تخربق الفراش وايزار خفيف مغطي نصو التحتاني وهو بدورو مغطيها ملتاهف بسبب حرارة انفاسها على ودنيه ويديه هو تحت الپينوار كايتلمس ملمسها الحريري ونعومة بشرتها الطفولية ببطء شديد ومتعة أخاادة..نزل يدو الضخمة مع فخدها ضاغط عليه ووجهو مدفون بين رقبتها وكتفها كايطلع يدو وينزلها وفمو نازل شوية بشوية حتال الجوج غمازات اللي تحت الحلق غرها قبلات ساخنة تما ونزل جار شفايفو لتديها ويدو بداو يحلو عقادي الپينوار ..
تهزات بشهقة خفيفة فاش طبع قبلة خفيفة بينهم وزيرات على الفراش بنشوة..حتا حساتو كايسدو مرة خرا وطلع لفمها طبع بوسة حاارة عنيفة عاد ناض عليها كايزفر ويطلع الشورط خارج من البيت فمرة
📍واضحة انتي كالشمس..
إن أقتربت منكِ أحترق.. و إن أبتعدت عنكِ أختنق..
بين الإحتراق، والإختناق ...اخبريني انتِ ماذا أفعل؟ 📍
حيدات الغطا كاتتبسم جرات الپانطوفة ومشات للپلاكار حلاتو وجبدات پيجامة خفيفة عبارة على كولون اسود مخطط بالابيض فالجناب وپيل ابيض قصير كول V..حيدات البينوار تلاح فالارض و جمعات شعرها بعشوائيية الفوق وبدات تلبسهم كلا مرة تعض شفايفها وتتبسم
...................
ناضت من فراشها فالضلام كاتسلت واخا فبيتها مكاين حد..حيدات الخامية وطلات لقاتو باقي مركن قدام الپوطو ديال الضو مربع ايديه وجامع غوباشتو..جرات حنكها كاتندب بالفقصة اشدااها لشي حب ولا زعتر على آخر يامها ماغاتمشي حتا تاكل شي قتلة فاعلة تاركة ياعند عيشة ولا تاج الدين..
ضارت كاتسلت هزات الطيلي والبوليرو لبساتو وبهدووء تام حلات الباب..طلات يمين شمال مابان ليها حد هي تفرتح لباب الدار كاتجري على صباع رجليها حلاتو وسداتو عاد تكركبات مع الدروج بسرعة والتفتافة ديال انها تحصل راكباها
خرجان من البيت مقادة الحالة جارة پانطوفتها وودنيها مطلوقين ساعة مسمعاتش حسو
..دخلات للكوزينة وشافت داكشي اللي كان ناوي يدير كملاتو وهزات كاسرونة كبيرة عمراتها بالما زادت ليها شوية الزيت وحطاتها تغلي
..جبدات مطيشة والربيع من التلاجة حطاتهم وخرجات كادور فوسط الدار وتقلب عليه هي تسمع حس الدوش فالحمام اللي قبالت الصالون عاد رجعات كاتتبسم وتكمل شغالها
.........
حلات الباب ولاحت پانطوفتها لبساتها زيرات على الپينوار عاد تمات غادة جيهتو وعينيها كايدورو فشراجم الجيران خايفة لايشوفها شي حد
قرب كايضحك باسها فخدها و نيم عينيه: نتي ملكتي القلب والكبدة والطيحان شتي الجهاز الهضمي كامل ديالك احبيبة.. ومنهم اهم واحد "غمزها بهمس وعض شفايفو" سي الباشة..راك حمقتيه وبديتي تقودي معااه الضواصا....ضربها للترمة وشداتها مخرجة عينيها حمرة
هيام: تااااج
تم خارج كايدور فراسو ويضحك: الصببر الصببر معاك اختي
...............
قدام دارو وقف اللوطو ..ابتاسم وشاف فيها كايحيد السمطة، نزل وخلاها مقوصة حواجبها باستغراب ضار حل ليها الباب ومد يدو
وقف وحيد من قدام وجهها باش تشوف منظر رومنسي خيالي خلا عيوونها تبرق باندهاش وقلبها يتنفض بحب شديد .. الورود اللي دايرين بالجردة محطوط عليهم بولات بيضين صغار زادو برزو الوانهم المختلفة، واوراق ورد بيضاء منتورة فكل مكان الا فالبلاصة اللي الوسط مرسوم عليها بشميعات صغار قلب كبيير مكتوب وسطو بورد الجوري اسم * Najat *
..وتحت الاسم موضوعة علبة مربعة صغيرة مسدودة ..داخت وبقات غير تترمش دور هنا وتشوف هنا منداهشة وقلبها بغا يخرج من بلاصتو
....لبسات زيفها بالزربة وصندالتها بالمقلوب وخرجات من البيت غادة للباب وتگول ياربي..حلات وغير شافت جارتها قوصات حواجبها وميقات جامعة يديها وتمتم: مسينا على الله
-ختي عويييشة شخباارك لابااس عليييك
سارة: كيداايرة اخالتي صاڤا؟
عيشة: نحمدو الله ونشكرووه اختي كلتوم كنت نااعسة سمحو ليا..ياك لاباس واقعة شي حاجة
نفخات عيشة مميقة فمها وهي كملات: ااايييه هاادوك..ويااختي وأنا كاانشوف ونحقق كاتبان ليا نجااة خارجة مع باب الدار كاتسلت وماعرفت شديك الحالة لاابسة وكلها مزوقة..حلت باب الطاموبيل ااختي ورككباات معااه ومشااو عيييت نعييط عليها وهي والا بغاات دوور
سارة: اخالتي نعلي الشيطان راه لوجه الله جات ماما تنصحك وتالا ماتيقتيش سيري تأكدي وشووفي
عيشة: كاااين شي شيطاااان قددددهم اترييكت الزناااا..ايييوااا اللله ينعلل الللي مااايحششم ختفوووو على الكمااااامر الللي كبرررها ليييكم ووليتو طااااولو على سيااادكم ..وااااااشهدوو اعباااد الله رااااه ماكانجبدهااااش.. شهدووو على هاااد بنت الحرااام هي وبنتهاااا رااه مكنضلمهش .....تلاحت عليها من الشعر كركباته مع الدروج جاات على يدهاااا وشداات بنتها سيفطااتها ليها حتا غووتو بجووجات بألم..گفداات پيجامتها مزياااان والخرقة اللي فوق الرااس طااحت خرجو الگروون لعييشة وتبعااتهم كاتعطيهم بليدين والرجلين وهوما الضربة اللي جاو فيها على الدروووج دوخااتهم ولوات ليهم الضلوووع بقا ليهم غير الفم هو باش كايغوتو لشي حد يفكهم منها "واعتقوو الرووووح..وااااعتقوونا اعباد الله"
خرجات نجاة عينيها شافت فيه و قالت: هادا صصوت ماما..اااويلي شنو واقع
بغات تنزل وشدها بحدر: فين غاادة هاكة حماقيتي راه غايشوفوك
نجاة: نزل نزل دغيا نزل
...طفا اللوطو ونزل موراها غادة كاتحاشة مع الحيط حتال القنت ديالو وخرجات راسها كاطل بنص عين فالجقلة ديال الناس حدا باب دارهم كلتوم مدرگينا العيالات وعاطياها بالظهر كاتشير بيدها وتغوت على عييشة اللي صافي الجنون خرجو
كلتوم: اييوااا سيري كللميها..يالله يااك فاتت نص اللليل فين هي هااد بنت الالة الشرييفة الفيفة الى سميتك مرا كلميهااا نشووفوووها كاامليين واااش فداارهم بحال بنااات النااس ولا بااايتة مع شي حد
عيشة: وااتفوو على الخنززز عطااات رييحتوو وولاا يحط كاابينتو على سياااادوو.. بنتي فبييتها نااعسة ففراشهااا وماتقاارنيهاااش مع بنتك اللي ضل تصااحب مع هاادا وهاادا گااع ولاااد الدرب داايزة عليهم وخباااركم على كل لساان الله ينننعس اصل جد بووووكم اترييكت الق*****
كلتوم: وااابررردي على قلبك بررردي اعوييشة هيهييي دووز على الوااد الهرهووري لاااددوز علسككوووتي كتي يتضرب بييك المتااال بولاااادك سااعة المززوق من برا شخبااارك من الدااخل
نااضت بزز كاتتعافر جيهت المراية عطاتها بالظهر وطلعات الپيجامة لقات الضربة حمرة كبيرة هي تكشر ملامحها وقالت: سيير احساام بغيت لك الساحق واللاحق.. تفوو علك وعلى بلانااتك تفوووو
...نزلات البيجامة بالزربة ومشات كتتعتر للشرجم اللي فالصالون طلات بالتخبية ولقاتهم مازال منوضينها مبغاوش يتقاداو ..خربقات شعرها بالزربة وصغرات عينيها على الشعا باش يبان فيها النعاس عاد حلات الشرجم وقالت بصرااخ وصدمة: مااامااا !!!!!..اااويلي ماالكي خلييتك نااعسة شكااديري لتحت مع هااد خيتي وصداعكم كايتسمع عندي للبييت
تلفتو ليها وجوه الجيران وهي راسمة الاستغراب والصدمة التامة على وجهها..كلتوم
رجعات تفتف وتشوف فيهم كاتسرط ريقها وهوما جمعو حجبانهم وبداو عليها ب لااحول ولا قوة إلا بالله، بقاو ليكن غير اعراض الناس دويو فيها تفووو على گنس، وااييه خصاارة بالحق اللي ماوصل للعنب كايگول حامض عيب هادشي عييب وحشوومة
جمعات عيشة النفس دايرة يديها على خصرها كاتشوف فكلتوم مخنزرة بالجهد وبسمة خفيفة على وجهها .. فحين هي بدات تمتم مخرجة عينيها بصدمة
كلتوم: والله العاالي العظييم حتا شتها بعيييني خاارجة من الدااار والله العاظيييم حتا شتها خاارجة وركبات بليماارة مع داك صاحب تاج الدين دااك اللي كان داابز معااه والله اجاراتي مكنكدب راها عااد دابة دخلات فاش كنا كاندابزو سلتاات ودخلات
نقزات وحدة من بنات الحومة كانت ووااقفة حدا الباب وقالت: من قبيلة وانا ونسرين واقفات هنايا مادخل حد ماخرج حد
دارت للجيهة لخرا ضحك ولوا يدو على كرشها رادها عندو وقال: وانوضي نوضي راه باغي ندوي معاك..هيام
بلا ماتشوف به وبصوت نائم جاوبات: خلييني غير شوية عافاك اتاج
باسها فعنقها ورد بعشق: هحح على طريفة قلبي مانسخاش بيها تنوض انا گااع هههه عندك ربع ساعة اضافية غانصيب الفطور ندوش ونرجع..نلقاك باقة خامرة نتفاهم معاك تافقنا..تااافقنا
بانزعاج قالت: مممم
..باسها وناض خرج من البيت للكوزينة ..دار الخبز يتحمص والقهوة توجد جبد العاصير والبيض والحليب هو يسمع باب الدار كايتدق..قوص حواجبو مستغرب ومسح ايديه غادي جيهتو (دق دق دق دق)
تاج الدين: بلااتي
....مع الحلة ديال الباب تحلو عينيه وفمو كايطلع وينزل فعيشة الي لابسة جلابتها الكحلة وفولارها الكحل مكحلة عينيها وكحاالت على طاسيلتو هاد الصباح
تاج الدين: ا الواليدة !!!!!!
عيشة: اييه غاتبقا واقف عمرك شتيني
تاج الدين: ها؟؟
عيشة: واتا حيد من الباب ااويلي ماشابعش نعاس
.. دفعاتو وتمات داخلة كادور عينيها فالدار مطلعة حاجب وخلاتو وراها مبهوظ باقي مستوعب..سد الباب وتم داخل كايشوف فالدروج بارتباك وغادي جيهة الصالون فين گلسات مجبدة وقالت: ايوا كاين شي فطور
حلات عيونها العسلية على اتر أشعة الشمس اللي داخلة من البالكو..حكاتهم وناضت كاتفوه وتحرك فمها بتتاقل
....فحين فالاسفل وبالكوزينة بالظبط كان هو كايزرب على داك الفطور يوجدو وكلا مرة يضرب طليلة على الدروج وعلى عيشة اللي گالسة جامعة حواجبها وضور وجهها هنا وهنا ..بقا هاكاك وايديه خدامة بسرعة حتا فاض ليه الحليب وضار طالع ليه الدم هز الكاسرونة كيتمتم بغضب
عيشة: انا جاب ليا الله بحالا شي بنت كاتعيط ليك لا؟
تاج الدين: لا اشمن بنت امي نعلي الشيطان التيليفون هاداك.. انا طاالع نجيبو فطري نتي فطري
خلاها و مشا بسرعة طالع فالدروج وهي شافت قدامها جامعة حواجبها: واللهيلا سمعت صوت بنت ؟ "حلات عينيها كتر" ااويلي زعما تكون هضرة نجاة بصح؟ ويلي مسكنهااا معاااه فدداار ووحدة؟؟؟
نفخات مرجان بندم: نددمت ااختي ندمت حتا حلييت لك فمي..راه خوفك ماليه حتا اساس تاج الدين راه ولدنا وكانعرفوه مزياان غير من طريق جمال وراهم صحاب الروح بالروح
مينة: صاحبو وداار فيه ديك الحالة ماعاساك عدوك ..لا لا اختي انا هار الولد ماااعجبنيش وماحد بنتي معاه عمري نتهنا
مرجان: وشنوو غاديري گااع تجريها من يدها بزز بحال شي بنت صغييرة
مينة: والله حتا حررت حرت حرت اختي والله..تاباش نگولها ليها منقدرش عاد عرفتها ونجي نگوليها هضرة بحال هادي ماجاتش
شافت فيها مرتابكة وقالت: و و وزعما متهضريش معاها نتي..راك بحال مها وكاتعرفيها قبل مني
حلات عينيها كتر وردات: انااا، واش من منيتك نجبد معاها بحال هاد الموضوع هي راه عاليا وكاتنوضها معاها فاش كادخل ليها فحياتها عاساك أنا.. نتي باقا مكتعرفيش شخصيتها مزيان قصح من راسها مكينش والى مشيت حتا فتحت معاها موضوع فحال هادا يمكن دور فيا گااع
مينة: وشنو المعمول؟؟
مرجان: شوفيي نصيحتي ليك بقاي بعيدة..نتي مكتعرفيش تاج الدين وميمكنش تحكمي عليه من موقف واحد زايدون راه على قبل هيام ضارب مع جمال..زيد عليها طال الزمان ولا قصار غايتزوجو راهم بجوج باغين بعضياتهم ماعندك ماديري
...دخلاات عليهم أميمة بابتسامة حلوة وكسيوة موڤية كاترفرف طالقة شعرها البني ورائجة جميلة كتبعت منها
أميمة: صباحووو
مينة: صباح النور ابنتي
مرجان: جمال فاق ؟؟؟
أميمة: واقلة مع بابا فالبيرو..عطيني ندي ليهم القهوة
مرجان: وگولي ليهم شوية و ينزلو رالفطور مابقا ليه والو ويوجد
..دارت قهوتهم فالپلاطو ووعطاتها ليها ..خرجات من الكوزينة غادة جيهت الدروج تحت نظرات مينة المقلقة وتبعاتها كاتزرب
مينة: ابنتي..امييمة واأميمة
ضارت عندها مبتاسمة: نعام اخالتي بغيتي شي حاجة
بحرج فركات ايديها وقالت: ء ء ههه غ غير بغيت انا اللي ندي القهوة..ب بغيت نشوف جمال كيبقاوصافي
شاف فيها ونترها من يدها: ء ا اه ديالي امي واش الفوطات فيهم دبال البنات ولا الدراري..دابا مفهمتش جااية هاد الطريق كااملة باش تعطليني على خدمتي وتبقششي فالدار وتقلبي الفوطات واش ديال البنات ولا دراري ءء؟؟؟
شافت فيه بملامح جامدة وقالت بهدوء: لا اولدي العزيز..جيت ندوي معاك على موضوع مهم
تاج الدين: وازيدي نهبطو لتحت تعاالي
عيشة: انا غانهبط نمشي بحالي، ونتا حتا تسالي شغالاتك وخلط عليا للدار ندويو فراحتنا دابا راك مزروب..وغاباش تكون عارف فاش باغاك ختك راه جاوها الخطاب
حل عينيه: شنو ؟؟
عيشة: اييه جا واحد ولد الناس خطبها مني وأنا موافقة
تاج الدين: مي واش تصوطاو لك السلوكة هاد النهار ولا شنو ؟؟ شكون هادو حتا تگولي اه بلا مانشااوريني بلا واالو شهااد الزمر تااني
بجدية غوتات وقالت: الزمر هو يجي الدري ويدور بيها الزنايق بلا موجب ولا شرع..ولا يضل يلوح ليها الكلام االمعسول وهي مامرتو ماجوج باغا غير فين تلسق بلا نفس..ولا يسكنها معاه فداار وحدة بحال الرخيصة خاصها غاالي يستر خنزها..هاداك هو الزمر..ولكن الحلاام اولدي هي فاش جا النهار اللول قصد الباب دق وگاليا باغغي بنتك.. غلاهاا وعطاها قيمتها اللي تستاهل وانا هادا هو الراجل اللي نبغي لبنتي
زير يدو وسناانو والغصة واحلة ليه فالحلق من كلامها وهي كملات بتنهيدة: الله يهدي ماخلق هادشي اللي عندي..دوز بخير
دازت هازة راسها خرجات من الحمام ورمات عينها جنب السرير فين مليوحة پيجامة نسائية..تنهدات بضيق وزادت خلفة مع الطريق حتا خرجات من الدار سادة وراها الباب
..بقا جامد بلاصتو مزير عينيه مدة حك جبهتو بعصبية تامة ونفخ بغضب..خرجات من ورا الخامية اللي مدرقة الدوش دازت فيه مخنووقة والدموع فعينيها باغة تخرج من البيت وتغبرر وجهها فمررة من هنا حتاا جرها من اللور بسررعة
انهارت عليه كتبكي ووجهها حالتو: طلللق مني متقييسنيييييييييييش
زيرها ممخليهاش تخرج وقال بسرعة: ششش اناا ماعرفتهااش غاتجي والله كون عرفتها جاية منحل دااك الباب ولا على الاقل نخرج عندها كنت عاارف غايوقع شي مشكيل كنت عاارف
هيام: ومن بااااعد مااالهااا كدبااات هءهء انا ماعندي نفس اتااج معنديش وشكرااا بزاااف لماامااك حييت فيقااتني
تاج الدين: داابا علااش كاديري هااكا واش كلا مرة غانضاربو بسبب نفس المووضوع؟ علااش مخلية هضرة ماعندها حتا ااساااس تتحكم فيك انا ماكافييكش هادااك الخااتم اللي فيدك شنو ممتل ليك لعب متلا؟؟
هيام: وبااش كايفييد ااصلااااا ءءءء؟؟؟..حنااا من الاول وحنا كااانغلطو ولا للصرااحة الغلط مني اناااا هءهء انا اللي جيت عندك النهار اللول بلا مووجب بلا شعر كيف گالت ماماك هءهءهء انااا اللي مني المشكييل انا وعممري نساامح رااسي
عنقها بزز منها كتغووت وقال مزير على سنانو بعصبية: نتي حيااتي حياااتي وكون ماجيتيش كنت غاانجرك من شعرك عنندي
باسها فراسها وتنخصيصها كايعلا كتر وكتر..الضربة بدمها ولا كلمة بسمها وسم الكلمات اللي رمات عيشة تسارا معاها مزياان وشافت راسها فصورة خاايبة عمرها تصورات تكونها وعمرها ضنات باللي داك الكبرياء اللي كانت كاتفاخر بيه ومخلي بنادم يضرب الف حساب قبل مايگول عليها نص كلمة، يختافي فجأة وتبدا تبان بصورة رخيصة للناس
شد وجهها عندو وشاف فيها بعيون حمراء: ششش تهدمي احبيبتي.. أنا كنبغيييك، كنبغييك وحبي ليك وااسع الدنيا كللها.. ممحتااجش ورقة باااش نباان ولد الناس ولا باللي مكنتفلاااش فهمي هااد الكلام ..نتي كاتشوفي كللشي على عيينيك كانتقااتل على قبلك بااش تواااافق حيت بلا موافقتها غانبقاو عايشين فالمشاكيل احبيبتي.. بغيت قبل ماتكوني مراتي بالقانون نقاد الساس اللي غاترسم عليه عاائلتناا ونحيد علينا المشااكيل من الطريق باش نعيشو هانيين من بعد، نعيشو مرتاحين وحتا حاجة متنكدها علينا حين عييت بلا قياااس من التبرزييط وباغي نعيش فرااحة معاك نتي..بغيتك غير تيقي فيااا..تيقي فياا عافاك وعمرك تخلي هضرة بحال هادي تشككك فحبي ليك..عرفتي واخة گاع منكونش كنبغيك يستحيل نتفلا على بنات الناس رااه عندي ختي وكنخاف عليها
مرجان: اادهم انا رااه عاايقة وعاارفة داك الدماغ شنو فيه بلا متستغبييني عافااك..هااديك راها بنتي حتا انااا وبااغا مصلاحتهاا بحاالك..ولكن اللي مفهمتش هو شنو مشكيلتك مع جماال ماالك معاااه
دار يديه على جبهتو بعياء وقال: شوية بشوية كانخسرو من ايدي..دابا گالك غايبدل الكنية اللي عطيتو..غايبها بكنية راجل يالله عرفو البارح
گلسات قدامو كاتتنهد: بغيتي ولا كرهتي راه باابااه هاداك
أدهم: ااانااا هو بااااه بزز منووو ودييك الكنية هي اللي عمرررها تتتبدل..جماااال وولدي واخااا مولدتوووش ولكن ووولدي اللي عطيتوو كللشي
مرجان: ششش غاتبقا تغوت حتا يطرطق فيك شي عرق
سكت مرخف الگرافاط وكاينفخ..تنهدات مرجان وشدات يدو بين يدها وقالت: كترت الضغط كايولد الإنفجار..هو على قبلك دار شحال من حاجة وضحا بشحال من حاجة..بجوج بينا عارفين هادشي ونتا اكتر واحد خاصك تحس بيه..حس بلي حتا هو بنادم...باغي يعرف شكون هو ومنين جا شنو اصلو وفصلو
أدهم: وااخا.. حتا انا ممنعتووش بالعكس عااونتو وقرربت ليه الطرييق حتا لقا ديك المراا..ومازال نقلب على قبرر بااه ونوصلو حتال عندو..ولكن ماشي على حساب انني نخسرو .. مانقدرش على هادشي
مرجان: وتقدر تبعدو عليك .. هاد التصرفات والعناد ديال والو غادي يبعدوك عليه متنساش باللي مربي على يديك وعنكم نفس الكركطير "دق دق دق" دخل
...خرج وهي ضربات رجلها مع الارض بعصبية وتوجهات للباب ..خرجات نازلة لتحت للصالون فين لقاتهم على حالتهم وحدة كتبمي على لخرا صدموها بجوج حتا حلات عينيها وقالت: اويلي شنو وااقع؟؟؟
................
فدار عيشة وفالصالون تحديدا..كان گالس تاج الدين وقدامو حسام مشابك ايديه وكيحرك رجلو بتوتر..ساكتين قدام بعضياتهم وكل واحد فين غادي بيه عقلو وفآش كايخمم
حنحن حسام بعد فترة وقال : شنو ماغاتگول والو؟
هز فيه حاجب ورد: دابا بغيت غير نفهم شنو تبدل بين ليلة ونهار..ياك كان تسد هاد الموضوع ..همم؟ ياك هي ماباغاش وحتا نتا خليتيه من يديك فخطرة "غمزو" شنو تزاد دابا
بعفوية رد: ايوا الحب مايشاور "شافو كايجمع حجبانو هو يقول" ز زعما يعني.. نتا عارف يعني...
...دق وحل الباب لقاها باركة مع مو فوق السرير.. دخل وقال بلا مايشوف جيهة عيشة
تاج الدين: الواليدة خرجي
عيشة: وعلااش غاخليني
تاج الدين: الواليدة ..خرجي خليني ندوي مع ختي
..ناضت كاتأفف خرجات وسدات وراها الباب ..بقا هو وياها كاطلع فيه الشوفة وتنزلها دغيا بتوتر والحمورية مكتاسحة وجهها..گلس حداها ايديه قدامو وشاف فيها بجدية: غانسولك سؤال واحد .. وكيفما كان جوابك غاندير بيه متافقين..ولكن خممي مزيان مع عقلك وديري فبالك باللي الزواج مافيهش اللعب
حركات راسها بالايجاب وقال بجدية: نتي باغاه
نجاة: آه اخويا والله
طلع حاجب وهي حمارت حتا ماقدااات وحطات يدها على فمها بدات تمتم عليه: ز زع زعما اللي بغيتي..ا انا ماعرفتش خرجات غير هاكاك بوحدا والله
تاج الدين: خلاها مولاها نييت الحب مايشاور
نجاة: ش شنو؟؟
تاج الدين: نوضي نوضي قداامي عليا اناا
وقفات ورااه كاتنش على راسها بتوتر وهو كايحرك راسو يمين شمال شاد الضحكة..نزلو لتحت ولقاو عيشة تما قاتلها بالضحك تاني والفرحة واضحة فعينيها..من يوم يومها وحسام معتابراه بحال تاج الدين كايقطر ليها من عينيها وتزادت الفرحة دابا فاش غايولي هو النسيب والراجل اللي يستاهل نجاة
وقف عليهم تاج وضار عند نجاة نص دورة قائل: گلسي
مشات تگلس حدا حسام وخنزر فيها مزيان بحدة: گلسي لهييه
جلس قبالتهم حنحن وقال: باش تفهمو واحد الحاجة..حد السااعة انا معندي حتا اعتراض..كنتو باغين بعضياتكم ماغاتسمعو مني غير الله يربح بالفرحات عليا يكون صااحبي وخويا هو الراجل اللي غايتزوج بختي..ولكن حاجة وحدة احسام "شاف فيه بحدة وقال : الا ختي..نشوف ولا نسمع شي حاجة مااشي هي هاديك كون على يقين غاتشوف مني وجه عمرك شفتيه
ابتاسمات نجاة كاتشوف فيه بعينيه كيببرقو فحين حسام هجر الضحكة وبنفس النبرة قال: خاصك تيق فيا اتاج..عمر شي حاجة غاتخصها معايا كيفما بغات تكون..كون هاني نجاة فعينيا ديما
عشية باردة .. سوداء قاتمة ورياح قوية كايتسمع صوتهم عندها فالبيت ديال مينة..ناعسة ودموعها ناشفين على خدها ومرجان حداها كادوز يدها على شعرها بحنية وشوفتها حزينة على حالها..هيام كاتوصل لهاد الحالة بمواقف قليلة ، حيت قلييل فين تيتمس قلبها..وماشي أي حاجة ولا اي واحد ممكن يمسها.. من غير الناس اللي تعنيوها وليهم مكانة فقلبها
مينة: ومالك ابنيتي على داك البكا كامل ؟؟ عاودي ليا واش شي حد دار لك شي حاجة
مرجان: ء الخدمة وصافي..وقعو ليها مشاكل تما داكشي علاش
مينة: ايوا وعلاش البكا..ربي الى مكتبش الحاجة بلاش منها ونتي تستاهلي محسن الحبيبة ديالي داابا ربي يعوضك هانتي غاتشوفي وميمتك ديما كادعي معاك
زيرات على يدها وابتاسمات..بقات هيام كاتشوف فيها وتشوف فحنان عيونها الواضح ..حنان عمرها لمساتو فعاليا..عمرو بان فعينيها وعمرها حساتو..وبهاد اللحظة شيئاً فشيئا بدا الاحساس بحنان الام كايتغلغل عندها لداخل
مينة: و واش باغة شي حاجة؟ مشهية شي حاجة ابنتي.
هيام: لا..هادا بيتك
مينة: اه هو هادا ههه "سكتات وقالت بسرعة ولهفة" الى بغيتي باتي هنا اليوم هانتي كبير ويقدنا بجوج بلا مترجعي گاع نتي لديك الدار.. واخا ابنتي
مرجان عضات لسانها من الداخل و هيام جاوبات بابتسامة وقالت: صافي واخة
هزات مرجان حجبانها مافهمات والو ومينة بدات ضحك.. هم ونزاح على قلبها وارتاح من واحد الجيهة
مينة: الله فرحتيني هههه الله يررضي عليك ابنتي الله يررضي عليك..بقاي هنا مع ميمتك ولا سيري گااع سكني بوحدك فلي بغيتي ..هانتي انا عندي شي بركة وشي دهب لابغيتيه بيعيهم وشري شي دويرة صغيرة ليك حسسن گاااع من ديك الدار مع داك خينة علاه مالكي شايطة تااتخشااي عندو يااه
تنهدات بعمق وردات: ديك الساعة كانو عندي مشاكل مع عمر راك عارفة..مهم تاج الدين فداك الوقت مات ليه خالو وكان غايسافر برا المدينة..فاقتارحت عليه نبقا عندو فالدار بينما رجع
مرجان: وعلاش عندو فالدار؟
هيام: باش عمر مايقربش ليا..يعني ديك الساعة كون مشييت لشي اوطيل كان غايعرف وكنت تاني غانولي فالمشاكل
مرجان: ولكن دار تاج لا..حتا الى عرف نتي متأكدة باللي هو موراك وغايحميك "حركات راسها كاتخرج انفاس حارة ومرجان كملات" شوفي فيا احبيبة..نتي عندك حاجة وحدة ناقصة فحياتك..من غير قوة الشخصية ماشاء الله او الخدمة أو الفلوس كلشي قدرتي تصنعيه لراسك براسك..حاجة وحدة اللي كانت خاصاك، هي الأمان ..الامان مكيتباع مكيتشرا ولو بفلوس الدنيا كلها..ونهار لقيتيه اهيام رميتي عندو راسك بلا متخممي
هيام: يعني بحال شايطة
مرجان: عاشقة احببيبتي ماشي شايطة..تفكير وحدة بحال أم تاج ولا ماماك ماليه حتا اساس حيت من منظورهم هوما كاتبان حاجة خرا..من منظورط نتي وتاج نتي مرا عاشقة..بغيتيه وبغيتي تبقاي معاه وتعيشي تحت جناحو..هادا ماشي غلطنا حيت حنا هاكا بطبيعتنا..وحنا العيالات هادشي اللي مخسرنا..واخا معرفت كيف نكونو ديما محتاجين جناح نتكاوو عليه... وديما عاطفتنا كتغلب اغلب الوقت..ولكن المرا المتمكنة عرفتي شكون هي
..حركات راسها بالنفي ومرجان بسمات: هي اللي كاتعرف ايمتا وكيفاش تسكت قلبها وتخلي لعقلها فرصة التعبير..احيانا قلبنا كايودي بينا للهلاك الى خليناه يسيرنا..حيت كيفما كان الحال العقل ليه دور كبيير فالحفاظ على الحب، طبعا الى عرفنا كيفاش نستعملوه ..
حركات راسها بالنفي ومرجان بسمات: هي اللي كاتعرف ايمتا وكيفاش تسكت قلبها وتخلي لعقلها فرصة التعبير..احيانا قلبنا كايودي بينا للهلاك الى خليناه يسيرنا..حيت كيفما كان الحال العقل ليه دور كبيير فالحفاظ على الحب، طبعا الى عرفنا كيفاش نستعملوه ..والى عرفنا ايمتا بالظبط خاصو يتدخل ..فهمتيني احبيبتي..احيانا شي حوايج خاصنا نراعيو لنفوسها شوية ومنبقاوش نفكرو غير بشهواتنا..شوفي هاد الحاجة واش صالحة ليك ولا لا..ماشي واش مرتاحة لا..واش صالحة يعني واش باقة بالقيمة ديالك ولا حاساها كتنقص
بارتباك حكات يديها منزلة راسها وقالت: انا م.. معرفتش والله
مرجان: فكري مع راسك وبشوية عليك..ديري فبالك بعدا باللي نتي ماشي شي وحدة الي رخيصة ولا شايطة..نتي غير معرفتيش تخدمي عقلك مزيان وخانك التفكير فوقت كنتي محتاجة للأمان بشدة ..واخا احبيبتي؟
حركات راسها وعنقاتها مزيراها عندها
هيام: شكرا .. شكرا بزاف امرجان ديما هضرتك كتريحني
مرجان: ههه انا غانهبط نجيب لك تتعشاي صافي
هيام: واخا
....باستها وناضت خرجات خلاتها متكية وراسها فالسقف ساهي..كاتعاود السينتة اللور وتراجع نفسها من الاول..طلعات يدها قدام وجهها وشافت فصبعها بحصرة مع تنهيدة ألم قالبة راسها للبالكو وكتخمم..
واش يكون فهمها شنو بغات توصل ليه؟ ولا بصح خدا منها موقف وظن باللي ماكتيقش فيه؟
....تحت الڤيلا مباشرة كان هو فسيارتو واقف وعينيه فالبالكوات الفوق ..حل الباب ونزل لابس تريكو اسود ومونطو بيج بكول طالع على حساب البرد..مع دجين اسود وبروطكان ..دار يديه فالجيب وبقا مقوص حواجبو كايشوف الفوق ويتنهد بوحدو حتا رن الطيلي فاللوطو ودار عندو..طلع وهزو لقا رجم مجهول استغرب وجاوب بصوتو الخشن
تاج الدين: الو وي (سمع تشاوش وهمسات وخربشات مفهم منها والو وقوص حواجبو كتر) شكون معايا؟؟ (ركز كايحاول يفهم والصوت غير واضح وقبل مايقطع تقطع الخط وشاف هو فالطيلي منيرفي ..لاحو حداه وشاف آخر مرة الفوق تنهد وديمارا اللوطو
كاس ورا كاس ورا كاس والجمرة اللي شاعلة فقلبو مزال مبغات تطفا..رد راسو اللور وواخا قوة الضجيج فالبار الا انو هضرة أدهم هي الوحيدة اللي كاتتسمع فودنيه .. هضرة كتفات يديه من گاع الجيهات وكاتزيد فيه العافية وتزندو كتر..
حس بحركات خفاف على فخضو حل عينيه حوومر تقال ولقا جنبو بنت زعرة بملابس فاضحة وميكاپ مغري..
گالسة كاتحلون عليه لكن الودنين اللي يسمعوها شنو كاتگول غايبين وناعسين..رجع لوضعيتو الاولى ساد عينيه وترك العنان لداكرتو ترجع بيه للور وبالظبط أول مرة غايسافر فيها لإيطاليا
🎬🎬🎬🎬🎬🎬
قدام المطار وقف الشيفور ..نزل جمال بملامح باهتة وقلب مكسور الخاطر..نزلات مرجان وراه كاتبكي وأميمة شادة فيها و حتا هي ضارها خاطرها ..وراهم وقفات سيارة أدهم ونزل حتا هو راسم الصرامة فوجهو
..قربات عندو مرجان معنقاه مرة خرا وففمها جملة وحدة: متغبرش عافاك..بقا تسول واخا وحاول فأقرب فرصة ترجع
تنهد وعينيه على أميمة بألم: إن شاء الله
طلق منها وبدون وعي مشا جيهتها مرة تانية زيرها عندو بالجهد حتا بغا يخشيها فضلوعو وقال بينو وبينها: غانتوحشك..غانموت من الاشتياق ااميمة
أميمة: حتا انا والله..واخا كانضاربو ولكن ..راك راعف
طلق منها كايتنهد وكلو تحت نظرات أدهم..شاف فعيونها مرة تانية ساكت وساهي فيهم بطريقة غريبة مكرهش دابة يگول شحال من حااجة ويدير شحال من حاجة لكن يديه يربوطين.. زفر دار بسرعة داخل كايتنفس بعشوائية وادهم حول عينيه ليهم وقال
رجع للواقع عينيه حمريين وقلبو كتر..تهز من بلاصتو هز الطيلي وسوارت سيارتو وتم خارج كايتمايل مع الطريق
وسط ظلام الليل والشوارع خاوية كليا من اي حركة ..كان واقف تاج الدين فوسط البرد بتشورت وجينز اسود حفيان فرجليه وعينيه حمريين كايدور راسو يمين وشمال كلو عرقااان
..تالف على الطريق وماعارف شمن وحدة يشد وزوبعة من الاصوات كاتوشوش ليه فراسوو حتا شدو بين يدييه كاارز على عينيه بشدة والحريق غادي وكيتزاد لدرجة ودنيه خرجو دم اسود قاتم طاح على ركابيه وطلع راسو مغوت بأعلى صوت
تاج راسي الجزء 15
محتوى القصة
التنقل بين الأجزاء