هارون؛؛( بعد عليه وتصافق هو وياك وريح حدا جيهان تكى وجالس بكل اريحية ويديه هزها كتلعب في ضهرها وعينه عليها حتى دارت عندو غمز ليها وحرك راسو بمعنى قربي قربت لعندو و تكات تاهي كتبسم قرب شوية ونطق) وراااه راني نبغيك
هارون؛؛( عينه مكيرمشوش من عليها يديه كتلعب على شعرها) على اشمن رباح كتهضري واش على هاد الزين لي قدام عيني
جيهان؛؛( حطات يديها على وجهاا بحشمة) وصافي وااه
هارون؛؛( تبسم وشاف في دراري) اش قلنا الشرفة
يحيي؛؛( رشف من كاسو وخبطو مع طبلة) مكاين لاحكيم لازفت
عبدالرحمان؛؛( تبسم وحرك راسو بمعنى شنو) كي درتي ليها امعلم
ياقوت؛( كتشوف فيه) كون غير درتو مناقص بلاش من شي حكيم
شيماء؛؛( ضحكت ) شوف ليك لبنت خفتي عليه خلينا غير نضحكو شوية اربي
هارون؛؛( غمز ليه) فين لكلمة
جيهان؛؛( درات عند هارون و نقزات في لهضرة شدات على يديه ) غير عفيوه منها بلييز
هارون؛؛( غير كيشوف كي لمهبول عاض على شنوفتو و تگعد قرب منها ونطق في ودنيها) نغيروها ولكن عندي وحد شريط لاقبلتيه
جيهان؛؛( بقات غير كضور في عينها) ش شنو هو
هارون؛؛( تبسم من شاف ملامحها تلونو حط يديه على خصرها ونطق بشوية) غدا ترحبي بواليديا في داركم
جيهان؛؛( شهقات وحطات يديها على فمها حسات برعدة متلكات داتها صدمها مكانتش متوقعة بهاد سرعة جاتها لبكية ومع هي على سبة دغيا نزلو دميعاتها على خدها ناضت ومشات خرجات بزربة من تم )
ياقوت؛؛( شافتها هكاك وهي تبغي تنوض) مالها
يحيي؛؛( شد على يديها رجع مجلسها) خليك
هارون؛؛( ناض وقف و حبس ياقوت بيديه وحرك راسو بشوية وزاد تابعها بخطوات تقيلة كيقاد في تشورط شاف هنا وهنا وبانت ليه جالسة في صالون كتبكي وشادة على وجها حك على لحيته وقرب منها ريح حداها شد على خصرها وجرها عندو حاط راسها على صدرو) مال عمري
هارون؛؛( هزها بيده بزوج جلسها قدامو منزل يد على خصرها ويد شادة على وجها بحنية) الله يرحمهوم واكيد كون كانو مزال عايشين غيكونو فرحانين ليك
جيهان؛؛( كترعد في كلامها ودموعها شلال) هئ هئ صعيبة عليا وحتى خويا مغاديش يكون
هارون؛؛( زاد جرها لعندو خاشيها فيه بايس على راسها) غادي يجي ان شاللله و يفرح بيك وزيدي وواليديا هوما واليديك وخوتي هوما خوتك امم كل واحد فينا منين جاتو حتى شي واحد في هاد دنيا مالاقيها كيف باغيها
جيهان؛؛( عنقاتو كتنخصص) هئ سمحليا كان عليا نجاوبك و نكون فرحانة هئ وانا بديت ليك بالبكا
هارون؛؛( تبسم وهز وجها قبالت عينه وكيمسح على خدها) نتمنى ربي يكتب لينا الخير ويسر لينا في زواجنا بصح راني باغي غير نرتاح عيت
جيهان؛؛( حطات راسها على صدرو وهزات يديها كتلعب في لحيته وعينها دايزين بدموع) ان شالله حبيبي وانا فرحاانة بزااف متفهمش غلاط بدموعي
هارون؛؛( شد يديها وباسها ونطق) نتي ليوم غير جالسة وتبكي مالكي
جيهان؛؛( وجها تزنك ونطقات بشوية) هرمونات
هارون؛؛( قوس حجبانو فيها ) هاد لهورمونات عندهوم معايا شي حساب يخليو عيون عمري يبكيو
جيهان؛؛( تكعدت مسحت على خدودها وتضحك ) هههه شادين معاك ضد
هارون؛؛( تبسم ودور يدين بزوج على خصرها جارها ملصق جسمها مع جسمو ويد كطلع مع ضهرها بشوية حتى وصلت رقبتها وهبط راسها ليه حاط شفايفو على شفايفها طبع بوسة عليهم ونطق بصوت فحيح ) نعاهدك دموعك لاطاحو معايا انا طيحيهوم من تكوني فرحانة غير تهناي امم
هارون؛؛( حط شفايفو على شفايفها طبع بوسة عليهم ونطق بصوت فحيح )نعاهدك دموعك لاطاحو معايا انا، طيحيهوم من تكوني فرحانة غير رتاحي
جيهان؛؛( بعد شوية وهزات عينها في عينه ديريكت وتبسمت وعاودت كانت مبادرة منها هاد لمرة وقربت بشوية وطبعات بوسة تقيلة على شفايفو وناضت بزربة كتقاد في شعرها) نمشيو
هارون؛؛( تبسم وناض وقف وشد على رقبتها جرها باسها على راسها وزادو ماشين عند البقية رامي يديه على خصرها) حسابي معاك من بعد على ديك زربة لي درتي ابنتي
خديجة؛؛( تبسمت وبقات غير كتشوف شحال ماتجمعو بحال هاكة) ومالو وليدي كيف جاك راجل ونص على الله غير يخرج بحالو نفسو ديما قاتلاه
هارون؛؛( شد يديها وباسها ليها) يحفظك ليا اميمتي
صالح؛؛ ايوا على سلامتك طلاق
هارون؛؛( حرك راسو بشوية) الله يسلمك الواليد
خديجة؛؛( شافت فيه وحطات لخبز قدامو) اللله يسهل عليها مع واحد اخر
كل ؛؛؛ امييين
هارون؛؛( بدا ياكل وعينه في ارض) الواليدة من تسالي نبغي نهضرو
خديجة؛؛( تبسمت) موضوع زواج ياك
هارون؛؛( طلع عينه فيها ونزلهوم حشمان) اشمن زواج
خديجة؛؛( ضربت على ركبتو) كنت غنقولها ليك نيت ماكين لاش تزيد طول مع ديك لبنت بلا وراق
يحيي؛؛ عندك الحق الواليدة غير هو خوها
هارون؛؛ غادي نهضر معاه ويكون خير ولاكتب الله غدا وجدي روحك اميمتي
صالح؛؛( خنزر فيه) انا تراس عندكم اولدي الله يلعن لي مايحشم
هارون؛؛( تبسم وشاف فيه بعينين مرخين) الله اودي الواليد راك فاهمني ماتحتاج نهضر
صالح؛؛( حرك راسو وضحك) الله اودي وهو صراحة عرفتي تختار بسيف مادوخك
خديجة؛؛ ( تبسمت وضربت في هارون على يديه) يصحب ليه غايدوزها عليا من لول وانا نشوف عينه كي تيديرو في درية
صبح الحال على الابطالنا وكل يجري من جهة
شيماء لي غير صبح صباح جات عند خديجة و خرجو يتقداو هارون مشا هو ويحيي وعبدالرحمان يشوفو ريسطو وياخدو اش خاص اما صالح مشا لمحل يطل عليه ولبنات مشاو يتقداو ويجيبو لي خاص رجعو لدار دوشو و رتاحو
نزلو لتحت مجمعين مع عمر ومليكة وفدوى في كوزينة وريحة طياب عاطية من بعيد
عبدالرحمان؛؛( شد على يديها ودورها كيشوف اش لابسة وعينه مكيرمشوش منها بالاعجاب في لحضة تاكان جرها من خصرها وزاد قربها ليه خاشي وجهو في عنقها مغمض عينه وشفايفو على عنقها) نديك نتي ولا نبقى غير سيليباطير
شيماء؛؛( دورات يديها عليه مبتسمة ونطقت بشوية) كنبغيك
عبدالرحمان؛؛( بعد شوية وطبع بوسة جنب فمها ) مانبغيش نشوفك تبكي مرة اخرى امم
شيماء؛؛( حركت راسها وتنهدت) لا بغيتي تجي تخطبني عندمن غتجي
عبدالرحمان؛؛( عاود باس راسها) هادشي ماتفكريش فيه دابة نمشيو نقديو غرض مع هارون بعدا من داك لوقت يكون خير
شيماء؛؛( حركت راسها وقدات ليه لكول) واخة حبيبي
عبدالرحمان؛؛( قرس على نيفها) يلا مشينا تلقايهوم يساينونا
شيماء؛؛( دارت تحنات كتقلب في صاكها) ساروت مانعرف فين واش هزيتو ولا لا
عبدالرحمان؛؛( لي عاد رد ليها لبال مزيان اش لابسة كنذورة في اسود و سروال كوير في اسود تاهو وطالقة شعرها اسود زادتها جمال على جمال قرب شوية ليها شد على يديها ودورها عندو بشوية وعينه غياكلوها نطق بشوية) شنو هاد زين تاني
شيماء؛؛( تبسمت وزادت قربت ليه عاضة على شنوفتها هزات يديها وحطتهم على وجهو كتلمس فيه بشوية وعينها على عينيه كتحلون في لهضرة)هاد زين لي قدامك ديال واحد خاينة مخرج ليا العقل كنموت فيه
عبدالرحمان؛؛( بقى غير كيشوف كي لمهبول وكتزيدو بتحلوين هدا تيكمل ليه تم مطلع يديه مع فخدها بشوية يديه بزوج وصل لمؤخرة دورها بزربة وزدحها معاه ملصقها مع جسمو وشفايفو حطهوم على رقبتها كيطبع بوسات عليه ونفسو كتضرب عليها نطق بشوية) هاد خاينة ماعند طاسيلت مو فين يزيد يصبر كتساليهوم ليه بالبيان
شيماء؛؛( مغمضة عينها وكتبسم حطات يديها على يديه لي لاصقين على فخادها ) وتالإمتى احبيبي
عبدالرحمان؛؛( دورها بطريقة عنيفة مطلع يديه لضهرها حتى كان وجها في وجهو عينه كيتساراو في ملامحها ) ماكرهتش دابة نيت ، نتي كولشي تسواي عندي غالية
جيهان؛؛( كتقيس على وجها) ناري كنت كنفحصها ودابة جاية تخطبني ميمتي
ياقوت؛؛( ضحكت وقربت ليها) غي تنزلي ماتبقايش حشمانة غير زيدي
جيهان؛؛ واخة زيدو قدامي نتوما
وبالفعل فدوى قدامهم و ياقوت وجيهان كانو وراها جيهان شوية تسخف ليهوم كتقرب و تزيد تزنك وصلت جهة صالة وحبست
جيهان؛؛( كتحرك راسها بالنفي) مانقدش مانقدش
ياقوت؛؛( شدات على دراعها) ششت واش حماقيتي جيتي تالهنا وحبستي
جيهان؛؛( شدات على فقطانها بصبيعاتها وتنفسات عاد تمات زايدة) واخة بسم للله
تمات داخلة حادرة راسها ورجيلاتها تقولو ماشي تاعها كولها كترعد دخلات تحت انظار الكل ولكن عيونو هو كانت كتشوف بطريقة اخرى لما لا وهو شحال وهو يساين في هاد نهار نهار لي يطيح يديه مع يد دارهوم ويقول للكل هده من ليوم راهي محسوبة عليا خطيبتي مراتي حبيبتي مراقبها بكل تفاصيلها كيف كتمشى وكيف كتسلم وكيف كترحب وكيف تضحك غير وصلات لعندو مدات يديها وعينها في الارض هز يديه حطها على يديها صغيورين باردين كيترعدو وسط يديه
هارون؛؛ كرز على يديها وزاد قرب وحد شوية ونطق بصوت قليل) كولشي فيك يعجب وفي زين هربتي
جيهان؛( كانت شوية وتسخف ليه تما هي حشمانة وزاد عليها بكلامو دغية هربات يديها منو ومشات جلسات حدا لبنات)
جلسو مع بعض و عمر ومليكة كبرو بيهم بالمزيان يرحبو ويعاودو
عمر؛؛مرحبا مرحبا بيكم
صالح؛؛ ترحب بيك الجنة اسي عمر وسمحولينا على هاد دخلة
عمر؛؛ مرحبا بيكم داركم هده ( شاف في هارون) كيف داير اولدي مرحبا بيك
هارون؛؛( دوز يديه على لحيته و حادر راسو ) الله يبارك فيك الواليد
عمر؛؛ سمحليا على داك نهار
هارون؛؛( حرك راسو بدون مايهز عينه حط يديه على صدرو ونطق) حتى انا كنعتادر منكم على ديك ليلة
يحيي؛؛( قرب ليها مزال حط يد على خصرها وزدحها مع لحيط وكيشوف في ملامحها باللهفة نسى اش قالت وركز على اخر كلمة لاخرى) قولي ليا نوض احبيبي نشوفك وماتخويش عليا لماء
ياقوت؛؛( خرجات عينها فيه) والله مادرتها بالعاني راه
يحيي؛؛( مقاطعها ببوسة على شفايفها ويديه طلعو لجهة صدرها بعد شوية ونطق) يلا جبرني لوقت في عشقك غادي نختار صعيب
ياقوت؛؛( حطات يديها على صدرو مستمتعة بريحو لي تغلغلات داخلها دون ماتنطق حرف)
يحيي؛؛( بعد عليها شوية مبتاسم) شنو دابة
ياقوت؛؛( دفعاتو من صدرو وهضرات بصوت قليل) غادي تبعد مني دابة ماتقربش ليا
كل هاز يديه ولابتسامة على شفايفهوم سيغتو هارون يديه مهزوزة كترعد وعينه مغمضة وحاس بالارتباك عمرو حس بيه من قبل مامتيقش بلي خلاص راهي محسوبة عليه من ليوم
صالح؛؛ ( دوز يديه على صدرو) صدق الله العظيم ربي يبارك ليكم اوليداتي
هارون؛؛( حط يديه علىً قلبو وعينه غير عليها وابتسامة على محياه تنهد تنهيدة طويييييلة تسمعت في ارجاء صالون ونطق بشوية) اللللله
عبدالرحمان؛؛ ( خبط على ركبتو) مبرووك اصحبي
هارون؛؛(تبسم وحرك راسو مسح على جبينو العرق) الله يبارك فيك
يحيي؛؛( كان جالس في جنب لاخر) الله يبارك اصحيبي
هارون؛؛( شاف فيه وتبسم) الله يبارك فيك اخويا
ناضت مليكة كتصلي على نبي وتبعوها لبنات حتى هوما كيصليو على نبي
؛؛ صلااااااه والسلام علىىى رسول الللله الاااا
حتى طلقات خديجة تزغريتة فاعلة تاركة تسمع من بعيد
خديجة؛؛ لوووولولولولوي
جيهان؛؛( طلعات عينها عليهوم كتبسم خطفات شويفة فيه لقاتو حاط يديه على لحيته وعينه غير عليها غير لمح ليها شافت فيه و هو يغمز ليها وخبط بشوية على صدرو بمعنى (راكي ليا )
جيهان؛؛( حدرات عينها كتبسم وقلبها غادي
يسكت )
داز وقت كتير كلاو وشربو شركو حديث كتييير و زادو تعارفو مزيان
عمر؛؛ ولدي داكشي تاع صداق ولا لعرس حتى تهضرو فيه بيناتكم
هارون؛؛( حط كاس تاع اتاي في طبلة و تكلم بجدية ) عمي اسمحلي ولكن حنا تافقنا من لزوج سيمانات نطيحو لعقد
جيهان؛؛ دغيا هزات عينها فيه مصدومة ماخلى ليها ماتقول
عمر؛؛ ايوا لي بان ليكم شغلكم هداك اولدي لا كنتو ماتافقين مانزيدوكم غير لخير
صالح؛؛ اللهم يسر اسيادنا ربي يبارك ليهوم
هارون زرب عليها هي عجبها لحال ولكن مخلى ليها فين تسولو ولا تقول كلمة من تم ماهزاتش عينها فيه وصل وقت باش يمشيو ويودعهوم ناضو خرجو معاهوم لبرا وتسالمو بيناتهوم سلمات عليهوم كاملين و رجعات لور كاعية عليه
هارون؛؛( كان تسالم مع عمر و كيشوف فيها و لاحضها ماهياش بانت ليه شيماء جاية اتجاهو هي وعبدالرحمان وعيط ليها) شيماء
شيماء؛؛ وي خاي اش كاين
هارون؛؛ ( عينه غير عليها) كلميها ليا
شيماء؛؛ واصحبي راك زربتي عليها ا زربة لغدايد
عبدالرحمان؛؛ ( شدها من خصرها وقرسها) ونتي مالك ابنتي هو لي عبر
جيهان؛؛( هزات قفطان على رجيلاتها وعينها كيرمشو بزربة) الله يبارك فيك حبيبي
هارون؛؛( نزل يديه ليديها وحطهم على شفايفو سخان وباس على كفوفها من داخل بكل حنية وعينه على عينها ديريكت ونطق بصوت فحيح) من ليوم راكي على اسمي عمري
جيهان؛؛( حسات بتبوريشة متالكات داتها عيونها كيبريو بالفرحة تبسمت بدون ماتنطق كليمة ابتسامتها و شوفاتها كانت كفيلة )
هارون؛؛( بعد يديه من عليها وخشاهوم في جيبو) مزال راكي مقلقة من حبيبكً
جيهان؛؛( هزات عينها فيه مبتسمة) لا مابقيتش وزيد مانقدتش نتقلق منك
هارون؛؛( حرك راسو) يلا دخلي غادي يضربك لبرد
جيهان؛؛( حركت راسها بالايجاب و شافت هنا وهنا وقربت ليه تعلقت على صبيعاتها وباستو جنب شفايفو ونطقات بشوية) كنحماق عليك وراني فرحااانة بيك ليوم
هارون؛؛( بوستها كانت كفيلة تسكتو خلاتو غير كيشوف كي مهبول عينه غياكلوها يلا وعى براسو حتى كانت مشات من حداه غادية كتمختر بشوية دوز يديه على لحيته وتبسم) واااااه واش راكي دايرة فيا
بعد مرور اسبوعين لي مرو غير في جرا من هنا ومن لهيه عند العرسان يحيي وياقوت كتبو كتابهوم لبارح و هارون جيهان ليوم فضلو يمشو عند لعدول ديريكت ويديرو حفل صداق مجموعين اما عبد الرحمان مشا لعند اب شيماء وطلب يد حبيبتو مالقاوش موشكيل بالنسبة مع واليديها واخة تقلقت و بقى فيها الحال ماحسات بمعنى واليدين ولكن زطمت على قلبها و من تم ماعودات رجعات عندهوم فضلت تكتب كتابها ودير حفيلة صغيرة مع راجلها وتروح عندو
وصل قدام حي جاي وكيشوف في الحومة كولها مزينة لما لا وهدا نهار معهود عند حبيبهم وولدهوم هارون يرجع من عدول بعد مامشا طيح لعقد على حبيبتو جيهان وصل قدام دارهوم لي لقاها عامرة بالناس والعائلة وجيران كولشي ناشط وفرحان مشاركين فرحتو وصل حدا لعبدالرحمان ويحيي وافقين ومعاهوم ولاد درب مجمعين كيساينوه يرجع قرب ليهوم كيضحك
عبدالرحمان؛( كيكلاصوني في لوطو ومعاه يحيي واقف جنبو وشاد لكارو
تيبوخ فيه) مولاااي سلطاااان هاهواااااً
يحيي؛؛( تبسم و لاح لكارو ) اللله يباااارك احبيبي
هارون؛؛( تبسم وعنقو عناق رجولي ) يحفظك از****
يحيي؛؛( خبط ليه على كتافو وهضر في ودنيه) صبرت على ود صحيبي ماعليش
عبدالرحمان؛؛ ( دخل لوطو وديمارا وخرج راسو من سرجم) دراري ليلة ليلتكم سعداتكم وخلااص
جالسة في صالون قبالت مرايا من بعد مالبسات زينة العروس وعينها مغرغرين حداها فدوى شادة على يديها كتواسيها وياقوت لي بدورها قبالت مرايا تانية بي زينة العروس المغربية من بعد مكملو تزيين او بقى ليهم غير لمسات الاخيرةو قرب وقت لي يمشيو القاعة كيساينو غير دراري يجيو
فدوى؛؛ اويلي شدي راسك اصحبتي كولك كترعدي
ياقوت؛؛ ماكرهناش كون حضر ولكن
جيهان؛؛( نزلات دميعة على خدها) تعطل عليا تعطل مايمكنش تا لحفلة مايحضرش ليها
سعد؛؛( دخل مع لباب لابس قميجة بيضاء و سروال في اسود وباين فيه ضعف شوية وابتسامة على شفايفو شاف في لبنات ودار صبعو على فمو بمعنى سكتوو ونطق) شكون هاد مكلخ لي مايحضرش لعرس ختو اممم
جيهان؛؛( تبسمت وباست على يديه) فرحت من حضرتي ليوم وحيث قبلي بهارون قلت ماغاديش تقبل بيه
سعد؛؛( قرص على نيفها) هارون راجل وغيبقى راجل وقالي بلي تاب يعني ماعندي مناش نخاف ونتي معاه
ياقوت؛؛( وقف ودارت عندو) كاينة غير ختك وحدة ولا كيفاش
عاود باس راسها و بعد ومشا قرب لياقوت
سعد؛؛( قرب باس على يديها وضحك) ههه لا نتي متبنتيش ليا مبروك اشنيولة ايي على ياقوتة تزوجت
ياقوت؛؛( عنقاتو ) ههه ومالي كيف جيتك
سعد؛؛( عنقها على جنب) مبروك ليك حتى نتي تافزواج تزوجتو قد قد
باقوت؛؛( تبسمت خبطات على كتافو بشوية) والله راني فرحت من قالها لي يحييي من ديما كنت نتمنى نتزوجو في نهار واحد
فدوى كانت حاضية فيلم كامل وملامحها معبسة ودميعاتها على طرف جفونها كتشوفو ماتسوق ليها ولا قال كلمة يمكن نساها تاهي رجعات بالور حادرة راسها حلات لباب وخرجات على برا
سعد؛؛( دور راسو هنا وهنا هز عينه فيها لقاها خرجات رمى خطوات وراها حل لباب وبانت ليه في ابهى حلة لابسة قفطان في لون اسود لاصقة عليها حادرة راسها وكتنش على عينيها باش ماينزلوش دموعها تصدم بشوفتها حمقاتو ومخلات ليه عقل بملامحها بسيطة قرب شوية ليها بخطوات تقيلة شد على يديها وجرها شوية لعندو وطبع بوسة على خدها ونطق بشوية ) توحشتك
فدوى؛؛( قلبها غيسكت ماتنكرش بلي حتى هي توحشاتو ماكانش متوقعة بلي غادية طيح بسرعة كيما هاك ملقات ماتدير تصدمت حدها تبسمت وردات شعرها ورا ودنيها)
من بعد وقت قصير كان وصل قدام دارهوم نزل من لوطو و لي هو بدورو لابس طاقم رجالي في الاسود وريحتو فايحةمنو رمى خطوات لباب غادي يدق ولقاه محلول دفعو وتم داخل بخطوات تقيلة و كيشوف هنا وهنا حتى بانت ليه عاطية بضهر لابسة قفطان في لگرونة لاصقة عليها محنية شوية كتلصق حولاقة في ودنيها وقف خشا يديه في جيبو و كيطلع فيها وينزل
عبدالرحمان؛( صفر و كيحرك راسو بتقالة) تسس دوري دوري ابنتي لعندي
شيماء؛؛( كانت ركبات لحولاقة تبسمت ودارت عندو ودار شعرها معاها بطريقة مثيرة شافت فيه وهزات حاجبها فيه وضحكت)
عبدالرحمان؛؛( عض على شنوفتو وحرك راسو بشوية وبتقاااالة وعينه مكيرموش منها) غلطت في عنوان لا
عبدالرحمان؛؛( تبسم وجرها من خصرها لصقها معاه) ناكل شرواط على ودك انا
شيماء؛؛( حطات يديها على وجهو كدوزهوم بشوية وكتهضر بغنج) انا كنحماق عليك و راني نتسنى امتى غير نكتبو كتابنا بصح راني قنطانة بوحدي وماعندي من غيرك احبيبي
عبدالرحمان؛؛؛( كيشوف فيها ببلاهة حاضيها بكل تفاصيلها ومركز اكتر على شفايفها كرزين كيفاش يتحركو ) راكي تمشي في دمي ودنيا ماتسوالي والو من غيرك شيوم
شيماء؛؛( قربت شوية وطبعات بوسة طويلة على شفايفو ونطقات بشوية) كنبغيك بزاف
عبدالرحمان؛؛( طلع يديه لرقبتها زاد جرها ملصقها معاه محاوطها بيديه بزوج حط جبهتو على جبهتها) سنين لي دوزتها بعيد عليه دازت عندي مرااار نقسم بالله من غيرك ماعنديش ومانبغيش راني نعشق فيك
خارج من دوش لابس غير شورط ومن فوق عريان شاد تلفون فاتح الخط
هارون؛؛( شعل لكارو وريح) حلالي
جيهان؛؛( تبسمت وعضت على فمها) حلالي
هارون؛؛( تبسم وقف جهة مرايا) واخة زربتي عليا زربة صحيحة ليوم
جيهان؛؛(ضحكت )هه لا ولكن ماكنت بغيت نتعطل راك عارف يلا نوجد
هارون؛؛( تبسم وشاف في لباب لي كان تحل ودخل منو غالي لابس طاقم اسود لي و ماشط شعزو وتحسينة لي جاتو سو كيوت شافو وخبط ليه على ركبتو) لاكان خلاص ماشي ماشي موشكيل نصبر
جيهان؛؛( وجها تزنك) مكتحشمش اويلي
هارون؛؛( ضحك وقرص على خد غالي ) يلا عمري حتى نشوفك ومبروك علينا مرة تانية
جيهان؛؛( حطات يديها على قلبها بالفرحة) راني بصح مازال مامتايقاش بلي صافي تزوجنا على سنة لله
هارون؛؛( تبسم وعض على فكو) نعشق فيك عمري
جيهان؛؛( كتلعب بيديها بالحشمة في تكشيطة) حتى انا نعشق فيك
هارون؛؛( تبسم وقطع تلفون وشاف في غالي) اش كاين اولدي
غالي؛؛( قاس ليه على وجهو) دير ليا ريحة لي خديتي لبارح
غالي؛؛( دار وتم خارج) يلا سربي مخاصكش تقلق لينا عروستنا
هارون؛؛( وقف وشعل كارو اخر وكيتبسم وتيحرك راسو بالنفي ) راني قلت ليك مامشيتي بعيد اولدي الله يخرج طرحك على خير وخلاص
خرج غالي وناض هو كيلبس عليه طاقم تاعو لي في لون اسود لبس سروال والقميجة كيعقد ليها صدايف حتى سمع كلاكصون و صوت لماطر على برا فتح بالكو وطل لقى دراري ولاد لحومة قدام لباب موجدين ليه لوطو و موراها لماطر بصوتهوم مجهد و دراري اخرين هازين لفلامات كيطرطقو فيهوم
هارون؛؛( ضحك وهز يديه كيحطهوم عل راسو بمعنى على راسي) العشران
يحيي؛؛( شير ليه ينزل ) ااه شوية نزل
هارون؛؛( نعت ليه 5 دقايق يكون عندهوم) انا جاي
دخل كيلبس و يحيي واقف معاهوم كيصور و مجمع معاهوم حتى لمح لوطو تاع عبدالرحمان جايا وكتكلاصوني مزينة تاهي بجهد
وقفات لوطو نزل هو ومشا حل ليها لباب ونزلات شادة على شعرها
عبدالرحمان؛؛( تحنى ليها لودنها ونطق) دخلي داخل
شيماء؛؛( نطقات في ودنيه) خليني معاكم
عبدالرحمان؛؛ غادخلي لا ماتخلينيش نكعى عليك
شيماء؛؛( معاودتهاش معاه شدات على شعرها بيديها باش مايتقاسش ودخلات)
يحيي؛؛( قرب ل عبدالرحمان ) تعطلتي اصحيبي
عبدالرحمان؛؛( هضر في ودنيه) دزنا خديتا شي حاجة وصافي
بقاو واقفين وكيصورو منضر مجهد فلامات في الوان و صوت تاع كلاكصون و كيلعبو دراري بصوت بماطر
خرجو لبنات و هي جرات ياقوت داتها لبلاصة اخرى و دخلات بعدت من حداهوم مشات لباب تاني وعيطت على يحيي يدخل
يحيي؛؛( عض على فكو من داخل و دوز يديه على دقنو وزاد مقرب ليها حلات ليه لباب ودخل بخطوات تقيلة لمح ليها واقفة عاطياه بضهر و مغطية راسها قرب ليها تالحداها ودارت بشوية وجها ماباينش مزيان هز يديه بشوية وعينه مكيرمشوش حط يده على لغطاء وتم هازو بشويييية من عليها وقلبو يضرب غير حيدو وتحلو عينه عض على شنوفتو ونطق بشوية ) وااااه وشحال راكي تفتني
ياقوت؛؛( هزات عينها فيه وتبسمت نطقات بشوية) حتى نتا جيتي زوين حبيبي
يحيي؛؛( قرب وباس على جيينها وباس على يديها نطق بشوية وعينه في عينها ) زهري لعبها معايا هاد لمرة
دخل مع لباب حادر راسو وخاشي يد في جيب ويد كيدوزها على لحيته قال غادي يكون شي حد ولكن من دخل لمح ليها عاطياه بضهر عض على شفايفو وصفر عينه كيقرب وقلبو كيزيد يضرب وصل حداها وحط يديه على كتفها دارت عندو بشوية
هارون؛؛( دوز يديه على لحيته وشد ليها على لغطاء بلا مايهضر وهزو عليها وحط يديه على دقنها هز راسو قابلو معاه غير هزات عينها فيه و هو تبسم وحرك راسو بتقالة) راني قلت ليك ونعاود نقولك ماغلطوش لي قالو صابر ينال
شيماء؛؛( كدق في لباب وكتشير من زاج) وخلااص طلقونا نمشيو
جيهان؛؛( ضحكت) ههه يلا نمشيو قبل ماتحيح علينا هنا
هارون؛؛( مد يديه ليها وابتسامة على شفايفو ) مشينا
خرجات نگافة و هزات معدات تاعها هي ولبنات معاها وخرجو ركبو كل عرسان بوحدهوم والفرحة متمالكة قلوبهوم
كسيراو و وزادو في اتجاه عاقة وصلو قدام لباب كانو صحاب واقفين قدام لباب مصافين من جوايه بزووج وفلامات بالالوان ودقايقية حداهوم كيغنيو ويشطحو نزلو لعرسان من لوطو و كل وحدة شدات في عريسها وتمو داخلين وسط اهازيج و زغاريت دخلو كل يبارك و يشوف فيهوم بالاعجاب وقفوهم ودخلو صحاب لعمارية طلعو لعروسات فوق عمار وبدا لگروب كيغنيو و شيماء و خديجة مقابلين معاهوم ويضربو بالرش
جات مليكة وفدوى كيتسالمو مع خديجة وناس ناشطة مع بعضهوم
سالات وقت لعمارية ومشاو جلسو ونگافات جنبهوم يزغرتو داز وقيت كل يبارك كولشي ناشط وكل اعين غير على عرسان وسر لي نازل عليهوم
يحيي؛؛( شاف فيها و شد على يديها وقرب لودنيها) حاس براسي وسط محكمة
ياقوت؛؛؛( حطات يديها على فمها وبقات تضحك ) ههه اويلي اش جاب محكمة لعرس غير قول
يحيي؛؛( شاف فيها وتبسم) كولشي حاضينا مكنقدتش نبقى نشوف فيهوم
ياقوت؛؛( تبسمت وكرزات على يديه) شوف فيا غير انا باراكة عليك
يحيي؛؛( غمز ليها باش تزيد تقرب عطاتو ودنيها ونطق) ماتخافيش مزال وقت لي نشوف كولشي
جالسة وكتقاد ليها بنت تكشيطة من على رجليها وهو مراقبها ومراقب رجيلاتها منقوشين بالحنة
هارون؛؛( شاف يديها منقوشة و بقى كيدوز صباعو على يديها بشوية طلع عينه عليها وهي تشوف فيه وحدر راسو باش تقرب ليه قربات ودنيها ليه ونطق ) هادشي مزال معطل ولا
جيهان؛؛( تبسمت) مالك قنطتي
هارون؛؛( حرك راسو وحك على حاجبو ) ماتنقدتش على هاد جموع
شيماء؛؛( جرات لكرسي وتكات على دراعو كتلعب في يديه) ماكرهت نشطح مع حبيبي انا
عبدالرحمان؛؛( دور راسو لعندها شاف فيها وشد يديها باسها) حلمي
شيماء؛؛( عوجت فمها) حشومة عليك اصحبي
عبدالرحمان؛؛( خنرز فيها وعاود تبسم) واخة خلي من بعد
شيماء؛؛( ضحكت وزيرت على يديه) احح على حبي وشحال زين
عبدالرحمان؛؛( تبسم وغمز ليها بمكر) كون تشوفي شي حاجة اخرى زيينة اكتر
شيماء؛؛( دورت راسها كضحك على سافل لي عطاها الله ) اويلي حي
داز وقت كتير و قرب يسالي لحفل ناض عبدالرحمان شد في يد شيماء و يد خديجة كل وحدة من جهة و تمو غادين تاوصلو حداهوم خلاهوم مشا لكروب هضر معاهوم ورجع عندهوم وشير ليهوم باش ينزلو
وبالفعل ديك ساعة نزلو لعرسان عندهوم وبدات اغنية لي كيحماقو عليها دراري بثلاثة ( شاب حسام شوفي بنتك مادرت فيا)
حور العين الجزء العاشر
محتوى القصة
التنقل بين الأجزاء