صفحة قصة لأنك سماح

لأنك سماح الجزء 14

من تأليف سكينة ايت الكبير
2020

محتوى القصة

رواية لأنك سماح

"القريب من الله دائم القرب من الجنة"

كانشوفو فحياتنا ناس كيفيقو لقيام الليل بدون انقطاع..صلاة الفجر مكيفلتوهاش وزائد انهم داخلين سوق راسهم. . 

هادو بالذات تسولهم على الدنيا اقولو ليك دايزة..

الانسان لي دوز الدنيا وعرف اش فيها كيولي طامع فالجنة..هو نفسو الانسان لي يقدر احط راسو على المخدة وامشي مريح ضميرو عارف مادا لحد ديالو متابعو حد..الى جاتو الموت فالنوم امشي مؤمن . .
**

اليوم الثالث على التوالي على الرقية تسماح..كيجي الفقيه كل ليلة كيقرا عليها ماتيسر من القرءان وكيمشي كيخليها مرتاحة نفسيا وتترجع لطبيعتها ..

ولو هي شوي علاقتها بمنصور عادية تيجي تيشوفها تيطمان عليها وتيخليها مرتاحة 

اليوم منصور جاب معاه مو باش تاهيا تدير الرقية مافيها باس زوينة ليها نيت تريحها فنفسيتها..

كمل لسماح ودوز تا راضية وخرج..
فالاخير تجمعو على العشا مجموعين عاديين 

تاسالاو وناض منصور ايمشي وطلب ادي سماح معاه رغم رفضها

سماح:(تتلبس فبيتها)ماما تيليفوني عفااك
زينب:هاهو ابنتي..ووسعي خاطرك شوي مع راجلك 
سماح:(تتحرك فراسها)احيانا على هذاك انا لي عارفاه
زينب:تعرفي فيه تاتعياي ولكن متنكريش ولد الناس
سماح:كون مكانش ولد الناس انبقا معاه
زينب:الله يسر ليكم امركم ياربي..

خرجات هي وياها وتودعات معاهم وزادت معاه..دار مو لور وركبات هي حداه ساكتة وتتشوف

نازل عليها واحد السكون والهدوء عكس مكانت قبل..وسبحان من يبيتها فشأن ويصبحها فشأن اخر. . 

وصلو للدار نزل مو ودفع بيها تا دخلو وقال:طلعي نتي انا نحط مي
تنعس.. 
سماح:(باست راس راضية)تصبحي على خير اخالتي

تبسمات ليها وداها لبيتها فحين هي طلعات لبيتهم..

كي دخلات مشات ديركت للحمام تتوجد حمام ترخى فيه..هزات كل ما مغيخصها ودخلات تحك نيت ماشي هي دوش..

مع بدات تتحك دخل هو عليها ومع الرشاشة دايرا بزاج تيبان هي ضباب لي نتجو البخار..داز اقضي حاجتو

ونطق:كتكحي 
سماح:مممم
منصور:نحك ليك الا مافيكش
سماح:لا بلاش 

غسل يديه وخلاها على خاطرها..خرج بدل عليه وتخشا بلاصتو كيبقشش فتيليفونو..

موراه بنص ساعة خرجات ملوية فبينوار وشعرها طايح على كتافها..هز فيها عينيه بإعجاب 

وقال:بالصحة
سماح:يعطيك الصحة(هزات حوايجها). .

بدات تتلبس قدامو تا سالات وتقابلات مع المراية تاتنشف شعرها ودماغها تيفكر تانطقات: منصور

هز فيها عينيه ديك ساعة بمعنى شنو وقالت ملفتة ليه:قطع ليا شعري
منصور:(عقد حجبانو)علاش؟؟
سماح:مابقيتش حملتو ..جني فيه جايب ليا هي المرض اللهم نقطعو

منصور:(حط تيلي بهدوء وناض لحداها)بغيتي نقطعوه غدا نديك لشي صالون
سماح:لا قطعو ليا نتا
منصور:واخا

خرج من البيت مخليها تتشوف فراسها فالمراية وتتحسر على داك السالف لي غترزا فيه وتاتقيسو بيديها بخيبة امل تا رجع هاز فيدو مقص وقال:ضوري
عطاتو بظهر وقالت:حد نص ظهري
منصور:واخا..

هز مشطة كيمشطو ومع فازك جاه ساهل اتجمع فبلاصة وحدة..سما الله وحدد تالين ودوز مقص..

عينيها تبعو الشعر لي كيطيح فالارض وتغرغرو بالدموع..كان عزيز عليها وتتحماق عليه رباتو بالعشق نييت

كمل وهبط جمعو فيديه وقال:هذا انخبيه تانشوف اش ندير ليه.. 

حركات ليه راسها بالإيجاب كي المشة وهو يقرب قبلها فحنكها وقال تيشوف فيها من المراية:تاحاجة متستاهل

مشا دارو وسط حوايجو وجرها عندو جلسها بين رجليه محتاضنها تينشف ليها فشعرها ويدوي:تتحسي براسك شويا دروك
سماح:حمم شويا واخا خاطري باقي مهانيش
منصور:صليتي العشا ياك؟؟
سماح:مم
منصور:تنوضي تنعسي وطلقي رقية حداك وقراي الاذكار ونعسي
سماح:واخا
باسها فشايفها وقال:تتكوني زوينة فاش تتبقاي واخا واخا
سماح:انا ديما زوينة نتا لي تتشد معايا زكير
منصور:هه ياك الالة منانة..شكون لي تيعصب راسو من لاشيء

سماح:(بجدية)الى نتا تتجيك نلقاك تتقتل راسك راه والو انا راني تنموت بالخلعة عليك...وراك جربتي

جرها دارها فحضنو وقال:عارف عارف..الله يسمح ليا منك..دابا المهم صحتك(حط يدو على كرشها)كنت طامع فشي وليد ولا بنية منك
سماح:(بتاسمات وسط حضنو)بيتي تربطني بالولاد...انا مكنتربطش راه دير ليا شي حاجة نزيد

منصور:الى كانو دراري ايتزاد صبرك معايا هه..اشنو الالة منامة متحيدش ديك لبيلول وتخلينا نولدو
سماح:(هزات راسها شافت فيه)نتا هي اجي وولد
منصور:(حط يدها على العضو)هذا واجد خصك هي طلقينا نتي

قرصاتو من حنكو وقالت تضحك:الله يمسخك الماسخ ههه
منصور:(خشا وجهو فعنقها)توحشتك(كيوزع قبلاتو فحنكها)مكتحلا ليا هي معاك معرفتش علاش..

سماح:(تيهرها بقبلاتو) اوا شوف نتا(شافت فيه وهو وجهو ممخرجوش من عنقها)زعما بوحدي لي كاينا؟؟

خرج راسو من عنقها مصدوم وقال:منانة زملتي ولا؟؟



سماح:(زادت تضحك)مالك هي سولتك هههههههه (باسها ففمها مغدد)جهل لاباين واش معندكش غيري تطيح فيا عما
منصور:(يديه تتحيد ليها التيشورت)معنديش من غيرك ونتي لي كاينا تالموت ههه 

قلع ليها تيشورت وطاح فصدرها عما متلا ناض تا ولات سيدة عاطياها هي للضحك والتكركير..

عاشرها بحب كي ديما متبادلين مشاعر الغرام والعشق..بين كل قبلة وقبلة كيعبرو بمشاعرهم على احاسيسهم تجاه بعض. . 

ختم معاشرتهم وتلاح حداها تيرض النفس وتاهيا وهو ينطق:تتحشي ليا الركابي امنانة..حلوتك واعرة بحالا هاز الحديد

سماح:هههههه نتا لي بيتي(تخشات فيه)نسولك..

منصور:اصبري نشرب الما راني ياله محيد المرارة وجاي تنجاهد معاك
سماح:ايييه نتا مكرهتيش تكيني من نهار لول فاش فتحتي

منصور:حلوتك مكنشبعش منها ههه
سماح:( باستو فعنقو)انا كثر هههه
منصور:ها صبري نرتاح نوض نقلب مك تا تطيبي نشوف هاد انا كثر هههه
سماح:ههههههههه

كملو ليلتهم الحميمية بيناتهم فنفس الجو تحت هدف من منصور انه انيش عليها فالحمل ..يموت و يولد منها

***
صباح اليوم الموالي كانو كيفطرو مجموعين رفقو راضية لي مبسمة براحة ليهم وتتمنى ليهم الخير فقط

منصور:عييت بهاد لويزة
سماح:ههه معندك مادير(تتحقق فيه)ضعافيتي صراحة 
منصور:(حط يدو على كرشو)تنقصات بعدا
راضية:(تضحك )هه
منصور:ههههش شتي امي اش دارت ليا هاد عروستك..بغات تردني بحالها
سماح:ههههه راك بوكريشة ههه
ناض وقف وقال:انا غنمشي نقضي شي اغراض

سماح:(وقفات)انا نوصلك لباب
جرات معاه تالباب باستو فخدو وقالت:نهارك مبروك
منصور:ردي لبال لراسك
سماح:داكوغ..

خرج لأعمالو ورجعات هي لجماعتها مع راضية تيقرقبو ناب كي تيقولو.
****

مرت قرابة شهرين متتابعة..وبدا الجو تيبرد..دخل من الخدمة تيحك فيديه عاقد حجبانو معصب دوز نهار صعيب فالخدمة

تلقات ليه بابتسامة وقالت:على سلامتك
منصور:سلام
سماح:مالك؟؟
منصور:(طالع لبيتو)انا لفوق ندوش 
سماح:واخا..انا نوجد ليك ماتاكل
منصور:لا

عوجات فمها بغرابة ولكن سرعان مابتاسمات ملي تفكرات اش كاين..

"فلاش باك"
فالصباح بعد ما خرج ناضت بلا عجز هزات من صاكها تيست ديال الحمل وكلها امال تحمل.. 

دارتو كما يجب وبقات تتسنا فالنتيجة وترعد رجليها بتوتر تا طلعو جوج شرطات


فرحتها مكانتش تقدر بشي حاجة ..انك تحملي احساس زوين ومن الإنسان لي تتبغي

عضات على شفايفها بفرحة وعينيها تغرغرو وسط داك التيست..

حطات يديها على كرشها فرحانة وداخلها تيردد الحمد لله الحمد لله..

بقات تتخيل فرحتو كي غتكون ولهفتو هو على الولاد كبيرة.. 

دازت ديك شهراين كلها عادية منصور رجع صحتو وحط الكارو بمرة كان كيتزير واسب واعرعر وولكن قطعو بمرة..

حالتها رجعات حسن وتفكات من العين بالقرءان والمواظبة على الصلاة وقراءة الأذكار..

"باك"

بقات تتبتاسم متبعا ليه العين ورجعات لعند راضية لي جالسة رفقة لطيفة ومبتاسمة بفرحة حيت ديجا خبراتها

سماح:هاهو دخل ههه تايبغي انعس ونقولها ليه هههه غايفرح
لطيفة:الله يثبث حملك ياربي ويعطيك الذرية الصالحة
سماح:امين ههه(شدات يد راضية)الى كانت بنت اخالتي نسميوها راضية ان شاء الله

انشرح صدر راضية بالفرحة والغبطة ...وبتاسمات نيت مرتاحة ومهنية..تادخل هو مغوبش سلم على مو وجلس كياكل بصمت من الكاسكروط لي حاطين..

سماح:كي دوزتي النهار؟؟
منصور:صافا
سماح:حممم مزيان

كلى شوي وناض ستأذن ارتاح حيت طالع ليه ايخان وهي تبعو لقاتو مريح فالجردة ..

سماح:(جلسات حداه)مالك؟؟
منصور:والو
سماح:ماشي على برجك
منصور:(زفر)رخيت شهر تراحة لقيت البشر تيدير مابغا 
سماح:حصلتي الشفرة؟؟
منصور:تأ لا..ماشي داكشي لقيت لاجيستيون ماشي هي هاديك..

سماح:علاش مكنتيش مراقب؟؟
منصور:بتليفون سيتو..ملي رجعت لقيت شلا رواين 
سماح:وشنو درتي؟؟
منصور:طردت جوج من الاطر
سماح:(باسف)حشومة قطعتي رزقهم

منصور:انا تنعطي فرصة مرة وحدة لي بغا يخدم مرحبا لي مبغاش برا..لي بغا يخدم تيخدم بلا منبقا انا فوق راسو..لقيت شكايات شحال من لي باغون وانا مافراسيش

سماح:نوغمال ماشي اي حاجة بسيطة اوصلوها ليك
منصور:وقعات كارثة فالمدرسة الكبيرة..ومعلمونيش..عرعرت على لخرا كامل وخرجت

سماح:متبقاش معصب راسك راك باقي عياان(حطات يديها على كتافو )شي مساج
منصور:لالا هي خليني نفكر مع راسي
سماح:واخا احبيبي ريح راسك

ناضت من حداه أجلات امر إخبارو بالحمل تا يكون راشقة ليه ويكونو فحضن بعض

مشات تشغلات تتوجد عشيوة زوينة والفرحة مسيطرة عليها تتحرك كي الفراشة فديك الكوزينة وفمها تيدندن بانغام اغنية رومانسية وتفرنس.. 

تا برد عاد مشا جلس مع مو عاطيها خاطر وقيت تادخلات وقالت:العشا وجد نحطوه

منصور:اجي جلسي خليهم احطوه
سماح:(جات مبتاسمة)واخا

كلفاتهم احطو العشا وتعشاو بحب عائلي ..قبل راس مو ووصى لطيفة عليهة وطلع معاها معنقاه وتتزلل عليه تا شككاتو فراسو تاولى هي تيشوف

منصور:(داخلين البيت)مالكي نتي من قبيل ونتي تتقحبني علي
سماح:ممنحقيش نبوس راجلي

منصور:بوسي ازين..ولايني بوسي كلشي
سماح:ههههه عندي ليك شي خبار
منصور:اشمن خباار؟؟

سماح:(جاتها موجة خجل خطيرة)ههههه حشمت 
منصور:اش حشمك..اجي نحشمك بالمعقول..

بغا يشدها وهي تبدا تزكك عليه وتحلون تضحك فرحانة وفرحتها ماتعطيها لحد..

سماح:هههههه واطلق ازمر نجيب ليك الخبار
منصور:منين؟؟
سماح:غمض عينيك
منصور: ايوا ها الخرا ههههه
سماح:تطليه البغل ههههه

مشات قدامو للمجر فين مخبية تيست جبداتو وخباتو عليه بزربة وتمات جايا تتعوج وتفرنس بوحدها وقالت:واغمض..
منصور:واطلقييينييي اسماح

ياله بغات تجبدو وهوما يسمعو غوووتة ديال لطيفة تانقزات هي..

خرج تيطير ملي سمع غواتها وتم نازل كيدردب مع الدروج لجيهة بيت موو مخلوع وهي تابعاه

مع حل لباب لقا لطيفة تتنهج ووجها مقطوع منو اللون..منصور:(مخرج عينيه)مالك؟؟فين مي

لطيفة:(صفرا)مممم..مممم(تتشير لراضية لي ناعسة فبلاصتها)

داز فيها ومشا تيقلب فمو لي محطوطة ناعسة متتحركش..دقات قلبو تيضربو على جهد ونزلات عليه واحد الكمية من العرق من ظهرو..علاين اسكت ليه القلب...

منصور:(تيحرك فيها)مي مي...ميييي(شاد يديها)مييي(غوت للطيفة)مااالهاااا
لطيفة :(طاحو دموعها)مععععرررفتتتتش مشيت نجيب دواها حطيييتها بلاصتها جيييت لقيتها مييييتة.. 


شاف فيها مخرج عينيه والدمعة بسرعة تكونات فعينيه.. يمكن 
للحظة وقف نبض قلبو ورجع..يديه جمدو والخبر لي متهرب منو حياتو كاملة سمعو..كان كيقول الله يسبق نهاري على نهارها.. 

منصور:(غير مصدق تيحرك فمو بهستيرية)مي مي ميييي..حلي عينيك(تيحل ليها عينيها)مي مي فيقي ميييي
سماح:(مصدومة وقلبها كيضرب)خاااللتييي

قربات منو تتشد ليه فيديه لي كيحركو فيها بهستيرية ودموعها سبقوها..

سماح:(حطات يديها على عنقها العرق كيضرب)هءهءهء خالتيييي
لطيفة:(تتبكي)راه ماتت هءهءهء

منصور:(طاحو دموعو والسخفة شداتو )سكتيييييي سكتيييي مماتش ميييي مييي(تيحرك فيها بهستيرية)ميي(شافها متحركاتش وهو بغوت تا بح صوتووو)مميييييييييييييييي

سماح:(شدات راسها تتبكي ومنظر راضية ميتة بورشها)منصور هءهءهءهء منصووور عفاااك(تتجر فيه)منصوووور
منصور:(مرفوع تيقلب فمو)هءهءهءءهءهءهء مي مي ميمكنش ميمكنش(تيبكي بهستيرية)مييي مييي عفاااك امي

سماح بقات تتبكي بحسرة على راضية وعليه هو..شدات فكتافو تتبغي تبعدو عليها لكنو مكنزز عليها..

نهارو دموعها خاصة فاش حط راسو على كرشها ومعنقها بحال شي دري صغير ونهار بالبكا بحال العيالات

الى المرا كتبكي هو تيهرط بهاد المفهوم..

سماح:(مخاطبة الخدامات لي جاو بعدما سمعو الغوات)تيليفوتي هءهء جيبو ليا تيليفوني من لفوق

خلاتو مجراتوش حيت قطع ليها فالقلب هي الاخرى راها متدمرة من موتها..

اصعب حاجة هي موت الغفلة..تكون جالس مابيك ماعليك ضاحك ناشط واموت ليك اقرب الناس ليك

بقا معنقها وتيبكي بهستيرية وينادي باسمها ممصدقش انها توفات..

عاد كانت حداه وتيهضر معاها واليوم فقط الجثة ديالها لي بقات لاغير.. 

عيطات سماح لباها خبراتو ودموعها على خدها..قربات ليه حطات يديها عليه وقالت:منصور منصوور 

منصور:(تيبكي بحسرة )هءهء مي مييي مشاات مي مشاات..مي خلاتني مي مشاات مييي(بدا تيغوت وازعزع فيها)وااامييييي

لطيفة مستحملاتش وهي تخرج تتبكي فحين سماح جلسات فطرف سرير تاهيا تتبكي مسوكرات ليه والو من غير البكا

بقا تيبكي بجنون واتنخصص عليها معنقها مباغيش اطلقها..ترفع على لي ضايرين بيه ولى تيردد مي فقط..وابكي عليها

كان كيتسناها تبرا وتوقف على رجليها وتربي ليه ولادو من سماح واشوفها كيبغا ..لكن المحبوب عند الله كايديه الله بكري.. 

كيقوليك واحد المثل : "الى مات باك وسد الركبة والى ماتت مك وسد العتبة"

الجنة تحت اقدام الامهات..كتهزك 9 شهور فيها وحم وحبالة وثقل ..

ماكتشوفش النعاس براحة حيت وضعية وحدة تنعس بيها طول مدة الحمل..

الثقل تيقطع ليها فلحمها تاكتولي لحمها مزقة بالحمورية..

شعرك كيدير ليها الحرقة..النفس كيتقطع ليها...

وزن زائد وانتفاخ القدمين وهازا ثقلك نتا..

الشهور الاخيرة كيبداو انقباضات الوجع لي كتعتابر ثاني اصعب وجع فالعالم..

كادوز فترة الوجع لي ممكن تستمر لمدة اسبوع .. 

والولادة كتحل كلها وكتولي رجل فالدنيا ورجل فالاخرة..تعصر وتدفع باش تخرجك من فتحة صغيرة بحال ديال الابرة..

لكن بمجرد مكتهزك تتسنا كلشي..لهذا قيل الجنة تحت اقدام الامهات. . 

-"أمك ثم أمك ثم أمك ثم ابوك.."

هي لي كي تندخلو لدار تنسولو عليها..وفاش كتنعس تتولي تحضي ليها تنفساتها انطلاقا من كرشها واش كطلع تتهبط. . 

هي لي كتربي اجيال واجيال..تسهر وتطيب وتربي توكل وتصبن وتنقي وتتول وهدفها هو تشوفك مزيان..

مكطلب منك والو غير انك تكون مزيان والى قلتي بيت نعوضك تتقوليك هز هي راسك..تتفني حياتها عليك . . 


دخل عثمان لدار بنتو رفقة زينب والياس مخلوعين ..داتهم الخدامة لبيت راضية فين لقاو منصور تيبكي وانوح عليها مثل النساء وتنخصيصتو تتسمع منين ومنين

سماح:(مشات عنقات مها)ماما هءهءهء
عثمان:(توجه لمنصور تيبعدو عليها لكنو مكنزز على جثتها)ولدي مديرش هاكا

منصور:هءهءهء مي مي(كيبوس راسها ويديها ووجهها بهستيرية)ميييي

الياس:(تأثر)منصور اخويا(تيعاون باه اجروه)
منصور:(دفعهم)هءهءهء بعدووو منييي(تيمسح دموعو)ميي فيقي الله يرحم ليك الواليدين..عفاك امي هءهءهءهء

سماح:(تتشوف فيه وتتبكي)هءهءهءهء
زينب:(ناضو عليها المواجع تباها)هءهءهء عثمان بعدوه عليها. . 

عثمان:(تيهضر بالهداوة معاه)الله يهديك اولدي راك تتعذبها بدموعك. . الله يرحمها اولدي

منصور:(بنفي)لالا مماتش هي نااعسة هءهءه(تيبكيهم حارين)
عثمان:لاحول ولا قوة الا بالله(رجع حدا سماح)عندك نمرة باه..عيطي ليه 
الياس:اتدفن اليوم؟؟
عثمان:لا مشا الحال..غدا بكري ندفنوها(تنهد)الله يرحمها...اري ليا نمرة باه 

عطاتها ليه سماح وعينيها تيبكيو من جيهتين خسارة راضية ودموع راجلها
عارفاه متعلق بمو بزاف والى نقز هادي راه الحمد لله. . 


دوز عثمان اتصال لعبد العظيم علمو ..وبقاو واقفين حايرين معاه بغاو هي يغطيوها مخلاهمش ..تيبكي ممسوقش لتاحد. . 

موت الغفلة دات اغلى الناس عند بزاف تالناس..تتكون جالس تاكيموت شخص مامريض مابيه تاحاجة..تكيديه الله وكي تيقولو تترجع الامانة لمولاها .. 

كاين ناس كانو ضاحكين ناشطين تا داتهم المنية..وناس نعسو مابيهم والو تاتفيقهم تلقاهم ماتو..اجي طبيب واقوليك سكتة قلبية وهي راه ربي بغاه

موت الغفلة سرقات اعز الاحباب عندنا وكسرات ظهور ناس اخرين..

صدمات البعض والبعض كمل فحين الاخرين مانساوش..متعايشين 

لكن حرقة الغفلة بقات فحلقهم
تيولي الانسان اقول كون هي جلست معاه كون هي مامشيتش لهنا كون هي درت ليه الخاطر..كون هي مدرتش هادي كون جلست كون فعلت كون تركت.."كون "ديال الندم هي اصعب لحظة ممكن اعيشها الواحد

ومكاينش لي كيهرس الواحد فالدنيا قد موت والديه..كيتعايش كيتنفس كيضحك وتيكمل لكن بالصبر وحرقة انه اموتو والديك بالغفلة اصعب..تاتعلمك بزاف. . 

دخل عبد العظيم تيجري هو ولادو كاملين ومراتو وجهو مسقطر منو الدم ماشي على راضية لكن على ولدو

وكي توقع لقى ولدو داير جنازة بوحدو..تيبكي واتنخصص..

"تبكي النساء لأنها نساء..اما الرجال تبكيهم حسرة الخواطر"

مشاو خوتو لعندو تيجرو فيه واصبرو فيه وهو تيبكي بحسرة على مو...

عبد العظيم:(جا وقف ليه عند راسو تيهضر بهدوء)الله يرضي على ولدي...الله يرضي عليك الى ماصبر

سمع صوتو وهز فيه عينيه العامرين دموع وغضب من صوتو وصاح فوجهو معصب:جاااي تشفىىى جاااي تشوف فين وصلتيييها؟؟جااي تشوف اش درتي؟؟هاهيااا ماتت ماااتتت(بصوت بااح)بردتي دروووك...عذبتيها فحياتها وجاي تعذبها فموووووتها...

عبد العظيم:(زفر)الله يهديك اولدي(بغا يشد فيه)مديرش فراسك هاكا

منصور:(بعد على مو ووقف ليه تيبكي عشرة لعين)لاش جاااي؟؟؟جاااي تشوف اش صنعتي؟؟مييي مااتت تتفهم شناهيا ماتت ونتا باقي حي واقف على رجليك..ومييي مييييي مييي مااتت

عبد الفتاح:(جرو )الله يهديك..خرج الواليد خلينا معاه

تنهد عبد العظيم وخرج من البيت مخليه مع مو كي تيقولو ..عياو فيه لكن مباش اتزحزح من حداها..

البكاء والتنخصيص هو لي تيتسمع فدار منصور ديك ساعة...عياو فيه خوتو لكن ماخرجش..فالاخير خلاوه ابات معاها وخرجو كاملين

جالسين برا وتيبكيو النسا وخوتو تيتحسرو..اما عبد العظيم راه تيهزز فرجليه بتوتر تانطق: علمو عائلتها..خوها لي بقا عندها غدا مور الفجر تدفن

عثمان:انا نتكلف بالباقي اسي الحاج(تنهد)الله يرحمها 

الكل:امين

زينب:(مخشية فيها سماح تتبكي)براكا ابنتي طيبتي عينيك
سماح:هءهءهءهء كانت عزيزة علي هءهءه مظنيتهاش تموت موت الغفلة
حجيبة:(تتبكي)مشات مسكينة عند الله..الموت راحة كانت معذبة

اما منصور راه ناعس حدا مو جثة هامدة ومعنقها من كرشها وتيبكي على صدرها.. لانه اخر مرة غيعيش هاد اللحظة هو هذا..محتاضنها وتيشم فريحتها حيت اخر مرة اشم او احس بيها هي هادي..

عقلو تمسح وعينيه مانشفوش من دموع عليها كل شوي ادخل شي حد اطل عليه القاوه على حالتو

ليل كولو داز بلا نعاس عند كلشي..الدموع نشفو من عينيهم حزنا على راضية..المرأة الطيبة العزيزة عند الكل

مجاش فين يأذن الفجر تا كان خوها الوحيد لي عندها جا رفقة اولادو لي منصور قاطع معاهم العلاقة بتاتا لانهم مكانوش تيسولو فمو اصلا لكن الموت واجب انهم احضرو...

على اذان الفجر صلاوه الرجال فدار وخرج عثمان اتكلف باحضار الطبيب والكفن وكذلك المغسلة ..

حالة منصور لا تبشر بالخير وتقول واش غمض واش عينيه حبسو من دموع..حسرتو لا تتصور حيت ماتت وهو مواعيش مكانتش مريضة موالو..بغاها الله وداها. . 

بدا تيطلع الصباح ودخلو خوتو لعندو تيعلموه انه خصو اعطيهم ادفنوها..وهنا تزادت دموعو فالانهيار وصوتو تيعلا..

منصور المهيب ولي تيخافو منو خوتو تيبكي كي العيالات..لأن مصدر قوتو مشا

عبد المالك:(عنقو)الله يرحمها اخويا..صبر صبر وحمد الله

مهضرش حدو دخل لحمام بيتها غسل وجهو مزيان وبقا تيبكي تيبكي واتنخصص..تاتحل عليه الباب كانت سماح لي شافت حالتو وزادت على حالتها..

عنقاتو براسو فاازگ وزير عليها تاهو وبدا تيبكي تا فشل فالارض وتمات نازلة معاه للارض تتبكي معاه

حسرتو وحدها..كون كانت مريضة وتيشوف الموت راحة يمكن ميبقاش فيه الحال لكنها كانت حالتها مستقرة كيفاش ماتت معرفش..خبر غير مفاهيم حياتو وصدمو خلاه بلا عقل

بكا فحضنها شحال ونوضاتو غسلات ليه وجهو ودموعها محبسوش..وقالت وهي شادا وجهو بين يديها:خصك تصبر..لازم عليك تصبر..ايغسلوها وادفنوها وخاصك تصبر..مغتبغيش تشوفك فهاد الحالة.. 

منصور:الصمت
سماح:(باستو فراسو)واخا..

حرك راسو وخرج بعدما مسح دموهو..عقد الحضاش وتوكد وخرج برا فين كانو كاملين شاف فيهم واحد واحد وطلع لبيتو.


ببرود دوش ودموعو نازلين ولبس عليه ونزل. . 

على اصوات القرءان الكريم واحساس الحزن...نزل لقا بعض من عائلة باه وبعض من عائلة مو..معمرهم سولو فيها تالموت عاد جاو

وجدو راضية فالنعاش ديالها بعدما جا طبيب وعطاهم شهادة الوفاة والسبب سكتة قلبية..

تغسلات وتكفنات وتحطات فنعاشها..خرجوها هزها معاهم هو والدمعة واقفة ليه فعينيه...داروها فنقل الموتى..خدا طونوبيلتو وتبعهم تيبكي وعينيه ساهيين..

رفقة ابوه وخوتو وخالو وولادو..نسابو وبعض الافراد الاخرين...دفنو راضية وحطوها فدار البقاء الخالدة اما الدنيا هي دايزا. . 

رجع ادراجو وكتافو طايحين عليه..برد قلبو نوعا ما وتيتنهد واشوف..خوتو مفرقوهش بقاو لاصقينو تا خرحو من المقبرة..شافوه غادي لطونوبيلتو

عبد العظيم:تبعوه ماتخليوهش بوحدو

طلع فطونوبيلتو ورجع ببرود لدارو لي لقا فيها العزاية...طلع ديركت لبيتو وجلس فالفوتوي تيشوف فاص ليه والدمزع نازلين من عينيه

البارح مو كانت معاه واليوم تحت التراب..مبقاتش شي حاجة فحياتو اسمها راضية ..لكن فقلبو اتبقا خالدة ديما. . 

تحل الباب كانت سماح لي جات لابسة جلابة وشال..جلسات حداه عينيها حمرين وقالت:منصوور..تاكل شي حاجة؟؟
منصور:الصمت
سماح:منصور متخلعنيش عليك احبيبي(طاحو دموعها)
منصور:(ببرود)خرجي بيت نبقا بوحدي. . 
****
"واش يبقالي"!
واش يبقالي إيلا راح الغالي
ما يحس بيا غير اللي حاله من حالي

حتى الدمعة ما قادرة تواسيني
شكون ف حالك في الدنيا يبغيني

واش يبقالي إيلا راح الغالي
ما يحس بيا غير اللي حاله من حالي

حتى الدمعة ما قادرة تواسيني
شكون ف حالك في الدنيا يبغيني

وميمتي هي المراية
اللي كا نشوف راسي فيها

كا نحس بروحها معايا
حياتي ناقصة بلا بيها

وميمتي هي المراية
اللي كا نشوف راسي فيها

كا نحس بروحها معايا
حياتي ناقصة بلا بيها

واش يبقالي إيلا راح الغالي
ما يحس بيا غير اللي حاله من حالي

حتى الدمعة ما قادرة تواسيني
شكون ف حالك في الدنيا يبغيني

واش يبقالي إيلا راح الغالي
ما يحس بيا غير اللي حاله من حالي

حتى الدمعة ما قادرة تواسيني
شكون ف حالك في الدنيا يبغيني


تنهدات بحسرة عليه وناضت مخلياه فعزلتو..عارفاه اييغي يبقا بوحدو..وفهاد الظرف بضبط واخا الإنسان معرت اش تقوليه ماغتخففش عليه. . 

كي خرجات ناض هز باكي تالكارو من وسط حوايجو..شعل واحد وجلس تيشوف فاص ليه ودمعة لاصقة فعينيه كي يتفكر الحنانة تطيح وحدة مور لوخرا..

"انا اريد وانت تريد والله يفعل مايريد.."

بغاها الله وداها وهادي هي الحياة..يمكن هذا اختبار من عند الله لصبرو. .

داز يوم كئيب جدا فدارو..كلشي هي جالس وتيتسنط للقرءان .. ولي مضرور راه لفوق ماقرب ليه حد ماوصلو حد..

طلعات ليه ماكلتو حطاتها وخرجات مبغاتش تحكر عليه.. 

فبعض الأحيان تايخصنا نديرو العزو فقلوبنا..والعزاء الوحيد ديالو هو انه مغيحس حد بيه. . 

فالصالة وقف عبد العظيم وقال:السلام وعليكم..هذا هو الوقت
حجيبة:(وقفات)الله يعاونكم..(مخاطبة سماح)ساعفي ابنتي ساعفي

سماح:(باقي عينيها حمرين و منفوخين)يدير الله خير ياربي. . 

تسالمات مع خوتو وخرجو على وعد ارجعو غدا..بقاو هي دارهم وعمتها وراجلها. . 

عثمان :نوضي طلي على راجلك ابنتي

ناضت تتنهد طلعات لبيتها كي حلاتو وهي تضربها ريحة الكارو على جهد...رجع البيت بحال قهوة تشيشة بالدخان..مع الحلة مع كحبات بخنقة وتتنش بيديها. . 

رمات عينيها لقاتو فين خلاتو بنفس الجلسة ونفس الملامح وتيكمي ببرود.. 

سماح:(مشات تتجري حلات شراجم)منصووور اش هادشي.. 
منصور:الصمت
سماح:(تتكحب)الله يهديك اش هاد الحالة(شافت فالماكلة)مكليتيش؟؟
منصور:الصمت

سماح:(زفرات وجلسات حداه تتهضر وتكحب)الله يهديك واش نعارضو قضاء الله..ربي بغاها..بيتي تقتل راسك ها؟؟(مسحات على لحيتو)الله يهديك خصك توگد راك راجل. . 

شاف فيها بسرعة وعينيه مغرغرين..بنظرة قطعات ليها فالقلب..

مخلاتش ليه فين يهضر .. دارت راسو فصدرها وعنقاتو بحنان متنهدة وتاهو زگا فصدرها وبداو دموعو تينزلو

ولا كلمة ممكن تصبر لواحد فهاد الموقف..تا كلمة مغتداوي الجرح..الوقت هو لي كيداوي ..
الوقت تايخليك تنسا والحمد لله على نعمة النسيان. . 

لدقائق طويلة كانت حاضناه بصمت وتادوز عليه تا هز راسو من عليها وقالت:كول شوي واجي تنعس(شافتو ساكت)منصور متخلعنيش عليك احبيبي

منصور:(تنهد بتعب)بيت نعس. . 
سماح:(بلطف)ندوش ليك..ونوكلك وتنعس
منصور:(حرك راسو بالسلب)لا..بيت هي نعس

ناض من حداها تيحيد فحوايجو بتعب وهي متبعا ليه العين تا تخلص من حوايجو وتخشا ففراشو مغمض عينيه

تنهدات وهزات داك لبلاطو ونزلات لتحت داتو لكوزينة ورجعات عندهم طمناتهم عليه وجلسات. . 

عثمان:زينب ياله نمشييو
زينب:انا انبات مع بنتي سيرو نتوما
سماح:بلا متعذبي اماما سيري ترتاحي
زينب:راحتي من راحتك..هز يسرا والياس وسيرو
فاطمة زهرا:نجلس تانا منخليوكش بوحدك
سماح:لهلا يخطيكم.. 

وبالفعل مشا كلشي وبقاو هوما عيالات معاها..جابو ليهم العشا وهي تينقبو اعتقو الروح وصافي..

لطيفة:اييه هي البارح بحال هاد لوقيتة كانت معانا..دنيا غذارة
زينب:الله يرحمها ويتبعنا ليها مومنين..العزيز عند الله تيمشي بكري..انا با راه مات صغير..

فاطمة الزهراء:كلنا ماتو لينا والدينا وصبرنا هادي هي دنيا..فكرني راجلك اسماح هي فيا فاش ماتت مي(بدات تتبكي)مشات علي وخلاتني كي المشوية..

زينب:(حكات على كتف لوستها)ماديريش فبالك هادي هي الدنيا..البركة فخوك
فاطمة الزهراء:الله يرحمنا
الكل:امين
زينب:كلا شوي؟؟

سماح:وتقول واش بغاا..نعس
لطيفة:هي بشوي عليه دابا يولف(تنهدات)بحالا كانت عالمة على راسها اتموت..هي سمعات خبار حملها وماتت مرتاحة..

زينب:(بصدمة)حاملة 
سماح:(بتعب)اه..

فاطمة الزهراء:ربي بغا يعوضو خير بهاد التربية..الله يثبتو ابنتي.. 
زينب:(عنقات بنتها)الله يعوضو خير ياربي..واكولي دروك
سماح:(بامتناع)ماعندو منين ادوز اماما هي تندفع
زينب:هي كابري ابنتي..واحلة فروحك

تنهدات وهي تبدا تاكل هي بالتدماق وكملوا جموعهم على نفس المنوال..

الحياة والموت ورواية قصص لناس ماتو موت الغفلة وماغيرها.. 

تعشاو و وراتهم بيوتهم ومشات تاهيا تنعس..تتحس براسها عيانة البكا هدها..

دخلات لقاتو ناعس ..بدلات عليها وتخشات حداه حاطا يديها على كرشها وتتفكر فالايام الجايا لي غاتكون اصعب

****
مع الصباح تقريبا التاسعة باقي الجو بارد شوية حيت قرب ادخل البرد..

فاقت تتعجز وعينيها طايبين بسخونية البكا..شافت حداها مالقاتوش قالت مع راسها فاادوش..

ناضت تتاوب دخلات للحمام مكاينش..خرجات للبالكون مكاينش..

بدلات عليها بسرعة تتمات نازلة سولات عليه الخدم مشافوهش..
سيارتو مكايناش برا..

طلعات تتزرب لبيتها هزات التيليفون تتصوني عليه تا كتسمع الرنة معاها فالبيت..قشعات تيليفونو حدا راسو فين تينعس ومشات هزاتو باقي تيرن مكتوب عليه:لالة منانة.. 


زفرات وتقلقات عليه..فين غيكون مشا؟؟امتا خرج..نزلات لتحت سولات السيد لي شاد ليهم الاشغال قاليها خرج فليل وماشي فالصباح.. 

زادت تشوشات ومعرفاتش فين تلقاه..رجعات دخلات تلاقات مها لي قالت:صباح الخير..مالك صفرة؟؟
سماح:ففففف مصيبة ياماما..منصور مكاينش
زينب:صونيتي ليه ابنتي

سماح:(وراتها تيليفونو فيديها)خلاه هنا..انا نمشي نقلب عليه
زينب:فين غتمشي؟؟جلسي فدارك نعيط لباباك 
سماح:(بامتناع طالعا مع دروج)لا اماما..انا لي نقلب عليه ماتشطنيش بابا على والو

زينب:(تابعاها)راكي حاملة ابنتي الله يهديك

دخلات لبيتها لبسات دغيا وهزات سوارتها وسوارت دارو لي فمراكش..

سماح:دار دارك اماما نلقاه ونرجع
زينب:خلي تيليفونك شاعل
سماح:واخا

خرجات واخدة طونوبيلتها فطريق مراكش ووتطلب الله ميكونش مشا لشي قنت ولا وقعات ليه شي حاجة...

كي وصلات سولات العساس وقاليها مجاش..زفرات وطلعات مع ذلك تحيد الشك..رغم ان طنوبيلتو مكايناش 

حلات دار ودخلات تتلقا السقيل ومكاين حد وهي ترجع ادراجها تاني..تتنهد حطات راسها على لفولون وتتخمم فين ممكن اكون مشا..

عيات تفكر ووالو مالقات تا شي بلاصة ممكن امشي ليها..شويا وهي تضرب ليها طن فراسها..

دوزات نمرة خوه عبد المالك سولاتو على المقبرة ونعتها ليها..بسرعة ديمارات وشداتها ديركت للمقبرة فين مدفونة راضية..

توقعات تلقاه تما وترجات تلقاه..
عرقات ونشفات عاد وصلات..نزلات تضور عينيها فالارجاء تاقشعات طونوبيلتو وهي توسع عينيها بارتياح..

لقات امام المقبرة عساس وهي تزعم وقالت:ا شريف واخا نسولك
السيد:نعام الالة
سماح:حمم واحد سيدة جابوها لبارح دفنوها هنا بيت نعرف قبرها
السيد:تتقلبي على النفتاحة(الابرة)وسط التبن..عرفتي شحال من جنازة دخلات لبارح

سماح:(بيأس)واش مكاينش باش نعرف القبر
السيد:لي نعاونك بيه هو جهة فاش تدفنو الناس تالبارح..دنيا عمرات ومابقا تا فين نحطو بنادم وهو ميت ..(دخل معاها)سيري لديك جيه فين تدفنو تاوع البارح

حركات راسها وخطات اول خطوة بين القبور شداتها التبوريشة..باش تدوز من حدا ميتين راه تشدك القفقافة..تتشوف حال دنيا كي غادي..اخرتك تراب .. 

تدور عينيها على البلاصة فين نعت ليها وتتمشا بين القبور وخاطرها مزير علاين تطيح..مبان ليها والو وزادت مزال تتقلب تابانت ليها كسدة ديالو منشورة فالارض شهقات ومشات تتزرب بين القبور وتنادي اسمو مخلوعة..

ماحدها تتقرب وهو تيبان ليها منشور على قبر مو ناعس. .

سماح:(وقفات عليه تتحرك فيه بخوف)منصوور..منصووور..منصوور

حل عينيه بانزعاج ومنفوخين..شافها وهو ينوض من فوق تراب مو..حوايجو عامرين تراب حيت بات تما..

منصور:(تيمسح عينيه)سماح
سماح:(قلبها طاح بين رجليها بالخلعة)اش كدير هناا(عاوناتو تاوقف مشادش توازنو)
منصور:(بتعب)مي

سماح:(بحسرة تتسوس ليه حوايجو )ديك ساعة فيقني امنصور..نجيو بجوج (شدات فيه مدورا يديها على خصرو)ياله نمشيو للدار
منصور:الصمت

جراتو معاها ساكت وعينيه على قبر مو كيما حركتيه يمشي..وهي تأثرات علاين تنفاجر بالبكا على حالتو..

باش الواحد ابات فمقبرة بوحدو وسط الموتى راه وصل لسطاج لخر

طلع لطونوبيلتها معاها وهي تشد الطريق تتنهد وتحسر عليه..مهضر ماتكلم حدو حل الشرجم وجبد كارو تيكميه وهي حاضياه خايفة عليه..بغات تهضر على هاد الكارو ومالقات متقول..

وصلو لدار ونزل ديركت لبيتو داز فزينب ماهضرش عاد دخلات هي تتنهد وتتحسر بالدموع عليه.. 

زينب:(تلقات ليها)فين لقتيهي؟؟
عنقات مها وعطاتها لدموع:لقيتو بايت حدا قبر مو
زينب:(مصدومة)اويلي .
سماح:مصبرش اماما مصبرش ءهءهءهء
زينب:لاحول ولا قوة الا بالله...الله يصبرو
سماح:(مسحات دموعها)نطلع نشوفو..عفاك اماما طلبي البنات اصايبو ليه مياكل
زينب:واخا واخا هي سيري

طلعات سماح لعندو مالقاتوش سمعات صوت دوش عرفاتو تيدوش..دخلات عليه وقالت بهدوء:نعاونك؟؟

حرك راسو بالسلب وخلى راسو تحت الما تينزل عليه بحال العافية ..ميبرد حرقة ما والو..عينيه تضببو بدموع.. وحياتو ولات مختاصرة فاليتم.. 

"لايصبح الرجل عجوزا في سن الخمسين او الستين..لكن حينما تموت امه"

وجدات ليه حوايجو وتسناتو برا تا خرج مهدود باين فيه العيا علاين اطيح..وناضت شدات فيه تتمسح ليه شعرو وجلساتو فطرف سرير..
قبلات راسو بهدوء وقالت:لبس عليك تاكل شوي

لبس عليه وجابو ليها بلاطو تالماكلة..حطاتو ليه وزعماتو ياكل..نقب ليه شوي وناض بصمت تكا ففراشو تيقلب على نعاس وكل مرة اغمض عينيه تبان ليه راضية..


مر اسبوع بالحساب..كل صباح منصور امشي ازور مو فالقبر واغبر نهار كامل ماكيجي تال ليل..طافي عليها التيليفون وغابر فين ما عرفاتش..

تتبقا سهرانة تسنا فيه وتمشي وتجي عليه..ولا من مجيب مكيدخل تال فجر واخرج تاني

اليوم تاني جالسة فالجردة تتهزز فرجليها تسناه ومعاها مها وعمتها مشات.. 

زينب:لاتعصبيش راسك ابنتي راكي واحلة فروحك
سماح:(تتبكي)انموت اماما انا بالفقصة انطرطق..ماكيجي فين ادخل تا كايكون السكر طلع فين با
زينب:صراحة واعرة عليه راه مصعيبش انسا مو
سماح:(بانفعال)واش انا قلت ساهل..اخليني نعاونو ماشي اخرج نهار كامل فين الله واعلم..خدمتو مافيهاش..لابارتمون مافيهاش تيليفونو لايحو ممسوقش اش ندير اماما اش ندير 

زينب:(تنهدات)تيعز علي والله..مأثر بزاف
سماح:عييت اماما والله محيلتي ليه ولا لهاد الوحم المزفت
زينب:اودي اش نقوليك الله يهديه تانني تاتشوفيه جا ماتتهضري معاه متقوليه لا طابت لا تحرگات .. 

سماح:(بحنان)اش ندير اماما..دارها ليا قلبي..تنبغييه وتيعز علي..انا براسي محروقة على خالتي الله يرحمها ولاكن خصني نصبر..

زينب:الله يدير شي تاويل ابنتي..انا نوض ننعس باش الى جا ميتحرجش قدامي
سماح:تصبحي على خير اماما وسمحي ليا
زينب:الله اودي ابنتي

ناضت مها تنعس وبقات هي جالسة فالصالة تتسناه وتضور تيليفون فيديها بتوتر..

مرة تتمشى مرة تتجلس مرة تمشي تاكل شي حاجة..والسيد باقي مجاش. . 

ساعة ساعتين ثلاث ساعات تا صبح الصباح والسيد مكاينش وهي ناعسة معذبة فالسداري تتسنا فيه..

ضرباتها التوكيدة مع السبعة تصباح على يد لطيفة لي فيقاتها بلطف:بنتي سماح..مالك ناعسة هنا؟؟

ناضت قافزة وقالت:جا؟؟
لطيفة:شكون ابنتي؟؟
سماح:(وعات وهي تمسح على وجهها وعينيها تعبانين بالسهير)منصور
لطيفة:ماعرت..نوضي تنعسي بلاصتك حسن ليك هنا معذبة(تحسرات لحالتها)
سماح:اودي مابقات راحة

وقفات وهي تشدها واحد دوخة خطيرة خلات الضبابة تبان قدامها تارجعات جلسات مغمضة عينيها تتحاول ترد توازنها.. 

لطيفو:ياك لباس ابنتي؟؟الدوخة
سماح:(شدات راسها)ناري راسي تيزدح اخالتي..اوووكوووك والدووخة
لطيفة:هي بشوي عليك..خليك جالسة 

سماح:خاصني نوض نخرج فففف راسي تيضوور
لطيفة:من الحمل اسماح..هاد ليام ماكلتك قليلة وعاد باقي كاع ممشيتيش للطبيب
سماح:فيناهو العقل لي يمشي عند الطبيب..(وقفات )اححح شويا دابا
لطيفة:اصبري نطلعك لبيتك

سماح:معليش انا نطلع راسي..الى فاقت ماما قوليها خرجت نقضي شي غرض 
لطيفة:صافي كوني هانيا

مشات لبيتها بشوي عليها..خدات دوش بزربة بدلات عليها وخرجات تقلب عليه والهم واكلها أكل نيت..

ماعرفات مادير باقي..خلاتو على خاطرو ماهي فخير..نگرات ايتقلق

هزات سوارتها وصاكها وخرجات فداك صباح واخدة تيليفونها..والاتجاه الدار ديالو الشقة وكلها أمل تلقاه تما..لكن للاسف مكاينش حسو..

رجعات للمقبرة مالقاتوووش..وهي تقول نسول فالمدرسة ديالو

وقفات جنب الطريق تترد النفس وتتنهج..خارجة بلا فطور وحاملة علاين تقتل راسها..

شدات على كرشها بتعب وحطات راسها على لفولون...هزات قرعة تالما شربات وغسلات وجهها برا طونوبيل وبقات تا ردات النفس عاد هزات تيليفون دوزات الخط لمصطفى.. 

سماح:(تتسنا اجاوب)جاوب جاوب(تشد الخط)الو
مصطفى:اهلا لالة سماح هه صافا؟؟
سماح:الحمد لله ونتا؟؟
مصطفى:الحمد لله
سماح:سي مصطفى قوليا واش منصور مكاينش فالمدرسة
مصطفى:علاه مافراسكش؟؟
سماح:(باستغراب)شنو لي مفراسيش
مصطفى: موسيو منصور باع المدرسة لسيد لي عندو ايكول فالشارع لي ورانا

نزل عليها الخبر كي السم...خرجات عينيها و وقفو على الحركة مصدومة من قرارو ..تلعثمات فهضرتها:حم واش هي هاديك فاش خدام نتا دروك؟؟
مصطفى:نوو كلشي..باع كلشي
سماح:(تتهدن راسها)صافي مغسي..بونجوغني

قطعات عليه وشدات راسها بتوتر وخلعة وصدمة حايرة وتتساءل بصوت مرتافع:اويلي اش دار؟؟اويلي واش خرج ليه العقل اميمتي 

رن هاتفها كانت مها..بغات تجاوب لكن نفسيتها ماتسمحش..تنهدات وسكتاتو وبقات تتفكر وتعاود ففعايل هذا لي بغا يخرج ليها العقل

كثارو الرنات وهي تجاوب:الو
زينب:فينك ابنتي راجلك هاهو جا
سماح:(شهقات بحالا طاحت على كنز)بصح!!امتا جا؟؟
زينب:ياله شوي..
سماح:ياكما ايخرج
زينب:محال تيبان عياان
سماح:(كديماري)مسولش علي؟؟
زينب:لا داز فينا وطلع للبيت
سماح:(بزربة)عفاك اماما عنداك اخرج الى بان ليك غيخرج شديه 
زينب:واخا ابنتي

قطعات عليها وطلقات رجلها فالسرعة قاصدة الدار..مع منصور مشا خوف الطريق ولات بلهلا يطريه ليها تتزيد السرعة وتضوبل الناس وتقفقف.. 

دارت ثلث ساعة فالطريق و وصلات..فاش لقات طنوبيلتو حمدات الله تمات نازلة تتزفر وسخفانة..

دخلات تلقات ليها مها ولطيفة وهي تقول:فينو؟؟
زينب:الفوق..وسعي خاطرك
سماح:يكون خير
زينب:انا غنمشي ابنتي..باباك بقا بوحدو . . 


سماح:(باسف)شديتك معايا احبيبتي(عنقاتها)سيري اماما..كوني هانيا
زينب:مابيتش نخليك بوحدك ولكن مشاكلك نتي وراجلك خصكم تكونو بوحدكم 

سماح:مكاين تا مشكل اماما بيناتنا ..خاصو خي يولف وصافي
لطيفة:يكون خيى ياربي...
سماح:سيد لي برا ايديك 
زينب:عارفا..طلعي لعندو

حركات راسها وطلعات تتحاول تمالك راسها حيت طلع ليها الدم من فعايلو..

كي دخلات مالقاتوش فالبيت قلبات دوش مكاينش وخرجات البالكون لقاتو واقف وتيكمي وعينيه فاص ليه
تنهدات وقالت:منصور

تلفت شاف فيها ببرود ورجع تاني عاطيها بظهر لايح لكارو لبرا وبقا ساكت.. 

قربات ليه حطات يديها على ذراعو وقالت بهدوء: فين بتي؟؟(الصمت من طرفو)تخلعت عليك..منصووور

شاف فيها ببرود وقال:شكاين؟؟
سماح:كيفاش شكاين واش عارف اش درتي ولا معارفش؟؟
منصور:بت فين بغييت(بانزعاج)سمااح راسي ضارني خليني عليك
سماح:ياك دابا انا هي لي تنضرك فراسك؟
منصور:(زفر)بدلي ساعة بخراا..مناقصنيش فريعك

سماح:(بنفاذ صبر)دابا انا وليت هي لي تنفرع ليم راسك..انا بيت ليك هي مصلاحتك...مواعيش اش درتي فيا...سيمانة ونتا تاتخرج نهار كامل ومتجي تالفجر وتيليفونك لايحو طاافيه..بيتي تحمقني ورا نبقا حاضياك كي دري صغير ونبقا نقلب علييك...عييت راعي ليا شوي

منصور:(ببرود)تاحد ماطلبك تقلبي علي..جلسي فدارك واكلة شاربة مناقصك والو..علاش تتقلبي؟؟(شاف فيها بجمود)

سماح:(زفرات)تنقلب على خلا عشتي انا وياك...اش هاد الحالة وصلتي ليها امنصوور..انا مقدرة أنك مأثر بموت مك ولكن ماشي لهاد درجة..لايح راسك للهلاك..واش مك كون بقات عايشة اتشوفك هاكا اتفرح؟؟
منصور:راسي تيضرني متزيدينش.. خليني ننعس(تم داخل للبيت) 

تبعاتو تتهضر معاه:اجي لهنا مساليناش الهضرة..اش تيضور فراسك تبقا هاكا حياتك كاملة..الحياة تتستمر..ومك الله يرحمها ويغفر ليها 
منصور:امين(ببرود)

سماح:(عصبها)واش ناوي تمرضني؟؟(نتافضات)اش هاد الحالة؟؟شراب وگارو واش ناوي تطرطق ليا مرارتي اما تا ديالك حيدتيها

منصور:(بعصبية تيهز فيديها)تعلمي تدخلي سوق رااسك وخرجي سوقي..نكمي نشرب ماشغلكش هادشي نهار عرفتيه وقبلتي تزوجي بيا
سماح:(نفاجرات فوجهو)وتا لادرووك مكنتش عارفاه...قولها ليا من لول باش ندير بحسابو

منصور :(بدون اي ردة فعل)مزيان ملي عرفتيها راسك..
سماح:(تصدمات)واش مسطي ولا بيتي تسطيني؟؟واش عارف شناهيا لادرووك كتشري لموت بالفلووس؟؟كيحسابك دابا نتا راك وااعر ملي كديرهم بسطاش(قسحات قلبها ورمات جملتها)كيحساب راسك دروك همة وشان ونتا اضعف واحد..نتا ضعييف ومراجلش(تتشبر ليه بصبعها)حيت الراجل هو لي كيواجه كلشي...بوحدك لي ماتت ليك مك؟؟نااس توفاو ليهم والديهم فيديهم وناس مالقاو مايدفنو فيهم وحمدو الله...اشنو زعماا؟؟تتسنا ربي يشوف من حالك؟؟

منصور:(تعصب)ديها فكرك نشرب ولا نقود..دخلي سوق راسك والى معجبك حال الباب وسع من كتاافك..معندك ماديري مع واحد مبلي وحياتوو عذااب

سماح:حياتك زينة ونتا لي رادها عذااب...تتخرج على راسك بيديك امنصوور..يهديك الله اش هادشي تدير..راه غتندم
منصور:(هز سوارتو)الله ينعل لي بغا يجي ارتااح..تاواحد ماغيفهمني..العافية تتحرق فيا وتاواحد محاس

كان بغا يخرح وهي تشدو بزربة وحبساتو عن طريق وقوفها فلباب:مغتخرجش ومعندك فين تخرج(بلطف)والله امنصور تا حاسة بيك وعارفاك تصدمتي والحرقة فقلبك باقي جديدة ولكن هذا ماشي حل..تتعاقب راسك على شي حاجة مكتابة

منصور:(مكيشوفش فيها)تاواحد مغيحس بيا...انا بوحدي لي حاس اش كاين..وانا عارف اش تندير فحياتي

سماح (بعصبية)نتااا مريييض خصك تعالج غتخرج على راسك وانا تنشوف
منصور:شوفي وسكتي ونهار نموت دوزي تورثي
سماح:(ستافزها وهي تعطيه)نورث فااخرا لي بعتي..دم جوفك حاطو فالمدرسة وتبيعها فرمشة عين
منصور:(باستهزاء)كنتي كتبنيها معايا؟؟

صدمها فجوابو هي تتبرد وهو عاد مطالع للفوق وهي تنطق:سري صرااحة..انا ماهامني لا مدرستك لا فلوسك هامني نتا..نتا لي كتقتل فرااسك
منصور:(ببرود)ملي نموت لبسي علي البيض..(حيدها من الطريق بغا يخرج)
سماح:مغتخرجش...وقفف(تتشد فيه)
منصور:(بعصبية)طلقييي بلا خرااا...سمااااح انعطيك شي دقة
سماح:(تتنهج)والله لخرجتي واخا تعواج..بيتي تكمي كمي هنا..تشرب شربو هنا قدااامي اما الخريج وديعان فزناقي تاتجيني مقتول مكاااينش باااح

منصور:(زفر بعصبية ولى حمر)اتحيدي من قدامي ولا نغلط فييييك
سماح:ممحيدااش والله لخرجتي(شدات يديه)الا خرجتي نساني انا وهادشي لي فكرشي
منصور:(هز حاجبو)حاملة؟؟
حركات راسها بالايجاب وقالت:ااه..عفاك على قبلوو بقا..خليني نعاونك

بقا كيشوف فيديه لي محطوطة تما فكرشها وكيستوعب هضرتها وهي تتشوف فيه وتتسنا شي رد ارضيها وهو ينطق كي القرطاس:مزيان..جلسي فدارك كولي وشربي بلا فريع الكر..


خرج بدون اي كلمة أخرى لايح ليها كلام بحال السم..مخلي الدمعة واقفة فعينيها من ردة فعلو..

كانت كاتسناه اعنقها وافرح بخبر حملها لي من نهار تزوجها وهو فارع ليها راسها بالأولاد..

أجلات الخبر باش تلقى وقت وظنات انها غتفرحو لكن خاب ظنها فيه

طاحو دموعها على خدودها بحسرة وفمها تيعواج من البكية لي حابساها فالأخير طلقاتها بشهقة ..وطاحت على ركابيها تتبكي وتنوح هي راسها..على زهرها ..على قدرها وعلى قلبها لي رماها فيد واحد يبغيها نهار وانساها أيام. .

"صدقت من قالت:احبيه كما تحب النساء وانسيه كما ينسى الرجال"

بكات وتنخصصات راسها وسط البيت ..دخلات لطيفة لقاتها تتبكي وتضرب ففخاضها وتنخصص..

تحنات عليها معنقاها تتهدن فيها وسيدة عاد ماكتبكي وتنخصص..

للحظة نتافضات منها ومشات هزات شانطتها وبدات تتجمع حوايجها وتغوت لربي لي خلقها:انااا لي حماارة صبرت ليه هءهءهءهء بقيت معاه واخا مايسوا بصلة هءهءهء معمرو عطاني تا شوي من لي عطيتو وزايدها خارج ومخليني واحلة فروووحي(تتلوح الحوايج مغددة فالشانطة والدموع عمرو وجهها)الله ينعل النهار لي عرفتو فيه ولا تزوجت بييه هءهء شرييت تمارتي بيدي هءهءهء كلشي قاليا لا كلشي عارفو على حقيقتو الا انا هءهءهء

لطيفة:(تتحاول تشدها)ابنتي الله يهديك ساعة غضب درووك ارجع نادم
سماح:(بصوت باكي وتتغوت)لهلا يردو..ميرجعش كاااع انا بيتو امشي مايعاودش ارجع..اعطيني بتيساااع...قادرة نعيش بلا بيه ونربي ولدي بلا بيه هءهءهء

لطيفة:(تاتحيد ليها حوايجها)عفا بنتي الله يرضي عليك مديريش هادشي فراسك
سماح:(لاحت الحوايح فالأرض بنطرة وغوتات لربيي لي خلقها)اععععععععععععععععع
لطيفة:(عنقاتها)صافي الله يرضي علييك
سماح:(تهدات)عيييت عيييت عييييت منو عيييت من حياتي معاه(حطات يديها على كرشها)ندمت ندمت لاش حملت هءهءه

لطيفة:لا حول ولا قوة الا بالله..سكتي متقوليش هاكا..نتي فساعة غضب
سماح:(هزات فيها راسها متحسرة ودموع عشرة من عينيها)بيت نمشي..

لطيفة:اتخليه وهو محتاجك؟؟
سماح:منصور ممحتاجنييش انا..منصور محتاج مو وصافي..مو ماتت انا زايدة ناقصة فحياتو

لطيفة:منصور محتاجك تخرجيه من هادشي..شوفيني وسمعيني مزيان اش نقوليك..درتي جهدك خليه ابرد ومتخرجيش من دارك والله تيرجع اقلب عليك.. 

سماح:(حركات راسها بنفي)لا..مابقا عندي فين نزيد نعاه..(هزات حوايجها دارتهم فشانطة)هذا جهدي . .

سدات شانطة وجبدات شوانط خرين تتعمرهم ماخلاات حتى حاجة ديالها تما كلشي هزاتو وتبكي فصمت..

ولوخرا مراقباها تا عيات وخرجات متسلتة

نزلات لتحت خدات تيليفونها دوزات نمرة وتتشوف فجنابها تا تسمع صوتو غليض:اش كاين؟؟
لطيفة:(بصوت منخافض)سيد الحاج واقعة مصيبة
عبد العظيم:اش واقع؟؟
لطيفة:سماح اسيد الحاج اتخرج من دار..ضاربات معاه وخلاها وخرج.. 

عبد العظيم:دابا يرجع
لطيفة:لا..راه قالت ليه حاملة وخرج
عبد العظيم:حاملة؟؟وعلاش انا مافراسيش

لطيفة:جات مع موت لالة راضية وتدهييت..الى كاين ماتعتق عتق ولدك راه تيضيع
عبد العظيم:(وقف منتافض من كرسي مكتبو)كيفااش تيضيع ؟؟واش انا حاطك تما تحضي ليا ولا شنو؟؟

لطيفة:اسيدي راني تدهيت مع موت الحاجة..ولدك اسيد الحاج مبقاش تيجي لدارو والى جا تيجي معطل وديما خارج..وتخرج مراتو تقلب علييه

عبد العظيم:صافي قطعي قطعي انا نعرف شغلي معاه..مراتو تكلفي بيها
لطيفة:واخا اسيدي

مع قطعات بغات ترجع لعندها لقاتها منزلة شانطة كبيرة كتجار معاها وتبكي ..مشات تتشدها عليها 

وقالت:ابنتي راه ثقيلة وراك حاملة الله يهديك الى مانعلي الشيطان وسيري تجلسي

سماح:خالتي الى فيك مايعاون عاونيني نزلهم مافيكش لي فيا كافيني..خليتها ليه ازرع فيها تا الكيف

جرات شانطتها دارتها فطونوبيل معافرة معاها وتتبكي وتزدح هي راسها..

وصات الراجل لي خدام اطلع اجيب ليها لوخرين وبقات هي فطونوبيل حاطا راسها على لفولون وتتبكي وتنخصص وعينيها على ديك الدار لي بقدر ماعاشت فيها الزوين عاشت فيها الخايب

وقف عليها السيد وقال: لالة راه كلشي فالكوفر
سماح:واخا

ديمارات وخرجات مكسيريا من الفيرما مودعة اخر ايام عمرها فيها معاه

سايقة وتتبكي وتنخصص معرفات فين تصد..تمشي لدارهم وتصارحهم باش كاين؟؟تمشي تغبر لشي قنت؟؟فين اتمشي..افكارها متضاربة على جهد..

وقفات فسطاسيون تترد روحها والصفورية تتقطر من وجهها..التعب والأرق باين عليها. . 

خدات قرعة تالما شرباتها ورجعات من جديد سايقة وفنفس الوقت تتعيد ترتيب افكارها. . 

واخدة الوجهة لمراكش لكن فين الله واعلم؟؟

صونا تيليفونها برقم مكتعرفوش سكتاتو ومجاوباتش وكملات طريقها لأقرب فندق تجلس فيه ترتب افكارها وتجمع شجاعتها باش تاخد قرار وتكون عندها القدرة تواجه عائلتها بخبر انفصالها عليه


اما عبد العظيم كان فطونوبيلتو لور واقفين امام مبنى لي فيه شقة منصور..تيراقب طونوبيلة ولدو من بعيد ويعض على شفايفو بغضب عاقد سبعة فربعة . ..

ااشيفور:الحاج ندخلو؟؟
الحاج:ندخلو

نزل حل ليه الباب ونزل هو بكل شموخ لابس جلابة سوسدي والرزة فوق راسو مغوبش وشيباتو عاطياه وقار..سبق الشيفور باتجاه العمارة لي عارفها وعارف اشمن شقة

امام الشقة واقفين بجوج داير يديه لور مركب الشيطان مغوبش والسائق ديالو باقي صغير ومفورمي صحيح نيت

صوناو عدة مرات عاد تحل لباب من طرفو..نسخة على عبد العظيم ..

تحت عينيه كحل وضعاف على جهد بسبب ريجيم المرارة وكذلك بسباب قلة اكلو ونومو.. 

شاف باه وكحل بالعما ونطق بجمود:ممساليش ليك درووك. . 

بغا يسد الباب وحبساتو يد السائق..دخل عبد العظيم مخنزر تيضور عينيه فالدار لي شبه مضلمة..

ونيشان شاف فالطبلة لي عامرا قراعي تشراب خاوين ومناصين..طفاية الكارو عامرة تا كتفرتت بالرماد..

منصور:(جلس ببرود كيشعل كارو)لاش جاي؟؟
عبد العظيم:(باشمئزاز)حالتك ديال الحمار..والحمار حسن منك امسخوط الوالدين.. 

منصور:(كينفث من لكارو)لخص ليا..جاي تشوف حالتي(تيوريه راسو)هانتا تتشوف..قريب نتبع مي وتتهنا من تريكتنا بجوج. .

جلس عبد العظيم مقابل ليه مكدر ومهيب ونطق باشمئزاز:من نهارك ونتا تتكرهني ومتتحملنيش ياك؟؟حيت كنت كنضرب مك وكنت مكنرحمهاش..وكرهتها عيشتها ..
واليوم حياني الله تا شفتك تدير بحالي هه والله الى دنيا دوارة لي تعجب تيتبلا اولد راضية

منصور:(بانفعال هاز كارو بجوج صباع)غادي تجمع فمك وتخرج علي ولا ميعجبك حال

عبد العظيم:(تيشير بصبعو)انا لي والدك ماشي نتا..(وقف تيشوف فيه متاجه ناحيتو داير يديه وراه) والى مرباتكش الأيام مزيان(وقف قدامو)انا نربيييك(هز يدو تال لفوق نزل عليه بلور ديالها تا رعفو وكمل بعصبية)الله يحرق الكلب تاع بوك اشمكااار..ماتت ليك مك وداير ليا عزو تالوليااات هاااا(عاود صرفقو مدوخو حيت اصلا شارب)قلنا توفات وبكيتي مافيها باس ..حزنتي وشديتي لارض مافيها بااس(شنق عليه من تريكوه)ولايني الحمااار بن الكلب تنوض تبيع كلشي وتجلس على ضس..وتزيدها تسمح فمرااتك وتزيد.. اندفن الحمار تاع بوك بلا منحن فيييك

منصور:(دفع ليه يديه ووقف صاعر)ديها فرااااسك ودخل سوق كرك..لاتجيش دير فيها هامك..راني سنين وانا فالزنقة ..ودخل سوق راسك لانتا لديك لي مصيفتاك..رزقي هذاك ندير بيه لي بغييييت

عبد العظيم:(زادو تصرفيقة خرا)الله يحرق جد بوك أ لكلب...أ الكيدار..تتعيب علي أنا لي تنسلخ عيالاتي ونبدل فالنسا ومتتشوفش راسك لي ديك بنت ناس من نهار داتك وهي لور لور...انااا بعداا(بغا يسممو بالهضرة)انااا رااااجل تنتزوج ونطلق بالمعروف.
ولي ولدت معاها تنخليها تحت جناحي..وراااجل عليك..ونتا يا شماتة يا عيفة الرجال لي معذب بنت ناااس هااا...اش بيقول داك تيلاد لي فكرشها ملي يتزاد والقا حمار تيتسنااه هاااا...داكشي لي قلتي علي هو لي يقولو علييييك.. 

منصور:بزاااف عليييك أناا..(عينيه مغرغرين حاس بضعف)اناا راجل ولد مرا حرة ماشي بحالك ازلايلي لي من بار لبار..من مرا لمرا..

عبد العظيم:(بسخرية رد يديه لور ببرود)ماشي ولية بحالك نجلس نتعاير معاك اعيفة الرجال(طلعو ونزلو)وزايدها بالغبرة!!باغي تنتاحر ياااك(شنق عليه بسرعة متوقعهاش)باغي تقتل راسك...انا نقتلك ونشرب من دمك ومنحنش فيييك..ياكما حسابك كبرت وتنسكت على شحال من حاجة اتركب علي...راني نروض عشرة من بحالك البرهووووش(دفعو مطيحو على الفوتوي)نشتف على ملة مك ومكاين لي يجيب ليك الخبااار

منصور:(تيكحب)ديها فراسك..نموت ولا نحياا سوووقك(وقف بالصعرة تيغوت وعروقو خارجين)سوووقك؟؟ياك انا مسخووط خليني نعيش فسخط...بيت نموت مسخووط ديها فراااسك

عبد العظيم:(شدو من قرفادتو مخنزر)تا نكون منونخ بحالك..اتحل وذنيك مزيان وتسمع مايجيك مليح..غدا ايجي سيد اديك معاه وغتمشي ويديك فوق راسك . .

منصور:(دفعو)سيرررر بعد منييييييييي..متعاونييييش

عبد العظيم:عاون هي راسك على قبل ديك بنت النااس لي معذبها فحياتها..ماخليتيهاش ترتاح فحياتها..الى معاونتي راسك وخرجتي عليها راك غادي فطريقي اولد راضية...


خرج باه من عندو خلاه مليوح فالفوتوي حالتو تشفي العدو..

رجع كي شي شمكار ماتقوليش عليه عندو فلوس..وهذا حال المدمن كيبيع لي وراه ولي قدامو واخرتو تتبقا فالزناقي..

جر قرعة تالما شرب منها تا نزل الما من فمو ..وهز كارو شعلو وتيهزز رجليه بعصبية بين عينيه فقط صورة مو وسماح..وأصوات فداخلو كيتعاودو

"انا حاملة..ولدي..انا حاملة..ولدي"

لاح لكارو وشتت بيديه كلشي لي فوق طبلة بعصبية ويديه تيترعدو على جهد..وصدرو كيطلع واهبط
للحظة بدا تيقلب بعينيه على الخنيشة مبانتش ليه وبدا تيبعد فزاج وفالمخاد وفأي حاجة..

كيحبو على رجليه واقلب كي الهبيل وفمو كيهتهت بالهضرة وكيدخل واخرج فيها معارفش اش تيقول..

المهم القا الحنيشة لي غبرات مكايناش..ناض معصب وكشاكشو خارجين هز سوارتو وبزطامو وخرج بدون مايسد تا الباب مهم عندو القا الغبرة..

قلع فطونوبيلتو مكسيري وتبعاتو طونوبيل خرا..بدون حزام امان وتيسوق بهستيرية وادوز الخط للي كيبيع ليه..نيوفو كلاوه على جهد خصو يغبر

عمرو وصل لهاد المرحلة..والسبب واضح:

الادمان على المخدرات فيه انواع..كاين لي تيكون مبلي وكاين لي تيكون باغي هي ينشط وكاين لي تيكون معتابرو حل لمشاكلو..

الفرق بينهم واضح!! الاول هو حاسب راسو شي حاجة ضرورية بحال الما والهوا..

الثاني هو نوع منصور كان تينشط بيه سيتو وتيترفع على الواقع...

الاخير هو لي تيظن انه الى سطر غيتحلو مشاكلو

وهاد النوع الاخير هو لي ولى فيه منصور...وصل لحي شعبي مدرح خدا خنيشات كثار وخلصهم وزاد محرك لأقرب بلاصة مدرقة.. 

كي شم اول سطر حس بالروح دبات فعروقو..حس براسو بدا كيرجع للحياة..كأنه انسان مريض بضيق التنفس كي كيلقا رابوز ولا الأكسجين تترجع فيه الحياة

سطر مزيان ورجع مورالو وختمها بجوان مفتوخ على حقو..ولاو جميع انواع المخدرات مرافقينو على مدار اليوم..

بقا تينفخ فالجوان واتكونسونطرا مع راسو تا رجع مورالو ودماغو تيزدح بيها..ومن غيرها "سماح" 

دور الروايض ورجع للابارطومون كل ماباغي دروك هو انعس سيتو..

****
ناعسة فسرير فالفندق تتدوق من كأس هي لي ختارتو..فاش كان الحب كيتفرق فكسيان هزات رزقها وها النتيجة

دمعتها مكتحبسش فعينيها..تنفخو وتورمو بالبكا ومحتارة واش تمشي لدارهم وتعاود ليهم كلشي من لول؟؟ولا تزيد تصبر عليه وعلى حالتو

دوزات ديك ليلة كلها هاكاك ففراشها تتبكي وتعاود على زهرها وحظها..ماكلتها قليلة واستفراغ كثير

صبح الصباح عليها باقي فناموسية تتقلب من قنت لقنت بازعاج تا حلات عينيها على زديح فراسها وخاطرها مروع..

ضبابة قدامها والرؤية مواضحاش بزز باش بانت

ياله بغات تعجز شداتها تقية وناضت تتجري للطواليط حطات المعدة لي عامرة هي بالما كاملة..

ومع مواكلاش تتستفرغ ما حار جرح ليها القرجوطة..

تتقيا وتبكي على حظها وتندب وتهرط..تا خوات كلشي وغسلات وجهها وخرجات وهي تسمع طرقات باب..حلاتو سخفانة فإذا بها تتلقى عبد العظيم شخصيا وموراه السائق ديالو. . 

سماح:(بتعب)عمي
عبد العظيم:هو هذا..لبسي عليك انا فريسطو لتحت. . 

مزادش كلمة وحدة وقلب الضورة ومشا خلاها تتبرق فعينيها لي يادوب تتحلهم..

رجعات للبيت تترد انفاسها شربات كينة ديال التقية واخداها من فارماسي ..

بدلات عليها بالمهل حيت حاسا بالسخفة وهزات تيليفونها ونزلات شاحبة للتحت وفبالها كتخمم منين عرف راها تما وشكون وصلها ليه اصلا. . 

لمحاتو من بعيد جالس تيشرب فاتاي والسائق واقف عليه..وقفات عليه وجر ليها السائق الكرسي جلسات بتعب . .

رجع لاخر لور وبقاو بجوج وهي تنطق:باش عرفتيني انا هنا
عبد العظيم:فطري ابنتي بعدا ونهضرو
سماح:مافيااش اعمي(حطات يديها على فمها)
عبد العظيم:عارف شنو واقع بينك وبين داك المسخوط

سماح:(كمشات عينيها)ممم هادشي علاش جيتي اعمي؟؟
عبد العظيم:انا اليوم جاي نهضر معاك(بجدية)ماشي حيت بات راجلك ولكن كا الحاج عبد العظيم...
سماح:الله يسمعنا خير

عبد العظيم:متفرقيش على منصور..نتي لي عندو
سماح:عندو حياتو
الحاج:كاينا نتي ابنتي وصافي...بلا شك بتكوني عارفا مشكلتي معاه وعاود ليك هي لي بغا
قاطعاتو:عاود ليا الصراحة..منصور مكيكذبش. . 

الحاج:تانا مكنكذبش..انا واعر وكثر من راجلك ݣاع..معتارف صعيب مع عيالاتي ودوزت عليهم المرار وماحاسش بالذنب كااع حيت تربيت هاكاك..ولكن مكنضلمش..انا عمري سمحت فوحدة والدة معايا

سماح:(بملل)عمي جاي تقوليا هادشي على صباح؟؟
الحاح:لا...جيت نهضر معاك على منصور..كنتي عارفاه كيشم داك العجب؟؟
سماح:(تصدمات ومبيناتش)ممم اه
الحاج:وعلاش محبستيهش؟؟كنتي تتشوفيه تيهلك راسو ومدرتي تاحاجة؟؟
سماح:عرفت هي مؤخرا..فاش فتح طلعات فالتحاليل. .

الحاج:علاش معلمتينيش؟؟
سماح:(بحدة)وعلاش انعلمك؟؟
الحاج:(تيضرب بصبعو على طبلة)ولدي هذاك
سماح:(باستهزاء)عاد بان ليك ولدك؟؟فين كنتي فاش لحتيه ولد 15 لعام لزنقة هااا.. 


الحاج:(مالقا ميقول)داكشي بيني وبينو..خليك بعيدة وخليك فعيني بنتي..اليوم جيت باش نهضرو عليه هو(شاف علامة الاستفهام على وجهها)انديه لطبيب
سماح:(باهتمام)اشمن طبيب؟؟
الحاج:داكشي ديال البلية..نسيت سميتو..عندي معارف اندخلو لسبيطار تا يتداوى

سماح:وفنظرك ايبغي امشي بخاطرو؟؟
الحاج:(ببرود)بخاطرو بزز منو ماشي شغلي..لي علي انديرو..ماشي نكون عايش وولدي تيموت ونتفرج . .

سماح:(بتساؤل)وعلاش هادشي كولو مدرتيهش من نهار لول..خليتيه احقد عليك واكرهك لدرجة مكيبغيش تا يجبدك.. 

الحاح:(ضحك)هه انا متنفشش ولادي ومتنعلمهمش اتكبرو علي..انا لي والدهم ماشي هوما ليوالديني..وانا لي تنعرف امتا نعاونهم وامتا نخلي الزمان احكهم..

سماح:(محملاتش هضرتو)هضرتك متناقضة الحاج
الحاج:أنا بوو قبل مانكون حاج..والى فنيت حياتي وجلست تنجمع فوسخ دنيا فراه على قبل ولادي باش اعيشو مزيان
سماح:الصمت

الحاج:اشنو دابا؟؟اتمشي معايا؟؟
سماح:(باستفهام)فين؟؟
الحاج:لدار عند الحاجة..منصور انا نتكلف بيه..نتي حاملة دروك

سماح:سعداتك عندك كلشي ساهل وكلشي تيتحل دغيا
الحاج:كلشي ساهل وهذا مشكل ساهل شوي تالوقت وارجع كلشي كيف كان 

سماح:(وقفات)الى نتا عندك كلشي ساهل انا لا..ماعندي فين نمشي معاك الحاج..انا غنطلق. . 
الحاج:(شير لكرسيها بحدة)جلسييي مكملتش هضرتي

شافت فنظرتو القاسحة لي نفسها تتشوفها فمنصور..تتحس براسها منصور قدامها..رجعات جلسات تتزفر وهو ينطق:هاد النفاخة ماعندها باش تنفعك..نتي هازا روح فكرشك..هازا دمي فكرشك 
سماح:(باستهزاء)بصح!!

الحاج:حلي وذنيك انا عارفك مزالا باغيا ولدي..داكشي باش بغيتك تعاونيني فيه..مكيسمع لتا حد من غيرك..نتي لمن تيحني الراس ونتي لمن تيسمع..انا معرفتش اش وقع تا خويتي ليه الدار ولكن راه ماشي فوعيو...نتي لي ميقدرش اقوليك لا وميخسرش ليك..ماتجيش ابنت الناس تالخر وتسمحي فيه على ساعة غضب

سماح:مسمحتش فيه..بعدت وصافي..ولدك مباش اتقاد اش ندير ليه؟؟

الحاج:كون من لول جيتي عندي منوصلوش لهادشي..(تنهد)تا دابا ماعلينا..طاحت وصبناها..اتمشي معايا لدار الحاجة تجلسي معززة مكرمة بحالك بحال بنتي..ميخصك خير ونجيبو ليك تالدار تهضري معاه..

سماح:(كمشات فيه عينيها)اشنو لي مخليك تجي وتكون متأكد بلي غانقبل
الحاج:(بابتسامة)حيت بحال راضية الله يرحمها...(قلب الموضوع)ميحتاجش تفكير..نوضي ابنتي الله يرضي عليك..
سماح:(شدات راسها بتعب)عيييت اعمي مانسايس عييت ماندير الما منين ادوز

الحاج:الله يرضي عليك الى نيت عمك وعزيز عليك ديري بوجهي وياله معايا..ارجع هي كي كان وديك ساعة الى كنتي بغيتي تفرقي عليه انا نطلقك منو.. 

سماح:(تابكي بصمت)هءهءهء
الحاج:(وقف)ياله معايا دروك واحن الله
سماح:(وقفات)استغفر الله..

وكي ديما القلب والحنية تتغلب عليها اضافة لداك القلب لي كينبض بيه..تيبقا فيها وتيعز عليها وضعو..

كلما تتفكر انه ممكن اموت تتخنق..اي نعم سمعها لي ماعمرها سمعاتو لكن هذا وقت ماخصوش التفكير

سماح:نجيب حوايجي
الحاج:(طبطب على كتفها)نتي ياله الباقي اتكلفو بيه(حرك راسو لشيفور).. 
سماح:واخا

تمشات معاه تالبرا طلعات لور حداه بصمت وتتفكر اش تادير؟؟اش تتصنع ؟؟واش هاد الخطوة لي تادير صحيحة..تادير يديها فيد باه 

جا الشيفور لي تكلف بكلشي دار شانطتها لور وتحرك بيهم فاتجاه الدار

عبد العظيم:باقي الرجال قدام دارو؟؟
السائق:اه اسيد الحاج..ممفارقينوش تابعينو فينما مشا
سماح:كاين فلابارطومون؟؟
عبد العظيم:اه..واحد الحالة ديال تسلخيه عليها..خليتو على راحتو لبارح اليوم اهزوه الرجال اديوه للسبيطار 

سماح:(بخوف)عنداك اديرو ليه شي حاجة..كون هي تخليني انا نهضر معاه
عبد العظيم:خليه تا يبرد وهضري معاه..نتي دابا خاصك الراحة
سماح:امتا اتديوه؟؟

عبد العظيم:تنتسنا سيد من معارفي اعلمني اش ندير..كايعرف شي طبيب ديال هادشي هو لي يقولينا اش المعمول
سماح:ايدخل لشي مصحة ديال الإدمان؟؟

عبد العظيم:داكشي لي ندير..
سماح:والى مباش؟؟
عبد العظيم:بزز على والديه..هي يبرا وديك ساعة الى مباش اشوفني كاعلا..مالي نموت الى مشافنييش؟

تنهدات بتعب..ترونات كلها وحياتها رجعات روينة فلمحة بصر..معرفاتش واش خطوتها صحيحة؟؟لي عارفا هو انها باغياه ابرا. .

حطات يديها على كرشها وتنهدات بتعب وحطات راسها على الزاج تتخمم وتضرب اخماس فاسداس

****
مع دخولهم لمقر سكنة الحاج وولادو مع ضرباتها الفيقة حيت غفات نييت..

حل ليها الشيفور الباب ونزلات تتكمش عينيها من الشعا..

عبد العظيم:مرحبااا بيك

حركات ليه راسها وتبعاتو تا دخلو من الباب لي فتحاتو الخدامة..نادى بصوت جوهري باسم الحاجة لي تمات جايا تتزرب قشعات سماح بتاسمات وعنقاتها مرحبة بيها ..بدون ماتفهم اش كاين . .

الحاج:وجدي لمرات ولدي بيت..وتهلاي فيها راها واحلة فروحها
حجيبة:(بفرحة)الله على خباار..الله يثبت حملك ابنتي
سماح:امين ..


الحاج:طلقي من الهضرة ودي سيدة ترتاح متتشوفيهاش صفرة
حجيبة:واخا هههه(نادات للخادمة لي جات بسرعة)وجدي بيت لسماح..والفطور
سماح:بلاش اخالتي
حجيبة:لوااه..وجهك صفر كولي قوتي راسك..زيدي ابنتي مرحبا بيييك..

داتها للصالة جلساتها وخرجات بحجة تطل عليهم ..تلاقات الحاج وقالت:اش كاين؟؟
الحاج:سمعيني مزيان وحلي وذنيك..اتبقا معانا هنا تا تيتحلو شي مشاكل ديال منصور..وصي عيالات ولادك وولادك براسهم اردو لبال لهضرتهم..منبغيش تسمع كلمة وحدة تقلقها

حجيبة:واخا كون هاني ولكن اش واقع؟؟
الحاح:من بعد..انا خارح درووك عندي مايدار
حجيية:الله يعاون

رجعات عندها جلسات معاها كطيب بخاطرها بدون ماتجبد شي حاجة تضرها ولا تسولها على شنو وقع..فطرات وطلعاتها لبيتها ترتاح ونزلات لتحت لقات سناء ياله نزلات تاهيا 

سناء:خالتي ..قالت ليا عيشة(الخادمة)بلي جات مرات منصور
حجيبة:ااه ابنتي..بتبقا معانا شوي
سناء:(بفضول)جايا غضبانة؟؟
حجيبة:منعرف ابنتي
سناء:هه ويلي ناس ايغضبو فدار باهم وهي تغضب فدار شيخها
حجيبة:(خزرات فيها)سنااء ديما تنقولها فيك ابنتي ..فمك باري منك..دخلي سوق راسك راه الى سمعك عمك والله تا يسمعك لي مايعجبك وهاني علمتك

سناء:(بتذمر)واش انا اخالتي قلت شي حاجة
حجيبة:شوفي وسكتي..جات لدار شيخها والسلام عليكم..راه تيوصي عمك واعاود الى سمعات كلمة لي ضرها وتقلقات اينوض تاني وأجا ماسكتو وسيدة واحلة فروحها
سناء:(بتفاجئ)حاملة؟؟
حجيبة:ايييه حاملة
سناء:العجب


كي طلعات سماح بدلات حوايجها وتخشات فسرير وهي تتخمم فاشنو غدير..مسخسة وعيانة خاطرها ماباغي ليها والو من غير نعاس وفعلا محسات تا غفات

**

كان ناعس فوق الفوتوي فين تيقصر نيت..ناعس على كرشو ورجل فالارض ورجل فالفوتوي..وملامحو مخربقين كأنه كيحلم بشي حاجة مزعجة

حاس براسو ماشي بوحدو إنما معاه طفلة صغيرة تدوز على راسو بلطف وتتبوسو فحنكو بحب وتتناديه بلقب بابا..بابا بابا بابا..

محس براسو تاناض قافز من بلاصتو عرقان ومخلوع كانه شاف كابوس واول اسم لفظ هو "راضية"

تينهج واحاول ارجع نفسو وعروقاتو مكبوبين..دور عينيه فالمكان وعرف انه مجرد حلم..

مسح على وجهو بتعب وشم ريحتو لقاها مقززة معاقلش كاع امتا دوش..

ناض من تما تيتفادا زاج لي منشور ودخل للدوش..قلع حوايجو وتخشا تحت الرشاشة وراسو خدام تيفكر فالحلم وصوت الطفلة فوذنيه تتناديه بابا باقي تيتعاود..

خرج لاوي فوطة لبس عليه وهز كارو تكيفو على خاطرو وخرج هاز طونوبيلتو والوجهة دارو لي خلا فيها سماح. . 

مسافة الطريق كان تما..مالقاش طونوبيلتها ودخل كيتساءل عند الخدم لي قالو ليه جمعات حوايجها ومشات..

لطيفة:(جات)منصور
تلفت ليها هاز حاجبو وقال:فين مشات سماح؟؟
لطيفة:(شيرات للخدامات امشيو)هزات شانطتها ومشات
منصور:(تعصب)كيفاش مشات؟؟واش تديري نتي هنا لي متحبسيهاش
لطيفة:عيييت نشد فيها..كانت معصبة وتتبكي هزات كلشي ومشاات

منصور:(بعصبية)ولايني المرض هذاا ففففف فين غتكون مشاات؟؟
لطيغة:منظنش مشات لدارهم حيت هضرت مع مها هاد صباح قالت ليا تنعيط ليها مكتجاوبش.. 

منصور (تيشد فشعرو بعصبية مغدد وعروقو باينين)التقحبين تواااالو(خرج عينيه صاعر فلطيفة)لاش محبستيييهااااش لااااش؟؟
لطيفة:(خافت منو)اناا هيي..

قاطعها معصب وكشاكشو خارجين اصلا خاصو هي السبة علاش اتخاصم واتنيرفا:ديك ساعا تبعييها اش باقي تتقودي هنا
لطيفة:(رجعات خطوة لور)انا كنت غادية هي قلت نعلمك بلي كاين ونمشي. . 

رجعات ادراجها لور باغيا تجيب حوايجها وتزيد.. فحين هو جلس تيسب والعن من سمطة لتحت والخدامات كيتسنطو من الكوزينة واويلو خايفين منو..واي حاجة جات قدامو كيشتتها.. 

خرجات لطيفة فحالها جارا شانطتها..مهمتها فمقابلة راضية وسالات ومولات الدار مشات يعني وجودها ماليه تا معنى

مع خرجات مع دوزات اتصال لعبد العظيم علماتو بلي كاين وهو يعيط لمنصور فتيليفونو لي من حسن الصدفة كان معاه..

عدة رنات ولا من مجيب فالاخير رسل ليه رسالة مفادها:مراتك عارفها فين كاينا

طلع لسيارتو عاد وصلو لميساج معارش اهتمام لولا الضو لي باقي شاعل فالتيليفون وبغا يهز كارو وتقرا ليه وهزو..

بلابز عينيه تقرقشو مني قراه..
كيفاش عارفها فين كاينا..دوز الخط ديركت ليه ويديه تيترعدو ولسانو تايلحس فشفايفو بعصبية..شلا افكار طاحو ليه فبالو..

عبد العظيم :(شد الخط ونطق ببرود)على سلامتك
منصور:هاد تقواديت ديالك ديرها بعيد..مبانت ليك هي مراتيي تقاداو العيالات

عبد العظيم:كون كنتي قدامي وتقول هاد الهضرة ندفنك حي ومنحنش الحماار...الله ينزل عليك اللعنات الكلب...

منصور:(بالغوات)فينها؟؟؟؟
عبد العظيم:فدار الحاجة..


قطع عليه ممصدقش اش مشات تدير تما..دور الفلون دغيا حيت كانت مديماريا وتحرك مخلي العجاج وراه فاتجاه دار باه وكولو تيغلي واترعد من الداخل..

طريق كلها وهو تيسب والعن فباه ماخلا فيه هي لي نسا..

وقف بجهد تا تحكو روايض مع الأرض ..نزل بلا مايسد الباب ووجهو مكيبشرش بالخير..فبالو دروك باه محاملوش وهو سباب موت مو ..حاقد بمعنى الكلمة

تيدق فالياب واصوني تا فرع ليهم الراس وحلو ليه ودخل صاعر تيعيط بسميتها كي الهبيل واغوت..خرجو خوتو كاملين من الصالة وهي معاهم وعيالتهم

هي قشعها نطق بالغدايد:بقا ليك هي حجر القواويد مدخلتيش ليهم..

عبد العظيم:(خرج وراهم)الله ينعل الحمار تاع بوك الكلب(قرب ليه صلاها معاه قدامهم)تجي لداري تقلل الحيا نفي جد بوووك.. 

سماح:(تغرغرو عينيها)منصور
منصور:(دفع باه وتم غادي ليها)تحركي قدااامي
عبد العظيم:ماعندها فين تمشي(حرك يديه لراجل من رجالو)جلس نهضرو

عبد المالك:(شدو من ذراعو)منصور الله يهديك اخوياا
دفعو تاهو وصاح فوجهم:قاااودووو علي..ماسوق تاحد فيا..مراتي واندييها

عبد الغني:واخا هي زيد جلس راه كلك تترعد باطيح على وقفتك
منصور:(مزال مفرعن)ديوها فكركم..تحركييي نتييي 

بغا يجرها من وسطهم ماحس هي بجوج شادينو..كانو من رجال عبد العظيم..شاف فيهم وصعر وبدا تيتحرك باش اتفك منهم:طلقوووو طلقووو طلقوووو اولااااد القحاااااب
سماح:(قربات ليه تتبكي)منصووور(شافت فالحاج)اش ايديرو هادو...طلقو منووو

عبد المالك:منصور خويااا راك مريييض(شدو من وجهو)تكالماا واخا
منصور:(صاعر)قاااود علي تانتاااا..مامرييضش..مكاين لي مريض قدكم المناافقيييين
عبد العظيم:ديوه(ببرود)سخن عليك رااسك

سماح:(تدخلات شدات فيه)لالا اش اديييوه..عمي لاااا (تتبكي)هءهءهء راه مريييض
منصور:(تيغوت ومزيرينو دوك رجال)مامريييضش مااامريييض الله ينعل دنمك..مامرييييضششششش...نتوماا لي مرااااض

بقا تيتركل ليهم وتيتنطر وسماح واقفا حداه تتحاول تهدنو..واحد اللحظة فلت ذراعو من واحد فيهم ودفعو ..بغا يشدو الاخر وهو يهز يديه عطاه بونية لنيفو حارة ..شداتو سماح من ذراعو بغات تجرو لكنو دفعها دفعة خطيرة تا رجعات بلووور ودارت زداااااح على الارض وهي تغوت تا ثقبات وذنيهم كلهم

سماح:(طاحت على كرشها)اععععععععععععععع

توقف منصور وتلفت ليها ويديه مهزوزة لفوق بغا يضرب هذاك لكن غوتتها بلوكاتو..خرج عينيه فيها مصدوم وهي تتغوت من طيحة لي طاحت..


جات على كرشها وتقسحات مقدراتش تحرك باقي حدها تتغوت من حر الألم لي فبطنها ..

كلشي شهق وخرج عينيه فيها..
توجه الكل ليها الا هو باقي فبلاصتو مخرج عينيه ومصدوم..اللسان باش ينطق مكاينش.. 

عبد المالك:(قلبها على ظهرها)ختيي..سماااح
سماح:(كتوجع مزيرة على عينيها)واعععع كرشي كريشييي
عبد العظيم:هزها اش تتسناا هزهاا لسبييطار(تيسب وانغل)مصيبة كحلة هااادي(جر منصور من يديه)تحرك امسخوط الوالدين الله ينزل عليك اللعنات.. 

هزها عبد المالك مخرجها والكل تابعينو وهي تتغوت بكرشها كل همها البيبي

دارها عبد المالك لور وطلعات معاها الحاجة حجيبة شاداها..قلع مخلي وراه العجاجة وعبد العظيم كيسب فالاخر لي واقف مصدوم بحالا درتي ليه پوز..

عبد الفتاح:الحاج براكا وزيد نتبعوهم 
عبد العظيم:(حرك منصور بعنف)تحرك قدامي المسخووط..بقا ليك هي تصفيها ليها..

جرو ركبو فطونوبيل وطلع تاهو رفقة عبد الفتاح وزادو تابعين سماح لي تتوجع وعينيها تيبكيو

اما منصور راه مصدوم علاين اطرطق..فلحظة وعى على راسو وحس انه خطر عليها معاه..حس براسو اشمن طريق شد واشمن عصبية ولات فيه.. 

من ديما هو ضد الخيانة الزوجية والعنف للمرأة..كان مواعد راسو معمرو اخونها ومعمرو اضربها وفلحظة انهيار دفعها وكان غيقتل البيبي لي جامعهم

مبغاتش تنسا ليه صورتها وهي ممددة فالارض وتتغوت من حر الوجع فكرشها..وضرب ليه كلام عبد العظيم فراسو انه غادي فطريقو وانه نسخة عليه.. 

وصلو لكلينيك وأول واحد نزل هو منصور عاد وعى على راسو..قصد طونوبيلة خوه حل ليها الباب وياريتو ماحلو...

كانت تتبكي بالغوات وتنخصص شادا كرشها..خرجها بشوي وهزها بين يديه علاين ابكي هو نيت..

دخلها لسبيطار حطوها فبياص وداوها وهو تابعها تيجري والهث خايف عليها..خسر مو ومعندوش استعداد اخسر سماح..اخر شمعة شاعلة فحياتو الى طفات راه ولات الدنيا ضلام. . 


داوها تتبكي وخلاوهم لور متبعينها..وعبد العظيم تيسب باقي مسكتش..وقف عليه معصب وقال:عجبك اش درتي هاا..

منصور:الصمت(وعينيه على الطريق مناش داوها)
عبد المالك:(جر منصور)الحاج صافي الله يهديك..كلينيك هذا

زفر الحاج وبقا تيتمتم ببعض الكلمات لي مسمع منهم منصور تا حاجة..بالو كولو معاها..

جلسو عبد المالك فكرسي وقال وهو كيربت على كتفو:كون هاني تاحاجة مغتوقع ليها
منصور:الصمت

بقا تايشوف قدامو واهزز رجليه بتوتر والدمعة غتقفز من عينيه..حاس براسو ضعيف وبلا قوة..

بسبب وفاة مو رجع انسان اخر ناسي ان الله اذا أحب عبدا ابتلاه وما الموت الا ابتلاء وامتحان من عند الله لصبر العبد.. 

دقائق كثيرة ديال الانتظار دازت عليه اعوام وهي ساكت تا تم الطبيب جاي لجيهتهم.. 

ونطق:نتوما لافامي ديال المريضة؟؟

ناض هو لول وقف عليه ونطق الحاج:حنا اسي طبيب..كي بقات؟؟كي بقا لي فكرشها

الطبيب:السيدة حاملة بشهر ونص والطيحة لي طاحت خايبة شويا..
منصور:كي بقات؟؟

الطبيب:مزيانة دابا..وتا البيبي مزيان..اتبقا معانا اليوم وغدا تقدر تخرج مي كاين مشكل..الطيحة خلات الجنين ميبقاش زاݣي فبلاصتو..نوغمالمون الشهور الثلاثة لولة تتكون باش اثبث الحمل والمريضة عندها خطر اجهاض مع كل حركة او جهد.

حجيبة:الله ياربي الله
الحاج:وشنو دابا؟؟ايموت لي فكرشها
الطبيب:ممكن اه وممكن لا..على حسب واش رتاحت ولالا..ايخصها ثلث اشهر تبقا فالفراش متنوضش تا يثبث حملها..هذا لي نقدر نفيدكم بيه بوغ لانسطون..خصها ضروري تشوف مختص باش اعطيها النظام الغدائي لي تتمشا عليه

منصور:نشوفها
الطبيب:نتا راجلها؟؟داكوغ راهم حولوها لاشومبغ ديالها تقدرو تشوفوها..غدا اتخرج وكي وصيتكم تنعس وترتاح وتبعد على ستريس
عبد المالك:مغسي بوكو

مشا الطبيب وداز منصور سول على بيتها وعقلو لصقات فيه جملة الاجهاض..عطاوه رقم غرفتها وخدا الطريق لعندها والوجه باش اشوف فيها معندوش..حاس بناقوس الخطر على التيلاد.. 

دخل للشومبغ بشوي وتمشا مع كولوار صغير عاد بانت ليه ناعسة ببذلة المشفى فالسرير ومعلقين ليها سيروم ومغمضة عينيها..ضرو قلبو على منظرها بتصرف تافه حطها فالركنة.. 

قرب منها تيسرط ريقو وعينيه على وجهها..هز يديها لي حاطا على كرشها باسها من الوسط وغمض عينيه تا نزلات دمعة منهم.. 

تحنا لعندها يد شاد بيها يديها ويد تيدوز على شعرها.... 


هادي سماح..البنت الحنونة الهشيشة لي دخلات لقلبو ففترة وجيزة..

لالة منانة شخصيا لي منهار لول تتعطيه القاسح..تتنݣر عليه وتبقا تحكر عليه...

الحلاوة لي مهتمة بأدق تفاصيل حياتو..عارفا عليه الشادة والفادة.. 

امرأة كاملة بالنسبة ليه..ونعم الزوجة محتارماه فالغيبة والحضور..تتهلا فيه وتتعطيه من حنانها تا كيشبع..كيفاش ميبغيهاش وهي منهار دخلات حياتو وهو زايد القدام.. 

واليوم اتعطيه اجمل هدية وهي الذرية..دوز صباعو على شفارها وعلى شفايفها وعلى خدودها وعينيه دامعين من حالتها..

طبع قبلة بشفايفو على جبهتها ونزلات دمعة من عينيه طاحت على نيفها ديركت وهي تحل عينيها..

كانت حاسا بيه مني دخل..
مع هز راسو شافها حالة عينيها وتتشوف فيه بحسرة..

شابك صباعو مع صباع يديها لي على كرشها وقال بحسرة:سمحي ليا

غمضات عينيها حيت تغرغرو وطلقاتهم فوق خدها تتبكي بصمت وتاتشوف فيه..ولى حالتو وبين ليلة ونهار بان عليه التغيير.. 

"أعين أصبحت مثل الحدائق السوداء..تلك المرافقة للمقابر..شفاه كمصنع السجائر"

منصور:سمحي ليا
سماح:(طلقات شهقة)علاش؟؟شوف فين رجعتينا
منصور:(حط نيفو على نيفها مغمض عينيه)معرفتش..حاس براسي ضايع اسماح..كل نهار كنموت(كيداعب نيفها)عييت من الدنيا
سماح:(فرقات يديهم لي مشابكين وطلعاتها للحيتو لي ولات كثيفة)عيتي مني..ياك تتقوليا(فكها تيترعد حابسة البكية)نتي هي الدنيا هءهء عيتي مني امنصور؟؟

منصور:(حل عينيه وقبل فوق عينيها)عمري نعيا منك..عييت من راسي انا ماشي واحد مزيان..شوفي فين وصلتك.. 

سماح:(تتبكي بصمت)خلينا نعاونوك..خلينا نوقفو معاك ونعاونوك..لمكانش على قبلي..على قبل ولدنا

حط يدو على كرشها ونطق:بنت..هادي بنت ان شاء الله
بان شبح بتسامة على وجهها ونطقات:ان شاء الله

قبلها فشفايفها قبلة لطيفة خفيفة كا إعتذار ونطق:انتبدل..انتبدل على قبلك
سماح:(ردات ليه القبلة)غنبقا معاك تا ترجع كي كنتي..واخا معرت شنو دير ليا(باستو ففمو)انبقا معاك تاتفرقنا الموت .. 

على إثر هضرتها طاح على فمها بقبلة دافية كيستمد منها قوتو لي تكفيه باش اصبر..تيقبل فيها ببطء وتاهيا تتبادلو القبلة..عارفين غايبعدو على بعضهم حيت التغيير خصو وقت والوقت تيبغي البعد.. 

فرق القبلة بغا يبعد لكن يديها رجعاتو ورجع كيبادلها القبل من جديد تا طاب جهدهم عاد بعد مخلي فمها حمر..

دوز صباعو على حنوكها وقال:تهلاي فراسك(بحسرة)
سماح:فين غتمشي؟؟(شدات فيديه)خليك معايا.. 
منصور:(باقي قريب منها)ايخصني نمشي..الى غنتبدل غيخصني نبعد..وأنا حداك غنأديك اسماح
سماح:(زيرات على يديه)عفااك امنصور(طاحو دموعها من جديد) 
منصور:(باسها فجبهتها)تهلاي فراسك وفبنتي..غنرجع ملي غنكون مبدل..عطيتك عهد الله تا غنرجع
سماح:لمن تخليني؟؟
منصور:بقاي مع خوتي..ميخصك تا حاجة..
سماح:تبقا تعيط ليا؟؟.. 

حرك راسو بالايجاب وباس راسها مطول ويديها وتحنا باس كرشها وخرج مخلي عينيها تابعاه . .


مسح دموعو وخرج برا داز فيهم كاملين 

وهو ينطق الحاج:تبعوووه

تبعو عبد المالك وعبد الفتاح تيناديو بإسمو ومكيجاوبش..حاس براسو خاصو هوا باش اتنفس..خصو ادير شي خطوة ومعارفش منين ابدا..

ضايع وملاقيش الطريق .. ماوقف تال برا الكلينيك وبدا كياخد هوا نقي واتنفس براحة كأنه كان مخنوق لداخل.. 

عبد المالك:(وقف عليه)منصووور
منصور:(شاف فيه)مراتي فأمانتك نتا..تبقى تحت عينيك.. 
عبد المالك:فين غادي؟؟

منصور:(شاف فاص ليه )غنرجع..غنرجع قبل ماتولد..رد البال

عبد الفتاح:واش مريض اتخلي مراتك وتمشي؟؟منصور الله يهديك اخويا
منصور:(زفر بتعب)دييرو لي قلت ليكم انا عارف اش كاندير. .

عبد المالك:خلينا هي نعاونوك..فينما بغيتي تمشي نمشيو معاك.. 
منصور:دير اش قلت ليك(مد يديه)ارا ليا سوارت طوموبيلتك!!

بقا كيشوف فيه للحظات ومدهم ليه ..لاخر شدهم وهز الطونوبيل وتحرك من حداهم..

عبد الفتاح:مكانش عليك تعطيهم ليه اصاحبي..فين بيمشي دروزك؟؟
عبد المالك:(زفر)والله تاعيييت..كيبقا فيا مابقيت عرفت ماندير

خرج الحاج عندهم ونطف:فيناهو؟؟
عبد المالك:شد سوارت طونوبيلتي ومشا
الحاج:(بعصبية)كيفاااش؟؟انا تنقوليكم تبعوه ونتوما خليتوه امشي
عبد الفتاح:راه ماشي دري صغير عارف اش كيدير

صاح فوجهو:سكت لانسلخ جد بووك(حنا عبد الفتاح راسو)باش محزم انا؟؟مخلينو امشي...فين غنلقاه انا دروك؟؟
عبد المالك:اودي

عبد العظيم:محزم بالشمايت..الله يتبع لبوكم البلا..

زاد داخل تينݣر وخلاهم واقفين برا..

اما عند سماح طمنو عليها وخلاوها ترتاح بقات معاها حجيبة باتت معاها..
****

كان فالمقبرة عند قبر مو رافع يديه تيقرا الفاتحة على روحها وتايتنهد بحسرة والدمعة فعينيه حاصلة..توحش مو بزاااف

تحنا عند ترابها وقال:الله يرحمك اميمتي واتبعني ليك فضو..

خرج موراها ديركت شد الطريق لدار لي فبرا مراكش جمع حوايجو لي غا يحتاج وخرج من جديد واخد الطريق السيار المؤدي الى الدار البيضاء

***
•لأنكَ أنت.. 
العالم كله في كفة .. و انت في أعمق نقطة في قلبي..

•لأنكَ أنت..

فرحتي أنت
حزني أنت
خيباتي أنت

•و لأني انا..

أحببتكَ.. رغم الكسور 
أحببتكَ.. رغم خيبات الأمل

أحببتكَ.. •لأني سماح•
و خذلتني لأنكَ -أنت-
****

وصل لكازا بعد مسافة الطريق..مدينة الأحلام.."الدار البيضاء"

العامرة...العاصمة الإقتصادية ديال المغرب..كاع الأنواع والأشكال فيها..من كل بقاع المغرب كيجيو الناس اخدمو فيها..عامرة وطرقانها كلهم عامرين سيارات ..كلشي مرزوب وكلشي تابعو مايدار..لكن من بين أطيب الناس هوما كازاوا.. 

والزين الكازاوي كيجرح ويداوي..

مخرج يديه بكارو تيكمي وتيحاول اكالمي راسو لي كيزدح..وغادي بين شوارع كازابلانكا عارف فين غادي..

وقف قدام أحد مراكز معالجة الإدمان المتواجدة فكازا..سكانا بعينيه المكان قبل ماينزل والرهبة داخلو..حاس براسو بوحدو ودماغو تيقوليه كون هي جبت معايا سماح . . 

باش تدير أول خطوة راه هي لي صعيبة..إرادتو قليلة ولي مخليها تبقا شادا واخا قليلة هو سماح ولي فكرشها..

زفر وتقدم ب خطوات بطيئة دخل تيترعد تحلفي عليه داخل ادوز الباك

غادي فالكلوار تيحقق بعينيه كان مركز كبير بزاف وبعض العاملين فيه تيمشيو وتيجيو..جاب ليه الجو الضيقة..والخنقة. . 

سول فالإستقبال على الطبيب بصوت كولو تعب وخجل كأنه مراضيش انه جاي يتعالج..

والسر لي خافيه طول هاد المدة تفشا دابا بهاد الخطوة لي دار

داتو السيدة للمكتب تالطبيب ودخلاتو ..لقا طبيب شاب ورا مكتب كيقرا شي ملفات..هز فيه عينيه وبتاسم وقال:تفضل

منصور:(جلس)الصمت
دكتور:وي؟؟
منصور:(تيحاول اجمع الهضرة)انا حممم نتا طبيب ياك؟
دكتور:وي..كنسمعك

منصور:(حلفات الكلمة لاتجمعات ليه ففمو وتمنى سماح فهاد اللحظة ومالقاهاش)انا جيت باااش(سكت تيضور فعينيه وازفر)

دكتور:اشمن مخدر باش مبلي؟؟
منصور:(شاف فيه)لادروݣ
دكتور:بون مرحبا بيك..شنو اسمك والعمر والعمل وشحال ونتا كتدروݣا؟؟

منصور:(جمع يديه بونية فوق المكتب من التوتر وعينيه متيشوفوش فالطبيب)منصور الدين..عندي 33 تقريبا..مالك لمدراس خصوصية فمراكش..حممم انا عام وزيادة وانا كنتدروݣا
دكتور:(ببشاشة)برافو عليك راك ممعطلش..سي منصور فينها عائلتك
منصور:ماعندي حد..(شاف فيه)

دكتور:(تفهم الوضع)واخا ماشي مشكل..شنو السبب لي مخليك تدروݣي؟؟
منصور:ماعرفتش

دكتور:عندك مشاكل مادية؟؟ولا اجتماعية ولا شنو؟؟
منصور:ماعندي تا مشكل..
دكتور:يعني دايرها طيش!؟
منصور:(ساط)ففففف تقريبا.. 

دكتور:تهدن اسي منصور..هادو مجرد اسئلة روتينية باش نزيد نتعرف على الحالة ديالك ونشوف العلاج لي مناسب ليك
منصور:(تنهد)دااكوغ

دكتور:ماعلينا..معندكش تا شي اشكال مع شي حد؟؟
منصور:(تفكر باه)نوو
دكتور:صحتك؟؟
منصور:پا مال..ياله داير اوبيراسيون تالمرارة
دكتور:بالشفاء ان شاء الله..سمعني اسي منصور..المركز ديالنا كيستقبل فالسنة حالات كثار لاتعد ولا تحصى..حالات مستعصية بزاف لي قالو مغيبراوش نهائيا ..والحمد لله جاب ربي الشفاء
منصور:الصمت

دكتور:بون قوليا..درجة الإدمان ديالك؟؟شحال من مرة كتدروكا فنهار.. 
منصور:(ببرود)قبل شي شهر كنت كنديرها مرة مرة..مرة فشهر مرة فشهراين..رمضان مكندير والو ومؤخرا(تفكر موت مو)رجعت كل نهار.. 
دكتور:(تايكتب فمذكرة)وشنو السبب؟؟
منصور:الصمت

دكتور:بون ماعليش اسيدي..كلشي نعرفوه مع الوقت..انك تجي لهنا هادشي كيعني راه ارادتك قوية وبزااف..التغيير كيجي منا حنا..ربي سبحانه قال:"إن الله لا يغير ما بقوم حتى يغيروا ما بأنفسهم"..ان شاء الله اتولي بخير وعلى خير(كيهضر بلطف)
منصور:ان شاء الله
دكتور:كاتكمي؟؟

منصور:(شاف غيه)كانكمي وكانشرب و كاندير الحشيش وكنديرهم كاامليين..

دكتور:واخا..امتا تبغي تلتاحق معانا للمركز
منصور:من دابا

بتاسم ليه الطبيب:احسن مادير..عائلتك قلتي مكايناش دونك نتا لي غتكون مسؤول على راسك..انهضر معاك بكل صراحة ..المركز ديالنا كيقدم انواع تالعلاجات وكتختالف من واحد لواحد..العلاج لي غنعطيو لراجل ماشي هو لي غتاخدو مرا وهكذا ذواليك..نتا دابا مسؤول على راسك يعني نتا معامن غناقش حالتك.. فالاول انبداو علاج نفسي بطريقة عادية بدون مانعطيو مهدئات بدون مايتعطاك اي دوا..يعني كنخدمو على تهذيب النفس..غتكون عندك حصص مع أطباء نفسيين ومع دي كوتش لي غيشخصو حالتك..نتمنى تعاون معانا

منصور :مابغيتش شي دوا..
دكتور:هادشي يتحدد على حساب قدرتك على التحمل..(بابتسامة) مرحبا بيك معانا

حرك ليه راسو وقال:انا انعطي وراقي ولي خصو اتخلص برا..بغيت نبدا اليوم. . 


منصور :انا انعطي وراقي ولي خصو اتخلص برا..بغيت نبدا اليوم
دكتور:مرحياا اسيدي(هز تيليفون)جي عندي

بعد ثواني دخلات نفس بنت الإستقبال وقال:سي منصور مريض جديد خودي معلوماتو وجهزي ليه شومبر..

ممرضة:داكوغ دكتور..تفضل معايا اسيدي

ناض منصور معاها بلا ميقول تا كلام مخلي طبيب متبعو..مشا معاها الإستقبال عطا معلوماتو وحط وراقو كاملين تما خلص لي عليه وبقا تيتسنا فكرسي وتيهزز رجليه شاد راسو وعقلو كولو مع الغبرة ومع سماح

جاب صاك حوايجو من طونوبيل ودخل مع الممرضة لوسط المركز فين كاينين غرف ديال ناس مبليين بحالو واغلبهم شباب..وهادي هي الحسررة الكبيرة على الشباب

داتو لبيت موجد ومتول وفيه جميع انواع التجهيزات من تلفاز تلاجة صغيرة وماغيرها..مركز ادمان خاص حاكط فيه فلوس صحيحة ..البيت تيطل على جردة زوينة محركات فيه والو..دماغو تيعطيه صداع وخصو يكمي ويتدروكا..

دخل عليه الطبيب وقال:فوالا تا شومبغ..غدا اتبدا العلاج ديالك ان شاء الله
منصور:داكوغ

***
اما سماح راها بين النوم والفيقة فالكلينيك..دوزات فيه ليلة وحدة تا طابو جنابها بالنعاس ولي جاي اكثر.. 

عقلها كولو مع منصور تتسول خوتو عليه وقالو ليها شنو كاين..وكلات امرها لله ودعات معاه واخا تتمنى كون كانت معاه..

****

"شروق الشمس لا ينتظر النائمين"

عبارة الى تأملتي فيها غتفهم بلي دنيا محركة بيك ولا بلا بيك..الحياة غادية ومحدنا تنكبرو والممسحة معانا كتنسينا ناس وكنشوفو ناس وهاكا غادية.. 

فاقت سماح لقات حجيبة بايتا معاها أول ما طاح فبالها منصور..اش يكون تيدير؟؟فين مشاا!.. 

دخل الحاج مصبح عليها وقال :كي بقيتي ابنتي؟؟ 
سماح:(بتعب)الحمد لله..حم عمي منصور فينو؟؟

عبد العظيم:متخافيش..كلشي تحت يدي..راجلك دار خطوة لولة ومشا فالطريق الصحيحة

سماح (بلهفة)فين؟؟
الحاج:فكازا..ان شاء الله خير هي توقفي على رجليك انا نمشي عندو برجلي... 

سماح:(بحزن)كون هي داني معاه
حجيبة :حالتك ماديال صفر..شتي نيت الطبيب اش قاليك
سماح:ففففف

الحاج:هضرتي مع داركم ابنتي؟؟
سماح:لا...مخصهمش اعرفو

حجيبة:خصهم ابنتي اعرفو وليديك هادوك خصهم اعرفو 
سماح:(بحزن)الى عرفو بيرجعوني معاهم..بابا مغيسكتش واقدر اقوليا نطلب الطلاق

عبد العظيم:سكتي يا هاد الهضرة اش هاد الافكار؟؟حنا نصايبو من قنت ونتي تخسري من قنت(شاف فسماح)اتعيطي ليهم اتقولي ليهم غتسافري مع راجلك

سماح:شحال جهدي نكذب؟

عبد العظيم:العمر كامل..قولي اش قلت ليك..وقوليهم راجلي بغا يرتاح وبغاني نسافر معاه..وفكاع الأحوال نتي مغتخرجيش من الدار حيت الطبيب وصا تبقاي ناعسة على ظهرك.. 

سماح:(باستسلام)واخا
حجيبة:(هي تتشوف)انا نعاونك تلبسي ابنتي باش نمشيو

خرج الحاج فاهم راسو وخلاها تتعاونها وملامحها كلهم حزن..تتلبس تريكو وهي تنطق.. حجيبة:سماح ابنتي..واش كاع هادي محبة لولد راضية؟؟

سماح:(شافت فيها)مفهمتش؟؟
حجيبة :باش ابنتي ادفعك تا تقربي تطيحي بنادم وتبقاي معاه صراحة جاتني فشكل..

سماح:مدوزناش قليل اخالتي..اقدر نبان ليك مذلولة ولكن انا تنأمن بلس الانسان فيه عيوب وفيه زين..منصور بحال باه فالطبيعة ولكن عارفاه تيبغيني

حجيبة:عمرو ضربك؟؟
سماح:لا..
حجيبة:وعلاش تتقولي بحال باه؟؟الحاج لي دوزو علي انا وراضية الله يرحمها ماتصبر ليه تا بنت المرا.. 

سماح:وعلاش صبرتو؟؟
حجيبة:(بابتسامة حسرة)انا صبرت على ولادي وراضية(تنهدات)صبرات حيت كانت مترجية فيه احن عليها.. 
سماح:زعما تتبغيه؟؟

حجيبة:خخخخهه حنا معندنا بغو ابنتي هه حنا عندنا هي العشرة
سماح:(بتاسمات)دعي معايا اخالتي ارجع مزيان

حجيبة:متخافي والو..باه راه نمس هي حاضيه الى شافو ايتزعزع فالطريق ميعقلش عليه.. 

سماح:الله يهدي ماخلق ياربي..معرت واش دا معاه شي نمرة؟؟
حجيية:الله واعلم

لبسات وجلساتها فكرسي متحرك حيت ممنوع عليها المشي ودفعات بيها مخرجاها لبرا فين كان عبد المالك والحاج


سماح مرت عندها الليلة فالنعاس ومنصور فالعذاب..تيتقلب واتقلب واتقلب فالبلاصة والو النعااس واش بغاه..القطعة صعيبة .. 

مشا وجا فداك البيت كي الهبيل واحك راسو وذراعو بهوس باغي اكمي وباغي كمية من الغبرة ارد بيها مجاجو..

فرق بين انك تكون عارف انه وقتما حبينتي تقدر تدروݣا وبين انك تكون عارف بلي مغتدروݣاش..منصور قبل كان عارف انه هو المتحكم وقتما بغا غيشم مي دابا لا ولى مجبور.. 

حطات ليه الممرضة عشا لقاتو فديك الحالة وقربات منو:موسيو
منصور:(نهرها وعينيه كيضورو)بعدي منيييي
ممرضة:موسيو اجي معايا تكا

منصور:(بالغوات)خرجيييي تقاااودي خليني لهمي(قلب ليها بلاطوها)

رجعات بلور عارفا هاد الحالة وتتشوفها كل نهار..وخرجات مخلياه تيمشي واجي كي الحمق 

تا عاودات دخلات وقالت:موسيو جبت ليك منوم شربو نعس..الطبيب غدا اجي

منصور:خرجيييييي

خرجات بعدما حطات ليه المنوم وبقا هو تيطل من الزاج على برا وفكو تيترعد بلا نيوفو لي تيتحركو لا اراديا..وتيضور فعينيه..كايحس بعرق كيضرب ليه فراسو وداك العرق مغيسكت تا يعطيه شمة..

تضاربات افكارو بين ماغتشمش وبين نخرج ونهرب ونشم..ضرب يدو مرارا وتكرارا مع الحيط وتيغوت بجهد وانهج تا توعت فيها ونزل للأرض كينهج وكيهدن فراسو براسوو..

يتبع...

التنقل بين الأجزاء

صفحة القصة
سيتم تشغيل صندوق التعليقات بعد لحظات
معظم التعليقات تم إخفاءها بواسطة الفيسبوك، نحاول بكل الوسائل المتاحة إستعادتها في أقرب وقت ممكن.