صورة مصغرة لـقصة حور العين

قصة حور العين

qisat 9isat 
رواية حور العين

لا زلت أتذكر تلك الرجفة التي هزت قاع قلبي حين رأيتكم بالكفن. ..💔😔😭
نعم كم هي صعبة لحظة الفراق.. عندها تنتهي الكلمات وتكتفي الدموع بالتعبير.. حزن القلب.. ودمعة العين.. واسترجاع كل الدكريات.. الدكريات هي الشيء الّذي يبقى لدينا بعد الفراق.. ذكريات قد تمزج بين ابتسامة ودمعة أو أن تضيف دمعة إلى دموع الفراق.. ذكريات سنوات قضيناها مع الأحبّة نسترجعها في دقائق والسبب هو الفراق
مرت 10 سنوات ...
عشر سنوات تغيرت فيها مجرى ..حياتي 
كتيرا تدوقت فيها معنى كلمة حزن وأدركت ألم المسؤولة وتقلها على 
حياتي 
لمادا رحلتم وتركتموني خلفكم
ألا تعرفون أن ابنتكم ضعيفة جدااااا ولم تعد تقوى على المضي في دروب الحياة خطوة واحدة
أنا لا أستطيع أن أهتم بنفسي 
تركتم على عاتقي إبنكم المدلل .....إبنكم الذي كان طفل نشيطا..... أصبح شابا .....متمردا 
وتمرده لم يزدني إلى تعبا وإنكسارا

♠️حور العين ♠️
♠️ بقلم ♠️
@كريمة علاء**ام زينب الحمراوي@



أصعب إحساس تحملي مسؤولية ونتي مزال صغيرة مزال باغا تفشي وباغة لي يحميك ولي يرد ليك البال 
حتى تلقاي راسك هازة حمل على ظهرك وماشي أي حمل حمل تقيل بزاف 
.................

كتمشي وتجي في صالون كل شوية كتشوف في ساعتها 
وطل من سرجم وقلبها غادي يسكت بالخلعة 
وصلت 2 ليل وهي مزال على هاد الحال 
عيات ماتسنى وهي تلبس 
مونطو فوق البجامة وهزت سوارت لوطو 
ويالا غادة خارجة حلت الباب وهو يطيح قدامها بحال جرتيلة سكران ريحتو عاطيا وعينيه مقدرش يحلهم 
شداتو من دراعو وهي كتنكر وتخاصم عليه كول ليلة هاكة 
تبقى تسنى حتى نصاصات ليل مرة يجي مرة تخرج تقلب عليه وسط البيران

هد هو حال جيهان وخوها سعد 

جيهان سن 26 سنة عازبة طبيبة جراحة في مستشفى خاص يتيمة الأب والأم ماتو والديها في حادثة سير وعاشت هي وخوها سعد ولد مفشش ومبلي الله يعفو عليه محمقها وديما تبعاه كتعيش هي وياه في فيلا صغيرة خلوها ليهم والديهم ولحمد الله ميسورين الحال معاهم في فيلا 
خدامة مليكة والعساس عمر ناس كبار وكانو خدامين عندهم من زمان وكبرو على يديهم جيهان وسعد 

داخلة شاداه من دراعو وهو معنقها كيتمايل معاها طالعين في دروج خطوة خطوة

جيهان؛؛ واش ماعيتيش غير قولي 

سعد ؛؛ (متكي عليها هز عينيه فيها بصوت تقيل مكثر من شراب) نتي ختي 

جيهان؛؛ خلاااص اسعد باراكة من هضرة وزيد دخل 

بقات معاه حتى دخلاتو لبيتو تلاح فوق فراشو و عينيه تغمضو مشات هي هبطات جابت ليه قهوة كحلة وطلعات لقاتو باقي على حالتو لايح كل رجل في قنت ويديه ملاوحين على فراش قربت ليه جابت ماء كترش عليه 

جيهان؛؛ (كتفيق فيه)سعد سعد نوض 

سعد؛؛ (بصوت تقيل عينيه ماقدرش يحلهوم) زيدني غير واحد 

جيهان؛؛؛ سععععد تگعد شوية راك غتقتلني 

سعد؛؛ (هز راسو فيها وتبسم) لا ماخصكش تموتي نتي ختي 

جيهان؛؛ واخه يلا نوض بعدا 
جراتو وقفاتو عوناتو حيد حوايجو بقا غير بشورط دخلاتو لدوش خوات عليه لماء بااارد حتى قفز 

جيهان؛؛ غادي تركب فيا شي مرض اسعد ماعيتيش من هاد زبل 
بقات كتنگر عليه وهو مرفوع رمات عليه فوطة وخرجات بعد ماحطات ليه شورط و تشورط يلبسهوم 
لبس داكشي وخرج لقاها واقفة عليه مخنزرة مدت ليه كاس لقهوة شدها من عندها ومشا جلس فوق ناموسية شربو في دقة وحدة وعينيه حمر من جمر 

سعد؛؛ سيري تنعسي 

جيهان؛؛ تلفتيني ماخليتي ليلي ليل 

سعد؛؛ (ناض باسها من حنكها وتلاح فوق ناموسية على كرشو ) تصبحي على خير 

بقات مربعة يديها وعينيها مغرغرين من حالتو لي كتقطع قلبها ماكرهاتوش يكون اخ لي تحط عليه كتفها ماكرهاتوش يكون باباها لي تسند عليه قرب ليه غطاتو وباست على راسو 

جيهان؛؛ الله يهديك ويعفو عليك اخويا 

خرجات من عندو ومشات لبيتها تكات في بلاصتها وبقات تخمم في حالتها وفي حالت خوها حتى وصلها مساج 

{ نعستي ولا }

شافت مساج وجاوبت في لحين 

﴿لقيتني يلا تكيت في بلاصتي ﴾

﴿عرفتك أكيد سعد لي مسهرك ﴾

﴿أييه ونتي أش مسهرك أكيد كنتي دايعة أشيخة في شي حفرة ﴾

﴿أاااه ألالة وحد سهرة منقولش ليك ﴾

﴿باز أختي ﴾

﴿وݣلسي نتي مقابلة ليا سعد هو عايش حياتو ونتي دفنتي راسك معاه ﴾

﴿صافي صافي أياقوت متبدايش راكي عارفة كولشي أصحبتي معندوش من غيري ومعنديش منغيرو 
ياله تلاحي عنعس نتلقاو غدة﴾

يقوت:: خدامة مع جيهان في نفس عيادة حتى هي طبيبة وأصدقاء من صغر 
بنت زهاونية وعزيز عليها زين 😂😂😂😂
عكس جيهان لي ديما غير دار ....دار 

نعست جيهان شي 3 سوايع وفاقت مبوقة 
لبست حويجها بالزربة 
مشات طلات على سعد لقاتو مكرشخ كل رجل في جهة 
ݣلست حداه وكتلعب ليه في شعرو 

(أااااه أخويا إمتى دير عقلك إمتى راني عيت أخويا عيت ما نت عايش ما أنا عايشة)

خرجت من دار من بعد ما طلبت من مليكة توجد لسعد فطور 
خدات لوطو وشدات طريق لكنينيك 
دخلت هي و ياقوت قد قد

جيهان ؛؛؛؛فين المعزة (تسالمو بالوجه)

ياقوت؛؛؛هاااانة بخير ونتي cv

جيهان؛؛؛مزيان هد ساعة
نخليك من صباح فرعين ليا راسي عند عملية مستعجلة نتلقاو في كافي 

ياقوت؛؛؛ok 
مشات جيهان مباشرة مكتب ديالها لبست حوايجها توجهت غرفة تعقيم 
وهي كتاخد معلومات على العملية لي عندها ليوم من عند مساعد ديالها 
دخلت لعمليات وهي كولها تيقة وعزيمة انها عتنقد حياة لمريض 
وبالفعل من بعد ساعة ديال الوقت خرجت من العملية وخلات طاقم لي معاها يكمل بعد ما نجحت بطبيعة الحال في إنقاد حياة المريض 
مشات تاخد كافي في قاعة أطباء 
لقات ياقوت مكسلة وشادة تيلفون 
جات حداها جيهان وتجبدت 

ياقوت؛؛؛عاد 

جيهان؛؛؛عاد إوا فين مشيتي لبارح واش شي حبيب جديد 

ياقوت؛؛؛؛أيييه ألالة واحد بوݣوص منقولش ليك 

جيهان؛؛؛أااييه شنو سميتو هد المرة 

يقوت؛؛؛سمييييييييتو 🤔🤔🤔🤔
تخيلي نسيت ناري بلاتي بلاتي نشوف أكيد كاتبة سميتو في نمرة 

جبدت تلفون كتقلب 

ياقوت؛؛؛؛باااااف كاتبة ليه مول العوينات موصيبة هادي 

جيهان؛؛؛؛؛😂😂😂😂😂😂نتي علام كتبدلي رجال بحال صبابط تبتي شويا تبتي 

ياقوت؛؛؛؛ختك عاشقة الجمال وكيعجبني راجل من برة غير نبدا نتعرف عليه من داخل كيجيني تافه كنسوسو 
ولكن هدا لي تلفت ليا سميتو أكيد عيصدق مفيهاش


ياقوت ؛؛ ولكن هدا لي تلفات ليا سميتو اكيد غيصدق 

جيهان؛؛ (تبسمت وحركت راسها يمين وشمال) باز ياختي شهمتيني انا بعدا 

ياقوت؛؛ ايوا اش ندير ختك زهوانية من درجة فارس 

جيهان؛؛ شفتي انا نقولك غادي يجيب ليك الله شي واحد غيتلف مك على سميتك 

ياقوت؛؛ داكشي لي باغيا حتى انا ولكن مزال مالقيتو 

جيهان؛؛ ( ناضت وهزات تلفون)نوضي تگعدي نوضي 

ياقوت؛؛ (رشفات من كاس وناضت مشاو كيتمشاو ) في لعشية نخرجو انا وياك 

جيهان؛؛ غير قيليني من دوك لبلايص مكنحملهومش

ياقوت؛؛ على مالي انا اش كنمشي ندير كنمشي غير نسقي عويناتي 

جيهان؛؛ سقي ولا سيقي غير بعدي مني انا باراكة عليا غير همي لي مابغا يسالي 

✅ في مكان اخر 

في وسط الحي شعبي قدام باب دارهوم لابس كولشي كحل ورامي القب على راسو جالس قفازي وشاد من دراع وليد صغير 

هارون؛؛؛ شنو دابه اغالي ماباغيش ديك روبو لي عاجبك 

غالي؛؛ ( بصوت طفولي وكيخرج كلام غير بزز ) ب بغيتو ولكن مابغيتس نمسي مدرسة 

هارون؛؛ علاش مابقاش عاجبك تقرا 

غالي؛؛ عاجبني ولكن عيييت ( رخا كتافو وحدر راسو )

هارون؛؛ (تبسم وقاس على حنكو) دابه غتمشي تقرا ومن تجي تلقى صاحبك روبو كيتسناك 

غالي؛؛ بصح ياااي ( نقز وتيضحك)

هارون؛؛ يلا دخل جيب شكارتك نمشيو انا لي غنديك ليوم 

غالي؛؛ وبابا فين هو 

هارون؛؛ يحيي عندو شي شغل مشا يقديه وغيجي 

غالي؛؛ واخه 

مشا غالي دخل وهو وقف ودوز يديه على وجهو جبد گارو شعلو حتى وقف عليه رجل كبير في سن لابس جلابة وداير سلهام على كتافو 

هارون؛؛ با صالح فين كنتي 

صالح؛؛ مشيت غير نطلق رجلي شوية عيينا من دار 

هارون؛؛ صافي خرج لوقت لي بغيتي غي داك لحانوت نساه ماباقيش ترجع ليه 

صالح؛؛ الله يهديك اولدي دغيا شرفتيني 

هارون؛؛ (تبسم وبخ من لگارو) الواليد باقي صغير انا لي شرفت 

صالح؛؛ ( ضرب على كتفو وضحك وتم داخل ) الله يعفو عليك اولدي 

هارون؛؛ (هز راسو و بخ لكارو )اميين 

خرج غالي جار شكارتو دور راسو لعندو تحنا سد ليه جاكيط ورما ليه لقب على راسو و هز شكارة في يد و شدو هو من يد و مشاو ركبو في لموطور و زادو في اتجاه مدرسة وصلو وبقا واقف حتى شافو دخل و زاد 


وصلو وبقا واقف حتى شافو دخل وزاد في اتجاه محل تاع باه لي هو عبارة عن مگازة تاع لـباس تقليدي تاع رجال كانت ديالو هو وصاحبو دايرن النص بالنص ولكن من بعد شراها ليه هارون ولاهو لي واقف عليه 
وقف و حيد لكاصك شدو فيديه و دخل مخنزر 

هارون؛؛ السلام عليكم 

مراد ؛؛؛لولد لي مكلف بالمحل ) وعليكم السلام اخويا 

هارون؛؛ ( تكا يديه على طبلة كيضور راسو كيشوف في ارجاء) كولشي مزيان 

مراد ؛ ( كيهضر وهو مشتت عينيه كيترعد منو ) كولشي مزيان اخويا وداك سيد قالي غيجي في لعشية 

هارون؛؛(هبط راسو لعندو مخنزر وخبط في طبلة) قول داك الزا** من يجي اخر مرة باقي يحط يديه في يدي داك تنوعير ديالو ماغينفعش معايا 

مراد ؛؛؛ كون هاني اخويا كنت غنقولها ليك شحال هدا وخفتك تقلق 

هارون؛؛ (هبط راسو وطلعو ) رد بالك امراد اي حاجة هاكة ولاهاكة غتوصلني انا ماشي الواليد 

مراد؛؛ ( حرك راسو ) كون هاني اخويا غير تهنى 

هارون؛؛( هز لكاصك وزاد بلاما يقول كلمة 

هدا هو هارون هضرتو قليلة و ديما تخنزيرتو سابقاه قليل باش كيضحك 
معروف في دربهم و كولشي كيدير ليه حساب وعزيز عليهوم كيعاون لكبير وصغير 

يلا غيركب في موطور وصونا ليه تلفون جبدو و شاف شكون و نفخ بالضيق و فتح الخط 

هارون؛؛ شنو حنان 

حنان؛؛ لاباس عليك احبيبي 

هارون؛؛ حنان ممساليش من بعد ونهضرو 
قطع عليها قبل ماتنطق و لبس كاصك وركب ومشا نيشان لدار دخل لقى باه مشعل راديو و كيتصنط مشا جلس وتكا على جنبو 

صالح؛؛ طليتي على محل 

هارون؛؛ طليت عليه غير رتاح 

صالح؛؛ كون غير خليتني نمشي نقابلو 

هارون؛؛ (خبط على ركبتو)با صويلح بغيتني نكعا عليك 

صالح؛؛ ههه راك عارفني ماكنحملش نجلس ولفت نتحرك 

هارون؛؛ اسمع الواليد داك الوقت فاتت وضربتي تمارة حتى كتافك طاحو و صحتك غادية وكتهبط 

صالح؛؛ (تنهد) واخه اولدي 

هارون؛؛ بقا تسايس معايا بديك واخة 

صالح؛؛ الله يرضي عليك اولدي 

هارون؛؛ فين الواليدة

صالح؛؛ راها في لكوزينة 

هارون؛؛ (ضور راسو كيعيط )الوليدة والواليدةً

خديجة؛؛( خارجة من لكوزينة كتمسح يديها ) هانا مالك اوليدي 

هارون؛؛ راني نسيت لورقة تاع دوا فين هي 

خديجة؛؛ صافي راه مشا يحيي يجيبو 

هارون؛؛ واش جا 

يلا غتهضر وهو يدخل هاز دوا في يديه 

يحيي؛؛ السلام عليكم هانا بغيتيني 

هارون؛؛ غمزو وحرك راسو بمعنى شنو

يحيي؛؛ حرك راسو بالايجاب و مشا جلس قبالتهوم وهز رجليه فوق كرسي 

صالح؛؛ داك بزقول قالك مابغاش يمشي مدرسة 

يحيي؛؛ (تبسم وحدر راسو) عرفتو علاش مابغاش يمشي 

هارون؛؛ علاش شي موشكيل 

يحيي؛؛ (عصر جبهتو بصباعو ) قالك گاع صحابي كيجيو يديوهوم ماماتهوم وانا لا 

صالح؛؛ لا حول ولا قوة الا بالله 

هارون؛؛ من حقو اصحبي يقول هاد لهضرة ونتا مخبي عليه شنو كاين 

خديجة؛؛( جابت بلاطو كتنقي لعدس) بصح اولدي هارون عندو الحق بنتي الله يرحمها مشات وهو عمرو شافها و لا شم ريحتها 

يحيي؛؛ (حك على وجهو بتعب وحدر راسو )ايوا قلت نخليه يفهم شوية عاد نقوليه 

صالح؛؛راه كبر ولا كيفهم كولشي وصل لوقت لي خاصك تهضر معاه 

خديجة؛؛( هزات عينيها فيه وهضرات عينيها كجريو بدموع ) نتا راك ولدي لي ماولدوش معزتك في قلبي يعلم بيها غير الله 

يحيي؛؛ (مركز عينيه في عينيها وكيهضر منيرفي )شنو بغيتي تقولي الواليدة بهضرتكً

خديجة؛؛ بنتي ماتت الله يرحمها ونتا خاصك تكمل حياتك تزوج اولدي جيب لغالي ام لي تقابلو و لي تجيب ليه خوت اخرين 

يحيي؛؛ (ناض وقف وهز تلفون وشاف فيها ) الواليدة هاد موضوع مكنبغيش نهضر فيه مابغيش ماباغيش 
نتزوج ونجيب شي وحدة تعدا ليا على ولدي هاكة مرتاح انا وياه 

نطق هاد كلام وطلع خلاها غير كتشوف مسحات دموعها وبدات كتنقي في لعدس 

هارون؛:؛ الواليدة هو عارف اش كيدير خليه على خاطرو 

صالح؛؛ عندك الحق اولدي من يبغي هو ديك ساعة يكون خير 

خديجة؛؛ ان شاء الله 


✅ في مستشفى

وصل وقت خروجها كتلبس حوايجها واقفة عليها ياقوت شادة تلفون و كضحك 

جيهان؛؛ رجوع لله ابنتي 

ياقوت؛؛ هههههههه قالي نتي اول بنت في حياتي 

جيهان؛؛؛ ههه قديم هاد ديسك 

ياقوت؛؛ معايا اا ولااا هههه ساليتي نمشيو 

جيهان؛؛ يلا 

هزات صاكها و شدات تلفون و سوارت وخرجو مشاو لباركينغ ركبو في لوطو و مشاو ديريكت لدار وصلو لباب

ياقوت؛؛ شنو ماغتخرجيش معايا 

جيهان؛؛ دخلي بعدا دخلي 

ياقوت؛؛ (شافت لعساس وهي تمشي بشوي هراتو) اااا با عمر 

عمر؛؛( قفز من بلاصتو هو من كيتهر تيبدا يقول شي كلام ) اهيا مسعودة 

ياقوت؛؛ ههههههه شكون هاد مسعودة تاني 

عمر؛؛ ههه الله يهديك ابنتي ماتبقايش تهريني 

جيهان؛؛؛ ههه حشومة عليك اصحبتي شوفي كيف عرقتيه

عمر؛؛ شي نهار غتقتلني 

جيهان؛؛ (باست راسو وعنقاتو) الله يطول في عمرك ابا عمر 

ياقوت؛؛ (عنقاتو من جهة تانية ) غير كنتمازح معاك اعمر اها شكون مسعودة

عمر؛؛ وشكون عرف هههه 

جيهان؛؛ تسمع مي مليكة توريك 

عمر؛؛ ماتقولو ليها والو 

مشاو لبنات دخلو وخلاوه هو جلس فيبلاصتو وكيتصنط لراديو دخلو لداخل لقاو مليكة كتوجد في كاسكروط وحاضية تلفازة وكتهضر غير بوحدها 

مليكة؛؛ يعطيك موصيبة يابنتي 

جيهان؛؛ امي مليكة مالك كتهضري بوحدك 

مليكة؛؛ هاد بنت لحرام دايرا راسها ضريفة وهي كتقطر بسم 

ياقوت؛؛ (مشات كتهز من لحلوة)هادوك غير كيمتلو امي مليكة راه موجودين في الواقع 

مليكة؛؛ اللله يبعدهوم علينا 

جيهان؛؛ سعد هنا 

مليكة؛؛ خرج ابنتي جا عندو شي واحد و مشاو 

جيهان؛؛ وعلاش خليتيه يخرج شكون هدا 

مليكة؛؛ ماعرفتوش ماعمري شفتو و عييت معاه ابنتي ماسمع هضرتي 

جيهان؛؛ اووووف غيحمقني يعلم الله فين مشا تاني 

ياقوت::معندو فين يمشي حتى نتي دابة يرجع 

جيهان ؛؛؛أش عيرجع أش راه ما كيجي حتى كيخرج ليا عقل 

✅ مكسل فوق سداري كيلعب في تلفون
وغالي كيلعب يحيي مقابل مع تلفازة هو و صالح خديجة راجعة من كوزينة من بعد ما غسلت ماعن لعشا 

خديجة ؛؛؛؛ هارون ولدي مغاديش تمشي تجيب مراتك راه سيمانة وهي غايبة 
مطليتي عليها ما سولتي فيها 
حشومة سير غدا تغدا معاهم وجيبها راني توحشتها راك عارف كتعوني في لغالي ودار الله يرضي عليها 

هارون ؛؛؛ ( كيهضر هو مزال شاد تلفون) راها جايا تاصل بيا خوك قبيلة كون راها قربت توصل 

خديجة؛؛؛اويلي أولدي حشومة عليك علاش مقلتيهاش ليا نتسناوها في عشا وعاد مالك نتا ما تمشيش تجيب مراتك شكون لي جايبها بعدا ؟

هارون؛؛؛؛مانعرف ليهم رجل ختها وختها غادي يدوزوها معاهم (كيهضر ومهازش راسو فيهوم)

كولشي ساكت حتى سموع (أبليكو)
هارون (وقف ودور راسو لعند يحيي غمزو 

صالح ؛؛؛أش هاد غوات شكون هدا 

هارون (زاد ويحيى موراه)
شي حد سكران أحنا نهبطو بالزربة وراجعين 

خديجة؛؛؛؛ݣلسو الأرض معندكم فين خارجين لي بغا يسكر يسكر مالكم نتوما شغلكم 

يحيى ؛؛؛الوليده غير غنضربو دورة ونرجعو 

تمو هابطين في دروج وهارون كل خطوة كيدير فيها 3 درجات وكيسب من سمطه لتحت
هارون؛؛ شكون هد ولد *****
خرج يحيي هو الأول 
وغير شافو الولد هو يجي عندو كيجري
ولد؛؛ خويا بغيت أبليكو عفاك كلمو ليا 

هارون ؛؛؛ (خرج ونار كتخرج من عينيه 
شنق عليه )واش نتا مريض جاي عندي حتى لحومة وطعطع تكاه مع الحيط وهز عينيه كيشوف في دار واش والديه كيطلو حتى 
كيبان ليه كولشي حل شراجمو 
هزو هارون بيد وحدة وغادي مجرجرو ويحيي موراه حتى ضربو دورة مع زنقة 
وهو يلوحو مع الأرض 
وعفط ليه على 
راسو 
هارون؛؛؛ ليوم نقتل ز****
علاش جاي عندي لدار 

دري؛؛؛ (كيهضر غير بزز )بغيت غير اللعيبة 
خويا أبليكو راني محتاج إلى مخديتهاش منعسش عفاك 
حيد رجلو من على راسو 
وضربو بالركلة الكرش حتى غوت 

هارون؛؛؛؛ديك ساعة كاين من عند من تاخدها سير عند دراري ديالي وعلاش جاي عندي لدار البشار علاش 

وهو يخرج شخص أخر 
ولد2؛؛خويا أبليكو سمح لينا (جبد الفلوس ومدهوم ليه )

شخص؛؛؛هاك خود وعطينا اللعيبة نمشيو فحالنا أصاحبي 

هارون؛؛؛( كرز على فكو حتى حس بطعم دم ضرب لفلوس حتى تشتو وشنق عليه عطاه دقة لوجه)
عتغبرو ت**** عليا من هنا ولا بربي تا ندفنكم ط****** هنا بزوج 

يحيي غير واقف ومربع يديه وكيشوف مايقدرش يقول والو حيث لا هضر يخلطو معاهوم مخليه على راحتو 

لولد؛؛ عفاك اخاي لما عتقني نعطيك لي بغيتي 

هارون؛؛( دور عينيه في ارجاء وتكلم بصوت منخفظ) اخر مرة توصل عندي هنا ولا بربي حتى نعطب ز***بوك 

جا دري تاني عاونو وقف وداه ركب في لوطو تاعو ومشاو اما هارون تكا على لحيط و هز رجل على الحيط وجبد لگارو شعلو وعينيه محمرين بالعصاب

يحيي؛؛ (قرب و تكا حداه)شكون هدا تاني 

هارون؛؛ ( كيبخ في كارو وعينيه حمارو بالعصاب )واحد كيلي مني 

يحيي؛؛ منين عرف دار 

هارون؛؛ يجي هاد لمرة ن*** 

يحيي؛؛ كالما اصحبي زيد زيد نتحركو لدار 

لاح لگارو عفس عليه و زادو دخلو لدار مشاو جلسو حدا لواليدين 

صالح؛؛ شكون هدا 

يحيي؛؛ مانعرف الواليد غير لي شرب شي كاس كيحيح 

خديجة؛؛ الله يعفو عليهوم اولدي 

بقاو مجمعين حتى سمعو دقان ناض يحيي حل لباب وهي دخل هازة صاكها دخلات سلمات عليهوم و جلسات حدا هارون لي مشافش جيهتها شاد تلفون حدو رد سلام وصافي 

خديجة؛؛ على سلامتك ابنتي كون قلتي ليا نخلي ليك لعشا 

حنان؛؛ الله يسلمك اخالتي تعشيت مع فاطمة غير بصحتكم 

صالح؛؛ كي داير الواليد والوليدة لاباس عليهوم 

حنان؛؛؛ الحمد لله اعمي بنادم كيعدي 

هارون؛؛ (ناض وقف و هز تلفون ) تصبحو على خير 

قال كلام وطلع ناض يحيي جر غالي ومشاو ينعسو بقاو جالسين غير هوما بيناتهم وحنان بحالا جالسة على جمر باغا غير امتى تنوض دخل عندو 

حنان؛؛ ( وقفت)نخليكم تصبحو عل خير 

خديجة؛ سيري ترتاحي 

هزات صاكها وطلعات حلات لباب لقاتو ناعس على كرشو ولابس غير شورط ومن فوق عريان قربت ليه تحنات عندو كتلمس في ضهرو

حنان؛؛ حبيبي ماتوحشتينيش 

هارون؛ (حال عينيه مركزفي نقطة بعيدة ولكن بدون رد)

حنان؛؛؛ هارون نعستي واخة تصبح على خير 

ناضت بدلات حوايجها و تخشات حداه وحطات يديهها على دراعو ونعسات اما هو ماغمضتش عينيه كيحس براسو مربوط بهاد سيدة لي غير كتسمى مراتو واخة عمرو قاسها عمرو حط يديه عليها بقى على داك الحال حتى غفى 

✅في مكان اخر 

جالسة فوق فراشها شادة تلفون كتصوني ليه كتلقاه طافي

جيهان؛؛ ( شادة من راسها)اووووووف اسعد اووووف باغي تحمقني

ناضت لبسات حوايجها وخرجات ركبات في لوطو و مشات ديريكت لملهى لي تيكون فيه نزلات وقفت في لباب 

جيهان؛؛ عفاك اخويا نسولك 

لكارد؛؛؛ نعام اش كاين 

جيهان؛؛ واش جا سعد هنا

كارد؛؛؛ مابانش ليا ولكن دري لي تيكون معاه كاين 

جيهان؛؛ ممكن تكلمو ليا عفااك 

كارد؛؛ واخة 

مشا دخل وهي كتفرك في يديها من توثر ماكتقدرش تجي لبحال هاد بلايص وقت قليل حتى وقف عليها 

دري؛؛ نعام اختي 

جيهان؛؛ (هزات راسها فيه) ماعارفش سعد فينهوا 

دري؛؛ لا ماعرفتش 

جيهان؛؛ عفاك اخويا لاكنتي عارف شي حاجة قوليا 

دري ؛؛ ماعرفتش ولكن كان معاه واحد خينا وكيهضرو على شي واحد سميتو ابليكو 

جيهان؛؛ شكون هذا تاني 

دري؛؛ كيبيع زطلة 

جيهان؛؛ شنو هاد زطلة عوتاني 

دري؛؛ كيبيع حشيش ويمكن حتى لقرقوبي وداكشي 

جيهان؛؛؛ (حلات عينيها على جهدهوم)اشنووووو اويلي على صگع بقا ليه غير هادشي 

جيهان؛؛ عارفو فين تيسكن هاد ابليكو 

دري؛؛ ختي نقولك حاجة ماتقربش تما الحي تاعهوم واعر 

جيهان؛؛ قاطعاتو)عطيني غير عنوان اخاي 

دري؛؛؛ (تنهد ) تيسكن في درب *********

غير كمل هضرتو وزادت ركبات في لوطو وهو يصوني ليها تلفون 

جيهان؛؛؛ فينك المسخوط فينك 

سعد ؛؛؛ انا في دار نتي لي فينك 

جيهان؛؛ انا جاية

قطعات تلفون لاحتو حداها و صايگةً بسرعة وكتعض على فمها من داخل بالاعصاب شوية لوقت وصلات دخلات نيشان طالعة مع دروج كتزرب دخلات عليه لقاتو يلا خارج من دوش شعرو فازك شافها وحدر عينيه قربت حداه وهزات يديها حتى لفوق وعطاتو لوجه 

جيهان؛؛؛ صااااافي بقا ليك غير لقرقوبي من شراب لحشيش و باغي تزيدو حتى هو 

سعد؛؛ (حادر راسو وكيشوف في ارض) جيهان غير سمعيني راه 

جيهان؛؛ (قربت ليك قاست تحت عينو لي حمرة )مال وجهك المسخوط 

سعد؛؛ (شد يديها) ماواقع والو اجيهان غير سمعي اش نقوليك 

جيهان؛؛ (قطعاتو)كنقسم ليكً بالواحد الاحد وتعاود تقرب لشي قرقوبي ندفن مك 

سعد؛؛ (حط يديه على دراعهاا )صافي ماغاديش نقرب ليه 

جيهان؛) بقا تساوي معايا ماتخلنيش ندير شي حاجة ندم عليها 

سعد؛؛ (شد يديها وباسها) سمحيليا اختي مانقربش ليه 

جيهان؛؛ (قاست وجهو بيديها بزوج) الله يهديك بعد من هاد زبل راه غيخرج عليك 

سعد؛؛ (بعد عليها وحك على حاجبو)سيري ترتاحي 

خرجات وسدت لباب وهو تلاح على كرشو ورما مخدة على راسو وكيحس براسو غيتفرگع عينيه مقادرش يحلهوم بقا هكاك حتى نعس 
اما جيهان دخلت بدلات حوايجها و تخشات في بلاصتها وكتفكر كيفاش توصل ديك لبلاصه بقات فكرة تديهها وفكرة تجيبها حتى غفات 

فاقت صباح على صوت المنبه ناضت مبوقة مشات لحمام قدات حاجتها و خرجات لبسات حوايجها ودارت نضارات شمسية و لصقات لكيت وهبطات لكوزينة دخلات تكات يديها على طبلة

جيهان؛؛ صباح الخير 

مليكة؛؛ صباح نور ابنتي مالك فايقة بكري مزال ماوجدت لفطور 

جيهان؛؛ عندي شي شغيل عاد نمشي لخدمة حتى لتما ونفطر 

مليكة؛؛ واخه ابنتي الله يعاونك 

جيهان؛؛ اميين 
تمات غادية و رجعات عندها 

جيهان؛؛ عفاك امي مليكة ردي بالك مع سعد 

مليكة؛؛ واخة ابنتي غير تهناي 

جيهان؛؛ مانكدبش عليك شطني بزايد 

مليكة؛؛ الله يعفو عليه من يفيق نقولها ليك غير سيري لشغلك 

جيهان؛؛؛ يخليك ليا ( باست على راسها وخرجات ركبات في لوطو وزادت ماعارفة لفين و لا اش غيوقع مع كتزيد تقرب و قلبها كيزيد يضرب وصلات الحي لي قال ليها دري و نزلات من لوطو وكتشوف عالم غريب عليها دراري مجمعين في القنات و دراري صغار كيلعبو لكورة ولعيالات مجمعين في زناقي بقات غير كضور في عينها بغات تسول وماعرفات ماتسول زادت خطوات مع زنقة وعينها غير كيضرو شادة في جاكيط من توثر لي حاكمها بان ليها واحد عاطيها بضهر و معاه وليد صغير وقفات عليه 

جيهان؛؛؛ سلام ممكن اخويا نسولك 

هو كان محني كيحزم سيور صباط سمع صوت و وقف و دار عندها حيدت هي نضارات وهزات عينيها فيه هبطات راسها وهزاتو بزربة وعينيها في عينيه لي مفيكسين وسط عينيها 

هارون؛؛ (هضر وعينيه عليها) كنسمع 

جيهان؛؛ (بقات كترمش بزربة وكتفرك في يديها و قلبها كتحس بيه كيضرب بزربة) بغيت نسولك على واحد خينا تيقولو ليه (ابليكو)

هارون؛؛ (صغر عينيه فيها وعض على فمو تحنى على غالي وهضر معاه ) سير اولدي دخل جيب ليا تلفون

هارون؛؛(حضاه حتى دخل ووقف وقرب شوية لعندها وعينيه كيفحصوها حس بتوترها و خوفها ) ابليكو 

جيهان؛؛ (سرطات ريقها وحسات بصهدة طالعة معاها من شوفاتو ) اه ابليكو عفاك لاكنتي كتعرفو وريه ليا 

هارون؛؛ ايييه كنعرفو ساكن في زنقة لاخرى ماشي هده

جيهان؛؛ بصح وواخه شكرا بزااف اخويا 

رجعات بخطوات لور غادية و مرة مرة عينيها عليه هو بقا مراقبها حتى ضارت مع زنقة هو رمى القب على راسو وجر لباب سدو و دار يديه في جيابو و زاد 
هي غادية ومكبزة على حوايجها وكتشوف في جنابها كل واحد وسيفتو حاضينها هالي وجهو مخصر هالي كيتيكف كل وحد ينسيك في لاخور مع ضارت في زنقة و هي توقف ماعرفت مادير يلا غترمي خطوة لقدام حتى حسات بيد جرتها زدحها مع صدرو وسد ليها فمها 

هارون؛؛ شكون نتي 

جيهان؛؛( حبسات نفس كتحرك راسها بزربة وعينيها خرجو كترعد كولها ودموعها نازلين ) اممم 

هارون؛؛ غادي تقولي شكون نتي ولا ندفن مك هنا 


جيهان؛؛؛؛ كترعد عافاك متأدينيش عافاك أخويا (كتهضر بشويا ومغمدة عينيها )


هارون؛؛؛ نتي مصيفطينك لحناش ياك شكون فيهم 
لي باغي ابليكو يتشد 

جيهان؛؛؛؛ (كتفتف بالهضرة وشادة على حوايجها كتنطق بشوية و عيونها مغمضين)لا لا أنا مارسلني حتى واحد أنا أناااا. .أنا خويا كيتقدا زعطة من عندو بغيت نهضر معاه عليه 

(طلقها وبعد منها وقوس حجبانو ) شنو هي لي كيتقدا

جيهان؛؛؛زعطة لحشيش وداكشي
(كتشوف في جنابها ودارت ليه صبعها على فمها زعما سكت )

هرون؛؛؛( ربع يديه وعينيه كيفحصو وجها وحابس ضحكة)وشكون قال ليك أبليكو كيبيع زعطة 

جيهان؛؛؛؛ واحد صاحبو لي قالي عافاك أنا مابغيت والو بغيت غير نقول ليه إلى جا عندو مايعطيه والو عافاك كيفاش نوصل ليه 

هرون؛؛؛؛صافي غير سيري أنا غادي نقول ليه 

جيهان؛؛؛؛ عفاك أنا لي بغيت نقولها ليه 

هرون؛؛؛( عقد لحداش و هضر بالغوات) صافي قلت ليك غنقولها ليه غنقولها ياله غبري من هنا 

قفزات وعنقات صاكها وكتحرك راسها بالايجاب
دور هارون راسو هنا ولهيه بان ليه واحد متكي على الحيط شير ليه رمى لݣارو و جا كيجري وقف حداه

شخص ؛؛؛ (حادر راسو )نعام خويا 

هارون ؛؛؛؛؛ خرج هادي من درب وصلها لطريق 

شخص؛؛؛ واخة خويا كون هاني 

جيهان؛؛ ب ب بلاش انااا انا عندي لوطو غير لهيه 

هارون ؛؛؛؛ ياله سيري متبقايش ترجعي هنا مفهوم 

جيهان حركت راسها وزادت مع دري 
غادين وهارون دار يديه في جيابو و مزال كيشوف فيها 

هارون؛؛ هيييي شنو سميت خوك 

تمات راجعة بشوية 
قربت ليه مزيان وهو قوص حجبانو كيشوف فيها مستغرب

جهان؛؛؛؛ (بشويييييا )
سعد 

هارون؛؛؛( هضر وهو مزال عينيه عليها بدون مايرمش )غبري من هنا غبري 

دارت بالزربة ومشات كتزرب مرة مرة كضور تشوف فيه حتى غبرات عليه 

هارون؛؛ (دور راسو يمين وشمال وتبسم في جنب) زعطة

وقف عليه يحيي هو غالي 

يحيي؛؛ (حرك راسو )مالك كنتي غتدي دري وقلبتي شكون جا عندك

هارون؛؛ مانعرف واحد خيتي كتقفق عليا 

يحيي؛؛ (تبسم ) مالها 

هارون؛؛ قالت ليك اولدي كيجي خوها يتقدا من عندنا زعطة 

يحيي؛؛( قوس حجبانو) شنواااا

هارون؛؛(تفكرها كيفاش نطقاتها وضحك ) زعطة 

يحيي؛؛ (تبسم وحك جنب فمو) مزيانة هاد زعطة 
يلا تهلا نمشي ندي غالي ونجي 

هارون؛؛ سير من تجي غتلقاني عند خونا 

يحيي؛؛ واخة 
جر غالي ومشا وهارون رجع لدار هز جاكيط و هز كاصك بلاما يهضر مع حتى واحد لي كانو جالسين يفطرو 

حنان؛؛ هارون جلس تفطر 

هارون؛؛ شبعان ( شاف في مو وهضر ) الواليدة خاصك شي حاجة 

خديجة؛؛ لا اولدي ماخص والو الله يرضي عليك 

حل لباب وخرج 
خرج لموطور من لگراج و ركب فيه وزاد 
اما جيهان من بعد ماوصلات لوطو تاعها ركبات عاد رجعات فيها روح دغيا كسيرات ومشات ديريكت لوبيطال لقات ياقوت واقفه مع لبنات 

جيهان؛؛ صباح الخير لبنات 

كل؛؛ صباح نور 

ياقوت؛؛ تعطلتي 

جيهان؛؛ (شدتها من دراعها)زيدي نمشيو ونقولك 

ياقوت؛؛ اش كاين مالك 

جيهان؛؛ مشيت لدرب**** 

ياقوت؛؛ اويلي المسخوطة ماخفتيش 

جيهان؛؛ ماعندي ماندير لاهوما نمشي ولا يضيع خويا من يدي 

ياقوت؛؛( دخلو لغرفة تاع جيهان )اييه وفين خليتوها 

جيهان؛؛ ( كتحيد حواجها ) لخلعة باقة فيا 

ياقوت؛؛؛باز ليك 

جيهان؛؛ تلاقيت واحد دري خلعني في اول ولكن صدق ولد ناس 

ياقوت؛؛؛ اويلي 

جيهان؛؛ تي مال مك كتويلي عليا صافي هضرت معاه وصدق كيعرفو غدي يهضر معاه 

ياقوت؛؛ قولي ليا هاد لولد تيتيز 

جيهان؛؛ ( تبسمت وتفكرت عينيه ) صراحة متييييتز بزاف گاع 

ياقوت؛؛ حمارة فلتيه 

جيهان؛؛ واش عند مك شي عقل بعدي مني سيري بدلي حوايجك وسيري تخدمي 

ياقوت؛؛ ( وقفات وغادية خارجة) هاد لمرة لامشيتي ديني معاك 

جيهان؛؛ واخة عولي انا اصلا ماباقاش غنرجع تما غير رتاحي 

ياقوت ؛؛ ايوا مانعرف 

خرجات وسدات لباب وخلات جيهان كتلبس وزرة تاعها جمعات شعرها و خرجات كتصبح على صحابها بان ليها واحد واقف مع اطباء عاطيها بضهر تبسمت وقربت ليه ونغزاتو بصبعها 
ضار عندها 

جيهان؛؛ شنو زعمة دكتور عصام رجع وماقال ليا والو 

عصام؛؛ (تبسم ومد يديه سلم عليها) هههه الله اودي والله غير وصلت صبحت هنا 

جيهان؛؛ (تبسمات) على سلامتك ايوا اش خبارك وخبار مدام 

عصام؛؛ الله يسلمك
لاباس الحمد لله ونتي و سعد كولشي بيخير 

جيهان؛؛؛ الحمد لله ها حنا عايشين كيف بقات الوليدة شوية 

عصام؛؛ الحمد لله شوية راكي عارفة بنادم كيكبر وكيضعاف 

جيهان؛؛ الله يشافيها ياربي غير ردو لبال معاها 

عصام؛؛ داكشي لي كاين 

جيهان؛؛ (تمات غادية)يلا اللهم يسر 

عصام؛؛ اللهم امين وقت لغدا نتلاقاو 

جيهان؛؛ ان شاء الله 

مشات باشرات في لخدمة جيهان معروفة بصحبة طيبة و كولشي كتعاونو وتوقف معاه عصام صديقهم في العمل ماشي بزاف باش لتاحق بيهوم 

**في الدرب✅

في وسط كاراج تاع ميكانيك جالس فوق كرسي وداير رجليه على طبلة وقدامو باكية تاع الكارو و تلفون كيلعب بيهوم ومركز في نقطة بعيدة بدون مايرمش وقف يحيي جر كرسي وجلس عليه مقلوب هز لكارو وشعلو وبدا يتكيف 

يحيي؛؛ فين خونا مزال ما جا 

هارون؛؛ مزال 

يحيي؛؛؛ هضر غير بالعقل ماتنيرفاش نشوفو اش يقول

هارون؛؛ (كيلعب بتلفون فوق طبلة)انا مغنهضرش نتا لي غتهضر 

يحيي؛؛ ( كيبخ وهز راسو فوق) هاهو 

قرب لعندهم شخص خاشي يديه في جيابو و داير لقب كيبانو غير عينيه وفيه ضربة شادة عينيه كاملة وقف قدامهوم وعينيه مركزة معاهوم 

هارون هز عينيه فيه عاقد لحداش بدون مايتكلم 
وقف يحيي وقرب ليه ضرب على كتفو 

يحيي؛؛ ريح ابا زينو 

زينو؛؛ بلاش مرتاح هاكة قول اش باغي 

يحيي؛؛ مزروب اصحبي ريح شرب شي حاجة 

زينو؛؛؛ اش كاين 

يحيي؛؛ (زاد قرب ليه وتحنى عليه شوية ) عارف اش باغين 

زينو؛؛ مافهمتش 

هارون غير مركز عينيه عليه وباقي محافض على نفس شوفة 

يحيي؛؛ واش عارف هاد مملكة تاعمن ازينو 

زينو؛؛ (تبسم على جنب وحرك راسو ) تاع ابليكو 

يحيي؛؛ (خبط على كتفو) هاانتا فهمتي غتبعد باش منخسروش معاك 

زينو؛؛ ولا مابعدتش 

يحيي؛؛ ( تبسم وحك جنب فمو وخبط على كتفو) هده هي موشكيلة نتا جيتي في بلاصة الغلط وحنا دابة غيرً علمناك باش متزيدش في غلطك 

زينو؛؛ يعني 

وقف هارون وقرب ليه وركز عينيه على عينيه مزيان وبقا ساكت مدة كيشوف فيه

هارون؛؛ اسمع اولدي اش نقول نتا مزال جديد في هاد ميدان خاصك ضبط شغلك باش مطيحش مع ناس كبار عليك 

زينو؛؛ خفتي 

هارون؛؛ ( دور راسو عند يحيي لي واقف قبالتو وتبسم وعاود دار عندو وحك نيفو) ماسمعتش شنو قلتي

زينو؛؛ خفتي نطيح عليكم سوق 

هارون؛؛؛ (ضحك وجمعها بزربة وعقد حجبانو وجرو من لكول حتى ولا وجهو في وجه لاخر وكينطق كارز على سنانو )
ماتخلينيش نوريك وجه لاخور لحد ساعة انا كنهضر ماكنطبقش

زينو؛؛ انا مكنخاف من حتى واحد وفين ما عجبني غنتحرك 

هارون؛؛ ( بعد منو دار عطاه بضهر وعاود دار عندو لصقو مع الحيط و حط موس على عنقو وتيهضر بكلمات مقطعة) ابليكو ماتيبغيش يآادي شي حد وعزييييز عليه لي كيسمع لهضرة 

زينو؛؛( عيينه خرجو وكيسرط ريقو بالخوف و بآلم من موس لي حس بيه تغرس في عنقو ) وو وواخه طلق غير طلق اصحبي 

هارون؛؛ (زاد برك عليه وعيينه محمرين فيه ) غادي نطلق وغادي نخليك تمشي فحالك عند مك ولكن عيني عليك بربي ونسمع هاكة ولاهاكة غنقبر ل***** مك 

زينو؛؛ (بعد عليه لموس و قاس جرح وحرك راسو بالايجاب) كون هاني اخويا ماتعاودش تشوف وجهي هنا ولا في بلاصتك 

يحيي؛؛ دابة مزيان من فهمتي سير لعب بعيد اولدي 

زينو؛؛(شاد على عنقو )عمركم تشوفو هاد لوجه الله يعاون 

قالها وزاد هارون مسح لموس وجمعو ودارو في جيبو وهز تلفون و باكية تاع لگارو وخرج هو يحيي هز لكاصك لبسو و لاح تاني ليحيي وركب 

يحيي؛؛ بحال هدو هوما لي كتوحل معاهم غير تفرطيط على والو 

هارون؛؛؛ مزال صغير ولكن دايز 

يحيي؛؛؛ شنو زعمة 

هارون؛؛ نقدرو نحتاجوه من بعد 

هاكة داز نهار كل مخشي في شغالو وصل ليل 

✅ في لوبيطال

خارجة من غرفة عمليات كولها عرقانة وباين لعيا في عينيها مشات غرفة تاعها وجلسات في كرسي ولاحت راسها عليه بتعب وغمضات عينيها 
حتى حسات بالباب تحل حلات عينيها بانت ليها ياقوت هازة زوج كيسان القهوة 

جيهان؛؛ على سلامة مابنتيش ليا ليوم 

ياقوت؛؛ (مدات ليها كاسها و جلسات قبالتها )عييت ليوم والله كنحس بعنقي تشنج عليا 

جيهان؛؛ صبر هادا هو حال اطباء (شربت من كاسها)عتقتيني بهاد القهوة 

ياقوت؛؛ كملي كاسك انا نمشي نبدل عليا باش نمشيو فحالنا بغيت غير نعس 

جيهان؛؛ (تبسمات) مغادياش تخرجي ليوم 

ياقوت؛؛ (وقفت وحركت يديها) لا اختي لا اش باغا بشي خروج 

جيهان؛؛ يااك المرضية قولي ماعندك جهد 

ياقوت ؛؛ هانتي فهمتي عيانة ليوم بغيت غير نحط راسي 

جيهان؛؛ يلا سييري 

خرجات ياقوت مشات لغرفتها بدلات حوايجها ورجعات عند جيهان لقاتها في لباب كتلبس جاكيط تاعها شدات فيها وخرجو مشاو باركينگ ركبو في لوطو و زادو وصلت ياقوت لدارهوم وسلمات عليها وزادت لدارهوم دخلات نيشان لكوزينة لقات مليكة وعمر جالسين كي يشربو اتاي 

جيهان؛؛ مسا الخير عليكم 

ردو عليها ؛؛ مسالخير ابنتي 

مليكة؛؛ على سلامتك 

جيهان؛؛ الله يسلمك اميمتي 

عمر؛؛ ليوم غتاكلي طويجين تاكلي صباعك موراه 

جيهان؛؛ (تبسمات ) بصح نتا لي طيبتي 

مليكة؛؛ صدعني انا نطيب انا نطيب 

جيهان؛؛ ههه ايوا ندوقو طيابو نشوفو 

عمر؛؛ راه طياب رجال بنين على طياب لعيالات

جيهان؛؛ معيور معيور هدا 

مليكة؛؛ هانتي تشوفي ابنيتي سنين وهو يعلف في ماكلتي ونكر كولشي دابةً

عمر؛؛ ماتقوليش هاكاك نتي كطيبي غير شهد من يديك

جيهان؛؛ هههه ايهاي هاي على با عمر راك مجهد 

عمر؛؛ ايوا راه مك مليكة كتحگرني 

جيهان؛؛ نمشي نبدل عليا ونجي سعد مكاينش 

مليكة؛؛ راه لفوق غير دابة كان معانا 

جيهان؛؛؛ واخة 

مشات دخلات لبيتها ومشات نيشان لدوش حيدات حوايجها وتخشات تحت رشاشة وخلات لماء يهبط على جسمها ناعم بقات شوية وقت حسات براسها خفافت و خرجات لبسات بينوار و خرجات كتنشف شعرها لبسات بيجامة تاع دار و خلات شعرها على راحتو ومشات لبيت سعد لقاتو متكي فوق فوطوي و وكيتفرج في ماتش 

جيهان؛؛ بوكوص تاعي لاباس 

سعد؛؛ ( شافها وتبسم ) لاباس ونتي

جيهان؛؛ لاباس احبيبي يلا تهبط تعشا 

سعد؛؛ واخه انا شوية و نجي غير هبطي 

جيهان؛؛( تبسمت) ماتعطلش 

حرك ليها راسو هبطات هي و هو ناض مشا لحمام غسل وجهو هز عينيه في لمرايا كيشوف فراسو و عينه محمرين كيحس براسو غيتفرگع خرج من دوش و مشا لبس قبية و لبس بانطوفة في رجليه وهبط كانو مجمعين في لكوزينة 

عمر؛؛؛ هاهو عمرو طويل 

سعد ؛؛ (جر كرسي وجلس) كتهضرو عليا 

جيهان؛؛ اييه اسيدي يلا هضر معايا موسيو زياني 

سعد؛؛ من بعد 

جيهان؛؛ كيفاش من بعد خاصك تمشي تخدم غتبقى جالس 

سعد؛؛ صافي طلعت ليك في راس 

جيهان؛؛( شد في يديه ) نتا راك خويا ونتا لي عندي في الدنيا ونبغي نشوفك في احسن حال 

سعد؛؛ ان شاء الله حتى لغدا ونشوف 

جيهان؛؛ كيفاش تشوف سعد راك مابقيتيش صغير خاصك تعتامد على روحك 

سعد؛؛ بغييني نمشي غنمشي الاله غير عطيونا ما نحنجرو دابه 

مليكة؛؛ (حطات طاجين) ها هو اوليدي موجود 

سعد؛؛؛ امم الله يعطيك صحة كيبان بنين 

عمر؛؛؛ ايوا بسيف مايجي بنين وباك عمر لي مطيبو 

سعد؛؛ ( حك على لحيته و تبسم بزز عليه) الله اودي 

بداو في لعشاء ومجمعين بييناتهم الا سعد لي هضرتو قليلة باغي غير يطلع ينعس 

✔✔✔ في مكان الاخر 

من بعد ماكمل عشاه طلع لبيتو دخل لدوش غسل وتم خارج وكيمسح على شعرو هز راسو
بانت ليه في جالسة قدام لمرايا كتمشط في شعرها ولاباسة ومالابسة بقى كيطلع ويهبط فيها ومشا جلس في بلاصتو كيقلب في تلفون هي شافتو وناضت وكترمي خطوات على صباعاها حتى وقفات قدامو هز راسو بشوية حتى وصل لعينيها 

حنان؛؛ حبيبي ممكن تعطي فرصة لعلاقتنا 

هارون؛؛( شاف فيها و هضر قاسح ) دوزي تنعسي احنان 

حنان؛؛ علاش مابغيتيش تعطي فرصة واش غنبقاو هاكة ماراني مزوجة ماراني مطلقة ماعرفتش شنو انا بالنسبة ليك 

هارون؛؛( وقف وشدها من دراعها وزير عليها حتى حست بيه غينصل وكيهضر بشوية ) من اول شنو قلنا شنو هضرنا امم 

حنان؛؛( بدات كتبكي ) انا قلت زعمة غتعطيني فرصة ونعيشو بحالنا بحال ناس

هارون؛؛ انا غنمشي نبدل ساعة بآخرا ماتخلينش نغلط فيك احنان 
طلق منها ولبس حوايجو و خرج وخبط لباب وجلسات هي كتبكي 
حنان؛؛ هئ علاش كتعدبني هاكة علاش اهارون علاش شنو ذنبي 

بقات تبكي حتى برداتو و مشات بدلات حوايجها وتخشات في بلاصتها اما هارون من بعد ماخرج من لبيت دخل لكوزينة وجد قهوة وطلع لسطح جلس فوق كرسي وجبد جوان كيفتلو حتى وقف عليه يحيي 

هارون؛؛ مانعستيش 

يحيي؛؛( جر كرسي وريح عليه) شفتك طالع عرفت كاين شي موشكيل مالك اصحبي 

هارون؛؛ (شعل جوان)راك عارف شنو 

يحيي؛؛ حنان

هارون؛؛ مابغيتش نظلمها معايا عارف هاد زواج علاش ماشي لخاطري حتى قبلتو 

يحيي؛؛( تنهد) حتى واحد مايقد يبزز عليك شي حاجة ولكن حتى هي مراة وغتبغي تكون محسوبة على راجل يوقف جنبها 

هارون؛؛ (هضر بالانفعال) بلاما تبدا تاني هادشي راه قابلين بيه بزوج وهضرت معاها في اول ماعمري واعدتها بشي حاجة 

يحيي؛؛ حتى لإمتى غتبقى ساد على راسك 

هارون؛؛(كيشوف في سماء و كيبخ) هنينا ا****ي دابة مافيا لي يهضر 

يحيي؛؛(ناض غادي) هاهو غادي تصبح على خير 

هارون حرك ليه راسو وبقى كيتكيف واحد مور واحد حتى ولاو عينيه كيتغمضو بوحدهوم هبط لبيتو لقاها ناعسة ومكمشة بقى حاضيها شحال حيد جاكيط بقى غير بتيشورط وشورط مشا تكا ودار يديه تحت راسو و غمض عينيه حتى غفى 

صبح الحال وحس بشي حد كيحركو هز راسو لقى حنان 

حنان؛؛ هارون نوض عفااك 

هارون؛؛ (مخلوع) مالك شنو واقع 

حنان؛؛ خالتي سخفات لي في لكوزينة 
مع سمعها ناض كيجري هابط من دروج لونو مخطوف وكل درجة كيدير منها زوج وصل لكوزينة بانت ليه طايحة وزاج داير بيها كان يحيي كيفيق فيها و صالح جالس حداه جلس على ركابيه 

هارون؛؛ (كيضرب على وجهها) الوليدة مالك شنو وقع ليها 

حنان:؛؛ ماعرفتش كنت كنعجن حتى سمعت لكاس طاح من يديها و طاحت لارض 

هارون؛؛ يحيي عيط لومبيلونص نديوها لطبيب 

صالح؛؛ غيكون سكر اولدي طلع ليها تاني 

حنان؛؛ هئ كون يسحب ليا مانخليهاش تنوض 

يحيي؛؛ اسعاف جايا في طريق شوية تكون هنا 

هزها هارون بين يديه وخرجها لمرح وحطها كيحاول يشربها لماء لكن هي غيبت في مرة قرب ليها وباس على راسها 

هارون؛؛ الواليدة صبري ( شاف في يحيي) هاد لق*** مالهوم تعطلو 

وبالفعل شوية الوقت حتى كانت وصلات دخلو هزوها وطلعوها وركب معاها هارون ومشاو في اتجاه لوبيطال 
يحيي مشا هو حنان و صالح تبعوهوم في طاكسي وقت قصير حتى كانو قدام لوبيطال نزلو و خرجوها وهارون شاد يديها غير بزز باش طلقها رجع لور و وجهو مخطوف نقطة ضعفو هي مو تكا على الحيط وغمض عينيه حتى وقف عليه لبقية

يحيي؛؛ (خبط على كتفو ولاح ليه جاكيط على كتفو )شنو كاين شي خبار اصحبي

هارون؛؛ (هز عينه فيه ولبس جاكيط) لا مزال عاد دخلوها 

✅داخل الغرفة 
خديجة متكية وعينيها حلاهوم غير شوية وبزز عليها من بعد ما ضربو ليها ابرا لانسولين عاد قدرات تحل عينيها

جيهان؛؛( شادة يديها) مدام خديجة اش هادشي ياك قلنا لعصاب ممنوع 

خديجة؛؛ كاين غير مايعصب ابنتي 

جيهان؛؛ يكون لي يكون صحتك قليلة و غادية وكتضهور الا ماحولتيش على راسك غنوليو في مايحمل عقباه 

خديجة ؛؛؛ (ابتسامة دابلة) غنحاول ابنتي غنحاول 

جيهان؛؛ شي حاجة غتمرضك بعدي منها تفاهمنا 

خديجة؛؛ واخه ابنتي واخه 

جيهان؛؛ مهم غتبقاي معانا ليوم حتى تولي مزيانة

خديجة؛؛ الله يرضي عليك ابنتي 

جيهان؛؛ (حطت يديها على دراعها)هذا واجبي عفاك حاولي على روحك 

تمات خارجة من غرفة وحادرة راسها كتقاد كمام طابلية حتى سمعات صوت كيناديها ضارت وتبسمت كان يحيي و حنان 

يحيي؛؛ دكتورة كيف بقات الواليدة 

جيهان؛؛ ماتخافوش الحمد لله رراهي مزيانة سكر طلع ليها تاني حاولو ماتخلوهاش تعصب

يحيي؛؛ يمكن لينا نشوفوها 

جيهان؛؛( تبسمات )ممكن ولكن ماشي دابة حتى ترتاح 
دارت ماشييا ووقف عليهم هارون و صالح طمئنهوم يحيي وجلسو يتسناو شوية عاد دخلو عندها فتح هارون لباب وشافها متكية ووجهاا صفر قلبو تعصر من شوفتها قرب ليها وباس على راسها و شد يديها 

هارون؛؛( نطق بصوت باح) لواليدة كيف بقيتي 

خديجة؛؛ لاباس اولدي انا مزيانة 
قرب يحيي وباس على راسها

يحيي؛؛ الله يشافيك اميمتي 

خديجة؛؛ اميين اوليدي بلاما تخافو انا لاباس 

صالح؛؛؛ مالك ياهاد المراة اش عصبك حتى طرا ليك هادشي 

حنان؛؛(هضرات قبل ماتهضر خديجة )صافي اعمي راهي عيانة دابة خلي من بعد
خديجة هزات عينيها فيها وبقات كتشوف فيها مطولة و زيرت على يد هارون لي هز عينه فيها 

هارون؛؛ مالك الواليدة 

خديجة؛؛ (تبسمات ليه ) انا بيخير اولدي ماتشطنش عليا 

هارون؛؛ الواليدة ردي بالك نتي عارفة هاد سكر كيطلع ويهبط ماكتخليهش يتقاد شنو لي عصبك حتى طرا هادشي 

خديجة؛؛ (طبطبات على يديه) اولدي مكاين والو كون كانت شي حاجة غنقولها ليك 

يحيي؛؛ (كان واقف جنبها وداير يديه في جيبو)حاولي على راسك الواليدة مكنبغيوش نشوفوك بهاد الحالة وغالي راه يحماق باغي يشوفك

خديجة؛؛ (تبسمت) وليدي فين خليتيه 

صالح؛؛ ماتخافيش راه مع جارة زوبيدة 

خديجة؛؛ تهلا فيه راه مكيفرقنيش 

هارون؛؛ نتي غتمشي وتشوفيه

يحيي؛؛ ماغتقدرش تخرج ليوم 

هارون؛؛ وعلاش ياك ولات مزيانة 

خديجة؛؛ طبيبة قالت لي حتى لغدا عاد يمكن ليا نخرج اولدي 

هارون؛؛ خاصني نشوف هاد طبيبة ( شاف في يحيي ونطق ) شنو سميتها 

يحيي؛؛ جيهان دكتورة جيهان رايسي 

هارون؛؛ (وقف) انا نمشي نشوفها 

يحيي؛؛ تسنى نخرج نمشي نجيب غالي 

خرجو مع لباب وبقى صالح جالس مع خديجة وحنان خرجات قدام لباب 
يحيي خرج وهو مشا كيسول عليها 

هارون؛؛ فين نلقى دكتورة جيهان 

لبنت؛؛ سمحليا دكتورة جيهان في لبلوك مازال معطلة شوية 

هارون؛؛ معياش تقدر تسالي 

لبنت؛؛ يلا دخلات مانقدرش نقولك معاياش تقدر تسالي 

خرج على برا مشا خدا قهوة و تكى على واحد صور وشعل لگارو وبقى كيتكيف ويشرب وراسو مطبوخ عليه حتى لمح ليحيي وغالي في اتجاه تاعو 

غالي؛؛؛ خالوووو (تلاح عليه) جبت معايا صاحبي (هاز روبوت)نسوفو لميمة

هارون؛؛ مزيان اسيدي البطل نتا لاباس 

غالي؛؛ لاباس فين لميمة 

هارون؛؛(حرك راسو وتبسم )راهي لداخل

يحيي؛؛ (مد يديه لغالي )نمشيو نشوفوها 

غالي؛؛ واخة نمسيو 

شد يديه وغادي حتى عيط ليه هارون طلق منو ورجع عندو
غالي بانت ليه قطيطة صغيرة وتم غادي ليها حتى حس بشي حد ضرب فيه و طاح ليه روبوت من يديه وتقسم على زوج 

غالي؛؛ ( تحنى على ركابيه في ارض ) صاحبي 

ضورات راسها من منضر ودغيا نزلات عندو مفزوعةً كتهز في روبوت

ياقوت؛؛ ايي اولدي سمحليا ماشفتكش ماشفتكش

غالي؛؛ (هز عينيه فيها كيبكي بلا صوت غير دموع نازلين ) كتلتيه

ياقوت؛؛ (قاست على وجهو وعينيها دموعو من لمنضر تاعو) عفااك ماتبكيش انا نصايبو ليك ولا عرفتي شنو نشري ليك واحد تاني احسن منو 

غالي كيمسح دموعو بكمامو غيهضر حتى وقف عليه يحيي تحنى عليه وكيدوز يديه على شعرو

يحيي؛؛ (بصوت خشن) غالي مالك اولدي 

ياقوت؛؛ (نقزات قبل مايهضر كتنخصص وشدات يد غالي ماهزات عينيها في شكون لي جا ) هئ كنت جاية وهو ضار ماشفتوش ودخلت فيه سمحوليا والله ماشفتو 

يحيي؛؛ ( عينيه غير على غالي وهضر بدون مايدور عندها) هاد لمرة شوفي قدامك عرفي فين تحطي رجليك 

ياقوت ؛؛ راني طلبت سماحة ولا بغيتو ناخد ليه واحد جديد ناخدو 

يحيي؛؛ (وقف وشاف فيها) خلي فلوسك عندك سيري ديري نضاضر احسن 

ياقوت؛؛ هزات عينيها عندو وحلات فمها من جمالو ودموع مزال نازلين نسات راسها مابقات كتسمع حتى حاجة حاضية غير ملامحو سمراء ونفسها كطلع وتهبط 
يحيي مد يديه وقف غالي وتم غادي كيمسح ليه دموعو
و ياقوت بقات جالسة وعينيها عليهوم شافتهوم دخلو و ناضت تبعاتهوم كتجري كي لهبيلة حتى شافتهوم فين دخلو مشات كتزرب لغرفة تاع جيهان لبسات جاكيط تاعها وهزات سوارت تاع لوطو و خرجات دغيا ركبات و زادت 
اما هارون كان مراقب فيلم كامل بعينيه من بعيد ماقربش ليهوم

تعشات لعشية مشا صالح و حنان لدار بقى غير هارون ويحيي و غالي جالسين معاها 

يحيي؛؛ هاحنا نخرجو نسبقوك غالي سلم على لميمة 

غالي؛؛ ماغتمسيس معنا 

خديجة؛؛ صباح نجي ان شاء الله احبيبي 

غالي؛؛ ماتعطليس عليا 

هارون؛؛ يلا البطل سير مع باباك انا جاي

شدو يحيي من يديه وخرج 
ناض هارون قرب لخديجة وباس على راسها 

هارون؛؛ الواليدة رتاحي مزيان صباح نجي عندك نديك 

خديجة؛؛ واخه اولدي سير ترتاح حتى نتا من صباح ونتا واقف 

هارون؛؛ تصبحي على خير 

عند ياقوت لي كانت معنقة واحد لكارطونة و مراقبة باب لغرفة غير شافتهوم خرجو وتبعاتهوم كتجري حتى وقفت موراهوم وعيطات 

ياقوت؛؛ عفاااك ممكن واحد دقيقة 

يحيي؛؛( ضار عندها مطلع حجبانو باستغراب و عيينيه فيها نيشان بملامح ممحية ) اش كاين 

ياقوت؛؛ انا انا ( مدات كارطونة وعينيها كيضرو على وجهو وكتسنى ردة فعل ) بغيت نعتادر مرة اخرى وتقبلو مني هذا 

يلا غيهضر وشاف غالي قرب منها وهو يسكت 
هي حسات بنغزات من عند غالي وهبطات راسها وتحنات عليه كتبسم 

ياقوت؛؛ مزال مقلق عليا احبيبي 

غالي؛؛ (شد لكارطونة) لا مابكيتس مكلك دابة ولكن خالو غيصايبو ليا ويليو عندي زوز

ياقوت؛؛( كدوز يديه على شعرو لحريري وكتبسم) شكرا حيث قبلتيه (باستو من حنكو حتى تغنفج )شحال حلو ياربي 

يحيي مربع يديه و حاضيهوم ماباغيش يقبلو ولكن من شاف غالي شدو مابغاش يهضر 

يحيي؛؛ مكانش عليك تاخديه و تعدبي راسك 

ياقوت؛؛ ( وقفات وشافت فيه ) دوك شهقات لي كان كيدير دبحوني مابغاوش يحيدو ليا من بالي والله كنعتادر مرة اخرى

يحيي؛؛ (عينيه كيشوفو في غالي و بغا غير يسد معاها ) شكرا 

ياقوت؛؛ نتوما لي شكرا حيث قبلتو اعتادري

يحيي؛ حرك راسو بلاما ينطق بحرف سد جاكيط تاعو وشد من عند غالي لكارطونة وشد يديه و زاد 
ياقوت اتار انتباهها بهاد لجمود لي فيه مطولش شوفة فيها ولا هز عينه فيها تبسمت ودورات راسها يمين وشمال و نطقات 

ياقوت؛؛ هذا لي عبر على مك تا شوفة ماخصرها على طاسيلتك 

كانت جيهان كتلبس جاكيط ديالها حتى تفتح لباب ودخلات ياقوت ساهية 

جيهان؛؛ امالك انتي 

ياقوت؛؛ ( مشات جلسات على كرسي ) يااااي ياي على زين وعلى كاريزمة ولهضرة بالحساب سعداات مرتو بيه 

جيهان؛؛ (هضرات منيرفيا)ياقوووت مزوج اصحبتي مزوج حشوومة 

ياقوت؛؛ (ضحكت ) ههه اودي غير نسقي عينيا هو شوفة ماخسرهاش عليا 

جيهان؛؛ايوا جمعي عينيك نتي غاضوري فيهم الله يستر 

ياقوت؛؛ اش ندير اناا صاحبتك تشوف زين تلف 

جيهان؛؛ حشومة سيد مزوج و كتغزلي فيه 

ياقوت؛؛؛ حق رب تا مبوگص واحد لون فيه ( كتحرك يديها بزربة) عينيه عينيه ناااااري كيف دايرين 

جيهان؛؛ ( هزات صاكها) عيقتي اصحبتي زيدي زيدي نمشيو فحالنا 

ياقوت؛؛ طياح لجدو 

جراتها جيهان وخرجو فحالهوم في اتجاه ديورهوم وصلتها ومشات لدارهوم دخلات لقات سعد جالس في جريدة متكي على كرسي ومغمض عينيه تيكمي قربات ليه باستو من حنكو 

جيهان؛؛ سعدوش لاباس

سعد؛؛ (حل عينيه فيها وتبسم) على سلامة 

جيهان؛؛( جلسات قبالتو) كيف داز نهارك 

سعد؛؛ مزيان

جيهان؛؛ شنو درتي مع زياني 

سعد؛؛ (تيبخ في لكارو) غدا غنبدا معاهوم 

جيهان؛؛( بفرحة) بصح ايوا الحمد لله ( وقفات بغات تمشي ضربات على ركبتو ) هاكة نبغيك اخويا واخيرا غنتهنى عليك شوية 

سعد؛؛ (نتر نترة طويلة وهز لكاس شرب منو ) سيري تنعسي سيري 

جيهان؛؛ اييي هاهي غادية نقص من داك لگارو تاهو 

قالت كلامها ومشات طلعات بدلات حوايجها و نعسات طاحت طيحة وحدة ماتحركاتش

فاقت صباح على صوت المنبه ناضت عيانة مدگدگة مشات لحمام قدات حاجتها وخرجات لبسات حوايجها ونزلات كتزرب لكوزينة لقات مليكة كتشحر اتاي جلسات كبات ليها القهوة وهزات طرف كيك

جيهان؛؛ صباح الخير

مليكة؛؛ صباح النور ابنتي 

جيهان؛؛ مشيتي بكري لبارح ماشفتش مكالمة تاعك كنت في لبلوك

مليكة؛؛ وييه ابنتي بنت ختي مرضات لبارح ومشيت عندها لصبيطار 

جيهان؛؛ الله يشافيها ياربي شنو عندها 

مليكة؛؛ كتوقف ابنتي 

جيهان؛؛ (عبست وجهات بآلم )اممم ربي يشوف من حالها 
ناضت من بعد شربات اخر جغمة 
جيهان؛؛ يلاا انا مشيت 

مليكة؛؛ الله يسر ليك ابنتي 

خرجات كتزرب ركبات في لوطو تاعها وكسيرات نيشان لوبيطال وصلات تمات داخلة وكتقلب بعينيها على ياقوت مابانش ليها دوزات نمرة وغادية في اتجاه لمكتب تاعها لمحات لشخص بعيد عليها كان واقف كيهضر تلفون كيبان غير نص جسمو لعريض طاح في بالها ضحكت ودورات راسها يمين وشمال ودخلات لغرفتها بدلات حوايجها وخرجات 

داخل الغرفة ✅

هارون؛؛ كتحسي براسك مزيانة دابة 

خديجة؛؛ (ابتسامة)الحمد لله اوليدي مزياانةً

هارون؛؛ انا نمشي نشوف طبيبة امتى تخرجي 

خديجة؛؛ واخة اولدي 

خرج هو مشا كيسول عليها مع خرج مشا كيسول وهي دخلات عندها كتبسم 

جيهان؛؛ صباااح النوور كتباني مزيانة ليوم اامم

خديجة؛؛ (تبسمات ليها ابتسامة عريضة) بفضل الله وبفضلك ابنيتي 

جيهان؛؛ ( قربت ليها وبدات تفحصها وتكلم ) لا لا مزيانة الحمد للله وهادي خدمتي اميمتي 

خديجة؛؛ الله يرضي عليك ابنتي 

جيهان؛؛ (كتكتب ليها دوا و ارشادات لي تستعمل) مهم غير يجيو عندك يمكن ليك تمشي لدارك 

خديجة؛؛ اييه راه جا ولدي ومشا كيقلب عليك على ود لخروج 

جيهان؛؛( قربت ليها وحطات يديها على دراعاها) صافي غير يجي وسيري لدارك و ديري بوصايتي الله يخليك حاولي ماتعصبيش 

خديجة؛؛ ان شاء الله ابنتي 

جيهان؛؛ يلا خليت لي الراحة الله يجيب الشفاء

خرجات هي من بعد ماودعاتها مشات ديريكت خدات القهوة باش تصحصح اما هو مشا قلب عليها من مالقاهاش رجع عند ميمتو وقالت له شنو كاين كان باغي يسولها على حالتها صافي خلاها هكاك
قال حتى يرجع من بعد عاونها لبسات جلابتها حط ليها صباطها حدا رجليها عاونها لبساتو وخرجها من بعد ما مشا خلص و خرجو ركبو في طاكسي وتيسرو في اتجاه الدار

داز نهار عادي كل في شغلاتو جيهان كانت غارقة مع واحد عملية كانت ديك ساعة 2 ديال ليل خارجة من لوبيطال يلا غادية تركب في لوطو وهو يصوني ليها تلفون جاوبات من شافت شكون وطلعات في لوطو 

جيهان؛؛ الو سعد صافا 

كان جالس فوق كرسي وداير رجليه على طبلة و شاد تلفون بيد وليد لاخرى منزلها كتقطر بدم وعينيه حمرين 

هارون؛؛ (جاوب بصوت خشن ) احم خوك هاهو معايا اجي ل ******

جيهان:؛؛؛؛ (مخرجة عينيها)اشنووو شنو وااقع ا و شكون نتا 

قطع عليها بلاما يسمع اش قالت لاح تلفون فوق طبلة ودور راسو لعند سعد لقاه مزال فاقد الوعي مجايب لدنيا خبار قرب حداه وتحنى عليه قفازي

هارون؛؛ ملي ماقدرش عليه اش داك ليه اولدي 

كيضرب ليه على وجهو بشوية باش يفيق ولكن لامجيب ناض من حداه ومشا هز واحد ليزار قطعو يلا غيلوي على يديه وسمع دقان لاحو من يدو و قرب لباب هو يسمع صوت 

جيهان؛؛؛ سعد سعد 

قرب لباب حلو وهي تم داخلة كتقلب بعينها غير شافتو وهي تحل عينيها على جهدهوم من منضر خوها بان ليها متكي فوق واحد سداري قديم مشات كتجري ومشافتش شكون لي معاه طاحت على ركابيها كترجف 

جيهان؛؛ (كتخبط على وجهو) سعد سعد كتسمعني اش وقع ليك 

دورت راسها وبان ليها واقف و متكي على الحيط و خاشي يد في جيب وليد لاخرى كتنزف حلات عينيها على جهدهوم من شكون شافت ويديه كتهبط عينه على يديه لي كتنزف و خوها لي مغط قدامها 

جيهان؛؛( عينيها عليه ومخرجاهوم ) شنو درتي ليه 

هارون؛؛ ( مركز عينيه حمرين عليها بدون ميرمش ) مابيه والو 

جيهان؛؛ شنو درتي لخويا وعلاش جبتيه لهنا 

هارون؛؛ ( جبد لگارو شعلو ودارو في فمو تيكمي وراسو كيحس بيه مقسوم) هزي خوك وسيري من هنا 

جيهان؛؛ ( قربت ليه وعينيها مخرجاهوم فيه) واش كضحك عليا لاش خويا هنا 

هارون؛؛ (هضر كازر على سنانو )سمعي غاتهزي خوك وغتقودي من هنا نتي وياه بلاما تصدعي ديل مي 

جيهان؛؛( سرطات ريقها من منضر تاعو وعينيه لي حمر من جمر تخلعات منو ومن نبرة صوتو رجعات بلور وكترعد بهضرتها) واش رجع عند داك ابليكو تاني

هارون؛؛( حك على جبهتو بالعصاب عرفها مغتفاكش معاه ) خوك جا بغا لقرقوبي 

جيهان؛؛( حلات عينيها من صدمة) شنوووو اويلي على القرقوبي ( مشات قربت لسعد كتركل فيه برجليها ودموعها نازلين) ياااك الكلب هاكة باش كتجازيني يااك ( ضارت عند هارون لقاتو داير لكارو في فمو وكيلوي طرف تاع ليزار على يديه 

جيهان؛؛؛( كترعد في لهضرة وعينيها على الجرح لي في يديه مزال كينزف بغزارة ) و واش نتا هو ابليكو

هارون؛؛ (هز عينيه فيها وزاد في تخنزيرتو وخدام كيلوي على يديه ) نوضي خوك و سيري فحالك

جيهان؛؛( كضور في عينها) سولتك جاوبني عفاك واش نتا هو ابليكو

هارون؛؛ (غوت حتى عروقو خرجو ) قلت ليك تقودي عليا من هنا
قفزات من بلاصتها ومشات كترعد كتفيق في خوها 
اما هو حس براسو تزير عليه حط يديه على راسو وغمض عينيه من آلام نزل يديه لقاها عامرة دم 

جيهان بقات كتفيق في سعد حتى حل عينيه عوناتو ناض دارت يديه على كتافها وهو حاط يديه على راسو بالدوخة قربت لهارون وبقات كتشووف فيه مطولة اما هو واقف غير بزز وكتبان ليه فيها زوج زادت من حداه يلا غتوصل لباب وسمعات شي حاجة تخبطات دارت بزربة وحلات فمها على جهدو بان ليها مجبد على كرشو وراسو كينزف بالدم 

يتبع...