هارون؛؛( عاود شدها من رقبتها وجرها عندو زدحها معاه مقاطعها وعينه كيف جمر) راني نعشق فيك دكتوور
جيهان؛تخلعات من نبرة صوتو وتخنزيرتو غير سمعاتو اش قال زادت خرجات عينها ودموعها نازلين مامتيقاش اش كتسمع كتحس بركابيها خواو
هارون ؛؛ ( حاكمها بيديه ونزل راسو ليها مقابل عيونها) بغيتك وماتسولنيش امتى ولا كيفاش انا براسي ماعارفش ( نزل يديه لخصرها وزاد لصقها معاه)لي عارف هو بغيتك وبغيتك تكوني حبيبتي ومراتي وام لولادي لي عمرني فكرت فيهوم ولا كانت عندي رغبة نولدهم حتى شفتك نتي تخيلتك مراتي ونعيش معاك لحياة لي عمري كامل وانا نحلم بيها خاصك تعرفي بلي انا عايش وماعايش والو، حياتي ظلام في ظلام عايش مخبي من بوليس مخبي من هضرة ديال عباد الله عايش الحياة تاع ليل و بلية ماعمرني خفت ولا زعزعتني شي حاجة ولي مخليني صابر على هاد الحياة ديال الويل هوما واليديا ماعرفين عليا والو كيتخيلوني داك الولد ضريف زوين داخل سوق راسو نتي بوحدك لي عارفاني على حقيقتي عارفة شكون انا ( زاد نزل صوتو وقرب شفايفو لشفيفها) عارفة ابليكو
ممكن نقدر نكون زربت عليك ولكن خاصني نعرف قرارك لاقلتي اه كنحلف ليك برب المعبود نديرك فوق راسي نضرب تمارة باليل وبالنهار باش نوفر ليك لي تبغي (تنهد) اما لاكان قرارك رفض غنمشي في حالي وعمرك تشوفي وجهي
هارون؛؛ ا( نطق وعينه فيها مية سؤال) شنو قلتي ادكتور
جيهان؛؛؛ ( حطات يديها على صدرو وكمشت على جاكيط وشفايفها يترعدو) ب بغيتك وبغيت ابليكو كثر من هارون
هارون ؛؛ ( هز يد وكيدوزها على شعرها بشوية)انا ماقاريش،و حتى لباك ماعنديش
جيهان؛؛ ( تبسمت وعينها مغرغرين) بغيييتك
هارون؛؛؛ ماغاديش نقدر نعيشك في فيلا كيف موالفة
جيهان؛؛ معاك نعيش فوق سطح ابليكو
هارون؛؛ ( زاد قرب شفايفو لشفايفها ونطق بشوية) انا بزناس ونتي دكتورة
جيهان؛؛ ( زادت كرزات عليه وعينيها مغمضين)مكيهمنيش
هارون؛؛( نطق بصوت شبه مسموع ومزال شفايفو عليها) حضي روحك من ليوم الى قلتي اه وعطيتيني ضوء لخضر غتولي ديالي وانا ديالك ماغتفرقني عليك غير لموت ادكتور
جيهان؛؛ (طلعات يديها وحطاتها على وجهو نطقات بشوية) كنبغيك بزاف
هارون؛ حط شفايفو على شفايفها وغطسو في قبلة كتعبر على حبهوم لبعض واعتراف لي كان صعيب عليهوم بزوج هو خايف ترفض وهي لي كانت تمنى غير تبقى تشوف فيه وتسمع كلامو لي كيبورشها ونضراتو لي كيدوبوها شهامتو لي كتسطيها روجولتو لي واخدة عقلها دقائق دازت ومحاسينش بيها
هارون؛؛ ( بعد فمو عليها شوية ونطق) جامي عيني تشبع منك
جيهان؛تبسمت وزادت تعلقت فيه عنقاتو خشات نيفها في عنقو تشم ريحتو روجولة مخلطة مع ريحت لكارو اما هو اصلا تخدر مابقاش واعي سيغتو من تعلقت فيه هزها بيديه مقربها ليه وجهو في عنقها يستنشق عبيرها لي جامي يخفى عليه حاكمها مزيان كأنها غتهرب من يديه
{{{{احتويتك بين أضلعي و داخل حضني لتشعري بحبي ، إعترفت بحبي لك و لكن شعرت برغية شديدة لضمك لحضني حتى تشعري بناري .
عندما حضنتني بعد نطقك كلمة أحبك شعرت و كأنني لمست قلبك و أحسست نبضه بين ضلوعي ، اتعلم يا سيدي احسست انني ملكة للعالم في حضنك و تربعت أميرة و ملكة لقلبك حضنك موطني انت حدوده و انا ملكته و شعبه ، حضننا الاول سيبقى ذكرة لنا لانني لا أظن ان هناك عاشقا غيرك تفنن في الاحتضان}}}} ❤
تعلقت فيه هزها بيديه مقربها ليه وجهو في عنقها يستنشق عبيرها لي جامي يخفى عليه حاكمها مزيان كأنها غتهرب من يديه
جيهان؛؛ ( بعدت عليه شوية وحطات يديها بزوج على لحيته) هاروون
هارون؛؛ ( عينيه تعسلو فيها بعد عاض على شنوفتو) occhio di pioppo
جيهان؛؛( شافت فيه مستغربة) ممكن تقولي شنو هادي
هارون؛؛ ( زاد جرها لصقها معاه وقرب شفايفو لجنب فمها ونطق بشوية) حور العين
جيهان؛؛ ( تبورشت من نبرة صوتو ومن لحيته لي محطوطة عليها غمضات عويناتها ) علاش سميتيني بهذا سمية
هارون؛؛ (شاف فيها وعينيه محلولين غير بزز زادو تعسلو وحمارو نطق) عشقان فيك وعدابي يزيد ادكتور
جيهان؛ ( كلامو كيدوبها و لمساتو اكتر) ماعمرك تخليني اهارون
هارون؛؛ (نطق ويديه كتسرا على خدودها لي غيطرطقو بالحشمة) كاين شي حد يعيش بلا روح
جيهان؛؛ حركت راسها بالنفي
هارون؛؛ ( شد يديها وحطهوم على قلبو) نتي عششتي هنا ولي عطا الله عطاه
جيهان؛؛ عنقاتو تخشات فيه بدون ماتقول كلمة
هارون ؛؛ ( غمض عين وعوج فمو دفعها بشوية من عليه) هاكة احسن
جيهان؛؛( غوبشت) مالك
هارون؛؛ ( تبسم و دوز يديه على عينيه) هكاك ابنتي سيري تخدمي
هارون عيونو مغمضين وعقلو خدام تديه فكرة وتجيبو فكرة تالف ماهي مطارق كيضربو في راسو من ناحية جيهان خاف توصلها بلي مزوج قبل مايفكها، خاف يخصرها وهو عاد حس براسو عايش من شاف عيونها، خايف عليها من صدمتها، و من ناحية اخرى حنان واش غتقبل طلاق و ولا غتعكس ليه ،ومن ناحية خدمتو لي كولها مشاكيل وحسابات ، وزيد صمعة تاعو قدام واليديه في لحضة وحدة يقدرو يسمعو خبارو ويزيدو يزعفو عليه واش غيسامحوه واش غيسمعو ليه
بقى هكاك فكرة تديه وفكرة تجيبو حتى داتو عينو
ناعس موقف رجل ورجل مغطها داير دراعو على عينيه حس بشي يد دافية رطبة كتسرا على لحيته حل عينه بشوية وشد على ليديها وجرها عندو
هارون؛؛ ( نطق بصوت ناعس) علامن كتقلبي ادكتور
جيهان؛ (شهقات وكتشوف في اتجاه لحمام ) هارون طلق طلق غيجي يحيي ويفهم غلط
يحيي؛؛ ونتا ماحشمتيش مخليني جالس في لحمام ساعة وزيادة هاهو غيطلقها والو
هارون؛؛ ( ضار عندو مخنزر) كنتي كطل ازا****
يحيي؛؛( كيضحك) لا غير مرة اولى وعاودت دخلت نتسنى طلقها واصحبي شديتيها شدة لعماء في الضلمة از***
هارون؛خنزر فيه بدون ماينطق كلمة دخل لحمام قدا حاجتو و غسل وجهو وخرج لقى يحيي كيحاول يتحنى يلبس صباطو شافو وجا تحنى عليه عاونو لبسو وسد ليه جاكيط تاعو وهز هو جاكيط لبسها و رمى القب على راسو و شد في صاحبو وخرجو شدو طاكسي لدرب نيشان شوية الوقت حتى كانو قدام دار نزلو من طاكسي وقفو في الباب
هارون؛؛ كولشي مزيان
يحيي؛؛ مزيان مزيان
حل هارون لباب وتمو داخلين لقاو حنان كتسيق غير شافتهوم وتبسمت
طلع بلاما يزيد يهضر دخل دوش ولبس شورط وتيشورط وجبد جوان كيبرم فيه اما حنان غير سمعاتو بغاها وهي تزرب دغيا على تسياق حيدت طابلية و حيدت زيف حياتي من على شعرها وقرصات حناكها ودخلات لقاتو شاعل جوان ومقابل مع سرجم وساهي
حنان؛؛ ( وقفات حداه) هارون بغيتيني
هارون؛؛ ( دار عندها وشاف فيها شوفات طوال) حنان خاصنا نطلقو
هارون؛؛ ( تنهد) حنان راكي مادرتي ولكن واش حنا مزوجين بعدا حنان نجيك من لاخر انا قلبي مع بنت اخرى ومابغيتش نزيد نظلمك معايا نطلقو وتعيشي حياتك
حنان؛؛ ( ضحكت وسط دموعها) ههه حياتي حياتي اهارون واش راك كتهضر من نيتك نشوف حياتي اشمن حياة غنشوف واش بقات ليا شي حياة جبتوني كيف وردة من دوار كولشي عيالات دوار باغيني لوالدهوم ولكن مك لي هي عمتي قالت لا بغيتها مرات ولدي با بيدو جابني لعندكم مادرت عرس بحال لبنات ماتخطبت بحال لبنات قلت ماعليش عمتي مريضة نقابلها وهادشي كامل شكليات ياك من جيت مك كانت مشلولة وختك ماتت وخلات ولد مزال صغير
قابلت مك حتى من ليكوش درتو ليها قابلت غالي بحال ولدي ونتا ماكنتيش معبرني نبكي ونمشي عند مك نقوليها عمتيي ولدك مكيشوفش فيا تقولي صبري صبري داابة يبغيك نسيق نصبن نطيب كولشي مني انااا وساكتة ومتحملة يدوزو لعياد لعيالات كاع يخرجو مع رجالهوم يكسيوهوم وانا تلوح ليا مك بيجامة لبسها ونفرح بيها لبنات لي تزوجو معايا وولدو ولادهوم وانا قهروني غير بتسوال ونقول مزااال ماجاب الله ونتا عمرك قصتيني وليوم جاي تقولي نطلقو بغيتيني نهز حوايجي ونقول واخة اولد عمتي هانا راجعة لعروبية يااك( قربت ليه ) هادي هي لي عمرك تحلم بيها انا ماقابلاش صبر لي صبرتو ماغيمشيش غير هاكاك وانا غادية نولي مراتك كيف بغات عمتي
هارون؛؛ ( هضر بشوية) حنان انا ماعندي حتى دنب في هاد زواج حتى انا تكتفت بحالي بحالك
هارون؛؛ ( عينيه تعماو قرب شدها من فكها وزير عليها وهضر كارز على سنانو) ولتي تهدديني وللا شنو
حنان؛؛( عينيها خرجو وكتهضر مبحوحة) حسبها كيف بغيتي مهم عندي زواجنا يولي حقيقي ومطلقنيش ولا اقسم بالله حتى نقولها لعمتي
هارون؛؛ ( زاد زير عليها استفزاتوً اكتر حابس عليها بزز) كنقسم لي بالرب المعبود وماتخرجي من هنا حتى غنقبر لط*** مك
حنان؛؛( كتبعد يديه عليها) واخة غنخرج ولكن عمرك تحلم غنقبل نخرج من هنا ابليكو
هارون؛؛( زاد كرز عليها) حق الرب الجليل وديري شي حاجة من هادشي حتى تشوفي ابليكو تاع بصح ماشي غير لي سمعتي بيه
طلق منها ودفعها وخرج وزدح لباب حتى كان غيتهرس مابغاش يزيد يبقى معاها لايتهور ويدير فيها شي حاجة
اما هي غير خرج وشدات من فكها وعينيها تعماو بالغيرة وفكرة تاع كيبغي شي بنت اخرى مابغاتش تدخل لراسها
حنان؛؛ واخة اهارون واخة خاصني غير نعرف شكون هاد لكلبة لي باغا تديك من يدي
من بعد ما خرج طلع لسطح معصب وعروقو غيطرطقو بانت ليه طبلة تاع لميكة ضربها برجليه تاتقسمت على زوج مشا ريح فوق واحد صندوق وعينيه مركزين على نقطة وحدة ومكيرمش وبالو كيف غيدير تا يفك هاد لوحلة لي وحل من اول ماكانش باغيها وفكرة زواج بصفة نهائية مكانتش في بالو خديجة هي سبابو حتى قبلها ماكانش كيخصر ليها لخاطر وزادت عليه لمرضة لي مرضات وشلل نصفي لي تصابت بيه فديك لوقت و كانت حنان هي لي وقفات معاها وبزات عليه يتزوجها بغا يرفض ولكن لحالة ديال مو كانت كارتية قبل على ودها على قبل مو ضحى بزااف وزييد موت ختو صغيرة لحنينة فيه تمشي بين يديه مكانوش يتفارقو هو وياها تعاود ليه ويعاود ليها كانت علاقتو بيها بزاف بحال صاحبتو ، وفجأة لموت داتها بين يديه وخلات بيبي صغير في يديه هارون عاانى بزاف من صغرو وهو تامر خرج من لقراية بكري ماخلى تا حرفة ماجربهاش هز صنادق على كتافو خدم مع لحواتة خدم مع خضارة خدم نجارة كولشي دار يديه فيه على قبل واليديه باه في داك لوقت كان مرة يخدم مرة مايخدمش
هارون معروف في حومتهوم وكولشي كيدير بحسابو ،لي مريض هارون ،لي واحل هارون ،لي هضر معه شي حد هارون قاصح من صغرو مكيعرفش شنو هو لخوف دوز بزااف في صغرو لي خلاتو يقصاحً وزاد قصاح بهاد لحرفة
جالس ساهي حتى سمع طرف تاع طبلة تدفع هز عينيه كان يحيي جاي عندو وشاد من ضربة
يحيي؛؛ هارون مالك اصحبي
هارون؛؛( عينيه زادو حمارو) لاش طالع از**
يحيي؛؛( ريح حداه) واش مع حنان ماقبلاتش
هارون؛؛( جبد كارو شعلو وكينتر بعصبية) تكتفت اصحبي
يحيي؛؛ كنت عارف غتوحل معاها
هارون؛؛ الله ينعل بو هاد الحياه لي مابغات تگود ليا
يحيي؛؛ ( خبط على ركبتو) ماتقولش هاكة اصحبي راك عارف من هضرتي مع جيهان عرف بلي راك بديتي لحرب خاصك تصبر
هارون؛؛ عارف بلي تاوحدة ماتبغي هادشي لي قلت ليها واخة راه زواجنا مكاانش ديال بصح ،ولكن جاتني في الواليدة اصحبي الواليدة قبلت على ودها عانيت على ودها ماتجيتش هي ضرب لي كولشي في زيرو
ياقوت؛؛( ضربت على راسها) هههه نسيت حق ربي تافرحت ليك مكانعرفش نعبر داكشي لاش
جيهان؛؛ ههه باز ياختي
ياقوت؛؛ جيني من لخر بلا لف ودوران
جيهان؛؛ شنو
ياقوت؛؛ باسك تاني
جيهان؛؛( عضت على شنوفتها وتبسمت وحركت راسها بالايجاب ) اه
ياقوت؛؛( غوبشت) ايوا الله يلعن تقاشر مك نتي وياه داك نهار باسك و دابة باسك زعمة ماتحتارمونيش انا لي مسكينة بوحدي وداك وجه لفتة تاع يحيي غير يشوفني يكحل بالعما تقول شاف جنية و زايدها بكل مرة محشمني تصوري من كترة دوخة كنت غندخل معاه لحمام ويلي ويلي
من بعد مانزل من سطح لقى حنان جالسة قدام تلفازة بحالا ماوقع والو داز ماهضرش معاها ومشافش فيها حتى شوفة دخل لبيت بدل حوايجو لبس سروال و جاكيط و دارت كاسكيط رمى القب على راسو هز سوارت وخرج خرج لموطور وزاد بسرعة خرج من درب وصل لواحد لخلى ووفق جنب طريق جبد تلفون من جيبو ودوز نمرة
كانت خارجة من دوش وياقوت لي جالسة تغني حداها غير سمعات تلفون وهي تمشي تلاح عليه هزاتو
جيهان؛؛( شافت فيها ودارت صبعها على فمها باش تسكت) الو هاروون
هارون؛؛( عصر على جبهتو وتبسم ) انا قريب لداركم اجي ونقولك شنو هي
جيهان؛؛( كتسرط ريقها) ولكن ش
هارون؛؛ ( تبسم نطق ) تنزلي ولا نجي انا
جيهان؛؛ لالاصافي انا نجي
واحد 10 دقايق نكون عندك
هارون؛؛ لبسي مزيان
جيهان؛؛ علاش
هارون؛؛( حك لحيته) كتسولي بزاف ادكتور
جيهان؛؛( ضحكت) صافي صافي انا غنسكت مانسولش
هارون؛؛ يلا ماتعطليش
قطعات معاه كتفرنس دارت عند ياقوت لقاتها كتحنزز فيها
ياقوت؛؛ و اداك راس لفتة زعمة ماقدتش يسول فيا
جيهان؛؛( مشات كتلبس حوايجها ) نتي راه زانزان ابنتي
ياقوت؛؛ سعداتك ياختي يقولك كلام وتحشمي
جيهان؛؛( لاحت عليها جاكيط لكوير و لبسات گاط ورمات ليها بوسه) تنحبك انا بقاي هنا ماتمشيش تانرجع
ياقوت؛؛( كطلع فيها وتهبط) ايوا الله ينعل لي مايحشم احمارة خرجي تمعشقي واناا نجلس هنا بحال موكة
خرجات كتجري قدام لباب كضور في راسها بان ليها متكي على موطور و وتيكمي سدات لباب و تمات غادية عندو كترعد هو غير لمحها جاية في اتجاه تبسم بلا هواه وعينيه كيطلعو وينزلو فيها بكل اريحية غير وصلت قدامو نتر من لگارو ولاحو
جيهان؛( تبسمات وحدرات عينها) سلام
هارون؛؛( تبسم بخ دخان من فمو ونطق بصوت ثقيل) كندوب في غرامك بلا بيك مانعيش
هارون؛؛( هز يديه وشد يديها حطها على قلبو ) عطيتك قلبي ودرتك في البال
جيهان؛تبورشت من هضرتو تبسمت وحطات راسها على ضهرو وحاسة براسها غادية طير بالفرحة مابقاتش خايفة ولا مديها في سرعة لي غادي بيها مزيرة على يديه وهو اكتر وصل لسطوب وحبس حط رجل في ارض وجبد ليكات كيلبسهوم
جيهان؛؛ فين غنمشيو
هارون؛؛ راني قلت ليك كتسولي بزاف
جيهان؛؛ ( ضحكت) واخة انا نسكت
هارون؛؛( عاود شد يديها وزير عليها ) دابة غتشدي فيا مزيان
جيهان؛؛( حركت راسها ورجعات جلسات وزيرت عليه ) واخة ولكن لا دخت وقلت ليك وقف غتوقف
هارون؛؛ ( زير على يديها)مغاديش دوخي غير تهناي
زاد وهي زادت تخشات فييه دار مع واحد طريق خااااوية مكسيري بواحد سرعة خيااالية وجيهان كتغوت على جهدها وكتحس بقلبها غيسكت و بالفعل غير ضربو شوية طريق مابقاتش كتحس بالخوف كيما اول كتحس بروحها رتاحت خوات قلبها من غوات لي غوتات وصلو للبحر ووقفو
هارون؛؛( شدها من خصرها ونزلها وقربها ليه لصقها معاه) دخلتي في قلبي بكل مافيك
جيهان؛؛ ( وجهاا غيطرطق) غ غادين نجلسو هنا
هارون؛؛( تبسم وهبط تاني من جرف اخر ومد يديه ليها) صافي هاحنا وصلنا
جيهان؛؛( مدت يديها وجرها عندو جا وجها في وجهو) علاش نتا زوين هاكة يعني
هارون؛؛(تبسم و قرب فمو جنب فمها) حيث راكي تعشقي فيا
جيهان؛؛( بعدت وجها عليه وحلات عينها على جهدهوم) شكون قالها ليك
هارون؛؛( مزال شادها من خصرها عاض على فمو و عينه كيتساراو على وجهها) عشقك غادي ويصعاب عليا
جيهان؛؛(ضحكت وميقات عينها) سعداتي
هارون؛؛( حمقاتو بهاد لحركة بقا غير حال فمو فيها حرك راسو بشوية ) غمضي عينيك
جيهان؛؛( دارت يديها على فمها ) شي مفاجئة هادي
هارون؛؛( ضحك وحرك راسو بالايجاب) غمضي عينك بعدا
جيهان؛؛( غمضات عينها وابتسامة مافرقات شفايفها) ها هي مغمضاهوم
هارون؛؛(رمى خطوة وشدها من خصرها ومشاها في اتجاه واحد لباب صغير تاع لخشب شد على راسها) حني راسك شوية
دخلت هي وهو موراها ويديه على خصرها
هارون؛؛( حيد يديه وجا قدامها) وصلنا حلي عينك دابة
جيهان؛؛( تبسمت و مدت يديها ليه عاضة على شفايفها) واخة عطيني يديك بعدا
هارون؛؛( ضحك و شد على يديها وحرك راسو يمين وشمال ) ها هي يدي
جيهان؛شدات يدو زيرت عليها وقربت ليه وعويناتها يترعدو هو حداها ساهي فيها بدات تحل عينيها بشوية ومزيرة على يديه غير حلاتهوم وتحل فمها معاهوم مامتيقاش اش كتشوف طلقات منو عينيها كيخرجو منهوم لقلوبة كتشوف راسها في كهف صغير متول بكولشي ليه من فراشو صغير طويبلة قدامو صغيرة واتات تاعو خشبية
هارون؛؛( قرب شفايفو لشفايفها ونطق بشوية ) شي حاجة اخرى قلتي
جيهان؛؛( غمضات عينها وزيرت على جاكيط ونطقت بشوية) حبيبي
هارون؛؛ ( حس بالرجفة من صوتها عينه تعسلو من لمستها ومن ريحتها او لمخدر تاعو نزل شفايفو لشفايفها حطهوم عليها ونطق بصوت شبه مسموع) من عشقك نذوب نهار على نهار
جيهان؛؛( مغمضة عيونها وكازرة على جاكيط كأنه غيهرب كتحس براسها تبنجت غير شادة عليه ماكتحركش تلفت بملمس شفايفو دافية عليها خدرها ببوسة و مركز مزيان على شنوفة تحتية لتاهمها بالمزيان كأنو يروي عطشو منها ويديه لي محطوطة على خصرها بعدت شوية على فمو ونطقت بشوية) ابليييكو
هارون؛؛( حل عينيه لي تعسلو فيها و مزال فمو على فمها وزاد لصقها معاه مابقاش واعي بروحو نطق بشويية ) واش باغا تحمقيني
جيهان؛تبسمت حدرات راسها وبعدت شوية كتحك مور ودنيها بدون ماتكلم
هارون؛؛( وعى على راسو حل عينيه لي تعسلو مرة وصل لطوب دوز يديه على لحيته وبعد من حداها مشا ريح ولاح رجيله على طبلة ولاح راسو لور مغمض عينيه ) ماتقربيش ليا
جيهان؛؛(نطقات بشوية ) ايوا شنو لي يضمن ليا جايبني لكوخ ومفرش و مقاد وزيد تحت صخر ماكين تاحد غير لخلا وقيفار
هارون؛؛( تبسم نزل يديه لخصرها وتكاها عليه و عينه حاضين شفايفها ويطلعو لعينيها بدون مايرمش نطق بشوية) خاصك تعرفي بلي راكي ليا ( يديه على شعرها) وعشقك حكم في حياتي وهاد القلب عمرو تحرك حتى شاف عينيك وسمع صوتك
جيهان؛؛ (عضت على فمها) يعني عجبتك من نهار اول
هارون؛( تبسم وحرك راسو بتقالة بدون ماينطق ولكن شوفتو كانت كافية
جيهان؛؛(عوجت فمها) كون ماخويا تقدى من عندك الزعطة گاعما تشوفني
هارون؛؛؛(ضحك وهز يديه كيدوزهم على خدودها) ماسميتهاش زعطة ابنتي
ناض خرج و هي بقات متبعا ليه العين ومبهوضة فيه وفي رجولتو مشيتو وشهامتو ناضت كتشوف في كوخ لي مصمم بالاحترافية نهار على نهار كيصدمها بحاجة وصلات لباب كطل مابانش ليها رمات خطوة وعينيها كيقلبو عليه حتى حسات بصوت في جنبها
شخص؛؛ ( كان مبوق وجهو فيه ضرابي ) ختييي
جيهان؛؛( دورات راسها وشهقاات من منضرو رجعات باللور شادة على فمها) ش شكون نتا
شخص؛؛( كان في عمر 16 / 17 هز يديه وكيهضر ثقيل ) كاين ابليكو
جيهان؛؛( رجعات بلور تزدحات مع صخرة) لالا شكون نتا
شخص؛؛ (مد ليها صاشية وعينه في الارض) ماتخافيش اختي جبت ليكم غير هادشي وغنمشي فحالي
جيهان؛؛ خافت وكتحس براسها تبنجت يلا غتهضر وشافتو طالع من تحت ومزال لگارو في فمو نقز بالزربة حتى كان في جنبها
هارون؛؛( مخاطبو) صابر كولشي مزيان
صابر؛؛( حدر راسو ) خويا ابليكو ياكما تعطلت عليك
هارون؛؛( بخ لگارو وشد من عندو صاشية) الله يحفظك
صابر؛؛( مخاطبها وعينه في الارض)سمحيليا ا مرات خويا راه مانويت تخلعك
جيهان؛؛( تبسمت وشدات في دراع هارون) لا ماشي هاكاك غير حيث كان يصحب ليا مكاين تاحد
هارون؛؛( لاح لگارو و جبد شي حاجة فلوس ومدهوم ليه وحرك راسو ) يلا تحرك من هنا
صابر؛؛( حط يديه على قلبو) مكاين لاش اخويا خيرك سابق عليا
هارون؛؛شد و رول من هنا
صابر؛؛( شد من عندو ) الله يحن عليك اخاي
مشا وبقات جيهان متبعة ليه لعين حتى غبر دارت عند هارون
جيهان؛شافت فيه مطولة
هارون؛؛( دار شاف فيها غمز ليها ) اش كاين
جيهان؛؛( حطت يديها على لحيته ) سعداتي بأبليكو
هارون؛؛( تبسم ونعت بعينه) دخلي ابنتي
دخلات وهو تابعها مشا حط داكشي فوق طبلة ومشا ريح دار يد على فمو ويد كيلعب بيها بالگارو وعينه كيعبرو فيها حيدات جاكيط ومشات جابت كيسان و زوج طباسل حلات صاشية لقات فيها زوج طاكوس و لفريت وطاسة فيه صلاد حطاتهوم في طبلة لي فجنبو وجلسات
جيهان؛؛( شافت فيه حشمانة من شوفاتو وتبسمت) مالك كتشوف فيا
هارون؛؛( هز يديه و دوزها على خدودها) اول مرة كيطلع ليا الزهر في حياتي
جيهان؛؛( ضرها قلبها من نبرة صوتو ) مالك ، علاش كتقول هاد لهضرة
هارون؛؛( قرص على خدها تبسم) كولي كولي هادشي قبل ما يبرد
جيهان؛؛( شدات يديه) مالك اهارون شي حاجة مقلقاك
هارون؛؛( تگعد وشاف فيها بعينين هايمين من جمالها) قلبي ولف عليك ابنت الرايسي
ضحكت وهزات طرف مداتو ليه وخدات تاني وبداو ياكلو و يهضرو وكل مرة رامي عليها كلام لي كيتلفها تحشم ويحمارو خدودها ويعجبو الحال من شوفتها هاكاك سالا هو اول وناض من حداها شعل لگارو وعينه على لماج لي كيضربو بعيد هي جمعات داكشي ولبسات عليها جاكيط وقربت ليه شدات دراعو وتكات راسها عليه
جيهان؛؛( مزيرة عليه) مالك كتبان ليا هاز في قلبك بزاف
هارون؛؛( دور راسو عندها وبخ من فمو وضرب على راسو) هااز بزاااف وماعرفتش منين نبدا
جيهان؛؛( جات قدامو قابلات عينها مع عينه) عاود ليا اهارون
هارون؛؛( حس بقلبو تعصر تبسم وعاود نتر من گارو) باش بغيتي نبدا
جيهان؛؛( تبسمت) من ما بغيتي انا معاك نسمع ليك حتى تكمل
هارون؛؛( شاف في عينيها وعض على فمو من داخل)بغيتي تعرفي
جيهان؛؛( تعلات وزادت قربات ليه باستو من حنكو ونعت بيديها) نمشيو لهيه وعاود ليا على راحتك
حور العين الجزء الرابع
محتوى القصة
التنقل بين الأجزاء