مايا.. ميلات راسها بان ليها باب الشرفة مفتوح فهمات انو كان كيكمي فالبالكو
صخر... هيهو فين مشيتي تاني
مايا... اه لا لا والو انا انا كنت باغا نعس اه باغا نعس
صخر... طلعها ونزلها امم سيري تنعسي ولكن زعما مبانتش ليك حتى حاجة تلبسيها من غير هاد نص سانتيم
مايا.. ونتا اش دخلك اصلا هادا هو لبسي
صخر... اعوذ بالله من الشيطان الرجيم سيري تنعسي راه مشا الوقت
مايا ... ولكن انا بغيت شكلاط ناكلو عاد نعس .. تسنا انمشي نجيبو بالزربة ونجي .. ضارت غادا باغا تخرج من البيت حتا جرها من قرفادتها قابلها قدامو
صخر... واش بنت ليك انا ديوتي ولا كيفاش والله متشدي لرض حتا نهرس بوك من دوك الفخاض لي معرياهم عليا
مايا.. بغيت شكلاط هي بغيت شكلاط دابا بغيتو
صخر.... سكتي شوية .. هز فاكس صونا لخدمات فالكوزينة يجيبو ليها لي بغات ودخل يدوش لا يصدقو وان واخواتها ... طلعو ليها لي بغات وحشات تاني وجهها فقرعة ديال شكلاط لحساتها كاملة عاد حمدات الله
مايا.. اوف هاد زبل تعطل بغيت نغسل ايديا ... ناضت غادا كتجي فالبيت شوية سمعات الما تقطع حسو حطات راسها على الباب كتسمع حتا تفتح عليها جات مليوحا على صدرو لي فيه نقاطي من الما طلعات راسها كتشوف فيه مدهشرة وهو محاوطها بإيديه من خصرها .. بقات كتبقلق فيه خصوصاً هو خارج من دوش حناكو حمرين وفمو كتر زيد شعرو مخربق بطريقة متيرة غضات على شفايفها كتحاول تمنع رغبتها من تقبيلو حتا هو عايق بيها دايرة هاد الفيلم كامل باش تغريه ولابسة الحمر غير انتقاما على لي وقع فالصباح .. كملها ملي غمزها بمعنى مالك هنا زادت حلات فيه فمها كتر وكتر .. كانت باغا تغريه دابا وقع لعكس دام الصمت عدة لحظات كلا واحد كيتسنا المبادرة من الاخر
محساتش على راسها حتى حطات شفايفها على ديالو عيات وعيات صابرة ولكن لي صبر حدود بتاسم صخر بنصر وخا حتا هو كان متعطش لطعم ديال شفايفها اكثر بكثير ولكن كيبقا راجل عارف كيفاش يتحكم بغريزتو وعارف كيفاش يلعب ليها على نقطة الضعف علاش لا وهو مجرب گااع اصناف البنات وجا حتا لعند مايا ولقا حلاوتها نوع اخر كيفاش كتمشا كيفاش كتدوي كيفاش كتاكل كيفاش كتهضر كولها على بعضها حلوة انتوتها لا مجال للمقارنه مع غيرها لأنو اكيد مغاديش يوصلو لضفر ديال صبع رجيليها غرورها عصبيتها حماقها دموعها هادشي كامل مخلي صخر طايح طيحة خايبة وبزاااف ... وككل مرة كيلتاحمو شفايفهم الا وكتكون قبلة حاملة بزااف ديال الحب او بالاصح العشق لأنو ابطالنا فاتو ما يسمى بالحب درجات لا تحصى ... كانت قبلة شغوفة كلا واحد كيعطي حقو فالبوس واكثر كانو شفايفهم كيرقصو على سنفوجية العشق الذي لا حدود له ... -صخر بعد شفايفو عليها وهو مساخيش كيف حس بيها تخنقات .. -مايا.. بدات كتنهج بصوت مرتفع سرعان متفكرات انتقامها لي مستافدات منو والو هزات ايديها حتا لفوق ونزلات عليه بتصرفيقة تسمع صداها فجل الغرفة
صخر.. مرتي اشنو سبب هاد التصرفيقة دابا هممم واش هاكا الناس كيعبرو على الحب ولا شنو
مايا.... حمار ستغليتيني تاني علاش بستيني علاش
صخر... عمري واقلة طلعات ليك سخانة راه نتي لي ستغليتيني وشوية مكنتي اتغتاصبني
مايا ... بالغوات .. سكت محشمتيش تكذب عليا
صخر...شوش صاف عندك الحق يلاه اجي امراتي نعسو حيت غدا تابعاني خدمة مهمة
صخر .... غير تيقي اروحي وتفكري اني انبقا نبغيك حتى لأخر نفس
مايا... معرفتش علاش حاسة بيك كتودعني
صخر... خوي راسك ونعسي
حطات راسها على صدرو باش تبقا ريحتو قريبة ليها وغمضات عينيها استعداد للغوص فنوم عميق
اشرقت شمس الصباح حاملة معها عدة مفاجأة غادي يعيشوها ابطالنا 🌅🌅🌅
البداية عند صخر لي فاق دوش وخرج لبس حوايجو وتريح مشا يفيق حب حياتو لي يعشقها كتر من روحو يفدي بعمرو على ودها
صخر.. اميرتي نائمة مبقا والو وتجمعي نهار مع ليل نوضي نمشيو نطمأنو على صحة البب ديال بباه نوضي
مايا..اممم بعد مني
شافها مغاديش تفيق بهاد الطريقة وهي عاد مستحلات النعسة وخشات وجهها تحت المخدة قرر يرمي عليها سحرو لي مكيناش بنت المرى تقدر تقاومو راه صخر العلامي وأجرك لله #قاهر_الفتيات هههه ... خشا وجههو فعنقها بتاسم ملي تفكر لبارح اشنو وقع نوضاتو مع نص ليل كالت ليه تشهيتك وهادي كتبقا تاني احسن ليلة عاشها فحياتو
حط فمو على عنقها باسها بوسة طويلة خلات جسمها يتبورش
مايا... عقدات حواجبها بغات تهلل عليه تفكرات لبارح وليلتهم كيف دازت وشحال ديال لبيتيز دارو وهي بالخصوص كانت جريئة فوق القياس ... ناضت كتجري لحمام تستفرغ وهادي عادتها من نهار عرفات راسها حاملة كلا صباح الماكلة مكتگلسش ليا فالكرش ... غسلات وجهها وشافت راسها فالمراية كتبان زوينة بزااف خدود صابحين حمرين والوجه منور قلبات عنقها لقاتو مطبع هو وصدرها غضات شفايفها بخجل وحلات الباب لقاتو كيتسناها
صخر... بتاسم وجرها عندو معنقها خاشيها فيه بكل قوة عطاها ليه الله ... الله يخليكم ليا
مايا..زبل هدا راك فلعصتيني بشوية
صخر... بعد و عضها من نيفها بخفة .. وجدي راسك انمشيو لكلينيك بغيت نطمأن على صحتكم عاد نمشي لخدمتي
مايا... اوامر اخرى ☹️
صخر .... لا غير هادشي تم غادي ورجع عندها باسها من شفايفها .. دوى بهمس وهو كيشوف فعيونها لي كيسلبوه ... احسن ليلة دوزتها فحياتي هي ديال لبارح
مايا... بدون وعي... حتى انا
صخر... ضحك على صراحتها وغمزها ... هي نعاودها ليوم
مايا... عاد ستوعبات شنو گالت .. كيفاش كيفاش سير بحالك لا نصدق قاتلاك يلاه تلاح بنادم عقلو مسخ
صخر... نعام احبي
مايا... صخررررر سيييير
صخر... واش لي شاف هاد الخير ايمشي ويخليه
مايا.... هبطات عينيها لفين كيشوف لقات راسها ملابسة والو واقفة قدامو كيف خلقاتها مها .. ضربات جبهتها بخفة وهي دير جوج خطوات كانت وسط الحمام والباب مصورت
عند صخر لي ضحك عليها حتا شبع وهبط يفطر مع عائلتو لقا تاني صرب ولارا كيتناگرو بحال ديما ومو وباه كيوشوشو بيناتهم كلمات الغزل لي واخا كبرو فالعمر فهادشي مكيدلش على أن حبهم قل بالعكس كلا نهار كيزيد يكبر وذاذا فاطمة نوارت القصر لي لمّا متكملش لماكانتش معاهم الام التانية لصرب وصخر والاخت الوحيدة لمونيا والصديقة لنيار واكيد ميمات البنات لي تعلقو بيها فمدة قصيرة .. كانت كيف العادة هي المشرفة على الفطور ليوم كان سبيسيال وجدات لكل فرد من العائلة وجبتو المفضلة
ذاذا فاطمة ... حدها جمعات معاه تخزيرة سد فمو وخشا وجهو فالبيض مع السوسيط هادي هي الأكلة المفضلة عند صخر فالفطور مع قهوة كحلة مسوسة
ايوا هكاك داز الفطور فالضحك والتقشاب ....
فالوطو كان الصخر شاد طريق لكلينيك جنبو مايا بكسوة فالنواغ جاتها كتحمق حلقات نفس لون سنيدلة بلا مودينغن واخيرا ساك فالحمر
مسافة الطريق كانو قدام اكبر اوبيطال فباريس لي الممول ديالو صخر العلامي
خداو اسانسور مباشرة لعند الطبيبة لي غادي تكلف بفترة حمل مايا كاملة .. استقبلاتهم بإبتسامة بشوشة وخدات مايا لبياس لي غادي تفحصها فيه دارو ليها تحاليل بين موجدات النتيجة قتارحات عليهم يسمعو دقات قلب البب وداكشي لي كان .. سطحاتها فوق البياس من بعد محيدات ديك الكسوة وبقات بدوبياس قدام راجلها يعني عادي خوات ليها على الكرش واحد السائل معرف لاش كيصلاح😅 وخدات واحد معرف اشنو 😌 دوزاتها ليها على كرشها كتماسيها ليها
طبيبة ... البب مبغاش يبان فالشاشة يمكن حشمان منا
مايا... بتاسمات وهي عينيها على ديك الشاشة كتسنا يبان ليها ولدها ... شوية بدا كيتسمع تيك توك تيك توك وبانت واحد النقيطة فديك التلفازة
طبيبة ... إشارة بصبعها ليها ... هاهو البب ديالك امدام
مجاوباتوش حدها خرجات وخلاتهم تم مشات لبيرو تكتب ليها لي ڤيتامين تبعهم ففترة الحمل
صخر..باسها من جبينها بوسة طويلة ومعانيها كتيرة مغادي يفهم غير لي مجرب هاد الاحساس ويارب ترزق كل امرأة الدرية الصالحة والله يحفظ كل ام لطفها ويحفظ كل طفل لأم ديالو
صخر... كنبغيك كلمة قليلة فحقك
مايا... بتاسمات بخجل اصلا معرف اش وقع ليها هاد النهار منين فاقت وهي دايرة عليه حشمتي سر سعادتي
صخر... نموت انا فحبيبتي حشمانة
مايا... بدلع صخررر
صخر... روح صخر
مايا... بالغوات بعد مني مگلت ليك لبسني
صخر... بغيت غير شي نهار ونهار واحد تصرفي معايا بحال مرى مع راجلها وزعما عايشين الحب والهنا وفرحانين بلا غوات بلا صداع بلا والو واش ميمكنش
خرجو من الكلينيك من بعد بزااف النصائح لي تعطاو لمايا من عند الطبيبة المسؤولة على حالتها ... وهاهما متوجهين للمول ... مسافة الطريق كانو قدامو هبطو بجوج قد قد رما صخر كونطاكت ديال لوطو لسيكيرتي يبلاصيها بين ما تقداو لي بغاو .. اول بوتيك ديال ملابس النساء دخلو ليه كانت مكلفة بنت مغربية حروف سوداء لطاي سيكسي مي متوصلش لمايا 😌 لابسة شوميز بيضة جوج سديفات لولين مفتوحين مبينين لفرقة ديال صدرها مع جيب قصيرة حد الفخاض فالنواغ عاصرة على ليهونش وطرماحة مع طالون نواغ وفالأخير بابيون .. شعرها مطلوق حديت الكتف ميكاب صباحو مهم زوينة مفيها حتى عيب هادشي لي لاحظاات مايا ملي حطو رجليهم فالبوتيك دارت ليها السكانير
صخر ... بون بغينا لي غوب سواغي يكونو محتشمين شويا
.....: مرحبا واش بغيتهم لماسوغ ياك .. كتدوي وعينيها على مايا لي كتعض شفايفها بعصبية الى زادت شوية اتلاح عليها توريها شناهيا ختو
صخر... بلاما يشوف فمايا عرفها تعصبات واصلا مخفاوش عليه نظرات الاعجاب ديال الموظفة كتفا يجر مرتو بيدو حتا تلصقات فيه هبط راسو لشفايفها بلا حشمة ولا حيا باسها منهم ودوى وهو كيشوف فمدامتو.. بغيت اخر كوليكسيو خرجات عندكم #لمراتي (ورك عليها)
مايا... غضات شفايفها بخجل وفنفس الوقت فرحانة بالجيست لي دار
خيتي مسكينة تمنات الأرض تفتح وتخشا فيها بسباب المرگة لي حساتها دوات وهي مبعدا نضرها عليهم
...:تفضلي معايا امدام نوريك لي غوب عاد جاونا ليوم باقي مجبدناهم لحتى وحدة
مايا...ممكن تجيبي ليا هنا منقدرش نتمشا بزااف
صخر... بغيت قطعة تكون متميزة تليق بزوجة متميزة واكيد كتحتارم المعاير لي طلبت منك
....:طبعا مسيو مطلبتي غير الموجود عندنا قطعة من مصمم مشهور مكيناش شبه ديالها فگاع العالم
نصارفات الآنسة باش تجيب تحفة لي من زمان مخبعة لسندريلا لي تعرف بقيمتها لأنو تمنها كيساوي تروة بحدها واكيد هاد المبلغ ميمكن يتدفع الا من عند عائلة العلامي .. ماهي الى دقائق حتا جات وفإديها شاسي وسطها غوب فالغوز منبتة بالاحجار الكريمة من جيهة صدر عامرة منو ومن الفوق للعند مزينة بالضونتيل مشدودة من جيهة الخصر بسانتيغ عامرة باحجاز زمرد لي زادها لمسة أنيقة ومن لتحت جات ايفازي قصيرة من لقدام ومن لور طويلة كتجر مع الارض والضهر لي كان نصو عريان والاحجاز مزيناه بطريقة رائعة ... كي تفتحات ديك الساشي تفتحو عينين مايا معاها مندهشة من روعة الفستان حطات العصير جنب وناضت خدات ديك الغوب دخلات كتجري لدريسنغ كي لبساتها حماقت شوية عوجات فمها ملي تفكرات راه عريانة من الظهر مغيخليهاش صخر تلبسها ... فالاخير بتاسمات بمكر من أفكار لي ابليس يتعلم منهم طلقات شعرها وخرجات كتمشا بكل غرور ونيفها ديما مهزوز لفوق
كي شافها صخر عض شفايفو وحط طاس ديال كافي من ايدو وناض عندها ... بون البوتيك لي دخلو ليه بلاصة ديال التبدال اي الدريسنع كانو فيه گلسات بفوطويات وقدامهم طبيلة فحين الشخص كيكون كيبدل الشخص لي مرافقو ممكن يگلس يتسناه
خشا وجهو فعنقها عضها من العظم لي كيكون تم حتا حس بيها تبورشات عاد بعد دوى مع واحد البنت اخرى غير هديك لي جابت الكسوة
صخر... جيبي ليها شي سوندال كلاس بلا طالون عفاك
البنت... هي لولة اسيدي
ماشي بزااف حتا شراو گاع لي بغاو وهاهوما شادين الطريق لبحر يتغداو فيه
#عند_صرب_ولارا
كي فطرو صدرات لارا صرب يمشي لخدمتو خرجات من القصر هي والشيفور لأقرب صيدلية تشري دوى ديال الاسهال وهادي كانت الخطة ديال الخوتات باش ينتاقمو من ديما ... كي صلات رجعات لدار توجد راسها للحفل
#عند_ديما
البوص ... ليوم بغيت نشوف دمو
ديما... ميمكنش نقتلو بكل بساطة خاصو يتعدب هو وعائلتو
البوص... منصحكش تأدي مايا
.
ديما ... وعلاش بالسلامة كاملين عارفين انو عمر كانت عند تايغر نقطة ضعف حتا دخلات مايا لحياتو
البوص... ديما مايا ديالي متسحيل نسمح لشي حاجة تأديها
ديما.... امم الى كانت الزوينة مغاديش تأدى فغادي نأديو الشخص لي عزيز عليها ويا ترى شكون اهم شخص فحياتها من غير تايغر
البوص... هز السهم فإديو مباشرة لطابلو امامو لصورة لارا
ديما....هههه او هي الفنيكيشة لارا اتموت
البوص... المهم عندي هو مايا عايشة اما الباقي الله يحرقهم
ديما.... كتبغيها
البوص... ممكن
ديما... فخاطرها ( وانا كنكرهها )
فقصر العلامي بلاصت لوطو صخر نزلات مايا كتجري لأنو خاص توجد راسها للحفل ... دخلات من الجردة الخلفية بانو ليها منظمين الحفل بداو الخدمة ولي كانو من بينهم رجال صخر للحماية طبعا ولكن شكون كان كيگول انو دوك الرجال لي رسل قبل ميوصلو لقصر تم اختطافهم وتبدليهم برجال البوص ... اييه اسي تايغر غير دخلك الحب ونتا تتلف ...كي دخلات مايا ديمارا لوطو لمركز لأنو صوناو ليه على ود اخر المستجدات فقضية
صخر... اشنو لجديد
العميل1.... تايغر لقينا ملف ديال زعيم المافيا الاول مع الاسف تأكد لينا انو تم قتلو من طرفك والابن كيسعى لإنتقام وعلما انظن انو عرف هويتك
تايغر... دونك الخطة غادا كيف رسمناها
العميل 2.. وي مو شاف حنا بإدينا رصلنا ليه گاع الدلائل لي كتبين انو صخر العلامي هو نفسو تايغر
تايغر...اكسيلون شفتو كميرات المراقبة كاين الجديد
العميل1... كيف توقعتي اسيدي تم اختطاف أربعة عملاء من عندنا وتبديلهم
تايغر.... سوبر لي علينا دابا درناه الطعم تلاح والخصم تشد فالصنارة معلينا غير نتسناو البوص يبين وجهو انا خاصني نرجع دابا بغيت القصر يتطوق بالبوليس حسبان لشي تدخل
العميل1.... اك مو شاف
ركب صخر لوطو ديالو راجع لقصر مع العلم انو كولشي تحت السيطرة الى انو شي حاجة فالداخل ديالو ماشي حتا لهيه ...
الستة العشية وصلات والجردة عمرات بالمدعووين والبوليس متنكرين بأزياء سيرفورات على انتضار توقع أي خطأ يجبدو أسلحتهم ... وصلات ديما بغوب نواغ مفتوحة من الفخد والفرقة الصدر باينا طالون فالغوج وميكاب سموكي صلاح مخشي مشدود ببوند حطاه فالفخض لي طالعا منو الفتحة ديال الغوب كتسنا على نار تشفي خليلها من لي حرموها من باباها وهي فحاجة ليه
رجال البوص بأسلحتهم بعاد ب20 klm على القصر كيتسناو إشارة من البوص لي كاين فوق هيلوكوبتر مع قناص ديالو قدامو بيسي مبرونشي بكميرات المراقبة شادا على الجردة ديال القصر ... كيشوف مع كولشي ويدرس اي واحد دار شي حركة ماشي هي هديك وفنفس الوقت متعطش يشوف لي سلبات قبلو من اول حوار ظار بيناتهم ..
عند مايا كي سلات ميكاب والشعر لبسات كسوتها ومشات عند ختها لبيت الحمد لله ملقاتش صرب
دخلات وهي تبان ليها لارا كتزوق فوجهها صفرات عليها وهي ضور
مايا.... هههه مزيان ولكن نعطيه ليها مور متقطع الحلوى ولا قبل فكري معايا
لارا... اممم احسن قبل متقطع
مايا... هزات ايديها وصفقو نفس الوقت ...هههت نفس الرأي
لارا... ههه يلاه نضحكو معاها شوية
هبطو لبنات وهما كيتحلفو على ديما لي كانت كتلاحظ كل واحد واي حركة دارت رادة معاها البال والبلوتوت فودنيخا كتسمع لتعليمات خوها يوريها شكون من الرجال تابع ليهم
لارا... اجي واش هديك هي ديما منعتة ليها بصبعها
مايا... اه هي هديك اجي نعايدو ليها
لارا.... هي لولة
ديما... شافتهم جايين عندها بتاسمات ابتسامة صفرة
مايا....عيد ميلاد سعيد حبيبة باستها بلاما تقيس حنكها
ديما... ههه شكرا
لارا... عيد ميلاد سعيد انا لارا خت هاد الاخت
ديما ... اوووه مشرفين كبيدة
مايا... ايوا عرفينا على صحابك
ديما... اكيد اجيو معايا...تمات غادة قدامهم وهي حاقدة على الوضعية
عند صخر وصرب
صرب... العشير فين الوليد والوليدة وحتا ذاذا
صخر... دويت مع الوليد ...باش يسافرو وهاكا حياتهم تكون فأمان
صرب... احسن حاجة درتي
صخر... بغيت نعرف هاد البوص ديال الويل خلاص باش نتهنا من خدمة الزب
صرب... اييه صاف اسي صخر دغيا بغيتي تقاعد ولا كيفاش
صخر... عارف انو من صغري وانا كنحماق على افلام البوليس وكدا وداك شي علاش ختاريت نخدم عميل سري مي دابا كولشي تبدل ولات عندي نقطة ضعف كاينا مرتي لي بلابيها منعيش وكاين ولدي ولا بنتي لي منستحملش يتأداو بسبابي ... حتا انا باغي نعيش عادي بلا اعداء والمهم بلا مافيات
صرب... انشالله يكون خير دابا تهز تابعنا الخدمة امسيو تايغر
صخر... هههه يالله
داز الوقت ولا جديد مايا ولارا ممخلينش ديما تنفنف والبوص وتايغر حاضين جنابهم وجا الوقت الموعود وقفات الموسيقي ووقفو الحضور من الشطيح الكل تجمع الگاطو كيتسناو مولات لانيف تبان 😂😂
ايييه المسكينة راه مخشية وسط WC لأنو ست الحسن مقداتش تصبر كتر وحطات ليها دوى وسط العصير والمشكيلة انو كان مطلوب تحط 2 قطرات هي حطات ليها نص القرعة 😂😂😂 گالت ليك باش يبان المفعول بالزربة ربع ساعة طويلة
خرجات ديما وهي كتحس بكرشها ضارها غادا جيهت الگاطو بقات ليها جوج خطوات توصل ليه حتا كتجي موراها مايا وتعفط ليها على الكسوة ايوا ياسيادي مغادي يجي وجهها غير وسط الطبقة 5 من الحلوى 🤣🤣🤣😂😂😂😂😂🤣(بلاما نوصف ليكم المنظر كيف داير حيت عارفا المخيلة الواسعة تبركالله )
رجعات لبلاصتها وقفات حدا ختها وراسمة على وجهها ملامح لحزن تجاه ديما ابييه اللالة مايا غير قتلي الميت وسيري فگناستو .... ملاحظاتش شوفات واحد الشخص لي منين حط رجلو فالجردة وعيونو عليها فكل حركة دارت ... ناضت الحيحة وهالي كيضحك وهالي داير راسو زعما بقا فيه لحال ...وخطوات صخر كتسارع باش يوصل لمايا غير كيدفع فالبشري باغي غير امتا يشدها يخرج منها زيت العود ...
نصاحبت ديما بالزربة مسحات وجهها ورجعات للحفل جبدات سلاحهها بدات كتسلت باغا تلقا مايا تخصر عليها رصاصة وسط راسها على شوهة لي دارت ليها لأنو قبل متعفط ليها على الكسوة حسات بشخص موراها وغير من باغفان عرفتها مايا
ديما... حطا ايديها على البلوتوت لي فودنيها باش تدوي مع رجالها ... بغيتكم دابا تدخلو نفدو الخطة A
الرجل... فالاستماع مدموزيل حول انا شاف ديالهم كولشي تحت السيطرة ماهي الى 3 دقائق ونقتاحمو المكان
ديما... بغيتكم تختاطفو مايا احسن عقاب هو تكمل حياتها بلا حبيب القلب
عند مايا باقا كتضحك حتا بان ليها صخر جاي من جيهتها وملامحو مكتبشرش بالخير يلاه اتخطي خطوة عندو تحطات شي حاجة على نيفها عيات تقاوم ودفع فهداك لي شادها والو كان قوى منها دورات وجهها للارا بانت ليها عطياها ضهر كتدوي مع شي وحدة رجعات نضرها لصخر لي مخرج عينيه جاي كيجري باغي يوصل ليها ... كانت الدنيا مطوقة بالصداع عيات تنين والو حد منتابه ليها ماهي الى تواني حتى وقفات هلي كوبتير فالسماء ونزل منها سلم باش يطلع فيه الراجل لشاد مايا ، أما هي بالنسبة ليها الوقت توقف كمية رعب لي حاسة بيه ولي شيفاه فعينين صخر خلاو عينيها يدمعو وجسمها يترخى بلا اي مقاومة
باغا فقك تشوف فقط فعينين الرجل لي حتواها ....الرجل لي كان سند ليها الرجل لي شافت فيه حنان الام وعطف الاب ... الرجل لي بغاها بعيوبها ... الرجل لي تعيا تگول بلي كتكرهو غير يوقف قدامها قبلها يدق بإسمو ... الرجل لي كان صدرو مصدر امان فحياتها ... ترخات مستسلمة كليا لنومها
طلقات صرخة حاملة معاني الحزن، العجز و الانكسار وايضا الندم حيت خلاها بوحدها فأقل من دقيقة تم اختطافها وهو كيشوف فيها منوضو من صدمتو غير صوت هيليكوبتر لي حلقات تنفسو كيطلع ببطئ كيشوف موصيبتو غادا وكتبعد عليه فرمشة عين تطوقات الدنيا بالبوليس وصوت رصاص لي صدر من مسدسو ...وغوات عباد الله لي غالب عليهم الخوف
صخر.... شيت كلشي كولشي يدخل لجردة مايا تختاطفات
صرب... غير سمع خوه فلكيت كيدوي على اختطفاف خرج كيجري يقلب على ديما يشدها قبل متهرب
گاع الضيوف لي كانو دخلو لقصر من جيهة الكوزينة يعتقو روحهم من رصاص لي غادي وكيجهاد
عند لارا لي باقا واقفة فبلاصتها كتبكي رجليها فشلو عليها من الخوف لي فيها مقدات تزيد خطوة ... خصوصا فاش سمعات غوات صخر لي كان قوي بزااف .. وهو موجه صلاحو لمختطف مايا كان باين عليه التردد مع العلم انو بمجرد طلقة وسط راس يولي فخبر كان ولكن خوفو على مايا وهي فإيديه مغيبة تماما لتاذى اتر الطيحة ... ديجا كانو فوق الارض تقريبا بجوج أمتار وخصوصا هي حامل هادشي كامل فكر فيه ...نرجعو لعند جوج قناصة موجهين صلاحهم لراس لارا على بعد كيلومترات وسط الاشجار لي محيطة بالقصر ...وكيف وصفت قبل القصر جا بعيد على البنايات
عند صرب لي دخل كيقلب على ديما فالدار مبانتش ليه خرج لبرى القصر بانو ليه لي گاردغورات مغيبين هالي مضروب فكرشو .. هالي فظهرو ... كلا وفين جاتو الدقة ..كمل طريقو تابع اتار الدم مغادي يوقف غير عند ديما كتصاوب كاسك فوق راسها راكبة موطور من نوع طاي ماكس .. جبد صلاحو مصوبو مباشره لراسها
صرب... فين ديتو مايا
ديما... هههه لجحيم
صرب... شهدي قبل متبعيها ليه
ديما... سلم ليا على المدام (مع غمزة )
بدون اي كلمة ديمارات الموطور كتسابق الرياح .... دقيقة صمت عند صرب كيفكر فكلامها ... تم راجع ادراجو وعقلو ممعاهش باغي غير يشوفها باغي لارا باغي خيال لارا باغي يضم لارا ... هاد الصداع لي ناض على فجأة وقضية البوص وخطف مايا نساوه فقلبو لي خالاه موراه .... رجع كيجري ...القصر ولا بحال شي مجزرة رجال البوص كاملين مشتتين فالارض اما الضيوف تكلفو بيهم البوليس وخرجوهم من واحد الباب سري بلاما يتأذى شي حد ... وصل لجردة بانت ليه گالسة فكرسي هزاز كتبكي ...حسات بشي حد جاي جبهتها هزات راسها بان ليها ضحكات وسط دموعها وناضت وضحكة على وجهها غدا عندو بخطوات بطيئة .. كانو خطواتها متوازين لخطوات صرب ... قبل متستوعب اي شيء حسات بشي حاجة تغرصات ليها فوسط ضهرها كمشات ملامح وجهها دليل على شدة الألم لي حسات بيه مع ذلك كملات مشيتها تجاهو .... ولكن هاد المرة ببطئ اكتر شهقات فاش حسات للمرة تانية بنفس الالم .. كأنو خنجر تغرس فضهرها .... وصلات عند معشوقها بمشقة الانفس ... حطات راسها على صدرو وايديها زيراتهم على شوميز لي لابس كتخرج فيه حر الألم لي حاسة بيه ... دور ايديه على ضهرها ضامها ليه بتملك .. مغادي تجي ايديه غير على ضاية ديال الدم متراكمة فيه هز ايدو وهو من داخل ديالو متمني ميكونش لي على بالو كي شافها عامرة دم خرج عينبه لي لمعو بالدموع .. قلبو ضرو .. شفايفو بردو .. ركابيه خواو بيه جا طايح هو وياها فالارض
لارا.... حتى أ انــــــا كنبغيــــــــــك تلقات ايديها من ايديه حيت كانت مزيرة عليه جات مزدوحة على الارض
صرب.... لارا لارا لارا لارا فيقي فيقي فيقي هالومبيلونس حات اه اه جات اتولي لاباس مراتي انا مضعيفاش مراتي اتقاوم على قبل ولدنا اه اه على قبل ولدنا
وقفات لومبيلونس قدام القصر ... جابو باياس فين يهزو لارا وهي فاقدة الوعي كليا ... عوضو الدم لي ضاع منها وهاهما شادين طريق لأوبيطال فحين تم استدعاء اشهر دكتور من امريكا ومن زهرها كانت عندو ندوة فباريس قرر انو بنفسو يعمل ليها العملية لأنو صديق العائلة ....كي وصلو دخلو لارا مباشرة لغرفة العمليات ديجا الطبيب حاضر وكلشي موجد ...وهاهي دازت ساعتين باقي مخرج حد وصرب دموعو فعينيه ممسوق لحد لأنو موت لارا بالنسبة ليه كيساوي موتو 😭
نرجعو عند صخر لي قرب يحماق
العميد... تايغر تهدن غادي نلقاوها
تايغر.... الله ينعل زامل بوكم كاملين مراتي مخطوفة ومرات خويا فالكلينيك معارف واش عايشة ولا ميتة باغيني نتهدن
العميل ... شاف من خلال GPS لي عند المدام مايا قدرنا نحددو بلاصتها
تايغر... القلاوي كمل مالك سكتي
العميل... شاف على ما كنظن انهم شادين طريق لتركيا بالطائرة لي تم الاختطاف بيها المدام
ثايغر ... سوبر وجد ليا الفرقة وعلم البيلوط يوجد هليكوبتر انتبعوهم كنظن انو هما سابقينا بساعتين دونك هنا انكونو فتركيا مع 6 صباح
العميل ... اك شاف
تايغر ... عندي غراض ساعة نشدو الطريق
العميد ...تايغر متسرعش حياتك معرضة للخطر
تايغر... من الاحسن نسكت مراتي تخطفات وسط رجالك والاهم وسط داري هممم فين كنتو الى كنتي كتظن انو انتينا وندرس شي خطة فراك غالط
العميد .... كندوي حيت نتا بحال ولدي لأنو المستخدم هو انت ختارخو مراتك ومرات خوك باش يعدبوك
تايغر.... خلاه كبهضر .. وخرج ديمارا لوطو الوجهة عند خوه
عند صرب لي گالس وحاط ايديه على راسو ... تحطات ايد على كتفو بلاما يطلع راسو عرف شكون مولاها
صخر... گلس حداه كيف بقات
صرب.... باقي مخرج حد ساعتين اصخر ساعتين وانا كنتسنا جاتني بحال لعامين
صخر... ترجل معايا اصاحبي اتولي بيخير
صرب... ناض وضرب رجلو مع الكرسي... كلا دقيقة كدوز كنتخيل بلي ممكن تموت لداخا قلبي كيتقطع طراف طراف
صخر... ناض عندو شدو من كتفو ... اتولي بيخير اك انا دابا غادي نمشي نجيب مرتي وكنواعدك مونو على ايدي
صرب... كنت بغيت نگول ليك خليه ليا نوريه لويل لي عمرو شافو .. مي مستحيل نتحرك من هنا لمطمأنش عليها
صخر... كون متأكد انو غادي نجيبو حتى لبين اديك
صرب... سير اخويا مايا اتكون خايفة
صخر... ضرب على كتافو بحالا كيصبرو ... تم خارج من لكلينيك مباشرة للمطار الوجهة تركيا
في غرفة معتمة تتواجد وسط طائرة محلقة بالسماء كانت بطلتنا مستلقية على السرير بفستان الحفل انفتح داك الباب ودخلت منه الساحرة الشنطاء من فنضركم ؟؟ 😂
هزا كاس ديال الما فإيديها متاجهة لسرير مايا وقفات فوق راسها وهي تخوي داك الكاس على وجهها
مايا... ناضت مدعوقة كتشوفها قدامها معرفت باش تبلات
....: مرحبا بيك فجحيمك امدام مايا صخر العلامي
مايا...نتي نتي اش كديري هنا
....: كالم بب مزال قدامنا بزااف ديال الوقت لي غادي نتعارفو فيه سو بلاما تعذبي راسك
مايا... ميمكنش تكوني نتي لي مختطفاني لأنو معندكش لا الجرأة ولا الشجاعة لي تخليك تخطفي لالاك مايا
....: بلاما تستفزيني لا تصدقي شايفة لي ميعجبكش على الاقل حتى يجي حبيب لقلب ويشوفك كتموتي قدامو
مايا.... بقيتي تحلمي فنظري عتقي روحك قبل ميديها ليك انا ونتي عارفين مزيان صخر كيف داير بلاما نشرح ليك مع غمزة
....: بحالا واخدة راحتك فالهضرة ولا بان ليا
مايا... كتسناي مني نخاف منك مثلا ولا شنو
.....: اممم مغرورة وعاجبك راسك
مايا.... المهم منكونش مدلولة ومرخصا راسي بحالك
......: اندمك
مايا.... ملي تخرجي طفي معاك ضو بغيت نعس
بلا جواب دارت لي گالت ليها وخرجات كتخبط فرجليها
مايا.... حطات ايديها على كرشها .. بنتي بابا غادي يلقانا ياك وغادي يعطي لهادو لي خاطفينا قتلة ديال العصى ... ياك هنا غادي نعسو ملي نفيقو انلقاوه قدامنا
بعد مگالت هاد الهضرة غمضات عينيها بلاما تفكر بزااف
عند البوص
ديما.... علاش مدخليش تشوفها
البوص... باقي محا لوقت لمواجهة
ديما... امتا ايجي
البوص.... ملي نكون مستاعد
ديما... لي بان ليك
اصبح الصباح وأبطلنا قلوبهم معالم بيها غير الله صرب لي ليل كامل كيتسنا على نار خبار على نصفو التاني باقي مطمأنو حد دازت 6 سوايع بدون خروج اي حد من غرفة العمليات ، صخر لي قلبو كيتحرق ليل كامل وهو كيفكر فيها اش غادي يكون واقع ليها ، أما واحد لالة مايا طاحت طيحة وحدة متململاتش بحالا ناعسة فدار باها 😂😂
ديما... هيه نتي تگعدي وصلنا
مايا... اممم صخر بعد مني بغيت ننعس
ديما... وتي تهزي گالاك صخر لواه نم
مايا.... صبحنا على الله شباغا
ديما... زين ياكما صحاب ليك انا هي هديك خيتي ديال لبارح كي دخلات عندك خرجات باغا تنتف راسها
مايا.... مسكينة بقات فيا
ديما.. نوضي خلاص وصلنا لجحيمك
مايا... الحجيم هو لي غادي تشوفيه نتي وديك خيتي من عند صخروشي ...(گالتها بدلع)
إلينا.... انا مبقيتش باغا نكون مع هديك المتوحشة فبلاصة وحدة
البوص....نتوما اتمشيو دابا وانا اتبع الرجال لي ايكونو معاها بالوطو احتياطا لوقوع فالمشاكل
ديما... اك مشينا
خرجو لبنات مشاو فلوطو بوحدهم تبعاتهم مايا ملي كملات ماكلتها بلوطو مع رجال البوص غادة وتعاير فيهم وتگول واش عندها درة خوف من داك شي لي ايوقع ليها حيت عارفا صخر داير ليها GPS فالمگانة لي لابسا وهادشي لي مخليها مرتاحة من جيهت هاد جوجات حيت قادرة تلاقي ليهم ريوس دقة وحدة الينا ديجا واكلها من عندها يعني اتخاف على راسها مي ديما متقدرش تأديها حيت يقدر يخصر معاها خوها
فطريق السيار (لوطوروت) كانت لوطو ديال البوص القدام موراها لوطو فين كاينا مايا أما لوطو لي فيها ديما وإلينا مكتبانش لأنو بروگرام تبدل ديجا هو گال ليهم ابمشيو لفيرما باش يضيعهم كان كل همو ختو باش ميعرضش حياتها للخطر ... مسافة مايقارب ساعة كانو قدام مستودع كبير لصنع النسيج مي دابا مبقا كيصلاه لوالو غير مسدود دخلو مايا وهما مغمضين ليها عينيها حطوها فوق كرسي وربطوها معاه ... كانت قدامها كاميرة شادة على ديك لاصال كامرة مبرونشية مع بيرو ديال لبوص لي جا فطابق لفوقاني قدامو كومبيوتر شاد على كاميرات لي خارج المستودع ورجالو منتاشرين قدامو كلا واحد قد الغول ... بتاسم بخبت ودوز اتصال
البوص... وصل / دونك جاي لهنا / تلاح
قطع عليه الخط ودوزو لصخر ... ماهي الى تواني حتى جاوب
البوص... الفارس المغوار
صخر.... اووووه البوص شخصيا نهار كبير هدا لي سمعنا صوتك
البوص... اتلقا لوطو كتسناك فمفترق الطرق
صخر... المطلوب مني
البوص... كلابك يضيعو
صخر... علم تلاح
البوص.... فإنتضارك مسيو تايغر
عند صخر لي نفد كلامو بالحرف الواحد ضيع رجال لي كانو تابعينو وها هو فمفترق الطرق
الرجل1... البوص طلب منا انو نفتشوك
تايغر... يقيصني شي ولد القحبة يشهد على روحو
جبد تيلي من جيبو لاحو فالارض .. حيد المگانة من ايدو لاحها .. خشا ايدو من ظهرو جبد سلاح عطاه ليه ... نقصت عليك الخدمة
عند رجال صخر.. لي وصلو لمفترق الطرق بانو ليهم اغراض صخر فهمو البلان
العميل2.... دارها ومشا عندهم بوحدو
العميل1.. من الاحسن نتاصلو بالشرطة التركية حيت انحتاجو لدعم
العميل 2... باش نتفرقو كلا فرقة تشد طريق نشوفو فين اتوصلنا
العميل1... اك هي دابا نيت
حوالي 20 دقيقة كانو قدام المستودع خرج تايغر هو لول تم غادي دخل محس غير بإيد تحطات فوق كتافو بلمح البصر شدها وضورها مور كتف مولاها مزيد عليها حتى تسمع ترق عاد طلقها
صخر... گلت لزامل تاع بوكم حد ميحط عليا ايديه
الراجل 2.. ميمكنش تدخل حتى تفتش
صخر... عاقد غوباشتو مع ضحكة جانبية ... كنظن تفتشت .. دور راسو لهداك لي هرسو باش يجاوبو
الرجل 3.. كان معاهم ملي جابوه... البولة شاداه... خليه يدخل راه قلبتو .. اصاحبي هدا راه تايغر يقدر يقتلنا
الرجل 1... لي تهرس... اه اه انا لي قلبتو بإيدي هادي لي تهرسات
صخر... حاجة اخرى
الراجل2... تفظل اسيدي
صخر... هز القب على راسو ديال الكيطمة لي لابس وتم داخل ... بانت ليه مايا مربوطة فوق كورسي ودنيا كتصفر مكاين حد ضرب على الكاميرة وزاد حقق فوقها بان ليه شي حد عاطيه بالظهر فورمتو مقادة سبورتيف مهتمش ليه مشا مباشرة عند مرتو فك ليها الحبل من ايديها لي كانو مربوطين مور الكرسي ...-مايا... عرفاتو من ريحتو عضات شفايفها بفرح بلاما تنطق..-صخر... هبط فتح ليها الحبل من رجليها ... عاد حيد ليها لابونض لي كانت على عينيها ... بقا كيحقق فيها بخوف كيشوف واش اداوها ..ملقا حتى خدشة .. عاد رتاح وقفها على رجليها معنقها خاشيها فيه ...همس ليها بصوت خوفان (موقع ليك والو همم) -مايا... مزيرة ليه على التجاكيط ديال السورفيط ..( انا بخير اصلا مكنتش مخلوعة عارفاك اتلقاني) -بعدها عليه.. ورجع طلع عينو لفوق
صخر... بان ازامل هنا جيت حتى لعندك
البوص... وقف قدامو من الفوق وعلى وجههو ماسك دوى وهو كيشوف فيه البيرو كان الحيوط ديالو من زاج تسمع الصوت فالباف لي كاين لتحت فديك لاصال ..تايغر هنتا جيتي حتى لعندي فالاخير كتاب لينا نتجمعو بتلاتة
صخر... هبط عندي الزامل (بالغوات ) هبببط
البوص... توتوتو بلاتي انتفاهمو على واحد القضية هي لولة
صخر... لي هي
البوص... واحد فيكم هو لي غادي يخرج حي من هنا يانتا يا الفنيكيشة ختار .. والى ختاريتها فكون متأكد اتولي ديالي
مايا.... (بالغواات ) لااااا نموووت ومنكون لحد من غير راجلي كتفهممم
البوص... حل لباب وخرج عندهم وتبعوه خوج رجال كانو واقفين فلباب برى للحماية طبعا .... تم هابط فالدرووج وعينيه على مايا لي مخبية مور صخر شادة ليه فضهرو اممم هي سامحتيه بهاد البساطة الآلة مايا
مايا... اش كتگول نتا
البوص... هو غتاصبك فديك ليلة ياك هو غتاصبك اش هاد الذل ماشي هادي هي مايا لي عودو ليا عليها ولي كنعرف
مايا... ونتا منين عرفتي هادشي
البوص... اخخخ امايا وتشوفي هاد القلب اش دار باش تولي ليه
صخر... دوي بلا ألغاز ولا نحوي مك
البوص...(بهمس ) سس نتا وياه شدو ليا هاد زاعم حيت الى دار حركة ماشي هي هاديك ايموت فبلاصتو
رجال... ولكن اسيدي مغاديش نقدو عليه بوحدنا
البوص... دير الخطة الإحتياطية
رجال... اك شاف
مايا .... الى ساليتي خبيراتك مع كلابك گول ليهم يجيبو ليا كرسي عييت
البوص.. جيبو جوج كراسا لضيوفنا
مشا واحد فيهم يجيب لكراسا فحين لاخر بدا كيتسلت من القنت حتى جا مور صخر.. ودگ ليه برى فعنقو بلا ميحس بيه
دورات مايا وجهها بان ليها صخر فقد توازتو جا طايح فالارض مي عينيه مفتوحين مشات كتجري عندو (بالغوات) صخخررر صخخر صڤا ..واش بيخير دوي مالك ساكت اش درتو ليييه
البوص... سس اجي تگلسي حيت ميقد يدير حتا حركة على الاقل دابا
مايا.... قوااااد اش بغيتي عندنا دويييي
الرجال... هزوو صخر حطوه فكرسي ونفس الشيء لمايا
البوص... بغيتك نتي ازوينة
مايا.. كتحلم مال راجلي اش درتو ليه
البوص... البرى لي دگات ليه مفعول ديالها كيشلل لواحد لمدة نصف ساعة ازين فهاد المدة لي ايسكت انتعارفو انا وياك فهدوء بدون صداع راجلك لي باغي غير يجندخ
مايا... بين ليا وجهك باش نعرف راسي معامن كندوي
البوص.... همم هي لولة حيد الماسك لي كان على وجههو وتحلو معاه عينين صخر لي عيا ميحاول يدير شي حركة مي مقاد حتى يحرك صبعو أما مايا تصدمت صدمة خماسية الابعاد
مايا... نتا نتا اه نتا لي بستك داك نهار اه نتا هو فاروق ولكن كيفاش مفهمت والو
البوص... ڤوالا عندك الداكرة قوية
مايا... منين عرفتي قضية اغتصابي وعلاش داير هاد الفيلم ياك نتا وصخر صحاب
البوص... تو تو تو خاصك تكوني ذكية راجلك هو لعدو ديالي ولسوء الحظ انا وياه بغيناك فدقة التغير البسيط لي كاين انو هو بغاك فالعلن وانا فالسر
مايا... قضية الإغتصاب منين عرفتها
البوص... انا سباب فيها فنيدة وحدة كانت كافية باش تخلي مسيو صخر العلامي يتحول لنمر ينهش لحمك بكل برود ... وهدشي كامل باش تبقاي ليا
وبالضبط فحفل رأس السنة ... كانت داخلة مايا وجنبها امير .. عيون الحظور كاملين عليها من بينهم فاروق لي كيشوف فكل تفصيل فيها ومركز على ابتاسمتها جنبو صديق خدام فشركة العلامي زميل مايا فالشغل
فاروق... شكون هاد البنت لي منورة الحفل
يوسف ... منصحكش تشوف فيها
فاروق.. هي زين مخطوب
يوسف... هادي ديال العلامي مكاينش لي كيهز فيها العين فالشركة تفاديا لمشاكل مع مسيو صخر
فاروق... اكيد علاقة عابرة بحال بزااف
يوسف... مكنظنش حيت ممخليها تدوي مع حد وزيد عليها ديما فوقت الغدا كتلقاهم راس فراس وهو عمرو دار هاد الجيست مع شي وحدة .. شوف فديك الطبلة غير شوفات لي كيدير فيها اكيد معصب على لباسها
فاروق... وهي كتبغيه
يوسف.. كتسطا عليه فاش غبر سيمانة لي فاتت كانت كتجي لخدمة مكتائبة ماشي بحال قبل ومكدوي مع حد وبعد الاوقات كتگلس فبيرو ديالو بالسوايع .. واحد نهار حصلها فوند ميناج كتشم فجاكيط ديالو
فاروق... هي حب قوي كيجمعهم
يوسف... اه وحتا مسيو صخر مبقاش عاطيها ليسواغي بحال قبل
فاروق... كيشوف فمايا ويدوي ...نخليك نمشي نسلم عليه
يوسف..ههه اك
مشا فاروق عند البارمان يطلب مشروب ليه ...سس نلقا عندك شي سلعة زوينة -البرمان سمح ليا اسيدي مكاين والو - فاروق.. جرو من كول جاكيط لي لابس ودوى مزير على سنانو عند بالك انا عمى ولا شنو شفت كولشي .. -البرمان .. راه يصحاب ليا صحاب الوقت اش حب الخاطر..-فاروق.. بغيت شي حاجة تخرجك على طوعك يوليو فيك اعصاب الدنيا والآخرة ... -البرمان.. كاين عندي هاد النوع شحال باغي واخا وحدة كافية ..-فاروق.. بغيت زوج حطهوم فكاس شمبانية ..- البرمان هي لولة ... عطاه الكأس لول .. -فاروق.. دابا صاوب ليا كاس عادي ..- البرمان هاك اسيدي -فاروق.. جبد شيك كتب فيه مبلغ لي ميحلم بيه حد وعطاه ليه .. قبل اش ادير ..-البرمان.. عينيه ايخرجو وهو كيشوف عدد صفرات لي فشيك صمُُ بكمُُ..-بتاسم ليه وهز الكيسان غادي عند صخر
مايا.. مستحيل ههه واش كتظن من بعد هاد الهضرة انتخلى على صخر... كتحلم واخا وانا حاقدة عليه كنت كنبغيه واخا وانا كنتفكر احدات ديك ليلة المنحوسة كنبغيه فكيفاش دابا وانا عارفة هادشي انولي معاك كيفاااااش
فاروق... قصح نبرة صوتو...الى مكنتيش ليا مغادي تكوني لحتى واحد غيري (جرها من شعرها ) كتتتتتفهمي
مايا... كتدوي وهي مقصحة ... مستعدة نمووت ومنكون لغيرو
فاروق... جبد سلاح موجهو لصخر .... علاش هوووو
مايا...وهي كتشوف فعينين صخر كنبغيه حيت معندو لا متيل لا شبيه لا بديل... صخر لمايا ومايا لصخر( شافت فيه بتقة) والى كنتي ليوم ناوي تقتل واحد فينا غير كمل على خيرك وقتل حتى الطرف الاخر بكل بساطة موتي كيساوي موتو ولعكس صحيح
فاروق... تنرفز وناض دفع الكرسي لي گالس عليه عاطيهم بالضهر كيحك كابوس على جبهتو بعصبية ...صاف سكتي سكتي
ستغل الفرصة وجبد سلاح من مور ضهرو ديجا كانو عندو جوج ... دار ليه كاتم الصوت وناض ضار على گاع دوك الرجال خسر عليهم رساسة وحدة مباشرة للقلب حتا بداو كيطيحو واحد مور لاخر ...
صخر... دوى فالبلوتوت لي ديجا مخشي وسط الوذن ميمكن يبان لواحد الا اذا حققتي مزيان .. يمكن ليكم تقتاحمو المكان
مايا... اوووه راجلي صدقتي واعر تمات غادا عندو وهي اطير بالفرحة ... كانت كتشوف كيفاش جبد سلاح كيفاش كتم ليه صوت كيفاش ناض كيفاش كيسدد الهدف وضربة وحدة كيجيب الواحد طايح فالارض ..جاب ليها راسها كتفرج ففيلم اكشن
فاروق.... ( بالغووووووات )وقفي گلت ليك قبل يا إما تكوني ليا ولا لحتى واحد ..
مايا... مهمهاش هضرتو تمات غادا عند حب قلبها فحين السلاح موجه ليها ..
صخر.. كي بان ليه موجه سلاحو لجيهتها وباغي يورك على الزناد مشا كيجري (عنداااااااك) هاد كلمة الصدى ديالها بقا كيتعاود بزااف ديال المرات قبل متكسرها صرخة
مايا...لاااااااااااااااااااااااااااااااااااااا
نبدلو البلاصة ونرجعو لباريس
عند صرب لي ليل كامل منعس مشافو فاتت عشرة سوايع وباقي مخرج حد شعر راسو كيحس بيه ايطير بكترة منتفو وكيف العادة ها هو غادي جاي على الامل يخرج شي حد يطمأنو هز راسو على غفلة بانت ليه بوطون الخضرة تحولات للون الاحمر بما يدل على انتهاء العميلة تفتح داك الباب وخرج منو الطبيب لي دار ليها العملية باين عليه العياء فوجهوو كيحيد فليگات لي كان لابس بتاسم لصرب قبل ميدوي
الطبيب.. على سلامتك مرتك كانت قوية وقدرات تتغلب على الموت بالرغم من انو وقف ليها قلبها لمدة طويلة شوية حتا يأسنا ولكن فأخر محاولة قدرنا نرجعوها للحياة
صرب... الحمد لله ولكن ولدي واش مات
الطبيب... لا معندك مناش تخاف الولد باقي عايش كان عند المدام الزهر لأنو جوج رصاصات ماشي ساهلين وزيد عليها وحدة كانت قريبة لعمود الفقري يعني كان بإمكانها تعرض لشلل على المستوى السلفي للجسم ولكن ربي لطف
صرب.... شكرا بزااف واش نقدر نشوفها
الطبيب... حتا تفيق من البنج غير هاكا ممكن تشوفها من الزاج بين منقلوها لغرفتها
صرب... بتاسم ليه برضى ونطق شكرا بزااف
الطبيب...هدا غير الواجب ديالي اولدي كيف داير واحد نهار زمان هدا مشفتو
صرب .... لاباس عليه راه هو والوليدة مسافرين كيف العادة من نهار تقاعد وهو عاطيها لسفار كلا مرة فدولة
الطبيب... هههه سلم عليه
صرب...يوصل نشالله
حولو لارا لغرفتها وركبو ليها الاجهزة لأنو يقدر يجيوها مضعفات كانو منعسينها على كرشها ودايرين ليها امبوب ففمها كي شبع صرب من شوفتها ... خرج من الكلينيك مباشرة للقصر يدوش ويلبس حوايج جداد
#فتركيا
كي تسمع صوت الصلاح تم اقتحام المكان من طرف الشرطة الفرنسية مع الدعم من طرف الشرطة التركية ..تم إلقاء القبض على البوص قبل ميستوعب شي حاجة والصلاح باقي فإيديه .... مايا لي طايحة فالارض كتنخصص على صخر لي تضرب فكتفو ملي جا يبعدها
صخر... مغاديش تسكتي نتي ولا شنو
مايا... هيء هيء شوف دم كيف داير فكتفك
صخر... (كيعيبها )هيء هيء شفتي غير هاد الدم مشفتيش بلي نتي على شوية كنتي اتودعي
مايا... سكت بلاتي نتفكر واحد الحاجة
صخر... اشنو هاد الحاجة
مايا... الشعر اراجلي كنت قريتو فواحد الكتاب كان واحد زوين ويجي مع هاد اللحظة
صخر.... اللهم صبرك يا أيوب .. نوضي خلاص نمشيو من هنا حيت حسابي عصير مع داك القواد جا حتى لرحبة تايغر وباغي يوعار
غيرتي ستكلفك شرفك الجزء التاسع
محتوى القصة
التنقل بين الأجزاء