الحب مختالف من منظور لمنظور وكل واحد وكيف كايبان فعينيه ..شحال من واحد عند بالو باللي الشي اللي كايعيشو حب .. لكن فالحقيقة كايطلع غير وهم وطيف كانزينوه فعقلنا الباطني.. ونردوه حنا حب..
شحال من واحد جا الحب حتال بين ايديه وبسبب عمي قلبو.. ضيعو من ايديه وبايديه قمعو
..وشحال من واحد كان من المحظوظين انو يلقاه..داكشي باش تشبت بيه .. بديه ورجليه وقلبو وروحو وجميع جوارحو .. تشبتات بيه وقاتلات على قبلو وغاتبقا تقاتل على جال الحب اللي خلاها مدمنة .. مدمرة .. ورجع ردها حالقة فالسما بجناوح
.. غاتقاتل على قبل الحب اللي زلق من ايدها فلحظة .. ورجع ليها مرة خرا .. حقا كانت محظوظة مرة خرا فأنها لقاتو .. ولأول مرة كاتعرف باللي ماشي منحوسة كيف ديما كاتقول ..تؤ بالعكس، حظ العالم كلو معاها .. حيت عارفة ومتأكدة أن أكتر الناس حظا .. هوما اللي عندهم داك الحب الطاهر فحياتهم .. داكشي لاش غاتقال..وغاتبقا تقاتل على قبلو..
خرجات من دار الجارة كاتجري وتلهت وشعرها شوية مخربق..نسات امر المصعد وفالمقابل نزلات مع الدروج هازة الطيلي كادوز رقم اللي تواني وجاوباتها منو المساعدة ديالها
الحب مختالف من منظور لمنظور وكل واحد وكيف كايبان فعينيه ..شحال من واحد عند بالو باللي الشي اللي كايعيشو حب .. لكن فالحقيقة كايطلع غير وهم وطيف كانزينوه فعقلنا الباطني.. ونردوه حنا حب..
شحال من واحد جا الحب حتال بين ايديه وبسبب عمي قلبو.. ضيعو من ايديه وبايديه قمعو
..وشحال من واحد كان من المحظوظين انو يلقاه..ولكن للأسف الحب دق باب قلب ماعندوش الجرأة يفتح عليه..خايف ومرتاعب منو من كترت ماسمع على التجارب الفاشلة للأشخاص التانيين..
الحب اللي الناس كلهم معتابرينو مفتاح السعادة .. بالنسبة ليها هي تعاسة وجراح مكتساليش
..الحب اللي الناس كلهم معتابرين لونو وردي فاتح مبهج..بالنسبة لنجاة هو فقط دوامة سوداء كاتمتص كل من دخل ليها
...وبالنسبة ليها الحب بحال علامة تساوي الوسط..من جهة غايعطيها الفرح والسرور وإحساس التحرر من الكآبة..لكن فالمقابل غاينتر عليها جراح من شأنهم يخليو مخدتها فازگة ليالي وليالي ..
بقات ساهية كاتشوف فيها وعيونها مصغراهم..مافاهماتهاش بتاتا..واخا هي كانت متمنية أنها ترجع لخوها ويكونو بجوح ولكن علاش بقات متشبتة بيه وبغات تعيش نفس التجربة مرة خرا؟ حتا هيام تعدبات بحال تاج الدين..آه عارفة باللي العداب ماطاحش عليه غير هو..باقا تعقل يامات كانت كاتنوض للطواليط بالليل وبالصدفة تشوفو فايق فالضلام كايطل من السرجم على شباك بيتها..عيونو كايشعو عشق وحب ولو يعيا مايخفيه فالصباح..الليل كايفضح داك الحنين فبؤبؤ عيونو ..باقا تعقل شحال من مرة نطق سميتها غير سهوة وشحال كان كايآلمو الموضوع فاش كايوعا على راسو..وبزاف ديال المواقف خلاو قلبها ينفر هاد الحب وتبغي بشدة تعاون خوها باش يتغلب عليه .. اللي محيرها دابا هو علاش هيام باغة تعااود نفس التجربة مرة خرا.. متتخافش؟ ماتگهتاش من الجراح اللي عاشت؟ مانفراتوش حتا هي؟
..تحل الباب وطلعات حداها هيام حطات البلاستيكات اللور ومدات ليها قرعة ديال عصير الليمون بابتسامة وقالت : ماللي ماباغاش تاكلي شربي بعدا هادا يرد فيك اللون على الاقل
خداتها شربات منها شوية وهي عاود گالت باهتمام: دابة شوية؟..تهدنتي؟
نجاة: مافياش..عير الهضرة اللي گلت عياتني وليت باغا غير ننعس والله
هيام: ماشي قبل ماندويو فهادشي..يالله نزلي ابب يالله يالله
...حلو الباب بجوج نزلو وسبقاتها هيام للرملة..حيدات السندالة وگلسات مربعة رجليها كاتشم هوا البحر ورياحو كايلعبو بشعرها..حتا گلسسات حداها نجاة ونطقات بلا ماتشوف فيها
هيام: الهوا ديال البحر فيه شي حاجة بحال السحر..كيفما كانو جروحك كاتحسيهم ونتي قدامو بواحد الهدنة لداخل.. وبالك صفا وارتاح من الهم..واحسن مكان ممكن تعاودي فيه سرك هو البحر .. حيت عمرو يبوح بيه..وكايديه مع الامواج ويسرطو وعمرو يرجع
شافت فيها كاضحك ونجاة بسمات..شدات ايدها بحنية وقالت مرة تانية بنبرة هادية: ولو نبكي عليه عشر سنين خرا..واخا نتفارقو مية مرة ومرة ..كايبقا معاه عرفت الحب الاول والحقيقي..وعمري نسمح فيه ولا نخلي حبنا يسالي..انا عارفة باللي خايفة.. ولكن الحب ماكايخلعش لهاد الدرجة انجاة
قاطعاتها كاتتنهد: ساهل عليك تگولي هاد الهضرة..ولكن انا كبرت وكنشوف عائلتي الصغيرة غارقة فالهم بسبب واحد..هو الحب اهيام..خالي الله يرحمو تدمرات حياتو ..كان خدام وفنفس الوقت باغي يدير شحال من حاجة يزيد بيها فحياتو القدام..حتا بغا بنت مول الپاططرون..ومشات حياتو فالحبس..وعاود ماللي خرج ومالقاهاش كان غايحماق..هادشي كامل عاقلة عليه شفتو بعينيا وعشتو معاه لحظة بلحظة..ومن بعد خويا الكبير..خويا اللي كنت كانشوفو حجرة..متحكم فحياتو ومسيرها كيف هو بغا وغادي مزيان ..حتا عرف الحب.. وبسباب كدبة تدمرات حياتو ومشا حتال الموت ورجع "مسحات دمعة خرا نزلات" اللي أزمني كتر هو ماما..باقا عاقلة شحال بغات بابا وشحال كانت متأملة فيه ..وهو شنو دار..مشا وخلا ليها غير عداب الحب.. عداب فعداب ..
..انا مابغيت حد اهيام..مابغيت نبغي حتا واحد "شافت فيها كاتبكي" بغيت نعيش حياتي عادي عمري نتجرح ولا نعيش فالمرار..نفضل نعيش مع واحد كايبغيني ولا نكون انا كانبغيه
هيام: ماغاتقدريش ..حتا واحد مايقدر يعيش بلا حب واخا تعياي ماتحاولي، عمرك تقدري تتعايشي مع واحد ماكاتبغيهش..وماشي كلشي عندهم مصير واحد ..ممكن يكون زهرك زوين فالحب وتيقيني حسام باينة فيه كايبغيك من قلبو..
نجاة: وحتا جميلة كانت كاتبغي خالي من قلبها بحالو تماما..ولكن الاقدار فارقاتهم..وتعدبو بزاف
قاطعاتها بإصرار: وانا متأكدة بحال كيما كانشوف فيك دابة، باللي كون تعاود الزمر مرة خرا ..لا خالك ولا جميلة غايبدلو شي حاجة .. غايعيشو نفس المراحل ويعاودو يعشقو بعضياتهم واخا عاارفين غايتعدبو مرة خرا..ماغايبدلو والو من الماضي..حيت الحب الى مشيتي حتا عشتيه العداب بنفسو كايجيك حلاوة ههه نتي دابة كاتحاولي تتخيلي راسك ماكانهم شنو غاتحسي، ولا كاتحاولي ديري راسك بلاصتي فاش تفارقت مع تاج الدين وغير كاتفكري بزاف فالموضوع الخلعة كاتشدك..ولكن عداب الحب تعياي تتخيليه الى ماعشتيهش عمرك تعرفي كيف داير..حتا روحك فاش كاتتنخص من بلاصتها..حتا فاش كاتحسي بقلبك شوبة ويخرج من بلاصتو..فاش كاتگولي حياتي هنا سالات بلا بيه..حتا دوك الاحاسيس القاتلة ماكيزيدو الحب الا حلاوة..وغير كايرجع ليك هاداك اللي كاتبغي كلشي كايتمحا..وبحالا عمرو كان
مسحات وجهها كامل وتنهدات: كون غير بقا ساكت...كون ماگال والو وخلاني هانية مع مخي.. "شافت فيها باستفسار" اصلا انا عمري شفت فيه بديك الطريقة ولا لمحت ليه لشي حاجة.. علاش زعما علاش يدير فيا هاكا.. علاش اناا بالدات
هيام: ههههه..دابا بيناتنا..نتي كاتبغيه؟
نجاة: معلوم لا..
هيام: متأكدة ؟؟
نجاة: معلوم..حسام!!..هو راه بحال خويا الى مأگلتش خويا دبصح
طلعات حاحب: واخا وعلاش هربتي..كنتي تسمعيه عادي وتوضحي ليه الامور ماشي ديري هاد الگلية وتبكي بالسوايع غير حيت هو كايبغيك؟
بنرڤسة ردات عليها: هياام هضررتك ابدا ماكاتريحينيش غير كاتصعبيها كتر
هيام: هههه صافي واخا انا ساكتة..
نجاة: صافي بدلي علينا هاد الموضوع راسي ضرني.. "سكتات شوية وعاود شافت فيها" خلينا مني دابة..نتي علاقتك مع تاج الدين كيف غادة؟
تمحات من فمها البسمة جمعات النفس وخرجاتها حارة عاد ردات عليها: ماشي هي هاديك..متوترة هاد الساعة
نجاة: علااش؟ ياكما عاود دخل بيناتكم شي حد..ولا ياكما هدى دارت شي مشكيل اناا عارفة ديك خيتي ساكتة على خزيت
هيام: لا لا ماشي هي.. هاد المرة الماضي هو دخل بيناتنا.. بزاف ديال الحوايج وقعو وبزاف ديال الحوايج تبدلو مع مرور الوقت..والبعض منهم كدبت فيه على تاج الدين
نجاة: كدبتي عليه ؟ "حركات ليها راسها كاتتنهد" فهادي غلطتي اهيام، حيت اكتر حاجة كايكرهها خويا هي الكدوب
هيام: عارفة.. طيش وصافي..سحابلي باللي حاجة عادية ماشي بالضرورة يعرف دابة..ساعة طلعت كدابة وهو عرف من بلاصة خرا
نجاة: بلاتي ياكما تخااسمتو؟
بالنفي حركات راسها وردات: هاد الساعة باقي ساكت ماگال والو
تبتسمين، فيفقد الليل وعيه، ويكتم القمر تنهده، ويسقط من السماء نجم أرهقه إعجابه
بدات الشمس فالغروب والحال كايضلام ..
★كان هو فالصالون ديال دارهم گالس بحوايج الدار وحداه حسام
..التلفازة شاعلة بيناتهم وهي اللي كاتفرج فيهم حيت حتا واحد ممركز معاها.. غير ساهيين وكلا مرة يتنهد واحد فشكل جابو الضيم لعيشة وعيااات تصبر ليهم هي تنهض نهضة وحدة قفزاتهم بجوج
نزل بالزربة و كيف فات الباب بدل ملامحو للتخنزير لقاها مدخلة ايديها فالمونطو وكاتتبسم ليه بغنج.. جرها من مرفقها غادي بيها لسيارتو وعلى غفلة منو جرااتو بسرعة للخوية اللي ورا دارهم كاضحك وهو مافاهم والو..الخوية الخاوية والمضلمة اللي شهدات اول قبلة ليهم بدون وعيو وبكامل وعيها.. بقات ضاحكة كاتشوف فيه وهو مطلع حاجبو وگال برخامة
نزل بالزربة و كيف فات الباب بدل ملامحو للتخنزير لقاها مدخلة ايديها فالمونطو وكاتتبسم ليه بغنج.. جرها من مرفقها غادي بيها لسيارتو وعلى غفلة منو جرااتو بسرعة للخوية اللي ورا دارهم كاضحك وهو مافاهم والو..الخوية الخاوية والمضلمة اللي شهدات اول قبلة ليهم بدون وعيو وبكامل وعيها.. بقات ضاحكة كاتشوف فيه وهو مطلع حاجبو وگال برخامة: شنو ؟
طلعات حواجبها بتساؤل: مافكرك هنا فوالو؟
ضور عينيه وعلى تخنزيرتو باقي.. شاف فيها ودور وجهو بلامبالات جارها وراه: زيدي.. منزلاني فهاد الليل على هادشي
عاود جراتو كاضحك: وااصبر غير نعرف بعدا واش عاقل
تاج الدين: عاقل الله اودي كاين شي حد ينسا تبويقتو اللولة
هيام: ههه ومالك كاتگولها ماراضيش
تاج الدين: هياام.. الخااطر باش نضحك معاك ماعنديش، كون تعرفي راسك شحاال عصبتيني هاد النهاار كوون تكمشتي فبلااصتك وواخا هاكاك مازال مبررد معااك..يالله فحالنا بلا مانتفرگع عليك هنا ونزيدو شوهة خرا على اللي فاتو
..بقا عاطيها بالضهر كايحك عنقو مدة وانفاس حارة كاتخرج من فمو ..عاد دار عندها ماد ايدو وقال بهدوء: يالله للدار..مابقا فيا اللي يهضر
شدات ايدو وقربات عندو بحب: هنا ..هاد البلاصة هي فين بستيني اول مرة..هنا فين دخلتي لقلبي لأول مرة ..بكلامك..بصوتك..بشوفاتك..هنا تقلبات حياتي اتاج
نزلات من عينها دمعة ساخنة..تنهد و بهدوء هز صبعو الصغير ومسح طرفها وبحنية قال: گلت ليك متبقايش تبكي
هيام: متبقاش تشك فيا..مت..
قاطعها: مشكيتش..هاد الكلمة خطيرة اهيام ونتي ماعارفاش معناها شنو..الى مشيت شي نهار حتا شكيت فيك هاد الحب اللي هاز من جيهتك غايكون تزعزع من بلاصتو وتشق..ديك الساعة عمرو يرجع كيف كان.. انا كانتيق فيك كتر من راسي..ونهار تخسري هاد التقة غانكون خسرت راسي
هيام: انا مادرت والو ..نتا گلتي باللي صيفطتي راجل للدار يجيب لك شي وراق وفاش دق حل عليه راجل كايكمي؟ وأنا جاوبتك على سؤاالك عمر شي حد دخل للدار
خنزر كتر: عمر شي جا.. متأكدة ؟؟؟
هيام: عمر شي واحد دخل للدار كانقسم ليك .. مرة وحدة كان جا عمر وانا خرجت عندو للاسنسور حدو تما مدخل ماحتا حاجة
تاج الدين: وعلاش يجي عندك بالسلامة؟
هيام: عادي يجي راه ايام ممشيت للدار وتشوش عليا هو وماما..ماديرش فيا هاد الشوفات اتاج عارفة راسي غلطت ولكن مانويت والو
تاج الدين: عاقلة شنو گلت قبل مانخرج من الدار ياك
قلبات عينيها: همممم
تاج الدين: ايوا ا *هممم* مازال نطبقها وداك اللسان إن شاء الله أنا اللي غانگردو ليك
هيام: وصافي دابا واش غانبقاو غير نتخاسمو كلا مرة على آاش..نهاار واحد بحال الناس بااقي معشنااه ااو
تاج الدين: ياك الالة، وشكوون مجبد البلااا اللي كايديرها قد رااسو أنا ولا نتي
طلع حاجبو كتر: بنت الحرام لقيتي قلبي هشيش و دغيا كايسامح.. اما راه نگلبوها قميش وصبااط هاد العشية على العاصااب اللي ركبتي فيا
هيام: هههه وهاادشي علاش كنحمااااااق عليك
بسم وباسها بوسة خفيفة ونطق: حتا انا "طلع حاجب وشاف حواليه من بعد قوصهم باستغراب" اجي كيفاش قضية بستك هنا؟ ايمتا هادشي اختي؟
ضحكاات بضحكتها الرنانة اللي كاتسمع فودنو بحال سمفونية عازفة على اوتار قلبو..بقا مبسم فيها بهِيام وهي گالت كتأكد كلامها: والله حتا بصح هههه عاقلة عليها بحال البارح وبليمارة كنتي مبوق هههه
تاج الدين: اصلا من نهار عرفتك وأنا ديما مبوق ..وديك النهار كنت مبوق بشي حاجة ولا طبيعيا ؟؟
هيام: هههه لا بشي حااجة
ضحك باسها فخدها بحنية ونطق بينو وبينها: غير كانضحك معاك احبيبتي..عاقل على كلشي
هيام: !!! بصح..حتا البوسة؟؟
حرك راسو: حتا البوسة..كنت حلمت بيها فاش يالله خدمت وشريت الدار..ديك النهار فقت كلي عرقان وكان أدان الفجر.. نضت من الفراش ونزلت ركبت طوموبيلتي بحوايج الدار وجيت حتال هنا كانتأكد هههه شفتي كيف رديتيني
هيام: هههههه
قوص حواجبو: بلاتي مادام جابتها الوقت نتأكد دابا نييت
...... ضحكات وقطعها فيها ببوسة ملتهبة حارقة وعنيفة لشفايفها كايدورهم مع كل زوايا فمها..مشتاق وعاشق وعاطش لكل حاجة فيها ومابعد الا وهو كايتنهد فوسط وجهها وگال منيم فيها عينيه وأنفاسو مظطربة: كنبغيك
عظات شفتها وبدات تنزل عينيها وطل عليه بين رموشها: ع عارفة هههه
تاج الدين: ياك اختي؟
هيام: هههه مالك هاد الليلة مع هاد اختي ههه
تاج الدين: مماليش اسليعفانة زيدي زيدي هههه
...جرها سد الطوموبيل وتم غادي فداك السقيييل وهي وراه مستغربة وگالت فحيرة
هيام: ماغادينش للدار ؟
تاج الدين: لا ..غانوريك بعدا واحد البلاصة
هيام: فين ؟؟؟
تاج الدين: صبري راها قريبة من هنا
.. .سكتات شادة فيه بيدها لخرا وكملو طريقهم
...........................
جمال: انا قدام الدار
أميمة: صافي هاني نازلة دابة
جمال: ماتتعطليش
..قطع وبقا مكروازي رجليه قدام الفيراري ديالو كايخربق فالطيلي دوز رقم تواني ورد عليه
-الو نعام امسيو العوماري
جمال: غدا غانجي..وجدو راسكم
-موجودين اسي العوماري والامور كلها تحت السيطرة
جمال: مزيان..يالله تهلاو
..... قطع فاش سمح صوت الطالون طلع عينيه ومعاهم طلع حاجبو متفاجأ فيها
..لابسة كسوة كحلة كم نازلة حتال لتحت جامعة شعرها بمشطة خفيفة الفوق وطالون فضي فرجليها..
أميمة: نتا عارف راسك شحال عزيز عليا.. واخا كانضاربو الوقت كامل وقليل فين كانهضرو ولا نتشاوفو..ولكن انا عليك نتا حليت عيني..ونتا اللي ربيتيني كتر من بابا ووالله حتا معزتك فقلبي كبيرة بزاف
محا العبوس من عينيه والجمود من شفايفو بسم فيها قبل مايشد ايدها مقبلها بحنية وقال: حتا نتي غالية عندي كتر ماكاتصوري..مكانتك فقلبي كبيرة بزاف لايمكن تعوضها شي وحدة ولا تتنسا..
خرجو وحل ليها الباب طلعات وركب فبلاصتو حتا هو ديمارا وطول الطريق ساكتين وغير كايزفر بين التانية والاخرى حتا مد ايدو حل بيها الصدايف اللولين وهي حداه مضورة وجهها للزاج ساهية فاللي غادي وجاي
..دقائق وولاو قدام باب الڤيلا.. نزلات هي اللولة طالعة لبيتها زفر وتبعها حتاا هو ..
مشا للكوزينة نيشان جبد قرعة باردة حلها وشرب نصها مخنوق ديال بصح وشي حاجة فيه عيات ومابقاتش مستحملة هادشي..
حط القرعة وتم طالع الفوق فنفس الوقت كايحل صدايف الشوميز حل باب بيتو ولقا مرجان گالسة على الاريكة ببينوار ديال النعاس جامعة شعرها البني ومبتاسمة ليه ببشاشة
مرجان: على السلامة
بسم ورد عليها داخل ومخلي الباب محلول: الله يسلمك
مرجان: أدهم گال ليا اليوم باللي غاتعاود تسافر
ضحك بالغدايد: تبارك الله عليه راه حاضيني مزياان
وقفات قدامو وشدات ايديه بحنية: باغي غير مصلاحتك اجمال..وخايف عليك لا تتهور ولا شي حاجة
"حللت أميمة فمها على مشرعو ونطقات بدون شعور: ولد القاف"
جمال: واخة هاكاك ردي ليها البال..وتهلاي فراسك حتا نتي..وداك راجلك حتا هو وانا ماكايدير فيها مايصلاح
عنقاتو باغة تبكي لكن حبساتهم بابتسامة وهو قال: شكراً بزاف امرجان.. نتي كنتي مي وختي وعالمي اللي فقدتو سنين هادي.. شكرا بزاف
مرجان:عنداك غير فاش تلقاها تزدق ناسيني
جمال: هادشي هو اللي عمرو يوقع ههه
باستو فخدو وهو مبسم ليها: تهلا فراسك ..وماتتعطلش علينا تاني
جمال: إن شاء الله
..مسحات عينيها وخرجات راجعة لبيتها ..مخلياه هو گلس على سريرو حاط راسو بين ايديه وتنهيدات حارة كاتسمع من شفايفو..
مرجان كيف فاتت بيتو خرجات أميمة من الدورة مكشكشة ودخلات عليه معصبة كان على جلستو طلع عينيه مستغرب شوية قوصهم وقال: أميمة ؟؟؟
أميمة: كيلوووخة اناايا حماارة مكتفهمش اناايا ..دازت ليه نيشان وهو كيف وقف بدات كاضرب فيه وتغوت فيساع ضور ايديه على كرشها حاكمها هي كاتتركل مابغاتش ترسا وزايداها بالغوات نفخات ليه الطبلة ديال ودنو: ياااامات الكداااب وانا كانحلم بالكواابيس بسباااابك.. ماكفاااكش الحصار اللي داير ليا زدتيها حتا بالكدووب اولد الحرااام ماااحشمتيييش وبقااات ليك غيير مامااا دخلهااا معاااك فالتخلللويض ديااالك
جمال: صااافي بااراكة
لاحها للسرير مصدومة فيه طلعها وهبطها وبلا مايعاود يفكر تحنا عليها شد ايديها اولا وهمس بوجهو قريب لوجهها وهو كايلهت: غدا غانمشي بحالي..غانعاود نمشي من حياتك..هادشي اللي غاندير دابة نسايه..محيه واخا؟
وقبل ماتفهم والا تستوعب انغامسو شفايفو على شفايفها وبدا يبوسها بشغف جامعو سنين وسنين وباغي غير يطفي ولو فتلة وحدة من اللهيب اللي شاعل فيه لداخل كايحرق ويشوط..وهي تحتو قريبة تموت بالصدمة مشرعة عينيها وكرشها كاتتمغص وتهرها ماقادراش تركز على حاجة وحدة من غير بوستو اللي كانت آاااسرة لشفايفها بامتياز
صباح جديد صبر وجاب معاه احدات جديدة..
صبحات فيه نجاة معنقة مخدتها وساهية قدامها كاتفكر وتعاود.. الراس ولا فيه موضوع واحد هو حسام والدماغ كايفكر فشخص واحد هو حسام .. هضرتو تعيا ماتحاول تتجاهلها ولكن كاترجع تتعاود ليها فدماغها ومعاه حتاا الوشوشات اللي لاحت ليها هيام اللي زادو وشوشوها وخربقو ليها الحبال المنطقية فالدماغ
.. زفرات للمرة الألف وقبل ماتنوض صونا ليها تيليفونها هزاتو شافت إسم "عادل"
..عاود طفاتو ولبسات پانطوفتها وكاتكسل ومعندها خاطر اللي يمشي للخدمة..تمات نازلة لتحت خاشية ايديها فالپيجامة ديال الدار وكتعيط
نجاة: عويشة ..كاين شي فطور..ماامااا
دخلات للكوزينة لقاتها كاتصفر وحس الماكلة مافيهاش..طلعات عينيها فالساعة اللي فالحيط لقات العشرة ديال الصباح هي تكشر ملامحها.. ميمكنش تكون مازال مافاقت ولا تكون خارجة بلا ماتعلمها..ضارت غادة للصالون وكيف دخلات لقاتها غادا جاية مدورة على راسها الحامض والتيليفون فيدها كاتعيط وتعاود ومن ممشيتها التقييلة باينة بقا ليها شوية وتسخف..شافتها هاكاك هي طلع حاجب ودارت ايدها على خصرها
نجاة: اويلي تي مالكي..گلسي گلسي بعدا وفهميني شنوو وقع
عيشة: داك البهيمة ديال خوك بغاا يسيفطني عند خويا وميمتي.. لا لا ماافيهاااش باغي يقتلني..اميمتي اميتي وماكايجااوبش وعلااااه عندو الوجه باش يجاوب..عندوووو الوووجه ماازااال
نجاة: ااعلاش شنو دار..وگلسي بعدا واش ماناعسااش
تلاحت على السداري ايديها على راسها كادورو وتندب: وااافيين شفتووو فيييييييين واانا الليل كاامل فايقة كانعيط ليه وهو منخلني..الله يااربي الله شمن دنب درت حتا توريني هاد لياام الله
نجاة: علااش شنووو داار غيير گولي ليا بعداا نفهم
عيشة: شفتوو الباارح بعينياا نازل عندهااا للشاريع..شفتووو بعينيهااا ماگاالها ليا حد ولخاااطرو كايضحك معااها بنت الحرااام..لا لاا شي سحووور تمااا ..اااه ماتكون غاسااحرة ليه بنت الهم حتاا مابقا يفقه والا يعرف شنو كايديييير ونساااا دااااكشي اللي دوزاات علييه الكاافرة بالله
خارج الشركة وقفات الرانج ديال هيام ومنها نزلات بسروال جلد اسود وتريكو بيض خفيف مشبك فوقو جيلي ديال الجلد نازل حتال الركبة ..شعرها ضافرة منو جيهة وحدة من الودن والباقي مطلوع على كتافها..
دخلات مع الباب كاتزرب وطل على الساعة ديالها ..
طلعات للاسنسور دغيا لطابق الاجتماعات فين كانت واقفة المساعدة ديالها وغير شافتها مشات عندها كاتزرب
هيام: واش جااو
المساعدة: اه امدموزيل كان يسحابلي ماغاتجيش
هيام: ياكما تعطلت بزاف
المساعدة: عاد دخلو للقاعة ومسيو العورابي گال باللي عيانة شوية داكشي لاش ماغاتجيش..وخدا من عندي التصاميم اللي حضرتي
جاوباتها وهي متاجهة لغرفة الاجتماعات: واخا رجعي لبلاصتك
..لداخل..
كان تاج الدين گالس جنب الوزاني عاد كيحلو الملفات وحسام قدامهم فراس الطاولة هو اللي غايقدم ليهم العرض ويتكلم على المشروع اللي صايبو
..حتا تدق الباب وتفتح من طرفها جاية مبتاسمة بهدوء عكس كي كانت دابة شوية و بأدب قالت كاشوف فيهم بجوج
هزو من حداه وعلى شفايفو شبه ابتسامة مدو ليها وفنفس اللحظة غمزها وسيفط ليها بوسة فالهوا..
عضات شفتها باش تحبس الضحكة وخدات الملف بالزرربة مبعدة عينيها عليه وسلطاتهم على حسام اللي مركز كايقاد الفيديو فالپيسي..شاف فيهم وورك على زر صغير حداه تسدو الخوامي وضلامت الغرفة وشعل الظاداشو.. وهو بدا يهضر على التصميم المشترك بين تاج الدين وهيام واللمسات الخاصة اللي تضافت واللي تحيدات..
فوسط انشغالهم كلهم على الفيديو كانت البرانسيسة كاتتبسم بخبت على فكرة طاحت فبالها وبالمهااال حيدات الطالون من رجلها وجبداتها لجيهتو كاتقلب على رجلو..
كان ساهي بتركيز فالفيديو وفاش كاتتغير الصورة كايضوْر جنب راسو عند الوزاني يشرح ليه نقطة بنقطة مع حسام
..حتا حس بملمس دافئ و ناعم طلع ليه مع الرجل هو يتنفظ من بلاصتو مجبد عينيه لتحت ساعة مابان ليه والو
قاد بركتو وضور راسو لحسام الوزاني ضحك وكمل المشاهدة..
حتا زغبها الله تاني وبدات طلع رجلها شوية بشوية وهو مخليها ومخلي داك الزيگزااگ يطلع مع داتو ويوصل لنبضات قلبو تاخربقهم ليه هوما والتنفس وصدرو رجع كايتزعزع
..تما هبط ايدو وشدها من گدمها شدة وحدة مابقا طلقها وحطها نيشان على منطقة السي السيد غير حسات برجلها فين هي تنخض وحماارت بحال مطيشة..شافت فيه كاتمعني بعينيها يطلقها ساعة عطاها ضحكة جانبية وبيدو لخرا دوز طرف صبعو على الطلعة ديال رجلها بإتارة خربق ليها التنفس حتا هي وقلبها ضرب ضربة وحدة كاتحاول تجرها ساعة كاتلقا راسها غير ماكاتزيد تمحكك معا المعلم وهو عاض عليها فمو وكايتحلف براسو ركبات فيه اللي مايتركب و مابقا ليه والو ويتلاح عليها فغرفة الإجتماعات
تشعل الضو على غفلة منهم وتما جرات رجلها بقوة كاتولول اشداني لاش مشيت جات ضحك معاه زدقات هاجراه ..لبسات الطالون دغيا وهو زاد حرك الكرسي للطبلة بلا فرشة هاد النهار
الوزاني بابتسامة فخر: تبارك الله عليكم ماخليتو ليا مانگول ..فعلا خدمة پروفيسيونيل و متقونة كيفما كنت كانضن
الوزاني: كنت عارف من اول مرة جمعتكم باللي غاتخرجو شي خدمة من داكشي الرفيع هههه والحمد لله ماخيبتوش ضني
تاج الدين: حيت كنت مع الشريك المتالي..وهيام كاتخلي عقل الواحد وقلبو منساجم معاها بكترة الابداع اللي عندها
رفرف قلبها وبسمات فيه بخجل وحيت الاطراء جا منو هو بالدات ماعرفات شنو تگول مازال وهو ديك التزنيگة اللي طلعاتها خلاتو ساهي فيها واول مرة يشوفها حشمانة من كلامو..
الوزاني وسطهم زاد موسع ابتسامتو كايشوف فهادا وهادي لاهو لا حسام اللي حرك راسو بلا حول ونزلو على الپيسي كايطاپي فيه فحين الوزاني ناض هاز تيليفونو
الوزاني: : غاندير واحد الاتصال دغيا ونرجع
تاج الدين: خود راحتك
مشا خرج وتاج حدو مد ايدو لكرسيها جرها هي وياه لجنبو حتا طلقاتها بضحكة وهو مبسم
تاج الدين: شنو نديير لطاسيلتك دابا مممم
خرجو عينيها كاتنعت ليه جيهت حسام وهو ضار ليه
تاج الدين: هييه رووميو
طلع فيه عينيه وحركهم بشنو
تاج الدين: نوض نوض بدل ساعة بخرا
بحرج همسات ليه: احم تااج حشوومة
حسام: وعلاش اسي عنترة بن شداد
تاج الدين: على المشماش واا نوض سير هضر مع جولييت صبح عليها متعرف تحن من جيهتك شوية وخليني أنا مع جولييت تاعي ههههه
بنظرات ناايمة كايشوف فشفايفها: ماقدرتش نفيق حبي من ديك النعيسة.. وعلى بونت كنت غاندير بناقص حتا انا ونبقا غير مخشي حداك
هيام: ههههه مزياان باش يجريو علينا دقة وحدة
تاج الدين: اححح على قبلك نبقا شومور تيتي نيني حدااك..واري لحبيبك شي بوسة يفتح بيها هااد الصباح راوالله مافاطر
هيام: بعد لهييه راحنا فالشكرة هههه
بطفولية قرب ليها كايتفشش: غاوحدة شوفي معانا شوية
هيام: ههههه نااري على حمق
تاج الدين: وكايحماق على طاسيلتك
...گالها وجرها يبوسها تزامنا مع الباب اللي تحل والوزاني اللي تم داخل كايشوف فيهم كل واحد فين بارك مضور وجهو.. تاج الدين كايحك رقبتو ويحنحن وهي كاتسرح شعرها وتشوف فيه منظرهم خلاوه يهز حاجبو بشك ويگول: ياكما قاطعت عليكم شي حاجة
تاج الدين: لا لا بالعكس جيتي مع الوقت هو هاداك
هيام: س سي الوزاني الى ماكان باقي والو ممكن نمشيو
الوزاني: اه معلوم تفضبو.. انا غاناخد هادو نعرضهم على مجلس الادارة وتما غانحددو الموعد ديال البدء فالمشروع
ناض تاج الدين سلم عليه: وحنا غانتسناو بفارغ الصبر
ناضت هيام حتا هي تسالمات معاه وتمات خارجة هي وتاج الدين حتا عيط ليه الوزاني وضار عندو
تاج الدين: نعام بغيتيني فشي حاجة؟
هيام: انا غانخليكم
..خرجات وبقات برا كاتتناه مبتاسمة..حتا صونا ليها الطيلي لقات اوما راسلة ليها رسالة فيها
.. قرب عندو الوزاني وبهدوء قال: الهضرة اللي فايت گلنا على ماكانشوف جابت نتيجة
تاج الدين: مفهمتش؟
الوزاني: نتا ومدموزيل العلالي بينااتكم شي حاجة...
قاطعو بحدة وصوتو منخافظ: هاد الموضوع متعلق بينا غير حنا بجوج وتاواحد ماعندو الحق يتدخل فيها
بابتسامة رد عليه: عارف اسي العورابي..نتوما كاتشكلو تنائي رائع بحال كيف گلت ليك..ولكن بغيتك تبقا مفكر هضرتي ..الخدمة خدمة والحياة الشخصية حاجة خرا
تاج الدين: شكرا على النصيحة اسي الوزاني، نهارك مبروك ..
خرج وخلاه مبسم وراه وبسهوة نطق: الحب هههه
.....ضار للسرجم ديال مكتبو وبقا كايشوف منو الشاريع اللي برا.. لمحهم بجوج خارجين من الباب ايدو على ضهرها وكايهمس فودنها بكلام كايقتلها بالضخك ويخليها تبعد وهو يقرب كتر..باسها فخدها وحل ليها الباب طلعات ومشا ركب حتا هو وديمارا
..عاونها حتا حطوها فاللوطو وهي كاتنهج بخووف حيدات ليها الساروت ومشات كتجري ركبات مكان السائق وطاارت للسبيطار ..خلاتو حال عينيه من اللور كايبرگگ
بالمدينة الحمراء مراكش وفالقنت ديال أحد الأحياء الشعبية تاعها حبسات الفيراري ديال جمال وسكتها طايرة ليه النقشة..
..شافوه جوج من رجالو اللي كانو واقفين تما هواط يتم جاي عو واحد فيهم بلا مايلفت الانظار هبط جمال الزاج وتحنا عندو لاخر
جمال: كيدايرة الأوضاع هنا؟
-باقا كيفما هي اسي العوماري
جمال: هاداك خينا خرج؟؟
-لا مازال اسيدي راه باقي لداخل..ولكن شوية ويمشي يصلي الظهر
زير على فكو وگال تحت سنانو: والهضرة اللي گلتي البارح متأكد منها؟
-اه اسيدي متأكد..نفس المرا كلا ليلة كاتاكل قتلة ديال العصا منو وغواتها كايتسمع حتال عندنا..بقينا شحال كانتأكدو عاد علمناك فاش تيقننا
زير على الڤولون وضور وجهو مقنصو على باب الرياض قدامو: صافي غير سير
-واخا امسيو
.... مشا هو رجع لبلاصتو حدا صاحبوو وجمال طلع الزاج وبقل مخنزر كابلاني فدماغو وعينيه على الباب..
بعد لحظات قليلة تحل وخرج منو راجل غليض قصير شوية وسمر ماعندوش حس اللحية ولا الشعر فراسو بمعنى انو صلع
..سد البااب وهو هاز الصلاية ولابس فوقية بيضة متاجه للجامع ..داز حدا سيارة جمال وبقا مستغرب من تواجد سيارة فاخرة بحال هاديك فدربهم
..فحين جمال نزل فورما فاتو وتم غادي لجيهت الباب بعدما اشار لرجالو يراقبو الوضع وهز ايدو كايدق
................................
لبس تيشيرت بيض ودجين زرق قاد شعرو بيديه ومشا لتيليفونو اللي كان حاطو يتشارجا بعدما لقاه طافي من الشارج
..حلو وكيف شعل بداو يوصلوه العدد الهائل من المكالمات سوا من نجاة ولا عيشة دخلووه الشكو كمش عينيه مستغرب
..دوز رقمها كايصوني ساعة لقاه طافي..دارو فجيبو وتم نازل لتحت حل باب الدار وتلاقا مع واحد السيد خارج من الباب اللي قبالتو كايتسالم مع واحد الراجل ويقول: إن شاء الله يكون خير اسيدي غانجيب المدام ونشوف واش تعجبها
-إن شاء الله " انتابه لتاج الدين اللي كايسد الباب ومشا عندو مبتاسم" واشاوا تاج الدين هادا
ضحك وسلم عليه: سي نجيب بيخير
سي نجيب: الحمد لله اسيدي ونتا شنو خبارك كيف دايرة الواليدة وواحد الباشير شتايعاود
خدا نفس وجاوبو : الواليدة الحمد لله.. وخابي الله يرحمو
بصدمة: الله اكبر ايمتا هادشي!!؟؟
تاج الدين: شي سيمانة دابة
سي نجيب: إنا لله وانا اليه راجعون الله يصبركم اولدي والله مافخباري راه عارف ..البلاد بعيدة على كازا وكانجي مرة العام
تاج الدين: مامشا معاك باس اسي نجيب عارف اللي كاين..شفتك بحالا غاتكري الدار واش رحلات المرا اللي كانت فيها؟
سي نجيب: اييه اولدي علاه مافراسكش
تاج الدين: شنو؟
سي نجيب: السيدة اللي ساكنة حداك شدوها البوليس
تاج الدين: البوليس؟؟؟ ايمتا هادشي؟
سي نجيب: اييه اسيدي البارح صونا عليهم شي حد وشكا بيها وحتا هوما جاو لقاوها متلبسة كاتفسد مع شي واحد مزوج.. الله ينجينا من هاد الاشكال وبغيت هادا اللي صونا عليهم فينما حط رجلو يربح بينها على حقيقتها
اشمأز وجه تلج وتم قالبو: تفو على مرض..وزعما ماكانتش باينة فيها
سي نجيب: بنادم ماتعرف شنو يطلع منو اولدي غالله يحفظنا وصافي..يالله نتا بلا مانعطلك على شغالاتك الله يعاونك وسلم على الواليدة
تاج الدين: مبلغ اسي نجيب سلم على مالين الدار
..ابتاسم ليه وركب فالاسنسور خلاه هو دخل للبارتما
..نزل لتحت غادي لسيارتو هو يطير عندو العساس كايعيط: سي تاج الدين سي تاج الدين
ضار ليه مخنزر: شكاين نتا ماالك؟
دق فباب خشبي عريض تسنا شوية عاد تفتح من طرف مرا كبيرة فالعمر سمرا بملامح مراكشية غليوضة وقصيرة..لاوية على خصرها طابلية مطرزة وهازة جلايلها باش يبان سروالها القندريسي حتا هو مطرز وگالت بلهجة مراكشية كاطلع فيه وتهبط: اشحب الخاطر اولدي
جمال: ساكنة هنا واحد السيدة سميتها مينة؟
المرا: اييه كاينة وشكون نتا اللي بيتيها
جمال بغيت نهضر معاها فوضوع مهم
المرا: ء أ واخا وادخول بعدا.. زيد اولدي دخل "سدات الباب ووصلاتو للصالون اللي مقابل مع المراح كبيير گلس وهي قالت محنية عندو" اشنو بيتي تشرب اولدي قهوة ولا اتاي؟
جمال: لا مبغيت والو ميغسي..كلميها ليا عافاك
المرا: ايه دروك نمشي نعيط ليها مرحبا بيك
مشات كاتزرب وهو زفر بقوة مسح وجهو من التوتر ويقا گالس كايتسنا .. طلعات هي مع الدروج قبالتو عراض مجلجين ودخلات مع أول بيت فاليمين كاتعيط بالهميس..لالة مينة ..الالة مينة واحد الولد كايسول فيك
..........
هيام: لا والله ماكاينة شي حاجة گغاڤ راه الطونسيو اللي نزل ليها
تاج الدين: واخا اعمري اللي بغيتي ..انا غادي عند الواليدة غانتغدا عندها من بعد ندوز عليك ومن تما نمشيو للدار بجوج
هيام: واخا اللي بغيتي
تاج الدين: كنبغيك
ضحكات: حتا انا
تاج الدين: حتا انا و كمل من عندك؟؟
هيام: ههه هي هاديك يالله باي ههه
تاج الدين: غاتقطعي غان..
...قطعات فوجهو كاضحك وضارت لبيت ماماها..حلاتو ودخلات كاتشوف فيها و كان الطبيب كايقاد ليها السيروم
هيام: كيف بقيتي دابا شوية
عايدة بشحوب حركات راسها والطبيب شاف فيها بابتسامة وقال: لا دابا راها مزيان خاصها غير متبقاش تتعصب بزاف .. فاش يكمل السيروم ممكن تمشي ولكن نوصيها بالراحة
هيام: ميغسي دكتور
الدكتور: العفو..خليت ليك الراحة امدام عايدة
خرج هو وهيام قربات الكرسي حداها وگلسات كتتمعن فيها، مشوشة على حالتها وماقادراش تفهم هاد التقليبة اللي تقلبات فخطرة وكيفاش بنادم بين ليلة ونهار يتقلب مية وتمانين درجة من صورتو الداخلية والخارجية
هيام: ماما واش عندك شي مرض؟ مقلقاك شي حاجة ولا شي حد ؟
بسمات بانكسار وقالت: رجعتي كاتگولي ليا ماما
تنهدات: دابا گولي ليا مالك..حالتك مابقاتش عاجباني وحاساك مخبية عليا شي حاجة..گلتي قبل ماطيحي باللي بغيتيني فشي موضوع ياك؟
عاليا: عمر شدوه البوليس البارح
ردات ببرود: ومنبعد
عاليا: هيام .. واش عندك شي دخل فهادشي
هيام: هه وعلاه أنا اللي گلت ليه يدخل فالسفقات المشبوهة ويبدا يبيض الأموال للمافيات..كلا واحد وكيتحاسب على اعمالو..وعمر بالدات تقال ليه الميزان وجا الوقت فين يتحاسب
عاليا: نتي ماعارفاش راسك شنو درتي و كون تشوفي البارح فاش شدوه البوليس هو غادي وكيتحلف عليك بالشر
هيام: الكلب اللي كاينبح مكيعضش..وعمر هو أكبر كلب عرفتو وفاهمة دماغو مزياان..دابا انا ماشي بوحدي ومعندو كيف يدير يآديني..الى كنتي مقلقة من هاد الناحية غير ريحي بالك..والى شي حاجة خرا نتمنا تخوي منها راسك حيت حالتك مابقاتش عاجباني
شدات ايدها كاتتنهد بألم وقالت: سمحي ليا..بغيتك غير تسمحي ليا احبيبتي..عافاك سمحي ليا على كلشي
خرجات وخلات دموع عاليا كاينزلو و ايدها محطوطة على فمها كاتمة صوتهم..
فحين هيام مشات لمكتب الدكتور دقات ودخلات عندو بابتسامة
هيام: دكتور مسالي عافاك
الدكتور: وي بيان سوغ تفضلي..بغيتي شي حاجة
هيام: وي ..الى كان ممكن بغيتك دير فحص شامل لماما..شاكة فشي حوايج وبغيت نتأكد منهم
قدام باب دار عيشة مبلاصي سيارتو وهو لداخل محني كايكتب فورقة..مللي خرج من الاجتماع وهو هنا واقف بطوموليتو كايتسناها تخرج، بعدما عرف من الپيسري باللي علماتهم ماغاتجيش هاد النهار..
سالة الرسالة وشاف فيها مرة خرا كايزفر حاط قبضة ايدو على فمو ومخنزر فيها..على آخر يامو ولا يسيفط فالرسائل بحال المراهقين..كون غير جاوباتو فاش بدا يصوني ليها ولا غير تخرج من الدار باش يقد يهضر معاها ..بغا يدوي يخوي قلبو مرة خرا ويحيد هاد الغمة اللي ركبات فيه هاد اليوماين..وبغا يسمع داك الراس عندها شنو تايضور فيه بعدما مشات وخلاتو بلا جواب بلا جوج بحال الحنش المقطوع ليه راسو..
طوا ديك الورقة نزل من سيارتو ودخل للدار الفوق عارف باللي عيشة مكيناش ومجاتش هو يدخل بلا متكون وعارف باللي كلمة جوج غايبداو يتغاوتو ويديرو الشوهة تما..
فآخر حل لقاه هو انو لاحها تحت الباب وبسرعة بحال الشفار نزل كايحك راسو، رجل غادة بيه ورجل راداه وتگول ااش هاد التخربيق احسام ااش تتزمر
..فالاخير وكل امرو لله وركب سيارتو مديماري من الدرب وكايقنع راسو ميضحكش على راسو راسو المكلخ
..هو مشا من جيهة.. ومن جيهة خرا جاية سيارت تاج الدين..
وقفات قدام دارهم ونزل طالع ليها..دق ومحل عليه حد هو يجبد ساروتو حل الباب وأول مالمحات عينو هي الرسالة..تحنا هزها كايقلبها فيدو مقوص حجبانو وضار سد الباب وتيعيط
خدا نفس وبتبات گاال: انا تنعرفك .. زعما غير مؤخرا عرفتك فين كاينة..ولكن تنعرفك سنين هادي
مينة: شكون نتا و شنو سميتك؟
جمال: جمال..انا ولدك الا مينة
رمشات تواني فيه ساكتة..سحاب ليه باللي مسعاتوش ورجع قال: ولدك..انا ولدك اللي خليتي عند حماتك كتر من عشرين عام هادي..عاقلة بعدا باللي عندك ولد ولا والو..لالة مينة؟؟؟ كتسمعيني
قبل ماينوض زاددو برجلوو لكرررشوو وكاايعااود ديك "ختييي" حتا بخ حسام الدم وجعر هو برااسو مافااهم تاوزة وماطاحتش ليه فالبال باللي تاج غايكوون عرف شي حاجة داكشي لاش وقف وعطااه بدورو ضربة قاصحة للوجه وبدا يغوت حتا هو معصب وفمو خااسر بحال صاحبو: ***ممملتييي لدييل مك شكاااين المرررررض
ضاار ليه تاج مكررره والرسالة اللي كان مكمشها فيدو لاحها ليه على وجهو.. تما تحلو عينين حسام وجمد الدم فعروقو.. مابقا عرف فين يحط الراس شنو يگول دابا وكيفاش غايشرح اما واحد الدماغ حدو نطق ليه بكلمة وحدة قبل مايزيدو تاج الدين الكروشيات "وانااري على حماار"
بداات الجووقة تتجمع عليهم حاضيين الملاكمة وهووما مشاابكينها سباان ومطايفة شي ناس كبار هوما اللي تدخلو كايجروو فتااج الدين وهو غير جيب افمي وگول مابقا قشع واالو ومحشم من حد لدرجة كللشي تصدم منو ومن خليقتو اللي كااتخلع حتا ولاو فيه عشرة
حسام دفع الرااجل من حداه وقرب ليه بتحدي مخررج عينيه ووجهو عامر ديامات: واكااانبغييها دخللها لدمااغك ولا لهلاااا دخلها سوووق كرررر* هاادااك.. وختتك نتااا اتاااج الدديين و على قبلك نتااا سكتت هاااد السنيين كلهااا وشفتي الى طلعاات حتا هي كاتبغيني واااخاا تقطعني طراااف ماغانتفررق عليهاااا
تاج الدين: اعععع "زااد جعرو والناس مقسومين على جوج شي كايتبت فحسام حيت اصلا ماباغي يضرب والا يضارب المشكلة فصعصع اللي بغا غير منيين يدووز ليه حتا هو جنب فمو مجروح كايقطر دم وتحت عينو حمر ماحااسش بيهم وبااغي غير الوجيبة فين يطيح الروح والله كبيير..مد ايدو و جر كرسي من حدا القهوة وجرا بالزربة جيهتو هزو للسما و قسمو على رااسو حتا جا طاايح الارض بغا ينزل يكمل عليه ساعة جروه الناس بالجعرررة ضررب رااجل كبيير حداااه فداا فيه دووك الاعصااب وشي وحدين عيطو للإسعاف فقط البوليس مجبدوش حسهم بحكم درب واحد وهو ولد الحومة عارفينهم عشران كتر من الصحاب وهادشي اللي زاد صدمهم وخلا الاقاويل تتداول على نجاة وحسام وبداو الفام تيتحلو مع اضافة الفيخرات والعطرية ..
دفل ونفضهم من حداااه بغضب: حيييدووو اولاااد الكلاااب يقرررب ليا شي حد نقبببر اصل مووو .. ونتااا ازااا***** بن ال***** حساابنا ماساالاااش هنااا عقلل عليا مزيااان
....خلااه طاايح بالدوخة وهو ضار غادي لدارهم مطرطقين ليه صدايف القاميجة ووجهو حالتو بالاعصاب والدقات الي عطاه حساام..طللع مع الداار وودنيه كايسمعو اصوات عيشة
فالصالون واقفة عيشة تتشارجي تيليفونها بالنگير والسبان حتا تفرع عليها باب الدار ضارت بالزربة وغيير شافتو هي تشهق وطارت لييه مخلوعة
شافت فيه نجاة بعيون دامعة ونظرات كره طاح من عينها بزاف فاش شك فيها وعلى يدو اللي عمرو هزها عليها الا بالضحك..خرجاتو عيشة بزز كايغووت وهي طلعات كاتبكي لبيتها خبطاات الباب وبقات مورااه حاطة راسها على رجليهاا وتتهز بالدموع
تاج راسي الجزء 11
محتوى القصة
التنقل بين الأجزاء