محطم كياني الجزء الرابع

2020

محتوى القصة

رواية محطم كياني

نور بقوة صدمة هزات يديها حتى لسما وهبطات عليه بتصرفيقة لوجه : سكت سكت الغدار
سعد لو ليها يدها وهضر عاض على سنانو: اخير مرة تعاوديها نقطعها لك 
نور ضرها في يدها : طلقني المجرم قصحتني

طلق منها حتى كانت غاطيح 
نوور كتشهق : علاش اسعد علاش.... حتى خديتي مني لي بغيتي عاد جاي كتقوليا هادشي علاش شنو درت لك اناا
تلاحات عليه كضرب على صدروو 
سعد دفعهاا بجهد حتى طاحت : اه خديت و مازال غانخد منك 
نور بصوت كيقهر: علاش اناا اسعد علاش انا بالضبط بنت عمك 
سعد كيشوف فيها ببرودة 
نور مسحات دموعها بعحرفة : والله غانشوهك غانتبعك قانونيا المجرم 
سعد طلقها بضحكة : عاودي عاودش شنو ماسمعتش 
نور : هانت غاتشوف نور ﻹبراهيمي علاش قادا
سعد هبط لمستواها شدها من شعرهاا بجهد : حاولي وتشوفي غي حاولي انور ولا بلاتي تسناي نوريك ابنت عمي ....
جبد تيلي من جيبو دخل لبلاصة تصاور وقلب ليها تيلي كتشوف.... تصاورها معاه في الفراش كيمارسووو ومقاطع فيديوات .... تصاور ماتقدرش تشوفهم مقرفة مقدرتش تكملهم .....تصدمات البكية وحلات ليهااا كتحس بﻷرض كدور بيهاا تمنات تكون غي كتحلم وتفيق على صوتهاا مهاا ولا صوت سليم داير ليها شي مقلب بحال ديماا......
فيقهاا من افكارهاا صوتو فاش نطق 
سعد زاد هبط لمستواها كتر : تقولي كلمة نشوهك مع خوتك و مع العالم كامل نخلي كولشي يعرف البنت الواحدة لعائلة ﻹبراهيمي شكتسواا ...وراكي عارفا عمران ابنت عمي و بلا مانقولك على عصمان ودابا ديري عقلك هانا حدرتك...

نوور كل كلمة منو كتدخل لقلبها بحال لمووس.... دخلاات في حالة هيستيرية كتغوت و تبكي وكضرب في راسها : حرام عليك اسعد شنو درت ليك اناا شنوو واش دنبي اني بغيتك من قلبي وعطيتك اغلى ماكنملك شرافي اسعد شرافي عافاك مديرش فيا هادشي عافاك كنطلبك راه الى عرفو غايقتلووني والله حتى نموووت الله يخاليك ....

سعد : الى سكتي و درتي شنو كنقول ليك ماغايعرف حتى واحد ابنت عمي...

نور كتشوف فيه بصدمة طلع وحش و مجرم كبير عمرها ضناتو هاكاا ..... 
سمح فيها طايحة وناض ركب في لوطو و كسيرا و مخليها مرمية في ﻷرض كتبكي و تغوت خلاها جسد بلا رووح بغات تحمااق تمااا...... في هاد لحظة تمنات لموت وملقاتهاش ...

هاد الموقف ماتمنيهش لعدوتك والله ...💔



في قصر ﻹبراهيمي .....

كانوو كولهم مجموعين على طابلة الفطوور كيهضرو على حفلة البارح وكيف دازت.... حتى كيسمعوو صوتو جاي من الباب من بعد ماكان وصل ملاك لدارهم ورجع كيصفر و يلعب بسوارتوو في يدو.....

عصمان : صباح الخير.....
غيثة واحمد مخنزرين فيه على البارح سمح في الحفلة و زاد خلا كولشي كيسول عليه 

غيثة بعصبية: فين مشيتي البارح 
احمد معصب كتر منها : هادو هما فعايلك عمرك تبدل اولدي ديما نفس البلانات
غيثة: هادي غي طلبتك تبقا كولشي كيسول عليك مالقيت مانقول لنااس
احمد : زدتي بلا ماتعلم حتى واحد
عصمان صعرووه على صباح ماخلوهش حتى يضهر يسكت احمد تنوض غيثة هخخ يالاه ايبدا يكشكش عليهم هو يعتق عمرات لموقف....

عمرااان غمزووو يتكلما: كان شي مشكل في شريكة و صيفطتو بلاصتي 
غيثة : نت غي بقا تجي من جيهتو 
عمران بضحيكة : علاش مالو دري صغير 
عصمان هز حاجبو : لا لا واقلة غي نرجع منين جيت حسن يااك
سليم كيضحك : وايييه ندمووك كااع علاش جيتي اساط
غيثة ناضت جراتو يجلس : جلس جلس (دارت عند سليم )ونت تهجروو 

جلسوو يكملوو فطورهم عادي حتى نطق عمران 
عمران : فين هي نووور 
غيثة: خرجات قبيلة مع شي صحبتها
عمران هز حاجبو : على صبااح ومريضة
عصمان : شنو عندها
غيثة : غي وجع خفيف ولكن ولات مزيان دابا....
عصمان هز ليها راسو باه

كملووو فطورهم في صمت من غير سليم لي ملقا معامن بانت ليه غيثة في البلان مولف مع نور بخال لموش مع الفار.... 

عمران وقف : هانا مشيت متسناونيش لعشااا 
غيثة : علاش بالسلامة 
عمران ببرودة : غانكون في داري اغيثة .....

مشااا خارج تبعو سليم خارج لافاك يدوزو وقتوو تماا.... وعصمان طلعو لبيتو بدل وهبط يدرب مبقاش ليه بزاف لمبارة.....وغيثة واحمد خرجو لجردة....

هماا خرجو وهي دخلات كتجري لبيتها حالتهاا حالة تشفي لعدووو كتحس بروحهاا اتخرج خصوصا فاش كتفكر خوتهاا و شحال صعاب يقتلووهاا ويقطعوها طرااف الى عرفوووو شنو دارت .... 
زدحات لباب بجهد وتلاحت في ناموسية كتبكي بحصرة و كتشهق و تعض في الفراش باش مايتسمعش صوت بكاهاا بقات على داك الحال حتى داهاا نعااس تمااا .....


عند ليلى 
من بعد ماوصلات لخدمتها لبسات لباسها وبدات كتخد طلبات د زبائن مع ابتسامتها لجدابة لي مامفرقاش شفيافها بحال ديما خدات طلابيات لي كانو عندها داتهم لزبائن ورجعات جلسات كتسرح في بلاصتها بقات هكاك حتى جا عندها الولد لي خدام معاها معتز هو لي مكلف بالبنات ظريف معاهم بزاف كانت معاه بنت....
معتز : ليلى ... مروى عيانة شويا عافاك واخا تبلاصيها غي بينما جبت شي بنت بلاصتها 
ليلى : اه واخا ..
مروة : شكرا اختي خودي لداك طبلة لي ليه قهوة ...
معتز : وردي البال اليلى راكي عارفا شكون 
ليلى رمشات عويناتها : شكون 
معتز ضحك : قريب سيري سيري 
ليلى بدلاتو ضحيكة و مشات ....

عند عمران 
من بعد ماخرج من شركة تلاقا شي صحبو قديم بقا لسقو يديرو شي قهوة بحكم شحال ماتلقاو عمران وافق ومشاو لكافي ديال عائلتهم لي كان فيها الحفل كانت قريبة لشركة جلسو كيتحتو حتى كتبان ليه جايا بابتسامتها ساحرة ماحملهاش وصلات حداهم يالاه جات تحط لبلاطو جات عينها في عينه بقات كتقف و قلبها كيضرب مية جاها زينو في شكل سهات في عويناتو محسات براسها حتى سمعاتو كيغوت دفعها ولقهوة معمرة ليه شوميزتو 
عمران : ميغد واش ديلمك ماكتشوفيش عامية
ليلى كتفقز تلاحت عليه كتمسح ليه على صدرو و : سمحليا اسيدي مارديتش البال عفاك
عمران كيشوف فيها كيفاش تجرأت وحطات يدها على صدرو: اتحيد يدك ولا انقطعها لمك ...
ليلى خلعها : سمحليا اسيدي عافاك 
جاا لمدير كيجري من بعد ماسمع صداع شد ليلى من يدها 
المدير :سي عمران كنتعذرو منك اخر مرة تعاود و هاد ﻷنسة دابا انطردها سمحلينا
عمران : كيفاش مخدمين ليا هاد ﻷنواع هنا
لمدير كيقفق :اخر مرة تكرر
عمران : خرجوتقاودو عليا هز سورتو وتيلي وخرج كاعي سمح في صاحبو و زاد فحالو

عند صكعة 
مشات مع لمدير طلباتو يسمح ليها مابغاش... مزدتش معاه لهضرة اصلا مكترضاش بدلات حوايجها وخرجات من بعد ماعطاعا حسابها

مشات جلسات في واحد لكورسي مقابل مع لكافي طالع ليها دم مرضياش تبكي

ليلى : شوفي اليلى عندك تبكي وياك نتي عينيك ماشي ديال لبكا شوفي تمشي خدمة تجي واحدة اخرا مهم نتي ماتبكيش هاد زين كامل يبكي مجاتش ..
صبرات حتى عيات وطلقات لعنان لدموعها كتبكي على زهرها لمنحوس بقات هكاك شويا.... حتى حسات بشي يد تحطات فوق كتفها درت تشوف شكون ....
ليلى بصدمة : ن نت ؟...

لافااك

جالساا بوحدها تحت واحد شجرة في لافاك طايح عليها ضيم مولفا تكون مع ختهاا ولا صاحبتها كيخلقووها غي هما بثلاثة ودابا جالسا بوحدها مأزمة شداها البكية تخلطو عليها لهرمونات د ليغكل قربو ومشاكل باها مع مها .... محسات حتى لقات راسهاا كتبكي كدير واحد البكية ديال البراهش هخخ..... شويا قفزها صوت مألوف عليها

سليم كان دايز من تما مع صحابو كيضحكو حتى كيشوفهاا جالسا كتبكي قرب ليها تأكد انها هي عاد مشاا عندها نقز عليهاا وخلا صحابو مصدومين فيه ..
سليم : و البكاية 
شمس قفزها شافت فيه وكملات بكاها غي مازدات فيه 
سليم دهشراتو : هادي مالهاا عوتاني 
شمس غي مزايدة فيه 
سليم جلس حدها كيطبب على كثفهاا : صافي صافي حتى نتي يمشي واحد يجيوو عشرة 

شمس خنزرات فيه ونطقات : مصدق حتى لواحد عاد يصدقو العشرة 
سليم : اوا صافي البكاية هانينا مالكي جالسا بوحدك
شمش : كنبغي نبقا بوحدي حسن 
سليم جمع الوقفة : هاا اوا نخليك على راحتك
شمس بلا شعور : لا لا نت في جلس ....(حسات على راسها شنو قالت )...زعماا الى بغيتي تجلس غي جلس

سليم صغر فيها عينيهة: همم ماسخيتيش بيا ولا شنوو
شمس طلعاتو و هبطاتوو : على زينك شوو كداير
سليم رجع بلاصتو : حسن منك بعدا...اجي علاش كنتي كتبكي 
شمس هبطات عبنها ﻷرض : والو غي توحشتك ختي و صاحبتي
سليم : من امتى ماشفتيهم 
شمس بقات كتفكر: ختي ماشفتها من صباح و صاحبتي من البارح في ليل
سليم تفرشخ بالضحك : من نيتك ابنتي 
شمس: اه و الله اصلا نت مغاتفهمش غي نسا
يالاه ايجوبها حتى سمع صوتها جايا عندهم 

قمر بصوت محلون: سليم واش غانباتوو هنا 
سليم عرفهاا اتموت بالفقصة : لا لا اجي الحب اجي جلسي معانا 

شمس طلعاتها وهبطاتها محملاتهاش من لول كانت لابسا واحد لبيسة بيضة مزيرة عليها و شعرها زعر قصير كانت بيضة بزاف .... قمر انتيم ديال سليم مزعوطة فيه بجهد وكتموت بالغيرة الى شافتو مع شي بنت هو عارف مشعرها اتجاه مبغاش يجرحها و كيتعمل معاها عادي عزيزة عليها داك شي علاش مكيخسرش ليها كولشي كيسحبوهم دخلين في علاقة ..
قمر بتكبر : لا مابغيتش نوض يالاه نمشيو 
سليم جرهاا جلسها حداه : شمس هادي قمر قمر هادي شمس اصلا راكم كتعرفو شمس كتطلع بنهار ونتي كتطلعي بليل
قمر طلعاتها وهبطاتها : شكون هادي عوتاني 
شمس تخت سنانها وقفات :لي غاتنوض تفرشخ مك. 

باقا كتشوف فيه بصدمة وكيفاش تجرأ وحط يدوو على كتفها 
ليلى : نت ...شكون نت 
.....قرب عندها مباتسم: سلام 
ليلى مسحات دموعها بالخف وهو داز جلس حداها
ليلى : شكون نت 
الشخص : انا هشام ونتي
ليلى : علاش كتسول ...شنو بغيتي عندي
هشام : بغيت نعاونك الى بغيتي طبعا
ليلى : فاش غاتعوني وشكون قالك انا محتاجة لمساعدة 
هشام : شفتك كتبكي جراو عليك ياك 
ليلى : هاء باش عرفتيهاا
هشام : هادو هما عائلة ﻹبراهيمي لي كيسليو منو كيرميوه فحالك مثلا 
ليلى : شنو كتقصد نت
هشام : الى بغيتي تخدمي معايا مرحبا وتخدي فلووس كتيرة في يومين 
ليلى مشا بالها بعيد عقلها خامج : نت كيفاش تجرأتي تقوليا هاكا
هشام فهامها: لا لا ماشي داك شي لي مشا ليه بالك قصدت خدمة عادية وصافي 
ليلى ماتسرطش ليها : لا مابغيتش نخدم شكرا ممكن تفضل
هشام وقف : امم على خاطرك الالة 
جبد كارط مت جيبو مدها ليها
هشام : هاكي هنا كاين رقمي الى بدلتي رأيك ولا شي حاجة
ليلى بقات كتشوف فيه شويا مدات يدها و خداتها من عندووو : واخا شكرا
هشام بتاسم : مهم نخاليك دابا أ...
ليلى : ليلى 
هشام : مشرفين اليلى 
دار نضضرو و رجع فحالو منين جا بقات حضياه حتى لمحتو ركب في سيارتو ومشاا جاها في شكل معجبوهاش شوفاتو ماشي عادين بقات ساهية في داك لكارط كمشاتها وخشتها في ساكها و جمعات الوقفة تمشي فحالها

بلاصة خرا
من بعد ماخرج من لريسطو معصب داز لدارو هي لولى مشا حيد حوليجو لبس شورط وسوفيطمة وهبط لاصال لي عندو في دار بدا كيتريني معصب واصلة بيه لطوب لحظة مشات بيه داكرتو بعيد 3 قبل بقا كيفكر في نفس لوقت كيتريني .... ماحس براسو حتى شير بديك لحديدة لي كان هز في يدوو كينهج بحال الوحش هز تيلي معصب دوز نمرة شويا جاوب 
الشخص: سي عمران 
عمران عض على سنانوو : شنو كاين شي جديد
الشخص باسف: والوو اسيدي ولكن...
قطعو قبل مايكمل هضرتو 
عمران بعصبية: نفس دسيك طلع ليا في كري عندك شهر اجون شهر وبربي ومتلقاه كنقسم ليك غندفنكم واحد واحد مخدم معايا غي شمايت ..
معاد ايموت بالخوف : كون هاني اسيدي دارين جهدنا
عمران :شهر ولا شهدو على روحكم ... 
قطع عليه وطلع لبيتو خداا دوش ولبس كيطمة سبور هز سوارتو وتيلي طلع لطومبيلتو وكسيرا لقصرر.....

ناس لي قالو عمران بانو عندي بانو 
فين عمركم شفتو لما وضو كيتلقاو فين
هدوك راه تكبر شخصياا

في الحي 

من ماوصلها لدارهم دخلات مالقات حتى واحدة فيهم بجوجهم خارجين تنهدات براحة ...لقاتهم مخلين ليها روينة ديال ذنيا وذين كانت متوقعها اصلا هادو هما فعايلهم من ديما ...مشات بدلات حوايجها وبدات كتجمع في داك روينة وكتفكر في سمير كتخلف حتى غاتندمو على فعلتو ديال لبارح ..كون ما جا عصمان في الوقت المناسب علم الله شنو كان غايدبر فيها .... لحظة تفكرات فاش باسهاا عصمان ضحكات بلا شعور سهات كتفكر فيه.....مايفقها غي صووت لباب كيتدق جمعات الوقفة ومشات تحل لباب ....غي حلاتو تلاح عليه وسدوو بزربة
ملاك شهقات بجهد كان ايسكت ليها القلب
سمير كيقرب ليها: شكون هاداك ميخي ديال البارح هاا صحيبك جديد
ملاك كترجع بلور : واش نت مريض خرج عليااا ولا نغيط لبوليس خررررج 
سمير هز يدو غايشدها وهي تهرب ليه لكوزينة تبعها كيجري حتى كتوقفوو هزا عليه مووس حطاتها ليه حدا عنقوو
ملاك كتهضر عاضا على سنانها :اتخرج تقاود عليا ولا بربي حتى نزوق لخويا وجهوو 
سمير تخلع عمرو توقعها هاكا : م ملاكي حيدي لموس نهضرو خليني نشرح لك
ملاك بالغوات حطات ليه لموس على عنقو حتى تجرح: غانحسب 3 وبربي مانلقاك خرجتي من هناا 
سمير خلعاتو : مازال غانتلقاو
ملاك عاضا على سنانها : واحد....جوج
شافت حتى عيا وخرج شاد في عنقو لي كيسيل بدم كيتخلف عليها وكيتوعد ليها بالعداب ﻷليمممم
ملاك غي خرج مشات سورتات علبها الباب تكات عليه وهبطا ﻷرض كتبكي معرفاتش منين جابت هاد القوة كاملة .....

في لافاك ...
مازال وحدة كتخزر في لخراا
قمر طلعات شمس و هبطاتها : شكون هادي عوتاني اسليم 
شمس تحت سنانها ناضت وقفا اونفاص معاها: لي اتنوض تفرشخ مك هنا ازين

قمر وسعات عينيهاا: نعااام
شمس قلبات عينها : ﻷخت صمكة
سليم سمعها شداتو ضحكة وبغا يبرد الموقف فاش شاف شوفاتهم ماكيبشروش بالخير والقضية اتكبت هخخ ناض وقف : شمس زين نخليوك دابا حنا قارين...
جر قمر يالاه الحب يالاه تعطلنااا زيدي جرها بزز منها 

مشاو وخلاو شمس اتموت بالفقصة كتشوف كيفاش قمر كتدلل عليه وهو كيحزر فيها ويجرها عندو غادي معنقها كيلعب في شعرها وهي كتدفع فيه
شمس بعصبية: اهععع على ماركة انا اصلا حسن منهاا اععع
ناضت كتنتر دخلات تقرا سويعها ..

في القصر 
مابعد ماكان دوز نهارو غي في تذريب كان جالس في جردة كيكمي حتى صونا ليه تيلي جاوب
عصمان : شكااين 
الشخص : خاصك تجي اسيدي 
عصمان وقف : واقعا شي حاجة 
الشخص : لا لا اسيدي حتى تجي وشوف بعينك 

عصما زفر وقطع معاه ومشاا لقصر طالع لجناح ديالووو تلقاهاا في دروج هابطاا ببتسامتها البشوشة مع عمران غي شافتو جمعاتها وخنزرات ضربات منو وفاتت ....
عصمان شاف في عمران بمعنى مالها
عمران : على البارح 
عصمان :ناري باقا عاقلة دير شي حاجة 
عمران هز يديه بستسلام : بيناتكم مهم ....هانا مشيت 
مشا وخلاه وقف شاف حتى عيا وتبعها كيجري

عصمان مشا جرها لعندو : مال زين ديالي مقلقة مني ولا شنو 
غيثة ماكتشوفش فيه : بعد مني ماتهضرش معايا 
عصمان: يااك ...هي نمشي لداري واخا هانا غانمشي سمحليا 
غيثة ضرباتو : سير باش مانعاودش نهضر معاك في خطرة
عصمان بتاسم حتى تسدو عويناتو: وتصالحي معايا باش نبقا 
غيثة: نت ديما كديرها وكتحشمني مع نااس 
عصمان صغر عينيه فيها : شكون هاد ناس اغيثة 
غيثة كدور في عينها : ناس وصافي اه اه العائلة وداك شي
عصمان : غيثة راه كنعرفك غي قولي داك شي يااك 
غيثة : اووف اه اه صافي 
عصمان : عمرك تبدلي غي حيدتي عمران بنت لك انا في البلان اغيثة
غيثة : والله حتى زوينة مشاء الله عليها غاتعجبك انا متأكدة 
عصمان : عندي حبيبتي حسن منها وبزاف كاااع 
غيثة بفرحة : بصح شكوون هادي وبنت من 
عصمان باس على راسها : هي نتي
غيثة يالاه اتنطق مفقوصة حتى كتحس بشي واحد معنقها من لوور 
سليم : مال الحب ديالي معصبة 
غيثة عقدات حواجبها : عصمان غاتحمقني نت واش انا مغانشوفش حفادي خلاص
سليم : هاء وانا شنو كندير لهلا يحوجك
عصمان جا سليم غايفكو منها : هاا سليم طووع يالاه تفقو و لعرس على حسابي 
مشاا قصد بيتو مخليها كتفقص غي بوحدهاا

سليم شافها غمضات عيونها بعصبية : غيثة ....و غيثة تهدني
غيثة : بغيت نزوجهم انا اووف بجوج كيتهربو
سليم : زوجيني اناا عافاك
غيثة خنزرت فيه : سليييم سكتنا
سليم : والله اغيثة مانحشم بيك غي زوجيني وتشوفي نشبعك حفاد
غيثة خنزرت فيه وزادت كتنكر : البرهوش قالك زوجيني ماعندو حتى لعقل ياربي هاد الولاد غايحمقوني 
سليم بالغوات : وراه سمعتك اغيثة والله ختى عندي لعقل غي زوجيني 
شافهاا اتهز صباطهاا هو يسلت لبيتووو هخخخ

العشية
في الحي 

من بعد مارجعات لدارهم مكسورة لجنحين الخدمة الوحدة لي عندها مشات حتى سخفات عاد لقاتها سمحات في قرايتها على ودها وفي ﻷخر هاهما جراو عليهاا خاصها عوتاني تعاود تقلب من جديد هادشي لي زاد عصبهاا كتر تنهدات ودخلات لدارهم لحت سكاها وصباطها باهماال لقات مهاا جالساا كتفرج مشات باست على راسهاا وجات تدخل لبيت حتى سمعااتها نطقات

عائشة حسات بي ليلى ماشي حتى لهيه
عايشة بخوف: ليلى بنتي مالكي 
ليلى مبغاتش تبين : والو اماما 
عائشة : اجي عاودي لماماك
ليلى بغات ضحك بزز : لا لا ماكين والوو
عائشة تنهدات وقفات جرتها : اجي دايرا بحالي ماكتبغي تبكي على حد انا غي ماماك ابنتي بكي قدامي حتى تشبعي ماتبكيش غي قدام الناس اجي عندي اجي
ليلى غي كتسمع ليهاا ودموع كيتحجرو في عينيها ....شويا تلاحت عليهاا كتبكي وتشهق 

عائشة معنقهاا كتطبطب عليها : مالكي ابنتي خلعتني 
ليلى كتبكي: والو اماما ماتخافيش غي جراو عليا من الخدمة 
عائشة: علاش مالهم معاك ابنتي

ليلى عاودات ليهاا شنو وقع وكيفاش حتى جراو عليهااا
عائشة قطعات ليها قلبها : شوو صافي من الخير ابنتي ماتبكيش ياك كتقولي عينيك ماشي ديال لبكا
ليلى مسحات دموعها بعجرفة: اه بصح اماما انا ماتخلقتش باش نبكي بصح عينيا ماشي 
ديال لبكاا 
عائشة شدات ليها خدودها: هادي هي بنتي لي كنعرف
ليلى بتاسمت : اه غدا نخرج نقلب على خدمة اخراا حسن من هاديك كااع
عائشة : لا ديها في قرايتك نتي انا لي انرجع لخدمتي
ليلى ناضت جالسا : لا اماما نعرف نموت وماترجعيش لديك الخدمة انا غاقلب على خدمة نتي غي رتاحي لياا اميمتي
عائشة جراتها عندها عنقاتهاا : بنتي الحبيبة اجي فيك جووع ولا 
ليلى تكات على ركبتهاا : شويا خالي حتى تجي شمس ونكلوو مجموعين ماما لعبي ليا في شعري عافاك .... 
عائشة بتاسمات: هي لولى
بقاو على داك الحال حتى جات شمس من لافاك وحطوو كسكرووط كلاو مجموووعين وبقاو كيتفرجوو ويتحتوو ويضحووو حتى داز الوقت ومشات عائشة دير لعشاا والبنات دخلو لبيتهم يرجعو كتوبهم شويااا......

في لقصر

جالسا في بيتهاا ودمووعهاا شلال هزا تيلي كتقفزز كتصوني وتعاود نهار كامل وهي كتصوني والو لا رد حلف لا جاوبهاا ...كيقطع عليها بحال ديمااا رمات داك تيلي بعصبية وبدات كتنتف في راسهاا غاتحماق كل همها هو خوتهاا الى عرفوو غاطيح من عينيهم وهادي الى خلاوهاا حية بقات كتدور في البيت حتى تهدات مشاات تلاحت في فراشهاا كتبكي في صمت وكضرب في وجهاا كتحس براسها ولات رخيصة بحال بنات ليل دغيا سلماتوو جسدها عطاتو شرافها وشراف عائلتهاا خلاتو دار فيها مابغاا وبي ارادتهاا في لاخر لاحهاااا بحال المونيكة بحالا عمرووو عرفهاا بقات كتعض في المخدة وكتشهق كتحس بقلبها ايخرج......شويا سمعات صوتوو جاي كيهلل بحال ديما ناضت قافزة مسحات دموعهاا بزربة وقدات شعرها وجرات عليها لغطاا درت راسها ناعسة زعما ...

سليم حل الباب بلا ميدق : والبرهوشة فينك
نوور مغمضة عينيهاا كتمتل انها ناعساا:اممم
سليم جر عليها الغطا : نوضي تكعدي من العكز
نوور ناضت : مالنا شنو كاين
سليم : هااء توحشت ختي صغيرة شي بروبليم اساطة
نور ضحكات بزز منها : هاي هاي على عنيبة
سليم جرهاا عندو كيدوز يدو على شعرها : قالت ليا غيثة راكي مريضة 
نوور عيونهاا غرغروو تخشات فيه : اه اخوياا شويا
سليم : مال بنتي مالها شنو كيضرهاا نعيط لطبيب 
نور قفزاات : لا لا اخويا وليت لاباس دابا 
سليم دخلو شك : نور شوفي فيا واش اداك شي واحد ولا هضر معاك نمشي نخلي دار بووه همم غي قولي شنو وكوني هانية

نور عنقاتو بجهد ودموعها نازلين مسحاتهم بالخف: لا لا شكون هذا لي يقدر يآدي اخت سبووعة غي قوليا 
سليم : همم اواا منعرف الابوئتي 
نور خربقات ليه شعرو: نو نو بب انا بخير دابا 
سليم : اوا نوضي بدلي ويالاه نجيبو دويرة
نوور وقفات مبغاتش تخليه يحس بشي حاجة : واخا انا نلبس ونجي دغيا

سليم غادي خارج : 10 دقايق نلقاك حدايا
نور بالغوات : حلم حلم 

مشات لبسات عليهاا بالخف وخرجات عندوو طلعو في لوطووو وطلقو موسيقى بجهد وكسيرااااا سليم مخلي العجاج موراه......


ما بعد ماطلع لبيتو بدل حوايجو بالخف وخر ركب في طومبيلتو وكسيراا بجهد....

مسافة طريق كان وصل قدام نفس ﻷبغطومون لي جا ليها داك المرة كان متردد يدخل خايف يلقا شي حاجة ماتعحبوش ....غمض عينو بعصبية وهبط من لوطو قصد الباب حلات ليه نفس لبنت ديال ديك المرة
لبنت ببتسامة: مرحبا سي عصمان
عصمان : شنو وقع 
لبنت : اجي تشوف 
مشات وهو تبعاها حتى وصلو قدام لغرفة حلاتها ليه دخل راسوو يشوف حتى كيتصعق بيهاا جالسا في شرفة وهو جالس قدامهاا كتلعب ليه في شعروو 
عصمان تصعق بقوة صدمة بقا واقف في بلاصتوو ....كانت محيدة زيف وديك لعباية لكحلة من داك نهار مالبسات شي لون من غي الكحل وزيف فوق راسها ديماا من داك نهار ماعاودات شافت ضحكة غي ساهية ودموعها كيهبطو.... لكن ليوم غير....كانت طلقا شعرهاا على رحتوو لبسا لبيسة حمرة حد لفخااد وكتبتسم ديك ﻹبتسامة البشوشة ديالها لي شحال ماشافهاا ....

عصمان مصدوم ماعرف مايقول شحال وهو يتسناا هاد نهار ماخلا مادار على قبلها غي باش ترجع ليها ضحكة كان قلبو محروق عليهااا بزاف
عصمان بتاسم حتى عويناتو تسدو : جاا معاك الحمر
ضارت عندوو مبتاسمة حركات ليه راسها باه 
اووس غي سمع صوتو ناض كيجري نقز عليه : باباااااا (زيتي)جيتي باااابااا زاا (جااا) ييااي

عصمان تحناا عندوو هزو : البطل ديالي صافا مهلي في ماماك ياك
اووس : اه ابابا ...توحستك
عصمان ضحك على هضرتو هبطو ﻷرض : تا انا توحشتك 
اووس : ﻷميرة ديالنا ليوم ضحكات معايا ابابا شوف ماما سحال زات (جات) زوينة
عصمان بفرحة : بصاح اجي نشوفوها 
مشا عندهاا مبتاسم جلس حداهاا : وانا كنقول مال دار منورة ليووووم همم 

هزات راسهاا باه ومبتاسمة في نفس الوقت
عصمان هز يدهاا وبسهاا ليهاا : هاكا نبغيك انااا شوفي اوس شحال فرحان 

هزات راسها في اوس رجعو عيونها دمعووو
عصمان هز يدو مسحهم ليها : ولا لا بقاي ضاحكة بغيتي تقلقني انا واوس 
ضحكات ليه كتر وهبطات راسها كتلعب في شعر اووس ......
عصمان عاد تنهد براحة وغايرتاح كتر نهار ترجع تنطق وتهضر بحال قبل .....

في بلاصة خراا 
خارج المغرب 
في المانياا

جالس في ﻷرض ومدووور بيه قراعي شراااب شي خاوي شي مازال عامر ودخان ديال الكارووو مالي المكاان حالتو حالة ليحتو مبعترة شوميز مقطعة عليه كان لبيت مظلم بزاف فيه ضوو خفيف ....رجع راسوو تكاا على الحيط وغمض عينيه و رجع بداكرتوو 3 سنين لوور تفكر اخر جمل قالتهم ليه لي مازال محفورين في قلبوو حتى لدابا قبل ماتموووووت......

×فلاش باك×

ضحكات باعلى صوتهااا ..كتبغيني ..؟ لا لا مستحيل عارفاك غي كضحك حنا خوووت وعمري نبغيك ولا تبغيني ....شداتوو من خددووو نت راك خوياااا خوويا لي ماعنديش وراك عارف انا شكون كنبغي عرفتي منقدرش نغيش بلا بيه ومنقدرش نشوف في غيرووو ... انا فرحانة بزاف زعما حتى هو يكون كيبغبني يااك ياااي ياربي تجمع بيناتنا ....تلاحت عليه عنقاتوووو بجهد .....

هووو كالماتها دخلوو لقلبوو بحال الموس بقا مصدووم كيشووف فيها كيفاش اتموت من الفرحة هز يدو حيدها عليه ونطق 
......اه اختي غايكون كيبغيك 

من بعد مشا بحالووو مراضيش ونار الغيرة و الكره شاعلة فيه .....
شويا تفكر اخر كلماتها ليه

كتغوووت وتبكي باعلى صوتها عافاك عتقني كنترجاك دير شي حاجة غانموت اخوياا عافاك كنترجااك مادرت والوو اناا ياربي انا مادرت والو.....

فاق من تفكيرو

زف بالقرعة لي في يدووو ناض لي لقاهاا حداه كيهرسهاا وكيغوووت باغلى صوتووو غانقتلك و الله حتى ندوقك المرار غي بلاتي ...
هز تيلي ودوز ابيل 

الشخص : اومرك اسيدي 
...... غانهبطو لمغرب
الشخص: واخيراا
......وجد ليا طيارة من دابا سيمانة
الشخص: هي قررتي 
.....غانضمرووو هانت غاتشوف على عينك 
الشخص: لعب معاه صعيب 
......تاحاجة ماصعيبة
الشخص: ماتنساش بلي راك نت لي بديتي لحرب 
......عارف وماندمتش 
الشخص : بغيت غانعرف شنو لمشكل لي بيناتكم
.......نهار يجي لمناسب غاتعرف
قطع معاه وناض دخل لحمام... 

في بلاصة اخرا .

خارج من لبلوك فرحان من بعد ما نجحات ليه واحد العملية صعيبة ديال واحد الولد صغير كان عندو امل صغير باش يعيش كتاب ليه عمر جديد ونجحات ليه ...

مشا لبيرو ديالو تنهد بارتياح هز تيلي ديالو ودخل كيشوف في تصاورها قلبو كيضرب في المية

نزار : قريب تولي ديالي انور قريب سيمانة جايا غانجيو لداركم وتولي حلالي 
بقا كيشوفي في صورها وهو مبتاسم ....

بعد مروور اسبووع

هاكا دازت سيمانة طايرااا عند ابطالنا 
عمران لي وقتو لا عامر غي بالخدمة قليل فين كيمشي لقصر كل مرة كيسول رجالوو واش كاين شي خبار على الموضوع لي مكلفهم بيه ولا والووو بحال ديما كيلقا غي والوو اسيدي ......

عصمان تاوهوو غي في لابواط ديالو ومرة مرة كيمشي يدرب عندووو كومبا ومن وراهاا مسابقة درجات نارية خاصوو يكون واجد ومرة كيمشي ﻷبغطومون يخرجهم شوياا ويجلس معا اوس .....

سليم تاهوو غي لافاك ودار كيتلقاا شمس مرة مرة ولاو اصدقاء دخلهاا معاه في كليكتوو ديما منوضاها مع قمر سليم داخ بيناتهم ركبو فيه سكر .....

نووور ولات غي ساهية وكتفكر في حريرتها حتى قرايتهاا هملتهااا ولات عطيها غي البكااا كتبغيه بزاف مازاال ماتقبلاتش راه غي كان كيتفلا عليها خدا منها حاجتوو ومشاا وخلاهاااا......

نزار لي فرحان كيتسنا غي امتى يتلقا دراري يدوي معاهم على قبل نووور كل نهار حبو كيزيد يكبر من جيتهاا ......

ليلى تاهي كل نهار كتخرج بكري تقلب على خدمة هاد المرة هي وملاك لي تسالا ليها دوا ملقات باش تشريه ضطرات تخرج تقلب مع ليلى كيمشيوو بجووج ويرجعو بجوج بحال ديما كاين غي سيرو حتى نعيطوو ليكم ولكن هما مافقدوش ﻷمل وباقين كل نهاار كيخرجوو يقلبو .......هكا دازت هاد سيمانة طايرة عليهم


نهار جديد باحداث جديدة... 
في الحي 

فاقت بكري بحال ديما دارت الفطور وجمعات دار مشات دوشات ولبسات حوايجها وخرجات لراس درب من بعد ماكانت صونات ليلى باش يمشيو عاود يقلبو على خدمة بقات جالسا شويا حتى كتبان ليها ليلى جايا وجه لونو مخطوف ..

ملاك قربات ليها وعنقاتها : مال حبيبتي 
ليلى شادا قلبها : ملاك قلبي مقبوض عليا بحال غاتوقع شي حاجة خايبة
ملاك جراتها عنقاتها كتر : غي شيطان احبيبتي زيدي يالاه ومديري في بالك والو 
ليلى :كنتمى املاك 
يالاه دارو باش يمشيو حتى كتوقف عليهم رونج مكسيريا بجهد شويا كانت اتدخل فيهم 
ملاك شدات قلبها مغمضة عينيها : اي ليلى 
ليلى تخلعات : ملاك نتي بخير 
ملاك : بخير تخلعت شكون هاد لمريض..
ضارو بجوج يشوفو شكون هذا 
.. حتى كتصدم ملاك حالة فمها فيه كان جايب لوطو اخرا ماشي لي وصلها بيها داك لمرة....بقات مصدومة

ملاك نطقات بلا شعور: لبوكسور
ليلى بحالا فايتا شيفاه : شكون هذا 
ملاك : ها لا زعما اه البوكسور هذا
ليلى : شمن بوكسور 
ملاك جات تجاوبها سمعاتو نطق

عصمان هبط زاج وشاف في ملاك : طلعي
ملاك مامتيقاش : هاء واش انا
عصمان دار فيها داك شوفة ديال من نيتك 
ملاك : اه واخا 
ليلى مافهما والوو بيناتهم هذا فين كتعرفو ملاك 
ليلى جراتها عندها : شنو واقع
ملاك : سكتي من بعد ونشرح لك 
ليلى: شرحي ليا دابا ماسوقيش 
ملاك لميمة لما سكتي نشوفو شنو بغا تسناي هانا رجعا 
خلات ساكها عند ليلى ومشات عندو سلمات عليه 
ملاك ببتسامة : سلام 
عصمان : صافا
ملاك : بخير انت
عصمان حرك راسو باه : مازال باغا تحضري معايا لمبارة
ملاك مامتيقاش بفرحة: اه اه بغيت
عصمان : طلعي 
ملاك : واخا انجيب ساكي ونجي 
مشات طايرة خلاتو ساهي فيها
ملاك كدور في غينيها :لحب غانمشي 
ليلى مصغرة عينيها فيها: شكون هذا القحبة وفين كتعرفيه 
ملاك : ليلى عطيني ساك الولد كيتسنا 
ليلى : لا حتى تشرحي ليا
ملاك: ديري غي بوجه طعيمة اليلى هالعار ماتحشمينش والله حتى نجي نعاود لختي كولشي

ليلى خنزرات فيها : شدي فاش ترجعي غانتفهمو شوفي فيا حظي كرك بلا مانوصيك
ملاك : قاودي راه ماكين والو 
ليلى شافت عصمان حظيهم بتاسمت بزز منها: صافي احبي غي سيري انا نمشي نشوف ليا وليك 
ملاك عنقاتها : الله يخاليك ليا اروحي 
باستها ومشات ركبات وكسيراا مخلي لعجاج......


في شريكة 

جالس ناشر رجليه فوق البيرووو ساهي داير صبعو صغير في فموو حاط قهوتو حداه مرة مرة كيرشف منها رشفة شوياا سمع دقان في الباب ...

عمران : دخل
سعد : صبااح الخير
عمران : ياك لاباس
سعد : لا لا اولد عمي غي الخير
عمران : داك شي لي بغينا جلس 
سعد جلس : عمي ومرت عمي لاباس 
عمران : بخير وعمي
سعد لونو تبدل : حتى هو بخير 
عمران : مزيان ....

دفع لسعد واحد الملف : هاك هذاا عاود رجعوووو وسير ﻹجتماااع بلاصتي 
سعد جمع الوقفة: هي لولى 
تحنى يهزو حتى كيلمح ملف اخر حكل حس بقلبو تهزوو كيشوف هدفو قريب منوو ...مد يدوو يهزو حتى هو حتى كيحس بقبضة عمران على يدووو...هز راسو فيه بخوف
عمران : نو نو قلت لك هداك ماشي هذا اسعد 
سعد رتابك : هاا سحاب ليا حتى هذاا ....مهم هانا مشيت .....مشا خارج ايموت كيشوف هدفو كان قريب منوو بزاف ورجع ضيعو....خرج مفقووص
عمران دار فيه واحد شوفة في شكل بقا حاضيه حتى مشاا عاد رجع لوضعيتووو ساهي والف مطرقة كضرب ليه في راس ......

عند ليلى

بقات حضيا عصمان وملاك حتى مشاو عاد كملات طريقهااا فين كانو غادين بجوج لحظة تفكرات عصمان وشوفاتو لي كان كيدير في ملاك جاها كيشبه لعمران شويااا خصوصا في تغوبيشتووو وعوينااتوو
ليلى خنزرات : هو سبب باش جراو عليا الله يخد فيه الحق المتكبر لاخر كون راني مازال خدامة تفوو 
مشات غدا كتنكر غي بوحدها لحظة رجع قلبها تقبط عليها ومورالها طااح 
ليلى : اووف مالي ليووم ياربي يكون خير 
هزات تيلي كتصوني لمهااا بقات شويا عاد جوباتهاا
ليلى : ماما 
عائشة : ليلى ياك لاباس ابنتي 
ليلى : لا والو اماما غي تشوشت عليك نتي وشمس
عائشة : هاحنا بخير ابنتي ختك يالاه خرجات لافاك قبيلة شويا
ليلى : ماواقع والو بعدا 
عائشة : ابنتي مالكي راك يالاه خرجتي من دار كيف خليتنا كيف باقين

ليلى حسات بمها تخلعات: صافي اماما غي سولت مهم بسلامة عليك حتى لعشية 
عائسة: ردي بالك والله يرضي عليك
ليلى امين ياربي ....

قطعات معاها عاد حسات براسها شويا رتاحت ومشات مكملة طريقهااااا تدفع سيفي ديال وديال ملاك في واحد شركة على الله يتقبلو بجوج ويخدموو


في لافاااااك 

جالسين مجمعين كيضحكو مامسوقينش لعالم لي بغا يربح لعام طويل .....حتى كيلمحووها من بعيد دايزاا كتشوف غي لتحت باينة عليهاا الحزن 

كرام : سليم ماشي شمس هاديك
سليم دور وجهوو: اه هي 
كرام :عيط ليها تجي تجلس معانا
سليم صغر عينيه فيه : وعلاش زعما 
كرام حمار وصفار: والوو غي تجلس معانا وصافي زعما راه ولات وحدة منا
سليم معجبوش الحال مبغاش يبين ليه: اممم 

ضار كيغيط ليها 
شمس هزات راسها شافتهم كيعيطو ليها تجي عندهم تنهدات ومشات قاصداهم 
شمس ببتاسمة : سلام 
سليم : بخير 
شمس : وي ونتومااا 
كرام : بخير من شفناك 
شمس ضحكات : يااك

ضارت شافت في قمر ولبنت لي معاهم كيطلعو ويهبطو فيها ماحملينهاش ضحكات بستهزاء وكملات هضرتهاا
شمس : كون سحابني غي اتشوفوني اتوليو بخير كون جيت قبيلة عندكم
لبنت لي مع قمر هضرت تكبر : مالكي شفتك طايح عليك ضيم احبيبة
شمس : نوو عادي ازين 
قمر لسقا على سليم من يدوو : غي الفقر هاداك ابب هو لي مخليهاا حزينة 

شمس حسات بموس تغرس فيها هزات عبنيها فييهاا ببطئ : شنوو قلتي نتي عاودي نسمع 
سليم خنزر في قمر : قمررر شنو هاد الهضرة 
قمر بتكبر : مالي كدبت عليهاا الفقيرة لخرا 
شافتهم كاملين كيخنزرو فيها : مالي كدبت عليها اويلي فقيرة عادي 

شمس محساات براسها حتى جمعات معاها بتصرفيقة حارة 
شمس : اجي نوريك لفقيرة كدايرا اجي
وطارت عليهاا شداها من شعرهاا كتنتف وتقول مانتفت حلفات لطلقاتها دخلو دراري كيفكوو فيهم قمر غي كتغوت فيها غي الفم رجعتها بخال شرويطة
سليم بالغوات : شمس طلقي منهااا شوفي كيرجعتيها شمس بارك
شمس جرهاا كرام من خسرها : ماسمعتيش شنو قالت خليني نربي هاد قليلة ﻷداب 
سليم : صافي ديرو عقلكم 
قمر كتبكي : سليم شوف هاد الهماجية شنو دارت ليا
داك صاحبتها بغات تجي منهاا : واش نتي مريضة
شمس دفعات كرام عليها ومشات قصداها: مالك حتى نتي بغيتي نكمل بيك اجي تخدي حقك حتى نتي نوريكم هاد الفقيرة علاش قادا
جات اترجع تلاح عليها حتى وقفهاا سليم بالغوات : شمس حدك تماااا عيقتي شهاد المرض شوفي كيرجعتي قمر وزايداها حتى بي فرح ديري عقلك 

شمس دموع في عينيها : كتجي منههم واخا هما لي جبدوني شكراا اخويا
مسحات دموعهاا وومشات كتجري تبعهااا كرام كبعيط غليها ....خلاو سليم مع قمر تماا كيغلي ......


عند عصمان

كان سايق بصمت وهي كدلك غي كدور في عينيهاا كتشوفو خرج من المدينة جاها شويا د الخوف .....
ملاك مع راسهاا : ناري عندك يديني لشي بلاصة خراا ....لا لا هو ظريف كون بغا شي حاجة كون دارها ليا داك نهار فاش بقيت معاه ليلة كاملة ....ويلي ماعرفاش حتى سميتو وتقت فيه وجيت معاه ....
فيقهاا عصمان من تفكيرهاا
عصمان : خايفة
ملاك رتبكت : هاا لا لا 
عصمان مركز مع طريق: كيبان ليا لعكس 
ملاك ضحكات بغباء: ههخ لا لا مرتاحة 
عصمان : مزيان 
ملاك : في خبارك ماعرفااش سميتك
عصمان بتاسم : وايلي 
ملاك : والله كنقولك غي لبوكسور
عصمان : ماعندك ماديري بيها 
ملاك : هاء بغيت نعرفها
شاف فيها ورجع دور وجهوو عاد نطق : عصمان 
ملاك بغباء : متشرفين انا ملاك 
عصمان : عارف 
ملاك بتاسمت ليه : مزيان ...اجي شحال د الوقت باش نوصلو 
عصمان : ماشي بزاف
ملاك : امم ....دورات وجهاا لزاج 

مسافة طريق كانوو وصلو قدام واحد المنطقة كبيرة جات خارج المدينة دايرا بحال الملعب مقسمة لجيهات جهة د سباق درجات نارية و جهة د سباق سيارات وجيهات اخرين ديال العاب اخرااا وعاد جيهة لي قصد كسيرا قدامها عصمان هي فين كاتكون المصارعة غي هبطو بانت ليهم ذنيا عامرة طبعا عصمان مولف ....

ملاك لي تضهشراات عبجهاا المنظر بقااات غي حالا فمها كانو نااس بزاف كيتهتفو باسم عصمان و صحافة من بعيد كتصور شدينهم غي لبوديكارد ديال عصمان حلات فمها مابغات تسدوو شحال وهي كتحلم تجي لهاد لبلاصة وها هي دابا فيهاا ...محسات غي بيدوو شدتها من يدهاا وجرهاا دخلين لذاخل بقاو غادين في واحد لكولوار طويل حتى وصلو واحد الغرفة خاصة بيه دخلو ليها ...

عصمان : جلسي هنا جاي
ملاك : فين غاتمشي 
عصمان قرب ليها : نمشي نبدل حوايجي بغيتي تمشي معاياا همم
ملاك حمرات :لا لا انتسناك 
عصمان دار غادي : ليبغيتي
غي خرج بقات جالسا كتبقشش تماااا عجبهاا الحال بزاف

يتبع...

التنقل بين الأجزاء

صفحة القصة
سيتم تشغيل صندوق التعليقات بعد لحظات
معظم التعليقات تم إخفاءها بواسطة الفيسبوك، نحاول بكل الوسائل المتاحة إستعادتها في أقرب وقت ممكن.