غيرتي ستكلفك شرفك الجزء العاشر والأخير

من تأليف Chè Rà Ââ
2020

محتوى القصة

رواية غيرتي ستكلفك شرفك

مايا... عضات على شفايفها .. قربات لوذنو همسات ليه .. كنبغيييييييييك

صخر... بتاسم بحب كبير وشد وجهها بين ايديه باس ليها عينيها وهبط لنيفها عضها منو وباس حناكها بجوج اخيرا شفايفها ... صاوبي ليا فاسمة باش نرجعو لباريس 

مايا.... واقلة خاصك تگول ليا شي حاجة باش يكون المشهد رومانسي 

صخر ... لا معندي منگول ليك يالله ڤازي 

مايا.... عقل عليها حمار 

صخر... فاش ختاطفوك مأداوكش ياك 

مايا... قادات ليه الفاسمة وناضت ضربات بشعرها لور وشافت فيه شوفة لعدو .. راجلي حبيبي تاج راسي السؤال الاصح واش انا مأديتهمش لأنو راك باقي غالط فمراتك بزااف 

صخر... من هاد الناحية كذبتي لأنو مكاين لي كيعرفك قدي ومن اول لقاء 

مايا...ناري متصورش شحال خفت فاش عرفت بلي راجل لي خليتو مكعوس فباركينغ ممكن يكون المدير ديالي 

صخر... وانا متصورش انو ممكن نقدر نرجع تيقيتي فالحب مرة أخرى 

مايا... عنقاتو بجنب وبداو خارجين .. كنبغيك بزااف اصخر 

صخر... باسها فراسها متكونيش بحالي 

مايا... كنتصور انو كون مكذبتش عليك بخوصوص خوك وگلت انو بيناتنا شي حاجة مكنتيش اتعصب مني ومكنتيش اتسافر ومكانش يقدر يدخل بيناتنا داك الحمار و مكناش انتفارقو ست شهور كاملة وكون داك نهار دخلنا انا وياك لحفلة مكانش اندوزو من هاد المشاكل كانت اتكون حياتنا ساهلة بحال صرب ولارا 

صخر... كنواعدك انحاسبو على كل دمعة دازت من هاد العينين كنواعدك اندمو على كل دقيقة كنت كنتحرق بنار الشوق وانا بعيد عليك 

مايا... ولكن باقي كاين مشكل 

صخر... لي هو 

مايا... إلينا طلعات معاونة مع ديما وداك الحمار معرفتش فاش ولكن كاملين مشاركين فختطافي 

صخر... مايا إلينا كانت تم باش تحميك 

مايا... مفهمتش 

صخر... إلينا حتا هي بوليسية بحالي .. عقلتي فاش خرجنا نسهرو كاملين ونتي بستي داك زامل 

مايا... اه كانت هي معانا 

صخر.. فاش مشينا عتارف ليها بلي كتعجبيه وتم بداو كيخططو كيف يفرقونا 

مايا... اه وهي گالت ليك هادشي 

صخر... نو مشات معاه فالريتم وبلا ما تعرف بلي هو البوص ايوا حتا نهار تخطفتي عرفات وجههو ونواياه .. وحنا لي كنا مقيلين نهار وليل كنقلبو على شكون هو طلع كيدور غير بيناتنا 

مايا... و ديما فين مشات دابا 

صخر.... كي هبطو من طيارة تم إلقاء القبض عليها 

مايا... دونك إلينا هي لي شداتها 

صخر.. وي 

مايا... ونتا غادي تبقا فهاد الخدمة 

صخر...نو كانت هادي اخر مهمة ستاقلت باش نعيش هاني انا ومرتي وبنتي 

مايا... فراسك كنت كنبغي شخصية تايغر ملي كنت كنسمع على بطولاتو فالاخبار مي عمري حلمت اني نتزوج بيه 

صخر... أبدى نغير 

مايا...( عنقاتو) الله يخليك ليا 

صخر... يلاه الطائرة وصلات 

مايا.. واش انمشيو لباريس من هنا 

صخر... وي خاصني نطمأن على واحد الشخص 

مايا... اك يالله 



بعض مرور بضع ساعات .. تحطات الطائرة فوق أكبر مستشفى بباريس العاصمة ... هبطو ابطالنا وهاهما فالمصعد 

مايا... اوووف صخر گول ليا اش واقع علاش جينا لهنا 

صخر... شووش انتي اتعرفي 

مايا... واخا صاف ولكن ملي نخرجو من هنا بغيتك تشري ليا الفريز تشتيتو هو والشكلاط يااام 😋

صخر ... هبيبلة واخا ميكون غير خاطرك تفتح الاسانسور وخرجو كيتمشاو فداك الكونطوار حتى وقفو قدام امام غرفة لارا 

مايا... كتشوف فزاج الغرفة لي نازل عليه الستار .. شكون كاين هنا واش انزورو شي مريض 

صخر... ولات بيخير اك هادشي ديريه فراسك مبغيتش توقع شي حاجة لبنتي سمعتي طبيبة گالت ممنوع عليك الاعصاب الاشهر لولة كيكون خطار على الجنين وممكن اي تصرف تعرضي لإجهاض 

مايا... نتا دابا غير كتزيد تخوفني 

دق جوج مرات وفتح لباب خلا مايا هي لولة تدخل هاد تبعها 

مايا... اش اش مفهمتش مالك الارا علاش ناعسة هنا صرب اش واقع ( بالغوات) شي واحد يشرح ليا 

لارا... مايا تهدني انا وليت بيخير 

مايا... ولكن اش وقع ليك 

لارا .... هوهو ختك راه باتمانا شافت الموت بعينيها ومماتتش 😂😂

جر كرسي لمايا وگلسها 

صخر... ممنوع عليك الاعصاب اك 

مايا ... كتشوف فيه وتشوف فختها ... وقعات ليها شي حاجة فداك الحفل ياك طاحت ولا شنو ياكما الله يحفظ وقع لولد شي حاجة 

صرب... لا ولدي بيخير الحمد لله 

لارا ... شوف ليك الراجل بان ليك غير ولدك وانا لي ضهري ولا بحال الغربال 

صرب... شد ايديها باسها روحي نتي 

لارا... مايا اجي تسمعي قربي قربي 

مايا... ههه اشنو 

لارا... واااع صرب فاش تضربت كان كيبكي عرفتي كنشوف فدموعو وكنقلب عليك ضحكي معايا ولا كيشبه لأدومة 🤣🤣🤣🤣

مايا... حتى هيا شادة معاها الريتم خلفي بالله 😂 😂 

لارا... هانتي سوليه 

مايا... ويلي ويلي مشتي شوهتي انا راجل عندي مضروب وانا باغا نتفكر الشعر نگولو ليه 

لارا 🤣🤣🤣🤣🤣 نتي بزااف معرف اش عاجبو فيك حتى قابل على هبالك 

مايا... حتى انا كنسول راسي نفس السؤال 😂😂😂😂 

بقاو الخواتات كيضحكو على يعضياتهم وكلا وحدة كتگول شي حاجة لي كطير لوخرى فحين عينين ازواجهم عليهم كلا واحد كيحمل حب كبير لطرف الاخر حب صخر لميمكنش يتحسب بالرغم من انو شخصية صعبة الطبع قدام المجتمع الا أنو قدام مايا كيولي شخص اخر معاها كتخرج ليه الضحكة من الاعماق ، صرب لي كيشوف فبرهوشتو وكيتخيل كون وقعات ليها شي حاجة كيفاش ايكمل ولمن ايكمل ومن أجل شكون ايكمل بتاسم فاش تفكر كيفاش كيعصبها ويبغي يقنعها انو كاينا وحدة أخرى فحياتو كيفاش كتبكي وكيفاش انها حساسة لدرجة كملة وحدة ممكن تخلي دمعتها تهبط وهادشي كيعكس قلبها الحنين والكبير


~~~بعد مرور بضعة أشهر ~~~

صخر....مايا مايا مايا 

مايا... صخر انا فالجردة 

صخر... خرج عندها جا من لور معنقها لبرد عليك اش كديري هنا هممم 

مايا.... شوووف شجرة لي غرست بدات كتكبر 

صخر... وي كبرات اتولي تگلس تحتها عشق ملي تزااد نشالله 

مايا....هوووف صخر علاش فكرتيني انا اصلا خايفة لولادة اتكون فهاد السيمانة 

صخر... حبيبتي معندك مناش تخافي حيت انكون معاك اك 

مايا... صاف واخا يالله ندخلو نفطرو 

صخر... بشوية عليك 

مايا... صخر اووف كنحس براسي وليت بحال الگرعة 

صخر... وصاف حبيبة بلا فشوش دابا تولدي وترجعي كيف كنتي 

مايا.. صاف 

صخر...صباح الخير عليكم 

لارا..صباح النور 

صرب...صباح الخير 

مايا.. ذاذا بغيت لكريب 

ذاذا فاطمة..هاهو ازينت البنات طيبتو خصيصا ليك 

لارا ... وأنا فين هو مسمني 

مايا... مغيارة 

لارا... تسكتي ولا نضربك بكرشي نوصلك لكوريا 

مايا... اييييه مع انا مخصوصة 

ذاذا فاطمة ... صاف صاف هاهو مسمنك غير سكتونا 

صخر... الله يخليك لينا الحنانة 

ذاذا فاطمة.. امين 

مونيا... شفتكم نسيتوني 

مايا.... ماما اجي عندي توحشتك بززاف 

صخر... غادي نبدى نغير 

مايا... هههه ماشي سوقي 

مونيا... هاهو الشكلاط امايا بالصحة ابنتي الغزالة 

لارا... صرررب هيء هيء مالهم كاملين كيهتمو بمايا راه انا لي غادي نولد الوريت واااااااااااااااااااااع 😭😭😭😭😭

صرب.... صاف تهنيتو صاف حبيبتي بلا بكا 

نيار... شكون بكا ليا بنتي انا شكون 

لارا... هيء هيء هادو ابابا كاملين كيهتمو غير بمايا هيء هيء 

نيار... صاف حبيبة باباها انا كنبغيك اش بغيتي بيهم 

لارا... يخليك ليا حبيبي 

صرب... الوليد راه مراتك تفرق على مدامتي 

مايا... سكتوووووووووووووووووووووووو 

صخر... اش واقع 

مايا... غادي نووولد دابا صخر دير شي حاجة ااااااااااااااااااااااااااااااااااااااااااااااي 

صخر... اه خاصني ندير شي حاجة اش خاصني ندير معرفتش اه اه نهزك واش خاصني نهزك هممم 

مايا... هزات ايديها حتى لسما ونزلات عليه ... واش دابا عاد بان ليك تشاور معايا ااااي لوجع كيقطع فيا هيء هيء 

لارا... ويلي ويلي غادي تولد صخر هزها وانا غادي نمشي نجيب حوايج البنت باش نتبعوكم ..ماما نتي سيري مع بابا ونتي اذاذا سيري مع مايا فطوموبيل 

صخر.. اه اه 

لارا... طلعات كتمشى بالشوية عليها ومرة مرة كتحس بالوجع تحت كرشها بلاما تعطيه اي اهتمام هزات حوايج عشق وكل لي غادي يخصها .. وهاهي غدا دابا فالوطو مع راجلها 

مايا... صخر سربي كنمووت 

صخر... ايدي مبقيتش كنحس بيها بكترة معضيتي عليها 

مايا... سكوووت والله لا باقي دقتي الحلوة باش تعلم تحملني أييييي

صخر... ذاذا شدي هادي عليا مفهمتش لاش مركبها حدايا شو كي رضاتني وجهي مبقيت نحس بيه بكترة تسرفيق لي عطاتني 

ذاذا فاطمة... غير صبر اولدي راه الوجع لي مخليها مصعورة كون ركبات حدايا راه تقلتني اللهم فيك نتا راجلها 

مايا....واااااع سكتووو دعيتك الله اصخر كون غير نعلنا شيطان ونعسنا ديك ليلة ولا هاد الحالة 

صخر... اييه ابنت المكبوتة راه نتي لي كان خاصك تنعلي شيطان كتگولي ليا اه بغيتك تفرعني اش كتسناي مني منغير اني ندير شرع ايدي 

مايا... هيء هيء سمعي اذاذا اش كيگول وعقلي على هضرتو مزيان 

صخر... حبيبتي صاف انا لي مني لافوت هانتي شهيق جفير اك 

مايا... هوووف هووووف واخا هاني انا بخير بنتي حبيبتي صبري غير حتى نوصلو واخا صبري 

صخر... هكاك أحبيبة كولشي ايولي مزيان احنا وصلنا 

مايا... اه اه وصلنا وعتقوني واااع صخر فين مشيتي 😭😭😭

صخر .... فتح عليها الباب اجي عندي ممشيت فين 

مايا... هزات ايديها تاني حتى لفوق نزلات عليه بتسرفيقة ... باش تعلم تحملني مرة أخرى 

صخر... صاف حبيبتي انا ممزيانش يالله اوب هزها .. راه قريت على الولادة الطب تقدم دونك مكاين لاش تخافي نتي اتولدي ولادة طبيعية اك 

مايا.... وااااع صخر البنت بدات كتخرج هيء هيء هيء صخر خايفة واااع 

صخر... حطها فالكرسي دوى مع الممرضة .. كولشي واجد 

الممرضة ... اه امسيو الطبيبة كتسنا يالله ايدخلوها سمعو شي غوات .. دار صخر حل عينيه وودنيه وفمو من المنظر لي قدامو 😂??


صرب .. مراااتي كتولد شي وحدة تعاوناا 

لارا... صربي خلاص بان ليا ولدي مبقاش قادر يصبر اااااي 

الممرضة ... تفضل معايا اسيدي لغرفة تبديل باش ترافق مراتك فالولادة 

صرب... اه واخا 

دخلو لارا ومايا لغرفة وحدة لفاصل بيناتهم غير ريدو بعد عناء طويل تسمع صوت بيبي صغير تزاد لهاد الدنيا 

الممرضة... تفضل اسيدي ممكن تأدن ليه تباركالله معذبش الام ديالو بزااف 

صرب... شدو من عندها وهو باغي يطير من الفرحة كيبان نسخة طبق الأصل من لارا عوينات زرق والشعر صفر ادن ليه فودنيه ورجعو للممرضة 

اما عند مايا لي باقا كتعصر باين هاد عشق مغادي تزااد حتى تصفيها ليها طالعة لمها 😂😂 

الممرضة... يالله دفعي بكل جهدك مبقا والو وتفكي 

مايا... دعيتك لله اصخر اوووف مبقيتش قادرة 

صخر... شهيق زفير شهيق زفيز 

مايا... شي واحد يسكتو واش هو لي كيولد ولا انا ااااه 

صخر... مايا فهمني راني معارف كي ندير نعاونك 

الممرضة... زيدي وحدة أخرى يالله زحمي 

مايا... هووووف وااخا اخر مرة 

ماهي تواني حتى تسمع صوت بكاء اطفال 

الطبيبة... الف مبروك عندكم بنيتة كتحمق مشالله 

مايا... عطيها ليا عفااك 

الطبيبة... حطاتها ليها بين ايديها 

مايا... بنتي حبيبتي عشق باستها من ايديها ورجليها...صخر شوف قداش صغيورة 

صخر... اه صغيرة بزااف عطيها ليا نأذن ليها 

مايا... هاكها 

صخر... خداها من عندها وعينيه كيلمعو بالفرحة لي نعيا نوصف مغاديش نوفي هاد اللحظة كيف كتكون فاش الاب كيشد ولدو لاول مرة وخصوصا شخص بحال صخر لي كان ضارب كروة على الزواج بصفة نهائية واكيد ايكون ضارب حتى على الولاد ... وذن ليها من بعد ماباسها واخا كان خايف عليها جا يشوف مايا لقاها مغمضة عينيها 

صخر... يكما وقعات ليها شي حاجة 

الطبيبة.. غير لعيا لنعسها معندك مناش تخاف الف مبروك عليكم 


بعد مغسلو لمايا ولارا واكيد الولاد بجوح بيهم صاوبو ليهم غرفة مشتركة مزينة بالبالونات والاشرطة .. حطو كونات لبيبي ونوامسم لأمهاتهم وهاهما دابا مجموعين وسط العائلة ولمة الحلوى 

مايا... لابسة بيجانة عبارة على كسوة فالاحمر وبوندو فوق راسها حتى هو فالاحمر فيه بابون كبيرة ... ماما مدي ليا عشق نلعب معاها 

صخر... مالك من صباح عشق عشق ياك لباس 

مايا .... هههه متگولش ليا اتولي تغيير منها 

صخر...مراتي ديالي بوحدي مكاين لي يشاركني فيها 

مايا... من نيتك 

لارا... لابسة بحال ختها الاختلاف فالالوان هي شيبي( الازرق ) جات سو كيوت مع العوينات زورق ....سكتوني نتوما بجوج وفكرو معايا سمية لولدي 

مونيا ... عندها الصح 

ذاذا فاطمة... سميوه كبور هاد سمية كانت ديال جدي الله يرحمو 

مونيا .. ايييه بقا خصاه غير شعيبية نتي كتشوفي الدري على مزيناتو شوفي زعويرية وعوينات باغا تعقديه بسمية كبور 

لارا... لقيتها انسمي ولدي اياد 

مايا... ولكن نتي عمرك تصاحبتي مع شي دري سميتو اياد ياكما كنتي مخبياها عليا 

لارا... الحلاقم نشاالله انسميه على اياد لي فسامحيني 

مايا... معقلتش عليه 

لارا... لي كان فواحد الوقت كيتوفا على جبهة الطوبيس (فريدة😂)

مايا... اه عرفتو تيتيز اختي ديك دوزيم ديما الجديد واخا ديك سامحيني طولوها كتر من حياتي مي هانيا 

صخر.. شكون هاد اياد وهاد سامحيني مفهمتش 

مايا... سكت نتا خاطيك تلفازة المغربية 

صرب... كيفاش صاحبك وكيفاش اياد 

لارا... ولدي سميتو اياد هدا هو المهم واياد لاخر بطل فمسلسل 

صرب ... ولدي انا لي غادي نسميه 

لارا... كنتي كتوجع بلاصتي وأنا مفخباريش 

صرب... ياك الالة 

لارا... اييييه 

صرب... ياكما حملتك بالبلوتوت وانا مفخباريش 

ذاذا فاطمة... اسكتو الله يقلل حياكم غير وحدة تگول كون غير نعلنا شيطان ونعسنا ديك ليلة ولاخر گال ليك معرف اش دري غادي نسميوه اياد ونبيكم عليه السلام الله يرضي عليك ابنتي فكرتني فيه على مزيناتو راجل كان 

مايا... الله يعز العيالات 😂😂

لارا... اللهم امين 


دازت ايام وايام خرجو البنات من الاوبيطال وهاهما دابا حتافلو بحفل عقيقة لطفلين بالرغم من انهم فبلد اجنبي الى أن العقيقة دازت 100٪ مغربية بالدبيحة ديال الحولي الى اخره واكيد كانو وجبات لي كيتصاوبو فقط فالمغرب داز كولشي على ما يرام واتمم وجه وسط الحباب والصحاب كما انه كانت مفاجأة من طرف صخر لمايا مع العلم انو مدوزوش العرس فما سبق الى انو برزات حتى هي بحال اي عروس والعمارية لي لابد تكون فأي عرس مغربي ودائما رجال الاعمال لي ضروري ميحضرو لكل مناسبات عائلة العلامي وايضا الصحافة لي لازم تنشر الأخبار فالصفحة الاولى كيف العادة 

مايا.... شكرا بزاااف حبيبي فرحتيني بزااف (بوسة فالحنك) 

صخر... دابا نتي كتجبديني 

مايا... 40 يوم دغيا دايزة بلاش متقلق 

صخر... انمشي ندوش ونرجع 

مايا...قبل فتح ليا سنسلة ديال القفطان تقلني بغيت نرضع عشق 

صخر... واخا الآلة عشق حلال عليها وانا حرام 

مايا .... صخر هنيني من صداع اتبدا البنت تغوت 

صخر... فتح ليها قفطان هبطو من جيهت كتافها باسها تم ومشا يدوش 

عند لارا لي كتشوف فالحالة المدنية لإياد ... صرب هو لي تكلف وحط ليه سميتو الخ 

صرب... حبيبي گلت ليك انا لي غادي نسميه اك 

لارا...ولدي انا سميتو اياد ماشي عصام اياد 

صرب.. مي قانونيا عصام 

لارا... متعصبنيش حيت نقدر نقتلك فهاد الحالة كيفاش عطيتي لراسك الحق تبدل سمية ولدي دوي 

صرب... ولدنا راه انا لي كنت سباب باش تكون هاد الولد فهمتي 

لارا... محساتش براسها حتى شدات ايديه عضاتها بكل قوتها حتى حسات بالدم ففمها عاد طلقاتها ليه 

صرب... انشوف اوووه مراتي خليتي فيا علامة لي فين نشوفها نتفكر هاد النهار ديري فبالك ولدي سميتو عصام

لارا... خرج عليا يالله سير فحالك 

صرب... واقلة هدا بيتي 

هزات وسادة لاحتها عليه وتمات جراه لبرى يالله ايدوي سدات الباب 😂


تنهد ومشا لبيت الضياف ينعس فيه هاد ليلة فحين لارا باقا متسرطاتش ليها كيفاش يبدل سمية لولد بقات غدا جايا فالبيت حتى عيات عاد حيدات قفطاتها ودخلات دوشات تحيد منها العرق وخا مخلاهاش صرب تشطح مي سخنها القفطان خصوصا جامي لبساتو فحياتها كي خرجات جابت اياد لي تباركالله مهدن تربتو اتجيها ساهلة ماشي بحال وأكد عشق غير كتغوت ...حطاتو حداها فالناموسية بغات تنعسو حداها .. دقائق وهي كتحقق فملامحو لي كيشبهو لدياولها حتى غفات 

اصبح الصباح يحمل فطياته احدات جديدة 

عند مايا لي باقا كتشخر ليل كامل وهي فايقة وحتى من صخر لي داير معاها كتر من جهدو خلاها تنعس وبقا حاضي عشق يلعب معاها باش تسكت وحتى من تبدال لي كوش تعلم ليه باش يعاون مراتو فتربية بنيتهم ... فاق صخر قضى روتينو الصباحي ابخي لبس حوايحو كيف العادة كوستار نواغ لي كيبقى اللون المفضل ليه وريحتو لي تصنعات خصيصا حسب شخصيتو ..لقا بينتو باقا ناعسة بدل ليها حوايجها ولكوش ديالها وخلاها اصلا الوليدات الصغار فاش يالله كيتزادو كينعسو بزااف نادرا مكيفيقو غير لجاعو .... خلا ريدومات ديال لبيت منزلين باش تبقا مايا ناعسة هبط لتحت ...لقاهم دايرين اجتماع على قضية عصام 

لارا...ولا انا بغيت سميت ولدي تكون اياد 

مونيا... صاف ابنتي كلا واحد يعيط ليه لي بغا 

ذاذا فاطمة... ولا بقاو تعيطو ليه عصام اياد زوينة اتكون سمية مزدوحة اش بان ليكم 

مونيا... اري داك راس نشوفو افاطمة على هاد الافكار لي نزلو عليك 

صرب.. كياكل گعما مسوق ليهم ولكن كيسمع اش كيگولو .... حتى هادي فكرة مزيانة اياد عصام ولا عصام اياد مهم زوينة 

لارا... هزات موس جابتو ليه قريب لعينيه ...تسكت ولا نتقب ليك عينيك 

صرب... ههههه اهديك الله امراتي حيدي سلاح الابيض من ايديك لا تمشي بمحاولة قتل 

لارا... اتسكت حسن ليك خليني نهضم الشمتة لي درتي ليا 

صخر... شد على عينيك ابا صروب 

صرب... واسكت اخويا راه شي نهار تلقاني فخبر كان 

لارا... واااااع ولدي سميتو إياد ماشي عصام إياااد


عند مايا لي بدات كتفتح عويناتها شوية بشوية حطات ايديها تحسس لفراش لقاتو خافي وسعات عينيها مبان ليها حد تگعدات بشوية گلسة مربعة رجليها وحمعة شفايفها زعما كعيا يالله اتنوض تفتح لباب ودخلو مولاي السلطان ببلاطو فيه كل لي تحب نفس مايا قهوة صباحية لي لابد منها عصير ليمون خبز محمص امليط فرماج ... مع وريدت حمرى ..حطو فالكومودينو مشا جيهتها باسها فجبهتها 

صخر... صباح الخير

مايا... صباح النور ... هادشي ليا 

صخر... هز ايديها باسها من داخل وبرى ...لمن اتكون من غيرك 

مايا.... باستو فشفايفو دوات وهي كتشوف فعينيه شكرا 

صخر... علاش 

مايا... حيت نتا راجلي وحيت نتا بابات بنتي وحيت دخلتي لحياتي 

صخر... قليل فين كتدوي بحال هكدا اش واقع مع غمزة 

مايا... اش غادي يكون واقع من غير انو كل نهار كنزيد نبغيك كتر من نهار لي قبلو 

صخر ... لا بزااف كترتي عليا غير وحدة وحدة عليا 

مايا.... كنبغيك بزااف اصخر متصورش شحال انا فرحانة 

صخر... متكونيش قدي تيقيني الى هاد القلب ملكتيه كامل كل جزء منو وكل دقة كتنطق بحروف اسمك 
مـــ 💓ــــا💓يــــ💓ـــــا ⁦

مايا.... كنتخيل لو كون مبغيتكش نتا وبغيت واحد اخر كان ايحتارمني ويبغيني بحالك هممم كانت عائلتو اتعاملني على اني وحدة منهم كان ايكون بحالك دابا اكيد لا معرفتش اشنو درت حتا ربي جزاني براجل بحالك .... 

صخر... الله يخليك ليا امراتي ههه شحال زوينة هاد الكلمة شحال وانا مصبر راسي عليها حتى لنهار لي حبدتي ليا اجهاد ما اجهاد 

مايا... الله يسمح ليا وصاف (ضرباتو) ولكن كولشي بسبابك 

صخر..انا انا اشنو درت 

مايا... ستغليتيني وانا سكرانة وزيد عليها ديك الهاربة معرف اش شرباتني حتى وليت كندخل ونخرج فالهضرة

صخر.... تيقيني انو لو مكنتيش مراتي حلالي جامي كنت نفكر نقرب ليك هادي من جيهة جيهة اخرى هي انو لي شاف وحدة لابسة تيشورط كولشي باين غادي يصبر هممم 

مايا...اوووف صاف كتفكرني كنحشم ولكن الحمد لله ربي عطانا عشق 

صخر... ياربي تخليها لينا

مايا .... نتا كنتي كتبغي شي وحدة ياك 

صخر... إنسانة الوحيدة لي بغيت هي نتي اك 
( ناض لبلكو يكمي ) 

مايا... (خرجات عندو) ولكن علاش تنرفزتي هممم علاش 

صخر... مجاوبهاش كينتر من سيگار ويبغ الدخان فالهوى 

مايا.. شافتو هكاك حيداتو ليه من ايديه وطفاتو بصباعها 

صخر... شد ايديها كيشوف صباعها لي ولاو حمرين .... واش حماقيتي ولا مالك اجي معايا نداويها ليك 

مايا.... معندي فين نمشي حتى تجاوبني 

صخر... اشنو بغيتي تعرفي 

مايا.... واش بصح قتلتيها 

صخر.... منين عرفتي شكون گال ليك هاد الهضرة 

مايا.... ماشي مهم المهم هو هدا ( حطات ايديها على قلبو ) اش كيحس 

صخر.... كتشكي فحبي ليك ولا شنو 

مايا.... كون متأكد لو كنت كنشك واحد بالمئة بحبك ليا مكنتش نكمل فمسرحية زواج حتى تانية ... انا سولتك واش باقي حاقد عليها ولا كارهها والاهم واش قتلتيها كيف كيگولو 

صخر...... كانت صفحة وطويتها سدي الموضوع 

مايا..... بغلاوت عشق عندك جاوبني 

صخر..... نو مكارههاش لأنو الحب الحقيقي هو مايا اصلا الحب تولد باش تكوني نتي فحياة صخر دونك معندي لاش نحقد او نكره ... وي سيفغي فداك الوقت حماقيت ولكن فأخير لحظة درت عقلي فراسي وشفعت ليها على قبل وليديها سيتو 

مايا..... يعني هي باقا عايشة 

صخر...... اه ودابا يمكن فأمريكا مستقرة 

مايا.... (عنقاتو )كنت عارفا حبيبي مستحيل يقتل شي واحد من غير المجرمين كنبغيك اصخر كنبغيك بزااف 

صخر.... حتا انا أموصيبتي حتا انا يلاه ندخلو البرد عليك 

مايا.... واخا ولكن نتا اتوكلني بإيديك اك 

صخر... واقلة تابعاني خدمة خاصني نمشي ليها 

مايا ..... ماشي سوقي مرتك انا 

صخر.... كنبغيك انا 

مايا..... حبيبي 

صخر... هز طريف الخبز دار فيه الفرماج .... يالله حلي فمك 

مايا... لا دير ليا بحال القطار 

صخر... ههههه من نيتك 

مايا... هزات راسها بأه 

صخر... لا لا انوض نمشي لخدمتي نتي حماقيتي 

مايا... اوووف اك ولكن بغيت نگول ليك واش مناسي والو 

صخر... اش انسا 

مايا... زعما هاد الفطور ممن موراه والو 

صخر... مفهمتش 

مايا ... حسن ليك يالله سير 

صخر ... باسها ففمها وخرج 

مايا... تفو عليك 


عند صخر لي ديمارا لوطو ..الوجهة المجموعات شركات العلامي الفرع الرئيسي 

صخر...كلشي واجد

الشخص..... وي مسيو

صخر..... قطع 

نبدلو لبلاصة 

مايا.... حمار معارفش حتى عيد ميلادي 

گلسات كتفطر تبرد فقصتها غير سالات ناضت عشق بالبكا خاصها ترضع ....وكلاتها حتى شبعات لقات حوايج ولي كوش مبدل بتاسمات وحطاتها فبلاصتها ...دخلات لحمام خدات دوش على خاطر خاطرها ...سلات نشفات لحمها دهناتو بكريم مرطب بنكهة الليمون دخلات لدريسينغ خدات كولون فالنواغ تريكو فالصوف طويل حتى لركبة مركات لطاي بسانتيغ نواغ ابخي گاط فالقهوي ... مكات وجهها ورشات من عطرها ...عاد هبطات لتحت لقات غير مونيا وذاذا فاطمة ...مشات گلسات حداهم 

مايا... فين هي لارا 

مونيا.... معرفتش كنا گالسين حتا سونا ليها تيلي جوبات من بعد قطعات وگالت ليك عندي شغل 

مايا.... وصرب فين مشا 

ذاذا فاطمة...... حتا هو مشا معاها 

مونيا...... كاين شي مشكل 

مايا..... بحزن لا والو فين هو اياد 

مونيا...... فبيتو 

مايا.... اك واخا 

طلعات مايا لبيت اياد وعشق لي صاوبوه ليهم ففترة الحمل مع مساعدة صرب وصخر ولكن باقي مكينعسو فيه على الاقل حتى يكبرو شوية ...دخلات عندو بان ليها فايق وكيعلب بإديه ورجبلاتو باقي صغير بزااف يالله عندو سيمانة ...بتاسمات وهزاتو باستو وخرجاتو معاها لبيتها ...كي دخلات بانت ليها حتى عشق فايقة حطات اياد فنموصيتها وهزات حتى عشق من كونة ديالها حطاتها حدا اياد ....-,مايا.... كولشي نسا عيد ميلادي بقيت فهاد النهار بوحدي ...شافت فعشق بقاي ضحكي عليا نتي ...رجعات شافت فإياد لي كيشوف فعشق...مالنا نتا عجباتك ولا شنو ...-اياد ..😟😞😞...-مايا... لاش لبكا غير كنضحك دابا دور ليا فالخوى ونرضعك توليو خوت 😂😂😂


لارا..... وي صخر سيفط ليا لوكيشن احنا فالطريق

صخر.... گلتيها لشي حد 

لارا..... نو كون هاني مگلناها لحد 

صخر.... صرب معاك 

لارا... اه معايا راه كيسمع ليك 

صخر.. . اه اك مهم راه وسيت رجال يجيبو ليكم گاع لي اتحتاجو 4 سوايع بالكتير نكون عندكم 

صرب ....... اك برو 

لارا..... مغسي بزااف تفكرتي عيد ميلاد ختي انا كنت ناسياه 

صخر.....مراتي هديك مهم دابا انسيفط ليكم الموقع 

لارا....اك جطط 

صخر.... قطع عليها من بعد سيفط الموقع ودخل لغرفة الاجتماعات لأنو عندو اجتماع مع الوفد السوري 

عند لارا وصرب لي شادين الطريق 

لارا.... هاهاهو لوكيشن وصلني 

صرب.... وي عرفت هاد لوطيل يالله فتح يعلم الله شكون مستتمر فيه لأنو طوب 

لارا... باش عرفتيه طوب 

صرب.... شفتو فليفوطو 

لارا....... يكما جيتي مع شي وحدة ليه 

صرب ..... بحالا علمك الله 

لارا.... هي بصح 

صرب.....يالله بكي نشوف 

لارا....... لا اندير حاجة اخرى 

صرب.... اشنو 

لارا......هزات ايديو عضاتها ليه حتى تصورو سنانها مزيان عاد حيدات 

صرب....واش لحسك شدك الحعر وانا مفراسيش 

لارا..... انولي فين ما تعصبت نخرج اعصابي فيك 

صرب......نتي تعصبي وانا طبعيني بالعضان 

لارا.....امتا اتبدل لإياد السمية 

صرب...... مغاديش تبدل 

لارا......هي نفهم غرتي من اياد ديال المسلسل حيت حسن منك 

صرب..... واش كتظني اني انغير من واحد عاطي وجهوو لوحدة او واحد اخر كيماكي ليه من نيتك 

لارا....... هو مكيماكيش 

صرب..... براكا عليه غير يطراسي حجبانو 

لارا....... متنساش راه كدير عكر 24ساعة 😂😂😂

صرب.....ڤوالا هادشي بالضبط لي بغيت نشرح ليك 

لارا...... خلينا فالمهم ولدي انا بغيت نسميه اياد ماشي عصام حيت خايبة عصام 

صرب....صدعتني يالله نزلي وصلنا 


لارا.... بهاد الزربة وصلنا 

صرب ......نوضي على سلامتك راه ساعة ديال الطريق 

لارا.....غير كنضحك 

صرب..... هيهي هاني ضحكت ليك يالله هبطي 

لارا...... دابا نتا مالك هممم مالك 

صرب...... مالي 

لارا........ (تجمعو دموع فعينيها)علاش كتدوي معايا بهاد الطريقة 

صرب...... شوش حبيبة غير باغي نشد فيك مراتي أصلا أنا باش كتعجبني مكتقلقش بالزربة ياك 

لارا......(ضحكات بحالا موقع والو فتحات الباب ودوات ) لي سبق هو لي رابح وشرطو يحكم على لاخر ( گالت هكدا وضرباتها بجرية) 

صرب..... بدا كيضحك وهو كيشوف جريتها سد لوطو بشوية عليه خشا الكونطاكت فجيب ديال الجاكيط قاد سروال ديال كيطما وهو يبدى يجري 

لارا........ كتجري وتشوف موراها كيبان ليها باقي بعيد شوية دارت مبانش ليها گاع يالله ادور تكمل طريقها حتى كتخرج فشي حيط 

صرب..... هانا شديتك 

لارا....... نت نتا نتا كيفاش درتي ليها 

صرب......... حبيبة ديالي كون خدمتي غير العقل كنتي اتربحي 

لارا...... المعنى 

صرب......ختاصرت الطريق 

لارا....... غشاش ممقبولاش 

صرب........ سكتي الغملة ووفي بوعدك 

لارا.......اشنو مطلوب مني 

صرب....... تعطيني بوسة كبيرة 

لارا......بلاتي نفكر 

صرب.......كنتسنى 

لارا......... امممم لا مبغيتش 

صرب.......بغيت ندير شرع ايدي تفكرت بلي ميمكنش نقيسك حتى دوز مدة 

لارا......ايوا هكداد 

صرب.....زيدي قدامي نقديو شغل لصخر 

لارا.......هههه يالله ولكن انا نختار طارطة بإينا نكهات اتصاوب 

صرب......دوماج ختارها صخر قبل منك 

لارا.....زعما نتا متقدرش تكون بحال خوك ودير ليا مفجئات بحال مايا هاهو صادمها بزواجهم هاهو موجد ليها حفلة 

صرب.....سمحيليا امدامتي ولكن قبلي على موجد بين ما تعلمت من خويا 

لارا....... هيهيهيهي سيتخو 


دخلو لوطيل مباشرة لصال فين ايتقام الحفل لقاو الخدمة بادية والقاعة مزينة بالبالونات والطوابر مقادين جا عندهم شاف كويزيني ديال داك لوطيل طلب منهم اش بغاو يشوفو فالموني من اطباق ومقبلات وحلويات واكيد مشروبات ...تكلف صرب بالمشروبات ولارا بالمأكولات ....داز الوقت وجا عندهم صخر لقا نظرة على المكان شاف كولشي على ما يرام مع بعض الملاحظات ... هاهو شاد طريق لقصر ومن موراه لارا وصرب ...يوجدو راسهم ...مسافة طريق وصلو ....

صخر....ذاذا فين مايا 

ذاذا فاطمة....فبيتها اوليدي راه من صباح طايح عليها الظيم 

صخر.... طلعي وجدي راسك انمشيو لواحد لبلاصة 

ذاذا فاطمة..... واخا اولدي 

كمل صخر طريقو لبيت مايا ..دخل بانت ليه ناعسة ومنعسة حداها دراري كان منضرهم كيبان زوين بزااف خصوصا القمر لي ضوء ديالو باين داخل الشعا من الباركو ساطع فوجهها ....بتاسم ومشا حداهم باس دراري بجوج وهزهم داهم لبيتهم ...عيط على الخدامة تقابلهم فغيابهم لأنو العائلة كاملة اتخرج ...رجع عند مايا فيقها بطريقتو كيف ديما 

مايا..... اشباغي تاني 

صخر..... انخرجو نوضي وجدي راسك 

مايا......مريضة مباغاش 

صخر......بلاما تقصحي راسك نوضي 

مايا......گلت ليك مباغاش 

صخر......واش مقلقة مني ولا جاب ليا الله 

مايا......بحالا علمك الله مفهمتش انا واش بان ليكم غير ليوم باش تغبرو بتلاتة زعما سبحان الله وصاف 

صخر..... علاش واش كاين ليوم شي حاجة زعما واش سبيسيال هاد النهار 

مايا..... اووووف حتا انا ملقيت معامن ندوي ياك بغيتيني غير نخرج انا غادي نخرج 

صخر....تسناي 

مايا... اشنو 

صخر....ناض جاب علبة كانت فوق الطبلة كبيرة ......بغيتك تلبسي هادي 

مايا....واخا 

دخلات لحمام قدات حاجتها غسلات وجهها وسنانها شللات لحمها بلاما تقيس شعرها ...مكيات وجهها صوبات لشعرها مشيطة زوينة أنيقة لبسات غوب لي جاب ليها فدوغي منبتة احجار من صدر جات مزيرة من الخصر ومطلوقة من لتحت واسعة بزااف مي أنيقة ..لبسات اسكغبان فالنواغ بوشيط نواغ اكسيسوارات مناسبة من حلقات لباگ ديال الزواج وعقد فاايت هداه ليها صخر فعيد ميلادو رشات شوية من ريحتها مكتراتش باش متجبدش صداع مع صخروشي ...وخرجات من الحمام ....كان صخر مشا لحمام اخر دوش ولبس طقم كيف العادة نواغ لون المفضل قاد شعرو ردو لور كيف ديما مشط لحيتو لي كبرات مبغاش ينقص منها حيت كتعجب مايا هكاك رش من ريحتو وخرج كيتسنا ست الحسن تسالي ....كي بانت ليه فتحات الباب مشا عندها شد ايديها باسها بكل جنتلمانية 

صخر....اميرتي باش كتعجبني مكتقلقش اميرها منها 

مايا.... مكترتش من غوجاليفغ ومن باغفان 😊

صخر....يالله نمشيو تعطلنا 

مايا... اك مشينا 

هبطو لتحت بانت ليهم العائلة كاملا واجدة كلا ركب فلوطو هاهما شادين طريق لأوطيل ...مسافة طريق وقفات لوطو ديال صخر فتح ليه الكاردگور لباب من بعد مشا فتح لمايا ...شدات فإيد صخر وتمو داخلين ... وقفات لوطو ديال صرب ولارا نزلو ...

لارا.......تعلم حتى نتا من صخر وفاجئني شي نهار غير نهار 

صرب....... انا نهار نفاجئك انفاجئك بورقة طلاق وحتى هي گولي ليا فيها متفاجئتيش 

لارا...... من هاد ناحية انتفاجئ مزيان وديك ساعة انصدمك صدمة العمر 

صرب....... مثلا 

لارا .......ضحك لكاميرا وهنينا صحافة باغين غير مايكتبو 

صرب.....فالقريب ايكتبو بخط احمر رجل قتل زوجته بسبب مفجأته 

لارا ........ههههه مضحك جدا 


دخلو لداخل كيتمشاو بخطا تابتة بحكم الضوء لي كان خافت مكيبان والو 

مايا.... صخر اش هاد العبت واش كيقتاصدو على فاتورة كهرباء وانا مفخباريش 

صخر.....قبل ميجوبها تسمع صوت المفرقعات وتشعل ضوء وقيامة ديال الناس كيگولو " سوبخيز " 

مايا ......بفرح كنتي عارف 

صخر......علاش انا نقدر ننسا عيد ميلاد حبيبتي 

مايا......تلاحت عليه معنقاه بقوة ودموع كيسيلو من عينيها ....ممتيقاش 

صخر .........شوش اتندميني انا بغيت نفرحك ماشي نبكيك 

مايا.......مقدراش نصبر دموع الفرحة هادو 

صخر ........عارف احبيبتي ولكن مبغيتهومش يسيلو 

مايا ....... كنحمد الله صباح وعشية لي لقاني بيك 

صخر........ كنبغيييييييييك 

الصحافي .....ممكن ناخدو ليكم صورة 

صخر.....طبعا يمكن مسح لمايا دموعها وجرها من خصرها الصحافي كياخد ليهم الصور لي اترفق بالمقال لي ايتكتب غدا كيف ديما عائلة العلامي تحتل الصدارة في كل شيء ..... من بعد متخداو عدة صور لي اغلبية فيهم كان صخر هايم فضحكة معشوقتو ممصوق لالكاميرة ولالصحافة .... دازو لعند الكوبل تاني لارا وصرب لي ديما شد لي نقطع ليك دايرين بحال طوم وجيري ولكن هادشي هو لي مخلي رابط الحب لي جامعهم قوي ومتين بالرغم من نگير لارا لي ولا عادة فيها ميمكنش نسكت بلاما تعاير صرب ولكن هادشي ممضايقش صرب بالعكس واخد ليها فوق الخاطر خاطرين .... دازو تاني لمتال الحب لي رغم كبر السن ورغم الضروف قدرو يبقاو محافظين على لمتهم خداو صور كتيرة لنيار ومونيا واكيد جاء الوقت لصورة جماعية كتجمع كل من صخر ومايا ، صرب ولارا ، نيار ومونيا فالاخير ذاذا فاطمة لي كتعتابر فرد من العائلة ولي عندها مكانة كبيرة عند كل فرد من أفرادو علاش لا وهي كبيرتهم ....نساحبت الصحافة من بعد مدارت مقابلة مع العائلة وسولاتهم عدة أسئلة فجل المجالات لا من ناحية الفن ولا الاعلام ولا البيزنيز واكيد الموضة والجمال .....وغيرها 

مايا.....صخر انا فرحانة بزااف 

صخر...... هادشي لي بغيت 

مايا......كنبغيك بزااف 

صخر.......وأنا كتر منك 

لارا.....هادشي زوين بزااف ياك اماما 

مونيا......هاد الاوطيل عجبني بزاااف وحتا ديزاين لي دايرين ليه تخي شيك 

صخر.....بما انو حنا مجموعين كاميلن عندي ليكم واحد الخبر 

صرب......نحن فإستماع 

لارا....ضربات صرب ...سكت شوية 

صرب .......مرتي كون مكنتي يالله والدة وكون مكنتش مقرب ليك هادي كتر من شهرين نشك فيك حاملة 

لارا........تحت سنانها انا بغيت ليك الحكا فالزك كيف ديما محشمني قدام بابا 

صخر ......شاف القدية حماضت كمل هضرتو .....هاد الاوطيل كيرجع لملكية عائلتنا 

مايا ........ متگولش ليا شريتيه 

نيار....... يعني الاوطيل ديالك 

صرب.......ألف مبروك الخاوة صراحة مشروع مربح وحتا الموقع زوين 

صخر......الأوطيل كيرجع لولادنا 

ذاذا فاطمة......ديال اياد وعشق 

صخر .......بالضبط 

مايا......نو واي متگولش ليا كتفكر لولاد وهما باقي فهاد العمر 

صرب.......كيف ديما گنگول خويا قلبو كبير فكر فولدي ومستقبلو قبل منفكر فيه انا 

لارا......( همسات ليه فوذنو )داك شي علاش كنگول ليك تعلم منو 

مونيا......... ولدي حبيبي الله يرضي عليك متسورش شحال أنا فرحانة دابا لا بغات تجي الموت مرحبا بيها 

نيار.....( هز ايديها باسها) بحالا وليتي تدوي بحال فاطمة 

ذاذا فاطمة....داك شي لي شفت حتى انا 

مايا.....الله يطول فعمرك اماما 

لارا ......الله يطول فعمرك حتى تشوفي ولاد إياد 

صرب.....احممم بما انو الموضوع تجبد وهادي هي الوجيبة انا بغيت نطلب منك اخويا العزيز واحد الطلب ونتمنا مترفضوش ليا 

صخر....... كون وفرتي عليك هاد التقديم كامل وتجيني نيشان 

صرب.....أنا طالب راغب بنتك عشق لولدي إياد على سنة الله ورسوله 

صخر.......أنا منزيدهم غير الخير والإحسان إلى كبرو الولاد ولقاو راسهم مفاهمين الله يكمل عليهم بالخير 

مايا.... ناضت عنقات لارا ...مبروك علينا أختي 

لارا.....هههههه ولينا خالات فوقت واحد ايوا ملي نكبرو انوليو عگوزات تاني فنفس الوقت 

مايا......داكشي لي بان ليا 

تجمعات العائلة على الضحك وتقشاب ....ماشي بزااف ديال الوقت حتا تحطات طارطة كبيرة ديال عيد ميلاد مرسومة فيها صورة مايا هي وعشق وصخر ...وتجمعو معاهم الحظور تطلقات موسيقى خاصة بهاد المناسبة وتقطعات الحلوى بصور مرفوقة ليها لذكرى لأنو هاد المناسبة كانت خاصة شوية فنفس النهار لي تزادت فيه مايا تمت خطوبة عشق .....قطعات طرف كبير شوية حطاتو فطبسيل خدات فوغشيط كتهز شوية كتوكل لكل طرف من العائلة شوية بداية من صخر وانتهاء للارا خلاتها هي لاخرة شفتها اتعواج ودوقها ونيت مدوقتها حتى قربت تعواج ..... دخل سيرفور دا معاه الحلوى لداخل الكوزينة فين يتم تقطيعها اجزاء شبه صغيرة كتحلية لضيوف طبعا .....ماشي بزااف تطلقات اغنية رومانسية ناضو گاع لي كوبل كيرقصو عليها ف لحظة غير متوقعة تسلط ضوء احمر على صخر ومايا ...تشعلات بلاصما كبيرة كتعرض صورهم من بداية لقائكم الى يومنا هذا كان معاه شريط فيديو لأول لقاء ليهم وبالضبط فبارگينغ كي شافو ظيوف لقطة فاش ضرباتو فيها مايا تهزات القاعة بأصوات الضحك و من العائلة ضحكو على لقائهم الغريب كانو صور وبعض من مقاطع الفيديو محملين بجمل لي كتحمل معاني كتيرة وبعض منهم كان مكتوب تحتهم الشعر ...تحنى صخر على ركابيه أمام مايا 

صخر.... بغيت نگول بزااف وبغيت نعبر ليك على بزااف ديال المشاعر لي يمكن يخنوني الجمل الكلمات الحروب باش ننطق بيهم ....تيقيني الى گلت ليك نتي احسن هدية ممكن يكون ربي عطاها ليا ...بالرغم من كولشي بالرغم من المشاكل لي وجههناهم وبرغم من الاشخاص لي بغاو يوقفو فطريقنا فالاخير لقدر وقف صفنا وبين لينا معدن الانسان لي كان جنبنا ..... نتي لي رجعتي حييتي هاد القلب لي كنت كنگول بلي صاف مات وعمرو أيرجع يدق لمرى وحدة أخرى ولكن عزيمتك خلات صخر العلامي ينزل على رجليه كيف كتشوفي ويگول لمايا المريني كنبغيك بكاع لوغات 

مايا....هبطات على رجليها حطات ايديها على فمو ..... ضحكات ودموعها شادين طريق على خدودها ..... نتا حالف فيا هاد النهار والو باغيني غير نبكي ياك ....هههه صخر العلامي هانتا نزلتي ليا غروري لي من ديما كنتعنا بيه هههه خليتني نكلس على رجلي بحالك خليتي دموعي ينزلو ولكن ماشي كيف كيف دابا انا كنبكي بالفرحة تيقني ان لو كان بإستطاعي نختارع كلمة مستبدلة بكنبغيك وعندها نفس المعاني او يمكن كتر فراه اتكون هي كنعشقك مايا المريني ليوم ولميات الف مرة اتگول ليك كتعشقك اصخر العلامي 

مع ختام هاد الكلمات المعبرة لي خلات دموع الحضور يسيلو وهزو أيديهم تصفيف على مدى فرحتهك وايضا سعادتهم لهاد الجوج وكيف كنقول ديما هدا ماشي حب قيس وليلى وماشي هوس عنتر بعبله هدا عشق لا حدود له 

~~~ بعد مرور أربع سنوات ~~~

خارجين من المقبرة وبالضبط بمدينة إفران المدينة لي شهدات على عدة ذكريات البعض منها مؤلم والبعض الآخر مفرح وليدياتهم لي كبرو تباركالله قدامهم كيلعبو ...تقريبا متبدل والو من غير حبهم لي كيتزاد مع مرور التواني ،الدقايق ،الساعات ، الايام ، الاسابيع، الاشهر ، الاعوام .....

عشق.... ماما سوفي هاد الحمار مبغا يبعد مني 

إياد...... الحمارة هي نتي برهوسة لوخرى 

عشق.... اتسكت ولا نضربك 

إياد ........يالله ضربني نسوف گاع 

عشق.....هزات رجليها حتى هزاتها مغادي تجي غير فمولاي سلطان 

إياد ......أي ازي لهنا نوريك ضربني أزي ....(شدها من شهرها بقا عليها نتف أما تنتف )

مايا ..... لي كتفرج توما شفتو ليا البرهوشة اش دارت 

صخر.......فنظرك لمن أتشيه إلى مشبهات لمها 

مايا....... هاهاهاها ضحكتيني 

لارا......هههههه والله مكدبتي انسيبي كيف كيگولو ناش زمان قلب البرمة على فمها طلع البنت تشبه لمها 

صرب..... مشا يفرقهم هز كلا واحد فإيد وكيدوي معاهم ....اودي اودي على لي باغين نزوجو مالكم تاني غير گولو ليا 

عشق.......عمو راه ولدك لي برهوس يدور ويزي حدايا 

إياد.......كذابة هي لي كتكول ليا ازي نلعبو 

عشق....... سكوت حمار لاخر 

إياد......نتي حمارة انا انمشي عند ماما كاع نزلني نتا نزلني ابوة اخر زمان 

عشق......نزلني حتى انا بغيت نمسي عند خالتي نزل 

صرب........ بشوية عليا ونتوما دايرين بحال الحلاقم متسكتوش 

عشق......... واااااااااااااااااااااع خالتي ازي تسوفي راجلك كيتحرس بيا 

مايا...... ههههههه اولي على بنت گالت ليك كيتحرش بيها 

لارا.....ياك حتى نتي سمعتي لي سمعت 

صخر ........هدا الله مع بنتك انا شيباتني 


لكل وحدة عاشت معايا القصة كأنها قصتها لكل وحدة بكات وضحكات تألمات و تغبنات بحالي أنا ..... غادي نگوليك قلبي على الشخص لي يديرك حلالو ماشي يدوز بيك وقتو ويدور بيك زناقي ودروبا .... قبلي على لي يخاف فيك الله لي يبغيك بقلبو قبل عينيه شخص لي يكبر بيك وسط أهلو وناسو ....الشخص لي يدير على ودك المستحيل ....الشخص لي يقدر يگول لعالم بأسره هادي ديالي ملكي مديال حتى واحد ..... الشخص لي يحارب على قبلك .... الشخص لي تگولي ليه سير مبغيتكش ويبقا لاسق فيك حيت عارف هاد الهضرة خارجة من فمك ماشي من قلبك ....تيقي بيا الى لقيتيه اتطيري فالسما ورجليك قايسين الارض .... اتولي شاعرة زمانك وأكيد على ودو اتقاتلي وتشدي بيه بسنانك وضفارك اتبغيه كل نهار كأنو اخر نهار اتعشيه خلي كل لحظة كتدوز بيناتكم تكون سبيسيال وتحفظ فالذاكرة كل العمر ضحكي وتفششي عليه كيف ما بغيتي لأنو حلالك وتيقي بيا كيف ما عزتي راسك اتعزي

نتلقاو فقصة اخرى مع عائلة اخرى كنتمنا تكون قصتي خفيفة على قلبكم كنتمنا تكونو عشتو مع أحداتها لي فيهم المفرح والمحزن والاهم تكون مختالفة على لي سبقوها

❤النـــــهـــــايــة ❤
❤ تــمــت و الحـــمد للــه❤

❤ Ghirati Satokalifoki Charafaki ❤

التنقل بين الأجزاء

صفحة القصة
سيتم تشغيل صندوق التعليقات بعد لحظات
معظم التعليقات تم إخفاءها بواسطة الفيسبوك، نحاول بكل الوسائل المتاحة إستعادتها في أقرب وقت ممكن.