طبيبة فهماتو مكانش عارف ولكن جاتها ردت فعلو فشكل ستغربات حيت مافرحش واخا باينة فيه كايبغيها من خوفو عليها ولكن تناسات وبتاسماتلهوم
الطبيبة؛ مبروك عليكوم يتربا فعزكوم انشالله
منصور تدارك الموقف حيت لاحظ ان غيتة ماتصدماتش ومدارت تا ردت فعل بتاسم لطبيبة؛ شكرا دكتورة....... لموهيم مكاينش شي خطر عليها هي..... هاد الدوخة غير من الحمل ياكي
الطبيبة؛ آه غير الحمل هادا غير هو راه خصها تهلا فحالتها ومتهملش صحتها وتغديتها
منصور شدها منهاودار عند غيتة بلا مايشوف فيها ولا يهضر معاها دقايق كمل السيرووم وعاونها تاخرجو للطونوبيل.......... يالاه رصاها وهو يسمع صوت كايعيطلو من لور
منصور كرز على يدو وهضر ببرود؛ لا والو غير الضغط هبطلها فالمحكمة وجبتها لهنا
ردينة الدموع تحجرو فعينها كاتحس بالدنب جيهتها...... كاتكول هادشي كامل لي فيه غيتة هوما السباب فيه دارت عندها وتلاحت عليها عنقاتها
ردينة؛ سمحيلنا..... سمحيلنا
ودارت مشات كاتجري.... غيتة بقات فيها
غيتة؛ منصور خويا عافاك تبعها ماتخليهاش تمشي هاكا
منصور فساع تبعها كايجري تاهو بقات فيه.؛ردينة.... ردينة
وصلها يلاه شها من درهاعها وهي تزلقلو رجلو وجرها معاه جات طايحا فوقو مزيرة على عينها ودموعها باقيين دايزين
منصور كان مغمض عينو بقوت الدقة حس بالحريق فضهرو غير حلهوم فيها وهو يتصدم لحالتها نسا الموقف لي هوما فيه...... وبدا يمسحلها فدموعها وكايطبطب عليها وهي كارز ليه فشوميز ديالو
منصور كايدوزلها على شعرها؛ شششش..... نتي مادرتي والو هادا ماشي دنبك.... ولا كتابلهوم يكونو بجوج راه غايرجعو
ردينة؛كانتمنى...... بغيت نعاونهوم ولكن مالقيتش لمدكرات ديال دنيا..... حاولت.... حاولت بكل جهدي
منصور ستغرب وهزلها راسها مقابل مع وجهو؛ لاش بغيتي لمدكرات ديال دنيا..... فاش غايفيدوك
تاقاطعهوم الصوت ديال احد الممرضات لي شافتهوم طاحو وجات تطمن عليهو؛ ياك لباس واش مضرورين
منصور وغيتة عاد وعاو على الموقف وناضو كالسي تاتوعت فضهرو بغات تعاونو لممرضة دارلها إشارة بيدو زعما بلاش وهي نساحبات..... هز عينو فردينة لقاها حشمانة هو شد الضحكة بسيف بالحق غير هزات عينها فيه وشافتو شادها وهو تفركعو بجوج بالضحك من الموقف لي تحطو فيه...... منصور بقا كايضحك ويشوف فيها تاسهاا فيها واحد اللحظة.... هي غير نتابهاتلو تزنكات
منصور منزلش عينو عليها ولكن باش يحيد الإحراج عاود سولها؛ ماكلتيليش باش غاتفيدك المدكرة ديال دنيا
ردينة هزات فيه عينها؛ مكلتلك ردينة سدقات تزوجات بخويا غير طمع هي مابغاتوش هو هي بغات فلوسو
عاوداتلو كولشي وكيدارت عرفات ودموع مرا مرا كايزلقولها.... وهو مركز مع كل حرف كايخرج من فمها وفملامحخا لي كايبدلو مع هضرتها بطريقة جدباتو.... وزيد كاتهضر وتشرح بيديها..... مسحلها دموعها وهو ساهي فعينها
منصور؛ انا نعاونك تلقاها درت واحد الغلط وانا غنصلحو ..... ولكن يعقوب كيغانديرو نكولوهالو
ردينة؛ حلف تا تعاوني....مكايهمش لموهيم نلقاوها والباقي عليا
وقف وخنزر عطاها بالضهر وتم زايد؛ أصلا دابا هي حاملة من خوك.... داك النهار فاش كنا فالمستشفى كانت سخفات وديتها.... فاش كالتهالنا الطبيبة هي ماستغرباتش من بعد ما تفارقنا معاك سولتها واش كانت عارفة كالتلي آآه
ردينة بصدمة ؛من فوقاش وهي حاملة
منصور؛ شي يامات قليلة من بعد ماجرا عليها بداو كايبانو عليها الأعراض فدارهوم وشي جارتهوم كاتفهم فهادشي كالتهالها.... فاش سولتها هادشي لي كالتلي
ردينة بقات مصدومة ولكن للأسف ماشي بوحدها لي تصدما وإنما تا يعقوب..... لي كان خارج غادي لخدما تا كايوقف علا كلمت (أصلا هي دابا حاملة من خوك) قلبو تهز بقا جامد بلاصتو معارف راسو شنو يدير تا شعورو فديك اللحظة ماقدش يفسرو
منصور دار إشارة لردينة بمعنا سكتي وتسلتو ركبو فالطونوبيل وكسيرا
ردينة باستغراب ؛ شواقع علاش سكتيني هاكاك
منصور خوك ؛ سمع الهضرة.... وكان واقف تما
ردينة بصدمة؛ إدا نتا غير كدبتي فموضوع الحمل.... نتا درتي هاكا باش هو يسمعك..... لياش كاتخطط هاكا راه غير غاتزيد تجبد الصداع..... نتا كدبتي عليا كلتيلي غاتعاوني.... نتا غير ستاغليتيني باش دير هاكا ياك
منصور درب لفران تاكانو غايخرجو من الزاجة لبرا؛ انا ماكدبت فوالو هيا حاملة وداكشي ليكلت كولو صحيح.... بغيتي تيقي تيقي مابغيتيش شغلك
مات غيتة؛ صارحة ماعرفتش هي صافرات وماكالتليش فوقاش غاترجع
منصور وردينة تصدمو فدقة وحدا نطقو ؛ فين مشات
مات غيتة؛ ماعرفتش ماكالتليش
منصور ؛خالتي غيتة ماسمكنش ماتكولكش..... هي مايمكنش دير هاكا
ردينة بتوتر؛ خالتي غيتة حاملة من خويا مايمكنش دير هاكا...... عافاك اخالتي كوليلنا فين هي
مات غيتة؛ بنتي عانات بما فيه الكفاية..... غير لبارح بليل تخنقات وهزيتها سخفانة لطبيب ماميكن نكولكوم
ردينة طاحت على ركابيها كاتبكي؛ عارفا اخالتي وسمحيلنا انا واعتها غانصلح كولشي....... عافاك اخالتي وكانواعد مانخليش تاشي حاجة تأديها
مات غيتة؛ تقدرو تمشيو...... بنتي قررات انها تنتاقل وتعيش غير هي او ولدها وانا غاندعمها..... حنا ماواقفين على الحيماية ديال تاواحد
منصرو ؛نعلي الشيطان اللالة بنتك والله مانأديوها حنى غير غانعاونوها والقرار الول والأخير غايرجع ليها
مات غيتة؛ بنتي دارت المستحيل على قبلي...... على ودي باش مانموتش وديرلي العملية ديال القلب ضطرات تعطي وعد للحاجة..... ولكن الحاجة ماقداتش بمسؤوليتها خلات ولدها يدير مابغا فبنتي...... دابا انا مغانسمح لتاواحد يأديها.... خرجو عليا
ردينة ومنصور غير كايسمعو مقادين يديرو والو هادشي كامل من حقها ديرو غيتة تعدبات بزاف خصوصا منصور حضر لآخر صراع بينها هي ويعقوب مايقد يدير والو........ فوسط هادشي كامل كان يعقوب كايسمع كل حرف نطقات بيه مات غيتة وكايلاقي لخيوط.... قلبو تزير عليه ماعرفش واش تأنيب شمير ولا شنو داكشي باش كايحس..... قبل ماينتابه ليه شي حد نساحب وهو عارف فين غايلقاها....... ردينة ناضت من على ركابها وشدات لمات غيتة فيدها...... خالتي تهلاي فيها وكولها تسمحلي ويلا كانت بصح مسامحاني ولو غير شوية..... نهار تولد بغيت تعيطلي..... كولها وقت ماحتاجتني غاتلقاني ويلا كان قرارها انها ماترجعش ليعقوب فانا كانحتارمو...... كانتمنا ماتحرمناش من كبدتنا وداكشي لي وقع بينها وبين يعقوب يبقا بيناتهوم
منصور شد ردينة من كتافها كايحاول يصبر.... ومالها براسو باش يمشيو..... وداكشي لي كان فيساع نساحبو نيشان لطونوبيل
خرجو على برا عاونها تركب فالطونوبيل وضار تاهو ركب وكسيرة...... كل مرا كايتلفت عندها كايلقاها جامدة بلاصتها ودموعها دايزين بوحدهوم...... قلب الوجها ديالهوم لجيهت لبحر.... كايضن تما غاترتاح شوي
نمشيو عند يعقوب لي غير خرج من تما كاع دكراياتو مع غيتة تكبو عليه لخايبين وزوينين..... معا كل دكرا كافتح فداكرتو معاها صفحة من مدكرتها وحروفها كايدوزو قدام عينيه
يعقوب زير على عينيه مباغيش يضعاف؛ غييتة نتي حاملة بولدي...... طرف مني خاص ترجعي مايمكنش تدي ولدي معاك..... غانلقاك وغانجيبك..... ولديه وديك ساع شغلك هاداك فين مابغيتي سيري
درب على الكيدون وكسيرة والوجها المحطة
نمشيو عند غيتة كالسة فواحد القنت فالماحطة وشادة فقلبها ودموعها دايزين مقاداش تبعد..... كاتحس بقلبها كايخرج من بلاصتو كاتكول مع راسها شنو دنبي لاش كايوقع هادشي كامل معايا..... السؤال لي كايطيح فبال كل وحدا منا فاش كاضيق بيها.... تاغيتة بحالنا كلسات كاتقلب على لغلط لي دارت باش كاتعاقب غليه وكاتحط لراسها الف حجة.... هاكا كايوقع لبنا تاحنا ماشي كلشي ولكن اغلبيتنا كاتزورو نفسو اللوامة فهاد الحالة.... كاتبقاي كالسة وكاتلومي راسك على اخطأ نتي مارتاكبتيها.... ولكن هادا هو القدر وبعد كل عسر يسر ..... كونو على يقين ربي كبير ومكايخيبش عبادو.... وكيما كانحلمو بالزوين خاصنا نتوقعو الخايب
جاعندها داك ليكايكون كايقطع لوراق ؛ لالة فين غادة
غيتة هزات فيه عينها دامعة؛ واش الكار ديال..... كاين ولا باقي ما دخل
الكورتي؛ أجي الالة معايا هاو دابا غايخرج
ناضت مسحات دموعها مداتلو لفلوس باش يقطعلها وهو هزلها صاكها ومشا يرصيلها بلاصتها
غيتة تبعاتو وهي حايرة بين قلب كايكولها ماتمشيش وقلب كايكولها سيري مابقا عندك ما ديري هنا باراكا هادشي لي عشتي.... قلبي على حياتك وسعادت ولدك ولا بنتك..... دابا هو ولا وأحق تفكري فيه كتر من اي شخص اخر
نمشيو عند يعقوب لي وصل الماحطة ودخل كايجري...... ولكن للأسف مع وصل مع الكار لي فيه غيتة خرج......وستأتف طريقووو.. دخل بدا كايقلب كار بكار او والو
مشا لشباك التذاكر سولو على القائمة ديال الكيران لي خرجو ليل كامل وصباح كامل بسميات المدن لي مشاولها....... فاللول الشخص لي فشباك التداكر رفض ولكن يعقوب دور معاه وهو يعطيه كاع المعلومات لي طلب
داز الوقت كان يعقوب موقف طونوبيلتو قبالت البحر وكايفكر شنو ممكن يدير ومنين غايبدا...... خصوصا انه مكايعرف عليها والو من غير داكشي لي قدر يعرف فاش كان فاقد الداكرة ولي كانو غير معلومات بسيطة على عائلتها وصاف
نمشيو عند منصور وردينة لي وصلو لبحر ومشاو كلسو فالصخر ...... ردينة منين خرجو من دار غيثة وهي كاتبكي ماقداتش تسكت كاتحس براسها بلي تاهي عندها يد فالحزن ديال غيتة ماباتش هادشي يوقعلها وفنفس الوقت مقاداش تلوم خوها حيت تاهو داكشي لي داز عليه مساهلش
ردينة: عرفتي بقات فيا غيثة ولاكين تا يعقوب راه ماشي بسيط لداط عليه راه مساهلش تخسر شريك حياتك والشخص لي كاتبغي وباني عليه احلامك..... هاد الخسارة لي جات بعد مامات ولدو وضطر يختاربين دنيا اويقطع النسل ديالو.... وشي لي لامتو عليه قبل موتها...... غير عداب الضمير راه كافي باش يخليك تمنى الموت........ هادي كفيلة تخليه مايبغيش يدخل فعلاقة خرا مشي مجرد حبو لدنيا لي خلاه يدير هاكا يمكن يكون تشكل عندو تخوف من أنه يقد يضلم شخص آخر فحياتو يمكن ولا عندو خوف من الحب
ردينة درها راسها بقوت لبكا حسات بيه تزير عليها...... حطات راسها على كتف منصور لي بدورو شحال وهو متردد يضمها عندو ولكن فتالي جرها عنو معنقها وبدا يلعبلها فشعرها تاحس بيها ترخات وسكتات من البكا
منصور؛ شوية دابا
ردينة هزهزاتلو راسها بآه ؛الصمت
منصور؛ كولشي غايتحل...... وعد
ردينة؛ موحال تسمحلو واخا هو كيبغيها دابا شفت فعينيه قلق عليها معرفتش يمكن مكتقدروش تنيزو نظرات ولاكين راه خويا وكنفهمو
منصور ؛ لي كايبغي كايسامح وتاهوا الا ولا كيبغيها غادي يعرف نتمنى غير ميستوعبش هادشي الا منبعد ميفوت لفووت
ردينة؛ هي غتكون كرهاتو بعد التصرف لي دار معاها
منصور ؛ لي كايبغي غيسامح وينسى الأذى اتسبب بيه محبوبو وليكيبغي مكينساش لكيبغي
هو دار تاتقابلو عينهوم ومابقاش كايفرق بيناتهوم بزاف..... سهااا فعينها عاد بتاسم ليها
منصور؛ عارفة داك الشعور ديال مكاتقدش توصل الحاجة
ردينة؛ امم
منصور؛ هداك الشعور كايخليك تزيد تعلق بالحاجة شنو مكانت ياشخص ياشهرة يامنصب........ وانا هادشي لي وقع ليا كانت غيثة مجرد واحد الحاجة لمتعطاتش ليا وكنت باغيها بزز ولاكين نهار شفت حبها ليعقوب عرفت بلي هاذا كان عناد مني وصاف
سالا هضرتو وباسها على راسها ودار كايشوف فالبحر..... ردينة بلا شعور بتاسماتلو ورجعات حطات عليه راسها وزادت تمخششات فيه
نرجعو عند يعقوب لي بغا يحماق ويعرف شغايدير..... تكايجيه اتصال كايقاطع تفكيرو وكايفيق شيطانو..... شاف سمية المتصل وبتاسم
يعقوب؛ لاش ماطحتيليش فبالي
(رد على التيلي).... كوميسييير يزيد سافا
يزيد؛ انا سافا.... غير نتا فين غاطس
يعقوب ؛ماغاطس فين اصلا عيطتي فوقتك
يزيد؛ احم احم.... بسلامة كنت باغي غير نسمع صوتك
يعقوب؛ ياااك ..... واعشرا هادي
يزيد؛ ينعل العشرة لي تخليك تفكرني فحاجتك........ ها كون غير تفكرتيني أنا صونيت وتفكرتك
يعقوب؛ دابا ماتوقفش معا صاحبك
يزيد؛ كول الله يسمعنا كلام الخير
يعقوب؛ الموضوع طويل وخاصو كلسة وانا معنديش الوقت....... كانقلب على واحد البنت بالحق مابغيتش البوليس يدخلو
يزيد؛ شكون هادي وعلاش كاتقلب عليها
يعقوب دابا نسا علاش من بعد
يزيد؛ عطيني لي دوني ديالها وفوقاش اخر مرا شفتيها
يعقوب؛غيتة................. وبالنسبة لآخر مرا شفتها فأنا فتك بخطوا حيت هي ليوم مشات مشيت لگاغ وجبت ليست بالكيران لي خرجو صباح نتا غاتعاوني تشوفلي فشمن مدينة هي
يزيد؛ واخا ولكن غانتسنا تفسير مقنع لهادشي
يعقوب؛ واخة غير طلقنا دابااا
يزيد؛ تهلا وصيفطلي ليسطا عنداك تنساها
يعقوب؛ كون هاني غير نقطع نصيفطهالك
يزيد؛ تهلا فراسك
يعقوب؛ الله يعاون
قطع عليه وصيفطلو ليسطا وهز راسو بالابتسامة انتصار
يعقوب:ولدي غيتزاد ويكبر قدامي
نرجعو عند منصور وردينة لي نساو راسهوم حدا البحر تاحس بيها ترخات عليه..... طل عليها لقاها ناعسا بتاسم وهزها بين يديه لطونبيل....... عاونو داك الكارديان ديال الطونوبيلات حلو الباب حطها ركبلها الحزام....... ضور معاه ودار ركب جيهت الشيفور وكسيرة ماوقف تال قدام الفيلة..... بدا كايدوز يدو على شعرها كايحاول يفيقها
منصور ؛ردينة.... ردينة.. ردينة نوضي راك وصلتي
حلات عينيها ودغيا كمشاتهوم بقوت الحريق لي عاطيها راسها كاتحس براسها مهدودة بقات شحال عاد ستوعبات راسها فين
ردينةوهي كاتشوف فدارهوم؛ مبغيتش نبقا هنا محتاجة نبعد باش نسا شوية ونرتاح....... ولا فيوما غانضور غانحس بضميري كايأنبني
منصور ؛ فاش كاتفكري
ردينة؛ كانكول نمشي نكلس عند شي وحدا من صحاباتي..... نرتاح شوية ونفكر وديك الساع يحن الله
منصور؛ فنضارك فديور الناس غاتقدي تفكري وترتاحي
ردينة؛ وتافدارنا مغانقدش
منصور ؛عندي واحد لابارطومو..... بالحق صغيرة....... مخليها غير لراحة..... تمشي تشوفيها لناسباتك كلسي فيها هاد المدة
بقات كاتشوف فيه مودة؛ ونتا
منصور؛ انا راه ديما مع الواليدة فالفيلة..... وفوق ماحتاجيتيني تلقايني عندك
ردينة؛ صاف واخة
منصور ؛سيري جيبي داكشي لي غاتحتاجي انا غانتسناك
نمشيو عند غيتة لي غير وصلات للدوار بدات الزغاريت عمتها ماقصراتش من جهدها فاش سمعاتها جايا..... وخصوصا شحااال هادي مشافتهوم تقريبا منين مات خوها شافتهوم غير شي جوج مرات..... خصوصا كلا مدهي فحياتو
عمت غيتة (لالة مغنية)؛ مرحبا مرحبا نهار كبير هدا
غيتة فرحت ناس لقبيلة بيها فرحاتها خصوصا جدها هو شيخ القبيلة السابق لمات شحال هاذا مي كان عزيز عند الناس : ربي يخليك اعمتي......... ربي يحفظك ليا
لالة مغنيا دارت عند ناس القبيلة ونطقات؛ بنتنا غيتة حفيدة الشخ المختار جات دوز حمالتها عندنا........ داكشي لا ش غاطول معانا..... مرحبا بيك ابنتي
وبدا كايتسمع الترحيب من كل بلاص.... وهي كاتحاول تشكر كل واحد بوحدو
ردينة ؛ كلنا عارفين البطاقة الوطنية فيها جيبي إس.....وبحكم منصب لي كلفتيه يقلب عليها مايسمحلوش يستخدم هاد القاضية داكشي باش ما قدرتوش
يعقوب؛ وشكون عاونك
ردينة ؛منصور
يعقوب ياك منصور كان باغي غيتة
كملات طريقها لطونوبيلتها؛ كااااان نتا راه تقدر تبدل كولشي
مشات مخبياه مستغرب من هظرتها ومافهم والووو
تبع ليها العين حتى ركبات فسيارتها ومشااات عاد نزل راسو كيشوف فالمذكرة متردد يحلها.. بقا شحال عاد قرب جيهت لبحر وحلها وبدأ كيقرا فالصفاحات الاولى كانت غير أحداث عادية موثقاهم من مراهقتها حل احد الصفحات كان مكتوب فيها حب حياتي
بتاسم وبدأ كيقرا فيها وعاجبو الحال شوية بداو عينيه كيوساعو من الصدمة وراسو كيتحرك بلا
"انا ليوم تخليت على راجل لكنبغي اه حيت ببساطة الحب ميخلينيش نحقق أحلامي عمر معمرو مغيقدر يوفر ليا المستوى لبغا نعيش فيه عارفاه كيبغيني ولاكين عمر لحب ميقدر يعيشني فالرفاهية لكنحلم بيها"
سد يعقوب المذكرة بالجهد وهوا كينهج
ممصدقش بلي كان عايش مع مرة قلبها عند واحد آخر
حلها كيحاول يقرأ هاذ الأسطر ويلقا شي حاجة لتبررر هادشي لقااا ماجي عينو الا ففقرة اخرااا كانت بتاريخ اسبوع قبل زواجهم
" ليوم وبعد اسبوع غنولي دنيا التازي وغنحقق حلمي عارفة بلي كسرت قلب عمر ولاكين أحلامي و طموحاتي كبر من اي واحد ويعقوب تازي ولا جسر لطموحاتي"
يعقوب لاح المذكرة طاحت من الجرف فلمااا
يعقوب:لا لا ماشي هاكا شنو هاذااا نتي ماشي هاكااا كنت عايش فكذبة طول هاذ الوقت لا لا
گلس كيحالو يرد النفس فيه عينيه ولاو حمرين تعرض لخيبة امل لحطماتو لمرة الثانية فهاذ لوقت بالظبط حس براسو خسر
بقا شحال على نفس حالتوو حتى ستوعب بلي كان طول هاذ المدة عايش فكذبة اه كذبة ناض وفملامح وجهو ممحية ركب طموبيلتو وكسيرات مخلي لعجاج موراه
المسااء
عند غيثة
دارو حتى شبعوو ورجعوو عونها حمزة تزل غير نزلات مدات يديها لقفة هزات كاغط كبييير عامر بكوكاو معسل وداخلة وتاكل عاجبها الحال ومرة مرة كتحسس كريشتها بيديهااا
دخلوو نيشان لبييت لفيه تلفازة كانت مرات ولد عمتها كالسة كنتفرج فاحد المسلسلات التركية گلسات جنبها كتنقب فكوكاو وعينيهاا على تلفازة حدرات راسها حتى سمعات اسم يعقوب فالمسلسل وهي تعقد حجبانها بحزن
وتنهدات ناضت خرجااات ورا الداار كانو حقول كبيرة گلسات كتأملهم و تفكيرها كولو معاااه...
عند يعقوب كان گالسة فلفيرمة والعافية شاعلة قريبة ليييه وهاز بزاف ديال تصاور دنيااا كيلوح فيه فالعافية
وعينيه نايمين بالشراااب ووراه حوايج نسلئة واغراض كانت خاصة بيها كيحرقها وحدة مور وحدة كأنو كيحرق جزء خايب من حياااتووو
حرق كلشي ومع كل قطعة كايحرق كاتمسح ذكرا جمعاتهوم وكاتخرج هي من قلبو وعقلو داز لوقت وهو على هاد الحال تاسالا كلشي......
هاذا هوا العاشق يقدر يسامح على كولشي الا الخيانة أكبر عاشق مستحيل يغفر الخيانة
ناض دخل لداخل ترمى فوق الفوطوي راد راسو لور كايحسبيه غايطير....... مكرهش شي مساج هزي يدو وبدا يماصيه وهي تجي غيتة بين عينيه تفكر اللحضات لي كان كيتزير عليه راسو كيكانت كاتماصيهلو تايرتاح وبعد المرات تاينعس...... ناض كايضحك بهيستيريا لي لقاها كايهرسها ويغوت
يعقوب ؛حمار انا حمار......... انا اكبر حمار درت شي حوايج كاتخالف مبادئي على ود وحدا ماتسواش
طاح على ركابيه خاشي يدو بين راسو..... كايتفكر كل لحضة كيكان كايعملها وعمرها عاتباتو ولا كالت شي حاجة..... بالعكس فاش حتاجها كانت حداه....... تفكر ترددها والخوف لي كان كايشوف فعينها فاش كايبغي يقربلها
مات منصور؛ حشومة ماتكوليش هاكا نتي مولات لخير..... راه غير منصور جاتو شي صفقة فالخاريج ومبغاش يمشي بلاما يكون لاخطبها لوالو..... وانا زربت عليه باش حجة وزيارة مايمشيش تايديها يديها معاه يمشيو فشهر لعسل منبعد يدوز يشوف خدمتو
الحاجة؛ إوا دابا لكلام لول ولخر ديالهوم
مات منصور؛ مايكون غير لخير..... كانتيق فيه يقد يقنعها
الحاجة؛ نشالله صارحة مالقاش حسن منكوم.... وتاولدك الله يرضي عليه
نرجعو عند منصور وردينة غير دخلو لصالون دارت عندو ديك الساع عاقداهوم
ردينة؛شهادشي...... ماكلتيلي والو زربتي عليا
منصور؛ بشوية خلعتيني..... انا راه غير عاودت عليك الواليدة وكلتلها راه جاتني خدمة برا نمشي وفاش نرجع غانحل معاك الموضوع..... وهي زربات عليا تاصوناتلي قبل مانتلاقاو بشوية كالتلي راها كالسة مع ماماك وكالتلي ماتعطلش
ردينة ودنها بقات حاصلة عند عاوتلها عليك؛ شنو كلتيلها عليا
منصور تفرشخ بالضحك على ردت فعلها؛ دابا هاديك لي سمعت فهادشي كامل
ردينة؛ سكت مضحكش...... انا راه غانموت بالخلعة من هاد الموقف لي حطيتيني فيه
منصور شدلها فيدها كلسها وقعد مقابل مع وجها؛ ماكلتيليش واش نتي موافقة على الزواج
ردينة عاد وعات على جدية الموضوع حنات راسها حشمانة
منصور هزلها راسها؛ شنو السكوت علامة الرضى
ردينة؛ ماعرفت مانكولك صارحة انا كانرتاح فاش كانكون معاك.... ولكن راك شتي مكانش عندي الوقت باش نفكر فهاد الجانب من العلاقات
منصور؛ صف بلا ماتفكري هانا فكرت بلاصتك
ردينة بلاشعور ضحكات؛ ياك اسيدي
منصور ؛شنو دابا نتوكلو على الله
لوات شنانفها بميوعة عاد نطقات
ردينة؛ ماخليتيلي مانكولك
هوا فهاد الفترة لي كان كايعاونها فيها كانو قراب لبعضياتهوم وماتنكرش إعجابها بشخصيتو خصوصا شافت فيه الجانب المحب لصديقو
شدها من يدها وخرجو علمو كولشي بقرارهوم وحددو لوقت ديال الخطبة الرسمية والعرس
ناض منصور وماماه ودعوهوم للقاء القريب نشالله ومشاو
اصبحنا واصبح الملك للله وإليه النشور
فاقت كاتشبح مني جات لهنا عاجبها الحال هاد الجو كايجيبلها الراحة النفسية.... ناضت دوشات حيت لبارح جات عيانة مقداتش دوش....... لبسات عليها عاد طلعات عند عمتها لصطح.... لقاتها كالسة فواحد لكليسة تما كاتنسج الصوف وحاط حداها واحد الصينية فيها الفطور ومغطياها
غيتة؛ صباح النور يأحلا عمة فالعالم
لالة مغنية؛ الخير والخمير.... نهار على نهار كاتنوري وموتاك الحمل غير نتي
غيتة رضات مصارنها غسلات وجها وعاد هزات راسها فعمتها كاتمسح وجها؛ عمتي داك البيض زفر واش قديم
لالة مغنية عرفاتو الوحم؛ لا بنتي عاد جبتو الصباح من الكوري بالحق لماعجبكش مانبقاش نديرو
غيتة؛لا لا اعمتي لابغيتيه غير كوليه مانمنعوش عليك انا
لالة مغني بلعاني؛ لا ابنتي انا قاديتولك غينتي
مشات كاتجري جمعاتو وداتو لكوزينة جايت الزيتون والزيت والزبدة البلدية وخلاص اتاي بفليو حيت منين جات غيتة وهي كاتبغيه غير هو..... غير حطاتهوم طارت غيتة على الطبسيل ديال الزيتون كاتاكلو بوحدو بلا خبز
لالة مغنية؛ غير بشوية عليك ابنتي ودوزيه بالخبز راه غايعصمك
لالة مغنية غير كاضحك فرحانة ببنت خوها..... خصوصا كاتشم فيها ريحت المرحوم..... وزيد ونساتها فاش جات عندها.... ولدها واخا عيش معاها فنفس الضار مكاتعمرش بزاف مع عروستو مخلياها فالتيقار باغا تخلي بلاصتها معاها نقية
فطرو سالاو خرجات غيتة على برا.... منين سمعات بلي شي نعجة لبارح ولدات بغات تمشي تشوف وليدها خصوصا عمرها شافتهوم
دخلات لكوري لقاتو مضلام غير شوية ديال الضو لي كايدخل من واحد السريجمات من لفوق شعلات لفلاش ديال تيليفون ودخلات كاتقلب عليها غير لقاتها هزاتها عندها كاتلعب معاها وحطات الطيلي فالأرض...... بقات كاتلعب معاها تكاتحس بشي يد على كتافها تهزات وحيات بليدين حاوطو خصرها وكاتحسس فكرشهامحسات براسها غير غوتات غوتة وحدا هزات الطيور من الشجر خلات كولشي يمشي عندها كايجري
هي غير رخات منها ديك اليد تمات خارجا كاتجري وماعارفا راسها فين غادا تاكاتحس براسها دخلات فشي حد
لالة مغنية؛ مالك ابنتي كوليلي مالك...... شعلو الضو
لالة مغنية شدات فغيتة و خرجاتها كاترعد وكاتبكي؛ صافي ابنتي صافي..... مزال ماخلاق ولا عاش لي يمد يدو على وحدا من نسا لقبيلة ماتخافيش هاهوما الرجال غياخدولك حقك منو دابا
رجال لداخل لقاو داك الشخص باقي مصمر بلاصتو تمو مخرجينو ديك الساعة من تما هوما كايضربو تال برا..... شبعو فيه عصا وخرجوه شاجينو راسو الأرض
السراح؛ لالة مغنية ها بالكيدار لاخور
لالة مغنية معنقة عندها غيتة لي باقا كاترعد؛ شكون هاد لحمار.... هادا ماشي من ولاد لقبيلة
الشخص؛ انا... انا
غيتة مع سمعات حلقو تصدمات ودارت كاتشوف فيه مصدومة..... زادت حلات فمها فاش شافتو فديك الحالة قربات كاتقلبو بهيستيرية وخوف
غيتة؛ يعقوب.... يعقوب نتا لباس
يعقوب بصوت متألم؛ اش بانليك
غير هضر رخات منو وناضت مسحات دموعها وحاولات تقصح قلبها جمعات عليها كابهاوقلبات وجها داخلا لدار؛ صافي راه لباس يالاه اعمتي
غيثة:بخير راك كتشوف على عينيك دابا ممكن تمشي فحالك
يعقوب:ميمكنش نمشي ونخليكم
غيثة شافت فيه بعيون دامعين
غيثة:لا يمكن ليييك حنى مكنعنيو ليك والو سير دفن راسك مع ذكريات وحدة..
سكتات مقادراش تعايرها قداموو
يعقوب:مكتسواش
غيثة هزات راسها فيه مدهوشة
غيثة:كفاش وااش...
يعقوب:عرفت كولشيييي
هزات راسها باه
غيثة:مزيان ولاكين هادشي مغيغير والو سير يلاه تشد الطريق قبل ميطيح الظلام
قالت كلمتها لخرة وهي تمشي مبعدة عليه لوات لكاب على كريشتها لباينة دارت آخر مرة مخنزرة فيه وكملات طريقها وسط الربيييع
يعقوب كيشوف فيها معصب دار تابعها حتى حس براسو عفط على شي حاجة نزل راسو وهوا يلقا رجلو عامر بروث البقر (الخرا)
عفط على داك الخرا هبط راسوو
يعقوب:فااك اش هاذ لاخراا
غيثة سمعاتو تلافتات وهي تشوفو هاز رجليه ومطلية بلخظر لون روث شداتها الضحكة بدأت غادية وكصحك وهوا بغا يتبعها وفنفس الوقت هاز رجلو قرب ليه واحد من لخماسة
... اجي اخويا تغسل راه لبير لهيه
يعقوب هز راسو باه وتبعو وعينيه على غيثة مرة مرة كتلفت ليها حتى دخلات لداار
تعاشااات العشية
كانت فالسطح ديال الدار كتشووف فيه كان موقف طموبيلتو قريب لدار وواقف حداها
تنهداات
غيثة:سير صافي سير فحالك
هبطات لقات مغنية كتوجد المسمن
غيثة:خالتي مبقاش كاوكاو معسل
مغنية:داكشي لجبتيه كليتيه ابنيتي وبلاتي سيري شوفي عبد لله لخماس لطالع لفيلاج يجيبو ليييك معاه راه كل عشية يطلع يشري لكارو مبلي لله يعفو
غيثة:واخااا
مغنية:عيت مع راجلك يدخل مبغا شوفي معاه نتي
غيثة هزات راسها باه و خرجات لقات عبد لله كيشارجي لبيكوب بسلعة لغيهبط الصباح لمدينة
غيثة :غتطلع لفيلاج ياك
عبد لله :ايه محتاجة شي حاجة
غيثة جبدات عشرين درهم مداتها ليييه
غيثة::جيبها ليا كوكاو معسل واخا
هز راسو باه هي ضربات طلة على يعقوب لكان كيشوف فيهم ودخلاااات
يعقوب غير دخلات مشى لعند لخماس
يعقوب:شنو بغات
عبد الله :غير شي صخرة وصااف
يعقوب :شنوو
عبد لله قاليه شنوو يعقوب بتاسم ونطق
يعقوب:ديك عشرين درهم غير خدوها حلال عليك انا نتكلف
عبد لله عجبو الحال يعقوب هز طموبيلتو وكسيرا طالع لفيلاج
رجع منبعد مخدا لبغااا غير وقف بطموبيل خرجات كتجري كيسحاب ليها عبد لله
غيثة شافتوو وهي تخنزر كان الظلام بدااا كيطييح
غيثة كتقلب براسها على لخماس والو مبانتش ليها يعقوب قرب ليها ومد ليها ساسي كبيرة تسائلات بملامحها شنو كاين
يعقوب:شوفي
خداتها وطلاات لقات شاسيات فيهم كاوكاو وزيد عليهاا فواكه جافة و كولشي بكثرة تقول شرا مول زريعة كاملة
بقات كتشووف فيه ببرود
غيثة:شكرا مبغيتوووش
حطاتوو قدام رجليه ودخلات هادشي كامل داز قدام مغنية لقربات ايعقوب هزات من قدامو الشاسي
مغنية :دخل
يعقوب :انا انبقا فطموبيلتي غير خليها على راحتها
مغنية :راه هظرت دخل راه راجل كتسنى فيك فالقبة
دخلات لواحد لبيت كبير كان فيه راجلها وولدها عاد رجعات طلعات عند غيثة
لالة مغنية كلسات حداها وشداتلها فيدها ؛بنتي ماتخليش لوحم يخرجلك على حياتك هادي فترة وغادوز ونتي غاتخسري راجلك وغاتندمي
.... دارت لالكول فالقطن وبدات كاتعقملو وهي كاتبرك باغا تخرج العصبية منها...... كاتعامل هاكا وهي من لداخل كاتسول راسها منين جابت هاد القوة..... هو غير كايشوفيها ومخليها على راحتها كاتخرج اعصابها وخا راها كاتشوطو..... حنا عينو لكرشها بغا يمد يدو يحطها عليها هي قشعاتو وبعدات حطات لقطن ولوحات عليه تيشورط ديالو
غيتة؛ لبس وتبعني
وقف تابعها وهو موعت وكايحاول يلبس فالطريق.... هي زادت قدامو خرجات من الضار ماحبسات تاوصلات لوسط الحقل لي مور الدار وقفات وعقدات يديها وهي كاتحاول تقصح قلبها..... هو جا اوقف فجنبها كايتسناها تهضر
غيتة بلاماتلفت عندو سولاتو ؛شبغيتي
يعقوب ؛ مابغيتش ولدي يتربا يتيم الأب
غيتة؛ نتا ماعندك ولد
يعقوب؛ نتي حاملة مني
غيتة؛؛ هادا ولدي بوحدي ونتا غاتفضل تمشي بحالك
دارتوهزات صبعها فوجهو؛ وياك تسولك عمتي وتكولها مطلقين غاتكولها انا غانبقا هنا حتا نولد وهادشي تافقنا عليه بجوج
يعقوب؛ ادا هوما معارفيناش مطلقين..... امم هادي نقطة لصالحي
غيتة ضحكات باستهزاء؛ صارحة هي لصالحك..... حيت كون كنت معاودالها كلشي ماكنتيش غاتكون حي دابا
طلعات وهبطات فيه باحتقار؛ والشونتييو راك جربتيه
يعقوب تعصب من طريقتها فالهضرة؛ لا الالة نتي غاتمشي معايا او بسيف عليك
غيتة باغاتفقصو؛ إلا وصلتي لودنك غير عضها.... ونزيدك حنا دابا مطلقين فهمتي
دارت غادية يلاه غتحطي خطوة لقدام وهي تحس بالأرض مشات وجات تحت رجليها وطاخت بين يديه مغيبة
حلات عينها على صوت لبكا ديال ولد صغير...... ناضت كاتكمش فعينها... تقدات فگلستها بتاسماتلو وهزاتو كاتراري بيه
لالة مغنية؛ اويلي مالك خلي سيد يشوف مرتو ولدو ياك لوحم وداز لولادة او لدات شبغيتي تحيدي لمرا لراجلها
يامنة؛ا لا غير حيت عاجيت من عندهوم لقيتهوم ناعسين...... كلت هوما باقيين عيانين..... من الأحسن يخليهوم يرتاحو
يعقوب بتاسملها ؛ماتخافيش عارفها عيانة...... غير غانشوفها مغانبرزطهاش ونشوف ولدي
يامنة بقات كاتشوفيه وهي خايفة لدار دابا شيحاجة مغاتقد دير والو باش ماتبانش كدابة
لالة مغنية؛ طلع اولدي طلع شوف مرتك او ولدك..... اه من الأعراف والتقاليد ديالنا تزررهوم ماتدخلش عليهوم بيدك خاوية
يعقوب شاف فيها وبتاسم؛ ماتخافيش داير بحسابي
دار وخلاهوم وطلع....... حل لباب بشوية كانو ناعسين...... مشا بخطوات تقال لجيهتهوم بقا شحال كايشوف فيها عاد حول عينو لولدو...... جبد واحد جوا من جيبو حطو عند راسها..... هزليها يدها لي على ولدها بشوية وهزو..... بقا شحال كايشوف غيه فالتالي لواه فملايتو وهزو وخرج......... مع تسد لباب مع ناضت قافزة.... قلبات على ولدها مالقاتوش فلول كالت غاتكون مها داتو..... يلاه جات ترجع تنعس مع باقا عيانة من لولادة..... حطات راسها نيشان على جوا ناضت تشوف شنو داكشي لقاتها برية هزاتها قلباتهاوهي تلقا فيها سمحيلي حلاتها وهوما يتكبو منها لفلوس...... قلبها تهز ناضت كاتجري خرجات من لبيت كاتغوت
غيثة :أعوذ بالله من الشيطان الرجيم بسم الله الرحمن الرحيم الحمد لله
بعد مدة من الخوف قدرات تركز وعرفات ان لدازت منو مكان الا حلم خايب جمدات لله وشكراتو
دخلات افرملية
الفرملية:على سلامة
غيثة:شكون جابني هنا
الفرملية:راجلك ومسكين كان غيحماق بلخووف راه ك س على الجمر برا
غيثة مسمعات والو منغير كان خايف عليك
غيثة:هوا براا
هزات ليها راسها باه غيثة بغات تهظر حتى بان ليها دخل هبطات راسها وهوا دخل منبعد مهظر مع الطبيب ولي شرحلو بلي غير بسباب الضغط خرجات لفرملية منبعد مبدلات السيرووم بحكم غيشدوها هاذ ليلة باش ترتاح
غيثة:اه بغيتك تبعد مبقيتش باغا نكون فنفس البلاصة معاك كل مرة كنشوف فوجهك كنتفكر هظرتك كون قتلتني ومقلتيش ديك الهظرة كون جيتي عليا باي طريقة الا هاذيك حسيت براسي رخيصة
يعقوب تفكر نهار لأنها فيه زير على قبضتو ونطق بنبرة فيها شيئ ما من الندم
غيثة هزات راسها باه ودخلوو خدات هاذ لعشية رتاحت عاد شدوو الطريق
سعات قليلة كان قدام الفيلا غيثة ناعسة وشعرها على وجها دايرة السمطة يعقوب قرب ليها كيحيد ليها فيها للحظة سهى فملامحها وتفكر كل لحظاتو معاها مد يدو وبعد خصلات شعرها المتناثر ولي مخبي ملامحها
بقا شحال كيشوف فيها حلات عينيها فيه سهى فلونهم
غيثة:احم...وصلناا
يعقوب وعى على راسو وبعد
يعقوب :اه
هبط وحل ليها لباب عاونيها تزل تنترات منو خلاها على خاطرها تحل لباب والحاجة خرجات فرحانة برجوع غيثة كثر من ولدها كاع مكتهظر معاه من نهار الطلاق
عنقاتها فرحانة بيها و ردينة كتنقز وتسنى نوبتها غالتعناق يعقوب بتاسم وهوا كيشوف مو فرحانة
داز شهر وتبعو لآخر لكريشة كتكبر عند غيثة ولروحها كتجدد ولات بخير فصحتها رغم قلبها المشتاق ليه
دخلات عليها ردينة لقاها كالسة كتنسج تقيشرات فالصفر
ردينة:ليوم غتعرفو جنس لبيبي ياااكي
غيثة:اه
ردينة:اااه يعقوب غيفرح بزاف
غيثة قلبات عينيها وشفايف ها بميوعة عاد نطقات بهمس
غيثة:تايكون مهتام بعداا
ردينة شافت فيها ودخلات قنانفها باغا تقوليها ومقدراش نفضات افكارها و
مدات يديها لتقيشرات
ردينة:علاش الصفر
غيثة:سوا بنية ولا وليد غيقدر يلبس الصف
ردينة:اممم مرات خويا ذكية
غيثة:ماشي مراتو فهمتي
ردينة فهمنا فهمنا حبيبة قلبووو
عربات منها وقفات حدا لباب
ردينة :المهم وجدي راسك بابا لغيدينا
غير خرجات ردينة ناضت غيثة لبسات عليها ولاحت الكاب لولفات ديرو على قبل كريشتها
وهبطو لتحت
طلعات بطموبيل والحاج فيها ردينة كانت مبعدة كتهظر فتيلي
ردينة :اه اخويا شربات لفيتامين ديالها وخدات دواها راها بخير.... اه اكيد غنصور ليك كولشي صراحة كون جيتي حسن... تخليها على خاطرها هي راه خاطرها معاك نتا بوحدك... يعقوب نسولك..... وليتي كتبغيهاا
بتاسمات وهي كتشوف فغيثة وقطعات مرتاحة من لي سمعاتووو
طلعاات ونطالقو لوجهتهم
دقائق ديال طريق كانو وصلو لعيادة النسائية لمتبعة معاها غيثة
دخلو وغيثة گلسات كيتسناو المرا لعندها تخرج حرات راسها كتحاول كتشوف المنظر لديمة كيطيحو دموعها من شوفتوو ولاكين الحظ معاكسها وباغيها تبكي غير هزات راسها بانو ليها كوبل داخلين مشادين عاون مرتو حتى گلسات و باينة عليهم الفرحة غيثة قلبها حرقها تاهي بغات تعيش هاذ لحظة ويكون معاها
وصلات نوبتهم ناضت مسحات دموعها ودخلو
الطبيبة:غيثة سافا
غيثة:الحمد لله كولشي بخير
الطبيبة :غاتكوني متحمسة
غيثة:اه اكيد وبزااااف
الطبيبة:كنتمنى يكون فالوضع لنقدرو نححددو جنسو آخر شهرين مبان لينا والو حيت سي سيد ولا لابخانسيس عاطيناا بالظهر
ردينة:لله ياربي سوا بنت ولا دري باين لعربون يعقوب نسخة طبق الأصل
ضحكو وغيثة بتاسمات كتفكر نيت واش غتكون عندها نسخة مصغرة منو منو تفاصيل وملامحو فاقت من سهوتها على صوت الطبيبة خدماتها تمدات فوق سرير هزات لحوايج على كرشها
ردينة دوزات لابيل فيديو بلما تعيق وبدات الطبيبة كدوز لابراي عليها من فوق داك سائل الشفاف وكتشوف فالشاشة
الطبيبة:اووه والووو مبغا يباان رجيلاات مجموعيييين
ردينة :وتعفااار هاذااا هاي هاي
غيثة:صاف حسن تبقى مفاجأة لينا
الطبيبة:تبغي تسمعي دقات قلبو ولا قلبها مرة اخرااا
غيثة بدون تردد وافقات وتسمعو دقاات لقلب فكل الغرفة زيرات على يديها احساس فشكل ودموعها نزلو
كان جاي فلكلوار كان ديمة كيقوي راسو ويصبر ولاكين هاذ لمرة مقدرش صوت قلب طرف من كيتردد على مسامع ديالو
كانت لفكوف بارد دخلات لدرسينغ حيدات لي عليها معا يلاه كانت مدوشة شعرها باقي فلفوطة حيدات غير لبيجامة لفوقانية وبقات بجيباردو وشورط ديالو ولبساتها جاتها زوينة مع كريشتها ومخبياها هزات لحزام وخرجات محملاش ديروو
فبلاصة اخرااا
كان فالجردة واقف تابان ليه منصور جاي لجيهتو حدر راسو مقادرش يشوف فيييه
منصور:نسيبي
يعقوب :نسيبي
منصور عنقوو وصحكو نساو شنو وقع فرمشة عين وهاذي هاي الصداقة متخليش تحقد ولا تكره
منصور:ونتا مزال مبغا يهديك لله
يعقوب جبد بواط دلخاتم وراها ليييه
يعقوب:معرفتش واش غتقبل ولا لا ولاكين قررت ليوم غنفاتحها
كنصور:توكل على لله و كولشي بيديه ولعارف غيثة كتبغيك فهمتي
هز راسو باه ودخلووو
دااازت لوقت وهبطو لبنات
منصور لغياكل ردينة بعينيه جات كتحمق بالأحمر ملكي وتاج بحال شي أميرة انا سي يعقوب فعينيه على غيثة ويجو على جيبوو باغي غير لفرصة
داز كولشي على خير وتوقع عقد الزواج غيثة كانت كتصفق فرحانة شوية خسرات وجها عاضة على شفايفها بألم
مسافة الطريق كانو قدام آل كلينيك لفيه طبيبتها جابو ليها الكرسي متحرك حطوه فيهااا ويعقوب دافعو وهي كتقطع بلوجع وقفات طموبييل الحاج ومنصور ونزلو يامنة وحتى انور وأم منصور كاع لكانو فلعق جااو دخلو كيحريييو بها لغرفة الولادة دقائق من الفحص
الطبيبة:غتولدي داباا
غيثة:اييي بغيت ماما عيطي ليها
الطبيبة :غير تهدني كولشي غيدوز بخييير غير تهدني
خرجات الطبيبة وعطات الأذن ليعق ب يدخل عندها كمحاول انه يكون معاها ويقدر يهدنها لبسوه لبيسة طبية ودخل كانا كتوجع قرب ليها
يعقوب؛ لاغاخليني نلبسك...... راك ماتعرفيش وغير غاتخربقي لاغوب خلي نعاونك
غيتة دوراتو جيهت الباب دافعاه؛ اجي امي نوريك دار خوالي..... خرج حدا ولدك انا قادة بشغلي
يعقوب ضحاك وخرج..... يلاه غاضور تلبس وهو يحل عليها لباب عاود؛ متأكدة مخاصكش لي يعاونك
غيتة؛ برا وسد الباب وراك
يعقوب؛ هاهو خارج
خرج مشا هز ولدو؛ فاروقي شتي مك جرات عليا مخلاتني تانعاونها...... هادي هي دير خير مايطرا باس
غيتة؛ كانسمعك
يعقوب تانا بغيتك تسمعي
داز لوقت لبسات وسالات مع كانت لكوافورا دارتليها المكياج وخلات شعرها مطلوق غير بوكلاتو
غيتة ؛يعقوب
يعقوب؛شتي كلتلك خليني نعاونك
يلاه بغا يخل لباب وهي تحبسو؛ صبر
يعقوب؛ مالك ياكما تقطعات...... كولتلك غلاضيتي ورا لولادة
غيتة كانت غاتكولو سد عينك ساعا غير سمعات هاد لهضرة خرجات؛شنو غلاضيت.... بزاف عليك لاغوب موتاتني غير انا
يعقوب تصمك بقا حال فيها فمو غير هي........ بقات شحال كاتهضر غير بوحدها شافتو حال فمو فيها وهي تسدولو وتمات غادا كاتعوج
غيتة؛ياك غلاضيت واسد فمك راه لموت كاضور
ماحسات براسها تاكان جرها تاتزدحات مع سدرو
يعقوب؛ فين كنتي مخبيا هادشي
غيتة؛ ماخبيت والو نتا لي كنتي معمي
بقاو مناقشين تادخلات عليهوم الحاجة ؛مزيان تباركالله كلشي كايساينكوم لتحت ونتوما كالسين هنا
غيثة هربات لدرسينغ حشمانة
الحاجة هزات فاروق وهبطات بيه كان لابس شوميز فلبيض وسروال فلكحل مع جيلي فنفس لون وبابيون كيبان كيحمق
داز لوقت تمو هابطين هي شادالو فيدو وغاطير بالفرحة..... هو كدالك كايشوفو الناس لي جاو غير العائلة..... ختارو يكون. غير بيناتهوم
هابطين معا الدروج والورد كايتلاح عليهوم من الفوق..... هبطو وجهاتهوم الحاجة ويامنة لكليسة ليموجديلهوم لعقد
ردينة ومنصور واقفين كصفقوو
منصور:سي تگلسي
ردينة :يلاه شهري لول متخافش ههه مالك
منصور:ماشي سوقي گلسي خايف على ولدي ولا بنتي
ردينة :لله يهديك
منصور الا مغتگلسيش نجيب ليك كرسي
ردينة:اوووف منك هاهي گالسة
يعقوب وغيثة
كانت كلسة ملمطة بالطرز الفاسي فالحمر بمخيداتها..... كلسو وكلس بيناتهوم لعدول..... سالاو الإجراآت..... نوضاتهوم الحاجة وخرجاتهوم للبرزة لي على برا بداو كايتلقاو التهاني وكل شخص عاطيينو وقتو...... يعقوب طلب منهوم يجيبولو بنتو باش ياخدو صور عائلية...... طلعات لالة مغنية هي لي جابتها وجات مداتهالهوم وجبدات بواطة فيها جوج سنسلات بحال يحال ديال الدهب وخاتم ديال الذهب لبيض فيهوم كاملين نفس الزواقة...... لبساتهالهوم وبداو ياخدو الصور العائلية
وداز نهارهم كلو فرح وسعادة
وقفات غيثة وقرب ليها باس على راسها ونطق
يعقوب:نتي حيتي قلب مات خليتيه يبغي من جديد نتي راك معجزة قلبي ولا نقول باختصار غيث قلبي
أنثى على الهامش الجزء الخامس والأخير
محتوى القصة
التنقل بين الأجزاء