انس:(عرفها حشمانة)غير بقاو جبت ليها شي حويج ونمشي ناخد ليها شي حاجة تاكلها بلا متعدبو
شريفة:(كترضي عليه وتحمد الله وتشكرو فسرها على انس وقالت)خاصها اولدي ماكلت الدار باش تعوض الدم لي خسرات مغنتعطلوش
وقفات وجرات معاها حسنية مخلاتش لبنتها فين تهضر ولاعطاتها فرصة خرجو من الشومبر مخلينهم بزوج ومشاو لدار ومعاهم حميد فحين انس قرب ليها بانت ليه البنت لي معاها فالشومبر كتشوف فيه جر الستار لي فارق بيناتهم باش ياخد راحتو وجلس حداها شظ ايديها وقبلهم قبل متتالية بدون ما يحس على نفسو وقال
انس:شوفتك هكاك قطعات فيا النفس روحي حسيت بيها غتخرج
براءة:(ابتسمت وبدات كتنسا خجلها جرات ايدو وقبلاتها قبل متتالية تعبيرا على احترامها ليه ومكانتو فقلبها وقالت بصوت مبحوح متعب)انا بخير موقع ليا والو
انس:(قبل راسها وقال)ششش صافي تهدني غيكونو نزغات من الشيطان انشاء الله خير
براءة:انشاء الله
بقاو مع بعض فالاخد والرد وبدا انس كيقرا عليها ما تيسر من القران حتى داها نعاس ......
بقا جالس كيلعب فشعرها حتى دخل نفس الدكتور ببتسامة وقال بصوت خافت نوعا ما
دك:(كيقرا فالملاحظات)كي بقات شوية
انس:الحمد لله
دك:(ببتسامة)غدا فالصباح بامكانها تخرج
انس:(بادلو الابتسامة)انشاء الله
دك:(مشا عند المريضة التانية عاينها ورجع عند انس وقال)الله يخليكم لبعض فكرتيني فايامي مع الزوجة ديالي الله يرحمها
انس:(باسى)الله يرحمها ويغفر ليها
دك:امين
خرج ببتسامتو المعهودة وكمل خدمتو مع باقي المرضى صونا انس لمو باش بلا ميجيو فالصباح بكري غيجي هو وياها لدار وطلب منها تبات مع شريفة متخليهاش بوحدها فالدار اما هو بقا حداها ليل كامل بعد ما خلص ليلة لي غيباتها معاها حاضيها وفينما يشوفها ممرتاحاش يبقا يقرا عليها ما تيسر من القران حتى سمع الله واكبر بغا يسل ايدو منها وهي تفيق
براءة:انس
انس:(هز عينيه فيها وقال)غير كملي نعاسك انا نصلي ونرجع
براءة:(كدور عينيها فالغرفة وقالت بخوف)لا عفاك متخلينيش بوحدي هنا
انس:(قبل راسها وقال كيسايس معاها)غير نصلي ونرجع منتعطلش
براءة:(مع ضلام والغرفة غريبة عليها مقدراتش تبقا فيها راسها وقالت)عفاك منقدرش نبقا هنا بوحدي
انس:(تنهد باستسلام وقال)وخا نمشي نتوضا ونرجع نصلي غير حداك
براءة:(بعد لحظات بزز منها قالت)وخا
انس:منتعطلش شوية ونجي
حركات راسها بالايجاب وهو خرج من الغرفة كيقلب على فين يتوضا فحين براءة بداو كيجيوها اوهام وكتخايل بلي معاها شي واحد فالغرفة توسوسات وغمضات عينيها خيفة كتقرا القرآن وكتستغفر..لكن تهيآتها زادو خلعوها وخلاوها تغطي وجها و دموعها ينزلو بعد دقائق رجع انس عندها لقاها مغطية وجها قرب ليها وقال
انس:براءة صافا
براءة:(غير سمعات صوتو حيدات الغطا على وجها كترعد بالخوف وتلاحت عليه معنقاه)تعطلتي فين كنتي اهئ اهئ اهئ
انس:(كيحرك ايدو على ضهرها بشوية وقال)سمحيليا..سمحيليا..صافي انا معاك دبا
بدات كتسكت وشهقاتها كيخقو حتى رتاحت وبعدات منو وقالت
خداه من عندها باستسلام لبس الشوميز ديالو سرحو فالارض وقام الصلاة كل سجدة كان كيطول فيها وهو كيدعي لله عز وجل حتى كمل وسلم جمع الشال وطواه عاد برك حداها وحطو فوق كرشها وقال
انس:رتاحي بينما طلع صباح ونمشيو لدار
براءة:طار عليا غير خليني...(بعد لحظات من الصمت)شكرا
براءة:قصدت نسكنو مع خالتي حسنية وعمي حميد حتى يحن الله ونت تقاد امورك وديك الساعة دفع فشي برطمة مغنحبسكش
انس:(غمض عينيه برضى وقال رافض الفكرة)مكرهتش ولكن ما يمكنش
براءة:علاش!!!!!!
انس:(الصمت مقدرش يقول ليها شي حاجة وقال)الصباح بدا يطلع
براءة:(ابتسمت ودورات وجها لجهة الشرجم)اه
انس:(شاف الساعة)6:30 دبا..صبري نشوف شي وحدة تجي تعاونك تلبسي باش نمشيو باقي غنمشي لخدمة
براءة:(قالت)انا نلبس بوحدي مفيا والو الحمد لله
انس:متأكدة!!!
براءة:اه تسناني انا نخرج عندك دبا
دار دكشي لي قالت ليه وبعد دقائق قلال خرجات لابسة الحويج لي جاب ليها وعبايتها لي جات بيها لحسن الحظ متقاست بوالو دارت فولارها ومشا لغيسيبسيون سينا على الخروج وشد فيها وخرجو من تما بان ليه طاكسي كيحط شي ناس شير عليه وركبو فيه عطاوه العنوان وصونا على مو باش يفيقو ويتسناوهم ومسافة الطريق كانو قدام الدار كيتسناوها خلص الطاكسي وعاونها تنزل لقا شريفة عند لباب شدات بنتها عندها معاوناها وانس عطاها بلاستيكة فيها دوا كان خداهم فاش خرج من السبيطار ورجع و
انس:خالتي انا مشيت الله يجيب الشفا
شريفة:لا ولدي دخل بعدا غير فطر معانا وسير رتاح
انس:تابعاني الخدمة وباقي خاص نبدل ونوجد راسي
شريفة:(زاد كبر فعينيها وقالت)الله يرضي عليك اوليدي سير بدل واجي تفطر معانا باقي الحال ماماك لي موجداه ليوم
انس:وخا خليت ليك الراحة
شريفة:متقولش ليا وخا ومتجيش را كنعرفك
براءة:(شافت فيه وقالت)غنتسناك حتى تجي عاد غناكل
انس:(شاف فيها مبتاسم وقال)وخا غنجي كونو هانيين
بدل حويجو ورتب اوراقو وتوجه لعند لباتيسري خدا دكشي لي قسم الله وتوجه لعندهم دق الباب وحلات ليه مو فرحانة بيه وقالت
حسنية:صباح الخير اوليدي
انس:(باس راسها)صباح النور
عطاها البلاستيكة لي جاب ودخلات سابقاه فحين هو تبعها حتى لصالون لقا السلام وجلس فطر معاهم فجو لا يخلو من الضحك والفرح ولا يخلو ايضا من نضرات انس لبراءة وبراءة لانس حتى لاحضوها حسنية وشريفة حتى تفرق المجمع وتوجه انس لخدمتو وهكدا توالت ايامهم الروتينية براءة وانس على تواصل دائم عبد الرحيم رجع ومقالو ليه والو على لي وقع وعلمهم بعرس بنت خوه لي بقا ليه شهر بالتمام والكمال وكل مكان انس يقرر يمشي عندو باش يهضر معاه كانت توقع شي حاجة كتمنعو ولا كيتراجع فاش يتفكر كلامو......
داز الشهر بلمح البصر زاد تعلق براءة بأنس وزاد عشقها ليه اما انس فزاد هوسو بيها ولا كيف ضلها وديما على تواصل معاها متخرج حتى تشاور والى حتاجت شي حلجة تقولها ليه هو يجيبها ليها كانت معاملتو ليها كأي زوج مع زوجتو لكن فنطاق الحدود هز مسؤوليتها وهنا مزال مدارو لاكت وحتى هي ولفاتو و رفعات الخجل او ولات حاسباه زوجها الى حتاجت شي حاجة كطلبها منو ماشي من باها لي زاد الشرخ وساع بينها وبينو وعلاقتهم فتوتر....
داخل غرفة براءة هازة الفون كتهضر معاه وهو طالع ليه الدم
براءة:انس الله يخليك راه نسيت والله عاد لبارح فكراتني ماما
انس:(بنرفزة)واش هادشي كيتنسا غتسافري سيمانة كلها ومقلتي ليا والو
براءة:عارفة راسي غلطت ولكن مقصدتش الله يخليك انس
انس:(زفر بضيق وهو حاس براسو مربوط وقال)سيري ولكن تيليفونك ما يبعدش من حداك نصوني جوبيني...
براءة:(ضحكات هي كتحس بيه بحال شي وليد صغير مقادرش يفارق ماماه)وخا كنواعدك
انس:لبسي فولارك متحيديهش ومتلبسيش شي حاجة مزيرا وخا يكونو العيالات لبسي مستور ومديريش المكياج بقاي طبيعية
براءة:وخا
انس:بقاي حدا ماماك متبعديش عليها
براءة:وخا مزال شي حاجة اخرة
انس:لا خاصك شي حاجة !
براءة:لا مخاصني والو
انس:متاكدة
براءة:اااه متاكدة
انس:(بعد لحظات من الصمت)غتبقا بلاصتك ا براءة ولفتك حداية ديما
براءة:(بحزن)حتى انا معرفت كي غندير منشوفكش من الشرجم سيمانة كلها..غنتوحشك بزاف
براءة:غنشد طاكسي من حدا الدار غير تسناني تما حتى نجي
لبسات وتانقات كيف عادتها وخرجات من الدار بعدما سلمات على ماماها شدات طاكسي ومسافة الطريق وكانت تما بمجرد ما وقف الطاكسي لمحاتو من وسط الناس واقف برجولةلابس كاجوال كيف عادتو تجينز وتيشورط بيض وشوميز تجينز محلولة كاسكيط ونضارات شمسية ابتسمت وهي كتشوفو كيبعد على نسا ما امكن وحجبانو المعقودين كيبانو ليها من بعيد سهات فتفاصيلو حتى نسات راسها وما فيقها غير مول طاكسي باش يرجع ليها الصرف تنهدات وهي كضحك وقالت :
براءة:سمحليا اشريف سهيت شوية هه
ابتسم فوجها ورجع ليها الصرف دعا معاها ورضا عليها من قلبو الخالص براءة وجها وصوتها كيخليوها دخل لخاطر اي واحد نزلات كتشوف واش غيشوفها وولا لا لكن لمحها بسرعة وهو عينيه كتقلب غير عليها بغا يقطع عندها دارت ليه اشارة بايديها يتسناها هي غتجي عندو ووقف فبلاصتو حتى قطعات او وقفات حداه سلمات عليه باليد وقالت كضحك
براءة:مالك عاقدهم هه
انس:(جرها قدامو وحط ايد على كتفها والتانية شاد بيها ايدها التانية وقال)سربي قضي غراضك خلينا نخرجو من هنا مكنحملش بلايص عامرين بالنسا
براءة:(شدات فيه ودورات ايديه عليها بتملك وبطفولة وقالت)سمحليا عجباتني ولبستها وزيدون كنلبس هادشي غير حيت نت معايا
انس:(تنهد وقال وهو كيبعد على نسا بقلة صبر)وخا ..وسربي باش نخرجو من هنا
توجهات براءة لعند محل ملابس العرائس وبدات كتختار فاونسومبل د الحرير خاص بالعروس وانس واقف وحشمان معاجبو حال عمرو دخل لهاد المحالات وعاد النسا لي كيدخلو بالعرام للمحل خرج وعيط ليها ومشات عندو وقال
انس:(حط ايدو على توب لقاه حرير من النوع لي كيبين الفورمة وكيجي سيكسي بزاف وقال وهو كيتخايلها لابساه😅)اعود بالله من الشيطان الرجيم استغفر الله العلي العظيم(كيحاول ينفض صورتها من خيالو وقال)رجعي دك المسخ رجعيه حيديه من قدامي
براءة:(شدات فايدو ولسقات فيه وقالت بمرح)نمشي نشوف القفطان لي غنحضر بيه لعرس
انس:(جر ليها فولارها ودخل ليها بعض الشعيرات خارجين)تغديتي بعدا
براءة:(حركات راسها بالنفي وقالت)نمشيو نشوفو القفيطين وناكلو من بعد اش بان ليك
انس:(باستفسار جدي)فطرتي!!!!!
براءة:(حنحناات بتوتر وقالت)هو الصراحة امممم
انس:(عقد حجبانو)مفطرتيش ياك
براءة:(شدات فيه وقالت)شربت غير كاس ديال اتاي مكيعجبنيش نفطر
انس:(جمع النفس وطلقها بغضب وشد ايديها وجرها وراه بعدما خدا منها البلاستيكات وقال)زيدي تاكلي عييتيني معاك ا براءة على هاد الفطور شي نهار غتشوفي مني شي حاجة متعجبكش
براءة:(شدات دراعو بالايد التانية وكتحاول توصل عليه بخطوات سراع وقالت)انس غير بشوية الناس كيشوفو فينا عفاك
انس:(قلل من سرعة خطواتو وجرها قدامو حاط ايدو على كتفها نزل وجهو قربو ليها باش يهضر بينو وبينها وميسمعو حد وقال)كتعرفي شي بلاصة مزيانة ونقية كياكلو فيها هنا
براءة:(حركات راسها بالنفي وقالت)كينة واحد المرا هنا كدير خبيزات كتاخد من عندها ماما ولكن مكيعجبنيش(بنات كازا غيعرفو علامن كنهضر😂)
انس:(زفر بنرفزة وهو كيحاول يبعد من النسا لي فجنبو وميقيس فحتى وحدة ودار راجع منين جا)اجي معايا
براءة:فين راه غنخرجو
انس:(وهو غادي حاضي جنابو من النسا وحاضي مع براءة لا يقيس فيها شي واحد بانو ليها دراري جايين وهو يجرها لجنب لاخر وقال)بان ليا واحد ليسباس كياكلو فيه وخا مكنحملش ماكلة الزنقة بفف
انس:(شاف فيها كيضحك وقال)بسطيلة على جوع كولي شي حاجة ومن بعد خوديها
براءة:بغيتها هممم تشهيتها
اانس:وخا لي تشهيتيها قوليها ناخدها ليك
حركات راسها بالايجاب فرحانة وكملو طريقهم بزوج كيضحكو ويهضرو ماسكين ايدين بعضياتهم لي دازو من حداه كيشوف فيهم بزوج هيبة انس فايحة وبرائة براءة جدبات الانظار خصوصا حركاتها الطفولية والخجولة..وصلو ودومونداو دكشي لي بغاو وجلسو مجمعين وهو كيلعب فايديها وصباعها عينيه محيدوش من عليها حتى جابو ليهم طلباتهم كلاو فجو مرح ممزوج بالحنان والخنات لي واخداه براءة من انس...خلص وشاف فيها وقال كيضحك ببتسامة هادئة خفيفة مزادته الا هيبة ورجولة وقال
انس:شنو غنديرو دبا
براءة:نشوفو القفطان
حرك راسو وشد فيها كيف عادتو داير حاجز بينها وبين الناس حتى وصلو عند الرجل لي كتكري عندو ديما سلمات عليه بمرح وباست يدو باحترام
عندو ديما سلمات عليه بمرح وباست يدو باحترام
براءة:عموووو لباس عليك
العم:(ببتسامة كيضحك)شنيولة لباس ونتي كي ديرا ماماك
براءة:الحمد لله كتسلم عليك
العم:(شاف فانس لي واقف بعيد شوية وقال)دخل اولدي مرحبا بيك
انس:(لقا السلام عاقدهم وغير كيسوط وقال)الله يكبر بيك ا شريف
العم:امين اولدي(شاف فبراءة)غبرتي وما بقينا شفناك لا نتي لا ماماك
براءة:غير الوقت ا عمو قول ليا كين شي جديد عندنا عرس بنت عمي
العم:مبلغ ابنتي..نعمة جبدي ليها لقفاطن جداد لي يلاه جاو تختار
مشات نعمة جبدات القفاطن واي قفطان عجبها كتوريه لانس لي كان مشارك الحديث مع العم كيقول ليها دخل تلبسو باش يشوفو كيف جا عليها وكل مرة يخرج ليها مشكيل وانتقاد لا هدا مزير لا بدليه معجبنيش لا هدا كيبين كتافك لا هدا مديق ومبينك....الخ خلا العم كيضحك وبراءة يطلع ليها الدم ويخرج ليها الدخان من نيوفها وتقول بنرفزة وقلة صبر
براءة:وا انس حرام عليك ميمكنش هادشي كلو ما بان ليك والو بزاااف اففف
انس:(هز حاجبوخلا لاخر وقال ببساطة)خيبين ومجاوكش زوينين
براءة:بالله عليك ا انس الى مشوف معايا شي قفطان زوين عييت كاع لي عجبوني معجبك فيهم حتى واحد
انس:(شاف فيه بجدية وقال كينعت ليها)شي حاجة مفضفضة ومتبينهاش
العم:(ضحك وقال)وخا اولدي هه
دار حركة لنعمة تجبد كوليكسيون من لقفاطن وحطهم قدامها كتختار وتوري لانس بتردد لانها عارفة غيرفض وفعلا دكشي لي كان حتى شيبها عاد قال كأنه حياها وهو كينعت لواحد القفطان
انس:شوفي هداك
براءة:(دارت كتقلب بلهفة كأنها خرجات من ضلمة حااالكة حطات ايدها على واحد وقالت)هدا
انس:لا لاخر لي فاللخر تحت من لبيض
براءة:(بدات كتقلب حتى بان ليها عينيها ولاو فيهم القلوبة وهي كتقلب فيه وقالت باعجاب)وااااو شحال غزااااال
يلاه بغا يهضر وهي تقول بالزربة بلاتي بلاتي نلبسو وشوفو كيف جا عليا مخلاتش ليه فين يهضر ودخلات كتحري لداخل تلبس فحين هو بقا واقف كيتسناها جبد الفون ديالو كيشوف المساج لي وصلو وهز راسو فاش سمع صوت بنت
نعمة:السلام عليكم
ودخلات كتحري لداخل تلبس فحين هو بقا واقف كيتسناها جبد الفون ديالو كيشوف المساج لي وصلو وهز راسو فاش سمع صوت بنت
نعمة:السلام
انس:(بتحفظ وجدية عاقد حجبانو)وعليكم السلام
نعمة:(بتوتر)واش نت انس ملاسي!!!
انس:(باقتضاب)وي هو انا كنعرفك!!
نعمة:(حركات راسها ببتسامة وتوتر)انا نعمة (انس كيسوف فيها باش تكمل كلامها باستغراب)نعمة القادري كنت كنقرا معاك فالكطريام
انس:(مزال فنفس جديتو)سمحيليا ولكن معقلتش عليك اختي
نعمة:(ببتسامة)عادي كتوقع وكنت عارفاك مغتعقلش عليا ولكن غنفكرك هه انا هي لي كنت كنجلس وراك وكانو مسمين عليا فالقسم دكتور سنيناتي هههههه
انس:(بلع ريقو وهو كيسوف فيها باعجاب واضح وقال غصب عنو)كطيري العقل
براءة:(قربات ليه وقالت فرحانة)بصح قول والله هههه
انس:( براءة:(قربات ليه وقالت فرحانة)بصح قول والله هههه
انس:(جمع شتات نفسو وقال)جاك زوين ولكن مغتلبسيهش فالعرس
براءة:(صدمها حتى قالت لقيت شي حاجة زوينة وعجباتنا بزوج وها هو حطم امالها وقالت)علاااااش ياك نت لي ختاريتيه
انس:(حيد الكاسكيط بتوتر حك مؤخرة رأسو كيشوف فيها قدامو بغا تبكي وقال كيضغط على نفسو باش ما يردخش لوجهها الملائكي)حيديه مجاكش زوين
براءة:(بتمرد ودموع فعينيها)لا بغيت نلبسو عجبني بزاف هو لي غنديه معايا
انس:(قرب ليها ديخ معارف ما يدير وقال بصرامة كيحاول يتحكم فيها)مغتلبسيهش ا براءة قلت ليك حيديه
براءة:(نزلو دموعها وقالت بعناد)هو لي غنلبس والى مبغيتيش غنتخاصم معاك
خرج عينيه فيها مصدوم تخاصم معاه على قبل قفطان قرب منها وجرها لواحد القنت بعيد على العم ونعمة لي كانو متابعين اش كيدور قدامهم وقال
انس:(حط ايدو على خصرو مقابلها وقال عاقد حجبانو)معمرك ترفعي صوتك عليا خصوصا قدام الناس
براءة:(نزلو دموعها وقالت)ونت لي معاجبك حتى حاجة عليا والقفطان لي حمقني ما بغيتيش نلبسو حرام عليك
انس:(خرج نفس حارة وقال بضعف وهو كيمسح دموعها)المشكيل ماشي فهادشي المشكيل هو لي لبستها كتجي كطيري العقل وخا يكون القفطان خيب ولا علاقة كيبان زوين عليك...
براءة:(بتردد وترجي)عفاك احبيبي خليني نلبسو عفاك والله عجبني ومن فوق هادشي نت لي ختاريتيه عفاك غنحس بيك معايا وانا لابساه عفاك اروحي عفاك
انس:(خرج عينيه وهي كيحس بقلبو كيضخ الدم بعنف كيف كل مرة كتقول ليه هاد الكلمات بلع ريقو وبعد عليها شوية باش ما يضعفش وقال بحسم)لا انا مغنكونش معاك والى شاف فيك شي واحد شنو غيوقع لا لا مستحيل تلبسيه
براءة:(شدات فايدو وقبلاتها بحنان وحب وقالت)عفاك ا حبيبي عفاك وغلاوتي عندك مكين لي غيشوفني من غير نسا قالت ليا ماما العرس ممخلطش والله عفاك ا روحي عفااااااااك
طولاتها وهي كتسبل فعويناتها وصوتها الدافئ خلا قلبو يلين ويلبي طلبها باستسلام وقال
انس:(قبل جبينها)الى عجبك بزاف معندي مندير...
واخيرا اتفقو وخداو القفيطين لي كان من اختيار انس لي ندم علاش قتارحو عليها ونال رضى براءة واعجابها سلمات على العم وكدلك انس وسلمو حتى على نعمة لي عرفهم على بعض وخرجو من المحل شافت براءة الساعة بانت ليها 3:30 لقات بلي باقي الحال على الموعد لي دارت مع مها وطلبات تبقا معاه مزال ويدوزو وقيت زوين بجوج بيهم ودكشي لي كان دوزو وقتهم بزوج زادو تقربو فيه من بعض كتر وبان حبهم لبعض وهوس انس وخوفو عليها فكل تصرفاتو معاها...5:00 بالتمام والكمال كانت براءة وسط الدار كتغوت على مها باش توريها شنو شرات جاوباتها وطلبات منها تلحق عليها لبيتها ودكشي لي كان القفطان نال اعجاب مها وبزاف وقالت براءة بدون ما تخبي على مها
براءة:(بخجل)دوق انس
شريفة:(هزات فيها عينيها وقالت)انس مشا معاك
براءة:(توجهات لسويك صغير كانت هازاه معاها وجبدات منو الفلوس لي خدات من عندها وقالت)هادو ديالك مخلانيش انس نقيصهم
شريفة:(ابتسمت وقالت بتفهم لانها عارفة انس اشمن نوع هو)الله يرضي عليه طول عمرو ما يرضاش ولكن ابنتي الفلوس لي عطاك خاصنا نردوهم ليه لحد الساعة نتي ماشي على دمتو باش يصرف عليك
براءة:(بدات كدور فعينيها وقالت)بصح ا ماما ولكن هو مكيبغيش ومكيسمعش مني
شريفة:(حركات راسها)انا مقلت ليك والو حيت عارفة انس ولد الناس والى كنتي معاه بحالا كنتي مع باك ولكن ا بنتي حاولي تفهميه بطريقتك باش ما يبقاش يصرف عليك ونتي مزال عيشة فخير باك وتحت جناحو فاش تزوجو ديك الساعة يصرف عليك كيفما بغا حتى واحد ما منحقو يدخل فيكم
انس:تكوني مرتي حلالي قدام الله يعني اي حاجة كتخصك غيكون من حقي ندخل فيها ماديا ولا معنويا
براءة:وكفاش نتزوجو بلا خبار ماما وبابا
انس:(ببتسامة)قولي انا براءة ابنة عبد الرحيم بن محمد زوجتك نفسي على سنة الله ورسوله واشهد الله وملائكته على هذا الزواج
براءة:(ردات كلامو بفرحة عارمة وعينيها فيهم دموع)......واشهد الله وملائكته على هذا الزواج
انس:(ببتسامة راضية ونصرات حنان)انا انس ابن حميد بن المختار زوجتكي نفسي على سنة الله ورسوله واشهد الله وملائكته على هدا الزواج ..(سكت تواني قلال بزاف)وكنعاهدك قدام الله غنحافض عليك حتى يتم زواجنا ونشهرو بيه
براءة:(حطات ايدها على فمها بدهشة وقالت غير مصدقة البثة)دبا انا صافي وليت مرتك قدام الله
انس:(بافتخار)اه نتي مرتي قدام الله والملائكة وهما شاهدين على زواجنا(تسمع صوت الاذان والتكبير سكت انس كيحس بقلبو وصل لعندها فرحان وقال بعدما سالا الاذان)هدا خير دليل على رضى الله بزواجنا على قولة الله اكبر
بقاو كيهضرو فالفون وهما كييشوفو فبعض حتى حس بيها عيات بالوقفة وطلب منها دخل لبيتها ودكشي لي قال هو لي كان دخلات عندها مها علماتها على قبل وقت السفر وباش تنزل تعشا طلباتها طلع ليها ماكلتها لبيتها بحكم عيات بالمشي فالقيصارية وكملات كلامها معاه دارو كلشي وهما فالفون مع بعضهم "تعشاو غسلو سنيناتهم وتلاحو فوق الفراش كبهضرو حتى داهم نعاس ولفون مزال فايديهم حتى فاق انس لفجر عاد قطع وهو كيبتاسم وعاود صونا ليها عرفها باقا ناعسة حيت تعطلو فالنعاس صونا وعاود حتى فاقت وجباتو بصوتها نعسان وهي مغمضة عينيها
براءة:الو
انس:(ببتسامة وبحة صباحية)صباح الخير
براءة:(غالب عليها نعاس وصوتها تقيل بالنعاس)صباح نور
انس:فيقي اروحي تصلي الفجر
براءة:(على نفس حالها)حتى يأدن ونوض فيا نعاس
انس:(ببتسامة)غيأدن دبا نوضي باش يلاه توضاي وتوجدي راسك ونصليو بزوج
براءة:(حلات عينيها على وسعهم وقالت بلهفة)كي نديرو ليها
انس:(كيضحك)ونوضي بعدا فاش تسالي نوريك كي نديرو ليها
براءة:(بفرحة حيدات لغطا وجلسات على طرف السرير)وخا انا نمشي دبا نتوضا ونلبس
انس:(برضى قال)الله يرضي عليك
بقا الفون دايز وكل واحد منهم توجه لحمام يغسل ويتوضا ولبسو لباس الصلاة احتراما لها حتى تسمغ صوت الاذان وترفع التكبير في الارجاء قرات دعاء ما بعد الاذان وهزاتو لقاتو كيتسناها وحتى هو كيدقرا الدعاء تسناتو حتى سالا وقالت الو وهو يجاوبها ببتسامة
انس:ساليتي
براءة:اه
انس:حلي لكام نديرو ابيل فيديو والصلاية ديريها على القبلة حدا الشرجم(دارت دكشي لي قال ليها عليه وقابلات الفون معاها وقال )شوفي فيا "شافت فيه ببتسامة مزادتها الا نور بلباس الصلاة الزهري وكمل" حاسة بلي قريب ليك (براءة باحساس غريب وراحة وطمأنينة حركات راسها وهي كتشوفيه من الشرجم)قابلي معاك الفون باش نقيمو الصلاة
دارت دكشي لي قال ليها وقامو الصلاة بزوج صلى بيها اول صلاة بيناتهم ودعا فسرو يحفضها ليه كيف دعات هي يخليه ليها ويحميه من شر الخلق وقال كيناجي لي خلقو "يارب انت اعلم بالنوايا بارك لنا واقبل زواجنا هدا واجمع بينناا في القريب العاجل يارب العالمين" وختمها اللهم اني اسئلك الرضى والقبول
دعاؤو الاخير كان مسموع وقدر يوصل لبراءة وتقول وهي مغمضة عينيها بخشوع
براءة:ياربي امين،...
سلمو بزوج وناضو من على صلاياتهم كيهضرو حتى طلع صباح وسمع صوت مها كتعلمها توجد راسها وتأكد من حويجها لي جمعات
انس:(بمرح كيحاول يخبي احساسو )وهداك القفطان شكون يلبسو لي شحفنا عليه..مسحي دموعك وانا معاك بقلبي وكل ما فيا وغنبقاو على تواصل كل دقيقة متحسيش بيا بعيد عليك
براءة:(مسحات دموعها وقالت)رد بالك لراسك ومتهضرش مع البنات وكول مزيان متنساش تغدا وخا تكون عندك الخدمة كتيرة ودير كاسكيط على الشمس باش ما تمرضش نت دغيا كتشد فيك الشمس و انا نبقا نصوني ليك ديما الى مجاوبتيش متلوم غير راسك
انس:(ببتسامة)وخا..يلاه نوضي وجدي راسك ولبسي شي حاجة مفضفضة
براءة:(ابتسمت ليه وهي كتشوفو فالكام)وخا اطط نلبس ونرجع باش نشوف لفاليز شنو ناقصها
براءة:(كتقلدو)نصوني جاوبيني فولارك متحيديهش والبلاصة لي فيه رجال خويها .......
انس:(قاطعها كيضحك)صافي هنا ساكت هه
براءة:(كتحط طروس فيه مستلزمات الاستحملم وسينيال واي حاجة كتخصها وكتقلب فالحويج )يخليلي الضحيكة هه
انس:امين هه
براءة:حبيبي انا غنمشي ماما كتغوت خاص نزل
انس:(تنهد بقلة حيلة)وخا وفطري مزيان باش مدوخيش فالطريق
براءة:وخا حبيبي انا مشيت تهلا فراسك ورد بالك عفاك
انس:وخا كوني هانية من جيهتي الله معاك وطريقة السلامة روحي
براءة:(ببتسامة)امين اعمري ربي معاك
توادعو وكل واحد فيهم مشا يقضي شغلو براءة نزلات فطرات كيف قال ليها انس وهو مشا دوش وبدا كيوجد راسو ليوم مليييء ومتعب بالعمل وعاد فراقو عليها زاد خلاه يحس بالعياء قبل حتى ما يبدا الخدمة....رسلات ليه مساج بلي جا الوقت لي غتمشي فيه وطلبات من يطل اما هو بمجرد ما قراه بلهفة نزل لتحت لقاها عند بابهم بوحدها واقفة كتشوف فالشرجم قرب عندها بدون ما يحس على راسو وحط ايدو على خدها وقال
انس:ردي لبال لراسك
براءة:وخا حتى نت عفاك(جرات ايدو قبلاتها باحترام وحب)
اما هو بسرعة قبل راسها فاش سمع الهضرة وخطاوي قراب وقال كنبغيك وبعد عليها بخطوات خدا من عندها الفاليز ودارها فاللوطو تشكراتو ببتسامة فنفس اللحظة لي جاوبها هو خرج عبد الرحيم وشافو رد عليها وقال باستغراب
عبد الرحيم:اش كدير هنا فهاد الوقت
انس:(بتاسم وقرب ليه وسلم عليه هو وشريفة وقال)كنت غادي لخدمة 7:30 هلدي يلاه نوصل وبانت ليا براءة واحلة مع الفاليز وعاونتها
عبد الرحيم:(بتاسم وربت ليه على كتفو وقال)الله يرضي عليك اولدي ويسهل عليك
انس:امين ا عمي
شريفة:(شافت فيهم بزوج كضحك وعرفات بلي بنتها لي قالتها ليه)الله يرضي عليك اولدي
انس:(بخجل)امين
دخل عبد الرحيم يجيب لفاليز ديال شريفة لي خلاتها ليه لداخل وتبعاتو فاش سمعاتو كيغوت عليها وخلاتهم بزوج شي كيشوف فشي وواحد باغي يعنق لاخر الى ان جاءت البادرة من عند انس وقرب ليها عنقها عندو وقبل فروة رأسها وقال
انس:غنتوحشك بزاف
براءة:(زيرات عليه ودفنات وجها فصدرو وقالت)حتى انا غنتوحشك كتر متخايل
انس:(بعد وجها عليه وضرب ليها جبهتها كيضحك)بعدي لهيه لا تبداي تبكي ليا
انس:(هز طرف الفولار لي طاح من على كتفها رجعو لبلاصتو وقال بجدية)مرتي ومنبغيهاش تقول لشي واحد خاصني شي حاجة ولو يكون باباك (بغات تهضر وقال)ششش دويت معاك خوديهم وسربي باباك و ماماك جايين
خداتهم من عندو وهي حشمانة منو وبعد عليها بعدة خطوات حتى جا باها خدا من عندو لفاليز حطها فالكوفر وسلم عليه وعلى براءة ومشا سلم على شريفة وبخجل طلب منها ترد ليها لبال طمئناتو وركبات حدا راجلها.....ديمارا لوطو وتحرك من قدامو عينيه على لوطو وبراءة تكمشات فالجنب كتشوف فيه حتى ختافاو على عينين بعض حسات براسها مخنوقة ومبقا عاجبها والو هزات الفون ورسلات ليه مساج جاوبها فالبلاصة وبداو كيهضرو مسافة الطريق كلها وهما بزوج فالفون انس فبيروه خدام ومكونيكطي معاها وهي مرة جالسة مرة متكية فالكوسان كل مرة وكفاش ديرا باش ترتاح .......
وقفات لوطو قدام دار العرس نزلات براءة بعدما رسلات ليه مساج بلي وصلو لدار ودخلات لقات مرت عمها فالباب عنقاتها وسلمات عليها بحرارة هي وعمامها وعيالات عمامها بحكم شحال مشافوها ومشات عند جداها امراة كبيرة تعدت 70 سنة تلاحت عليها معنقاها وتبوس فيها والجدة ممخلياش حقها بين التحية والسؤال عن الحال والاحوال وكلام الجداوات فشكر جمال حفيدتهم داز الوقت وصلات العشية جات العروسة لي كانت خارجة تقدا دكشي لي خاصها هي وصحاباتها وكدلك سلمات عليها وبركو البنات بيناتهم مجمعين وفرحانين بالعروسة فحين انس كيصيفط فالمساجات وكيصوني ليها بدون مجيب عقلو غيخرج اما هي بقات من هادي لهادي فكل مرة كابغي تهز تسليفونها تجرها حاجة حتى وصل الليل تعشاو وتجمعو البنات فبيت واحد كيوجدو لحمام العروسة مشات لساكها قلبها كيضرب جبدات الفون لقاتو تبلوكا بلوة المساجات وليزابيل تسلات من بيناتهم وطلعات لسطح بلا متقرا المساجات دوزات لابيل قلبها كيضرب وموجدة لاسوء الاحتمالات رن هاتف انس وهو جالس مع دارهم كيهضر مع مو ومجمع معاها شاف اتصالها عقد حجبانو كتر مكانو معقودين وجمع الوقفة بسرعة طلع لبيتو وسد عليه دوز لابيل وقال بصوت مرتفع وبعصبية
براءة:(كتويل فخاطرها وهي عارفة حجم غلطها وقالت كتحاول تبردو وتهدنو)عارفة احبيبي غلطت والله الى عارفة غير سمح ليا را ما لقيت كيف ندير نهضر معاك الفون بقا فالساك وبقيت من عيالات عمامي لعماتي لجدة لبنات عمي والعروسة وصحاباتها والله احبيبي مدرتها بلعاني والله سمحليا عفاك....(حساتو غيغوت وهي تقول بثوت خافت ونبؤة دافئة)توحشتك بزاف
انس:(زفر وعاود زفر وهو كيلعن الشيطان وقال)كي وصلتو
براءة:(ببتسامة وهدوء)مزيان ا حبيبي وصلنا مزيانين
انس:الحمد لله...(بجدية)منين كتهضري معايا
براءة:انا فالسطح دار عامرة
انس:كينين دراري تما
براءة:لا دراري مجموعين فدار عمي انا فدار جدة
انس:(براحة)مزيان روحي...رتاحيتي شوية
براءة:شوية وخلاص ونت كيف داز نهارك مع الخدمة
انس:(عقد حجبانو فاش تفكر بلي كان كيصوني ومكتجاوبش)كي الزفت
براءة:(ضحكات)ياك احبيبي
انس:اه كي الويل
براءة:وصافي حبيبي سمحليا منبقاش نعاود اخر مرة تيليفوني مبقاش يبعد عليا
انس:(تنهد وقال)ديري كام نشوفك
اكسيبطات لابيل فيديو وهي فرحانة شافتو وهي تخرج ليها ضحكة بدون ما تحس كان لابس غير طوب اسود لاسق على صدرو وبارز حجم عضلاتو تنحنحات بخجل وبدات كتهضر معاه وهو متجاوب معاها شيئا فشيئا حتى تطلق ورتاح ونسا شنو وقع فالنهار ...هكدا توالت ايام الاسبوع ديما كيهضرو بزوج فكل وقت ومكرراتش غلطها معاه تاني وخا داز كل نهار تقل طول من لي سبقو دازت بسلام ..داز العرس في امان الله الكل فرحان والكل ناشط العرس داز احسن من المتوقع رجعات براءة ورجعات معاه راحة انس وروحو....
#بعد_مرور_3_أيام_من_عودة_براءة
خرج انس من خدمتو ومشا نيشان لدار كيهضر مع براءة وهو كلو امل بدل حويجو وصلى 2 ركعات وخرج بعد ما هدنها وطمئنها بلي غيكون غير الخير ...عرف باها فين كين مشا عندو لقا السلام وطلب من عبد الرحيم يرافقو لقهوة باش يهضر معاه حاول عبد الرحيم يستفسر منو لكن معطاهش انس راس الخيط ومشا معاه لقهوة بركو طلب عبد الرحيم وانس شنو بغاو وانس على اعصابو حاول ما امكن يتحكم فيهم ويهضر بجدية بدون لف او دوران
عبد الرحيم:(رشف قهوتو وقال كيسوف فيه مبتاسم)اوا اولدي اش كين علاش جايبنا هنا
انس:(شاف فيه وقال)عمي بلا ما نلف وندور عليك جيت عندك على الموضوع ديال براءة
عبد الرحيم:(تمسحات الابتسامة من على وجهو وقال)هضرنا كنضن فهادشي
انس:(بجدية)ترقيت فخدمتي وقريب نترسم
عبد الرحيم:(بلع ريقو وقال)حتى ترسم ويكون خير
انس:(بصرامة)عدرك مقنعنيش ا عمي ومغنمشي من هنا حتى نعرف جوابك النهائي
عبد الرحيم:(تقاد فالجلسة وقال بجدية)انس نسا عليك بنتي مغنزوجهاش ليك
انس:(بلع ريقو بتوتر وقال)شنو السبب
عبد الرحيم(ببساطة قال):ماشي نت لي كنحلم بيه يكون راجل بنتي
انس:(حط ايدو على شكل لكمة تحت دقنو وقال بعصبية حاول ما امكن يخفيها وهو عارف قصد عبد الرحيم مزيان)وكفاش بغيتي يكون هاد راجل بنتك
عبد الرحيم:مشغلكش كلمتي قلتها ونساها عليك بنتي مغنزوجهاش ليك
انس:(حاول ما امكن يبرد نفسو ويحطها فبرج جليدي)عطيني فرصة نتبت ليك بلي نستحق بنتك
عبد الرحيم:(بصوت مرتفع حتى تلفتو ليهم الناس لي تما)قلت ليك بعد على بنتي مغنزوجهاش ليك واش بزز هادشي بنتي نهار نلقا لي يستاهلها غيديها نت متستاهلهاش وما باغيش نتناسب مع واحد بحالك بنتي مشيطاش عليا نعطيها لواحد يلاه مضارب مع راسو وباه
انس:(نزل ايدو تحت الطاولة زيرها على شكل لكمة وفكو تشنج بعصبية وقال بصوت غاضب لكن منخفض)قادر ببنتك وقادر نهزها بسناني ومنخليها تحتاج حتى حاجة انا راجل وقادر نهز مسؤولية مرتي
عبد الرحيم:(بغضب وقف وقال بالغوات)مرتك!!! من ايمتا ايمتا زوجتها ليك باش تحسبها عليك وتقول مرتي (بتهديد)فوووت عليييك بنتي ولا ميعجبك حال براءة مغيديها غير ولد الشان والمرشان نهار تمشي تمشي بالعز والاصول ماشي تاخد ليا(سكت)
انس:(حتى هو وقف وحاس بالعرق لي فناضرو كيخبط وقال ببرود خلا عبد الرحيم يتوتر)اش كمل ا سي عبد رحيم....
عبد الرحيم:(بغضب وصوت مسموع)براءة مغتديهاش بنتي غياخدها لي يستاهلها ويعيشها احسن من لي هي فيه اما نت شوف شي وحدة تقبل عليك ما قاريا مسامعة تصبر ليك ولباك وتصبر على ختك بنتي بزاف عليكم وماشي من مستواكم..(هز صبعو فوجه انس)اقسم بالله وباش كيحلفو الرجال ونسيق ليك الخبار كضور بيها يا حتى ندمك على نهار لي شفتي فيها
خرج مخلي انس وراه كيشوف قدامو بغضب وفنفس الوقت حاس براسو ضعيف ومكسور خلص دكشي لي دوموندا وخرج مخلي الهمس والقيل والقال من وراه كين لي بقا فيه وكين لي شمت فيه ماشي كاع الناس كيبغيونا...بقا كيتمشا وهو حاس براسو مهدود كرامتو تجرحات لتاني مرة وكل مرة كتكون اسوء من لي قبلها حاس بالحغرة وحاس بقلة الحيلة داز الوقت وهو غير كيتمشا وكيفكر حتى رجع لدار طلع نيشان لبيتو وسد عليه.....
سد عليه باب بيتو وهو حاس براسو لا شيء نكرة كرامتو تمرمدات فالارض وقدام العادي والبادي...مكانش متوقع عبد الرحيم يعاملو هكاك قدام الناس ويطيح بيه....وهو غارق فافكارو وكيحارب شيطانو ميتهورش تسمع صوت جوالو لكن منتابهش ليه ولا مسمعوش من اساسو حتى عاود صونا للمرة 5 عاد نتابه دور وجهو طلعات ليه صورتها تنهد وخلاه كيصوني بدون ما يجاوبها عيات مترسل ليه الرسائل النصية والصوتية وليزابيل لكن بدون مجيب..دار ليه صيلونص ولاحو بعيد عليه وكلام عبد الرحيم مزال كيدور فودنيه وصورة الناس وهما كيشوفو فيهم بين عينيه......
#بعد_35_يوم
براءة عقلها غيخرج بالبكا عليه قطعات الماكلة معارفة مدير وفاقدة الامل فعلاقتها مع انس فغرفتها متكية فسريرها كيف حالها فهاد الاسبوعين بعدما دفعات شهادة طبية للكلية لي كتقرا فيها.. كتبكي وشادة تيليفون فايديها كتشوف فصورتو حتى دخلات مها عندها ملامحها الحزينة طاغية بركات فجنبها كدوز ايدها على كتفها وقالت
خرجات وهي كتشوف فيها حتى سدات الباب وهي واخدة قرارها....فهاد الاثناء انس فخدمتو مقادرش يركز فيها وغير كيخمم سمع الهاتف التابت كيصوني جاوب وفصل الخط وناض كيقاد هندامو تقدم لعند السيكريتيرة لي تاصلات بيه سولها شنو كين ولكن معطاتوش راس الخيط دق فالباب بتوتر حتى تسمح ليه بالدخول ودخل بهمة وهيبة كيف عادتو دار ليه المدير حركة بايدو باش يجلس وقال
المدير(بجدية):سي ملاسي
انس:(شاف فيه بتوتر مخفي وقال باقتضاب)وي
المدير:(جامع ايدو بزوج على البيرو وقال)الصفقة لي كلفتك بيها الشهر لي فات
انس:(بلع ريقو وزاد توترو وقال)وي مالها
المدير:(شيئا فشيئا بدات كترسم ابتسامة على وجهو وقال)تبارك الله عليك قدرتي تربحها وتكسب مستثمرين اجانب وتزيد بشركتنا الصغيرة لقدام
انس:(ببتسامة باردة)مبروك عليك هدا واجب ديالي
المدير:(برضى)مبروك علينا ا سي انس ويفرحني نقولك بلي غتولي المساعد ديالي الخاص مستحيل نفرط فشخص بحالك(مد ليه ايدو وقال)مبروك عليك المنصب جديد
انس:(ببرود وبدون فرحة ابتسم وقال)شكرا كنتمنى نكون عند حسن ضنك
مضا على عقدو الخاص بالمنصب جديد وقدر يكسب تقة مديرو فوقت وجيز بكفائتو ومهارتو فاقناع العملاء والمستثمرين لكن الفرحة لي خاصو يفرحها اي شخص فمكانو مكانش كيحس بيها....تنهد وهو جالس فمكتبو الخاص واخيرا هز الفون ديالو كيشوف فيه بتردد كبير واش يشعلو ولا يخليه طافي وهو كيتذكر اخر مرة هدر معاها.....
براءة مهووس الجزء الثالث
محتوى القصة
التنقل بين الأجزاء