صورة مصغرة لـقصة الطبسيل

قصة الطبسيل

qisat 9isat 
رواية الطبسيل

واامكواني مكواني مكواني وااااسيفطوووك ليا بلعاني🎶🎶🎶🎤🎤🎻
عمر جو الغابة ماخصر تاوصل المنشار للجدر...الفار غلاض وكبر ولا عد بالو نمرر واااااااارش الرش🎶ااااهياااوين🎤🎤

على هاد النغمات كانت كالسة مرا كبيرة وغليضة...الكرسي تحتها شوية وتقبو...مدورة بيها شلا طناجر وفورنوات..ريحة الدجاج محمر واللحم كهماتها منين بدات الطياب مع الفجر...كتغرف وتنهج والسرباية كيدخلو متابعين يهزو الطباسل يطعمو الناس...حتى دخلات مت العروسة مقادة الشعر وجارة جلايلها...سميتها سعاد...الضحكة واصلة ليها لودنيها بحال الراس المشوط...وقفات عند راسها ودوات...
سعاد: تباركالله عليك امي فاطمة ...سديتيليا الفام بهاد الطياب الله يعطيك الصحة...ليلة بنتي كملات على خير...
فاطمة: (ضحكات تابانليها واحد الناب مصوباه ديال الدهب تكسابو غا هو والمغروف باش كطيب فالفراح) الله اودي ابنتي سعاد ياك بعدا الطعيم داز على خير؟
سعاد: (كتعلي كمام القفطان وسراتل الدهب كتشنشن) : لا كولشي داز مزيان..الله على راحة واخيرا زوجتها...كانت علاين تبور ليا...
فاطمة: (كدور فعينيها) واا هنية ليها تاهي صبرات معاه ما خلا بيها تا قهوة وكاع الدروبة والزناقي خيطوهوم...
سكتات كتبقلل فعينيها عاد عاقت براسها اش قالت...حنات عل المغروف هزاتو وشافت فيها كتفرنس...
فاطمة: هيهيهي نغرف للعرسان؟
سعاد: (طلعاتها وهبطاتها بالنفخة) لا براكة عليهوم غا الفرحة مكهومين
هزات جلايلها وخرجات...غير شافتها مشات...ضربات يديها لسوتيانات جبدات جوج ميكات كبار...بدات تحط فالدجاج واللحم تديهوم معاها...
فالقاعة لي منصوبة على برا كانو الرجال فقنت والعيالات فقنت شاركينهوم غا الشيخات...الرجال ريوكهوم سايلة...شي يحك على صدرو شي يحك بين فخاضو...شي جاه الشلل ماكيحكش...اما العيالات لي عندها شي راجل حاضياه من بعيد عنداك تمشي ليه الشيخة عنداك يجبد شي ربع مية يعلق...الحاصول شي حاضي شي والشيخة قااضية غرض...الورقة لي شداتها كتخشيها فبيت الخزين...(السوتيانات)
فالكونة دالعرسان كانو نيت مكونين فيها بجوج...العروسة عينيها كيبريو بحال البولة(ماشي المصباح هاديك لي كتشرشر)
العكر وصل لنيفها بقوة ماسداتش فمها من الضحك...النكافة حايرة معاها غي فالمكياج...العريس تاهو كالس كيفرنس وغي هاز يدو وكيعطي التحية مع ضارب جوينطات وجوج باردين (بيرا)...ناااشط كيتخايل راسو مرشح للكرة الذهبية وداها...ميسي مابحالوش فهاد اللحظة...
مرة مرة كيحس بشي كروشي تعطا ليه لكلاوي...من عند العروسة...سميتها حنان
حنان: (كضحك للحضور وتحلف فيه) السيمو تشوف فالشيخات عينك نتقبهومليك...
السيمو: (قرب لودنيها وهمس) هااااح بطاطة بالزيتون ديالي ليلة نشدك نمحنك...
حدرات راسها حشمانة وماقاداها فرحة...رجليها كيترعدو ماشي بالخلعة بالهوايش باغا تنوض تشطح...



...مع شطيح والرديح وعااود دردك زيد دردك العرس قايم ، الحضور غير شافو اصحاب سرباية ايدوزو الحلوة لي عندها شي بلاصة شداتها ولي عندها شي برهوش جراتو لعندها ، طلعو العروسة تلبس الكسوة البيضة و العريس جلس مع اولاد جيران يشطح و يردح تا عيطت عليه النكافة يطلع ينزل العروسة و امها و العائلة واقفين لوداعها 

سعاد : ( حايرة غير مع جلايلها تتهضر مع بنتها) هانتي ابنيتي راه دْسيت لك خرقة بيضة مسحي بيها فاش تقضيو غراااض...

حنان : ( شادة تلفون تتسيلفا) وصافي آمي ! 

سعاد : ( تتشوف فنكافة تانية تتجمع ماتريال) الله يعطيك الصحة اشريفة 

نكافة: الله يبارك فيك !الله يسر لالة حنان ..

...دخلات نكافة مولاي سلطان بتعشاق و جبد مية درهم ضربها ليها فيديها و شد فيد حنان خارجين تحت تعشاقهم ، نزلو ضربو تصويرات و قطعو الحلوة و روحها تحت تعشاق مخلين السرباية ايحيدو سروالهم مع العيالات بسبب الحلوة 

سيمو شاد فيديها داخلين لدارهوم لي لاصقة على دار حنان، حنان لي كبرت فالدرب ونهار حلت عينيها حلاتهم على سيمو، دوزو مراهقتهم و هما تيكبرو ، الحب و الغرام تيتشاير بيناتهم ، اولاد شعب عاشو العلاقة بمراحلها ، دابزو و تفارقو و ارجعو و زاد حبهم مرة تتاكلها فصحتها بسبب طيارنها مرة مشوهاه على غيرتها ، الدرب و العائلات عارفين بعلاقتهم حتى توظف فالبلدية وهيا تخرجت معلمة و تجمعو فالحلال بأول خلصتهم 

سيمو: ( سد بيت النعاس تيحيد حوايجو فالباب) الحوووب 

حنان: ( احشمو نتوما )حبيب قلبي (لاحت ليه بوسة فالهوا) اليوم نسيلو الدم 

سيمو: ( فمو ماتيتجمعش بضحك ) يالله السروال إنقلاع... الرجلين إنقلاب! ..
حنان: (تقادات فالكلسة) اويلي والتسخينات؟
سيمو:( تزدح حداها تا تكلمات النموسية جرها لعندو) خمس سنين وانا نسخن فيك اسميتك ماقداتكش؟
....حيد ليا حواجي نحيد لك حوايجك ، بجوجهم ماصابرينش على بعض ، حنان لي سولها على حب ؟ تكولهم 29عام انا محرومة نشد سيمو نشرشمو ..و سيمو وخ كان تيغفلها و يضرب ضريبات ككل رجال لكن تيموت على حنان ..طبق الطقوس كاملين من مذاعبات ودازو تطبيقي 

سيمو: ( تيلهث ) حنان !؟ راه تنضرب فالحيط 

حنان: ( تلونت فوجها ) لا اخويا ضربو فيه !

سيمو : (تيتعصر ) واااا برب حتى مسدود ...راه كيزيد لتقبة كيلوا...

حنان : ( دفعاتو تتلهث وجها عرقان) نذب ليك هناا !! انا دوزت عند طبيبة راك كنتي معايا ! ياكما نضوي ليك بالشمع البلدي !؟ 

سيمو: ( تيعض فشنايفو بفقصة) لواه ضوي ليا بترسينتي ! انا نغوت لامي 

حنان : ( غوتات غير غوتة)آااالاااااا ! نعيط لسعاد ابعدا ..

سيمو: ( هبط على كاس الما ) عيطي عيطي ! داك نهار كلت لك اجي نقضيو الغرض ونحيدوها علينا ...بقيتي ترطاااي وااتلكااي دبااا...

حنان : ( تتغبن ) الو سوووعاااد

سعاد : ( ضربت ضربة فصدرها ) آميمتي !؟ 

حنان: سووعاد ! راه والو تيضرب فالحيط ! ولاوي أمي لااااوي...


...الدم ماسالش !! هو لمعلم كلو مادخلش ، الرجل المغربي الا ليلة الدخلة مايتعاتقش ..حنان لبست حوايجها و سيمو تيلبس و تيسوط تا سمع الدقان فالبيت و فتح الباب ..هيا دخلت هو اخرج

سعاد: ( الخلعة شداها ) ابنيتي احنان امالكم ؟ 

حنان: ( مفقوصة ) اوا جينا نقضيو الغرض كالك تيضرب فالحيط 

سعاد: ( بتاكيد ) صفحة ابنيتي صفحة 

حنان : ( بشوفات العداو) تكوني اختي نتي احسن من طبيبة لي حطيت لها سبعالاف اريال فوق طبلة ؟ جلدة عندي ساهلة مكاين لا صفحة لا ورقة الوسخ....

سعاد : ( قربت ليها بهمس) ياكما ولد بهيجة ناقص !؟ 

حنان: ( تتدور فعينيها) من صحاب القطنية زعما؟ الاااا امي هو هداك 


...سعاد تلف لها الحساب ، دقايق وصلت ام سيمو بهيجة و امها و ماين سعاد ،جذور الشجرة تجمعو فداك الصالون و اراك غير لفهايمية لاختها حلل وناقش...

جدة سيمو: اولاد اليوم شوهة معاهم !! نوضي عكبيها للطبيب 

بهيجة: ( تتقلب فعينيها) آااسكتي أمي ! اش ندي !؟ لي ولد شي يديه

جدة حنان : اوا راها عرووستك اخويتي ! و السروال على جوج ! 

بهيجة : ( شدات راسها تتغوت ) اااسووعاااد !! 

سعاد : ( خارجة كرشها سابقاها ) هانا اختي !! الدراري عوينة طرطقت فيهم ! 

بهيجة : ( حاطة يدها على فمها ) ياك شافت طبيبة داك نهار !؟ 

سعاد : ( بصدق) اويلي انكذبو !؟ راه ورقة طبيبة مزالة عدها 

بهيجة: اوا نوضي نطلقو شوية جاوي و عرعار راه مايخلي العار ! 

سيمو : ( داخل تيمسح جبهتو بكلينكس ) ااخالتي سعاد تكلمي لعمي ادريس 

سمعت حس راجلها ناضت طافجة القضية فيها الشرف ، الا ماسالش الدم تقدر تمشي فيها هيا و ابنتها و امها و قبيلتهم كلها ..لقاتو غدروج تيهضر بوحدو ..

سعاد : اخويااا !! جيتي ؟ 

ادريس: ( بجلابتو و طربوش فراس ) تِيا اش هادشي تنسمع !؟ 

سعاد : دايال الله ! ( تتلفت نتباهو ) ااه البنت راه نقرة صافية مايدخلكش الشك ابدااا...

ادريس: عاا حالين فمكم فالدجاج وللحم و تحسبو فالبشر تا نسيتو موهيم ( تيذبذب راسو ) هادا السحور مافيهاش 

سعاد : امميمتي على بنيتي و تفوتها الوردة !

ادريس : ( تيقاد فجلابتو ) استرو راسكم نمشي نجيب الفقي ..

..طلعت سعاد كي دلو الما ! طالعة نازلة ، خبرتهم ان الفقي جاي ...الكل فاانتظار اما حنان حاطة يدها على حنكها تتنتظر فالفرج ..تا سمعت تحنحين باها..

ادريس: حناان ! ستري راسك وتبعيني 

حنان : ( جمعت الوقفة رمات شال عليها خرجت جلست حدا مها وسيمو قدامها) السلام سي الفقي 

الفقي : ( بجلابتو و طربوش بيض وللحية بيضة فيه نص مترو جالس ورجليه مدلين فسداري ) السلام ابنتي !! على بركة الله 

..الكل متخشع تيسمع ليه، بدا يتلو القرآن و تيجبد فالوراق و قصبة صغيرة و قرعة الصمق بدا يحسب حسابو حتى هز راسو 

: اسي ادريس مامرمي سحور ما دافنين كتاب ! القضية مافيها البنت محروسة من جوادها بفعل فاعل ( تبث نظرو فامها) البنت مثْقفة 


...الكل حول انظارو لاللالة سعاد لي بذات تصفار و تخضار ، و ترجع بالزمن الوراء ....
حتى قفزها ادريس...

ادريس: (بحزم) سوووعاد اش عاجنة عاود؟

خرجو العيالات لي كانو فاللبيت فاش سمعوه كيغوت...بقاات سعاد غا كتبقلل فعينيها...شافت فمها ورجعات شافت فراجلها لي محمر فيها 
سعاد: (كتبلع ريقها) دبا انا! كيشتو دبااا حنااا!كننكنننن...
ادريس: (ضرب فوق الطبلة تا قفزو كاملين)
واانطقي دغيا ياهاد المرا وااااش غاديماري تراكتور؟

سعاد: وااكنا درناها غا لعبة...تعقل اخويا نهار مشينا انا واختك خدوج للعروبية ديت معايا حنان كانت عاد بلغات نحضرو عرس تماك؟

ادريس : ( كيهز راسو بترقب) ايه ايه غامني دكرتي خدوج خلف الله فالبقية كملي كملي الخلا...

سعاد: العروسة لي حضرنا ليها كانت مثقفة ...مع دخلنا كانو كيحيدولها التقاف...(سكتت)

بهيجة: اييه اخويتي كملي؟

سعاد: ايوا جاو لعندنا رحبو بينا الله يكتر خيرهوم حطولنا نتغداو مع كنا وصلنا معطلين كانو طعمو الناس...و

ادريس : (زدح تاني فوق الطبلة) وااااتلااات سيدي بنور واش غاتعاوديلنا قصة حياااتك! تي دخلي فالمفيد دغيا نفكو هاد الحريرة...

سعاد :(كتمسح يديها لي عراقو فجحلالها) ايوا اخيي جاو كالك حيدو ثقاف للعروسة باش تروح لدارها واش كاينة شي عويتقة نقلبوه فيها من حدهم جابدين الدوزان...

ادريس (كيتغدد) ايوا ادادا الفهيمة طوعتي نتي الاولى غاتبرعي بالدم!؟

سعاد : (كتغبن) وا خدووووج اختك لي زعماتني (هزات صبعها كتحلف) حق مونانة تا يسحابني غا ضاحكن...

ادريس : (ناض داير يديه ورا ضهرو كيمشي ويجي بحال بيبي فاش كيكون كيبيض...شاف فالفقيه) دبااا اش المعمول السي الفقي؟..

الفقيه : (دار يديه على فمو كيتحسر ورجع شاف فسعاد) ابنتي كنتي معاهوم فاش كانو يتقفوها؟

سعاد: (بثقة بحالا دايرة انجاز) معلوم السي الفقي...

الفقيه : المرا لي تقفاتها كتعرفيها؟

سعاد :(كدور فعينيها) خدووج كتعرفها...

الفقيه : (شاف فادريس لي غادي جاي) السي دريس فهاد الحالة خاص المرا لي ثقفاتها هي لي تفكها وفحالة ماتت خاص الاداة باش تقفات تكون باقية...

كوولشي دار شاف فسعاد تاني هي فقفص الاتهام...

ادريس : اهاد المراا عاقلة باش تقفو هاد البنت؟

شافت فيهوم واحد بواحد تا كتبغي تنطق وتحبسها...حنان رجليها كيفيبريو..السيمو جاتو الساكتة...مو وجداتو غا كيتنهدو...وسعااد الهضرة مابغاتش تخرج ليها...تااا شافت ادريس غايطير عليها بقجة عاد نطقات...

سعاد : الطبسيل!!

الكل: الطبسيييييل؟

سعاد: (بتأكيد) اه ثقفوها فطبسيل

حنان : (كتلعن زهرها المكوز) ديالاش هاد الطبسيل أمي؟

سعاد : دالقزدير!


****
😁😁 كيجااااكوم هااادشي؟ عرفتو دبااا علاش تسمات الطبسيل ايواااا عليه اخوتي طالع الفيلم وغانعيشو معاه مغامراااااات شدو كرشكوم وضحكو...العرسان هارب ليهوم وتريكتهم كتر 😂😂😂😂

تنويه: لي ماعارفاش شناهو الثقاف او كما هو معروف بسحر الربط 
عند المغاربة سميتو الثقاف هو نوع من انواع السحر لي كان رائج شحال هادي واليعياذو بالله وباقي للاسف حتى لدبا عندو طقوس غاتعرفو شي حاجة عليه فالقصة...كاين فيه انواع...كاين المنع يعني الزوجة مكتخليهش يقيصها ابدا
كاين ديال فقدان الشهوة وخ ينعس معاها مكدير حتى ردة فعل بحال شي جثة ..كاين ديال الانسداد هو لي عتامدناه فالقصة كيضرب فحيط ويلوا وهو غير داك الشيطان او مايسمى حارس السحر كيتمركز تماك فداك المنطقة ومكيخليش العضو يدوز وهو لي كتلقاه بزاف...حيت طقوسه ساهلة...كيديروه باش كيحصنو البنت وماطيحش فالغلط وتاحد مايقدر يقرب ليها او حتى تعرض لاغتصاب...على اساس باش يفكوه ليها صباح عرسها وللاسف ايلا ضاعت الاداة او المراا المشرفة على الثقاف تمااك كتعاني العروسة....
حنا بطبيعة الحال طرقنا لهاد الموضوع على شكل قصة كوميدية الغرض منها الضحك فقط بعيدا عن أي انتقادات اخرى🤗🤗🤗 
****


اخرج الفقيه كيتبومبا كي ترينبو من بعد ماعطاوه شي بركة خشاها في قبو...
وبقات غا العائلة مجموعة فالصالون...وادريس غادي جاي عليهوم بحال العسكري...يد ورا ضهرو ويد شاد بيها التيليفون مقربو لعينيه تا رجعو كي رابحة الحولة كيقلب على نمرة خدوج...حتى دوات جدات السيمو مرا كبيرة خضرا فالهضرة غا جييب أفم وكول...
جدة السيمو: هي دبا ديال حفيدي مالاااويش؟
تا حد ماجاوبها تا قفزهوم ادريس فاش شدليه الخط مع خدوج.. داير هوطبارلور
ادريس : آاااالو ( ألو ديال صحاب الطاكسيات الكبار)
خدوج : (فايقة مشقلبة من النعاس) هااالو هاش كااين أخيي!
ادريس : واسيري الله يلكيهاليك...أبنت الهيطوكية...
خدوج : وااهيا ناري عا ما كالك داك الطنطون دراسك فهاد الليل؟
يالله قرب التيلي لفمو غايسب وهي تنوض سعاد حيداتو ليه من يديه...شرحات ليها دغيا الواقعة...عطاتها النعت ديال داك المرا وسيفطاتلها العنوان فميساج غير قطعات عطاتو لحنان تقراه ليها... وهي مفقوصة...
حنان : دوار المساسط...حيط بلوطة...حدا الساكية دالما...المرا سولي على حادة النقاشة....
جدة للسيمو : (ضربات يد مع يد) وانيت راه سميت الدوار هي لي غاتلكاو ماشي الطبسيل...
نخساتها بهيجة ضربات الطم...وشافت فيهوم...
بهيجة : اش غانديرو دبا؟
ادريس : (هز صبعو بتهديد لسعاد) شوفي هاااه غدااا تشدو الطريق نتي وبتك وراجلها...تفكو هاد الشي..المووغرب تلكاكوم هن!
بهيجة : (ناضت وقفات) تانا غانعكب معاهوم...
سعاد : الاش اختي؟
بهيجة : (بصمات بصبعها فوق الطبلة) رزق ولدي تم!
ناض كولشي خرج من بعد ماتفاهمو يشدو الطريق فالصباح...بقات غا حنان والسيمو مركنين فراس الصالون لابسين الابيض بحال داك جوج طيرموساات دالقهوة وحليب فوق الفترينة...


السيمو : دبا أنا منحويش حتى نلقاو الطبسيل؟


حنان : (دايرة يدها على خدها) مشا شهر العسل...


السيمو : (شاد فقاضيبو كينغزو) واش كاين شي شهر العسل بلا كوااا؟


حنان : (طلعاتلها الكناوية) وااش انا كرهت أخيي؟ راه طبت بالبوساان اويلي تانا اخويا بغيت نركب فوق العود ونشدليه اللجام كي لالياتي...اويلي 29عام وانا غا كنتنهد نهار وقفنا عليه خرجلينا هاد الطبسيل من الجنب وديال القزدير من فوق...


السيمو: (مزال كيحك لتحت ) واييه ماحوينا ما طفينا لامبة...


حنان : (صغرات عينيها فيه) مالك كترنح؟


السيمو : ناض أحناان ناااض...


حنان : (قلبات وجهها مفقوصة) وانوض نعسو فالدوش بالما بارد...ماعندي منديرليك...انا ديالي معششة فيه رتيلة هاد الساعة...

ناض من حداها كيطير هرب للحمام...

حنان : (كتغبن غا بوحدها) اييه أ مربية الاجيال ماعندك زهر تا فالحواا...دعيتك الله أسوووعاد...نتي هزيتيه تا شبتي وانا ملسقالي طبسيل...حق مونانة ولقيتو تا نخركو علييك...


نعسو ساعتاين بالحساب...فاقو فطرو بالحريرة دالعرس وشدو الطريق قاصدين دوار المساسط...السيمو سايك خرشاشتو إيركاط حمرا من عهد الاستعمار نهار عندو ويوماين عند الميكانيسيان.... سعاد وبهيجة راكبين اللور كيكملو نعاسهوم...وحدة تشخر ولوخرا ترد عليها...


غاديين طالقين واحد الراديو شاد السينيال دشي إذاعة ديال المزمبيق...حنان جابدة تيليفون داخلة لانسطا كتسيلفا وتلوح فالبوسطات عل الصباح"صباح الخير ليزامي اول نهار من شهر العسل كنحبككم"


حطات التيليفون وشافت فالسيمو متكي على الفولون بحالا غايهرب معاون هو وياه على الطوموبيل...


حنان: مازاال ماغاتبدل هاد الخرشاشة؟
السيمو: (شافيها وضحك) الااا غانزوقها بدوارات فالاصفر غاترجع بحال ميني كووبر...


حنان: كطنز عليا اولد بهيجة صمكة ( هاد صمكة نطقاتها بهمس )؟


السيمو: (كيفرنس) لا أمعلمتي حاشا...(خنزر فيها) خليتيلي باش نبدل لي كنت جامعو كولو خصرناه فالعرس و امممي ماشي صمكة امي وذنها ضراها


حنان: (قلبات سيفتها) امم لي سمع العرس يكول هنا نبات...جايبلي جوق وجوج شيخات رديتيه عرس شلا...


شافها تقلقات بدا يحزر فيها...


السيمو: حناااااان...


حنان: لا رد


السيمو: حنونتي...كسكسو بالتفاية دياااالي...


حنان: حدرات راسها بدات ضحك...


السيمو: (كحز عندها ضربها لكتفها) واري بوسة...


حنان: (شافت فيه حشمانة) اويلي مي ومك...


السيمو: (شاف موراه كل وحدة حالة فمها فقنت والذبان داخل خارج كيتفجج) واا غي اري راهوم سارحين عجول لاخرا...


يالله قربات عندو باش يبوسها وهي طفجهومم بهيجة...


بهيجة: وقف وقف وقااااف...


حبس الطوموبيل ودارو شافو فيها مخلوعين...


السيمو: مالك أمي؟


سعاد: (كتحك عينيها دايخة) اش كاين درنا كسيدة؟


بهيجة: لا وليدي مكاين والو غا فيقاتني كرشي بغيت نزل...


حنان: (كتنهد) خالتي غاتبولي؟


بهيجة: (كتحل الباب تخرج) الااا ابنيتي هاديك لوخرا 


سعاد: ايوا حاشاااك...(طلات عليها كتغوت) واهاااكي كلينيكس...


بهيجة: (غادا كتجري للخلا) واابلاش بلاش كاين الحجر...


كلسات تحت واحد الشجرة...طلعات جلابتها وهبطات سروالها...وبدات تعصر فعينيها...


بهيجة: الله...ها لي ياكل الهندية...


خرات وسالات ومسحات بحجرة...غسلات يديها بقريعة سيدي علي كانت فيديها...يالله جات طلع سروالها وهي تسمر بلاصتها غوتات غا غوتة كتحك فطرمتها شي حاجة قرصاتها...دارت يديها تشوف لقاتها نحلة...نوضات فيها الشياط وبدات تبومبا فبلاصتها...تصفار وتخضار وتحمار...حتى تمات جاية عندهوم...كتجري


بهيجة: وا زكي وااا زكي وااااا زكي.....وااااابوعبيد الشرقي...


سمعوها جاية كتغوت كولشي ناض خرج من الطوموبيل تا وصلات عندهم كتحك فطرمتها...


سعاد: (شادة فيها) اويلي مااالك أخوويتي؟


بهيجة: (كتبردها) احح نحلة نحلة قرصااتني في طرمتي....


حنان شادة الضحكة والسيمو داير يديه فوق راسو كيويل...


سعاد: (شافت فيه) السيمو اولدي...دور نشوفو مك مالها...



كمداتليها سعاد بواحد قرعة دالما متلجة حتى برداتليها عاد رجعو ركبو فالطوموبيل...


السيمو: (كيديماري الطوموبيل مابغاتش) هااا المااا طااب...


حنان: مالها؟


السيمو: مابغاتش تنووض...


حنان: واسخنهااا...


خنزر فيها سكتت وبقا معافر معاها والو كضرب وتسكت...


السيمو: (معصب) حناان بركي بلاصتي غانهبط ندفعها...وحضي مع الحدورة...


نزلات كلسات بلاصتو...وهو رجع اللور كيدفع شوية بشوية وحنان شادة فالفولون...


السيمو: (كيدفع والعرق هابطة عليه) واااضربي...


حنان: (كطل عليه من الشرجم) وراااه كنضرب والو...


بقا يدفع تاوصلات الطوموبيل لواحد الحدورة وتمات هابطة بسرعة وهو موراها...كيجري...


السيمو: واااا الفرااان أحناااان الفراااان...


حنان: (كتبومبا داخل الطوموبيل كضرب الفران ماشدش) وااااهياااا ناري الفران ماخدامش...


سعاد: (طلقات حلوقها اللور بحال الدك الرومي) عوكعووووك ومابغيتش نمووت...


بهيجة: (شادة على صدرها وكتندب) واهاااا هااااه اميمتي هاااااه! وااااهاااه هااه وغانمشي صغيرة ماااشفت ماتشوفت هااااه...وهاااه هاااه ها لي يتبع طبسيل القزدير هاااه..وهاااه هااه ومابيا غاطرمتي هااه...


سعاد: (تبعاتها فاللحن كتعد) واهاااه هااه ومابيا غااا دريس لي خليتو مورايا هاااه...وهاه هااه غايختارها من العزاااية هااه...


حنان: (دارت لعندهوم كتنهج ) وااافاااطنة بنت الحسين وااالشيخة الطراااكس واش دايين الهدية خاليوني نركز...


رجعات محكمة فالطوموبيل باغا غير تواطا وتهز فران اايد...حتى لوات عليها بهيجة بتعنيقة ماللور...كتفيبري غابوحدها


بهيجة: عروستي الغزاالة هاعاار الله وكفيها...


حنان: (قجاتها) واااع وااطلقي اخالتي طلقي ولا نقلب الخرشاشة لي ولداتها...


جراتها سعاد ترجع تكلس...وحنان بقات مابيديها لطوموبيل مابيديها ترد النفس منين قجاتها عكوزتها...ما ارتاحت تا تواطات وجرات الفران داليد حبسات الطوموبيل ماديمارات ماتقلبات...


السيمو: (لحق عليهوم كيلهث) ماوقعلكم وااالو؟


حنان: (كترد النفس وتنعت لعجوزتها اللور) كاانت غاتقتلني مك...


تكا بيديه على ركبته كيرتاح ...حنان حلات الباب تكات عليها طالقة رجليها للغربي فشلانين...اما سعاد وبهيجة هبطو كلسو فوق واحد الحجرة بحال القرعة والدلو حطو الراس على الراس كيتنهدو والشمس مصنكعة فوق راسهوم...


السيمو غارتاح مشا حل الكابو دالطوموبيل...الشياط خارج منو تاوقفات عليه حنان كتشرب فالما...


حنان: مالها؟


السيمو: (خاشي وجهو بين السلوكة) الباطري...


حنان: (ببرود) واشارجيه...


السيمو: (علا راسو فيها مغزف) باش غانشارجيه بزبي؟؟


حنان: لا هدااك خليه يالله يشارجيني أناا فاش لقاو الطبسيل...


السيمو: (سد الكابو كيمسح العرق على وجهه) زيدي ديري معايا اوطوسطوب يوقف شي مرضي يعطينا نشارجيو ويعطينا الزيت...


ربع ساعة وحنان والسيمو واقفين كيشيرو لطوموبيلات يوقفو وقليل فاش يدوزو حيت غا طريق جهوية ماشي وطنية ...اما بهيجة وسعاد باقيين كالسين فوق الحجرة طالقين رجليهوم بحالا فالبحر...


سعاد: هااااااااااااااتشووووووووو( عطست)


حنان: (كانت عاطياها بالضهر حتى طفجاتها غا دارت حلاات عينيها على وسعهوم) اوييييلي أمي كتنفحي؟


سعاد : ( تتمسح فنيفها من بقايا تنفيحة) اتي الا ! عاشوية هزيتو لباك فينما يضرني راسي كنديرها تخفف ليا السلوكة....


حنان: واغاتبلاي أسوووعاد..


سعاد: (مخرجة عينيها) الا 30 عام وانا نفح معاه تبليت؟

السيمو: حناااان زيدي لقدام هنا مايوقف لينا حتى واحد 

حنان دارت شافت فامها و عكوزتها الدلو و القرعة جالسين مامسوقينش ، زادت مع سيمو و خلاتهم مع نميمتهم

بهيجة: ( تتقاد لابراي فوذنها ) تي هادو فين زادو !؟ 

سعاد : ( هزات يدها بلا مبالاة ) تي خلي زمر ! الفقايض و المحاين معهم خلاتها أمي : بيضك خاسر اسوووعاد 

بهيجة: ( تتحرك راسها مؤيداها) ااايه اخويتي موالدة فديك الحومة عالوازنة 

سعاد : تي شتها كاع ماجات العرس !؟ العراضة وصلاتها هيا اولى 

بهيجة: وما انعرفت لها ! راه عندها جوج عرايسات ولدو دقة وحدة 

سعاد : ( تكدات فالجلسة) اياااه عددك صح ! السابع كان عند عروستها الشلحة اخت ديك الخياطة نجمة ، غير هو ديك رابعة للحم (بتأكيد) ديك عويد الند بنت رضيعتها وقيلااا عاكرة 

بهيجة: عااامرة !؟ 

سعاد : ( تتحرك لها براسها و تتشير لها لابراي السمع) عااااكرة عااااكرة 

بهيجة: ( تتخرج وذنها من زيف) و الله اعلم ! هاديك رابعة اللحم راها هازة الدار و باب الدار ! وراه كل نهار خيطي بيطي تيوصلها فين !؟ لاوعلم

سعاد: اودي ماكاينش زهرشاي ! بنت وحدة نوضات ليا الشيب و الوازنة اربعة دراري كلها واشمنك أطموبيل ! راس الشهر و الاعياد حلي شرجم تفرجي فالتقضية تحط قدام الباب ، الصنادق و البادة دزيت

بهيجة: الي مرضي مرضي ! ذهبي بعتو على سيمو بسيف و رغيب و رشوة باش اشد ليا كرسي فالبلدية 

سعاد: مالك كنتي باغاه يخرج اجودان ! ( هزات صبعها ) اجودان لي كاين هو ولد الوازنة 

بهيجة: ( تتحرك فراسها) هداك لاجودان الصلاة عنبي عليه ! مربي و قاطع النفس فولاد الحومة ، شحال من مرة هروا لي سيمو حصلو يكمي الحشيش مع داك تالي الوازنة لي محمقاه الكرة ، (بتأكيد) هداك لي ديما لابس الخضر بحال ربطة دمعدنوس راه دخل المرأة بلا عرس !

سعاد: اياااه كلاك ! دارت لها العرس فالخميسات ! 

بهيجة: كنتي حاضرة !؟ 

سعاد: وتي حاضرة !؟ 

بهيجة: انا حضرت لعرس داك مول لافيراي ! كلينا و شربنا حتى مالقات النفس طريك مين دوز...

سعاد : اوا انا حضرت فعرس الوزير داك لي عدو طموبيل اربعة اربعة 

بهيجة: الكاط كاط ...هداك دايها فاسية المشية بالغرام بحال بلارج...
دودودودو...بهيجة وسعااد بطلات العالم فالكوتوكوتو...اما حنان والسيمو مشاو كيضربو الطريق على قلبهم تاوصلو لواحد القبيلة مابعيداش بزاف...نعتولهم دار الشيخ هو لي غايعاونهم...
فباب دار الشيخ كان كالس وليد صغير مقرد شاد عود كيلعب...تا سمع صوت العياط عليه من الداخل...


: واااااااعبجليل....


عبدالجليل: وااانعاام أمي...


مو: واااتا شكادير؟


عبدالجليل: واكنلعب...


مو: وااباااااش؟


عبد الجليل: وااا بجراانة...


مو: واااادخلها دبا يخونوهاليك الكلاااب ...


شد جوج عواد وهز داك جرانة بيهوم يالله وقف...وقفو عليه حنان والسيمو...حنان غاشافت الجرانة تخبعات فيه...


السيمو: الشيخ كاين؟


عبدالجليل: (كيفرنس) لا كاينة عا الشيخة هيهيهي...


يالله غايدوي وهي توقف مو...ضربات عبد الجليل غا بركلة جابتو طايح فالمرح وخرجات عندهم كتمسح يديها ففوطة دجلايل...رحبات بيهوم فاش عرفات مقصدهوم...تسناو تا جا الشيخ من الصلا هضرو معاهوم وعرضهوم يباتو عندو تال صباح...خلا حنان مع مرات الشيخ ورجع يجيب سعاد وبهيجة...


سيمو: ( وقف عليهم سخفان) اوا جمعتو شي ذنوب !؟ يلاه انافا نوضو شدو واحد كراعية تخففو عضامكم شوية 

بهيجة: و طموبيل !؟ 

سيمو: نوضي آمي لاتزدينيش ! 

سعاد : ( تتجر رجليها) فين حنان اوليدي !؟ 

سيمو: عند داار شيخ القبيلة ....

...لي حطوه نميمة و ذنوب ! حطوه فواحد طوالة ! كل مرة سيمو يجر وحدة ، ها لي عيات ها لي جاتها البولة ...سيمو تيحس شيب تيطرطق ليه فالراس ، اش داه و اش خلاه !! فين عمرو اعرف شي ثقاف ، كان يشدهم فدورة الشاريع و يقضي الغرض ، جا حتى حنان لي محمقاه وكالو ليه خاصك الطبسيل عاد تقضي الغرض ! 

سيمو: ( جار امو تيهضر راسو بلا مايحس ) الطبسيل 

سعاد: الرجوع الله اوليدي ..الرجوووع الله 


دار شيخ القبيلة ، سمية دار اوصافي كوري البكر ملاصق مع دار لي مبنية بالطين و السقف القزدير و حمد لله دوار الكحط و زلط 
وهو لي طالع ليه كراد فالدوار...، 

..مرحبا مرحبا 

باسم الله ! فين مادخلنا يدخل الخير ..

..بهاد كلمات الصواب استقبلتهم وجلسو فالروا هو الصالون ديالنا و صينية اتاي تحطت فالبلاصة روايح اتاي بليقامة كتعطعط و ناس البادية من القليل يحطو الكثير ، مجمعين على داك براد اتاي ..

مرات شيخ: اوا خويتي البرويطة دارت بيكم او بان ؟ 

سعاد: ( تنتنشوا باتاي) واا برووويطة نيت اخويتي...غادا وطحر بحال دجاجة العتوكة....

السيمو: سي الشيخ هاد ميكانسيان غدا لقاوه نشاعلاه !؟ 

الشيخ : ( الشبه ناطق لفنان حجيب ) نوجدوه ( هز راسو تينادي) جااااميلاااااا

جميلة: ( بنوتة فعمر زهور عينيها كيدورو بحال البي) آبَّااا 


السيمو: (عينيه خرجو) تبارك الله اسي الشيخ 

..طلق افم وقول ! سيمو طلقها و حنان لقطاتها تاحس بكروشي جاه للكلوة تاني و قطع النفس 


حنان : (من تحت سنانها) تباركالله عجبك طيماكس لي هازة موراها ياك؟


السيمو: (كيفرنس باغي يصلح الجرة) تي شبغيت بطيماكس وانا عندي صون طروا ومرووديااا...


هو صلحها ومو زبلاتها...

بهيجة : ( تتمجد ) تبارك الله ! والصلا عنبي غزالة كي الكاس دالشيكي (كاس داتاي لي فيه الورادي) واش العزبة هادي !؟ 

مرات ش : اياه هادي السابعة كولشي مزوج ! 

سعاد : ( مطقت فمها و رسلت نظرات حنان ) اوا الله يسخر (كتشوف فطرمتها) وااتاهي مقبلة (بتأكيد ) لا لا تزوج تزوج


الشيخ: الله يكبر بيكم ! ( مد لها تلفون ) شوفي ليا هنا نميرو حميدة الميكانسيان 

جميلة: ( طلعو لها كراد شدات نوكيا دالحنش من عامات كارونط طلع و تنزل تاجبدت نمرة ) هاكا ابَّا 

الشيخ بفخر كينفخ فصدرو كي بيبي بنتو قارية ماعرفش راه معلمة تقري قبيلة كن شداتها تفرسها ..دوز الخط للميكانسيان لا من مجيب ، عرفوهوم مزال مامغدينش مرت الشيخ نصبات طاوية دالماكلة و الغدا كيطيب فلكشينة و بهيجة عينيها عللى بنت شيخ لي مدورة على قاعها فواطة وغادة وتميل كي سكايري دنص الليل، اما سعاد شادة الردار مع حنان وحنان شادة السيمو ..

فالنوالة (بيت الدجاج عند العروبية) كان عبجليل قارق تماك مع الدجاج...والفلالس حلقهوم غايخرج بالتقبيق...


عبجليل: (كيهز الفلالس ويلوحهوم فالخابية دالما) هااااا الاول هيهيهيه...هااااا التاني (تشروب مشا غرق هز التالت قاجو من عنقو ولاحو) هااااا التااالت يالله عووم مع خووتك...(طل عليه كيجيف) واااتا عوووم الفروج لي ولدك عوووم ...(خلاه ومشا جاب الرابع والدجاجة مهوم مربوطة حلقها غايخرج على ولادها وهو غا ما قالو عقلو الشيخة (مو) كيقولها الشيخة حيت كيسمعهوم كيعيطو لباه الشيخ...شافها ملهية مع الضياف جا يدوش للفلالس...ما هنا حتى لاحهوم كولهوم فالخابية تا مابقا يسمع حس تا واحد فيهوم ماتو...


للداخل تمات داخلة جميلة هازة غطر دالماكلة كتبومبا بطرمتها..حطاتليهوم لي كتب الله تا سمعو الغواات..

مرات شيخ: العدااااو وشدوه ليا نحروو ! و الفلالس اولد الكلبة قتلهم ليا....

الشيخ: ( خارج مخلوع تاطل على الخابية للما لقى فلالس لي عندهم ماتو) شدووووه ليا ! اليوم بوووك نعلقك مع مووكة....

عبجليل دخل للدار كيجري فالمرح ...مو تابعاه بصندالة وباه تابع مو بعكازو...وعبجليل خنونتو دايزة بالبكا...تا جا تخبا مور بهيجة...
عبجليل: (كيطل عليهوم) واااااع واااا بغيت نعومهوم الصهد...
بهيجة : (دتيرة يديها فوق راسها وحاضية معاه) وااامالو ماالو اش دار...
مرت الشيخ: (هازة الصنادلة كتقلب غا منين دوزليه) ولد الكلبة قتليا الفلالس....

بهيجة: (كتخرج ودنيها من زيف) آآ؟ الكمامس؟ ديالاش؟
السيمو: وا الفلااس امي الفلالس...
حنان: (جات شدات الولد كتهضر مع مرت الشيخ) صافي اخالتي الولد صغير مكيعرف والو...كون تشوفي القرودة لي كنقري أنا تحمدي الله عليه...
مرت الشيخ: (كتنهج كشاكشها خارجين وبدات تعد ليها) دااك نهااار شد قطة نفحليها طابة زدقات حاملة وخصرت...نهههار لاااخور شدليا كلب الجيران شنقو فشجرة الخروب لي برا هو كيموت ولاخور كيقرا عليه القرآن...مرة اااخرى خلاني تا رميت الخبز فالفورنة ومشا خشاليا فااار طاب معاها...تا كليناها عاد كر ....مرة اخرااا...
سعاد: (قاطعاتها راسها غايتفركع) وااصافي أخويتي دوزيهالو على وجهنا غا اليوم نمشيو حنا علكي بووه...
مرت الشيخ: (كتحلف فيه) وااحرزو عليك الضياف حق مولانة مساسطك نجبدهومليك تاكلهوم...
حنان: (جراتو موراها) صاف اخالتي هاحنا نخرجوه معانا نبدلو الساعة باخرى...شوية نرجعو ياك السيمو؟
حركليها راسو باه جرو معاهوم البرهوش وخرجو...
سعاد: (رجعو البيت هي ومرت الشيخ غا كلسو تفكرات التنفيحة) كوليلي اخويتي؟ سمعتك كلتي نفح للقطة شكون عندكم هنا كينفح؟
أودي كولها وهمو...
وصلهوم البرهوش للجنان...كان وقت الغروب...الخشيش فالارض الهوا نقي والبهايم والنعاج دايرين بيهوم جو رومانسي يا سلام...السيمو شاف فحنان غمزها وجرها كلسو فوق واحد الحجرة ضرب يديه لجيب جبد ورقة نيبرو طرف دالحشيش كيبرم جوان ويغني ليها...
السيمو: واااكيمشي ويجي فالجنااان...
حنان: (كترد عليه حشمانة) أ حنااااان....
السيمو: (شد فقضيبو) وااهااااك البنااان...احناااان...
حنان: (ضرباتو لكتفو بدلع) ويلي يعطيك الدل...
السيمو: (نتر غا نترة من الجووان بدا يشعر) ايييه أختي احنان كون نصيب نخرجو انا وياك على برا...شمن بلدية وشمن زبي...شي كونطرا لميريكان ماايجي بنادم حتى يموت باه( زعما تاتكون شي حاجة خطيرة ) 
حنان: (صغرات فيه عينيها) ارا شي نترة ارا نكولك بلان احسن من هدا...
مدوليها نترات غا نترة تا دمعو عينيها...
حنان: اوديييي أبا السيمو أنا مابغيت والو غانلقاو داك الطبسيل...نتا شد كونجي دشهر وانا راني شاداه...نسدو علينا بيت النعااس مكاين غا التقلاش مايخرج بنادم حتى تهرس النموسية ولا يتشكاو الجيران....
بقا واحد كيشعر على التاني تا تسالا داك الجوان ونساو البرهوش...لي مشا كيدور فداك الجنان...هادا حمار ينخصو هادي بكرة يجرها من شوالها...بقاتليه غا واحد النعجة فالقنت..مشا فكليها الرباط....تلوا ليه الحبل على رجليه...جمعاتو بنص طيحاتو وتمات غادية كتجري جاراه معاها وهو كيغوت....
عبجليل: والعاااادااااااو النعجبة المسخوطة هاااربة بيا...
حنان والسيمو ماعرفو باش تبلاو...تاناضو طافجين السيمو كانت طالعة ليه التبويقة شاد فراسو وكيضحك...وحنان تابعة النعجة...
حنان: واا وقفي وقفي راك جارة البعلوك...(دارت عند السيمو) وااااعتق الولد....
السيمو: (شاد فكرشو ضراتو بالضحك) واخليها ضرب بيه تورة تاهو صليب....
حنان: (كضرب فشواطها) اويلي غاتقتلو...
مشات حنان كتجري تالحقات بالنعجة شداتها وفكات عبجليل...غا ناض كينفض حالتو من الغبرة ويتحلف عليها...
عبجليل: (خنونتو دايزة) وااااعااتسناااي على بوووك حق مونانة والجامع الكبيرة تا نخشيك فورنة...
حنان: (كتنفض ليه حوايجو) هنينا البعلوك كن كنتي تقرا عندي كون علكتك...
عبجليل: (كيمسح خنونة حالتو حالة) هنننن....
جرات السيمو دايرين البرهوش فالوسط لايمشي يدير شي فضيحة اخرى مناقصينش هوما غا ضياف حتى دخلو للدار...


بما انهم عرسان ! عطاوهم بيت ينعسو فيه و الصمكة و مولات تنفيحة نعسو مع مرات شيخ و جميلة ..حنان كي الجماد عينيها على سيمو و نيفها تيقطر بالغيرة ..

السيمو: ( جبد شي مسائل من جيب حطهم فجاكيطة شافيها قالبة وجهها) أحنان ! أقطيب البنان ماتنعسيش؟ 

حنان: ( لوات فمها) سيمو ركود ! 

سيمو: مالها ماروخا باللوز ديالي!؟ 

حنان : شوف اه ! سناني خيزو عليك اولد الصمكة ( خرجت عينيها ) ركود 

سيمو: مااراكادش هيا تسعين ! ( برد ) الشقشوقة دقلبي مالها عاد كنا صحة سلام ولا طارت التبويقة؟وراه كيكولو بوقها تمشي وتميل باش تجي تفرحك بالليل...

حنان: ( ضحكتها ماتتوصلش عينيها) شوف هاااه ! ماتقراااش عليا داك سماوي ديالك ركوود 

سيمو: ( بغا يجرها هيا تهرب) حنااان ! تابوسان مانبسوش !؟ 

حنان: باغي تبوس اراجلي !؟ قيمتي اولد بهيجة !؟ وااا واالو ماعندك فاش ضربو ...ها الحيط....

سيمو: لي معاه حنان مايقيمش !راك تتنوضي فيا الهوايش أ كعب غزال...

حنان: ( حطت يدها على لمعلم ولقاتو فعلا مقيم ) غريبة البهلة هادي...سيموووو ! باغيني نطيح رووح ، تااادوي ابلقواد ااه ؟ شفتي بنت شيخ و تلفتي ، و الله يااابوووك تا نذفنك 

سيمو: ( سرط ريق وقاد المسائل) اغرتي امعلمتي غرتي !؟ 

حنان : ( ناضت سدات الباب ودرات حجرة هو ناعس طول و هيا ناعسة عرض دايرة الحدود ) تنوض نطيح روح 

سيمو: الله ينوض عليا الرااكد الالة الا نضت ! 

حنان : ( تتفكر بنت شيخ وتشدها سخانة) درتها كررري ! اوا يااا سوووعاد دعيتك الله ، مانلقا هاد الطبسيل حتى يطيرو ليا بالراجل 

السيمو: (تيشخر) خررر اخخخخ 

حنان : ( ناضت تتحبو قربت لوجهو تتسمعو تيشخر ) سيمو نعستي !؟ 

سيمو: خرر اخخخ 

حنان : ( غزت سنانها وهيا تغوت فوذنو) السيموووووو 

سيمو: ( ناض قافز ) الطبسيل...أحنااان 

حنان : ( بمكر) باسم الله عليك احوبي ! صحابني ركودتي 

سيمو : وحناان ! رحميني احنان انا مززاوك احناان 

حنان: ( قلبات شنايفها ) تقطع فالقلب احنيني ! ركود 

..اليل كلو و حنان جالسة عاسة على سيمو ، جرت الغطا و نعست حدا الباب ، خايفة سيمو ينوض و خايفة بنت الشيخ تنوض و هيا تشد فالبولة تسعين 

حنان: و الله ابهيجة الصمكة لادوزتها ليك ! نوريك تمجاد فبنت الشيخ كيداير...

السيمو: ( تيحلم ) حناا حنان 

حنان: يرضي على امك ! هتهت بيا اخيي طلع ليا كراد قدام الجواد و العباد ..

ناضت كلسات دايرة يديها على خدها حاضية السيمو تا كتبغي ديها عينيها كتنوض دندن بالغنا....

حنان: وااو علااا قبلو بااايتة عساااسة دادا حبيبي....وااااو على قبلو بااايتة نمشي ونجي والحيط عند راسي...

السيمو: (ضرباتو الفيقة) والله مافيك شيخة ايلا دايزها الكلام أودي يا حنان...

حنان: (عطاتو بركلة) ركووووود....


على صوت تعواك الفروج و الجو نقي فالدوار ، مرات الشيخ تتوجد الفطور... القهوة تتبقق فكاسرونة موراها فران من عهد المسيرة رامية فيه 6خبزات ، هزات عينيها لمحت السيمو و الشيخ جايين فالكرويلة تيذااكرو 

مرات شيخ: ( تتكلم مع نفسها) ماسخيناش بيك اودي يا زين التكديرة...

...الصمكة و مولات تنفيحة ضرباتهم الفيقة وحدة تاتشوف فأخرى تكول مضروبين بفليطوكس ولا طايحين من طيارة...

سعاد: ( جالسة تتعكد زيفها) اصباح الخير ابهيجة 

بهيجة: ( تتشوف فيها تتهضر لكن سمع والو ) فين وذنيا !؟ 

سعاد : ( اشارت لها فوق شرجم ) رااهومااا ...على اساس غاتسمعي...

بهيجة: ( تتحط لابراي فوذنيها و تيتسمع صوت قوي ) اخويتي كي صبحتي !؟ 

سعاد : فوق فكيك ( جات تنوض هيا تبلوكا) واااهياااا مولاي عبقادر الجيلالي ظهري ...

بهيجة : ( تتسرحها ) تَّيا شرفتي اخووتي 

سعاد : ( من هضرتها تقدات) الا شرفت و عراجيت ؟ تيا راك شرفتي وصماكيتي 

بهيجة: الا تشديش فخاطرك اجااارتي ! صمكة و العرجة تالمووت...

..مرات ش: اصباح الخير اوجوه الخير ! اكي صبحتو اخياتي !؟ 

سعاد: ( بصواب ) يسهل عليك اخويتي و سمحينااا سمحينااا عذبناك و ماردو ليك فالخير 

مرات ش: عذابكم راحة !! ( تتكب لهم قهوة) افطرو اخويتي ! مرحبا بيك ابهيجة 

بهيجة: ( تتدخل فمها مكايناش هنا) هنننمهمم يعطيك الخير ! تا سيمو وعروستي مزال راكدين !؟ 

مرات ش: لا سيمو راه مع راجلي جابو داك الحرام عليه الباتري يركبو فيه

بهيجة: اوا عالله نشدو طريق ! ودعي معانا اخويتي نفك وليدي...

مرت الشيخ: ربي يبيض سعدو ويلقا طبسيلو...

بهيجة: (تنهدت) امييين...

سعاد : ( تتمسح فمها و تتشوف ابنتها جاية مقلوبة) احنان ابنيتي عاد فقتي !؟ 

حنان: السيمو ! فينو 

بهيجة : باسم لله عليك ابنيتي ! كنا بايتين معاك !؟ 

حنان : ( تجاهلاتها و هزت كاس قهوة كحلة و خاطبت مرات شيخ) مات جميلة صباح الخير ! كي صبح عبجليل !؟ 

مرات ش: صباح الربح ابنتي ! عبجليل مزال راكد تشوفي بهايم بخاطرهم عرفي عبجليل راكد ..
سعاد: (نخساتها) مالك اخويتي فايقة كي الحليب الخاسر...

حنان: بعدي مني أمي را بايتة شادة العسة فباب القشلة...

سعاد: (صغرات عينيها) اش حاضية...

حنان: (كتشرب قهوتها) لرنب أمي لرنب...

سعاد: مربين لرنب كااع ماشتها؟

حنان: (قربات لودنيها) اييه كانو سبعة كولشي زوجوه بقات عا وحدة كيتسناو الذيب يجي يديها...(خنزرات فيها) را بايتة معاك أمي...

سعاد: (عرفاتها علامن داوية شدات الضحكة) وااشربي أحنا قهوتك شربي ...لي مزوجة ذيب سرها تبات عساسة عليه....


كملو فطورهوم و
..خرجت حنان كتحل عينيها بسيف واقفة تتشوف سيمو تيخلص الشيخ قبيلة !! قربت ليهم..


سيمو: ( سلم على الشيخ) اش نكوليك الشيخ خيرك عمرني نسااه !! 

الشيخ : مرحبا اوليدي فين ما جابتك الوجيبة دار شيخ مفتوحة فوجهك ! 

حنان: اش درتي فالباتري !؟ 

سيمو: كولشي واجد ( اشار براسو) طموبيل راه قربتها ناضية ! كولي لمك ولبهيجة نتحركو ..

الشيخ : اتا الا والله تجلسو تغداو ! ماشي الصواب هدا 

السيمو: انت خاصك تجري علينا مزال تابعانا طريق طويلة ..

....ساعة غا فالسلاوم و الوداع ، ماح ماح من هاد حنك الحنك لاخر ! ركبت صمكة للور و سعاد حداها و حنان القدام تكمل نعاسها مسكينة كانت شادة العسة ! تحركو بطموبيل ...الراديو دالمزمبيق مابغاش يخدم ..السيمو عدوو يشد طريق بلا هيلالة...
السيمو: خااايت عل الوقت...


حنان: (حالة عين وسادة عين) مالك؟


السيمو: مابغاش يخدم دبا باش غانونس الطريق...


بهيجة: (نقزات ماللور ضرباتو فكتفو) لهلا يحوجك اوليدي...(شافت فسعاد) سووعااااد شدي معايا الميزان اخويتي...


سعاد: (على سبة كفضات كمام جلابتها) سيري عالله....


بهيجة: (طلقات حلوق الشيخات) وااامال الغابة مقلقة...من نار المنشااار خاااايفة ونعيط انايا حبيبي...



سعاد: وااسخيتوبيااااااااا....



بهيجة: وااالغابة فيهاااا بربش...


سعاد: وااابربش يالحراامي....وااعندو بيضى فالعش...


بهيجة: وكلاهااالو الحنش...وخلاااه كيتبربش...


سعااد: ياا الروحاااااني هااااه واااسخيتوبيااااااااا......


حنان كاو وهوما اللور كيغنيو...


سيمو ماعينو للطريق ولا يقرا البلايك ولا الكاسيطات لي وراه ..وصل رومبوان وقف تيشوف 

السيمو: حنااان واحنااااان 

حنان : ( ناضت قافزة تتمسح ريقها) اااه !!! مالكم ! 

سيمو: اشمن اتجاه انشد !؟ ( شاف فللمرايا ) خالتي سوووعااد ليمن ولا ليسر 

سعاد : اوليدي الله يهديك تفوت ليا العشا البارح مانعقل على والو 

سيمو ضرب دورة و لمح دراري جالسين تحت الشجرة من جلستهم طيرهم فالسما تيبرمو جوانات !! وقف عليهم و نزل زجاجة تعلى تيسول 

سيمو: الخاوة ! دخلة دوار المساسط الله يحفظك 

ولد : ( هز راسو تيمشي ويجي مبوق) خوووياااا !! اتمشي على ( تيشير بيديه ليسر ) ليمن ياك ااا كريمو 

كريمو: ( ماهزش راسو ) ايه هو هداك ليمن...

سيمو: ( شد فراسو ) يحفظك الخااوة !! كالك ليسر 

حنان : تاراه كالك ليمن !! 

سيمو: راه السان مبوق و اليد لي عندها تصحيح 

حنان : سير عالله ..


مع بدا يبانليهوم الدوار والغاشي دايز..حبس الايركاط ونزلو كاملين كيتكسلو بحالا واكلين العصا...

السيمو: (شاف فسعاد) خالتي سعاد بديتي تعقلي دبا؟

سعاد: (مدرقة الشمس على عينيها وكتحقق) وااشغانكوليك اولدي...انا لي تسالوني المرا نشوفها نعرفها...

حنان: والطبسيل أمي لا شفتيه تعقلي عليه؟

سعاد: (كدور فعينيها) ايلاااا كان عقلي ينفعني فيه ثقبة مصدية فالجنب...

حنلن: (فنفسها) الطبسيل مثقوب وانا فشلوقي تصداا...دعيتك الله اسوعاد...

بهيجة: (لمحات واحد المرا دايزة بالحمار عليه بادة غادية للعين تسكي مشات عندها) السلام اخويتي...

المرا: (كتفرنس تا سنة ما فمها كولشي مردوم) شلام...

بهيجة: عايشك اخويتي كنسولو على دار حادة النقاشة...

المرا: (ماسمعاتش مزيان) هاا؟ القلاشة؟

حنان: (سمعاتها حنان شادة الضحكة نخسات السيمو) فاش كتلاقا صمكة مع ختها...غا جيب كرسي واجي نتفرجو...سير سير لانباتو هنا...

السيمو: (خنزر فيها ومشاو وقفو عليهوم) مي تسناي هادي ماغاتفاهميش معاها...(شاف فالمرا) الشريفة كنسولو على
حادة النقاشة...دارها حدا الساكية دالما...نعتي لينا غا الساكية حنا نتكلفو...

المرا: الشاكية؟ (هزات يديها كتنعت ليهوم) شيرو نيشان دورو على ليشر...غاتلكاو شور...شيرو معاه كود...تاتلكاو الشاكية...

السيمو: (شاف فحنان) باش داوية هادي؟

حنان: (حابسة الضحكة) الشريفة كولي سلاسل...

المرا: شلاشل...

حنان: (نخسات السيمو) خاسرة ليها الكلافيي فحرف السين...فهمتي دبا؟

السيمو: الله يرحم الواليدين الشريفة...(شد فمو) زيدي أمي...

لحقو على سعاد كانت متكية على الايركاط راسها ضارها...

حنان: مالك أمي؟

سعاد: (شادة فراسها) ...كيلعبوليا الكولفازور فراسي...زند عليا أبنتي...الحريك شادني من القلقولة...

حنان: (صغرات فيها عينيها) تسالاتليك النفحة؟

سعاد: (كدور فعينيها) اش كالتلكم المرا...

حنان: (جراتها من يديها) زيدي كاتلك الشاكية حدا الشور...

ساعة وهوما يدورو لاهوما لقاو ساكية لاهوما لقاو صور لاهوما لقاو حادة النقاشة...حتى بانلهوم واحد السيد دايز...لابس قميجة وسروال التوب...صباط دالقمقومة مغبر من قمقومتو...مرجع شعرو جنب المشطة دعبدالحليم حافظ غا هو لاحساه بكرة...وعندو ذبانة...باينة فيه جوايقي وبالضبط كيضرب كمنجة...

السيمو: السلام اخويا سمحلي نسولك...

الراجل: (كيتبومبا بحال شي وزير دايرين معاه استجواب) مرحبا خويا...تفضل...

السيمو: كنسولو على حادة النقاشة عياو ينعتو تانعت ماصحيح...

الراجل: (عينيه تحلو شافيهوم بريكول ناضي) ياكما شي فرح هدا؟ انا رهن الاشارة...جوق هركاوة ماتلقاش بحالو وخ تمشي لمدخنفر...

السيمو: الله ينورك اخويا ...لا ماشي عرس بغيناها لغرض شخصي...

الراجل: (عينو طفاو همزة حامضة) امم لا لا مكنعرف تا نقاشة هنا...

سعاد: (عصبها) الشريف ياك دوار المساسط هدا؟

الراجل: الاا هدا دوار السلوكي...دوار المساسط خليتوه للكدام...(مشا بحالو)

حنان: (قرصات السيمو) ياك كتلك ليمن...
السيمو: وا مبوق نديو عليه؟

حنان: (بطنز) لا نديو عليك تا لي داير فيها عميق...

بهيجة: ربي أوليدي لا ماشوفليا غا فين نبول...راها تكاتني...

السيمو: (كينعتليها مسخسخ) سيري امي را الخلا...

حنان: (شافت فسعاد) مي سيري معاها حضيليها الماطريكيل...


ركبو الايركاط قاصدين دوار المساسط...مساسطهوم طابو وهوما مزال ماوصلو...غا شاف البلاكة مكتوب فيها سميت الدوار حبس للايركاط ونزلو...كانو كاينين جوج ديال الضفات...وحدة عل ليمن وحدة عل الليسر بيناتهوم واد...بحال التصميم دشي طرمة هداك لاش سماوه المساسط...

حنان: (شافت فالسيمو مطلعة حاجب ونزلة لاخور) دبا ليمن ولا ليسر؟؟

السيمو: (كيحك فراسو) تقطعت أحنان...

حنان: (زفرت) واتانا...

بهيجة: (دايرة يديها على جنابها واقفة كي التمنية) شمن طريك غانشدو؟

سعاد: (كتشير لواحد البراكة فيها حانوت) السيمو سير سول داك الحانوت...وحضي معاه لايكون ضارب الزطلة تاني يوضرنا...

مشا هو وحنان وبقات بهيجة وسعاد مدرقين من الشمس...تاصونا تيليفون د سعاد...دارت هوطبارلور...

سعاد: هااا ادريس نعام اخيي...

ادريس: (مكاين لا سلام لا لباس) لكيتو الطبسيل؟

سعاد: لكينا المساسط...يالله وصلنا كنسولو عل الدار...

ادريس: (كشاكشو خارجين) وتي ماتعقليش تي؟ لاش عايشة لاش تعرفي عا تاكلي وتلوحيه فبيت الما...

سعاد: (كتغزز سنانها) شوفف هااااه لا تجهلنيش را والله تا نتكطع عليك...

ادريس: وخ يا التالعة مو ديار تاتجي ونتفاهمو(قطع)

سعاد: سير الله يتبعك للبلا تف (رجعات التيليفون للصاك)

بهيجة: (كضحك عليها) ماعبر غا بوشعيب عكدهوم ومشا عند ربو..كون بقا كون راه قتلتو اخويتي...

سعاد: (شدات فراسها) يعطيه بوكليب شهمني...(كتعوجو) لكيتو الطبسيل...الله تخركو...

حنان: (وقفات عليهوم فرحانة هي والسيمو) زيدي امي راه نعتو لينا...دار النقاشة...

بهيجة: (شادة فرجليها) واالسيمو رجليا بردو عليا اوليدي...هاد الخرشاشة ماغاطلعش الفوك؟

السيمو: (مشا جرها) غا زيدي أمي صبري راه الطبسيل هداا...

طلعو فواحد العقبة متبعين النعت كل مرة يجر وحدة ...بحاالا جار القطوط فالحصيرة...حتى وصلو للدار لي حدا الساكية...

سعاد: (حلات عينيها على وسعهوم) ولاهيلا هادي هي الدار...

بهيجة: بلحاكي اختي؟

سعاد: (بتاكيد) حق مونانة تاهيا بلامارا راها معلقة صفيحة فوك الباب...

حنان: (بحماس كيبان ليها غا الطبسيل وهزان الرجلين) سيمو دق أخيي دق دق...

دق تلاتة الدقات...خرجات بنت هازة مغروف ...دايرة زيف على راسها وشعرها مطلوق مع الجناب بحال الراقصات دمصر...المسكة فمها..كطرطقها بحال القحاب دسواعدة...خاشية بيجامة فسليب باش مكفضاها...مكحلة العينين ودايرة عكر بحالا حضارة فعرس وهي ريحة الطياب كتعطعط منها...حنان غي ضربات على الصيكان بويض هازين اللحم وهي تجر السيمو توخر اللور وتقدمات هي وسعاد...

حنان: ختى عافاك كاينة خالتي حادة النقاشة؟

طلعات فيها وهبطات...طرطقات المسكة فوجهها وقالت بميوعة

البنت: النقاشة مشات اخويتي بقات غا الحنة تنقشي؟

سعاد: (كتفرنس) فين مشات اختي؟

البنت: (عينيها كيغليو) مشات تنقش لعيالات أبو لهب...

حنان: (عنقشات فيها) مافهمكتش اختي فين مشات...

اابنت: ههه (شيرات بالمغروفة للسما) طلعاات لفوووك اخويتي...مشات عند مولاها...


حنان: (ضربات فشواطها) اويلي ماتت؟؟؟؟

السيمو: (شد فراسو) مشااا الطبسيل...

سعاد: (كتهضر معاها مفافيا) ابنتي عايطي لمك...

البنت: (كتمدغ المسكة) عبووووووش....وااااا عبوووووش...

عبوش: جااات وراها كتمسح يديها فوطة جلايل) هانعااام...شكون هاد الناس...

البنت: كيسولو على جدة...

عبوش: الله يرحمها...(شافت فسعاد) اش حب الخاطر اخويتي؟

سعاد: (بضحكة صفرا) واقيلة ماعقلتيش عليا الطليبة؟

عبوش: (كتحقق فيها) الااا...

سعاد: كنت جيت انا وخدوج لعرس بنتك سليمة...تعقلي على خدوج بنت جامع؟

عبوش: (كتحاول ذكر) خدوج؟خدوج؟ خدوج المقملة؟

سعاد: (كدور عينيها حشمانة...فرنسات) هيهيهي...عا داك العام كان هاج عليها القمل...

عبوش: اييه عقلت عقلت...الله يسمحلليها طلاتو لينا فالعروسة راحت لعند راجلها كتكرد فشعرها...

حنان: (فنفسها كتغدد) مالله وما القمل ولا الطبسيل..(نخسات مها) سوعااد دخلي فالمووفيد...السيمو بقاتليه شرطة ويطلقني

سعاد: (كتفرنس) ههه اه اه اخويتي...عايشك راه كنا قاصدين مك الله يرحمها على قبل داك التقاف لي دارتو لبنتي...

عبوش: (كطلع وتهبط فحنان) تباااركالله هادي هي داك البنيتة؟ كبرات مزيناتها...(طبطبات على ضهرها) كيدايرة البوالة؟

حنان: (غرقات بلاصتها كدوي تحت سنانها) هه كنت صغيرة اخالتي صغيرة...

السيمو: (نخسها) كنتي تبولي فالفراش؟

حنان: (ضرباتو لجنب مغددة) سكووت اولد الصمكة زعما انت كنتي كدير الخرقة...

سعاد: اييه كانت صغيرة ومضروبة على اتااي...تشربو من فوك تكبو من تحت...

بهيجة: (بالها غا مع الطبسيل شي سمعاتو شي لا) دبا الطبسيل فينو؟

سعاد: (شافت فعبوش) عبوش خويتي مك الله يرحمها مشات عند الله والطبسيل باقي ياك؟


عبوش دورات فيلم فراسها !! وشمس عاطياهم للوجه مع حال سخون ، عزو عليها و كانت حاسة النهار مايدوزش عادي ، عينيها سيمانا و هيا تفرفر و السلام كلاها ..

عبوش: عاركم اخويتي ماادخلو من هاد صهودات ابعدا 

حنان: ( لوات بصهد ) خالتي مرة اخرة ! طبسيل فينو !؟ 

عبوش: ونا عارفة ابنيتي ! تي راه دازت اعوام و سنين 

البنت: ( مخنزرة فحنان) نتي بعدا راك تزوجتي ! انا راه مانحلمش بيه 

سعاد : ( طوات لسانها) ودبا بنيتي دبااا !! ربي كبير 


السيمو: (حط يدو على خصرو) اوا حنان !؟ بقى لينا غير مختفون !؟ 

حنان : ( فشلت جالسة) هدا الله ! شكيتك الله اسووعااااد 

...خرجو كراسة كلهم مهرسين جلسو قدام الدار و خرجت لهم الما بارد ! حلفو مايدخلو لي فيهم كافيهم !! السيمو اشعل كارو و شاعل معاه و بهيجة تتحسر على ولدها ، هضرة تجبد هضرة و حوار يأدي الحوار ..هيا تنطق البنت 

البنت: ( بحالة غير عادية) شفتو شفتو 

سعاد : ( شافتها تاتقلب فعينيها) تسلييييم تسلييييم 

بهيجة: ( شدات فوذنها بحال اتوذن) الله الله ادرية مقيوسة اه !؟ 

البنت طاحت مكسلة امها حيدات زيفها غطات وجها و بدات تعوج و تلون و ضرب بكدام رجليها على ارض !! عبوش جلست منها ارض حداها و غوتت بنت صغيرة تجيب لها حنة فثلاجة ..

حنان: ( شدات فسيمو) ماتليتش اخوياا ! مابغيتش ، ردني دارناا بناقص من شي طبسيل...

السيمو: ( لسانو تجمد ) هداي احنان هداي 

البنت: ( بصوت غير صوتها و تتضحك بهسترية) هههههههه ههههه الحنة حنة 

عبوش: هاهياا هاهيااا ! (هزت زيف تاتشربها) مسلميييين 

البنت: ( نفس صوت و هتسرية ضحك ..تا بان صوت آخر وهنا كلشي جمع الوقفة الا عبوش ) طبسيل امممم رونديفوووو 

سعاد: ( قربت تبول) تسلييييم تسلييييم 

البنت: طبسيل راه فالكاريان يلعبو بيه الصبيان !

عبوش : ( تتزيدها حنة) الله يعفووو الله يعفووو 

البنت : ( هزت يديها على راسها ) طبلة المخزن طبلة المخزن ..

...غابت عن الوعي او بما يسمى انها تترجع حالة طبيعية !! جمعت جلسة ناضت دخلت الدار بحال ماوقع والو تاطاحت لهم حنان بخلعة 

سعاد: اااابنيتي واااحنااااان 

سيمو : ( هزها من نصها تيفيقها) يااااربي انا متااايب ليك ! اقلتيني احنان 

عبوش : ( رشاتها بالما) لا تخااافوش عا الخلعة ! ابنتي بسلامتها مطيحة النص فالدوار بجوادها 

بهيجة: تيا راها خاصها القرقان و راقي 

عبوش: الراقي لي يقد لها يجي يداويها ! فقي جامع تتشم ريحتو من دوررة ، العذاب اخويتي العذاب معاها 

سعاد: ( تنوض حنان لي تتبكي) اوا خيتي داك الكلام لي نطقت بيه !؟ 

عبوش: ويكون اخويتي ! ليسر ديالك طوالة نيشان تخرجي فكريان تما يزلقو دراري و يلعبو كاورة 

السيمو: ( بعصب) دبا سالينا من البنادم دزنا لجنون !؟ 

عبوش: اطلب تسليم اوليدي ! 

السيمو: ( تينوض حنان ) نتوما اتعرفو اشريفة ..

سعاد: نمشيو كاريان !؟ 

بهيجة: زيدي عالله ! الا عدنا شي زهر وداك جْنين ماصدقش كذيذيب 

..خلاو عبوش بخير و مأسفين لحال بنتها !! وركبو فطموبيل تاني ديماري و تسكت و يعاود و يعاود ..تا تحركو بمشقة ...وصلو الكاريان لي كان بقعة ارضية تحتية و مقسومة جهة الكرة و جهة فيها جوج جبال مبنين برملة تيزلقو دراري ..نزل سيمو وسعاد قربو دوك دراري لي تيزحلقو و كلها شنو شاد ! بانيو ! كصعة خشب ! واحد شاد الطبسيل ...سعاد قربت ليه بفضول و تحقق شوف هو تيهز داك طبسيل ويعاود يحطو و هيا تتطلع وتهبط 

السيمو: (قرب يبيض) امضرا خالتي سعاد !؟ 

سعاد: هو هداااك #طبسيل


سيمو : اصااااحبي !! واللبرهوووش...

سعاد : آاااولييييدي امووول طبيسيل 

سيمو: ( دردب فالحدورة مع غواتهم ماسمعوش تاشدو) صحااايبي ! جي غا ندوي معاك..

ولد بحال ضربتيه بسفنجة وسع عينيه اول مرة تيشوفو فدوار ، ودراري تيغمزوه يحضي راسو و سعاد من فوق تتغوت 

سعاد : اهدااااك اسيمو اوليدي

ولد: اطللااااق منى اعمي طلللق 

سيمو: ( حس بيه يهرب ) شووو طليق راه نطلق ! غاااهو حط طبسيل الله يرضي على ولدي.. راه واقف عليه ..

ولد : ولدك ؟ عرقتي عليا ؟ ( عنق طبسيل ) بربي لا طلقت حديييدتي ..قزديرتي خليوهالي ..

اولاد : (كيغوتو) وااااطلللق الولد 

سيمو: لي عندو شي خيمة يقود ليها ! ( تيجرجر ولد) حط طبسيل انت ..

ولد : ( ماتيعنقو) طبسييييلي اعباااد الله وباااغي يزيد 

سيمو : شنااهوااا ؟ تاااحط طبسيل وندور معاك شري احسن منو

ولد : انااااا ( تيتهز وخايف ) راااااجل صحابك شمااااتة 

سعاد : ( تتغوت من فوق ) اوليدي ! عطيييه طبسيل دروك يدور معاك 

ولد : ( قلبو بدا يضرب ووتيشوف دراري جراو يجيبو حمية ) تومااا عصاابة واااامي ( تيفركل و معنق طبسيل ) واااطلقوووني و واعباااااد الله عتقووو 

مني منك ! السيمو تيجر طبسيل و الولد حامي جوطية بالغوات و سعاد معاوناه من فوق ! المنذبة كبيرة و الميت طبسيل ..ماكااملة تاربع السااعة تاوقفت جيب جدارمية سيمو غير شافهم كحل بالعمى 
بهيجة: واماااطلع تا تجيبو هااا ولدي هاااه ...
حنان : سيمو بب كون رااجل ..
سعاد : اخطفوووو ! خطفووو جيبو لهنا اهيااا ناري واش طفيل غلبك

جدارمي : ( موراها محنى تيسمع) ياك اميمتي ؟ تخطفو الدراري بنهار الكهار ! 

سعاد : ( البولة قطرت لها ) والله اشاااف راني داوية عا على داك الطبيسيل


جدارمي: ( اشار سيمو ) اطلللع ولااا نهبطووو ؟ 

سيمو : ( وذنيه تيسوطو بطونسيون ) نطلع اشااف ( شاف فولد ) زيد طلع 

ولد : زييد انت قدامي انا خايف على خرزتي

عادة فدوار طيح روح و حرب بين قبايل و الجدارمية مايجيو حتى يكملو ! ولا سرعو كااع يجيو فالنص ، ناس دوار صعاب هضرة جوج روح طيح ، لكن من سوء الحظ سيمو اليوم كانو بدورة روتينية يجمعو بيضات بلدين و لا لبينة بزبيدة تا سمعو تنقنيقة ولد فالكريان بغاو يخطفوه شي ناس برانيين ! نفايحية طلعوها جيب و نسيبها حداها شاد فراسو و الطفل كدااك ، دخلوهم لابريكاد و مباشرة بداو لونكيط

ج: آش تتكول اسي محمد الوهابي فهاد واقعة ؟ عملية ختطاف مع سبق اصرار و الترصد 

سيمو : (باستسلام ) يرزيني فحياااتي اشاف ماكاين شي ختطاف راه القضية ومافيها ....


ج: اكمل اكمل 

سيمو: ( تيهز فحوايجو قرب يحيدهم ) اش نكمل اشاف راه خايبة تالمعاودة 

ج : ( نادا على سعاد دخل ) جلسي اشريفة جلسي 

سعاد : ( حلقها شحف ) آوليدي ! على شرفي ندخل لابريكاد 

ج : ( تيقرا عنوان ) ساكنين فالمدينة ! جابكم للدوار مساسط ؟ هاد خينا مكونين نتي وياه عصابة ؟!

سعاد : ( تتنفي بصبعها ) اوشااعات ! اوليدي راه هدا انسيبي ويلاه عرس هو و ابنتي ! راه ماين لاجودان لي فهاد لابريكاد القباج ! الوازنة عرضناها 

ج: ( تقاد فالجلسة ) شمن معرفة عندكم مع لاجودان ؟ 

سعاد : جيراان ! جورة اربعطاش العام 

ج : ( ناض خرج و خلاهم ) ....


سيمو : الا جا لاجودان ولد الوازنة ماانا فخير 

سعاد : لللهم لاجودان يمضغنا ما يسرطنا ! راه كالك عدنا زعامة و الخطفة .. حسب شحال جات تماك دالحبس ..

سيمو : ( تيزير على فمو ) العصابة و اختطاف .. اش غانحسب أخالتي فرض دالماط را المخزن هدا ماكاينش تخرشيش ..

....تحرى جدرامي على معرفتهم و فعلا طلعو جيران لكن الاخبار ماوصلش لاجوادن لانه فدارو مرتاح ، دخل عندهم جدارمي و عاود لونكيط و اخبروه بالفيلم الطبسيل 

ج: ههههه جديدة هادي ! هاد الفيلم هندي كلو على طبسيل 

سعاد : راه متقفين بيه درية اوليدي 

ج: ( طلع يديه فوق راسو تيشوف فيهم ) نوووض الالة قضيو حاجة راسكم ! القضية وبردناها 

سيمو : ( وقف بدون وعي ) والطبسيل اشاف ؟ 

ج: راه برهوش برا مع والديه ضبرو مخكم ! انا قلبتو ليا راسي على والو 


...خرجو بجوج ؛ سيمو شاعل و سعاد هازة جلايلها و زيف هابط و تتلهث ...تلاقاو مع الواليدين و تيشرحو لهم ، مع الناس دوار قضية تقاف شائعة عندهم ! حيدوه الولد لي شدوه جنون على طبسيل و شبع سيمو دعاوي 

ولد : وااااحديدتي حديييدتي
شداتو من عندو حنان عينيها كيبريو بحال الزاجة .. عنقاتو وبقات واقفة مسمرة كتسمع للمشادة لي ناضت بين بهيجة وسعاد ..
بهيجة : الله اختي اش هاد التمريتة .. كون زوجتو بديعة الزيزونة ولا هاد المندبة..
سعاد : (كرنات حجبانها) هايهاي على بويهيجة دبا رجعتي تعايرينا؟ هااا وا بنتي بزااااف عليكووم .. وقيمتها وشانها عاالي .. فين غايلقا وحدة بحالها قارية وواعية وزين ولاطاي كولشي كاين ..
بهبجة : آيييييه زين ولاطاي ماكولناشاي ايوااا ؟ 
سعاد: ايوااا والطبسيل هاحنا لقينااه هاااش خااصك عااد؟ ولا عينك فالغدر أبنت حومتي؟ واجيني كود لا تجيني معكود ..
السيمو: (غوت الدخان خارج من ودنيه) واابراااااكة يعطيكوووم بحث...
ضرب برجليه فالارض وتم غادي وحنان تابعاه كتعيط والو مكيجاوبهاش حتى رجعات عندهوم كانو كيدورو فيعينيهوم...
حنان: صااافي رتاحيتو دبا .. طججتو ليا الراااجل؟ وااا دبا ها الطبسيل شنو ندير بيه نخركو علياااا؟ ..
بهيجة: (كنبرد السوق) عروستي الغزالة زيدي رجعو وديريكت لفقيه
سعاد: (شداتليها فيديها) اييه ابنتي زيدي نتبعو السيمو ونفكو هاد المنامة .. زيدو يتبعكوم البلا كولكوم راسي ضارني ..
بهيجة: (بتهكم) نفحي التراب دبا ..
سعاد: (خنزرات فيها) دبا هادي سمعتيها ا مو ودينة يااااكي؟
حنان: وااسكتونا .. خليونا نقلبو على السيمو لي مشا تالع فالدوار .. 
جوج سوايع وهوما يقلبو على السيمو حتى بدا يطيح الظلام ومالقاوه .. شدو 207 ورجعو لمدينة فاش لقاو راسهوم غايبقاو تماك ..
ضربات الطناش دالليل والسيمو مابانليه الاثر ..


كالسة فراس دالصالون .. معنقة طبسيلها .. كتمشي وتجي فبلاصتها بحالا كتحضر .. تا دخلات عليها سعاد من بعد ماطلقها دريس من سين وجيم منين رجعو ..
شافتها من بعيد يسحابليها غا تشيرت .. مشات كلساات حداها وهضرات بشوية ..
سعاد: واااحناان ..
حنان: (شافت فيها مخنزرة) ها نعااام ..
سعاد: واصافي لا تفكعيش دبا يجي ويالحبيبة ودبا يجي ..
حنان: (معصبة) الحمداوية نوضي قيليني عليك فهاد الليل ..
سعاد: الله اختي الله .. ياك الطبسيل لقيتيه؟ ولاش عاكداهوم؟
حنان: (خرجات عينيها) اييه فاش لقيت الطبسيل مشاليا الراجل .. الطبسيل نخركو؟ ولا نديرو فوق راسي ونخرج نتسارا بيه الدرب .. 
سعاد: اهاه خورجي .. نوضي فرجي فينا الجيران .. كتر من هاد الشوهة لي تشوهنا عاد باقي خاصك ..
حنان: (هزت صبعها بتهديد) شوفي أ مي انا لا مارجعش السيمو تا غاتلقايتي ...وليت بحال هاديك لي فالبرتقالة المرة .. هازة طبسيلي وغادا كنهترف وداك الساعات نوضي جري بيا فالجوامع والسادات ..
سعاد: (هزات صبعها كتحلف) حق مونانة لا عتبت معاك لشي قرينة .. خلي بوك تا يضربك شي رموك ديريكت لاخرا..
حنان: (كتغبن) واش ا مي قارياها فيا حسيفة .. واش عمري صرفت فيك شي عيب؟
سعاد: الااا..
حنان: واش مخطية شي جرانة منحوسة فصغري ومافخباريش؟
سعاد: الا ..
حنان: واش نهار جيتو تولدوني ماقلتوش بسم الله؟
سعاد: الا
حنان: وماالي أختي على هاد الميمون المقود؟
سهاد : دبا مالنا على هاد الهضرة دالحلقة الاخيرة؟ ياك طبسيلك ولقيناه واا برردي ..
حنان: (زيرات على طبسيلها) مااانبرد حتى يجي السيمو ..
سعاد: (ناضت ناتشة) الله يطليك بيه .. وماتنعسيش باتي عساسة .. راك مدوزة السطاج فتاعساسيت ..
مشات خلاتها كتمشي وتجي بلاصتها بحال نوار الشمس محركو الريح .. 
الصباح على بونبير فاقو سعاد وادريس داوها لفقيه نص ميترو يفكلها الثقاف .. ماسالاو حتى قربات الظهر .. ومع ذالك ماتاقتش وخ خرجو من عندو الطبسيل باقية حاضنة عليه بحال الدجاجة القارقة ..
كلسو فوسط الدار كيرتحو ..سعاد كتحبد الزيف على راسها ..
سعاد: (شافت فيها بنص عين) والله يهديك راك تفكيتي غا حطي داك الطبسيل ..
حنان: والله مانتيق تا يبان الحق ..
سعاد: (ناضت) تانا خاص لبويا عقل لي دايرة فيك راسي ..
حنان: (خنزرات فيها غادية) الله ياخد فيكوم الحق الناس تكوا من تحت وانا كويتولي قلبي .. يتبعكم البلا .. (شافت فالطبسيل) واااافينك السيييمو جي غانتصور معاك ..
سعاد: (خارجة من البيت خنزرات فيها) تعيط عليك لي ماتعلم نتي وياه ..
حنان: (بجنون) سيري أ مي لكوزينتك بعدي مني ..
ماجاوباتهاش دخلات كتجمع شعرها وتبركم خلاتها كتهضر بوحدها بحال شي مسطية ..
فالليل نعسات معنقة طبسيلها فاش عيات تسنا السيمو وماجاش حتى فاقت على شي ميساج جا لتيليفونها .. حلات غا عين وعين ساداها.. لقات ميساج بلي شعل تيليفونو .. حتى طلعات سميتو مضوية الشاشة .. ناضت طافجة من بلاصتها شعلات الضو شعرها شاد النايلسات ..جاوبات دغيا ..
حنان: واافينك الروحاني؟


السيمو: (صوتو مخرشش) خررجي هانا تحت داركوم وجيبي معاك سليب جديد ..
نقزات من بلاصتها جات واقفة بحال 1 
حنان: (مصدومة) ها العار حتى غانديرو شي فشي؟
السيمو: واخورجي دغيااا رااه نايض ..
قطعات عليه لاحت التيليفون ومشات حلات الماريو كتقلب على شي سليب يحمر الوجه .. والو كولشي مفردك .. كاع لي فيهوم الضو داتهوم لدارها فاش راحت عروسة ..
حنان: (هازة واحد متقوب كولو بحال بغرير) واياك غانلبسو بعد العملية ماشكمانا وخ مقطع ..
ضرباتو فصدرها خشاتو مع السوتيانات .. هزات التيليفون .. وتمات خارجة عاد تفكرات شي حاجة دخلات لطواليط كتجري هبطات السروال كتشوف واش ناض الزغب ولا مزال ..
حنان: جردة مردوخ هادي .. نحسن؟
كتهضر غابوحدها فطواليط 
حنان: (رجعات طلعات سروالها) ولاااش نضيعو الوقت حنا؟ شكون شافك المكحلة فالظلام؟ ..
خرجات كتسلت على راس صبعانها صندالتها فيديها كتسمع شخير باها ومها على الجهد حلات باب الزنقة وضحكات ..
حنان: واطلو عليا ادريس وسعاد بنتكم خارجة تهز رجليها ..(سدات الباب بشوية) شخرو شخرو نتوما شبعتوه ..
ركبات حداه فالايركاط طارت عليه بتعنيقة ..
حنان: هاه توحشتك التالع بين دواور ديالي ..
السيمو: (باس على راسها) توحشتك امونامووغ ..
حنان: (طلقات منو) غانمشيو لداركوم؟
السيمو: (ديمارا) الا داك العتبة منحوسة ..ريزيرفيت فاوطيل..
حنان: (دارت السمطة غاتنقز بالفرحة) هااح واخيرا ..
السيمو: ياك طلقو صراحك؟
حنان: طلقوه طلقوه باقا غا الطريق تسرح دبا ..
مسافة الطريق تادخلو لوطيل .. تسناتو تامشا قاد المسائل فالاستقبال .. لابسة غا بيجامة وصندلة دالصبع بحال القحاب ديال الغفلة .. كدير الشك غا من داك الحنة لي باقا فيدها ..جا لعندها جرها من يديها ..طلعو فلاسونسور 
حنان لا سولتوها واش داتها فالبيت ولا لوطيل كيداير تقولكوم طليوه خليتو ليكوم .. مع سدات الباب مع ضارت عندو ..
حنان: شوف هااه مكاين لا تسخينات لا والو .. دخول نيشان فالمفيد ..
السيمو: (كيقلع صباطو فالباب) انا سخون من نهار العرس .. (شير جهة النموسية) تمغطي ليا هنا نفاريو هاد المنامة ..
حنان: (كتحيد حوايجها) هاااح .. واضرب وقيس هااه .. تانولف..
السيمو: (طلع فوق الفراش) ويلي ويلي باااا الليلة ليلتك أ حناان ..
بدا كيعاونها تحيد حوايجها .. وعينيه كيغليو بلاصتهوم ..
السيمو: (ضربها لطرمتها بيضة حليب) هاااح الدجاج الرومي ديالي..
حنان: (حشمات زعما) ويلي يعطيك بوكليب ..
السيمو: (تلاح عليها باسها فمها تا تسمعات للاستقبال) هااااح أ بهيجة والموت هادي ..
حنان: (شحطاتو لظهره) لاش كتعيط على مك .. قضي غرض دغيا راه كيوزوز ..
عسل فيها عينيه وجرها لعندو .. بجغها بوسان .. وهي غكتفركل تحتو كيدجاجة المنتوفة .. داك النموسية زدقات بونج البصمة صبرات للحرب لي نايضة فوقها .. بقاو مني منك مني منك ماتعرفهوم مطايفين ماتعرفهوم كيتموعشو ماتعرفهوم مزافطين .. المهم كيديرو شي حاجة والله وعلم كتسمع غا أحح اي .. بشوية السيمو ..ترخاي أحنان ..حتى وصلو للصح وحيدليها السوتيانات وهو يخرجليه السليب المتقب ..السيد مرفوع ماداهاش حتى فيه ..
السيمو: (منشوي كينهج) واحنان .. شنو تبغي تكولي قبل ماندشنك ..
حنان: (غا كتنين بحال القطة) انن ياا حويني ..
السيمو: (شعطها لطرمتها تاني) ماطلبتي غا الموجود ابواطة الطون ديالي ..
حيدليها السليب اخيرا .. وهي مكسلة كي السلوكي فوق النموسية .. هبط كيشوف لقا جردة مردوخ ..علا راسو شافيها ..
السيمو: واحنااان وا مادونا غا درهم ..
حنان: (واصلة لطوب) شووف تزيد غا دقيقة نوض انا نتكيك ..
قلع التيشرت بحرارة ..
السيمو: تا مالنا رجال ولا شمايت ..
حنان: (بدلع) وابينليااا احبي ..
السيمو: (نصل سروالو وكيلوطو وبدا يعبر هي بالها معاه) يااااا بسم الله توكلنا عالله ...
حنان: داخل لكورنة .. تا طلق ..
غمض عينيه حسب حد تلاتة وتوكل عالله .. حتى تمت العملية بنجاح ..
السيمو: (بفرحة) والدم الدم احنان ...
حنان: (تنهدات براحة طالقة يديها ورجليها بحالا طايحة من طيارة) واخيييرا جاء الفرج ..


ماتش ! ماتشاات هما تقامو فارض الحرب و الجنس هو اكبر حرب للاهداف ! فليلة ما سيمو ماركا بيت بريمونتدا ! بيت لي نتج عنو حمل و دوزو تسع شهور فالعسل ...#بعد_عامين

بهيجة : وااا خيري خيري بعفصة 

سعاد : ابنيتي عطفة 

حنان : واااامي و اا بهيييجة ! سميتها حفصة حفصة 

سيمو : كلت لك سمي درية فاطم زهرا 

حنان : سميتك صحيبتك اسيمو ! اااه ! راه نكتبها بخط عريض لصقها فالباب حفصة 

سيمو : ( وقف ) خلي بنت معاهم و اجي نقلبو على طبسيل 

حنان : ( شبعت ) راني شادة الوضو

سيمو : لله يقبل ! ( يحك للحيتو ) خاصني نوض للحية نتبع اخوان مسلمين 

حنان : ( بغيرة ) ياكا مسيليمة كذاب ? طلع انا جاية 

سيمو : من اول حنان ( تيقلد بسطاوي )ماتتاكليش احنااان


****
قصة للمتعة و للعبرة ! الثقاف لي شاع فزمان و للآن دمر عرايسات و اعكر زوجات ! و عكس ارزاق ! انسان هو لي ينور حياةُ بالدين و للايمان بالقدر خيره و شره !

تمت