جميلة الجزء العاشر

من تأليف Ghazal trust
2020

محتوى القصة

رواية جميلة

الفجر كيأدن ومهدي شاد الطريق كيطير بلخلعة راجع للكلوب ... وكن غير قريب ليه بعدا .. الكلوب فطريق مكناس خصو ساعة لا ربع .. وهادي المرة الثالتة اللي كيرجع فيها حتى للبلاصة . نزل والنهار كيطلع .. اخر كارو كماه بقسماين ومن موراه تزير عليه الراس من جديد.. عينيه حمارو وصدرو بالخلعة بحال البومبة كيطلع ويهبط .. دخل للكلوب كيجري لقا واحد اللي مزال كيدور تما وناوي يمشي بحالو من بعد ما اذن الفجر .. شدو مهدي بلهفة وقفو وقال 

- خويا الله يرححححم ليك الواليدين الى كنتي شفتي شي وحدة كتشبه ليها ولا لابسة لحمر قولها ليا راه الفجر داز وانا باقي هنا كندور 

تهند الولد وقال بيدو علىصدرو : والله اخاي ماشنا شي بنت هانتا كتشوف غير انا اللي هنا وغادي فحالي 

رد مهدي مخلوع وفمو ناشف ..عينيه بغاو يبكيو ويديه كيترعدو وقال

- شوف ليا الكاميرات اللي عندكم الله يرحم بااك اخويا راه البنت مشات ليا ماعرفتش فين هي واش تخطفات واش تلفات ولا تعدا عليها شي واحد 

رد الولد بأسى : اخويا راه مكاينش اللي يوريك الكاميرت هنا .. انا رراه غا طالب معاشي هادي وقيتي وغادي فحالي .. بالليل اجي يكون خونا اللي كيعرف لهادشي غيوريك .. وسمح ليا اخاي والله مالقيت ليك جهد 

جبد مهدي تيليفون اخر من جيبو ابيض وقال كيتفتف ويترعد 

- ارا ليا نمرتو نعيط ليه نمشي تا لعندو نجيبو 

رد الولد بتردد هاز الكرسي : وا خويا شغانقول ليك راه خفت نعطيك نمرتو يجي يحياح عليا هنايا 

رد مهدي بعصبية وغضب : واش انا كنقول لك البنت تالفة ليا معارفهاش فين كااينة والصباح هادا خلينا صايمين غنكبتو ديلموها هنايا ونتا كتقول ليا نخليه ناعس فيييق معايا اصاحبي ارا لنا النمرة 

عطاه الولد النمرة وشد تيليفون كيعيط غادي جاي فبلاصتو كينهج .. عيا يصوني والو حتى واحد مكيرد ورجع كيجري لعند الولد يتاكد من النمرة لقاها هي نفسها لاكن حتى واحد مكيرد عليه .. تلف بقا بوحدو كيدور شاد راسو ... حلقو نشف باغي يشرب باغي يكمي لاكن الصيام وماعندو جهد .. راسو غيطرطق وعينيه حمارو .. بحال الهبيل كيجري فديك المنطقة ويقلب .. دخل بين الشجر كيجري وعقلو كيقول ليه مليوحة تما ومسايق ليها تى واحد لخبار .. فكرة الاغتصاب و الموت ماخلاتوش شداتو تما ماخلاتوش يبعد .. صوتها كيتغوت كيجري فودنيه .. خيالها وهي هاربة .. وهي كتغتاصب .. وهي كتبكي .. وهي مرمية بدمايتها كيدوز قدامو بالالوان .. اللي شافو يقول حمق كيجري .

اما هي طلعات فوق ناموسيتها تكمشات كترمش والاكل والماء محطوط فوق الطبلة ساهية فالضوء ديال الصباح كتفكر وتخمم .. عارف راسها كحلاتها وغادي يخرج منها العجب على الهربة اللي دارت ليه .. تنهدات شافتو غبر مارجعش مرة اخرى للدار وثالت يمكن تهد ومشا ينعس... ميمكنش يبقا كيدور لدابا ويقلب عليها .. لاكن هزها صوت الدقان والصونيت فالباب وناضت قافزة كتجري طلات على العين لقاتو واقف كيصوني ووجهه مكيبشرش بلخير .. عضات على شنايفها ورجعات بحالها للفراش كتسلت تكمشات وخلاتو كيصوني حتى شبع .. سمعات حسو تقطع وطلات بشوية من الشرفة لقاتو غادي جاي بحال الحمق .. هز راسو كيشوف فالشرفة ويلهت وهي حاطة يدها على حنكها .. وييلي باقي مانعس باقي كيدور والدنيا خاوية ... جيت نرد ليه الصرف شريتها لراسي الى عاق بيا يدبحني .
حتى الهضرة مقدرات تجاوبو بيها فتيليفون .. حتى صوتو ماقدراتش تسمعو واخا باغا تجاوب خايفة من الهضرة .. على الاقل طمنو تخليه يمشي ينعس .. شنو دير ما دير شدات تيلي خلاتو حتا قطع وكتبات ليه مسج " منقدرش نجاوب انا فدار خالتي تصبح على خير" 

سيفطات المسج عاضة على شنايفها وطفات مابغاتش كاع تقرا شي رد ولا تشوف سميتو كتصوني .. مجرد صوت ايليفون كيرن كيسكت ليها لقلب .. مشات بسرعة طلات من مور ريدو شافتو واقف كيقرا المسج مهبط راسو ومن موراها حل الباب بغضب طلع وزدحو تا بغا يطير وديمارا الطموبيل بقوة كيفراني ويدور بقوة حتى غبر .



العصر كيأذن ومينة فلكوزينة واقفة كتوجد الفطور هي وختها وبنت ختها .. كل وحدة شنو كدير والصهد والشياط كيطير من الكوزينة .. الحريرة كطيب والفطور كيوجد .. اما بناصر وولادو شابعين نعاس .. هوا فبيت النعاس وولادو كل واحد شاد سداري فبيت الجلاس وعاطي وجهه الحيط . 

خرجات مينة هازة الصينية تقيلة كتمشا بشوية حطاتها فوق الطبلة ورجعات للكوزينة لقات خولة محنية على الفران كطل وقالت

- ماعرفت يكون طابو ... ياك مهدي مكيبغيهمش طايبين بزاف

ردت مينة كتشالي بيدها : راه ياكلهم خوضر و محروقين دابا غا خليهم يطيبو 

سدات عليهم الفران وناضت مكفضة البيجامة فجناب السليب كتمشا وتمايل .. ناضو الدراري وبناصر حتى هوا ..عسل وجهه وهبط للقهوة يجلس على بيدمن تأذن .. اما مهدي خرج من الدوش كيحل عينيه ويسدهم بحال شي غول .. المورال خاسر والخاطر مكاينش والقطعة دايرة فيه مابغات . جلس فالصالون متكي على ركابيه وشاد راسو بين يديه فصمت وشعرو فازك لابس الفوقية ديالو مطلعها فوق ركابيه وساد عينيه كيتسنط لعضامو .. دازت حداه خولة كتمايل حطات الشبكة فيها الخبز مقطع وقالت كضحك معاه 

- مس لخير ولا صباح لخير ... عاد فايقين

هز واحد العين فيها بتتاقل وقال كيحرك راسو 

- سيري ديها فكوزينتك سيري.. سيري فحالك 

قالها بطريقة تقيلة فيها نوع من الاحتقار والاشمازاز خلاتها تقرص .. وحتى مينة سمعاتو وهي جايا هازة بلاطو اخر دالعواصر .. شافت فيه بنص عين وقرصات خولة ليدها اللي واقفة كتشوف فيه مصدومة وسبقاتها كتعيط 

- مينة : خولة .. اجييي اجي لهنا 

مشات خولة هازة شوكتها للكوزينة وقالت بصوت مرتفع وقوة

- سمعتي كفاش هضر معايا !! خدامة عندو ومافخباريش !

سدات ليها مينة فمها بسرعة وردات الباب ديال لكوزينة سداتو وقالت 

- واسكتيييي.. وا سكتي راهم مقطوعيييين راه ميعقلش عليك شداك ليه ماتهضريش معاه .. 

خولة : بغضب ) مقطوع يتقطع على راسو ماشي عليا انا زوييينة هادي!

ضارت عندها امها : واسكتينا عطيه بالتيساع شداك ليه خلينا نفطرو هانيين 

دارت مينة يديها على جنابها : واش مكتشوفينيش انا كفاش عاطياهم تيساع ... كنمشي معاهم غير مع الحيط على الله غير نفطرو كي الناس...رمضان هادا بغيتي يترمضن علينا شي واحد وهما كيقلبو على السبة 

دفع عليهم الباب على غفلة خلعهم وقال بغضب 

- ماااال ديلمك نتي ...

شدات مينة فراسها مخلوعة شافتو ناض ناوي يقلب الكوزينة وهي توقف قدامو مترغب ودفعو يخرج 

- مينة: رمضان اولدي صافي بحال ختك مقالت والو صافي قول اخزذ بالله من الشيطان الرجيم غتخصر صيامك 

ردت خولة بجبهة قاصحة : مالي غنخاف منو خلييه خليه نشوف اش غيدير .

كان غادي عاطيهم بالضهر ومينة شادة فيه وهوا يدور ليها بغا يرجع لاكن جمعات معاها مها بطرشة سكتاتها وسدات باب لكوزينة ومينة كضرب فمها وترغب عارفة ولادها اش كيسواو وعاد القطعة ..يقلبو الدار كلها ميعقلو على حتى واحد ... بدات دور بيه وتسايس وحلات الباب طلعاتو للسطح كتبرد فيه .. سمعات الغوات فالحومة وطلات مع الطلة شافت مضاربة ديال الدراري وياسين هاز جنوية و واحد اخر حجرة والحومة مقلوبة .. خرجو عينيها باخلعة وضربات فخداها وقالت 

- اويييلي على المسخوووط اويييلي غيطيح الروح هاز الجنوي 

عطاها مهدي بالضهر وجهه خاسر ميشوف فيه حتى واحد فرحان وقال 

- يهز تا مقدة ز...... عض لسانو سكت كور بلاصتو ودفع باب السطح باغي يخرج لديك لمضاربة وهي تجرو مينة كتغوت من يدو .. على والو .. مقاصو حتى واحد شعل بوحدو تقول قرصاتو شي حاجة وتم غادي نازل مع الدروج ومينة كتغوت تابعاه والدروج تالفين ليها .. خرجات ختها وخولة سمعو القيامة نايضة وخرج باه حتى هوا وجارهم اللي كاري لتحت شدوه فالباب .. اما ياسين معري وسط الحومة كيشالي بواحد السيف قد السخط وفمو كيرمي اشهى الكلام ... الزنقة تقلبات والدم فالارض مزلع والخصم هاز الحجر وخوتو جوج هازين جناوة حتى واحد مقادر يقرب لوسط من غير مينة اللي خرجاتها الكبدة لوسط كتجري مخلوعة والفواطة دايرة بيها كتشوف يمين يسار بين ولدها وبين الخوت اللي قدامو كيشيري عليه ... يديها فوق راسها وسط الجناوة كتغوت وتفك .. قربات لواحد من دوك الخوت كترغبو وهوا يدفعها ... مع الدفعة غوت ياسين بغضب 

- كدفع مي اولد***** كدفع مييي 

مشا بداك السيف هاجم عليهم اما مهدي سمع ديك الهضرة هبط راسو كيترعد باغي يخرج نصل ديك الفوقية وقوة اليد كتجر فيه بكثرة وهوا كيدفع خلا ليهم الفوقية فيديهم وخرج حفيان وسط الغوات للحومة مشا نيشان داز حدا مو اللي ضارت فبلاصتها مخلوعة كتغوت والناس كتفرج حتى واحد ماقدر يغامر و يفك .. باش جاي كيجري باش تلاح على لكبير فيهم طيحو فالارض صرب ليه الراس مع الارض حتى طوش الدم وتدخل واحد فخوتو هز الجنوية وضربو .. مينة شافت الدم طوش من مهدي وهي تشد فقلبها وسخفات فالارض


نفس الضربة اللي عطا الولد لمهدي فدراعو عطاها ليه ياسين فالضهر ..شحطو شحطة وحدة تا تلوى فوقفتو وناض مهدي هز الجنوية من الارض بغا يضرب بيها الثالت فيهم لاكن سبقو وشير بحجرة قد السخط خوا ليها فاللحضة المناسبة وجات فزاج واحد الطموبيل شتتاتو .. مولاها شافها وبقا واقف المعمعة كبيرة عليهم ماقدرش يغوت ولايهضر .. خرجات ثورية والجيران عند مينة ضارو بيها كيخويو عليها الماء وعينيها مقلوبين .. اما خولة مافتاتش الباب بقات من بعيد كطل ويدها على فمها مخلوعة .. الدمات فالارض .. واحد تشق ليه الراس دمو كيسيل وحد دراعو كيشرش بالدم وواحد جبهتو كتقطر ولاخر باقي هاز السيف كيهدد فالناس .. تدخل بناصر اخيرا فاش شاف الخوت طيحو الجناوة وتعلق فيد ياسين كيجر ويطلب وحيد ليه السيف من يدو وجروه لداخل اما مهدي باقي مسالا باقي عطيني نعطيك نوا ومول الحجرة .. بقاو يدافعو حتى خشاه فالمحلبة دالحومة وسط الكراسا وطاح عليه تما ومول لمحلية كيغوت ويشالي بيديه هارب لبرا سمح فالحرشة كتحرق .. وقف مهدي كينهج كولو دمايات فيدو لاكن الدم سخون ماحاسش بين ومعارفش راسو اش كيدير .. وقف جاور من راسو وسط المحلبة ضارب السنة فالسنة ولعروق دراسو كيضربو 

- كتحماو اولاد ل**** كتحماو ... 

جرو حدا الفران دلحرشة معمية ليه البصيرة وحط ليه يدو حدا الحرشة فوق المقلة والناس كتغوت حرق ليه يدو .. فلحضة نقزو عليه البوليس من اللور جروه بقوة شادينو وشدو اللي محروق فيدو كيغوت حتى هوا وجمعو الخوت بثلاتة وياسين حتى هوا .. الكل مشا بخاطرو وطل عليهم ياسين من السطافيط على الناس حمع دفلة ولاحها والبوليس كيدفعو فيه يدخل

- تفرجوووو اولاد***** تفرجووووو غنرجع ن**** زامل بوكم كاااملين 

ضار مهدي وهما مطلعينو شاف وراه كيلهت ودفع البوليسي وقال 

- غطلع لكري ....ماتقيسنييش ... 

طلعوه وقبل ميسدو الباب رجع خرج كينهج بين البيبان وقال بغضب وشرارة

- ضسرتووووو از**** ضسرتووو اولاد ل*** حووومة ديال ز** الله يعطي ل*** مكم لغرااااق 

جرهوه البوليس من لداخل وسدو الباب كيساويو .. البوليس فاصعب الاوقات مع الاحياء الشعبية واولادها كيسايسو عارفين داك النوع مكيهضر مكيتفاهم مكيخاف . 

شبكات وسط السطافيط من جديد بونية عطيني نعطيك بين ياسين ومهدي ولخوت بثلاتة .. السبان والمعيور لداخل والبوليس الوسط شي كيجر من جهة شي كيجر من جهة والسطافيط كتمايل ماوصلات تا كانت غتقلب .. خروجهم بالنينوط واحد مور واحد شي كيدفل على شي وشي كيلوح ركلة لشي والبويلسي كيعترو المخير فيهم كرشو سابقاه بينو وبين الرياضة غير لخير والاحسان .


كلها وهمو وكلها وفاش غارق .. وجميلة مغرقاها الكوزينة جالسة بوحدها كطيب فالصوبة ليها وتنهد ... اييه كن كانت دابا مع عائلتها كن راه جو اخر ... الوحدة صعيبة وحس رمضان فالدار ماعندهاش . هزات تيليفون كتنهد ويدعا مدور الصوبة وصونات لسلوى

- جميلة: الو سلوى..

سلوى: عاش من سمع صوتك الزين فين غاطسة؟

جميلة: غير فالدار اختي بوحدي .. اجي فطري معايا موجدة كولشي ..هانتي دايرة الصوبة ديال كروفيت ومصايبة بطبوط معمر ... والى كنتي كتبغي تشربي لحريرة ماشي مشكل نهبط نجيبها ليك راه كاينة كيصايبوها غير تحت مني 

سلوى: ميصلاخش ليا نخلي ماما بوحدها اجي نتي عندنا تفطري معانا راه غير بوحدنا 

جميلة : نجي انا ؟ صافي واخا فين نتي ؟ تعرضي ليا راه غنجي فطاكسي 

سلوى: صافي انا نتعرض ليك شدي بتي طاكسي لحي السلام نتعرض ليك تما 

جميلة: واخا صافي انا غنجي دابا قبل ميودن 

قطعات وطفات بسرعة على الصوبة غطاتها وهزات طاسة متولة فخدمتها وحركاتها ستفات فيها داكشي اللي وجدات وسداتها ومشات كتجري لبسات جلابتها الكحلة بشوشات فالوينات من الجناب والطريزات مع الصندالة ديال دجين اللي شافت عندها فاطمة وهزات بوشيطتها فيدها لاحت فيها التيليفون وجمعات شعرها بمقبط خرجات بسرعة كتجري شدات طاكسي مباشرة لحي السلام كتهضر مع سلوى حتى وصلات ولقاتتها حدى الشاطو واقفة تاهي لابسة جلابة صفرا قصيرة ويدها على جنبها كتمشي وتجي وتجر فواحد الصندالة والشعر طالع فالسما مكتشوفش كاع فالبشر .. تعرضات ليها بابتسامة سلمات عليها فرحانة كضحك ومشاو مع الشارع فاتجاه الحومة .. دفعات سلوى باب ديال الحي فحي شعبي فدار فيها ثلاتة الطبقات وطلعو مع الدروج المزلجين للدار.. دفعات باب الخشب كضحك فرحانة وقالت 

- مرحبااا بيك نهااار كبير هادا 

دخلات جميلة فرحانة كتشم ريحة الطياب فالدار والحريرة عاطية . دار متوسطة متولة بسيطة بالسدادر ونقية .. خرجات ليها مرى طويلة ببيجامة كحلة حد الركبة معرية من الكتاف شعرها مصبوغ بالاحمر وقالت بابتسامة كتمسح يديها 

- مرحبا بيك ابنتي .. نهار كبير هادا زيدي دخلي ( حطات يدها فوق السداري ) جلسي مرحبا بيك 

جلسات جميلة فرحانة كتشكر فيهم وحشمانة .. حطو اللي قسم الله فوق الطبلة مع اللي جابت جميلة وجلسو كاملين قدام تلفازة كيفطرو ويتجمعو .. حسات جميلة بالراحة بيناتهم كأنها كتعرفهم من زمان بالاخص التعامل ديالهم معاها ماحسسوهاش باللي ضيفة .. كيهضرو عادي قدامها وبشعبية كيتجمعو ويتناقشو .. هضرة تدي هضرة حتى دخلات جميلة من جديد فموضوعها كتعاود مشاكلها وتسمح خدودها بيدها .. تنهدات ام سلوى وقالت 

- اودي شي واليدين والله تا غازايدين ... دورهم يولدو وصافي شي واليدين مابقاو غا تهناي وماتبكيش ... 

سلوى: راه تا حنا سامح فينا بابا عمرو سول فينا ولا دق علينا ماعارفناش كاع واش واكلين ولا شاربين ... 

قالت الام كدور راسها : غا باقي الجرح جديد وصافي داكشي علاش حارقك ... دااااابا تولفي ويقصاح ليك القلب ماتبقايش كاااع تجبدي سيرتهم .... ياما بكيييت وندبت وجريت تا انا فاش كان الجرح جديد وكنت نعاود ونعاود للي جا قدامي ... تااانا رانا دزت من هاد الدوامة فاش راكي نتي وكنت تبعو نبكي عليه فدارو وتخرج ليا ل*** دمرتو ... لاوحني انا ولبنت ماعقلش علينا ... ماتقولي ليا لا عائلة لا خرا دابا ... راه خوتي عايشين حسن مني عمرهم سولو فيا تا واش واكلة... يعرفو غا ينعتو فينا ...حقا منسواوش حقا منعرف ... كم فديلمهم الطايلة يهزوني بسناني ميخليونيش كنترما بالبنت (تنهدات) اااودي شحال بكيت وشحال شكيت ... كان يحسابني الى شكيت زعما غنبرد وانا غا كنكب الماء فالرملة ... الوقت ابنتي اللي كيقصح (هزات حاجبها بحدة فيها ) شتي الوقت ... والله تا يرضك قصح من الحديد وهانا فين قلتها ليك ... شوية بشوية غتولفي صعيبة غا البدية ... (دورات راسها باسى ) غااا بكي وشكي ... ماحد الجرح طري مزال تبكي وتشكي تايطيب ليك القلب ... نهار ينشف ويقصاح تولي تقلبي على الدموع متلقايهم .. تولي تقلبي غا على بكية تفشي بيها قلبك ماتلقايها نهار يقصاح ويتحجر


مابقا فطور مابقا والو .. تقلب الفطور لمصيبة كحلة... الطبلة عامرة واجدة كلشي محطوط .. ولاكن منين غيدوز مكاينش .. كل واحد كيويل فجهة .. مينة غتسطا خايفة على ولادها .. قلبها على مهدي اللي مضروب ماعرفاتش فاش تضرب والقلب لاخر على ياسين اللي كتشوفيه غادي برجليه للحبس .. بناصر تبعهم كيجري خلاها مع ثورية والجيران كيسايسو معاها وهي مربعة فالارض كتمايل ويدها على قلبها غتموت بالخلعة ... العشا أذن ومينة فرقو ليها الصيام بجغمة دالماء بقات جالسة عليها حتى تحل الباب ودخل بناصر ومواره ياسين ومهدي اللخر.. هزا تورية عينيها وقالت 

- هاهما جاو 

بلهفة نضات مينة من فوق الزربية ضارت جهة الباب وبدات ضرب فخادها وتبكي وطيحهم حجر وتجبد فلحمها بحرقة .. فتحات ليهم يديها والدموع كتشرش وستقبلاتهم فحضانها كتبكي وهما كيبوسو ليها راسها ويديها 

مينة : اش عليييكم .. اش علييكم بغيتو ترزيوني .. بغيتوني نموت ياكو نموت عاد التهناو ... بغيتو تقتلوني وتشويوني فكبدتي 

سكنو بجوج مهبطين الراس وهي كتجر فهادا تعنقو وتجر فلاخر تعنقو والناس خارجين ويرددو " علا سلامتك امينة " جلسات فوق الصداري والروح كطلع وتهبط ويدها على صدرها كتنفس وهما كل واحد فين جالس حاني الراس كيشوف فالارض مكيهضروش .. هزات رجلها فوق الصداري كتنهج وقالت 

- ياااك اياااسين .. ياااك ... قتلنيييي ... قتلنيييي الناس كيفطرو وانا كنتشوااا ... كنتشوااا واش باغي تمشي للحبس .. باغي تمشي للحبس هضر .. هضر (شافت فمهدي ودراعو ملوية عليها فاصمة ) كااان غيطير ليك الدراااع ... اويلي وحدي كنتي كتبقا بيد وحدة واش رخيصة عليك روحك ... واش مكتحنش فراسك ... الى مكتحنش فيها حن فيا انااا .. اناااا اللي غنموت هناااا عادي تقتلوني 

جلس بناصر عند الطبلة دخل فيها نيشان وقال 

- صاافي ماطرااا والو ... ضربة راه خيطها غدا غتبراا ... 

شدات راسها : خيطهااا! (شافت فتورية ) خيطها قالك ! ... (ضربات فخداها ) اااش علييييك ... اش عليييييك بهاد الدباز وبهاد الويل لكحل ... غنبقا تابعاكم بحال الحمقة حتى تسطيوني ... هايدك تخيطات بقيتي على خاطرك ؟؟؟ بردتييي (شافت فبناصر ) ياااكما مزال غيرجعو للكوميسارية ؟

رد كيشرب الحريرة : واصاااافي فكيييناها تما فلوس كل واحد مشا فحالو سكتينا دابا .. خلينا ندغجوه راه نتي غتموتي وهما جايين كيضربو فجوانات .. ونتي شنقي راسك 

تنهدات واللي فيها ماهناها ناضت مشات للطبلة جلسات بيناتهم كتغرف وتعطي ليهم يفطرو وتمد ليهم وتكحز ليهم ياكلو ... طاحو على الضبلة مكيهضروش وهي كتقرب ليهم بحنان وحزن وتردد " مول اولدي كول " تمد لهادا ولهاذا .. قربات لمهدي شدات فدراعو كطل وقالت بالم 

- كضرك ؟؟ ... واش خيطوها ليك بالبنج ولا بلا بنج ؟؟؟ قداش هاد الضربة؟

هز راسو شاف فيها كيسوط وقال : وصافي الواليدة خلينا نعقلو على هادشي اللي كناكلو ... صافي دابا تبرا 

هزات راسها كتنهد وتسوط شافت قدامها وهوا يحط المعلقة وتلفت عندها عنقها وباس راسها وقال 

رانا بيخير بلا متخلعي هانا حداك ماوقع ليا والو 

تنهدات كتنخصص وتبوس فيه وتقرب ليه وضارت جهة ياسين حتى هما عنقاتو وفمو عامر كتبوس فيه وتعنق وهوا كذلك كيرد ليها العناق .. هز بناصر راسو كيدورو وقال 

- رضعيهم .. تي رضعيهم مالكي شتسناي ؟ تي جبدي رضعي لحلالف ياكلو دوار وباقا تبكي عليهم .. واحد فارقن ليه الراس لاخر شواو ليه ليد وواحد ضاربينو بسيييف ... عندهم الزهر ماقتلوش شي واحد فيهم ... مول المحلبة خلاو ليه الناس بلافطور وباركة ترضي عليهم


الجو تبدل من البكا والشكا للضحك والنشاط مع سلوى ومها وجميلة فوق السداري .. ضارت عندهم سلوى كتحل شعرها وقالت 

- يالاه نخرجو نتحركو نبقاو جالسين 

جميلة: وفين غنمشيو؟

سلوى: نخرجو لشي بلاصة اصاحبتي وااايلي الليل طويل 

ردت الام : سيري نتي وصاحبتك انا مافيا اللي يخرج 

سلوى : يالاه اصاحبتي نخرجو نتحركو نديفولاو 

جميلة: فين؟

سلوى: عطا الله ... نمشي نجلسو فشي بلاصة ..نبقاو جالسين هنا !

ضحكات جميلة وقالت : وخصاني نرجع حتى للدار نبدل حوايجي عاود 

سلوى: وابلااش هاكا جيتي وااعرة مالنا غنمشيو للعزلة ههه نوضي حتى انا غنلبس جلابة وصافي 

جميلة: واخا يالاه 

ناضت سلوى للبيت وعيطات على جميلة دخلات عندها ... حطو المكياج كيقادو وجههم وجميلة كتشوف داك المكياج وتميز اللي دير واللي ماديرش.. هبطات راسها لتحت نفضاتو وهزات راسها طالقة شعرها والسر نازل عليها .. العوينات معسلين والتكحيلة .. اما سلوى لبسات جلابة جديدة فااشيبي عصرية حتى هي مع بلغة وطلقات شعرها وقادات وجهها وخرجو مع الباب قدام الام اللي جالسة طالقة رجليها كتفرج فتلفازة . 

خرجو للشارع كان عامر بالناس مزدحم .. طلعو فطاكسي اللور مباشرة لكلوب " ام ال " كان خارج المدينة حتى هوا وبعيد فطرق الغابات والفيرمات .. خدات النمرة ديال الطاكسي باش يرجع ليهم وحطهم حدا فيلا كبيرة فيها فيدور فالباب لقات عليه سبوى السلام ودخلو كيشمعو صوت الغنا والشطيح .. بين النخل والارضية الحجرية خرجات حميلة فساحة كبيرة بلابيسين كبير فيها خيمة كبيرة وكراسي على المسبح دايرين بالفوطويات .. الدنيا عاامرة بالشباب والشيشة سيدة المكان والسهرة .. منصة مربعة متسوطة فيها الجوق والغنا وحداها الناس كيشطحو .. دازت جميلة حشمانة كتشوف فجنابها والحضور جا مقابل مع المرر اللي كيدخل .. اما سلوى منين مادازت كتسلم وتراشق وضحك كانه المكان ديالها شارت جميلة لطبلة خاوية وهي تشير ليها سلوى كضحك فالجنب مع جوج دراري ومعاهم بنت وقالت 

- اجي اجي ..اجي لهنا نجلسو ههه

مشات جميلة عندها مدات يديها سلمات على الشباب وجلسات فالطرف ديال الكنبة .. كانو دراري نقيين واحد فيهم غليض باللحية والاخر عادي والبنت جالسة كضحك حتى هي .. بسرعة ندامجو فالحوار كيضحكو كاملين وتحطات شيشة لسلوى وعطات لجميلة لاكن الاخيرة رفضات وباقا حشمانة مامولفاش دوك الاجواء واخا عاجبينها ومفوجة مع راسها . 
دارت رجل على رجل كتسمع للغليض اللي كيعاود على مغامارتو والكل كيموت بالضحك وفعلا مغامرات كوميدية خالق ليهم السعادة بلا الموسيقى اللي مطلوقة . شوية صونا ليها التيليفون وهي كضحك وجبداتو طلات لقات مهدي كيصوني .. تبخرات الضحكة فجأة والقلب طاح من بلاصتو وبقات كترمش وتشوف فالنمرة وسكتاتو من الصوت خلاتو كيصوني فالبزطام وكل شوية طل عليه


جلسو شوية والوقت كامل ومهدي كيصوني ويعاود وهي كتشوف فتيليفون ماقدراتش حتى تستمتع بالجلسة وكأنه باها كيصوني عليها ..ركب فيها الخوف والرعب . ناضو الدراري وناضت سلوى وحتى جميلة مجموعين وخلصو الدراري المطالب كلها وخرجو لبرا حلو ليهم الباب طلعو بثلاتة اللور غاديين طالقين الموسيقى كيضحكو ويتعاودو والغليض كيدور ويضحك ويتراشقو .. وصلو جميلة وسلوى للحومة نزلو ونلو معاهم كيتوادعو وكياكدو عليهم يخرجو مرة اخرى مجموعين وطلعو مشاو بحالهم في حين دخلات جميلة وسلوى للدار كيضحكو 

سلوى: كي جاوك هههه حماق 

ردت جميلة كضحك : واييه فين عرفتيهم ؟

سلوى: كنعرفهم من شحال هادي ... هانتي بعدا مشينا ضحكنا شوية وفوجنا ههه

لقات جميلة نضرة فالدار وقالت: واقيلا ماماك مكايناش

سلور: تكون خرجات دابا ترجع .. باتي معايا ليوم بلا متمشي للدار تجلسي بوحدك 

جميلة: واييه والله مافيا اللي يبقا بوحدي .

سلوى: وهانتي جالسة معايا 

دخلو للبيت ديال النعاس حيدو الجلالب .. كانت جميلة لابسة بيجامة خفيفة تحت الحلابة وتكات هي سلوى حدا السرجم كيتعاودو .. ناضت سلوى جابت الطفاية حطاتها قدامها وربعات رجليهت كتكمي وتسوط جهة السرجم وتجمع مع جميلة والتيليفون كيصوني ليها كل مرة 

سلوى: جاوبي من الصباح وداك المشقوف كيصوني

جميلة: لالا بلاش ... غير واحد خيينا صدعني 

سلوى: واجاوبيه قولي ليه ماتبقاش تعيط ليا ... ثمري على مو راه ميصلاح ليهم غير تخراج لعينين 

حميلة: اوييلي هادا راه غيجبد ليا عينيا ... لبارح خرجت انا وياه..(بدات تعاود قصة الليلة الماضية ) 

سلوى: غززيييتي فيه ... صرعتيييه داكشي اللي يصلاح للقران تاع بوهم 

جميلة: حالف عليا دابا غيشدني يفصلني

سلوى : حمري فيه اشمن ماتخليهش يديرك تحت الصباط ... تبقاي تخافي !... ماحدك كتخافي وهما كيزيدو فيه 

جميلة: واختي ماعرفت شنو ندير معاه (دارت يدها على خدها شاف فيها ) حرت 

حيدات سلوى الكارو من فمها وقالت : كتبغيه نتي؟

تنهدات جميلة: كنبغيييه اصاحبتي ... نكدب عليك 

سلوى : جاوبيه جاوبي الى صونا ردي عليه تحلوني على مو شوية هههه


جميلة: لالا منجاوبش غيبدا يسب ههه 

سلوى : سبي مو تا نتي 

حركات ليها جميلة راسها كضحك عارفة راسها شنو غيتبعها مور السبان ..يكفي اللي راها فيه دابا . 
تكات كتجمع حتى وصل وقت الصحور وناضو تصحرو كاملين وحتى مها اللي رجعات .. دخلو للبيت ردو الباب ونعسو كل وحدة فين عطات راسها الحيط .

من دا وجديد خارجة ماريا كتجري تصايب الشعر وتقاد الحالة .. الجلابة ثلات ايام وهي كتمشي بيها وتجي ومهدي مابغا يبان فالقهوى ولا عطاوها خبارو فين مخشي .. عاودات لبساتها وقادات الحالة مور الفطور وخرجات شدات الطاكسي نيشان للقهوة . 

دخلات لقات الدنيا عامرة.. لاحت يدها لعرفة سلمات ومشات للكونطوار عند اسية كنسول وتقاد شعرها 

- مهدي ماجاش؟

ردت اسية : باقي مابان 

تنهدات : ماعرفت فين غاطس السلكوط 

دورات عينيها فالقهوى ومشات لبلاصتها جلسات دايرة رجل على رجل شادة شيشة وحداها شي بنات غير كيسوطو وينفخو حتى هما هازين خير الله .. قلبات وجهها كتسوط شادة الشيشة والدخاخن فالقهوى مخلطة دراري وبنات .. بقات كتسنا وتشوف الساعة واش غيجي ولالا حتى جا اللي مكانتش ضاربة ليه حساب.. من الباب داخلة سلوى بدجين مزير كامل مقطع وتيشورط بيضاء والصدر مبندر فيه كتابة كحلة وموراها جميلة لابسة كولون جلد كحل وسبرديلة وتيشوط قصيرة كحلة مايلة من الكتف والشعر مطلوق.. روايحها فايحة والتكحيلة فلعين والعكار غوز دخلو وسط القهوى بقا كلشي حال فيهم الفم .. كاع الرجال وكاع الشباب اللي جالسين تما ... كان عرفة جالس كيشوف فيهم ويطلع ويهبط وجميلة كتمشا وتمايل عاجبها راسها وشعرها مطلوق كحل .. بقا كيحقق فيها ويتفكر فين شافها لاكن والو ماعقل على والو .. يمكن تشابهات ليه وصافي .. دازت حداه سلوى رمات ليه يدها كضحك وقالت 

- عرووووف ... عاااش من شافك 

وقف عرفة سلم عليها بالوجه : وانتي اللي غبرتي تا زيانيتي (شاف فجميلة)

سلوى: العمااااا هههه العماااا ياخويااا لعمش والعماااا هههه 

زفرات ماريا بحال التينين هازة حاجبها مللي شافت سلوى وبقات طلع وتهبط فجميلة كانها فايتة شايفاها فشي بلاصةة.. ولاكن شكوون عقل كولشي كان ديك الليلة سكران مشادش الريزو ابدا 

شدات سلوى لجميلة فيدها ومشات للقنت اللي مقابل مع ماريا وجلسات كتنفخ وتسوط حتى هي وتقلب عينيها وجلسات دارت رجل على رجل وعرفة تابعهم كيضحك وحتى واحد اخر من اللي مقابلين لقهوى تم جاي كيفرنس جلس حداهم فالجنب طامع فجميلة .. اما سلوى غير كضحك وتراشق ماعلا بالهاش بحتى حاجة 

ماريا : افففففف هاد القهوى كترو فيها لق**** (هزات حاجبها فعرفة) وز**** حتى هما 

جرات جميلة سلوى من يدها وقالت بخفوت جالسة فالقنت 

- هاديك وهادا راه كنعرفهم ... كن غير بدلنا البلاصة حسن مامرتاحاش هنا 

ردت سلوى بخفوت : اوييلي ياصاحبتي نتي مامرتاحة لا فحوايج لا فقهوى لا فوالو .. كن مامشيتش معاك للدار ماكنتيش غتخرجي كاع .. وحتى لقهوة ماعجباتكش . .بلعكس زوينة 

جميلة: قلتي ليا غنفطرو ونمشيو للقهوة ماحسابش ليا غنلقا هادو فيها 

نخزاتها : ماتديهاش فيهم غا مسرفق على خوه هنا 

جميلة : وجالسين معانا اصاحبتي ! شكون قالهم جلسو 

سلوى: شوو انا غنصدرهم راه واحد السقة تفوو شافوك نمرة جديدة وصافي انا غنصدرهم 

حميلة: صدريهم وصدري داك المصدي اللي جا وجلس تا هوا عاجبو راسو تفو غير كيشوف فيا وحاضيني


وهما كيوشوشو لبعضياتهم تحطات الشيشة قدامهم وقالت اسية 

- شنو تشربو ؟

ردت جميلة: هواي عفاك 

سلوى: انا جيبي ليا براد داتاي 

ماريا غير كتشوف فيهم بنص عين والتيو فمها بحال الداعة كتسوط فالدخان .. غمزات عرفة كحز حداها حيت جامعهم فوطوي واحد كبير فيه جوج طبلات وقالت بهمس فودنو 

- هاد لق*** ياك مابقاتش كتجي شنو جابها لهنا عاوتاني 

عرفة مع غمزة : ساوي مع العيساوي ..جايا ضرب شيشة 

ماريا : وغيجي مهدي ليوم؟

عرفة : مهدي راه دوز واحد المطايفة لبارح نييت وتضرب فيدو 

ماريا : اويلي على مطايفة!!

جبدات تيليفون كتصوني عليه كتلقاها مشغول وفنغس الوقت جالسة جميلة حدا سلوى اللي كتشيش وكطل على تيليفونها وهوا كيصوني عليها .. رداتو لجيبها كتسوط وطلات جهة سلوى لقات داك خونا الي جلس بلا عراضة باقي جالسة مسرح وشاد الشيشة حتى هوا .. ربعات يديها وتكات اللور كتشوف فماريا والاخيرة غير كتنهد وتسوط وتجر فعرفة اللي ماحيلتو ليها ماحيلتو لسلوى اللي باغي يقرب ليها ويدي ويجيب مع جميلة فالهضرة شوية .. اما هي غير كتسوط وتنفخ مالقاتش راحتها 

عرفة : واعرفينا بهاد الزين اللي معاك 

ساطت سلوى فالسما وقالت: الجمال غالي علك ابا عروف

عرفة: ايااه !!

كمشات جميلة فمها وعطاتو بالضهر كتسوط وتنفخ شادة واحد المخدة صغيرة عندها .. فديك الاثناء تدفع باب الزاج ديال القهوى ودخل بنفس لباسو كالعادة سروال كحل رياضي مجموع بالسيور مدليين مكفض والسبرديلة بيضاء وتيشورط كحلة وكاسكيط على راسو كحلة ساخط على الوضعية .. دراعو ملوية عليها فاصمة وريحة البرافان مع ريحة الكارو سابقاه .. داخل ويدو فجيبو مهبط راسو لارض كيتهز .. مشا وقف فالكونطوار كيهضر مع الجمارة اللي كيسربيو الجمر ويسولوه على يدو وعلى الوضعية وهوا كيهضر ومعصب بوحدو وعلى نقشة .. مانتابهش لوجودها فديك الركنة كما مانتابهاتش ليه وهوا داخل .. اما ماريا قادات الجلسة بالجنب فاش شافتو وبدات تحلون وتلوح شعرها ..حط القرعة ديال الماء وقلب الدورة بعفوية مخنزر مكيشوفش فالناس وطالع فجوج دريجات اللي كيديو للجلسة فين كاينة ماريا وصحابو وتيليفون فيدو . كانت جالسة مابيها ماعليها حتى شافتو جاي جيهتهم بملامح حادة وباردة فنفس الوقت وهي تقلب وجهها كتخبيه ومهبطة راسها للجنب حدا سلوى اللي كضحك فرحانة بشوفتو وماريا كتعيط بدلع " مهدييي" .. اما هوا مشا نيشان لجميلة متلفتش وجرها من التيشوررط فكتفها منوضها وقال 

- نوضي نتي اجي نهضر معاك 

الكل بقا كيشوف فيه ويشوف فجميلة وسلوى حالة فمها الدخان خارج بوحدو والتيدو حدا شنايفها مافهمات والو ..

هزات فيه جميلة عينها : انا!

رمش بتتاقل عاقد حجبانو وقال : نوضي 

نوضها وهي غير كتشوف فيهم كيشوفو فيها .. وقفات كتقاد سروالها من اللور وضارت موراها وهوا شادها من دراعها كيدير ليها الطريق بين الطبلة والفوطوي حدا عرفة دوز ..

قالت كتشوف فبلاصتها : صاكي

دخل واحد الرجل تحنا هز الصاك اللي كان وراها مشافتوش فيدو ورجع خرج شاد فدراعها مخرجها كتعتر بتوثر قدام عينين الكل وداها كتشوف قدامها وتمص شفاها السفلية ، عنقها بدراعو على كتفها وسط القهوى وهما خارجين وحل ليها الباب بيدو للي هاز بيها الصاك وكولشي تابعو بعينو خرجها من تما


من انواع الوحوش وحش العنف .. الى خرج صعيب تسيطر عليه ، وهاذا موقع مع مهدي وجميلة.
مور حيط القهوى فالجهة الاخرى بين الشجر فالضلام دفعها على الحيط بحال كيس القمامة وقرب وجهه بغضب شاف فيها وقال

- فين مشيتي ول لبارح ؟

حتى هي ولفات وجهه .. ولفات الغوات وتخراج العينين .. او يمكن نقولو الحب .. حبها ليه للي ولات تعيشو معاع مابقاش كيخليها تخاف .. او يمكن حيت متأكدة مية فلمية من حبو ليها واللي شافتو فعينيه وفتصرفاتو عدة مرات .. هوا اللي خلا التيقة فالنفس عندها تكبر من هاد الناحية وحتى خوفها يقل . بنضرات متعجرفة ربعات يديها شافت فيه وقالت 

- مشيت فحااالي وخلييتك مع البنات اللي كنتي واقف معاه ياك ..

جمع معاها بطرشة للوجه وعطاها ودنو : ااه ومعامن مشيتي ؟

شدات فيها سادة عينيها وقالت بحدة من جديد: مشيت مع واحد الراجل وصلني حسابك غنبقا نتسنا.ف..

بطرشة اخرى بيد مقلوبة للحنك لاخر زاد قال : راجل اخر مزيان .. فين مشيتو؟

شدات حناكها بجوج مزيرة عليهم وقالت: مشيت بحالي ياك عندك البديل علاش تابعني 

طرشة اخرى للحنك لاكن دارت بحسابها خبات وجهها جاتها فالراس وقال
- مشيتي تنعسي ل**** د مووك وانا صابح كندور كي لق*بة منقلب عليك ابنت الم**** هااا؟(جمعها بنص فالارض) نوضي وقفي لديلمك تهزي (جرها من رقبتها وقفها) ستة دالصباح وانا مزال غادي جاي ونتي ل (نزل عليها بالصك للراس) ل**** تمك مكسلة فالفراش (عطاها نص اخر) خالتك للز**** بوك خالتك (جرها وقفها) وقفيييي ... وقفييي ينعل الق**** اللي جابك وقفي مطيحيش

شدات حنبها حاللة فمها : غنمووت .. غنمووووت 

بغات تجلس فالارض وجرها من جعرها بغضب: وقفي مطيحيش ( جمعها بنص ) بقااي واقفة ينعل ز*** بوك بقاي واقفة 

ماعرفات توقف ولا طيح والنصوصة كيطيحوها وهي شادة ليه فيدو كتكمد فيهم عاضة على شنايفها وتردد
- هانا واقفة ... هانا . هانا وقفت (جمعها بنص ) ااااي (طاحت )

جرها من رقبتها : وقفيييي الله يحرق **** اللي ولدك يا بنت ل**** مشيتي ت**** دوييي ل**** مك داك **** .. دوييي (جمعها بنص ) وقفي وقفييييي بقاي واقفة 

وقفات بسرعة شادة مؤخرتها : طلق مني .. طلق الله يعطيك العذاب والقطاع ليديك (شدات ليه فيدو )

رد مخرج عينيه : طلقي .. (جمع معاها بطرشة) طلقي ماتشديش فيا متتقيسينيش حيدي يدك 

دارت يديها وراها لاسقة مع الحيط وهوا قدامها كيفور وقالت شاداها الضحكة وفنفس الوقت كتكمد الضربة 

- صافي هانا مغنشدش فيك ... صافي تهنا غادي نتفاقو وغادي نتهناو نتا غتمشي مع دوك البنات وانا غنمشي مع داك اللي وصلني حيت منصلاح ليك متصلاح ليا اصلا طلعت بنت ل***


جرها من شعرها بغضب تا طلعات معاه كتغوت وقال 

- باغا نجلس مك على القرعة ... باغا نقتل مك زيدي نوري ز*** بوك زيدي تحركي 

جرها كيجمع فيها بالنصوصا وهي كطيح وتنوض وتغوت حتى للطموبيل اللي قدام القهوى وحل ليها الباب بقوة 

- طلعي لديلمك .. طلعي 

دفعات برجلها الباب : مغنطلعش والله منطلع 

ضربها لمؤخرتها بركبتو : طلعي لل**** بوك طلعي 

جلسات فالارض تمرغات ليه وهوا يهبط عليها بالصاك ديالها للراس ودار رلجليه بين جسدها باغي ينوضها وهي كتركل وتنهج وتموت بالضحك 

- طلق منيييي والله مغنطلع بعد مني ههههههه

غوت بغضب وعينيه خارجين وجهه حمر محني عليها كيجرها وهي كدفع بيديها ورجليها .. عطاها ركلة للمؤخرة تا تقلبات للجنب حدا رويضة شادة فيها حالة فمها وبدات ضحك .. هستيرية ديال الضحك جاتها .. مناش الله واعلم .. اما هوا الغضب كلاها خرجو فيها ، فديك الاثناء خرجات ماريا حدا باب القهوة يدها على جنبها كتقلب عليه وتستكشف وبدات دور عينيها .. سمعات صوتو كيغوت وقربات بين الحردة اللي كتفصل بين القهوة والشارع بان ليها محني بالكاسكيطة كيغوت .. عقدات حجبانها كتقرب شافتها كتلوى فالارض ومشات كتجري هازة الجلابة جراتو من دراعو كتغوت 

- ويييلي واش تسطيتي اوييلي مهديي

دفعها بيدو ورجع لجميلة نوضها : تكعدي لديلمك .. تهزي اللع يحرق **** ***** اللي جاب **** تاع بوك ابنت **** 

حطات يدها على صدرها كتنهج تكات مع الباب وكتحرك يدها سخفانة 

- صاافي ماوصلني حتى واحد ... حتى واحد جيت فطاكسي (بلعات ريقها) 

زاد خرج عينيه وقال كيلوي ليها يدها حتى ضارت عطاتو بالضهر كتغوت 

- طاكسي ديلمك .. طاكسي دمدومة انا ... (زير عليها ) دوي شكون اللي جابك الزلال ديالك .. 

عضات ماريا على شنايفها بانوثة وقربات قالت باغا تفك 

- مهدييي ... صافي ..

غوت فوجهها حتى تهزات : واسييييري ت**** سيري فحالك ( ضار لجميلة مزير على يدها ) هضري الله ينعل ديلمك هضري 

دفعها على طموبيل وهي كتغوت حتى ضربات راسها واستغلات اللحضة فاللحضة المناسبة وغابت سخفات ليه حدا رجليه وهوا كيشوف فيها وينهج وماريا كضرب حناكها 

- ناري ناري انسخووط قتلتيها .. ناري ناري

تحنا عندها بنفس الغضب شد ليها فكها بقوة وقال

- نوضي لديلمك نوووضي يا بنت الق*** نوووضي تكعدي 

ضربها لحنكها بغضب لاكن لا بقات مرمية مكتحركش .. تحنا على ركابيه كينهج ويضرب فحناكها عاد وعا بشنو واقع وبدا يفيقها وينوضها ... تلفت بسرعة كيتفتف عند ماريا وقال 

- اري اري .. اري شي قرعة دالماء .. اري دغيا 

كمشات فمها بميوعة وهزات حاجبها رجعات اللور دايرة يدها على جنبها كتشوف فيه كفاش مخلوع ومعصب تكاها على فخدو كيضرب فوجهها ورجليها مسرحين فالارض. خرجات سلوى حتى هي كتقلب بعينيها وعرفة مورها لقاو الروينة نايضة ومشاو كيجريو .. تخلعات سلوى وضارت على جميلة كتجري كتسول مالها ... هز عينو فيها بغضب وقال بحدة

- حيييديي يدك فييين كتعرفيهاااا ؟ 

سلوى: صااحبتي هادي اويييلي !

رد شاد فيها وهي سخفانة وقال : فييين صااحبتك من امنى ولات صاحبتك ؟؟؟ فين كتعرفيها ؟ 

تنهدات ماريا وقلبات وجهها : ها تق*** ديال ** ففف

سلوى : جميلة ... جميلة كتسمعيني 

دفع ليها يدها : وا حيدي غنفرع مك ماتقيسيش فيها و اااخر مرة تعاودي تقربي ليها اسلوى... مكتين لا صحبة لا *** تفرقيها عليها ولا غنخرج على ط*** مك سمعتي ... وااااش سمعتي (تلفت لجميلة ) جميلة ... جميلة ... كتسمعيني 

ناض كينهج هزها دخلها للطموبيل للور وعرفة كيجري بالماء ... جا يجمع ليها رجليها ودفعو مهدي مخمز وعاض لسانو 

- جمع يدك ا** جمع يدك غنخسر معاك 

عرفة : واصاحبي غتسد ليها على رجليها 

مهدي : ونسد ليها تا على **** نتا مالك !

طلع عليها كيطل على وجهها وهي كتأنأن ودور راسها يمين ييسار .. هزات يدها على جبهتها كترمش بتتاقل كانها فعلا سخفانة .. عاشت الدور حتى تيقها وجرها من رقبتها جلسها وتكاها على الكوسان كيشربها الماء ويلهت 

- مزيانة كتحسي براسك شوية ؟ واش شوية ؟ 

ردت بالايجاب : اممم ... سلوى .. سلوى

ضارت كتعيط على سلوى بصوت تقيل وهوا يخرج زدخ الباب وقال 

- مكاين لا سلوى لا *** 

طلع لقدام وسلوى غير كتشوف اما ماريا مالقات ليه جهد .. عارفاه بو بنات مولفة بداكشي لاكن كتقول يدور يدور ويرجع بحال ديما .. هادي بليتو وماعليها غير تستحمل 

مشات الطموبيل وهي اللور كتشهق وتمايل 

- فين غادييين ... فين ؟ .. مهدي ... ديني للدار


وقف حدا البحر فالبلاصة اللي وقفها فيها المرة الفايتة وخرج حل عليها الباب يضربها البرد وهي متكية راسها كتشوف فيه بنص عين وتأنان .. حط يدو على سطح الطموبيل كيسوط بغضب وقال 

- فين كتعرفي سلوى ؟؟ 

ردت شادة فجبتها : صاحبتي 

رد بغضب : هادي هي صاحبتك اللي جالسة تفرعي ليا بيها راسي فمراكش؟؟ فييين عرفتيها ؟

مسحات وجهها بتعب: فالصالون 

تحنا عندها وجرها بقوة من عنقها وقال بحدة

- عرفتي نشوفك كتهضري معاها ولا خارجة نتي وياها ن*** سمعتي .. بربي تا نقتل مك اجميلة

ردت بصوت تقيل وتمرد : صاحبتي .. شنو فيها 

- رد : مابقات صحبة مابقا **** نعاود نشوفك معاها ولا تهضري معاها ندبح ديلمك .

ردت بصوت تقيل وهزات كتفها : شنو فيها مانديرش الصحابات ؟

خرج فيها عينيه : الااااا ... انا هوا صاحبك ... مغتصلاحش ليك سلوى ولا تا ق**** ... والبنات بعدي منهم غادي نخرج عليك فطريقهم ... هي اللي جابتك للقهوة ؟ 

ردت بميوعة : امم 

مهدي : وماريا كتعرفيها تا هيا؟

شافت فيه باستغراب: شكون ماريا ؟

رد : شنو جلسك فالقهوى مع دوك ولاد **** هاا؟

تنهدات كتقلب عينيها : وراه قلت ليك جيت مع سلوى

مهدي : جيتي مع سلوى! شحال دابا باش عرفتي سلوى؟ 

هزات كتفعا : ماشي سوقك 

جرها من داك الكتف تا فشل : كنسولك جاوبييني 

ردت : اااي .. كتفي .. طلق الزمر .. كتفي 

نتر لكتف: شحال باش كتعرفي سلوى؟ 

ردت : اااووف.. قبل رمضان بشي يامات 

مهدي : وفين كانت كتديك ؟ خرجتي معاها ؟

ردت : اول مرة ... وعلاااش هاد الاسئلة كلها ؟ سير شوف صحاباتك اللي كنتي معاهم لبارح وخليتيي واقفة ... شايطة انا ولا شنو ؟

جرها من دراعها بقوة وقال تحت سنانو : فاش قلت ليك اجي وقفي حدايا مال مك ماجيتيش ؟ دويي؟ انااا كنعيط ليك ونتي منفخة 

ردت بحدة شادة كتفها : اااه حيت قلتي ليا تسناااي 

عض شنايفو بغضب باغي يضربها وزدح يدو مع الطموبيل وقال 

- ياك قلت ليك ابنت ل**** فالاول اجي 

جميلة: اوشكون هادود اللي كنتي معاهم 

شار بيدو فالهوى : البنت كتغني قالت ليا عفاك دوي ليا مع السيد تما كنعرفو تبدا تغني تما ونتي لديلمك هازة عليا خنافرك ابنت الخامجة 

جميلة: انا ماشي شايطة تخليني واقفة حتى تسالي ليهم هما شغالهم وليتي سخار ليهم 

زفر من مناخرو وجرها من فكها : غنهرس لمك هاد الفم نوريك سخار ... واجمعي كرك معايا 

نترات وجهها كتسوط وهوا يخرج لسانو كيعض فيه وقال 

- معامن جيتي من تما دوي ؟ 

ربعات يديها : مع واحد البنات كانو راجعين 

هز يدو بونية عطاها للراس : وعلاش كتكدبي وتقولي ليا راجل

دورات وجهها بنرفزة : عصبتيني 

رد بغضب: وانااا! انا اللي بقيت كندور غنتسطا ماعرفتكش فييين مشيتي فين زدتي ؟ ومخلياني كنصوني بحال الهبيل الفجر داااز وانا غادي جاي ... (عض شنايفو) عرفتي كنت شديتك ساعتها ... عرفتي كن شديتك والله (صغر عينو ) متخيلي شنو كان يوقع ليك ... عند ديلمك الزهر

هزات راسها : مرة اخرى خليني وسير عند لق*** 

بقا ساكت كيشوف فيها وقال : تحل ليك الفم 

قلبات عينيها للجهة الاخرى كتميق وهوا كيشوف فيها ... جرها من رقبتها شد ليها فكها وهبط على فمها باسها وراسها جيهة الباب ناعس .. سدات فمها وقالت بعصبية

- طلق مني .. عاد كنتي كضرب 

بغات تنوض لاكن شدها خلا ليها شعرها مدلي على برا وهوا جالس القرقصاء كيشوف فوجهها بالمقلوب وتحنا باسها فمها بزز منها وقال 

- نضربك وندبح مك


شدات ليه يديه على وجهها هازة فيه عينيها بالمقلوب وقالت كتقلب عينيها 

- حيد يدك 

زير ليها على يدها جهة صدرها وقال بعينين ضاحكة 

- راصاي غنعض مك 

هزات رجليها فوق الكرسي بحرية دايرة رجل على رجل فالسما وقالت 

- والله امهدي مغندوز ليك هاد القتلة اللي عطتيني ... غييير خود راحتك دابا 

عض شنايفو كيضحك وقال : اش غديري؟ 

شافت فيه وقالت : دابا تشوف ... طلق مني خليني نوض جاتني الدوخة هاكا 

نزل لشنايفها كيبوس فيهم بلخاطر ... يبوس الجناب ويبوس شفاه والفك والخدود وهي كترمش بتتاقل عاجبها الحال مخلية ليه الحرية ... بقا يلعب بيدو فعنقها ويبوس حتى دخلو فصدرها وبدا يلعب برتياح .. هزات يديها لفوق على وجهه كتبوسو وعينيها معسلين بحال الى عايشة فشي ساعة ديال المساج .. وسع ليها تيشورط كيزير بيدو حتى بدا صوتها يخرج وناض بسرعة من حدا راسها ضار فالجهة الاخرى بغا يدخل عليها لاكن ناضت بسرعة خرجات من باب المعاكس لبرا كتقاد صدرها وضحك وفمها حمر .. رجع وقف كيشوف فيها باستغراب وقالت خاشية يدها تخت حوايجها كتقاد الحملات 

- اححححياني عليك عارفاك علاش ضرتي 

خرج لسانو كيشوف فيها وقالت : واجي ياك عارفة 

هزات راسها كضحك وقالت : والله لا دقتيه 

هز حاجبو كيضحك : يااك! راه غنشدك بزز
.قالت كترجع باللور : والله لادقتيه واخا تمووت 

تنهد ويدو على سطح السيارة كيشوف فيها 

- وغتخليني بحال هاكا !

قالت كضحك : وانا قلت ليك رجع بحال هاكاك !

مهدي: اياااه! 

عض شنايفو كيتنهد ويشوف فالارض ويتمشا بشوية وهي واقفة كضحك .. فجاة ضربها بجرية وهي تغوت مشات كتجري خلعها لاكن سرعان ما شدها وقلبها فالسما كضحك ورجع ليها راسها لارض وقال 

- هاكا غ**** ههه.... عمرك شتيها ؟ هاكا غندير ليك 

شدات ليه فالسمطة دالسروال : غطيح على راسي ... مهديييي 

مشا بيها جهة الطموبيل بغا يدخلها وهي تجلس فالارض كضحك وقالت مربعة رجليها كطلع تيشورط 

- والله لاشميتيها هههه ... 

جلس القرفصاء قدامها مهدود مخرج لسانو كيسوف فيها وقال 

- كديريها بلعاني 

جميلة: لعواشر هادي سير تفرق عليا 

ضربها لجنبها : كتعرفيهم بعدا يا كبيرت المنافقين ... 

دفعاتو : حسن منك (انتبهت ليدو ) اويلي مالك فيدك !

شاف فيدو وقال : مجروحة

جميلة: شنو جرحك انشوف

بغات تقيسها وبعد دراعو وقال : لالا خليها مغطية

جميلة: دنوبي هادو 

جرها من رقبتها نطحها وقال: ديال لعصى لديلمك 

بقا جالس القرفصاء قدامها وهي مربعة فالارض حدا الطموبيل كيهضرو .. وفديك الاثناء جالسة ماريا ساهية وكتخمم والشيشة ففمها .. تنهدات وشافت فعرفة قاىلة اما سلوى مشات 

ماريا: اجي ماشي هادي هي اللي ملخ مها فالكراج ديك المرة؟

شاف عرفة قدامو كيتفكر وماتفكر غا اللقطة اللي شاف الشيفون وقنفود البحر وقال كيتنهد 

- والله اختي مابقيت عاقل على شي وزة انا .. نكدب عليك 

ماريا : اممم ... حياني عليكم نتوما تقتلو الميت وتمشيو فكنازتو 

عرفة: وانت عااارفاه شكيسوا واش هادشي عاد جديد ولا ؟

ماريا: وراني عارفاه سلكووط توريني فيه .. شغندير زهري طيحني فسلكوط 

عرفة : دابا يعيا ويتم جاي

ماريا : يكون مصاحب مع ديك الق*** زعما

عرفة : تأ زعما غيتزوج بيها.. راه غطلع ليه فكرو ويقلب عليها وايلي 

ماريا : راني عارفة .. تا انا مابقيتش كنحمق معاه راسي

وقف الطموبيل حدا باب عمارتها وتلفت شاف فيها بإعجاب

- مزااال غادي نقادليك الجناب .. شحال مابقيتي 

لاحت شعرها اللور كضحك ونزلات هازةصاكها طلعات فحالها للدار وسدات عليها ... جلسات كتنفس توحشات دارهاوتوحشات تجلس فيها .. بدلات حوايجها لبسات بيجامة ومشات جبدات الجفاف ضربات مسحة للارض وطلقات الريحة فالدار ومشات للحمام خدات دوش عاد حسات براسها بنادم وتنهظات داخلة لبيت الناس 

- اااح الصراحة الواحد ميرتاح غير فدارو 

خلات التلفازة شاعلة مونساها بصداعها وترمات فوق الناموسية على كرشها جرات تيليفون لقاتو صونا وعاود ربعة ديال المرات .. بدات تلعب فيه حتى صونا من جديد وفتحتات الخط ردات بنبرة مختلفة وميوعة 

- وييي (كبرات الصوت وحطاتو قدامها كتلعب برجليها وتقشر دفارها ) 

رد : ويي.. فين كنتي ؟

ردت : ونتا مالك ؟ ياكما شفتيني درت ليك خاطرك هاد العشية بغيتي تركب عليا ... راه غييير ساويت معاك ابب حيت ماعندي ليك جهد ودابا غادي نوريك جميلة شكتسوا


خرجات لسانها عاضاه كضحك بوحدها مهبطة وجهها فصمت وهوا معصب كيهضر 

- كتمشي للدار عاد كيتحلو فيك تقابي وتبداي تهضري.. قوليعا ليا فوجهي خفتي مهرس لمك الضلوع ابب

غمضات عينيها كضحك وقالت باستفزاز 

- يديك سابقينك وفمك خااانز قرقاارة واحل فيها الشعر يخ 

مهدي : قرارة هي اللي غنحل ليك وغنشي لمك فيها الشعر والقشور .. علاش ابنت **** مكتحليش فمك قدامي ؟ حليه لا كنتي مرا 

عوجات راسها ببرودة وقالت: بنت انا ... نتا اللي مكتفرقش بين بيناتهم 

مهدي: كنعرف نفرق انا غير الرجلين 

جميلة: واسير سيير انا هازة ليك هبالك حساب راسك برنس ! حلوها ليه ل*** ابرنس زمانك 

مهدي: باااقي الحال هبطي هضري فوجهي ... نزلي لديلمك قولي ليا هاد الهضرة فكمراتي مال مك مخبية ولا ليخون .! وازييد مع هاد ال*** هادي دايرين معاها زوين بدات دود .. ولاكن ملي ما **** راه ماقصيت تا وزة 

هبطات راسها كضحك قاطعة الحس وتكات على جنبها وقالت باستفزاز 

- شوف انا نجيك من اللخر ... انا غنمشي للسويد وغنخلي ليك الزمر بالليل فيه اصلا مابقا ليا ميدار فهاد البلاد ... نمشي نشوف شي واحد شي زعر يتهلا فيا ماشي ينفضني بحال السداري ويبدا عليا بالمعيور 

ؤد كيزفر: نتي اللي كتخليني نفضك ونسبك بفعايلك مالك ماتشدي معايا الطريق ... مال مك ماديري معايا عقلك ولا باغا تمشي تهزي **** فالسويد 

ردت باستفزاز : لهلا يحيييك ويطول الزمان عليك ... وا بعدا حتى الى هزيتها جات معايا تهزها وحدة حسن مني 

مهدي: اه وديري تا نتي شي سيت بداي تصوري فيه غتولي دخلي اللعاقة غيولي ليك داك **** بحال الكيشي اللي جا يدوز يخشي لفلوس غديري لباس واجي حلي حدايا شي كباري تا نتي يابنت *** هادشي اللي باغا ديري .. 

ردت باستفزاز : لااالا انا طموحي كبيير انا باغا نحل اوتيل ونديرة للدعارة الراقية 

مهدي: وقفي فالباب جربي *** عاد دخليهم باش تبقا عندك المصداقية يا بنت الق*** فلوتيل ديالك ويبقا نيفو طالع ضاروري تعرفي كليانك ولا غيضيع ليك اروجي الله ينعل ز**** شتي نتي طبتي .. طبتي وباغا اللي *** وانا هوا اللي **** وغن***** لديمامك **** نردو ليك بحال الغربال ابنت ***** 

دورات وجهها للجنب كتموت بالضحك ويدها على تيليفون وهوا كيسب غيسخف .. دمعو عينيها بالضحك ورجعات قالت باعجرفة

- لااالا غنحطك نتا الفباب وغننن (غلباتها الضحكة ) وغنديرك ماكينة للتجاريب ههههههه

مهدي: ماكينة غديرني .. ماكينو غطحن مك غ****** نتي ولي خدامين معاك انا غنري لمك المكينة ابنت ***** تحل ليك الفم .. ضحكي ضحكي وصبري (كينهج ) صبري عليا تا نشدك ... فمك ***** سمعتي 

تقلبات كضحك وهوا غيموت بالفقصة وقالت 

- غتلقاني فالسويد 

مهدي: غنتبع مك تا للسودان وغنسود ليك ***** الى مسودتو ليك اجميلة ل**** راني ولد ***** 

تقادا ليها الجهد تقلبات كضحك وتركل عليه وهوا غيسخف وتنهدات كتسوط وقالت 

- صافي دابا بون وي درت ليك خاطرك يالاه تلاح 

رد : نتوما الق***** الى ما )**** مكتبردوش ونتي مغتبردي ل*** حتى نفرعك .. 

جميلة : وصافي باي

رد : اجي ديلمك اااجي .. اجي ولا غنطلع ليك


هزات تيليفون كضحك وقالت بدلع : اممم هانا شنو ... طلقني فيا النعاس 

رد كيسوط : غتمشي بصح للسويد ؟

ردت : منعرف كنفكر فيها

تنهد كيرطب وقال : وزعما هانيا تمشي وسخيتي بيا لديلمك درتيني نزوة 

جميلة: هههه راك نتا اللي دايرين نزوة .. اللهم نخليك قبل متخليني 

مهدي: شكون قالك انا غنخليك انا مباغيش نخليك 

ردات كتلعب فشعرها: وشنو بالسلامة باغي مني ؟ 

رد : باغي نتزوج بيك 

ردت كضحك ودارت رجل على رجل ناعسة على ضهرها : تزوج بيا ! تيقتك 

مهدي: باغا الزواج؟؟؟ نتزوج بيك ونبقاو بجوج ... السويد ولا المرض 

خرجات لسانها مبردة اعصابها وقالت: انا مغنتزوجش حتى نحب 

رد بنبرة ضعيفة : هي مكتبغينيش دابا ؟ 

جميلة: اييوا نتا مخليتنيش نبغييك ... واش الغصا اللي عطيتني ليوم يدي زراقت وباغيني نبغيك 

رد بهدوء : ونتي ماخلتيني كنجري فالنبوري بحال الحمق! ومشيتي مرضتيني كاااع 

تقلبات على كرشها كتلوى: نتا اللي سمحتي فيا 

مهدي: سمحت فيك ياك ... انا ماعرفتش ديك بنت ل**** تاهي منين جات تشطح ولا ت **ك انا مال جد مي اصلا ... نبقا مع حبي ومنطلقش منها 

هزات كتفها كضحك بوحدها وتعصر فشنايفها وقالت

- اممم ... حبك وكتعطيه العصا ... وباغيني نبغيك 

مهدي: وغلاش مكتبغينيش؟ ناقصاني شي حاجة ؟ فيا شي عيب ؟؟؟ شنو الي فيا معاجبكش نبدلو يالاه 

جميلة: ماعندي منبدل فك انا مقادراش نبغيك ماعرفتش علاش خاطري كيهرب ليا منك ومندير ليك الخاطر بزز مني غير حيت نتا كتبغيني 

رد بحرقة: وانا كنموت عليك اجميلة واحق الرب تا حشومة عليك والله متلقاي شي واحد يبغينك بحالي ... علاش مكتحملينيش ؟ علاش؟ شنو فيا معاجبكش؟

بعدات التيليفون شوية عاضة شنايفها كضحك وتنفسات بعمق ورداتو سمعات 

- هاا؟ الو؟ 

حميلة: مالقيت باش نجاوبك ... راه القلب ومايريد امهدي ماشي لخاطري 

رد بحرق : وانا لخاطري ؟ واش انا لخاطري ؟ واش فيا شي عيوب ؟ كفاش كنبان ليك 

ردت هازة كتفها كتعوج : عااادي ... نتا اللي ماعرفتش علاش بغيتني انا بالضبط ؟ شنو اللي بغيتي فيا ! ..

رد : انا كنموتتت عليك .. كنحبك والله تا كنحبك ديال بصح .. (كينهج) منقدرش نتخيل راسي بلا بيك اجميلة ... راه عطا الله الق*** عطا الله البنات والطروفة مزلاين فالبار .. انا باغيك نتي والى متقتيش بيا نتزوج بيك باش تيقي 

بقات ساكتة كتمص شنايفها وقالت : انا مابغاش نتزوج؟ بغيت نبقا حرة ديال راسي 

رد بغضب : باغا ت***بي .... نتي باااغا ت**** انا عارفك اشنو باغا تحلو لمك لعينين ....

بعدات تيليفون سادة واحد العين خلاتو حتى فش قلبو معيور ورجعات قالت بنبرة هادئة

- كضلمنييي .. واللاهيلا كضلمني بلعكس انا عثدني الزواج ( خرجات لسانها وحولات عينيها كضحك ) 

رد كيتنهد : انا كاع مغنعقدك غنتزوج بيك واللي بغيتيها نجيبها ليك .. وفين ما بغيتي تمشي نديك .. وغنتهلا فيك دابا تشوفي ...شنو قلتي

ردت : لا ماشي دابا الزواج خصو الق تخميمة وتخميمة ومابغيتش دابا نتزوج 

مهدي: وشنو باغا تمشي للسويد ؟ 

جميلة: يمكن 

مهدي: دابا شنو غتخليني هنا بحال المرة اللي فاتت وتمشي ؟ علاااااش (غوت) علاااااش انا شنو درت ليك واش دنبي حيت بغيييتك هااااا؟ واش بغيتك جااااوبي 

بعدات تيلي وصوتو بح بدات ضحك ورجعات قالت كتهز كتفها مترددة فالهضرة وشادة الضحكة بسنانها 

- صافييي بغيتي نبقا ... نن .. نبقا ... ولاكن نتا كضربني 

رد كينهج : مغنبقاش نضربك 

جميلة : وعد 

مهدي: عود .. وعد 

بعدا فمها كضحك حاطة تيلي حداها ويدها على فمها قاطعة لحس ورجعات قرباتو لودنها وقالت

- واخليني نبغيك حتى انا بخاطري... ماشي بزز 

رد : دابا مكتبغينيش؟ حتى شوية ؟

قلبات عينيها سخفانة بالهضرة وقالت : مانعرف تا نشوف مع الوقت 

مهدي: شحال كاع ديال الوقت ؟

جميلة: مانعرف داكشي مع الوقت


حقا انني اعيش في زمن اسود ...
الكلمة الطيبة لا تجد من يسمعها...
الجلعة الصافية تفضح الخيانة...
واللذي مازال يضحك ، لم يسمع بعد بالنبأ الرهيب ..
ايو زمن هاذا ؟ اصبح فيه الاقارب عقارب.

لايام كدور والوقت كيمشي والعمر كيزيد القدام ماشي كيرجع اللور .. ولاكن كلشي كيبقا غير هضرة شكون حاس بالهضرة ولا كيشوف راسو غدا ولا بعد غدا فالقبر مغطيه التراب وطرف توب ابيض . كل واحد كيجري ورا الدنيا وكل واحد وشنو حاط قدامو باغي يوصل ليه ... اللي عندو هدف كيجري وراه واللي هدفه اهداف الناس فقط واش تحققو ولا تاهما باقيين كيجريو ... اهدافهم من اهدافه اما جميلة هدفها الوحيد ترد رزقها اللي مشا ليها واللي باقا الحرقة ديالها وديال عائلتها كطلع وتهبط فيها ..

فاجأها التيليفون وهي ناعسة ففراشها بوحدها بحال ديما .. جراتو بيد تقيلة تشوف شكون لاكن لقات الواتساب اللي كيصوني .. حطات تيليفون فودنها وردت 

' الو ..

صوت نسائي : بدلتي النمرة ديالك اجميلة؟

ردت جميلة بصوت فرحان وناضت جلسات : خالتي رحمااا! لباس عليك ؟ كي دايرة ؟

رحمة : الحمد لله الحبيبة النمرة ديالك مابقاس خدامة ؟

ردت: لا بدلتها بقات عندي غير ديال واتساب

رحمة : وعلاش ماقلتيهاش لينا ... ماعلينا انا وخالتك الغالية وباك محماد جينا للرباط وراحنا عند دار العودي .. هاد العشية غندوزو عندك للدار باش نديوك معانا عند مك نديرو الصلح فهاد رمضان ... 

هبطات جميلة راسها فصمت ساكتة وكملات الخالة قاىلة

- يالاه فاش نعطي ليك هبطي عندنا .. راه ماقلنا لمك والو خليها حتى ندخلو عليها 

جميلة: وتبغي تصالح معايا زعما؟

الخالة : هاد المحاكم الاي وصلتو ليهم مايبغيهم لاربي لا عبدو ... 

ردت جميلة كتبكي: شفتيها بغات دخلني للحبس ... ماعرفتش انا شنو درت ليها واخا نكون عدوتها ماتبغيش ليا ديك البلاصة

الخالة : الطططططمع ابنتي الطمع .. الطمع طاعووووون ونتي درتيها راسك من الاول قبطي رزق عندك ... المهم راه غندوزو عليك قبل لفطور وهبطي راه واخا هاكاك كتبقا ميمتك واللحم الى خناز يهزوه ماليه 

ردت حميلة بحرقة: انا ماخنازييتش ... ماخنازيتش باش ترميني هي باغا تسيفطني للخنز بعيني محلولين ... وانا اصلا باغا نتصالح شكون قال ليكم مابغاش واش حساب ليكم راضية بهاد العيشة هادي ! بخال اليتيمة حتى مناكل مابقيتش نلقاه ... ضحكو عليا وخداو ليا رزقي كولو بالنفاق والضحك .. (شافت فالسما كتنهد ) حسبي الله ونعم الوكيل فالضالم وفهاد العواشر 

تنهدات الخالة: لاحولة ولا قوة الا بالله ... ايوا يدير الله لخير ابنتي سيري يالاه هاحنا غندوزو عليك 

مسحات جميلة خدها وقالت: نشاء الله 

قطعات وناضت متحمسة فرحانة .. واخا حشمانة تمشي عندهم وتسامح لاكن كانت محتاجة لهاد الخطوة .. على الاقل تهدا حرب المحاكم ضدهم وتقابلهم حبيا احسن ماتقابلهم قدام القاضي وكأنها غريبة عليهم


وجدات راسها قدام المرايا لبسات جلابتها الحمرا المايلة للبرتقالي اللي خرجات بيها مع مهدي ولبسات معاها بليغة ديالها عالية بالشوشة ..هزات عطر راشات منو ورا ودنيها بسعادة وحماس كضحك قدام المرايا وخلات وجهها طبيعي وجمعات اغراضها فصاكها .. جاها اتصال من سلوى وفتحات الخط ردات فرحانة

- الو سلوى .. 

سلوى: صافي مابقيتيش كتعيطي .. من نهار الشيشة المنحوسة مابقيتي سولتي

جميلة: لاالا والله احبيبة كل مرة كنبغي نعيط كتخرج ليا شي حاجة من الجنب .. راكي عارفة المشاكل اللي عندي وفاش غارفة 

سلوى: الله يسهل الامور.. اجي تفطري معانا ليوم غير بوحدنا قنطنا 

جميلة : ليوم غنمشي لدارنا خلي حتى لغدا.

سلوى: ياك مكتهضريش معاهم!

جميلة : لا راه غتاصالحو جايا العاىلة تصلخ بيناتنا وغنمشيو عندهم .. انا غنرجع نعيط ليك اجي عندي للدار صافي؟

سلوى: صافي واخا الله يدير ليكم شي تاويل ديال الخير 

جميلة:اميييييين ياربي دعي دعي بحال والو ماما ترطاب ترجع ليا رزقي ... عرفتي الى رجعاتو ليا ... نااري الروح غترجع فيا عاد غنعيش

سلوى: واختي ماكرهتش ليك والله ... الله يرطب قلبها والله يهديها ترد ليك ديالك ياربي

جميلة : بعمق) امييييين ياربي 

قطعات معاها وردت على اتصال العاىلة اللي وصلو .. خرجات مزروبة من الباب كتجري فرحانة وسداتها بالساروت وراها ونزلات لتحت لقات كاط كاط كحلة كبيرة فالباب .. حلات الباب فرحانة لقدام سلمات على مرى كبيرة باين عليها الوقار والخير لابسة جلابة وزيف على راسها وراجلها حداها كبير فالسن باين عليه الوقار حتى هوا لابس جلابة بيضاء ولحيتو طويلة بيضاء جبهتو كحلة بالصلاة .. مدات ليه يدها باحترام سلمات وحلات الباب لور لخوالاتها جوج بالملاحف ..بويض فالبشرة بحال الحليب وهازين خيرات الله ..يديهم مطبزين تبارك الله كيشعلو والوجه صافي بالبيوضة بجنبهم راجل فالطرف جالس كبير فااسن لابس الفوقية شعرو كحل ممشوط .. طلعات حداهم اللور تاهي زاحماتهم كتعنق وتبوس فيهم وهما فرحانين بيها .. مدات يدها للراجل الي فالطرف باست ليه يدو حتى هوا وهوا كيرضي عليها ويسولوها على الاحوال وزادت السيارة فطريق عين عودة حتى وقفات قدام ديور جداد فالبني وحي جديد كل دار فيها ثلات طبقات وكراجات لتحت .. مصبوغة مقادة بالبلكونات ديال الزاج فالواجهة .. وكانت فباب الدار جوج سيارات .. سيارتها اللي قالو عليها دارت حادث وسيارة اخرى رمادية كاط كاط باقا جديدة "www" .. نزلات عادقة حجبانها والدموع محجرين فعينيها شافت فالطموبيل ديالها بنضرات حسرة ويأس وقالت 

- ها الطموبيل اللي قالو دارت كسيدة... عليها حالة الكسيدة؟

طبطب عليها الراجل لكبير على كتفها وكان كبير العاىلة فمتابثة الاب و اللي هو عم لامها وخوالاتها وخوالها اللي كيحتارموه بشدة ويقدروه هوا والزوجة ديالو . هزات عينيها شادة شافاها السفلية بحرقة شافت فالضار بتمعن كتحسر ويدها على على صدرها وقالت مغمضة عينيها بحرقة 

اااححححح على داري ... اااح اربي


وقفو فالباب ديال الدار الابيض وصونا كبير العاىفة فالانتيرفون وردت عليه صوت حاد متعجرف

- شكووون؟؟

تنفسات جميلة قلبات عينيها عرفاتها ختها لبنى 

رد الراجل: حلي باك محماد 

لبنى : با محماد!!! 

قطعات ومع القطعة هزات جميلة راسها كتشوف فالدار وتنهد وهي تبان ليها ايمان طلات بواحد البيجامة حمرا نص كوم وشعرها مدلي مشعكك .. رجعات جميلة شافت لتحت بسرعة عاقدة حجبانها في حين تحل الباب ووقفات لبنى بابتسامة وسعادة .. كانت طويلة وعامرة حتى هي لاكن سمرا شوية فالبشرة وحجبانها جناح عاليين ووجهها معضم شوية فيها الخدود واقفين والشعر قصير خفيف ..لابسة سروال كحل ييجامة وتيشورط كترحب وتعنق فيهم وجملة عينيها فالدار وهي داخلة ... اشمنك يا دخلة . يارخام فالارض وترية فالسقف والدروج بالرخام ابيض مقابيلين معاها بحال الفيلا ... الطابلوات فالحيط شهوة منهم والصباغة مرملة كتماوج فالكريمة .. صالحاها بالشهوة وحاطة فيها اللي وراها واللي قدامها .. زادت كيتها وهي داخلة كتشوف وحابسة الدمعة فالعين .. اما الشوفة ماطولاتهاش فلبنى بالمرة .. طالعة بين عائلتها مع الدروج العراض ويدها على اينوكس فالجناب كتشوف فيه وتحرق .. ايييه على الدار مي دايرة ومخلياها للغوال عايشين فيها ماشي ديالهم وميستاحقوهاش وبلاصتهم ماشي فيها . 

وصلو للطبقة الاولى واشمن يا تيساع ... اشمنك يا دار ويا تواسع ويا حيوط بالديكورات ... كتشوف دوقها وشهواتها مبرعين فيهم ومتيسعين .. الصالونات واحد ضارب فواحد مغرش بالشهوة والخاطر ومحطوطة فيهم فلوس صحيحة .. هادا فالخضر ملكي بالطرز والكويطات وهادا فالاحمر خليجي بكواناتو والتريات مدليين نحتسيين والرخام فالارض كيضوي والطبلة وسط الدار مصرية طويلة بطناش لكرسي ملكية والديكورات بالنعاس ... هادا نمر نحاسي جالس فالركنة قدو قداش وهادي طبلة نحاسية وطابلوات كلاسيكية معلقيين فالحيوط ... محل ديال الاثات وصافي .. اما المرايات مراية تحنت مرايا والثلفازة شادة الحيط كامل شاعلة .. بقات كتشوف فيها ساهية خاوية مافيها حد بحال الضيفة وجلسات فالصالون الاخضر مع العائلة مقابلة مع الباب والدروج اللي كيطلعو للطبقة الثانية .. سمعات شي حد هابط وهزات عينيها بحرقة كانت مها اللي هابطة كتسرفق الارض بالشبشب وتلوح فملحفة ورا كتفها يديها بحال العادة مكيتفرقوش مع الحنى والنقش رغم الضروف. دخلات كتمايل وتشالي بيدها وتنهد عارفاهم علاش جايين .. بدات تسلم من طرف ونقزات جميلة كأنها مجالساش معاهم وسلمات على خواتاتها وجلسات فالطرف جامعة يديها عندها ولبنى غادية جايا فقلب الدار وكتشوف بنص عين فجميلة وتحرك الكراسا وتنفض الديكور مع الطبلة بعصبية بلعاني حتى هضرات الام وقالت 

- حطي مني يدك داكشي سيري عيطي لاحمد يهبط 

لبنى: ناااعس

ردت الخالة رحمة كتنهد بميوعة : عيطي ليه 

انا جميلة خانوها الدموع ودورات وجهها كتبكي فالجنب من اللحضة اللي دازتها مها بحال الى مكايناش 

تكلم كبير العاىلة كيشير لجميلة ومخاطب امها 

- ماتسلميش على جميلة ؟ ماشي بنتك 

دورات الام راسها للجهة الاخرى كتشتت النضر وقالت كتنهد

- ها لبنى ها ايمان لفوق ... من غير هادو ماعندي بنات


رد كبير العاىلة بصرامة : مااعندك بنات! ... الدم رجع ما ؟؟... علاش نتي ولدتي غير لبنى وايمان ؟ 

ردت الخالة رحمة : جميلة ماحملتي بيها ماتوجعتي بيها !.... امم؟ رمضان هادا وماسولتي فيها ؟ ... الولد مكترميهش مو حسبلاك البنت ؟ .

قال الخال فالطرف بجدية مهبط راسو جيهتها كيشوف فيها : سمع الصالحة ... هادي بنتك ... دمك لحمك ... نهار تموت غتبكي عليك ونهار تموت هي غتبكي عليها ... بكيو دابا ماحدكم فلحياة ونعلو الشيطان لعواشر هادي وحضني بنتك عندك 

شافت فيهم الصالحة وشارت بيدها للدار

- هاهيا تجلس واش انا جريت عليها ؟ هي بغات تعزل بوحدها واش قلت ليها انا شي حاجة؟

رد الكبير : والمحاكم .. والدعوة اللي رافعة عليها باغا تخشيها فالحبس ؟ تتهناي وبنتك كتبات فلحبس؟

جمعات يديها كتسوط وقالت : هي اللي هجمات عليا .. ضرباتني وتعدات عليا 

دخل احمد حاني راسو بجدية وجهه مكمش بالنعاس لابس واحد الشورط واسع فيه الجياب مربعين فالجناب وصندالة ديال الدار فازكة وتيشورط واسعة سلم حتى هوا ومشافش فجميلة وجلس داير يدو على ركبتو كيشطح فيها ويشوف فالارض 

رحمة : نعلي شيطان ... نعلي شيطان حضني بنتك عندك .. دارت فيك تيقة وعطاتك رزقها ..

ردت الصالحة بحدة كضرب فصدرها : لو كان كانت بنتي متجيسي تهضر فينا الناس ... وتشفي فينا الناس... شنو كان خاصها ؟ شنو كان ناقصها ؟ مابغاتش تقول لينا وخبات علينا حتى طلقات عاد كتقولها لينا .. علاش طلق علاش

رد الكبير بحدة: علاش البنت تبقا معاه بزز .. صافي الله يجعل فيه البركة مابغاتوش ... براكة شبابها اللي ضاع ماشافتوش ... يكفي اللي دارت منو من مال ورزق كما كلا ليها شبابها ... جات نوبتها تمتع فحياتها وتدير ولادها وتزوج باللي بغات هي ... نهار الاول انا ماكنتش باغي ليك داكشي اللي درتي ... مالك ماكنتي تعطيه ايمان ولا لبنى .. ولا حيت الصغيرة مكتعرفش رميتيها باش ديري فها اللي بغيتي وتركب عليها ؟ 

رد احمد بحدة : مابقاااتش البنت اللي كتعرف ابا محماد راه (شار لجميلة بحجبانو) هادي توريك لعجب ... مطلقة وجايا باش دير صاحب... وراه دارتو مالها .. دارت لي يحامي عليها راك مزال كتشوف صغيرة ابا محمد .

رد الخال بصرامة وشار بيدو ليه : بسيف ما تقلب على اللي يحميها وتمشي للبراني حيت خااها اللي خصو يجمعها ويردها للطريق وللدار ماكاينش ... راااه كيقلب فالارض فالفيرمة ويدير فالعش وراميها بيدو للدياب


دور احمد وجهه وقال : كبرات مابقا منحكم فيها 

رد الكبير بحدة وصوت قوي : حيت مالقاتكش راجل... الرجال كيحكمو خوتهم واخا يكونو كبااار منهم ... (شار بصبعو) لالالا ماتلومش جميلة ... انا كنعرفها ... وتربيتنا ... النية ... والقلب الكبير ... الى كانت شي حاجة دابا راه بالسبب ديالكم اللي سمحتو فيها .

ربعات الصالحة يديها وشافت قدامها : انا مكنجريش عليها ... مسااامحها على داكشي اللي دارت فيا وها الدار تعيش بيناتنا ماجرا عليها حتى واحد 

قالت الخالة الثانية : واللي درتي فيها نتي ساهل ؟ علاش تدعي البنت صغيرة واخا ضربك كاع ! علاش تدعيها ضيعي ليها سبابها فلحباسات ؟ .. كنتي تشديها تربيها تعلميها تسلخيييها ...

قاطعها الخال بصرامة كيحرك صبعو : لالالا ماضربش ... انا عااارف جميلة ماضربش ... تااااكل الدق ولاكن ماتمدش يديها على مها .. الضرب مكااانيش (شاف فالصالحة ) سمع الصالحة ... الى وقفتيها فالمحكمة ولا وصلتيها لداك لمقام راه ماتلوم غير راسك ... 

رد الكبير بحدة : راه كاااملين غنشهدو ... عنداك يحساب ليك غادي نتفرجو فيها داخلة للحبس ونسكتو ... كاملين غنشهدو فيييك ... وها حنا علمناك ... الى بغيتي الصدع غادي نديروه ... ولاكن حنا دابا مابغينا صدع .. جينا الى درتي بوجههنا .. تصالحي مع بنتك وبعدو علينا من هاد المحاكم ... 

رد احمد : هي غتشهدو الزور ابا محماد؟؟

رد الخال كيشوف فيع بصرامة : غنشهدو بالخق وباللي كنشوفو وكنعرفو ... جميلة ترابي يدينا ماتهزش يدها على ماها وبلا منشوفو... راه كنعرفو بنتنا ... وعارفين اللي كيوقع . 

تنهدات الخالة رحمة ويدها على رجل جميلة اللي غير ساكتة مهبطة راسها فحالة يرثى لها من البكاء كتسمع وقاطعة الحس

- الصالحة ... نعلي الشيطان ... نعلي الشيطان تنازلي على الدعوة .. لعواشر هادي


بقات الصالحة ساكتة كتشوف قدامها .. قنعوها تنازل على الدعوة ديال الضرب اللي رافعة وقبلات قاىلة 

- غادي نتنازل ليها على الدعوة ... ولاكن تكتب ليا هاد الدار فسميتي 

حلات جميلة عينيها مصدومة والكل مصدوم وقال الكبير

- حنا طامعين ترجعي للبنت رزقها بلا محاكم ... نتي طامعة تكتب ليك ..

رد الخال بجنون : لحماااق هادا ؟؟؟ (خرج عينيه) شوفي ... الوكالة غادي تلغا ... الى متلغات فهاد الجلسة غتلغا فالجلسة اللي وراها 

ردت الصالحة : كانت صغيرة مكانتش تعرف ومكانش عندها الحق دير حتى حاجة وتوكلت انا وكيل امرها 

الكبير: كااانت صغيرة ... كانت وتوكلتي نتي فالفيرمة ...

قاطعاتهم جميلة مصدومة كتشوف فيهم 

- الفيرمة مشاات؟ هي الفيرمة مشات

ضار الخال شاف فيها : الفيرمة راه تعطاتك نتي صغيرة قاصر مك اللي توكلات بلاصتك وغادي ترجعيها غير هوا شوية دالوقت وداكشي معقد ... ولاكن الطموبيل والدار غيرجعو من الجلسة للولة وهاهيا دابا بغات الدار عارفاها غادي ترجع ليك 

جميلة : اويلي والفيرمة !!!

هزات الصالحة راسها جمعات النفس وقالت كتشير بيدها 

- الفيرمة .... الفيرمة كتبتها لحمد بيع وشرا

جميلة : وقفات) هاااا؟ كتبتيها ليه

ضربات رحمة فخادها وشافت فختها الاخرى

وقف الكبير مصدوم والخال حتى هوا شي كيشوف فشي وقال 

- كيفاش بيع وشرا ؟؟؟ اش كتقولي 

حمد دار يدو جهة وجهه ودورو لاجهة الاخرى اما الصالحة ربعات يديها مكمشة فمها ساكتة وجميلة كترعد بالخلعة غتسطى وطاحت وسط منهم سخفانة وكترعد يديها كيرجفو ورجليها كيرجفو وخوالاتها ناضو وقفو مخلوعين كيهزوها .. هزها خالها بسرعة للصالون لاخر كيخويو عليها الماء .. هبطات ايمان كتجري ولبنى كيشوفو شنو واقع .. الاذان كيأذن والقيامة ناضت فالدار ... جهة كتفيق جميلة ويشمو ليها الريحة فطروها قبل الاذان وجهة فيها االصالحة جالسة كتشوف داكشي غير تبوحيط واحمد مقابل معاها مقادرش يهز الصوت فصوت با محماد اللي غيخرج ليه العقل كيعاتب ويغوت فقلب الصالون والصالحة ساكتة مكتشوفش كاع جهتو ولا قادرة تجاوبو 

فزكات جميلة بالماء وحلو ليها عينيها لقاوهم مقلوبين ... انينها كيخرج مرعود بحال جالسة فالفريكو وشفايفها مباعدين ضاربة السنة فالسنة بحال راس الحولي المشوط ويديها مزيرين بونية كتطلق حتى كتطلق وترجع تكمش مرة اخرى خلعات خوالاتها .. شي باغي يفيك ليها يديها وشي كيرفض يفكو ليها يديها ..كثرة الغوات والقيل والقال والروينة نايضة

يتبع...

التنقل بين الأجزاء

صفحة القصة
سيتم تشغيل صندوق التعليقات بعد لحظات
معظم التعليقات تم إخفاءها بواسطة الفيسبوك، نحاول بكل الوسائل المتاحة إستعادتها في أقرب وقت ممكن.