عذراء ساقطة الجزء 24

2020

محتوى القصة

رواية عذراء ساقطة

_سايرا :المعنى؟ 

_أويس (شاف فيها وابتاسم ابتسامة جانبية وطوووول فيها الشوفة )؛ المعنى أن الكذوب حبلو قصير وعقابو كبير 

بقات كتشوف فعينيه لكيتسناوها تقول شس حاجة وهي كذلك كتحاول تحلل شوفتو وتتقول مع بالها واش كيعني داكشي لكتفكر فيه وفنفس الوقت كتنفي وتتقول لا محال.. فالاخير اختارت انها تبتاسم ليه ابتسامة خفيفة وتكات رأسها كتشوف من السرجم فالغيوم...تنهد وخلاها على راحتها وهو من هاد الحركات كاملين كتزيد غير تدخلو شك على شك

بعد فترة

حطات الطائرة في مطار "بالي العالمي" "ngurah rai internationale" 
اندووونيسيا.. جزيرة بالي.. نزل من طائرتو الخاصة وهي كدور راسها من هنا لهنا مبتاسمة ومعارفاش تافين هي

_أويس (شد ايدها) :مرحبا بك فأجمل وجهة عالمية بالي

_سايرا (شافت فيه بحالا متتيقاش هي فاندونيسيا وفين فبالي) :بلات بلاااتي بلاتي واش قلتي بالي.. يعني بالي بالي جزيرة بالي

_أويس (مبتاسم) :يالله طونوبيل كتسنانا

بدات كدور وهي فبلاصتها كتحاول تأكد من كلامو.. مشات كتجري سابقاه تابانو ليها موظفات الاستقبال تيقولو مرحبا بكم في وجهتكم جزيرة بالي ".. تلافتت فمها مشرع وهن خارج من داك لمطار لكبير جار من وراه لافاليز.. بدات كتغوت وهي كتجري غادا عندو خلات بزاف الناس يتلافتو ليها... ابتاسم ووقف حتا تلاحت فصدرو مرجعاه خطوات لور بوزنها وسرعتها

_سايرا : يااريي منكونش كنحلم ياااربي منكوونش كنحلم.. فين كنتي هاعارت الله فين كنتي

_أويس (مبادلها العناق) :كنتسناك
_سايرا (بعدات منو ببطء وشافت فيه لمعة عينيها كتبوح بكلشي وهمست ) :شكرا
_أويس (هز ايدها وباسها) :منسمعهاش مرة أخرى

جرها من ايدها وليد لااخرة جر لافاليز وخرجو متاجهين لسيارتو ليلقاها كتسناه كيف العادة قدامها احد رجالو.. عطاه الوراق واشنو غيخصو ومشا مخليهم تاهوما يمشيو لأحد أجمل الوجهات فالجزيرة

الطريق كاملة وهي تضحك وتصور من ورا الزاج لمحلول فالطريق الخضرا.. حتا دخلات لبحال المنتجع وفرانا السيارة بدات كدور كاملة.. حلات لباب وهي حالة فمها.. وكيفاش مغتعرفوش وهو اشهر المنتجعات في العالم.. غير من اللمحة لولة عرفاتو.. ضربتها اللقوة وتلافتت عندو بينما هو كيطل عليها وحاط ايدو على لافاليز كيتسناها تخرج من صدمتها باش يدخلو

_سايرا(بكلمات ثقاال كأنها فصدمة) :واش هدا منتجع كماندالو اوبود
_أويس (هز راسو باه) :الصمت
_سايرا :واش كضحك عليا.. هادا راه راه افف راه واو عرفتي لا معرفتيش هادا راه.. اه هاداك.. هادا 

غير كتعبر بيدها وكتشوف فيه باغا تقول شي حاجة وهي متتقول والو... حتا جملة مفيدة مسمعها من عندها بقا غير واقف كيضحك و عاجبو لحال لفرحتها 

_أويس : الا بقينا هاكا غنباتو فالعتبة

جرها من ايدها وهي مجروورة غالگنازة اما العقل باقي مصدوم.. عينيها مفتوحين على اخرهم وهي كتشوف ديك الطبقات والاوطيل لكبير ديك الشجر بزاف ليمداخل فبعضو ولبيسين لميزين كل طبقة.. وبيسين كبر من لاخر.. طلعو من دروج كبار مزينين بالشمع الكببير لفيه الريحة.. حتا وصلو رسيبسيو العام ديال المنتجع.. عطا اسمو وجات احد الموظفات باش توصلهم لفيلا الخاصة بيهم"

"منتجع كماندالو اوبود لمكيعرفوش هو وسط مدينة اوبود فجزيرة بالي... كيتعتابر اكبر المنتجعات فاندنيسيا والعالم... فيه اوطيل خمس نجوم وديور من الخشب او بما تسمى مرافق كبار الشخصيات.. حقول الارز ديرا بيه من كل بلاصة مع شلال وكل جناح او فيلا فيها بيسين خاص بيها على حجمو.. ريسطو وكازينو ومطعم فايف ستار خاص بيهم... مع مراكز الصونا واليوگا والماساج.. مع عدة انشطة بحال ركوب الذراجات للأزواج.. تعليم الطبخ.. حلقة ثقافية.. سهرات العشاء بكل انماطها... كين بار مسبح كبير.. وكين مسبح عادي ومسبح بما مالح وبيسين بدون انتهاء.. عاد شلا ميدار"( اشهار وصافي 😐) 

دخلات لفيلتها المنعازلة وليكان فيها جوج ليبيسين واحد فوق واحد فواحد الشكل انسيابي.. كانت دير بيها الشجر من كل قنت كتحس بالعزلة والراحة كأنك غاابحدك لفدنيا.. داخلة كدور عينيها على لبيوت المفتوحين لكبار وديكوراسيو الهادئة.. خرجات وقفات فحافة لبيسين لفوقاني.. كين واحد لبالكو ملاصق لبيسين ليتحت منو.. كيطل على إطلالة المنتجع عاد سرير خاص بيهم معلق وسط الشجر وعالي على الأرض وسط ديك كثرة الاغصان لينازلة عليهم بوراقها الخضرين والكبار

_أويس (عنقها من لور وهمس) :عجبك 
_سايرا :اه ولكن.. 
_أويس : أشنو ياكما معجبكش هنا... راه نقدرر نبذلوه لبيت آخر ولا لفيلا آخرة 
_سايرا (تلافتت عندو ببطء وشافت فعينيه) :لا غير بدأت كتعجبني حاجة خرى كثر من هاد السفريات



_أويس (سرد شفايفو مبتاسم وقلبو كيرفرف فالسما عالي.. حط ايدو ورا عنقها وجرها باس ليها جبهتها) :الصمت 

دخلو حطو امتعتهم وتكاو بجوج باش ينعسو ديك العشية يرتاحو من عيا الطريق والسفر الطويل 

ناضت كتشبح بشوييييش عليها... الليل لاح ستارو والغرفة الكبيرة ديالهم المفتوحة بالشموع مضوية.. لقاتو متكي على كرسي وشاد بين صباعو روايتو لكان معلمها "أماريتا" شاف فيها وابتاسم وهي كتشبح 

_أويس: مسا الخير 
_سايرا(حطا ايدها على راسها وكضحك) :غرقت ماشي نعست
_أويس : كنت غنفيقك اصلا
_سايرا :هاه؟ 
_أويس(شاف فمگانتو) : باقا نصف ساعة.. انا غنلبس ونتسناك برا.. دخلي لدوش اتلقاي شي حاجة كتسناك

بقات غير كتشوف فيه زرب عليها.. ناض هو لغرفة آخرة ولبس عليه رسمي..وجلس كيتسناها تهبط عندو..دخلات لدوش غسلات وجهها باش تصحصح وبدات كتقلب لقات واحد لبواط كبيرة.. حلاتها لقات غوب سايرن بالدهبي الفاتح.. كتبان بحال شي قطعة جوهرية. هزاتها وهي حالا فمها.. كانت بواطا آخرة معاها فيها سندالة طالون بدهبي مع سمطة رقيقة فيتة الكعبة بملمترات.. مرصعة بحجر أصيل.. هزاتها هي التالية بحالا ضربها الضو وهي كدور فيهم وتشوف مدهشرة..كون مقفزهها لميساج ليوصل ليها كون راه مزال مستوهة.. هزات هاتفها لقات نمرتو "متعطليش كنتستاك" ضحكات وبدات كتلوح فشراوطها وايدها خدامة فگاع القنات.. كتحك سنانها وكتدهن لحمها وكتعطر طوابگها وفرجها بديبخودوي خاصين.. لبساتها ولبسات سندالة معاها... بوكلات شعرها بوكل خفيف مع ميكاب ليلي.. كانت بحال شي حورية فالذهبي.. الظهر تقريبا كلو عريان حتا لاسفل مع تنايا مدليين منها والصدر مفتوح.. جات مشدودة من للخصر مبينة ترمتها ولبهونش ماشية مكروزة حتا لركبة عاد طلقات على شكل دائرة.. كانت حورية وصافي.. تبسمات وهي كتشوف راسها رشات من عطرها الهادئ بحالها وهبطات 

كان واقف مرة مرة كيشوف فلمگانة كان عارف غيعجبها لحال لانها كيعجبوها هاد الكساوي المعريين والعصريين.. كينتنهد ووهو كيشوف راها فاتت نص ساعة لهيه.. بدا كيسمع طرقات طالوونها على الدروج..هز راسو بطريقة بطييئة مطلع نظرو من لتحت وهو غادي والابتسامة كتفرز.. حتا وصل لوجهها.. بقا فييييكس كيشوف وهي كدلك كتشوووف فيه مبتاسمة كان كرجل نبيل كفارس مغوار فديك اللبسة 
الرسمية.. ليكانت عبارة على 3 القطع... قميجة بيضة
وقطعة وسطية لتتسمى بالصدرة فلكحل عاد لافيست فوقها فالاسود كذلك.. بابيون فعنقو وبونطالو فالاسود..خصلات شعرو الفحمية نازلين على جبهتو من الجنب... لحيتو السودا ليطراساها زادتو جمالية على جماية.. كان أكككثر من جداب بحال شي عريس فليلة فرحو وأكثر.. جاو عرسان فليلتهم الغجرية 

_اويس (شد ايدها قبل من الدرجة الأخيرة بنبل وباسها) : جيتي زوينة 
_سايرا (نزلات رأسها مبتاسمة) :حتا نت

دور ايدها على دراعو و وتحرك.. طريق الخشبية ليغابرة وسط داك الشجر والورد كانت كلها دروج عراض فشكل جميل مزينة بالورد ولكن ريحتهم المخلطة كانت أقوى..وصلو لطبلة العشاء ليكانت واجدة مسبقا باش ميجي حتا حد يصدعهم.. كانت فبلاصة عالية بحال لاطيغاس بالخشب... جر ليها لكرسي وجر حتا هو كرسيه مقابل معاها.. هز الغطاء على عاشاهم الرمنسي وبداو كياكلو فهدوء وهوما ساكتين فقط كل واحد كيشوف فلاخر مبتاسم ولا كلمة.. كانو محتاجين غير لديك الشوفة الهادئة لمطولة.. خصوصا هو كلما هزات راسها كيشوف فعينيها ويبتاسم.. مخليها تحس كأنها هي لكينة فهاد الدنيا... هي سونطر ديموند ديالو..سالاو وحطو لفراشط دقة وحدة. 

_أويس (بهدوء وقف ومد ايدو) : واش تقبلي ضوي سمايا برقصتك

حسات بوجها غير مكيزيد يحمار... غير صمتو كيحشمها اما كلامو خلاص.. مدات ايدها وهي حشمانة ومبتاسمة فنفس الوقت.. جرها كيتميالو على اغنية 
Perfect 
كانت اغنية راقصة هادئة ورومنسية جات مع الاجواء حتا كلماتها كيعاونو على الحب... شادها من خصرها كيتمايلو وعينيه على عينيها.. أما هي مرة مرة تتهبط راسها حشمانة.. بحركة سريعة دورها ودور ايدو فوق كرشها.. خشا راسو وسط عنقها كيشم فريحتو مطاااول وعاود هزو لودنها

_أويس :سايرا 
_سايرا(بهمس) :أويس 
_أويس :ماباغا تقولي ليا والو اسايرا


الدم كامل تدفق لوجهها يلك بغات غير تهضر وتوقف الموقف قبل ميزبلها سيهم ياسين الاكس ديالها حتا دخل جاد

_جاد : لا غاجيت نشوف لبنت ليمعاك الا معندك حتا مانع

_ياسين (ابتاسم ليه) :الدرية ديالي هادي ألعشير

حسات بالررررعد ضرب ووقفات مخرجة عينيها فيه...حتا شاف فيها ياسين

_ياسين :ريحي اجيلان نشوفو بلان هاد خونا مالو

من الشمتة لحس بيها اكتافا انه يهبط راسو مبتاسم.. هز ايدو كيدوز صبعو الابهام على حاجبو وهو مبتااااسم ابتسامة شمتة

_جاد :اااه الدرية ديالك

_ياسين: ويالله قلب الدورة

_جيلان :لا أ أ لا جاد شوف راه

الدري كيشوفها كيفاش كترعد وكتعرفو وهو يوقف باش يشرح ليه.. عاد عرف راسو اش دار

_ياسين:واش...

قبل ميكمل هضرتو شنق عليه وضربو بكروشي حتا رععف... هزو ضربو مع الطبلة وبدا كيدخل ليه مخلي الشعب المغربي كامل نايض هالي خرج هالي جا يفك وهي تترعد وتتجر فيهم... كيبان ليها السيد خرج على طوعو وولا بحال شي حيوان جاااعر ومواكلش شحال.. كان بحال شي ديناصور بديك لفورمة الضخمة والعصبية ليزادت عليها.. عاود هزو وهو كيحاول يطاطي بيديه غاعلى وجهو وعاود ردخو مع الطبلة ديالهم تاتقسمات مهرسة كلها زاج وهوما وسطها.. كيضرب ويعاود كيضرب وفمووووو مسااااكتش من تخصار الهضرة

_جاد :الدرية ديالك أولد القحـ..بة هاه الدرية ديالك.. ياك

ايديه مزاگينش وفمو كدلك..كيسب ويضرب.. أما هي فتسطوكاات واقفة بعيدة مخرجة عينيها والناس كتغاوت كيبان ليهم كيموت بين ايديه... مجروه سيكيغيتي عليه غاابزز حتا تجمعو لعرارم

كانت عارفا يقدر يقتلها وهو فديك الحالة ففضلات الانسحاب بكل ود دابا تتهدى القضية على الأقل.... تلافت مبانتش ليه.. خرج بحال شي ثور عينيه معمين وصدرو من التننفس السريع كيطلع وينزل.. كلووووو كيترعد وايديه عاامرين دم.. كيدور راسو من قنت لقنت ملقااهاش.. خرج خدا سيارتو مخنزر

_جاد : انا غنوري لزامـ..ل بوك ألقحببـببة

غادي طااااير بسيارتو منوض العجاج... معارفش فين غادي المهم غير يدير شي حاجة يبرد بيها ولا غيصدق قاتل شي حد او قاتل راسو 

فالليل

Mövenpick فأحد اوطيلات مراكش الفخمة بالظبط في 
غادا فاحد الغرف جايا متوترة كتفرك فصباعها ليعرقانين من الخوف

_جيلان:غيكون تهدن واقلة صافي غير نعيط نشوفو..لا لا مووحال.. الله ياسيدي ربي صافي غير نجرب

هزات هاتفها المرمي فوق السرير وهي كتشد على شعرها بيد وليد لخرة كتقلب على اسمو فليكونطاك.. الهاتف طاح من ايدها وهي قفزات شاهقة إثر داك الدقان ليكتسمعو فلباب

_جيلان :افف شكون.. الله ياربي قفزوني

مشات بخطوات سراع تحل لباب وعينيها مزال على الهاتف.. حلات لباب وقبل متهز عينيها تشوف شنو بغاو.. حتا تهزات من بلاصتها 

_جاد(جرها من شعرها حتت طاح تيل لرض وهي غوتات.. دخلها مقربها ناتفها من راسها بقوووة وعينييه حومر) :شماتة انا ألقـ.حبـة ياك.. واخا انا غنعاود زامــ. ل بوك فالترابي

ضربها معاها بطرشة وحدة قبل تحل فمها خلاها طيح على طولتها فالارض راعفة


عاود وصل لسور ملقاش الضو مضوية ليه بدا كيفسفس ليها والو ومكينش كيفاش يحط رجلو ويطلع الا مضواتش ليه على الاقل..هز نفسو معصب ومشا كيقلب حتا لقا لباب خرج منو وتلافت على يمينو لقاها متكية على الحيط وشادا هاتفو كتلعب فيه كتلبس فلمونيكات وكضحك... معرف يتعصب معرف يضحك على راسو ولا عليها مبقا عارف ميدير معاها

_يحيى (وقف عليها) :قدامي

_مريم(علات راسها شافتو هاز حولي وضحكات تابانت ضرستها) ؛ لهلا يخطيك عليا ازماني

بحال شي قطرة ديال الما هي فوق الجمرة.. كلمة منها.. دمعة.. حركة.. التفاتة كتخلي عافيتو باقي منها فقط الرماد

_يحيى :زيذي زيذي قدامي

_مريم :وغاحطو غيعذبك.. خليه يتمشا معانا راه معنكش مسيكين

_يحيى :مريم
_مريم :واخا صافي صافي انا غنزيد

زادت قدامو وهو وراها هاز الخروف ليشافر على كتافو.. وهي غادا وتلافت كتشوف فالحولي وترجع تشوف فيحيى وكضحك.. مرة مرة كطبطب على الحولي وهو باقي صابر ليها ولضحكها.. دخلو لدار وطلعو نيشان لسطح

_يحيى (حطو وقف شاف فيها مخنزر) :بقاي معاه هنا انا جاي
_مريم :كون هاني

هبط هو لتحت يجيب داكشي لغيخصو لدبيحة وطلع لقاها كتهضر معاه وتسيلفا بحال لبراهش نهار العيد

_مريم :ياربي شحال زوين .. كون غاخلاك لينا يحيى نربيوك

خنزر فيها جرها وجرو هو ربط ليه رجليه لخلفيين وهي كتشوف فيه شحال محضرت لدبيحة

_مريم : يحيى غدبحو
_يحيى :الصمت
_مريم :يحيى يحيى
_يحيى (هز راسو كيشوفها مخرجة عينيها) :عنداك رجليه متنيين مسيكين

خنزر فيها وعاود هبط راسو كيقاد فالوضعية باش يدبحو.. كيحاول يتبتو على الارض

_مريم : عنداك ايحيى عنداااك
_يحيى (عاود هز نفسو وهز راسو فيها مخنزر) :الصمت
_مريم : شوف داك الشقاف ديال لگلة لمهرسة قراب ليه غيتجرح مسيكين قبل الذبيحة وغيولي معطوب.. ولا تعطب ممزيانش فاادبيحة وهاكا مغناكلش الشوا واتصدق شافرو على والو

سرد شفايفو وسرظ ريقو وهز حاجبو مخنزر.. وهي كتختابر فصبرو بلا متحس

_يحيى :كنضن غتزميه عليا حسن

هز الجنوي ديال الدبيحة من جنبو وعاود نزل راسو وغمض ليه عينو بواحد التوب

_مريم(مرة خرى قاطعاتو) : وتتعرف تذبح

تلافت عندها مخنزر وهو هاز الجنوي فيدو.. كتزيذو غدة على غدة وهو لفيه كافيه

_يحيى :اجي نجربو

_مريم :صافي صافي انا سكت

تنهد ودار وهو حاط ركبتو عليه وايد شاد ليه رجليه لولين يلك بغا يدوز جنوي حتا غوتات

_مريم :وبلااااتي بلااااتي.. وقول بسم الله

_يحيى (هزز راسو بثثاااقل للمرة الألف تتحبسو) :مريم غبري من قدامي.. حيدي من قدااامي

_مريم (بصوت منخافض) :وغابغيناك تحسن الذبيحة باش يكون حلال واخا شافرو

قلباتها ضحك.. كتضحك وهي تتهز فبلاصتها.. هزات رأسها كيبان ليها مفيكسي فيها الشوفة مخنزر.. زيداتو يشفر وفلخر رداتو ضحكة

_مريم : واللهتا غااانسكت هااانتا واللهما بقيت نهضر.. صافي راه انا ليمنصلاحش وممزياناش

عاود هبط عينيه مخنزر بسمل فخاطرو وقال دعاء الذبح ودوز الجنوي حتا طوش الدم.. بعد وخلا الحولي كيتركل فدمو.. عاد تنهد مسكين وحط الجنوي.. هز عينيه لقاها تتشوف الحولي تيتركل ومخسرة ملامحها 

_مريم (علات عينيها فيه) : عرفتي أشنو صافي مبقيتش باغاه.. مسيكين شوف كيف كيترطا دابا مع غامشفور روحو اتبقا معلقة.. ومالنا عليها صافي ايحيى غاخليه مسيكين ويالله نعسو تالغدا ونلوحوه

شاف فيها بتعابير مصدومة ومستغرب من هضرتهها.. بحالا كمات عليه سطل ديال الما بارد من بعد هادشي كامل لي دار وضرباتو ليه فزيرو

_يحيى (قرب عندها وشدها من دراعها كارز عليه.. بصوت حاد) :قسما بالله أمرتي ومكليتيه هاد الليلة حتا نتبعك ليه

_مريم(سرطات ريقها وهي عارفاه كيعنيها غامن خلال نبرتو ضحكات ليه بزز منها) : لا لا غاضحكت معاك.. هيهي غناكلوه والله غناكلو غاضحكت (ضرباتو لصدرو باش تقلبها ضحك) مال قشابتك ضيقة

ضرب ليها ايدها ورجع مشا هزو علقو ورجع كيسلخ فيه.. وهي غير كتشوف وكتحصر عليه جالسة فيها لبكية.. ومقادرة دير والو وهي تتشوفو مخنزر وكيسلخ كيبان بحال شي گزار ديال بنادم.. سالا قطع ليها الفخد ليكيتشوا وجر ميدة قدامها وحط ليها داك لفخد ولموس

_يحيى(مخنزر) :قطعي علاش قديتي بينما دوشت ورجعت نشويوه

اكتافات انها تهز راسها ليه وهي ساكتة على مابيها.. بينما هو هبط يدوش ويحيد الريحة والوسخ ديال الدبيحة عليه.. كيف خرج من الحمام لقاها فوجهو

_يحيى :اش كين

_مريم (بعينين ناعسين حاوطت عنقو) : جاني النعاس ايحيى
_يحيى (مخنزر) :حلفت انا
_مريم :اه اه راه غناكلو واش انا كنكدب علك.. غير خليه تالغدا لا كليتو دابا واللهتا غنرجعو.. صافي راه غطيتو تالغدا أن شاء الله ونشويو مع الصباح(بصوت هامس) دابا خليني هنا

خشات راسها فعنقو كتمص دوك القطيرات النازلين وهي معنقاه وحاطا راسها عليه بعياء

_يحيى (هز حاجبو) :اشنو طاح سمعت شي حاجة طاحت قبيلا
_مريم : اه غاطبلة جيت فيها وطيحتها قبل منزل.. دابا خلينا من هادشي وهزني نعسو (حلات ليه ايديها)

تنهد وهزها بلا مينشف لحمو وداها لسريرهم حطها وهبط على شفايفها كيمصهم وهي كذلك متفاعلة معاه.. بقا مدة قصيرة ورجع تكا جنبها

_يحيى :نعسي قبل منصدق دير فيك شي حاجة ونتي يلك خارجا من السبيطار

_مريم (حطات رأسها على صدرو) :يحيى نسولك
_يحيى :الصمت
_مريم :دابا لاعصبتك نيييت أشنو غدير
_يحيى : لاش كتمهدي امرتي
_مريم :لا لا غاسولتك والله
_يحيى (طل عليها وهز ليها رأسها من دقنها مبتاسم) : غنسى راك حاملة بولدي

سرطات ريقها وهي حمرة وتبسمات ليه.. عاودت نزلات راسها وغمضات عينيها باش لاعلى وعسى تنعس من بعد هاد الجملة... بينما هو جرها كثر عندو من خصرها ودار ايدو ورا عنقو مغمض عينيه ناعس

في الصباح

الشمس طلات عليه من السرجم بحرارتها.. خلاتو يفيق مخنزر حال عين وساد لخرة كيحك على راسو... تاوب وتلافت لجنبها ملقاهاش... ناض غسل وجهو وخرج ملقاهاش فالدار

_يحيى (كرز ايدو) :فين مشات عوتاني

خرج من الدار وهو كيسمع الحس فالفناء لوراني.. بدا كيتمشا بخطوات سراع. يشوف شكون

واقفة كتنهج فالجنان ليورا دارهم.. وهو طيح حدا رجليها.. من بعدما لاحتو لبارح من فوق السطح..هازا بالا باغا تحفر ليه قبر وتحل حريرتها.. باغا تدفن الحولي

_من وراها بصوت شبه هامس : اش كديري؟


نسات اسمو لأنها مكتعيطش ليه بيها بمرة.. الشيئ ليغير كمل عليه من هاد الرسميات لكتعاملو بيها من نهار لول 

_إياد (طلع ليه الخز لراسو) :عرفتي اشنو...(كيحيد فقميجتو) ينعل ديلمو هاد الوعد ليعطيناك

_ثوبة (شافتو كيتعرا غمضات عينيها باغا تهرب وهي كترعد) :اش كديير 

_إياد :لا والو غير باااغي حقي ودااااابا.. ليوم قبل من غدا

_ثوبة (سرطات ريقها) :شوف عفاك بلا داك..

قبل متكمل هضرتها جرها من دراعها ودخلها لبيت وهو معصب... بدا كيحيد فحويجو وهي مخرجة عينيها.. تجمعات جلسات

_ثوبة(هزات سبابتها) :متحاااولش

لاح القميجة ليكمل فتيحها وتلاح عندها.. باغات دفعو بايدها الصحيحة ولكن شدها ليها بيد وحدة وطلعها كارزها مع السرير بقوتو الرجولية قدام ضعفها

_إياد : مكنضحكش هنا

هبط باش يبدا يلتاهم فشفايفها والحرارة ديال الغدة شاعلة فيه.. بينما هي ضورات وجهها كتغوت ممخلياهش يقرب ليها

_ثوبة :متحححطش ايدك متحطهاااااش

خنزر ودور ليها وجهها عندها بيدو الثانية كارز على فكها.. بانو ليها عينيها غاارقين بالدموع الصامتين وهي كتنهج خيفة من راجلها لايختاصبها.. بدا كيرخي على فكها بشوي بشوي حتا طلقها مخنزر وناض هاز قاميجتو خارج من بيتها ورادخ الباب وراه

تجمعات معنقة رجليها كطيحو بحال الحجر.. معارفا اشنو وقع معاها في خضم دقيقة

خرج بحالو من الدار باش يشم الهوى وخلاها وراه.. بخطوات سراع غادي... غير كيتمشى معصب فقط ماباغيش يوقف وناباغيش يبعد وقف فبلاصة خاوية

_إياد (شاد من شعرو)؛ الصبر الصبر.. اش درتي اتبي ونت يلك جايبها 

تنهد وغمض عينيه تفكر فاش هربات ليه اول مرة ورجع كيجري لدار ليخلاها محلولة بلا ميسد بابها.. لقا لباب مزال محلول.. دخل ببطء وخوف كبير.. خايف يخسرها مرة خرى وهاد المرة للأبد.. وصل لبيتها كيحل لباب ببطء وهو كيطل.. قلبو بدا كيحس بيه بحال اول مرة شافها ولا نقول اخر مرة فاش سمع خبارها.. هاكاك كان كيدق.. واحد القشعريرة سارية فجسمو.. دفع لباب وطل وللأسف ملقاهاش

🌸 في بلاصة آخرة. 🌸

خرجات من بيتها بلا متهبط نقابها على وجهها.. السرعة نساتها فكلشي والخوف آثر عليها... ملقاتوش ولقات الباب مفتوح.. هبطات كتجري على قد جهدها واخا رجلها موعتة ووقفات فطريق الرئيسي تشير لطاكسي

دايز بسيارتو بسرعة... هاد المدة كاملة وكأنه رجع مختل.. خسر كلشي وخسر بزاف بسبب حب مكتابش ليه رغم داكشي ليدار.. غير شافها فالطريق واقفة كتشير وقف حتا الرويييض تحكوو مع لرض.. خلاها تقفز وتشوف فيه.. بينما هو حل لباب حال فمو وعينيه فيها مصدوووم على الآخر

_..... :كارلا
_ثوبة:كتعرفني

بقا كيشوف فيها بديك الجلابة الطويلة وايدها لمهرسة.. وكيفاش معرفاتوش.. قرب ليها وهو كيحس بالدنيا دايرا بيه

_.... : ك كي فا كيفاش ن تي
_ثوبة: الا كنتي كتعرفني عاوني عفاك.. انا ناسيا سمح لي.. اه سميتي كارلا تقدر تعاوني وديني لدارنا
_..... (سرط ريقو) :يالله

ركبات معاه ودار وهو مزال كيحس انه فحلم وماشي الواقع...شاف فيها

_....:واش نتي لاباس بعدا واش متأكذة معرفتينيش
_ثوبة : لا سمح ليا (شدات راسها) انا فقدت الذاكرة فواحد الحاذث.. شكون نت

تنهد مرتاح وديمارا وهوو كيشوف الامام بعينين باااردين

_.... : انا صديقك شاهر

يتبع 🖤

مريم ليقسم عليها يحيي اش غيوقع ليها؟ 
سايرا ليمغطية على كدبة قاصحة اش غدير دابا؟ 
جيلان ليبين قبطة مصعورها غتفلت زعما؟ 
وختاما واش غيتكرر نفس المصير وهاد المرة مغترجعش لينا بطلتنا لا كارلا لا ثوبة؟

التنقل بين الأجزاء

صفحة القصة
سيتم تشغيل صندوق التعليقات بعد لحظات
معظم التعليقات تم إخفاءها بواسطة الفيسبوك، نحاول بكل الوسائل المتاحة إستعادتها في أقرب وقت ممكن.