يوري شاف فيها مطولا وجرها لعندو فغفلة منها جرها تا لعندو ودخل معاها فقبلة تا لحس شفايفها من داك ةلوز عاد رجع بلور شاف فيها وابتاسم : دابا مزيان دابا. شوية .. ومن بعد وهنتفاهمو على هاد اللباس انا مهنديرلكش لخمار الالة ولكن انحجبك فالدار هممم دابا فهمتي .. يالله قادي السمطة
جاسمين مزالا تحت تاثير الصدمة مسكينة شافت فيه وحركات راسها بواخا قادات سانتييير وهو يديماري يوري
بعد لحضات ....
وقفات طموبيل قدام مصحة قدها قد الخلا نزل يوري ودار عندها حليها الباب نزلو دور يدو على خصرها عجبو الحال ومبتاسم مكرهش يدخلها فيه
دخلو للمصحة يوري جرها للسانسور ركبو وكليكا علي الطابق 3 .. يالله حبس بيهم نزلو تايشوفو فبعضهم فرحانين .. شافو فالطابق لي كان كل جدرانو فيهم صور دراري صغار جاسمين غير شافتهم. سهات فيهم عاجبها حالها وتاتبتاسم تاتفكر نهار ليرغادي تولد وتشد وليداتها فيديها تتبغي تحماق
حركها يوري تا رجعات شافت فيه وضحكات غير زادو شوية وقفات عليهم ممرضة
ممرضة : موسيو يوري تفضل معايا مدام رقية تتسناكم
يوري ومالها براسو وزيد معاه. جاسمين. حلات الممرضة واحد الباب ودخلو منو بجوجهم .. كانت في استقبالهم طبيبة اقل ما يقال عنها الجمال بحد ذاته
مشاو كلسو فالكراسا لي قدامها يوري تا كلس جاسمين عاد كلس هو تايشوف فالطبيبة لي كانت ساهية فيهم وفالحب لي بينهم
يوري : شكرا راه كيما قلتلك لبارح جايين باش نطمنو على البيبي
رقية وقفات : اكيد اكيد تفضلي معايا امدام ..
ناضت جاسمين ويوري تبعو الطبيية لي داتهم لغرفة اخرى كان فيها بياص وتلفزة تكاتها على البياص حيداتليها التريكو من على خصرها دارتليها الجيل وهزات الماكينة وبدات تتدوزليها وواحد جاسمين الهر لي جاها ديك النهار عمرو جاها فحياتها بقات تضحك تضحك مابغاتش تحبس .. تا سالات الطبيبة
الطبيبة : ضخال عندك دابا
جاسمين : جوبونص شهراين
الطبيبة وقفات وزادت قدامهم وتبعوها بجوج :. لا الطفل ديالك داخل فشهر 3 .. وبانلي بلي الوزن دلبيبي تقيل
يوري؛ جاسمين خاصك ترجعي تعيشي معايا... هانتي سمعتي الطبيبة شكالت.. راه خاصك رعاية خاصة... وأنا راه غير صباح مجاوبتينيش فتيليفون بغيت نحماق... دابا من بعد لهضرة ديال الطبيبة راه نعاس ميزورنيش أجاسمين
صقر شافها بدات كتقفقف؛ كلسي بشوية عليك مكاين والو كنا غادين وعيطولي فالخدمة على شي قضية مهمة وأجلناه.... (رجع عقدهوم).. مكلتيليش شكاديري هنا امممم
يوري كان جاي مكندر جا مع الجملة لخرة ديالو هز راسو فجاسمين بانولو دموع محجرين فعينها معقلش على صقر مشا طاير عندها عنقها عندو كيدوزلها على راسها ودار مخنزر لصقر
يوري؛ إلا عندك شيحاجة كولهالي أنا متهدرش معاها هي
صقر خرج عينو فجاسمين ؛ تباركلاه عليكوم أيه أسيدي... هذا مانستاهل اجاسمين بعد لعذذاب لي دوز عليك تبيدقيني. وتخرجي معاه اجاسمين راه هذا هو لي خطفك وعذبك واش باغيااا تسطيني
يوري خرج فيه عينيه عرفو تايحرض عليه جاسمين وغير بالريط ؛ هدرتك ماشي معاها معايا زيد معايا مهنقدوش نهضرو حداها راها حاملا. اي تاثير يقدر يمشيلي ولدي
باسلها راسها وخرج سبق صقر لي غير كيتفرج فيهوم بحال شي مسرحية..... ضحك باستهزاء فوجه جاسمين وناض تبعو
يوري حس بيه موراه يلاه ضار عندو حنكو عواج.... هز راسو فيه ومسح جنب فمو منين خرجلو الدم وهز يدو كيحبس فيه
يوري؛ تهدن لمدابزا دابا معندها باش تفيدنا
صقر صاعر؛ واش كاتحماق عليا.... يلاه لبارح معيطلي.... كايلي أجي دي ختك وفاش مشيت لقيتها مليوحا فسبيطار ودابا كتكولي تهدن.... واش كانبالك زامل.... واش معييتيش من لعب لبراهش ... واش مابغيتيش تفهم هي مدارتلك والو...... ولا مقديتيش بالرجال كتستقوى على العيالات
مجا فين يسالي هضرتو تكان يوري جمع معاه
يوري؛ ماشي أنا لي كاتحيرلي فشي واحد وأنا عندي لقدرة باش نحيكوم
صقر عاود ردليه الدقة؛ داكشي باش زرعتي داك الزامل ديال صاحبك وسط منا
يوري شنق عليه؛ ماشي أنا ليخدم واحد آخر باش ينتاقم.... أنا كانتاقم بيدي... وزيدك هداك راه ولد عمك قبلتييه قبلو ماقبلتيه شغلكوم هاداك... وأنا ختك بغيتها ونتا عارف راها حاملة مني يعني فالاخير غاتكون ليا بغيتي ولا كرهتي
صقر مشانق هو وياه؛ ختي مواقفاش عليك باش تسترها.... ختي عندها خوها... عندها أنا... أنا قاد بيها هي أو ولدها..... وماتحلمش بيهوم
يوري دربو؛ ماشي أنا لي ليتخلا على حاجتو جاسمين ديالي والولد ولدي
صقر ردلو الضربة؛ ماتحلمش نخليهوملك.... نتا ماتستاهلهومش.... مغانخليكش تعاود تعيش ختي داكشي لي عاشتو
يوري ضرب رجلو مع الأرض صاعر ومشى لطونوبيلتو كسيرا صاعر لفيلا القباش عوال ليوم يفركع الرمانة ويتهنا
عند جاسمين
بعد لحضات بدات كتحل عينها بشوية مزال ممستوعبا راسها
جاسمين مخلوعة.؛يوري.... يوري
صقر كيشوف فيها من لمرايا لقدامية ودرب على لكيدون صاخط.... بدات كتحل عينيها تكتشوف صقر قدامها صاااعر.... شافت. فيه مطولا قررات تزم فمها قبل متجيبها فعضيماتها ... رجعات راسها لور وغمضات عينيها مرخية
بعد لحضات وصلو قدام فيلا بوجناح.... حلات عينيها فاش حسات بالطونوبيل وقفات... لقات راسها وصلو شافت فيه بالها باقي راكب وباينة مغيهبطش معاها..... حنات راسها بلامتهضر معاه وهبطات من الطونوبيل
صقر : تانجي ونتفاهمو. واخا
جاسمين حركاتلو راسها بواخا وعطاتو بالضهر ... دخلات لفيلا... طلعات نيشان لبيتها عيانة... دخلات نيشان تلاحت بلاصتها نعسات... باقا عيانة وكتحس بدوخة. ماعطاتش لبالها لحق في انه يفكر فشي ويل كحل هاد الساعة لي باغا هو ترتاح واخا مادارت تا مجهود ولكن حاسا براسها ايتفركع
عند يوري
.... داخل بعدما نزل من طموبيل تايرتب افكارو وتايفرقهوم وتايحاول يتخيل لافاصون باش يدوي مع باه بيها .. دخل على الباب لمحو كالس هو ودادا. فالصالون ومشا بخطوات موزونة باتجاههم
علاو فيه راسهم بجوجهم ابتاسمو اما هو غير عاقدهوم مشا كلس بدا تايحك فيدو متوتر وماعارف ما يقول ... على راسو فباه لي كان هاز كاس د اتاي ومسترسل حديثو مع دادا مامسوقينلوش .. حنحن عاد دارو شافو فيه بجوج
يوري ناض تاهو تبعو للبيرو دخل رد وراه الباب وكلس فوق الفوتوي تايشوف فباه تا قفزو : وا دوي اش واقع
يوري على فيه عينيه متردد: بغيت نفسخ الخطوبة ديالي ب سلمى
القباش : خرج فيه عينيه وناض وقف : اش تاتقول واش تتمازح معايا ولا اش
يوير مسح على راسو وناض خنزر فيه : انا ماجايش نضحك معاك الواليد ولا نتشاور معاك جيت نعلمك بقراري وسالينا ونتا كيما دبرتي هاد الخطبة هاتفسخها ونبينا عليه السلام
القباش عينيه قربو يخرجو بقوة الاعصاب مشا وقف على ولدو : واش باغي تهبلني ولا تحمقني ولا تخرجلي لعقل يا هاد الولد واش باغي تسكتلي لقلب راه ديك الشراكة اتهز شركاتنا لمستويات عالمية والى فسخنا لخطوبة مشات الشراكة
يوري شاف فيه باحتقار : ضوف كلمة وحدا قلتها وهانعاودها غير حيت نتا با اما راه متنعاودش كلامي... واسمعني وحل ودنيك ... الفلوس انا مامهتمش بيهم انا ماسوقيش فالزبل ديالك مفاهمين سير تزوجها نتا وشد لفلوس زائد هادشي الشركات مكتوبين بسميتي وداك العقد انا لي هانفسخو اليوما والخطوبة لما فسختيهاش. انا انتكلف ما تحتاجش تعذب راسك
القباش مشا كلس وتايشوف فولدو بواحد النضرة دالحزن : واش هاذا هو حزائي بعدما كبرتك وربيتك وقريتك هممم هذا هو جزائي باش تجازيني
يوري : ههههه واش من نيتك الواليد دابا كالس تمثل عليا الدور دالاب الحنون باش تستعطفني ونرجع فكلامي .. لا لا الواليد .. راني جازيتك شحال هادي فاش قتلت مرتك الخاينة .. قتلت روح بيدي وخديت ذنوب روح غير على ودك هادشي ماكفاكش .. نتا همك كلو لفلوس باغي غير تستغلني باش تربح نتا بوحدك .. عرفتي مايجيك مليح..... عندي ليك حل زوين هاهوما الشركات دياولك رجعو فسميتك دير ما بغيتي .. تا بنت اليوسفي سير خطبها نتا نيت ... ولكن انا غير قلب عليا من هاد النهار اوكي ( دار خارج)
القباش : واش هادشي كلو على ود بنت بوجناح ... هممم باغي ترجعليها سحابليك ماوصلاتنيش خبارك تتدور بيها .. باغي ترجعها وهذاك هو النهار لي عمرك تحلم بيه واخل اوليدي .. بوجناح راه عمرو يعطيك بنتو
دار عندو يوري مخنزر ومخرج فيه عينيه غير حدو قالو بوجناح عمرو يعطيهالك ركبو فيه جنون الدنيا والدين وبلا مقدمات مشا شنق عليه من الكول وبدا كايهضر والكشاكش خارجين من فمو : طريقي بعد عليها الواليد .. هليني عليك ونساني بلي ولدك عرفتي شنو نسا بلي راك والدني اوكي وماتدخلش راسك فحوايجي وهاديك البنت هاتكون مرتي بغيتي ولا كرهتي ودخل سوق راسك وكلابك قولهوم ينبحو بعيد عليا ولا هاندير فيهم لي مايدارش ودابا صافي تسالا لعب الخاوي ودابا نيت هانبينليك هانتا هاتشوف
بعد منو قاد حوايجو بعدا عاد هز تيليفونو طابا نمرة داليوسفي ودوزليه الخط تايتسنا يجاوبو
اليوسفي زرب عليه : واخا انا دابا شوية انكونو عندكم انا وبنتي نيت باش نتفاهمو على امور العرس راه حنا تعطلنا يمكن
يوري مسح على شعرو. ودار شاف فباه وحول عينو عاود : شوف اسي ليوسفي انا ماباغيش بنتك للزواج من نعار لول قلتها للواليد ولكن هو اصر .. ودابا مابقالينا لاش نزيدو فهاد التمثيلية انا مامرتاحش ليها دايرين هادشي باش تكبرو شرككاتكم وانا مالي اش دخلني فيكم من اليوم. الشركات ايوليو بسميتو هو عندي شركاتي انا وعايش بيهم بيخير .. ونتا اسي اليوسفي سير شوف لبنتك شي زوج مناسب ليها اما انا مانصلاحش ليها واخا
اليوسفي خرج عليه : انتا اش تاتقول واش سكران ولا اش احنا انجيو عندكم ونتفاهمو اوكي
يوري زفر بعصبية : اشوف اسي راه قلتها ونعاودها راه ماباغيش بنتك فهمها ماباغيهاش ماشي هي المرا لمناسبة ليا سالينا اوكي انا فسخت الخطبة دابا ونتمنا تكون عندك شوية دنفس لانتا لا بنتك وماتعاودوش. تخطيو فداري ولا تبانو قدامي ( قطع)
تنهد بارتياح ودار شاف فبها ابتاسمليه. هذا هم وانزاح عنو اما القباش فغير مخنزر ومحاملش راسو .. شاف فولدو تاعيا والحروف خرجات من فمو بلا وعيو
القباش : انا ساخط عليك من هنا تا ليوم الدين خرج عليا وماتعاودش تبان قدامي ..
يوري طلعو وهبطو. وابتاسم باستهزاء وخرج ردخ الباب وطلع لبيتو غير دخل مشا ديريكت باتجاه احد البلاكارات وبدا كايجبد الحوايج المهمة ليه تا كايحس بشي حد حدا رجليه هبط عينو شافو وابتاسم وهبط كلس قفازي وبدا تايدوز يدو على فرائو
يور سها وبدا تايدوي بصوة مسموع : رباط نتا لي بقيتيلي .. الواليد تبرا مني ... ومابقا عندي حد غيرك جاسمين. ماعرفتها واش ترجعلي ولا ماترجعليش .. ماعرفتش واش بوجناح يقبلو بيا ولا لا .. حاس بوحدا كبيرا خاس راني بوحدي وماكاين حد جنبي كتافي خواو ولاو هازين غير الريح .. بففففف ...
وقف تايكمل فجميع الاغراض ديالو تا كايسمع صوة من وراه
~: نتا ماشي بوحدك انا معاك وجنبك اوليدي
دار يوري شاف فيها تغرغرو عينيه. قربات ليه دادا حطات يديها على حنكو مسحات دمعة طاحت من عينيه بالخف .. وعلاتليه راسو تا شاف فيها
دادا : انا لي عمرني نخليك احبيبي انا ديما معاك واخا ديما هانبقا جنبك وحداك مفاهمين مابغيتكش تحس باحساس الوحدة من هنا لفوق .. وانبقا معاك تا نزوجك لجاسمين مفاهمين انا انزوجك ليها بيدي .
يوري تخشا فيها عنقها بقاو على داك الحال مدة من الزمن تا تمو خارجين بجوج يديهم فيد بعض جارين الشانطات ورباط تاهو معاهم .. شافهم القباش خنزر فيهم بجوج ورجع فحالو انا يوري فسها فالطريق لي مشا فيها باه ... وبقا تايفكر مع بالو معقول يكونو الاباء كيف هاما تايستاغلو ولادهم على قبل يرضيو حاجياتهم .. افاف واستعاد بالله وطلع فحالو. لطموبيلتو هو وجداه ورباط اللور... وكسيرااا الى فيلتو المخصصة ليه وحدوو
جاسمين : هو ماغاديش يعاود داكشي اصقر الله يهديك تفهمنا هو تايبغيني وحتا ...
صقر دار يديه على فمو وخنزر فيها بمعنى سكتي : سكتي سكتي اجاسمين واش نتي تسطيتي .. راه هذاك الانسان باغي غير يستغلك نسيتي مادار فيك ولا نفكرك اجاسمين ... ماتخلينيش نجبد لماضي الله يرحم والديك ... مابغيتش نضربك اجاسمين ولا نقول شي كلمة تجرحك بيها عافاك اختي بعدي من داك المصيبة راه غادي يعاود يدير فيك كيما شحال هادي .. هذاك راه قتال راه مو ومحنش فيها سمعي مني عاافاك اختي ( ناض عندها وكلس جنبها وعنقها ) عافاك اختي ماتخلينيش نولي نبزز عليك شي حاجة عافاك ولا نكلسك فالدار بسيف سمعي مني وبعدي منو
جاسمين علاة فيه عينيها : ولكن هو تيبغيني وهذا لي فكرشي ولدو اصقر وهو باغيه واش انا نحرمو منو ولا اش
صقر حيد عليها يديها ودارها على راصو صاعر قرب ينفاجر وقف وشافيها : شوفي كلامي مهانعاودوش جوج مرات يا غادي تبعدي منو يا اتا لي هاندير شغل يدي اختي عافاك خليني معاك مزيان
جاسمين وقفات وشافت فيه بتحدي : وهاد لولد اشهانقول لماما وبابا عليه نتا عارفهم مهايقبلوش بيه
جاسمين عطاتو بالضهر افافات ومشات لسريرها تخشات بدون ما تجاوبو اما هو فقلب عينيه وخرج سد عليها الباب وبقا مدة تايغكر واش يسد عليها لباب ولا فلخر نعل شيطان وهبط للتحت
كان الكل كالس والبنات مجنعين ومرا مرا سمية تاتشوف فالدروج تتسناه يهبط تا لمحاتو ابتاسمليها ومشا جنبها نوضها من حداهم وشاف فيهم كلهم
صقر : ليوما غادي نطلعو لتركيا بطلب من هاد الانسة كنا انمشيو لبارح مي طلعاتلي خدما ولكن ليلة راني قطعت عاود وغادي نمشيو
سليمة : الله يسهل عليكم اوليدي سير الله يديكم فالضو ويردكم فالضو
ناضو الكل مع صقر. وسمية ودعوهم وغبرو بلاما يودعو جاسمين. لي كانت متكية فسريرها وساهية. الكسدة هنا والعقل لهيه والقلب عند يوري .. معرفاتش شنو غدير ولا كيفاش تصرف .. حاسة براسها غارقة بين خوها و الراجل لي كينبض ليه قلبها .. ابتاسمات و حطات يديها على كرشها كتحسس هاد الحاجة لي رابطاهم .. تنهدات و عقلها شارد فالكلمات لي نطق خوها ..
خرجها من تفكيرها صوت التيلي لي بدا يفيبرا قدامها .. كان يوري .. بقات كتشوف فالنمرة شويا عاد جاوبات ..
صبح الصباح ... ناضت جاسمين و قدات حوايجها لبسات عليها .. طلات على التيلي لقات ميساج من يوري ..
يوري : بغيت نتلاقاو ..
جاوباتو ب "فين" .. غي شاف الميساج ديالها صونا عليها ..
يوري : صباح الخير احياتي ..
جاسمين : صباح النور احبيبي ..
يوري : نتلاقاو فالجردة لي قريبة لداركم ..
جاسمين : اوكي من دابة شي نص ساعة ..
يوري : كنتسناك ..
قطعات و مشا صاوبات حالتها .. مشطات شعرها و خلاتو مطلوق .. دارت ميكاب خفيف و ماباينش بزاف مافيها لي يتصادع معاه .. و خرجات نيشان للبلاصة فين قاليها يتلاقاو .. وصلات و لمحاتو من بعيد فالطنوبيل .. مشات نيشان و طلعات حداه .. و هي كاتشوف قدامها ..
يوري تنهد و جرها سلم عليها .. : دابا غي علاش كتقلبي ..
جاسمين : وااش انا كنقوليك صقر عمرو مغايخلينا و نتا هادشي لي هامك ..
يوري : قلتليك قاد بشغالي محدي معاك متخافي من والو ..
جاسمين : اجي نخرجو نكلسو برا شويا ..
خرج و مشا جيهتها حل ليها الباب .. شدها من يدها و جرها لواحد الكليسة .. كيتمشا فهيبتو و تخنزيرتو و هي موراه كتشوف فيديه لي شاداها مزيرة و تبتاسم لراسها .. حسات باحساس فشكل فحالا مخصهاش تخاف ولا تخلي شي حاجة توقف ضضدهم و فطريق سعادتهم ..
كلسو مقابلين للالعاب و الدراري كيلعبو .. لمحات واحد البنيتة ضغيورة كتلعب .. طلعات فواحد الارجوحة و هي كتضحك و فرحانة .... عينيهم كيبريو و هوما كيشوفو فيها و مع بالهم كيقولو تاحنا شي نهار ايولي عندهم وليد ولا بنيتة فحالها و ايفرحو بيه ولا بيها .. ولكن سرعان مكايرجعو للواقع و مشكلة بعدا انهم يصارحو العائلة و يتجمعو ..
سمعو ماماها كتعيط عليها .. جاسمين : راه ماماك كتعيط عليك تكلمي ليها ..
ناضت و مشات و هي كتدير ليها باي باي بيديها .. يوري بتاسم فاش رجعات عندو و هس باقا متبعة ليهم العين .. هو لي كان حاضر على الفيلم كامل ... لاحظ شحال حنينة و ضريفة .. عرفها اتكون ام مزيانة لولدو و هادشي زاد حفزو باش يدير على قبلها كلشي ....
بقاو تقريبا تا للعشية ... عاد رجعها لدار ووقفها بعيد شويا .. باستو على خدو و هبطات نيشان للدار .. دخلات لقاتهم كاملين جلسين ...
كلسات تتحدث معاهم .. شويا عيطات على شيماء تطلع معاها لبيت .. دخلو سدو عليهم الباب كلسو فالناموسية مربعين رجليهم .. يلاه اتجي تنطق وحدة ..
كلسو كيتعاودو و شيماء كون لقات الجوانح كون طارت بالفرحة ... حاسة براسها صافي ولات تبغييه بزااف واخاا باقي معتارفو لبعضياتهم ولكن حاسة بلي تاهو كيبغيها و مغيتخلاش عليها .. اما جاسمين فغي كاتحاول تبان ممقلقاش اما هي لي فيها معالم بيه غي لي خلقها .... كملو لعشية هاكاك تا جاهم جوع .. هبطات جاسمين كلات دغيا نقبات و طلعات لبيتها كانت عيانة .. لبسات عليها و تحشات فالناموسية و غفات للنعاس ....
دازو ليام هاكا نهار مور نهار جاسمين ويوري تايزيدو يتقربو لبعض وحبهم كايكبر .. يوري لي كايدير اي حاجة باش يعوضها علي لي فات وما تعاودش تفكرو تايعبر علي ندمو بالاهتمام ديالو ليها .. ولا تايخرجها ويديها غينما بغات خصوصا انه صقر ماكاينش يعني ماعندها لاش تخاااف ولا تدهش...
فاقت هاد الصباح بعد اسببوعين ديال الرمنسية والحب والعشق هي ويري .. ناضت مبتاسمة .. مشات ديريكت للحمام قضات حاجتها غسلات سنيناتها ووقفات حدا المرايا تتشوف فراسها كي منورة .. شافت فكريشتها بدات تتبانليها افافات وهي تتفكر هدرت يوري كل ما تجبدلو موضوع هادشي
*يوري : ماتخافيش الحل عندي انا اخبيبة *
هزات راسها فالمرايا ابتاسمات وفرحات فاش تفكرات بلي ليوم لقائهم مشات تتطير خرجات لبسات عليها كي العادة سروال دجينز وبيل وطلقات شعرها رشااات ريحتها وهبطات تادردك غير وصلات للتحت وهي يتحلو عينيها
جاسمين : اش تاتديرو هنا؟
سليمة : اويلي على اش تاتديرو هنا .. واقيلة خوك هادا ....
جاسمين : ا.. اه لا غي مع الفرحة ..
مشات بالطيرة كتسلم و تعنق فيهم و هيا فرحانة برجوعهم واخا ديكشي لي زاقع بينها و بين خوها ..
جاسمين : انا ..
صقر قاطعها : فين كنتي غادة ..
جاسمين : انا لا تا بلاصة .. كنحس براسي عيانة غنطلع نرتاح شويا ..
قطع عليها مخليها كتغلي .. محملاتش يتعصب عليها و هوما مدوزيين جوج سيمانات بيخير و مفاهميين .. تنهدات و خلات هادشي لوقت ..
دازو يوماين والعشاق ديالنا بعاد على بعضهم .. يوري لي كالس على الجمر و موحشها بزاف حابس راسو بزز .... اما لالة جاسمين شويا و غاتمشي تقوليهم اش كاين و لي بغا يوقع وقع ..
شافت التيليفون كيصوني .. كان يوري .. مسحات دموعها بالزربة و حاولات تبان عادية عاد جاوبات ..
جاسمين : الو ..
يوري : شكنتي كاديري علاش تعطلتي ..
جاسمين : لا والوو .. شنو كاين ..
يوري : شنو كاين؟ عاد كتسولي شنوو كاين .. لي كاين هوو ان هادي يوماين مشفتكش .. راه غنحمااق اجاسمين ميمكنش نبقاو هاكاا مااابقييتش انزيييييد نصبر ..
جاسمين كتبكي : يوري راه هئء هئء هئء تاناا مقادااش ولكن هئء هئء مفيدناا والوو ..
يوري : عيت من الوضع صافي ليوم غاندير حد لهادشي صافي ... بيب بيب بيب ..
جاسمين : الو الو يوري يوري جاااوبني ..
قطع عليها مخليها مرة خرا اتطرطق و معارفااش شنو متحت راسو .. خايفة لا يدير شي حاجة ماشي هي هاديك و يزدق كلشي مصروب فزيروو .. وصلات وقية الغدا .. عوطات راسها و هبطات لتحت تتغدا .. الكسدة كاينة و العقل مع يوري ..
سليمة : جاسمين جاسمييين واا بنتي ..
جاسمين فاقت من شرودها :ها ا نعام ..
سليمة :كولي ابنتي مكليتي والو ..
جاسمين : مافياش جوع اماما ..
ضارت شافت فصقر لي كان غي مخنزر .... سلاو و كلسو فالصالة كيشربو لقهوة .. سمعو الدقان .. مشات لخدامة حلات الباب .. تا كايدخل بهيبتو وبقدتو دخل شاف فيه اول واحد لي هو. لقباش .خنزر فيه ووقف مخنزر وهدر بصوتو لمزعزع
بوجناح : يوري القبااش .. اش كاادير هناياا
وكلشي دور وجهوو لفين تايشوف القباش تا كايخرجو عينيهم اما جاسمين لي كانت دايرا ليكيت وكالسة ماداياهاش فيهم ماسمعاات تا وزا منهم تا شافت شيماء لي كانت كالسة حداها وقفات عاد علاة فيها العين شافتها فين تاتشوف وهي تخرج عينيها ونفسها مابقاش منتاضم .. جسدها بدا كايترعد ... حيدات الكيت من ودنيها وبقات تتشوف فيهم وهي كولها تقفقف تا هدر باها
بوجناح دار خنزر فولدو : صقر خرج برا هادشي ونتا. زيد كلس قول ماعندك وخرج فحالك ..
تقدم بوجناح كلس ويوري تبعو كلسو فالفوطوي واحد مقابل مع واحد .. دار يدو علي رجليه متوتر لاعصى درجة على عينيه ضاف فصقر تايشوف فيه بتخنزيرة عاد دورها علي المكان قشع جاسمين بعيد عليه تتشوف فيه ووجهها صفر خنزر ورجع شاف فبوجناح لي كان كللس بحابا كالس علي الشوك
يوري : احم .. انا جيت ليوم ندوي معاك فموضوع حساس شوية .. احم ما عرفتش كي ندير نقولهالك ولكن تمنيت كون ما وقعوش بسناتنا هاد المشاكل تمنيتها بزاف كون عشنا عادي .. من اللخر اسي بوجناح انا جيت ليوم طالب راغب. فبنتك جاسمين على سنة الله ورسوله بوجناح خرج فيه عينيه ودار شاف فيهم صقر كان هايدوي وهو يوقفو باه بيدو ودار عند يوري وعلى وجهو ابتسامة سخرية
ناض بوجناح بعدما قال هاد الكلمات لي خلاو يوري يخنزر ويعقدهم ويوقف شاف فيهم كولهم كانت سليمة تتشوف فيه بواحد النضرة حنينة وجنبها سمية وصقر. .. شاف فجاسمين ولي حداها شيماء يعني ماكاين حداهم تا شي حد غريب يعني غير هوما غمض عينيه ماباقيليه تاشي حل اخر من غير هذا ... اه هادوي .. ضروري خاصو يدوي باش تولي ليه هذا هو الحل
يوري : احمم مزال مكملت هضرتي ابوجناح .. بنتك جاسمين حاملة مني ولا ماتايقتيش نمشيو دابا عند طبيب وتاكد
بوجناح لي كان عاطيه بالضهر خرج عينو ودار عندو مصدوم اما حاسمين فالبولة قربات تخرح ليها صافي عورهاليها ضافي مشات فيها يالله جا يدوي بوجناح وهي تسمع صرخة سمية .. كلشي ضار عندها كانت سليمة لي سخفاة فالارض طايحة .. بوجناح مشا طاير تبعو صقر لي هزها وطلع تايجري لبيتها كلهم مخلوعييين تابعيينهم بقاو هاكلك تا جا طبيب دكليها ابرة. وطمنهم عليها ومشااا
يوري مزال كالس فبلاصتو ماتحرك ما تزعزع تايتشناهوم غير فوقاش يهبطو ويتهنا. من هاد الزمر كولو .. قشع. صقر هابط مع الطبيب غير خرجو ورجع عندو تايطير يالله غاينزل عليه بكروشية وهو يوقفو بوجناح من وراهم
يوري ناض عندها شدها من يديها وكلسها بلاصتو شاف وجهها كي صفار وبداو. يديها تايتبسو .. هز كاس دلما وشربو ليها وبدا كايدوز يدو على شعرها تا تهدناش شوية وبدات ترجع لطبيعتها ... يوري شاف فيها وناض وقف قددام بوجناح ..
يوري : هانعاود نطلبها منك .. انا بغيت بنتك على سنة الله ورسوله .. نتمنا تقبل حست موافقتي وموافقتها قادريين باش يديرو عقد وانوليو مزوجين بيكم ولا بلا بيكم .. يعني من الاحسن تقبل حيت انا كنبغي بنتك وماهايصيبها تازحاجة وهي معايا
بوجناح شاف فيهم شاف فجاسمين كي تاترجاه بعينيها. ورجع هبط عينو تايتفكر الماضي وما حرا بخوه الوحيد لي عندو وماعندو تا حد فهاد الدنيا غيرو ... رجع شاف فصقر ومشا بالو لنهار لحادثة .. طفل صغير يملء يده بدماء اخيه ... عارف ما دار تا شي غلط وواخا هاكاك مزال معاند .. عارف كون كان بلاصتو كون دار نفس الجيست .. قرر القرار الاخير ولي لا رجعة فيه
بوجناح : وانا قبلت بيك
صقر : كيييفاش
بوجناح : كي. كتسمع نتا سكت انا لي عارف مضلاحت بنتي الله يتمم ليكم بالخير
دازو ايام و ايام و عائلة بوجناح فرحانين و مقاداهم فرحة .. سليمة غي مصبرا راسها على فراق بنتها الوحيدة و تقول مع راسها صافي المهم لقات الراجل لي يبغيها و يحميها و ميخلي حد يقيصها ... اما سي بوجناح باقي عندو صراع بين واش يعطيهالو ولا لا .. واخا هو راه تايق و عارف انه غيديرها فعينيه ولكن الخوف من انه يآديها ولا يرجع كيكان خالعو بزاف و هو كيبقا ولد القباش ..
وصل يوم العرس و كلشي مفتون و خاص كلشي يكون هو هاداك و ميخليوش الناس يدويو .. تا جاسمين كانت متوترة و فرحانة فنفس الوقت كاتحاول تعمر راسها غي بلحوايج الاجابية .. صافي هي دابا اتجمع مع الراجل لي كاتبغي و لي حاملة بولدو ..
كانت كاتبان فنة فالقفطان لي لبسوها .. اميرة صافي .. شعرها الطويلة دارولها ليه مشطة طالعة بينات ليها وجها و ملامحها .. دارولها ميكاب ثقيل حيت عروسة .. جات كتحمق و كتفتن و الابتسامة ممفارقاش وجها .. دخل يوري و بقا ساهي فيها لحظة عجباتو و زاد بغاها .. كريشتها بدات تبان ولكن ماشي بزاف الا لا حققتي ..
يوري باس يديها بجوج : جيتي كتحمقي ..
جاسمين حشمانة : شكراا تانتا ..
خرجو و يديهم فيد بعضياتهم تحت الزغاريت و الاغاني مطلوقين مجهدين .. كلشي فرحان ليهم و الورد كيتلاوح من جيهة لجيهة .... سليمة كتشوف فكبيدتها و حابسة الدموع باش متخليهاش تبكي تاهي ..
هبطو لتحت و كلسو فبلاصتهم و الدنيا عامرة .. كلشي كيصور و شي جاي يتصور معاهم بدات تبدل القفاطن كل شويا و تاهو .. دازت ليلة دايزها الكلام .. تا جا وقت الكسوة البيضة لبساتها و هبطو مرة خرا يدهم فيد بعضياتهم .. قطعو الكيك و الناس دايرا بيهم و الزغارت .. شطحو شويا على موسيقى هادئة .. مع ديك 6 د الصباح كان جا وقت يساليو ..
مكايتسمع غا لبكا و التنخصيص ديالهم .. كلشي كيبكي خصوصا سليمة لي مابقاتش قادرة تصبر .. كتعنق فيها و تقول شي معنقت و شي مابست و شي مابكيت ... اما جاسمين و مع الحمالة جاتها من الجنة و الناس .. بكات و تقول شي مبكيت تاهيا .. و يوري حاضيها و مقادرش يقوليها صافي براكة ..
صقر : واا صافي راها غا تزوجات ماشي غادا تجاهد ..
سليمة كتبكي : واا سكت نتا سكت اش غتفهم ..
صقر مخنزر فيوري : هاهو ساكت ..
ضحكو وسط دموعهم و مشات عنقات باها ..
جاسمين : بابا هئء هئء هئء هييييييء ..
بوجناح كيعنقها و يسكتها : واا صافي ابنتي براكة عليك من لبكا .. (دار كيشوف فيوري) تهلا فيها ايوري بنتي امانة عندك ..
يوري : متحتاجش توصيني .. جاسمين انديرها فعيني ..
بتاسمات فاش سمعات هضرتو .. خرجو برا القاعة و جا وقت تلوح الورد .. حسبو حد 3 و لاحتو .. مكاتشدوو غي شيماء ..
شيماء : يااااااااااااااي .. (كتشير و تلعب بيه)
ضار كلشي كيضحك و يبتاسم ليها .. شويا تا كاتحس بالدنيا كترجع لور و الناس مدورين بيها .. دخل فوسطهم ووقف مقابل معاها ..
من مور اليلة التاريخية فحياتهم ولي هي ليلة زواجهم دازو ايام وايام وفهاد ليام كل ما جاسمين دور تلققاها تتشهى ولا تتوحم على يوري لي مسكين دار معاها مسكين كثر من خاطروو . دازت ربع شهور وقررو مايعرفووش الجنس دلبيبي ويخليوها تا لنهار لولادة ... كانت حبالة عادية حيت جاسمين ولات مرتاحة ومامخصصها يوري من والوور
بعد مرور 7 اشهر ...
غادية جاية فلبيت... كتاكل فضفارها... وكريشتها سابقاها... والغلظ بان عليها بسباب لحمل... خصوصا وأنها كثرات لحلاوة فهاذ الشهور ولات بيديزة... وغير دور وتبكي... وتاكل. الهرمونات خربقوهااا... لابسة كسوة قصيرة خاسة بلحوامل... وضافرة شعرها لولا خفيف مع لحمل
وناضات بشوية خارجة من لبيت من بعد ملاحت عليها كاب طويل مغطيها من لقدام ولوور
عند يوري لي غير قطع معاها لغى گاع مواعيدو وناض خرج هز سيارتو وكسيرا بتجاه دارو...
مسافة الطريق كان عندها... دخل كيقلب عليها بعينه... حتى كيجيو عليها وهي گالسة فكنابي دصالون مفرقة رجليها وحاطة.. بيناتهم قرعة ديال نوتيلا... كبيرة... وكتهز منها بالمعلقة وتخشي فوجها
تبسم من منظرها وقرب ليها هزات راسها فيه ولمعلقة ففمها...
بقا طالع معاها حتى لبيت غير حطها مشا يبدل تجليخة لجلخاتوو.. وهي تحس بضو شحطها مرة اخرا تالمات فصمت مبغاش تخلعو...
حتى حسات بلوجع.. رجع مي هاذ لمرة قوي...
جاسمين:يوري عتقنييي
خرج كيجري صدرو عريان..
يوري كيتفحصها بعينيه وعلامات لخوف ترسمات على وجهو
يوري:نتي بخير...
هزات راسها بلا
جاسمين:لوجع والحريق عيط لماما
يوري:ولاكين باقي لوقت على لي قالت لينا الطبيبة...
يلاه غتهظر وهي تسمع بق... وشي حاجة سخونة هبطات معاها خلاتها تقفز... وتغوت ملي تشد عليها... الحريق...
فالطريق كانت لور كتوجع وهوا كيسوق ومرة مرة يطل عليها.. وتيلي فيدوو
يوري:اه هبط منها لما اه.... واخا هاحنا سابقينكم
جاسمين:ماما بغييت ماما
يوري:هاهي جاية تنفسي مزيان... قربنا نوصلوو
مسافة الطريق لمكانتش طويلة... ووقف قدام لكلينيك لفيه الطبيبة ديالها... ولي كان علمهم فالطريق لقاهم ملقين ليه الطبيبة و الممرضات... ومعاهم كرسي متحرك عاونها تنزل ....گلسات على لكرسي ودخل دافعها وهي كتغوت الحريق زادها... الطبية كتقول للممرضات شنو خاصهم يديرو
الطبيبة:عبري الضغط... وحتى.. نسبة السكر... فالدم... ووجدي غرفة الولادة...
دخلوها ويوري بغا يدخل... غير منعاتو... الطبيبة...
الطبيبة:كولشي غيكون بخير
غير دخلات عندها قلبات لوالدة... لقاتها محلولة...
بدأت فولادتها... جاسمين كتغوت حتى كيتسمع صوتها برا... يوري مسكين كيتحرق معاها فكل غوتة خايف عليها وعلى وليداتوو...
كان غادي جاي حتى لمح العائلة وصلو حتى هوما...
بداو كيهدنو فيه... دقايق من التوتر والقلق... حتى... تسمع صوت لمولود الأول..
يوري بتاسم قلبو غيطيح من لفرحة...
عند جاسمين...
غير ولدات... لول... لواوه فازار طيبي وحطوه ليها فوق صدرها العاري
بدأت كتشوف فيه وتبتاسم...
مكذبوش فاش قالو تشوفي عوينات وتنساي وجيعاتو... فهاذ لحظة نسات المها... وهي غارقة فملامحو صغيرة لمكشرة... وباغي يبكي... موعات الا على زحمة... الثانية ة زيرااات... وقوات راسها... حتى تسمع الصوت...
عاد رجعات راسها لوور... بارتياح...
برا الكل كيحمد لله ويوري مقداه فرحة خصوصا فاش سمع الغوتة للمرة الثانية عرفهم توينز فرحان وماكرهش يطير لعندهومم .. مافاق من سهوتو غير على تهاني العائلة لي كانو كلهم فرحانينليهم
تحل باب لبلوك وخرجات الممرضة جارا كريريسات التويينز وموراهم جاسمين لي كانت غايبة عن الوعي .. دخلوها للغرفة المخصصة ليها. هزوها وحطوها فوق السرير وحطو. حداها التوينز ... غير خرجو دخلات العائلة كلها تكبات على الغرفة
مشا يوري باتجاه التوأم هزهم باسهم وتمعن فيهم عاد مشا بدا كيأذن ليهم فودنيهم حط واحد وهز لاخر داكشي لي دار معاه عاد رجع بلور ومشا باتجاه جاسمين لي بدات تتحل عينيها .. حلاتها حلاتها على يوري لي كايدوزليها على راسها شافت فالكل كانو مزالين فالغرفة .. هنؤوها وبقاو معاها شوية وخرجو خلاوها هي ويوري الراص فالراص
جاسمين حركاتليه راسها بواخا ورجعات ساهيا فيهم ودور دور تضحك وترجع تشووف فيوري لي ايحماق تايحس براسو فوق الكل .. فوق كولشي ..
بعد اسبوع ....
هاد الاسبوع لي كان كلو فرحة وبهجة على عائلة بوجناح وكذلك تا على يوري وجاسمين لي فرحتهم لا توصف فرحة كبيرة ومكتوصفش ربي رزقهم بتوام كانت عندهم شي حاجة كبيرة ولي عمرهم تخيلوها .. هاذي أكبر فرحة... لخلات علاقتهم تزيد توطد...
سي يوري تايدير لجاسمين كي لما لقليل وديك التخنزيرة لي كانت لاصقا فيه ديما ولات بلاصتها ابتسامة بشوشة لا تفارق وجهه ..
خلا الشركات والأعمال لعماد لي تكلف بيهم وهو بقا مقابل غير لالة جاسمين لي خرجات من السبيطار .. فاليوم الثالث وجابها للفيلا لي كانت كلها مزوقة فرح بيها وقاد بيت الطفلين لي كان هو لي كايسهر عليهم وكايخليها هي ترتاح
ليوم نهار كبير و يوم معروف لدى الكل .. ليوم هو يوم حفلة العقيقة ديال ولاد يوري القباش لي مقاداه فرحة وغير غادي ويزلع فلفلوس ويصدق ويفرق فيهم.. هاذ ل وليدات لبجلو فيه بزاف... وخلاوه يولي شخص آخر..
كانت الجردة المليئة بالبالونات الزرقاء وكذا الزهور الزرقاء مالية المكان .. وفواحد القنت مجمعين العائلة والناس كان يوري لابس غير سوفيطمة سميطات وشورط وهاز بين يديه جنوية ماضية
قشع لي كارد جايبين. الحولي لي كان قدو قد الخلا من البعيد بتاسم وشاف فصقر لي تاهو فرحان .. كيف لا وهو واخا مكانش قابل .. كان كايشوف ختو كي تايعاملها يوري وكيف مفششها وتما تاكد بلي بصح ندم علي لي دار .. وغادي يفرح ختو مستقبلا
وصل الحولي وتكاوه وسي يوري جبد ديك الجنوية .. بدا كيدعي في خاطرو قال سميت التوأم بصوت عالي وهو فرحان
يوري :جلال
بعد كلامو دوز على الحولي لي فلبلاصة مات ماهو السيد مولف بالفرادا والجناوا ههه تلاتها تزغريتات دادا وسليمة وشيماء لي كانت لابسالك قفيطين وكالسة تصور وفينما دور تلقا عماد تايشوف فيها ومانساوش كذلك. لالة وصال لي جاوها هاد العادات فشكل ومع ذلك عاجبها الحال واخا تاهي مثقلة مي قاليها طبيب مزالك شي سيمانة وتولدي ...
هزو عينيهم كاملين شافو تا لالة جاسمين لي كانت واقفا بعيدا تتشوف فيهم حيت تتخاف من الدم ووراها 2 ممرضات هازين التوينز وراها ..
يوري دور راسو شاف الحولي الثاني جا ابتاسم. وعاود غمز جاسمين لي عينيها مغرغرين بالدموع وهبط عاوتاني دعا فخاطرو وقال الاسم الثاني ديال ولدو
يوري : جليل .....
ودوز بالموس للمرة الثانية وتلاتها زغروتات الكل .. كلشي فرحان ومبهج عاجبهوم الحال .. بعدها الكل تفرق وكلا فين صد ..
المساء ....
الجردة عامرا بالناس لي جايين خصيصا لحضور العقيقة ديال ولاد يوري كلشي معجب من الديكور لي كان طفولي مي واااعر بالزاف ..
نزل يوري لي كان لابس كوستيم نواغ وساعة فيدو وراش من عطرو المفضل هادشي كلو من اصرار جاسمين لي حلفاتلو تا يتقاد تاهو ...
تلاقاتو تبتاسملو .. وصلات للبيت ديال ولادها . خلاتو ودخلات مشات للسرير دارت بعينيها على البيت مالقاتش الممرضة لي تما ما دات ماجابت مشات باتجاه السريرين ديال دراري تا كتفاجأ لقات غير واحد . بقات تتدور بجنابها ولخوف بدا يركبها وشي حاجة ماهياش بدات تتحس بيها ..
الدورة لي غادور خرحات عينيها ومشات تتجري. شافت الممرضة طايحة فالارض بدات كضربها على. وجهها والو حلفات لا ناضت .. بقات تتشوف فالغرفة مثوثرة مالقات قدامها غير حل واحد . مشات هزات البيبي فيديها وهبطات تتجري .. وصلات لنص طريق حسات بتيليفونها تايزنزن .. الفضول جاها. جبدات تيلي لقات. تمرة غريبة مصونيالها .. دارت التيلي بتردد على ودنيها. ومع الهدرة مع وسعات عينيها
مع سالا كلامو بقات مفيكسية عينيها فقنت واحد ويديها بداو كايترعدو تا رخات من البيبي لي كانت هازا وجا طايح علي الارض وتسمععععات زواكتو فالارجاء
النهاية
هنا غاتكون سالات قصتنا نهاية قصتي لحبيبة لي كتبتها بكل حب وعشق وكنت فرحانة وانا تنكتبها فعلا انا كنت مرتاحة فيها وحطيت فيها كل ماعندي وراضية عليها من كاع الجوانب
رحلتنا سالات مع قصة يوري وجاسمين
.. وبليز مادعيوش فيااا علي هاد النهاية😂😂 راه غا بغييت نخليكم متشوقين وصافيي
إشعار
لحد الآن ماكاينش فصل ثاني للقصة وللأسف إحتمالية كبيرة ماغاديش يكون.
زقاقة السادية الجزء 13 والأخير
محتوى القصة
التنقل بين الأجزاء