لأنك سماح الجزء الرابع

2020

محتوى القصة

رواية لأنك سماح

قطع فالحين وحط تيليفون وناض نازل لتحت اما هي راه بقات حاطا تيلي على وذنها تتفرنس للخوا وتعض فشفايفها..واحد اللحظة غطات وجهها بيديها فرحانة وحشمانة..وبدون شعور مشات لتسجيل المكالمات تتسمع لابيل وتعض فشفايفها..تغرمات بصوتو للحنين واخا كيلبس قناع الصرامة..تكات على ظهرها تتشوف فسقف بيتها والضحكة مرسومة على فمها
***
تساءلت حينها..كيف هو الاطمئان؟؟
اجابتني الايام انه في حضنه!!
سكينة
****
دخلات عليها زينب وقالت:سمووحة نوضي ازين تعشااي
سماح:هاني جاايا هههه
ناضت تتلبس بانطوفة خفيفة بيتوتية والضحكة هي فالتا ليها تقوليها سلام تقوليك كنبغييك..بقات مها واقفا مبتاسمة هي الاخرى وقالت:هيهات مالك؟؟خلاها باك مشاكمانا(غمزاتها)
سماح:(بابتسامة عريضة)هههههههه ناري وليتي بحال بابا
زينب:(ردات الباب)شتك غي كتفرنسي ههه ياك لبااس
سماح:(بخجل)نكونو مرتاحين ونعاود ليك
زينب:واخا الالة ياله زيدي تعشااي
خرجات لبرا فين خلات عماتها وولادهم ورجالاتهم ودخلات بحجة تبدل حوايجها..تتفرنس وتبتاسم تلاحت حدا باها وباشرو العشا وصوت ضحكهم منين ومنين كيتسمع..فالاخير عتاذرات منهم بحجة التعب ومشات لبيتها مشطات شعرها وتتشوف فراسها فالمراية وعينيها كيتحرشو براسها..تتشوف راسها واش زوينة؟؟
من بين اول حاجات تتشوف البنت فراسها فاش كيعجبها شي واحد تتشوف راسها واش زوينة..واش مهلية فراسها واش تتلبس مزيان..وهذا حال سماح بقات منشورة تتشوف فراسها ..مرة تدوز على حجبانها لي عمرها قاستهم ومرة تدوز على الخالة لي عندها فوق حاجبها..تادخلات مها عندها بعد وقت لا بأس به..وقالت:اش كديري
سماح:هه والو..كنت انعس
جلسات فطرف سرير هازا كريم ترجلين كدهن رجليها وعينيها تتشوف بنص عين فمها لي دايرا بتسامة خفيفة وشعرها خارج من الشال..باقي الملامح هي هي فقط التجاعيد حول العينين وجيهة جبهتها..بانت فيها علامات الكبر والشيب شوي خارج فنواضرها
سماح:هههه وماما برااكا ههه
زينب:ههه تنشوف هي فهاد ضحكة لي مشرعة فمك ههه ياك لبااس؟؟
سماح:والو(لبسات تقيشراتها)هههخ
زينب:(هزات ليها راسها)ماشكمانا..شكون مول هاد الضحيكة؟؟
سماح:ديما تنضحك هههه شوفي انعاود ليك ولكن بيناتنا
زينب:لا انقولها لباباك ههه ولعماتك وتريكتك كاملة
ضحكات وبدات كتعاود ليها وعينيها كيبرويو ولوخرا عاطياها الخاطر تتسمع ليها..تتوزن هضرتها وكتحلل هضرتها على منصور تا كملات وهي تنطق باهتمام:ونتي عاجبك؟؟
سماح:(بخجل ولات حمرة)اه ههه اماما راه واخا غامض كيتعامل زوين..شنو بان ليك؟؟
زينب:(تنهدات براحة)سمعي ابنتي انا واخا مزوجة ولكن معنديش تجربة فالرجال..انا راجل واحد لي عرفت فحياتي هو باك وطحت فيه ولد ناس..صعيب اه ولكن حنين..مي ماشي بحال هذا لي عاودتي ليا هذاا غامض ومكيعطيكش راس الخيط
سماح:هادشي لي خلاني نتعلق بيه..انه غامض
زينب:وصلتي لدرجة تعلقي بيه؟؟
سماح:ففف معرفتش..ماشي تعلقت بيه مي بحالا قلتي ضرني الفضول من جيهتو
زينب:(باستفهام)مناش من ناحية
سماح:معرفتش اماما..راه قلت ليك قاليا كتعجيني
زينب:شوفي ابنتي..مزيان ملي عاودتي ليا..سمعيني تبعي قلبك شوي صافي..هي شوي تاتحيدي منك الفضول وصافي هه عارفاك مغتبغييهش ابنتي
سماح:علاش؟؟
زينب:هاد نوع بضبط صعيب وحدة بحالك عندها نفس كراكتيرك تبغييه..هذا ابنتي اتبغيه شي وحدة بحالو ههه
سماح:هضرتك نتي وعادل بحال بحال(بحيرة)
زينب:نصيحتي بعدي علييه معمرو مغيبغيك كيف بغيتي..هذا النوع النرجسي لي عاجبو راسو ومولف راسو فقط
سماح:باش عرفتيها؟؟
زينب:ياك نتي لي قلتي ليا (كتعيبها)مسكين معندو حد مجا عندو حد..دونك راه باينا..مولف الوحدة 
سماح:بنيتي هادشي على اساس غالط
زينب:(بابتسامة رزينة)راني واخا معنديش خبرة ولكن باين..يقدر يكون زوين وتيعاملك مزيان مي نرجسي 
سماح:لا والله ماحاس براسو هي تيقمع هه
زينب:مماتش هي خرجو مسارنو ههه هي ما هي..نصيحتي بعدي ماحد باقي مطرا فالطاجين مايتحرق
سماح:(خرجات عينيها حابسة الضحكة)اشمن طااجين اماما هه
زينب:(حركات راسها)هيييه انا لي عارفا اشمن طاجيين ههه نعسي تساراحي ابنتي انا انمشي نحط باك تاهو
سماح:(باست حنوكها)هههه حطي بابا تاهو ههه تصبحي على خير ازين
زينب:تصبحي على خير الفنون ههه
خرجات مخلياها تضرب اخماس فاسداس..هضرة مها زائد هضرة عادل كلها كانت مبنية على اساس مظهر..وعلى اساس شنو عاودات ليهم عليه..رغم انها زينات تصرفاتو بكلماتها لكن الحوايج القاسحين بينوه قاسح..معرفات لمن تسمع..كل ماعاودات لشي حد عليه الا وعطاها رأي مخالف على شنو هازا هي فراسها عليه
تكات على خديتها تالافكار تتديها وتتجيبها وتنهد بحيرة..ماحسات تاغفاات بدون متطفي ضو حيت مكطفيهش فليل وهادي قاعيدة فيها متتطفيش ضو فليل حيت من صغرها تتخاف
دخلات زينب لعند عثمان بعدما مسات على البقية لقاتو هاز تيليفونو تيقلب فيه داير نظارات تشووف..حيدات شالها وهز راسها شاف فيها وبتاسم ورجع تيقلب فيه:معيسلة عاد طلقوك..

حكات راسها بتعب وقالت تتزول فالفوقاني تبيحامتها:واييه من هذا لدااك..(جلسات حداه حطات يديها على كتفو ورمات عينيها لتيلي)ممم الحساب تاهنا
عثمان:شتي باش خايب تدير الفلوس ههه (باس حنكها)
زينب: رصا تدور ضورة وتبووس واش مكتخافش احصلوك ولادك
عثمان:الالة اعطيوني تيساع واش انا ربيت وكبرت ونصدق مريط فلخر ههه انجري عليهم ..واحد راه صيفطتو بقات ليا ديك الكروفيتة لاويا نصيفتها تاهيا
زينب:هههه فين اتصيفتها؟؟
باسها ففمها وعينيه منيمين فيها :نزوجها تاهيا نتهنا منها وديك الساعة اراك نتبرع انا والحب ديالي
ضحكات زينب عليه وبعدات وجهو عليها تضحك وقالت:عهههههه خلي عليك البنت ههه
عثمان:(حرك راسو)هاني مخليها ههه حسابك معايقش هاا
زينب:كيفاش؟
عثمان:(حط تيليفون)خلي تا يطيب الطاجين ونعريو عليه..واجي نتي(جرها لعندو)ناكلوووك بعدا 
****
ستظل دائما الشعاع الذي يزور نافذتي كل صباح ويغادرني كل مساء
وما بين الصباح والمساء هناك طيفك 
يحوم بي مابين العصر والمغرب..ويداعبني ما بين العشاء والفجر

وفي كل صلاة اصليها يرحل عني..كأنما هو شيطان..كلما ركعت للخالق ابتعد بخطوات
سألتني دائما:لما هذا البريق هكذاا؟؟
وكان جوابي دائما:لا تبرق عيناي الا بقربك

فهل سيبقى بريقي هكذا كلما اقتربت ام يحترق بنار قربك؟؟
#سكينة ايت الكبير
****
فاق فالصباح جوايه الثمنية ونص مخنزر مناعسش مزيان..كيف لا وهو مقصر مع راسو بالكارو والسطورا تال اشمن وقت..
قضى روتينو الصباحي ولبس عليه سورفيت اخر ماكاين مع سبرديلة ولاح كوير عليه..هز سوارتو وتم نازل كيحك لحيتو واقلب فضفارو..تانزل لتحت لقا ختو ومو وولادها مجموعين على طبيلة الفطور كيف كتبغيها مو..طبلة بلدية وشنو ما تشهات خاطرها تيتحط..
توجه لعندهم ونطق بصوت مدعدع :صباح الخير
الكل الا راضية:صباح نور
باس لمو راسها وقال بابتسامة:وهذا صباح ميمتي بوحدها
بتاسمات راضية بصعوبة وتمتمات بفمها كأنها كتمازح معاه..جلس حداها وهزات لطيفة خوات ليه قهوة قاسحة ..جغم منها فحين الكل ساكت ومتوتر منو..حيت جالس عادي ممعبرش واش معاه شي حد..كيفطرو فصمت وحانيين عينيهم وهو كيخمم ويدو على يد مو لي كتوكلها لطيفة..تاكملات وهو ينطق :بصحتك ازين
بتاسمات ليه وناض قبل راسها ووقف وقال بجمود وهو كيشوف فختو:تبعيني
زاد مخليها تتسوعب عاد وقفات تتقاد فشوميز ديالها..ونظاراتها تالشوف..
وصلات عليه لحدا لباب ونطق بجمود:متأكدة من مسألة الطلاق
سكتات لثانية وجاوبات بثقة:متأكدة!!بغيت نطلق فاقرب وقت
منصور:انهضر مع واحد المحامي ايتكلف..ثلث ايام بالحساب وتطلقي
زهيرة:(حسات بقلبها تزير)ان شاء الله مغسي مون فخيغ
حل لباب وزاد بحالا قاليها لوي ديك مغسي وطلعها معاك وتبعي ليها تا مون فخيغ..خلاها حايرة فأمرو..معمرو ماعطاهم فرصة اتعارفو عليه كثر ملي كبر واجلسو كأي اخوة يمكن حيت هوما كبرو طبيعيين غيرو هو

هز طونوبيلتو وتوجه للمدرسة الكبيرة تالفرع ديالو..وصباعو شادين كارو تينفث فيه باريحية..نزل من السيارة ودخل للمكتب ديالو نيشان باينة جاي هي يضرب ضويرة حيت ماشي من عادتو اجي بسورفيت..
دخلات عليه مساعدة المديرة ونطقات :بونجوغ موسيو ران
منصور:بونجوغ..سلتوبلي عطيني رابور ديال هاد لي دو جوغ
المساعدة:وي موسيو..بون (كملات حكيها فرنسي)بالنسبة لليوم لول راه لي باغون لي باقيين خلصو لينا الشهر الحمد لله..و(مدات ليه تقرير)هذا التقرير فيه المداخيل والارباح..ولي خلص ولي باقي مخلص..
شدو كيقرا فيه وهي جالسة قدامو تتحلل فيه وتعاود..دايرا شال مخرجة قصيصة من القدام والوجه مقاد وزوين..من نوع لي بلدي شوي..لابسة حوايج كلاص واخر ماكاين ودايرا مارياج فيديها..فحين هو تيقرا لي باقي مخلصش بتدقيق حيت حاط عينيه على كلشي كيبغي الحزقة الى تحزقات اعرفها..هز راسو مغوبش وقال:سيتو هادشي لي كاين
المساعدة:وي موسيو سي تو
منصور:(دفع ليها التقرير بشوي)بون موسيو عبد الفتاح ران اتعيطي ليه وتعطيه افيختيسمون اخلص لولادو القراية
مساعدة:(بارتباك)لكن انا محطيتوش تماا!!
منصور:(تكا باريحية)ميمسي ماحطيتيهش انا عارف بلي ممخلصش لولادو شهرين..وجوسي با علاش مقلتيهاش ليا ومدرتو تا شي اجراء
مساعدة:لانه خوك سي بوغ سا مدرنا والو
منصور:(بتهكم)سمعيتها من فمي؟؟نوو؟؟دونك اخلص محالش جمعية هنا انا..لي معندو باش اخلص ادفع شهادة الضعف ونعرفو راه معندووش..
المساعدة:داكوغ اموسيو جو في لو غابييل 
منصور: مرة جايا يكون فراسي هادشي
حركات راسها بالايجاب وقال مشير للباب بادب:تي بو باغتيغ
ناضت من حداه وخرجات تتنفس الصعداء مخلياه تيحرك راسو وقال:مزيان تبارك الله
اما هي خرجات تتفتفت مشات لبيروها تتقلب فلبسي على رقم ام التلامذ اي مرات خوه..دوزاتو وبعد رنات جا صوت رقيق:وي بونجوغ
م:صباح للخير
..:وي شكون معايا
م:معاك مدام مناجي من ليكول ****
...:اه وي..شنو المشكل؟؟ولادي مابيهم والو

م:نو والو امدام..(بالفرنسية وبادب)بغيت فقط نعلم سيادتكم بلي شهراين متخلصوش فالمدرسة للوليدات
...:بصخ؟؟مفراسيش حيت الاب لي مكلف
م:وي مدام ..شهرااين
..:داكوغ جوفي فواغ ونتواصل معاكم
م:مرحبا امدام..بون جوغني
قطعات معاها تتنهد فراحة اما لوخرا راه هي قطعات وشافت فراجلها لي حداها..كان شبه مو..صغر من زهيرة بعام ونص لكن تزوج صغير بزاف بحب حياتو سناء لي قرا معاها فالكلية وتحابو..نطقات:فتاح مخلصتيش ليكول تدراري
شاف فيها بعدما حط الجورنال وقال:كواا؟؟
سناء:كي سمعتي..عيطو ليا من ليكول قالو ليا ممخلصش ليكول
هزز حجبانو بتفاخر وقال:او من بعد راه ديال خويا
نطقاات حجيبة لي كانت مشاركاهم الجلسة :اشمن خوك؟؟عارفو هو مكيعرفش داكشي
فتاح:ففف هي نسييت..الدري لي كان عندي فالبروجي هو لي مكلف ليا بالابونمون تالمحل وتا ليكول وكاع لي فخي
سناء:اوا متنساش عفاك ميبقاوش اعيطو ليا واحشموني 
نطقات امل لي كانت حداهم:هاد خوكم زعما ميقدرش ادير معاكم المزيان واقراو دراري فابور
سناء:(نقزات)مي نو علاش احبيبة..مالهم معندهمش باهم..راه باهم بخيرو وبخميرو
امل:مقلتش غير هادشي مي كوميم راه عمهم شنو فيها لقراو فابور
حجيبة:ابنتي راه خوهم هي بالفم ..(تنهدات)
فتاح :هذااك ديالو هي لخرة خرتو اموت شي موتة الغسيل ميغسلوهش فيها
حجيبة:فتاح نوض اولدي قضي ليك شي اغراض لعندك..وخليك من جموع العيالات
ناض معاجبوش الحال..ماشي قاصد ميخلصش مي على بالو دري مكلف..هز مسائلو وخرج مخليهم تيهضرو بينهم
سناء:والله الى داك سيد مريض..
حجيبة:مابغينا ذنوب حد(تنهدات)انا بغيت هي نعرف بنتي فينها 
امل:(حطات يديها على يد عجوزتها)متقلقيش اخالتي اتكون مشات هي تبرد شوي وترجع
تم جاي عبد العظيم ملحق عليهم فجلستهم فالصالون..لابس جلابة وفوقها سلهام وتيتمختر تيبان مهيب..لقا السلام وجلس وهي تنطق:امدرا الحاج..عرفتي فينها؟؟
الحاج:اه لقيتها..
حجيبة:(بلهفة)فينها فين؟؟
الخاج:(كيشوف فاص ليه)عند منصوور
كلشي ستغرب وتكمشو ملامحهم وهي تنطق حجيبة:كيفاش عند منصور؟؟اش مشات دير عندو؟؟
خزر فيها وقال:كيفاش اش مشات دير عندو؟؟راه خوهاا هذااك ولا نسيتي
حجيبة:منسيتش ولكن منيمتا ولاو تيمشيو عند بعضياتهم
الحاج:(دار رجل على رجل براحة)متيهمش..المهم البنت بخير وراسها ضارها بغات تريحو ومشات تغضب عند خوها(بابتسامة)اش فيها؟؟
حجيية:(بنرفزة)واش كضحك علي الحاج ولا شنو؟؟اشمن تغضب عند خوها..مخليا دار باها طويلة وعريضة وتغصب عندو هو لي معارفش تا امتا تزوجات
الحاج:(ضرب فيها تخنزيرة قرطاس)الحااااجةة
تفزعات من صوتو القوي وبقات تتشوف فيه جامعة لبكية فعينيها وناضت منصارفة تتبكي وتحرق على بنتها لي غتعيش نفس مصيرها..رغم انها هي لي دخلات الثانية
اما العريسات بجوج بقاو جالسين ساقرين حداه ميقدروش انوضو بتاتا..

خرج عبد الفتاح لمحلو لي هو النجارة اكبر اتولي تالنجارة فمراكش..وفطريق دوز تصالو لخوه منصور..رن عدة مرات عاد جاوب ببرود:وي
فاتح:منصور لباس؟؟
منصور:كنحمدوه
فاتخ:حم عيطو لينا هاد صباح من ليكول ديال
منصور:وي جو سي..
فاتح:(تحرج)بغيت هي نقوليك راني مكلف دري يخلص لي كلشي مي راه كونجي ويمكن نسا ميخلصش
منصور:كونجي شهراين!!؟؟
فاتح:حمم جوسي با تنشوف اش كاين ونرد عليك
منصور:مكاين لاش..تواصل مع الادارة
فاتح:انا قلت هي نبرر ليك سيتو 
منصور:بون جوغني
قطع عليه مخليه هي تيشوف حط تيلي وحرك راسو بباز 
اما منصور هي قطع معاه دوز الاتصال ليها هي..تكا باريحية على كرسي مكتبو ونطق: الو
سماح:(بصوت رقيق)صباح الخير
منصور:صباح النور..صافا؟
سماح:حمد لله ونتا مزيان؟؟كي صبحتي
منصور:نحمدوه..نتي فين؟؟
سماح:فدارنا..ياله انخرج الخدمة
منصور:مزيان..تسنايني انا نجي نديك ونمشيو نفطرو
سماح:حم بلا منعذبك هي نعت ليا فين
منصور:معندكش طونوبيل اتكرفصي..سي ميو نجي ليك
سماح:اوك..نتلاقاو حدا****
منصور:داكوغ انا جاي
قطع معاها وناض هاز مسائلو وخارج بشوي عليه خدا طريق لعندها وماهي الا دقائق تا لمحها فين نعتات ليه بالاسود..خاطف انفاس المرأة..لابسة كسوة كحلة تال الركبة مع ليبة موس سوداء وبوط طالون والشعر مطلوق على راحتو وفوقهم جاكيط كويير مبينة فورمتها الضعيفة..
وقف عليها شافتو وبتاسمات برعدة وطلعات مدات يديها ليه سلمات عليه باليد وتاهو كتفى باليد معطاهاش وجهو..تحرك وقال لباس ؟؟
سماح:الحمد لله..فين نمشيو؟؟
منصور:(كيسوق وكيسرق شوفات فيها)عندك شي بلاصة فبالك نفطرو فيها سينو نختار انا
سماح:هي ختاار..كي بقات ليك رجلييك؟؟
منصور:صافا(مركز مع الطريق)تتعكرني مرة مرة
سماح:متفورصيش عليها..معطاوكش شي تريتمون
منصور: سي
بتاسم ليها وكمل طريقو بصمت مهضرش باقي بتاتا..وتاهي سكتات وقلبها كيضرب على جهد معارفاش علاش هاد البرود على صباح..جات مزوقة ومقادا على غير العادة وفلخر مقال تا كلمة زوينة..خططات انه غتسمع منو شهاد زين جيتي زوينة ساعا لا حياة لمن تنادي..

وقفو قدام مطعم زوين وهادئ وسط المدينة..وقال: مزيان هنا؟؟
سماح: اه
نزل ونزلات تاهيا..سد السيارة عن بعد وتوجه لحداها ماحسات بيه تا شابك يديهم بجوج ولامس برودتهم..شاف فيها باستغراب داير شبح بتسامة:مالهم باردين؟؟
سماح:(تزنكات)شنو هوما
هز ليها يديهم لي مشابكين قدام وجهها وقال:هادو؟؟
سماح:(حركات راسها بعفوية)معرت مكيبيوش اسخنو لياا هه تا فصيف
منصور:ممم
سد تاني على الهضرة ومتلاش دوا بحالا تيبيع الهضرة بالكيلو..تسوليه شحال لكيلو اقوليك غالي عليك
ختارو طبلة وزاد توترها كثر من صمتو رغم انه محسسها بالتملك وهو شاد يديها..شاف فيديهم وبتاسمات بشوي مكرهاتش تصورهم
جلسو حدا بعضهم فالطبلة تخلصات من تجاكيط ديالها وبان شعرها مليوح حداها فوق الكرسي..شاف فيه باعجاب ونطق بدون شعور:ماشاء الله..شعرك زوين
بتاسمات بخجل وهي تدورو لجنب المعاكس له:شكراا ههه واخا تيبرزطني
مد يدو بجرأة دورو ليها جيهتو باعجاب وقال:خليه حدايا هه نقوص ليك عليه
ضحكات عليه فخفة وتتحس ببوهزاز فشعرها لي قاص وقالت:هههه مبقاش تيشد الدقة راه خفاف هه
منصور:زعما العين لا؟؟
سماح:ممم كان قوي دابا لا...خفاف لي شافو (حلات فمها تتعيب النااس)وااااو على شعر عندك وااااو شنو كديري ليه
على اثر هضرتها طلق ضحكة من قلبو على تعابير وجها لي عيبات بيه الناس لي كيحسدوها على شعرها وحط يدو على صدرو تيضحك من نيتو فحين تاهيا توقفات على التعياب وزادات تضحك من نيتها وكملات: والله ههه وكاينا لي تتقيصو وتخرج عينها وتبدا علي ماااشااء الله وديك ماشاء الله ديالها تتوصلني كااااو 
منصور:ههههههه شنو زعما تتمرضي
هزات ليه حجبانها بايجاب ونطق:ممكن..وعلاش متقطعييهش؟؟
سماح:لالا منسخاش بيه..عندي عزيز 
مد يدو لامس اطرافو رطب وقال متغزل بيه:صراحة زوين متسخايش بيه 
سماح:(طلعات الحرارة مع وجهها)داكشي نيت مقتعتووش 
منصور؛المرااكشية هههه
سماح:علاش نتا ماشي مراكشي!!!
حرك راسو بلا وشير لسرباي وخدا طلب فطور بلا ميسولها شنو بغات تكلف هو ..وهي تنطق:ومنين نتا؟؟
منصور:(بمرح)سنيغالي
سماح:سينيغالي شهب شوي ههه بالمعقول منين نتا؟؟
منصور؛(بجدية)رحماني
سماح:من صخور الرحامنة ههه بلاد العقارب
منصور:واعنداك نعضك ههه 
سماح:مسمووم هههه
ضحك ليها شوي وجلس باريحية مقابلها تاني بنظراتو تا صونا تيليفونو دغيا..هزو وقرا المتصل وهو يجاوب بهدوء : وي..وي وي عيطت ليك ماشي مشكل(كيحك على فخضو)وي بغيتك تاخد ليا قضية نووو طلااق..بغيتك نتا توقف ليا عليها دااكووغ نداكرو فليديطاي من بعد..مغسي
قطع معاه وشاف فسماح لي تتسرط فريقها بحيرة وهي تنطق: قضية طلاق؟؟
لاحت الكلمة فانتظار اجاوبها واش زعما عليه فحين هو حرك راسو بالايجاب وهي تنطق بريب وشفايفها تيترعدو: نتا لي غطلق؟؟
نطق بسرعة: الاا..فين تزوجت باش نطلق..واحد سيدة كنعرفها من بعييد
تنفسات الصعداء مرتاحة وهو ينطق مفيكسي الشوفة فعينيها: كون كنت مزوج منجلسش معااك
سماح: ههه بيتي تقوليا زعما بلي نتا رجل وفي ههه وصل الميساج
دار بتسامة خفيفة: لا هي تنحشم على راسي هه اما الوفاء مابيني وبينو هي الخير
ضحكات وقالت: دونك زهوااني هه
حك حجبانو مغير الموضوع: عندك شي عرس اليوم؟؟
سماح:ممممم سيي 
منصور:فين؟؟
سماح: الخرجة تمرااكش..
منصور:مقاسحاش علييك شوية ونتي ماشي موتوغيزي
سماح:لا..(شافت فاص ليها )
شد يديها وحطها فوق فخضو وقرب ليها وقال:مالك؟؟
شافت فيه بتوتر والخجل مسيطر عليها ونطقات:تتندغ الهضرة؟؟
منصور:ديما ههه خصك تولفيني كيما انا
سماح:وعلاش؟؟(تترمش بزربة حيت تيشوف فيها فعينيها )
منصور:ههه هاكاك..خصك تولفيني ونولفك ازينة البنات
سماح:(دارت بتسامة خجولة)عارف راسك فشكل يااك؟؟
منصور:(كيمسح على كف يديها)كيفاش هاد فشكل
سماح:غاامض(شافت فعينيه تا ضربها ضو وحيداتهم)وسكووتي وهي مغوبش(ضحكات)هه
منصور:سكوتي اه مي ماشي غاامض هه
سماح:كنسولك وتتقلب الهضرة هه بحالا تتبيعها
منصور:شنو تتسولي ومجاوبتكش(مفيكسي الشوفة فعينيها باعجاب وبؤبؤ عينيه تيضور من عينيها لحجبانها لي سلبوه حيت طبيعين للخلفة تشعر وزيد عليها للبيوضية)
وترها تا دارت بنااقص من شي سؤال وقلبات عينيها شادا حنكها بيديها بخجل تتشوف فاص ليها وهو ينطق: انا نيت معارفش عليك بزااف؟!!
سماح:(شافت فيه)شنو بغيتي تعرف؟؟
منصور:لي جات من عندك هه
سماح:مممم(عوجات فمها) مغنعرف منقوليك ههه؟؟
منصور:(دايها على قد عقلها)تالين قريتي
سماح:هههه فين قريت انا ههه انا مكلخة
منصور:(كيضحك)هههه مبيناش فيك راك جيرون زعما 
سماح:(جاتها الضحكة)حق الله تا مكلخة راني كاع معندي الباك
حرك حجبانو باستغراب:ميمكنش ..وعلاش؟؟
سماح:ههه حيت هاكاك ههه عييت معاه مباش اتشد ليا وانا نخرج
منصور:اييه وشنو درتي موراها؟
حطو ليهم الفطور المشكل و اول ماهزات هي قهوة كحلة..شماتها بعمق عاد جغمات منها ودارت عندو كضحك وقالت: درت ليسطا خديت ديبلوم كونطابل سيتو وخدمت مع ماما شوي وخويا شوي وبابا شوي ههههه ..

منصور: ممم(كيشرب قهوة تاهو)معلييش..القراية ماشي هي كلشي
سماح:(عوجات راسها)ونتا تالين قاري؟؟(بغا يهضر وقاطعاتو)بلاتي بلاتي نقدر هههههه(تكمشو عينيها)عندك الماستر يااك
منصور:ههه لوااه راني هي ليصونص فالفرنسية
شرعات فمها بصدمة وقالت:ومالك على بروجي تالمدرسة شنو عرفك فيه
منصور:(هز قطعة صغيرة من نوع تالفرماج قربها لفمها بلطف)بغييت
كلاتها من صبيعاتو بحب وعينيها بحال شي ساقية منها يتفرق الحب..ملاحظاتش بتاتا انه انسان كيبغي اتهرب من الجواب بتصرف اشغلها بيه..
باشرات الفطور وتاهو بدا كياكل بصمت تانطقات :مجاوبتينيش؟؟!!
منصور:علاياش؟؟
سماح:على المشروع؟؟علاش درتيه بضبط
مسح على فمو وساكت كيضور هضرتها فراسو فالاخير شاف فيها بجدية وقال: ماشي موضوع اتناقش هنا اوك
تحرجات وقطبات حجبانها وقالت بفكعة: علاش كنهضرو على الحشيش؟؟
منصور:(خسر سيفتو بانزعاج)شهاد لافاصون تالهضرة؟؟
سماح:(غوبشات هي لوخرا)هي لي لقيت مناسبة..(حطات القهوة من يديها طالع ليها دم)الواحد الى بغى يدير فيك راسو ايحماق(هزات صاكها وناضت)بونجوغني
صدماتو بتصرفها وشدها قبل ماتفاوت رجعها تجلس وقال وهو كيشوف فيها حمرة وقال:هييه سمااح(بلطف)الله يهديك..شنو هادشي
شافت فيه بغضب :شووف نتا اسيي منصور فففف(قلبات عينيها معصبة)الواحد ميمكنش يسولك سؤال وتجاوب عليه كي ناس ضروري فينها وذنيك هاهياا..انا واخا حتا نجاوب وتعرفني كثر وانتا لا..
منصور:(شد يديها عندو مزير عليها )واش غتديها فياا؟؟
سماح:(بحدة مطرطقة فيه عينيها)علاش نتا حمق تا منديهاش فييك هممم
منصور:نزيد معاك شوي نحماق(دار ابتسامة خفيفة)الله يهديك صباح هذاا خلينا زوينين
سماح:(مكمشة عينيها)منصور شنو كدير؟؟مفهمتكش والله
منصور:دابا لاش بغيتي تنغصي الخرجة..شنو بغيتي تعرفي
سماح:مابقيت بيت والو فففف(دوزات شعرها ورا وذنيها)
منصور:(دور ليها وجهها عندو وشاف وجهها الغاضب)سمعيني اسماح وديري هضرتي فوذنيك مزيان..انا نهار جيت تنقلب عليك باش نعتاذر منك وديك الهضرة الا وراكي جذبتيني(حك نيفو بصبعو محاملش اقول هاكا)عجبتيني وبغيت نعرفك كثر
سماح:(تنهدات وشافت فيه بعينيه المشة)وعلاش دروك مكتجاوبنيش انا بغيت هي نتعرف عليك سينو بلاش كااع..مزال مدرنا والو
منصور:واخا الالة(هز يديها باسها)انا لي غالط وسمحي لياا..صبري ليا شوي راني حال واحوال
سماح:(بقات مطولة فيه الشوفة)منصور فففف(حيدات يديها من يديه ومسحات على شعرها تتحاول تبرد)بغيت نمشيي
منصور:والله يهديك..جلسي نفطرو مجموعين مساخيش نخليك تمشي
سماح:(تتشوف فاص ليها)مدرتيش ليا فين نبقا معاك..نتا غاامض غامض بزاف..تعطي كلمة وتسنا عام عاد توصلك لوخرا
منصور:(تنهد وهز قهوة كيجغم منها ونطق)نوضي نوصلك
دورات وجهها شافت فيه بسرعة وبصدمة مبيناتهاش..مقدراتش تفكر انه صافي قتانع بهضرتها كانت تتسناه ابرر واطلب ساعا صافي هذا هو جهدو فالنقاش
تنهدات وشافت فيه كيشير لسرباي اخلص الفطور لي مخداوش منو بزااف..بقات كارمة بلاصتها مزيرة على يديها فكسوتها ولات حمرة تقيسها تنزل الدمعة من عينيها
هي شافتو حط المستحق تتلفطور وهي تجمع الوقفة وناضت وتبعها تاهو..غير كي دخلو مفارقين بالايدي..طلعات للسيارة لي حلها عن بعد وطلع تاهو ساكت ومخنزر اما هي دورات وجهها ونزلات قطرة خفيفة مسحاتها دغيا..تحرك موصلها وقلبها واكلها على تعاملو ندمات اشد الندم انها قررات تاخد خطوة جيهتو وتعرف عليه..تاهو مدواش..حدو طلق موسيقى خفيفة تالراي منتابهاتش ليها هي لي غارقة فهمها..محسات براسها تاوصلات قريبة للمحل..وقف وبغا ينطق وهي تهز قشها وزادت هابطة مكسورة..هي عطاتو بظهر وهي تهبط دمعة حارة من عينيها..حيت عاملها ببرود وحسسها انه متسواش عندو.. وعندو زايدة ناقصة
تاقربات تدخل للمحل صونا تيلي جبداتو من صاك وشافت اسمو..شخرات بمنخرها وتلفتات لقات طونوبيل باقي واقفة..فتحات الخط وقالت بعصببة:اش بيتي باقي؟؟
منصور:(بهدوء)جا معاك الكحل ازين ديالي
طاح كلامو على مسمعها كي دوا الحمر على الجرحة..بحال روميكس على السخانة..دقة ببطلة..هدنها نوعا ما وطيح ماتبقى من دموعها الهشيشة..بغات تهضر معرفات متقول تسرطات ليها الهضرة عطاتو بظهر وبقات شادا تيليفون فوذنها كابحة دموعها..تيتسمع هي صوت تنهيداتو تا نطق: رجعي
سماح:(جمعات شجاعتها)بعد مني
منصور:ترجعي ولا نجي اناا
سماح:فففف
قطعات عليه وتمات راجعة بلهلا يطريه ليها لكن قبل دارت راسها تتقلب على شي حاجة فصاكها وتتمسح دموعها بيد..
طلعات حدااه لقاتو كيكمي وهي تنش بيديها وقالت بتهكم: هادشي لاش مرجعني..نشم ريحة الكارو
لاحو من شرجم وطلع الزاج لي كان فيمي وشاف فيها هي قشعها باكية وهو يكمش عينيه وقال:مكنتش عارفك بكاية؟؟
حسات بيه كيسخر منها وهي تنفس بعصبية وقالت:شكون قاليك تنبكي؟؟علاش انبكي
زفر وشاف فاص ليه ويديه كيلعبو فوق فخاضو ونطق: سمااح!!
سماح:(شافت فاص ليها)شنووو

تلفت وشد يديها تا شافت فيه وقال:نجيك لصراحة عارف راسي مقود فهضرتي..ومنصلاحش نجمع مع شي حد حيت ماشي اجتماعي..ولكن نتي مولات العقل(قرب منها هي لي حالة فيه فمها)متديش علي وعلميني على يديك..
نهار شفتك فيك واحد البراءة زوينة عجبااتني وقلت غتكون زوينة تا فهضرتها وفالجلسة معاها..داكشي باش انا هنا
سماح:(سرطات ريقها)هااا حممم شووو(غمضات عينيها وحلاتهم تتحس يديها تيتحكو مع يديه)واخا صافي
منصور:صافي مصالحين
حركات راسها بنفي وقال بابتسامة: شنو ندير باش نتصالحو هه نتي ميمكنش الواحد ارضيك دغيا
سماح:(عوجات فمها بغنج)باااز..عطيني هي نيتك ونتا كتقول ليا كتعجبيني ومباغيش تخليني نتعجب بيك انا نيت..
منصور:(عوج راسو معاها)على اساس دروك لا معاجبكش(شافها اتزلق ليها الضحكة وشد يديها باسها من قاعها ومن برا قبلة هادئة وقال: سمحي ليا
سماح:(سرطات ريقها ونطقات بهدوء وبترجي)متبقاش تعصبني عفاااك رااه(حنات عينيها وهزاتهم)هء عفاك
منصور:(بلطف)واخا الالة تالبنات 
سماح:نزل نمشي عندي الخدمة
منصور:واخا الالة..سيري بونجوغني
بتاسمات ليه ونزلات غير كي طلعات..قلبها كيضرب وكتساءل اش هاد السحر لي كيدير ليا هاد سيد..بكلمة كيكسرها وبكلمة تيحيها
دخلات للمحل تتضحك وتفرنس عاجبها راسها وتبقا تشوف فالمراية وتقيس شعرها وتفرنس بحال شي مراهقة تاوقف عليها عادل كي زلط جلس وقال: افين ابزي
سماح:البغل لتبقاش تخسر الهضرة هههه هانيا ابب
عادل:(تيلعب فتيلي)هانيا ازين..فين غابرة؟؟(تيطل عليها)اش هادشي لابسا البوطو تاع ضو
سماح:(عوجات فيه فمها)حشااك الحماار ففف نتا لي غابر ياكما(غمزاتو)
عادل:كنت مسافر مشيت بدلت الزيت هههههه(لااحت عليه ستيلو)مشيت شت عمي مريض مسكين
سماح:الله يشافيه..كيراهم داركم لباس عليهم 
عادل:تتسولي دابا باش تباني ليا تيهموك دارنا ونقول هادي هي لي نتزوج بيها(زاد تيضحك)اه ممزوجش بييك
سماح:هههه ياكيتك يا خلاك القرد..مالقيت شكون ندي هي نتا..صمت تا صمت ونفطر على بصلة
عادل:اللهم بصلة لحياة تمك ولا مرييض هنهه شكون داك بزي لي حطك من طونوبيل
سماح:(تلغات بتسامتها)هي كليان وصافي..شافني فطريق ووصلني
زاد تيضحك ونطق:ياك ابنت الحراام ههننه بنت ليك جاي مور شمش هههه ديك الحديدة كاملة وكليان ههه وليتي تتبوانتي
سماح:(عصبها)عاادل
عادل:(تيضحك)اوا قولي شكوون ههه مالها كرهتي تبوانتي شتي ابب انا كون تزاديت بنت كون راني منشفووش ههههههه
طرطقات بضحك عليه وقالت تتمسح دموعها:الحمد لله تزاديتي راجل اما كون مفلتكش اليااس هههه
عادل:كون راني صاحبتو وهادشي كولو ديالي ونتي نجري علييك هههههههه 
سماح:وااييييه
عادل:ياله ازين حطي المزيودة شكون هذااك؟؟داك خينا المعقد
سماح:حممم ففف(سرطات ريقها)شوف نعاود ليك ولكن متبقاش تضحك علي وتطيح لي المورال
عادل:ههعه عاودي نسمع
بدات كتسرسر ليه كلشي وبلهفة وتزينو فعينيه وتشكر فيه وهو داير يديه على حنكو تا كملات وهو يقول :بيتي تجيبها فكرك هههههههههه ناري على لكلبة مشاات ديركت لواحد مقود فريوو هههه بربي تاتجييها فكرك
سماح:(غوبشات)واعادل فهمنيي
قاطعها كيضحك:شغنفهم هههه اويلي اويلي شتي كون مافلوووسو كون سبييتك
سماح:اش جاب الفلوس الهضرة؟
عادل :كيقوليك مثل لي ماعندو فلوس كلامو مسوس ننههههههه دابا واش هي عاجبك؟؟
سماح (تزنكات)ممممم
شافيها كي حشمانة وجمع فمو تاهو بحالا حشمان تيعيبها وقال:ويتك ويتك على زين ديالي حشماان(ضحكات)انوضي جمعي كرك ههه قالت ليك عاجبني هههه
سماح:(غوتات)وااعااادل
وقفات عليهم نورة وقالت: واش نتا وقتما جيتي تعصبها وتبقا تغوت
هز راسو فيها تيضحك وقال:ديها فمك نتي ههههه(طلعها وهبطها)فضتي تاني المسخوطة ههههه هي رجعتي لنوراكس
نورة(عوجات فكها وجلسات فاص ليه فكرسي وخيوراتها منشورين)سملااه عليا كي شتيني كي تخليني..انا خويا هي راحة ونعاس تترجع لي صحتي
شاف دوك الفخاض تنشرو على الكرسي وقال: اسعدات الكرسي هههنههههههه اهياتا متعطيش شوي لهاد بوطو تضوو تولي هي شوي بعدا
سماح:مالي كي بنت ليك(مغوبشة)
عادل :حالتك هههههه متبقايش تلبسي الكساوي المعيلقة هههه اش متبقايش تلبسي
نورة:هههه الكساوي أ لمعليقة
ضحكو بجوح وهو يجمعها عادل دغيا وقال موجه كلامو لنورة: ياله نوضي الكدرة راه الكسكاس تيتسناك فوق البوطة باش تفوري هههههه
زفات عليه بشي وراق وناضت معوجة وقالت:باز ليك اسماح مع هاد السيد اووووف
عادل: ديها فمك (تبعها بعينيه تتعوج)اححح بنت الحرام هاازااا(ضار عند سماح)بالمعقول قوليها تعطيك هي شوي
سماح:ديها فراسك واش معندك مايداار نوض فحالك
عادل:تأ عندي هي نتي وداك سي الحبس اش سميتو؟؟
سماح:قدووور
عادل:هذاااك منصووور هههه الزين الصافي ناوي شي معقول ولا باغي هي الحلوة
سماح:(بنرفزة)عااادل(وركات عليها)
ناض تيضحك وقال:وااصااافي ععهههه المهم ردي بالك وصافي نسيق لمك الخبار تعلقتي بيه نكويييك
شافت فيه كتعوج ففمها وقالت: سير سير لخدمتك
صيفت ليها بوسة وزاد تيضحك مقشب على راسو

رجع منصور لخدمتو كيراقب شلا حوايج وكيقاد بعض الميزانيات..تاوصلات الربعة خرج للدار ديركت بغا يتغدى وينعس راسو ضاارو
وبالفعل خدا الطريق وهو تيكمي كارو مور لاخر..هي وصل بانو ليه جوج طونوبيلات قدام الباب قشعهم دغيا ديالمن وغوبش وعرق فراسو كيزدح..
تم داخل كيلعب بسوارت طونوبيل وعاقد سبعة فربعة وماحدو تيقرب وهو تيسمع صوت الحاج عبد العظيم كيهضر بصوت مرتافع شوي..حدو وقف وقشع مو حداهم وعبد العظيم حداها ومعاه الحاجة حجيبة معنقة بنتها لي تتبكي عليها..
نطق ببرود:اش كاين
هز فيه باه راسو ومدواش بالعكس عاد تفطح فوق الفوتوي ونطق:على سلامتك
منصور؛(ببرود)شنو جيتو ديرو هنا؟؟
زهيرة:(تتمسح دموعها)خويااا انا
قاطعها بيدو باش تسكت ونطق بصوت عالي:لطيفة لطييفة
جات سيدة بزربة وقال والبرود كاسيه:دي مي لبيتها
حركات كرسيها وداتها متخوفة من القادم..كي بعدات على ناظرهم جلس هو الاخر ففوتوي اخر مجبد رجليه وقال:الحاجة مرحبا بييك
حجيبة:الله يكبر بيك اولدي
شاف فباه وقال:شنو سبب الزيارة؟؟مموالفينش ليكم تجيو تشوفوني؟؟
عبد العظيم:(بقسوة)جيت ندي بنتي
منصور:(كيقلب فتيليفون)الى بغات تمشي راه طرييق
زهيرة:مابغييتش والله منرجع ليه واخا نمووت
عبد العظيم:زهيييرة(بغضب)
زهيرة:(بخوف)مغنرجعش..داك سيد ولد الحرام بغا يتزوج علي
حجيبة:هي ياله معانا لدار ابنتي وميكون هي خاطرك دار باك واسعة وعرييضة
عبد العظيم: (نهرها)كيفاش دار باك واسعة وعريضة؟؟كتشجعيها على طلااق
حجيبة:الصمت
منصور:بغات تطلق غتطلق..هضرت مع المحامي ومن هنا يوماين اتحل الموضوع وغطلق
عبد العظيم:(غوت بغضب)واش عارف راسك اش تتقول؟؟ااناااا بنتي تطلق؟!؟؟
منصور:الى بغا الله(باستفزاز)
زهيرة:منرجعش ليه هءهءهذهء بغا يدخل علي الضرة هءهءهء
عبد العظيم:واش بغا يدير الحرام؟؟ياك بدارك معززة مكرمة مناقصك خير ..سيد بغا يدير الحلال ومبغاش اضيع ولادو تنوضي نتي تضيعيه
منصور:واهو من حقو يدير الحلال(كيهضر ببرود واستفزاز)ولكن يطلقها
عبد العظيم:(شير ليه بابهام)نتا بضبط غتسكت وغتكون فراسك ..قول هضرة مكودة ولا سكت..كتعاونها على طلااق محشمتيش اعدو الله
منصور:وبغيتيني نخليها تعيش لي عاشت مي ملي تزوجتي عليها أ لي كيعرف الله؟؟
عض عبد العظيم على شفايفو وقال بعصبية:منصووور ..
منصور:الحاج(شير لجيهة المدخل)مرة خرا وعاود زورني دابا عياان(دار ليه براسو بتعب)بغيت نرتاح ترونكيل..
عبد العظيم :(وقف تيغوت بصوتو لي زعزع الدار)سمعني نقولليك..ليقوليك القران تراسك تنوض تحرش ختك تطلق باش تفدي فيا دقتك ها..الطلاق هو لي عمرو غيكووون واخا تنطابق السما مع الارض والى طلقات منو ماهي بنتي مانا باااهااا(شاف فزهيرة لي طرطرقات بالبكا)كتسمعي نتييي؟؟كتسمعييي؟؟اش دار ليك هاد الرااجل بغا يتزوج خليه اتزوج..قريتكم وكبرتكم تا نسيتو الدين..الالة الشرع حلل ربعة ونتي تتعارضييه
زهيرة:(غتخنق بالبكا ومها كثر منها)انا مقابلاش ماقبلاش اشنوو خاصني ها شنو خاصني تا يجييب علي الضرة
عبد العظيم:(مسح على وجهو)اعوذ بالله من الشيطان الرجيم اعوذ بالله من كل ذنب عظييم ففففففف استغفر الله(بهدوء)ابنتي ابنتي الله يهديك..واش تخربي دارك بيديك؟؟تبغي ولادك اعيشو بعاد على بااهم
منصور:لا يعيشو معاه نيت واعيشو فالعذاب(وقف وصبرو نفذ)شوف الله يرحم بااك هز مراتك وسير لدارك كون مابغاتش تفرق وشافتك تدير ليها حل متجيش عندي
حجيبة:(بصوت مخنوق تحرجات حيت عرفاتو جرا عليهم بطايطاي)الحاج ياله فحاالنااا
الحاج:الله ياخد فيك الحق..الله ياخد فيك الحق المسخووط(شاف فزهيرة بحقد)تانتي اتولي مسخوطة بحالو..الى فات(هز صبعو بتهديد ناحيتها)الى فات حتا طلقتي منووو مانتي بنتي مانا باااك انااا بااااري منك..
زهيرة(تتبكي وتعطي لقلبهة)هءهءهءهذهء حرااام عليك اباا حراام عليكك
منصور:راك عارف الباب الحاج..
زاد وخلاه معاها بغا يديها يديها بغات تطلق اتبقا ممسوقش ومغيحرقش دمو معاهم فموضوع ايمرضو فراسو كثر من لازم..خدو طلع لبيت موو بااس رااسها باطمئنان وقال :متخاافييييش ميوقع والو
راضية:(بملامح قلق)هنننن باااا بااااك
منصور:(غمض عينيه وحلهم)مشا فحالوو صافييي(باس راسها )ريحي رااسك..(شاف فلطيفة وخنزر) :نهار اعود اجي هادا لهنا وتخلي مي حداه اكون كلام اخر
باس يد مو وزاد خلفة لبيتووو..معصب وعروقو متشنجة..

باس يد مو وزاد خلفة لبيتووو..معصب وعروقو متشنجة كيحرك راسو يمين شمال طامع فانه يبرد
كي دخل ردخ لباب تاتسمع لعند الحاج لي كان خارج فحالو معصب وكشاكشو خارجين..
اما لاخر ديركت لدوش كينصل فحوايجو بنرفزة..كل بياسة تيحيدها تيلوحها بتنطار معصب..دغيا كيبرد ودغيا كيقندش..دمو حاامي على ابسط الحوايج..
دخل تحت الرشاشة كيدوش ونفسو ممنظماش منرفز وكيحك فلحمو بجهالة..مالحق حيد عليه الرغوة شلل وخرج لاوي عليه فوطة كيقطر ونقي..
بدا عليه بزربة بسورفييت بيتية رمادية ومشا سورت لباب..حل بلاكار ديالو لي فيه بعض من اغراضو..جبد من وسط علبة سوداء خنيشة بيضاء "الغبرة"
جلس وجبد بزطامو وخدا منو كارت كيشي كيسطر بيها غبرتو..متنفسو الوحيد ..
مرتاح تا خدا من مخدرو القسط لي يكفيه عاد رجع راسو لور براحة كيرتاح وابرد اعصابو..والسكون كيعم المكان

***
السكون..الوحدة..الادمان..ثم انت
العتاب..التعب ثم انت
لانك انت..
وسط كل ذلك السواد ..كنت انت البياض الذي زين سوادي
الجمال الذي حلى بشاعتي..الفرحة التي اسعدت حزني..الروح التي سكنتني بعد احتضار
انت..وحدك انت
***
"الصباحات التي لا تبدأ بك لم تشرق شمسها بعد"
#سكينة_ايت_لكبير

على صوت المنبه فاق منرفز عينيه منفوخين بجهد وعندو من السواد ماكيفيه يبان انه عايش معذب

"ألم تخبرك الحدائق السوداء حول عيني أنني اموت"

اما هي فاقت على لمسة حنينة من يد امها لي تتفيقها بهدوء كيف كل صباح
بجوج بيهم قضاو روتينهم الصباحي وناضو فاتجاه اشغالهم..خدا طونوبيلتو ودوز ليها الخط كيكمي بعد عدة رنات جاوبات بصوت صباحي رقيق:الووو
منصور:(دار بتسامة)واش صوتك هاكا داير ولا كتبدلييه؟؟
سماح:ههه مفهمتش؟؟
منصور:كي صبحتي؟؟
سماح:مزيان حمد لله ونتا؟؟
منصور:تخي بياان..فين غبرتي البارح؟؟
سماح:والو تسنيتك تعيط معيطيش(شافت نورة وقفات عليها)نورة عفاك ازين دي هاد الورقة لسعيد ..الو
منصور:معاك ازين..(بتاسمات فخجل)تسنيتك تسولي فيا ساعا والو هه
سماح:ههه قلت واقلة مشغول مغيبيش اهضر ههه 
منصور:مممم فطرتي؟؟
سماح:شربت قهوة ونتاا؟؟
منصور:كنشرب فكارو ننههه نقصي نقصي من ديك القهوة 
سماح:(كتقلدو)نقص من الكاارو ههه ولفتها والله
منصور:واخا الالة..شنو منشوفكش اليووم؟؟
سماح:ممم معرفتش 
منصور:وي أو نو مكاينش معرفتش
سماح:على حسب هه حيت عياانة والله..بقيت فلعرس تال الوحدة تليل وجيت منعستش مزيان
منصور: ممم هاكاك..واخا ماشي مشكل الالة..ديك ساعة رتاحي متجيش لخدمة
سماح:فقت هي بزز كنحط لدراري شنو يديرو ونمشي عندي كونترول تطبيب
منصور:اشمن طبيب؟؟
سماح: تالاوبيراسيوون لي درت
منصور:(بدون قصد)اشمن اوبيراسيوون؟؟(ستدرك)اه على نيفك؟؟
سماح:(معجبهاش الحال)ممم اه
منصور:واخا..نجي نديك؟؟
سماح:لا بلاش انمشي مع ماما 
منصور:(حس بيها تقرصات)نمشي معا ماما ههه باقي كتمشي معا ماماك؟؟
سماح:ههه ومعامن انمشي؟؟
منصور:معايا هه عيطي لماماك قوليها بلاش انمشي معاك اناا
سماح:كتهضر بصح؟؟
منصور:لا كنتفلا . .عندي بزااف مايدار مغنساليش
سماح:وياك كنتي اتسالي ليا فاش تشوفني
منصور:كنت اندير وقيت وصافي واخا هي سانك مينيت
سماح:شنو عندك مادير؟؟
منصور:شغال وصافي ..ياله نخليك تهلاي فراسك..بيناتنا تيليفون
سماح:بسلامة
قطع معاها ونزل لعند المحامي لي دار معاه على قبل قضية الطلاق تاع زهيرة..زكا معاه الامور ورصا معاه
اما هي قطعات معاه تتعوج فمها معاجبها حال من هضرتو وانه نسا انه دارت العملية.. حطات تيليفون وتنهدات ونعلات شيطان من تصرفو وكملات عملها..

فالمساء راجع لدارو مع جوايه الربعة وتيلي فوذنو كيدوز ليها ابيل حيت مدواش معاها من صباح..عدة رنات ولا من مجيب تاعقد حجبانو بريب..دخل لدار تيعاود اتصل بيها مرارا وتكرارا لكنه كان صامت وكانت هي فالدوش تتغسل ..
حلات ليه الخدامة بلا مايصوني داخل ببرود كيف ديما واول سؤال تيسولو قبل اي شيء:فين مي؟؟
الخادمة:فالصالة الصغيرة
حرك راسو وزاد لعندها كي دخل دار بتسامة زوينة زينات وجهو ونطق:السلام وعليكم الالة النساا
بتاسمات بزز حيت التشلل لي ففمها معرقل ليها الحركة..وتم غادي عندها باس راسها ويديها بحب وقال:كداير ازين؟؟
بسمات ليه هازا يديها لي مسرحة شوي تدوز على حنكو بحنية ولالة لطيفة تتخوي اتاي مطمرة..حمحم ونطق:فين زهيرة؟؟
تبدلو ملامح وجهها وتتشوف بعينها فحين هو دور عينيه للالة لطيفة لي ولات تترعد بالبراد..وهووينطق:فين زهيرة وولادها؟؟
لطيفة:حمم اسيدي رااه جا راجلها ودااها
عقد حجياانو ونطق بصوت غليض:اشنووو؟؟
لطيفة:(سرطات ريقها)هانتا وسع خاطرك جا راجها ودااها الله يرضي عليك (تتسرط ريقها)متمرضش راسك ومك الله يرضي عليك
منصور:(حك ذقنو ببرود وفداخلو تيجمع فالغضب ديالو)امتا مشاات؟؟
لطيفة:حممم جا فظهر هاكاك..بقا تيدوي معاها شي ساعة ودااها معاه
منصور:مشات بخاطرها؟؟
لطيفة:الصمت
غوت فوجهها تاقفزاات وقال:هضريييي
لطيفة :هءهء لعاار لتغوتش مك مريييضة فففف مشات بخاطرها
راضية:(تتحرك يديها)هنننن هنننن مننننن
شاف فموو ببرود ووجهو حمار..بلا عروق يديه لي تنفخوو..مد يدو وبااس يديها بحب ووقف وقال:هانا جااي
تتجر مو من يديه بيد وحدة وتنتر..رجع جلس وباس راسها وقال:متخافي والو امي..هي رتاحي مع راسك(شاف فلطيفة)عطيها اتاي وكعب غزال(دار بتسامة بزز)وديري ليها شي فيلم تونس بيه
لطيفة:(تتسرط ريقها)واخا 
نااض من حداها تيحرك راسو يمين شمال معصب وعلى شوي غيطرطق ليه شي عرق فراسوو..هادي هي ديال طلع تاكل الكرمووس ونزل شكون قالها ليك..ضسر البرهوش اطلع ليك فوق الطربوش
خرج معصصصصب من داار والعافية شاعلة فيه..كولو تيترعد..طلع لطونوبيلتو وتحرك تا تحكو رواايض باش جاي باش خارج..شاد طريييق للدار ديال بااه..جنون تيلعبوو ليه فرااسووو..وتيلي ديالو كيصوني كانت هي لي عاد خرجات من الحمام تتعيط ليه والفوطة فوق رااسها ومتيجاوبش..
تجاهل الاتصال حيت مفقص معصبب..حس براسو تشمت وداروه ضحكة وسطهم. 
موقف تال قدام فيلا كبيرة مبعيداش على لبتي فيلا ديالو..غير هي كببيرة..حلو ليه الباب العساسا حيت عارفيينووو نزل من الطونوبيل وخلا الباب محلول ممسوقش..داخل وصدرو تيطلع وانزل ويديه مزير عليهم
حلات ليه خادمة لباب علموها العساسة فتيليفون بقدومو..حلات لباب خل مدرم تيسمع حوارات كثيرة فالصالة الكبيرة لي اكيد عارفها فين جات..
وقف عليهم بحال قباض الرواح..تيدور عينيه عليهم كان باه متوسط الجلسة رفقة الحاجة حجيبة قدامو برارد اتاي كيخويهم والطباسل تالحلوى المشكلة كيضورو بيناتهم..خوتو كامليين وعيالاتهم وزيد اولادهم وحتى زهيرة وراجلها لي مكانش كيعرفوو وولادها باضافة لعائلتو لي معرفهاش
كي شافوه جمعو ضحكة كااملين وسقلوو بحالا درتي ليهم بووز..حمحم عبد العظيم وقال بصوت غليض:ياك لبااس؟؟
تقدم داير ابتسامة مستفزة كيضور عينيه عليهم كاملين..زهيرة حنات راسها مقدراتش تهزوو فيه نطق ببرود:نااشطين مع راسكم هااا؟؟(الصمت من طرف الكل)تتبيعو القرد وتضحكو على مولاه
وقف عبد العظيم اتصدى ليه ونطق كيصايب سلهامو لي بالنسبة ليه هو الهمة والهيبة ونطق:جمع رااسك اداك المسخوط..اش جاي دير هنا؟؟
مدااهااش فيه دور عينيه لزهيرة لي حانية عينيها حشمانة منو..وهضر بصوت زعزعها:ونتي الالة؟؟الالة ختي لي جات قاصداني وتتبكي وتنوح ..
وقفات زهيرة متوجهة ليه وقالت:صونيت لييك بزاااف اخويا مكنتييش تتجاوب
منصور:(زادت عصبيتو ونطق)قلب البرمة على فمها تطلع لبنت لمها..ملي نتي قابلة على الضرة لاش جايا فارعا ليا كريي ودايراانيي طريق
غوت عبد العظيم من قلة ادبووو وقال:منصوووووور
منصور:(بعصبية وصوتو فات السقف)منصور ولا لخراااا...انا لي ولد القحبة حال باب داري ليها اما كون رديت دينمها لعندك(توجه لختوو تيغوت فوجهها علاين اضربها)ملي باااغاااه لااااش جايااا عندي..لاااااااش؟؟
ناض فتاح معصب من قلة ادبو ونطق مبعدو عليها:منصووور عيقتي اصاااحبيي اش هاد قلة الادب راحنا مع ولادناا
دفعوو وغوت فوجهو:قاووود علي تانتاا..تريكة فاابور هوما نتوووومااا..دايريني بينكم كي شي قواااد..مصيفطين ليا بنتكم تلعب عليييي..درت بوجه الخاوة مليي مالقات تاا زاامل فيكم(كيشير لخوووتوو)مقدر تا كلب فيكم ادوي قداامو(كشير لبااه)باغي ارجع ختكم لولد القحبة باغي يجيب عليها الضرة ...معيشها فالعذااااب
ناض عبد الغني وعبد المالك كيبعدو فيه حيت عرفوه جااهل..

خرح مخليهم معندهمش فين اديرو وجههم بين بعضهم..عبد العظيم تحاشم مع نسيبو ومع ولادو لي عمرهم سمعوه تيقول تالخرا ..جا منصور حطهم بوجههم بلا حوايج..العريسات مالقاو فين يديرو وجههم وسناء فرحااانة حيت جاب ليها الله لي يرجع ليها الحاج فجوااه
عتاذر منهم الحاج مرارا وتكرارا وتيطلب السماح وقلبو تزير عليه من تصرف ولدوو.. 
اب رشيد لي وقف معصب وقال:اش هادشي اسي عبد العظيم ولينا كنتعايرو عاين بااين؟؟..
اب رشيد:اسي عبد العظيم واش هادي تراابيي هادي..اش دخلو هو فختو؟؟ياك باها باقي عاايش..يجي يجمعنا كاملين ب(حشم انطق)استغفر الله استغفر الله
رشيد:وابسالة هادي..مراعى ماحشم كيخسر فالهضرة
زهيرة:(خزرات فيه)رشيييد
ام رشيد:الله يهدي ماخلق وصاافي
حجيبة:ربي سمحو لينا على هادشي راه شايفين اش كااين
عبد العظيم:(مخنزر)سويت فيه ايمان اولي بنادم ولايني المسخوك ايبقا مسخوط حيااتوو كاملة(بحزم)من اليوم ماهو ولدي مانا بااه انا بااري منو ..
فتاح:اعوذ بالله..صافي موقع بااس نسااو(نادى للخادمة)كملي..
***
#فلاش_باك
جالسة زهيرة فالجردة تدار خوها تتشوف فاص ليها فرميساء لي كتسيلفا قدامها وتخمم..وولدها راه لفوق..تتنهد وتعاود وتخمم تا وقفات عليها الخادمة وقالت:لالة زهيرة واحد سيدة بغات تشوفك
زهيرة:ماما؟؟
الخادمة:معرفتش..
زهيرة:(وقفات)فينها؟؟
الخادمة:دخلتها لصالون
خرجات زهيرة كتقرقب بالطالون تابعا لوخرا فخطواتها تا شافت عجوزتها ام رشيد..سيدة كبيرة فالعمر لابسة جلابة اخر مكاين معاها بوط وشالها تيبان نور فوجهها..هازا صاك وتسبيح..
وقفات وقالت:زهيرة
زهيرة:(تتسرط ريقها)خالتي؟؟شنو جيتي ديري هنا؟؟
الأم لي اسمها شامة:منجيش نشوف بنتي(بابتسامة حلات ليها يديها)
مشات زهيرة لي دموعها قربو انزلو وعنقاتها بحرارة تتبكي فحضنها وتشهق ولوخرا تتسغفر الله وتمسح على ظهرها
بعداتها عليها ووجهها عمر دموع وقالت:هءهءهء شتي شتي اخالتي شنو دار فيا شتي هءهءهء 
شامة:(تنهدات)شفت شفت ابنتي ..جلسي جلسي وندويو
جلسات زهيرة تتبكي وتمسح وماتجي فين تمسح تاكينزلو لوخرين..
شامة:عاودي ليا اش طرا ؟؟انا راني مفهمت والو..فقت مالقيتكش سولت الخدامة قالت ليا جمعتي حوايجك وزدتي خلفة
زهيرة:اش نعاود ليك اخالتي هءهءهءهء اش نعاود ليك؟؟راكي تتشوفي كلشي على عينيك
شامة:لا بغيت نعرف كيفاش بغا يتزوج؟؟
زهيرة:ولدك اخالتي عينيه زاغو ومبقيتش مقنعاه ولى بغا يجيب علي الضرة؟؟هءهءهء واش اخالتي انا فيا شي ديفو هءهءهء قارية وزوينة وتنتعامل مزياان معاه وساكتة على شحال من حاجة هءهءهءهء وزيد عليها مت ولادووو(عينيها تيعصرو دموع)فلخر اجي اقوليا بغيت نتزوح فاش قصرت معااه ااه
شامة:احح ابنتي راني شايفة ولدي لي ميسوا بصلة بحالو بحال بااه (تنهدات)ولايني ابنتي نتي جيتي وبغيتي طلاق!؟
زهيرة:و شنو ندير؟؟نسكت ونخليه اجيبها علي؟؟اشنو يقولو نااس وعائلتي هءهءهء 
شامة:لا حاشا والله..كون جيتي عندي انا لولة والله تنجبد ليه الوذنين ماحدي فالحياة عمر شي بنت المرا متكون عروستي من غيرك..شوفي انا عارفا ولدي طبعو صعييب ونتي بنت الناس وصباارة 
قاطعاتها:داكشي باش بغا يجيب علي ضرة هءهءهءهء كنضلو فالمشاكل ..تيغبر نهار كاامل وميجي تال نص الليل ونبقا نتسناه باش فلخر نوضو صدااع هءهءهء حياتنا كاملة صداع ومشااكل..مكنشوفوش تيدخل واخرج معندووش الوقت لا ليا لا لولادو هءهءهءهءهء 
شامة:(بلطف)عارفا ابنتي(بملامح مؤيدة)عارفا راني تنشوف كلشي على عيني ..الله يهديه..ضلعة عوجة بحالو بحال بااه..كون تشوفي شنو داز علي تانا بحالك ولايني صبرت صبرت ابنتي..على قبل ولادي باش منشتتش الشمل
زهيرة:(بعتاب باقي تتبكي)اخالتي انا شملي مشتت..واش الراجل لي منشوفو من ليل ليل..كلشي خدمة وممساليش..ميسول كي دوزنا النهار ميسول اش طاري لينا هءهءهء كيكونو ولادو مرااض وميتسوقش هءهءهءهءه
شامة:ابنتي راني عارفا هادشي ولايني شغديري..واش تشردي ولادك؟؟واش تخلي ولادك بلا باهم..هاا 
زهيرة:الصمت
شامة:الله يرضي عليك ابنتي الى مديري الما منين ادوز
زهيرة:(بانفعال)واش اخالتي كنقوليك غيتزوج علي وكتقولي ليا ديري الما منين ادوز؟؟!!
شامة:لا ابنتي انا متنقولش ليك قبلي الضرة ابداا واش دخل شي بنت الحرام عليا..شوفي دوي معاه وهضروو راه ندم وهو لي تيطلب فيا واعاود..ندم ابنتي ففف..
زهيرة:والله منسمح ليه ولا نرجع ليه ولا نكون ليه مراا هءهءهء كيما عذبني الله يجيب ليه لي يعذبو
شامة:(تتبوس يديها)الله يرضي عليك ابنتي لما تقولي هاكا..واش غيقولو ناس؟؟تششتيي شمل ولادك..على وجهي ابنتي هي دوي معاه هي يهضر معاك وديك ساعة لي قلتيها لا اله الا الله عليها
زهيرة:اخالتي..
قاطعاتها:الله يرضي عليك ويرحم ليك الوالدين..لما ديري بوجهي..مبغيتش نعيش بعيدة على حفايدي وعليك تانتي(حطات يديها على صدرها)راكي بنتي والله لي شاهد علي
زهيرة؛(تتنخصص)الصمت

شامة:هانتي هي سمعي ليه وديري بري هي هاد المرة الى متقادش انا ابنت الناس نصيفتك لدااركم..(شافتها ساكتة وكملات)هاهو كاين براا تيتسنا مني هي نعيط لييه(باست ليها كتفها ولوخرا تحرجات)الله يرضي عليك جلسو ودويو تا الى متفاهمتوووش ديك ساعة لي بان ليك ديريه
تنهدات زهيرة وبقات ساكتة ولوخرا فهمات سكاتها بالموافقة..هزات تيليفونها صونات لولدها لي كان برا
وتم داخل بزربة وباللهفة بغا هي امتا اهضر معاها ..شافتو وقلبات وجهها بعصبية وبدات تتبكي فصمت فحين مو وقفات وقالت:جلسوو ودويو وطلب من مراتك السمااحة
حرك راسو باه وخرجات وخلاتهم..تقدم ناحيتها وجلس حداها وهي مضورة وجهها عليه..دام الصمت تيجمع فالكلام فلخر نطق بتعب:زهيرة..(حط يدو على كتفها)اتبقاي عاطياني بظهر(باقي ساكتة)عمرها كانت ليك
تلفتات ليه بعنف ووجها كولو دموع ونطقات بحدة فوجهو:حيت معمري قللت منك ولا عطيتك بظهر باغي تجيب علي الشريكة هءهءهء يااك ارشيد يااك هذا منسوا عندك؟؟
رشيد:(كيشرح بيديه)سمعيني هي نشرح لييك
قاطعاتو بعصبية:اش غتشرح لياا؟؟صبرت ليك لبزااف..صبرت لسهير ولدوران..كندير دورك ودوري..ولادك مكتسولش فيهم وتجي فلخر تجازيني بالزواااج هءهءهء ولي ضرني هو مشيتي عند باا وقلتيها ليه بوجهك حمر(غوتات فوجهو باكية)شنوو ناقصني شنووو؟؟شنووو 
حنى راسو بخجل تيسمع ليها تتوبخو عارف هو لي منو ديفو مخليها تخرج لي فقلبها:عمري ظنيت تدير فيا هاكا..هاجرني فالفراش وعاطيني النخال..مكتعطيني وقت مكتعطيني اهتمام هءهءهءهءهء وتجي تزوج علي؟؟هءهءهء باش حسن مني هي؟؟شنو عطاتك معطيتكش هءهءهء
رشيد:(شد يديها كيبوس فيهم بترجي)اقسم لك بالله الى الشيطان..هي الشيطاان ازهيرة اما انا منبدلكش والله منبدلك..الشيطان ولد الحرام غرررني
زهيرة:(بدمعة تعب)الشيطان غرك تا على مراتك..غرك على ولادك على دارك..وليتي مدكخلش كنشوفك نهار وتغبر يوماين هااا اشنو درت ليك؟؟ذنبي اني بغيتك وحبيتك من قلبي..تزوجتك صغيرة طامعة فيك الخير هاا وفالخر لقيت البرود
رشيد:والله تاندمت..خويتي علي دار هي يوماين وندمت..اقسم بالله تاندمت..انا تنبغيك ازهيرة منهار تزوجت بيك وانا تنبغييك(باس يديها بحب)اقسم بالله تانتي لي فقلبي..هي الشيطان لي غرني وصافي..راكي عارفا الرجال
زهيرة:(بعصبية)اسيدي انا معارفاش الرجال انا الراجل الوحيد لي عرفت هو نتا(بدات تتبكي عاود)نتا علامن حليت عيني درتك راجلي وخويا وحبيبي وبا..مخليت مدرت على قبلك..هءهءهء
قاطعها بندم تيشد يديها لي تتهضر بيهم:الله يخيلي ليك باك ومك لي عزاز عليك(باس راسها)ووليداتك الى ماسمحي ليا..متخليناش نشتتو الشمل ..شمل ولادنا ازهيرة(بترجي)ولادي مابغيتهمش اعيشو بعيد علي. .عارف راسي الغلط راكبني من ساسي لراسي..ولايني جيت طالب راغب فالسماحة منك..نتي مولات القلب الكبير والحنين..نتي مولات العقل(شافها سكتات من تنخصيص ومن العصبية)الله يرحم ليك الواليدين ديري بوجه العشرة ووجه الحب لي كان بيناتنا وسمحي لياا..كنواعدك والله تنتبدل اقسم بالله
زهيرة:الصمت
رشيد:الى انا قليل العقل نتي كوني مولاتو..عارفاني طايش ومعندي عقل ..
زهيرة:(بعتاب)راك داخل فالربعين ارشيد كيفاش معندك عقل؟؟
رشيد:عارف عارف شرفت وهترت نتي مولات العقل..ديري عقلك ورجعي لدارك وواله تنتبدل اقسم بالله تنتبدل وعمر شي بنت المرا تطوف بيا من غيرك
زهيرة:(عينيها مغرغرين من جديد)شكون هادي لي كنتي بغيتي تجيب علي؟؟
رشيد:ااصمت
زهيرة:هضر جااوب شكون هادي هءهءه
رشيد:ففف واحد خيتي غرني الشيطان وصافي.. دابا كاينا هي نتي وصافي... نتي مراتي ومت وليداتي ومعندي عليك لاين..والله يهديك خلينا نمشيو لدارنا براكا منبقاو عند البراني
زهيرة:الصمت
عرف راسو قنعها حيت تتبغيه واخا كلشي وتترجى فيه الخير ..هو علامن حلات عينيها هو اول حب ليها..صابرة بيه على هبالو حيت تتموت عليه..وطبعها هشيشة هاه ولا هاه دغيا تترطاب..
باس راسها ويديها وقال:الله يهديك سمحي لياا ولي حكمتي علي بيه انا نفذدووو
زهيرة:(تنفسات بضيق)متبقاش تعصبني ارشيد راني صحتي على قد الحال..
رشيد:(بتاسم بحب وباس راسها)الله يعيطيني الموت لعصبتك
زهيرة؛(بشبح بتسامة)الله ينجيك
ضحك وباس راسها وقال:واهاكا نبغيك مولات العقل ..نوضي احبيبتي نمشيو لدارنا(كيضور عينيه فدار)فين الدراري
زهيرة:(بارتياح)دروك نعيط ليهم..انعيط لخويا بعدا نعلمووو
رشيد:واخا
ناضت معاه مرتاحة شوي ونزاح الهم عليها..زهيرة من نوع لي رطبة بلا قيااس تربات فوسط فيه انه المرأة خصها ديما تحن وديما تصبر..كانت كتشوف علاقة باها ومها لي مبنية على الاحترام والوقار...لذلك دغيا بردات من جهتو..
دوزات الخط لمنصور فحين رشيد مشا لعند ولادو..تتصوني مرارا وتكرارا لكن لا من مجيب..تتعيط وتعاود والو..تاجا وقف عليها رشيد وقال:ياله مشيينا(كان داير ولادو بجوج تحت باطو)
زهيرة:بلاتي اجاوبني منصور..
رشيد:شنو مكيجاوبش؟؟
زهيرة:نوو عيطت سبعة تالمرات ووالو

رشيد:ماشي مشكل تا لمن بعد وعاودي عيطي ليه ياله نمشيو درووك
زهيرة:ويلي منقدرش نمشي تا يجي حشوومة
رشيد:راني راجلك ولا شنوو؟؟طلعي جيبي حوايجك وياله
زهيرة:ولكن..
قاطعها:والله يهديك واش انا متيقت سمحتي ليااا
رميساء:ياله اماما ياله..توحشت داارناا
بتاسمات وطلعات لفوق تتعاود الاتصال..جمعات حوايحها بالخف ودازت لبيت راضية لقاتها ناعسة وحداها لطيفة تتقرا القرءان..وقالت:سمحي ليا..واش ميمة مفايقاش؟؟
لطيفة:لا ناعسة دواها تيرخيها
زهيرة:واخا بلغي ليها سلامي وقوليها تسمح لياا
لطيفة:علاش؟؟
زهيرة:انرجع لدااري الله يعاون..
#نهاية_الفلاش باك
******
ضائع انا بين الدروب
حملت ابرة وخيط
اردت ان اخيط بين دروبي..دروبي المنسية

حملت سماعة طبيب..اردت سماع صوت طفولتي الكئيبة

حملت مطرقة حاولت اصلاح ماتكسر مني

حملت مصحفا اردت ان اتوب

ثم حملت ادمانا ووجدتني اسير في طريق مجهول
طريق وجدتك انت فيه..كنت نورا لعتمتي 
وكنت دنسا لبياضك
لانك_سماح#
*****
جالس حدا بحر صويرة بعدما ساق بسرعة جنونية..من خروجو من دار باه وهو تيضور بطونوبيلتو معصب وكارو فيديه..باغي يكمي وباغي يشم وباغي اسكر وشوف تشوف واش انسا ولا لا
كيحس براسو تهدن من جيهتهم وجاو لعبو عليه..حافظ باه وعارفو مزيان تقواديت جاريا ليه فدم..من نسابو وجبد
تيخرج الدخان من فمو ونيفو دقة وحدة ولات عندو طونوبيل كي المبيخرة من لداخل..وتيلي ديالو مسكتش من صونيت..كان رقمها هي..لكنو مكانش عندو لا لخاطر لا يهضر ولا يجاوب باغي فقط افكر..اخمم واتعزل بوحدو
عينيه على تيليفون لي باقي تيرن هادا تصالها الخامس..من شدة عصبيتو خلاها قطعات وطفاه ولاحو تاطاح لتحت ممسوقش وتيكمي بنرفزة..شاف حداه فالكوسان كانت ساشية وزيد عليها كارت كيشي ..غبر وشم مزيااان تا رد المورال..
جوج صباع شاد بيهم كاروه وصبع لوسطاني تيحك بيه نيفو كانه كيحاول اطلع ماتبقى من الغبرة..

اما هي..المطلقة بلا برا..كي خرجات من دوش ببينوارها الابيض والفوطة على راسها هزات تيليفونها لقات تصالاتو..بتاسمات بخجل ودوزات فيساع رقمو لكن لا مجيب ..رنات شوي بدلات عليها وعاودات صونات ولا من مجيب..خرجات جلسات مع دارهم شوي ومع عمتها وئام و ولادها ومكاين تا اتصال..ستأذنات منهم وبقات تتصوني تتصوني بتوتر والبكية شاداها..علاش مكيجاوبش؟؟ياكما تقلق؟؟طبعو صعيب بيكون طلع ليه دم
قاطع اتصالاتها دخول مها لبيتها لقاتها جالسة وتتهزز رجليها بعصبية:سماح
شافت فيها وبان الحزن فوجهها وهي تكرر النطق:مالك اماما؟؟
سماح:(بصوت مغنغن)والو امااما
جلسات حداها وضورات ليها وجهها عندها وقالت:ماامالي والو اماما
زينب:(زفرات)شويا الحكة؟؟
سماح:(بغير نفس تتجاوب بزز)لا باقي تياكلني لحمي
زينب:غدا نمشيو عند طبيب وسوليييه
سماح:واخاا..
زينب:شي مشكل معاه؟؟
سماح:(شافت فاص ليها ودمعتها على طرف جفونها)متيجاوبنيش
زينب:يقدر يكون مشغول(شافت دمعتها طاحت)تأ سماااح 
مسحاتها دغياا مخبياها وصوتها مغنغن ونطقات:مالي انا معندي زهر هءهء علاش متيجاوبنييش علاش؟؟معجبتوووش واقلة
زينب:اش هاد الهضرة ابنتي(جراتها عنقاتها)الغايب حجتو معاه ابنتي..متبقايش تحكمي ونتي باقي معرفتي علاش غابر
سماح:(تنهدات فحضن مها وعينيها دغيا حمارو)عارفا راسي مستفزة تاحد ميصبر ليا هءهءهء يمكن عصبتو بفعايلي
زينب:اعوذ بالله..اش هاد الهضرة علاه مالكي حمقة؟؟خوي راسك من هادشي..انا مأكدة هي يلقاك معيطة ليه بيعيط ليك(باستها فراسها)متمرضيش راسك..ونتي هذا باقي كاع مكتبغيه وتتبكي عليه ولايني راكي هشيشة بحالي ههه
سماح:(مسحات دمعتها)لا هي بقا فيا الحال..متنحملش لي تيعطيني مشي وميعبرنييش
زينب:متبقايش تزربي..ديفو لي فيك تتزربي..سميه صاابر..غدا الى معيطش ليك ديك ساعا بقاي تنكري..
سماح:(بحيرة)واخا..انا نعس درووك 
تخشات ففراشها ونطقات:داك الزمر تولدك امتا عوال ارجع؟؟
زينب: منعرف هههه واقلة غدا ولا بعدو
سماخ:(بتعب)مكرهتش ارجع دغيا بغيت كونجي عيييت
باست ليها جبهتها وقالت:انا نعيط ليه..باينا فيك عييتي
سماح:بزااف
زينب:الله يزيد راحتك ابنتي نعسي تساراحي
خرجات بعدما خففات الاضاءة فقط حيت سماح مستحيل تنعس فالظلام..مخلياها مقرقة عينيها فالسما وتتفكر فيه وتحلل تا لاشمن وقت عاد نعساات بتعب فانتظار اتصالو لي مبانش كاع
******
رجع لدارو فوقت متأخر بزااف جوايه الثلاثة الربعة.. كيتمشى هاز جاكيط فوق كتافو وراسو تيزدح على جهد..تيضور كي البيضة الخاسرة..عيان وباغي هي ينعس لا غير..
كيتمشا فظلام الكولوار لي بحال حياتو ظلام فظلام
**
الظلام لا يطرده الظلام وحده النور يفعل ذلك
الكراهية لا تقتلها الكراهية وحده الحب يستطيع
****
حل على مو البيت..لقا الضواو مطفيين عرفها تكون نعسات رجع خطوات ومشا لبيتو ..كي دخل تلاح بحوايجو فوق الناموسية مغمض عينيه تيحاول انعس رغم الم الرأس
****
ذلك العذاب وحدي اتذوقه


فاقت على صوت المنبه مشابعاش نعاس وخااسرة على جهد..طفاتو وزادت عشرة دقايق عاد ناضت للحمام توضات ودارت روتين يومي ليها..هزات تيلي تتشوف اش كاين ساعا والو..لا برية لا تيليفون..تنهدات وحطات تيليفون ومشات تلبس عليها لاحت فوقها عباية صلات الفجر المتأخر وخرجات برا فين تتشم ريحة القهوة مطيباها كريمة ليها..دخلات قالت صباح الخير شرباتها بصمت وكريمة حداها تتهضر حلفات لسكتات تاخرجات طافجة من الكوزينة ولقات مها تتصايب فولارها
زينب :صباح الخير
سماح:صباح الخير..
زينب:مزيانة؟؟
حركات راسها بايجاب وجا باها لي باسها فراسها وقال:مال الفريزة ديالي كاعية على صباح؟؟
سماح:(بحنين)والو ابابا هي مراشقاش ليا؟
عثمان:فيك ليغيكل؟؟
سماح:لاا
زينب:(ستدركات الوضع)هادي شابهاك تتفيق مغوبشة بحالا تتخلصو على ضحكة
شد شفايفها قرصهم وقال:تحل ليك الفم ازنوبة هاااه ههههه
زينب:ههههه زكاا هههه نصايب شالي
عثمان:و دخلي دوك زغباات قبل مانقطعهم
زينب:باااز
كريمة:(من الكوزينة)اخيري سعدي بالحميمات هههه
عثمان:هادي بايتا هنا؟؟
كريمة:(طلات عليه هازا غربال)اصباح الخير اعزيزي
عثمان:صباحو هههه ياله زيدو تفطروو
سماح:(بامتناع)مافيااش انمشي عندي كونترول مع طبيب؟؟
عثمان:كان عندك لبارح لا؟؟
سماح:لا تأجل حيت الطبيب مكاينش
عثمان: اوا تسناي ندييك
زينب:خلييك انا نمشي معاها سير نتا لخدمتك
عثمان:واخا.. ماخاصك والو ابنتي
بتاسمات بحب وباستو فحنكو:الله يخليك لياا
عثمان:اميين
جراتو زينب من عندها وقالت تضحك محاولة تخلق جو: هذاا ديالي اختييي سيري ضبري على ديالك
كريمة:(طلات عاود يديها فيه عجينة)الى لقات لي يقبل عليها نطلق الجيلالي
ضحكو كاملين الا سماح لي كتافات ببتسامة حزينة..هضرة كريمة زادت الطين بلة وحسساتها انه فعلا مبقاتش عاجبا منصور
دخلات لبيتها تتهز اغراضها وتتحط اخر لمسات عليها كتافات فقط بمرطب شفاه خارجة صفرة تتسنا مها تفطر باش امشييو
وفنفس الوقت هازا تيليفون تتضورو فيديها بحزن والوقت تيمر بطئ..فلخر كتبات ليه ميساج عادي:شكرا بزاف على تجاهل..كون قلتي ليا متبقايش تعرفيني كون حسن
صيفتاتو مغددة وتسنات دقائق لكن لا من مجيب فالاخير هزات صاكها وخرجات لقات مها كملات..نزلو كاملين وشدو الطريق لسبيطار ساكتين..وهي تنطق زينب:جاوبك؟؟
سماح:(ببرود تتشوف من شرجم)لا
سكتات تا زينب مقالت والو ومعاجبهاش حال بنتها بتاتا..من اللول وهي مراضياش على علاقتها بيه خاصة فاش عاودات ليها عليه عرفاتو صعيب وبنتها هشيشة سهلة الكسر

وصلو للكلينيك ونزلو بجوج مشادين سولو على طبيب ودخلات عندو تيوسلها اسئلة روتينية على نيفها وكدا
سماح:فليل تتجيني ريحة مجهدة فنيفي ..بحال الزفورية(مخسرة ملامحها)
طبيب نوغمال هذاك هي دم لي تكبب ليك فنيفك من العملية..جوج دقايق ونحيدو ليك
سماح:ممم واخا
ناضت معاه مخليا مها فالبيرو وداها لغرفة الفحص لي معزولة على البيرو جات فاخر الكولوار
طبيب:(نطق)اتقسحي شوي ولاكن صبري
حركات راسها وبدا هو شغلو تيدخل ملقط لنيفها وكيحد ليها طروفا تدم جامدين كانو سادين ليها نيوفها بالزفورية..تتبكي وتقول مابكيت بحالا تيقشر شي جرحة..تتنخصص ليه بخالا تيقطع منها
كمل وحيد ليكون وقال:صافي امادموزيل ..بالشفاء
سماح:شكراا
طبيب: انا نكتب ليك دوا اخر مخفف على لاخر
سماح:واخا
خرج وناضت تاهيا تابعاه حاطا قطن على نيفها وعينيها حمرين فيها البكية ديال نيفها لي تقسح وديال منصور..تقدر تقوليها سلام وتزيد تبكي..للحظة سمعات اسمها من لور بصوتو هو لي مغيخفاش عليها:سماااح
وقفات ودارت بزربة ممتيقاش انه صوتو بغات تأكد لاغير وتأكدات ما ان لمحاتو قريب منها بامتار ..بديك الوقفة المهيبة ودوك الملامح القاسحين لي يخليوك تنفر منو..جاتها البكية ملي شافتو وجمعاتها خاصة فاش شافتو تيقرب لعندها بهدوء..وقف عليها بحالا موقع والو:صافا؟؟
سماح:(تتسرط ريقها)الحمد لله(بقا تيشوف فيها تا وترها)الله يعاون
بغات تمشي وشدها من مرفقها بهدوء وقال:اجي فين غادا؟؟(صوتو مبحوح ضاربو البرد)مالك فنيفك؟؟
سماح:(طلقات منو بهدوء)والو..(بنرفزة مخبية)نتا مزياان؟؟
منصور(الهموم جبال فوق كتافو)الحمد لله ..نتي شويا؟؟مال نيفك
سماح:(دورات وجهها غضبانة)والو
سكت تاهو تيشوف هاد سيدة لي منفخة عليه اش مزيود عليها..غير داري انه مجاوبهاش البارح..تانطقات هي:علاش مجاوبتينش البارح؟؟
منصور:(كيشوف فيها باعجاب)ممم مشتوش
سماح:ااه(بنظرة استفزاز)مزياان كاعلا تشوفوو
دارت غادية وهو يوقفها داير بتسامة على وجهو خفيفة يادوب تبان:اجي فين غادية؟مالكي منفخة علي؟؟
سماح:(عصبها)لا والله تا وجهك قاسح؟؟تتقتل الميت وتمشي فجنازتو؟شنو زعما كنعيط ليك وعاطيني مشي اشنو كيحساب ليك رااسك؟؟
منصور:(زفر وعينيه مبغاوش احيدو عليها شي سر نازل عليها اليوم ولا عينيه تقرقشو)ماكنتش مسالي ومشفتوش بكري قلت اتكون نعساات
سماح:تنعيط ليك فليل يعني مخدامش(بدات تتكحب )كح كح كح اش هذاا؟؟

منصور:(بخوف)مالك؟؟
سماح:(ضورات وجهها)بعد بعد..اش هاد لبارفاان(تتحكب)بعععد
بعد عليها بخطوات وقال :خنقاتك؟؟
سماح:فففففف(تتحاول تتفس)خنقتيني نتا بفعايلك
مد يدو ليها بغاها تشدها واهضر بلا ميقرب:الله يهديك..راني قلت ليك ماكنتش مساالي(شافها مزال تتكح)اجي جلسيي جلسي هنا
سماح:ففففف اش هاد ريحة ففف مجهدة! 
منصور:سي بزااف منبقاش نديرها صافي هي جلسيي
سماح:(شافت فيه بعتاب)مابيتش وعفاك متبقاش تعيط ليا وتمرضني فراسي بفعايلك
منصور:اشمن فعايل؟؟(بدا تيخنزر)
سماح:(مغطيى نيفها)تنصوني ليك ومتتجاوبنيش شنو زعما تترد الصرف ولا شنوو؟؟حيت مجاوبتكش انا فلول متجاوبنيش نتا تاني وتبقا ناشرني
حرك راسو بلا حول..كلامها كولو جاه باسل وماعندو معنى تتهضر من فراغ..نطق من بين سنانو:كنت مشغول
سماح:(ردت بسرعة)مشغول فليل هاا(كمشات عينيها) معرت بااش؟؟
فهم قصدها وهو يعقدهم وقرب خطوة: بدينا بلونكيط من لول!!!(هز صبعو فوجهها بتحذير)ماشي وقت الهضرة..هنا اوبيطال بغيتي تفسير نجلسو بالعقل(نزل صبعو وحط يدو على شعرها بهدوء)نشربو قهوة كحلة ونهضرو
بعدات خطوة وقالت حاطا يديها على صدرها تتحاول تنفس:منصوور ريحتك كتخنقني
منصور:(بهدوء)واخا انا غنمشي لعشية نتلاقاو واخا
حركات راسها بالايجات وفعينيها عتاب كبير..هي رجع خطوة لور وبقات تتدير فيه شوفة المشة تا دار بتسامة خفيفة وقال:مشة صافي هه
عوجات فمها من بتسامتو وقالت:تقتل الميت وتمشي فجنازتو
منصور:هي سمعيني وحكمي..نجلسو وندويو كي نااس اما نبقاو نتعاطاو وريحتي تضرك بلاش
حركات راسها باه وعطاتو بضهر غضبانة تابعا الطبيب للبيرو فكعانة ودايرا فيها منفخة وهي شوفتو رجعات فيها روح اما هو بقا تيحرك راسو من هاد لبنت لي جايبا عليه فشوشها
دخلات على مها تتحك نيفها وقالت:سمحو ليا
الطبيب:بون هادا دوا جديد وبقاي تشللي نيفك بها باش ميبقاش دم مكبب ليك فالنيف
سماح:(بابتسامة)شكرا بزااف
وقفات زينب شكراتو وخرجو بجوج مشادين وهي تنطق:فين تعطلتي؟؟
سماح:(تتشوف فاص ليها )حمم تلاقيت منصور
زينب:(وقفات وشافت فيها)شنوو؟؟
سماح:(شدات فيها من جديد)وياله اماما وفطريق نهضرو
زينب:(تمشات معاها)اوا عاودي
سماح:(كانت غتفلت ليها ضحكة)هه شتو هي بصدفة هنا
زينب:واشنو جا يدير هنا
سماح:(قطبات حجبانها بتساءل)ويلي نسييت ماسولتو هه شتو وانا نتلف
زينب:ههههههه مسخووطة هههه اوا وشنو؟؟علاش ماكانش تيعيط ليك
سماح:معرفتش(طلعات للاوطو)كان داير ريحة مجهدة خنقاتني
زينب:(كدير سمطة)ممم..
سماح:ماما وصليني لمحل 
زينب:عندك شي عرس اليوم
سماح:سي مي غي غنضرب هي طليلة وصافي..انعيط لاليااس ارجع واش هذا مشا ادوز يوماين صدق ساكن
زينب:دوزي نمرتو نشووف هههه
دوزات نمرتو ودارت سبيكر صونا شوي وجا صوتو:وااازييين والحب والفنووون والمعيسلة تعثمان
زينب:ههههههه اولد كرشييي
الياس:فين هادشي؟؟توحشتك 
زينب:تانا احبيبي..مزال مابيتيش تجي
الياس:اش اختي بندير بيك..سيري خليتك لراجلك الله يربح ههه
سماح:جي شد خدمتك عيييت اصااحبتي
الياس:هههههه تانتي معاها افصالة مي سيسي
سماح:ههههههه كنا عند طبيب كان عندي كونترول 
الياس :واش اختي دوك نيوف الرضاعة باقي كاع مبيتي تديري ليهم شي تاويل
سماح:ههههههه مشيي..امتا جاي ازمر 
الياس:شاد طريق
زينب:اويلي على ولد الحمقة كيفاش جاي؟؟ولاش معلمتينيش
الياس:لاش اختي بنعلمك..مهم هاني جااي العشية نكون عندكم
زينب:سير الله يعطيك قاتا قول امين
سماح:هههه الله يجيبك على خير
الياس:تلاحووو
قطعو معاه وحطاتها مها حدا المحل ومشات تقدا على وعدها وسعدها باش توجد لاستقباال عروستها اما تا ولدها لهلا يقلب تعطيه الخبز والما 
****
خرج مو من طبيب لي كيدير ليها الترويض ملامحو ممفسرينش..هي دارها لور فالاوطو رجع لبلاصة المقود تيقلب على تيليفونو الشخصي فالطونوبيل تابان ليه جيهة الكوسان..هزو شعلو وهوما يبداو اتصالاتها تيدخلو بالاضافة للميساج لي خلات ليه..قراه ودار بتسامة تسخرية وقال:هاد العيالات
راضية:هنن
شاف فيها من المراية:والو اميمتي..نتي هي تهناي ليا(تحرك)شربي دواك وكولي مزيان ومتعصبيش باش توقفي ليا على رجليك..نساي كلشيي عليك
راضية:نننن ووووو ووووللللللل(عيات)
منصور:اكون خير امي(تنهد)
تحرك لدارو وصل مو شداتها لطيفة وخرج تاني فسيارتو..كي تحرك دوز تصال للادارة ديال المدرسة لي تيقراو فيها ولاد خوتو..لحظات جاوبات المديرة:وي موسيو ران
منصور:مدام..سيلتوبلي اي تلميذ بسمية ران اتصيفت لوالديهم انفلوب فيه طرد نهائي من المؤسسات
المديرة:(مصدومة)مي علاش؟؟
منصور:(ستافزاتو حيت معندوش مع كثرة تسوال)سي با فو زافيغ..ديري شنو قلت ليك..جوبونص هادشي مغينقص ليك من صالير ماغينقص ليك من صحتك..الوغ في سكو جوفو دي
المديرة:(تحرجات)داكوغ موسيو
قطع معاها ودوز الاتصال للانسة المصونة..بضع رنات عاد جاوبات وقالت:الو
منصور:مال هاد الو ديالك همم؟؟
سماح:معجباتكش!!
منصور:تأ تأ(جبد كارو)ففف لباس؟؟
سماح:نحمدوووه

منصور:هادشي لي بغيت..نتي فين؟؟.
سماح:فخدمتي علاش؟؟
منصور:غياان..بون العشية نتشاوفو ضروري
سماح:علاش ماشي دابا؟؟
منصور:(بانزعاج)ايكوت سماح..عندي بزاف تالمطارق فرااسي ..نساليهم ونتلاقو باش نكون اليز
سماح:واخا اسيدي تاتكمل شغالك على خاطر خاطرك يااك وديك ساعة عيط لياا والى جاوبتك راني بحالك
منصور:(ضراتو فراسو)سمااااااح
قطعات ليه فوجهو حيت عصبها..كانت كتسنا منو غير اسولها على شنو كانت تدير فالسبيطار مع العلم قالت ليه عندي كونترول ومكلفش راسو حتى يسولها اشنو قاليك
مع قطعات عليه شاف فالتيليفون وقال:والله الى قطعات
لاح تيلي بقلة اهتمام مخليها هي لخرة حيت عارف راسو اعاود اهضر معاها اكبتها معاها وعقلو مزال باغيها
اما هي حطات تيلي بنرفزة خصها هي معامن مخدمات ماشافتو..هي جالسة وطرطق صباعها..وتقول واش عاود عيط ليها
****
الاهتمام هو مفتاح القلب..اذا غاب الاهتمام غاب الحب
****
وصلات الربعة تالعشية كانت كتوجد تمشي للعرس ..واقفة فديبو صغير حدا المحل دايرين فيه الماتريال..هازا تيلي فيديها..
سماح:سفيان رد لبال اخويا مع ديك العمارية..
سفيان:واصافي اوو ههه ياك غادية معانا
سماح:انحضر هي لول..انخلي سعيد 
صونا تيليفونها شافت المتصل كان هو..عقدات غوباشتها وقطعات ليه صوت..باقي هازا منو وواقفة على الدراري..وعاود صونا وكتسكتو مكتجاوبش بتاتا دارتو فجيب لوراني تسروالها..ياله جمعو وهي تنطق:تيسرو انا نلحقكم بيدما توجدو وو..
حسات بشي حد موراها وتيلي كيتسلل من جيبها..تلفتات وتصدمات من وجودو..هاز تيلي ديالها فيدو ببرود وداير فيها شوفة قاسحة..سرطات ريقها وبقات ساكتة تتشوف فيه كي مترقبها بغيض بحالا تيقوليها وجهك ولا قفاك..خلات تا مشاو دراري وهي تمد يديها بغات تجر تيلفونها من يدو وهو يبعدو وعقد فيها حجبانو:علاش مكتجاوبييش؟؟(بعدو عليها)
سماح:(بغات تاخدو)ماشي شغلك..تيليفوني وانا حرة فيه
منصور:(هز حجبانو )بصح؟؟مباغاش تجاوبي؟؟
سماح:(بحدة)عطيني تيليفوني 
منصور:(مبعدو)دوزي قدامي 
سماح:(قطبات حجبانها)عطيني تيليفوني
قطب حجبانو كثر ونطق بنرفزة:سماح عروق راسي منفوخين متخلينيش نندم حيت جيت 
سماح:(زاد كمل عليها ربعات يديها وشافت فيه باستهزاء)اوا هي ندم حيت مبيتش نهضر معاك واخاا
بقا مطول فيها شوفة كيشوف هاد الانثى لي قدامو جايبا عليه نافختها وفشوشها..كترمش بزربة وشعرها مبرزطا كل مرة تردو لور..مسح على وجهو تيتنهد بضيق ومد ليها تيليفونها مترددات تشدو..
حسابها ايخليها تمشي لكن هيهات..حدها بغات تمشي وهو يشدها من ذراعها وقال وعينيه فعينيها:الله يهديك راني عياان ومع ذلك جيت عندك..خلينا نمشيو لشي كافي وندويو..هضرة هاكا فزنقة مكتعجبنيش
وتراتها شدتو وكذلك نظرتو اللاهبة..سرطات ريقها وحنات شفارها وهزاتهم محافظة على غضبها الانثوي وقالت:ملي انا مهمة عندك تال هاد درجة علاش مسولتيش فيا البارح؟؟
منصور:(شد مرفقها بهدوء وقرب خطوة ليها كيبان قدامها دفة وركز عينيه فعينيها )ماشي بيدي..كانو شي مشاكل حليتهم وكنت معصب مابغيتش ندوي معاك وانا فمي كيطلق هي الكلام الخايب
سماح:(تتلوي فلسانها)مممم وملي فقتي لاش معيطيش ليا؟؟
منصور:(حرك راسو)ياله معاياا
نزل يديه من مرفقها ليديها شبكها مع يديه وتم جارها موراه وهي تتهضر: اويلي منصور..حشوومة ناس لي خدامين معايا ايشوفوني ويلييي
حل ليها الباب تطونوبيل:الناس لي خدامين عندك..نتي باطرونة عليهم دونك ماشي شغل شي حد(دار ليها بيدو باش تطلع)فازي
طلعات كي البهلة وطلع هو الاخر تاهو حداها..ديمارا وهي دارت سمطة مربعة يديها وباقي منفخة..سكت تاهو مهضر موالو تيقول مع راسو هاد سكايرية خصها قهوة باش الواحد ادوي معاها كينااس
عم الصمت وكل واحد فيهم كيبرد فالداخل ديالو..مد يدو للموسيقى وشعلها باش الطف الجو..وبصدفة جات اغنية فوضيل..يانا وراني..اغنية لي سمعوها يجوج اول مرة تلاقاو..نقص ليها شوي بحيث كيسمعوها بريتم خفيف مونساهم لاغير
كان حريص ومدار حتى باغفان وتا الطونوبيل دوزها لافاج باش تنقى..وصلو قدام كافي ونزلو بجوج..هي وقفات حداه..دوز يدو بلطف على خصرها النحيف تاقفزات مرتابكة..شاف فيها بنظرة شنو؟؟..حولات نظرها ليه زعما شنو كدير..مدواش حدو مد ليها يدو وبلا متردد حطاتها فيديه زير عليها ودخلو بخطوات عادين كيقلب بعينيه على شي بلاصة مزيانة.. بانت ليه وحدة فالقنت وجرها معاه ليها 
اما هي كانت ملتازمة الهدوء وتتدور عينيها على القهوة لي كانت معامراش بزاف ومصايبة على شكل فوتويات وكراسي..
طلق من يديها واخير وجلسات بعجرفة فالفوتوي حسابها ايجلس فالكرسي ساعا تنشر حداها..شافت فيه بغرابة وتاهو مهضرش حدو شير لسرباي لي جا بزربة ونطق:جوج اكسبريسو قاسحين
مشا وهو يتلفت ليها وقالت:وي كنسمعك
منصور:(بهددوء)خودي قهوة بعدا وبردي ولينا هضرة خراا
سماح:انا مبردة الى معصبنيش كحل الراس..

منصور:(حك لحيتو)دابا انا كحل الرااس هممم(شافها تتحرك عينيها مضببين بدموع ومد يدو شد يديها)واسمااح
سماح:(شافت فيه وصوتها مغنغن بالبكية لي حابساها)شنو سمااح؟؟
منصور:(قرب لعندها ودور يدو على خصرها تا نقزات الدمعة من عينيها بتبوريشة لي بورشها فاش حط يدو على خصرها..ويد خرا شاد بيها يديها ونطق بهمس مدرقها على ناس)شنو دابا لهاد درجة ضريتك؟!!
سماح:(حانية راسها وعينيها تيقطرو دموع)ماشي هاكاك هءء هي انا متنحملش لي يعطيني مشي ويتجاهلني هءهء
منصور:وشكون لي عطاك مشي..راني كنت مبرزط
هزات فين عينيها ونيفها بسرعة حمار وعينيها اكثر والقصيصة على عينيها ونطقات بسرعة:باش مبرزط؟؟كون هزيتي تيليفون وكتبتي ليا ميساج فيه مبرزط متخلينيش مشوشة علييك
سكت وداعب يديها بحب وقال:يخلي لي يتشوش علي(هز يديها باسها من القاع )كنت مبرزط عندي الرحيل لدار خرا
سماح:(سرطات ريقها)ولهاد درجة مكانش عندك وقت تصيفت ليا ميساج فيه مبرزط
سكت تاني مالقا باش اجاوب وهي تقول بعتاب:شتي هانتا سكتي..ومتقدرش تقول تا سمحي ليا هااا..
منصور:(تنهد)صافي نساي درووك..مشكل وقع وصافي
سماح:(بحزن )ولكن ضرني خاطري..
منصور:(طرشها بضحك)ههه ميبقاش اضرك خاطرك انا مولف تنغيب شي مرات كديشارجا ليا تيليفون حيت تندوي فيه بزااف(لقاها باقي تتشوف فيه )باش ارتاح بالك نعطيك نميغو ديال خدمتي هو لي تيبقا شاعل ديما
سماح:الصمت
منصور:(بترقب)مزيانين دابا؟؟
سماح:(عوجات فمها بطفولية)مزيانين 
دار ليها بتسااامة خفيفة بينات سنيناتو وقال:وبراكا من نفخة(طرشها عاود لحنكها بالخف)
سماح:(ضرباتو لكتفو)براكا راك سلختيني هي بالفن ههه
منصور: على ديك النفخة ديالك الواحد شدك اعطيك قتلة هه
سماح:حربوووش
منصور:ولايني فلفلة
سماح:(عوجات راسها)مممم
مد يدو مسح ليها دموعها لي بقاو على حنوكها متأثر بداك الجمال الطبيعي حيت مكانت دايرا والو..حمورية طبيعية من البكا والحكان لي حكات وجهها..حجبان طبيعين معمرهم تقاسو..والخلفة فشعرها باينا..
منصور:تانتي راه مقصرتيش هااه..
سماح:(بغنج وصوتها رقيق)ممم تستاهل..تنعيط كي الهبيلة
منصور:(بابتسامة خفيفة)دابا نسااي شنو وقع..كلشي كيطيح فهاد سوء الفهم 
سماح:ممم هاني نسييت..شنو كنتي تدير فالسبيطار؟؟
تبدلو ملامحو لبرود وحمحم فالاخير عتقو هي السرباي حط القهوات..ونطق:شربي الكالمون ديالك اسكايرية هه
هزاتها جغمات منها ببنة وقالت:مكاين ماحسن من قهوة كحلة هه
منصور:شحال من مرة تتشربيها فنهار؟؟
سماح:ربعة خمسة (شداتها الضحكة)ههه تال ستة
منصور:(خرج عينيه)لا سكايرية..جوبونص هي لي مخلياك ضعيفة
سماح:تأ لاا انا منهاري هاكا..مكنزيدش بزاف..كنبقا ف 55
منصور:مي زعما معندك تا مشكل صحي؟؟
حركات راسها بلا وقالت: المشكل الوحيد لي عندي هو الحساسية ونيفي وتتخنقني الريحة المجهدة(شافت فعينيه حيت هز كيشرب وتيشوف فيها)وريحتك نتا مجهدة هههه
منصور: حيدتها كااع!!ما نبقاش نديرها
سماح:(عوجات راسها فيه)ممم وتبقا زعما بلا ريحة على قبلي
منصور: ممكن ..مي نقدر ندير شي وحدة خفيفة
سماح:واهو كاينين روايح كيديرهم بابا وخويا خفاف على قبليي
منصور:(جغم قهوتو بهدوء)يعني كاع لي دايرين بيك كيديرو روايح خفاف
سماح:ممم وتانتا اديرها ههههه
منصور:حيدتها كااع هه هي بقاي على خاطرك
سماح:مممم اوا هاكاك..
هزات كاسها كتشرب منو تا جاتها الحكة فلحمها وحطاتو وبدات تتحك يديها من فوق الحوايح وتهضر معاه:فين غتحول؟؟
منصور:للمدينة..(شافها تتحك)مالك؟؟
سماح:فيا شي حبوب فلحمي دارهم لي دوا لي كناخد
منصور:شنو قاليك طبيب؟؟
بتاسمات ليه بتسامة خفيفة تتحك فجيهة عنقها:هههه حسابني نسيتي
منصور:ماخليتيش ليا فين نسولك..متسرعة بزااف
سماح:سي متسرعة مي تنمرض فراسي الى تجاهلني شي واحد
منصور:(ترخا على الفوتوي وجرها مقربها ليه وعينيه فعينيها)متجاهلتكش (عينيه كيتساراو عينيها)هي كنت مشغول سيتوو..
سماح:(وترها وبدات تتحك عنقها)حممم صافي دااز
شافها توترات وشد يديها باش تتحك شدها وقال:براكا من الحكان؟!
سماح:كياكلنيي(بعدات شوي)تا يدي مزوقة
شد يديها وطلع ليها الكم ديال تريكو لي لابسة بشوي وضرب فاقود منظر فحياتو
كانو يديها ماغلاضش بزااف عامرين قياسهم ولي زاد طين بلة عندها فيهم زغب..خفيف ورطب حيت عمرها حيداتو..واسود خفيف ..خلاه ابقا مفيكسي عينيه عليهم واخا فيهم حبيبات صغار من الحكة لي تتحك 
سماح:(حشمات وبغات تجر يديها)حمم منصووور
منصور:هااا(عاد توكد)مم مالهم هنا؟؟(لمسهم بحب تا ضرباتو تبوريشة)حمرين بزاف(بصوت هادئ وكتسمعو هي فقط)
سماح:(سرطات ريقها)حمم كياكلوني فليل وتنبقا نحك..ووو(توترات)وووو
شافها كي ولات وطلق من يديها وبسرعة نزلات الكم وقال:خصك تشوفي طبيب تجلد
سماح: لا سي نوغمال هي دوا لي دار ليا هاكاك

منصور (بعد سكات قليل )ايديك زوينين ..
سماح: (بتوتر)هااا 
منصور: مكتحيديهش ؟!
سماح: شنو هو؟ 
منصور (شد ايدها واشار ليها لزغب)هذا؟؟ 
سمااح: (تلفات)لا لا عمري حيدتو علااش ؟
منصور:جاك زويين معمرك تحيدييه 
سماح:(رتاحت)هه واش بصح
منصور(دوز لسانو على شفايفوو مبللهم وقال:عمري نكدب عليك المشعارة ..

ضحكات بخفة وحكات جانب عنقها بتوتر وهز ايدوو حك ليها فعنقها تهربات عنقها كضحك وقالت :منصوور ويليي 
منصور:(رجعها جنبوو ) ياك تيااكلك لحبوب نحكوو لزوينة ديالي.. 
كلمة خلات فمها مترع حلف يتجمع ليها.. كيححك بصباعو كيهرها ماشي تيحك 
سماح:(كتعوج فراسها)هههه هي بعد راك كتهرنيي ماشي كتحك هههه
منصور:(حاضي ضحكتها ومبسم معاها ومعوج راسوو ...بالنسبة ليه سمااح بحال شي نقطة فحياتوو مزهرة وموردة كتخليه ف جو الهدنة وميفكر فحتى حاجة خرا من غير يبقا بالو مرتاح فهاد دقيقة لي معاها )ها نا الالة نتي تعرفيي هه
بتوتر هزات قهوتها جغمات منها شوي تحت نظراتو المدبلة فيها خلاتها ماشي على طبيعتها 
حك على جبهتو وهز قهوتو كذلك رتاشف منها شوي وحطها باش يكمل تأملو فيها وقال:مالكي مبعدة غنااكلك 
سماح:هاني حدااك 
شد ايدها وشابك صبيعاتها مع ايدو وقال :داباا صفات لخواطر ؟؟ 
سماح:(بخجل)صفااات ههه مباقيش تعاود 
منصور:(هز حاجبو)ولا عاودت شنو غديري 
سمااح: انا طبعي هكا متسرعة ومكنحملش لي ميعطينيش قيمة وينخلنيي ...
منصوور:انا الالة قابل على هاد لمزاج ديالك (بضحيكة)ونتي قابلة على طبعي كيما اناا ؟
سمااح:علاه انا عارفة علييك شي حااجة !
تكا راسو مايل على الفوتوي تيشوف فيها براحة..هز ايدوو ورجع زغيبة ورا ودنها ورجع لحنكها تلمسوو بايدوو بلطف حناات عينيهاا كترمش من ايدو لي محطوطة على خدها ...


سماح(بجلسة كلها انوثة )فين كنتي ساكن قبل؟؟ 
منصوور:برا مراكش..عندي بتي فيلا تما
سماح :مزيان..وعلاش بغيتي تحول؟؟معجباتكش باقي
منصور: (شد زغبة من شعرها وبقا كيلويها على عنقو )كنبغي نبدل سيتو..(بغا يقلب الموضوع)اليوم معندك تا شي حاجة فليل؟؟
سماح:تأ لا عياانة والله(حكات عنقها وتتعاود ليه بعفوية وهو حاضيها بعيون كلها اعجاب)بغيت هي نرجع لدار وناخد شي حمام زوييين نسخن بيه عظامي ونتخشا بلاصتي وننعس ومنمشيش للخدمة هههه
منصور:ههه اتمشي للحمام؟؟
سماح:تأ لا..اندوش هي فدار..تعرف مابقيتش حاملة نخدم فالعراسات عيييت
منصور:خوك ماخدامش
سماح:واحد ولد الحرام هذااك هههه هي دار العرس هز مرتو وزاد سافر مخلي ليا هي العراساات 
منصور:الى رجع خودي بووز ترتاحي شوي..كثرة الخدمة كتعيي
سماح:واييه..خدمة العراسات صعيبة
منصور:(شد صبعانها تيلعب بيهم)تجي تخدمي معايا 
سماح:(بمزح)فاش؟؟(معوجة راسها)
منصور:تغداي معايا وتعشاي معايا
سماح:(بدلع)والفطور؟؟
منصور:(بمزح)مكنفطرش 
سماح:ههههه ولايني راك مسطي ههه مبايناش فيك ضحوكي
منصور:(كيحس براسو عيان وراخي راسو)شنو باين فيا؟؟
سماح:باينا فيك معفر هه مغرور وحاس براسك
منصور (تكعد كيحك فعينه)خاصني كارو باش نتوكد معاك (تغوه)
سماح:باينا فيك عياان؟!!
منصور:ممم(شرب من قهوتو وهي حاضياه)
سماح:نمشيو!!
منصور:(شاف فيها)بغيتي تمشي؟؟
سماح:(بلطف)بنتي ليا عيان بزاف..سير لدار وخود دوش..تعشا ونعس
منصور:(دار بتسامة خفيفة)ديري بحالي تانتي 
سماح:هههه انا واخا حتا نبغي ننعس منقدرش..جاي الياس ومراتو اليوم منقدرش ننعس بكري..غيبقاو مجمعين 
منصور:مزيان..(حك نيوفو بلباقة)نوصلك ياله ترتاحي شوي واخا
سماح:(بهداوة)واخا
طلب الحساب خلص وناض شاد فيديها وخارجين..وهي قلبها مرتاح من جيهتو حيت حزرها..كي طلعو للاوطو وهو يقول:مزيانين دابا؟؟
سماح:(بابتسامة كتصايب السمطة)مممم
منصور:نوصلك للمحل ولا دار
سماح:المحل بيت ناخد صاكي عاد نمشي للدار
منصور:واخا
تحرك سااكت مخرج يدو من شرجم تيتفوه..خصو كارو من لخر وهي صاقلة تستمتع بجلستها معاه الهادئة..هي وصلها وهي تقول:ياله بسلامة
منصور:انتسناك نديك لداركم
سماح:لا بلاش انمشي فموتوري حسن..سير تانتا رتاح مع راسك شوي واخا(بابتسامة عذبة خطفات قلبو)
بقا مطول فيها شوفة وهو يتنهد..مد يدو لبواط اكون لي قدامها جبد باكي تالكارو وبريكة وقال:نزلي ياله بغيت نكمي
ضحكات بعفوية وقالت:الحكاام نهه
منصور:(شاف فيها خاسر حيت خصو يكمي)وانزلي هه
هبطات دغيا وشيرات ليه بسلامة مزال ماسداتش الباب وهو يشعل كارو وستنشق اول دخان تا حس براسو رجعات فيه الروح..تبعها بعينيه تادخلات عاد تحرك كيحرك راسو منغم بكاروه

خطا طريقو عند نصف القلب الام ومن غيرها الانسانة لي كيتمنى يفيق شي نهار ويسمع منها الله ارضي عليك اولدي وخة حياتو سوداء هي شمعة مضوية دارو ولا طفاات ايطفا معااها
دخل لداروو ساكت كيلعب بسوارت مرتاح شوي..جلسة مع سماح كتريحو..تلاقا لطيفة خارجة من بيت مو وقال:فين لواليدة !!
لطيفة:دوشت ليها ونعسات ترتاح 
منصور:(كيهدر ومتوجه لبيت مو)شربات دواها فلوقت ؟؟!
لطيفة؛معلوووم الله اشافيها ليك 
دخل على مو بخطى صامتة قبل راسهاا وهيا مغطية ودرة على شعرهاا وخرج لقا لطيفة غادا لكوزينة وقال:بداو تجمعو فلحوايج جمعي ليها كاع حوايجها 
راضية؛ان شاء الله كون هاني

دخل لبيتو وبدا كيفسخ فحوايجو باغي هي دوش وصافي..حيد كلشي بقا صولو ودخل لدوش طلق الما وتخشا تحتو كيدفي بيه عظامو حال عينيه وشفارو فازكين..مد يدو هز شميوان دارو وهي طيح ليه فبالو وبقا كيقول تاهيا اتكون تتدوش درووك؟؟ولا تكون تتغسل شعرها..تيحك شعرو واخمم وعينيه حلف لسدهم تا حس براسو طيب شعرو بالحكان عاد رجع تحت الما تيشلل شعروو من شمبوان..دار جيل دوش وهز فوطة وخرج تيمسح شعرو بلوخرا والبال تشغله فقط صاحبة الشعر الخفيف فاليد#سماح..
جلس فطرف السرير تيمسح شعرو وتيتفكر منظر يديها..هو شخص مغاير تيكره النساء لي تيحيدو شعر يديهم..تيحمقوو شعر اليدين الخفيف ومع هي حروفها كحلين ..خلات غريزتو من جيهتها تنوض..مع العلم من قبل معمرو مافكر فيها بهاد شكل..لبس عليه حوايجو وتخشا ففراشو تيقلب على النعااس لي سرعان ماداه بكثرة التعب.
اما هي كيهزات مسائلها توجهات لدار كتغني حبيبي انتا وروحي انتا..لاحد قبلك ولا بعدك انتا.. ومفرنسة للخوا..لقات خوها جاا هو ومراتو..عنقاااتو وبقات جالسة معاهم جهد شي ساعتين وهي تضحك وتفرنس وواحد الفرحة فعينيها فشيشكل....لدرجة نسات تعبها..مناضت من حداهم تا تعشاو وغسلو الماعن
عثمان (مخاطب الياس)ياله سير نتا فحالك لداارك
الياس:(تجبد)ماغاديش اخويا..مابقيتش غنسكن بوحدي انسكن معاكم
زينب:(بفرحة)حلف حلف ههه
يسرا:(بحياء)الى مكانش تا مشكل اخالتي..انا صراحة من ديمة تتعجبني داركم حيت عائلة مغربية وكضحكو وتنشطوو بينا نعيشو معاكم مكاين لاش نفرقوو..
ناضت زينب تتعنق فيسرا وتعاود..رغم انها معارضاتش فكرة اسكنو بوحدهم لكن فكرة اسكنو معاهم فرحاتها كتموت فدار مجموعة
سماح:ولايهلا مزيان اختي..حسن نيت نلقا معامن نتوانس ههه
يشرا:ههه واييه
عثمةن:(دار فيها مقلق)واش انا بغيت نصدرك ونصدر ختك ونصدر تا كريمة ونبقا مع مراتي راس فراس ونتا لاصق ليا فف استغفر الله
الياس:(تخشا فمو)عاود رااسك انا منمشيش على مييي..ديك دار سير سكن فيها نتا
زينب:نتا راك تسطيتي اعثمان ههنه خلي ولادي حدااياا اعمرو علي
عثمان:ايييه اختي زيديني (ضحك)اسيدي مرحبا بيكم داركم هادي ابنتي ايسرا..بلاصك من بلاصة سماح
يسرا:(بخجل)الله يطول لينا عمرك اعمي
سماح:(تفوهات)الحاصول انا غنمشي ندوش وننعس عيييت
الياس:غدا الخدمة
سماح:(خسرات سيفتها)عندك نتا اخويا اما انا غنشد واحد سيمانا نرتاح فيها
اليلس:وايلي ههه عيييتيي
سماح:بيت نرتاح والله
الياس:واش انا حبستك ههه رتاحي ازين رتاحي..راك دخلتي الحصيصة هاد الوقت لي فاتت
سماح:(تتبوس فوالديها)تصبحو على خير
تمناو ليها ليلة سعيدة ومشات كي الحمامة تتمشا وتتحس بالحيوط تيقولو ليها منصور منصور..عضات شفتها ودخلت لبيتها تتفرنس قلبات تيليفونها مالقات تا رسالة منو..ومتقلقاتش حيت عرفاتو ايكون ناعس..هزات حوايجها من ماريوها ودخلات سخنات دوش وتتحط فشنو غتحتاج من مستحضرات للحمام..رغم تعبها لكن باش ختمات نهارها خلى تكون عندها طاقة رهيبة..سخن دوش وتخلصات من حوايجها ودخلات تحت الرشاشة تتفزك راسها وعقلها فيه غير هو..سبقات شعرها هو لول دارت ليه نص غسلة حيت تيعذبها وجمعاتو عاد جلسات دوزات صابون بلدي مخلط بعكر فاسي..بقات جالسة تتدلك لحمها بيه وساهية والبخار تيتكون حداها..دقائق ووشللات وهزات الكيس وبدات تتحك..تتخرج الوسخ بكل راحة تا حسات براسها سخفات وتتنهج..تخلصات من الوسخ مزيااان وشللات عاد نزلات شعرها للقدام كملاتو تا تغسل مزيان..دوزات جيل ديال الرمان وهزات فوطتها لواتها على جسمها الابيض وعلى شعرها..وخرجات على اقل من مهلها بكل انوثة خدات كريم ديال الفاني تتنشف وتلبس عليها وتدهن..تا كملات ولبسات بيجامة بيتية فالاحمر عبارة عن قميص و سروال ساتان خفاف ..زادت فشوفاج شوي على قبل البرد نشفات شعرها وذهناتو بسيروم ثم دخلات ففراشها بعدما لبسات تقاشرها والحنيكات حمرين..هزات تيلي لقاتو مصوني جوج مرات..دق قلبها مرات عديدة وهي تتعاود ليه الاتصال وتتعض فشنايفها..طايح عليها سر من الحمام..هو الآخر لس كان باقي ففراشو تيحك شعرو تاتلقى تصالها فتح الخط بصوت مبحوح:الو
سماح:عيطتي كنت فدووش؟؟
منصور:عاد دوشتي
سماخ:ممن مع جا خويا وبقينا مجمعين
منصور:مزيان..اوا بصحتك دوش..
سماح:يعطيك صحة..ونتا دوشتي؟؟
منصزر:ممم
سماح:كنتي ناعس؟؟
منصور:ممم
سماح:اتبقا هي مممم(بدات تتلغى بتسامتها)
منصور:وياله فايق اسماح راني عيااان(بتعب)
سكتات لثواني قليلة ونطقات بحنية:منصور واش عيان؟؟عندك شي مشكل؟؟عاود ليا نقدر نعاونك؟؟
منصور:(رد بسرعة)نوو با ديتو..هي مع رحيل سيتو..مكرهتش(تنهد)شي بلاصة نتنخوا فيها ونرتاح
سماح:مكاين ماحسن من طبيعة!!
منصور:(باقي مبوسر بنعاس)راني ساكن برا مراكش طبيعة دايرا بيا 
سماح:لا زعما(بهدوء وصوتها رقيق)شي بيك نيك هاكا زوين 
منصور (دار شبح بتسامة)هه بيك نيك..تمشي معايا؟؟
سماح:هههه والله تكنهضر بصح هه بيك نيك زوين 
منصور:وريحني زعما؟؟
سماح:مممم والله
منصور:اوا صافي غدا نديرو بيك نييك انا ويااك
سماح:(بفرحة)بصح!!نديو الماكلة
منصو: (بمزح)نديو ازين الماكلة للخلا تهه
سماح:هههه نمشيو صافي..معاياش؟؟
منصور:الوقت لي مناسبك
سماح:(كتفكر)مممم نفيق ونعيط ليك..انا مخداماش انرتاح
منصور: مزيان ليك..ترتاحي شوي راك عيييتييي
سماح:(عضات شفاها)مكاينش لي معيينيي قدك
دار بتسامة جانيبية وقال وهو كيلعب فكرشو: باقي ماشفتي والو
سماح:ههه شنو باقي مخبي ليا؟؟
منصور:كل خير ههه تعشييتي الخايبة؟؟
سماح:ممم ازوين..كليت ونتا؟؟
منصور:(نايض من بلاصتو)ياله اناكل ..
سماح:(بغات تدير فيها الرومانسية)نجي نطيب ليك
منصور (بجدية)نو مكاين لاش..نشوف شي وحدة من البناات هنا ايوجدو
قمعها تا ماباقي قدات..تا حطات يديها على جبهتها كتويل وندمات لاش قالتها ليه..وهي تصقل تاقال:ل الوو
سماح: وي معااك..
منصور:شفتك سكتي!!
ياله بغات تجاوبو سمعاتو تيعيط باسم شي وحدة..سترقات سمع تا قال:صايبي ليا صلاد داباا انا فصالة صغيرة
خ:داكوغ مونسيو
منصور :(مستأنف كلامو)الو
سماح:عندك خدامة؟؟
منصور:ممم ضروري..شنو كدييري؟؟
سماح:(تفوهات)ياله لقيتيني انعس
منصور: ياله سيري نخليك ترتاحي وغدا نهضرو
كانت كتسناه اشدها شوي بالهضرة ساعا سيد قاسح حرش..نطقات بخيية امل:تصبح على خير
منصور:تصبحي على خير
وقطع عليها لايح تيلي فوق الطبيلة وسرح رجليه تيرتاح من نعاس اما هي راه صدمها تا نعسات بلههلا يطريه ليها..جفاء فبرود فمعاملتو..مرة حنين مرة لا..
تحطات ليه لاسلاد كلاها كاملة وناض جاب كارو وبريكة كما ليه شوي عاد طلع لبيتو اكمل السهرة بسطيراتو كيف العادة
***
كيف لي ان اعلم كيف احبك؟؟
وانا تربيت في احضان الكراهية
***
شاد طريقو لوحدة من لمدارس ديالوو...دخل بشمووخ داير نضاضر شمسية وتوجه لبيروو ديالوو ..لكل كيخشاه مهيب وقاسح 
كانو جالسين قدامو جوج ترجاال كيذاكروو على اموور المدرسة والجديد والقرارات لي غيتاخدوها... كيسمع ببرود والقميع اللى قالو شي فكرة بليدة.. تكيندمو لاش توضفو فمدراستوو... باقي هدرتهم مستمرة.. تحل لباب بجهد وبان خووه صاعر وقال : اش كيسحاب ليييك راسك نتا؟؟ 
هز فيه عينيه ببرود ورجع شاف فالاطر لي جالسين حداه وقال ببروود: vous pouvez sortir
خرجو الاطر وبقا هو مريح ببرود..
خنزر فيه ونبرة صوتو فيها حدة وقال:مالك فهاد الدخلة ...اش كااين 
فتاح:واش نتا شويا لباس؟؟ كيفاش الطرد ؟
منصور:(ببرود)هي الطرد 
فتاح:(مغدد) كنحتارموك حيت خونا لكبير مكنبغيوش نخرجو معاك لعيب ....كيحساب ليك راسك معرت اش تكون فملك الله !! عندك عداوة مع باك اشنو درنا حنا؟
منصور: خرج فحالك تاحد مقاليك شي كلمة ولادك قريهم فينما بغيتيي الا لمدارس ديالي (أشار ليه لباب ببرود)سد معاك لباب 
فاتح:(خبط ايدو على لمكتب تاتزلع كاس تلقهوة )شفتي نتا حياتك عذاب..يمينا عمرك طفرو .....نتا مريض فكرك ومعقد خاصك طبيب يعالجك...عند بالك مطفرو دابا ؟ 
منصوور:(ساط النفس من منااخرو او وقف ) حياتي عذاب ولا لخرا خرجوو منها تاحد مقاليكم كونو فيها..وهاد الغوات لي تتغوت سير ديرو فوجه باك وعرعر على ديك القحبة تختك..
عبدو: انا لي حماار جاي عندك
منصور:مزيان ملي عرفتيها ودابا ديكاج ومتنساش تهز ملفات ولادك وتزييد 
عبدو:(مرضاش )شفتيي نتا عمرك طفرووو فحياتك ....اتبقا بوحدك واتموووت بوووحدك كي لكلب 
جروو منصوور من لكول لقاميجة وعض على فموو مغدد مباغيش يضرب وماشي من النوع لي كيدخل فصراعات وقال مكنزز على سنانو ):خرررج قود عليا نتا وخوتك وباك معنديي مندير بيكم (دفعو جيهت لباب )
عبدو:كتربي الاجيااال (باستهزاء فكاع الحالات ميهزش عليه يديه حيت خوه)دير لخير هي فرااسك وربيييه مسخووط واتبقا ديماا مسخووط....(حل لباب بجهاالة وقبل ميسدو رما السم من فموو ) بخر بمدارسك (مغدد)اخرتك ايدفنووك هي لمحسنين متلقا حتى لي يترحم عليييك ويسقي قبرك اسييي ران 
سد لباب بجهد مخلي منصوور لعرق فعنقوو كيضرب هز ايدو دوزها على عنقوو معصب وضرب كرسيي بجهدو تجابوو فلباب حك نيفو بصباعو ولعافية شاعلة فيييه دار ضحكة استهزااء كيهز فسوارت وحل لباب على جهدو تاتسد بوحدوو مخلي كلشيي كي شووف كاع الادارة سمعوو الحوار ...لمس هدشي فعينيهم وحركاتهم 
خرج من المؤسسة جمرة شااعلة خاصها طفا.. 

لكاروو ثم لكارو تم لكارو طريق كاملها مبرداتووش فيتاس واحد تالدار نزل مدردب وطلع لبيتو خبطوو ودور السارووت.. لاح لقااميجة بنترة ...تيليفونو كيصووني وكيصووني جبدوو بغا يطفييه ولقاها سمااح عض على فموو وجاوبها ..
سماح لي يالله بغات تقوول الوو كان هاجم عليها بصوت مرتاافع معصب وقال:لمرة جاية الى مجاوبتكش لتبقايش فارعة ليا مخي 
قطع ولاح التيليفون خلا سمااح مصدومة كتأكد..جالسة فبيتها ياله فاقت قالت نصبح عليه ونكونفيرمي الخرجة ساعا عطاها علاش تتقلب..خلى الدمعة تجمع فعينيها.. واش فعلا تقالت ليها ومامتيقاتش اش سمعات 
اما هو مشا لمجر جبد لخنيشة مزال جديدة باينة منصصة خواها وجبد لكارط كيشي ايديه كيترعدوو ونفسو سخون متعطش لرشفة منها... تهدنو وتكالمييه نتر اللولة وعاود الثانية مع وصلااتو لدماغ تبرد وتلاح على لفوطووي منشوور عينيه حماارو وتعسلوو ودقات قلبوو كانت متسارعة ..جبد لباكي تلكارو ولبريكة من جيبو وشعل واحد وجر الطبلة تزاج جنبو وهوا مستلقي كينتر
ويخرج الدخاان بهدووء عكس التوران لي دخل بييه..
****
كانت جالسة دايرا رجل على رجل لابسة نفس بيجامتها تالبارح وكتشرب قهوة كحلة..كتعض فشفايفها تقولي ليها سلام تبكي..شعرها مطلوق ناشف على كتافها ووجها باقي مبعص بالنعاس..
تتفكر فهاد الانسان لي ممعاملهاش مزيان..كيعاملها شوي مزيان شووي خايب..جلسات حداها كريمة هازا ميكة تجلبانة وشبكة بغات تنقيها..شعلات تلفزة وتتفرج وتنقي
كريمة:العوين فنصارة والجلاس خسارة..
سماح:(ساهية)
كريمة:(شافتها ساهية)واربيعة
شافت فيها وملامحها حزينين:نعام اش قلتي
كريمة:اهياتا(شدتت وجهها من ذقنها تتدورو)مال وجهك صفر هاكا كي زعفران تربعة..لا لا معاجباانيييش؟؟اش بيك اختي؟
سماح:(محاولة تخبي حزنها)هي العيا ديال الخدمة..
كريمة:بدوزيها علي؟؟هي قولي مالكي
سماح:(تنهدات وبحزن نطقات)علاش انا معنديش زهر😢😢
كريمة:لاش اختي تتقولي هاكا؟؟مالك؟
سماح:(دمعة لي عيات تخبيها طلقاتها)هءء هاكاك..مالي معنديش زهر
كريمة:(صدناتها )اويلي ودموع كااع مالكي؟؟شكون قاليك شي حاجة؟؟
سماح:هءهءهءهء(بقات حانية راسها وكتقطر فدموعها)ضارني قلبي
كريمة:ياكما بتجيك تاني ديك الويلة فففف(جراتها عنقاتها)الله يفتح عليك لباقيش تبكي..ويلي على معندي زهر..واش اختي لابسة ليا لبسة طالعا بعشرالاف ريال لفوق..عايشة بخيير تاتقولي معندي زهر
سماح: (مسترخية فحضن كريمة)اختي عييييت
كريمة:سماح واش شي حد قاليك شي حاجة؟؟
سماح:لالا تاحد ماقاليا والو..هي بغيت نبكي
كريمة:تبكي على عمرك ههههه نصايب ليك شي مسيمنات تقوتي بيهم قلبك؟؟
سماح:(بالفشوش)لااا
كريمة:نصايب ليك شوي تالبغرير 
ثقبي بيه قلبك
سماح:(ضحكات ومسحات دموعها)ههههه راه بغيتي ديري ليا الكوليسترول ههه
كريمة:ياخيري على ضحيكة..اسبحان الله مك خرات فالياس وولدات فيك نتي..امزينك بنية 
سماح:خهههه مسطية نتي(تنهدات)الحمد لله على كل حال
كريمة:ازوينة راه لي معندو زهر فهاد الزمان هو لي معندو ماياكل اما لي واكل شارب عايش لابس مستور راه بخييير
سماح:(باستها فحنوكها)وايييه هي المورال وصافي
كريمة:نقي هاد كيلو تجلبانة وشوفي المورال ههه
سماح:اري نعاونك
بدات كتنقي معاها ومجمعين وكريمة قتلاتها بضحك تا صونا تيليفونها بنمرة مكتعرفهااش..ستغربات وقالت:ايكون شي كليان
كريمة:اوا جاوبي ولا اري ليا نجاوب انا نشد معاه الناب
دوزات الخط وقالت بهدوء:الو
منصور:الزين
جا صوتو القوي فوذنها هو يزعزعها تاولى قلبها كيضرب بسرعة:شكون معايا
منصور: كاين شي واحد من غيري؟؟
سماح:(ناضت من حدا كريمة)شنو بغيتي؟؟
منصور:(يهدوء)بغيتك نتي!!ممكن ؟
سماح:(دخلتت لبيتها)لا مامومكنش..ياك كنفرع ليك مخك
منصور:(دار بتسامة خفيفة)واش دايرا ابونمون ليا هي بوحدي
سماح:(حساتو قمعها)صراحة نييت خاصني لعقل لي كنعيط ليك
منصور :فين وصلنا فلبكنيك؟
سماح:سير ليه بوحدك وماتبقاش تعيط ليا ..
منصور:مممم خرجي من دار نتسناك حدا المحل ديالكم
سماح:(بتحدي)مخارجاش ومتبقاش تعيط ليا
منصور:(دار بتسامة خفيفة عاجباه هضرتها)هي خرجي ومنبقاش نعيط ليك
سماح:(بالفشوش)بعد مني..مكتعاملنييش مزيان
منصور:انا راني سوفاج هه خرجي ازين نشوفك ورجعي..نعطيك هي شي حاجة
سماح:خلي حاجتك عندك..
منصور:واهي خرجي..عاجبك نبقا نحزر فيك ونتي معفرة
سماح:ونتا عاجبك نبقا نعيط ليك وضور فيا..اليوم ضرتي فيا غدا تسلخني
منصور:هه اش وصلنا لسليخ حنا..انسلخكك(مطولها)وسليييخ هو
سماح:(على نيتها)واحربووش مالي معندي راجال فحياتي
منصور:(باهتمام)رجالك كاملين لخصيهم فيا..وخرجي دروك نعطيك شي حاجة
سماح:غفففففف 
منصور:نتسناك حدا المحل ..
قطع عليها مخلي الكورة عندها..عارفها غتجي وتفوتها..بعدما تعصب عليها ونفح ليه شي سطيرات وكويروات رجع صافا ورجع معاه شنو قاليها..دخل بدل عليه ونزل لتحت لقا الخادمات لي كلف الشيفور ديال مو اجييهم باش انقيو دار واستفو كلشي جاو..وصى وحدة منهم توجد ليه اكل متنوع..

يتبع...

التنقل بين الأجزاء

صفحة القصة
سيتم تشغيل صندوق التعليقات بعد لحظات
معظم التعليقات تم إخفاءها بواسطة الفيسبوك، نحاول بكل الوسائل المتاحة إستعادتها في أقرب وقت ممكن.