يوري تنهد مطولا محاملش يتجبد هاد السيجي : مغاديش نطيح وجهك فالارض هاديك خطبتي وهانحضرليها.. ودابا هضرتنا سالات هنا.. قطع عليه وجا داير وهو يتصدم بجاسمين لي كانت واقفا وراه والضاهر انها سمعات كلشي
جاسمين تاتمتم : غااااادي.. تخ.. تخطب ؟؟
يوري خرج فيها عينيه صافي فهماتها غلط ومشات على عينيه ضبابة : جاااسمين مت...
قبل مايكمل عطاتو بالضهر طالعا للبيت وهو تابعها من اللور تايعيطليها ولا بغات تحبس دموعها لي ولاو على سبة نازلين بغزارة ولي جا في بالها دابا هو باغي غير يستغلني
وصلات للبيت وسدات الباب فوجهو سورتاتو ودخلات تتحس براسها ماشي هي هاديك مشات ديريكت للحمام تتبوع كولشي واخا ماكلات مداقتو تتبوع غير المرار ...
غسلات وجهها وخرجات لقاتو تايضرب فالباب في محاولة يحلو .. دار اخر ضربة برجليه وتحل الباب على مصراعيه ودخل كايشوف فيها كي صفرا وعينيها دابلين هادي هي حالتها من بعد كل مرة تترد فيها
مشات للسرير كلسات ومزالا تتشوف فيه وهو عينيه تيحملو نضرات الخوف عليها قرب حداها وكلس وعينيه متزحزحاتش عليها
جاسمين حسات بيه كلس بقات حانية راسها : شوف انا ماشي لعبة بين يديك .. باش تقضي بيا غراضك ومن بعد تلوحني وتمشي تزوج بيها .. ماشي انا لي جيت عندك وقلتلك تكرفس عليا ياك نتا لي ضربتيني وغتاصبتيني وعدبتيني وكل نهار تتعدبني ومع دلك تنحاول نتناسا ونسامحك ولكن لي درتي دابا عمرو يغفرلك ايوري القباش واخا نعرف نقتل راسي ومنبقاش معاك ودابا يا هترضني لدارنا يا دماياتي اتشوفهم. مشرشرين حنا ( جبدات شيفرة الحلاقة ووراتهالو )
يوري خرج فيها عينيه تايشوف فالموس لي عندها فيديها يالله بغا. يحيدوليها. وهي تقادو استعدادا باش ضرب شراييينها : ودابا اش قلتي اتردني لدارنا ولا لا
يوري مخرج عينو فيها تيتمتم : جا..سمين
وقفات من مكانها تتشوف فيه والدموع مالييين عينيها : اشنو دنبي انا اشنو ... عمرني اديتك ولا ضريتك .. عمرني جرحتك باش دير فيا هادشي كلو .. ياك كاع العداب لي دوزتي عليا وتنحاول ننساه .. واخا صعيب عليا .. هربت منك ورجعتيني ... نعستي معايا عاوتاني بلا شرع بلا قانون بعدما حملتيني .. ومع دلك حاولت نتناسى لي درتيلي .. لبارح .. (قرباتليه وعينيها فعينيه). ياك لبارح جيتي. عندي وقلتيلي سمحيلي ياك غير لبارح قلتيها وقلتيلي تنبغيك كيما. كنت تنبغيك فالصغر .... اه انا ماعاقلاش كيف كنا انا وياك فصغر معارفاش .... نسييت صغري طفولتي كلها تانتا نسيتك ومابقيتيش فداكرتي ولكن لبارح فاش قلتيلي تانبغيك حسييييت بشي حاجة فشكل
يوري تيقرب منها : جاسمين غير تهدني وندويو. نفهمك كولشي
جاسمين بركات على الشفرة لي فيديها: قلتليييييك دويييي اش درتي
يوري خرج عينيه فاش شاف الدم. تايخرج : جااااسمين لااااا
جاسمين بالغوات : ماتتتتتتقربش قلتلك ماتقربش تبث. بلاصتك .. والسؤال لي. مابغيتيش تجاوب عليه انا انجاوبك عليه... اش درتي اه اش درتي ... هههههه لي درتي. هو انك ستغليتيني .. استغليتي بنت صغيرة معندها لا حول لا قوة قدامك الدحش لي كتافك عرراض وتتقوى على ولية ... وزايدها ناعس معايا ...ولاغدليه. تتدوي مع خطيبتك وتتقوليها اكيد انحضر للخطبة .. برافو عليه برافو ... بغيت غير نفهم حاجة وحدا الى نتا هتخطب اش باغي مني ..اش باغي عندي للاش مخليني هنا وساجني بين ربعة دلحيووووط لاش ...
جاسمين بضحكة هستيرية كي المجنونة : هههههه واللهيلا تا زوينة هادي قالك انا باغيك نتي .. برافو هههه شتي اش بغيت نقولك هو نتا الممثل نامبر وان .. ممثل من الطراز الرفيع وكنشهدليك بيها
يوري : جاسمين دابا حيدي داك المرض وخلينا ندويو. بلعقل واخا راك هتادي نفسك وهاتادي الجنيني الله يهديك
جاسمين : نتا ادتيني قبل .. هرستيني ايوري .. قطعتيلي قلبي اشلاء ... صدمتيني وكرهتيني فحياتي .. تا قلت غادي تكاد ونتا اتمشي معايا فالخط وانفرحو مجموعين واتكفر على غلطتك .. زدتي غلطة فوق غلطة .. وهاد الغلطة عمرني انسمحليك عليها واخا تكون شنو ما كنتي
حاسمين : قلتلك تتعرف تمثل وسبحان الله تايجي معاك دور البريئ ... اشوف اسيدي انجيك من اللخر النفس هي لخرة مباقيش انطلعها وانا فهاد الدار معاك .. ووالله ومارجعتيني لدارنا يا تا غانقتل راصي وماتايهمنيش ماشغليش انا نتعدب فجهنم ومنتعدبش معاك نتا .. يالله دابا قرر
يوري معاند : جاسمين تنقولها ونعاودها داركم هي لي عمرك تعاودي تحلمي تعتبي فيها نتي بلاصتك هنا معايا .. وحدايا .. وكيف تنقولك .. مهتديك مني غير الموت ومهتخرجي من داري غير. ونتي فكفن
جايمين ابتاسمات بخبث : اوا وجد الكفن
وفي رمشة عين منو غفلاتو ودوزات على شراينها وطاحت للارض متالمة ومع دلك الصراخ ماباغاش تخرجو .. بقات تتشوف فدمها كي تايشرشر ويوري جا طاير لعندها ساخط وماحاملش راسو
هي بقات تتشوف ومتتسمعش ودنيها صماكو وغير ترددات الصوت لي تتسمعهوم
يوري هزها بين يديه ونزل تايجري فالدروج. حل الباب ومشا للسيارة حلها ودخلها للور وداز لمكان القيادة .. وفننننننن الى اقرب مستشفى لي مكانش بعيد
نزل ودار عندها نزلها وعينيه عليها .. فعينيه الخوف والرعب من انو يفقدها ويفقد الولد .. حطها فوق الباياص وبداو تايجروها. تا دخلوها لغرفة العمليات . شاف طبيب داخل عندها حنا راصو .. هو ماشي فوقت المعاندا دابا
مشا كلس على الكرسي داير يدو على راصو والندامة تتاكل فيه اكل .. بقا هاكاك لمدة تاينوض ويبقا يمشي ويجي يتسند على الحيط شوية يكلس على الكورسي تافاف وهز راصو وادا به تايشوف الطبيب خارج مشا لعندو مسرع وعينيه تيتفقدو ملامح وجهو لي كانت متتبين والو
يوري : قولي اش كاين عتقتوها ياك قول دوي ..
تافاف وهز راصو وادا به تايشوف الطبيب خارج مشا لعندو مسرع وعينيه تيتفقدو ملامح وجهو لي كانت متتبين والو
يوري : قولي اش كاين عتقتوها ياك قول دوي
الطبيب : المريضة فقدات بزاف ديال الدم ولكن الحمد لله لقينا الدم. متواجد عندنا ونقدناها هي والجنين ديالها الحمد لله
الطبيب : لا ماعليها تا حاجة غير هو بقاو تردو معاها البال الانتحار حاجا خايبة خصوصا انها هي ففثرة الحمل تتكون متاثرة بزاف .. واي حاجة جات تتعصبها وتتلعبليها على. الوثر الحساس سو من الاحسن ردوليها البال اكثر ..
الطبيب : مكانضنهاش فكرة زوينة خليها ترتاح دابا وتتفيق من البنج وديك الساعات دخل عندها هاكا. هايكون حسن
يوري اومالو براسو مشا الطبيب وهو بقا واقف. لمدة تا شافهوم مخرجينها مشا لعندهم تايجري شافها كي متكية كي الاميرة النائمة وجهها خالي من اي نقطة دم وعيونها مسدودين .. تنهد وخلاهم يمشيو
بقا لمدة. هاكاك تا شافهم دخلوها للبيت .. وخرج هو من المستشفى مشى ديريكت لسيارتو دار. راصو لي كيحرقو على الكيدون وبقا لمدة تايفكر .. عقل يدي ولاخر يجيب
شاف بانها من يوم يومها و من نهار عرفها وهي فالعداب معاه...... غتاصبها بلا رحمة بلا شفقة حرقها. و وغرقها وخلاها تعيش لي عمرها عاشتو ... هي هربات بسباب عنفو لي كيعنفها .. استنتج من هروبها عدم راحتها معاه ... ومع دلك عاود خطفها وداها لدارو بزز عليها ونعسها وهادشي حاملا منو الخمل لي دمر نفسيتها وزاد خلاها ممرضنة..وزاد باش كملها وجملها غادي يمشي لخطبتو يحضرها ..
عرف راصو ضلمها وعدبها وحقدها وكرهها فيه .. تنفس وهو تايفكر فالقرار لي هايقررو واش هو الصح واخا مقادرش على بعدها ولكن حياتو ممتناسباش مع حياتها.. اليوم فاش ماردهاش لدارهم حاولات تنتاحر .. وغدا الى عاودات شافت راسها راجعا لدارو. غادي تحاول تنتاحر مرة اخرى وهادشي هو لي ماباغيهش واخا يالمو بعادو عليها ... ارحم ليه من انها تمشي من هاد الحياة فمرة .. واخا يبقا متبع اخبارها من بعيد اهون ليه من انو مايشوفهاش ابدا ...
تنهد وضرب على الفولون وشاف مدة عاد هز تيليفونو مدوز لعماد ...
كان كالس فبيروه ماعليه مابيه. تايفكر فشي حل باش يلقى ختو .. تنهد تنهيدة طويلة. وجبد تيليفونو تايشوف فتصويرت ختو وتايفكر يصيقو واليديها لخبار لهادشي ماهايقدروش يستحملو مرة اخفرى .. بقا تايشوف فيه لمدة تا طلعليه الاتصال من مجهول دارو على ودنيه تايتسناه يدوي تا خرج عينيه فمول الصوة. والكلامولي قاليه
صقر : اشنو درتيليها الز** اشنو درتيليها باش مشات للطبيب
يوري : مادرتليها والو هي لي بغات تموت .. واخا من عادتي انا لي كنطبق الموت بحدافيرو على ضحاياي ولكن ختك حالة خاصة . منساش ليالي لي دوزت معاها عليها جازيتها وجبتها للطبيب
صقر عينيه حومر : يالزامل بان قدامي غير مرة وحدا لما مسارنك نجبدهومليك ..
صقر. مشا تيطير وكلمة حاولات تنتاحر تتعاود فودنيه تملكه رهاب غريب مشا للسانسور ركب وكليكا على الطابق 4 نزل منو ومشا تايقلب على الغرفة لي كانت فاخر الممر
لمح رقم الغرفة ومشا ليها حلها على وسعها وهو يحل عينيه فيها واش هادي هي. ملاكو ... تنهد وهو تايشوف فوجهها كي صفر طعم الحياة مافيهش تنهد بضيق ودخل كلس فكرسي حداها ودار يدو على قلبو ضارو
بقا جنبها تايتلمس فوجهها وعينيه فيهم واحد البريق ديال الحزن الشديد وفنفس الوقت حقد على يوري لي تايتوعدليه بالجحيم ..
شافها تاتحرك فعويناتها واستعدادا باش تفيق حل عينيه تايشوف فيها .. تا حلاتهم وجات عينيها على الغرفة البيضاء والصوة لي تتصدرو الات القلب ولي تايضرها فودنيها .. فجاة دورات عينيهاووتلاقاو مع عينين صقر. وسعاتهم وشافت فيه شادليها يديها ابتاسمات وهدرات بتساؤل
صقر خنزر فيها : ياك المرضية وتتقوليها بلا حشما بلا حيا صديقي اشمن صديقي واشمن نمي .. مايجيش يعنقك الالة وانا هنا .. واش كيحسابلك راسك اسي
ليو ناض دار يدو ورا شعرو مخرج : سمحلي اخويا مكايسحابليش. نتا خوها واصلن. راه ماعرت كي درت تا جيت عنقتها
صقر : اخر مرة هممممم سوا نكون انا ولا منكونش متعنقهاش
ليو : كون هاني اخويا متتعاودش
جاسمين : ليو اشنو كدير هنا وباش عرفتيني هنا
ليو كلس فوق السرير شافيها لمدة : من نهار تخطفتي قالتهالي شيماء .... مشيت اختارقت كاع كمرات نيويورك وبقيت تنقلب عليك فيهم ... وليوم فالصباح. فاش بقيت متبع الاثر دالسيارة لي خطفاتك ولي شتها فالكاميرا لقيت الدار لي كنتي فيها .. مشيت ليها دقيت كان غير العساس سولتو على يوري مابغاش يقولي تاقلتلو انا خدام معاه عاد قالي راه. جابك نتي لهناوكنتي كلك دمايات
صقر مخرج عينو فيه : كمرات لي كانو فالشوارع كانو ممسوحين التسجيلات
ليو حرك راسو بلا : تؤ تؤ مكانوش ممحييين كانو مخفييين حيت ميمكنش تمحي تسجيلات الكاميرا دنيويورك وهوما وراهم. رجال كبار .. عليها انا كوني هاكر ختارقت الكاميرات وجبدتهم
ليو بقا تايشوف فيهم ههههه وبقاو حديث يديهوم ولاخر يجيبهوم .. صقر تاصل بشيماء لي جات تتطير عند جاسمين دخلات عليهم كي الرعدة وبقات تنوح وتبكي ليهم تما ...
اوا اسيادنا دوزو نهارهم فالطبيب تا سالات وقت الزيارة ومشاو الدراري وخلاو غير شيماء مع جاسمين تيتعاودو تا داتهم عينيهم ونعسووو
نزلات الطائرة فمطار محمد الخامس ... نزل وهو هاز صاكو وفجنبو عماد لي منين ركبو مادوا معاه ماتكلم عارفو دابا غادي يكون فقمة اعصابو وماهايبغي حد يدوي معاه ولا يجبدو حيت باين على نقشة ..
بعدما دارو الاجراءات الازمة مشاو بجوج ركبو فالسيارة والوجهة الى فيلة القباش ... دخلات السيارة وتحلات الباب هبطو بجوج وتمو داخلين كان الليل بدا يطيح
دخل يوري. غادي طالع لغرفتو وهو يتلاقا بداداه فالطريق عينيها مغرغرين بالدموع .. بالسيف وهي متتشوفش الولد لي ربات قدامها .. من نهار الحفل مجات عينيها فعينيه وفوقما تبغي تمشي عندو ماتلقاهش .. لا هو لا جاسمين
تلاحت عليه تاتعنق فيه وتبوس موحشاه لاقصى درجة .. بعد سؤال وجواب واخد ورد ناض يوري من خلاها مدعي انه تعبان .. مشا جيهت الدروج تا تبعاتو
دادا : يوري فينهيا مرتك .. فينها جاسمين
يوري تنهد وعطاها بالضهر طالع : طلقتها
نبدلو لبلاصة ونمشيو هاد المرة لعند سمية لي كانت كالسة فبيتها لابسة بيجامة سخونة حيت البرد تيدق الباب ... فبالها غير صقر وكيهادير تتاصل بيه وهي خلات تيليفونها لي جابليها فالطموبيل .. ماعندها كيدير تخرج ولا درج حابسها باها فالدار ومن بعد ديك الهدرة لاح السخط عليها لاعاودات عارضات كلامو ..
سمية خرجات فييها عينيها: كيفااااش 3 ايام اماما الله يهديك واش بغيتو تهناو مني قوليهالي نمشي فين كنت
صفية حمرات فيها : الله يهديك اهاد البنت بغينا مصلاحتك .. هتزوجي بولد عمك وممنهنا 3 ايام حمدي الله لي قبل بيك وبداك الشيء لي فكرشك اما كون راحنا مزالين واحلين هنا .. حنا ابنيتي بغينا انزوجوك باش نغطيو على المصيبة لي جبتيلينا .. ودابا وجدي راسك ابنتي منهما 3 ايام غادي يكون عرسك انديروه غير بيناتنا ..
مشات صفية حطات البلاطو فالكوزينة ورجعات عند حسن كلسات معاه
صفية عينيها عامرين دموع : حسيت بيها مسكينة مقجوجة
حسن مقصح قلبو : هي لي بغات .. هي لي دارت الدنب وتستاهل هادشي .. كون مدارتش هادشي كون راها مزالا تقرا ومكنتش نمشي نبدا نرغب خويا باش يزوج ولدو لبنتي ويبدا يتشرط قالك .. فعوض ما انا نتشرط هو ولا يتشرط
تنهدات صفية بقاو حت حتحت تايتناقشو على هادشي .. تا طفاو الضو وناضو لبيتهم ينعسو
اما واحد لالة شيماء فنعسات بعد تفكير طويل فصقر وفلي جاي . خلات مخدتها عامرا دموع عد داتها عينيها
دازت ايام وجات ايام وبالضبت دازت 3 ايام .. فهاد ثلاث ايام . جاسمين خرجات من الطبيب ومشات لدار صقر لي خبر واليديه اينزلو للمغرب وتا شيماء معاهم .. حيت قررات ماتبقاش هنا وحدها واخا تعرف تبقا غير كالسة فالدار وواليديها معارضوهاش .. اما ليو فمعجبوش الحال تمشي جاسمين . حيت ولا تايميل ليها خصوصا هي جاها الوحم عليه ومكانتش تتفارقو عليها ولفها
عند سمية لي دازت 3 ايام كحلة زحلة عليها وكل تفكيرها فصقر لي اكيد مهاتكونش هاد الخبار عليه ساهلا .. اما واحد يوري فجاسمين متتفارقش بالو وهو متايفارق البيت لي كانت فيه وفينما يدور يتخيلها جنبو وحداه وواخا محاملش يتخطبو
هو وسلمى مي معندو مايدير باغي يرضي كبريائو وييخلي جاسمين يبقا فيها الحال فاش تشوف صورهم ... عماد لي مهامو تا حد واخا كان يميل لجاسمين مي منين عرف صاحبو تايبغيها بعد منها ومرا مرا شبح شيماء تايزورو ..
وتايفوس لي استاغل غياب يوري لي واخا جا للمغرب متايمشيش للشركة .. وتيحاول انه يخسرو فكاع الصفقات لي ضاعو منها 2 وتبريرو دائما ليوري انه متيعرفش فالاعمال ....
هاد النهار نهار مختلف فاقت جاسمين شافت ليو كالس جنبها شافت فيه وهي تتبتاسم : هااااويييلي اش تتدير هنا ناري ويشوفك صقر يقطعك طراف ..
ليو ابتاسم : غير رتاحي الالة راه مكاينش قالك مشا يصايب شي حاجة فخدمتو
شيماء حلات الباب على الكلمة اللخرة هزات سندالتها وشيرات على جاسمين بيها : يااااك الحمارة وانا صافي دغيا نكرتيني نسيتيني الكلبة يالحمارة والله ماتسواي انا انمشي نقولها لصقر نقولهم لقيتهم معانقين
جاسمين بعدات من ليو وناضت عند شيماء عنقاتها : راه هو افضل صديق عندي منبعدك المغيارة
شيماء ضحكات فوجه ليو لي تيضحك على بلاهتها : شتي ههههه هاهيا .. تتقول نتا بعدي
ليو داز من حداهم هابط : شتي نتوما والله ماندي عليكم انا هابط نفطر بالكيك دعمو احمد
جاسمين خرجات عينيها وطلقات من شيماء ومشات تتطير سبقات ليو لي تيضحك عليها ..
تجمعو على طبلة الاكل وكلاو تا عمرو كريشتهم عاد تم داخل صقر لي مغوبش وماعاجبو حال .. حيت سمية تقطعلو بيها الاتصال وتاصل بلي كارد ومعارفينش فينها مشوش عليها بزاف
سلم عليهم وقاليهم بلي موعد الطيارة قرب ناضو البنات بدلو عليهم وهزو لي فاليز لي كانو موجدينهم ديجا .. وهبطو .. لقاو صقر تايدوي مع ليو .. باش يبقا يجي يطمن على عمو احمد مرا مرا
ركبو فسيارت ليو مباغيينش يديو سيارة صقر حيت معندهم فين يحطوها .. وصلو للمطار بعد نصف ساعة دخلو ووقفو مع ليو تايتوادعو
جاسمين شافت خوها مشا يدي لي فاليز وهي تعلق فليو عنقاتو مدة : هانبقاو نهدرو فسكايب عنداك تنساني
شيماء جرات جاسمين ودعو ليو ومشاو دارو الاجراءات وطلعو للطيارة شادين بلايصهم ... وهاهي تقلع الطائرة الى البلاد المغربية
خارج من البيت لي ولا ساكن فيه وحوايجو كلهم كاينين تما .. بعدما دوش ولبس داكشي كلاس .. عوال ليوم يمشي للشركات .. ويلهي راصو علاما جا ليل .. اه ليوم الثلاثاء ليوم خطبة سي يوري بلالة سلمى
شاف باه واقف تيتسناه فالدروج وقف تيتسناه .. تا داز يوري ضرب فيه ومداهاش فجيهتو ابدا .. هبط للتحت مشا للطبلة لقا دادا كالسة تفطر بدا كياكل .. بلا تا كلمة تادادا مهدرش معاها ولا تكلم
سالا فطورو وناض زاد مع الباب خارج تا كيتصدم بيها داخلا .. افاف .. وجا غادي تا وقفاتو فالطريق ..باستو فخدو مخليا العكار مطراسي فيه
ناضت من مكانها مشات لجيهت الكريمات لي جابتلها مها تتدهن وتتخيل راسها هدا عرسها بصقر ههه وتبتاسم شوية تتعاود تغبن فاش تتفكر ولد عمها
----__________
نزلو من الطيارة وهو عقلو طاير شاف فختو وشيماء كيفاش فرحانين ابتاسمليهوم ومشاو ديريكت لجيهت الطموبيل لي كانت بقات منين جا صقر لهنا .. ركبو ومشاو باتجاه دارهم
ماهي الى مدة قليلة تا دخلتو للدار مشات تتجري سلمات على مها وباها وكلسات حداهم مبتاسمة وعاجبها حالها ودور دور تبوس فيهم .. ناض صقر جر معاه شيماء ايوصلها لدارهم
خرجو وركبات قدامو مشا وصلها لدارهم وقلب الروايض غادي لمركز الشرطة .. دخل مشا ديريكت عند سفيان بلا اذن كيما ديما دخل
سفيان هز فيه عينيه : وادخلتك هي دخلتك اساط .. دق الباب وحتارمني راني كوميسير
صقر : والى بغيتي ههههه لمهم شوف انا ماجيتش عندك هنا على ود هادشي .. جيت عندك على ود سمية الباشا
سفيان : اشكون هادي عاود
صقر : فااااك لبنت لي كنت عاودتليك عليها اصاحبي بغيت عنوان دارهم راه لي كارد ديالي مافيهم نفع
سفيان : اه واخا دابا وهو يكون عندك
صقر :واسربيني الساط راه المغرب العشا علاين تودن خاصني نمشي لعندهم ..
سفيان : داااكوغ دابا وهي عندك
قادات كريماتها وحالتها .. ودخلات لالاهم صفية جارا الكوافورة من يديها .. واخا هايديرو العرس حسي مسي ولكن ماباغياش تخلي بنتها بلا والو ..
دخلات الكوافورة عند سمية تتقادليها فوجهها وشعرها لي مقادين من عند الله ملقاتش فيهم الصعوبة ابدااااا
تقادات لالة العروسة زينة البنات ليوم فرحها وخاصها تفرح براسها واخا هادشي ماباينش على سمية لي باينة من كمارتها مرغومة على هاد الزواج وماحاملاه ماقابلاه
هبطات لالة العروسة بالصلاة والسلام والزغاريد ديال حماتها المستقبلية .. لي كانت من اطيب خلق الله .. شداتليها فيديها مبتاسمة وهبطاتها كلساتها خدا لعريس سمية غير علاة عينيها شافتو وهي تشماز من راسها ..
شافت لعدول دخلو. بقات متبعاليهم العين تا كلسو حداهم وتخلو دفاترهم تايوجدو للعقد
-----------
عند صقر في نفس اللحضة داخل مع الدرب ديال سمية .. معارفش الدار وغير داخل لدرب جبهة .. شاف واحد الدري تايلعب بكورة عطليه
صقر : قولي فين جات دار الباشا عافاك
الدري شيرليه لدار كانت كلها مشعولة : راهيا اخويا. وراه عندهم العرس ليوما وماعرضوووناش واخا تديني معاك بغيت ناكل الدجاج
يوري شافيه مصدوم : عرس اشمن عرس .. عرس ديالمن
الدري : عرس ديال سمية ليوم قالك اتزوج ولد عمعا
الدري مازال مكمل كلامو كان صقر عطاها كعطة وحدا للدار وقف حدا للباب تايرد النفس .. هز يدو كايدق وكايدق بجهالة تايتمنى من ربي مايكونش تعطل
تخل الباب مضافش شكون مشا ديريكت منين جاي الصوت .. وتايسمع فالعدول تايقولو * سمية الباشا تتقبلي بالسيد سليمان الباشا زوجا لكي *
يالله جات تجاوب غللة راسها ومجات غير على صقر لي عينيه حومر وتايخرجو الشرار. وكاع الانضار توجهات ليه فاش هدر
صقر : لا متتقبلش بيه .. انا لي هانتزوج بيها
-----------------
الحديقة مزوقة باجمل الزينات .. الطبالي فكل والورد ملاوح تاعلا الارض ... كانت دادا واقفة هي والقباش تايسقبلو الضيوف وتايرحبو بيهم ... تجمع كولشي والكل حاضر تا من العروس كالسا تتضور بين الحاضرين ..
تحلات الابواب على مصرعيها ودخلات طموبيل السي يوري لي خلات الكل حاضيها وتايشوف فيها اما واحد الصحافة فمشاو تايجريو عندو ..
هبط شاف الكل داير عليع سخط بالمعقول ودار ابتسامة زائفة ودخل فيحالاتو. تيتمنى هاد الخطبة دوز على خير
دخل ومشا متوجه عند دادا وباه لي وجههوه للمنصة باش يركب هو وسلمى الخواتم
سلمى استغلت الوضع وبدات تتقربليعا والصحافة تايوثقو الحذث جا وقت الخواتم .. وسلمي اطير من الفرحة هزات الخاتم وركباتولو ومدات يديها ليه باش يركبوليا
الحضور كولهم شهقو وشافو فبعضياتهم هدا كيتسما فال نحس على العرسان بجوج .. رجعو الحضور تايشوفو فيهم وهو يباليهم القباش غادي عندهم مبتاسم
وصل ليهم وهو يشوف فيوري. وشدليه يديه. حلهاليه وحطليه الخاتم فيدو .. : هاد المرا بقا ترد البال ...
يوري ابتاسمليه فووق خاطرو ورجع شاف فسلمى لي عينيها قلوبة وغاطير من الفرحة كون صابت كون نقزات عليه ...
*واخيرا وهاهي قد تمت خطوبة السيد يوري القباش والسيدة سلمى اليووووسفي*
تصفيقات الحضور متعالية والناس جايين تايباركو فيوري لي مبتاسم غير مبزز ومحاملش الوضع تمنى كون كانت خطوبتو هو وجاسمين كانت هاتكون الاوضاع مختالفة وبدل هاد الابتسامة المزيفة هاتكون ابتسامة صافية نابعة من قلب ينبض حبا لمحبوبته
على راسو وجات فيه .. كان داخل وشاد فييديها جاي باتجاهو وحاني راصو .. حشمان منو وبزاف ... وقف حداه عاد طلع عينو شافيه .. كانو عينيه حومر .. وباينين من تعابير وجهو الندامة الشديدة
مد يديه ليه وتبسم : مبروك الخطوبة
يوري بملامح مواضحاش : الله يبارك فيك شكرا
تايفوس : نقدم ليك مرتي
وصال علاة فيه العين مصدومة كيفاش مرتي غير جات تدوي كانو عينين يوري تايتفحصوها من راصها تا لرجليها اوما براسو ليها بتحية ورجع عينو لتايفوس لي توتر
تايفوس : احمممم ممكن نهدرو شوية
يوري شاف فيه مطولا عاد زاد قدامو وتايفوس تابعو ضارو من الجيهة لوخرا جيهة البيسين وقف يوري تايشوف فتايفوس لي تايسرط ريقو وماعندو وجه يتكلم بيه
.يوري بصرامة : اش كاين دوي دغييا
تايفوس دار يديه فجياب السروال وهدر بعدما رتب افكارو : جيت نعتاذر على لي درت ولي فكرت انني نديرو .. كنت كانضن حاجة اخرى وعمرني بحث على الموضوع واستندت غير على داكشي لي سمعت .. تكون كره ليك بلا سبب .. انا كنضن كون كنت بلاصتك كون درت نفس لوجيست .. لي جيت دابا نقولك هو. نطلب المسامحة. على اي حاجة درتها
يوري شاف فيه مطولا ومد يديه لكتف تايفوس ربث عليهم : واخا هاكاك .. عندك معزة كبيرة فقلبي
تايفوس تنهد براحة وابتاسم .. عاد شاف فيوري .. : شكرا اخويا والله .. ومبروك ..
يوري تنهد بضيق : الله يبارك فيك ..
تمشاو بجوج رجعو للحفل لي كان شاخض بالمغنييين المعروفين لي جاو يحضرو لخطوبة القباش باليوسفي ولي فينما ضارو. تايلتاقطو الصور. اكثر ما يمكن
--------------------
جيهة اخرى وبالضبط فدار الباشا لي كانت اليلة ليلة بنتو .. كان ايزف بيها لولد خوه لكن القدر شاء ان حدث شيئ اخر ...
النفس تاتخرج من نيفو سخون وهو تايشوفها جنب راجل اخر بلباس العروس .. عروق. جبهتو منفوخين ووجهو حمر .. هادي هي قمة الاعصاب لي وصليها صقر ..
ماقدرش يستحمل منضر ان البنت لي دق. قلبو ليها غادي ياخدها اخر .. لي متاكد منو انه ماغاديش يوفيلها حقها ويعطيها قيمتها ...
مشا باتجاهها فات الناس كلهم لي كانورحاضرين ومخرجين فيه عينو .. قرب ليها ووقف شاف فوجهها لي يكسوه الحزن وفعينيها لي عامرين دموع
عارف ومتاكذ انها مباغاش نهائيا هاد الزوااااج عارف مشاعرها وقلبها تايميل ليه غير بوحدو غير من ليامات لي عاشها معاها ونضراتها لي تتوجههم ليه. باينين احاسيسيها
دخلها فخضنو. وتايربثليها على. ضهرها تايطمنها وتايخبرها تطمان حيث هو جنبها ابتاسمات وهي فحضنو وتاهي حضناتو .. هاد الحركة بالضبط لي اثارت. حسن الباشا لي مااارضاش قدام الحضور مشا تايجري لعندها وجبدها من حضن صقر ورجعها وراه وتقابل مع صقر مخرج فيه عينو
حسن : شكون نتا
صقر شاف فيه بتمعن وهدر مخرج عينيه : انا راجلها
هاد الحركة بالضبط لي اثارت. حسن الباشا لي مااارضاش قدام الحضور مشا تايجري لعندها وجبدها من حضن صقر ورجعها وراه وتقابل مع صقر مخرج فيه عينو
حسن : شكون نتا
صقر بقا تايشوف فيه لمدة شوية خرج تاهو عينيه ونطق بصرامة وصوة حرش : انا راجلها
الحضور كلهم خرجو عينيهم فصقر وحولوها لشيماء تا من الاب ديالها دار عندها صاعر ... : شكوووون هدا
صقر دار عندو : المهزلة هي لي هاتشوفها دابا الى ماهزيتيش طريكتك وضركتو زلافتكم مابقا عرس .. مابقا تا وزا يالله .. المرا مزوجة سالات الحفلة
العم : ايه ايه اخويا حسن نستاهلو ماجرا فينا بزز باش قنعت الولد يدي ديك الموسخة دبنتك ونتا زايدهالينا باهانة من الفوف
حسن كان غادي عندو ينزل عليه .. تا كيسبقو صقر نزل عليه بكروشي تا طيحو للارض مغمى عليه وبدا تايهضر والكشاكش هارجين من فمو : بربي يالزام** وتعاود تدوي على مرتي هاكا لمرا جايا برلي تا نشوهك وندير فيك شي مصيبة كحلة يالله دابا دور تقود منهنا ..
بعد لحضات ...
كلشي دردب بقات عير صفية وحسن لي واقفين. وسمية والعدول لي كالسين .. صقر لمح سمية دايرا يديها علي راسها تتمسدو وراسها قرب. يتفركع عليها ...مشا كلس جنبها .. جبدها لعندو وحطليها راسها على كتفو كايدوز عليها بحنان.....
خرجو من الباب ويديهم فيدين بعضهم .. فرحانين من الداخل مي حلفو لابينوها على برا .. حسن شاف فسمية لي عينيها تايشعشعو من الفرحة . تنهد تنهيدة طويلة وجرها لعندو معنقها مطولا ..
واخا شنو مادارت تتبقى بنتو وحبيبتو الوحيدة لي عندو باسها على راسها ورضى عليها بعد تردد عاد شاف فصقر : تهلا فيها ..
صقر جرها لعندو. معنقها باسها على راسها وعاد رجع شاف فيهم : بنتكم حطيتوها فيد امينة .. بنتك قيمتها كبيرة وعمرها تخصها شي حاجة ..
صفية تتشوف فبنتها : الله يرضي عليكم ..
صقر تنهد براحة وشاف فيهم شوفة اخيرة : من بعد سيمانة ايكون عرس بنتكم .. منقدش نخلي عروستي بلا عرس .. غدا انسيفطلكم طموبيل باش تجيبكم للدار باش تعرفو على مالين دار
اومالو براسهم .. وعطاهم بضهر جار معاه شيماء لي حانيا راسها والدموع نازلين من عينيها ودور دور وتشوف فمالين دارهم .. كيف ما كان الحال. وشنو ما دارو تيبقاو واليديها وكبروها ورباوها ... تنهدات وشافت. فصقر لي حليها الطموبييل ركبها وزادو
.صقر والكل خرجو فيها عينيه : لا واش. من نيتك لاكنتي اديري هاكا نهز مرتي ونمشيو فيحالاتنا
جاسيمن شداتو من يديه : الله يهديك اهاد الولد فين دايها راه غير تنضحك ..ههههه اوا ماقلتوليناش امتا لعرس
سليمة : من دابا سيمانة ابنتي ايكون عندنا لعرس هنا فالدار ...
جاسمين : اححححح ايكونننن عرس مطررررررررررطق
سليمة : ومالنا حنا ساهلين انديرو عرس دايزو لكلام
بقاو فالحديت وكلام يدي كلام .. وتا سمية حسات بالامان معاهم حساات بيهم اسرتها واخا فالاول لاحضات بلي. سليمة معاجبها حال مي. فالتالي فاش جات ودرعاتها حسات بيها تتعاملها كي بنتها .. بقاو كالسين .. تايتعرفو على بغضياتهم تا داز الوقت وتحط الغدا وناضو تغداو .. خرج كل من صقر وسمية قالك يتساراو بجوح . وتا بوجناح مشا للشركة اما سليمة فمشات لجمعياتها وكلسات جاسمين بوحدها فالدار ..
هاد الاخيرة لي حاسا بوجع خفيف علي مستوي بطنها .. دخلات معاها كل ما تشهات للبيت ديالها وسدات عليها جبدات بيسيها وبدات تتقلب وتتاكل .. تفرجات فالفيلم الاول لي كان دراما بكات مسكينة تا شبعاات زائد الحمل لي قلبليها هرموناتها وولات علي سبة
سالات وخرجات من الفيلم تتمسح دموعها .. تكات على وسادتها .. وبقات ساهيا شوية جا علي بالها ابتاسمات ابتسااامة زوينة ... ناضت كفضات ودخلات طابات سميتو .. واذا بها كطلعلها. اول صورة. . مع العنوان لي خلاوها تخرج عينيها
*خطوبة السيد يوري القباش والسيدة سلمى اليووووسفي*
قلبها تايضرب بالجهد وتاتسحس بدمها تايتدفق بسرعة كبيرة راسها ضرها وعروقاتها بداو ينزلو عينيها تايضورو فكل مكان محاولة انها تتشتت انتباها على. الصورة ولكن مع دلك كل مرة عينيها تتمشي ليها وبالضبط ليديهم لي حاملين خاتم الخطوبة ..
سدات عينيها بالم وناضت مشات ديريكت للبالكون كان غروب الشمس واليل بدا يكسو السماء . تنهدات فخاطرها .. محاملاش الوضع .. معاجبهاش الحال علاش لي ماهي تكون فبلاصة ديك بنت اليوسفي وتلبس الخاتم من الراجل لي ولات تتبغي ولي هازا طرف فكرشها منو ..
تبسمات فاش تفكرات اخر نهار. حصلاتو تايدوي معاها وكان تايقولها اكيد انحضر للخطبة ماهي الخطبة ديالي .. عرفاتو غير تايتفلا عليها .. فوق من الضرب والجرح والاعتداء الجنسي وكولشي دارولها زاد استاغل طيبوبتها
كانت ناوية تسامحو وتبدا معاه حيات جديدة غير هي وهو وولدهم لي جاي فالطريق .. دارت يديها علي كرشها وبللات شفايفها بريقها : كي غادي ندير نربيك بوحدي .. كي غادي. ندير نقولها لمالين الدار راني هازاك فكرشي .. ماعرفتش واش يتقبلوك ولا لا .. ماعرفتش واش هايتقبلك هاد العالم كونك انت ابن. غير شرعي ولا لا
بقات تتفكر لمدة فحياتها الجايا وكي هاتكون بلا بيه خصوصا هي تاكدات دابا 100 % بلي عمرو يعاود يضور جيهتها ولا يشوفها .. رجعات لبيتها. سدات البالكون ورجعات كلسات فوق السرير سدات. الباج فين كانت ومشات ديريكت دارت فيلم كوميدي .. باش ضحك عل وعسى تنسى همها. والمشاكل لي هازا
خارجين من كافي سانك ايطوال الكافي المعروفة بتصميمها الخارق ولي ماكايدخليها غير شكون وشكون فهاد البلاد .. دارت يديه فيديها شاف فيها وهي تبتاسم بتقحبين
قلب عينيه محاملش الوضع مي مبزز علي راصو . باغي ينتاقم من راصو على داكشي لي دار لجاسمين تا خلاها ومشا داك شي لي دار ليها هو وعمرو يغفر لراسو عليه حراك هي
زاد قدامها حليها الباب تا طلعات وهو مزال على تخنزيرتو الحادة . عاد قلب لبلاصتو طلع وسد الباب .. وكسيرا .. وصلها للفيلة ديالهم نزلات بعدما باستو بلابيز وقلب الروايض هو لجيهت البار
دخل شاف الدنيا مرونة كولشي تايشطح والزدحة فكل مكان تافاف وطلع جيهت البلاصة المعهودة ديالو ديال ديما الكالم والراحة .. ومكاين لي يديرونجيك
شاف فيهم كالسين دايرين رجل علي رجل مشا تلاح كلو حداهم. وغمض عينيه راصو ايتفركع عليه بقوة ما ولا تايفكر بزافف.. حل عينيه فاش سمع عماد تايهضر : امالك اصاحبي جيتي تردختي هنا مكاينا سلام فبلادكم
تايفوس بدا يضحك : اشكون هادي. اعشيري لي خلاتك فهاد الحالة ياكما بنت اليوسفي
يوري قلب عينيه يالله جا يدوي وهو يسبقو عماد : الله يهديك اشمن بنت اليوسفي ...ههه السيد طايح فبنت عمك ...
تايفوس خرج فيهم عينيه : جاسمين ...
عماد تايشيش وتايهضر. : تماما ..ههه هاديك ههه
تايفوس : وعلاش خاطب سلمى مدام تتبغي جاسمين
صوة من وراهم : حيت انا بغيت
دارو كلهم لمكان الصوة شافو فيه كان القباش لي واقف وداير سيكار ففمو .. وكيما العادة يدو فجيبو وراسو عالي تقول تا حد مافوقو .. شاف فيهم ومشا كلس حداهم .. كب لراسو كاس ويسكي وجغم تا تنشوى عاد رجع شاف فيهم : الشباب لاباس
تايفوس وعماد : الحمد لله
القباش : مزيان اوا كاين شي جديد
تايفوس وقف وشاف فيهم : اوا هادي هي اسيادي انا تعطلت على المدام
عماد باغي يلصقو عارفو مابينو وبين القباش غير الخير والاحسان : تا كلس الساط ويلي على تمشي .. يالله بدات القصارة
تايفوس : لا لا راه تعطلت عليها خاصني نمشي
القباش : اوا مافيها باس سير راك مزال هنا فالمغرب
تايفوس ابتاسم ليه : ان شاء الله انستاقر هنا ونبدا خدمتي مع يوري
القباش ابتاسم باستهزاء تايشوف فولدو لي ولا تيخيط ويفصل غير وحدو : اممم اوا لله يعاونكم
خرج تايفوس وبقا عماد ويوري لي محاملينش الكلسة مع القباش وتا القباش عارفهم وفاهمهم لكن نابغاش يتزحزح . تا شافو بلي لوقت تعطل وعاد ناض كل وااااحد كسيرااا ومشا في حالاتو
----------------------
جا نهار جديد .. الطيور تزقزق والشميشة مددفية الجو لي كان بارد نوعا ما .. كانو كلهم فوق الطبلة و تا حسن وصفية لي كانو جاو لبارح للعشا وتافقو على شغال العرس وكولشي وشدوهم باتو عندهم ..
جاسمين شافت فسمية لي كانت جنبها وعاودات شافت فصقر كي مخنزر بقات تتضحك : اوا اخويا صقر كي جاتك النعسة لبارح رتاحيتي ليا مع راسك هممم تفطحتي فناموسية هممم ماكاين لي يديرونجيك
صقر علي فيها عينيه مخنزر ووقف : خليتكم علي خير انا عندي شي خدمة هاني مشيت
سليمة : كلس اولدي. تفطر لا تديهاشاي على هاد المصيبة
جاسمين شافت فيه ورجعات لعند سمية تتهمسليها : باين فيه مسكين ايكون. طرطق فاش بتي معايا لبارح هههههه ولكن خليه غزا فيه ... عنداك يجي يبوسك وتحليلو ازيري معاه تالنهار العرس
سمية شافت فجاسمين وجرأتها فالهدرا. خجلاتها هههه وابتاسماتليها وطلعات عينيها لصقر لي كان تايششوف فيه .. وحركليها راسهو زعما تبعيني
ناضت تبعاتو شافو فيها كلهم ابتاسمو .. عاد رجعو كملو هضرتهم اما سمية فخرجات تابعاه لبرة تا كتحس براسها تجرات وتكالات مع الحيط وهو فاس معاها وانفاسو تتضرب فوجهها
داخل للشركة كيف عادتو راسو عالي وماتايشوفش فالارض كتافو مهزوزين وتايشوف غير قدامو .. طلع فالسانسور .... تحل الباب وخرج. شاف فمكتب السكريتيرة ماكايناش. غوبش ومشا جيهت بيروه كان. محلول ..... قرب ليه تا كيسمع اصوات الضحك .. دخل عليهم وهو يتصدم
يوري عقد حجبانو ودوا برزانة وصوة حرش : اش تتدير هنا
صقر ناض من بلاصتو ومشا لعندو درعوو : جيت نشوف صاحبي زعما ممنحقيش ودار عند سيكريتيرة غمزها 😜
زقاقة السادية الجزء العاشر
محتوى القصة
التنقل بين الأجزاء