شمس : واخاا واخاا اجي جلسي بعدا....تكات عليها داتها جلستها في واحد الكرسي تما و مشات طايرة تجيب ليها لمااء مع الخلعة منتبهتش لطريق يالاه اتقطع حتى سمعاات لكلكسووون على جهد غوتات بحر جهدها معرفات واش تقطع ولا ترجع منين جات بقات وقفا مصدومة الوسط..
عند سليم
جاي مكسيري لافاك طالق لموسيقى على حدها مامسوق لحد كيدنن مع ﻷغنية لحظة بانت ليه شي وحدة قاطعا طريق بلا مترد البال و شعرها كيتلاح عليها قاطعا بلا متنبه واش ضوو الحمر و لخضر عينيه خرجو عياا يحاول يشد الفران و والووو حتى سمع ضربة بجهد قلبو ضرب بجهد هادي هي لخرا ليه ....
هبط زاعف من لوطو ناوي على خزيت مداهاش في البنت لي طايحة ﻷرض خنزر فيها ضرب منها وفات مشاا كيقلب لوطو واش تقصت ولا ضربات حتى سمع صوتها وهي كتغاوت و تهلهل مرضاتش كاع ماتسوق ليها
شمس: واش عماا ماكتشوفش نت ولا شنو
سليم ماتسوقش ليها كاع
شمس : راه معاك كنهضر ابنادم واش عما
سليم : من نيتك ﻷخت شكون لي عما شايف ضو لحمر و قاطع
شمس كتقلب في طرمتها نطقان بلا شعور: اي طرمتي من صباح و هي كتضرب تفو على نهار
سليم خرج عينيه من جرأتها : بقات فيك غاطرمتك و لوطو ديالي
شمس كشكشات : ياكما بغيتني نصلحها ليك انا عارفا هاد نوع ديالك كيدير فيها لوطو ديالو ضربات باش نخلصها ليك وبربي متخد من عندي درهم ....
سليم بقا غاحال فمو وداير فيها داك شوفة ديال واش من نيتك
شمس : بقا تشوف فيا هكاك راه اصلا انا لي خاصني نطلب تعويض يدي تحردو
سليم : الله يعفو عليك
شمس كتنفض حوايجها : لعفو على لي تلفو
متسوقش ليها طلع في لوطو و كسيرا وفاش كان غادي عطاها فاك : بس ها تعويض....مع غميزة وكسيرا
شمس مرضاتش : خشيه فيك حمار كلب تفو على بشار
بقات تعاير غابوحدها نسات ملاك عاد تفكراتها و مشات كتجري جابت ليها لما و رجعات
بقاو جالسين كيتعاودووو شمس كتحاول تنسيها شويا.....
دازوو ساعاات...
كانت كتمشى بحال شي فراشة كتلبي طلبات زبائن وﻹبتاسمة مفرقاتش شفايفها كولشي حط عليهاا العين مع اول مرة يشوفوها.... وعاوتاني داك لبيسة لي عطوها برزات فورمتها عزلات ليها طغيمة و ليهونج كتبان قوقة وشعرها لحريري جمعاه لفوق كوتشوفال هابط على كتافها زاد من انثثها كتر شي لي كيخليها تلفت ﻹنتباه...دوزات نهارهاا كامل في الخدمة سالات ساعتها و لبسات حوايجها شدات طاكسي نيشان لدارهم مهلوكة مع مازال ماملفاش دغيا عيات.....
من بعد نص ساعة كانت
وصلات لدارهم حلات الباب على غوات منصور مع عائشة تنهداات و غمضات عينيها بعصبية عيات من هاد العيشة كل مرة صداع ووغوات شحال من مرة فكرات تهز مها و ختها وتخوي هاد الحي وهاد المدينة و كترجع تفكر بلي زنقة خايبة وصعيب تلقا فين يسكنوو وهي مازل ماعندها خدمة رسمية مازال كتقرا وحتى الى خرجات من الحي ومشات لشي حي اخر يكلوهم كلاب زنقة هنا في دراهم كيف ماكان الحال ماكينش لي يقدر يأديهم حيت عارفين منصور شكيسوا واخا ديما منكدها عليهم في دار ومحرر عيشتهم واخا هكاك ميدوزهمش بحال جبل واقف بينهم و بين كلاب زنقة ...
دخلات لدار حيدات سبطها لحتو باهمال هما غي شافوها سكتو بقات كتشوف في منصور بلا ماتنطق بحتى كلمة ظربات يدها في سكهاا جبدات 30 درهم عطاتها لمنصور بلا مدوي مافيها مايتصدع معاه ..
منصور كيقلب فيها : شنو هادي واش بنت ليك كنسعا
ليلى ببرودة : منصوور هي ليعندي فلوس طاكسي راه خديتيها و دابا قلب علينا عيانة مابغيت صداع
منصور خارج : صافي صافي بردي
عائشة: مشيا بلا رجعا انشاء الله ....بنتي على سلامتك نحط ليك تاكلي
ليلى : لا اماما حتى تجي شمس و نكلو مجموعين انا داخلا نتكا شويا عيت
عائشة : سيري الله يرضي عليك ابنتي
في العشية
في القصر
كان يالاه كيهبط من لوطو قدام لقصر لقاا كولشي كيتسنااه خصوصا غيثة غي دخل تلاحت عليه كتبوس و تعنق
غيثة عيونها مدمعين : توحشتك اولدي على سلامتك
عمران باس على راسها : الله يسلمك الواليدة
جا عندو باه تعنقو عناق روجولي
احمد : على سلامة السبع
عمران بتاسم : الله يحفظك الواليد
عمران : صافا كولشي مزيان
غيثة بفرحة: بخير ناقصنا غي نتا
عمران عاود باس على راسها .....
غيثة جراتو : دخل اولدي رتااح
عمران : فين البقية
غيثة : نور وسليم خارجين وعصمان مازال ماجا
عمران واماا ليها بالايجاب و دخل لقا طبلة وجدة غاطرطق كانو ايديرو لgووتي و خا مافيه مايكول دار لخاطر لغيثة و كيكل و يهضر مع باه في امور الخدمة وشركات حتى كملو ماكلتهم و استأدن منهم يطلع لبيتو يرتاح على مايجي عصمان و خوتوو صغااار .......
في الحي
عند ملاك و شمس
رجعين من لافاك وحدة مخشية في لخراا حتى وصلوو قدام دار ملاك وقفو كيتحتو شويا
شمس : صافي نسايه عليك اصلا مايستهلكش والله راكي عرفاني من ﻷول ماكنتش كنحملوو نسايه وربي غاجيب ليك لي فيه لخير اوك حبيبتي
شمس تنهدات و شدات ليها في يدها: ملاك حبيبتي شوفي فيا نتي صحتك على قد الحال ....حطات يدها على قلبها ...وقلبك مريض بزاف اختي يعني خاصك تنساي ومديري في بالك والوو حيت مافيهش لخير وانا معاك ديما
كان طالع فوق داك الحلبة بحال ديما نركز نظرو على داك للكيس لحظة تلاح عليه بالضرب بجهد كيتدرب كيوجد لواحد الكومبة قريبة ......بقا هكاك شي جوج سوايع حس براسو عيا هز تيلي شاف ساعة لقا 7 د لعشية ناض طلع لفوق هز فوطتو و دخل دوش دوش خفيف و قصد دريسينغ ختار سروال جينز مقطع كامل و تيشورط كحل و ضرب كويرو لفوق مع كااط كحل وكاسكيط في نفس لون وهز كونطاك و هز تيلي دوز ابيل
عصمان : اشتماا كاين شي جديد
الشخص :بحال ديما اسيدي
عصمان : رد ليهم البال مزيان عينك عليهم
الشخص: كون هاني اسيدي
قطع معاه و خرج ركب في لوطوو و كسيرا نيشان لقصرر ...بعد مسافة د طريق وصل يالاه اينزل من لوطو حتى صونا ليه تيلي بتاسم ابتاسمة جانبية
غيثة مكشكشة عليه : فينك ماغديش تجي ياك اعصمان يااك
من بعد ما خرجات من عند خوهااا وهي فرحانة بشوفتوو بزاف ....سمعات صوت تيليفونها كيصوني ليها جبداتو وشافت شكون قلبها ضرب بالفرحة عضات على شفايفها .....و شافت يمين و شمال دخلات لبيتها بزربة سدات عليها و جاوبات
نور عينها كيبريوو : الو حياتي
.....: الوو حبي صافا
نوور:الحمد الله احبيبي ونت
...... بخير ...
نور : توحشتك
......: تانا توحشتك احياتي فوقاش نشوفك باش نكلك فوقاش همم
نور عضات على شفايفها بالحشمة : مكرهتش نشوفك دابا مي....
خرجات الفرحة كتبان في عينيه تلقات مع عمران يالاه خارج من الجناح ديالووو هبطو بجوج ....
لتحت ...
كان كولشي مجمووع جالسين حتى سليم كان تما كانو كيتحتوو في امور بالخدمة والبيزنيس... حتى شافووه هابط بكامل انقتوو غي بي كيطمة سبوور و صندلة د سبع كيجر فيهاا ...
عصمان وقف : العود عاش من شافك
عمران وصل عندهم : العشير صافا
تعانقوو عناق روجولي وحتى سليم سلم عليه بقاو كل واحد كيسول في احوال لاخر جلسووو مع باهم كيهضرو...... اما غيثة مشات هي و نور يعلمو الخدمات باش يوجدوو العشاا .......
بلاصة اخراا
وسط المدينة....
جالس كيشرب في كاسووو وكينتر مرة مرة من سيجار لي في يدووو مركز نظروو على واحد صورة كبيرة مقابلة معاه فيه رجل كبير شوياا ولكن باقي شاد في راسووو .....
هز واحد سهم ورماه على صورة جابوو في راس داك راجل ...طلق ضحكة شيررة بجهد ونطق بحدة .....
الشخص: قريب قريب نهايتك على يدي اناااا مابقاش بزاف ...........
نمشيو لحي
من بعد ماوصلتها شمس ومشات فحالها دخلات لدار قلبها ضرها عرفا شنو كيتسناها يالاه حطات رجلها في الباب قفزاتها بصوتها
كريمة : اتبارك الله على زينة لبنات
ملاك حدرا راسها : سلام اخالتي
كريمة : يخوي لمك جناب فين كنتي حتى لهاد الوقت الق**
ملاك : في لافاك اخالتي
كريمة خنزرات فيها : دخلي غسلي داك لماعن و طيبي لعشا
ملاك : ياك ليوم نوبة في ختي راضية
كريمة : بنتي راضية عرسها قريب وخاصها تهلا في راسها
ملاك حسات موس تخشا في قلبها كانت غاتكون هي لي كاتوجد لعرسها كون ماغدرهاش شافت دموعها ايفضحوها مشات كتزرب لبيتها : واخا اخالتي نمشي نبدل ونجي
كريمة خنزرات فيها وزادت
مشات على سعدها وعدها قدات لعشا خلاتو يطيب و غسلات لماعن ووطكرطات ديك الكوزينة و حطات ليها تكل بوحدها مافيها ماتشوف كمارتهم عارفهم ايبداو يهضرو على العرس و مغاتقدرش تحمل وغايهبطو دموعها قداهم سالات وحطات ليهم لعشا بقات حتى سالاو جمعات طابلة و غسلات ماعن فاش تعشاو ومشات لبيتها تخالي دموعها يهبطو في خاطرهم
في قصر ﻹبراهيمي
جالسين مجموعين على طبلة العشا لي كيترأسها احمد كيتعشاو في جوو من ضحك لي خالقو غا سليم ونور اما واحد عمران غي رابطها قليل فاش كيبتاسم هو عصمان
سليم ضرب نور وهرب من بعد ماكانو سالاو عشاهم....تبعاتوكتجري
نور :وقف والله حتى نقتلك ليوم
سليم : سيري بحالك ازمر راه اتكليها في جنابك
احمد حركو راسو يمين وشمال كيضحك على هبالهم و ناض ستأدن انه عيان غيطلع لبيتو
غيثة تاهي وقفات معاه ونطقات
غيثة : الدراري راه قادينا ليكم ﻵجنحة ديالكم الى بغيتو شي حاجة راه كلثووم هنا
تنهد تنهيدة طويلة كتبين انه هاز كمية كبيرة ديال الحزن ولهم ...جبد تيلي دخل بلاصة تصاور كيشوف في تصورها كتبان فرحانة معاه ...غمض عينبيه بجهد ورجعات بيه ذاكرتوو 3 سنين قبل.
كان قدام باب درهم متكي على طوموبيلتو معرفش راسو كيفاش حتى وصل عندها ولا امتى جاا هنا تنهد تنهيدة طويلة وجبد تيلي من جيبو صونا ليها تهبط عندو
مدة قصيرة بانت ليه جايا كتجري غي بيجامة في الغوز بيبي فرحانة كضخك وسط دموعها كان نيفها حمر بالبكا شعرهاا كيديه ريح شفايفها كيرجفوو......تلاحت عليه معنقاه مزيرة عليه بحالا كتقولو متخلينيش عافاك
اروى كتبكي على صدرو كدوي بهيسترية: كنت عارفا مغاتخلينيش كنت عارفا تانا منقدرش نعيش بلا بيك را نموت و تخليني نمووت اعصمان حتى نت مصبرتيش احياتي تانت توحشيتني يااك
عصمان زفر كاره راسوو قصح قلبوو بزز منو و دفعها كيبعدها عليه : اشكتخربقي نتي حنا سالينا صافي شي حاجة سميتها حنا مبقاتش سالات ضرب على يديه بجهد ...
اروى مسحات عينيها بعجرفة ورجعات شدات ليه في يدو كتشوف فيه بتحدي : لا غاكتكدب نت كتبغيني مايمكنش تسمح فيا بهاد سهولة شوف فيا انا حبيبتك واش نسيتي حنا مخطوبين وقريب نتزوجوو
لمسكينة بحالا تكب عليها سطل ديال ماابارد غات تكدب شنو سمعات ولكن لحقيقة هي هادي بزز باش نطقات مازال مامتيقة راه هذا عصمان حبيبها لي كيموت فيها لي دار لمستحيل باش تكون ليه هو لي كيهضر :ك ت كتبغيها شكون هادي.... شوف عيني وقوليا كنبغيها
غمض عينيه بجهد و شاف عينها مباشرة : اه اروى كنبغيها وبزاف وسمحلياا
شافت فيه بخيبة امل وقلب مكسور : واناا اعصمان شنو ذنبي في هاد شي كامل
عصمان ببرودة : مالك نتي .؟؟ اروى ختي الله يسهل عليك...
دراات فيه واحد شوفة تهرس لقلب خلاتو يكره راسو كتر ماهو كارهو شويا كان اينسا كولشي ويجرها لحضنو بزز باش تحكم في راسو شافها رجعا فحالها هو ينطق بلا هواه
عصمان : اروى
شافها راجعا اتمشي بحالهاا هو ينطق بلا هواه نطق......
عصمان : اروى
اروى حسات بقلبهاا تهزز تمناات في هاد لحظة يجرها لحضنو ويطلب منها سماحة ويقولها اجي عندي غي ضحكت معاك المشة ديالي بحال ديما ظارت عندو بالعرض البطيء :شنوو باقي مازل
عصمان جرها عندو و هز ليها يدها وحط فيها الخاتم لي كانت هداتو ليه في خطبتهم شاف فيها ببرودة : مبقاش ديالي عطيه لي يستهلو.....
شافت فيه بعيووون دامعا و نظرة مكسورة زيرات على الخاتم في يدهاا : اه شكرا
ومشاات كتجري حتى وصلات لدارهم دخلات نيشان لبيتها سدات عليها تلاحت في فراشها كتبكي وتشهق وتغاوت ربي لي خلقها كتحس بقلبها ايوقف عصمان كيعني ليها بزاف عمرها ضناتو يغذرهاا هاكا بغات تحماق ....
عصمان غي مشات جاه اتصال
جاوب بلا مايشوف بقا كيدوي على كرز على سنانو كيحس بالعافية شاعلة في قلبوو ضرب رجلو مع ﻷرض معصب.......
زف بتيلي في لوطو وطلع كسيرا غادي بأقصى سرعة خلا غي العجاج موراه خايف لايضعاف و يرجع عندها و يعاود ليها كولشي و يكون هو سبب موتهاا الى وقعات ليها شي حاجة عمرو يسمح لراسو حس بالماضي غايتعاود و القدر غايلعب لعبتو .... وتفكر باها فاش جا عندو كيبكيي و كيطلب فيه يبعد منهاا شي لي خلاه يزيد يقصح قلبو كتر...... دازو ايام وايام واروى مدمرة حتى قرر قادر باها يخرجها خارج البلاد باش تنساه في مرة..... قالها لعصمان وفقو رأي منها حتى هوو يقدر ينساها و يبداا حياتو من جديد ديك ليلة نفسها عيط ليها خرجات عندوو كان باغي يشوفها ﻷخير مرة..... ولبيقية راكم عرفينها كانت اخير ليلة بيناتهم... تما كسيرا نيشان الكباري ديالو دوز ليلة كاملة تماا بقا هكاك مدة طويلة غي شراب ونعاس لذرجة ولا كيتدروكا باش تمشي من بالوو فراقها جاه صعيب.....
قاطع افكارو صوت تيلي كيصوني ليه شاف شكون ستغرب جاوب بزربة ماكي صوني ليه هاد رقم حتى كاتكون وقعا شي حااجة ....
قطع معاها وركب طومبيلتو وكسيرا مخلي لعجاج موراه ....
هكاا داز شهر على ابطالنا
كل واحد وفين لاحتوو الوقت كل واحد همووو وكل واحد وشنو شغل بالووو..... كاين لي عندو مال ذنيا و قصور الملووك ومعندووش راحة بال و الهناء كاين لي ماعندوو لا راحة البال لا فلوس الفقر قاتلوو وهدوو وكسر جنحيه وكاين لي مابغا لا فلوس لا حتى حاجة بغا غي يرجع ليه القلب الحنين نبع الحنان و مصدر ﻷمان ﻷم و ﻷب تحرم منهم من صغروو وتيتم وبقا وسط دياب كينهشوو فيه كيف بغااو..... وكاين لي معلابالوش باغي غي يزهاا و يضحك وضارب دنيا بركلة ..... اودي كيف كيقولو ناس القدام حتى واحد مالقاها كيف بغاها ونخليوها على مولاناا حتى يفرجهاا من عندو.......
عمران هاد شهر داز عندو غي في الخدمة مرة يكون في لقصر مرة يكون في دارو كيشغل راسو بالخدمة و البيزنيس لي ماكيتسلاوش كيدوز وقتو في شركة على ماتبدا لخدمة ديال بصح لي مابقاش ليهاا بزاف.....
عصمان حتى هو هاد شهر داز عندو غي في تداريب بحكم قريب غايلعب كومبة مع واحد البطل علامي خاصو يوجد ليها مزيان ....
سليم صغير عائلة ﻹبراهيمي هذا عكس خوتو ديما ضاحك ونشط مامسوقش و ضرب دنيا بركلة عاطيها غي لنشاط و زهوو وكل نهار مصوراه صحافة مع بنت في شكل كل مرة مصادع مع احمد شوهوو مع العائلة وصحاب .....
نووور البنت الواحدة بين 3 لدراري في عائلة ﻹبراهيمي عايشة بحال ﻷميرة وسط خوتهاا ....و كل نهار كتزيد تعلق بمعشوقها وحب قلبها ﻷول و ﻷخير علاش ماتعلقش بيه وهو مشبعها حب ودلال ....ديما كيجبد معاها موضوع تجي عندو لدار .... وكترفض بحجة خوتها ايشكو فيها كتقولو حتى تلقا الفرصة و تجي عندو حيت بصح الى عرفوها على علاقة مع شي واحد نهارها ماطلعش فيه شمس .....
اما بطلتنا ليلى ...
دوزات ايامهاا في الخدمة ومرة مرة كتمشي ضرب طليلة على لافااك مع البنات ....ملات نكير مها مع باهاا لي مكيتسالاش نهار على خووه.. كرههاا في رجال و مايجي منهم بعد لمرات كتبغي غي تهرب تمشي لشي بلاصة بعيدة تبقى بوحدهاا كتحس بحمل الذنيا والذين كامل على كثافهاا قرايتها وقرايت ختها و مصرووف دار كولشي ولا منهاا خصوصا من بعد ماجلسات عائشة من الخدمة عيات و تهدات خالتها على مولانا حتى يفرجها من عندو.........
شمس حتى هي غي لافاك و دوران هي واحد زوافريا صحابها عطينها غي لزابابيل والمصايب ومرة مرة كتمشي ...... هاكا دايرا شمس مامسوقاش العالم لي بغا يربح العام طويل ........
ملاك المسكينة تقهرات و تهدات محيلتهاا لكريمة وبنتها لي ماكيساليوش محليتها لقرايتهاا و ولا محيلتها لقلبهاا لي نهار على نهار كتحس بيه كيضعاف وكيتبخر حتى الدواا مابقاش عندها باش تشريه وغذر سمير ليها زاد كمل على مابيها حتى كتقول نساتوو كتجي راضية تفكرها فيه وتوريها لكدواات لي مغرقها بيهم عرسهم قرب هادشي لي زاد مرض ملاك ...... نهارها كيدوز غي من لافاك لدار لتمارة نيشان دايرها كريمة بحال الخدمة منها كولشي والى غلطات غي في شي حاجة بسيطة نهارها كحل مشات ميمتها لي تحن عليها مشاا باها لي يحامي عليهاا بقات الله كريم كتحس بقلبها عمر كتمشي عند خواتتها ليلى و شمس ميمتها ثانية عائشة تكا على ركبتهاا و تبكي وتشكي عليهاا حتى تحس براسها رتاحت عاد تجمع الوقفة وترجع لدارهم......
هاكاا داز عندهم شهر طايرررر .........
نهاار جديد و صباح جديد
على ابطالناا
ليووم ليلى بحال ديما فاقت بكري بحال ديما قضات حاجتها و لبسات حوايجهاا لقات عايشة كلعادة موجودة الفطور جلسات فطرات شويا وودعات مهاا و خرجات متجها لخدمتهااا بعد مدة قصيرة وصلات مع ذخلة كتبان ليها دنياا مقلووبة والريسطو خاويا... بانت ليها وحدة خدامة معاهم
ليلى بتكبر : سس زين اشواقع
البنت طلعاتها وهبطتها : اوووه على ماعرفاش
ليلى حتى هي طلعاتها وهبطاتها ودوات بميوعة : لاءح باش غانعرف
البنت :امم غدا بليل كاين شي حفلة دايرها مول لغيسطوو على قبل شي صفقة يمكن وخاص كولشي يكون هو هداك
ليلى :امم اوك مغسي
مشات لبنت و حتى ليلى مشات لبساات حوايجها وتوجهات لخدمتهااا بان ليها كولشي كيقفقف و مخلوعين غي بوحدهم عرفات انها اتكون شي حفلة مهمة هزات كتافهاا بلا مبالاة و مشات تدير شغالهااا .....
عند شمس
لي فاقت على صداع باهاا بحال ديماا خرجات عطاتو كليمات بحال سم حتى خرج كيعير و يسب سدات الباب و رجعات دخلات لبيتهاا مشات لحمام قداات حاجتها و لبسات حوايجهاا وفطرات حتى هي وباست لمها راسها ومشات عند ملاك يمشو لافاك .....وصلات لدار صونات ليها في تيلي جاوبتهاا بزربة
ملاك : شمس صباح الخير
شمس :صباح النور زيني هبطي راه كنتسناك
ملاك : هانا هابطة تسناي
دغيا هبطات عندهاا بعد ماكانت وجدات لفطور و خملات دار عاد خرجاات شمس شافتها جايا بقات كطلع و تهبط فيهاا جاتهاا مسكسفة على الحالة كتر من لازم
ملاك غمضات عينيها : اووف ازمرة غب ليووم غايجي سمير و عائلتو لدار يتفقو على ضريب صداق الله يعطيهم ضربة كاملين
شمس : ونتي لبستي وتقاديتي باش يشوفك ويقول عايشة حياتها دغيا نساتني
ملاك : هااح كتفهميني احبي
شمس : اجي عندي نبوسك هاكا نبغيك ولكن الفكرة ماشي ديالك احبي يااك
شمس صغرات عينيهاا : همم ديال لفعة ديال ختي اقولي
ملاك تمشات قدمها : لا لا اويلي
شمس بشك : زيدي زيدي حتى مانوكنش كنعرف ختي وافكارها
ملاك بضحيكة: زيدي غانتعطلو على داك شارفة
شمس: تفو زيدي....
مشااووو مرة مناكرين مرة ضاحكين حتى وصلو لافاك
في قصر ﻹبراهيمي ....
كانوو مجموعين على طبلة لفطوور لي مترأسها احمد و في جنبوو غيثة كانو كولهم جالسين الا عمران لي مشااا لخدمتوو بكري و سليم لي كان سهران ليل كامل صبح جابد عليها بنعسة ....
سليم كان غارق في نعاس من بعد ليلة لي دوز البارح مع عشرنوو سهروو ماكين غي البنات و الشرابات هخخ ..... كان لايح كل رجل في قنت لابس غي شورط ....فمو محلول و يديه طالقهاا ﻷرض هابطا من ناموسية خاشي راسو في لمخدة حتى كينوض قافزززز على غوات غيثة معنق مخدتو معرف راسوو باش تبلا رسوو مشعكك كيحك في عينو مازال مابوق
غيثة دخلات و زدحات موراها الباب كتغاوت : سليم يا سليم واش باغي تقتلني ولا شنوو
سليم كيحك في عينيه : مالنا اغيثة شنو درت تاني
لاحت عليه جورنال شدو من عندها كيقرااه بالمقلوب و عينيه كيتسدو بنعاس حتى طارت عليه شداه من شعروو و روتوو فضيحتوو و شنوو كاتبين عليه كانت مصوراه صحافة في وسط لابواط مدور بيه موصيبة ديال البنات كيلوم عليهم الفلوس.... كان محيح معاهم حالتو حالة ......
غيثة : لا عندك زهر شفتو انا ﻷولى كون ليوم قلب دار فوق راسك
سليم باسها في خدها : يخليلي حبيبتي انا لي ديما مسترة عليا
غيثة : اخر مرة غي بعد مني ....(دارت خارجا بحالها ).. يارب تصبرني ياربي تصبرني مع هاد الولد ....
سليم غي خرجات مشا زدح الباب و لاح جورنال : ناري موصيبة هادي تفوو على زهر....
مشا لحمام كينكر صحافة مبغاتش تبعد منوو عارفاه هو مول زبايل فينما مشاا كيتبعوو شي واحد فيهم حتى يلقا عليه شي بلان موارق و يحطوو ويخلي احمد وغيثة ايمموتو بالفقصة.......
بلاصة اخرااا
في شركة من اكبر شركات لي كاينين في المغرب .....جالس بكل هيبة وشهامة مركز كيوقع في شي ورااق كيقرا ويعاود ماكيتيق في حتى واحد خدمتوو يوقف عليها بيدووو حتى فاش كان في سويسرا كانت كاملة كتوصلو حتى لتمااا واخا مكلف ولد عموو كيبغي يعاود يتأكد بقا خدام عليهم حتى تحل عليه الباب على غفلة ....مهزش راسووو و نطق ببرودة
عمران : ماعلموكش دق الباب
عماد بضحيكة: اسمحلينا اسيدي
عمران : رجع دق وعاد دخل
عماد : أءء
عمران قطعو بحدة : راه دويت
عماد خرج ايموت من القمعة : دق وعاود دخل
عمران شاف فيه و طرطق عنقوو : سمعتي دخل لا هاد المرة ندوزوها هانية ....
هبط عينو وكمل هضرتو : قول اشباغي و لمرة جايا تعلم دق
سعد ملقا مايقول كيحدهم ليه عمران بحال ديما : هااءء
عمران بجدية : سعد غارق خدمة كنقاد في خدمتكم زينة خرج مامسليش
سعد مرضاش وقلبها ضحك زعما : نخاليك منبرزطكش اولد لعميم حتى دوز عندنا
عمران ببرودة : انشاء الله
سعد خرج وعمران رجع كيكمل خدمتو معرفش علاش ماكيرتحش لعماد كيجيه في شكل ماكيتيقش في هاد نوع بمرة ماكينش لي مصبرو من غير سعد لي كل مرة يلقا عذر لعماد انوه يتيم و ماعندو حد والى خرجوه من الخدمة ماغيبقا عندو والو دار لولد عمو خاطروو حتى يشوفو فين غايوصل اصلا دابا هو رجع وايشوف كولشي كيوقع في شركة
عماد و سعد صحاب بحال لخوت مخدمهم عمران عندو في شركة
في لافاك
شمس : متأكدة راكي بخير
ملاك : اه احبيبتي بخير غي عيت وصافي
شمس: اجي بعدا خديتي دواك ياك
ملاك ضحكات حتى بانو غمزاتها : يخاليلي لي تخاف عليا ....وحبي راه قلت ليك ضرني راسي ماشي قلبي
جالسا بوحده كتسنا لوقت يوصل باش دخل المحاضرة ثانية ملات بوحدها ناضت بغات تمشي لكافيتيريا تجيب كافي تشربها باش تصحصح شويا دخلات طلباتها حطاها ليها لولد لي كيسربي تما هزاتها و كتشوف في تيلي يالاه جات تضور حتى كتحس براسها تزدحات مع شي حيط زعما صدر قاصح كفحات عليه كاع داك القهوة وكتابها طااح هزات رسها تشوف شكون حتى كتصدم وكينطقو بحوج في دقة
سليم شمس : نتاا" نتي
شمس بعدات منو شادا في راسها : عاد زدت تأكدت راك بصح عماا ﻷخ
سليم خنزر فيها كيشوف في حالتو عامر قهوة: فااك على زهر (بالغوات ) واش نتي عامية
شمس خنزرات فيه تاهي وكتشالي بيديها ورجليهاا: بزاف عليك عامية العما هو نت وو
سليم طلعات ليه الخز : بلا بلا فيك الهضرة بزااف سكتينا و اعتذري راني مزروب قبل ماندير فيك شي خاجة
ضارت بانت ليه كافي اخرا محطوطة فوق طابلة تماا خشات تيلي في جيبهاا و هزات كتابهاا بالخف و خدات داك الكاس لي تما و قلبتو فوق راسو.....
شمس تفكرات نهار عطاها فاك وقال ليها تعويض كيف داير بتاسمت بشر حسات براسها رجعاات دقتها : هاالاعتذار كيف داير يالاه تهلا اساط
عطات رجليها ريح سليم حل عينيه من صدمة مرضاش حتى هو ماشي من العكزين تبعها كيجري و يتحلف عليهاا هي تجري وهو يجري سخفاتوو دخلات ليه وسط دروبا تلفاتو و ضرب رجلو مع ﻷرض ورجع فحالو كيتحلف ويعاود ايشدها ايخرج فيها كاع هاد تبرهيش هخ اما شمس كانت مخبية ليه غاتما شبعات عليه غاضحك
شمس : تفو سخفني ولد الحرام ناري كون شدني كون كواني هانا لكيليمني لاخر
نافضات حالتهاا و مشاات رجعا لدارهم دارت بناقص من شي قرايا خافت ترجع ويشدها يفرج فيها ديك ﻷمة....
عند ليلى
نهار كامل داز عندها غي خدمة حساات براسهااا عيات بجهد هاد نهار كانت عندهم تمارة بحكم الحفلة لي غاتكون غدا في ليل جاين ليها غي شكون و شكون و شاف نهار كامل وهو يوصي فيهم ماخاص حتى حاجة تكون ناقصة وراهم شنوو يديرو غداا كل واحد كلفوو بحاجة ....
سالات خدمتهااا و لبسات حوايجهاا مشات لدارهم لقات مها وختهاا كيديروو في العشااااا سلمات عليهم و مشات دوشات و لبسات بيجامتها و خرجات عندهم حطوو لعشاا تعشاو في جوو ضحك و نشااط وناضوو كل واحد يمشي لبلاصتوو ليلى توحشات ملاك صونات ليهاا معجبهاش صوتهاا سولاتها قاالت ليها غي مع كريمة عرفاتها كتهرب ولقضية فيها سمير عوتاني خلاتها على راحتها حتى تلاقاها عاد اتسولهاا كملات معاها الهضرة و قطعات جبدات عليها بنعسة .....
شمس حداها غي كتفكر سليم و تفكر شنوو دارت فيه كتفرشخ بضحك عاودت ليلى كولشي تاهي ضاحكات على هبالهااا وفعايلها وحدراتها تبعد منووو لايمشي يدير ليها شي بلان هاكا دازت ليلتهم .....
بلاصة خرااا
نووور جالسا كتموت بالضحك على سليم لي من جا قبيلة وهو معصب مرضاش ومتسرطاتش ليه عاود نور شنو وقع ليه تفرشخات عليه بالضحك نهار كامل وهي شاداا فيه حتى جراا عليهاا
كل واحد ونيتوو وكل واحد وقلبوووو شي ناوي الخير و شي ناوي شر كاين لي الحب و الهوس عامي عينيه وكاين لي الحقد و الكره و ﻹنتقام هو لي عامي عينيه وربي كل واحد كيخلصووو على قد نيتوووو.........
عند عمران
من بعد ماسالا خدمتووو مشاا لداروو يرتاح دخل دوش وجلس في شرفة كيشرب قهوتووو وكينتر مرة مرة من كروه صوناا ليه تيلي هزوو و جاوب
عمران : مالنا اشكاين
نزاار : اسلامة ياربي ديماا كاعي طلقها العشير
عمران بتاسم : هادشي لي عطا الله
نزار : اودي قابلين عليك ...فين شادها بعدا
عمران : دار ....شي خريجة ..؟
نزار : الرضا داك شي علاش صونيت ليك مهم شي ساعة نتلاقاو عند عصمان في لبواط
عمران : صافي واخا شويا نكون عندكم
نزار : غانتسناوك
عمران : يالاه تلاح
نزار: الله يكبر بيك اولد ميمتي
عمران بتاسم و قطع معااه ....ناض قصد دريسينغ لبس جينز كحل مع تيشورط و كويرة و كاط و كاسكيط في نفس لوون هز تيلي و الكونطاك وخرج ركب في ديكا بورطابل ديالو و كسيرا مسافة طريق كان وصل تلاقا نزار حتى هو في كامل اناقتوو متكي على لوطو كيتسناه....... نزار صاحب عمران و عصمان روح روح صديق طفولة ديالهم كانو مع بعضهم في الحلوة و المرة و كيعتبروه واحد من العائلة وعزيز على احمد وغيتة ..
نزار : على سلامتو ...
عمران خبطو في كتفو : زيد و سكتنا
دخلو كيتمخترو في مشيتهم قصدو طابلتهم ديال ديما...
نزار كيقلب على عصمان بعينيه : واحد سبع مابانش ليا
عمران شير لواحد نادل تما : سس عصمان فين
ناذل : مرحبا اسي عمران سي عصمان نهار كامل ماجاش ليووم
نزار : صافي واخا سير و جيب بحال ديما
ناذل : مرحبا سيدي
عمراان هز تيلي صونا ليه
بلاصة خراا
كان جالس مقابل معاها كيشوفها من زاج ... جثة هامدة فمها بيض ومقشر مالبسا والو مغطيا غي بيليزار بيض عامرة خيوطة و كيتسمع غي صوت ﻷجهزة طيط طيط قلبو كيتقطع عليها كيحس براسو هز جبال دنيا فوق كتافو كيلوم راسوو حيت خلاها البارح بوحدها كون يسحاب ليه اتعاود تجيها هاد لاكريز مايخليهاش تنهد تنهيدة طويلة و تكا على زاج ساهي
فيقووو صوت تيلي في جيبوو تنهد و فتح الخط
عصمان : العشير اشتما
عمران : فينك مابنتيش ليا هنا
عصمان :راك عارف اشكاين في لابواط نت ..؟،
عمران : اه انا و نزار
عصمان : شحال ماسهرنا ...هانا جااي عندكم
قطع معاه ودوز ابيل
عصمان : شنو كيدير
شخص :كيلعب اسيدي
عصمان عقد جاجبو : كان خاصو يكون ناعس دابا لا
شخص : عينا معاه اسيدي قال خاصو نت
عصمان :خاول معاه دابا نجي
شخص : واخا سيدي
قطع معاه وخرج ركب لوطو وكسيرا
في الحي
بعدما رجعات من لافاك بكري لقات كريمة جمع عائلة سمير مو وختو ومرت خوه عرضاتهم عندها كيتفقو على شنو يديرو في العرس حسات بغصة في قلبها ... راضية كل مرة تلوح ليها كليمة على سمير بحال سم واخا هكاك مابيناتش وكملت معاهم نهارها عادي حتى وصل وقت لعشا وهما مازال تعشاو معاهم.....شويا سمعو دقان في الباب ملاك صيفطتها كريمة تفتح
غي فتحات الباب هزات راسها جات عينها في عينو هو غي شافها تبلوكا كانت كتبان غزالة مازال بي لبيسة دصباح جاتها فنة
سمير نطق بلا هواه : م ملاك
طلعاتو وهبطاتو بحقد سمحات فيه ودخلات لبيتها سداتو عليها صونات ليها ليلى هضرو شويا وقطعات معاها مشات بدلات حوايجها تخشات في فراشها وطلقات لعنان لدمووعها كتبكي و تشهق و تسد فمها باش ميسمعوهاش حسات بالشمتة كتبغيه لواحد درجة كبيرة كانت كتحلم معاه ببزاف د الحوايج هو الراجل لواحد لي حلات فيه عينيها من بعد باها في لخر طلع شماتة وغدرها ومع ختها من لفوق وهي كان كيدوز بيه الوقت شي لي زاد في بكاها بحرقة حتى حسات بقلبها تزير عليها ناضت شادا في لحيط و في قلبها خدات دواها لي بقاو منو حبات قلال شرباتو ورجعات لبلاصتها تكات و غمضات عينيها عالله تنعس في مرة و ترتاح
مسافة طريق كان وصل...
دخل لبيرو ديالو حس براسو بغاه محتاجو دابا قصد واحد الخزنة عدو تما حلها جبد منها منها خنيشة صغيرة خواها فوق طابلة قدها مزيان تحنا طلعها مع نيفو من جوايه بجوج حس براسو تكلما رجع داك شي بلاصتو عاد خرج عندهم
عمران و نزار بقاو كيشوفو فيه بحصرة هما بجوج لي عارفين شنو بيه هازز بزاف ...كملو سهرتهم حتى لشي 3 ناضو هزوه دايخ مخلاوهش يسوق ...داوه لدارو مبغاوهش يمشي لقصر وتشوفو غيثة واحمد في هاد الحالة ...وهما كل واحد تجاه لدارو نيشان وربي لي عالم بكل واحد فيهم....
هادي هي ليلة لي دوزو ابطالنا نعسوو في انتظار يوم جديد يكون حسن من لي فات ..... كل واحد وهموو و كل واحد شنو دقة لي هاز في قلبو ربي لي عالم بيهم وبينا وقادر يبدل حالنا ﻷحسن حال ونعم بالله .....
محطم كياني الجزء الثاني
محتوى القصة
التنقل بين الأجزاء