سعد؛؛ ماشي وقتو من بعد ونعاود ليك اش كاين شوفي شنو ممكن ديري
جيهان؛؛ (تحنات على ركابيها كترجف قربات يديها وعينيها على عينيه لي كتحس بيهوم كيتحركو بشوييية حطات يديها على جرح ) سعد دير لي لبيل ماكيبانش ليا مزيان
سعد؛؛ ( ناض شعل تلفون وجلس في جنبها) مخاصش يوقع ليه شي حاجة
جيهان؛؛( عينيها على جرح ) شنو وقع بينكم
سعد؛؛( دوز يديه على لحيته ) اوووف لي عقلت عليه هو انني ضربتو
جيهان؛؛( طلعات راسها بصدمة )اشنووووو
سعد؛؛ الله يحن عليك شوفي شنو ديري عاارف راسي مكنسواش ولكن من بعد وديري لي بغيتي
جيهان؛؛ (مخرجة عينها فيه )واش هدا هو ابليكو ياك
سعد ؛؛ ايه هو هو عقلت بلي جيت بغيت لعيبة ومابغاش يعطيني وغدرتو وضربتو بواحد حديدة
جيهان؛؛( حلات فمها على جهدو ) برافو برافو عليك اولد مي ولكن غنتفاهمو من بعد
جيهان؛؛( وقفات ) عاوني نحطوه فوق هاد سداري
ناض سعد وتعاونو عليه كيهزو فيه بستة وستين كشيفة باش حطوه فوق سداري
حيدت جيهان جاكيط تاعها وجمعات شعرها و رمات سوارت لسعد
جيهان؛؛ سير جيب ليا صاك لي لوطو دغيا سير
مشا هو وهي قربات ليه تحنات عليه قفازية وكتشوف مطولة وكتعجب فيه كيفاش طايح قدامها هاكة وكلمتو هي كلمتو بسبابها هي مابغاش يعطيه وبسبابها هي وقع ليه هادشي
دخل سعد كيزرب عطاها صاك حلاتو وجبدات منو ادوات طبية حطتهوم فوق طبلة
جيهان؛؛ عاوني نحيد جاكيط وتيشورط
قرب سعد و حيدو ليه جاكيط و تيشورط هبطات راسها وبانت ليها ضربة اخرى في جنبو ولكن خفيفة
دازت ساعتين بالحساب كانت سلات ليه علاج لجراح كاملين مجاوهاش صعاب قد لجرحة تاع ليد لي جاتها صعيبة شوية بحكم ماكانوش عندها ادوات لي تحتاج ولكن ضيبانات بداكشي لي عندها سلات ومشات خدات قرعة لماء شربات و مشات جلسات فوق كرسي اما سعد مشا تكى على الحيط وحاضي جيهان لي حالتها كولها عرق وجهها تزنك من تعب
قرب ليها وتحنى على ركابه وحط يديه على ركباتها
سعد؛؛ جيهان سمحيليا ختي
جيهان؛؛( دورات راسها لجهة الاخرى) لخير لي دير فيا تمشي عليا من هنا مابغيتش نشوفك
سعد؛؛ جيهان عفاك غير سمعيني
جيهان؛؛( غوتت) سععععد خرج من هنا
سعد؛؛ غنبقى هنا مانخليكش بوحدك
جيهان؛؛ سمعني حياتي كولها وانا بوحدي خويا غير بإسم ،خويا غير بالهضرة عمرك برهنتي ليا بلي راك راجل لي نحط راسي عليه عمرك جيتي عندي وقلتي ليا ختي اش خاصك عمرك جيتي عندي وقلتي ليا ختي يلا نخرجو عمرني حسيت بيك خويا ديال بصح لي نعمر بيه كتافي لي نتباهى بيه قدام ناس ونقول هداااا خوويا هدااا ولد مي وبا هذاااا خويا سند تاعي وهو لي عندي في هاد الحياه من بعد ماكلشي مشا وخلانا عائلة ماما وبابا ماعقلوش علينا نتا لوحيد لي عندي وانا لوحيدة لي عندك ( هزات يديها كتنعت لهارون) ها فين وصلتي وليتي ضرب ليا عباد الله هو صدق راجل عليك وليت نمشي لدروبة ونطلبهوم باش مايعطيوك والو وفعلا دار داكشي لي قلت ليه ومابغاش يعطيك وهانتا باش جازيتيه دابة غتخرج عليا من هنا خليني نبقى معاه حتى لصباح
سعد؛حدر راسو ودموعو في طرف عينيه حس بالخناجر دخلو ليه في قلبو بسباب هضرتها ناض وقف وخرج وسد لباب اما هي غير خرج ونفاجرات بالبكاء تكات مرفقها على ركابيها ودارت يديها على وجهاا وبقات تبكي وتشهق عارفة بلي قصحت معاه لهضرة ولكن تايبقى خوها لي عندها وبغات غير مصلاحتو و هاد بالبلية كتجبد غير صداع و المشاكيل بقات هكاك حتى حسات براسها تفشات شوية حيدت يديها من على وجهها وهزات عينيها في هارون لقاتو هز راسو باغي ينوض ومشات كتجري جلسات على ركابيها تقابلات معاه
جيهان؛؛ خلييك عفاك ماتحركش
هز راسو باغي ينوض ومشات كتجري على ركابيها وتقابلات معاه
جيهان؛؛ خليك عفااك ماتحركش
هو طلع عينيه فيها وشد من راسو بآلام لي حس بيه ونطق
ناضت خرجات كتجري و مشات لوطو جابت واحد مانطة صغيرة ديما حاطاها في لوطو هزاتها و دخلات لعندو لقاتو جالس وكيشوف في يديه لي لقاها ملوية عليها الفاصمة
جيهان؛؛
جيهان؛؛ خليك متكي عفاك غير بلاتي شوية ونوض الحمد لله ماشي شي حاجة صعيبة
هارون؛؛( هز عينه لحمرين لي ماحالهوم غير بزز ) سيري فحالك من هنا سيري
جيهان؛؛ لا ماعندي فين نمشي (جلسات في جنبو) هنا غتبقى حتى نطمئن عليك
هارون؛؛ غبري عليا مابغيت نشوف تا قواد
جيهان؛؛ (حشمت من هضرتو)ماغنمشي لحتى بلاصة انا كندير غير خدمتي من نشوفك بيخير غنمشي ولا بغيتي ديكلاري بسعد انا موافقة
هارون؛؛ ( غير حاضيها واخة ماقدرش يحل عينيه وشاد على راسو ) مغاديش نديكلاري غير غبري عند واليدك
جيهان؛؛( حدرات راسها بآلم و حابسة لبكية) كون كانو عندي گاعما تشوفني هنا، كون كانو عندي گعما نجي عندك حتى لدرب باش نهضر معاك عليه عندي غير هو ( نعت في جروح لي فيه )وشوف فين وصلني معاه
هارون؛رجع باللور وتكى على لحيط وعبس وجهو من تقصح في جنبو دور راسو لفين ولقى فاصمة اخرى شد من راسو
جيهان؛؛ (وقفات وقربات ليه قاست على جبهتو ) هانتا تكى في بلاصتك باش ترتاح غطلع ليك سخانة عاوناتو تكى هو ماحملش تبقى حداه ولكن مالقى جهد بزز منو باش هضر ولا تحرك تكا على كرشو وغمض عينيه كيحس براسو مخدر بغى غير ينعس حتى حس بيها رمات عليه لغطاء حل عينه بشوية وشافها جلسات قبالتو و حطات يديها على حناكها وغمضات عينيها بقى هكاك حتى غفى
اما هي بقات هكاك حتى حتى ماعقلاتش على راسها حتى غفات
شوية سمعات انين ديالو حلات عينيها بزربة بان ليها كيترعد وكولو عرقان ناضت كتزرب قربات ليه وقلبات جبهتو لقاتو طايب لبسات جاكيط تاعها وهزات سوارت خرجات كتجري ركبات في لوطو ومشات اقرب فارماسي خدات ليه دوا و رجعات عندو لقاتو مزال كيف ما على حالتو
عاوناتو حتى ضار و شرباتو كينة وضربات ليه لابرا وعاودات رمات عليه لغطاء و حيدات جاكيط تاعها رماتها عليه وجابت ديالو حتى هي واخة عامرة دم رماتها على رجليه وجلسات على ركابيها وقابلات عينها معاه وبقات كتشوف حتى نعسات وهي على حالتها
صبح الحال على صوت عصافير لي كانو فوق سرجم حل عينه هو اول جات عينه في وجهاا قريب ليه متكية وباقة على نفس حالتها معدبة و شعرها مغطي على عينيها
حل عينيه هو اول وجات عينه في وجهها لقريب ليه متكية وباقة على نفس حالتها معدبة وشعرها مغطي على عينيها
بقى كيشوف فيها بلاما يتحرك غير عينيه لي كيضورو على وجهها
هارون؛؛ كح كح
جيهان؛؛ ( ناضت قافزة وقاست على صدرو) مالك باش كتحس
جيهان؛؛ مالك راسك قاسح غير نشوف لجرح ونمشي في حالي ماباقيش تشوف وجهي
هارون هز عينه فيها وحك جنب فمو ،شاف حتى عيا وتكي على كرشو ودور راسو لعندها حاضيها
اما هي قلبها كتحس بيه كيضرب بجهد وحسات برعدة من لمسات مرة تنزل عينها على جرح مرة تهزهوم فيه تتلقاه مزال حاضيها حشمات وجهها ولا حممر كترعد هو شافها هكاك تبسم بزز عليه وضور راسو لجهة لاخرى مخليها على راحتها
اما هي من شافتو دار عاد رجعات فيها روح ،سنين وهي خدامة ماعمرها حسات بهاد الاحساس دوزت الاشكال وانواع هدا علاش كترعد قدامو عاودات عقمات جرح تاع جنب ومشات لجرحة تاع راس حتى هي
مد يديه شداتها حيدات ليه فاصمة قلبتها وبدات تعقم فيها وهو غير كشوف فيها ومركز بزاف على عينيها لي متابتين حتى فشي بلاصة معينة عقمتها وقادات ليه فاصمة وناضت حطات داكشي من يديها اما وهو مزال متبعها بعينيه ماقدرش يغض نظر عليها
جيهان؛؛ ( كتفرك في يديها ماقدراش تشوف فيه ) سمحليا بزااف على هادشي لي وقع ليك وسعد ولي كانو معاه خاصهوم يخلصو لدالك كنطلب منك تديكلاري عليهوم باش يتحاسبو
هارون؛؛( ناض وقف وهز تشورط كيلبسها) صافي ماوقع والو
جيهان؛؛( خرجات عينيها فيه ورفعات صوتها ) اويلي على ماوقع والو شوف حالتك كيدايرا وزايدها بديك تفليقة لي في راسك خاصو يتعاقب
هارون؛؛( لاح جاكيط على كتافو ومركز في عينيها وتبسم ونطق بصوت قليل خلاها تبورش) راه هو لي خوك ماشي انا
جيهان؛؛( قربت ليه حتى وقفات قريبة ليه ومدات ليه مانطة ) دير هادي على راسك
هارون؛؛( قرب يديه ليديها وعينه على يديها لي كترعد شدها من عندها) اش غندير بهادي
جيهان؛؛ ( كتهضر و كتشوف في الارجاء ماقدراتش تهز عينه فيه)رااه كاين شتا ولبرد ماخص يقيسك لماء في الجرح غطي بيها راسك
هارون؛؛ ( حرك راسو بالايجاب) واخه شكرا على كولشي
جيهان؛؛ نتا لي سمحليا حيث بسبابي وقع ليك هادشي كامل
هارون؛؛ يلا سيري في حالك
جيهان؛؛ (هزات يديها كتعبر بيها )ممكن طلب اخير
هارون؛؛(هز حاجبو مستغرب بقى غير كيشوف دوز لسانو على شلقومتو وحرك راسو بشوية ) امم
جيهان؛؛ نوصلك حتى لدارك
هارون؛؛ (عقد حجبانو) شنووو
جيهان؛؛ عفااك نوصلك ونمشي في حالي خليني نكمل شغلي
هارون؛؛ ( حرك راسو ) الاااله شكرا على كولشي غير سيري فحالك
تم غادي خارج وجات قدامو ووقفات قابلات وجهها مع وجهوً
جيهان؛؛ عفاااك ابليكو
هارون؛؛( شاف فيها مستغرب وزاد قرب منها ) باش عرفتي بلي انا هو ابليكو
جيهان؛؛ ( بدات تسرط ريقها وكترجع بلور وعينها حلاهوم على جهدهوم) لا لا ماتفهمش غلط انا عرفتك بزناس وكتبيع داك زعطة وداكشي ولكن ( حطات يديها على فمها) والله ماقلتها لشي حد ومامعمرني نقولها لشي حد والله هادشي لي كاين
هو مزال كيقرب ليها وعينه كيفحصو وجهها وحابس ضحكة بزز من منضرها وخوفها زايد تزدحات مع الحيط حط يديه على الحيط حابسها هي غير كضور في راسها من جهة لجهة
هارون؛؛ ( كيضور عينه على وجها )وماخفتيش مني ،ندير فيك شي حاجة عارفاني كنبيع زعطة وبقيتي معايا ليل كامل
جيهان؛؛( تبسمت ببلاهة ) لا لا ماتقدرش نتا واخة كتبيع زعطة ولكن ظريف وزوين ماتقدرش تقرب ليا
هارون؛؛(دور وجهو لجنب و تشتت بضحك حتى عينه دمعو ) هههههههه لي بديته داك نهار كملتيه ليوم ماسميتهاش زعطة ياهاد البنت
جيهان؛؛( حلات فمها فيه من ضحكتو لي حماقتها ) كون غير بقيتي كضحك هاكة
هارون؛؛ ( دوز يديه على ليحيته و حابس ضحكة ) نعام اش قلتي
جيهان؛؛( كتقفقف في لهضرة ) اااا بغيت نقول ااا
هارون؛؛ ( مزال عينه وسط عينيها ونطق بصوت شبه مسموع) شنو
جيهان؛؛( كتشوف في عينه بدون ماترمش وتلفات ليها الهضرة )قلت ليك بلي نتا اا ا هو ابليكو ولكن ما ما ولكن ضريف وزوين بزااف و ( سرطات ريقها وكطلع وتهبط نفسها بزربة) خاصك تخليني نوصلك معايا
هارون؛؛( عينيه مابين شليقماتها لي كيترعدو وعينها لي حس بيهوم بحال شي بحر غارق مدة وهو هكاك ، حتى بعد يديه فجأة ودور وجهو تبسم وحك جنب ودنو) يلا زيدي
هي مع دار حطات يد على فمها ويد على قلبها بزربة كاتمة شهقاتها ودقات قلبها لي حسات بيه غيخرج من بلاصتو دازت قدامو بخطوات تقيلةً هزات جاكيط لبساتها و جمعات صاكها هزات سوارت وقربت ليه لي كان كيقاد في القب على راسو
جيهان؛؛ غطيها مزيان باش يضربش لبرد فيها
هارون؛حرك راسو بالايجاب بدون ماينطق خرجات هي اولى و تبعها هو جر لباب سدو وتبعها وصلات لوطو حلات ليه لباب طلع وضارت هي كتزرب كسيرات من غير مايهضرو وارتباك باين فيها كترعد هو مرة يشوف طريق مرة يشوف فيها كان شاد تلفون و دوز نمرة
هارون؛؛ ( كيشوف في يديه وكيهضر )الو فين راك
يحيي؛؛ ( كان مزال ناعس متكي وداير مخدة على راسو سمع تلفون مد يديه و جاوب وهو مزال مغمض عينه )نتا لي فينكً اصحبي او قلتي غتجي مشيتي مارجعتي
هارون؛؛ حتى نجي ونعاود ليك ، الواليدة كاينة
يحيي؛؛ اييه راه كل شوية تسول فيه
هارون؛؛ صافي انا جاي شوف وجد ليا جاكيط نلقاها عند خونا
يحيي؛؛ علاش اش كاين
هارون؛؛ دير لي قلت ليك از**
نسا راسو بلي راه معاه وفي جنبو قطع عليه ولاح تلفون في جيبو دوز يديه على وجهو
هي وجها ولا حمر بالحشمة ماهضرات ماتكلمات شوية لوقت وصلات لدرب مزال ماوصلات لزنقة وهو يهضر
هارون؛؛ ( مزال يديه وسط يديها وعينه مفيكسين وسط عينيها بدون مايرمش ونطق بشوية بصوت فحيح) عينَاكِ بحرٌ وما كَان الغرِيق إلا أنّا
هي ماسمعاتو اش قال
يلا غتهضر وسمعو دقان في زاج تاع لوطو بعدت يديها من يديه ودار هو يشوف شكون و لقى واحد واقف عند راسو
هارون؛؛ (نزل زاج وجرو من عنقو خشا ليه راسو في سرجم )
مالنا نتا اش كاين
شخص؛؛ سمحليا اخاي هارون كيسحبلي بوحدك
هارون؛؛ غبر تقود من هنا مزال دور بيا عارفني اش ندير ليك
شخص؛؛ انا غادي اخويا سمحليا
تم غادي وعاود عيط ليه
هارون؛؛ اجي لهنا
شخص؛؛( تم راجع وحادر عينه) هانا اخويا
هارون؛؛ دوز عند يحيي قوليه راه هارون كيتسناك
شخص؛؛ واخه
هارون؛؛؛(مشا هو دار عندها لقاها حالة فيه فمها وحرك راسو مع غمزة ونطق ) مالك
جيهان؛؛ و ووالو مامالليش
هارون؛(حل لباب هبط و وعاود دار عندها حط يديه على لباب وقرب وجهو ليها وحرك راسو ) شكرا مرة اخرى و بالنسبة لخوك خاصك تصبري عليه هاد المدة صعيبة عليه شوية
جيهان؛؛ ( عقدات حاجبها) نتا مول هادشي كامل وكتنصح من لفوق
هارون؛؛ (تبسم وشاف في عينها ديريكت) كنعرف غير زعطة انا مكنعرفش لقرقوبي ابنتي
حيد يديه من على لباب وزاد قبل ماتقول شي كلمة تكات يديها على سرجم و دارت يديها على فمها بقات حالة فمها فيه حتى شافتو وقف قدام واحد لگاراج ولي داز كيرمي ليه سلام هز راسو فيها لقاها مزال واقفة وحاضياه حرك راسو بمعنى اش مزال كديري هنا
هي تبسمت وحركت راسها يمين وشمال كسيرات ومشات بسرعة دازت من حداه وهزات يديها شيرت ليه هو بقى مقابلها حتى غبرات
يحيي؛؛ ( وقف عليه وشافو حاضي طريق) افين
هارون؛؛ ( دار عندو وهز حاجبو ) ساعة اصحبي واخة تكون كتصنعها
يحيي؛؛( دار يديه على فمو كيتفوه و تبسم ) شكون هديك
طلع هارون لبيتو لقا حنان كتجمع لبيت غير شافتو وجات قدامو وشدات في يديه
حنان؛؛؛ هارون مالك في يديك اش كاين
هارون؛؛ (جر يديه وحيد جاكيط) مكاين والو
حنان؛؛ (شافت دم في تشورط) مالك في يديك واش واقع معاك شوف حالتك كولها دم
هارون؛؛ (حيد تيشورط ) مافيا لي يهضر باغي غير نعس
حنان؛؛( غوتت ) اولي مالك في جنبك وراسك
هارون؛؛ ( دار صبعو على فمو ) شششت غتزمي فمك ولا غنقبر لمك ماتعرفيش تهضري بشوية
حنان؛؛ وقولي مالك اش كاين
هارون؛؛ ( حيد لگاط وتم داخل لدوش ) ماواقع والو
دخل غسل و خرج لقاها مزال واقفة قبالتو
هارون؛؛( قرب ليها وهز صبعو ) بربي ونعرف الواليدة عرفت شي حاجة منك حتى غنتفاهم معاك
حنان؛؛ ( حركات راسها بالنفي ) لا لا مانقولش
خلاها ومشا تكا على كرشو وجر عليه لغطا وغمض عينيه اما هي غير شافتو نعس وهي تخرج وسدات لباب
✅عند جيهان
من بعد ما خرجات من درب مشات لدار نيشان دخلات وعينيها غير على ارجاء تشوف واش كاين ولكن والو دخلات لكوزينة نيشان لقات مليكة جالسة فوق كرسي وشادة من راسها قربات ليها وشداتها من درعانها
جيهان؛؛ مالك امي مليكة
مليكة؛؛ (هزات عينيها فيها) والو ابنتي غير عييت
جيهان؛؛ ياك كنقولك رتاحي انا قادة
مليكة؛؛ الله يابنيتي وانا اش نجلس ندير عارفاني مولفاكم و مانقد نبعد عليكم
جيهان؛؛ ههه واشكون قاليك غتبعدي غنجيب وحدة تعاونك مرة مرة
مليكة؛؛ لا يابنتي مانتيق في حتى وحدة
جيهان؛؛ جيبيها نتي يلاله انا مندخلش
مليكة؛؛ صافي لقيتها بنت ختي راهي غير جالسة تجي تعاوني
جيهان؛؛ مرحبا بيها يالاله راه دارك هده
مليكة؛؛ يرضي عليك يابنيتي
جيهان؛؛( وقفات ) نوضي ترتاحي سعد فينو
مليكة؛؛ ابنتي جا لبارح نيشان طلع عيت مانهضر معاك وهو مرفوع
جيهان؛؛ كان سكران تاني
مليكة؛؛ لكدوب عالله حرام ماشميت فيه حتى ريحة وجاني عادي
اما في دار هارون دازو اشواط لماتش على الاعصاب وانتهى بتعادل 4ل4 وهارون بالفعل كما زوج باكيات تاع لگارو ☺️
دازت ليلة عادية عند ابطالنا
صبح الحال على المنبه لي كتحس بيه كيصوني في ودنها قربات يديها طفاتو و ناضت مبوقة مشات دوشات دوش خفيف و لبسات حويجاتها ودارت ميكاب خفيف كيف ديما و نزلات لقات مليكة موجدة فطور ولكن هي مكيناش جلسات كلات شوية وناضت خرجات نيشان في اتجاه لوبيطال مع دخلات عيطو ليها لشي عملية مستعجلة
مع دخلات لوبيطال عيطو ليها لشي عملية مستعجلة دخلات لبسات حوايجها و مشات لبلوك نيشان
✅في الدرب
واقف قدام لباب داير لكاسكيط ورامي القب على راسو يد خاشيها في جيبو وليد لاخرى شاد بيها لگارو
خرج يحيي هاز شكارة هو غالي في جنبو خارج معبس
شافو هارون وتحنى عليه وقاسو في شعرو
هارون؛؛ مال صاحبي معبس وجهو
غالي؛؛ انا بغيتك ديني نتا لمدرسة
هارون؛؛ عندي شغل مع لميمة انا نجي نديك اسيدي ماتقلقش
غالي؛؛ ماتكدبس عليا
هارون؛؛ دابة انا كداب ياك
يحيي؛؛ غالي زيد راك تعطلتي
غالي؛؛( شد يحيي من يد وليد لاخرى كيشير بيها على هارون ) انا غنتسناك ماتنساسً
هارون؛؛( لاح لگارو وعفس عليه برجلو وتبسم ) ماناسيش كلمة رجال
وقف عليه طاكسي حدا رجليه ودار راسو في لباب وعيط
هارون؛؛ الواليدة يلا زيدي خلاص
خديجة؛؛ (تمات خارجة ) هاني اولدي واجدة
خرجات وكان تابعاها حنان لابسة جلابتها ودايرة كاب على كتافها شافها هارون و هضر
هارون؛؛ غير ريحي ماكين لاش تمشي راه غير كونطرول
حنان؛؛ غير خليني نمشي معاكم
خديجة؛؛ غير جلسي ابنتي قابلي دار
هي غير سمعات لهضرة محملات راسها خيبات سيفتها ودخلات
هارون؛؛ (خنزر فيها وتم باغي يتبعها شداتو خديجة من دراعو ) لا اجي ضربني حسن
خديجة؛؛ الله يهديك اولدي
هارون؛؛ معجبهاش لحال تقود عليا من هنا
خديجة؛؛ مكاين لاش هاد لهضرة اولدي نعل الشيطان
جراتو ومشاو ركبو في طاكسي وتيسرو لوبيطال داخلين وهو شاد مو من يديها مشاو لإستقبال عطاهم الورقة لي عطاو لخديجة نهار لي خرجات
باش ترجع كونترول
ممرضة؛؛؛اه أسيدي مدام خديجة عندها كونترول ليوم طلعو طبقة رابعة تما كين مكتب دكتورة جيهان هي لي عتشوف معاها
هارون؛؛؛واخة شكرا
رجع شد من خديجة يطلعو لفوق حتى وصلو لطبقة رابعة ݣلست خديجةوهارون مشا يقلب على دكتورة تاعها
غادي وكيسول حتى وصل مكتب ديالها دق وهي تخرج وحد فرملية
يحيي؛؛؛دكتورة جيهان
فرملية؛؛؛لا سيدي دكتورة جيهان عندها عملية دابة
هارون؛؛؛؛(صعر)أش هد صبيطار ديال ل***"واش كتشطحو فينا ولا شنو وحدة لتحت تقول لينا طلعو طبيبة كاينة لفوق نتي تقول مكيناش شنو هد مرض
فرملية؛؛؛(كنحاول تهدن الوضع)انشوف ليك هد ملف (شافت ملف)اه فعلا خاص تشوفها دكتورة جيهان تقدر تسناها شويا خرجت ليها عملية مستعجلة غير حاول تفهمنا أسيدي
هارون نتر لملف من يديها ورجع وقف حدا مو وكيصوط مرة يوقف مرة يتمشى وكيشوف في ساعة
دازت الوقت مشا كيسول حتى وصل غرفة ديال عمليات بقا واقف كيتسنا حتى بانت ليه
خارجة وصدمة على وجها
وكتمشى بصعوبة جرت كمامة من على وجها وتكات على الحيط وعينيها مدمعين وجهها مزنك وعرقان
هو هز عينه فيها وحس بصدمة ورجع ملي قالت ليه سميتها جيهان
ياله غدي عندها وهو يتجمعو عليها عائلة لمريض
جيهان؛؛؛؛ ( بصوت عيان )درت كل ما في جهدي ولكن نتوما تعطلتو عاد جبتهوه البركة في راسكم والله يرحمو كنتأسف
ناض الغوت والبكا وتجمعو عليها كيسبو فيها وهي مصدومة بقات غير واقفة
شي كيقول نتي طبيبة نتي شي كيقول نتي لي قتلتيه
بقات واقفة وهي متفهمة حالة ديالهم مبغاتش تناقش معاهم كنحاول غير دوز من حداهم حتى حبسها واحد باغي يضربها هاز يدو
حتى شافت يد شادها و كارز عليه وعينه بحال جمر
هارون؛؛ ( تكلم كارز على سنانو )تحط يديك نگرضها لط*** مك ، والاعمار بيد لله ماشي بيديها اولدي
جيهان؛؛(شداتو من دراعو ) هارون هارون عفاك
هارون؛؛( مزال شاد يديه ) هذه يارجلة تحگر على لولية ولد الق**
جيهان؛؛ ( جات قدامو تقابلات معاه وشداتو بيديها بزوج)هارورررن عفااك انا متفهمة وضع و ماشي ساهل عليهم هادشي
هارون؛؛( دور راسو لجهة لاخرى وصاط بجهد زاد شوية) ز** كيترجل على عيالات
جيهان؛؛(قربات ليه) مالك دمك سخون اهارون كان ممكن تهضر بالعقل ماشي تخصر لهضرة
هارون؛؛ ( بحال كتهضر مع الحيط )ولد الق
جيهان ؛؛(قاطعاتو و حطت يديها على فمو ونطقات بشوية) شششت هارون عفاااك
هو تكوانسا من شوفتها قريبة ليه ويديها لي لي لمسات شفايفو
جيهان؛؛ ( وعات اش دايرة وحيدات يديها بزربة وهبطت راسها وحكت جنب ودنها) جيتي على ود الجرح غير نشوف واحد سيدة وانا معاك
هارون حدو حرك راسو بشوية وهي تماش قبلو وهو موراها وصلات قدام مكتب شافت خديجة وتبسمت ليها
جيهان؛؛ مدام خديجة كيف راكي
خديجة؛؛ هانا ابنتي الحمد لله
حلات لباب ودخلات جيهان وتبعاتها خديجة دخلات داخل كتفحصها وهي مرفوعة وهاد عملية كانت اول وحدة تخصر فيها سالات ليها الفحص وخرجات المكتب لقاتو جالس في كرسي على راحتو داير رجل على رجل و شاد تلفون كيلعب بيه فوق ركبتو وعينيه مركزين في صورة شهادة تاع جيهان لي كانت قبالتو
يلا غتهضر وجات سبقاتها خديجة خارجة كتصايب في شالها
خديجة؛؛ هارون ولدي جيتي
جيهان؛؛ (حلات عينيها على جهدهوم) خالتي واش هذا هو ولدك
خديجة؛؛ (جلسات في كرسي)اه ابنتي هذا هو
هارون؛؛ ( شاف فيها وهضر ) كولشي مزيان ادكتورة
جيهان؛؛ (جلسات في بلاصتها وصدمة مزال على وجهها ) لا لا ماتخافش راهي مزيانة الحمد لله غير تبع داكشي لي قلت ليها في الاول
خديجة؛؛ ايه ابنتي مزيان من دخل مايتيقش بيا انا واخة نضل نحاجي ليه
جيهان؛؛؛ (شافت فيها تبسمت ) غير من خوفو عليك الميمة داكشي علاش
خديجة؛؛ مفوت ابنتي هدا عندي
هارون؛؛ ( عينيه غير على جيهان وكيهضر بصوت تقيل )شنو زعمة كتشكي بيا ولا امممم
جيهان؛؛( ردات شعرها ورا ودنيها بارتباك من شوفاتو لي خلاوها ترعد ) الله يخليكم لبعض ياربي والواليدين هما كولشي في الحياة من كيخطاونا كولشي كيمشي معاهوم
خديجة؛؛ الله على بنتي ماعندكش واليديك
جيهان؛؛ (تبسمت ونزلات دمعة من عينيها ) هه لا ماعنديش توفاو من كنت مزال صغيرة
ياقوت؛؛؛(وقفت وهازة مكلتها وعينيها دمعو بالضحك)ومالي كدبت عليك راني كنقول ليك غير صراحة وحتى ٱلى مبغيتيش ماشي مشكيل أنا نصبر ألالة ونجي بلاصتك ونشرب حتى شراب ݣاع
وقفت جيهان وبغات تشير عليها بواحد ملف راس
غير هربات
بالزربة خرجت
وهي كتموت بالضحك
اما جيهان رجعت لبلاصتها وهي كضحك
حتى سهات في هضرة ديال ياقوت
فعلا هد إعجاب لي جاها من ناحية ديال هارون شنو نهايتو واش هي تقدر تعجب ببزناس ولا تجدبت ليه حيت أول مرة كتشوف شخصية مختالفة
بعيد على الوسط ديالها شخصية قوية ومتمردة
وفي نفس الوقت عندو شوفة حنينة وبريئ
فيقها من تفكيرها غير نداء لي سمعات انها خاصها تلتاحق بالغرفة العمليات جمعت الوقفة ومشات كتجري
✅هارون من بعد ماكملو لغدة تجبد في سداري وكيلعب في تلفون
يحيي خرج يوصل غالي لروض وصالح شاد حتى هو سداري ومقابل تلفازة
خديجة متكية حتى هي حداهم وحنان في الكوزينة
حتى طلع يحيي وجهو مخطوف
يحيي؛؛؛هارون أجي معايا بغيتك واحد دقيقة
هارون؛؛؛؛(مكيشوفش فيه )
بلاتي....بلاتي
يحيي؛؛؛(على أعصابو )وأجي أصحبي نهضر معاك
هز هارون فيه وعرف بلي كاينة شي حاجة يحيي باين عليه أعصاب
هضر معاه بالعينين خرجو من دار بلا ما يعيقو
ياله خرجو مع الباب
هارون؛؛؛اش كاين
يحيي ؛؛؛داك خونا لي تشد جبد القط وقرقبو على القط اليوم وراك عارف القط شماتة قال ليا خونا بلي من كانو غادين بيه وشاد في فمو غير أبليكو
حك على لحيتو وضرب برجلو وحد حجرة حتى طارت
هارون؛؛؛؛كلب شماتة عارف هداك ولد ق**** معندوش معايا
يحيي؛؛؛؛خاصنا نتحركو ونلقاو شي تخريجة دغيا
هوما مزال كيهضرو حتى وقف عليهم واحد من ولاد درب كامل عرقان وسخفان
شخص ؛؛؛؛خويا ...خويا
بوليس جاو الدرب و مقربلينها عليك
شخص؛؛ خويا ،، خويا بوليس جاو لدرب ومقربلينها عليك
هارون؛؛ صافي غبر نتا من هنا
يلا مشا ولمح لواحد لدري جاي لابس جاكيد رامي قب على راسو ومغطي وجهو وهاز لكارو تينتر منو وتيبخ هو صاحبهوم ثالت ولكن مكيبانش بزاف ديما غابر تيبان قليل من تحت تحت خاسر وقبيح قربو ليه هارون و يحيي وقفو في راس زنقة
يحيي؛؛ ( شعل لگارو )اش تم اعبدو
عبدو ؛؛؛؛(قرب ليههم )
لحناش راهم دارو الدرب كامل كيسولو على أبليكو
هارون:::( دوز يديه على وجهو وعض فمو من داخل )شنو درتي نتا
عبدو؛؛ ماتخافش حتى شي حد ماهضر
هارون؛؛ (تم راجع لدار )سير فحالك ولا كاين شي حاجة علمني بيها
عبدو؛؛ كون هاني نتا لي حضي راسك
زاد هارون بلاما يقول كلمة يحيي تبع هارون وصلو قدام لباب وركبو في موطور وزادو يبعدو من درب غادين في طريق يالا غادين يخرجو من حومة وقفتهم واحد لوطو
ضرب هارون على شكون هو يبان ليه سعد
بغا يوقف
ويحيي؛؛؛ سير اصحبي متوقفش نبعدو من هد قنت
ولكن هو مقدرش جاب لمطور في جنب وحبس بلاما يجاوب يحيي
يحيي؛؛؛؛و أصحبي ماشي وقتو متوقفش خلينا نخويو من هنا دابة يجيو صحاب الوقت
هارون ؛؛؛؛(كيحيد لكاسك ونطق )غادي نهضر معاه جوج كلمات ونغبرو من هنا
مزال مكمل هضرتو حتى كيبانو ليه بوليس جاين مع شاريع
هارو؛؛؛؛ ( خبط برجلو على لوطو و نطق )تفو على مرض
حل لباب لوطو و كيشوف في يحيي وفي سعد لي واقف وكيترعد بحركة وحدة لاح سورات موطور ليحيى وطار لوطو ديال سعد وجرو معاه حتى طيحو فيها وعفط عفطة وحدة خلى غير لعجاج
اما يحيي مع لاح لو سوارت طلع وزاد بسرعة من تم
هارون بعد من لحومة و كسيرا بسرعة جنونية
حتى كان غادي يقلبها
عاد حبس شاف موراه كانو بعدو بزاف
تكا راسو وبقى شحال وهو كيطلع نفس وحاضي قدامو
دور وجهو كيلقى سعد كيحك في لحمو وكيترعد ماشي في هاد العالم
سعد؛؛ فيلا رقم ***** غير زيد مع هاد شارع غتخرج نيشان في الحي
هارون دار وكسيرا نيشان كينعل ويسب في القط كون كان قدامو يقتلو و مايحنش فيه زاد في السرعة حتى وصل الحي دار مع دورة وخرج نيشان في فيلا تاعهوم حبس لوطو دار كاسكيط و رمى القب على راسو و نزل قرب الباب يلا هز يدو غيدق حتى سمع صوت من موراه
جيهان؛؛ علامن كتسول اخويا
هارون؛؛( سمع صوتها بحال شي رنة على قلبو دار ونزل عينيه عليها ) هذا انا ادكتور
هارون؛؛ ( غمض عينيه و تنهد بعمق وحل عينيه فيها وزاد قرب شوية منها ونطق بصوت شبه مسموع) بغيتيني نبقى ادكتور
جيهان؛؛( كتحرك راسها بزربة وكتنخصص) ا اا عفااك راني خايفة تمشي ويدير شي حاجة في راسو ولا فيا
هارون؛؛ ( زاد قرب ليها وهو معارفش اش تيدير كيحس بروحو تجمدت كيشوف في عينيها كيجروه بحال مغناطيس هز يديه وقربها لوجها ومسح دمعة كانت نازلة ونطق بشوية وجهو حدا وجها) شتت متبكيش غادي نبقى غادي نبقى
جيهان؛؛( من حط يديه على وجهها عيونها تغمضو حسات بقلبها كيضرب وصدرها كيطلع وينزل بجهد) هارون
هارون؛؛ ( مزال يديه على حنيكاتها لي حس باردين وعينه على شفايفها حمرين مثل الكرز كيترعدو نطق بشوييية ) شنو Occhio di pioppo
جيهان؛؛( غير حلات عينها بغات تفهم اش قال و جاو في عينيه لي قراب ليها وجهاا تزنك مانطقات بحتى كلمة من شافتو قريب منها حتى لديك درجة غير كتشوف لدرجة سهات فيه وكلام تنسى ليها وحروف تخلطو ليها كتسرط ريقها وكيتسمع غير صوت انفاسهوم الحارة
هارون؛نزل يديه بشوية حطهوم على شفايفها لي كيترعدو هبط يديه وحطهوم على رقبتها وجرها عندو بشوية حتى مابقى كيفصلهوم واالو كيقرب ودقات قلوبهوم كتسارع قرب شفايفو لشفايفها
هبط يديه حطهوم على رقبتها وجرها عندو بشوية حتى مابقى كيفصلهوم والو كيقرب ودقات قلوبهوم كتسارع قرب شفايفو لشفايفها حل عينه فيها بشوية و لقاها مغمضة عينيها تبسم وزاد قرب ليها وحط شفايفو على شفايفها لي كيترعدو استسلم لقلبو لي كيسارع باش مايطيحش فيها ولكن ماقدرش يتغلب عليه ماقدرش يكتمها في قلبو حاس بهي بحال مغنطيس كيجدبو ليا مبقاش مخدم لعقل او منطق معاها
غرقو في بعض ونساو راسهوم حسو بلي غير هوما بزوج في هاد العالم
هارون ما فاق حتى حس بوجهو فزݣ بدموعها حل
عينيه لقاها كتبكي ومغمدة عينيها وكتشهق
هارون؛؛( تكلم وهو امستغرب) مالك
جيهان دفعاتو وشافت فيه شوفة طويلة ومشات كتجري دخلت لبيتها لي كان غير في جنب بيت سعد وزدحت لباب حتى كان عيتشتت
هارون؛؛؛؛( حك راسو ونفخ ) اش درتي اهارون اش درتي
قرب لباب بخطوات تقيلة وسمع شهقاتها ونعل في راسو حس براسو تسرع بزاف
هارون؛؛؛؛ (كيهضر وحاكط يديه على الباب) جيهان جيهان ( دوز يديه عل لحيته بالرتباك لي شدو )سمحي ليا والله ما عرفت شنو وقع ليا
جيهان ؛؛؛(لي كانت كترعد وهي معارفاش اش داك الاحساس لي حساتو شادة من قلبها لي كيطلع بجهد )ماشي غير نتا لي خطأتي اهارون حتى أنا
هو زفر بضيق وحرك راسو يمين وشمال كيلوم في راسو حس براسو استغلها واستغل لوضع لي هي فيه تكا راسو على لباب وسكت حتى سمع كتعيط ليه
شرطي؛؛ سمحيلينا الاله عطاونا امر بلي مدعى عليه ابليكو عندكم في دار
جيهان؛؛ كيفاش شكون ابليكو وشكون عيط ليكم
الشرطي؛؛ واحد اسميتو سعد
جيهان؛؛ سعد ، سعد خويا مسكين جاتو واحد الحالة هيستيرية شدو لحماق تاني هئ هئ شكون ابليكو
شرطي ؛؛ (شاف في شرطي لي معاه وعاود شاف في تاني ) االاله ممكن تخلينا ندخلو نقلبو
جيهان؛؛ كيصحبليك كنكذب بغيتو دخلو دخلو ولكن تحملو عواقب لا شفتو سعد فديك الحالة ودار ليكم شي حاجة انا لي غنتابعكم حيث علمتكم
الشرطي؛؛ واخة ندخلو نشوفو
جيهان؛؛ (دورت راسها على الارجاء حيدت من الباب وهزات يديها بمعنى دخلو ) على راحتكم
دخلو واحد دخل لتحت وتاني طلع لفوق قلب لبيوتة كاملين من وصل لبيت سعد دخل من حسن لقاه ناعس وكيهضر بحالا بصح مريض وتحتاتي حتى هو ماخلى حتى بلاصة ماقلبهاش قلبو تاعياو مالقاو والو نزل لي لفوق وهضرو بعينهوم وتأكدو بلي مكاين تاحد وبصح سعد مريض
جيهان؛؛ ( ربعات يديها وشافت في بوليسي ) اكيد غتكون لقيتيه ناعس و كيهضر تاني
شرطي؛؛ سمحي لينا الاله كنعتادرو على الازعاج
جيهان؛؛ اش غنقوليك خويا كيبقاو يجيو واحد الحالات وكيجبد شي سميات مامعمري سمعتهوم (هضرات بشوية) خويا كيبقى يجبد سميات تاع مالين لمكان هاد ابليكو عمري سمعتها شنو غيكون منهم ولا غيكون هو شاف تاعهوم باينة خالعكم من سميتو
الشرطي؛؛ (شاف في صاحبو وغمز ليه بلي حمقة شوية ) كنعتادرو مرة اخرى
خرجو بعد ماتأكدو بلي ماكين والو تبعاتهوم حتى شافتهوم ركبو وزادو ورجعات دخلات وسدات لباب دارت لقاتو متكي على حيط قصير و داير يديه في جيابو مبتاسم وًعاض على شنوفتو
هارون؛؛ ( كيطلع ويهبط فيها بشوفات لي تلفو ليها مشية نطق كلام بلاما يحس) راني عايش في ضلمة رحميني ابنتي
حور العين الجزء الثاني
محتوى القصة
التنقل بين الأجزاء