لأنك سماح الجزء 15 والأخير

2020

محتوى القصة

رواية لأنك سماح

فالصباح بكري جات الممرضة كتحرك حداه فالبيت تا فيقاتو مخنزر..وراسو تيزدح حيت مقطوع..كان غيسبها وهو يدخل طبيب مبتاسم وبشوش.. 

وقال:موسيو منصور صباح الخير
منصور:(تيحك فعينيه)الصمت
دكتور:بون تاخد دوش وتفطر وتصحصح ليا ولنا نقاش اليوم مع أول حصة تطبيب نفسي.. 

حرك راسو بالإيجاب وناض دار شنو قاليه..الفطور بزز فطرو هي تيدفع اما الشهية والو..

ومشا تابع الممرضة لمكتب الطبيب النفسي لي كان سيد متقدم فالعمر وباين عليه السكون والهدوء.. 

جلس بدون مايهضر ورفع لاخر عينيه بابتسامة وقال:صافا موسيو(كيشوف فدوسي ديالو)
منصور:حمد لله

دكتور:بون اليوم اتكون اول حصة معايا ..لي نبغيك تعرفو قبل مانبداو انه لي غيتقال هنا غيبقا هنا ومغيخرجش..ولي نبغيك تكون فيه معايا هو الصدق..لي ضرك فخاطرك نبغي نعرفو ولي دزتي منو..يعني اليوم غتكون حصة تعارف تعاود ليا فيها عليك.. 

منصور:(بإحراج)ماغنقدرش
دكتور:فالأول وي مي من بعد خصك تقدر حيت انا هي طبيب ديالك..نهار غتبرا وترجع انسان عادي راه معمرك تعاود تشوفني..

حرك ليه راسو وباشر الدكتور فاسئلتو ليه خالق جو من السكينة والهدوء ..

تايتعطل منصور فالجواب لكنو تيجاوب عاود ليه من لول تالاخير..

كلشي عرفو الطبيب وبقا تيحلل ليه فمشكلتو واهضر معاه مدة ثلاث ساعات ..

ثلاث ساعات من التفريغ خرج فيها مرتاح وتيتنهد..

مشا لبيتو لقى الغدا تغداه ورجع تكا تيفكر وراسو تيزدح لكن محاول ابقا كالم ومينفاعلش ودماغو كولو تيروم بسماح


هاد الاخيرة لي مكانتش قل منو..متكية فغرفة فدار عبد العظيم صفرا..تتجيها تقية لي كلاتها تتحطها.. 

وعلى راسها واقفا حجيبة تتمسح ليها على راسها..مكتقدرش تنوض من بلاصتها دايرين ليها فاش تقيا هي حداها

خوات جوفها كولو ورجعات راسها لور تتساراح ومعدتها حارقاها.. 

حجيبة:الله ابنتي الله..لي كليتيها تحطيها
سماح:فففف عييييت..
حجيبة:هي صبري ابنتي..هي تولدي تنساي كولشي
سماح:(جاتها البكية)هء بيت ماما
حجيبة:عيطي ليها هضري معاها 

سماح:(شربات الما)فففف عفاك اخالتي عطيني صاكي لهيه فيه تيليفوني

مداتو ليها لقات إتصالات كثيرة من امها وباها وخوها ومرات خوها..

جمعات النفس وتاصلات بامها لي جاوبات دغيا: الله ابنتي وفين غابرة؟؟

سماح (تتحاول ماتبينش تعبها)فففف تافين أماما..سافرت
زينب:كيفاش سافرتي؟؟ويلي
سماح:سافرت انا ومنصور اماما..راكي عارفا نفسيتو كانت مزفتة ولقيت الحل هو نبعدو شوي على هنا
زينب:وهاد سفر لي معلمتيني مقلتي بسلامة؟؟

سماح؛(شربات الما عاود) جا على غفلة اماما..شفتو كايتعذب هنا وسافرت بيه ..غنديرو شي ضورة على المغرب كامل
زينب:(ممصدقاش)انا هادشي مدخلش ليا راسي

سماح:مكنكذبش اماما راكي شفتي حالتو كي كانت..بغيتو ارتاح وابعد على هنا
زينب:وداكشي لي فكرشك غادية مسافرة بيه؟؟
سماح:شفت طبيبة قالت لي ماعليييش ..
زينب:تلفتيني ابنتي ففففف اش نقوليك..نتوما تعرفو..كي بقا بعدا؟؟

سماح:(جاتها البكية)شويا حمد لله..نخليك اماما تيعيط ليا
زينب:سيري ابنتي سلمي عليه وتهلاي فراسك
سماح:بسلامة ماما

قطعات معاها وبدات تتبكي فصمت والحاجة تتشوف فيها بحسرة:ابنتي كون هي صارختيها..هي مك بعدا تفهمك

سماح:الى انا لي مراتو متقبلتش هادشي كيفاش هوما ايتقبلوها..وعاد مابيتش قيمتو تنزل من عينيهم

حجيبة:وشكون قاليك ابنتي هو غيكمل وابرا
سماح:(بحيرة)دايرا أملي فالله..فكاع الحالات انا منتفرقش عليه

حجيبة:(بابتسامة)ما ماتت راضية تاعرفات اش خلات موراها..الله يكملك بعقلك..وانا كنقول مالو كيحماق عليك وهي كيفرنس ليك هه

سماح:(بتاسمات بعيون دامعة)بصح
حجيبة:ايييه بصح..
سماح:باقي معرفش الحاج فينو؟؟
حجيبة:الى عرف شي حاجة راه يوصلها ليك..نتي هي رتاحي
سماح:خالتو مكرهتش نجيب خالتي لطيفة هنا

حجيبة:لي كانت تتقابل المرحومة؟؟
سماح:اه..مكرهتهاش هي تقابلني 
حجيبة:ههه وانا؟؟
سماح:(باست ليها يديها)نتي الخير والبركة ..مبغيتش نعذبك معايا

حجيبة:عذابكم راحة ابنتي..راكي بحال مرات ولدي..منصور الدين عمري حسبتو ربيبي..مو فاش كانت مريضة ديما انا لي هازاه.. 

سماح:الله يخليك لينا ياربي وسمحو ليا

حجيبة:متقوليش هاكا ..راك من العائلة..رتاحي شوي وانا نزل تحت
سماح:واخا

تصايبات ففراشها وغمضات عينيها وصورة منصور بين عينيها 
مامبعدااش



بعد مرور أربعة اشهر..

فالمركز كان منصور جالس فبيتو تيصلي الظهر مقابل مع القبلة بكل خشوع..

مع سلم ودار الدعاء وناض وهو يضور وتفاجأ باخر شخص كان كيتصورو غيجي لعندو وهو عبد العظيم

لابس جلباب سخونة مع سلهامها و واقف بشموخ..ونطق:الله يقبل

منصور:(ببرود) امين

طوا الصلاية وحطها فوق سريرو

وقال:اش جيتي دير هنا؟؟
عبد العظيم:(جلس فالفوتوي)جيت نشوفك(تيطلع فيه وانزل)باين ليا وليتي مزيان

منصور:(جلس تاهو)نحمدوه..سماح؟؟
عبد العظيم:مزيانة..ماخصها والو من غيرك
منصور:ممم والبنت؟؟
عبد العظيم:مزيان مزيان..كي تتحس براسك
منصور:الحمد لله

عبد العظيم:قريب تخرج؟؟
منصور:ان شاء الله..نشوف هاد السيمانة

عبد العظيم:(ربت على كتافو)اوا الحمد لله على سلامتك هادي دير ليك العقل(وقف)خوتك برا بغاو اشوفوك

ناض من حداه خرج لعندهم لقى كلشي خوتو من غير زهيرة..تسالم معاهم عكس سلامو مع باه.. 

عبد الفتاح:الحمد لله راك مزيان
منصور:الحمد لله

عبد المالك:غلاضيتي الحلوف هه اخر مرة جيت كنتي كي العود
منصور:(دار شبه بتسامة)الماكلة والنعاس..كي راها سماح؟؟

عبد الغني:لباس عليها..نتا غلاضيتي وهي ولات كي العود ههه

منصور:(بتشكيك)مالها؟؟
عبد المالك:ادوز نجلسو ونهضرو واكون خير..

دخلو معاه لبيتو جلسو كاملين من غير عبد العظيم لي خرج فحالو مخليهم على راحتهم..الاهم عندز راه شافو مزيان

منصور:مالها سماح؟؟
عبد المالك:راك عارف الحمل..تغلبات
منصور:مفهمتش؟؟

عبد الغني:لي كلاتها مسكينة تاترضها.. تلت شهور وهي فالفراش مكتنوضش من على ظهرها ومكتاكلش لي كلاتها تتلوحها دغيا.. 

منصور:مامشاتش لطبيب؟؟
عبد الفتاح:كتجي الطبيبة تال عندها تفحصها وكتمشي..مكتقدرش على الماكلة واقفة هي بالفيتامينات..

منصور:(تشوش)وهادشي عادي؟؟
عبد المالك:عادي جدا..راه الحمل هو هذا كاين لي كتغلاض فيه وكاين لي كتضعاف..ياله شهر دروك باش ولات شويا تتاكل ملي فاتت ثلث شهور ديال الوحم

منصور:(مد يديه)عطيني تيليفونك نهضر معاها؟؟

عبد المالك:شحال مادويتي معاها؟؟
منصور:شي شهر ونص هاكاك..

مدو ليه وناض من حداهم مخليهم جالسين وخرج تيدوز نمرتها لي ولى حافضها حيت تيعيط ليها بعض المرات من تيليفون المركز.. 

دوز خطها ونتاظر بعض الرنات وهو يجي صوتها:الو

منصور:لالة منانة
سماح:(فرح قلبها)منصوور
منصور:شهادشي كنسمع امنانة؟؟
سماح:(بحب)توحشتك
منصور:(بابتسامة)انا لا..توحشت غير بنتي
سماح:ههه ولد ولد 
منصور:علاش مكتاكلييش؟؟
سماح:مكنقدرش..لي كليتها تنرضها 
منصور:ةاخا راه خصك تبززي

سماح:والله مكنقدر..راه وحمي صععييب تعذبت فيه
منصور:(بحنية)الله يسمح ليا منك..

سماح:امتا اتخرج؟؟
منصور:حتا يعطيني طبيب الاوتوغيزاسيون
سماح:ياك راك مزيان؟؟

منصور:تخي بيان..نتي هي تهلاي ليا فلالة راضية وانا بخير.. 

سماح:كنتسناك امتا تجي..
منصور:قريب إن شاء الله..تهلاي فراسك.. 

سماح:(بترجي)بقا تعيط ليا عفاك
منصور:ماكرهتش ولكن فالعلاج خصني نقطع التواصل مع برا

سماح:(تنهدات)الله يجيبك على خير

منصور:امين بسلامة
سماح:تنبغيك

قطع معاها ورجع تيليفون لخوه وجلس معاهم ونطق واحد فيهم:كيدازت بيريود العلاج؟؟

#فلاش_باك

اسوأ فترات حياتو كانت هي هاديك..الايام الأولى ليه فالمركز ولي يمكن تلخيصها فالشهر لول..دوزو مزفت..

الصداع فراسو والنعاس تيطير عليه الى مشربش منومات ماينعسش..
مكانش كيبغي يحضر لتا شي حصة كيحضر هي بزز..

كيتخاصم مع الممرضات ومع الأطباء وماكلتو قليلة..ليلو ماهو ليل ونهارو ماهو نهار..


قمة الانهيار..طاح وناض..بكا ونشفو دموعو تأسفا على حالتو..كلما كيتفكر مو.. 

ليالي دازو عليه عذاب بلا نعاس..كيمشي واجي فبيتو كي الحمق وأيام كثيرة كيحسبوه الادارة فالانفرادي باش ماتيهورش واهرب..

لأنه جوج مرات كان غيهرب..مل من كلشي وجوح مرات كيضعاف وكيبغي اخلي كلشي وازيد تا كيشدوه وارجعوه باذن منو..

حيت هضر مع الطبيب وعلمو باش اي تصرف ليه ماهواش احبسو واخا بالعصا . 

من جهة عندو الارادة ومن جهة اخرى شيطانو قوي وبليتو اقوى..ما تبث شوي تا داز شهر ونص على دخولو عاد ولى شويا متبت وولى تيتحكم فراسو...

علاقتو بالعالم الخارجي شبه منعادمة جا عندو باه لكن رفض اقابلو خوتو تيجي هي عبد المالك تيهضر معاه ببرود وامشي..

كانت حياتو عذاب كاره دنيا وكاره راسو ومحاملش تاحد..كان باغي انفارد فقط براسو..

تواصلو مع سماح كان قليل ماكيبغيش يتأثر ببرا حتى يحس براسو ولى مزيان.. 

فالمركز تصادف مع أشخاص حياتهم اكفس من حياتو.

شباب وشابات لقاهم واصلين نيفو هارب فالإدمان..كاين لي مبلي من عشر سنين تاوصل ربعة وعشرين..

وكاين لي تبلات فالمراهقة وكاين لي بلاوه صحابو..وكلها وقصتو..

استافد من قصصهم بزاف حيت كانو تيديرو ليهم جلسات لقاء كل واحد تيعاود على قصتو وكان تيشوف من بعيد وتيسمع..

ناس خسرو عائلاتهم وناس رماوهم اهاليهم حيت عياو منهم وناس مبقا عندهم تاحد وغيرها من القصص

كل هادشي خلاه اعاود ترتيب راسو..كيبقا جالس وتيتفكر اش كان تيدير ؟؟كان تيشري موتو بيديه.. 

تفكر شحال كان اناني فاش كان كيتدروكا ومو حية..كان تيقول كون انا لي متت قبل منها كون رجعات لعبد العظيم اتكرفس عليها.. 

ولي مخليه متشبث كثر هو حمل سماح وسماح براسها

#باك

رجع من تفكيرو مع خوتو ونطق:مزيانة..بغيتك تكلف ليا اعبد المالك بواحد الحاجة
عبد المالك:لي هي
منصور:اندير ليك وكالة بغيت نبيع لفيرما وتا الابارطومون
عبد الغني:علاش اخويا؟؟
منصور:دير شنو قلت ليك..لقا ليا الشاري انا غنشوف نخرج هاد الايام
عبد الفتاح:راك باقي عيان..خليك هنا شي ايام
منصور:لا(شاف فيه)الله يجعل البركة..الحمد لله تنحس براسي مزيان.. 

عبد الغني: حتى حنا بغيناك تخرج 
منصور:اكون خير..مهم عبد المالك تكلف
عبد المالك:واخا اكون خير

بقاو معاه شوي وناضو خرجو راجعين فحالهم اما هو بقا تيشوف من سرجم شحال وتيخمم فالخطوة الموالية..

دخل الطبيب ديالو عندو ونطق:منصور صافا؟
تلفت ليه وقال:تخي بيان..مزيان لي جيتي

دكتور:شنو حب الخاطر؟؟
منصور:بغيت نخرج
دكتور:ميمكنش دابا
منصور:علاش؟؟
دكتور:باقي ليك حصص فالعلاج
منصور:انا كنحس براسي مزيان
دكتور:بديتي تتحس راك مزيان ماشي هي راك تعالجتي
منصور:التحدي الكبير هو نخرج ومنرجعش الإدمان هاكا غنعرف راسي راني نيت بريت
دكتور:علاش باغي تخرج؟؟
منصور:مراتي محتاجاني
دكتور:(تيفكر)باقي ليك حصص امنصور..صبر شوي

منصور:لا صافي ..بغيت نخرج انا غنرجع نكمل حصصي حيت انستاقر هنا
دكتور:فكازا؟؟

حرك راسو بالإيجاب وقال:خصني نكون حدا مراتي..وغنبقا متبع دوا ومتبع الحصص ديالي

دكتور:(بتحذير)بزاف من بحال حالاتك تيكونو مزيان وتيخرجو تيرجعو للبداية
منصور:عارف اش كندير راني كبير وواعي
دكتور:(بابتسامة)مبقاتش فالاج..راك جيتي كبير نيت ومبلي..مكتشوفش ناس كبار وجاو هنا

منصور:سي تنشوف وانا باغي نختابر راسي..الى نجحت فانني نبعد راه مزيان منجحتش نرجع
دكتور:وتعاود تاني من لول؟؟

منصور:ماعنديش اشكال..الارادة كاينة

ضحك طبيب وطبطب على كتفو وقال:انا نرد عليك فالعشية ان شاء الله 

منصور:ان شاء الله


فالمساء كان جالس فبيتو هاز كتاب بالفرنسية تيقراه تا دخل الطبيب لي مؤخرا ولى قريب ليه 

وقال:منصور
منصور:(بهدوء سد الكتاب)واخا تكونو غتناقشو على خروج بلاادن..
طبيب:(جلس فاص ليه فكرسي)هه راك عارف لي كاين..

منصور:شنو؟؟
طبيب:الاطباء خرجو بقرار انك تخرج مؤقتا..
منصور:بمعنى؟؟
طبيل:اتخرج ولكن تبقا ترجع تحضر الحصص ديالك مع الطبيب النفسي والدوا فالوقت
منصور:ان شاء الله خير

طبيب:اه وضروري خص يكون شي حد معاك ارد البال ..راك واخا هاكاك ماشي متعالج مية فالمية.. 

منصور:(شبح بتسامة زارو)مراتي راه ضوبل ديالكم كلكم..اتبقا لاصقة ليا فوق راسي تا نشرب داك دوا.. 

طبيب:هههه هي لي تليق ليك..غدا ان شاء الله اتخرج
منصور:ان شاء الله

خرج الطبيب من عندو خلاه تيخمم وافكر..تيدرس مع راسو مخططاتو المستقبلية ومستقبلو هو وسماح ولي فكرشها. . 

رجع تيقرا كتابو بواحد الهدوء خطير عكس الضجيج لي كان فيه قبل..

اما سماح راه كانت فبيتها ياله خارجة من الدوش بعدما قدرات توقف على رجليها بعد ثلاثة اشهر كلها فالفراش بدون حركة الا لحالات قليلة مثلا الدوش او نداء طبيعة..

لاوية عليها فوطة وفوطة فشعرها..مع حيدات الفوطة من لحمها مع بان جسد هزيل مائل للنحافة..

عوض ما تغلاض في فترة الحمل وقع العكس ضعافت وبزاف لدرجة كرشها مبارزاش الى كانت لابسة....

عظوما ديال رقبتها باينين وحنيكاتها لي كانو هي شوي تيتهزو للفوق مبقاوش..

الحمل فاشهرو الاولى ستنزف كل طاقتها ورجعات ضعيفة بسب قلة اكلها لأنها لي كلاتها تترضها تاتعيش هي ببعض الفيتامينات فقط

دهنات لحمها ولبسات حوايجها عبارة عن سورفيت بيتية سخونة ..

نشفات شعرها وتخشات ففراشها ..
هزات دواها تاتشرب فيه تا دخلات لطيفة..هاد الاخيرة لي بعدما عيطات ليها لبات طلبها وجات تقابلها تاهي..

لطيفة:ياله جيت نقوليك شربي دواك
سماح:شربتوو..تنشربو بحالا تنشرب سم شو كي وليت ضعيفة
لطيفة:(جلسات فطرف السرير)وبسيف راكي ماكدوقيش النعمة
سماح:كنعيف منها..كلشي كيجيني زافر
لطيفة:سبحان الله..قليل فاش شي وحدة تضعاف فالحمل. .

سماح:عمتي فاش حملات ببنتها صغيرة اسمها نهيلة رجعات ستيلو..
لطيفة:تادابا باقي الحال..دروك فاش شوي رجعات ليك الشهية دابا تعوضي..حبالة البنت صعيبة..

سماح:ههه علاش كلكم تتقولو بنت
لطيفة:البنت هي لي تتمجنن فالحبالة..تاتدي لمها كلشي تا زين ههه 

سماح:هههه خيابيت يااك(حطات يديها على كرشها)خصها هي تجي بخير وصحيحتها مزيانة تدي مني ماشي هي زين 

لطيفة:ان شاء الله ياربي اتجمع شملكم ..مزال ممشيتيش للطبيب تعرفي شنو عندك؟؟
سماح:تا يجي منصور ونمشيو بجوج
لطيفة:مهضرتوش؟؟

سماح:عيط لي الصباح..خوتو مشاو عندو قالو لباس وبرا
لطيفة:الله يجيبو على خير ياربي..تعذب بزاااف

سماح:(تنهدات )وايييه(تفوهات)
لطيفة:انا نخليك تنعسي ..تصبحي على خير
سماح:(بابتسامة)تصبحي على خير

خرجات وخلاتها تتغمض عينيها كاتقلب على النعاس فانتظار غد افضل

***

مع الصباح بعدما فطر مع زملائو فالمركز اخر فطور..ودعهم كاملين وجمع حوايجو وخرج لابس عليه مزيان حيت بارد الحال..فصل الشتاء دخل ودخل بالبرد والكز والشتا.. 

توجه لبيرو ديال للطبيب دق وسمع الاذن ودخل ..شافو طبيب وحط شنو فيديه وقال:صافي سخيتي

منصور:انرجع..نكمي شي جوان ونرجع
طبيب :شتي ها لي مابغيناش ههه(وقغ قدامو)هذا راه اكبر تحدي ليك مع ذاتك..المركز راه عزلك على العالم الخارجي لفترة ولكن ماشي دائمة..الانسان كيعرف راسو برا ملي كيشوف البلية ومتتحرك فيه والو.. 
منصور:نتمناو خير

تسالم معاه برجولية ونطق:مغسي بوكو على كلشي..نبقاو على تواصل ديما
طبيب:راه باقي حصص ديالك ههه لتنساهمش
منصور:ضروري نحضر..بسلامة. 

خرج من المركز وضرب فيه الهوا البارد خلاه اغمض عينيه واحلهم بانتعاش..

حاس براسو مزيود من جديد انك تحس براسك بديتي من جديد بحال احساس فاش كتمشي الحمام وكاتنقي كاع وسخك وتتخرج نقي..تما كتحس براسك راك فعلا درتي مجهود. . 

مجهود منصور كان مضاعف حيت كان باغي ابرا ومل من حياتو وهو مبلي..

مبراش مئة بالمئة لكن حمد الله انه تكالما ورغبتو فالغبرة مابقاتش.. 

توجه لاقرب ݣيشي تيرا منها فلوس حيت خوه خدا طونوبيلتو بقاو هي الوراق ديالو والكارت ݣيشي عندو..

خدا طاكسي صغير لمحطة القطار الوازيس وقطع فاقرب تران لمراكش ولي كان مور ساعة..

جلس تايتسنا كأي انسان وعينيه عاد ما كاتكتاشف شحال من حاجة
بساطة فالحياة كان ممسوقش ليها..راحة فداخلو ماليها مثيل وفرحتو مضاعفة حيت غيشوفها.. 

غايشوف "سماح".. 

سمع النداء بالقطار وناض هاز صاكو كأيها الناس ..انسان عادي خدا القطار والوجهة مراكش الحمرا


بعد مسافة الطريق التي تقدر بساعتين بالظبط ..وقف التران فمحطة القطار..

نزل واستنشق هواء مراكش وهو يتقبض عليه قلبو..معندوش ذكريات زوينة مع مراكش وبقدر ماعطاتو بقدر ماخدات منو..

فبعض الأحيان كاتكون راحتنا مرتابطة بالمكان..كاينين امكنة بكثرة ماتجرحنا فيهم وبكثرة ما عشنا فيهم ذكريات خايبة تنوليو نتواو منهم وبمجرد فكرة الرجوع ليها تيتقبض عليك قلبك.. 

خرج زربان تيسوط فيه برد مراكش تحت قطرات الامطار الخفيفة..خدا طاكسي لاقرب اجونس ديال الطوموبيلات كيعرف..

كرا طونوبيل اعدي بيها تيجيب سيارتو وتوجه ديركت لفيرمة الحاج عبد العظيم.. 


كانو كلشي الرجال خارجين لأشغالهم ونسائهم كلها فين دايع..وحدة مشات تشوف مها ولوخرا راه مع صحاباتها..ومرات عبد الغني خدامة..

بقات الحاجة ولطيفة وسماح..هاد الاخيرة لي كانت الفوق فبيتها تاتاخد دواها حيت ياله فطرات

دخل بطونوبيلتو تاوقف قدام باب الدار..بعدما سمحو ليه العساسا لي برا باادخول حيت عارفينو ولدو..

نزل بدون اغراضو صونا فالباب حلو ليه الخدم ودخل كيضور بعينيه بنفس النظرة تاع ديما البرود.. 

منصور:فينهم؟؟
الخادمة :الحاجة فالصالة اسيدي(نعتات ليه بيديها).. 

مشا لجيهة الصالة لي نعتات ليه ووقف عليهم كي قباض الرواح تا شهقات لطيفة وحطات اتاي من يديها
حجيبة:منصوور!!!!
منصور:(تقدم عندها)الحاجة لباس؟؟
حجيبة:(ستوعبات)اهلا اهلا ههههه(تسالمات معاه بالوجه)على سلامتك اولدي على سلامتك..

منصور:الله يسلمك..كي راك مزيانة؟؟(شاف فلطيفة)لباس؟؟
لطيفة:(بابتسامة)لباس ..على سلامتك.. 

حرك ليها راسو فقط ونطق مخاطب حجيبة:الحاجة فينها سماح؟؟
حجيبة:ههههههه ياله طلعات لبيتها تشرب دوا..اتفرح ملي تشوفك.. 
منصور:اشمن بيت؟؟
حجيبة:(نادات الخادمة)هاهي توريه ليك(طبطبات على كتافو)الحمد لله على سلامتك ..ديما تندعي معاك
منصور:(باس راسها)الله يكبر بيك

تبع الخدامة لي غاتديه لبيتها مخلييهم مفرنسين فرحانين برجوعو..

اول مدارت حجيبة هو عيطات لكلشي رجال الدار وعلماتهم وجلسات تاتضحك هي ولطيفة

اما هو تبع الخدامة تاوقفاتو قدام باب البيت وامرها تمشي..دخل بدون مايدق متشوق اشوفها..

كي حل لباب رمق جسدها الهزيل عاطيه بالظهر وكاس الما فيديها ونطقات:خالتو تقادا لي هاد الفيتامين.. 

شربات الما وهي تضور تالقاتو قدامها عند وجهها بشحمو ولحمو لدرجة خرجات عينيها وطاح الكاس تا رجع هو بلور

سماح:(مصدومة)مننصوووور
منصور:(بابتسامة حنونة)العمر

ماحس بيها تا طارت عليييه بتعنيقة مزيرة عليه وهو الاخر دوز يدو على خصرها وعنقها بجهد مزير عليها وحاس بكرشها على كرشو..دافن وجهو فعنقها.. 

سماح:(طاحو دموعها)منصوور هءهءهء منصوور
منصور:(بلهفة)هاني جيت امنانة هاني جيت

زيرات عليه مامصدقاش ويديها تتقربو ليها كثر مبغاتش تفرق عليه..

توحشاتو بزاف وهو اكثر..مع بعدات عليه شدات وجهو تتبوس فيه بلهفة واشتياق وتهضر ملهوفة:توحشتك توحشتك(بوسة فالفم)توحشتك(بوسة فالحنك)توحشتك هءهءهءهء

منصور:(جابت ليه الضحكة)هههه يا هاد البنت ههههههه(شدها بقج ليها شفايفها وباسهم بوسى تا مص ليها الدم منهم)الحلاوة تااني هههه
سماح :(شدات وجهو بين يديها)مكنحلمش ياك؟؟..

منصور:(باس يديها بجوج)نطلعو معاك باش تفيفي ولا هههه (درعها بيدو دارها وسط حضنو)توحشتك بزااااف اسماااح(تنهد)توحشتك.. 

سماح:(زيرات عليه رامية راسها وسط حضنو)تانا توحشتك..غبرتي علي بزااف(شداتها البكية)تنضل نحلم بيك هءهءهءهء

منصور:(بمزح)ابراكا من لعنب هههه
سماح:(قرصاتو فيدو)سكت ههه.. 

بعدها عليه باسها ففمها بوسة خفيفة وقال:شخبار هاد البخووشة(حط يدو على كرشها)
سماح:(بخجل)لباس عليها هه

تحنا على ركابيه وهز ليها شنو لابسة تا بانت كرشها مكورة وصغيرة حمقااتو وبورشاتو من شكلها..

مامصدقش انه هازا ليه طرف منو..باسها بوسات كثار وتحسسها وقال:ااالله

سماح:(حشمانة )ههه صافي براكا
طلع لعندها وشدها باسها ففمها بوسات كثار وقال:تمحنتي؟؟
سماح:ماعلييش هه(حطات يديها على لحيتو)زيانيتي؟؟

منصور:نتي بعدا خيابيتي(بعد شوي تيشوف فيها )واش مكتاكلييش؟؟
سماح:(لغات المسافة بيناتهم بقربها معنقاه)متبقاش تبعد هاكا ..بعادك هلكني فصحتي
منصور:(زير عليها بتعنيقة)من اليوم بجوج تالقبر..


لهفة..اشتياق.. وغرام كبير جامع بيناتهم فهاد اللحظات لي كانو تيتبادلو فيها العناق مرة والقبلات فالفم مرة. . قراب من بعضهم مباغينش ابعدو. . 

منصور:(قاس حنوكها)علاش مكتاكليش؟؟
سماح:(بحزن)كانتقيا..كناكل ونتقيا وكاطيب ليا معدتي.. 
منصور:(دوز صبعانو على حجبانها)معذباك هاد البخوشة ولا؟؟
سماح:(حركات راسها)اه..دازت علي امنصور. . 

منصور:(قبلة ففمها)مابقا قد مفات..تولديها وتنساي
سماح:(بابتسامة عريضة)علاش تتقول بنت...
منصور:عارفها بنت ههه(جرها من نيوفها)

سماح:والى كان ولد
منصور:تعاودي تولدي البنات..

عنقاتو من جديد متشبتة بيه وقالت:بقات بلاصتك معاياا
منصور:اخخخ عليك وشحال توحشتك
سماح:(بعدات عليه)شتك وليتي رومانسي ههه.. 

منصور:دارتها القطعة ههه
سماح:(شابكات يديهم)شنو نديرو دابا؟؟
منصور:اتهزي حوايجك وياله معايا
سماح:فين؟؟
منصور:(بهدوء)عندي بزاف ماندير(باس يديها)وختصك تكوني معايا.. 

سماح:انا ديما معاك(حطات يديها على لحيتو)بريتي؟؟
منصور:الجمد لله..الصعيب دوزناه
سماح:لهلا يعاود دوك الايام..

تدق الباب وامرات هي بالدخول..دخلات الخدامة

وقالت:الحاج لتحت..بغاك اموسيو
منصور:واخا(خرجات)ياله جمعي حوايجك غانمشيو
سماح:فين انمشييو؟؟
منصور:مالنا انبقاو هنا..ياله

حركات راسها ب اه وطلق منها بغا يهبط وهي تجرو وطارت عليه ببوسة لشفايفو تاهو معطلهاش شدها من خصرها مزير عليها وبقج ليها شفايفها ببوسة حنينة ..

تاحس بيها سخفات وهو يحبس وقال:نتخلوا بيك وديك ساعا ارا ماتبوسي
سماح:(تمخششات فيه)توحشتك بزاااف

منصور:تتوحمي علي ولا؟؟
سماح:هه معرفتش..سير شوف خوتك وباك انا نجمع
منصور:واخا

باس راسها وخرج بهدوء مخلي الفرحة فقلبها مزروعة..بخفة الحمامة ناضت تتجمع مسائلها فرحانة برجوعو.. 

اما هو نزل لتحت لقى باه وخوتو كلشي فالصالة..لقى سلام بهدوء:السلام. . 

ناضو خوتو تسالمو معاه وحمدو الله على سلامتو فحين باه بقا فبلاصتو تايشوف فيه ولاخر تاهو تيحقق فيه ببرود..

مشا هز يدو باسها وقال:لباس
الحاج:الحمد لله...تتبان ليا بخير
منصور:نحمدو الله
عبد المالك:فين سماح؟؟
منصور:لفوق تتجمع حوايجها

حجيبة:علاش اولدي؟؟خليها معانا
منصور:(شاف فيها بود)صافي هذا هو الجهد.. خاصنا نرجعو فحالنا
عبد العظيم:تاهنا فحالك
منصور:(بدون مايشوف فيه)يكون خير

نزلات سماح بعدها عندهم فرحانة والضحكة مشرݣة ليها الفم..سلمات عليهم ولصقات حداه. . 

حجيبة:صافي سخيتي بينا الالة سماح هه
سماح:والله متسخيت..معمري نسا خيركم عذبتكم معايا سمحو لياا(ناضت باست ليها راسها)

حجيبة:دنيا هانيا ابنيتي..
سماح:(باست للحاج راسو)الحاج شكرا بزااف على كلشي..
عبد العظيم:داركم هادي ابنتي..ردي البال لراسك ولحفيدي

عبد الغني:هههه معول عليه ولد
عبد العظيم:ايكون ولد ان شاء الله ..
منصور:(جاتو هضرتو باسلة ووقف)سماح ياله..فين حوايجك
سماح:اتنزلهم ليا البنت مقديتش نهزهم

وقفو كاملين معاهم ودعووهم وسماح بالخصوص شداتها البكية..توادعات معاهم وشكراتهم ..وطلعات حداه فطونوبيل. . 

منصور:صافي اسماح
سماح:مسخيتش بيهم هءهء
منصور:ماسخيتيش بعبد العظيم مثلا .. 

سماح:واخا هاكاك راه مسكين كان تيعاملني مزيان وتا مرات باك وخوتك

منصور:مممم وعيالات خوتي؟؟
سماح:عادي..تيتعاملو عادي..اش نديرو مع لطيفة؟؟

منصور:نتي لي عيطتي ليها؟؟
سماح:مسخيتش ببها..خليها معانا امنصور. . 
منصور:ماتقدرش تديبلاصا هي تالكازا..عندها حياتها هنا

سماح:(بفضول)علاش كازا؟؟
منصور:من بعد ونهضرو..دابا انمشيو لشي طبيبة(بتاسم)نشوف البخوشة. . 


سماح:(ضحكات)ههههههههههه بصح..كاتعرف شي وحدة

منصور:سيي
سماح:هههه صافي واخا(حطات يديها على كرشها)

منصور:شحال عندك؟؟
سماح:خمس شهور ونص
منصور:ماعندكش الكرش بزااف(حط يدو على كرشها)قاسحة مامثقلاش عليك

ضحكات عليه من نيتها وقالت:وا مثقلة شوي وصافي ههههه

منصور:ان شاء الله بنت
سماح:(بابتسامة حنونة)علاش بغيتي بنت ؟؟
منصور:(مركز فالسياقة)بغيت نسميها راضية. .
سماح:(بفرحة)نسميوها راضية ههه علاش لا.. 

بتاسم ليها وتلفت مركز فسياقتو تادخل لمراكش توجه لطبيبة اختصاصية فالنساء..

نزلات وشابك يديها معاها وعينيه على ديك الكويرة لي قدامها 

دخلو عطاو بياناتها وجلسو تيتسناو نوبتهم والنساء الحوامل كيدوزو من حداه ومتبعهم هو بغرابة وهي حاضياه..

همسات فوذنيه:واش وليتي مبلي بالعيالات؟؟

منصور:هاا لالا هي تانشوف كرشهم..نتي كرشك صغيرة .. 
سماح:ههه عادي راه باقي ماوصلتش التاسع باش تقنبل..ومتناسش انا ضعيفة تاني مغتبانش فيا

منصور:ااه واقلة.. 

بعد نصف ساعة دخلات هي وياه عندها..جلسو وبدات بالأسئلة الروتينة وكلشي تاتجاوب عليه سماح ودوزاتها للفحص..ناض معاها سيد ممعاتقكش..

نعساتها ودهنات ليها كرشها بالجيل وبدات تتوريهم:هو هذاا
منصور:بنت ياك؟؟
دكتورة:(شافت فيهم)شنو بغيتو هه
سماح:لي جا مرحبا
منصور:بنت

دكتورة:ههه بنت اسيدي..هاهيا شوف

والفرحة لي عمرات قلب منصور عمرو حس بيها..

حس كأنه شي حاجة دخلات لقلبو وهزات حزن موت مو وحطات بلاصتها فرحة بنتو لي جايا. . 

سماح :هههه ولاهيلا بنت
دكتورة:صحتها مزيانة الحمد لله..
منصور:ولمامون؟؟

طبيبة:تاهيا مزيانة صحتها مي مشكل الضعف فيه اشكال..لبسي ابنتي واجي نهضرو

مسح ليها هو مبتاسم هي شاف طبيبة دازت باسها ففمها وقال:بنت هه
سماح:غلبتيني ههه. .

نوضها وخرجها معاه جلسو مقابلين معاها. . 

ونطقات الطبيبة:صحة البنت مزيانة وحتا نتي ولكن كاين اشكال..الوزن تاع البيبي غيأثر عليك الى بقيتي ضعيغة
سماح:دوزت وحم صعيب ماكنتش كناكل

دكتورة:وي وي عارفا ..كنتي كتوقفي بالفيتامينات سيتو..هذا هو لي خلى صحتك تكون مزيانة مي المشكل لي نقدر نخافو منو هو الثقل يأثر عليك

سماح:وشنو المعمول؟؟

دكتورة:ايخصك ترجعي تاكلي وتقادي ماكلتك ..جوبونص دابا صافا مع الوحم. . 

سماح:وي الحمك لله رجعت تناكل عادي

دكتورة:دونك ان شاء الله ترجعي صحتك..كثري من المشي وغيكون احسن ديري سبور الحوامل. . 

منصور:داكوغ ادكتورة..وبالنسبة لولادة واش غاتولد طبيعي؟؟

دكتورة:مغنقدروش نحددو دابا..ملي اوصل وقتها ونشوفو . . 
سماح:شكرا بزااف.. 

ودعوها وخرجو مشادين اليدين وهو فرحتو مايعطيها لحد..كي طلعات ضحك.. وقال براحة:الله على راحة..

سماح:ههههه غلبتيني ههه بنت
منصور:وايييه الحمد لله

سماح:فين انمشيو دروك؟؟
منصور:انديك تشوفي داركم وأپخي غنمشيو 
سماح:(بفرحة)عفاااك دغيا راه ماشتهمش شحال هذا. . 


توجهو لدار عثمان بلا مايعلموهم بمجيتهم..تا وقفو قدام الدار وبان بريق الفرحة فعينين سماح. . 

توحشاتهم بزاف.. ربع شهور مشافتهم غير تيليفون وصافي .. 

بغا ينزل منصور وهي تحبسو بيديها ونطقات:شوف راه قلت ليهم كنا مسافرين باش مايشكوش .. 

منصور:(تبسم ليها برضى حيت وحدة فبلاصتها ماغتبقاش بلا واليديها ربع شهور والراجل مكاينش ومامعروفش واش ايرجع )لهلا يخطيك عليا.. 

سماح (تزنكات ورجعات شعرها الللور وقالت)حتى نتا ههه
منصور:مشينا؟؟

نزلات بفرح ونزل معاها حتى هو.. دقات فالباب وصونات قلبها كايضرب تاسمعات كريمة جاية ضحكات لمنصور وقالت:هي كدردك هاد السيدة 

بقات سماح كاتصووني تصووني وكريمة من لداخل كاتغوت وكتقول:وهرسووووه نتوما لاش بتخليييوه اهيا ويين حبس 

ضحكات سماح تحلات كريمة لباب بغات تبدا تسب تلقات سماح قبالتها وشهقات :سماح 

سماح: الى بيتي هههه (عنقاتها )كريمة توحشتك 
كريمة:اححح على شحيمة شحال توحشتها(كاتغوت من الدروج)يسرا إلياس ها لموصيبة جات(شافت منصور)ويلي سمحليا أخويا ماشتكش 

منصور:(حرك راسو فقط) 
كريمة:دخلووو دخلووو (شافت فسماح)اهياتا فين لكرش ولا كذبتي علينا
سماح:(كضحك)ماتزيديش فيييه ههههه فين بتبان لكرش مع الضعف
كريمة:تانتي حسن لييك ضعافي ولا تكرشي تاتولي كي الحليب الخاسر ...هههه دخلو دخلوو.. 

شبكات ايدها مع منصور وطلعوو وكريمة قدامهم فرحانة تتفرنس . 

سماح:فين ماما وبابا 
كريمة:مشاو يتقداو والياس راه مع مراتو (جلسو فالصالة)

مزال ماكملاتها تاتجرات سماح من عنقها مقجوجة من طرف الياس .. 

وقال:لاش أختي جيتي يالله تهنينا فمخنا من شخيرك 

عنقاتو بحب موحشااه كاضحك وتبوس فحناكو وهوا كدالك خاشيها فحضنو...بعدها عليه وقال:أهيا واش كتاكل من ختي ولا؟؟منصوور اش هدا رجعتي لينا ميمحة بوصيحة .. 
منصور:الحمل ضعفها ماكتاكلش

كريمة مشات توجد وتقاد ليهم صوابهم.. تمات جايا يسرا مدابزة مع كرشها المنفوخة وتتقاد شالها.. 

شافتها سماح وناضت كتعنق فيها وتلعب بكريشتها وقالت:اختي غبرت عليك ربع شهور تبوقلتيي هههه 

يسرا:غير سكتي تقلت ههه (مدات يدها بحياء لمنصوور )سلام اخويا على سلامتك 
منصور:شكرا أختي 

لحضات مرو عليهم بالتقشاب وضحك شادين فبعضياتهم و سماح لي كانت مفتاقدة هاد لمة الأخوية بينها وبين الياس راه مرتاحة دابا

يشد فيها وتشد فيها ويعنقها وتعنقوو .. 

تاتسمع صوت عتمان فالدروج تهز قلبها بفرحة تقول عاام مشاافتهم ومهدراتهمش وهيا راه كل نهار مجمعة معاهم فتيليفون تالشمن وقت .. 

وقفات كاطير تقفز منصور بلا هواه وقال بعتاب: سماح
سماح:ههه متتخاافش 

عتمان مع بان مع تلاحت عليه بتعنيقة ضهشراتوو معرف باش تبلاا عنقها كيضحك وقال:خلعتيني المشة هههه سماح بنتي

سماح:بابا توحشتكم بزاااف والله (كتبوس فحناكو)بزاف بزاف
عتمان:حتى انا ابنتي بقات بلاصصتك خااوية 
زينب(دخلات):بنتيي جيتيي (بفرحة )الله 

سماح:(عنقاتها وطاحو دموعها ) ماما توحشتك بزاااف هءهءه 

الياس:ها لخنونة تاني 
يسرا:حيت نتا ديما حدااك ماغتحسش ههه 

زينب(كاتعنقها بحب )الله يابنتي وغبرتي علي غبرة وحدة 
سماح:هي سمحو ليا اماما


سلم عليهم منصوور كذلك وجلسوو ...سماح بين باها ومها مخشوشة فزينب تبوس وتعاود ما شابعاش ومقانعاش من داك لحضن لي ميتعوضش .. رمقها منصور بنظرة حب وهو كيتكلم مع عتمان والياس .. 

تحطات طبلة مشكلة بلي تشهات لخاطر من اتاي ودوازو وماغيرهم.. 

زينب:( تتكب فاتاي مشوشة )مالك ابنتي ..ضعافيتيي بزاف مكتاكليش 
سماح:(باست ايدها)اوى ياك كتقولي وحم لبنت صعييب 
زينب: (خرجو عينيها بفرحة )عندك بنت هههه ياااا فرحي بلبنات ايولدو لياا لبناات.. 

الياس:اوى ماتزيديش فيه الالة زينب حنا راه انجيبو ليكم ولي العهد 
عتمان: يكما ناوي تورث فمراكش كلها 
يسرا:ههههه زيدو اعمي 
عتمان:(لمنصور)الله ايجيبها على خير ياربي 
منصور:امييين ياربي ...حتى نتوما سمحوليا بعدت عليكم بنتكم.. 

عتماان: اولدي بنتي نهار عطيناها ليك رراه عرفناها ماتبقااش فجنبنا العمر كلو ....باركا علي نشوفها هي فرحاانة فدارها مع راجلها و وليداتها ان شاء الله.. 

منصور:داكشي لي كاين أسي عثمان 

زينب :(بفرحة ) الله ايجيبها على خير إن شاء الله وتربى فعزكم 

سماح:هههه امين اماما ..فرحت بزااف ...غنسميوها رااضية ان شاء الله 

عتمان:ان شاء الله تكون مرضية الله او واليديها 

الياس :(بطنز)هي متكون بحالك نݣارة ملي مطججتيش منصور فقيهك صحيح اختي 

سماح:بابا 
عتمان :نوض خرج علي نتا فحالك لنضرب والدييك 

لمة العائلة على طبيلة تاع اتاي مابحالها تحاجة وخا ضوري بلدان لعالم كتبقا هاديك أحسن حاجة .. 


طوالت لكعدة ولهدرة نهار كامل وهو شاد ليها الخاطر.. تاتعشاو عندهم وناض منصور لحمام اغسل يديه

خارج من الحمام وشاف سماح موحشها ومكرهش ينفارد بيها بوحدها ولكن شوقها لوليديها خلاه يسكت ويخليها دوز وقت معاهم تاهيا 

وقال:سمااح ...نمشيو ؟

سماح :مزال ماشبعت منهم (شافتو عوج راسو بمعنى وانا )ههه صافي ههه انا نوض 

رجعات للصالة وتوادعو معاهم وحبسوهم يباتو ولكن مبغاوش معارفينش بلي كيف هيا توحشاتهم موحشها تاهو ربع شهور وهوما بعاد على بعضياتهم ...

ركبو فطموبيل وعتمان وزينب عند لباب كيودعوهم وهيا كضحك ليهم من طموبيل 

عتمان:جاني منصور بحالا برد شوية ولا كيضحك !.. 

زينب: حتى سماح جاتني فرحانة ....الله ايدومها عليهم ياربي.. 

عتمان:(برجاء)يااربي امييين (داعب كتفها )لمعيسلة ....دخلي راه لبرد عليك 
****

سماح:فين غنمشيو دابا !! 
منصور:(مركز فالطريق هز التيليفون مبرونشيه مع لاشين تاع الطموبيل ...تسمعات اغنية عسااف وشاف ف سماح لي ضحكات) انمشيو لشي اوطيل ناخدو راحتنا.. 

سماح:علاش منمشيوش لفيرما
منصور:(تنهد)غنبيع كلشي
سماح:(بهدوء)علاش امنصور؟؟
منصور:مابقيتش بغيت نبقا هنا..(بانزعاج)من بعد ونهضرو 
سماح:(بتنهيدة )واخا 


بقاو كايسمعو لأغنية وذكريات الزوينة لي دوزو فلقاءتهم كترجع معاهم تاوقف قدام اوطيل زويين و راقي ...خدا شومبر ليهم وطلعو مشابكين ليدين..


مع حل لباب باسها فحنكها فور مقبلهم وتسد لباب وراها . . 

حط ليها لفاليز ديالها وصاك ديالو وعنقها من اللور كايداعب كرشها وهيا لااحت عليه راسها مغمضة عينيها برااحة و يدها كاداعب لحيتوو المبعثرة . . باسها فايدها ونطق:
ندوش دغيا ونجي(قبلها ففمها)واخا
سماح:واخا. . 

خدا لي يحتاج ومشا للدوش ..
جلسات فبلاصتها تاتريح دماغها ونفسها منتااظم ومرتاحة وفرحانة...

حيدات حوايجها بقات بدوبياس فقط .. مشطات شعرها كيف عادتها رغم انه ولى كايطيح ليها مع الحمل .. 

عضات على شفايفها من الفكرة لي جات لبالها..تمشات بخطوات صغيرة خجولة من الخطوة لي غادير..حلات عليه الباب لقاتو لوا فوطتو عليه..

هز فيها راسو طلعها ونزلها..رغم انها ضعيفة لكن جمالها فعينيه غير..تيبغيها كيما هي ونهار حبها راه حب قلبها. . 

قرب منها بحب وشد يديها مقبلها وقال:مالك؟؟

سماح:(حشمانة)خاصاك شي حاجة
منصور:نتي(رطب فمها بقبلة بفمو لي باقي فازݣ).. 


سماح:(بادلاتو القبلة )توحشتك(تعلات على رجليها وباستو فحنااكوو بجوج ببطئ شادها من خصرها مغمض عينيه .. 

تحس بدوك شفاايف رقااق على شفايفو زرعو فيه الرووح..جرها عندوو ببطئ محاول على كرشها وخا مبايناش بزااف .. 

ميل راسو مع شفايفها ويديها نازلة لصدرو ...أما هوا عبز ليها مؤخرتها حتى تأوهات ودخل لسانوو كيمص ريقها ...وثيرة القبلة كانت هادئة حتى ولا كيبوس فيها بحال شي حد تابعينوو وكينهج.. 

من عنقها لفمها كيوزع بووسات حارين عليهم بلهفة وهي تتشعبط فيه وتبادلو بوابل القبل لي عاطيها

منصور:(كابقبل ويهدر ودافعها بلخاطر برا الحمام ) باقي داكشي كيف خليتو ولا قرعتيه؟؟ 

سماح (بضحيكة منتاشية بقبلتو باستو بخفة وقالت )باقي كيف كتبغييه . .

بابتسامة عذبة منوو ..لاحها على السرير..و هبط ليها حوايجها بهدووء ويديه سارحين على جسمها تا خلاها كيف تخلقات ..

منصور:دابا كي غادي نكويك ونتي بكرشك (كيطلع فيها وانزل)نخاف عليك. . 
سماح:(ضحكات) هههههه تكايس 
منصور:(هبط راسو لصدرها لي تنفخ شوي جروو تاتقسحات وضرباتو لراسو )درتي لبنتي باش ترضع هيا وباها ممم .. 
سماح :احح بشوية امنصور كايضروني.. 

منصور:(حط يدو تحتها تاقفزات )تاهنا كيضرك . . 
سماح :(كتمات ضحكتهاا بزز وقالت بغنج )منصوور عفاااك 

منصور:(عض شفايفها )كي تانبغييه مشعر ونقيي

بدا كيمارس عليها طقووس المداعبة وهي فوق السحاب معاه ولات حمرة ..هو وصل الطووب معاها ...داز على جسمها قبل وتا شبر مسلم منوو فخاضها تبقعوو بمصاتوو . ..

منصور:(كيحاول فلإيلاج وهيا كاتزير )تزيرتيي ف ربع شهور !! 
سماح :ففف بشوي 
منصور:صبرييي ندير لراضية منين تخرج الالة مناانة ..

دخلو فيها تشهقاات وقرصاتوو ..كان احساسو كأول مرة قاسها وأول مرة يمارسو موحشين بعضياتهم بلا قيااس ....

شبع رغبتها فيه قبل رغبتو.. وختمها بقبلة فجبينها كينهج ..طاح جنبها وقال :فففف تقحبيين غير مزاد فييك 
سماح :هههه الله امسخك
منصور:ممسوخ ازين.. 

جرها لحضنو كيمسح على ذراعها وساكت وتاهيا ملتازمة الصمت تاتستمتع بلحظة صغيرة معاه وبحضنو لي شحال متكات عليه..

دوز يدو لشعرها تيلعب فيه ونطق بتردد:سماح
سماح:ممم(تتلعب فزغب صدرو)
منصور:تبغي تمشي تعيشي معايا فكازا
سماح:(هزات راسها طلات عليه تأكد من ملامحو)شنو؟؟كازا!

رجعها لحضنو وقال:سي..انا بعت كلشي.. وباغي نبدا من لول بعيد على هنا 

سماح:(الخبر صدمها)ولكن امنصوور!!
منصور:داركم؟؟
سماح:ااه..وانا ولفت هنا(بترجي باستو ففمو)
منصور:(رجع ليها القبلة وتيداعب شفايفها بيدو)تاتما تولفيه..جاي لهنا على قبلك..حاس براسي بحالا جالس على شوك 

سماح:يمكن مع موت خالتي
منصور:(طلق تنهيدة)ماعطاتنيش مراكش بزاف..باغي نبدا فبلاصة بعيدة فيها غي انا ونتي(حط يدو على كرشها العارية)وراضية

سماح:فففف واشنو ادير تما؟؟
منصور:ديجا قبل موت مي كنت كانبني فرع تما..انرجع ونكمل لحصص ديالي فالعلاج ونحل المدرسة ..داركم راه ساعتين تطريق وتكوني عندهم..وقتما تبغي نديك ولا هوما يجيو.. 

سماح:(بتساؤل)وداركم نتا؟؟
منصور:(بهدوء)انا كانت عندي مي بوحدها..دروك ماتت مابقا عندي حد ..خوتي راه ابقاو اجيو عندي. . 

سماح:وباك؟؟
منصور:با راه عايش حياتو بطول والعرض(شاف فيها)كنتي كتسناي مني حيت وقف معايا نسمح ليه(حركات راسها بالايجاب)واخا يرجع ليا مي للحياة استغفر الله عليها كلمة مغنساش ليه شنو دار..لي نقدر نقوليك عليه ان قليي برد من جيهتو..ونتصافاو قدام لله..لي جامعني بيه دروك هو تيبقا با.. 


سماح:(داعبات لحيتو بحب)صعيب تنسا ولكن الوقت انسيك احبيبي..(بابتسامة)لي درتيها انا معاك فيها..

منصور:(خنقها ببوسة)بزز عليك ههه
سماح:(كحبات)كح كح حرام عليييك
منصور:شخبار الحساسية

سماح:دابا صافا حيت مكنتش كنخرج يزاف..وتا الى جاتني راه معنديش الحق ناخد شي دوا حيت البنية..

منصور:واخا تعرفي تعزلي راسك فبيت هههه تكايسي على راسك

باستو ففمو وقالت:تكايس عليا نتا..هاد البنت عطيتيها ركيل قتلة
منصور:(شدها من ذقنها)اجي باقي مساليناش الركيل

كملو ليلتهم كلها فدية للشوق لي تجمع بيناتهم..الى كان الحب ضروري فالزواج راه الفراش اكثر اهمية منو..حيت فالفراش فاش كيبان زين والخايب.. 

****

صباح ضرباتها التوكيدة تتعجز لقات راسها عريانة ومكاينش حداها..

تفكرات ليلة البارح وزادت تضحك على نيفو لاش وصلو..جرات عليها ليزار وناضت متوقعة تلقاه فالحمام لكن مالقاتوش..

استغربات ودخلات خدات دوش وتوضات وخرجات ملوية ففوطة وشعرها فازݣ وهي تلقاه دخل ..تبسمات و مشات باستو فحنكو وقالت:فين مشيتي

منصور:مشيت ترحمت على مي وجيت..(حط يدو على كرشها)صافا؟؟
سماح:(قبلة فحنكو)بخير ههه

منصور:لبسي ازوينة نمشيو نفطرو ونديك لداركم نحطك فيها تانقضي شي اغراض

سماح:اشمن اغراض؟؟
منصور:انبيع الفيرما ولابارتمون باش غدا نمشيو لكازا
سماح:وخليني بعدا هي نجمع حوايجي(شداتها البكية)

منصور:(كايهز فحوايجو)كلشي جمعوه ليك البنات لي تم..انا نجيبهم ليك(شاف فيها لقاها تاتبكي)منااانة

سماح:ففففف زربتي علي..مخليتينش نشوف هي ماما شوي

منصور:انديك دوزي معاها النهار كولو 

سماح:ونباتو؟؟
زفر بقلة حيلة وقال:عارفاني مكنحمل نبات عند حد
سماح:هادوك دارنا
منصور:فففف بدينا تاني..واخا هي لبسي. . 

ساطت تتعوج ففمها وبدا تاني مود النكير تيخدم عندها..لبسات عليها من حوايجها وشعرها نشفاتو بسوشوار لقاتو فالدوش وخرجات عندو ساكتة..شابك يديهم وخلا حوايجهم انزلوهم ليه. . 

بالفعل كمل اجراءات الخلاص ودازو فطرو فالمطعم التابع للفندق وشدوها لعند دارهم حطها ..باسها فراسها وزاد مخليها دخلات. . 

فالكوزينة جالسة مع كريمة لي كيف ديما تتنقي القزبر وزينب تترد الغدا حيت علماتها بلي اتدوز ملي كانت تتتفطر..وفخضم هضرتهم لاحت ليهم انتقالها لكازا. . 

زينب:اويلي..ومالو فهاد القرار؟؟
سماح:(بتأسف)اماما راكي عارفاه مدازش عليه قليل..مابقاش حمل هنا

كريمة:اوا ونتي لي غيديك لكازا ومريضة بالحساسية اش ديري؟؟

زينب:ايييه والحساسية؟؟
سماح:معرفتش والله..انا مقلت ليه والو ولكن راحتو.. 

زينب:اش نقوليك ابنتي انا خايفة هي على الحساسية اما راه قريب الحال ساعتين هاني عندك وهانتي عندي..

سماح:(تغرغرو عينيها)ماسخيتش اماما..متنحملش نعيش برا مراكش

زينب:اوا هذا هو زواج..انا نيت راه خليت بلادي وجيت عشت فالمدينة مع باك..والحمد لله ماندمتش..
خاصكي هي تعرفي راسك راك مع انسان استاهلك.. 

كريمة:راجلك الله يعمرها دار..مخصو خير ايعيشك مزيانة وتيتهلا فيك..صبري ماعليش راه الدنيا هي هادي.. 

سماح:وتبقاو تجيو عندي؟؟
كريمة:ديما هههه
سماح:ماما تخلي كريمة تمشي معايا
زينب:هههههه زالله لمشات..كلشي الا كريمة اوهوي

كريمة:مكرهتش اختي ولكن راكي عارفا وليداتي تانا هنا ومحتاجيني

سماح:واخا صافي ففف(ناضت تتنقب من زيتون)بنين هاد زيتون
زينب:تاع لبلاد كوليه

هزات شوي فالطبسيا وجلسات ليه تتاكل فيه وتبنن..وجد الغدا ورجع باها تغدا معاهم برفقتهم يسرا لي شهرها هذاك اما الياس راه فالخدمة. .

منصور حدو عيط ليها علمها بلي مغايجيش حيت الييع خاصو ليه وقت وطلع وجري فالاوراق.. 

مارجع تالعشية جلس معاهم على كاسكروط عاطيهم صوابهم و وقتهم..مرتاح حيت حيد عليه كلشي باع كلشي ماخلا وراه والو..

باتو عند نسابو والغد ليه شدو الطريق..ماتفرقات سماح مع دارهم هي بالبكا والتنخصيص..

كلشي مأيد قرار منصور حيت ليه الاختيار وهي ماراهاش مربوطة بشي خدمة لب خصها تبقا على قبلها..

غادرو مدينة البهجة والدموع فعينيها نحو مدينة الأحلام #كازا_بلانكا

###

مع دخولهم لمدينة الاحلام..دارت كمامتها حيت جوها المتميز بالرطوبة اقدر كي تدخل اتخلخل ليك فنيفك..

منصور:مرتاحة؟؟
سماح:شحال كبيرة هاد كازا
منصور:العاصمة الاقتصادية هادي..
سماح:فين نمشسو دروك؟؟
منصور:انجلسو فاوطيل..نرتاحو ونخرجو نشوفو الدار لي حبات خاطرك

سماح:ماكرهتش شي حاجة فالخرجة 
منصور:سي اتكون فالخرجة ..معنديش مع صداع بزاف وكازا راه ماكتنعسش
سماح:ههههه واخا

دوزهم لاوطيل راقي خداو شومبر دوشو وتغداو وخرجو تيشوفو فالديور لي فخرجة كازا بشوي..

دازو على خمسة تاوحدة معجباتها مطاح اختيارها هي على وحدة ..

زوينة وكبيرة ومهوية مشمسة مصلوحة ومصبوغة ناضية ومفرشة عاد بفراش رائع..

حماقت عليها وتافقو مع الوكيل العقاري لي من معارف منصور انه الاقيهم بالشاري 

سماح:(شادا فيديه بفرحة وغادين)فرحت هههه تزوجت بيك لقيت كلشي واجد

منصور:اوا وجدي دروك...بغيتي تبدلي شي حاجة بدليها

سماح:لالا مغنبدل والو..لي فرشها راه دوقو زوين..واقلة حنا لولين فيها
منصور:سي..ياله بغات تبيع
سماح:هههه مزيان

رجعو لوطيل دوزو وقتهم كامل فالبيت مزكلهاش من الفراش لدوش للماكلة وهاكا غادية

***

اليوم الموالي مشاو تلاقاو بمولات الدار..تم البيع والشراء وولات الدار فاسمهم..عش زوجيتهم..فنفس النهار تحولو ليها..ستفو حوايجهم او بالاحرى هو لي ستفهم حيت هي تطيب ماياكلو من التقدية لي تقداو

حطات ليهم الماكلة وجلسو تياكلو وهي تنطق:منصور نطلبك
منصور:(جرها لفوق رجليه)طلبي ازين

سماح:عرفتي فهاد الربع شهور لي جلست فداركم ولفت الجلسة ولى تيجيني شغل الدار ثقيل ههه

منصور:(تياكل)بغيتي لي يعاونك؟؟
سماح:مكرهتش..دار بغيت نخملها وانا مافيااش..

منصور:صافابا نتي على تخملي ولا تجمعي عطي راحة لراسك..انا نشوف ليك لي يعاونك مي المباتة ماتباتش
سماح:لالا تجي هي تشقا ليا صافي(باستو ففمو).. 

منصور:خليني ناكل اهاد المرا راه غنوض نتكي مك هنا

ضحكات وعاودات باستو من جديد مخلاتوش ياكل فخاطرو..ولايني هي كمل ناض ليها جرب فيها اول كوية فدارهم

****

الايام كتوالى عليهم فمدينة الدار البيضاء ..وقف على مشروعو بيديه كان قريب اكمل البني ديالو وبدا هو فمسيرة البحث على مدرسين وأطر..وقف على كلشي بيديه..تيخيلها النهار كامل فدار وفليل اخرجها اضور بيها..

فالايام الاولى تلهات بشغل الدار. تستف وتنظم وتخرج تشري هادي وديك وزيد وزيد..

مي هي سالاو الشغال صافي ومبقا عندها مايدار ولات تتقنط فدار..تتبقا بوحدها كي موكة تيجي تيلقاها جالسة مخنزرة ولا تتبكي..ارطب خاطرها واخرجها ادورها

علاجو استامر مدة شهراين من بعد وتشافا بحمد لله من كلشي ولى انسان عادي..الا عادة التدخين لي مزال مرة مرة تيكمي الى تعصب لاغير ومرة فديك شهر وهي واحد.. 

اليوم دخل من الخدمة مع ديك الخمسة تيسمع صقيل فدار..نادى باسمها مرات عديدة ولا جواب..

تادخل لبيت نعاس لقاها متكية ودايرا لكيت مجهد معرفاتوش كاع امتا دخل.. 

منصور:(تيحيد حوايجو)داكشي ايضرك فوذنيك
سماح:(حيداتو بملل)كنت تنتسنط لموسيقى كالم شوي
منصور:ديري القرءان زوين ليك وليها(تحنا باس كرشها)صافا بنتي؟؟
سماح:(عوجات فمها)بانت ليك هي بنتك وانا ؟؟

منصور:ههه تانتي بنتي(تيجبد حوايجو)فيا جوع
سماح:انا نحط ليك

ناضت قدامو بكرشها مقنبلة راها فشهر التاسع ..مع وقفات مع تعطاتها ركلة نييت خلات ظهرها اتشنج وشدات فكرشها:اييييي
منصور:مالك(مقرب بهدوء)ركلاتك هههه
سماح:(تشنج ليها الظهر)اييييي اربيي..قهراتني قهرااتنييي

منصور:(كيدوز يدو بلطف على كرشها)أبابا مالك تتعطيها العصا 
سماح:تطنز علي هءهءهء بعد مني

منصور:(حابس ضحكة)والله مكنضحك..جلسي رتاحي انا نحط راسي

سماح:(بدات تتبكي)اناا عيييت عيييت ..عظامي ضاريني وكرشي مثقلة علي هءهءهءهء امتا انولد

سرحها تكات ومسح على كرشها وقال:مبقاش بزااف هي صبري

سماح:(بانفعال)صبري تتقولها حيت ماتتحسش بيا جرب حمل بلاصتي.. 


منصور:ههههه لالا مانقدرش..صبري شوي انا نحط راسي

سماح :(جنونها فيه)ومالي يادلي انوض نحطو ليك. . 

شاف فيها بنص عين وحرك راسو مافيه لي يتقابح معاها حيت ايساليوها بالمخاصمة تاني. . 

حياتهم ماتغيرش فيها بزاف..
مخاصماتهم ضرورية حيت هي قوا فيها النكير وهو تايضور فيها تا كيتشادو واخرج ابدل ساعة بخرا. . 

حط لراسو وكلا وناض للبيت فين خلاها لقاها كتحاول تنوض.. 

ونطق:فين نايضة
سماح:طبت بالجلاس..بيت نخرج
منصور:(بهدوء)نديك عند زهيرة؟؟

شافت فيه هازا حاجبها:ماعرت كي طرا ..ياك ماكنتيش تاتبيني نمشي عندها..

منصور:تونسك شوي..انا راه مابقيتش قادك وليتي دغيا تتملي مني. . 
سماح:(بدلال)نتا ماكتبغيش تجمع معايا فداكشي لي تنبي انا..تتبقا تسمع ليا وصافي. . 

منصور:ههه اوا انا هاكا
سماح:شوف مانمشيوش اليوم..نمشيو نتقداو شي حوايج لراضية. . 
منصور:تاتزاد اسماح
سماح:(غوبشات)نجلس انا تاتزاد بنتي عاد نبدا نقلب..نوووض تهز ديني. . 

زفر وناض مستسلم ليها لبس عليه ولبسات تاهيا عليها..وخرج شاد فيها تتعجز بيه. . 

داها لمحلات الدراري الصغار تتقدا منهم اش خصها..كل شوي منصور شوف هادي..ناري شحال غزال هذا..نشريو هذا..وينوو فن ناخدوه ليها..

لي شافهم يقول هادي راه غدا اتولد..وهو هي مسايرها تيحط واخلص واضحك عليها حيت مشرونة على لحوايج.. 

مارجعو لدار تاليل معشيين..كي دخلو دوشو وتخشاو فحضن بعض نعسو. . 

****

مرت أيام قليلة تعد ف 28 يوم..

كانت فبيتها تتصايب الصويك لي تدي معاها ملي تولد والفرحة فعينيها كبيرة..

كل مرة تتجمعو وتعاود تحلو وتعاود تجمعو..محمقينها الحوايج وهو مريح حداها تيقلب فتيليفونو تا سمع تأوها

هز راسو وقال:مالك.. 
سماح:فففففف منهار دخل التاسع وانا فيا وجيعات.. 
منصور:(بتاسم ) قربتي تولدي
سماح:ماعرفتش..مابقيتش شادة الحساب ففف. .

منصور:باقي شوية ازين(دوز يدو على ظهرها)ندير ليك مساج؟؟
سماح:واخا

ناض جاب الزيت وبدا تيماصي ليها جنابها وكتافها وهي تتحاول تسترخا تا زدحها الوجع على غفلة.. وغوتات :اععععععع

منصور:(قفز)ابشوي عليك..ياك لبااس؟؟
شدات فيديه مخلوعة:اععععع الوجع الوجع
سماح:اه اه الوجع اااععععععع(تتلوى)

منصور:(وقف)شوفي بشوي عليك(مبرد)تنفسي تنفسي مزيااان ماتغوتيش ايمشي ليك السوفل. . 

سماح:اعععععععع(طاحو دموعها)واماااامااااا
منصور:(هز الصاك)نوضي ياله زيدي نمشيو لكلينيك.. 
سماح:اععععع اربييي(وقفات)اعععععع

منصور:واش مجهد ولا هي شوي؟؟
سماح:(تتبكي)واععععععععع مجهد مجهد اماما اعععععععع

ماغينكرش انو تخلع ..شدها وهز سوارتو ومسائلو وتم مخرجها وهي تتوجع..تتمشى وتوجع..كانو كايزوروها انقباضات خفاف وكيمشيو لكن هذا راه ضربها بحال الضو. . 

كسيرا بيها للكلينك لي معولين اتولد فيه وهي كتنين بالوجع..مرة تغوت مرة تسكت اما هو ترفع ولى تايقول هي سلاك..

كي وصلو دخلها ليهم سول على طبيبتها وداروها فكرسي تتبكي وشادا فيه وتغوت.. 

طبيبة:(جات)مدام ران هي بشوي عليك انا نفحصها
منصور:داكوغ(باس يد سماح)ماتخافيش
سماح:هءهءهءهءهء

اصلا هي بوحاطية وزادها الوجع نغزة..تتبكي وتقول مابكيت خايفة. . ولي سولاتها طبيبة تتجاوبها بدموع بحالا درية صغيرة لي تتولد.. 

خرجات الطبيبة عندو وقالت:اتولد ولكن الوالدة مامحولالش مزيان..خصها تصبر شوي
منصور:والوجع؟؟

طبيبة:ايبقا اجيها تا تحل الوالدة
منصور:نشوفها!!

طبيبة:راها فشومبر..اتبقا تمشا وتحرك باش تحل الوالدة انفوا تحل ندخلوها تولد..

منصور:ديجا عارفا بلي تتعاني من حساسية تدير ليها ضيق التنفس واش معندهاش شي مشكل؟؟
طبيبة:بتاتا..
منصور:داكوغ...

مشا للبيت لي عطاوه رقمو دخل عليها لقاها متكية وتتبكي وتبربص بلاصتها ...


الوجع خدام فيها لكن الوالدة مامحولاش بما فيه الكفاية..
جا عندها عنقها وكيمسح على كرشها:صبري صبري.. 

سماح:(تتبكي)اععععع بزااف امنصوور..كثر من وجع ليغيكل هءهءهءهء بزاااف

منصور:نوضي تمشااي شوي نوضي باش اهدا الوجع

شد فيها ونوضها بلبسة تسبيطار قصيرة وبقا كايتمشا بيها فالبيت وهي تاتزير على يديه وتبكي..

مرة هاهو همد وتوقف تساراح على كتفو مرة انغزها وتنوض تاني تتبكي وتهرنن..كل ساعة جايا طبيبة تقلبها لكن والو

مرت سبع ساعات والصباح قرب اصبح وهي مانعسات ماشافتو ..

الوجع وصل بيها لفين بغا..راسها تيزدح وعينيها تنفخو بالبكا اما الشعر راه تشعكك ونفسها عيات من الصبر. .

سماح:(سخفانة)عيط ليا لماما هءهءهء بيت ماما عييييت.. 

منصور:ديجا عيط ليهم نص ساعة هادي فففف(عزات عليه وعنقها)سمحي لياا. . 

سماح:(تاتبكي)عيييييت (غوتات بحر جهدها )واععععععععععععععع .. 

على اثر غوتتها تطرقات السقية وداز منها الما وهي تشهق مخلوعة..

منصور:(تيهدنها)بقاي بلاصتك...
نعيط لطبيبة. . 

سماح:(شادا فكرشها مخلوعة)هءهءهءهء دغيا دغيا اععععع
خرج تيجري نادى عليها.. رجعو لقاوها تتغوت..و البنت مقبلة وغاتخرج..قلباتها طبيبة وامرات اهزوها ديركت غاتولد..

مادازش عشرة دقايق كانت واجدة فغرفة الولادة مفرقة رجليها وتاتغوت والطبيبة تتحاول تولدها...

دخل عليها منصور بلباس المشفى باغي يحضر للولادة..وقف عند راسها كيمسح على جبينها وتيحاول اشجعها:سمااح تنفسيي ومتغوتيييش ودفعيي.. 

طبيبة:قرب الراس..انحسب ثلاثة ودفعي

سماح:اعععععععععععع (دفعات)ففففف
منصور:بغاافووووو 

سماح:(تاتبكي)سكت علي من الفرونسي ديالك اععععععع الى باقي عاودت راني بنت الحرااااام

منصور:غي ولدي ليا هادي وصافي فففف بشوي عليك.. 

طبيبة:دفعي ..ياله ان دو تخواا.. 

دفعات تاني بحر جهدها تامابقي قدااات وغواتها مسموع فطبلة وذنيهم كاملين تاتزلقات البنية فيد الطبيبة.. 

طبيبة:الحمد لله

هز منصور فيها عينيه كيشوفها تاتقطع ليها الحبل السري..بيبي صغيورة حمرة وفيها شوي تدم مكمشة وشعر كحل.. 

صرفقاتها الطبيبة على ترمتها جوج مرات وصاح صوتها العالي تتغوت

تسول منصور على احلى نغمة سمعها فحياتو هي اول صرخة لبنتو..

لدرجة طلق من يد سماح ومد يديه للمرضة لي تتلويها فثوب ازرق وقال بتأثر:اريها ليا

عطاتها ليه وشدها بين يديه فرحان وقلبو تيضرب على جهد..كانو خوتو لي والدين تيقولو ليه احسن لحظة فالحياة هي نهار تشد فيديك بنتك ولا ولدك ملي يتزاد وكان كيطنز عليهم ولكن بالفعل ..

اعظم لحظة عندو هي هادي..فلحظة تمحاو كاع احزانو بمجرد ماهزها فمو متجمعش من الابتسامة ناسي ديك لي سخفانة بغات تشوف البنت.. 

طبيبة:موسيو ران..عطي لبنية لمها

عاد وعى وشاف فسماح لي سخفانة..حطها ليها على صدرها وهي تشدها تتبكي وتتشوف فيها هي لي طالقا زواكتها تتغوت..

سماح:هءهءهءه شحال زوينة
منصور:هههه غزاالة(باسها فراسها)على سلامتك
سماح:ءهءهءهءهء

حيداتها ليها الممرضة باش انضفوها فحين لوخرين كينقيو سماح من لتحت..خرج منصور والدمعة فعينيه..دمعة فرحة مرتاح كليا ونفخة من السعادة زارت قلبو.. 

"ولى أب واخيرا"

داو سماح لبيتها ترتاح حيت جاتها واحد النعسة خطيرة..اما البنية راه صايبوها ولبسوها من حوايجها وحطوها حدا مها فمكان مخصص للبيبي..

منصور لاصق حدا الكونة تايشوف فالبنية لي عينيها مكتحلهمش تيتسمع هي تنغنيغها وحمرة وشعر اسود كظلام الليل.. 

تحل الباب بغفلة محسش كاع كانو والديها جاو وخوها..سلمو عليه وطمنو على بنتهم لي ناعسة عاد مشاو للبخوشة.. 

زينب:(تتبكي بفرحة)ماشاء الله..شبهات هي سماح
منصور:بصح!!

عثمان:ماعندي مندير ليك اولدي ههه ولاهيلا هي مها فاش كانت صغيرة هاكا تزادت.. 

منصور:ماعليش ..المهم بصحتها 
عثمان:مبروك عليكم اولدي تربى فعزكم

منصور:الله يبارك فيك
الياس:دابا هاد خيتي ولدات ههه والله مانثيق
زينب:كاع ماتيقت انا واش ولدات مراتك هههه(هزات البنية)اححح الله على ميميحة الصغيرة

حلات سماح عينيها على صوتهم وقالت:ماما

زينب:(عطات البنية لعثمان ومشات لبنتها)العمر تاع ماما..على سلامتك

سماح:(بتعب)الله يسلمك
عثمان:(تقدم عندها هاز البنية)هانا تاني على البخوشة ولدات ليا بخوشة(باس راسها)على سلامة لالة بنتي. . 
سماح:الله يسلمك..عطيني ابابا نهزها.. 

مدها ليها شداتها بحب تادوز على شعرها الاسود فرحانة ممصدقاش.. وشادا فيديها لي بسيف تتحلهم. .

سماح:دابا هادي بنتي انا هههه تتشبه ليا ياك اماما

الياس:عقربة ولدات عقرب
منصور:كتعاير ليا فبنتي هه
الياس:ههه بحال هاكاك
سماح:لهلا يحييك هادي راه الزين

هي قالت ديك زين وهي تطلق زواكتها تتبكي ..وهي تنطق.. 

سماح:مالها؟؟
زينب:رضعيها ابنتي
عثمان:حممم هاحنا برااا.. 

بغا يخرح وشاف الياس باقي واقف جرو من قرفادتو وقال:ازيد الله يمسخك

الياس:هههههه خلينا .. 

بقا منصور ماخرجش حاضيها تا جبدات بزولتها ودارتها ليها ففمها ومها كتوريها كيفاش..

مبتاسم وعاجبو الحال اما هي تتألم حيت اول رضاعة ليها جاتها فشكل..

رضعاتها تا غمضات وشبعات وحطاتها مها فبلاصتها فحين هو بقا كايشوف فيها بحب مكرهش اطير عليها..

سماح:(رجعات بزولتها)فففف تضرني 
زينب:هي المرة لولة..انا نشوف باك وخوك..

خرجات وخلاتهم بجوج..مع سدات لباب مع قرب عندها معنقها وتيبوس فراسها و يديها فرحان.. 

سماح:هههه امالك
منصور:فرحاان(رما عينيه لراضية)تتشبه ليك(باسها ففمها)..

سماح:زمطتك فهادي هههه
منصور:(باس يديها)ديما زامتاني هههه على سلامتك

سماح:ههههه الله يسلمك. . 


دخول راضية الصغيورة لحياتهم بدلات شحال فرمشة عين..

سماح راه منهار عرفاتها فكرشها وهي احساس الأمومة مصاحبها ولكن منصور شكل اخر..

ملي هزها وهو غيحماق عليها..معندوش هو مع دراري صغار بزااف ولكن هادي حيت بنتو مكرهش ابقا هي هازها ومتحمس تكبر دغيا واشوفها تتمشي وتجري


مرت يومان على سماح وهي فسبيطار..العائلة كلشي زارها..جا عبد العظيم لي فرحان اذن لراضية فوذنيها ززررها بذهوبات وكذلك عمامها وعيالات عمامها..كلشي فرحان بالبخوشة الصغيورة..

عائلة سماح هي الاخرى كلشي تكب عندهم فكازا..كاين لي بارك ورجع فنهارو وبقات هي عائلتها الصغيورة..كلشي جا الا يسرا حيت عندها وليد صغير ايعذبها..ولدات وليد سماوه ادم.. 

خرجات سماح من السبيطار شادا فيها فمها..وهو هاز راضية فيديه ناعسة وملبسينها مزيان وعينيه بغاو ياكلوها..تايقيس يديها ووجهها القاهم رطبين كيبغي ياكلها واغرقها بوسان..

توجهات لدارها فين كانت زينب قايمة بالواجب من توجاد وماغيره..دخلوها لبيتها وفيديها راضية..الضيفة الجديدة على حياتهم

تكات كترتاح وراضية حداها تتحاول تحل عينيها..وهي تتمسح ليها على صدرها بشوي ومبتاسمة تا دخل منصور وقال:باقي منعستاش

سماح:دروك تغمض ههه
جا باس بنتو فرجليها وقال:شو شحال صغيرة
سماح:دابا تكبر وتولي فايتاك فالطول ههه
منصور:(جبد تيليفونو تيصورها)
سماح:مديرش فلاش ايضرها

منصور:(بابتسامة)زوييينة بزااف
سماح:(ضحكات عليه)هععععه نتا راه تفروحتي..ملي تزادت ونتا تشكر فيها ههه انبدا نغير

منصور:(هزها)هي غيري حيت هادي هي لي غتضوي ليا حياتي(تيمسح على ظهرها)انا نعسها . . 
سماح:(بابتسامة عذبة)الله يدومها فرحة ههه 
منصور:اميين

بقات تتشوف فيه كي تايمسح على ظهرها وفالحين غمضات عينيها وحطها فسريرها لي فيوماين كومونداه ليها وجابوه ليه عند راسو هو.. 

التحضيرات دابا لسبوع لالة راضية..عطا لسماح مهلة سبع ايام وكدات فيها راسها شوي ومبقاتش سخفانة بالولادة ..

ذبح على بنتو كما يجب ودارو نهار ديال الرجال والطلبة تحت طلب عبد العظيم..محكرش منصور بتاتا حيت هو بالاصل باغي ادير صدقة نيت على قبل مو..

تقرا القرءان وتعشاو الرجال وزادو فحالهم..والغد ليه غيتقام ليها السبوع

تجهزات سماح كما يجب كلشي جا تال دارها من كوافير والباس واي حاجة تخصها..تهلا فيها منصور بالمزيان وعطاها ظروف ملائمة ترتاح..باختصار دوزات نفاس مزيان

كلشي حضر للسبوع لي تقام بالهيلالة والغنا والشطيح بحال العرس..سوا من عائلتها هي ولا من خوتو هو وباه ومرات باه..معرضش على شحمة فالشاقور عرض فقط على عبد العظيم ومراتو وخوتو وعيالاتهم وختو فقط ..

دوز لبنتو سبوع زوين وراقي وكبر بيها وتا العائلة مخلاو ماجابو فليكادو..نشطو ناس وباركو ليهم وكلها شدها فحالو

فالاخير مابقات معاها غي مها لي قابلاتها وخلات كريمة مقابلاهم هوما لهيه...دوزات معاها 25 يوم بالتمام ..شافتها وكدات وشدات فراسها ومشات لدارها

وهنا كتجي المسؤولية الكبرى..لالة راضية والله لنعستي معاها ولا شفتيه حيت هي كتنعس ساعة وتفيق والى فاقت كتحميها للغوات تا كترضع وتسكت هي تحطيها تبدا تنغنغ . . 

****

كتبدل ليها سماح ليكوش ومبتاسمة تاتهضر معاها بحالا غتفهمها:اش هادا الخوينزة..اش هاد رويحة زوينة لي خارجة منك هاا(باستها فرجليها)هااام هام ههههه
منصور:(دخل هاز كاس تالقهوة)كملتي؟؟

سدات ليها طراطاقات ولبساتها وقالت:هاحنا ابابا هاحنا ههه
منصور:(كيجغم من قهوتو)راضية(باسها فراسها)
سماح:هاد شويطينة راضعة ناشطة اتشد ليا الغوات تاني.. 

منصور:(حط يدو على خد سماح)باقي مصفيتيش؟؟
سماح:ههه تا شهر مكملتوش مقاد..عساك نصفى

قرب منها وقبلها ففمها: توحشتك
سماح:(ضحكات)ههه وياك كتقوليا بنتي عوضاتك ههه

منصور:فالمعزة ههه اما الفراش مكايناش هادي لي تجي بلاصتك
سماح:هههه اوا منعرف..باقي ازين مصافياش باقي

منصور:فففف واخا نصبرو ازين اش نديرو(حط كاس القهوة)اريها ليا وسيري لابغيتي ديري شي حاجة

عطاتها ليه وتكا بيها حاطها على صدرو كيشرب من قهوتو وعايش احسن احساس عندو

****

"راضية"

النور لي دخل لحياة منصور وخرجو من ديك العزلة لي مدخل راسو فيها

راضية هي لي خلاتو اتداخل مع ناس..كيهضر مع خوتو بزاف وتيبقا اقلب فالانترنيت على شحال من حاجة عندها علاقة بالتربية الصغيرة..

ابدل ليها ليكوش ادوش ليها لكن المقابلة فلليل ديال سماح..هي لي تتفيق وهي لي تترضع وتسهر معاها

حبهم كان كبير وزاد كبر مع وجود راضية..داك الكائن لي خلى الرابط بيناتهم قوي..عاداتهم متبدلاتش بتاتا باقي هو كايفقص وهي نݣارة ومتعايشيين مع بعض فسبيل الحب وسبيل بنتهم.. 


هاد الاخيرة لي محدها تتكبر وهي تتزيد تشبه سماح..ملامحها تفرزو..

شعير كحل ورطب وعويناتها مكمشين بحال مها..بيضة كي الحليب مجابت من منصور هي الوعورية..كاطير مع الطيور
منهار بنتهم ولات كتحبو على رجليها وسماح لاقيا معاها مشكل..حركية بزاف وتتبقا تتحبو ولي لقاتو تديرو ففمها...

جالسين فسيجور على قهوة كحلة كيف ديما هي وياه وحاشا واش هذاك سيجور..ولى مكان للعب..لعابها مشتتين فكاع البيت..عندها عام ونص ومحمقاهم..شعرها قصير ومكور تيتبوكلى ليها بوحدو..

ونيفها مفرش شاد ليها نص فوجهها وعندها واحد ضحيكة تخطب القلب وبيضة..

جالسة وسط لعبها مركنة على غير العادة ومنصور تيبقشش فتيليفون وسماح تتصبغ ضفارها ماحدها فيها ليغيكل.. 

شويا بدأت تتحبو تاخرجات من البيت وهوما محاسينش كيرتاحو من نهارهم المتعب.. 

بعد عشرة دقائق هزات سماح راسها ووراتو ضفارها وقالت:منصور جاني هاد لون؟؟
شاف فيها وقال:وي
سماح:قول جااك غزاال احبيبة بصحتك.. 
منصور:ههههه جاك زوين امنانة

سماح:ههههههه(شافت فين خلات راضية)اهيا فين البنت. 

قفز هو وياها تيعيطو خارجين من البيت تيقلبو واناديو ..تا غوتات سماح وهو يتم جاي تيجري خاف توقع ليها شي حاجة ..

منصور:مالك؟؟
سماح:(علاين قلبها اسكت)هييييه اميمتيييي

شاف فين نعتات ليه لقا راضية جارا بيدو كبير تاع زيت العود صيفتاتو ليها مها ديال 5 لتر حيت عارفاها كتعبجها زيت المطحونة جديد..

وحلاتها ممزيراش مزياان فاش قلباتها الصباح مزيراتش وبقات فالكوزينة مطرفاتهاش..تا لقاتها لوخرا وخواتها وجلسات تتمرغ فيها.. 

منصور:راضية
راضية:(تضحك بدوك سنينات لي عندها)هههههههه ببببب
سماح:(جاتها سخفة)اويلي مي نااري غاتجلطني نااري غاتفقصني واااععععع

منصور:(هز راضية مزيتة)اش درتي ابابا حشوومة

شدات فلحيتو تا زياتتها مزيان وتضحك عاجيها الحال 

وقال:واا شفتي ضسارة(خزر فيها)
راضية:(تضحك)ههههههه
سماح:ديها ديها انا جلطاتني دارت ليا السخفة اويلي البيدو باقي تا مخدمت بيه.. 
منصور:نتي لي حاطاه هنا(بجدية)مليون مرة تنقوليك بعدي اي حاجة ممكن تلعب بيها راه باقي صغيرة

سماح:واش انا بنبقا هي حاضياها..راه شهماتني..عياتني سخفاتني بلحضية..واش مكتزݣاش

منصور:مالك اش عندك كاع..حضيها اش كديري ليا كاع..
سماح:(رفعات صوتها معصبة)جي حضيها بلاصتي واش هي تتخلي ليا ماندير. دايرا معاها كي العساس..ديها علي دوش ليها نجمع هادشي

خرج تيبركم هز ليها حوايجها ودخلها للدوش دوش ليها وهي تضحك تتحماق على لما وعلى تدواش..نسا كاع اش دارت وجلس تيلعب معاها بالما واضحك..مع كادير ليه دوك ضحيكات تينسا بسالتها وابقا هي ابوس فيها

سماح جمعات الروينة وجات طلات عليهم لقاتهم تيلعبو وقالت:وادرك راسك 
منصور:هههه واخا

شلل ليها وهزها فبينوارها حمرة مخرجها ليها هي لي لغدايد شادينها.. 

حطها فوق السرير وقال:لبسيها انا ندوش كولي فزݣت

سماح:(مخنزرة)شوفي فيا الزرمومية..ديريها قد راسك وفرنسي

لبساتها حوايجها وعطاتها البزولة ترضع تا خرج لاخر مدوش..وتبعاتو بعينيها وصيفت ليها بوسة بيديه وهي تبدا تضحك وطلقات البزولة تتفرنس ليه..

سماح:وا رضعي خلاص
منصور:بشوي على لبنت..
سماح:تنفكر نفطمها

منصور:تاتقفل عامين وفطميها
عوجات فمها:حيت ماشي من بزازلك منين تترضع
منصور:هههههههه ترضع هي ونرضع انا تا يحن الله.. 

سماح:هههههه الله يمسخك
منصور:اري ننعسها 
سماح:مالي مسطية تنعس دروك..باش تشد ليا العسة فليل
منصور:هي اش؟؟
سماح:هي سير تاتنعس
منصور:(حط يدو على نصو)واش انا وقتما بيتك نبقاو نتفاوضو
سماح:اوا اش ندير لهادي..ضرة وعطاها ليا الله
منصور:(جا باسها فوق راسها)رضعي ابابا مزياان.. 

فرنسات ليه وطلقات البزولة بغات تجي عندو وهي ترضها مها وطلقات زواكتها من جديد بغات تمشي عندو واجا مايسكتها..


عطاتها ليه حيت تتغوت شدها باقي ملابسش كلشي وتايهضر معاها:بابا
راضية:بابا
منصور:ماما
راضية:نانا هههههه
طار عليها ببوسة تيضحك

وقال:اتطيري ليا العقل نتي..سيري عند ماما انا نلبس

شداتها سماح مبتاسمة وكملات ليها رضيعها 

وقالت:عزيز عليها نتا بزااف
منصور:نوغمال راني باها..(لبس عليه)تمشي لمراكش

سماح:ماكرهتش والله..توحشت دارنا
منصور:تمشي غدا..
سماح:ومالك فيها؟؟
منصور:انا هي قلت ليك(تكا حداها تيلعب برجلين راضية)

سماح:خصني نجمع وشحال من حاجة
منصور:دغيا تجمعي..محدي مسالي نديك
سماح:راه معكس اما نهز طونوبيلتي ونمشي 
منصور:(باسها فحنكها)حطي البنت وسيري 

سماح:هههههه الله يمسخك مابقاش عندك بيا غرض
منصور:(قبلة ففمها)نتي هي كلشي..هي تنخاف عليكم

سماح:ففف معرفتش والله..ترضع هاد البخوشة وشدها ليا انا نجمع
منصور:واخا

رضعاتها وحطاتها فوق سرير تتكور وتوقف تدير راسها تاتشطح وتعوج بشي حركات وهو مقابلها ليها..

خالقا جو هي راسها..شوي طلقات ليها سماح الشعبي فتيلفونها وتتشد ليها فيديها وتحركها معاها زعما تشطح ولوخرا مترعة فمها بضحك تتحرك وتضرب برجليها..

تطيح وتنوض وتحرك ومنصور تيضحك..تتصفق بيديها وتحرك تا جمعات سماح حوايجها كاملين ليها ولبنتها عاد مشات توجد العشا وخلاتهم بيناتهم.. 

دارت عشا خفيف تعشاو ونعسات ديك الأخت لي منعسات تا طوفاتها على جهد ..نعاسها حار والى بغات تنعس راها بحالا فيها الوجع كتعذب.. 

عاد شدها منصور تاهو عصر ليها وسهرو على المبارايات تا صبح الصباح

****

مرت خمس سنوات اخرى..سماح داقت فيها طعم الأمومة مع راضية ومنصور راه حياتو مخيرة عمرو حط ففمو داك العجب من جديد..

راضية بدلات ليه مفاهيم حياتو كاملة ولى تيحس براسو مسؤول وبنتو محتاجة ليه.. 

خمس سنوات شاركو فيها بجوج فتربية راضية ..يمكن هي شغلاتهم على بزاف ديال التفاصيل فحياتهم..

هاد الاخيرة لي ضاسرة تتقول لطيور نزلو انا نطير..مني دارت رجيلاتها تتمشى عليهم وهي تتطير ومن زبلة لزبلة وحارة بزااف هي تقيسيها تطلق حلوقها..

مشغبة سماح تتبقا تناكر معاها وتدير فلبسالات تا شي مرات تتزيد سماح تتبكي على منصور.. 

هاد الأخير لي بقدر مامفششها بقدر مكيعطيها علاش تاتقلب..تتحماق عليه ولكن تتخاف منو. . 

كانو فطريقهم لمراكش زيارة لحجيبة لي مريضة وبغاو اشوفوها..راضية لور نسخة من سماح وشعير كحل مسبسب وتتنقز مع الأغنية لي طالق ليها باها.. 

اما منصور مزادتو السنين هي الزين والتباتة والتغوبيشة والقميع..متبدل فيه والو باقي كيما هو..وحداه منانة كرشها مقنبلة قدامها وغلاضت عكس الحمل الاول..

راضية:(تتغني)فحديدة ديكابوطابل شفتك هازا البورطابل باش تباني علي فسطوري زيدي ميلي(طارت على مها تتغني فوذنها)زيدي ضوري 
سماح:رااااضية 

راضية:(بصوت طفولي)ههههههههههههه خلعتك
منصور:(بجدية)راضية 
راضية:(دبلات عويناتها) جوتيم ههههه فين وصلنا ابابا

منصور:قربنا..بلا مانوصيك تاني..البسالات لا..داك طيران والهضرة بزاف لا سينو(خزر فيها من المراية)

راضية:(بابتسامة)متخافش ابابا انا زوينة ومأدبة ياك اماما
سماح:(محاكا مع كرشها)مممم

منصور:(حط يدو على كرشها)صافا؟؟مالك عييتي؟؟
سماح:ااه..وقف فشي بلاصة رجلي تنملو علي

حرك راسو وزاد فالسرعة شوي تاوقفو عند اول محطة استراحة فدخلة تمراكش..

حيد لاسانتيغ ونزل حل ليها الباب نزلات شادا فيه مثقلة ومطبزة شادا فكرشها من لور..

نزلات تا العافية الزرقة من لور بلا ميحلو ليها الباب مسفحة بشورط وديباردور وسبرديلة وقالت:بابا بغيت شوكولا

منصور:تغداي هو لول وكولي شوكولا ابابا
راضية:ولاااا (غضبانة)بيت شوكولا هو لول

خزر فيها تا سقلات وشد فسماح وتبعاتهم هي مغوبشة خصها هي معامن..خداو طبلة فمطعم وجلسات هي مقندشة

سماح:(بحنية)مالك اماما؟؟
راضية:(طيحات دمعة تتبوحيط)بيت شوكولا؟؟

هز فيها راسو وخنزر وقال:الغدا ومن بعد خوديها
راضية:(بعناد)بيتها دابا(ناضت عند مها تتبكي)هءهءهءهءهء
سماح:(بقات فيها)منصور خود ليها شوكولا

منصور:(بنرفزة)واش انا اتجي برهوشة تشطحني ولا(رفع صوتو على راضية)بلاصتك ياله

قفزات ومشات جلسات بلاصتها حانية راسها بلحاسة وتتدمع فصمت..

تحط الغدا لي طلبو فيه الحوت ..
عزات عليه وجرها جلسها فحجرو

وقال:تاكلي ابابا؟؟
راضية:(شافت فيه بدميعات)نتا مكتبغينيش ابابا!!
منصور:شكون قالها ليك(تيرد ليها شعرها ورا وذنيها)
راضية:مابغيتيش تاخد ليا شوكولا
منصور:(باس يديها)تاكلي وناخد ليك بزاف ابابا
راضية:(بتاسمات)اناااكل هههه(عنقاتو)

سماح:هههههه تبوحيط كاتعطيه قتلة هههه
راضية:بصحتييي
منصور:رااااضية ردان الهضرة لااااا
راضية:ههههه اهي تنضحك معاك الالة منانة. . 


تغداو وشرا ليها شوكولا وطلعو كملو طريقهم لمراكش..شدو الطريق هو لول لدار عبد العظيم عاد ادوزو لدار سماح.. 

راضية تاتنقز بغات تنزل فيها الدودة نزلات دغيا كي وقف باها عاد نزلو هوما تيحركو راسهم من الخفة لي فيها..

استقبلهم عبد الغني لي هز راضية تيبوس فيها..دخلو مرحب بيهم من طرف الكل..تابان عبد العظيم باقي هو هو..مكيعيا مكيشرف ادݣ وادردݣ..بتاسم فاش شاف راضية

وقال:لالة بنتي
راضية:اهلا جدووو(قربها عبد المالك تا باست ليه جبهتو)
عبد العظيم:الله يرضي على بنتي..خليتي بلاصتك اشويطينة
راضية:اوا راه تنقرا هههه

سماح:(تقدمات سلمات على الحاج)لي سمع القرايا اعمي غيقول هادي راه تتجي من لولين

منصور:(باس يدو ببرود)لباس
عبد العظيم:على سلامتكم..خليو بنتي راه غاتولي ليا شي طبيبة تالعظام يااك باش تدواي جدك

راضية:(ببراءة طفولية)لا اجدو انا انولي شيخة 

كلشي تصعق وبقاو تيشوفو فيها تاطلقو عمامها ضحكة على هضورها وهي محاساش اش قالت..سماح مالقات فين دير وجهها.. 

منصور:(خزر فيها)رااضية
راضية:(ضحيكة)هيهيهيهي هي تانضحك ابابا(تتركل بغات تنزل من حضن عمها)عمي فين سليم
عبد الغني:(حطها)راه كلهم فالجردة سيري تلعبي.. 

مشات تاتجري وتطير عندهم وخلاتهم تيضحكو عليها وعلى هضورها لي معرفو منين تتجيبهم.. 
دراري صغار تحضي معاهم تاتعيا ولابد انهم القطو شي كليمة اشللوك بيها.. 

دخلو عند الحاجة طمنو عليها وجلسو مجموعين فصالة وحدة..ولاد عبد العظيم وعيالاتهم ولادهم وتا زهيرة وولادها..مجموعين على لغدا واخا تغداو شاركوهم شوي ضروري.. 

الجو المخلوق عائلي بامتياز عند عبد العظيم لي امنيتو هي حفايدو اضورو بيه..

كانت الهضرة كثيرة على الخدمة والأحوال والأعمال وماغيرها.. 

والطبلة عامرة بألذ ما يوجد ولي تشهاه النفس..راضية كانت تتاكل بيديها وتبنن تتحماق على الطياب البلدي بحال مها عكس باها لي معندوش معاه..

زهيرة:كيعجيك الطاجين أ عميتو؟؟
راضيو:ممم بنين يعطيكم الصحة

سماح:(بمزح)ههههه شي مرات كتهضر تقولي هادي شي وحدة كبيرة وبعقلها وشي مرات ههههه تحلفي عليها باقي صغيرة

سناء:ماشاء الله حركية ههه
سماح:بزااف ههههه

عبد العظيم:شبهات باها..تاهو فالصغر كان كيطير
منصور:(تياكل بصمت معندوش مع الهضرة مع باه)

حجيبة:(بتعب)بسلامتو كان حركي نيت على متتعاود راضية الله يرحمها..

عبد العظيم:مكانش تيجلس بحالها..

راضية:ممم بنين هاد طاجين..ميمة نتي لي صايبتيه؟؟
حجيبة:لا يالحبيبة..عجبك؟؟

عبد الفتاح:كايعجبوها الطواجن بحال جدها ههه

راضية:(ببراءة)جدي تيعجبوه هي العيالات..ياك اجدي؟؟

الكل:(حالين فمهم فيها وحشمو)

منصور:(خنزر فيها)راااضية
راضية:(عرفات راسها قفراتها)ابابا سمح ليا

عبد الغني:(حابس ضحكة)كولو هه
سماح:(تزنكات)اجي عندي اراضية نعطيك تاكلي

راضية:(تتشوف فباها بخوف)بابا..

خنزر فيها عرفات راسها قفراتها ولصقات حدا جدها متحيداتش خافتو اضربها

كمل الغدا وتبعوه اتاي ومن بعد توادعو معاهم بعدما طمنو على حجيبة وزادو فاتجاه دار سماح

منصور:(سايق مخنزر )من بعد ونتحاسبو على دوك الهضور اراضية

راضية:(كتمسكن)بابا أناا
قاطعها بالغوات:سدي علي فمك..تنعيا نهضر معاك بالأدب ونفهمك بلا عصا ولكن نتي تتفهمي غي بيها

سماح:(بهدوء)صافي امنصوور
منصور:مصافي ماخراا..شدوك الهضور تطلق قدامهم هااا اش اقولو ممربيااش.. 

راضيو:(خافت وصقلات)بابا سمح لياا
منصور:انا ماشي باباك..بنتي مكتخصرش الهضرة وكتعرف اش تقول.. 
سماح:منصوور صافي براكا
منصور:(ضار فيها )دخلي سوق راسك..

صقلو بجوح وخلاوه كايغوت وانبح عليهم وهوما ساكتين..فتربيتو صعيب وماتيعقلش عليها الى دارت شي حاجة مخلة للأدب..

تايعطيها العصا حيت واعرة وفاتت سطاج الهضرة والتفاهم..تيقوليها مديريش هادي وهاديك هي لي دير..

تتلقط الهضرى وتطلقها قدام الناس بلا فرانات..ديك الحاجة متمشيش ليها وهي لاش غاتمشي تعيا توصي فيها وتادير لي بغات

وقفو قدام دار زينب و عثمان ونزلو..شد فراضية مزير عليها.. 

وقال:اقسم بالله وتنطقي كلمة عوجة تانسلخك
راضية:(خايفة)واخا(بغات تمشي لعند سماح)ماما

جراتها فيديها حامياها منو وقالت:رخف عليها شوي

خزر فيها وصوتاو وهي تحل كريمة بعد لحظات هي شافتهم تفاجأت بفرحة..طارت عليها راضية بتعنيقة وقالت:كريمة الهبيلة توحشتك. . 


زفر منصور بنفاذ صبر حيت لي وصاها عليه دارت عكسو هههه.. 

عنقاتها كريمة وعنقات سماح وسلمات على منصور باليد فقط ودخلو وهي فرحانة ممتوقعاش مجيتهم.. 

لقاو يسرا مع ولدها ادم كتحفضو ..ناضت فرحانة تاترحب بيهم وتعاود..

باست راضية لي مشات ديركت عند ولد خالها سلمات عليه و جلسات تتبقشش فكتوباتو..

جلسو فالصالة كاملين كيسولو على الحال والأحوال مشتاقين لبعضهم

سماح:فين ماما وبابا والياس؟؟
يسرا:مشاو اتقداو والياس ناعس كان بايت فعرس

سماح:هههه معليش..كيدايرا مزيان؟؟كيغادا مع ادم
يسرا:الحمد لله هاحنا كنسلكو معاه..لقيتيني نيت كندير معاه ليدوفواغ 
كريمة:(جايبة اتاي)لقيتيها تتحارب معاه ههههه

سماح:كلنا هاكاك..انا نيت راه لا بيت نديرهم معاها تيخصني البوليس اعسو علي
يسرا:هاد الجيل مبغاش اقرا .. 

دخلات بعدها زينب وعثمان وتفاجئو بيهم وفرحو..عناق وقبلات و ترحيب وسلام حار بينهم وجلسو مجموعين فالصالة رفقة الياس لي فيقاتو راضية بزز عليه

عثمان:(هاز راضية عندو)اوا ابنتي كيراك مع شي قراية؟؟
راضية:(تتشرب اتاي)انا لولة اجدي
منصور:فلخرين!!

زينب:هههههههههه شبهات مها 
سماح:هههههه اويلي انا ماشي بحالها كاع

الياس:ايييه خليني ساكت ههههه
ادم:انا تنقرى حسن منك اراضية ههههه

راضية:(عوجات فيه فمها)اوا بصحتك..انا مابغيتش نقرا بغيت نولي مغنية 

الكل:هههههههههههه

كريمة:اش اتغني؟؟
راضية:نغني وصافي 
زينب:اجي عندي يالحليوة نتاعي راني مكنسخاش بيك..

راضية:(نزلات من عند جدها وحطات الكاس )نتي لي معيسلة الميمة.. 

شداتها بجغاتها بوسان على هضورها المعسليين وكلشي تيضحك فرحانين بيها..

وكيهضروها اجبدو منها الهضرة باش اضحكو ساعا معامن هي كملات اتاي وناضت للتنقاز مع ادم..

محطاتهاش لاارض تنقز وتجري وتلعب قاشقاش وتدير المضاربا مع ادم بحال شي دري تكترجع حمرة.. 


اذن العصر وخرجو الرجال اصليو ويقاو النسا بيناتهم بعدما بدلات سماح حوايجها وجلسات

زينب:اوا كي غادا مع شي حمل؟؟
سماح:صافا..تنسلكو..انا معذباني راضية كثر من الحمل

زينب:بسلامتها حركية هههه
كريمة:بزاااف هههه

سماح:قولي كاطير هههه مبغات تدير والو فهاد الدنيا من غيرتلعب وتنقز كون تلقا متحبسش من اللعب

يسرا:هههههه بحال داك بوراس لي عندي

سماح:نتي ولدك راه تيغطي على قباحتو بالقراية هادي راه راه مابغاتش تقرا

زينب:رخفي عليها راه زمانهم غير زمانكم..كثرو عليهم كثرة المواد
سماح:اودي خليو داك جمل راكد ههههه 

جات راضية تتجري حمرة وتاتضحك طلعات تخبات فمها مخلية ادم تابعها تيبكي حيت قطعات ليه دفاترو.. 

ادم:هءهءهء ماما قطعاتهم لياا
سماح:(كضرب فرجليها)حيدي من ورايا الباسلة اش داك لكتوبو؟؟

راضية:هههههههه هو لي جبدني
يسرا:ماعليش اماما نشريو وحدين خرين
ادم:(كيبكي)هءهءهءه لالا اتخاصم معايا لاميتخييز ديالي

راضية:(تتقلي ليه سم)انا ليكول تاع بابا مكيقولو ليا والو عععع

سماح:اصبري هاهو يدخل ونقولها ليه وتشوفي..البااسلة لوخرا حيدي من ورايا

تشعبقات فكريمة وبقات فحجرها وقالت بطفولية:ماتخليش بابا اضربني اكريمة ياك

سماح:واخالتي..طاطا كريمة ..واش مزيودة معاك فنهار واحد

باستها كريمة وقالت:خليها تقول لي بغات هههههه كلشي من فمها عسل
راضية:نتي راكي حلوة تانتي..نزوجك لبابا

طرطقو عليها بالضحك على هضوراتها فحين سماح شادا راسها غاتجلطها شي نهار..دخلو الرجال وناض ادم تيشكي لباه ومنصور تيخزر فيها.. 

منصور:اجي هنا
راضية:(تخبات فجدها)لاا
منصور:(ساط)انا عيييت والله تاعيييت

عثمان:ساعف ساعف اولدي هههه 

دوزو ديك العشية كلها هاكاك..ضحك وتقشاب والغوات تدراري صغار..

تعشاو وجلسو مقصرين على اتاي كل جوج مجمعين ..

الياس:(مجلس راضية فرجل وادم فرجل)ياله نشوفو شكون اجاوب
راضية:(بحماس)ياله

ادم:ههههه سول ابابا
الياس:76 +12
بقا ادم بغا يحسب وهي تنطق راضية دغيا:88

الياس:برافو ههه
ادم:دير لينا الطرح
الياس:مممم 45-56
راضية:(بسرعة)11

ادم:كتغشيي
راضية:لا هههه تانحسب دغيا(تتوريه صباعها)
الياس:مغشاتش هههه 

ادم:عطيها عمليات بزاف متقدرش تصايبهم

راضية:نقدر..عطيني أ إلياس!!
الياس:ههههه 78+56+86
راضية:(تتلعب بصباعها فالهوا لثواني قليلة)220
ادم:(مصدوم )كيدرتي ليها

الياس:كي درتي حسبتيها؟؟
راضية:ههههه مانقوليكش
ااياس:ابنتكم تطير فالحساب

منصور:هو الوحيد لي تتخدمو مزيان الباقي لا
الياس:راه موهبة لا..حيت كتحسب دغيا
سماح:منظنش 
منصور:سي كتحسب دغيا..شحال عطيتيها؟؟

الياس:86+56+78
راضية:220
منصور:بغاافوو

مشات عندو تعلقات فيه وقالت عطيني شي وحدة
منصور: مممم 120+560+78 
راضية:(تتلعب بصباعها)758
زينب:ماشاء الله..حسباتها دغيا

سماح:برافوو راضية
راضية:(بفخر)انا راه تنقرا مزياااان هههه ياك ابابا. . 


منصور:تاحرايميات تتقرايهم مزيان هههه(عنقها)نسجل بنتي فليكور تاع الحساب الذهني

راضية:اه اه وليكور تاع لادونس ههه

ضحكو عليها وبقاو شادين الجموع تاجاهم اانعاس وكلها زاد لبيتو..راضية لصقات فكريمة تنعس حداها حيت غتبات ولباقي تكركب لبيتو

بدلات عليها سماح بشوميز باردة شوي وجلسات تتمشط شعرها فحين هو تيبدل عليه واهضر معاها:توحشتك ازين
سماح:هي لبارح كنا اونسومبل
منصور:اوا البارح هذاك ههه(شد عندها المشطة)طوال ليك

سماح:انقطعو تاني تيعذبني
منصور:(باسها فوذنها)متقطعيش هي ديال التحت هههههه
ضارت باستو ففمو وقالت:وانا نقدر على زعل حبببي ههههه

منصور:هاد الحمل جاك علي هههه
سماح:ديما تنبغييك ماشي هي الحمل هههه

نقض عليها ببوسة لشفايفها تيقبل فيهم بحب واجرهم ملذذ..وهي مدورا يديها على عنقو كتبادلو القبل واللمسات..

تاتحل لباب ودخلات لفضيحة لي والدين دايرا يديها فخصرها وقالت:اش تديرو؟؟

هزو فيها ريوسهم بعدما فصلو القبلة وبقاو تيشوفو فيها واقفة وقفة العسكري محرماها عليهم..

عرف منصور والله لكوا ونطق حاقد:كويت بخاطري ملي ماولدتش اما ملي ولدت هزني الما . . 

***
وانتهت🖤

التنقل بين الأجزاء

صفحة القصة
سيتم تشغيل صندوق التعليقات بعد لحظات
معظم التعليقات تم إخفاءها بواسطة الفيسبوك، نحاول بكل الوسائل المتاحة إستعادتها في أقرب وقت ممكن.