فوق الكنبة:بقاي هنا ندوش و نسالي و نخرجو نتقضاو

دارت براسها ناحية الحمام، تتصرف فحالا راه مكاينش معاها فالدار .. مشافتش فيه بخطرة و هادشي فقصوووو عليها بزيااادة

اللي تيطلعلو الدم و القردة للراس هو انها تتغلط و متتعتارفش بغلطها..!!
ديما تتصرف على هواها و بعدم مسؤولية و هادشي محاملوش فشخصيتها..!!
ولا تيشك واش هي دايرة هادشي بلعاني حيت مباغاهش و باغا تطفشو منها بأي طريقة..!!

واش تتقلب غي على السبة باش ينطقها هو و يقولها صافي سالينا رجعي منين جيتي؟؟

تنهد بحرررقة تيمسح على وجهووو بقوووة بيدييه .. غزز سنانه مع بعضهم بقوة تيتمتم بهمس
-صبرك يا رب 

دخلات للدوش تتفسخ حوايجها و تقاد فالما و تبرگم:تفرجتي فالسواوي مزيان، وادوز نهارك تتكفت أمانا ماتحلمش نقرب عندك مزال و نحزرك ييييخ داير فحال الدري الصغير .. قالك عتاذري مالني شنو درت سير تعاودها لكرك .. الخاااايب


دخلات وسط الدوش طلقات عليها الما و ردات شعرها القدام تتغسل الصباغة اللي فشعرها .. صفاتها مزياااان حيدات منها اللون و وقفات تكمل بقية دوشها بهدااوة
،
،
كملات الدوووش على خاااطر خواطرها .. خارجة بفوطة ملوية على صدرها و الشعر كحيحل تيقطر .. قطراته تيتساراو عبر جسدها بارتيااااح .. البيوضية دلحمها تتجبد العين و مع داك الشعر اللي رداتو كحل توتة، ولات تتبان فاتنة .. طاح عليها السر و وجهها بياضلها و خذوذها و شنيفاتها حمارو بالسخونية دالدوش .. غادة تتلوز ناحية الغرفة اللي متتدركش تخويها حتى كاتعاود تعمرها، تا من حوايجها باقيين فيها ..!!

عينيه حاضيينها بحواجب معقودة و نظرااات حادة .. شبعاته مناظر خلابة هاد النهار ..!!
حسها تتديرها بلعااني باش يقرب ناحيتها هو يتخلا عن نزعة الكبرياء اللي شاعلة فيه ولكن أبدا مناويش يديرها..!!

ناض ناحية الدوش تيحك فخصلات شعره بضجر .. دخل لقاه سخووون و رائحة الباندوش فايحة منه .. حيد حوايجو و مشا تا هو يدوش منها يسف شوية د الغضب اللي حاسو ناحيتها..!!

واقفة قبالت المراية تتنشف فشعرها و مشققة الباب تتشوف واش يبانلها فالصالون ولكن والللو..!!
عقدات حواجبها بعدم رضى و شافت فانعكاسها فالمرآة:تا هو شحال تيزيد فيه..!! راه شااافني خارجة عرياانة قدامو و خلاني ماتبعنيش يضربلي شي واحد خفيف؟؟ لمكنتش جربت دقتو و قصوحيتو كنت نقول راه لوبيا..!! (عضات على شفتها السفلية بشوووية تتهمس) ولكن راه تيعرااااف منخافش على راسي


حنات براسها لتحت تتكمل التنشاف .. تا سالات خلاتو مبوكل .. دارت تتجبد ماتلبس، بيجامة قطنية قصيييرة و مزييييرة على المؤخرة و الصدر باغا تجبدو بأي طريقة هاد النهار باش يتقربلها هو بنفسه..!!

لبسات جلابة فوقها و دارت شال خفيف فراسها، خرجات من البيت تتدور فعينيها حتى شهقاااات بفزع مكوااانسية بلاصتها..!!

خرجات فيه عينيها و هو شاف فيها بكل برووودة دم شعره تيقطر بالما و جسده "عريان" مالقاش الفوطة فالدوش مارضاش يعيطلها و فنفس الوقت مبانتلوش فالصالون .. اصلا ماعنده لاش يحشم منها

هي بقات تتطلعه و تنزله بنظراتها و عينيها خارجيين، عضات على شفتها السفلية بقوووة حاسة بالحرارة طالعة معاها .. حسات بوجهها سخخخخن و عينيها بلا هواها تيمشيو لتحتو

صفوان طلعها و نزلها بحدة:لفين بالسلامة؟؟
صفاء بسهوة و همس و خفوووت:كوووجاااك

عقد فيها حواجبه بواحد النظرة غير مفسرة، حتى تشقلبات تتحنحن و تمتمات بخفوت:هننننن زعما غانخرج للسوپر مارشي و نشري لمينو الماكلة و الكوجاك و الحلوة و الشكلاااط (شافت فعضلات صدره) افففففففف بغيت تا الكاشير و يكون داك الكبيير و الطويل عرفتييه؟؟

عقد حواجبه بجدية و تكلم بحدة:نبدل عليا و نجي ناخذك

خلاها تتشوف فيه حاضياه و مشا .. غي مشا تنفسات بقوووة و زيرات على شفايفها بسنانها:ثلثيام و الزيادة واقيلا مادرنا فالطاجين مايتحرق، المكلخ لاخر مابغاش يفهم انني توحشتو اووووف

شافت فمينو تتدور فجوانبها، تحنات هزاتها و رجعات بيها لغرفتها تتقلب على صندوقتها .. بغات تخرجها معاهم تشوف الناس حتى هي و تتسارى شوية


جاي من الخدمة بعد يوم طويل و ساعات كثيرة إضافية خدمهم .. خرج من سيارته داخل للموبل حتى تساطح معاها هي كانت خارجة .. بحوايجها عاديين و وجهها شاحب لون بشرتها صفراء و شنايفها زرقين بلا احمر الشفاه

غي علات عينيها فيه .. صرطات ريقها بقووة شافته كي خنزررر فيها بتجهم، بغات تتخطاه و تمشي و هو يشدها من الغمرة د يدها .. جرها معاااه بالجهد لداخل الموبل وقفو فبلاصة مخبيين تحت الدروج و قربها ليه من غمرتها مخنزر فيها:مرتييي تتلعبيلها بذماااغها!! ياك حذرتك داك النهاار تقاودي من هنا شنو باقا تديري مزال؟؟ باغاني ندير فيك شي شفى يالقحبة

منال بصوت خافت:انا نفسيتي ممتحملاش تعاتبني على قبل ديك مرتك دابا، راسي ضارني خارجة نشري شي دوااا

عماد بغضب:شوووفي، عندك يووووماااااين .. يوماين غاتخوي من هاد العماااارة هادي نشوووفك هنا بعدما تفوت هاد اليوماين ماتخااايليش شغاندير فيييك

منال جرات يدها من عنده بقوة و خرجات فيه عينيها:متغوتششش علياااا، براكة غي التهديدات اللي كانتلقاااهم من عند داك خينا عاااد نتااااا، بعد منييي بعد

عماد بغضب:اشووووفي آسميتك، انا مغاديش تدوزيييها عليااا فهمتي، تبقاي تتغبني و تتقحبني من هنا لغداااا مغادخليش هضرتك لذمااغي .. هاد العمااارة غلييييي منها و مرتي تعاودي تدوري بجيهتها غانخسرلك هاد الكمااااارة (كمشلها وجهها وسط قبضة يده حتى شهقات) منعاااودش نشوفك مزال تدوري جنب داااري و عائلتي

منال بحدة. صوووت عااالي:تاااانا مامشتاقاااااش فيك لا نتا لا دارك، سير شوف فيمن تلصق اخووويا انا بشرااااافي .. مااالكم كثرتو .. يا حسرة نتاااا مزوج و مرتك حاااااملة وانا صااحبتها .. عييييييت نبعدك عليا و مرررتك حذرتها بطريقة غير مباشرة ولكن وااالو متتفهمش .. تاقي فيها وجه الله هي و ولدكم اللي فكرشها

شاف فيها باستغراب لكلامها هذاااا..!! هي دفعاته و مشات تتزرب بخطواتها دايزة فواحد الجارة تتسكن جنبهم كانت حاضياهم تتبرگگ باش تدي ماتقول .. غا سمعات داك الكلام حطات يدها عند حنكها و غي شاف فيها عماد شهقات .. ماتوقعاتهاش منو حيت بانلها معقول و حتى مراته عندها معاها الهضرة، مرة مرة تيتلاقاو فالبيبان بالسلام السلام .. غي سمعات شنو قالت منااال تصدماات فيه .. خلاته تيشوف فيها و يتحنحن و مشات ناحية دارها .. 

جلسات تتويل و تفكر فشنو سمعات مصدووومة .. حطات رجل على رجل كاتمتم بصوت خافت

-هاد الرجال فهاد الوقت ولاو مافيهم ثقة صافي هترو، اويلي السيد بمرتو كي الوريدة و تيدور بجارتهااا اوييييلي لا لا لا هادشي خاصو يوصل لمراتو و بالحرف و الفاصيلة و النقطة .. لا بقات فطواسلووو منكونش كريمة بنت الجداااارمي حمودة .. هاكاوا هاكا على الخيانة و الغدر عمرني نخليهم يدوزو غي هكاك قدام عيني


نزلو من الطموبيل بزوجهم، هي هازة مينو فصندوقتها و هو مخلي التيييساع بيناتهم .. دخلو ناحية السوبر ماركت .. هزات شاريو تتجرو بعدما حطات مينو وسطه بصندوقتها و مشات سابقاه تتقلب على شنو باغا و هو وراها .. تيدور فعينيه و يرجع يشوف فيها عاقد حواجبه .. بقوة ما مغدد عليها ماكرهش يقرب لعندها و يلوي معاها بقرصة مسمووومة لديك المؤخرة اللي غادة و تلوي فيها

تأفأفات بنبرة صوت مسموعة واقفة عند واحد الرف، ماوصلاتش للعلبة اللي بغاتها .. شافت فيه و شارتلها بصبعها
-عطينيي هاديك

قرب مخنزر تايشوف فالعلبة اللي بغات، تكا عليها بوقفته زير عليييها معاه .. تعلا هز شنو بغات و مدهالها بيده
-تفضلي
شداتها من عنده معوجة فمها تتصرف فحالا راه هو غالط معاها و هي منفخة عليه .. حطات العلبة وسط الشاريو و تمشات بين الرفوف تتهز و تحط فالشاريو، عمراتو تا عقد فيها حواجبه غي تيشوف، كثرااات من السقاطة و دانونات و قللات من الضروريات اللي تحتاج للطياب .. سالات و شافت فيه بجدية

صفاء:صافي غي هادشي اللي بغيت
صفوان باستنكار:غي هادشي؟
صفاء حركاتله راسها بالايجاب:اه
تبسم ابتسامة جانبية تيحرك راسو بلا حول ولا قوة الا بالله عليها و تمشاو خارجين لبرا .. وقفو عند لاكيس تيهز فداكشي و يحط للمسؤولة حاس بجيبو تيخوى

سالات و جمعاتله المسؤولة الحساب لقات 1000 درهم و الزيادة .. شاف فيها معلي حاجبه و هي ممسوقاش مشافتش تا فيه

عض على شفته السفلية بقوة .. جبد بزطامو يخلص و هي كانت دايرة حسابها جابت اكياس تتجمع فيهم حيت عارفة هاد المحلات مابقاوش فيهم الميكات
،
،
خرجو لبرا هي منفخة و هو كثر منها .. ركبو فالطموبيل غاديين فالطريق، جرات علبة شوكولا من دوك الاكياس و حلاتها بدات تاكل منها و تشوف فالطريق بصمت، هو صايگ و مرة مرة تيشوف فيها و يتغدد و يصوووط .. حتى وصلو

نزلو هزات مينو داخلة فحالها، خلاته وراها كيف الحمال .. هز اكياسها و دخل تيتغزف و يجمعلها فالحساب مزيااان
.
.
بعد مرور يومان
الايامات دغيا دايزين فحياة أبطالنا .. بين الويكاند اللي داز كارثي عندها بوحدها فديك الدار الجديدة عليها

ها هو جا نهار الاثنين و مزال مجاش من نهار آخر نزاع بيناتهم..!!
مخليها هنا و غادي يغبر ماعندهاش تا باش تصرف على راسها..!!


باش تتلف القنطة اللي حاسة بيها .. وجدات راسها تمشي نلافاك ديالها .. دوات مع صفاء تا هي باش يتلاقاو فالبلاكة دالطوبيس اللي جات فباب لافاك و داكشي اللي كان

خرجات من الدار نيشان للطوبيس اللي كان عامر بعض الشيء، طول الطريق و هي غي تتفكر..!!
تخويلو الدار و تخليه تا تطفى عليه الشمعة و يرجع على خاااااطر خواطره..!!
شنو غادير و كيفاش غاتصرف معاه خلاص..!!
مابقات عارفة ماتقدم ولا ماتوخر..!!
باغا غي تتفك منه و لكن هو بالغبرة اللي غبر خلاها مقطعة الراس معارفة ماتدير..!!

نزلات من الطوبيس اول ماوصلات .. وقفات شادة التليفون بين يديها تتسنى، حتى جا طوبيس آااخر فيه صفاء نزلات لعندها تسالمو و صفاء غي مخنزرة

سلوى:مالك اختي عاقدة غوباشة؟

صفاء بعبوس:داك الخرا ولا كي الخرا المخري تفو .. ثلثيام و هو مفگوع عليا تقول قاتلة روح..!!
سلوى باستغراب:علاش مفگوع..؟؟
سلوى:ماعرفت لدينمو مالو .. عصبني تفو واش غانقولو سمحلي على حاجة انا شايفة راسي مغالطاش فيها؟؟ علاش نقولو سمحلي!! تخايلي درت گاع المحاولات باش يجي يدوي بوحدو و والو، لدرجة قربت نحيد حوايجي و نمشي عندو و ساعتها غايدير نفس لبلانات ... يطلعني و ينزلني و يقلب عينيه ينعل سلسفيل مو

سلوى تنهدات:اوووووف ياختي انا وياك معذبات، بعدا نتي تصلحو امورك معاه مرة مرة ينوضو مشاكيل ولكن تيتحلو ولكن انا الزغبية الكعبية اللي سامح فيا فداك القجر دالوقيد مدايهاش فيااا و تايقولي تقبليني، باغي يتقرب مني بالزز مني و ينعس معايا بالزز و تايقولي مالك هاكا؟؟ بنادم فعقلو الخرا

صفاء عضات على شفتها بقوة:خلينا منهم دابا، لا بقينا تنفكرو فيهم نفگسو مرارتنا پففففففف

سلوى:فيك الگانة دالقراية اليوم؟
صفاء:ماتحاوليش تخرجيني دابا، زيدي تقراي (جراتها من يدها لداخل)

دخلو للجامعة اللي كانت عامرة، دازو من قدام المكتبة تا هي عامرة .. غاديات جيهت لومفي تا قشعاتو سلوى من بعييد .. واقف مع جماعته

بعد مدة طويلة غبرها عاد جا هاد النهار .. غي شافته قلبات وجهها تتهمس لصفاء:فراس رجع!!
صفاء بجدية:واقيلا السلخة اللي كان عطاه راجلك هرساتو من شي قنت

سلوى معوجة فمها:واقيلا يدو كانت مهرسة؟؟
صفاء:الله و علم نتي ماتشوفيش فيه و زيدي حانية عينيك


غادية جاراها من يدها .. تا دخلو للومفي ديالهم .. غي جلسو فبلايص شدوهم .. دخل فراس مع جماعته تايتعنگرو .. مشاو مباشرة للقنت فين جالسين البنات، فراس متزعمهم مثل رئيس عصابة و شار لسلوى بسبابته

-نتي، (طلعها و نزلها بداك الصبع) عطيني عنوان داك الشبييرا اللي عندك!!

علات فيه حواجبها بقوة و رجعات حنات راسها مجاوباتوش: (الصمت)

غي تجاهلاته بديك الطريقة .. غزز سنانه بحدددة و تحنى عليها .. شدها من شعرهاااا و قرب لوذنها تيهمسلها بغضب و حدة
-ماتطلعيليييش القررردة و دوييي
صفاء كانت تاتشوف فيهم، غا شافتو طول يديه عليييها تلاااحت علييه دفعاااتو من عليييها و وقفات مخرجة فيه عينيها:آاااتجمع يديك حسنليييييك واش نتا حمق ولا كيفاش؟؟

شاف فيها فراس عاقد حواجبه:و نتييي شدددخلك أللل... (علا يده باغي ينزل عليها و هي تنقز عليه ماخلاتلوش المجااال .. قمشاتتته فخذه بقوووة و مع القمشة دفعها واحد من جماااعته .. تا تزدحااات بلاصتها .. خرجات فيه عينيها، بغات تتلاح عليه و هوما يتحاماو دوك اللي معاه كاملين تيغوتو غايضربوها)

صفاء بحدة:ااااه هادشي اللي تتعرفوووو ليييه؟؟ تضربو البناااات و تحگرو علييييهم!! الرجلة تالكيييلو تفوووووو (دفلات على واحد منهم تتشوف فيهم منرفزة)

شافت فيه متقززة بنظراتها و هو يقربلها فراس مغدد:نتوما يا جماعة الهاااربااات حسابكم مغايتطواشش و نتيييي (شار لسلوى) داك اللي تجرأ يعطبني مزال نقتلو و نشرب من دمو .. صبرو عليا ألغزالة

خلاهم تيشوفو فيهم و خرجو .. صفاء شافت فسلوى مغددة:ولد الحرااام تفووو شتايديرو لهاد الزبل ديال الخرا ديالهم

سلوى شافت فيها منرفزة:انا مابقيتش قادة نزيد نصبر مع هاد الشيييي

صفاء تأفأفات تتشوف فجنابها .. جبدات تليفونها مشات للواتساپ و سيفطات لزميلها اللي عندها 

صفاء:عبد الحق مزالا ديك الخرجة لديك السهرة!!
ثواني وصلها ميساج منه:اه راحنا تنتجمعو
صفاء بجدية:غانجيو انا و سلوى
عبد الحق:متعطلوش راحنا تنتجمعو فالطموبيلات

علات عينيها صفاء فسلوى مبتاسمة:نوضي دابا نوضي (شداتلها فيدها) غانمشيو مع عبد الحق و الدراري ديالو كاينة واحد السهرة زوينة غاتعجبك و تفوج علينا

سلوى تبسماتلها:هههه يخليك ليا ألحب ديما باغا تفوجي عليا


خرجو لبرا بزوج مشاو للگراج و وقفو تيشوفو فعبد الحق من بعيد .. شيرولو جا عندهم تيضحك و شارلهم لواحد الطموبيل
-زيدو طلعو الدنيا زوينة تما غاتعجبكم، الپارتي غاتكون نايضة

تبسماتله صفاء وشدات فسلوى، ركبو فالطموبيل اللي قالهم و ركب هو جنبهم .. علا تليفونه و شاف فيهم
عبد الحق:نديرو سيلفي؟
صفاء:واخا هههههه
سلوى قادات شعرها تتشوف فالمراية مقابلة معاها:دابا بلاتي نضحك

تبسمو بزوج مع عبد الحق و تصورو .. عدة صور ختار جوج منهم حطهم فالسطوري .. غا حطهم طلعاتله اول vu من النمرة د صفاء

عبد الحق تبسملها:ههههههه دغيا دخلتيلها
شافت فيه بعدم فهم:أاا..؟؟
قبل مايجاوبها وصلها ميساج فالواتس .. دخلاتله كان من صفوان

✉✉ فينك؟؟
قرات الميساج، عضات على شفتها السفلية و سيفطاتلو:فلافاك مشغولة ماتصيفطليش راه برزطت الناس معايا فلومفي ✉✉

غا سيفطاتلو داك الميساج سدات الكونيكسيون و شافت فيهم تضحك متحمسة لهاد السهرية الزوينة اللي غاتكون كولها حماس و نشاط...
.
.
عاد داخلة للعمارة بعد يوم طويييل فالمحل عياها و بدات تتسخسخ بقوة الحلوى و ريحتها بزاف، تا الروايح تايدوخوها .. الردان كل شوية تترد

داخلة بشوية عليها غادة ناحية الاسانسور حتى خرجاتلها جارتها من دارها و شداتها جاراها عندها

كريمة:اجي نقولك اجي

اميمة باستغراب:نعام اختي، كاين شي حاجة؟
كريمة حطات يدها على خذها:اويييلي يالزغبية نتي الما تيجري تحت منك و مجايبة للدنيا خبار؟؟

اميمة:علاش شنو كاين؟؟
كريمة:راجلك و جارتك اللي ساكنة مقابلة معاك

غي ذكراتهوملها بزوج اميمة عقدات حواجبها وقالت بجدية:عفاك ماتجبديش راجلي مع ديك خيتي، راها قليلة الحيا و حاطة عينيها عليه عيات تدور بيه ولكن هو ماخلالهاش المجال فين تزيد تقرب

كريمة :اويييلي على البهلة و شكون قالك هاد الهضرة
اميمة:راجلي!!
كريمة تبسمات ابتسامة جانبية:و ثقتي فيه هه .. السيد ضاحك عليك بديك الهضرررة راه العكس هو اللي تيدور بيها و هي تتقمعو

اميمة خرجات فيه عبنيها و تكلمات بحدة:شنو هاد الهضرة تتقولي..!! هي اللي مسيفطاااك تعمريلي راسي ياااك؟؟ دارتها مرة و لكن ماتعاودهاااش دابا .. انا راااجلي ثاايقة فيييه

كريمة شداتها تتشوف فيها بجدية:وااالا تانحلف ليك بالله و حياة ولادي اللي يرزيني فيهم لا وصلتلك شي حاجة من عندي ولا موصية عليها، راه اللي شفتو غانقولو .. راها قالتلو مالك غي لاصق فيا، قالتلو انا بشرفي و ماتبقاش عليا بهاد الهضرة سييير عند مرتك و نتا تادور بيااااا .. قالتلو راها حذراتك شحال من مرة بطريقة غير مباشرة و نتي متتفهميش و مشاات خلاته غي تيبلق فعينيه

اميمة بقات مخرجة فيها عينيها، حركات راسها بالنفي حاطة يدها على بطنها:ل لا لا ماشي بصح

كريمة شدات فيه:شوفي تحزمي و ترزمي و كوني مرا و گادة، وريه ان الخيانة ماشي سااااهلة و ندميييه

طلقات منها اميمة ، حسات بيديها تيترعدو و رجلييها تيخواااو بيها حركات راسها بلا مصدوومة، عينيها عمرو دموع .. مشات ناحية الاسانسور ساااهية تتعض على شفتها السفلية بقوووة عينيها مغشيين بالدموع .. ركبات فالاسانسور تترجف و ترعد بجسمها كااامل، ضغطات على الطبقة ديالهم و تكات على الحيط وراها تتحرك راسها بالنفي
-ممم مايمكنش، عماد متايكذبش عليا (علات راسها فالسقوووف حااايرة) اووووف يا سيدي ربي شكون نثيق و شنو نديييير مزاااال، شنووووووووو اهئ هننن، شكووون غانثيق دابا شكوووون


داخلة لدارها و حاسة بالفشلة، رجليها حاساهم فحالا ذايبين عليييها، فحالا تتزطم على الخوااا .. تتخطي خطواااتها بالزز و تفكر فكلامه هو معاها و تفسيره ليها و كلام ديك المرااا..!!

ماعرفات شكون تثيق؟؟
هو ولا هي.!!
قلبها ولا عقلها..!!
شنو غاتدير و كيفاش غاتصرف مزال معاه بعدما عرفات هادشي هذا اللي خربقها و شقلبلها حياتها تشقليب..!!

انفاسها تيتسااارعو و الدموع تيتسرسبو من عينيها بغزااارة، حاسة بروووحها غاتخرج .. هزات تليفونها باغا تصوني عليه حتى طلعلها ميساج .. دخلاتله و هي تجبد عينيها موهوووولة

✉✉ ساعات قليلة و غايوصلك كولشي، اليوم كان نهاية العد التنازلي للفرحة ديالك..!!

صرطات ريقها بصعووبة، تتنفس بالزربة صدرها تيطلع و ينزل .. شافت فجنابها حاسة برااااسها غاتحماااق، دارت رقمه تتصوني عليه و تعااود ولكن لا جواااب منه

عيااات تصوني قلبها مزييير عليها ..!!
ولكن ما من جواااب، زدحااات داك التليفون جنبها بعصبييية و وقفات تتمشي و تجي بلاصتها .. كاتسناه على ناااار يجي للدار و يدخل مع داك الباب باش يحطو النقط على الحروف و يساليو هاد الروينة اللي حاساها فأعماقها..!!
.
.
جيهت البحر، كاينة ڤيلا كبيييرة و واااسعة بلاپيسين .. مجموعة من الشباب مجمعين فيها تيشطحو و يحتافلو .. سلوى و صفاء داخلين مع الباب معاهم عبد الحق و البعض من الشلة اللي جاو معاهم فالطموبيلات من لافاك .. تايدورو فعينيهم و يتبسمو .. صفاء تتشطح بوسطها و راسها من الأغاني الحماسية اللي مطلوقة .. مشاو لواحدد القنت جلسو و صفاء و سلوى غي كايقهقهو و يضحكو ضحكات خفية فسرهم

سلوى:الجو غزااال هنايا
صفاء:وييي صراحة طوووپ، خاص نتصور نخلي ذكرى هههه

جبدات تليفونها من جيبها كاتضحك و وقفات، مشات ناحية لاپيسين تتسيلفا و تپوزا بالسناپ شاط .. رجعات مدات التليفون لسلوى تصورها شي ڤيديو، بدات تتشطح و الدنيا مخلطة .. رقصتها كانت سيكسي على أغنية ديسباسيتو .. و فوسط الأغنية جا عندها عبد الحق شد فيديها تيتصورو و تدور معاه .. تايضحكو و يقيص فجنابها و هي غي تتشطح عندها عاادي ممسوقاش

سالات الأغنية .. قربات تضحك عند سلوى خدات من عندها التليفون .. دخلات تتفرج فالڤيدوهات و تضحك .. شدات اللقطة ديالها مع عبد الحق تيشطحو فيها و حطاتها فالسطوري دايرة عليها رمز قلب من بعدما خبات سطورياتها على العائلة و صفوان مايطلعوش ليهم

حطات هاداك و ناضو هي و سلوى تيضحكو مشاو للطبلة اللي مجموعة فيها الماكلة البوفي مشكل و منوع .. بداو يهزو فالمملحات مع المشروبات كلاو و عاود .. تا شبعو و رجعو يشطحو بزوووجهم و يضحكو .. فنص رقصتهم جا عندهم واحد التيتيز تيضحك عينيه على صفاء..

-سلام
علات فيه عينيها:اه سلام..!!
-انا من قبااايلة وانا حاضيك صراحة ههه كنت كانعرفك من زمان واقيلا قرينا مع بعضنا فالكوليج؟؟
عقدات حواجبها:نو متنضنش انا اصلا ماقريتش الكوليج هنا
-فطنجة ياك؟

حركاتله راسها بالايجاب و هو يوسع ابتسامته اكثر و مدلها يدو:انا سمير البقالي، كنا صحاب فداك الوقت

ميلات راسها مصغغغرة فيه عينيها تا عقلاته:ااااااه نتااا ههههههه عاد عقلتك تبدلتي والله .. اللحية بدلاتك ههههه


سمير قاص لحيته بيديه تلمسها:هههههه الإنسان تيكبر، ولكن نتي متبدلتيش و مزال كيفما نتي ههههه (شاف فيدها قشع الخاتم و هو يعقد حواجبه فيها) تزوجتي؟

تحنحنات تضحك:فحال هكاك و صافي ههه
سمير:يعني مزال عندي امل هه؟؟
غي سمعاته شنو قال تبسماتله ببلاهة:احممم انا...

قاطعها من اللي مدلها تليفونو:قيديلي نمرتك هنا نتواصلو مع بعضنا
صرطات ريقها ببطئ و صعوووبة .. تحنحنات بشوووية تتشوف فسلوى اللي تتحركلها راسها بالنفي و لكن شكون داها فيها .. خدات التليفون من عنده و كتباتلو نمرتها مبتاسمة، مخططة تا هو تديرلو سمية بنت تدوز معاه شوية دالوقت فالواتساپ علاش لا..!!

دوزو عشية طويييلة مع بعضهم، ضحكو و فوجو و حيدو السطريس و اي حاجة داروها تتصور و تحط فالسطوريات فرعاااتهم .. ناضو أول ماوصل الوقت اللي غايخرجو من لافاك و خرجو فحالهم مع عبد الحق اللي غايوصلهم .. خداهم لبلاصة الطاكسيات ركبو و رجع هو فحالو

الطريق دوزوه غي تيدويو و يتفرجو فدوك الڤيديوهات
صفاء:ناااري ههههه صراحة أحسن نهار هو اليوم
سلوى:و صفوان شنو غاتقوليلو؟
صفاء معوجة فمها للجنب:صفوان يعاودها لمخو، ماكرهش يشدني و يسد عليا بالقفولة فديك الدار كرهتها

سلوى:راه الكذوب حبلهم قصير اصاحبتي متعيقيش..!!
صفاء:تا نتي، يعاودها لمخو ماعندي ماندير بيه

تايدويو حتى صونالها التليفون فيديها، شافت فالنمرة جديدة .. جاوبات و عينيها على سلوى

صفاء بنبرة متخللها شوية استغراب:الو؟؟
سمير بتسائل:صفاء فينك؟
صفاء علات حاجبها:شكون معايا؟
سمير:انا يلاه عطيتيني النمرة واش نسيتيني هههه؟؟

صفاء تبسمات ابتسامة خفييفة:اااه ههههه سمير، هانا باقا عاقلة عليك غي النمرة باقا ماسجلتها!!
سمير:اااه ايوا فين راك راني قلبت عليك مابقيتيش بنتيلي؟؟

صفاء تتحك شعرها و تشوف فسلوى و تغمزها:دابا خاص نرجع فحالي للدار على داكشي مشيت

سمير:همممم لا كنتي قلتيهالي نوصلك بيدي منها نعرف داركم باش فاش نبغي نخطب نجي نيشان هههههه

صفاء قهقهات بخفة:مرة اخرى هه
سمير:ايوا خاصنا نعاودو نتشاوفو راني ماسخيتش بيك و توحشتك من زمااان ماتشاوفنا..!!

تحنحنات مبتاسمة:هههههه ايييه دابا نتشاوفو مرة اخرى
سمير نطق بالطنز:و داك الخاتم اللي دايراه فصبعك غا لاوحيه حيت عن قريب تلبسي واحد اصلي هههههه

ضحكات بقهقهة خفيفة:ههههههه ناري يالهبيل متتبدلش
سمير:ايوا شنو تنضمن حقوقي، راك ديالي من زمااان دابا غانرجعو لبعضنا صافي

صفااء عرفاتو تيتملغ أصلا أيامات القراية مع بعضهم دوزوها غي فالملاغة:اه احبيبي غانرجعو لبعضنا اصلا انا توحشتك بعدونا علي بعضنا الكفارة بالله، اتاا سيير يالمهيب... (طيييط)

شافت فالتليفون لقاتو طفا من الشارج .. علات حاجبها و رجعات شافت فسلوى:ههههه هاد الهبيل عاد كنت غانسبو و تقطع الخط ههه


تبسماتلها سلوى تتحرك راسها بلا حول و لا قوة الا بالله:هههههههه حمقة و صافي حمقة حمقة
صفاء:أبصحتي ياختي بصحتي

ضحكو بحيوية و تكاو على بعضهم حاضيين الطريق، كانت عامرة شوية وصلات سلوى اللولة لشارع قريب لدارها .. سلمات على صفاء باستها فخذها و خرجات من الطاكسي .. غاديا تتعوج ففمها و تفكر فشنو مزال جاي تابعها مع اسماعيل اللي غبر

ماوصلات للدار تا فات وقت قليل .. دخلات تتأفأف و تشم فريحة الغمال اللي عاطية من الحيوط .. داخلة و تحل فالسراجم و تصوط .. حتى ضربات فبيت النعاس بابو محلول و شي حد تيتحرك وسطه

قربات بشوية تتدور فعينيها و تشوف شكون تما .. بانلها واقف قدام الماريو .. هز صاك كايكور فيه حوايجو .. غي حس بيها علا فيها عينيه .. طلعها و نزلها بنظرة مامفسراش، طوووول فيها الشوفة بصمت حتى جفل فجأة وحنى عينيه .. رجع تايكور فحوايجو و يخشي فوسط داك الصاك..!!

قربات ناحيته معبسة:عاد طفات عليك الشمعة!! فين كنتي؟
اسماعيل بحدة:هنيتك مني
عقدات حواجبها بقوة و تمتمات بجدية:مخليني هنا فهاد الدار تتخنق بريحة الغمااال!! ماعارفة تا شنو ندير فحياتي؟؟ حشمت حتى من واليديا نمشي عندهم غضبانة وانا مامكملاش حتى شهر؟؟ غا قولي واش نتا ماعندكش روح المسؤولية؟؟ متتحسش!! متتصرف عليا مقاد ممسكني فبلاصة مقادة ما تتعااامل معايا مقاااد اششششنوووو باغي مزال شنووو؟؟

هز صاكو بعدما سد السلسلة ديالو .. شاف فيها عاقد حواجبو، عينيه تمركزو على عنقها كانت لابسة ديك السلسلة اللي عطاتهالها عگوزتها فيها سمية فتون .. قرب لعندها مخنزر جرهالها من عنقها تا قفزااات و خرجات فيه عينيها مصدومة

سلوى:ش ش شنو تديير حماقيييتي؟؟ (شافتو لوا السلسلة فيدو و خشاها فجيبو، شدات فيه مخنزرة) وصلاات بيك الدرجة تسرقنييي..!! صافي تسالاوللللك؟؟ تشومرتي لهاد الدرجة، طااامع فالكادو د عرسييي..؟؟

رمقها بنظرة هااادئة بدون ميتكلم خرج لبرا جيهت ڤاليزتها اللي مخلياها تما سدها و هزها تا هي و هي تابعاه مامثيقاش شكايدير

شافت فيه مستغربة أول ماهز الڤاليز ديالها هو شارلها براسو لجيهت الباب:يلاه
سلوى باستغراب:ولفييين بالسلاامة ثاني؟؟
اسماعيل بجدية:ناخذك لبلاصة ترتاحي فيها .. زيدي هاد الدار مامعمرالكش العين و حتانا ممعمرهاليكش، شغاديري بينا..!!

سرطات ريقها ببطئ و بشووووية تتشوف فيه بحيرة معارفة شنو غاتدير ، و فين غايمشي بيها مزال..!! ..

مشا سابقها نازل لتحت .. خلاها غي تتدور فعينيها .. عيات تتفكر فاللخر مالقات ماتدير من غير تتبعو تشوف فين غياخذها..!! خرجات تا هي تابعاه بشوووية عليها بتوجس حاضية ضهره و مشيته و سكاته .. معارفة شنو جايلها مزال معاه..؟؟


فطاكسي صغير بزوجهم جنب بعضهم جالسين..!!

هو ساكت و هي غي تتفكر فين غادي بيها و شنو ناوي يدير مزال معاها..!!

طول الطرييق و هي حااايرة، تا حبسو فالدرب فين ساكنة عگوزتها و لوستها..!!

شافت ناحيته مستغربة .. هو نزل بعدما شير للطاكسي يبقى بلاصته .. جبد ڤاليزتها من الكوفر و حل عليها الباب

اسماعيل بجدية:نزلي
عضات على شفتها السفلية بقوووة تتشوف فيه عاقدة حواجبها..!!

نزلات تتشوف فجنابها بتردد، هو شدها من ذراعها بقووة زير عليها و قربها منو فحالا معنقها، خشا وجهه فشعرها تيشم فرائحتها بشووووية و بطئ .. دور يدو ورا ضهرها و همسلها بخفوت
-ديري عقلك

شافت ناحيته حاسة بقلبها تزيير عليها .. شافت فسواد عيونه فحالا تتسولو مالك و شنو طاريي ..!! هو مانطقش مزال .. شدلها فيدها شابك صباعه مع صباعها و جرها معاه ناحية دار مو .. دق تا تحلاتلو الباب من طرف لالة سامية هي اللي كانت فالدار

لالة سامية بابتسامة:اهللااا زارتنا البراكة .. عروستي الغزاالة أجي عندي نعنقك أجي

اسماعيل بجدية:الواليدة، ها هي مرتي عندك أمانة مابغيت يخصها خير..!!!

لالة سامية باستغراب:كيفاش؟؟
شافت فيه سلوى مضهشرة:أااا؟؟

اسماعيل خشا يدو فجيب الڤيست اللي لابس .. جبد ظرف ثقيل شوية و مدو ل لالة سامية:ها هوما الفلوس و اللي بغاتو تعطيهلها .. مرتي ألواليدة تنوصيك عليها تنوصيك و نعاود..!!

سلوى عينيها تغرغرو بالدموع:ولكن..!!

قاطعها هو، قرب ناحيتها .. جرهالو باسها من جبهتها قبلة حنوووونة و طوييييلة محاوط بيديه على خذوذها تا غمضااات عينيها بقووة و بدون ماتحس شداتلو فيديه .. تراجع براسو شوية اللور و تبسملها ابتسامة خفيفة:ماتنساينيش!!

بقات تتشوف فيه مفاهمة وااالو و لالة سامية الدموع بداو ينزلو من عينيها تتشوف فيه و تحرك راسها بالنفي:فين غاتمشي اولدي و تخلينا؟؟

اسماعيل:غانمشي نضبر على راسي أما .. هاد البلاد ماعطاتني والو نمشي نشوف فبلاصة اخرى

سلوى شهقات تتشوف فيه بعدم تصديق:غاتحرگ؟؟

شاف فيها بنظرة فيها ألف معنى، قلبه تيزدح مسااخيييش بالشوفة فيها .. رجع شاف فمو و تحنى باس على يدها و تعلا باس راسها و عنقهاااا بجهدو كووولو و هي تتبكي و تحرك راسها بالنفي
لالة سامية:لا اولدي لا لا ماتمشيش و تخلينا، لا اولدي الله يعطيك مكاتمنى خليك معانا نتا الراجل هنا .. نتا ضهرنا لمن غاتخلينا لمن


شاف فيها عينيه مغرغرين، زيرلها على يدها:دعي مع ولدك رضي عليا أما
لالة سامية تتبكي و تمسح فعينيها و تضرب على قلبها بيديها:لا اولدي لاا لا بقا معانا هنا، ناسك و مراتك و كولشي ليك ماتخليناش اولدي ماتخليناش

شاف فسلوى بنظرة ذاابلة، كانت حتى هي تتبكي و كاتشوف فيه بصمت مامثيقاش أنه ناوي يخوي البلاد..!! واش لهاد الدرجة هي كرهاته حتى فبلاده باش يخويها و يمشي..!!

نطق بسهوة:اللي بغيتها مابغاتني ياما

بقات سلوى تترمش فيه شحااال ساكتة و هو مبادلها بنظرته، خلاها تاتسرط فريقها بقووة دار خلاهم فباب الدار .. وصل للطاكسي و علا فيهم عينيه من جديد، منظر مو تتبكي زيرررلو على قلبه .. عض على شفته السفلية بحسرة و بالزربة ركب بلاما يزيد يشوف وراه .. غي مشااا شهقات سلوى شهقة طويييلة تتنفس بقوة و تدوز يدها على قلبها اللي حاساه قريب يخرج من بلاصتو فهاد اللحضة هادي..!!!
علاش فاش مشا و خلاها، ماسخاتش بيه و حسات بأن قطعة منها غااالية عليها تفارقات معاها..!!!
.
.
وصلات أخييرا بعد طووول الطريق ليها فالطاكسي .. فباب الدار هزات شال من صاكها كانت خارجة بيه .. لواته على شعرها و حلات الباب بمفاتحها .. مع الدخلة مع شهقات تتدور فعينيها فالأرجاء مامثيقاش شنو تتشوف ..!!

الدار مرونة كوولشي مخبووط و مرون، الزااج مترش فحالا ناااض إعصااار تما التلفزة طايحة على وجهها و الڤيزان مشخشخييين .. تمشات بشوووية تتدور فعينيها لابسة سبرديلتها الجديدة تتزطم على ديك الروينة و تدور فعينيها .. وصلات لبيتها حلاته .. مع الحلة زااادت شهقات..!!

الماااريو مقلوووب، الحوايج طايحين فالأرض مترشين .. و أغلببيتهم مقطعيييين، دورات عينيها فالأرجاء قشعات مينو مكونة فواحد القنت .. قربات عندها شداتها بين يديها عنقاتها بققووة زيرااات عليييها و الدمووووع بداو ينزلو من عينيها تتشوف فحوايجها كي مترشييين مشوووكية و مصدووومة

ناضت وقفات تتزفر أنفاااس ساااخنة .. خرجات لبرااا تتدور فعينيها عليييه، مشات لغرفته حلاتها و هو يبانلها .. جالس فالأرض، يدو مجروحة تتقطر بالدم .. عينيه حمرييييين .. تينهج .. أنفااسه تيتسمعو فوذنيييها و تيرجفف من أعصابه، صدررره تيطلع و ينززززل بقووووة

عقدات فيه حواجبها بقووة و قرباتليه مغزززفة:نتاااا شنو هادشي درتييي فالدااار و حوااايجييي؟؟ واااش حماااقيتيييييييي!!

علا فيها عينيه بحدة، رمقها بنظرااات قاااسية .. طلعها و نزلها بعينيه بطرييقة خلاتها تتكوانسا مكانها .. قرب لعندها عاقد حواجبو و شارلها بسبابته

-فين كنتي و معامن؟؟
رمشات فيه عدة رمشات تتصرط فريقها:ك كيفاش؟؟ واش هذا وقت هاد السؤاااالاااات، دويييي معايا و شرحلي شنووو... ا اااااه

قفزااااات أوللل ماضرب واحد الكوااافوز برجلو تااا طاااح و صهلللل بغضب، بصوووت تيزعزع:فيييييين كووووونتيييييي و معاااااامن؟؟

صرطات ريقها تتراجع للوراء ببطئ و تدور فعينيها على تقاسيم وجهه الحادة:ف ففف، ا انا كنت ف ف فلافاك ف فين غانكون فنظرك!!

غا نطقاااات بداكشي، ماحسااتش بشنو طرااا.. زلزااال ضررررب فيييها فحنكهااااا .. عطاااها كفف قاااسي طيحها فالأرض تا سمعاااات زنننننننن فوذنييييها و خذها اللي خبطو تنمللللل و سخنننننن فيه الدم و حمااااار


قربب عندها كاينهج بقققوة، بغضب، بعصبية، مغلغللللل، عطااااها فررصة، سووولها، مابغااش يحكم من شنو شاااف، ولكن هي مصرة تكذذذذب، تكذذب و تزيد في التهم علييييها..!!

كيفاش قدر يبغي وحدة كذاابة و حرايمية فحااالها..!!
كيفاش قدر يتعلق فيها لهاد الدرجة هذه و هي متتستاهلش..!!

تحنى عليها مخرج عينيه و غوووت بصوووت خشنننن مغلغل:تتخونييينييي..!! تتخونيينييي ألحماااارةةةةةة؟؟ ماقديييتكش .. باغا واحد آاخووور ولا تحرمتييي هاد الأيامات اللي بعدت فيهم عليييك باش تحسي بغلطططك صدقتي عاااد مزايدة فيييه (عطااها صلية أخرى تيضربها بجهدههه كاااامل ماحنش و ماتعاملش على اساس انها بنت اللي قدامو، عطططاها كف ثااالث و عاودها الراااابع دووووخهاااا عينيها مابقاتش قادرة تحلهم، فشللللها لدرجة النفس بالزز باش كاتطلعوووو كايضرررب و يعاااود و مغلغل دفاالو تيتطاااير فالسمااا و هي تتغوووت و تبببكي و تشهققق بأعلى صوووت عندها) الحيوااانة دويييي، كنتي مولفة بالزوااامل قبل ماتزوجيي و ماقدرتيييش تصبرييي ياك؟؟ انا كانقول مال البنت متتحشم متترمش حتى مللي تنكونو فالفرااش تتصرفي بديك الطرييقة ديال السلگووطااات!!! درت عين ميكة كانقول مرتي و حلالي عااادي تتطلق معايا و لكن نتتيي (وقففف تيركل فيييها و هي غاتموت بالشهيييق و البكااا، تتهز و تحط و تنخصص و ترجف راسها مابقاتش قادرة تهزووو) نتييييي قحححبة قحححححبة مولفةةة الزوااامل و متقدريييش تعيييشي بلااا بيييهم متقدرييييييش

بعد منها تيمشي و يجي فالبيت و يدوي كيف الهبيييل، خلاها حنااكهااا حوومر، شادة على جنابها بيديها و نيفها تيسيل بالدم بقوة الطرش اللي سخن فيها الدم

صفوان:دوزنا اللولة، خااالي، الثاانية سكااايري جاي ليلة عرسنا .. الثااالثة التحرامياااات .. الرااابعة سراااااقة (خنزر فيها) الالفييين درهممم واخداااها تتساراي بيها و تشرييي الروايح و الماكياجات و الحواايج و محشماني انا مع السيييد تا حسبني باغي نشفروووو؟؟ دويي ألكذااابة، تتطبعييييهم دوك الكذوووب عندك متيتقاااضاااوش؟؟؟

صفاء تتنهج و ترجف و تحرك راسها بالنفي:ن نتاااا حماقيتي صاافي، مابقيتش باغاك محاملااكش

قربلها مخرج فيها عينيه:علااش انا بنتلييييك بااغيييك؟؟ انا كرهتتتك و خيخت منككككككك وليت عااايفك .. اليوووم خرجتي و داك النهار خرجتي و تتمشي مع الصلاگط تتصلگطييي (جبد تليفونو وراهلها تيدور فالڤيديوهات و طلق المكالمة اللي دازت بينها و بين داك سمير سمعهالها كاااملة خلاها مكوانسية بلاصتها مشوووكية) ها خيااانتك عندي بالدليييل و تسلگيييطك

صفاء شافت فيه تتشهق:تتجسس علياااا؟؟
صفوااان بحدة:نتييي ماشي د يثيييق فيك الوااااحد (هزهااا من شعرررها تا بداات تتبكييي بالجهههد و تتفركلووو برجليييها و تشهههق، وقففففها على طوولتها و هو جارها غي من شعرها .. تا وقفات و بقوووة غدااايدو زدحلها راااسها بقووووة مع الحيييييط وراااها هي مدات يدها لوجهه باغا تخبشو، حتى ماحسات غي بديك اليد تجراااتلها و شدلها واحد الصبع من صبااااعها لواااااه بقوووووة حتى خرجات فيه عينيييها موجووووعة و غوتات بأعلى صووووت عندهاااااا خصوووصا مللي سمعات صوت "طاااااق" طرطقلها صبعها تا مابقاتش حاسة بيه 

صفاء:ااااااه ااااي هئ هننننن ااااي



طلق منها خلا صدرها تيطلع و ينزل و تتشهق عينيييها خااارجين فداك الصبع اللي عوااااجلها .. حساته فحالا تهرس .. بقات تتشوف فيه فمها محلووول و شنايفها تيرجفووو بالخلعة و الوجع

صفوان:متتقنعيييش، ماخلييييت مادرت معاااك .. ماااخلييييت مااااادرت ألكلللبة
صفاء بصوت رااجف:ب بعد منييي هئ هننن بعددد (شدات صبعها) ه هرستيلي صبعييي الله ياخذ فيك الحااااق

عقد فيها حواجبه مشربننن قربلها ثاني جرررها من شععرررها بقوووة خارج بيها براات البيييت و هي تتغوت:ااااه، براااكة برااكة صافي غااانمووت .. غ غااانمووووت غاتقتلنييييي

صفووااان حل باب الدااار، دفعهاااا لبرا تا طاااحت فالأرض و شارلها بيدو تترعد:آاااااخر مرة نشوف وجهك قدااامي، آاااخر مرة نسمع صوتك ولا نعرفك واش نتي حية ولا ميييتة .. سيري لدار باااك مابقى عندي ماندييير بيييك، ترجعيييي مزااال لعندي ولا نشوف وجهك غي بالصدفة قدااامي، نهارك ماتطلع فيه شمس

خلاها تتشوف فيه مصدووومة تتبكي و تشهق و زدح الباب عليييها .. سد الباب و خلاها طايحة هكاااك راسها مقاداش تهزو .. داااخ عليها و ثقااال .. تتفكر فشنو طرااا و تبكييي تبكيييي تبكيييي..!!

ندماااات..!!
نكذب عليكم لمقلتلكمش ندمااات تا شاب شعر راسها..!!

جسدها كووولو تيرجف و صبعها عاطيها الحريييق .. تتفكر فگاااع الكذبات اللي كذباتهم عليييه وصلوووليه و عن طريقها هي..!!
عن طريق اتصالاتلها و تحركاتها..!!

داز وقت طويييل بقات طايحة فيه فالأرض غي تتبكي، تا تحل باب من بيبان الجيران .. طلات واحد الجارة تشوف شنو كاين .. غي شافتها صفاء ناضت وقفات تتمسح فدموعها .. غا وقفات حسات بكرشها ضراتها بقوة الركييل اللي خذااات منه..!!

غادة تتعرج برجليها، منتوفة كاملة و وجهها ولا حمر غادي للزروقية منفوخ..!

غادة و تتبكي و تتفكر فشنو غادير..!! فين غاتمشي..!!
عمرها توقعات انها غاتطيح فبحال هاد الموقف و غايجري عليها بهاد الطريقة..!!
عمرها ضنات ان طيرانها غايتحد بهاد الطريقة و غاتوقف فالمنتصف حايرة معارفة شنو تدير مزال فحياتها..!!

وقفات فباب الموبل .. تتشوف فجنابها و ساكتة .. تتشوف حواليها و حايرة..!!
دارهم..!!
ماعوالاش تمشيلها..!!
ماعوالاش ترجع بهاد الطريقة و بهاد الحالة..!!
زفرات انفاااس حااارقة بوجع كبيير و تمشات نحو المجهوول، غادة فشلااانة و معارفة فينن غاتوصل، غي غادة و صافي، غييي غادة..!!


جاي من خدمته بعد يوم طويييل و متعب .. غادي ناحية دارو تا حلات باب دارها و خرجات عندو تتجري و تبكي و تشهق، شدات فيه

مناال:عماااد عتقنيي، عتقني عفاك دير فيا خيير عفاااك أعمااد
شاف فيه مستغرب، حيد يدو من بين يديها:اشنو؟
منال تتشير لدارها:زيد ندخلو نعاودليك عفاك مباغا حد يشوفنا يفهمونا غلط و حتى مرتك..!

عماد بجدية:ماعندك ماتقوليلي ولا نقولك، انا وياك مابيناتنا مايتقال

بغا يمشي جراتلو يدو بإصرار تتبكي بالدموووع و تشهق:غايقتلوووني أعماد عفاك دير فيا غي هاد الخييير، انا غدا غانمشي من هنا اصلا خاصني نغبر حيت لا لقاوني غايذبحوووني

عماد باستغراب:شتتخربقي؟؟
شدات فيه جاراه معاها لدارها:اجي عفاك نوريك شنو شافو و التهديدات اللي كايوصلوني

جراته معاها لداخل و هو حالتها جابتلو الفضول يعرف شنو كاين، جلساتو فوق واحد الفوطوي و مشات غبرات من جنبه .. وقف بعدم راحة باغي غي يخرج من عندها .. تا رجعات عنده بدوك الملامح الباكية .. مداتلو واحد الملف تتدوي بانفعال:هاد الراجل كنت تنعرفو و اهئ واحد النهار غرني الشيطان و اهننننن (قرباتله تتبحلس و هو تيشوف فيها مستغرب) لقيت هاد الملف و انننننننن هئ هئ نااري غايقتلوني

عماد بجدية:براكة ماتحمقيلي كري، يقتلوك ولا لا شغلك هداااك (لاااح الملف للأرض بقوووة .. خلاها تتشوف فيه، تمشى ناحية الباب غايخرج فحالو و هي تجبد واحد الإبرة من حوايجها .. طويلة و رقيقة .. هازاها بين صباعها .. قربات عنده تتزرب و يلاه حل الباب غايخرج غرزاااتهااالو فعنقوووو بعنف و شدااتلو فضهرو بقوووة تتهمسليه فوذنيه)

منال:ديالي، نتا ديالي (رجعات سدات الباب و طلقات منه هو اللي فشل من داك المخدر الثقيييل هداك، راسو بدا كايدور و ماحس براسو كي دار طاح على طولته تخبط قدامها .. تحنات عليه مبتاسمة بشر .. جراته من يديه مدخلاه لداخل و مع الزليج فالأرض عاونها باش تجرو بسهووولة .. خذاتو لبيت النعاس ديالها و طلعاتو فوق الفراااش .. طلعات فوقو بعدما حيدات حوايجها و تحنات تتحيدليه حوايجو تا هو و تتعض على شنايفها بقوووة .. تحنات تتبوس فيييه و تمحكك معاه بأعضااائها ، شداتلو ديالو بين يديها بدات تتلعب فيه و تديرو ففمها و تحركو بين يديها تا وقف و دخلاتو فيها تتبسم و تتحرك فوقو باستمتاع و شوق ليه واخا مواعيش و مواصلش لديك الدرجة اللي يكون مقيم و لكن أهم حاجة عندها حاليا تنفذ اللي فذماغها
،
،
جالسة فدارها، عيات بالمشي و المجي .. راسها داااخ كثر و عينيها منشفووش من الدموووع .. هزات التليفون تتصوني عليه و تعاود و تمتم بنبرة بااكية

-لا اعماد لا، نتا عمرك ماتديرها لا لا اعماد مغاتخونيش .. مغاتدييرهاااش لاااااا

تتبكي و تشهق منفااااعلة راسها غايطرطق حتى ماحسات غي بمغص خاااااااااايب فكرشها .. شدات عليييها بقوووة بيديييها .. تتبكييي بالجهد .. مشات ناحية الحمام حاسة برجليها بالزز باش هازينها .. هبطات سروالها تطل على ملابسها الداخلية و هي تشهق واحد الشهقة طويييييييييييلة، حلاااات فمها فداك الدم الكثيييييف اللي نازل من رحمها مكثل فحال قطع الكبد .. و طاحت على ركابيها .. تتبكييييي و تشهههههق حتى بدات تغووووت لربييييييي اللي خلقها بأعلى صوووووت عندهااااا، شدات تليفونها اللي كان مزال بين يديها

دارت نمرة صفوان من بعدما صونات لعماد مرة أخيييرة و تقطع عليها الخط من الرنة اللولة .. تفتح عليها الخط من طرف أخوها الكبير، السند و الظهر من بعد أبوها

صفوان:اميمة عندي مانقضي تال....

قاطعاته بشهقاااتها و صوتها الخااافت تتعصر:خوووويااااا اهئ هنننن خوووويا عتقنييي، بنتييي كاتموووت، بنتي و انا تنموووتو .. ت تنموووود، الد الدم بزاااف بزاااف تايسيييل ايييي هئنننن عتقنا عفاااك عتقنا اااااااااهنننننن.. (شافت تحتها، كان الدم غااادي و تيتزاااد و نبضاااات قلبها غاديين و تيقلاااالو و عينيها غاديين و تيترخااو)


تكحاااط الروايض د طموبيلته تسمع عااالي مع الليل تيسمع و السهااات كان فديك البلاصة .. نزل تيجري ناحية المقاعد الخلفية .. خرجها هازها بين يديه و هي تتبكي و تشههههق بالوجججع و تتعصصصر حاسة بروحها غاتزهق، شادة فكرشها تتزييير عليه و تبكييي

اميمة بنبرة بكاء عاالية:عفاااك اخويا عفاك سربي، غااانموووتو .. غانموووتو انا وياااها اهنننن هئ

كلامها خلاه يتضهشر كثر .. عينيه خارجين، داخل بيها تيطييير العرق هابط مع جبهته، تلقى واحد الفرملية فالباب مع المشفى خاص دغيا جابوليه الپاياص و هو داز للإستقبال يخلص و يتكلف باللوازم الأولية باش يستقبلوها فلاكلينيك..!!

غي سالا مشا تيطير من الجيه اللي خذاوها منو تا وصل للبلوك اللي دخلوها ليه

وقف مشوووكي بلاصته معارف مايدير، راسو دايخ مع صفااء و زااادت دوخاتو حتى هي و حالتها اللي لقاها فيها و دمهااا اللي كانت غارقة فيه

شد راسو بين يديه غادي جاي فالأرجاء، يده حتى هو عامرة دمايات مجروحة كاملة ولكن مداهاش فيها..!!
اللي بيه هو صحة أخته..!!

وقف بلاصته تيفكر، جبد تليفونه تيدير فرقم عماد و لكن عطاه مطفي، عيا يحاول يصوني عليه و والو مطفي..!!

تكا بضهرو على الحيط وراه مهدووود و نطق بحرقة:يا ربيييي دير اللي فيها الخيييير

بقا شحااال تيتسنا حتى خرجات فرملية من لداخل بكمامة ففمها، غي شافها هو وقف مقربلها شدها من ذراعها حابسها
-ياك لاباس؟؟ اشنو طرا!! ختي لاباس؟؟

الفرملية باستعجال:اخويا ختك راه حالتها بين الحياة و الموت و الطبيب قال خاصها تدير اجهاض حيت النزيف كثير بزاف و حالتها خطيييرة خاصك تعطينا الاوك اسيدي

خبر نزل عليه كالصاعقة أولا نقولو اختيار نزل عليه كي شي زلزال و تسونامي ماشي غي صاعقة..!!

عينيه خرجو تيشوف مامركزش، معارفش شنو يدير .. تلف و حار و استصعب عليه شنو يختار لختو اللي بين الحياة و الموت.!!
ولدها غايموت ، شحااال و هي تتسناه فاللخر يموت و يمشي بهاد البساطة .. عض على شفته السفلييية بقووووة
الفرملية:اسيدي عفاك، راه خاصك تمشي تسني ورقة للموافقة

شاف فيها حاس براسو تيدور، ومألها غي بالإيجاب و قال بجدية:أهم حاجة هي تبقى عايشة، الولد تقدر تعوضو

ومآتله الفرملية بالايجاب و هو طلع للإستقبال، خبرهم بالحالة د ختو و كل شوية يمسح على وجهو من قطرات العرق مامثيقش انه دارها

راسو تيطبخ و عينيه ولاو حوومر كي الدم، شاعلين كي العافية، عض شفته بقوة و رجع بخطواته ناحية الغرفة دالعمليات اللي دخلوها ليها، تايتسنا و يتسنا و يتسنا حاس بالشقيقة شاداه فراسو
،
،
دازت ديك العشية طويييلة عليهم و الليل أطول كثر و كثر .. عينيها مع تليفونها و مع عگوزتها حااايرة..!!
بهاد السهولة قدر يمشي بلا مايشوف وراه..!!
علاش ميحاولش يكسبها بالطريقة الصحييحة..!!
علاش هو متيعرفش نقول كانبغيك بديك الطريقة اللي خاصو يقولها بيها..!!
ولا يقربها ليييه بالحنان و المعاملة الطيبة، كان يكسبها فرمشة عين بلا عذاب، ولكن هو ختار البعاد .. ختار يتخلى و يمشي مقاومش و ماقدرش يدخل لقلبها بالطريقة الصحيحة..!!

شدات راسها بين يديها حاااسة بالشقييييقة شداااتها

الجوج دالليل و هوما باقيين فالصالون مع بعضهم، النعاس مزار تا وحدة فيهم .. لا هي لا عگوزتها ولا لوستها .. غي ساهيين تيفكرو و سااكتين و فنفس الوقت مناضوش ينعسو، بثلاثة بيهم حاسين بإحساس ماشي هو هداك و معارفينش باش يترجمووه..!!

شدات تليفونها تتنهد، دخلات للفايس تتدور فيه فداك الليل، حتى وقفات عند منشور فغروب للإناث مدة ماطويلاش باش تلونصا .. عينيها خرجو فيه..!!

علات عينيها فمروى و سامية مصعوووقة كاتمتم بذهوول:مايمكنش..!! ل لااا لا مايمكنششش..!!!

مروى شافت فيها باستغراب:مالك؟؟
سلوى: م مات؟؟ اسماعيل!!!

لالة سامية خرجات فيها عينيها:ولدييييي لا لا شنو ك كييفاش؟؟ باش عرفتي (وقفات تترعد حاسة بقلبها غايخرج من بلاصتو)

سلوى مداتلهم تليفونها يشوفوه:باطو دالحراگة تقلب وسط البحر غي دابا شوية، ماتو كولهم تا واحد مابقى عايش..!!!!


بعد ليلة مهولة، كحلة بلا لون .. أصبح يوم جديد

حل عينيه تيتلصقووو حاس براسو تيفتل عليه، كان فوق داك الفراش عرياان بالكااامل، عقد حواجبه باستغراب و علا راسو تيشوف فجنابو..!!

ناض شوية تيدور فعينيه فديك الغرفة الجديدة عليه و الشقيييقة شاداه فمخو، شاف فالأرض حوايجو مزلعين و تصاور منال معلقين فالجوانب، تصدم و تصعق من هاد المنظر .. ناض وقف تيلقط حوايجو من الارض، لبس عليه بالزربة مزروب و اللون مخطوف من وجهو .. خرج لبرا تيجري تيقلب عليها فهاد الدار المنحوسة ولكن مالقالها أثر، دار فجميع الجوايه د هاد الدار و واااالو..!!

قرب ناحية الطابلة دالفطور اللي بانتلو موجدة بألذ و اشهى المأكولات .. تحنى هز ورقة محطوطة فوق المقلة دالبيض تيقرا محتواها حاس براسو تيسوط

_بيبي عمودي، احلى ليلة دوزنا البارح كنتي قويييي و عبرتي على حبك ليا و لكن دووماااج انا جا وقتي نمشيييي .. خديت اللي بغيت بلا مانحمق راسي معاك مزال حيت عارفاك غي غاتقمعني و تقدر تقتلني گاااع ولكن كانواااعدك مغاتلقانيش فخطرة .. و حاجة اخرى، گااااع شنو طرا البارح راه فخبار مراتك حرف بحرف، صورة بصورة .. مدامك حرمتي راسك عليا فأنا غانحرم مرتك عليك و باااااي بيبي 💋_

و فآخرت الرسالة طبعات أحمر شفاهها .. زييير على خصلااات شعره بقوووة حاس بالرعددددة شاداه .. مشا خارج من الدار تيقلب فجيابو تا ضرب فتليفونو فالجيب اللوراني، جبدو تايقلب فيه و حاس براسو تخنقققق من شنو طرا..!!

كان طافي، شعلو و هو فطريقو لدارو مع الشعلة لقا عدة اتصالات، منها و من عند صفوان..!!
شد على قلبه اللي تقبض بقوة داخل للدار .. مع الدخلة تيشوف فجنابه و يقلب عليها و ينااادي بسميتها بلهفة

عماد:اميمة، اميمة .. اميمة فييينك تتسمعيييني؟؟

داخل تيقلب عليها فگاع الارجاء، مشا لبيت النعاس دار التليفون فالشارج كان واحد فالمية ، صباعو تيترعدو .. طاح عليه احتمال انها شافت كولشي و وصل كولشي لواليديها و هي مشات عندهم على داكشي صونا عليه صفوان...!!

دار رقمه تا هو تايصوني عليه و يتسنى الجواب منه حتى تفتح الخط و وصلو صوت صفوان مخنوووق كثر من اي واحد فديك الساعة هاديك

صفوان:آخويا فينك من البارح؟؟
عماد تايدور فعينيه و يطل على الماريو واش فيه حوايجها:تنقلب على اميمة مالقيتهاش؟؟ معاك

صفوان مسح على وجهه بيديه و شاف ناحيتها .. ناعسة بشحوب فوق الپاياص الطبي .. قربلها و شد يدها عندو باسها بحنااان و بشوووية:اخويا راه اميمة فالسبيطار

عماد تكوانسا بلاصته، توقع گاع الاحتمالات الخايبين إلا هذا:ش شنو؟؟ ك كيفاش شنو طرا مالها!!

صفوان:البارح عييت منصوني عليك تليفونك طافي، هي حالتها كانت خطيرة و كان لازم انني نتصرف
عماد بانفعال:قول شنو كاين بلا مقدمات؟؟

صفوان بجدية:اميمة خسرات الجنين ديالها..!!

تسمر مكانه، ثواني .. دقائق و مدة طوييييلة .. ماعرفش شحال دالوقت بالضبط .. ماحسش براسه اللي كايفتل بيه تا كان طايح بقوة على الارض شاد على قلبه اللي نغزو بقوووة

عض على شفته السفلية غززها و قال بحرقة:و ولدنا؟؟ م مشا!!

صفوان:اجي اخويا راها مزال مفاقت غاتكون حالتها حااالة، راحنا فكلينيك ****

دمعة سااااخنة و حااااارة نزلاتله من واحد العييين، قطع الخط مقهوووور .. زير على التليفون بين يديه تيزيير على ذماغه بين يديه و خرج من الدار طاااير بدون مايفكر فوالو، بين عينيه غي هي و هاماه غي هي بوحدها..!!


تترمش بعينيها بشووووية، حلاتهم ببطئ حاسة بحلقها شاحف، شافت فجنااابها فشلاااانة، حتى بانولها بزوج جنبها .. صفوان و عماد اللي جا من مدة و من اللي جا و هو ساااهي تيفكر فشنو اللي طرا و شنو اللي خلاها تضغط لدرجة يخسرو جنينهم اللي شحاااال و هوما تيتسناوه...!!!

غي شافته أميمة، شداتله فيده بشوووية بيديها الشاحبتين اللون .. عينيها تتحلهم بالزز
أميمة:ع عماد

شاف فيها خارج من سهوته الطويييلة و زير على يدها بين يديه:حبيبة ديالي
اميمة الدموع تجمعو فعينيها:ب بنتنا، شنو طرالها؟؟

شاف فيها عينيه مدمعين:آاا (حرك راسو بالنفي مقادرش يخبرها بنفسه بهاد الخبر)

صفوان بنبرة حنونة:انشاء الله ربي غايعوضكم أ أميمة، ربي كبييير

شدات فكرشها بيديها مخرجة فيه عينيها:ك كيييفاااش؟؟ ش شنو تتقووول، شنو؟؟

صفوان قرب عندها تيحاول يثبت راسو و يدوي مرزن:ماشي من أهل الدنيا أأميمة، دعي يكونلك طوير فالجنة

اميمة عينيها غرقو بدموووع، شدات على كرشها بيديها بزوووج تتبكي و تشهق:ميمكنش، م ميمكنش لا لا ميمكنشششششش

عماد قرب عندها عنقها بقووة دموعو نااازلين تا هو:ربي غايعوضنا أأميمة، ربي يعوضنا غايعوضنا

تتبكي و ترجف و تضرب فصدره:لا لا لا بغيييت ولدييييي اعمااااد ولدييييي، مايمكنش يمووووت .. مزااالا ماولدتووو!! مافرحتش بيييه!! ماسمييناااهش!! ياك قلتي لا خرج بنت غانسميوها حفصةةة!! بغيت حفصة بنتييي أعماااد بنتييي لاااا يا سيدي ربي لاااا آااااه يا قلبيييييي اننننننن

عماد:غايكون خييير، يكووون خيير ماتديريش هاد الحااالة في راااسك نتي راك مزالا عيانة، غاتطرا فيك شي موصيبة

اميمة بحرقة و صوت عاالي:تطرااااا اعماااد تطراااا، خسررررتو و عااام وانا كانتسناااه عااام اعماد عاااام، يااا ربي انا شنو درت خايب فحياتي باش نتعاااقب هاااكا شنو دررررت

صفوان زير على قبضة يده حاني راسو للأرض:ربي بعوضك خيير


تحل الباب و دخلو دقة وحدة، واليدين عماد و واليدين اميمة ورا بعضهم .. غا لمحهم صفوان علا عينيه حاضي و مترقبها فوقاش غاتدخل ولكن مادخلاتش..!!

عقد حواجبه بحدة و رجع شاف فمو اللي قربات عنقات اميمة تتبكي معاها و حتى ثورية كذلك و كاتضرب على قلبها

-الله يا ربي الله و مزال ماشاف ماتشوف، مزال ماخلقش مزال مافرحنا بيه
السي انيس:ماشي من أهل الدنيا ماتديروش هاد الحااللة ، شوفو البنت حالتها خايبة و تزيدوها نتوما

اميمة تتشهق و تنخصص:كنت فرحااانة بيييه، كان هو الدنيا عنديييي اهههه هئ هنننن ااااه

صفوان:اميمة، يلاه درتي عملية راه غاتطرا فيك شي موصيبة
اميمة تتحرك راسها بالنفي:تطرراا اخويا تطراااا، غانمووووت غانمووووت اااااخ يا قلبي ااااخ

الجو المأزم خلا الكل يتأزم معاها، تعلقات فجنينها بقوة و كانت كاتسنى على نار يخلاق و تعيش معاه فمراحل طفولته و تكبرو بين يديها تا تكبر معاه و تقريه و يولي شخصية مرموووقة فالمجتمع ولكن ماكتااابش..!!

دازت مدة لا بأس بها، سكتو شوية تيفكرو ساااهيين، حتى شافت ثورية فصفوان
-أولدي فين بنتي صفاء؟؟

صفوان شاف فيها باستغراب عاقد حواجبه:ك كيفاش زعما؟
شافو فيه كاملين باستغراب لجوابه
صفوان تحنحن:مجاتش عندكم البارح؟؟

ثورية حركات راسها بالنفي:لا اولدي علاش اش طرا خير؟؟

صفوان بجدية و صوت خاتر:طرا مشكل بيناتنا و انا قلتلها تجي عندكم مابغيتش ندير فيها شي موصيبة تنبرد و نشوفو الحل اللي تيناسبنا..!!

ثورية وقفات:كيفاااس مشكل و سيفطتيها عندناااا و هي مجاتشششش؟؟؟ فيييين بنتي اصفوااااان؟؟

صفوان جبد تليفونو تيقلب على رقمها:نصوني عليها و نشوف

وقف مدوز رقمها .. عطاهم بضهره تيصوني مووودة طويييلة، حتى تفتح الخط .. نطق بحدة باينة فصوتو:فين نتي؟

-السلام عليكم اخويا لقيت هاد التليفون فالمحطة..!! راني من البارح تنتسنا شي حد يصوني باش نوصلوه لمولاه؟


عقد حواجبه بقوة و شاف فثورية اللي متبعاه:كيفاش محطة!! ديالاش؟
-ديال الطران أخويا،اشنو غاتجيو موراه؟؟

قطع الخط مشلوووط و شاف فيهم تيدور فعينيه:تليفونها لقاوه فالمحطة دالطران..!! فين تكون مشات؟؟

تشاوفو بيناتهم مصدوومين، وقف عماد مستغرب:كيفاش محطة و شمن مشكل هذاا اللي يخليك تجري عليهاااا؟؟
صفوان:لا كنت خليتها معايا فنفس الدار كنت نقتلها

ثورية شهقات:كيييفاش تقتلها اويييلييي، بنتييي كيفاش تقتلها؟؟

صفوان بجدية:موضوع بيننا انا وياها مباغيش ندخلكم فهاد التفاصيل و لكن الفعلة اللي دارت متتغفرش!!

عماد:كيفاش الفعلة اللي دارت متتغفرش؟؟ نتا تتقلبلها غي على السبة!! غي ديك الخطرة شفتها عامرة طبايع دالدق و التعنيييف .. نضتي كاتضرب و تخبط فيهاااا فحالا راها بهييييمة!! هذا تصرف رجل مع مرتو؟؟

صفوان:ان..
قاطعو السي العياشي:كيفاش تضرب بنت الناس!! شهاد الهضرة اللي سمعت اولدي
صفوان بحدة:اههه غي قولوها، انا الللي منسواااش غي قولوها متحشموووش

عماد:علاش نحشمووو منك و نتا دايرهم قد راسك و مجري علييييها؟؟ فين نلقاااوهاااا فيييييين

اميمة بنبرة باااكية:برااااااكة، سكتوووو براااااكة صااافي عفااااكم الله يعطيكم مكاتمنااااو

شافو فيها كاملين

اميمة بفشلة:انا عييت تهديييت، بغيت نمشي لداري..!! محاملاش هاد السبيطار
عماد قرب عندها شد فيدها:صبري شوية ، غي تهدني نتي و ماتعصبيش راسك، تهدني

اميمة غمضات عينييها بقووة تتحس بدموعها تيتسرسبو ورا بعضهم .. علا عماد عينيه فصفوان بحدددة .. شافو فبعضهم بغضب، صفوان ولا تيفكر غي فين تكون مشات اما عماد فشد راسو بين يديه تيفكر و يعاود حتى هو
،
،

خبرو الطبيبة اللي عطاتهم الاذن بالخروج غي تلتازم اميمة ببعض التعليمات و مايكون غي الخير..!!

ناضو كاملين معاونينها، خرجو من لاكلينيك توجهو لدارها .. دخلو مع بعضهم و صفوان مزال معاهم و تيفكر غي فصفاء باغي يعرف غير فين غبرات و فين تكون صفات..!!

جلسات أميمة فالصالون بعدما فرشولها ملايات و غطاوها عطاوها تليفونها اللي طلباتو منهم و جلسو ثورية و خديجة حداها تيشوفو فيها بحزن، هي متكية على المخدة مأزمة، شادة فبطنها و غي تتفكر ففرحتها اللي كانت حاساها ناحيته و الأمل اللي زرعولها فحياتها كذلك

عماد و صفوان و انيس و العياشي فقنت تايدويو على موضوع صفاء و صفوان


عماد:دابا غي فينها؟؟ فين تكون مشات غي نلقاوها و نلقاولكم نتوما الحل، ماتفاهمتوش كولها يشد ثيقارو؟؟
العياشي:فكرو فشي بلاصة اللي تخطرلها لبالها اول مرة؟
انيس عقد حواجبه تيفكر:بما ان القضية فيها محطة و سفر؟؟ ماتكونش عند خالتها اللي فطنجة!!

شاف فيهم صفوان:عطيوني نمرتها
عماد جبد تليفونو:بلاتي نصونيلها انا

دار رقمها و حط التليفون عند وذنيه، تيهزهز رجليه بالجهد و بعصبية بالو مشغول تا تفتح الخط

الخالة:اهلا اهلا اهلا بولد ختي تفكَرني، نهار كبيييير هذا
عماد بجدية:خالتي بغيت نسولك
الخالة:ابعدا كيف عاملين يالخوينز؟؟ داخلني نيشان بالسوالات!! و واحد صفاء صافي غي تزوجات مابقاتشي كَتفكرني و لكن غي صبَر، قااربت نجي لعندكم و نشبركم من دوك الوذينات نلويهملكم

شاف فجنابه تيدور فعينيه، عض على شفتو السفلية بقوة و كمل معاها الهضرة دغيا تا قطع:والو!! مامعاهاش؟

ضرب صفوان يدو مع الطبلة بقوووة:فااااااك

مع شنو قال مع سمعو صوت صرررررخة مذوووية فأنحاء الدااار، شافو فبعضهم باستغراب و خرجو يشوفو شطاري حتى بانتلهم أميمة هازة تليفونها، تتشوف فيه و عينيها خااارجييين

عماد غي شاف حااالتها تشوووكا و حس بالنفس تقطع فيه، عاااد تفكر موصيبته هو اللي نساها بهادشي اللي طرا .. قرب ناحيتها بخطوات ثقااال حاضيها بعينيه

عماد:ا امي
قبل مايكملها علات فيه عينيها تتبكي و تشهق بحرقة:خليتيني انا تنموووت و مشيتي عندهاااا..؟؟ ب بنتنا ماتت بسبااابكم حيت طول النهار كنت تنفكر فيكم و نتعصب و نسب فراسي و تنداااافع عليك فاللخر نتااا شنو درتيييي؟؟؟؟ قوووليا شنو درتييييي

عماد:سمعيني
قاطعاااته بصوت عااالي:شنوووو نسمع، شنووووو شنووووووووووو (بدات تضرب فوجههاا بهستيييرية و تتغوت، لاحت تليفونها فالارض و تتبكي و تغووووت لربي اللي خلقها) وااااااااااه واخنتيييني و غدرتيييني، من اللوووول و نتا تتخووونني .. نتا معاااها قبل حتى مانتزوجووو انا وياااااك، راها قالتلي كووولشي و تصاوركم وصلووووني .. ولدنااااا مات بسبااابك نتااا يالخااااين مابقيتش حاااملاااك مقابلاااااكش تفوووو على النهااار اللي عرفتك فييييه

شافو فبعضياتهم كاملين باستغراب، قربو عندها باغيين يهدنوها و هي تاتبكي و تررررطا و تغوووت .. تحنى صفوان هز تليفونها، غي هزو طاح فصورة مووووسخة ليه مع مناال عريانين فالفراااش، عينيه خرجو فيها و رجع شاف فيه
-ش شنو هااادشي؟؟

عماد:غي سمعوني
صفوان:شنووو هاد الخرااااا (ضرب التليفون مع اللرض بقوووة و عصبية) شهااااد الزبببل تتخوووونهاااااا؟؟؟ اش دارتلك ختيييي باش تدير معاها هاد الخنززز هذا

عماد:ماخنتهاااش غي سمعوووني واللهيما فوعيي هادشييي

اميمة بصوت عااالي:سكووووت سكتتتت نتااا معاها فعلاقة من زمااان و هي عيات تقولهالي بطريييقة غير مبااااشرة هااا تصاااوركم وصلوووني و باين نتاااااا فيها قبل مانتزوجو كنتي بلا لحييية، وصلني كووولشي و البارح جارتنا قالتلي شافتك موقفها و تطلب منها تكون معاك و هي بهدلاااتك، نتاااااا غدااااار كاتغدرنيييي

صفوان:كيفاش هااادشي!! شنو هاد الحقاااااارة
عماد شاف فيه مخنزر بدوره:نتاااا ماتدخلش، دايرهااا قد رااااسك و مزال تادويييي

صفوااان قرب باغي يضربو و هوما يسمعو صوتااان قويااان نطقو دقة وحدة
-حبسووووووووو
شافو ناحية العياشي و انيييس اللي خنزرو فيهم

شافو فبعضياتهم بزوج و قال انيس:بانلي قررنا بطريقة غالطة باش نستامرو فصداقتنا!! مكانش خاصنا ندخلو ولادنا فهادشي ألعياشي

العياشي بجدية:هادشي اللي بانلي!!
انيس:بانلي نحافظو علي هاد الفتفوتة اللي بقاتلنا و نحبسو حد هنا فالمشاكيل

عماد باستغراب:ك كيفاش؟؟
العياشي:اللول تلف بنت الناس مجري عليها و نتا خاين مرتك، هادشي لا استمر غانخرجو لطريق مامسلكاش كثر من هادي؟؟
صفوان:شوووفو
قاطعو السي انيس:نتوما اللي شوفو و سمعو (شاف فعماد) مابقات عشرة بيناتكم بعد الخيانة اولدي .. صافي حد هنا و حبسو

اميمة تتبكي و تشهق مخشية فحضن ماماها:مابقيتش باغا نشوووفو قداااامي
السي انيس:و حتى نتا اصفوان، غانلقاو بنتي صفاء و نساليو نسوبيتنا هنا، تبقى علاقة عندها معنى و براكة من الصراعات

صفوان باستغراب:كيفاش؟
عماد:مافهمتش واقيلا؟
انيس:لا فهمتو مزياااان
العياشي:العشرة بيناتكم حرارت خاصكم تتفارقو و تفكو هاد القيود اللي ربطناكم بيهم من صغركم كنا باغيين نحافضو على صداقتنا ولكن اللي طرا بين لينا اننا غلطنا .. مكانش خاصنا نديروها بهاد الطريقة و نجبروكم على الزواج ببعضكم .. من دابا الفوق تقدو تتهناو و تعيشو هانيين صافي سالات نسوبيتنا و غاتطلقو و تقدرو تعيشو بدون قيود هاد الزواج اللي ربطكم بالزز منكم....


نهاية الفصل الأول

يتبع...

التنقل بين الأجزاء

صفحة القصة
سيتم تشغيل صندوق التعليقات بعد لحظات
معظم التعليقات تم إخفاءها بواسطة الفيسبوك، نحاول بكل الوسائل المتاحة إستعادتها في أقرب وقت ممكن.