الحب أقوى من أي إتفاق الجزء السابع

واقفة في الكوزينة ل قليل فين كدخل ليها ولكن دابا الوضع مختلف ...كيخصها توجد لفطور ليها وليه ...خرج زيدان جاب شنو غيخصهم فهاد ليام لغيجلسوها في افراان ورجع مد ليها تقدية مع بوسة على الفم وخرج على برا يكمي وهي عرات على كتافها كتحاول توجد فطور زوين ويعمر لعين 

صلقات لبيض ، قطعات الحبن وحطات حتى لفرماج ، سخنات الخبز ، زيتون ،بتيبان ،مسمن ....وجدات طبلة مغربية متولة وعلى حقها وطريقها في قلب الصالون ، لاحت زيتونة في فمها وخرجات كطل عليه فينو ، حلات الباب وضرب فيها البرد بورشها بان ليها واقف بعيد مشات حتال عندو كتجري

مريام شداتو من ذراعو وحطات راسها مكمشة عليه وقالت ~ لبرد عليك هنا علاش خرجتي ؟؟

زيدان عنقها بيديه بعدما لاح طفية وعفط عليها ~. معليش 

مريام بابتساامة ~. يالله زيد نفطرو وجدت فطور ...باست صبعانها متحمسة وضحكات تا تسدو عينيها وقالت ...كيشهي

زيدان تم غادي وجارها حداه خاشيها فيه كي بنتو ~. هاحنا غنشووفو هاد كيشهي انا راه عندي نيشان زين زين خايب خايب

جلسو في صالون بلدي قدام الطبلة شافت فيه وسولات ~. اتاي ولا قهوى 

زيدان راخي يدو على الوسادة ~. قهيوة كحلةة 

مريام هزات طيرموس ~. هي اللولة ..كبات ليه وحلات بمعلقة السكر ومدات ليه طاس

اما هي كبات ليها اتاي باشرو لفطور بحال شي زوج مزوجين وكيتعرفو على بعضياتهم كانت حاضياه كيف كياكل ، بان ليها معندوش مع الخبز بزاف والحاجة الحلوة كان غير كينقب وصافي عكس هو لي مهتمش بهاد تفاصيل كيشوف غا فكاسو ويخمم 

مريام كتاكل وتدوي ~. شفتك گعما كتفطر ، ياكما معجبكش !!

زيدان حرك راسو بنفي وشافيها ~. لا زوين ، غير هادي هي ماكلتي معنظيش مع تغلاق 

مريام لاحت دغمة في فمها وقالت ~. اممم مزيان كحكحكح 

الهضرة والماكلة مكيتلاقاوش وحلات ليها بدات تكحب عينيها دنعو ووجها حمار قرب لعندها بزربة ومد ليها كاس الما لي كان فوق طبلة ~. هاكي شربي دغيا 

خداتو من عندو كتشرب وليديه كدوز على ظهرها طلوع ونزول

فاتها الحال من جهة الكحبو ومن جهتو لا ، بورشها بالحركة لي كيدير حتى قفزت كتبعد خشى يدو تحت بيجامة وحطها على لحمها الرطب وهي تشوفيه وفمها محلول وقلبها كيرفرف ~ زيداان

زيدان مرفوع مكيانش هنا كان حاضي فمها عينيها شعرها كلشي كان فيها صغير ومتول ......نعل شيطاان ورجع اللور كيمسح فراسوو 

زيدان ساط بصوت مسموع ~. انا طاالع لبيت نحيد شي خدمة عليا من لبيسي الا بغيتي شي حاجة عيطي ليا 

مريام وقفات معاه حشمانة ووجها مزنگ ~. شنو ندير لغداا !!

زيدان شاف في ساعتو بان ليه علاين تلاتة ~ انا تال لعشى وناكل ونتي طيبي ليك لي عجبك واخا 

حركات ليه راسها ومشى اما هي رجعات جلساات في بلاصتها كتفكر كيفاش كانت قريبة ليه وكتفرنس بلاما تحس

وصلات لعشية، ملي طلع لبيتو متلاش نزل منو مرة مرة كانت كتطلع ليه قهيوة وتنزل ....شافت في لعشيوة لي وجدات وبدات كتضحك دارت اخر إطلالة على داكشي لي محطوط خدات غطا لقاتو تما غطات بيه طابلة وطلعات لبيتها تشوف شنو دير مشات لصاك ديالها كتشوف شنو فيه بقات تقلب وتشقلب حتى طاحت يدها على كسيوة حريرية فالبينگ تارتها حطاتها على جنب مشات لحمام جمعات شعرها طرفات حالتها بزىبة خايفة يخرج هو الاول وميلقاهاش، خرجات نشفات راسها ودهنات بكريماتها المفضلين، رشات سبراي لبسات دوبياس فلبيج لبسات كسوتها جات مع جسمها نيشان منحوث عجبها راسها كتشوف فيه وفصيگانها لبيضين والعامرين مشات حدا لمرايا وكيف عادتها تموت على لمكياج ومتخليش شهوتها فيه قادات وجها مع عكر فلون لكسوة اما شعرها هزاتو لفوق وهاعيا سالات ..شافت فراسها وضحكة ممفرقاش وجها فرحانة بوجودها مع الراجل لي خطف قلبها وعقلها بلا موجب شرع ....لاحت لراسها بوسة فلهواء ومشات تشوف حبيبها فين وصل نزلات ببضع ثوانييي ووقفات على طبلة بعد ملاحت سبنية كتشوف شنو مزال ناقصهم ممتيقاش هي موجدة داكشي كامل بالحق فوجهو كلشي يهون ويجوز .........

نازل من دروج كيف عادتو راسو لفوق وعينيه تابتين بشوية عليه ....قشعها واقفة وعاطياه بضهر وقف فأخر درجة كيحك في ذقنو ويدقق فادق تفاصيلها كيفاش واقفة ولكسوة لي نازلة على لحمها ومخلياها كتبان انثى كاملة مكمولة مناقصة تا حاجة حس بلحمو تنمل عليه وهو كيشوف داك لخير قدامو ،نزل بخطى تابتة وعينيه عليها متربصها بحال الصقر محدو كيقرب منها وصوت نفسو كيتسمع لعندها كثر وكثر .....

طلعات معاها تبوريشة من رجليها و ميلات عنقها على جنب معرفاتش شنو وقع لي عارفاه دبا هو جسمو لصق عليها ،دور يدو على خصرها وقربها منو ظهرها على كرشو غمضات عينيها صدرها كيطلع وينزل بشهوة وكمل عليها ملي حط فمو على عنقها محيدوش كانو واقفين وتابتين فنفس لبلاصة هي مغمضة عينيها مرفووعة لفوق السحاب وهو غريزتوو فاقت على يدييهاا 

داز على عنقها كيقبل فيه بخفة خلا رجليها خواو.. كتحس بنفسها تقطعات و ودنيها كيصوطو بالحر، كيدوز فمو بتقالة متعمد يخدرها ، دورها بشوية لعندو عانقو عينيه عينيها وجهها ، مكانت عارفة لا تقدم ولا توخر لحضات وهو كيشوف فيها عينيه تلفو معاها ومزگاوش فقنت واحد باغي يحقق في وجهها ولا يرسخ ملامحها فبالو مهم مباغي ينسى حتى تفصيلة منها ....تبت عينيه على شفايفها لي تلاقاو بشفايفو وباشر كيبوس فيها بوسات متابعة ،حلات فمها وغطس فيه كيلتاهم رحيق عسلها من دوك شهدات لي عندها واخا كانت جاهلة في ممارسة الحب بالحق بجرأة منها بغات تجاريه احساسها وشهوتها وغريزتها تحركات فداك اللحضة وهزات يدها محاوطاها على عنقو كتبوس فيه ،عطاتو الضوء وزعماتو يزيد يتمادى وياكل شفايفهاا وهي متبعاه ، قبلات عنيفة كانو كيقبل بشراهة مفصل لقبلة حتى حس بيها خصها هي وياه شوية د لهوا ، بعد شفايفو من ديالها وتنفس مطول ورجع نزل لودنيها هاد المرة كيلتاهم فيهم حتى شهقت وتبورشات بزاايد ، تحنى هزها بخفة بين يديه وتم طالع فدروج ويبوس حتى وصل دفع لباب برجليه وحطها على السرير هز ريموط طلع بيه الشرجم، ضرب فيه وفيها ضوء القمر وفنفس لوقت ضواو ديال الزنقة لي خلاوها تبات تحت منو مزنگة وعاضا على شفايفها بغنج .....تشهاها بجهد ومن غير كيفكر زوج دلمرات نزل يديه قطع لكسوة ،حلاتها عينيها على وسعهم شافت فيه بنضرة قدر يصنفها انها كتعطيه كامل الصلاحية 

حبها المسطي ليه خلاها بلا عقل وطيحها معاه في الحرام كثر من مرة ، خلاها تنسى باها ومها وعادات والتقاليد والدين ..كانت كتقول فبالها بلي كتبغيه روحها ولات متعلقة بيه ، بكات عليه وضحكات معاه وتا الحب بغات تجربو هي وياه......

رجع لتاهم شفايفها مرورا بعنقهاا خلاها كتلواا تحتو باغا مزال ، اهاتها الخافتين كانو كيتسمعو بتوازي مع صوت انفاسو المتسارعين....

وقبلة ثم لمسة ثم الوقوع في الحرام

شنو غيوقع وهما غير زوج مسدود عليهم في بيت وحدة وشيطان تالثهم ، مجردين من گاع حوايجهم ونار شهوة غالبة عليهم ...للحظة مريام حيات بناقوس الخطر ووبغات تراجع ولكن كان فات فوت ، كانت بين يديه ومغاظيش يفلتهاا ...وقع لي وقع وناض من عليها وعينيه نيشان في دم عذريتها وعلى فمو ابتساامة ساااخرة ..اما هي وجهها كان شااحب وقلبها كيضرب ونظرات الندم كانت معمرة عينييها بالحق

ولا ينفع الندم بعد زلة القدم 

لاحت عليها ليزار وبقات مكلكمة في بلاصتها وكتبكي بلا صوت ... تأنيب الضمير ولا بد منو وضروري متحاسب نفسها حيت سلماتو راسها ولكن لي عطا الله عطاه مرة تقول هو كيبغيني مغاديش يفوتني وشوية يدوي دماغها ويبدا يفيق فيها ويقول 

عمرك سمعتيها منو ؟؟ عمرو قالها ليك ؟؟

تافافات ومسحات دموعها وهي كتسمع صوتو خطاويه كان خارج من دوش لاوي على نصو فوطة وكيمسح شعرو ناشط فرحان وكيصفر...تقابل مع لمرايا كيمشط شعرو وكيشوف فيها بنص عين ومبتاسم جنب ~. مغدوشيش ؟؟

مريام تگدات شوية حاطا راسها على كادر دناموسية وقالت بصوت خافت ~. زيدان تعالى ندوي معاك !!

هز ليها راسو وقال ~ واخا تسنااي الالة 

كمل شنو كان كيدير نشف شعرو ولاح لفوطة قدام عينيها كيدور في لبيت حتى لبس عليه غير لتحت وخلا لفوق تخشى حداها لايح يديه على كتافها معنقها وقال وهو كيبوس في شعرها ~. ماالناا عاد كنتي ناشطة وطايرة في سماا شفت تقلبتي 

مريام تنهدات ~. هادشي مكانش خاصو يطرااا ، راه حرام 

زيدان حك يدو على فمو مسكتها بصبعو وبكلامو لي بعت في نفسها شوية الراحة ~. ايه متافق معاك هادشي مكانش خاصو يدار قبل منتزوجو ولكن مصبرنااش متحكمناش فراسناا معليش ، تا دابا ديري موقع والو ومباقيش نحط عليك يدي تا نتزوجو 

مريام حطات راسها على صدرو ~. امتى غيجي داك نهار 

زيدان ضيق عينيه وقال ~. من هنا ليومين نمشيو لعند باك يدي فيديك وداك ساع بزز منوو يخليك ليا 

مريام ~. يااربي يواافق 

زيداان رفع حاجبو وهو كيشوف غيها ~. غادي يواافق ..وصاافي فكييها شوية وخليني على گانتي 

كيف البهلة بدات تضحك وتلعب فيديه صونا تليفونو هززو كان مرااد لي كيعيط 

زيداان ايديه كيتحسيو في ظهرها وكيدوي ~. وافين العشرة 

مراد كان في طوموبيلتو كيستنى نادية ~. وافين نتا بان اصحبي باغيك ضروري 

زيدان بتساؤل ~. مالك اش واقع يكما شي موصيبة من مصايبك 

مراد بقهقهة رجولية ~. هاد المرة موصيبة حلوة ، بغيتك اسيدي تكون شاهد على زواجي من نادية 

زيدان رفع حواجبو فرحان ليه ~. هي صافي قررتو النهار ، مبروك اسيدي 

مراد برااحة ~. الله يبارك فيك اخويا وعقبال عندك ، ايوا كنقولو هاد ليومين شنو نعول عليك ولا لا 

زيدان ~. غير قضي اصحبي انا بعيد راك عارف ، والقضية شوية مرونةة 

مراد بتفهم ~. معليش تال لعرس وتوديع تازوفريت ههه شي جليسة من داكشي على حستبك ...تقاد في الجلسة مزيغ عينيه وعاض على فمو وهو حاضي نادية لي جاية تململ لعندو .. يالله تلاح لمدام جاايااا 

قطع وضور راسو لمريام وقال ~. بنت خالتك غدير لعقد

مريام بغات تنوض ~ فكرتيني كيخصني نعيط ليها 

زيدان جبدها لعندو وقال ~. خليها ممساليااش ليك دابا وبقاي معايا انا هاد ساعة لي مسالي ليك 

خشاها فحضنو كيلعب في شعرها ودويو ...حل تليفونو وخدا ليهم تصويرات كل مرة وكيفاش وفكل تصويرة كانت ضاحكة عكسو هو نفس البوز...جبدو كلام متنوع كل مرة وعلاش دواو طولو في الهضرة تاا سخفات مريام وحسات بجووع بسيف مواكلا والو عاد لاحت عليها بينوار ونزلو يتعشااو فجو عادي عندو وعندها كيسوى الدنيا ومافيها 

وصل نهار لي تسنا فيه مراد تا شحف ..ناظية مرمداتو وجرجراتو وعرفت كيف دارت ليهاا ولا طالب معاها سلاكة وشاد ليها الخاطر كي دري صغيير ...مرة تفشش عليه من هنا مرة تجيب لبجگي عليه من لهيه ..تا خاجة معاجباها وضروري تعيب وتعارض .....كانت واقفة قدام لمرايا كتشوف فراسها محاملاش جلابة لي تفرضات عليها دماغها كيقوليها نصليها وضربيها بشي كسوى حد ركبة وفينما بغات توصل توصل ...شوية كتلعن شيطان وعارفة تقليقتو خايبة فاتت داقت منها داكشي علاش غمضات عينيها وميكات ....

جلسات فوق ناموسية كتلبس في صباط عالي كان فلبيج جا مواتي مع لون جلابة لي فلبوسييل ومطروزة بصم ...هابطة ايفازي عليهاا وجاتها قتالة شعرهاا مسرحاه على طولتوو ومقادة وجهاا وركزات على لعينين لي عطاوها جاذبية خاصة .. هزات بوشيط تاعها ونزلات لتحت لقات مهاا لابسة وواجدة وحداها مراد داير يديه وراه ويمشي ويجي تقول غيتختن

غا هز عينو وشاف فيها وهو يشرع فمو كيضحك ويقاد حوايجو ويتعنگر شكون قدو داا زين والعقلية وقفات حداه مخبية ضحكتها هز ايدها لعندو باسها وباس لعايشة راسها وقال ~ الله يعطيك الصحة الوااليدة على كرشك وما ولدت داكشي عندك ناضي ..

عايشة كتضحك وحاطة يديها على فمها ~. حتى تتا اوليدي الله يحجبك من لعين نتا زين وهي زيناا وغتجيبو لينا وليدات بحالكم 

مراد ~. كووني هانية من دابا الا بغيتي نفرخوو نفرخو ونعمرو ليك دنيا بزز 

نادية ضربتو لكتفو باش يتجمع عارفا فمو فم العار معندو حباسات خدام بلا فران ~. نمشيو ولا بلاش 

مراد خنزر مزير على يدها ~. قدامي ونتي باغا غا سبة 

ركبو في طوموبيل مراد ، نادية كانت حداه وعايشة اللور موقفو تال عند لعدول لي كانو دايرين معاه ،دخلو لعندو مراد بن زين ونادية مروك وخرجو من عندو مراد بن زين وحرمة نادية

دخلات انسة وخرجات مدام ، سميتها تربطات حدا سميتوو واخيرا ولات على ذمة رااجل كيبغيها وحالف تيصوونها ..اما هو العائلة لي فتاقد ربي عوضها ليه في نادية ...كان فرحان بزااف وفرحتو مبينها ..غير خرجو شد في نسيبتو وقال ~. لغداا على حساابي اخالتي يالله معانا 

عائشة كتعرف في صواب مزيان عتاذرات باغا تخليهم على خاطرهم ~. غير سيرو انا غادا عند نزهة ختي نشووفها كيف بقات راكم عارفين 

نادية ~ سلمي عليها اماما وقوليها مدير فبالها والو قريب ترجع 

عايشة ~. ان شاء الله ابنتي يالله مبروك عليكم اوليداتي الله يكمل بالخير والله يخليكم لبعضياتكم 

مراد باس يدها ~. امين اميمتي امين 

نادية باست راسها ~. امين اماما والله يخليك ليناا ياربي

مشات عايشة وهو يشووف مراد في نادية كدوو عينو عليها ~. واش كنحلم ولا بصح 

نادية بمكر~. ياكما نضربها ليك بشي قرصة نخليك تتاكد 

مراد قرب عند وذنها ~. مكرهتهاش شي بووسة من داك لفم غنتاكد نيت 

نادية خنزرت ~. سد فمك الباسل 

مراد جرها من يدها غادي لطوموبيل وكيدوي ~.علاش ماشي من حقي اشريفة 

نادية باغا تعصبو ~. معندك عندي تا حق 

مراد جا قدامها وقال ~ متاكدة 

نادية ~ ميمة في مية وسول على راسك 

مراد مكانش من عاگزين طلق من يدها وتم قاصد راجل كبير بان ليه واقف في شارع وهي وراه باغا تجرو عاضة على فمها عارفاه مقزدر بالحق ماشي لهاد درجة ~. اشريف واخا نسولك 

- مرحبا اوليدي 

نادية كتجر فيه ~. عيقتي سد فمك 

مراد دار ليها اشارة بمعنى تسناي وقال لراجل ~. انا وهاد سيدة عاد تزوجنا وقالت ليك 

جا يضور راسو لقاها غادا زاعفة ومخلياه بدا يضحك وعتاءر من سيد وتبعها يجري ،كيجر فيها ويحزر وبزز سمحت ليه وطلعات معاه طوموبيل 

مراد بسخط ~ اه اه شحفتيني الالة بناقص من ضحك معاك 

نادية ميقت فيه ~. دابا هادا ضحك في بلادكم 

جرها لعندو بايس راسها صافي الالة غا هنينا ...هابط يبوس بلاصة اخرة وهو يقاطعو تليفونها لي صوونا هزاتو وجوبات بلهفة ملي شافت نمرة مريام ~. الوو مريام توحشتك اختي فينما نعيط لقاه طافي 

مريام بفرحة قالت ~. نادية انا وزيدان غادين لدار عند بابا شي نص ساعة ونوصلو مكرهتش نلقاك تما باش نقنعوه جميع واخا 

نادية كتشير لمراد يديماري طوموبيل ~. واخا صافي انا مع مراد نسبقوكم تما 

مريام ~. صافي مزيان يالاه بسلامةة

ايدها على يديه محطوطين فوق الڤولون ، محدهم كيقربو لدار وهي الخلعة كتزيد وقلبها كيضرب بجهد طريق كلها كتطلب الله في سرها باش باها ميعكسش ليها ويخليها تجمع معاه ويتزوجو ...اما هو عقلو كان مع طريق وعينيه كيشوفو لقدام .....وصلو لحي فين كيسكنو زيرات على يديه متوثرة وكتقفقف حلات السمطة وقالت ليه ~. اووف خايفة بززاف 

زيدان مباغيش يشووف فيها ~. معندك مناش تخافي كلشي قريب يسالي ، يالله نزلي 

نزلات هي اللولة عاد تبعها كيلوح رجل ويزيد لوخرا بشوية وبنخوة وهاز راسو لفوق وعلى عينيه نظرة انتصار وحجبانو عاقدين حداش في طناش..جبد صاكها من كوفر ومدو ليهاا وتم غادي سابقهاا كان لابس حواايج رياضيين غادي كيتمشى بثقة وهي وراه مزيرة على حوايجها بتوثر ....وقف قدام لباب صونا ورجع خطوة للور ومد يدو ليها وقال ~. شدي فيا ومتخافيش 

مريام قربات منو وشدات فيه حاسة براسها محمية وكاين لي واقف بظهرها تحل لباب وكانت وراه نادية لي غير شافتهم تلاحت على مريام تعنق وتبوس فيهااا ~. مرياااام جيتي توحشتك اختي 

مريام ~. حتى انا توحشتكم بزااف ..بعدات عليها وقالت بشوية وهي كتنعت للداخل...بابا كاين ؟

نادية هزات ليها راسها بالايجاب ~. كاين جالس هو ومراد وماما وماماك في صالون 

زيدان دفع الباب ودخل مخنزر ~. هي ندخلو نصفييو لحسابات 

ضرب فيهم وزاد موقف تال لقلب الصالون ...كمال ملي شافو وقف على طولتو واخا عيان وصحتو تراجعت وقف قدامو شاد على قلبو وجهو كان مجيف وتحت عينيه مكمش وكحل فمو ناشف وزرگ ~. جيتي اعدو الله هااا !! فين ديتي ليا بنتي فين خطفتيها

خرجات من وراه مريام بعينين دامعين وقالت ~. مخطفنيش ابابا انا ل مشيت معاه 

نزهة جات عند بنتها كتبووس فيها محايراش في كمال ~. على سلامتك ابنتي ملي رجعتي ليا 

كمال ~. مندييش عليك كلشي منو كلا ليك عقلك يااك غا گولي ليا 

زيدان مرجع يديه وراه ومبتاسم جنب

مريام وقفات في وجه باها~. بابا انا كنبغييه فهم عفاك هاهو جاا قدامك باغي يتزوج بيا ، ماشي هو لي قاليا هربي معايا انا لي مشيت لعندو وجابني... راه خاصك تعرف يا نكووون معاه يا مغنكون مع تا حد من غيرو 

محسات غير بواحد تصرفيقة نزلات عليها لحنك حتى بقاو صباع باها مصورين في وجهاا كان كيدوي وكيتفتف ~. فيييقي فييقي هو باغي يضحك عليك .."بدا صوتو كيترعد بالبكى " باغي يطمعك بزواج ويخلييك هء

زيدان زير على يديه وعلى سنانو وقال ~. عند بااالك غندييير كيف درتيي نتاااا هااااااا !!

راااك غالط انا حقيي كناخدو بضووبل انا ضربتي مكتوعتش كتقتل 

مريام مفهمات والو ضارت لعند زيدان شادة على حنكها ومضيقة عينيها ~. مفهمتش شنو كتقول 

مراد كان واقف مبعد وكيتفرج في صاحبو وغير سمعو لاح هاد الهضرة وقف مشووكي وجا حداه

كمال مشى جلس فوق سداري كيبكي منهاار حاس بلي بنتو ضاعت بسبابو اما هي عمرها مشافتو فديك لحالة تال ديك اللحظة ..مشات لعند باها تحنات على ركابيه وقالت ~. بابا شنو واقع واش كتعرفوو 

نطق زيدان بحقد ~. ميشرفنييش نعرف شماتة بحالو

مريام خنزرت فين ~. زيدان اش كتقول هادي راه بابا 

زيدان محمر فيها ~. و ايلا كان بااك انا مااالي !! 

نادية حسات بصهدة طلعات معاها سرطات ريقها وقربات حداه كتدوي بالهمس ~. زيدان شنو كتقول واش نتا ناوي تقاد لحريرة ولا تزيد تعقدها اش عاد الهضرة 

نطق كاافر وسااخط ومحامل حد وعينيه غير على كمال ~. وقف أ كمال وقف ماشي وقت السخفة داابا مزال مسمعتي ومشفتي والو ...."باستهزاء " ...عقلتي هاا ؟؟ عقلتي نهار تلقيت ليك وانا باقي مبرهش فعقلي وقلت ليك عقل على كمارتي مزياان ،ليام غضوور وغنقصحك "ضحك بسخرية "....ايوا وهاهو هاد نهار جاااا ...

كماال مقادرش يشوف فوجهو~ شنوو درتي لبنتي هضرر 

زيدان بحرقة ~. بنتك خلصاات دين كان علييك ...

مشى تال عند وجهو ونطق بغضب ~. الا كنتي نتاااااا سمحتي ف عمتي نهار عرسهااا وتا الا خليتيها بقات بعزها وماتت بيه ...فانا اسي لعبت ببنتك كيف بغييييت وفلحرااام 

مريام وذنيها تصمكو وحسات بيهم كيصفرو وهي كتسمع هضرتو ،هزات عينيها فيه باغا تشوف غير وجهو كيف داير واش كيدوي بصح ولا كيتفلى ...بالحق سيد كان معقول وبجهد حسات براسها دااخ علييهااا ومقدرات لا تستوعب ولا تدويييي 

زيدان كيضرب على صدرو ~ العيين بالعين والسن بالسن والبادي اظلم اكمال بالحااااج ، دابا عاد نقدر نقوول عمتي ماااااتت وانا مرتااااااح 

جرو مرااد من يدووو كيهني فيه ~. زيدان زير اصحبي شنوو كتقول ؟؟ 

زيدان تنتر من يديه بعصبية ~. طلق مني انا عارف اش كنقووول ومزيااان 

ضور وجهو لمريام لي كانت فاشلة وكتشووف في نقطة كحلة ودوا قاصح ممراعيش ليها ولا لحالتها ~. انا عمري بغيتك وعمرك ما سمعتيها من فمي

وشحال من برا كنت كنعل شيطان وكنعطيك بتيسااع ونتي بقيتي لاصقاااااني حتى نهار نتاحراات فيه صبااح تمم قلبي جفر

"بالغوات ". عرفتي شكوون سبابها تا ولات بلا عقل ،عرفتي بسباب من ماتت ؟؟ اشار لكمال.... بسباب شماتة تاع بااااك ...لي كذب عليها وضيع ليها اعوام من حياتها وجا تال نهار عرسهم وخلاها على قبل لفلوس ،بسبابو عمتي تسطااات وبسبابو نتاحراات ....

مريام بصوت محرووق ~. ايوا ونتا نتا شنو درتييي 

زيدان بحدة ~ انا كملت اللعب لي بداه باك 

محسش بنادية غير مليوحة عليه وكتغوت في وجهو ~. ياا لكلب ياااا لحيوان يااا لغدار ، كنتي كضحك عليها والله حتى ندمك الا مدخلتك لحباساات جي تال وجهي ودفل عليااا الكيدار 

زير عليها من يدها وبعدها عليه مخنزر في مراد وقال ~. شد مرتك قبل منغلط فييهاونوريها لحباسااات ...

مقوس حواجبو كمل ...اش غتمشي تقولي ليهم ،

جبد من جيبو تليفون ومشى نيشان لتصاور وفيديوهات ديالهم لي عازلهم في بلاصة وحدة ولاحو عليها ..... 

شنو غتقولي غتاصبتها ولا بززت عليها شي حاجة مشات معايا بخاطرهااا وبعقلها ماشي قااصر 

تفرجي مع رااسك وعطي ل كمال يشووف شنو دار فبنتو ...

كانت شادة وجهها بين يديها وداتها كلها كتغزل ...مقدارة لا تشوف فمها لا باها لا فراسهاا بزز عليها وقفات قدامو عينيها كي جمرة كتبكي وتنخصص حاسة بكرشها باردة عليها وبنفسها ضاقت ،دنيا ولات كتبان ليها كحلةة 

خدات تليفون من يد نادية وعينيها على تصاورهم الحميمية هزاتو تاال سما وضربتو مع الارض حتى تشتت وقالت بقلب مجروح

كضرب على صدرو وتغوت ~. رضني صمكة وقولياا مسمعتيش مزيااان امريام، صرفقني ولا ضربني ولا قتلني گاع وغير متقولش ليا بلي ضحكتي عللليااااا وبلي "بدات كتبكي ".. هء هء الهضرة لي كتقول بصح 

سكتات كتشوفيه يدوي ولا هو تكلم كان مخنزر وسااكت ،ضورات وجها لباها لقاتو حاط يدو على راسو وكيبكي اما نزهة ربي لي عالم بيها ،عايشة مصدومة من لي كتسمع ومرااد مراضبش على اش دار صاحبو ...ضربتو لكتفو ومتزعزعش

دوي ازيدااان متسكتش وااااااش ضحكتي علياا 

زيدان ضحك بسخرية وبعدها عليه ~ ... ضحكتي على راسك اما انا مدرت تا خاجة بزز منك ، لومي راسك ولومي بااك لي معرفش يربيييييييك ...ضار شاف في كمال و كمل كلامو وهو كيمسح على وجهو ولحيتو ...

ودابا اسي بلحاج نخليك مع بنتك و شرفك و عرضك ساعتكم سالات

بغا يخرج تلاحت ليه على يديه كتجره فييه ...زييييدااان اش كدييير فييييين غاااااادي واااش كتدوييي بصح هء هء 

" بلاما يشوف في وجها نتر يدو تا طاحت ووقف كارز على يديه ~ متقيسينييييش 

مريام كتضرب على حناكها وتغوت ~. قووول لي بغيتي نستاااااهل ، نتساااااااهل مدرتي فيااا حيت انا لي رخصت ليك راسي مضربتكش على يديك ، انا لي خليت شماتة بحاالك يرضني مسخةة فعينين ناس وفعينيا انا لي ذليت راسك ليك وتبعتك وبغيتك..بدا تغوت تا تجرح ليها الحلق ...كان يسحابلي نتا راجل بالحق طلعتي متسوااش 

شافت فيه محاملاش خليقتو وقالت بحقد ~. الا كان خاطرك برد بهاد شي لي درتي ليا معليش انا قابلة ، الا حسيتي براسك خديتي حق عمتك مني انا لي وْلية انا قابلة ، قابلة نخلص دين باا وقابلة نكون الجفاف لي مسحتي فيه رجلييك 

مسحات دمووعهاا وكملات بزز هازة صبعها فيه بتهديد ...ولكن سمعني مزيااان الا كانت عمتك بنسبة ليك عاد ماتت ليووم ،ف انا ليوم دفنتك نتا ودفنت تا راسي معاااك 

عطاها بظهرو وتم غادي خارج محانش فيهاا ~ سير سييير الله ياخد فيك وفيا الحق حيت عذبت هاد النفس لي كطلع وتهبط فيااا

هء هء بدات ضرب على حناكها بهستيرية وتقمش فيهم ...سير الله ياخد فيك وفيا الحق حيييت بغيييتك ومسمعتش كلاااام بااااا وخليييتك تلعب بيااا

بدات تضرب على قلبهاااا وتقطع في حواايجهاا ~. الله يااخد فياا الحق على هادشي لي وصلت راااسي لييه ....ااااااااااااااااااااااه اربييي اااااااااه 

جات لعندها مها ونادية لي مصبراتش لحالتهااا كيسكتو فيهااا 

نادية كتعنق فيهاا وتبوس ليها فراسها ~. سكتي سكتي متبكييييش ماااشي نتي لي تبكيي نتي مدرتي والو هو لي ميسوااش 

نزهة حاطة راس لنتها على صدرهااا ~. هء صافي ابنتي الله يرضي عليك لما سكتي 

تا كلمة فديك سااعة مغتبرد نارها ولا غطفيهاا هما كيدويو وهي كلامهم مكتسمعوش، مدو ليعا كاس الما لي جابتو ليها عايشة باغا تشربو ليها بزز خدات زوج رجفات ومزال كتدعي على راسها وعليه وقف حداهم مراد وتحنى لعند نادية وقال ~. يالله نديوها لسبيطار يعطيوها شي مهدن

نادية شافت فيه بعينين كيف لقرطاس ووقفات على طولتها كتدفع فيه لجهة الباب ~شفتك باقي هناا هاا !! تبع صاااحبك وطريق لي داتو تدييييك 

مراد خنزر فيها ~. اش كتقولي انادية اش هاد الهضرة ...بعصبية جوباتو مكتشوفش قدامها ~. كيف سمعتي انا ونتا ساليناا والعدول لي جمعنا يفرقنا الله يلعن نهار لي عرفتووو فييكم بزوج خرج بحاالك خرررررررررج 

خرج مراد مقدر حالتها واخا مرضاش وهي ترجع لعند مريام لي حاالتها مكتبشرش بالخير 

داوها فيها ونساو كمال لي شاد على قلبو ل مزير عليه محس براسو تا طااح من فوق سداري على طوولتو الارض ....الخبطة تسمعات بجهد ناضت مريام قافزة لعندو كتبكي وتقلب فيه ~. بابا بابا ماالك نووض هء هء 

كمال شد فيدهاا وباسها ليها ~. سم ح ي ليااا سمحي ليا ابنتي اناا سباب " بدا يبكي كيف لمراا ويتنخصص "....خرجت على حياتك وحيااااة صبااااح هء هء

صباح لي غير سمع مجرا ليها بسبابو زاد تدمرر من نهار خلاها تفادى يسمع عليها شي خبار خايبة حيت عارف راسو مغاديش يقدر يعيش بتانيب الضمير ...ولكن هادشي لي سمع من زيدان ليوم وشنو جرا ليها فااق توقعاتو مكانش متخيل تكون تسطات ونتاحرات ..رجع وجهو حمرر وتقج حط يديه على عنقو باغي يقلب على لهوا ملقاهش بدا يكحب حتى عينيه بغاو يخرج ... س م حي ليا ابنتيي ومتكر هينيش اناا راه بااك

كانت اخر كلمة يخرج من فموو ومن وراها غاب عن الوعيي 

غير ليوم ف صباح كلشي كان كيبان في وجها زوين ومقاد وغادي هو هاداك ودابا كتحس بلي كلشي ظلام في وجهها ودنيا مبقى فيها ميتشاف ...غير صباح كانت حاسة بكتافها سخان وظلها محمي ودابا حاسة براسها بووحدهاا ومعندهاا تا حد ..فرمشة عين خسرات باها ورااسها ودنيا لي عايشاها وهادشي كلو سبابو الحب ل على قد زينو على قد خيوبيتوو ، الحب لي رجعها مذلولة وخلاها متشوفش قدامها عمى بصيرتها وخلا قلبها متحكم فيها حتى جابتها فراسها داكشي علاش بغييو بعقلكم ماشي بقلبكم حيت

بالحبّ لا نعقل، وبالعقل لا نحبّ

نهاية الجزء الاول